رواية سجينة الروح الفصل العاشر 10 - بقلم ريام هادي

سجينة الروح 
للكاتبة Reem
البارت التاسع

حامد يگول ليمامه

رديتي   بعد  كل   ذيچ   السنين
ورديتيلي   روحي الراحت وياچ
همزين الغلط صاحب فضل وياي
واني ادري الغلط مو من مستواچ
مشيت علل شواطي    وللذكريات
حسيت   الحياة   بگاع    ممشاچ
والله لا اعيشچ عسل وسط المرار
وابقي انطيني وجه بس لا جفاچ

(للشاعر فريد سالم)هديه للقصه شكراً لحضرتك

الحجية جميله: اكعدوا واسمعوني زين همه رادوا فصليه منا ومو بيت الحجي راضي تروح بنياتهم فصليات
احد الشيوخ :چا شون حجيه انتي ماشفتيهم دگو رجل اله فصليه عرضنا فلوس عليهم مافاد

الحجية جميله: چا شنهي اطيهم مبلغ اكبر لو اعرفن ابيعن كل املاكنا والگياعين وماتطلع بت منا فصليه احنا نطي الشيخات فصليات اله اطمن روحي بالتراب يله يرحن
شيخ ثاني : حجيه چا شنسوي حكم الگوي
الحجية جميله: انه ماعدي بنات يرحن فصليات اليريد يودي بته فصليه يوديهه انه العدي فلوس وبس
حامد : حجيه ماتطلع بت منا على گص رگبتي وذوله مامگروصين كرصه زينه لو اعرفن اسويها دم ومااطيهن
الحجية جميله: شوفو عندي حل
حامد : شنهي ياريت
الحجية جميله: گللهم موافقين ونطيكم بنيه منا وهاا مو اي وحده بت عادل الچبيره
يمامه : دااسمع كلامهم وره الباب اني وفضيله وكمت ادك على خدودي يمه كله ولا بنتي والنبي انهزم بيها ولااخليهم ينطوها
فضيلة : على كيفج ويه نفسج خيه اصبري خل نسمع الحجيه تسولف

احلام : چا فوك مابتج كسرت وجوهنا تشردين بيها هاي هيه والله گويه (قويه) وتسويها تسون عمايل ومالچن رداد
يمامه : تسكتين لااحركج واحرك روحي مالي خلگج تره وخري من وجهي
احلام : يا والله فوگاها طبچ مرض عساها بتج تروح فصليه ويطيح حظها مثل ماراح يطيح حظچ
فضيلة : اسكتي احلام السانج تره اگولن الحامد يگصه وهو متحلفلچ اگعدي واسكتي وستري على روحچ

احلام : خوب انتي صايره محامي على گولت
عمتي مانحچي شى على ست الحسن اله تاكلينا اكل
يمامه : فدوه فضيله سكتيها والله راح اذب حركتي كلها بيها ومدااسمع شى من وره صوتها
فضيلة : طبي لحجرتج واسلمي على روحج لا وحگ علي اخلي اليوم حامد يمسح بيچ المضيف
احلام : رايحه كون ناركم تاكل حطبكم ويحترك گلبكم مثل ماحركتو گلبي
يمامه : الله مصبرج ياروح
فضيلة : عوفيها خيه وخل نسمع الحجيه شتكول

حامد : حجيه شنهي هذا الحچي
الحجية جميله: اسمعني شيخ احنا نگللهم نطيكم البت وموافقين بس وره ماتاخذونها تحولون يمنا وتاخذون عطوه عدنا فصل وياكم
احد الشيوخ : چا فصل شنهي
الحجية جميله: خلوني اكمل وليدهم تعدى على حرمتنا وهذا يرادله فصل مربع ( ضعف اربع مرات) واحنا مانريد فلوس نريد فصليه ومو اي فصليه اخت الوليد اريدنها واله نسويها بحر دم عبن  شرفنا راد يطيح بيده ولدنا مازن دافع عن حگنا وحگنا مانتنازل عنه اله بفصليه واخت الوليد مو اي وحده

حامد : باوعت بعينها وكتلها افهمتچ حجيه عوفيها يمي هاي وانه اعرفن اشون اخليهم يگولون لو مامندگين بيهم
الحجية جميله: انه اروحن اصلي والباگي يمكم تعال ليه يشيخ من رخصتكم شوي ويرد ليكم
الكل مرخوصه شيخه

يمامه : طلعت جميله وصرت مقابيلها فهميني ليش تريدين تنطين بنتي ليش انتي موتكولين عادل بعزة روحج وذني بناته شنو من گلب عندج شون راح تنامين وانتي منطيه بنت ابنج اليتيمه فصليه
الحجية جميله: ميلي غاد مني (روحي مني) مااريدن اشوفن وجهج
يمامه : انتي شنو من بشر متكوليلي شنو هاي كميه الحقد والظلم
حامد : يمامه كافي واسكتي
يمامه : اشون اسكت وبنتي راح تنطوها فصليه
حامد : انتي مافهمتي شى
يمامه : شنو الي مافهمته اكوله بنتي تروح فصليه يكولي مافهمتي شى
الحجية جميله: تعال ليه يمه ذهبني لحجرتي هاي نسوان توجع الراس وماتفتهم
يمامه : اوگفي ولزمتها من ايدها بقوه چان يعيط حامد وجر ايدي
حامد : هاي المره تجرأتي ومديتي يدج مره ثانيه اگصنها ليدج لاتخليني أذيج
يمامه : كمت ابچي ولكم انتم شنو حرام عليكم متخافون الله متكولون هاي يتيمه شون نضحي بيها بنتي مالها ذنب هو واحد حقير وهي دافعت عن نفسها شون تنطوها فصليه
حامد : يمامه روحي لحجرتچ وانه تالي افهمنچ لاتبچين
يمامه : زاد البجي مالتي وصوتي عالي وعاط حامد بيه
حامد : لاتبچين وحسچ لاتسمعه الوادم اگلج روحي لحجرتچ
يمامه : رحت ابچي وگلبي متگطع ليش ينطون بنتي والله انهزم واخذهن ومااخلي بشر يندل مكانه

