رواية ريحانة والشيطان .... الطاغية والبريئة الفصل الخامس 5 - بقلم jolyjojo23

#ريحانه_والشيطان .... #الطاغية_والبريئة
#الكاتبة_ام_جوليا
#قصص_وروايات_عراقية
#الجزء_الخامس
....................///////
كعدت من النوم على المنبه حتى اجهز نفسي للدروس جان عندي نشاط ان اخلص كلشي حتى يجي الليل واشوف ماما ..
مشى اليوم عادي وجنت فرحانه ولاحظت ست حوراءاني فرحانة
حوراء :
-اشوفج فرحانه شعجب اليوم حبيبتي
-ماكو شي بس عندي امل ان راح ترجع الي ماما
_ها.. شعجب شصاير
-مصاير شي بس سمعت بيبي تقنع ب بابا حتى يقبل يرجعها وهو ميقبل بس ادري بيبي بعدين تخلي بابا يرجعها..
جنت حذرة كلش مثل ماكالت الي ماما
وكملت دروسي ورجعت غرفتي اكمل الكتابة بالاحداث الي صارا حتى ماما تعرف كلشي
انتظرت بالليل كالعادة بابا اجه فرحت سلمت عليه يم بيبي وكعدت يمهم شويه اكلنه فواكه وبعدين كوتلهم اني نعسانه ح اروح انام بوستهم وطلعت وسويت نفسي دخلت غرفتي وقفلت الباب...
انتظرت بابا جوه الدرج علما يصعد فوك وشويه وصعد بابا واني صعدت وراه علكيف وهمزين مقفل الباب فتحت الباب علكيف من هو دخل الحمام ورحت يم غرفه ماما دخلت الها الاقلام والدفاتر من جوه الباب ودفتري الي كتبت بيه كلشي الي جنت اراويه لست حوراء
اجت ماما مدت ايدها بوست ايديه كوتلها ماما هذا الدفتر اريدج تقرينه اليوم واخذه منج باجر لان ست حوراء ح تسألني
كالت الي ماشي يلا ماما روحي حبيبتي ليحس ابوج بيج
-ماما .. اريد اشوفج خل ابقى مثل بارحه
-لاحبيبتي روحي حتى مننكشف وبعدين انحرم منج وهو ابوج بعد كم يوم يروح لشغله يكعد يومين من يروح رح نحجي براحتنا
شلون ماما موماعدنه مفتاح الباب العازل ..
_حبيبتي موجود المفتاح بغرفتي الجوه حاولي تدخلين رح تلكين مجموعة مفاتيح ثانيه للطابق الثاني اني جنت ضامتهم وهذني بيهم كل المفاتيح تلكيهم بآخر مجر بالميز تواليت
-حاضر ماما ح اجيب المفاتيح .
سحبت ايدماما بست (الكاتبة ام جوليا)اصابيعها حيل مشتاقتلج ياربي شوكت احضنج ياماما
ماما بجت وكالت الي روحي ي عمري مبقى شي والله موجود ورح نكون وي بعض واحسن من الاول
تركتها وگلبي يمها مشيت بهدوء من يم الباب ونزلت بهدوء ورجعت حضنت مخدة ماما بجيت حيل لان مداتحمل الفراك
مداتحمل الي يصير بينا ..
ثاني يوم كعدت وضليت افكر بطريقة ادخل بيها لغرفة ماما الجوه
ماجتي ببالي غير طريقة وحده من بابا يروح وعمة وجدان مموجوده ح اسويها ..
مشى اليوم عادي واجتي ست حوراء ودناخذ دروسنا ،.
_ها ريحانه وين الدفتر شو مطلعتيه
_ست ملحكت اكتب شي باجر اكتب الج واجيبه
-شصار مصار وياكم
_مصار شي باجر ح اكتب الج واراويج
_اوك حبيبتي انتظرج ولاتنسين مثل موصيتج تنتبهين زين وكل صغيرة وكبيرة تكتبيها
_حاضر ست
....كملت دروس وشفت محد بالبيت غير بيبي
كلت هسه ح ابدي انفذ الي اتفقنا اني وماما عليه..
دخلت ع بيبي بوستها وحضنتها وظلت هي تسمي بأسم الله وتقرا قران عليه ..
_بيبي اريد اطلب منج طلب بس توعديني تنفذيه اليه
اباوع الها بكل برآءة وعيوني مترقبة ردها وبيها الدموع مغرغرة ،..
