رواية سجينة الروح الفصل الثاني والعشرون 22 - بقلم ريام هادي

سجينة الروح
للكاتبة Reem
البارت الثاني والعشرون

على كيفج يادنيا شبيج هيج وياي
على بختك يحظي شبيك ماتكعد
جبناهه حزن بس ضيم بس اهات
وشماردنا الفرح من عندي اشو يبعد
تمطر بس امل الدنيا للموزين
وعليه بالمصايب دوم ترعد
اجر الفرح كوه لخاطر العين
تهد جفون الرمش وبساع تشرد
ياكلمه سعاده بالله وين الكاج
وين افرح عليج وين افتح السد
على ضيم الكلب محد سألني بيوم
وبس تضحك عليه الناس تحسد
الم جروح كلبي وكوه اهدي الحال
كل ساعه الجروح تحارب وتمرد
اخيرآ ياصبر روح الله وياك
بقت هيه عليك شبيك ماتبعد

حامد : حضري روحج وبنياتج باجر مصبحه بغداد مالج مچان هنا تردين لهلج
يمامه : شنوو
حامد : هاا اطرشيتي لو شنهي
يمامه : موشغله مااسمع بس تفاجأت
حامد : انت تنوحين على بغداد حضري گلشي اروحن اودي هاي الطركاعه واول ماارد من الديوانيه اخذج لبغداد
الحجية جميله: انه امك يحميد چا هيه بكيفها ترد لبغداد يمه والبنيات
حامد : ويه امهن
الحجية جميله: من صخام الصخم وجهه امهن شون ترد وتحرمنا منهن
حامد : يمه هناك افضل الهن البنيات تعبن وامهن مااطيق العيشه هنا

يمامه : مو قضيه ما اطيق بس جان يقاطعني
حامد : لا تلفين وادورين وتدوخيني وادوخين انه البيه كافيني مو انتي يبنت الناس طلبت ترحين هناك والردتي جرالج اروحن انه وراي طريق
يمامه : ضليت ارجف صدوك مو اني الي كتلت روحي على اروح لبغداد شبيه من كلي ضجت واختنكت هذا طلبي وملخت روحي حتى يصير

الحجية جميله: يمه حميد لاتروح انه نار وشبت بضلوعي چا شون تاخذها لهناك تريد تولي امهن تولي عساها لا ردت البنيات ماتاخذهن على جثتي
حامد : اروحن للديوانيه ومم ارد نسولف
يمامه : خله وطلع وعمه كامت تعيط وتكمز واشكال المسبات استلمتني واني ولا فتحت حلكي مااكدر اخذ وانطي وياها بالحجي وبنفس الوقت الحيره والرجفه والالام جسمي من الوكعه كلها التمت عليه

فضيلة : يمه صگد جذب چا حسج واصل للبصره
الحجية جميله: اليوم احركن البومه شون تاخذ البنيات چا هيه سايبه انه بنيات عادل يرحن مني هو سنين اخيج يناشد ويگلي يردن لحضنج وانتظرت اسنين ويوم ماردن لينا من وره البومه ياخذهن ويردهن لبغداد حتى يلعبن لعب براحتهن وهاي امهن لاصداد ولا رداد هناك تلعب لعب ومحد يحاسبها

فضيلة : يمه شلچ بهذا الحجي لاتنسين يمامه مرت حامد ومتكدر تسوي شى والبت ثكيله واخلاقهاعاليه وماسمعنا العيبه منها
الحجية جميله: چا انتي وياي وياها لااطكين چبدي وتدافعين عليها
فضيلة : لا ادافع ولا شى بس البت ماتوالمها حياتنا وشفتي تاليتها أيه المسكينه وكعت بيها يمه شنهي الفايده بينا ومامرتاحات
الحجية جميله: انه ارتاحن ذني بنات المرحوم چا نعوفهن يسيبن شنهي ماتعرفين تحجين وهذا حميد شون يرضى مريته تولي وتعيش وحيدها لبغداد تسودن چا اصخامي واصخامي طيرتي وطيرتي وتالي يهدها على حل شعرها چا هذا مو صاحي وليدي تسودن لو مسحور انه اعرفنه مايرضى لو على گص رگبته هاي سحورتها انه هسه عرفت اخيج شبلاه

فضيلة : يمه واليرحم ابوي هيه يمامه مال سحوره چا صگد تحجين حامد شافهن تعبن وراد يردهن لبغداد لا سحر ولا شى على كيفج ويه نفسج لايصعد ضغط وتوكعين
الحجية جميله: ويطبني مرض گله ولا البنيات يرحن من حضني وهاي البومه تمشي كلامها علينا خلي يرد وانه اله اليوم احركها گلها چا هو يمشي ويلعب بكيفه واسگتله
فضيلة : اووف يمه اعرف وره هاي الرده لبغداد طلابه جبيره حامد تعبان لاتزيديها عليه
الحجية جميله: اسگتي لا تحجين ولي مني انتي تحركين اعصابي
فضيلة : الله يهديج يايمه وعفتها ورديت لحجرتي انه البيه كافيني مكافي وليدي ضاع مني دخلت وسديت الباب ولزمت القران اقرا وادعي لبراهيم يرده ليه سالم

