رواية ريحانة والشيطان .... الطاغية والبريئة الفصل الثامن 8 - بقلم jolyjojo23

#ريحانه_والشيطان .... #الطاغية_والبريئة
#الكاتبة_ام_جوليا
#قصص_وروايات_عراقية
#الجزء_الثامن .......

:::::::::::::::::::::::::::::::::::::::

طبعا اعزائي اعتذر عن التأخير بالقصة لاني تعرضت لحادث بأيدي وحاليا مانعني الدكتوراحركها ولكن دحاول على قدر المستطاع ان اكتبلك لان علاجي الراحة وعدم الحركة
لكن اني عند وعدي الكم ومكملة وياكم لكن يكون النشر بين يوم ويوم حتى اكدر اخذ فترات راحة بين وقت الكتابة ...

..............ريحانة والشيطان.............
الزانية حامل .. وشلون ومن منو وحتى لو كان مني اني ماريد منها شي ...
انهاريت مكمت اشوف ولااستوعب كدامي ...
دخلت الها بكل نار الي بيه وغضبي وضربتها وردت اموتها اي ردتها تموت هي والي بطنها واخلص اني وبنتي من وجع قلبنا واذيتها النه ...
هي عار ولازم اخلص منه بكل طريقة ...
وقبلها لازم اموت الي بطنها ماريده ولازم اعرف منو الي جان وياها واكشف العصابة الي اغتالو اخويه ....
دخلت عليها وكمت اضربها بلاوعي وتعمدت يكون الضرب ع ظهرها وبطنها دفرات حتى اسقطها
واصرخ عليها واكولها زانية تردين تجيبلي العار من الزنا مالج ..
الاان فقدت وتعرفون الي صار وحاليا اني بالمستشفى ...ماعرف اريدها تموت لو اريدها تعيش ..
لكن من طلبو دم اعرف بدمي يطابق وي دمها لان بالولادة احتاجت نقل دم وانطيتها ...
دننتظر اني وسيف ... الاخبار لان دخلت العمليات ولحد هسه مطلعت ..
طلعت الدكتورة :
للاسف استاذ احسان زوجتك خسرت الطفل وهو عمره 4 اشهر وسوينا الها عملية تنظيف (كرداج ) ونزفت هوايه وحالتها صعبه وعدها كسور بجسمها وكدمات
ممكن اعرف سبب هالكدمات والكسور..'
احسان : وليش تعرفين مثلا السبب دتحققين ويايه
انتي الي عليج تسويه وتأدين عملج كطبيبة بس
اي اسئلة ثانية مو من حقج تحجين بيها
الدكتورة : بس اني واجبي المهني يحتم اعرف سبب الحالة الي وصلت الها المريضة ولازم اقدم تقرير طبي للمستشفى عن المريضة . ولهذا سألتك..
طبعا اجه يحتدم اكثر النقاش بينا تدخل سيف ..
دكتورة من رخصتج ممكن كلمة
الدكتورة تفضل اخذها ع جهة ..
سيف : شنو اسم حضرتج
الدكتورة : دكتورة حنان اسمي .
سيف : اتشرفنا دكتورة طبعا اعتذر عن طريقة العقيد وياج بس هوا مشغول على زوجته واعصابه تعبانه وكلامج بيه اتهام اله وهالشي اكيد ازعجه ..
ع العموم اني راح اعرف الي صار وابلغج بالتفاصيل بس ارجوا منج ماتحتكين بيه لان هو مو مستحمل واحنه لازم نراعي ظروفه
ونراعي السريةالتامة لان عملنا حساس جدا
وتعرفين الوضع العام للبلد ..
الدكتورة بتوتر: طيب صار خير واعتذر منكم اذا كان كلامي مزعج بس ياريت تفتهم السبب حتى ارفقه بتقريري ..
واكيد رح اراعي الظروف .. اتمنالها الشفاء العاجل ..
من رخصتك محتاج شي لان عندي بعد مرضى اروح الهم .
سيف : لاشكرا دكتورة سويتي الي عليج وهسه هي ممكن نشوفها لجيهان.
د. حنان: لاحاليا تركوها لان دنراقب حالتها بعد العملية .. منا لباجر نطمن عليها ..
لان عدها نزيف حاد ..
