رواية ريحانة والشيطان .... الطاغية والبريئة الفصل التاسع 9 - بقلم jolyjojo23

#ريحانه_والشيطان .... #الطاغية_والبريئة
#الكاتبة_ام_جوليا
#قصص_وروايات_عراقية
#الجزء_التاسع.......

::::::::::::::::::::::::::::::::::::::::::
وسام : راح احجي واعترف بكلشي بس تنطيني تعهد تخليني اطلع اني مالي دخل كله بسببهم واني راح احجيلك كلشي ........
احسان : راح تحجيلي بلاماوعدك بأي شي غير اني اخفف عقابك وماشوف نفسك مقطع لأجزاء وتطلب الموت حتى ترتاح ومااريحك
لزمت راسه ضربته حيل ع طبلة
ح تحجي لولا ...
وسام : احجي كلشي ............!!!!

ورا ماسمعت كلشي انصدمت معقولة ....
هيج ارواج الناس صارت لعبة وبيد منو بيد اختي ...
نزلت لأمي وجهي مخطوف ميتفسر ..
حجيت الها الي سمعته ..
الام : يوم وشراح تسوي لاتأذيها يجوز مالها ذنب وجدان
احسان : شلون مالها ذنب ياامي هي متفقة وياه ومدخلته للبيت
الام : اسمع منها حبيبي بالاول بهدوء وحكم اعصابك وشوف الاسباب شنو الي خلتها تسوي هيج
احسان : يعني الها عذر الي تتهم مرت اخوها بالزنا الها عذر .. هذي دمرتني اني شهور وشهور عايش بالالم وجيهان موتتها الف موته ومجنت اهدأ ولاارتاح الا الكاها (الكاتبة ام جوليا) فقدت الوعي من التعذيب وهسه بسهولة اتركها لوجدان هيج هذا العدل .
الام : لاياامي مو عدل ولايرضي الله
والي سويته بجيهان شكد حجيت وياك تبطل منه تتأكد بس مجنت تسمعلي ومتوقعتك مجرم بحقها لهالدرجة وجنت احلفك متأذيها وتكلي داربيها وارجعها واني متأكدة منها متطلع منها الغلطة لان عاشرتها وربيتها
وجانت مثل الوردة ب بيتنا بس انته هم مافهمت منها وظلمتها
ياابني الله غفور رحيم .. ولازم تستمع للمذنب قبل متعاقبه اريدك تهدأ وتفكر بحل بان تاخذ الحقيقة كاملة وبعدين سوي الي يريح ضميرك ومايغضب ربك ياحبيبي ..
احسان: اني وصلت لحل بس اريدج هم تعاونيني ياامي اني داضغط عليج شويه تحمليني
اكو نجاسة بينا ولازم نطهر بيتنا منها حتى نعيش مرتاحين ومنخاف ع نفسنا واطفالنه ..
الام : حبيبي لاتخاف عليه اني اتحمل بس اخذ قراراتك بعقل ..
احسان: شوفي يوم راح اجيب جهال وجدان يمج وديري بالج عليهم واني راح اجيب احد يساعدج بيهم وصادق (زوج وجدان) راح اهدد وجدان بيه لان ادري بيها تحبه حتى تعترف الي بلي صار واعرف السبب واذا احد كولي الهم تعرضت لحادث وهسه هي بالمستشفى
يسألونج بعنوان المستشفى كولي احسان ميقبل خايف على اخته وزوجها .. لايخسرهم لان اكو من يلاحقنا ..
الام : والجهال شاكول الهم
احسان : كولي الهم نفس الشي مريضه وتخربطت وح ظل كم يوم بالمستشفى علما تتحسن هي وابوكم ..
الام : هاي هيه حبيبي الي ينور طريقك ويريح بالك ويساعدك ويسندك .. اتوكل على الله ياروحي
وعلكيفك وي اي شخص اسمعه وراها احكم عليه .
احسان : صار امي انتي تأمرين امر .
.......................................................
احسان ( يحجي وي سيف بالتلفون ) :
اريدك تجيبلي صادق مثل ماجبت الحيوان هيج مغطي عيونه وفترو بيه هوايه وبعدين جيبو للبيت يمي ..