يمامه : كمت اباوع على المرايه ونزعت ملابسي واشوف جسمي كله طكع زركه مدري من ضربته الي قبل كم يوم ومنا الوكعه كلها التمت بكل مكان اكو اثر ويوجعني بس ليش احس اكو وجع بگلبي ليش مو هذا الي ردته گتلت نفسي حتى ارجع لبغداد لبست غير دشداشه وطلعت امشي على كيف ورحت للبنات بغرفتهن اول مدخلت اشوف  ودق تتحرك منا ومنا
شبيج بنتي
ودق : لازم نكمل كولشي ماما مبقى وقت
يمامه : على شنو مبقى وقت وليش هيج مطشره غراضج وغراض همسه
ودق : دااحظر علمود نرجع باجر لبغداد واخيراً راح نرجع لحياتنا اوف من الفرحه لو بيدي اعيط

يمامه : اوكفي سمعتي الحجي جنتي تتصنطين
ودق : ميحتاج اتصنط اصلاً صوت عمو حامد واصل لسابع جار واني كاعده بمكاني جنت اسمعً كولشي حتى كتله فرحه جنا نسمعها اني وايه
يمامه : انداريت على ايه واشوفها تبتسم
اصبري ماما خلي نفتهم من عمج
ودق : ماما شتفتهمين هو كالها حضري نفسج وبناتج يعني الموضوع انتهى وانحسم

يمامه : انتي نسيتي عندج مدرسه وامتحانات نص السنه مباقي عليها غير ايام شون نروح ونعوف الامتحانات انتي وهمسه
ودق : مو مهم لو اعرف اترك السنه كلها المهم نرجع واعوضها على السنه الجايه والله اطلع الاولى بس المهم نرجع باجر اخاف يرجع بكلمته ويخرب الاول والتالي
يمامه : بله بربج هذا حجي شنو تعوفين مدرستج
ودق : هسه مو ايه تركت هاي السنه حالي من حالها
يمامه : ايه حاله استثنائيه وان شاء إٱللـِْﷻـِْﮭﮧ السنه الجايه ترجع وتتفوق بس انتي ممجبوره تعوفين سنه بطولها علمود كم يوم وهمسه شنو ذنبها اداوم سنه الخ ويه طلاب اصغر منها وعبالهم كسلانه ويأذوها بالكلام مثل متفكرين بنفسج فكري بخواتج
ودق : ماما اني مااريد اترك السنه بس مجبوره اذا بقينا اخاف عمو بعد ميرجعنا والله اموت معودت نطقها
يمامه : كافي ورجعي كولشي اتحملي هلكم يوم وتمتحنين نص السنه وراها على العطله انقلكم لبغداد واداومين بمدرستج القديمه اقلها مراحت عليج سنه كلها كم يوم نمشيها شون مجان

ودق : اوف ماما انتي عبالج اذا بقينا راح يودينا بعد ايام هسه تشوفين اذا مرفض ورجع بكلمته وخاصه جميله وراه وحراره صواب شغله فرحه من يبرد يرجع يفكر ويكولج والله اعذريني ماكو روحه وشوفي
يمامه : الله كريم المهم دراستكم هسه
ودق : ليش احسج انتي متريدين ترحين ممتحمسه ابد
يمامه : لان دراستكم ومدارسكم اهم هسه عندي
ودق : يعني مراح نروح لبغداد
يمامه : كاااافي ولتلحين ورجعي كولشي بمكانه يله وراج امتحان ولدوخيني انطيتي العلاج لأختج
ودق : (بتذمر ) اي انطيت
يمامه : لتكلبين وجهج وشويه ثگل كتلج نرجع وكافي يله وراج قرايه
رحت كعدت يم ايه ها ماما خوما يوجعج شى
أيه : كتبت الها انتي ماما الوكعه أذتج
يمامه : لتخافين ياروح امج مابيه شى المهم تصيرين زينه
همسه : ماما عندي امتحان عربي اريد اخذ ١٠
يمامه : تعالي ماما اقريج
ودق : يابه اكص ايدي اذا رجعنا لبغداد
يمامه : شنو علي صوتج خلي اسمعج لدردمين وحدج
ودق : لا ماكو شى اروح ارجع ملابسي واكعد اقرا وانتظر الفرج

حامد : صعدت بالسياره واشوفن هاي فرحه تناشغ من البجي الطريق گله دوختني
حامد : گافي راسي طگ منچ اسگتي
فرحه : والله مظلومه هيه اجتي صعدت هداده ودافعت عن نفسي يعني لو اني واكعه من الدرج جان ضربتها مثل مضربتني
حامد : لاتقارنين روحج بيها ويمامه ماتوكعج وماصعدت اعليج اله من حجيتي على بنيتها وانه گلت الي يجيب طاري ايه اكصن السانه
فرحه : بس انت صدكتهن وماصدكتني ليش مكلت يجوز هاي ايه تكذب وتتبلى عليه

حامد : لج اسگتي هاي منهي تتبلى عليج هاي ايه افقر منها ماكو وماتكذب وانه حسيت بيج تلوبين على المشاكل وانتي بكل الاحوال خلصت ورقتج يمي وشغلتكم ماظل الها شى وتفض
فرحه : بس انت ظلمتني

حامد : انه بعد گل هذا السويته وظلمتچ چا صكد ناس ماتملي عينها التراب
فرحه : لزمت ايده وهو يسوق فدوه حامد لترجعني والله احبك اصير خدامه الك بس لترجعني

حامد : نفضت ايدها (وخرت ايدها) مني بقوه لاتكضيني وخليني اسوق ونوصل من وگت وراي رجعه للعماره
فرحه : ابجي واحجي والله مااسوي مشاكل بس انطيني فرصه ثانيه اني احبك ليش تتعامل ويايه هيج
حامد : لان انه من الاول حطيت حد بينا وما المفروض تجاوزيه
فرحه : گلبي لو الف حد تحطله غصب عني حبك

