رواية سجينة الروح الفصل السابع عشر 17 - بقلم ريام هادي

بارت هديه لعيونكم
تحياتي لًلًـّــ💎ــجٌٓمٍَُٓيِّعَْٓ

سجينة الروح
للكاتبة Reem
البارت السابع عشر

شكتب عالحزن وانواع الهموم
رسمني بلون اسود واجهة وصورة

خلاني بجامة اگبال كل الناس
ياهو اليباوع صاح من جورة

شرسمك ياحزن ماعندي اقلام
اذا يوجد قلم اوراقي منثورة

سميتك بحر من يهجم الماي
شينشف البحر ومكسور ناعورة

مطوقنة الحزن وتچوينة نيران
كل ما اريد اكلمة واج تنورة

اشوف الدنيا دوم تقسم اهموم
علي بدل زماني بدنيا مغرورة

شتوصف الحزن بيا عبارات
شكتب عالحزن ماتنملي اسطورة

اشمالك ياحزن تفتر على الناس
ياروح البقت من عندة معمورة

سديت الهوى وتخنگ بالنفاس
روحي تصارعت وياك مجبورة

هذا انا حياتي بس قهر واحزان
صارت قصتي عالناس منشورة

اني أيه عادل راضي بنت يمامه وعادل الوسطانيه تربيت بيت هادئ نوعاً ما للي يدخله اول مره يتوقعه هيج بس من يتعمق بداخله يشوف كميه تناقضات عجيبه امي وابويه تزوجو عن حب شفت بأمي المره الحلوه الصالحه الي تحب زوجها ومداريه بناتها وبيتها على حساب نفسها حالها حال هواي من نساء العراق العظيم الي من تتزوج تنذر نفسها لبيتها واطفالها وبابا شفته حال هم حال كثير من الرجال الي بظاهره شكل وبداخله شكل ثاني تماماً بس رغم هذا كان يحبنا لحد مابيوم وبليله ظلمه اخذنا لمكان شفته بالبدايه حلو كله خضار ومساحات جبيره كلها زرع ورد وفاكهه وحيوانات واكدر اكمز والعب براحتي بس متوقعت هذا المكان راح يغير حياتنا تماماً رغم صغر عمري جنت افتهم كل الي يدور حولي ابقى ساكته بس يبقى بقلبي انطحن بيه طحن خاصه من ماما انهزمت بينا ماانساه اليوم هذا والرعب والخوف الي شفته بعيون ماما
واله من اجوي اهل بابا ياخذونا والعياط والصياح كله يمر كدامي مثل الشريط جنت اسمع كلامهم بس ماافهمه لحد ماكبرت وبقى الكلام يرجع بعقلي واحفظه وافهم ليش هيج صار

وره سنين رجعنا للعماره وبديت اتقرب من اهل ابويه واحاول افهمهم وشفت بيبيتي جميله الي محد شافه جنت من اكل عمرها مكالت ليش تاكلين هوايه بالعكس جانت دوم تكلي اكلي حبوبه بالعافيه لو تنطيني فلوس بدون محد يعرف حتى اشتري حلويات لو اشتري الي اريده بيبي جميله الكل يعتقدها قاسي خبيثه بس هي حيل طيبه ويانه متفرق بينا بس ودق تكرهه لان تحسها سبب رجوعنا للعماره ولان بيبي متحجي وياها الوحيده من الاحفاد مبتعده يعني مثل الارض المحايده اثنينهن مالهن علاقه بعض عشت بعائله متعرفها شتريد مره ناس تحب ناس ومره واحد ميطيق الثاني

اني احب شى لقلبي الاكل ياناس موبيدي اعشق شى اسمه اكل حلويات على مشروبات وعصاير على اكل بيت كولشي احب يعني بالاكل ابويه مااعرفه لو الدنيا محتركه اكل ومالي علاقه كرشي رقم واحد بحياتي وبسبب حبي للاكل سمنت والله حاولت اسوي رجيم هلمره اجوع بالزايد اضم الاكل عني احسه يجيني بالحلم ويكولي تعالي اكليني حرام عليج ضامتني واني مينطيني گلبي اظلم احد لهذا اركض للاكل اكله واريحه واريح كرشي العزيز

سمعت اشكال الانتقادات والحجي چنت مرات انقهر وانهضم بس مابيدي شى اخذلي يوم مااكل وارجع وراها اضرب اكل مثل المخابيل الاكل عندي عشق لاينتهي

شكلي المفروض حلوه بس مخربني السمن اني بيضه وطولي متوسطه الطول ١٦٥ وزني اويلي رشيقه اجنن ٥٨ وانتم عكسوها
ومرات ٤٨ حسب الاكل الي ماكلته بالمختصر رشيقه حيل عرفتو وزني اكيد
معاني نازكه لون عيوني عسلي تمنيت عيوني مثل ماما بس يله هم حلوات مرات يصيرون صفر ومرات عسلي يعني عيوني تنقلب ويه الملابس وشعري طويل لنهايه ظهري ماما بيها طبيعه متكص شعر بنيه ودوم تعتني بشعرنا اني شعري جان اشكر من صغيره بس من كبرت تغير لونه بس بقه بيه خيط شقار والله اني حلوه بس سمينه يله اهم شى الاخلاق

