رواية ريحانة والشيطان .... الطاغية والبريئة الفصل الرابع 4 - بقلم jolyjojo23

تخوننا الكلمات وتخذلنا حينما نرى قساوة المحبين على بعضهم ...
لازلت ارتعب من ذكرى ذلك اليوم كلما مربذاكرتي يهوي بي الى مكان سحيق ...
......................................
#ريحانه_والشيطان .... #الطاغية_والبريئة
#الكاتبة_ام_جوليا
#قصص_وروايات_عراقية
#الجزء_الرابع ...
////////////////❤️❤️❤️
فتحت عيوني ... اريد ماما بالكوه احجي
ماما وينج ماما... اريدج ...
بابااجه وگلي
-اششش ماكو ماما ... ماما سافرت
-لالالا ماما متعوفني اريد ماما انت گلت ح اموتها
موتتها بابا اريد ماما ..
ظل بابا يصيح عليه وگالي بعد ماريد اسمع كلمة ماما ومجيبين اسمها ع لسانج ابد
اعتبريها .. ماتت
_بس اريد اعرف هي مسافره لو ميته
-مسافرة شداحجي من الصبح
_اروح وياها ماريد ابقى وحدي
بابا بصياح
-لج اذا سمعت هالكلام انعاد اموتج انتي وامج افتهمتي
ماريد اسمع كلمة ماما وتنتبهين ع دروسج وكلام بيبي وعمتج وجدان تسمعينه واياني واياج اعرف جايبة سيرة امج ع لسانج
... بابا انگلب لوحش ..؟
كرهته حيل .. وعدت عليه اصعب ايام بدون ماما مجنت افاركها بس ع كد المدرسة وارجع متلهفه لحضنها وهسه وينها هي وين حضنها
مجنت اكدر انام ابد رحت غرفتها جبت مخدتها وحضنتها عبالك هي ،.
ابجي واحجي وي بيبي اريد ماما وينها شوكت ترجع بيبي تسكتني وتكولي مسافرة مندري وينها
بقيت رافضة الاكل ومادرس وماريد اروح دروس ومجنت احب ولاوجدان ولاجهالها وماتقبلتهم بحياتي ابد وهي بدت تحس عليه ماريدها لان علطول ماريد منها شي واريد بيبي بس
وبابا نفرت منه انام واكعد اذكر منظرين منظر ماما من خانكها هذاك ومنظر بابا من جان يضربها ...واكعد من نومتي بصريخ وبيبي تسمي وتقرا قرآن عليه ..
بابا بالنهار منشوفه بس بليل يجي ويفوت عليه يبوسني ويطلع ..
طبعا نفسيتي تدمرت (الكاتبة ام جوليا)وقلة اكل فجنت اوكع مريضة اكثر الوقت ومحتارين بيه بالاطباء
وحتى ست حوراء سألتني عليها كوتلها ماما مسافره وماعرف عنها شي ميرضون يحجولي..
كالت شلون سافرت وشوكت ولمنو ؟
كوتلها ماعرف بس تعاركو هي وبابا وبابا ضربها وراها سافرت
اريدها اني اريد ماما ميقبلون ياخذوني الها ..
وابجي .. بحركة
حضنتني ست حوراء وكالت لاتبجين صيري قويه وهذولي اهلج الي اذوها ...
بس اني  راح اساعدج حتى نلكى ماما بس كلشي اكوله الج تنفذيه حتى نعرف وين ماما ..
اني فرحت ان اكو امل اشوف ماما وارجع لحضنها واشم ريحتها اوووف ياماما شكد مشتاقتلج ..
كوتلها اني ح اسوي كل الي تكولين عليه بس رجعولي ماما ..
- باعي اريدج تنتبهين للكلام الي يكوله ابوج واي احد يحجي بالبيت واي شخص يجيكم وتعرفين اسمه تظلين كاعده يم بابا ومن يكلج كومي تصنتي  عليهم
-ست بس ميصير تنصنت على احد عيب وحرام
-لاحبيبتي احنه هيج دنسوي حتى نعرف مكان ماما وين .. ووين سافرت اذا موهيج شلون نعرف ..
انطتني دفتر مغلف بشكل حلو وبيه مثل الطباقية الجانبية
-هذا تكتبين بيه بس على شكل ذكريات الي يصير بالبيت تكتبينه ..
-يعني شاكتب .
-تكتبين شلون كعدتي من نوم وشنو اكلتو هيج تبدين وتكتبين مشاعرج
وراها تبدين تكتبين منو اجه وشنو صار بالبيت واي شي يصير تكعدين يوميا بالليل تكتبين يومج كامل ..
عجبتني الفكرة حيل وحبيتها وكلت لازم انفذ كلام ست حوراء حتى اوصل لماما ...
اخذت وضميته جوه دوش مالتي وكمت يوميا اكتب بيه ويوميا اودي لست حوراء تاخذه مني تكتب منه شغلات وترجعه الي وتكلي عفيه عليج وتعلمني شاكتب وشلون اطور نفسي
طبعا كلش صارلي واهس بالكتابة وكمت ادقق بكل حركة تصير بالبيت وادون كل صغيرة وكبيرة
ورجعت اهتم بدراستي واكلي تحسن
لان كلي امل اشوف ماما وارجع لحضنها ...
انتبهت ع وجدان حيل وظليت اراقبها وكلشي تسوي ادونه وكذلك بابا وبيبي..
طبعا هجرت اللعب والالعاب وصارت شخصيتي عنيدة حيل وحسيت نفسي بمرور الايام صرت اقوى لان كرهت اهلي كلهم ماعد بيبي ..
من اريد ارجع طفلة واحس بحضن ودفو ماما اركض لحضن بيبي ..
جانو اولاد وجدان اكبر مني مزعجين مااحبهم وجنت مااقبل يلعبون بالعابي ..
عدهم بيتهم والعابهم شنو يجون لغرفتي وطلبت من بيبي تمنعهم يدخلون غرفتي لان احب كلشي بمكانه ولاحظو اهلي
نفوري منهم وكمت حتى من اطلع اقفل غرفتي واخلي المفتاح يم بيبي اكولها ماريد احد يفوت ع غرفتي غيرج جنت خايفة هم لايكتشفون الدفتر الي داكتب بيه..
فات على اختفاء ماما 3 اشهر واني امتحنت وطلعت الاولى وكرموني لان من المتفوقين جنت ..
اباوع الكل امه وياه الا اني ..
وجدان جايه هي وبيبي وبابا مااجه طبعا مشغول عني وماكمت احب وجوده اصلا كلما اباوعله اذكر الي سواه بماما ..
طبعا غرفة ماما قفلوها وبابا صار ينام بالطابق الفوك واحنه بيتنا 3 طوابق ومحضور علينه نصعد الطابق الثاني بابا يكول شغله كله فوك ..
...
طبعا اني كمت حتى (الكاتبة ام جوليا)من انام اقفل باب غرفتي عليه لان حتى بابا ماريد اشوفه ولايبوسني من يجي..
كم مره حجه على بيبي وكال الها لاتخليها تقفل غرفتها
بيبي -
_احسان عوف ريحانة براحتها تره نفسيتها تعبانة ومتتقبلة من عدنا اي كلمة بسبب الي صار وكاره كل الناس وحتى متحب تلعب وي الي بعمرها كله لوصافنه لو تدرس لو يمي كاعده لو بغرفتها وحتى من تطلع من غرفتها متقبل تبقيها مفتوحة تقفلها وتخلي المفتاح يمي وتكول ماريد احد يدخل غرفتي من الجهال
مستوحدة خطية عوفها براحتها كافي الي شافته ....
الله يرضى عليك ياابني لاتضغط عليها مالها ذنب هي ..
اني اسمعهم لان صارت التصنت هوايتي..
رادت بيبي تكمل كلامها ..
بابا:
حجيه الي تردينه يصير بس عينج عليها انتبهي عليها زين اني خايف عليها ومناقصني مصايب منا لحد ماشوف حل للمصيبة الي عندي فوك
بيبي:
يمه تره مريتك اني اعرفها وعاشرتها صار سنين والله ماصدك الي جاي تكوله عنها
بابا:
مواني الي جاي اكول يايوم مشفتي صورها وبغرفتي وع سريري شنو اكثر من هيج اثبات بس فهميني
اوووف يايمة كلبي نار بعدني احبها بس بيه جمرة موجرة شيطفيها ..
اني تحطمت ياامي
مره ضحكت عليه وصرت اني مره اي لان مااخذت بثاري منها وكتلتها
ماكدرت اكتلها ..
بيبي :
اصبر وليدي ربك ميضيع الحق ابد واذا الها حق ياخذه من الي ظلمكم انته وياها
واذا كانت على باطل ربك لازم يكشفها بس بنيتك خطية دير بالك عليها
مالها ذنب يمه (الكاتبة ام جوليا)ريحانتي طفت ورا امها
وليدي اريدك تكعد وتفكر وتعقلها زين وفكر بلي تسويه صح لو غلط
واذا كدرت تسامح سامح ياابني ... تره ربك عفو كريم ...