حامد : اسكتي حسچ مااهيسه واله وحگ علي اشد حلكچ تره انه مورث منچ
فرحه : والله حرام كل الي سويتوه بيه
حامد : تسكتين لو الزمن الحزام واكمل عليچ واردج لهلج بكونيه
فرحه: ابجي واحجي سكتت والله بس لتضوج

حامد : من ساعه السوده الي فكرت بيها اسوي خير چا انه اله اتزوج اتسودنت بس گلشي محلول وتفض

وصلنا للديوانيه ماتأخرنا لان سقت بگل سرعتي ردت اخلص من البلوه الي عندي وصلت لبيتهم دكيت الباب وهيه مانزلت

ام صابر : هاي ياهو هله هله بالشيخ نورت الديوانيه تفضل ابني
حامد : انزلي
فرحه : نزلت واني ابجي منهاره
ام صابر : يمه فرحه بنيتي حضنتها شبيها شيخ شجرالها تعالي يمه ادخلو
دخلنا وهي بحضن امها تبجي
حامد : هاي انه رديتلج الامانه بتج يمج مثل مااجيتي وعفتيها يمنا نرجعتها
ام صابر : يمه رحمه لذاك الاب الطيب فهمني چا مافهمت شى
فرحه : ماما ميريدني والله انظلمت وياه ومكعد يسمعني
حامد : چا الج عين وتشكين
ام صابر : فهموني

حامد : من يوم ماجيتي انه شگتلج مو انه گلت اتزوجها بس تحرم علي وتصير دخيله وبس تخلص شغله اخوها اردها
ام صابر : اي يمه واني عفتها يمك مأمنه جه هي مريتك حلالك صارت حتى لو خذيتها مو حرام حكك

حامد : انه ماكضيتها  وهاي بتج يمج اسأليها
ام صابر : لج احجي شعملتي وليش الشيخ ماراضي عليج هاي وصيتي الج
فرحه : يمه مامسويه شى يتبلون عليه وهوه مصدكهم
ام صابر : شيخ عيفها يمي چم يوم ورد اخذها والتريده يجرالك
حامد : لا مافهمتيتي حجيه بتج رديتها الج عبن راح اطلكها وحگكم يرد الكم وگلها چم يوم وصابر والكاع عدكم
ام صابر : صخام چان والوادم شون

حامد : انه مالي دخل بالوادم اتفقنا وفيت بعهدي
ام صابر : يمه البت گلها تعرف بيها مرت الشيخ حامد چا اذا طلكت وتزوجت غيرك عيبه بحكك شون ماخذيتها
حامد : شنهي عيبه انه البت عدي دخيله

ام صابر : الوادم ماتعرف دخيله الوادم تعرف بت حديثة وحليوه وضلت شهرين بيت الشيخ والشيخ ماكضها راح تخلص من لسانهم محد يرحمك يمه انت لو ماخذها وصايره مريتك ترد عادي طلكها ونروح لحال سبيلنا
حامد : انه محرمها عليه ومايهمني حچي الوادم
ام صابر : چا حجيهم هين هاي رجولتك واسمك شون ترضى ينمس

حامد : وكفت على حيلي وانه نار بيه اريدن احركهم الي يحجي عليه ارده بطن امه مو انه الشيخ حامد ابن الشيخ راضي اصيرن سالوفه بحلك النسوان

ام صابر : يمه انه احبنك وفضلك ماانساه بس اذا طلع الكلام لاتزعل ولا تلومنا لان اي واحد يتزوجها ويتقرب منها اكيد راح يعرف هيه بت ويتفاخر والوادم بذاك الوقت راح تاگل وجهك انه من حبي الك اكلك هذا الشى

حامد :وانه مااريدن اكض فرحه وكلها چم يوم ورقتها تجيها
ام صابر : براحتك يمه التريده انتي روحي غسلي يمه وعدلي نفسج
فرحه : يمه راح يعوفني ويروح

ام صابر : أكلج روحي عدلي نفسج وانت يمه ارتاح وحلل والصبح رد للعماره
حامد : لا حجيه لازم ارد هسه
ام صابر : ياعيبة العيبه چا انت تعرف بالاصول الخطار يصير رد بليل كلها دقايق ويأذن المغرب والوضع موزين ومن الصبح اطلع لاتزعلني منك انه اعزنك حسبت وليدي صابر واجبك ماخذيته

حامد : واصل حجيه مشكوره
ام صابر : بروح ابيك الطيب تضل چا اول مره تزورني وترد بليل ماارضاها
حامد : بعد ملحت الحجيه وتوسلاتها وافقت عبن مااحبن اكسر بخاطرها
هذا هو حجيه ضال
فرحه يمه فرحه وينج
فرحه : هاا يمه
ام صابر : اروحن ساعه وارد لحجيه سليمه عندي شغيلات انطيهن وارد وجبي الشيخ ما تأخر
يمه وليدي المره مريضه اضربها ابره وانطيها دواها وارد ما تأخر

حامد : براحتج حجيه بس اريدن السجاده والتربه عبن مابقى وقت للصلاه بس شوي
ام صابر: تامر وليدي

حامد : توضيت وصليت واني روحي مسحوبه افكر بيمامه اكيد فرحانه تريد ترد هسه عيد عدها

فرحه : تقبل الله
حامد : منا ومنكم ردت امج
فرحه : اي وكاعد تسوي عشا دقايق والاكل يمك
حامد : فرحه
فرحه: نعم ابو جنه
حامد : مااريدن اشوفنج طول ماانه هنا ورقتج وحقوقج گلها توصلج لاتخافين ماظلمتج من الاول مااظلمج من تالي
فرحه : الي تريده يجرالك شيخ