بديت اكبر وصرت بالثاني متوسط جنت مراهقه بس محد يعترف بمشاعري الكل عبالهم اني مااحس ماافهم حايره بطني وبس انواع الكلام الجارح انواع المواقف المحرجه وكل مصيبه توكع على راسي واكول ميخالف لازم اصبر يجي يوم ويتبدل حظي حتى بالمدرسه صادقت بنيه ويايه وره مده اكتشفتها تبوك مني فلوس بالجنطه وكلت للست عليها هلمره اني ترزلت يكولون غير اتسكتين وتنصحيها هو شسكت واني الكاها يوميه تاخذ الفلوس من جنطتي وتروح تشتري بيهن كدامي مره حسستها شفتها هلمره تخبلت بالزايد كامت تاخذهن كدامي ومتهتم شفتها او لا

بقيت وحدي بدون صديقه مقربه امشي ويه بنات ومرات وحدي واذا اضوج اروح لأختي ودق للصف اني اخاف من المشاكل وجانو بنات مرات يضوجوني ويكولون دبه حميسه ويمشون ويصيحون ورايه بالساحه ابقى ابجي ومن تجي ودق تشوفني ابجي وتعرف السبب تروح تهد عليهن مره سحلت وحده بنص المدرسه لان كالت هاي اختج شتوكلوها طليان وهوايش ولو انتم بيت الشيخ كل الحلال عدكم بس اتلاحكو اله لان راح يخلص من وره اختج ومااشوف غير ودق تلزمها من شعرها وكالت الها اليوم اله اسويج طلي واخلي ايه تاكلج
ونريد نفكها من البنيه ماكو وخطيه ودق اتعاقبت من ورايه نص مشاكل ودق بالمدرسه لان ادافعلي خلت البنات كلهن يخافن يحجن اخاف اختي تضربهن

اني دوم اشوف منير يحجي ويه ودق واحسه راغبلها بس مكنت اهتم لحد مابيوم كاعده انتظر ودق تطلع واكفه باب المدرسه واجه منير ياخذنه نرجع مشي ويااه لان ماعنده سياره المهم منرجع وحدنا اله احد ويانه وهاي اوامر يمامه خانم وجنت كاعده انتظر ودق وهو واكف على صفحه يسلم على صديق اله اسمع البنات اشكال يحجن هاي تكول يخبل وهاي التكول فديت شكله وهاي تكول هسه لو يحس ويباوع عليه والثانيه تجاوبه عيني هذا ابن الشيخ ومتربي بغداد متعجبه ياهو الجان واشكال الحجي عبالك توم كروز واكف تخبلن عليه بيومها بدت نظرتي تختلف وكأني اريد اثبت لكل البنات هذا الحلو الي كاتلين روحكم عليه يحبني وابن عمي

مراهقه وحبيت اجذب انتباه الكل بس لاحظت بوقت من الاوقات علاقة منير ودق قوت ودوم يضحكون سوه وهو من يشوفها يريد ياكلها بعيونه ضجت ليش يحجي وياها لحد منتبهت لنفسي متعلقه بيه واحب اشوفه ماادري حب مراهقه تعلق كل الي اعرفه اضوج من اشوفهم يسولفون سوه

ابراهيم احسه اكثر انسان يفهمني بكولشي
واعتبره الاخ الي مجابته ماما طيب وهادئ واكثر الاوقات ساكت لو يحجي كلمه كلمتين لو ميحجي على كد السؤال جنت انقهر عليه لان مكمل دراسته واشتغل بالكاع مال عمي اشوف الكل يروح للمدرسه وناس للكليه وناس للدوام مثل مازن اله هو يطلع من الفجر يروح للكاع والحلال ميرجع اله للمغرب وكل فتره يسأل عني ويجيبلي شى ويااه واكثر الشغلات الي يجيبهم حلويات لان يعرف احبهم دوم يصيحلي بطه لو بطتي كولش حنين ويسكت منير دوم من يحجي عليه

فديوم امشي اشتري من الدكان احب اشتري من دكان على الطريق مرات الصبح ومرات من ارجع شفت واحد جبير بالعمر موصغير يطلع بكد بابا يباوع ويسوي حركات موزينه لعبت نفسي منه وخفت ردت اكول لماما ترددت فكرت بودق كلت هم خاف تسوي مشكله وشيخلصنا اخذله يومين يوكف ينتظرني كمت مااروح اشتري اخاف واسبوع موصلت وراها كلت خلي اشوفه راح المشكله هذا الدكان الوحيد الي على الطريق والحانوت مال المدرسه شغلاتهم مطيبه رحت والله ملكيته الْحٍمَدٍ للـّہ خلصت منه ورجعت مثل الاول اشتري جانت ودق تنتظرني على الطريق الصبح جان محد يودينا للمدرسه لان الكل بالدوام بس بالرجعه لازم يجيني اما ابراهيم او منير او مازن ومرات واحد من ولد عم بابا المهم لازم يجينا واحد بس الصبح نطلع تلاثتنا اني ودق وهمسه نوصل همسه لمدرستها ابتدائيه بصفنا وندخل لمدرستنا الثانويه بس طريقنا هادئ وخاصه جهه ابو الدكان