وانتم اخذو راحتكم لان المريضة راح تظل نايمه لباجر لان ناطيها جرعة مسكنات قوية تكدرون ترجعون للبيت وتعالو للزيارة باجر.
سيف : اشوف زوجها شيكول ونقرر
د.حنان: يلا من رخصتكم
سيف : تفضلي شكرا دكتورة
......
سيف : احسان الدكتورة تكول طلعت من العملية ومراح تكعد لباجر وان احنه نرجع وباجر هي الاتكعد بسبب المهدئات..
احسان : انته من كل عقلك اعوفها وحدها.
سيف : ماعرف والله اني دكول ترجع ترتاح وتبدل وتنام لان تعبان مبين عليك
وتجيها باجر من وقت ودزلها الدادة تبقى يمها او نوصي ممرضة ونطيها فلوس تدير بالها عليها..

احسان : لااني مارجع ... ارجع انته لأمي وطمنها لان اكيد ظال بالها علينه ..
سيف : زين شنو سبب الي صار حتى افهم الدكتورة ..
شتريد نكول الها..
احسان : عادي حامل وازخلكت ووكعت من طابق الثاني مايرادلها شي..
سيف: بس هيج محاب تحجيلي السبب اتركك من التقرير..
احسان : بعدين سيف احجيلك هسه اتركني وروح وسوي الي كوتلك عليه..
...........
راح سيف ورا ساعة اجه وجايبلي اكل وملابس دازة وكايلتله تكول لاحسان يجيب جيهان ويجي كبل للبيت بس تكدر يكتبون الها خروج واذا اذاها لاهوا ولااعرفه ..
...
اني بياحال وامي بياحال اني ماكدر اباوع بخلقتها هالعار كتله سيف الله كريم ..
مابيه احجي سد الموضوع هسه وشوف الدكتورة شوكت راح تطلعها ...
... راح سيف واني رحت الحمام مال غرفة جيهان
باوعت الها بأشمئزاز وكلي حقد عليها ليش خانتني واني الي كلشي قدمت الها .. وهنوب تنطي معلومات عني لحوراء وهذي حوراء دابحث عنها وعن كل الناس المتصلة بيهم ..
دخلت سبحت بالغرفة وبدلت ملابسي وطلعت وراها بالحديقة اشرب جكاير وطلبت الي جاي من الكافتريا..
بالي يمها ماكدر اتأخر خاف تحس وتنهزم ..
رجعت متكسر اجه سيف ..
احسان : هاشسويت شكالت الك الدكتورة
سيف : حالتها مستقرة منا لباجر اذا بقت مستقرة نكدر نطلعها العصر
احسان : وشكتلهم ع تقرير
سيف : اطمن كلشي تم مثل متريد لشيل هم ..
احسان: مانسى وكفتك ويايه
سيف : اهدى ابو ريحانة وتعقل وخلي ريحانة بين عيونك وحتى الخلافات تنحل بالعقل مو بالضرب انته متحتاج توصية .
اني رايح هسه وجايك الصبح ..
يلا محتاج شي
احسان: سلامتك .
مع السلامة...
.... دخلت متكسر تمددت ع كرسيين موجودات خليت رجلي على الكرسي الثاني ونمت محسيت
غير ع دكة الباب دخلت الممرضة وسلمت وكالت الدكتورة راح تجي تشوف المريضة ..
كوتلها اني هسه ح طلع ..
رحت الحمام غسلت ورتبت نفسي وطلعت صارت الدكتورة بوجهي مبتسمة ..
هاي شبيها مبتسمة بوجهي والله ياربي درت وجهي وداطلع
جان تكول
د.حنان: صباح الخير استاذ
شلونك اليوم؟
احسان : الحمدلله دكتورة
اني طالع برا اخذي راحتج بالكشف
هزت براسها وطلعت برا اشرب جكاير كملت ورجعت لكيت الممرضة بوجهي..
الممرضة: استاذ الدكتورة يكول خل يمرلي لمكتبي عندي كلام وياه.
بهالاثناء اجه سيف .
كوتله سيف روح شوفلي شنو الاخبار يم الدكتوره
لان مالي خلك حجي واستفسارات
ممكن ارتكب بيها جريمة اذا زودت كلمة
سيف: يمعود لاع بختك نبتلي هنوب ههه
اني رايح للدكتوره وهي شلون دكتورة كيكة
... صفنت عليه هذا شديحجي
معقولة هي حلوه الدكتورة .. اصلا من حبيت جيهان لحد اليوم ماذكر جذبتني وحدة او باوعت الها بنظرة جمال..