_گولي ريحانتي اذا اگدر اسويه رح اسويه الج يابيبي قابل عندي كم ريحانة آني
_بيبي تكدرين والله بس اوعديني حبابه..
_اذا انتي متأكدة آني اكدر راح اوعدج اسويه بس اذا ماگدر هاي هيه
_خوش .. بيبي..
بيبي اني اريد ادخل غرفة ماما 😔 مشتاقتلها اريد اشم ريحتها واكعد شويه بغرفتها
فدوة بيبي الله يخليج وافقي ...
وبعدالحاحي واصراري وافقت بيبي وانطتني مفتاح الغرفة كالت الي روحي ولتتأخرين لان هي صعبة حركتها ماتكدر تتحرك خصوصا ورا الحادثة مال عمي الله يرحمه وبابا ..
دخلت الغرفة واذكرت عيشتنا من كانت ماما ويانه وشلون بابا كان يعاملنا ويدللنا وميرفض النه اي طلب وشلون تحول فجأة لوحش قاسي وشلون سجن ماما واذاها حيل حاقدة عليه ..
انتبهت ع نفسي وكلت ماضيع وقت خل ادور ع مفتاح ورحت دورت بالمكان الي حجتلي عنه ماما ضليت ادوروجان اخيرا الكاه فرحت حيل مجموعة  مفاتيح طلعت بهدوء وديتهم غرفتي جوه فراشي اطمنت عليهم ورجعت ركض للغرفة نمت ع فراش ماما وحضنته حيل مشتاقتلها بس اني مراح ابقيها بهالسجن لازم اطلعها ..
ظليت ادور بالغراض عن اي شي ماعرف شنو خطر ببالي بس حابة ادور ومن جنت ادور لكيت صور محطوطه بظرف بالمجر فتحت الصور نفس الصور الي جانت بالكاع من بابا جان يضرب ماما ...
صور غريبة منو هذا الي وي ماما وشلون حاضنها ظليت لازمتهم اتفحصهم صورة الرجال مواضحة مغوشينها بس شنو هالعلامة اكو علامة غريبة بصدرة مثل حرك بقيت مستغربة منو هذا وشنو شجابه يم ماما وشنويريد منها؟؟؟؟؟
الف سؤال دار ببالي ...
بس كلت اسأل ماما تفهمني ..
انتبهت ع الوقت تأخر خفت لايجي احد خليت وطلعت بسرعة من الغرفة ضميت الصوره الي اخذتها ويايه بغرفتي ورجعت لبيبي رجعت الها المفتاح وبوستها ...
وراها صار العشا وتعشينا اني وبيبي وحدنه وجدان ماشفناها اليوم ..
همزين مااجت اموت منها..
عدت الايام طبيعي وراها واني مرحت زرت ماما انتظرت مثل مكالت ماما .. ان بابا بعديومين ح يروح عنده دوام خفارات يكعدله يومين ويرجع ..
هسه عرفت ليش بابا كام ميروح يتأخر علمود ماما لان ساجنها فوك ..
بيوم اجه بابا الصبح ودع بيبي كال الها ح غيب يومين والثالث اني يمكم لتخافين ووجدان قريبة عليج اي شي يصير تبلغوني ...
كالت اله روح ربي يحرسك ولتخاف وليدي .. طرت من الفرح ومنتظره الليل يجي بفارغ الصبر حتى اصعد واجرب المفاتيح ...
جانت وجدان يمنه متروح الا تتأكد احنه نمنا وعود حنينه تطمن ع بيبي نامت ..
اني سويت نفسي نايمه من 9 حتى بلكي تروح من وقت انتظرت راحت هي ب 11 بيبي جانت بسابع نومة لل 12 بعد متحملت
گلت هسه ح اصعد الكل نايم والبيت متقفل وقفلت غرفتي واخذت المفاتيح وصعدت شويه شويه
لحد موصلت للباب وظليت اجرب بكل المفاتيح لحد مفتح كمزت من الفرح دخلت واني خايفه بس فرحانه حيل بابا مخلي انارة خفيفة بالكلدور رحت فتحت باب غرفته اريد اتأكد هو مموجود تأكدت من الغرف والمطبخ والحمام واطمنت كمت سديت الباب العازل حتى اطمن هو ميدخل او اي احد يدخل اريد اشوف ماما بأمان عبالي ح احميها من اقفله من داخل ...