ورا شويه انتظرت شويه وصعدوا اليه وجان وجهه مغطى فتحت الباب مال غرفة التعذيب وطلعت وسام لغير غرفة وقفلت عليه ورجعت ربطت ايدين ورجلين صادق بالحايط مربوطات بزنجيل حديد ...
.. رجعت طلعت برا ..
سيف : مراح تحجيلي شصاير وليش جايب زوج وجدان لغرفة التعذيب وليش مسوي هيج سجن بالبيت اريد اعرف شبيك صار اشهر موعلى بعضك ووضعك ابد معاجبني ومكاعد تحجيلي شي
احسان : سيف انته اخوي قبل متكون ابن عمي ..
الموضوع فوك طاقتي ومينحجي وبس اصفي حساباتي بمساعدتك راح احجيلك .
سيف : لا اني اريد هسه اعرف شصاير حتى اساعدك صدوك هسه اني كلشي مدافتهم وخايف  عليك .
احسان : لاتخاف عليه اني مسنود بيك من ورا مراح اخويه بسببي اعرف نفسي عمري قصير بهالدنيا ..
بس امانة الله ورسوله .. ريحانة وجيهان..
امانة برگبتك اذا صارلي شي انته تحميهم  من اي بشر بالدنيا
سيف : طولة العمر الك لاتحجي هيج .. ان شاءالله مايصيبك شر ولايصيبهم ..
بس طمني وفهمني شناوي تسوي ..
احسان : بس اعر (الكاتبة ام جوليا) ف الحقيقة راح احجيلك ..
لاتضغط عليه روح هسه لبيتك ومن احتاجك اخابرك ..
مقبل سيف ولااقتنع يروح لبيته خايف لاارتكب جريمة گلي ح ينتظرني بالاستقباال ويبات يمي حتى احجيله كلشي اليوم ..
نزل سيف يم امي ..
واني دخلت ع وجدان ..
ها.. ولج ساقطة خايفة هسه موو... بس مااخفتي من سويتي تمثيلية القذرة مالتج في سبيل اموت جيهان ..
بس راح اضوكج المر العذاب مثل مضوكتيني لزمتها جتفت ايديها وربطتهم
رادت تحجي لطمتها ع حلكها كسرت سنها وكع والدم نزف من حلكها صرخت كتلها مااسمع منج ولانفس انتي تستمتعين بالعذاب الي جايكم وبس وبعدين تعترفين بكلشي ..
جبت قطعة قماش ربطت حلكها بيه حتى مااسمع صوتها.. كوتلها اليوم ح شوفين الموت بعيونج ومراح اموتج وارحمج واذا طلعتي صوتج ح اموته الج
هي مستغربة وتبجي وتأشر براسها منو لان ساد حلكها سحلتها من شعرها وفتحت غرفة التعذيب اكوضوه لزمتها علكت ايديها المربوطات بالحايط مقابل صادق (زوجها)..وهي تأشر براسها لا لالا...
اني مااحجي ماريد ماريد صادق يسمع صوتي
بديت كدامها استعرض ادوات التعذيب الي عندي وهي مذهولة
اول مابديت طلعت السوط الي جنت اضرب بيه جيهان عيوني غوشت من الدموع الي بيها واذكرت اللحظات الي جانت تفقد بيها من كثر الضرب ... كمت افور باوعت ع وجدان وكمت اضرب بصادق ببطنه وع وجهه وع الكلة مالته وهو يهز براسه من الالم وميعرف شنو السبب وكام الدم ينزل منه من جسمه واشوف وجدان عيونها ح تطلع على صادق لان اعرفها شكد تحبه
مثل مااني احب جيهان بس هي حكمت ع جيهان بالموت من هيج سوت بيها واليوم اني احكم ع صادق بالموت حتى تحس بلي حسيته وكع من طوله من كثر الضرب طبعا جنت اضربه بحديدة خاصه بالضرب تنحط بالاصابع وتكون بيها روس بارزة وبكل ضربه بصدره جنت احس بضلوعة تتكسر وافرح وازيد بالضرب ..
بعدين باوعت لكيتها تباوع وعيونها مدمامية من البجي رحت يمها اشاورها تره بعدنه باول الطريق انتي كلشي ماشفتي ياحلوه..