فرحه : هاا يمه بشري كملتي گلشي
ام صابر : يلمصخمه چا الج عين وتحجين هاي انه عود امشي واوصي اتردين بت ماكاضج  من موت الكرفچ ردتج مرت الشيخ رجعتي طليقته وماكاضج صخمتي وجوهنا
فرحه : شبيدي يمه گلشي سويت ومافاد طاير وفار  بزوجته يمامه مايشوف غير خيالها

ام صابر : لازم ياخذج وتحبلين منه وراها مايكدر يتركج
فرحه : وام احمد دبرتها
ام صابر: انه من خابرتيني وكلتي انه بالسياره راح ارد ويريد يطلگني ركضت عليها وكالت ساعتين وردي عليه اخذي الشغيلات وهسه من رحت عليها چان شوي باقي وكت ماتركتها اذا اخذتهم انه گلت بس لا تصيرين ثوله وتكولين منو ام سليمه
فرحه : لا يمه عرفت شنهي قصدج مو لهاي الدرجه

ام صابر : لازم ياكل ويشرب الجاي حطيت بالاكل واحطن بالجاي محبه ورغبه ومايشوف غيرج  وعندج بس هاي الليله تصيرين مرتي واله تخسرين كلشي ماعودنا عدنا ظهر يحمينا من عمامج چا نرد تحت رحمتهم اذا عرفو الشيخ طلكچ ثاني يوم الكاع ياخذوها
فرحه : روحي ودي الاكل بين مااسبح واعدل نفسي حتى بس يشتغل العمل ادخل عليه واخلي ياخذني

ام صابر : روحي بساع واخذت الصينيه تفضل يمه
حامد : ليش مكلفه نفسج يمه انه مو جوعان
ام صابر : هذا مو من مقامك بس شنسوي الجود من الموجود
حامد : گله نعمه وبركه حجيه عاشت يدج
اگل يمه براحتك اروحن اسوي الجاي
حامد : كعدت اكل وكملت واجتي ام صابر جابتلي الجاي جان بيه طعم غريب بس انه مااصبر بليه چاي راسي يطك لازم وره گل اكل اشرب حسيت بدوخه وانه السبحه بيدي متعلم عليها مااعوفنها هاي سبحة جدي انطاها لأبوي من لزم الشيخه وانطاها الي من لزمتها من الكهرب الاصلي وكلها محفره ايات قرانيه ومزوره الكعبه وكل المراقد الشريفه والائمه  احبنها واعزنها بكثر روحي عبن من ريحه جدي وابوي وماتفارگني وانه كملت الجاي الزم السبحه اطيح من ايدي شنهي السالفه اتعوذ من الشيطان ومايفيد تركتها بصفي

ام صابر : تعاي فرحه افرشي لرجلج
حامد : وجان اطب فرحه لابسه دشداشه حصر وطويله وبيها دلعتين من الجهتين بلرجل والصدر طالع تخلي الجبل ينطق بس بيدها كلها زراكات من الضرب نزلت عيوني بس ليش ارغبن اشوفنها وارجف عليها
فرحه : اتقصد ادنج كدامه ومفاتني تطلع  واحرك بجسمي بدلع وحسيت تخربطت احواله ويرجف ويعرك ويمسح بكصته

حامد : مااعرفن شبيه چا البت جانت تتلمس بيه ومااهتمن ليها چا هسه شبيه تسودنت واريدنها وارد اتعوذ من ابليس وارجف عليها وهي تدلع وجسمها يهتز جدامي وانه روحي تسيح
فرحه : تريد شى بعد عيوني الك
حامد : هااا لا مااريدن ولي من چدامي

فرحه : حاظر واضحك بدلع
ام صابر : يمه البيت بيتك انه اروحن انامن واخذ راحتك من رخصتك وليدي
حامد : مرخوصه يمه
فرحه : واني حامد محتاج شى منا منا
حامد : من اشتعل ابيج انه شبيه ارجف لا مااريدن شى وانتي احجي عدل لا تخليني أذيج
فرحه : حتى اذيتك عسل وراضيه بيها وتقربت منه وهو عاط
حامد : ولي ليغاد لاتقربين يمكن بس تتقرب مااسيطر على نفسي واخذها احس روحي بمعركه وجهاد مع النفس
ادور على السبحه جانت بصفي اختفت گله ولا السبح ظليت ادور عليها

فرحه : شدور اساعدك
حامد : اريد السبحه مالتي
فرحه : انطينياها اقلها من ريحتك عندي ودنجت عليه وصدري كله بين وهو يبلع ريك
حامد : فرحه والي سماچ فرحه ما وليتي مني هسه اطلع من البيت لو اعرفن ابات بالشوارع ولا تكربين ليه 
فرحه : لا لتطلع راح اولي وعفته ورحت لأمي
يمه شو هذا بعده صامد
ام صابر : بت الثوله اصبري چا حب ولبط الليل طويل وهو هسه بده يضعف اصبري ومايمر الليل اله وانتي مريته

حامد : ضليت الوبن ولكيت السبحه ومن الزمها احسن ايدي ترجف واسبح واغلط تذكرت ماخابرت الحجيه
دكيت على فضيله ماهيه
دكيت على مازن
مازن : هله يابه
حامد : هله بوليدي انت بالبيت
مازن : لا يابه طالع ويه اصدقاء اليه امرني محتاج شى
حامد : ردت احجي ويه الحجيه دكيت على فضيله ماهيه  واگلها اليوم اباتن بالديوانيه ومن الفجر ارد
مازن : من ارجع ابلغها واذا تحب خابر على عمه يمامه وهسه هيه كاعده
حامد : رجف گلبي من جاب طرواها
روحن بويه ولاتاخر وانتبه لنفسك
مازن : من عيني يابه تأمر