رحت طايرة لغرفة بابا وظليت اجرب بالمفاتيح واحجي وي ماما
ماما تكلي عفيه ب بنتي جنت اعرف بيج ذكية وشجاعة وانتي سندي واخيرا ..
انفتح الباب ... 😣💔🙄
ماعرف شنو صار بيه مجموعة مشاعر مختلطة وي بعض ركضت امي (الكاتبة ام جوليا)جرتني لحضنها وغمرتني كلي بيها جانت تتلمسني وتشمني وتبجي ممصدكة ان اني بحضنها بوستني كلي قطعة قطعة مثل المضيع روحه ولكاها واني حضنتها بكل قوتي اريد اعوض الحرمان الي بيه الشهور الي عدت من غير ريحتها الملائكية اووف ياامي ..
الا اطلعج وانقذج من الي انتي بيه ..
غفيت ع ريحتها ومجنت حاسة ع نفسي مثل المفطوم جنت متلهفة لامي ...ماعرف شكد مر الوقت واني غافية ع ريحتها..
وراها حسيت بيها تبوس بكصتي وتكرصني من خشمي تكلي يلا حبيبتي شنو تنامين بحضني نعسانة ي روحي
_لاماما منعسانة بس ارتاحيت ع حضنج وريحتج
-ي روح امج هانت ي روحي رح اعرف منو الي سوه بينه هيج والا اطلع برائتي ..
صفنت عليها ..
_ماما منو هذا الي وياج بالصور..
ماما انصدمت ..
-ياصور وانتي وين شفتيههم
-ماما صور من بابا جان يضربج كانو بالكاع ومن دورت ع المفاتيح لكيتهم بغرفتج واخذت صوره منهم ..
-ليش اخذتيها شسوين بيها
ردت اسألج عن هالرجال منو هذا ماما وليش يمج جان شنو هذني الصور...؟
ماما حسيتها انصدمت من كلامي ودارت وجهها وكالت :
حسبي الله ونعم الوكيل بكل من آذاني وطعني بشرفي ويريد يخرب بيتي يمهل ولايهمل
انت ربي اريدك تاخذلي حقي وتبريني كدام الكل ..
عاقبني ياربي بس موبشرفي وبنتي يارب لااعتراض على حكمك ...
ردت حاجتني ... شوفي ماما هذي الصور مو حقيقية وماعرف شنو قصتها اصلا واصلا اني واضح اني نايمة وممبين مني شي ان اني كاعدة ..
هاي ناس تكرهني وتريد تبليني هالبلوة حتى ابوج يكوم ميحبني ويأذيني ..
ريحانة: زين منو هذولي الناس ماما متعرفيهم ؟
جيهان : شاكة بيهم بس (الكاتبة ام جوليا)ماعندي دليل واحسان حابسني شلون اكشف برائتي
ريحانة : اني اكره بابا لان حابسج وضربج وكص شعرج واذاج وحرمني منج حيل اكرهه .
جيهان : لا ي عمري ميجوز هيج تحجين ع بابا
بابا ماكو احسن منه بالدنيا كلها .
اني كمت انتفضت منها وكمت اصيح عليها اني اكرهكم كلكم حتى انتي تدافعين عنه وعيوني تنزل دموعي بلاوعي  وشلون نطقت هالكلام لماما ماعرف
حضنتني وكامت تطبطب عليه ..
اسفه ي عمري كبرتي بسبب المشاكل قبل أوانج انتي وين وهالمشاكل وين
ياريت بيدي شي اسوي وانقذج من كل هالالم بس نصبر حبيبتي والله حيساعدنا
ريحانة : لا لالا
ماريد نبقى هنا خل نطلع ماما ، نعوف كلشي ونطلع منريد منا شي آني اريدج انتي ويايه ماكدر اعوفج
جيهان : غلط حبيبتي من تصير مشكلة تعلمي تواجهينها مو تهربين (الكاتبة ام جوليا)منها لان حتى لو كنتي صاحبة حق فحقج راح يضيع مجرد ان تهربين من المشكلة ولازم تكونين قوية برب العالمين اذا كنتي مظلومة الله رح ينصرج بالاخير
وكل الي يصير بينا رب العالمين اله بيها حكمة خفية احنه منعرفها ..
