رواية سجينة،الظلم والانتقام الفصل العاشر 10 - بقلم Renad.m

#سجينة_الظلم_والانتقام 🍂🥀

#البارت التاسع والعشرون

#الكاتبة : سارة الشمري🖤

هل عندك شك أنك أحلى امرأة في الدنيا وأهم امرأة في الدنيا؟ هل عندك شك أني حين عثرت عليك ملكت مفاتيح الدنيا؟ هل عندك شك أني حين لمست يديك تغيّر تكوين الدنيا؟ هل عندك شك أن دخولك في قلبي هو أعظم يوم في التاريخ وأجمل خبر في الدنيا؟.

نزار قباني🖤

صحاني صوت شخطة السيارة برة ... استغربت منو اجة ... غزوان اصلا هنا ...

كمت فتحت البردة ... وشفتة

فتحت عيوني من الـــــصــدمـــة ...

كوة طلعت الكلمة مني واني اشوفة ...: زيــــاد ...

زياد شجابة هنا ... حطيت ايدي على كلبي وحسيت بشوق لاهلي .. يمكن لان اول مرة اشوف شخص من اهلي من بعد هالمدة ...

طلعت من غرفتي ونزلت بسرعة اركض ... شفت الباب مفتوح .. اكيد غزوان طلع ...

نسيت نفسي بدون شال وطلعت من الباب وشفت غزوان بالحديقة منطيني ضهرة وزياد مقابيلة ووجهة الي ...

صحت بسرعة : زياااد ...

غزوان التفت علية بسرعة وزياد نفس الشي ...

غزوان بس شافني ... سحب زياد من ياختة ولف ضهرة علية وصار غزوان مقابيلي ...

غزوان صاح بكل عصبية : طبببي جوووة ...

بقيت واكفة وارجف بمكاني من عصبيتة ... رجع صاح بعصبية اكثر : مــيـــامـــيـــن ...

كمزت بسرعة من صرختة ... دخلت للبيت بسرعة وسديت الباب ...

صعدت الدرج وركضت للبلكونة الي تطل عالحديقة ... فتحتهة وطلعت ...

شهكت واني اشوف غزوان ضرب زياد بوكس بنص وجهة ووكع بالكاع...

حطيت ايدي على حلكي امنع صرختي لا يسمعني غزوان ...

زياد حط ايدة على خشمة الي كام ينزف من قوة الضربة وكام يضحك ... استغربت وضعة ...

كدرت اسمع صوتهم لان جان عالي ...

زياد وهو يكعد ويحجي بغيض : شمسوي بيها ... شوفها شلون ذبلت ... وتريدني اعوفهة يمك ...

غزوان رفعة من قميصة ووكفة ويقربة منة وعيونة حمر من العصبية ... : غصباً عليك تعوفهة ... منو انت حتى تاخذهة مني ... والله اكتلك هنا قبل لا تاخذهة ...

زياد وهو يترنح ويتمايل وكوة ثابت ... : راح اخذهة تسمع لو لا ... اني احبهة قبلك .. اني انتضرتهة سنين ... اني شفتها تكبر كدامي وكل يوم احبهة اكثر ...

غزوان ضربة بوكس اقوى من الي قبلة وكال بعصبية : لو تموت ما اخليك تشوف طرف منهة ... روح باوع لنفسك بالاول ... شوف ريحتك شلون تكتل .. هيج تريد تاخذهة ...

شهكت واني هستوني استوعب ... زياد سكران ...

زياد : هي تحبني ... وغصباً عليك راح تجي وياي ... ميامين مستحيل تفضلك علية ... متأكد هي تحبني ...

غزوان ضربة وصار فوكاه ويضرب بي بجنون ... وهو يحجي بعصبية : جذااب ... تحجي هيج بس حتى تاخذهة ...
ميامين ما تحبك ... ماتكدر تاخذهة مني ... محد يكدر ياخذهة مني ...

زياد الي ما يكدر يقاوم لان سكران ومو واعي وفوك هالشي قوتة ولا شي مقارنة بغزوان ...

بقيت ارجف بمكاني واضرب على خدي واني اشوف زياد راح يموت بين ايدي ...

غزوان فكة وكومة من قميصة ...

زياد بقهر : ميامين تحبني .. اذا تريد صدك او لا تصدك .. اني وياهة جنة بعلاقة وقصة حب .. وعايشين احلا ايام سوة .. بس انت اجيت وخربت كلشي علينة ...

غزوان وهو يرفعة من قميصة بثنين ايدي ويرص على سنونة بعصبية : وعز الله وجلالة اذا ما سكتت هسة اخلص عليك ... وما ارحمك وما اخاف من شي...

زياد : عندي الدليل على كلامي ...

ضربت على وجهي ... : يمممة عزززة ... زياد شديحجي ... شلون يتبلى علية هيج ..

نزلت بسرعة من البلكونة واني متوجهة للحديقة وصلت للباب وتراجعت بسرعة من شفت مؤيد واكف ويحاول يفك غزوان عن زياد ...