اووووف ياجيهان ليش ماصنتي حبي وقدرتي..
اني برا..سمعت صوت ونتها والممرضة يمها فتحت الباب شويه لكيتها كاعدة بس ممبين شي بوجهها وبجسمهامن كثر الزراك والورم الي بيها
والممرضة تضمد جروحها وتدهن بجسمها ..
شبت النار بيه شلون تعوف الباب متسده بالمفتاح بلكي احد دخل عليها وهي هيج ..
يابنت ال..... عقل مابقى براسي كمت افور ..
اجه سيف مبتسم
احسان:خيرك شكو هالابتسامة ..شكالت هذي ع الخروجية تره مستحيل ابقيها
سيف : اطمن ادري بيك هيج تريد اتفقت وي الدكتورة نطلعها ونجيب الها ممرضة وتجي الدكتورة دتابع حالتها بالبيت ..
احسان : هازين .. خل نطلع لعد هسه ..
سيف : زين بقيها للعصر على مانرتب وضعنا
احسان : لاهسه تكمل ونطلع علطول وعود نرتب الباقي..
سيف: ماشي رايح هسه اكمل الخروجيه ..
راح سيف وطلعت الممرضة انطيتها فلوس وكتلها جهزيها لان راح نطلع ..
بقيت برا ماريد ادخل واشوفها .. وظال محتار الافكار تاكلني ..
كملنه كلشي وطلعتها الممرضة ويايه وتفق سيف ان تجي ويانا صعدتها وكعدت وياها لورا
جيهان تأن من الالم واني داسوق لان الظاهر ممتحملة حركة ورجات السيارة وصلنه ونزلت اني ودخلو ورايه سيف والممرضةامي اخذت جيهان والممرضة ع غرفتنا الي بطابق الارضي ردت احجي امي سكتتني بعدين نحجي احسان ..
كافي الي صار ...
ريحانة باوعت الي بحقدوراحت لغرفة امها .. وامي سلمت ع سيف وتشكرت منه وهو ترخص من عدنه وراح ..
اجتلي امي ردت احجي سكتتني باشارة منها .
الام : شوف احسان عملتك هذي ماينسكت عليها ..
ولااليهودي ولاالكافر ولك يسويها .. مرتك الي تحبها ام بنتك تكون حامل وانته تعرف هالحمل منك وتضربها حتى تموتها هي والي بطنها متوليها بالضرب وحابسها ..
جذبت عليه وكتلي اني اراقبها واريدها تعترف الي وانته ماعندك بس الصور دليل عليها ماشفت بعينك وهذا الي دازلك الصور شنو استفاد
ليش ماتفكر ياابني اعدائنا هوايه
ليش متكون هالبنية مظلومة اني جيهان تربيتي مايوم شفت منها شي موزين ومن يجون اصدقائك محد يشوف خيالها تحبس نفسها بالمطبخ حتى محد يشوفها
ليش ياابني هالظلم جانت امنيتي يجي الك ولد وبعدين تعرف بيها حامل وتسقطها متعمد وتريد تموتها ..
انته متريدها ومعرفت الحقيقة لحد هسه وماعندك دليل غير الصور وهالصور مواثبات كافي حتى تموتها ورب العالمين حدد عقوبة الزنا والزناة بأثبات الفعل بالرؤية او بالشهود الاربعة واوضح هالشي وهم وضع الهم عقاب وهو الجلد وليس القتل والتوبة هم عن هالذنب ..
وانته هسه ارتكبت ذنب اعظم بقتلك نفس بغير حق وهالطفل ابنك وكأنك قتلت الناس جميعا..
شفت ياابني الامور متنحل بالعنف وانما بالعقل وانته عاقل شجاك ياحبيبي
احسان : اني حاط راسي بحضن امي وافكر بكل كلمة كالتها وكلامها صحيح وبعدين اني لحد هسه معرفت شنو سالفة وجدان وشنو قصتها وي جيهان لازم اركز بمراقبتها
كمت من يم امي ...