ودق : شبيج ماما صوتج عالي وتبجين
يمامه : صار ايام متتقرب مني من وره الحادثه وهاي اول يوم تجي وعيونها قلق وخوف عليه باوعت عليها هاي بنتي فتحت عيني وفرحه اول طفله اليه تروح تنذل وتصير فصليه حضنتها وكمت ابجي
ودق : ماما فدوه شبيج ليش تبجين شصار
يمامه : ماكو شى ماما روحي يم خواتج
ودق : بعد الحادث التزمت الصمت لان احس محد مصدكني اني مظلومه وشكد جنت اكره مازن صرت اضعاف اكرهه ومااطيق حتى اسمع اسمه اما اهل ابويه ذوله لويحتركون كدامي ماانقهر عليهم ليش رجعنا للعماره مااعرف حتى متجرأت اسأل ماما لان شفتها بوضع مومال ادخل وياها بنقاش واسأله منهاره والدمعه دوم بعيونها ردت بس تهدأ حتى افتهم احنا ليش رجعنا لهنا هلمره يوم بعد يوم تتوتر اكثر وتنهار واليوم حسيتها بأوج انهيارها تبجي وتصيح بس لو افهم شكو

الحجية جميله: تعال يمه اگعد واسمعني
حامد : تامرين يمه
الحجية جميله: يبعد امك وطوايفها يمه حامد البنيات مايطلعن بره عتبت الباب واذا صار الأمر والوادم مافضت وياهم لو تعرف تبيع كلشي وتطيهم الفلوس ولا تطلع وحده من دار شيخ راضي فصليه
حامد : افتهمتچ يمه لاتخافين مايطلعن وانه احلنها
الحجية جميله: يبعد امك انه اعرفنك سبع وماينخاف عليك
حامد : بست راس امي وايدها وردت اطلع اروح للوادم وسمعه تگول
الحجية جميله: اگولن يمه شوكت تعقد على وجه البومه
حامد : ههههههههه يايمه واليرحم والديچ كل هذا الحسن وجه البومه
الحجية جميله: وجه الگرطه والبومه چا هي بالحلا (بالجمال)
حامد : هههههههه يمه لاتخافين بس تفض السالفه ثاني يوم اعقد عليها
الحجية جميله: حميد اثكل يبعد امك لاتنسى رويحتك تره انت شيخ لاتصير بيدها
حامد : هههههههه والله يايمه اول مره اشوفنچ تغارين من مره علي

الحجية جميله: چا هاي مو اي مره هاي الهجمت گلبك خلتك تنوح عليها
حامد : يمه ماتغير شى والبت ماطيقني خليها على الله وهي تصفى
الحجية جميله: چا فوگاها هيه وين تلگه مثلك تروحلك فدوه هيه وعشيرتها
حامد : ههههههه اروحن يمه للوادم

روح يبعد امك ورويحتها

يمامه : بقيت اكثر من ساعتين نار وشابه بگلبي زين وين اروح وين اهج بناتي بقيت اباوع عليهن ليش هيج حضجن بالدنيا قليل ااااه ربي دخيلك شسوي
وجان تندك الباب فضيله

فضيلة : خيه الشيخ حامد يصيحج
يمامه : حطيت الشال وطلعت اركض وطبيت لغرفه الضيوف وشفته كاعد والسبحه بأيد والجگاره بالايد الثانيه

حامد : تعاي اگعدي عدي حچي وياچ ولازم تسمعينه
يمامه : شيخ ليش تنطون بنتي هاي بنت اخوك ويتيمه الي گاعد تسووه ظلم خافو الله يعني لا اليتيم يوگف بعينك ولا المظلوم ولا الماعنده ظهر وفوگاها تصلون
حامد : خلصتي حچيج (كلامج)
يمامه : انت شون هيج هادئ ولو اكيد تكون هادئ قابل هي بنتك الي راح تروح فصليه لو بنتك چان حسيت بالنار الي بگلبي

حامد : خلصتي حجيج
يمامه : باوعت عليه واشوفه هادئ ويشرب الجگاره بكل اريحيه ولا يمه والسبحه كهرب بيده جان يباوع عليه وطفه الجگاره وشغل الثانيه وگلي
حامد : اسمعي يابت الناس انه اگولن الچلمه مره وانتي عليج تسمعينها وتحفظينها واذا بيها امر تنفذي
يمامه : ليش احد گلك عني خدامه واسمع كلامك
حامد : هاي طريقتچ بالحچي مااحبنها وبعد الزواج اذا حچيتي هيچ شايفه هاي شفايفچ الگاعد يطلعون الحچي امردهن بيدي خليني محترمچ وغصبن عليچ تحترميني
يمامه : اني مقللت من احترامك
حامد : من تعلين حسچ علي هذا قله احترام انه اگدر بساعته الطچ على حلگچ (اضربج على حلكج) واخليچ تسكتين غصب عنج بس انه مااحبن امد ايدي على مره وبذات انتي هسه بعدچ محرمه علي بس بعد مااعقد عليچ حسچ هذا العالي مااريدن اهيسنه (اسمعنه) وخاصه اذا اكو زلم خطار
يمامه : يعني انت صايحني بس حتى ترزلني لان صوتي عالي
حامد : انه جاي احطن النقط على الحروف من اولها شوفي حسچ ينصى تجاوزج على امي ماكو واذا تكرر التجاوز وحگ علي أءذيج لاتستغلين سكوتي