المهم رجع وضعي طبيعي واروح اشتري وتنتظرني ودق بدايه الشارع وبيوم رحت اشتري مثل كل يوم وقبل لااوصل للمحل ومااحس غير واحد ضربني على راسي دخت وكمت ارجف وسحلني سحول وصعدني بسياره شكد ثكيله وكدر يسحلني جان واحد يسوق وهو ليوره ويايه مجتفني بديت اوعى واني جسمي كله يرجف كمت اضرب واكمز وهو لازمني بكل قوته جانت المسافه قريبه وكفت السياره وسد حلكي بقطعه قماش ونزلني جانت اصعب لحظات حياتي واني طفله ويسون بيه هيج كمت اعيط بكل قوه بس محد يسمعني جتفوني واحد يجتف بأيدي والثاني برجله اعيط ماما الحكيني عمو الحكني مازن ودق بيبي الحكوني ابراهيم وينك الحكني لحظات واني اشوفهم شون يتلمسون بجسمي واني ابجي وارجف خوف بس صوتي مديطلع يكطعون بقميصي ويرفعون صدريتي تمنيت اموت اسمعهم واحد يكول للثاني

شفت هاي البيضه المربربه الكتلك عليها هاي خوش واحد يتونس بيها
الثاني : عاشت ايدك صكد خوش جسم تموت وتشهي الواحد انزع وياي بسرعه لايجي واحد لازم منتأخر

وبدا اول واحد ينزعني واني اعيط فقدت الامل يجي واحد ينقذني كمت اصيح يارب انقذني ماعندي غيرك يارب لتعوفني لو تموتني وابجي بهستريا واصيح يـِْ♡̨ـِْا رَبّ بحق القران والكعبه عندك انقذني منهم

يمامه : كمت ادك والطم بنتي فدوه دخيلكم
فضيلة : خيه اذكري الله البت هسه يلكوها عمامها وين تولي
يمامه : لج فضيله متندل المنطقه ايه فاهيه وين تروح حتى متعرف احد ولا عدها صديقات بالمنطقه وهي دوم تشتري من المحل الي على الطريق وترجع
الحجية جميله: بسچ لاتثغبين (لاتصرخين ) اسكتي البت مابيها شى هسه ترد سالمه للدار
يمامه : عمه فدوه بنتي ضاعت وين انطي وجهي هاي زهره عمري هو اكو افقر منها انطيها اكل وعوفيها ساعات مسمعين صوتها عمه اموت اذا صار شى بيها
الحجية جميله: عوذه منج غير احركن الديره اذا انمس شعرها منها چا بت الشيوخ ويأذوها انه امك يحامد وحگ علي اكتلها گلها چا المن ربيت زلم وكبرت واحنا سنين حامين اعراض الوادم وحلالها تالي ينطخون بعرض ابنياتنا ونسكت هاي عيبه بحكنه انطم ارواحتنا احسن

حامد : اركضو بويه كل واحد ياخذ سلاحه واريدن العماره شبر شبر تدورونها مااريدن تغيب الشمس اله والبت بحضن امها
ابراهيم : مندمج ازرع بالكاع وادندن وجان يجي ابن عمي مرتضى ولك ابراهيم الحك
ابراهيم : خير ولك يلچلح (اسمر طوخ املح) تركض چن چلب يركض وراك
مرتضى : ولك بنت خالك ضايعه
ابراهيم : شنهي يابنت خال
مرتضى : الصغيره ايه ولك يمسودن البطه مالتك
ابراهيم : دخيل الله وعلي ورگضت مثل المخبل گله ولا ايه احس الطريق للبصره مش مسافه بسيطه وصلت شفت خالي حامد
ابوي شنهي الصار ايه شبلاها
حامد : بويه اخذ سلاحك ودور ويه عمامك البت طالعه واختها تكول راحت للدكان وماردت وگلبنا الديره وهسه الزلم گلها ادور

ابراهيم : طبيت للبيت جبت سلاحي واركض اني اندل منطقتنا شبر شبر وخاصه اكو كياعين بيها ختلات وزواغير وهواي نشوف بيها سلابه واشكال الوان ركضت ادور وانه متخبل رحت على ابو المحل لزمته من ياخته
اسمع لك البنيه صارلها اشهر يوميه تشتري منك وينها
ابو المحل : عمي ماشفتها انه شخصني (شعليه )
ابراهيم : شوف ابوراهي انه هسه عاقل اذا تسودنت اكتلك مچانك واكولن انت خطفتها
عمي كول ياالله انه ماشفت البت ولا وصلت ليه اليوم
انت ٢٤ ساعه حاطه عينك على الرايح والجاي وتعرف منو الطب منو الطلع اضرب من النسوان لاتگلي ماشفتها وسحبت چيله (طلقه) انت ماتسوه عندي غير هاي الچيله وفصلك المنه على ربع ربع من العشيره وماتهمني
ابوراهي : دخيلك وليدي انه بكد ابوك
ابراهيم : چا لو ابوي مثلك اكتلنه تعرف البت وينها وساكت احچي

احجي بس نزل السلاح لاتطلع الچيله واموتن
ابراهيم : ولك احچي لاتسودني
ابوراهي : انه شفت البت من بعيد تمشي مثل كل يوم طبكت عليها سياره بيكم مال ابو فلاح وضرب البت واخذها وشرد وانه خفت احجي لااطيح السالفه بيه
ابراهيم : ياابو فلاح
ابو راهي : بيت خميس السماج

ابراهيم : لايبن الچلب ودفعت ابو راهي حسابك بعدين انته وركضت على منطقه الغربيه من كاع عشيرتهم اعرفن ذيج الكاع كلها زواغير وختلات وكل دونم منها اعرفه اركض واحس روحي تناشغ عليها جيتج أيه ربي ساعدني لاتكدرني عليها

يمامه : حامد بنتي وينها وركضت بس شفته اجه من الباب طب مستعجل وانه وكعت يم رجله وهو دنج عليه ويريد يكومني
حامد : اششش اسكتي لا تموتين
يمامه : خلي اموت طبني مرض ولا بنتي يصير بيها شى فدوه ابوس ايدك رجعها اليه