حامد : اباوع على رقمها وانه متخبط لحظه ارجف على فرحه ولحظه ارجف على يمامه وجان اتصل
يمامه : انتظر حامد وماكو تأخر واني اروح واجي بغرفتي عفت البنات تعشن ونامن توقعت يرجع متأخر بس شو لحد هسه ماكو
وجان يدك التلفون حامد بقيت مستغربه صار فتره مداك على التلفون مالتي شلته وصوتي كله تردد الو
حامد : الو يمامه شونج
يمامه :   الْحٍمَدٍ للـّہ شو ماكو لحدهسه صار شى
حامد : لا سلامتج بس راح ابات بالديوانيه بلغي  الحجيه
يمامه : وين يعني تبات كملت الوب
حامد : بيت اهل فرحه ليش
يمامه : وليش مرجعت احجي من بين اسناني وضايجه
حامد : الوقت تأخر شبيج عصبيه
يمامه : هاااااا لا بس استغربت گلت راح توصلها وترجع
حامد : لا ضليت الحجيه امها توسلت بيه وماحبيت اكسر بخاطرها
يمامه : ترجع بالسلامه راح اودي التلفون للحجيه لان بعدها كاعده واكيد تنتظرك

حامد : اي واليرحم والديك
عمه هذا حامد يريدج
الحجية جميله: هااا يمه حميد چا وينك گلبي نار عليك
حامد : لايضل بالج حجيه باجر من الصبح ارد
اكلچ حجيه انه مااعرفن شبيه
الحجية جميله: باوعت على يمامه واكفه فوكاي ولي لحجرتج من اخلص سالوفتي ويه حامد اصيحنج
يمامه : ماشي طلعت واني الفضول يقرا ١٠٠٠ شكوو شيريد منها
الحجية جميله: گول يمه تحچى
حامد : يمه اني احس برجفه بجسمي ودايخ وگل عضاي توجعني وسبحت ابوي گل شوي اطيح من ايدي

الحجية جميله: دخيلك يبا الحسن يمه حميد اقرا سوره الكرسي اسمعنك
حامد : بديت اقراها وانساها

الحجية جميله: تسودنت يمه اقرا المعوذات
من صخام الصخمج جميله ليش تنساهم
حامد : يمه مااعرف
الحجية جميله: انت وين هسه بيت ام صابر
حامد : اي
الحجية جميله: أكلت منها شى
حامد : اي تعشيت وشربت چاي
الحجية جميله: يمه سبحت ابيك لاتعوفها وكل مااطيح كضها زين علك العباس وينه

حامد : بالسياره يمه
الحجية جميله: تطلع واتجيبه وتربط راسك والقران الصغير الي بسيارتك تاخذه وتحطه جوه راسك وبس يطلع الفجر ترد منهم ولا تاكل ولا تشرب منهن طركاعه الفتهن
حامد : شنهي القصه يمه ظلمتيها
الحجية جميله: يمه اسمع چلمتي ولا تعاند وفرحه لاتكرب ليها من تصد يمك تعوذواقرا وغمض عيونك
حامد : شنهي يمه لاتحسسيني انه بيت چن

الحجية جميله: يمه انت ماتعرف النسوان ودونيتهن فلك طرهن انه لو يمك اشگهن شگ انت ردلي سالم وانه ليهن
حامد : انه صوجي چا هسه رجفتج بتوالي الليل شنهي القبضته گلبي وفرفح عليج ليش مااعرفن
الحجية جميله: چا الله يحبك يمه چي كافل اليتيم يمه اسمع الچلمه ورد للسياره والي كتلك عليه سوي وانه افهمنك بس ترد بالسلامه
حامد : صار يمه صار
الحجية جميله: خلي اصيحن البومه عبن تلوب اعرفنها
حامد : شبيهه
الحجية جميله: ولو انه گلبي موجر منك چه تريد ترجعهن لبغداد بس هسه اسگت لحد ماتفض الطركاعه الوكعت علينا
حامد : شنهي صار يمه لاتخوفيني
الحجية جميله: لا تخاف يبعد امك ربك موجود ومايترك عبده حشى لله اصيحن المسودنه
حامد : هذا لقب احلام هههههههههه يمامه البومه لتخربطين يمه

الحجية جميله: چا گلهن مابيهن خير دهر صابهن وخلصنه منهن يمامه يمامه تعالي ليه
يمامه : رحت اركض نعم عمه
الحجية جميله: هاج اخذي كملت
يمامه : اخذت التلفون شفت الخط بعده مفتوح جاوبت الوو
حامد : الوو
يمامه : محتاج شى
حامد : تنهدت بقوه وسكتت
يمامه : شبيك حامد صاير شى
حامد : لا اروحن انه تصبحين على خير
يمامه : وانت من اهل الخير
ليش گلبي يوجعني عليه احس صوته مو طبيعي

فرحه : طلعت اشوفه يخابر اوف هسه غير يفضها شو هذا طلع وين راح
حامد : رحت للسياره لزمت العلك دخيلك اسمك يلعباس لزمته وحطيته بيدي ولزمت القران جن نار وصار بيه واختنكت وعيوني مغشوشه وهوا ماكو الجو بارد گلش وشهر ١٢ وانه عركان رديت للبيت واشوفن فرحه تلوب هااا شو كاعده
فرحه : ظل بالي عليك بيك شى شفتك طلعت بره
حامد : شنهي جاهل وتفترين وراي
فرحه : لا بس غير رجلي واخاف عليه
حامد : وتالي وياج
فرحه : تعاال لزمته من ايده وهو بهت تعال شبيك
حامد : امشي وياها جنها تكودني مثل الطفل ودخلت للهول وهاي تكربت علي وكفت گبالي تعاي وانزعي كدامي وانه جفلت ريك مابلعت