يمامه : اباوع عليه صفح ومعاجبني كلامه
حامد : وهاي نظرتج تبدلينها انتي موزغيره واعلمچ الاصول والاحترام
يمامه : شنو قصدك اني ممحترمه
حامد : كتلج حسچ نصي
يمامه : اوف الله مطولج ياروح
حامد : اسمعيني عدل انه صح راح اتزوجچ وانتي ماراضيه بس راح اصير رجلچ واجب عليچ الاحترام ومو انه الي مره تقلل من قيمتي وتنزل كلمتي من اگلچ اسكتي تسكتين ومن اطلب منچ شى تنفذي
يمامه : شنو راح ادخل بمعسكر
حامد : هاي الاصول يابت الاصول
يمامه : وبعد عندك اوامر ثانيه
حامد : باچر الگعده مال الوادم الضرب ولدهم مازن

يمامه : بنتي شيخ شراح تسون بيها
حامد : لاتخافين بتچ ماتروح فصليه
يمامه : والحجي الي سمعته من عمه
حامد : انتي ماتعرفين گعدتنا شون تصير قصدها الحجيه نسويها راس براس واكيد مايقبلون ينطون بتهم وراح يتنازلون
يمامه : واذا رفضو شون
حامد : يمامه نامي وانتي مرتاحه بناتج مايعتبن عتبت الدار فصليات يطلعن معززات مكرمات لبيت رجولتهن مواحنا الي نطي نسوانه فصليات

يمامه : حطيت ايدي على وجهي وابجي متحملت ماادري افرح لو اخاف بس اكو غصه بقلبي والدموع من وحدهن نزلن
حامد : لاتبچين واليرحم والديچ كتلچ بناتچ مااخلي بشر يلمس شعره منهن اطمني
يمامه : اشكرك شيخ واعرفك گد كلمتك
حامد : باوعت بعينها وگلها دموع رجف گلبي عليها وگمت ليها وگفت كبالها وهي وگفت
الاريده منچ هاي العيون ماتبچي
يمامه : انصدمت بطريقه كلامه هادئ وعيونه كلها حنيه وبقيت صافنه بوجهه احس عيونه كلها كلام
حامد : انتبهت على حالي وانه وياها ورجفت گلبي اوف منه شگد يعشگچ
تعوذت من الشيطان وگتلها روحي نامي وان شاء الله خير
يمامه : شكراً شيخ مقصرت
يمامه : رحت لغرفتي وحسيت براحه واخذت همسه بحضني متعلمه متنام اله بحضني

باوعت على بناتي يارب يعدي باچر على خير ومتصير كارثه
حامد : طلعت اتمشى ردت هوا اشتمه وافكر شون بيه عيونها كلهن حقد وتكرهني چا بيدي اعرفن بيها ماتريدني بس انه احبنها ومااگدر اعوفنها حسيت روحي تلوب عليها اريدها لازم اعقد عليها لاتروح مني ماكافي عمري الراح وانه اتاني ومتعذب

يمامه : صبحت من الصبح وگمت بدلت وغسلت وطلعت اشوف فضيله خطيه تخبز هي وبتها بشرى
صباح الخير
فضيلة : صباح العافيه گليلي شونج اليوم
يمامه : الحمدلله احسن متگوليلي شگد تخبزين
فضيلة : چا شون شتاكل الوادم اذا ماخبزت
يمامه : وليش بس انتي تخبزين مو موجوده احلام ومرت حمود ليش ميخبزن
فضيلة : والله ياخيه امي والشيخ مايحبون الخبز اله من ايدي
يمامه : والله حقهم صدوك الخبز من ايدچ يخبل بس خطيه بشرى بعدها صغيره ليش توگفيها من هسه على التنور

فضيلة : چا خيه بنيتي حديثه ولازم تتعلم كلشي حتى من تروح لبيت رجلها يكللها رجلها رحمه الله والديچ من علموچ على كلشي البت عدنا لازم كلشي تعرف تطبخ وتعجن وتخيط ومن هي وحديثه (صغيره)
يمامه : والله اني بناتي كلشي ميعرفن جاي ميعرفون يسون لروحهن
فضيلة : غلط خيه البت لازم كلشي تعرف اقلها لنفسها ولبيتها من تكبر
يمامه : اي والله صدوك هسه اخلي ودق تتعلم منج. لان اكلچ يخبل وكولشي من ايدچ طيب

فضيلة : ياا من عيوني خيه هاي بت الغالي اعلمنها كلشي واخليها تصير احسن مني
يمامه : انطيني هاي الخبزه منظرها يخبل
فضيلة : هني مري (الف عافيه)
يمامه : اروح اشوف البنات خاف گعدن
مشيت وجان اشوف حامد گاعد وصافن عليه استحيت مااسلم لان صرت وجهه بوجه ويااه صباح الخير شيخ
حامد : صباح النور ام ودق
عفته واني احس عيونه تراقبني دااحس هاي الايام عيونه جريئه وتباوع عليه چان قبل حتى من يحجي يدنگ ومرات تصير عيوني بعيونه بس يرجع يدنگ بس هسه لا بكل وقت احس عيونه اطاردني

صار الظهر وطلع حامد وحمود وحسان وراحو للمضيف واني نار وشابه بيه وكامشه القران وادعي تمر على خير وساعه تجر ساعه والتوتر سيطر عليه الا جميله گاعده ولا يمها
الحجية جميله: ولچ فضيله صخمانه وينچ
فضيلة : امري يمه
الحجية جميله: چا ساعه اصيحنج وين چنتي