حامد : اباوع عليها ومابيدي شى خليت الزلم كلها تطلع تدور ورجعت اخذ مفتاح السياره واروحن لمچان ابعد ولزمتني يمامه اول مدخلت وتتوسل لاتبجين هاي بنيتي واليوم اردنها ومااكعد بين الزلم اذا موبتج بحضنج منا حرگت گلبي على ايه ومنا هي تنوح احسن على ساعه يوكف گلبها وگلبي من الخوف عليها

احلام : تعاي خيه لايوكف گلبج وادعي ليها يرجعها سالمه تعاي يمه جنه جيبي لخالتج مي راح گلبها

جنه : (تبجي ) اي يمه
يمامه : لج عيني احلام هاي بنتي روحي وفلعه گلبي اني اذا تمرضت اتخبل عليها مو تروح وماادري وين مكانها
احلام : ربج كريم ويردها لينه انه احبنها للبت جي طيبه ومالها أذيه بحك ام البنين ترجع وماتلوع گلبج عليها
تعالي خيه اسكتي واذكري الله وخلي الزلمه يروح يدور عليها كومي شوكومي وينج جنه
جنه : هاي يمه الماي

احلام : اشربي واذكري الله
يمامه : اشرب سم وبنتي ماكو يحرم عليه المي والاكل وبنتي ماكو
احلام : چاهيج تموتين مايصير خيتي اكعدي اقري قران ادعي انذري البت ترجع لاتتخربطين علينا نحير بيج بالبت الي مانعرف مجانها
الحجية جميله: هايمه شنهي رديت والبت وينها
حامد : يمه كعد اندور رديت اخذ مفتاح السياره ونروح انه وحسان لمچا ابعد
الحجية جميله: يبعد امك اريدن البت سالمه ردها لينه يحامد هاي بنت عادل هاي الحنينه
حامد : لاتخافين يمه وادعيلنا
الحجية جميله: بحگ داح باب خيبر وچف العباس يارب تردها لينا دخيله عندك واريدن اليتيمه منك وانت ماترد الدخيل والطالب

فرحه : نزلت اشوف الوضع هاا خاله مبين شى
احلام : عسا اشوفن بيج يوم اسود من اليوم الي دانشوفه امشي استري روحج جنچ عروس السبعه تفترحين وحاطه الاخضر والاحمر والزلم تروح وترد

فرحه : هسه اني شمدريني البنيه راح اضيع كعدت الصبح عدلت نفسي وملابسي وسمعت العيطه وهاي فوك زينيتي اسأل عليها والله تحجون الاخرس
احلام : چا يوم مااسألن كبرج وين واجي اغمنج واروحن ولي استري روحج وكافي تموعين وعساج بالخرس والطرش حتى يرتاح راسنا منچ

فرحه : يعني حصره احجي حجايه بهذا البيت اله تحجين عليه هسه اني شمسويتلج واكلتيني وشربتيني بالحجي تره زين مني وساكتتلج
احلام : شنهي يمه ساكتتلي ونزعت النعال اليوم اكطعنه على راسج واريدن اشوف شون ترديني

الحجية جميله: احلام اكعدي تخبلتي
احلام : حجيه بله احنا بيا حال وهاي نازله تتموع علينا وفوكاها لابسه ثوب ملزك عليها وماساتره روحها والزلم كلها هنا
فرحه : غير بيتي وماخذه راحتي بيه حتى بهاي تريدين تتحكمين عندي رجال هو يحكمني وهو الي يحدد شلبس وشنزع وحالي من حالج لتسوين نفسج شرطي عليه

الحجية جميله: فرحه اصعدي فوك ومااريدن اشوف چهرتج
فرحه : يمه هسه اني شحجيت وانتي هم ضجتي مني
الحجية جميله: اسگتي وادخلي حجرتج ومااريدن اشوف طولج هنا يله ولي
فرحه : رايحه صاعده عساكم بأبو زايد ناركم تاكل حطبكم (احجي بگلبي )

ودق : ماما عفيه وين راحت أيه خطفوها مو (ابجي بصوت عالي)
يمامه : اختج همسه وين
ودق : وصلتها للمدرسه ورجعت على ايه وملكيتها
يمامه : هسه ادز احد يجيبها
تعالي ماما بحضني وادعي ويايه كافي اسكتي وادعي

ابراهيم : اركض هنا وهنا تخبلت يارب خلي الكاها النفس كوه اجره النبض ١٠٠٠ احسه بگلبي
أيه : ضربوني بكل جسمي اول واحد يبوس ويعض بوحشيه برگبتي وبصدري واني اعيط دخيلك ربي ارحمني وموتني ويه كل لمسه منهم جانو يستلذون بالضرب وجهي كله دم ايدي كلها طبع اضافيرهم يتفنون بتعذيبي قبل مياخذون عذريتي ريحتهم القذره بكل جسمي واني منهاره اااااااااااااه اخذني يارب اني يتيمه وانت ارحم على اليتيم من ذوله الوحوش الثاني بده يتقرب مني صلخني من جوه وبده يتقرب وزاد عياطي الغير مسموع لان سادين حلكي وانهياري وحسيت بده ياخذ اغلى ماعندي غمضت عيني

ابراهيم : شفت سياره ابو فلاح وركض بكل سرعتي سحبت سلاحي واشوف ايه مشدوده بالكاع قريب السياره ومصلخيها ومتقرب الساقط منها واني من شفتها هيج سحبت الچيله (الطلقه) وضربته براسه كتلته خلاص والثاني دينهزم صديقه وهم ضربته تكوم بصفه