فرحه : شبيك حبيبي صافن وبديت اتلمس بجسمه وهو ساكت وهادئ بشكل مو طبيعي تقربت منه وبسته من رگبته وتركت علامه تقصدت على احرك گلوب ذنيج عبالهن خلصن مني وهو بدا يسيح بيدي وبدا يتلمس ويتجاوب وجان يدك تلفونه وطفر
حامد : الووو والهث احس روحي فاقد بغير مچان احجي وعيوني عليها وهي تتدلع گبالي
الحجية جميله: هااا يمه بشر
حامد : هااا يمه شبيج
الحجية جميله: ياااا چا انه شصخمت قبل شووي العلك والقران وينهن
حامد : هااااا هياتهم يمي
الحجية جميله: چا شيسون يمك يمه البس العلك والقران افتحه بوجهك وحطي جوه راسك
يمامه : صاحتني عمه بصوت قوي رحت اركض شفت بيدها القران وترجف كالت خابريلي على حامد واني دكيت وانطيته الها ومفتهمت شنو قصدها بالعلك والقران وشنو الي صاير بس احس الحجيه موطبيعيه وجان تگلي اخذي احجي ويااه لا تسدين الخط

يمامه : ليش عمه
الحجية جميله: وغمه إكلج لاتسدين الخط واحجي ويااه لمن ينام
يمامه : صار بس فدووه اكو شى طمنيني

حامد : الووو حجيه هاي منو يمج
الحجية جميله: بومتك يمي گصدي طيرتك
يمامه : اوويلي عليج عمه اني بومه خرب حظي بس لو تبطل من هذا الاسم جان ارتاحيت
حامد : يمه لاتحجين شى كدامها

اي يمه ولزمت العلك وشديت راسي
فرحه : هاي شنو حبيبي حامد
يمامه : اسمع صوت الحيه يمه وكمت اكمز هاي مو سحلها من البيت دك كتل ودفرات شنو حبيبي حامد كمت اروح واجي من اعصابي امشي واكسر بأضافير ايدي
الو وينك اريد احجي وياك لتسده
حامد : ثواني واخابرج
يمامه :انتظرك مو تتأخر

حامد : هاي الثانيه شبيها
باوعت على فرحه روحي يبت الناس استري نفسج ونامي
فرحه : ليش مو جنت منطلق ويايه ورجعت تقربت منه وابوس بيه حتى اذوبه وهًو دفعني حيل إكلچ روحي منا
حامد : اذا بقت شوي يمكن اخذها مااتحمل بعد لزمت القران والسبحه وطلعت اركض هاي الليله احسنها جهاد لروحي اريدن هوا دخيلك يـاعلي روحي تطلع لزمت التلفون ودكيت طلعت يمامه
يمامه : انت وين هسه صوت هوا يمك عالي
حامد : چا انه مااتنفس ومااحسن اكو هوا
يمامه : سلامتك بيك شى
حامد : يمامه تعبان
يمامه : اول مره احسه كلمه تعبان تطلع من گل گلبه ولمست گلبه وكأني صدوك حسيت بتعبه
شبيك حامد لتخوفني
حامد : احس الدنيا ضاكت بيه وجن ملك الموت يفتر عليه
يمامه : انكمش گلبي وخفت عفيه لتحجي هيج
حامد : ابقي وياي لاترحين

يمامه : باقيه بس كولي انت وين هسه
حامد : انه بره بالشارع وبردت راح ادخل اگعد بالسياره لحين يصير الفجر وارد للعماره
يمامه : وليش طلعت من البيت
حامد : مااعرف ابقي وياي
يمامه : باقيه مااروح تمشيت للضوا طفيته وتمددت على الجربايه وبديت اسولف ويااه
حامد : انت وين هسه يم البنيات
يمامه : لا بغرفتنا
حامد : انياله الفراش النايمه عليه
يمامه : استغربت من كلامه شنو سالفته هو مو ضايج مني
الو تسمعيني
اي اسمعك
اريدن احجي وانتي اسمعيني والصبح گلشي انسي
يمامه : ههههههه هاي حزوره
حامد : چا مره من نفسي احجي وما تقاطعيني وتكمزين وعيونج تنط
يمامه : هاا اني والله طلعت مو خوش لعد ليش تحجي ويايه اذا هيج خانكتك
حامد : چا الگلب شخبره وهو مدولبني بيج
يمامه : حامد
حامد : هااا يمامه
يمامه : انت شكد تحبني
حامد : ههههههه چا جلبتي كل مايطكج خبالاتج وگلتي شگد تحبني

يمامه : هسه شبيك مو دنسولف كولي شكد تحبني
حامد : بكد رحمه ربج لا تلعبن بگليبي طيرتي تره انه گلبي عجز من حبچ وصار عمره ٩٠ وچلمه منج يجلطه ويموت
يمامه : همست بهدوءاسم الله عليك
حامد : من اشتعلت فرحه وعشيرتها
يمامه : ههههههههههه ضحكت بصوت دلع
حامد : چا شون وين اولي اليوم وفوكاها تدلع اسگتي واليرحم اهلج
تدرين راح اشتاق لگشي بيج
يمامه : شنو قصدك تشتاق
حامد : يمامه الي بينا خلص مايرد انه مااجبرنج على شى حتى لاتكولين گله من وراك تعبت من ملامتج دوم انه السبب بگلشي
يمامه : سكتت ردت اكوله ابقى يمك وتعال نبدي من جديد بس الساني بلحظتها انعكد
حامد : احس بطني تتكطع وروحي تلوب زايد مردت اگلها انه اروحن هسه وارد الصبح
يمامه : ليش مو كعد نسولف
حامد : اريدن انام
يمامه : وين راح تنام
حامد : ادخل لبيت فرحه
يمامه : ليش متنام بالسياره
حامد : چا والوادم شتكول عني الشيخ حامد نايم بالشوارع چا تسودنت انه سويتها گبل ماارد اسويها