فضيلة : يمه چنت يم يمامه خطيه قلقه على بناتها وعلى شغله الفصليه
الحجية جميله: خليها حيل بيهه كون تبقى مكدره وماترتاح
فضيلة : وتالي يمه بس لو تبطلين الادعيه على البت چا احنا بخير
الحجية جميله: اسكتي لاادعي عليچ امشي جيبيلي تمر وراشي اشتهيته وهااميه بارد وياه

فضيلة : تامرين
يمامه : يمها وتدعي عليه وتدري بيه دااسمعها اباوع عليها تاكل ومرتاحه ولا يمها وصار ٤ ساعات واني قطره دم ماضلت بيه ومااشوف غير حامد يطب من حلات روحي ركضت عليه شيخ فدوه شصار

جان يتقرب عليه وهمس غطي شعرج زين
يمامه : بله هسه اذا الزم شعري واحركه احد يلومني اني وين وهو وين عدلت الصخمانه الحجاب بزهك واريد اعيط واگوله احچي
فدوه احچي شصار

حامد : حضري نفسچ
يمامه : هو هيج گال واني انتهيت
حامد : السيد باچر يعقدلنا
يمامه : رحمه لأبوك هسه مال عقد حچيتها بصوت عالي وزهكانه چان يتقرب حيل مني بحيث عطره شميته وچان يكول
حامد : انه حچيت امس وكتلچ الچلمه اگولنها مره تتنفذ حسچ نصي
يمامه : ردت ابچي من القهر وعيوني تلالي كلها دموع فدوه احچي شصار
حامد : موالشيخ حامد الي يطي چلمه وماينفذها سقط الفصل كله
يمامه : يعني بناتي ماعليهن شى
حامد : سدچ أًمين وبناتچ امانه وانه ماااخون الامانه
يمامه : گعدت بالگاع ابچي

حامد : انه شفتها هيچ لو روحي فرفحت لابيه اگومها بعدها مو على ذمتي ولا اگدر اشوفنها هيج مكسوره وتبچي
گومي وگولي ياالله انتهه كلشي فضيله تعاي گوميها وخليها تغسل وجهه وترتاح مااريدنها تتعب يله
يمامه : گومتني فضيله واني بس ابچي هم وانزاح چنت حيل خايفه

الحجية جميله: هاا يمه تاخرت
حامد : مثل ماكلتي يمه سويتها راس براس والكل ترادم وعياط وصياح وكتلهم اطيكم بت المرحوم الچبيره بس مازن تخبل علينا چان بغداد واجه واحنا كاعدين وماجان فاهم الاتفاق وكام يعيط شون تنطون فصليه اريدن اسكته گوه جراه حسان وفهمه چا خرب كلشي

الحجية جميله: دمه حار على عمه هسه گلي والفصل شگد فلوسه
حامد : يمه انه حامد مااطيتهم حجه وتوليتهم بلساني اخر شى صفت بس تكاليف علاج الوليد والفرشه مال الفصل (خسائر الفصل من اكل وشرب )
الحجية جميله: سبع شيخ صگد الخلف مامات
حامد : يمه باچر اعقد على يمامه
احلام : يبوووووو تعقد على يمامه على هاي الحيه

حامد : انتي ماتوبين تدخلين علينا بدون أذن اله اكتلج يله ترتاحين
احلام : تتزوج علي يبن عمي
الحجية جميله: وجعووو شنهي حگه والشرع حلله اربعه
احلام : عمه فدوه خلي يتزوج ماعسى ١٠ اله هاي الحيه

حامد : انتي صاير لسانچ طويل ويراد اگصنه
احلام : نزلت يم ايده شيخ التريده يجرالك بس لاتزوج هاي الحيه
الحجية جميله: چا شنهي الفرق هاي مره وذيچ مره اذا انتي مامعارضه زواجه ليش تعارضين من يمامه
احلام : عمه عسى يتزوج بنات الديره كلهن اله هاي الحيه اموتن منها

حامد : اسمعي انه مامسوي شى غلط ولا حرام وانه اجيت وكتلج راح اتزوج وكلتي تزوج حتى يصير عندك وليد ليش هسه تخبلتي

احلام : وهسه واگولن تزوج ١٠ بس هاي لا اموتن منها كل السم والبله منها ازوجك بت بيت وزغيره تخلفلك ١٠ جهال هاي جبيره وماتفيدك ومرت اخوك
الحجية جميله: انتي تسودنتي لازم يتزوج يمامه اسكتي ولا ادوخيني وروحي لحجرتج
احلام : مااروحن اله يبطل الشيخ من هاي الزواجه
حامد : هههههههه احلام لو تنطبك السما على الكاع باجر متزوج يمامه
احلام : اروحن لهلي ومااضل لحظه وحده واخذ البت وياي
حامد : ترحين الله وياج البت ماتطلع عتبه الدار
احلام : چا شون اطلع واعوفن بنتي اخذها ويايه
حامد : احلام اكسري الشر لااكسرچ اكعدي واسكتي

احلام : عمه راضيه بكلام الشيخ
الحجية جميله: وغمه چا شنهي حگه وانتي راضيه اسكتي ولاتطلعين من دارچ وتعمين على نفسج
حامد : انه گلت ترحين الله وياج بس جنه ماتطلع بره دارها
احلام : انه رايحه لبيت ابوي ماارضى هيج تعاملني
حامد : ابقي يابنت الناس ومحد اجه ليمج لاتعمين على روحج ابقى بدارج معززه مكرمه وماله دخل بيج اي احد والبت بدارها وماخصها شى منج
احلام : چا تريدني اضل واشوفك تنزف ليها غير اطكن واموت
الحجية جميله: چا وموتتهم اكعدي يااحلام ولاتنطين مجال لضرتج تاخذه منج