شمرت السلاح ودفعته النكس منها وهي مغمضه وترجف وحالها حال المخبله الفقدت عقلها باوعت عليها كلها دم لطمت على وجهي من الله ياخذ عمري ولا اشوفج هيج نزعت الشماغ من راسي وشمرته عليها اريد بس استرها

نزلت للكاع وحطيتها على صدري واضرب على وجهه لان ساده عيونها حيل أيه إيه تسمعيني افتحي عينج انه ابراهيم
ايه لاتموتيني افتحي عينج
أيه : گلت يجوز متت والله استجاب دعائي اني سمعت طلق بس من كثر الخوف والانهيار الي جنت بيه شبه فاقده سمعت صوت ابراهيم اريد افتح عيوني بس من الخوف مااكدر لحد مافتح ايدي ورجلي واجه فتح عيوني شفت نفسي بحضنه عطت وابجي واشوفهم اثينهم كلهم دم ودمهم عليه كمت ابجي واعيط اعيط بأعلى صوت عبالك كل عياطي مال قبل دقايق واني مشدود حلكي هسه طلع

ابراهيم : شفتها منهاره تخبلت محسيت بروحي غير حاضنها حيل وتبجي على صدري وترفس برجلها وتضرب بأيدها بالكاع اششش اسگتي لاتخافين انه يمج
أيه : (ابجي واعيط) اريد ماما اذوني ابراهيم اريد ماما

ابراهيم : اسمعي ايه بالج ويايه لتبجين انتبهي عليه وباقيه بس تبجي وتصرخ لزمت وجهه حيل ترحين للبيت ومتحجين عن اي شى وين جنتي شصار كولشي متحجين كدام اي واحد افتهمتي
أيه : اريد ماما عفيه
ابراهيم : ايه لازم تصحين بس اشري براسج افتهمتيني
أيه : اي بس وديني لماما
ابراهيم : اردج بس مثل مكتلج گلشي متحجين لأي احد كمت اغطي بصدرها واسد دگم قميصها وهي بس تبجي ودموعها تنزل على ايدي وانه ابجي وياها خاصه من شفت صدرها شعالمين بيه درت وجهي وانه نار وشبت بروحي كتلتهم واحس مامرتاح لوهسه اكطعهم لحمه لحمه هم مايبرد ناري

يله تعالي وكومتهاوكمزت لان شافتهم وكامت تتقيأ واني متحملت منظرها وكمت اضرب بيهم وهمه ميتين برجلي بگل مكان بوجهم بجسمهم ياساقطين ولد الساقطين طفله تلعبون بيها هيج انتم قذرين ودنت نفسكم على طفله وفوكاها بعمر ابوها تفلت عليهم واخذتها وغمضت عيونها بأيدي حتى متشوفهم لان راح تخرب كوه تمشي صعدتها بالسياره

اخذت سيارتهم لان مااكدر امشي بيها وبهذا وضعها وصلتها للباب ودخلت على امها

شفت مازن اجاني يركض هاا شصار شنو هذا الدم بملابسك
ابراهيم : روح صيح ابويه حامد وگدام الوادم گله لكينا البت جانت يم صاحبتها وگلشي مابيها وردو ليه بسرعه ولاتخلي ابويه يرد وياه احد حتى ولد عمومتي

مازن : لك لتخبلني شصار
ابراهيم : اگلك روح صيح ابوي وانه افهمك
حامد : اجيت اركض هابويه ابراهيم صگد لكيت البت وشنهي هذا حالك
تعال بويه اكلك گلشي وانت مازن وعمي حسان وحجيت گلشي ليهم
حامد : لا ياولد الچلب على هلعمله اليوم احركن بيوتهم وماابقي نفر منهم

ابراهيم : بويه لازم مايعرفون تعدوا على ايه
حامد : شنهي چاشون واسگت عن حگها
ابراهيم : انه اخذت حگها وكتلتهم وعفتهم تاگلهم الچلاب بس لو الديره عرفت راح يتلوث شرفنا والوادم ماترحمنا ويجوز يتهمونها وتعرف الوادم نفوسها تغيرت وماتصدك تشوف شغيله سوده اله وتناقلت بينهم وكبرت وحتى يغيرون بيها وهاي حديثه ومراح لايرحموها ولا يرحمونا
حامد : چافوك ماتعدوا على عرضنا نسكت عليهم

ابراهيم : ماسكتنا يابويه وماتو بس شنهي ذنبها فوك مصيبتها نسودن سمعتها يابويه الوادم ماترحم البت تصير علچ بحلوك النسوان والزلم وحتى بنياتنا گلها راح تأذى اذا انعرفت

مازن : بس انت كتلتهم شون راح تخلص من هذا الموضوع وشنو سبب القتل
ابراهيم : تعاركنا وتوليتهم ساعه شيطان وماتو انتم الي عليكم تكعدون وياهم وفصلوهم واليريدوه حتى لو يكتلوني ولا عرضنا يصير حديث الدواوين