يوم شوفي الي يريحج سويه اني شلت ايدي منها حاليا بس بشرط ماريدها تعتب باب غرفتها ولااشوفها ابد بوجهي وهو البيت كله كاميرات وانتي تنتبهين عليها خاف تنهزم يعني الباب ينقفل عليها ماريدها تطلع اني اطلع اقفل الباب عليكم من برا وانتي يمج المفتاح اذا صار شي طارىء تتصلين بيه
لاتنسين اكو عصابة متربصة بيا وممكن ياذوني بيكم وعدهم استعداد لخطف اي احد يخصني وخصوصا جيهان وريحانة
واني ح اجيب جهال محمد وزوجته اريدهم كدام عيني
الام : حبيبي خاف امهم متقبل وهستوها هي مخلصة العدة وحزينة
احسان : متقبل اخذهم منها ولد اخوي يتربون كدامي مايتربون تربية نسوان .
الام : علكيفك حبيبي خليني اني احاول اتفاهم وياها بالاول ونشوف ردها .
احسان : حاضر الي تردينه يصير
بست راس امي وطلعت وصعدت فوك ....
عدت كم يوم واسمع اخبار جيهان من امي ان بدت تتحسن وان هي عاقله ومتفهمه الوضع كله وكالت لامي حقه التهمة موهينة بس اني ثقتي برب العالمين يبرأني ..
مرت محمد عاندت بالبداية بحجه هي مراح تاخذ راحتها هي والولد ومالهم مكان خاص وكتلها لامي خل تاخذ الغرفتين والصالة وباقي الطابق محد يوصله  مالاتي فوك واني انزل جوه بالغرفة مال وجدان مدام وجدان صار بيتها قريب متحتاج تبات وهذا الوضع مؤقت لان اشتريت قطعة ارض (بستان)كبيرة وراح ابنيها بطريقة تحفظ للكل خصوصيته ونلتم بيها كلنه ...
امي فرحت ورحبت حيل بالفكرة وصدك بديت بالبناء وجان عاجبني حيل لان راح اضمن اهلي يمي مااخاف عليهم ...
عدت الايام ...
وفات اسبوعين ع طلعة جيهان جبت عمال يرتبون الطابق الفوك يعزلونه نصين نص لمرت محمد والنص الباقي مالتي عزلته وطلعت اله درج لبرا بحيث ادخل واطلع براحتي وماريد احد يشوف الغرف الخاصة مالتي وبقية البيت مفتوح ع بعضه 
فدانزل من الدرج ساعة 6 الصبح لمحت وجدان تحجي وي واحد غريب استغربت هذا منو وشرايد وبعدين تلفتت خايفة دنكت راسي ورحت يم الباب اباوع بدون متحس ..
لمحت رقم سيارته حفظته يمي
وجدان : انته شبيك تخبلت لو اخويه يشوفك شيسوي بيه هسه
الغريب: اني جنت عد وعدي ونفذت الج الي تردينه بس انتي مانفذتي الاتفاق ومكملتي الفلوس
وهاي انتي مستفادة وصارلج بيت باسمج وكلشي عندج ومتقبلين تكملين فلوسي
ابسط ماعندي مثل مادزيت اله الصور ارجع هم ادزله غير صور وغير كلام وخلي يعرف يتصرف وياج
....
وجدان : لايانذل انطيتك فلوسك وهسه تبتزني تريداكثر لك شوف ح نطيك هالمرة الفلوس بس صدك اذا فكرت بس تخليني اشوفك تره مابقيك عايش تقرير صغير للحزب وتختفي مايلكون اهلك حتى جثتك
فافهم زين مو وجدان الي تتهدد
هاك اخذ فلوسك وماريد اشوفك..
الغريب : حاضر ست وجدان واذا احتاجيتيني بشي اني حاضر لاي شي
وجدان : روح الله لايردك
الغريب : مع سلامة ياحلو
... احسان انضربت ع راسي معرفت شاسوي ليش وجدان ياكلبة تتهمين مرتي بشرفها معقولة وشنو راح تستفيد
وهذا شنو من العصابة لو منو ...
خليتها تدخل للبيت واني كاعد بالكاع متحملت مجرد التفكير بشنو ديصير ورا مراحت بشويه طلعت للمقر وخابرت ع المرور جابولي اسم وعنوان صاحب السيارة
دزيت ع سيف انطيته الاسم والعنوان وكتله تجيبلي معلومات كاملة عنه وتخطفوه بلامحد يدري وتجيبونه للبيت يمي واني اعرف شغلي وياه .