حامد : يمه شنهي هذا الحجي شنهي جاهل وتاخذه
الحجية جميله: يمه هاي سوالف نسوان اطلع منها
حامد : انه اروحن للمضيف ابرك وانتي اذا عتبتي بره الدار مااردج الي تطلع من بيتي وبلا رضاي مااتدخله بعد

يمامه : اسمع عياط احلام يمكن عرفت العقد باجر بلكت تسوي شى ويلغي العقد والله متت مااريد اتزوج من ساعه السوده
ودق : ماما
يمامه : هاااا ماما شبيج
ودق : صدوك الي سمعته
يمامه : شسمعتي
ودق : باجر زواجج من حامد
يمامه : اولاًاسمه عمو حامد
وثانياً اي باجر
ودق : كمت على حيلي شون تتزوجي على اي اساس
يمامه : هاي شغلات من تكبرين تفهميها
ودق : اني جبيره موصغيره لو بس من وكعت الحادثه مو كل شويه تكولين انتي جبيره جان لازم تنتبهين وبهذا الموضوع هسه تكولين صغيره ماما لتتزوجين هذا الظالم راح يأذيج

يمامه : حكم القوي بنتي بعد
ودق : كمت ابجي وابوس بأمي فدوه ماما لتتزوجين شون تكدرين تتزوجين واحد غير بابا وفوكاها اخوه
يمامه : هو محد طيح حظنه غير ابوج وخلاني انذل لليسوه والي ميسوه
ودق : كمت على حيلي وعيطت لتحجين على بابا بعدج متزوجتي وكمتي تحجين عليه ليش
يمامه : اشش نصي صوتج ليسمعون
ودق : خلي يسمعون مااريدج تتزوجين وخاصه حامد هذ واحد ظالم وميخاف الله هو وامه راح يدمرونا
يمامه : لزمتها وكعدتها اسمعي بنتي وبديت اسولف الها على الشرط
ودق : شنو من إٱللـِْﷻـِْﮭﮧ لاينطيهم هيج ناس ظالمه مشايفه وليش ماما مكلتي ليش
يمامه : جنتي صغيره ومراح تستوعبين الي يصير

ودق : بس والله اني مسويت شى غلط وحجيتلج الي صار
يمامه : ميفيد الحجي ماما بعد ميفيد
ودق : وهذا من كل عقله اتزوج من عدهم لو الدنيا تحترك شايف نفسه ولي امري
يمامه : بنتي اسلوبج عدلي عيب تره ميصير مهما كان هذا عمج وجميله بيبيتج

ودق : مااحبهم فوك اذيتهم يتحكمون بينا وبمستقبلنا انتي السبب ماما شون تسمحين الهم يدخلون على اي اساس شنو هي تايهه
يمامه : اي تايهه منو يكدر الهم كوليلي جدج المريض لو خالج الي رجل دجاجه ميحل 

لو القانون الي بكم فلس يشتروه ويكدرون حتى تحرم عليه شوفتكم وتصيرن خدامات لجميله واحلام بنتي اكو شغلات مراح تفهميها اله تكبرين بعد
ودق : فدوه ماما امشي ننهزم مثل قبل
يمامه : ميفيد بنتي بعد انتن كبرتن ومااكدر انهزم بيكم وخاصه دنشوف الوضع يوم بعد يوم بغداد ديسوء والقتل على الهويه والتهجير يعني من انهزم ب٣ بنات وين اولي  وبكل الاحوال راح يلكوني عبالج مفكرت بهذا الاحتمال الف مره فكرت وبكولشي بس النتيجه وحده تاليتكم هنا بس الفرق اني يمكم وممحرومه منكم

ودق : حضنت ماما وابجي فدوه ماما مااكدر اشوفج متزوجته اموت والله
يمامه : بستها وكتلها شوفي ماما اكو امور بالحياه منريدها وخارج قناعتنا بس مجبورين نسويها حتى الحياه تمشي
أيه : ماما شبيج تبجين

يمامه : مابيه تعالي بحضني انتي هم
ودق : ايه ماما راح تتزوج حامد
أيه : عمو حامد
ودق : اي
أيه : شكو بيها اني احبه لعمو حباب اااخ ليش ضربتيني على راسي
ودق : لان خبله ومتفتهمين منو هذا الحباب هذا واحد ميحبنا ومأذينا
أيه : بشنو اذانه بله
يمامه : كافي ماما ودق عيب اسكتي
ودق : اوكفي ماما هاي بتج ثوله ومتفتهم مكيفه امها راح تتزوج
أيه : ممسويه ماما شى غلط وماما بعدها صغيره وحلوه وعمو حباب ويحبنا
يمامه : اباوع على بناتي شون يتناقشن صدوك الحياه تمشي كبرن بناتي وصار الهن رأي حتى ايوته الي كل اهتماماتها الاكل والنوم كاعدتناقش اختها
وتعاركن كاافي اسكتو

ودق : هاي بنتج راح تجلطني
أيه : اني مكلت شى كلت موعيب ولا حرام تتزوج وهي يمنا
ودق : وزوجته وبنته عبالج راح يعوفونه بحالنا مكافي جنه كل متفوت تضربني بأيدي لو تحطلي رجل حتى اوكع نسيتي ذاك اليوم من جرت الاكل من كدامج وكالت شنو تاكلين هذا مو من جدر اهلج ممنوع بعد تمدين ايدج
يمامه : شنو شوكت هذا الحجي وليش مكتولي