...... الله يابيبي شكد احبج هالكلام الي يريح الگلب الي يحسسني اني قويه بيج واعرف ماما قريبة عليه وعايشه بابا مكتلها بس لازم اعرف مكانها (بيني وبين نفسي)
بابا: حجيه سدي الموضوع فدوة لاتفتحين جروحي ..
-يمه رح اسكت بس توعدني تصلي صلاة الاستخارة وتدعي ربك يهديك للحق
مالنا الا الله من فدوة لوجهك ريت وجعك كله بيه ..
بابا باس ايد بيبي ..
وكال الها تأمرين انتي ولاتشيلين همي ..
بس ريحي بالج وان شاءالله الله يحلها ..
باسها من راسها وطلع قبل ميطلع اجه ع غرفتي اني جنت قافتلها وجنت خاتله جوه الدرج
اريد اصعد وراه اريد اعرف شعنده فوك وليش ميخليني اصعد وميخلي احد يصعد طبعا هذي توصيات حوراء الي...
بابا صعد وتسحبت شويه شويه علكيف وراه ودخلت بلاميحس اول مره اشوف الطابق الثاني كان جبير ومثل فصال الجوه وبابا عنده غرفته هي الي فوك الاستقبال والهول مسويهم اله غرفة وصالة مال كعدة واكو مطبخ كلشي بيه وصحيات واكو غرف مقفوله (الكاتبة ام جوليا)غرفتين واكو سطح واكو طابق ثالث هم جبير ونفس التصميم ...
بابا دخل سبح وطلع واني ختلت جوه بالطابق الثالث صعدت كلت انتظر بابا ينام وانزل اشوف شبيه هذا المكان جنت حاسه بخوف عجيب بس لخاطر ماما جنت متحملة
اسمع بابا فتح قفل مال باب الغرفه الي كبال البيتونه نزلت شويه شويه لكيته شايل علاكه اكل بيده شاله وشمرها بالغرفه ويحجي وي شخص بالغرفة ..
مفهمت الحجي لان صوت ناصي واني فوك رجعت لفوك حتى مينتبه قبل ميسد الباب
لمحت امي 😢
اي هذي ماما جنت رايده اصرخ واركض عليها بس خفت فتحت عيونها عليه حيل واشرتلي باصبعها ع حلكها اششش
سكتت ورجعت ضميت نفسي عن بابا ليشوفني الفرحة مسايعتني ان شفت ماما ...
رغم لمحتها لمحة بسيطة بس حسيت بنشاط وفرح موطبيعي ماما بعدها عايشه ولازم اساعدها ونطلع منا ونتركهم ماريد اي شي غير ماما
حبيبتي شكلها تعبانه حيل وشعر ماعدها خفيف ولادي وكل وجهها وجسمها مزرك
حقدت ع بابا حيل وجنت اريد انتقم منه لامي لان حرمني منها..
بابا دخل لغرفته وسد(الكاتبة ام جوليا) الباب انتظرت مدة طويله ونزلت على كيف يم غرفة ماما نزلت تمددت ع الكاع اباوع عليها من جوه الباب مديت ايدي صحت ماما ماما ... حسيت بايد ماما الدافية لزمت ايدي اي هذا دفو ايد ماما
ماما تبوس بايدي وتشم بيها ودموعها تنزل وتكلي ريحانتي لاتبجين ي روحي خليج قويه اني موجوده
كالت الي لاتخافين ابد
..ريحانه..
ماما اني اريدج اريد اكون يمج ح اكول لبابا يدخلني يمج حتى لو ماطلع بعد
ماما: لاحبيبتي بابا ادرى بمصلحتج سمعي كلامة ياماما لاتعاندينه ابد وخليج قوية اني زينة مبيه شي
هو شويه ضايج مني بس نتصالح ح ارجع وياج ووي بابا وح نرجع احسن من قبل
ريحانة : اني اكرهه لبابا مااحبه اخذج مني
كون يموت حتى انتي تطلعين يمي
ماما : لج لاحبيبتي هذا ابوج حبيبج وحبيبي اني بعدني احبه مزعلانه منه حقه حبيبتي كل الي يسويه بيه اكو ناس موزينين همه الي غيرو بابا
بس هو طيب وحنون ويحبج وشفتي مااذاج ابد