مازن : والله راح تخبلني فوك ما الحق ويانه يصير وياهم شون منطق هذا ابراهيم البنيه ممسويه شى همه باكوها واغتصبوها لازم ياخذون جزائهم واذا خفينا شغله ايه راح يصير كل الحق الهم يجوز حتى يطالبون براسك ليش نضحي بيك واحنا كل الحق النا تخبلت انت هو هذا حجي مال ناس عاقله
ابراهيم : ياخوي لاتنسى روحك احنا هنا نظامنا عشاير لاتنسى والوادم ماتعرف البت مالها ذنب موبعيد يكولون شردت وياهم ولكوهم وكتلوهم لاتنسى سمعه الشيخه وابوي وبناتنا وهي ايه مافكرت بيها شون تواجه اهلنا تواجه صديقاتها بالمدرسه تواجه الكل مراح تكدر ويجوز تموت ماتتحمل تشوف الكل يحجي عليها الي جرى جبير ياولد خالي نزلت راسي البت مكسوره وعدنا المكسوره مايرحمها احد حتى لو مظلومه

حسان : انه ويه ابراهيم چلمته كلها صح چا الوادم تاكل وجوهنا لاتفكرون بس بلي جرى فكرو بلي راح يجرى شنهي وراها چا احنا كتلناهم شنريد منهم بعد راح يحاججونا ومراح ينطونا حگ بعد وحجتهم انتم اخذتم حگكم بيدكم مالكم شى عدنا وحتى لو اخذنا فصل شنهي الي يفيد مراح يرجع الراح ومي وجهنا كله يطيح كدام الشيوخ كلها

مازن : اني ممقتنع بالموضوع كله يعني فوك كسرتها نضيع ابراهيم
ابراهيم : لاتخاف ابويه حامد مايعوفني اهم شى أيه
حامد : صح چلمتك بويه بس انته عزيز ليه شون اضحي بيك
ابراهيم : لازم واحد منا يضيع وعبن ايه بنت وضعيفه والوادم تاكلها اذا عرفت انه مستعد لجن تعيش انه اضيعن عادي
بس بويه عندك النسوان بالبيت لايحجن شى انه وصيت ايه ماتحچي بس مااعرفن من تشوف امها تسكت لا

حامد : انه اردن للبيت وافتهم وانته بويه تروح لبغداد لبيت ابو علي يم منير
ابراهيم : بويه شنهي احد گلك انه مره وتختل
مازن : مو وقت سباعيه ابراهيم احنا انريد ننقذ الموقف وجودك هنا راح يأذيك ويقيدنا ذوله ناس طبابين شر يشترون الفصول والمصايب شرايه شنو نسيت ذوله بيت السماج چم عركه طبو بيها وعدم القتل يامسهله وانت كتلت اثنين منهم مو واحد ورانه حرب والله لحد منخلص وبقائك هنا راح يتعبنا نضل حايرين شون نحميك لو نفض السالفه

حامد : بويه ابراهيم اسمع الچلمه وروح لمنير بس تفض رد چا تضل العمر گله گلها كم يوم ويرجع گلشي لمجانه
ابراهيم : الي تشوفه بويه بس باجر اروحن لبغداد عندي كم شغله واروح
حامد : لاتأخر من صباح الله تروح
ابراهيم : تآمر

يمامه : طبت ايه واشوفها كلها دم باوعت بين رجلها من جوه تنزل دم لطمت صخام الصخمج يمامه ركضت عليها وحضنتها وهي بس تبجي وتصرخ واني ابجي وياها وحاضنتها حيل

وين جنتي ماما احجي شبيج وشنو هذا حالج متحجي بس تبجي
الحجية جميله: وخري غاد تعالي يمه بحضن حبوبتج شبيج بنيتي منو السوه بيج هيج احجي بنيتي وين جنتي
يمامه : ماما ايه احجي ياامي
احلامً : اخذيها خيه وغسليلها شوفي حالها يصعب على الكافر وهسه بس ترتاح تحچي گلشي
يمامه : تعاي ماما وسحبتها من ايدها ودخلتها للحمام
ودق : اجي وياج ماما اساعدج
يمامه : لا ماما بس حضري ملابس لأختج
جنت بحاله من الصدمه الي بالي مااريده يطلع صح مكافي انه ملعوب بيه طوبه هلمره اتأذه بنتي ارجف وانزعها وادعي بگلبي مابيها شى يجوز واكعه راكض وراها حيوان ومأذيها ياربي دخيلك كله ولا الي بالي هي تبجي وكولشي متحجي عبالك انگلبت خرسه ودموع تصب نزعت القميص وضربت على وجهي ربي دخيلك هاي شنو منو سوه هيج بيج وكمت الطم تخبلت بنتي مزوركه من كل صدرها مبين معتدين عليها شكلها واضح بس حاولت اغالط روحي واتخيل واكون اكيد هذا كابوس وراح اصحى منه بنتي طفله مو مال بهذا العمر يصير بيها هيج لج بنتي احجي لتخبليني جان تشمر روحها بحضني

اويلي عليج يمامه ضيعتي عمرج ترجفين على بناتج وهاي تاليها ضاعت وحده منهن
اغسل بجسمها واشوف دموعي ودموعها حتى اكثر من المي الي دااغسل جسمها بيه بنتي انتهت حياتها قبل متبتدي حاولت ابين قويه لان وضع ايه خطير ومنهاره بشكل كامل اي تصرف مني يجوز بنتي تموت
اسكتي ماما كافي حبيبتي الحمدلله رجعتيلي
ماما ايه احجي شصار ماكو بس تبجي وتشهك واي كلام ماكو اباوع على جسمها متأذايه من كل مكان شنو شعوري واني ام واشوف بنتي الي عمرها متجاوز ١٤ سنه مغتصبيها لابيدج تحرگين روحج ولابيدج تعيطين ولابيدج تسكتين لان الالم الي تحسي جبال متحمله تحسين بلحظه الدنيا گلها وكعت على راسج