أيه : ماما مالج علاقه بجنه هاي وحده خبله وماخذتها على كد عقلها
ودق : شنو خبله اله تحطنا سم بالاكل يله
يمامه : اسم الله شحدها واني هسه احجي ويه امها حتى تجوز منكم
أيه : ماما تره جنه حبابه بس امها تحركها
ودق : ضلي هذا حباب وهذا فقير عبالج كل الناس مثلج
أيه : والله دوختينا شنو هاي الاعصاب متكوليلي على شنو
ودق : اكوم اذبحج اكولها امها راح تتزوج
أيه : كمت على حيلي بست ماما مبروك ماما وركضت
ودق : اااااااخ لو الزمج ماابقي شعره براسج فوكاها تبارك الها
يمامه : كافي بنتي عيونج خلصت من البجي
واندكت الباب فضيله
اكدر ادخل

يمامه : تعالي بدون متستأذنين گلبي
فضيلة : اريدنج وحيدج
يمامه : كومي ماما غسلي وجهج وشوفيلي همسه وين راحت
ودق : ماشي
تعالي فضيله محتاجه شى
فضيلة : والله ياخيه مااعرفن شكول
يمامه : كولي من شوكت تستحين مني
فضيلة : دزتني امي تكول خلي تحضر نفسها لباجر
يمامه : يعني شون احظر نفسي
فضيلة : يعني تنضفين نفسج وتنزعين الاسود وتحفين
شنووو مستحيل
فضيلة : خيه باجر عرسج

يمامه : عرس المصخم هو هذا هم عرس
فضيلة : لا خيه مامرجيه منج هذا الشيخ حامد الي كل الوادم تتمنى رضاته والله راح تعاشري وتشوفين طيبته
يمامه : اني مااريد اتزوج والله مااريد شون اتقبله هذا حمايه فضيله صعب والله صح اني گلبي مجروح من عادل ودمرني بس مومعناه اتزوج اخوه
فضيلة : راح تعرفين قيمه حامد من تكونين تحت جناحه وراح تعيشين سعيده ويااه
يمامه : شنو هاي الثقه اذا اني اكعد يمه ساعه اقل شى نتعارك مرتين شون اكون سعيده ويااه

فضيلة : خيه وبمرورالايام راح تعرفين شغلات بخويه حامد راح تكولين ياريتني اتزوجته من زمان
يمامه : متسكتين فدوه
فضيلة : كومي انضفج باجر عرسج
يمامه : مااريد ابقى هيج
فضيلة : واليرحم والديج الحجيه اذا اجت وشافتج بعدج بالاسود وماحافه تزفني
يمامه : مالي نفس حتى بهاي تدخل الله اكبر شنو هاي القابليه
خيه جفي الشر وتعوذي من ابليس وخلي انضفج وعديها على خير
يمامه : ماشي يله المهم مااسمع كلام امج ودعاويها
وطلعت فضيله فنانه وبدت تنضفلي وجهي وجسمي ونزعتني الاسود حسيت روحي انسانه ثانيه

فضيلة : اللهم صلِ على محمد وال محمد شني هااي ولج هذا الحسن وين ضامته حكه اخوي حامد يتسودن
يمامه : شون يعني
فضيلة : هااا ولا شى خيه من اطلعين اقري ايات طلعتي عروس ولا بت العشرين
يمامه : والله استحي وعيب شنو ازوج واني بهذا العمر وشتكول عليه العالم
فضيلة : ياعيني الي يسمعج طابه بالعمرين احلى عمر هو الثلاثينات اسكتي خيه وعيشي شبابج شضال من العمر وتحسبين لهذا وذاك

يمامه : وبناتي شون وين ينامن اني ين انام اني مااكدر بدون بناتي
فضيلة : خيه لتخليني الطم بنياتج حديثات عرايس شنهي ماتكدرين تنامين بلياهن

يمامه : غير متعلمه عليهم اما همسه متنام اله بحضني
فضيلة : هذا حضنج لشيخ حامد وبنياتج علميهن ينام وحيدهن
يمامه : اوف والله قهر لعابنه روحي من روحي
فضيلة : اروحن لأمي لتزفني تأخرت عليها
يمامه : باوعت على المرايه على شكلي شو حلوه والناس كلها تمدح بجمالي وجنت بيتي نادره ومداريه بناتي ليش ياعادل خنتني شنو الي بدر مني وخلاك تخوني والله مناقصني شى ليش ادمرني وادمر بناتك حتى اخذتك عن علاقه حب وكفت وياك ضد اهلي وبالمره قبل الحلووه جنت سندك ليش هيج تجازيني بشنو هي احسن مني بشنو جنت اتمنالك الرضا ترضى وادور راحتك وسعادتك ليش تجازي حبي وتعبي بالخيانه مااكول غير الي الله وكل الي كاعد يصير بيه وبناتك بركبتك وماابريك الذمه ليوم الدين تعبي وقهري والمي وبهذلتني اني وبناتك كله من وراك

ودق : طلعت ابجي وكاعده على المصطبه مكاني المفضل وحاطه ايدي على وجهي وابجي ليش ماما تتزوج هذا وجان اشوف واحد ينفخ بأذني وطفرت انداريت واشوف منير

هاولج غزاله شبيج
ودق : مسحت دموعي هلو منير شونك
منير : شبيج تبجين منو وياج اليوم اذبحه اصلخه انعل يومه
ودق : متلاحظ هواي تنفخ
منير : هههههه خوش تفشلين الواحد
ودق : تره والله مالي خلك اروح ادخل جوه احسن
تعالي يمعوده بس اكعدي خلي نفتهم
لزم ايدي تفاجأت من حركته ممكن توخر ايدك
منير : هااا تره موقصدي عادي هو لزمت ايدج قابل بستج
ودق : انت مكعد تلاحظ نفسك كولش جرئ
منير : هههههههه شوفي ودق تره اني هذا طبعي احب اشاقه يعني لتضوجين من اي حركه او ردة فعل مفاجأه تره مجرد شقه
والله تره مووقصدي اضوجج
ودق : عوفني منير هسه مالي خلك
منير : احجي اسمعج شبيج
ودق : ماما راح تتزوج عمك حامد
منير : هله هله فديته لأبويه