الله احن عليج مني .. الله موجود وياج بكل مكان
دائما توكلي ع رب العالمين وخلي بالج رب العالمين ميضيع حقج ابد..
ريحانة : حاضر ماما ح انفذ كلامج بس انتي شلون تبقين هنا ، خاف بابا يموتج
جيهان : ابوج يحبني ويحبج مستحيل يأذيني او يأيذيج
ريحانة : ماما كل هذا الصار وماأذاني واذاج شلون.
جيهان : لج ماما حبيبتي غير واحد يگتلني خلاص ومحد راح يحاسبه ع سواه
ريحانة : ليش ماما ليش انتي مو كلتي هذا كذب
جيهان : صح كذب بس اني الوحيدة الي اعرف كذب وابوج ضابط وعسكري مايلتزم غير بالادلة وماعندي دليل ورغم هذا ماقتلني ودفني وماعرف شنو منتظر لحد هسه .
ريحانة : ماما خاف يقتلج بأي وقت
جيهان : لا مااعتقد لو رايد جان سواها بوقتها
احتمال شاك ان اكو غلط بالموضوع وديحقق حتى يثبت برآئتي .تفائلي ياحبيبتي(الكاتبة : ام جوليا) وخل نصبر ونشوف شنو تاليتها.
ريحانة:صار ماما بس اوعدج مازعلج
حضنتها حيل اريد اخذ اكبر كمية من عطرها ونفسها وكأني حاسة إني راح افقدها قريبا.
وماما حاضنتني كأني مالكة الدنيا كلها ..
كتلها ماما انتي شلون كاعده هنا شلون تاكلين شلون تدخلين حمام ..
اشرتلي ع الباب الي يمها
تعالي اراويج بيتي الصغير وتضحك
ابوج حبيبتي محارمني من شي ههه باعي ..
دخلت لكيت مثل ملحق صغير ورا
بيه طباخ عينتين وبيه مستلزمات للاكل وثلاجه صغيرة  ويمها باب فتحته لكيته حمام وبيه شباك شويه وكتلها
بابا مجهز خوش سجن ضحكت عليه
جيهان : تدرين اني جنت اشوفج يوميا من هذا الشباك
ريحانة : ياشباك وشلون تشوفيني
شالتني ماما وراوتني من ياشباك جانت تصعد ع كرسي واشوفني وهذا متنفسها الوحيد
من اجي من مدرسة تشوفني
ضحكت كتلها ماما يلاوكليني اني جوعانه طبخيلي وكليني
خطية طلعت غراض من عدها وكعدت تسويلي اكل گلت الي بيض وطماطه لان احبها حيل وكعدت اكل وياها ..
ورا مكملت اكل كالت حبيبتي يلا خاف احد يحس عليج الفجر بدا يظهر كومي حتى ترحين تنامين وترتاحين
ريحانة:ماما خل ابقى يمج بعد انام
جيهان : لاحبيبتي باجر تعالي هم بنفس الوقت وهم راح نكعد نفس كعدتنا
فرحت وكتلها حاضر ماما
كالت الي تعالي : هاج هذا دفترج اخذيه
وبعد عندي دفترين ح انطيهم الج باجر .
ولازم تنتبهين زين لكل شي يصير بالبيت وكلمن يطلع ويدخل وظلي مثل ماانتي من تنامين قفلي بابج عليج
كتلها حاضر ماما .
كتلها ماما اذكرت فد شي تدرين مرة من جنتي نايمة جنتي لابسة نفس الملابس الي بصورة واني مرحت للمدرسة وجيت الج ونمت بحضنج وكعدنا متأخرين .
جيهان : اي اي اذكر .
ريحانة : ماما اني شفت خيال شخص طلع من يمج بالغرفة من جنت اريد اروح الحمام
وبعدين شفته يمكن وي عمة وجدان لان جنت دايخة مداشوف زين وعبالي بابا اجه وراها هي سدت الباب مال بيت وهو طلع واني كعدت رجعت يمج ملكيت بابا ونسيت اكولج
ماما ... انصدمت ...
جيهان :معقولة لا لا لا مستحيل ..

يتبع ....
وللحكاية بقية .....

توقعاتكم اريد اعرفها وشنو رأيكم بلي ديصير ...

احتمال انزل بارت بالليل ...
شجعوني بالتصويت وتعليقات ...

الكاتبة ام جوليا ..