باوعتلي وفتحت عيونها لطمتها ع عيونها فريت وجهه فر ..
باوعت لكيت السوط الي جنت اضرب جيهان معلك
دمعت عيوني وغوشت بالدموع من اذكر وجهها وجسمها من جانت ترجف ويغطي جسمها الدم ويغمى عليها الا اعوفها
شلون بيه وشلون هيج قسيت عليها واني اعشقها ...
باوعت بحقد لوجدان وسحبت السوط وبديت اضرب بيها وعيونها تفتحها حيل بكل ضربة جنها تطلع روحها ظليت اضرب بيها الاان شفت دمها طلع وملابسها تشككت من (الكاتبة ام جوليا) الضرب وهي اغمى عليها
ارتاحيت شويه حسيت عيشتها جزء بسيط من العاشته جيهان كمت فتحت باب الغرفة وسحبتها سحل من شعرها دخلتها الحمام الي جان بالغرفه
قبلها لمحت جيس مال ملح محطوط بالمطبخ شمرت وجدان بالبانيو فتحت جيس الملح ورشيته عليها ع جروح الي بجسمها انتفضت هي وتريد تنهزم من الي هيه بيه ضربتها ع وجها راجديات وكطعتها تكطع بقيتها بالملح عليها كوتلها اذا فتحتي المي ع جسمج ح اجرم بيج بعدج مشايفه شي هسه جايج ..
قفلت الباب ورحت جبت مكينة الحلاقة والمكص الي جنت احلق لجيهان بيها ...
ودخلت عليها سحلتها من شعرها اكص بيها وهي تهز براسها كتلها تحركي حتى ادخل المكص بعيونج لاتخليني اسويها
هي خافت وتراجعت عن الي تسويه واستسلمت الي بلي داسوي حلقت الها صفر حتى حواجبها شلتهم الها وفتحت المي عليها كدامي وسحلتها ...للغرفة فتحت حلكها ..
ها وجدان ناويه تحجيلي هسه كل الي صار والي سويتيه لو رايده اجيب جهالج اسوي بيهم مثل مسويت بصادق ومراح ارحم احد ..
وجدان: ركضت ع رجلي ابوس رجلك ...كلشي ولاجهالي رح احجيلك كلشي .
دفرتها برجلي .. كتلها احجي داسمع الج ...
رحت كعدت ع الجرباية .. وهي بزوية كاعدة يم الباب مال مطبخ .. عطت كتلها تعاي يم رجلي اكعدي واحجيلي الي صار كله من بدايته وشعدج وي جيهان ...
....... انتجيت اريد اسمعها زين ...
وجدان : اني جنت اصغركم والمدللة عند ماما وبابا وعدكم انته ومحمد ..
وكنتم ممقصرين ويايه بشي ابد صح اني اصغر منك بخمس سنوات بس كنت تعاملني مثل بنتك ومكنت تبخل عليه بشي ابد وكل الي اطلبه واريده يتنفذ وبعد وفاة بابا انته كمت تدللني اكثر وتعلقت بيكم انته ومحمد وامي وجنت انانية اريد كلشي الي اريدكم كلكم الي وحدي .،
هي تحجي واني صافن على حجيها اشوفهاتريد تلين كلبي بهالحجي بس اني صح هذا الصاير بس  مستحيل كلبي يرف عليها ..
كتلها كملي وجدان يابنتي الي مقصرت وياج ودللتج وتالي هيج تجازيني ..
كملي وبطلي هالسوالف اعرفها كلها .،مراح تفيدج بشي ..
هزت براسها
وجدان :ومن تعرفت ع صادق وكفت بوجهكم وهو مجان مناسب الي بس (الكاتبة ام جوليا) جنت احبه ومتعلقه بيه وبسببي جبرتكم تزوجوني اله من حبست نفسي وقطعت الاكل والشرب ورا مااجوي اهله وخطبوني كذا مره وانتم ترفضونه لان موغني واني جت مصرة عليه وعمري 15 سنه وخليتكم توافقون عليه ورا ماصحتي انهارت ..