ودق : انت مبين راح تجلطني مثل ايه اكوم احسن
منير : لابربج اكعدي عمي سكتت يله احجي اسمعج
ودق : مااريده يتزوجها هي استغلها واذاها وراح يدمرها هذا انسان قاسي وظالم على اي اساس يتزوجها
منير : اسمعي ودق اني مراعي شعورج وحقج وماالومج يمكن اني اكثر انسان حاليا. حاس بيج
ودق : شمعنه
منير : لان مريت بنفس تجربتج بس الفرق امي عافتنا لخاطر الرجال امج تمسكت بيكم بكل الطرق حاربت وانهزمت وكافحت حتى تبقون بحضنها اني بعد كم شهر من وفاة ابويه عافتنا وراحت حتى مكلفت من باب العيب عمي تجذب علينا وتتمسك بينا دارت وجهه وتزوجت ولهذا يومج مره لو مرتين شافتنا وراها التهت بحياتها وجهالها
ودق : ليش صار عدها اطفال من رجلها
منير :اي اثنين ولد وبنيه يعني سوت عائله جديده الها بدون متلتفت النا احمدي الله امج لحد الان متمسكه بيكم
ودق : غير اموت اذا ماما حبلت منه

منير : لعد اخذها يتفرج عليها
ودق : شنوو
منير : لا هيج صيري اهدأ وتقبلي الواقع وتره رضيتي وان مارضيتي يمامه باجر تصير زوجة ابويه حامد وانتهى الامر
شبيج صفنتي
تدري شرط عمي يتزوج هو ماما واحنا لولد عمي
منير : ياولد عمج ولج
ودق : انت شصير مني
منير : هاا اي ابن عمج نسيت
ودق : هههههه
منير : اضحكي ولج الدنيا خربانه ولتخافين مااخليج تبورين اني اتزوجج
ودق : شنو يعني تبورين
منير : كون بوري على راسج هسه افتحه حتى تفتهمين يعني مااخليج تعنسين اكسب اجر بيج واتزوجج
ودق : هلوو ليش هي منو تقبل بيك يمه
منير : تقبلين وغصب عنج واله تتزوجين مازن
ودق : لا يمه عوذه كله ولا مازن
منير : لعد يحلوه ماعندج غيري
ودق : ههههههه لو تموت وكمت منه
منير : اصيدك اصيدك يغزال وين تروح مني

يمامه : بليل كبت العيطه اسمع احلام تعيط وتبجي واني ادعي تخرب شغله الزواج تالي اجه اخوها اخذها وراح يبو على حظي يعني هاي هيه راح اروح للسجن برجلي للصبح اني منايمه روحي تلوب رعب وقهر وضيم وبهاي الليله شاركتني السهر ودق ادري بيها منايمه ودمعتها على خدها بس مابيدي شى

وصارالصبح واشوف الكل مخبوص همه بس عزمو المقربين على غدا والكل التم الي يشوفهم عبالك متزوج بنيه مو مره عمرها بالثلاثين مطلعت اما ودق كعدت الصبح باوعت بوجهي وكالت
ودق هذا هو ماما مصره على موقفج مو
يمامه : امر ولازم يصير دارت وجهه وطلعت واليوم كله مشفتها سبحت وحضرت نفسي لبست كلبيه مغربيه لونها زيتوني وذهبي ورتبت نفسي وشعري شسورته ومكياج خفيف اني مااحط مكياج اصلاً صار سنين غير الكحل محاطه بس فضيله من الصبح اجتني وكالت الحجية جميله تكول لااطلعين وجنج ميت من الكبر حطي شوي اخضر واحمر واني حتى اتجنب الحجي والانتقاد سمعت الكلام ورتبت نفسي وللظهر كالو اجه السيد وصاحوني طلعت بخطوات مثقله ودمعه حاصرتها اباوع على ايه وجهه يضحك مكيفه وهمسه تكمز متعرف شيصير اما ودق اختفت تماماً

حامد : اجه اليوم الي راح تصير طيرتي بحضني آحـس گلبي يريد يطلع من ضلوعي الليل كله مانمته حضرت غرفه ليها ورتبتها وهي ماتدري وصيت الغرفه من بغداد طول ١٠ ايام وانه ارتب بيها حسان سواها مثل ماردت عبالك عرسان جدد واللون الي يحبه گلبها وجبت السيد ولو بيدي اعقد عليها من ٦ الصبح لو ما العيبه وصار الظهر والوادم تغدت وانه على نار بس كملو صحت السيد وبدا يعقد وهي ورا الباب اسمع حسها وگلبي تراجف ويه گل كلمه تكولها وصاحت قبلت اويلي الله صارت الي
حطيت مؤخر زين لو احطلها كنوز الدنيا ماتكفي من عشكها الي بگلبي وردت بس الوادم تروح اشرت لحسان وفهمني وبده يصرفهم شوي شوي اريدن اشوفنها