خابرت امي وكتلها فهمي وجدان اني رجعت جيهان لان تعرضت لحادث وهي راجعة النه واني سامحتها ..
كتلها لاتحجين غير هالحجي ..
واني راجع للبيت ودخلت من الباب
وسمعت وجدان دتصيحًً شعدها هالعار رجعتوها موخلصنا منها ومن عارها من طردها اخويه طردة الجلاب .
هذي مو زانية وعرفتوبيها جان ادخل تعالي ياساقطة منيه الزانية
الام : يمه عوفها متقصد
جيهان : هاا احسان انته هنا .. وترجف .. والله اخويه موقصدي بس اني اخاف ع ريحانة شلون تربيها هيج وحده

احسان : لج ياعار مرتي اشرف منج انتي الساقطة ولزمتها اكطع بيها بالضرب
الام : حبيبي الله يرضى عنك بالتفاهم لابالضرب افهم منها شنو تريد تحجي
شمسويه هي وهي راح تعتذر منك
وجدان: يمه لحكيلي ح يموتني لاتركيني بيده هذا مجرم ..
واني اضرب بكل قوتي جريتها بره بيدي وقفلت الباب وكتلها لامي لاتخافين عليها هذي عار بس راح افهم منها كم شغلة وارجعها

الام : برضاي عليك ياابني لابالضرب اتفاهم وياها وهي تحجيليك ..
احسان ؛ دخلي يوم ومعليج بالباقي مرجعها الج اني اطمني
اخذتها سحل من شعرها للطابق الثاني المعزول وشمرتها بيه
دفرتها بالغرفة الي جنت حابس بيها جيهان
احسان : نفس مااسمع الج ياوجدان واني راجع الج الا ابجيج دم اذا جان الي بالي صحيح ..
قفلت البوب وهي جانت منتهيه من الضرب ماسمعت الها صوت ...
وراها بشويه اجه سيف وياه اثنين جنود وواحد مغطين وجهه عرفته هذا المطلوب
اخذته لفوك هو وسيف وشمرته بغرفة التعذيب
كوتله بلش بيه بالتعذيب وراها راح اجيه ..
طبعا سادين حلكه لحتى ميطلع صوته ابد وهي الغرف اني مسويهم عازلات للصوت..
نزلت جبت الملف والصور ...
وصعدت كووتله سيف اطلع اتركني وياه ..
جبت سطل مي بارد وشمرته عليه وجان لسه متكهرب فز مرعوب جريت ايده حطيتها ع الطبلة الكدامي واني كاعد ع الكرسي وهو ع ركبه
احسان : اسمك وسام مو..
وسام : اي سيدي وسام اسمي
احسان : رح تعترف بلي مسويه ياوسام لو رح تعبني وياك.
وسام : والله سيدي ممسوي شي وماعرف ليش ماخذيني اصلا
صحت بعلو والك عين تنكر طلعت صورته وجنت شاك صوره جيهان من وياه
كوتله هذا منو جاوبني ...
وسام : ماعرفه سيدي مواني ..
ضربت راسه بالحايط وايده مثبتها برجلي دايس عليها وايده الثانيه ع الطبلة الكدامي عندي سجينة دائما وياي بضغطة وحده دست ايده بسجينه ثبتتها بالطبلة
طبعا يصرخ بعلو صوته بس محد يسمعه لان الغرفه عازله للصوت
جريته
احسان: تريد جسمك كامل لو يتكطع قطعة قطعة كدامك ...
جريته من هدومه متكطعة مبين اثر الحرك بيه ..
مثل الي بصورة فار دمي اكثر ودست ع لسجينة بيده
نثر الدم بوجهي
وسام : راح احجي واعترف بكلشي بس تنطيني تعهد تخليني اطلع اني مالي دخل كله بسببهم واني راح احجيلك كلشي .............

يتبع
طبعا اعزائي لتنسوون التعليق والتصويت
...
وشنو رأيكم باحداث اليوم ؟
وماهو افضل عقاب لوجدان لتورطها بتهمة جيهان ؟؟؟؟؟؟؟
احب اسمع رأيكم