يمامه : شوكت سويتها
حامد : من چنت اشتاگ الج والشوگ يتعبي اجي من العماره لبغداد بنصاص الليالي واسهر على بابج لحد مايصيرالصبح واشوفنج طالعه وتمشي وكصيبتج تمشي وراج
يمامه (: بگلبي احجي ) ياريت عرفتك قبل عادل لو عندي حظ جان انت هسه ابو البنات وزوجي من زمان
حامد : الوو نمتي
يمامه : هااا لا منمت اخذ راحتك تصبح على خير
حامد : وانتي من اهله
دخلت وفرحه ماكو حطيت القران جواي والسبحه بيدي تكول نايم باب الشرجي واخافن يبوگوني

فرحه : ركضت كعدت امي يمه اكعدي فدووه
ام صابر : بشري
فرحه : شبشر مفاد كولشي
صخام بوجهج مابيج خير الله انطاني بنيه ثوله لانفع ولا دفع هو شردت منج بس تحبلين منه ومادبرتيها من امداچ
فرحه : ابجي واحجي مااريده يروح حبابه

ام صابر : باجر اروحن لام احمد اسبيها سبايه چا هذا مانفع وياه المحبه انه صوجي ماسويته اسود چان ادوهن وتزوجج
فرحه : وهسه شون
ام صابر : اصبري للصبح واروح ليها ولازم اكو حل

حامد : نمت ساعتين واني عركان وكل شويه اختنك بقيت اطب واطلع ومعدتي كل شويه يزيد المها دخلت للحمام اريد استفرغ (اتقيأ) ومايفيد بس صاح الله واكبر وانه حتى بدون مااصيح احد اخذت غريضاتي وطلعت حتى صلاة ماصليت وصلت للسيطره مال الديوانيه مسدوده وكفت سره واني ارجف وراها بساعه انفتح الطريق كوه اسوق مااشوف كدامي وصلت الشطره وانه سلمتها اذا اسوق بعد اگلبها كوه لزمت التلفون وخابرت حسان

حسان : امر خويه شبيك حامد احجي
حامد : الحك حسان انه بالشطره وحالتي تعبانه گلش
حسان : انه اخوك انطيني المچان بالمضبوط وجاي انه ومازن
كتله مجاني بالضبط ورجعت الكشن وغمضت ومااعرف شكد نمت او تخربطت بس حسيت ايد تنده ليه

مازن : يابه تسمعني
حامد : اون واحجي اي
مازن : عمو ساعدني نشيله تره وضعه كولش تعبان
اخذوني وكولشي مااحس بس دخلت للبيت اسمع الحجيه تعيط
يمامه : اجه حامد وحال الضيم حاله اصفر وشفته بيضه وكوه يتنفس دخلوه لغرفتي صدوك خفت عليه شجاه ياربي
الكل ملتم يمه اريد افهم شى كل واحد يحجي شكل لحد ماعاطت عمتي

الحجية جميله: اسگتوا من فلك صابكم مااريدن حسكم اهيسه جيبولي القران
يمامه : وكامت تقرا على المي وتذب بوجهه خلي ناخذه للمستشفى
مازن : مو حجيت الطريق كله يصيح ودوني للحجيه
يمامه : وانت يامازن شون تسمع كلامه شوف حاله
الحجية جميله: اطلعو بره
مازن : جده وضع عمي تعبان
الحجية جميله: داكلكم اطلعو بره وعوفولي حسان
يمامه : طلعنا ومنعرف شصار جوه
وره ساعه ونص من الترقب والقلق والخوف صاحتني الحجيه رحت اركض
الحجية جميله: تعالي لبسي رجلج وانت مازن روح حضر رويحتك
مازن : وين جده نروح
الحجية جميله: نروح للعباس سلام الله عليه وليدي علاجه هناك
يمامه : عمه صدوك كذب الرجال منتهي وانتي ادورين زيارات
الحجية جميله: تسكتين لا هاي العوجيه اكسرها على ظهرج والماكسرته فرحه اكسره انه تعالي نزعي ولبسي دشداشه نظيفه بسرعه

يمامه : بدلت اله وهو لا ايد ولا رجل هذا الجبل القوي الي من يمشي يهز الكاع هز هذا حال دمعت عيني بس لو افهم شصار اخذوه وهو يسحل برجله

مازن : اخذنا ابويه للامام الحسين والعباس وهناك ساده دخلنا حسان عليهم وكعدوا يقرون عليه شو ذوله كالولنا هذا مشرب وانگلب عليه اني ما أمن بهاي الشغلات وانطونا شغلات شربناها اله ويقرون ويرجعون عليه ونمشي بين الحرمين بلحظه كمت ابجي واني اشوف ابويه الهيبه الي الناس كلها تخاف منه وتحسبله الف حساب مثل الطفل التايهه وعيونه بيهم دموع ويون كمت ابجي ومن قهري عليه ابجي واصيح بصوت عالي يارب شافي ماعندي غيره هذا سندي وابويه وصديقي يتمتني واني صغير لا اعتراض على حكمك بس لتيتمني واني جبير اني هسه محتاجه اكثر من قبل ماعندي احد اسند راسي عليه غيره
حسان : لك صير زلمه ولا تبجي
مازن : هذا ابويه عمو هذا اعز من روحي شون متريدني ابجي واني اشوف ابويه هيج تعبان والله وحق الامامين الي بينهم احنا هسه لو الروح تنطي اله انطي روحي