الحجية جميله: فضيله يفضيله
فضيلة : امري يمه
الحجية جميله: هاا عقد على البومه
فضيلة : عقد وصارت مرت الشيخ
الحجية جميله: عوذه منها تعاي ليه هذا اخيج خاف يصير بيدها
فضيلة : يمه شنهي شجرالج من شوكت وحامد يقبل مره تمشي
الحجية جميله: ولج يمعزايه هاي موش اي مره هاي يمامه طيرته لو نسيتي
فضيلة : خلي يمه تعذب المسكين كافي عايش ويه احلام هي تنجرع لو انه زلمتها جان من زمان حركتها بالتنور
الحجية جميله: شنهي شبيها جنها العافيه كافي تحبني
فضيلة : هي لان كلشي تسوي تكلج تم تحبيها

الحجية جميله: انه مااحبنها ليمامه كوه تمنيت تزوج وتروح غاد واخلص منها ومن شرها تالي الشيخ طاح بيدها
فضيلة : يمه الوادم فضت وراح يدخل الشيخ لاتكدري (تضوجي) فرحان ولاتكسرين فرحته
الحجية جميله: چا على شنهي فرحان لو هيه عزبه (ارمله) لوبت بيت چا شسوه
فضيلة : عنده يمامه تسوه الف بت بيت فدوه يمه بروح الولد لاتكسرين فرحتة واسكتي
الحجية جميله: انعل شيب اهلج چا شفتيني لازم العوجيه وادك على راسه وراسها
فضيلة : بست راسها يمه انتي تحبي لحامد ورويحتج اسكتي بس اليوم
الحجية جميله: اسكت بس اليوم
فضيلة : اي بس اليوم ومن باجر كلها الج
الحجية جميله: امري لله اسگت بس كليله نامت امي عبن بس اشوفنه مااسكت البيه مايخليني

فضيلة : هههههههه اكله نامت شربت دواها ونامت
يمامه : عقدولي واني دموع الدنيا كلها اتجمعت بعيوني اخذتني فضيله وكالت هاي غرفتج طبيت لكيتها غرفه ماليزيه كولش حلوه جان هسه موديلها نازل بغداد وغاليه عجبتني كولش الوانها حلوه الغرفه ذوقها مرتب
شوكت لحكو يسوها وصيت فضيله تحط عينها على البنات ودخل حامد واني رجفت
حامد : دخلت للغرفه وشفتها واكفه طيره ورجع بيه الوكت من شفتها تمشي وتضحك وهي بت ١٤ سنه ااااه ياطيرتي چان هسه انتي بحضني كل هاي السنين رجعت وباوعت ليها وهي ساكته سبحان الخالقج وخالق عيوونج الي من يوم ماشفتهن ضيعني وطحت وعشكتهن وصافن عليها ودايخ بيها مااعرفن شون اتصرف اخاف اسوي شى وتنفر مني
مبروك

يمامه : شكراً
حامد: تعالي واجت تمشي واباوع ليها واعضاي كلها ترجف گلبي الي بغداد يسمعوه وكفت گبالي مامصدك هيه حلالي واكدر المسنها (المسها) بعد كل هاي السنين
لزمت ايدها ولكيتها بارده ثلج شنهي هاي ايدج
يمامه : هاااا
حامد : هههههه لاتخافين مراح اكلج تهدي
يمامه : ابوجنه اني
حامد : گليلي حامد اريدن اسمعها بحسج
يمامه : لا اكول ابو جنه احسن
حامد : چابس مره
يمامه : باوعت بعيونه ليش هذا الرجال عيونه تنطق احسهم يسولفون جان يحط ايده على جتفي واتقرب يريد يبوسني واني رجفت صعب مدااكدر ياربي ابتعدت
حامد : بيج شى
يمامه : مااكدر والله صعب افهمني
حامد : تعالي اكعدي سحبتها من يدها وكعدتها جاري ( بصفي)
اعرف الي صار غصب عنج بس هذا حلال الله وانه راح احاول اسعدج ومااكدرج بيوم بس انتي هم انطيني فرصه يبنت الناس

يمامه : انت اخو زوجي بس كلت هاي الحجايه وكفت على حيله والحنان الي بعيونه اختفى
حامد : انه زلمتج وهاي المره حجيتيها المره الجايه اعاقبج عليها مالج رجل غيري انسي كل الفات

يمامه : اترجاك افهمني ولتتعصب شى جديد عليه مو بهاي السهوله انت تريد حقوقك مني واني حالياً مااكدر اوفرهن الك
حامد : باوعت ليها وانه مااجبرج على شى ماتريدي بس بشرط ماتنامين اله هنا واشرت على الفراش ويمي
يمامه : ماشي بس حقوقك
حامد : انه اعرف شون اخذهن وبرضاتج ياطيرتي
يمامه : شنوو طيرتك
حامد : تعالي وسحبتها وهي ترجف
يمامه : الموقف صعب ولا عبالك متزوجه ومخلفه ٣ بنات وشون رجال ثاني يلزمني غير عادل وفوكاها اخوه وهو اصلاً اله هيبته وعطره الي مالي الغرفه ويتعامل بهدوء ورزانه يجبرني على السكوت حاولت اتماشه ويه الوضع اريد اشوف شراح يصير بس مال اخلي يتقربلي مستحيل مااتقبله مووبيدي
شو هذا شمرالسبحه وتمدد على الجربايه بملابسه واشرلي تعاي بصفي
اجيت اتمدد وجان نسمع عيطه هزت البيت ودكوالباب كسروا
حامد : من انعل اهلكم هذا وگتكم شبيكم فضيلة : الحك خويه ودق غركت وجنه الي دفعتها بالشط ومازن يحاول ينجدها (ينقذها) والروج خذاها وخذاه
يمامه : يمه بنتي
يتبع ....

الفيديو من حامد ليمامه
لاتنسون تصويتكم حبايب
احـٍُــبٌــ💘ـٍَــْگُم

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]