وازوجته ورغم جان فقيرهز حالته بس انتم مخليتوني اعتاز شي ووظفتوه بوظيفة زينة وصارت احوالنه تمام وراها اشترينا بيت صغير بمساعدتكم وبعدين جنت اشيل اي فلوس تصير عندي اريد اجمع يجي هو وياخذهم مني وكام ميكتفي يريد بعد اكثر واكثر ومن مايلكى عندي فلوس كان يضربني ويضرب اطفالي كدام عيني ويرجع يطالبني بالورث وجنت اجي واطلب من امي تكولكم ع الورث ومجانت تقبل تكول هذا مضموم الج لان جانت تعرف ان صادق دازني وتشوف اثار الضرب بيه واكولها وكعت من تسألني ع الي بجسمي ..
صحت بيها بصوت ..
لج حيوانة شلون محجيتي النه شلون ؟ وضربتها
هذا لان جبرتينا .. بس تستاهلين واريد اعرف ليش هسه دتحجيلي ،. اخنك بيها كملي بسرعة بخصوص جيهان ..
اشرت بعيونها حاضر ..
وجدان ؛ ورا ميأست من امي وكالت الي انسي الج ورث مانورثج مادام هذا الحيوان عايشه وياه ومتحملة كل الي يصير بيج ومتردين احجي لاخوانج يأدبونه
تره الاملاك بأسمي ابوج حولها واني الي اقرر المن اورث وانتي مالج ورث يمي الج فلوس حطيتها بالبنك تسحبين منها الفوائد بس تصرفين بيه والباقي انتي مالج حق التصرف بيهم واذا متت حتى هاي الفلوس راح تنتقل لاحسان واحسان هو المسؤول عن مصروفاتج غير هذا ماالج يمنه ورث ...
احسان : طبعا اني صافن ومنصدم من الي صاير ويايه وامي ليش هيج تصرفت بدون علمنه ..
كتلها : هالامور ماعندي علم بيها .. كملي الي بعده ..
وجدان : وراها اني انهارت اعصابي وانصدمت بلي كالته امي ومعقولة هيج تحرمني من حقي
حقدت عليكم كلكم وكمت اكره احتياجي الكم ..
ورجعت لصادق لنفس الحجي والضرب والاهانة وماكدر احجي ولااكول شي (الكاتبة ام جوليا). وعرفت ورا فترة ان هو يعرف نسوان عليه ويروح الهم لبيت خاص (بيت دعارة) وجان يشرب ويصرف كل الفلوس هناك واني مابيدي شي اذا احجي يكلي اطلكج وروحي لاخوانج الي اخذو ورثج وشمروج عليه
كلما يكول هيج احقد عليكم اكثر لان ذليتوني .
وبعدين انته جبت جيهان وازوجتها ووالكل جان فرحان بيها ويحبها وممصدكين انك تزوجت واني صرت منبوذة من الكل وجنت اشوف صادق شلون عينه ع جيهان وهي متنطيه مجال ولاتباوع اله بس شبت النار بيه ومنطفت من لزمتني امي وكالت الي رجلج ماريده يجي بعد لهنا جيهان دتضايق منه وديسمعها حجي وهي خايفه لااحسان يحس عليه ويتعارك وياه وتصير جبيرة كلش
اني هنا مكمت اشوف بعيوني هيج اني رخصت بنظر الكل ولهدرجة اني ممالية عين رجلي مع اني حلوه ومناقصني شي بس جيهان طبعا لان شكرة وعيونها ملونة جانت مخليه كل رجال يشوفها يتخبل عليها
احسان : انجبي ساقطة لج جيهان تسوى راسج ياعار
وضربتها ع حلكها وهي تشهك بجي ...
وجدان : اي اي ح كملك .
حجيت وي صادق وتعاركت ويا وهم ضربني واذاني وزاد بمذلتي ..
اني حقدت ع جيهان لان اشوفها عايشة السعادة وياك وحتى من جان ميصير عدها اطفال جنت تكول هي بنتي ...
واني وين رحت محد انتبه عليه ولااهتم بلي ديصير
وجابت ريحانة وطلعت نسخة منها وراها صارت الاحداث والحروب توالت علينه وانته متمسك بيها ووكفت بوجهه الكل علمودها وحميتها وعرفت تضمها عن العيون ..