ريحانة : لاماما اني ماريده اريدج الج
وابجي
ماما تبوس بايدي ريحانتي اريد منج شي
-كولي ماما شنو تردين
_اريدج تجيبيلي دفاتر واقلام جاف
_اي ماما ح جيب الج
_واريدج بعد (الكاتبه ام جوليا) تكتبين الي رسائل يوميه شنو شدسوين متسوين وشنو يصير وياج
_كتلها مثل ست حوراء يعني
_شبيها ست حوراء وياج
_كلت الي اكتب كلشي بيومياتي وعلمتني حتى اساعدج
_ريحانة دير بالج من ست حوراء وبعد موكلشي تكتبين الها
راويني قبل متراويها
ولاتكولين الها لكيت ماما تره تكول لابوج وبعد منشوف بعض ابد
_صار ماما .. امرج
انتبهي حبيبتي زين لنفسج ويلا نزلي بهدوء واريدج تكتبين كلشي صار وياكم من يوم مااني اختفيت ..
بوست ايديه وكالت الي يلا ي روحي لتخلين احد يحس بيج ابد ومن تجيبيلي الدفاتر ح اكتب الج واعلمجً شنو تسوين ...فتحت الباب  العازل للطابق الثاني علكيف ونزلت بهدوء ورحت فتحت غرفتي ودخلت سعيدة وفرحانة معرفت انام
كمت احضر بالكتب والاقلام ولزمت دفترجبير وكعدت اكتب كل الاحداث الي صارت من يوم ما اختفت ماما وحسيت بتعب ونعست حيل ونمت ومحسيت من التعب ....

يتبع ....

اشكر متابعتكم واهتمامكم بالقصة والقصة احداثها طويلة وشائكة ارجو منكم الصبر لتزدادو متعة ....
واكيد التصويت والتعليقات وارآئكم تسعدني
فشاركوني بيها ..
الكاتبة ام جوليا