طلعتها من الحمام وبدلت الها ونومتها بفراشها وهي تبجي بهدوء واي كلمه. منطقت
ودق : ماما فدوه شبيها ايه
يمامه : مابيها شى بس ابقي يمها لتعوفيها شوي واجي
طلعت من الغرفه وشفت الكل ينتظر عمه وفضيله واحلام وفرحه هم نزلت تشوف شكو حسيت بلحظتها اريد امي اني الي عمري ٣٤ سنه اريد امي ابجي بحضنها واشكيلها حالي واطمني اريد تكولي يمه بنتج مابيها شى اريدها تضربني وتكولي اكعدي هذا كابوس بنتج كولشي مابيها وادور بالوجوه
الحجية جميله: هااا احچي البت شجرالها
يمامه : محسيت بروحي غير اروح لغرفه جميله وكتلها تعالي عمه اريدج وحدج
الحجية جميله: والغسل شبيچ تسودنتي موسألتج

وطبت بغرفتها وهي الخوف مسيطر عليها واحساسها مثل احساسي دخلت سديت الباب وهي كعدت بمكانها وصايره نار وتريد تعرف شصار ومشفت روحي غير اشمر نفسي بحضنها وابجي مثل الطفل واشهك
الحجية جميله: ولج يمامه بس لا الي بالي
يمامه : اي عمه بنتي اخذوها راح شرفها عمه وعلى صوت البجي واني بحضنها

الحجية جميله: يمه تسودنه وعلي ولج متأكده فحصتي البت
يمامه : عمه شفحص البنيه مزوركه من كل مكان ومن جوه تنزف شفحص والطم على خدودي واملخ بيهن بأضافيري عمه بنتي ضاعت عمرها ضاع وكامت تبجي ويايه وتلطم على راسها وجان يدخل حامد شافني بحضن امه وابجي واملخ بوجهي وهي تلطم

حامد : اذكرن الله وحسچن منا الوادم شنهي هاي تخبلتي شوفي وجهج
يمامه : ياوجه حامد بنتي تعزت وتصخمت بنتي ضاعت وراحت طفولتها وشبابها وانت تكولي وجهج

حامد : انه اعرف موهينه والشغله چبيره بس الي فعلو بأيه هيج اخذو عقابهم
الحجية جميله: لك يمه حميد بت عادل ضاعت منا ماصنا الامانه يمه
حامد : يمه حسج واليرحم والديج مااريدن الوادم گلها تعرف
يمامه : شتعرف بعد متكولي بنتي وصلتلي مدمايه والكل يتفرج عليها ليش عبالك محد يعرف محد افتهم كلهم عرفو بس سكتو

حامد : كومي اكعدي عدل لاترجفين شوفي وجهج تملخ وشفايفج ابيضت
يمامه : عساني اموت ولا بنتي بيها شى شون بيه وين اولي وين اروح
الحجية جميله: يمه حميد منو السواها
حامد : ابوفلاح بيت خميس السماج وابن عمه صادق لعنه الله على رواحهم
الحجية جميله: يمه وكاعد جاري وساكت وبنتنا تلوثت

حامد : يمه ابراهيم كتلهم خلاص
الحجية جميله: شنهي ابراهيم ولد فضيله وشجابه عليهم
وبديت احجي گلشي
يمامه : وشنو الي حصلته اني واذا ماتو او احتركو بنتي شنو مصيرها متكولولي
حامد : اسمعي يمامه الي صار مااريدن احد يعرف
يمامه : اكوله الكل شافها وانت تكول محد يعرف
حامد : هنا الكل تسكت واي چلمه تطلع اگتله وماابقي لحظه بالدنيا بس البره ولاد عمومتي اهلنا كلها سألت وبلغتهم البت راحت لصاحبتها وماتندل وتيهت وردت وانتم هم نفس الشى اي واحد يسألكم

الحجية جميله: وابراهيم شون وفضيله هذا وليديها وحيدها تتسودن اذا خبرناها
حامد : راح نكول عركه بينهم وساعه شيطان وگتلهم ونحاول نفضها بالفصل
الحجية جميله: والوليد وينه
حامد : بره مايقبل يروح لبغداد بين ماينتهي گلشي
الحجية جميله: اندهه وگله حبوبتك تريدك
يمامه : اني مبطلت بجي وحامد يحجي ويباوع عليه من هذا الحجي كله ميهمني الي يهمني بنتي ومستقبلها الراح
ابراهيم : جده امريني
الحجية جميله: تعال يمه احبن على راسك چي خذت بثارنا زلمه والنعم منك يمه
ابراهيم : جده هاي عرضي ومااعوفنها لحد كطع النفس
يمامه : تسلم ابراهيم مااعرف شون اشكرك لان كعد تشوف الوضع حتى حجي مااكدر احجي
ابراهيم : عاذرج عمه بس عينج عليها لاتعوفيها
يمامه : بعدنا نحجي ومنحس غير لطقات زرفت البيت تزرف