كل هذا اني كلبي يزيد بالحقد عليكم واحسدكم وكمت افكر واخطط شلون (الكاتبة ام جوليا) اخلص من جيهان حتى ترجعون تصيرون الي وتنتبهون الي ..
وصادق كان كلما يحجي يمدح بيها وبجمالها وان  هي كاملة من كلشي فلوس وجمال وجسم وزوج حقه يحبها
ويذمني ويغلط عليه ..
الا ان بيوم اجه صادق وكلي اني مديون لعصابة وهذولي ممكن يذبحوني ويذبحوج ويذبحون جهالنا اذا مننطيهم الفلوس
تخبلت بوقتها كمت ادك والطم وماعرف شاسوي رحت لامي اطلب فلوس وكتلها بلي صار كالت خل يحتار بروحه بلكي يكتلونه ونخلص منه ومن بلاويه كل يوم يبلينا بلوة رجلج  هذا ماناوي ينعدل وانتي صرتي اصخم منه استغلالية وحقودة
بهالاثناء صارت وفاة محمد اخوية وكدر صادق يأجل موضوع الفلوس شويه
وراها انته تغيرت على جيهان واني فرحت حيل وكلت خل تضوك الي اني جنت اضوكه وبعدين من خوفكم لايصيرلي شي جبتوني يمكم واشتريت الي البيت الي بصفكم وفرحت حيل ان بعد اكو امل انكم ترجعون تحبوني ..
اجتي اخبار من العصابة الي مداين منهم صادق ان لازم ندفع الفلوس او نفذ وياهم همه شي يردونا انفذه الهم ..
الفلوس ماعدنا وندفع الهم ..
كوتله كول الهم موافقين نفذ الي يردونا ..
طلبو من صادق يجيبني وياه حتى اقابلهم ... واخذني صادق وغطو عيونا وفترونا هوايه الاان دخلنه بيت وبعدين دخلونه غرفة ظلمة واكو بيها ميز وكراسي كعدنه عليها فتحنه عيونه من شالو العصبة مال عين اباوع المميز لكيت صور جيهان هي واحسان وريحانة بالعيد ميلاد ..
سمعت صوت غليظ كاعد بالمكان الاظلم كالي هذولي اقاربج
جاوبته
وجدان: هذولي اخويه (الكاتبة ام جوليا) وزوجته وبنته انتو شرايدين منهم ..
الشخص :: لازم تعرفين مدام قبلتي ان تنفذين كل الي راح نكوله الج واليوم هم
وجدان : شنو انفذ غير افتهم ..
بسرعة دخلو واحد علينه مغطين عيونه هم ..
الشخص : شفتي هذا
وجدان : منو هذا
الشخص : هذا راح يصير عشيق جيهان اليوم ..
وجدان : شنو شداتحجي انته ..
الشخص : اصبري وراح اشرحلج شراح تسوين وانتي غصبا ما عليج راح تنفذين لان زوجج راح يبقى بس انتي تطلعين منا ومراح يطلع زوجج سالم منا الا تنفذين كلشي وراح نلغي الفلوس الي مداينها من عدنه وراح تكونون بحمايتنا منا وجاي ..
اني انرعبت منهم ومن منظرهم وعرفتهم مسنودين حيل لان اسلحه وسيارات حكومه مبينه ماعرف خفت منهم حيل وقبلت انفذ كلشي
كعد يفهمني الخطة وهي ان اخلي منوم الهم بالعصير ومن ينامون افتح الباب الساعة 12 الموعد يجي هالشخص وياه كاميرا
اخذلهم صور هو وجيهان
واني من خوفي منهم وحقدي على جيهان وسعادتها وياك
نفذت ...
احسان : لا يامجرمة ياخاينة انتي مو اختي ولج
وكمت اضرب بيها بكل مكان اريد اطلع حركة گلبي بيها ..

يتبع ......
...... وللحكاية بقية........

شاركوني بتوقعاتكم ورأيكم بالاحداث الي دصير ... وهل وجدان ضحية هي ايضآ ام مذنبة ......؟
ولاتنسون التصويت والتعليق ..
تشجيعكم ودعمكم يسعدني اتمنى منكم تشاركوني آرائكم وتوقعاتكم بالاحداث الي دصير
مع حبي ❤️
الكاتبة ام جوليا