حسان : لتخاف وليدي بس كول ياالله وتعال نزوره بعد
مازن : ومنشوف غير تقيأ ويذب شغلات عجيبه اني دكتور بحياتي مشفت هيج شى ورجعنا للساده وهم قروا وهم مشينا لحد مااخر شى كام بس هوا يطلع منه وكع اخذناه كوه هو ضخم الله يسلمه وطويل كوه رجعناه للفندق سبحته وتمدد ونام وهو ساكت ولا حجايه لحد مكعد

حامد : حسيت روحي بمكبره وبنص الموت وشكو سحليه دود حيايه عگارب تفتر عليه وتلدغ بيه جسمي يطلع منه ماده سوده وتحرك بيهز واني اتهزم واتأذه ومااحس روحي غير مشمور بالحضره وابجي من الالم  وجهال تفتر داير مدايري ويذبون مي ورد بس المي ريحته مثل ريحه الامام گلش طيبه واجت بنيه صغيره تبتسم اباوع عليها زين واشوفنها ايه بت عادل وبيدها رايه حمرا جبيره وكامت وغطتني بيها وجن ولا كرصه بقت بيه وگل الحيل رد بيه فزيت من النوم واشوفن عادل وحسان نايمين مااتذكر شصار بس الحلم بقى بالي

مازن : كعدت لكيت ابويه سابح مره ثانيه ولابس دشداشه نظيفه واكف على طوله اني من فرحتي بجيت وحضنته
حامد : هاا بويه مازن چا هاي انت الزلمه تبجي چا شخليت للنسوان
مازن : والله من الفرح يابه
حامد : شنهي الصار اكعد وسولفلي
حسان : هاا خويه سلامات
حامد : الله يسلمك سولفولي
حسان : چنت تلعب بالتراب وكضيناك وضربناك چا غير اتسودنت علينا شنسولف

حامد : انه اريد اعرف شصار مااتذكر شى
وكعدو يسولفون
الحجيه شكالت
حسان : چا امك لو تشتغل علويه خوش فلوس تجيب بس باوعت عليك گالت وليدي مشرب ومن البارحه لازمه القران وتقرا گالت انه عرفت من خابرني
حامد : اي صحيح وبقت تنطيني تعليمات حتى لا تأذه بس مافاد
حسان : لا خويه فاد الله يعلم المسودنات شنهي جانت نيتهن

حامد : اله اسودن عيشتهن انه هيج يصير بحالي چا الوادم شبيها فوك ماسويت خير هيج اتجازه وهاي امها حجيه وحجيه طلعت طركاعه البله
مازن :  الْحٍمَدٍ للـّہ على سلامتك المهم صرت زين ورجعتنا سالم

يمامه : بقيت اليوم كله اكل بروحي وهاي امه كولشي مااخذت منها لاحق ولا باطل بس لازم القران وتقرا وادعي وتنخي حارت شسوت اريد افتهم منها اخاف اسألها مر اليوم كله ومبينو بس بليل خابروها واسمع الحجيه تصلي على النبي اوف شصار والله راح اتخبل

ثاني يوم نايمه ومااحس غير حامد بصفي كاعد طفرت من مكاني
الْحٍمَدٍ للـّہ على سلامتك
حامد : دخلت واشوفنها نايمه كعدت يمها اشتاقيت ليها جن صار عمر ماشايفها وفزت
يله حظريروحج اردج لبغداد
يمامه : مااروح
حامد : شنهي
يمامه : مااروح هسه امتحانات البنات بس يخلصن نص السنه وراها اروح وهسه انت بياحال انت مشفت شصار بيك حاير بروحتنا
شنو الي جنت تحس بيه وين رحتو

حامد : مو مهم هسه انه وعدتج اردج لبغداد البنيات ودق وهمسه يضلن هنا يمتحنن وانتي وايه اردكم لهناك
يمامه : وشنو مجبوريتي اعوف البنات واروح وخاصه عدهن امتحانات ولازم ابقى يمهن
حامد : يمامه اذا ماحضرتي نفسج واليوم اردج تحلمين ترحين هناك

يمامه : كتلك امتحانات البنات يخلصون واروح والله اصبرلي كلها كم يوم مو هوايه
حامد : كمت وكفت على حيلي حضري ايه ويله حضري نفسج ساعه ونطلع والبنيات يضلن يمتحنن وادزهن الج
يمامه : حامد افهمني اترجاك
حامد : انتي افهميني اذا بقيتي هنا مااضمن نفسي اضل على نفس چلمتي ومو انه الي ارد بيها يله بسرعه وكت مضل

يمامه : مااروح اله البنات كلهن ويايه
حامد : اخذيهن گلهن واستعجلي
يمامه : لهاي الدرجه تريد تخلص مني
حامد : لا تسودنيني هذا طلبج وانه نفذته
يمامه : ماشي كمت واعصابي نار واحضر غراضي وكعدت البنات واني منهاره من باب اريد اروح ومن باب اريد ابقى صرت مقسومه اثنين ومااعرف اني منو منهم وچان تكب العيطه هزت البيت هز ركضت شكووو عثرت واني امشي
فضيلة : وليدي ابراهيم ولك يمممممممه
يمامه : شبيه ابراهيم

يتبع .....