عطت يمه بناتي والركضه ركضه وجان يلزمني حامد من ايدي حيل وين رايحه
حامد بناتي بالغرفه هسه هبطن
حامد : تعالي نروح ليهن سوه لاترحين وحيدج
وركضت واشوف ودق حاضنه ايه وهمسه الي اثنينهم بس يبجون
يمامه : لتبجون حبايبي راحو
ودق : منو ذوله ماما
حامد : لاتخافين بويه ذوله كوامه ويانه جن الخبر وصل ليهم
أيه : راح يكتلوني مو راح يذبحوني
حامد : اگصن راسه الي يلمس شعره منج بويه
مازن : يابه ذوله جماعه بيت خميس مبين وصل الخبر الهم
حامد : شبسرعه الوادم تموت على الطلايب
مازن : صار اكثر من ٣ ساعات شون ميوصل الخبر الهم وهمه مشمورين بكاعهم مدمين واكيد سألو وعرفو من عدنا لان شافو اكثر من واحد ابراهيم وهو سايق سيارتهم بطريق الرجعه
حامد :حضرو نفسكم گلشي يصير ذوله غدارين ومانعرف شنو نيتهم وگل لأبراهيم يحضر نفسه يروح لبغداد مااريدن اخسرنه
يمامه : حامد شون شراح يصير وايه شنو مصيرها
اسمعي يمامه موضوع ايه ماينفتح واحنا نشيل الفصل وگلشي الي عليج تحافظين على البت. وعلى صحتج واترگي كلشي ليه
هاي شنهي
يمامه : شنو وكام يعيط طبعاً حامد من صار الموضوع الصبح لهسه بس يرجف وحالته حاله ولا اكل ولا شرب بس چكاير واعصاب كلنا هيج ماكو واحد احسن من واحد حتى احلام وجنه حسيتهم ماتو قهر وبعيونهم الف سؤال بس ميتجرأون يسألون لان حامد بالبيت ديتصل على كل معارفه لان متوقعين حركه محلوه من بيتك الحقراءالي اذو أيه

حامد : أذانج طگت دم ضغطج صعد
يمامه : موزين مجلطت وجان يسحبني من ايدي للمغسله وغسل اذني وصاح على جنه تسوي حامض اليه
مااشتهي عفيه بحال حامض اني
حامد : لايصير بيج شى وتأذيني
يمامه : رغم كميه الاعصاب والمصيبه الي احنا بيها شفت الخوف بعينه عليه
حامد : يله روحي ارتاحي وربج كريم واحل الموضوع وربج بس تفض ماابقيهم هنا گلها اهجولها اروحن انه للوادم وانتي انتبهي على ضغطج
يمامه : حامد
حامد : محتاجه شى
يمامه : دير بالك على نفسك عفيه
حامد : چا انه شلعب بحالي غير نفسي لاتخافين بويه انتبهي انتي وصيري زينه وانه اصير گلش زين
يمامه: خايفه حاسه هذا الموضوع راح ياخذ ناس من عدنا مثل موضوع عادل الله يستر واخذ كومه ناس مالها ذنب

فضيلة : يبوووو وليدي راح مني يبووو تعبج وكسرت ظهرج ضاع يفضيله ليش ولك يمه هاي تالي عمري تمرمرني وتحرگ گلبي عليك

ابراهيم : لحظه شيطان وصارت
فضيلة : انه كلبي مامرتاح انت ماتعارك وخلك طويل يوم ماتدخل بعركه تگتل اثنين زلم انه حاسه الموضوع ابد
ابراهيم : لااكبر ولااصغر يمه لاتأذيني الي صار قدر ومكتوب
فضيلة : چا انه القدر يفتر بس عليه ابوك راح ورملني وگلتو قدره هيج وحمدت الله وگلت الوليدات موجودين دنيتي
رجعت بعد ماكبرت گدام عيني وبعد التعب وبياض العين تروح مني يمه يمه انشدي على حالي وضيم وتعبي وسهري الي راح

ابراهيم : اسگتي يمه لايسمعون الوادم
فضيلة : انه لاعب گلبي وين اخوي حامد هو اليحلها
هو بويه مايتركني وراح يحلها گلها ايام وارد بس ادعيلي يمه
فضيلة : تعال يمه اشمنك چا انه مكتوب العذاب علي من انه بطن امي
الحجية جميله: فضيله ولدج زلمه لاتخربطين
فضيلة : يمه اعرف اكو شى ثاني وانتم خاشني عني (ضامي) وانه لازم اعرفنه
مازن : تعال ابراهيم حضر غراضك لازم من الصبح نطلع
بقى الگل مخبوص ناس والعشيره التمت انه ماحضرت الكعده تمنيت اشوفنها قبل مااروح

أيه : ماما
يمامه : ياعيون امج
أيه : ليش منايمه
يمامه : شنام واني ميته خوف عليج
أيه : عطشانه اريد مي
يمامه : بعيني هسه اجيبلج
رحت اجيب مي وعفت ودق وهمسه نايمات وأيه تنام وتكعد

ابراهيم : بقيت احظر غريضاتي والليل مانمته شون انامن وانه غير مااغمض العين اشوفن شگلها وروحي تفرفح
طلعت بره اريد اشم هوا وادخن انه ماادخن كدام ابويه عيب زحمه طلعت وتمشى بالحديقة واباوعن الليل هدوء بس گلبي وصدر گله صياح ونوح على أيه رفعت راسي للسما اناشد ربي تفض السالفه عاى خير وهاي البت ماتتأذه وانه ادخن رفعت عيني وانه بالحديقه على السطح هيج عيني مره على السما مره على السطح وادخن واشوفن ايه واكفه على الستاره مال السطح (حافه الحايط) وتريد تشمر روحها وانه تسودنت وركضت حتى حافي گلت هاي هيه راح تموت واصعد سويت الدرج شبخه وصلت ليه وعطت أيه وهي ادفعي روحج من السطح
يتبع ....