كمت ابجي والطم على وجهي ... عزا العزاك زياد ... المن اجيت ...

سمعت صرخة غزوان : شيييييلة من وجهي لا كفيلك العباس هسة اكتلة وادفنة هنا ...

مؤيد شالة من ياختة وسحبة وياه ...

غزوان دخل للصالة بعصبية اول مرة اشوفة هيج ... يتنفس بسرعة وعيونة حمممر من العصبية ... شافني واكفة بالصالة ...

بدون مقدمات سحبني من شعري وهو ما خلى مسبة ما كالهة ... سحلني سحل من شعري ...

كوة امشي واريد اطيح بس هوة رافعني وشاد شعري حيل ...

صعدني الدرج وهو يصيح ويسب ويلعن ... واني اشهك : غزوان فدوة .. والله جذاب ... غزوان ..

هو ما جان يسمعني ... او بالاحرى عصبيتة عامية عيونة ...
دخلني لغرفة المكتب الي لاول مرة ادخللهة ...

شمرني بالكاع وراح فتح الكنتور وطلع منة واير شاحنة عريض ...

تراجعت لورى وضربت بالحايط واني مادة ايدي لكدام : غزوان فدوة اسمعني ...

اجة يمي وطبك ايدية لورى وربطهن بالواير ...

خفت اكثر وكلت : غزوان لا تسوي هيج الله يخليك ....
هو ولا عبالك يسمعني ...

جاب شماغ وطبك رجلية وربطهن من يم ركبي حتى يصعب علية افكهن ...

حجيت ببجي وترجي : غزوان شراح تسوي الله يخليك فكني ...

جاب وصلة وسد حلكي بيهة ... صرت احرك راسي يمنة ويسرة اريدة يوخر بس ماكو فايدة ... شد الوصلة على حلكي ...

فتح الكنتور وطلع منة عگال ... طبكة وتوجه علية وصار يضربني بكل جنون ... يصرخ وهو يضربني ...

ما يردد ويعيد غير كلمتين : اااااااه ... لييش ..
صار مثل المخبل .. وجهة احمر وعيونة حمر ... الشرايين الي بجسمة وبكصتة برزت ...

صارت صرخاتي مكتومة من قوة الضربات ...
صار يضربني بكل مكان بجسمي ... غمضت عيوني بكل قوتي ماكدر احمي وجهي لان ايدية مربطة ...

صرت اصرخ واني حلكي مكتوم ...
احس الصرخة توجع كلبي ... فحطت من كثر البجي والالم بس هو ما تعب ابد ...

شي يضربني .. شي يرفسني .. شي يدوس علية برجلة ...
بقى يضربتي بكل ما عندة من قوة .. حسيت جسمي كلة اشتعل نار من كثر الضربات ...

جرني من شعري ووجهة قريب مني .. حجة بفحيح : تحبينة ها .. والله لاخليج تتندمين عاليوم الحبيتي بي ... تعرفين ليش ربطتج ... اريدج تجربين هذا الشعور ... تتمنين تصرخين بس صرخاتج ما تطلع وتبقى مكتومة بكلبج ... دموعج تبقى تحرك بكلبج وما تكدرين تمدين ايدج وتمسحينهة ...

بعدج ما شفتي شي ...
هو يحجي واني احس نفسي دايخة ومسطورة من كثر الضرب ...

كام ورجع يضربني مرة ثانية واقوى بعد ...
غمضت عيوني وبعدهة ما حسيت بشي ....

فتحت عيوني بالكوة واني ماكدر احرك جسمي ... احس بس احركة راح ترجع الالم علية ...

مادري شكد مر وقت واني نايمة هنا بس انتبهت ان الضوة طالع

انتبهت للمكان نفسة .. واني نايمة بالكاع عالكاشي البارد لان المكيف مفتوح ...

قشعرت من حسيت البرودة مشت على عضامي ...

صرخت صرخة بدون صوت لان حلكي بعدة مشدود ... صرخت من رفعت ركبي لصدري واني احاول ادفي نفسي من هالبرد ...

شهكت بداخلي واني اسمع صوت خاتون برة وهي تصيح : ميامين ... ميامين وينج ... ميامين ...

حاولت اتحرك ... صرت اصرخ بداخلي رغم ادري ان صوتي ما راح يطلع ... بس احاول بلكي تسمعني ...

صرت ابجي واحجي بكلبي : فدوة خاتون ساعديني ... دائما تفهميني قبل لا احجي وتساعديني ... انقذيني هالمرة الله يخليج ...

التفتت للباب من شفت الايد مالت الباب تحاول تنفتح بس مقفول ...

دكت الباب وكالت : ميامين انتي هنا ...
حاولت اطلع صوت واتحرك بس ماكدرت ...

خاتون وهي تحجي بعصبية : وين ممكن تكون راحت ... افففف
سمعت صوت خطواتهة تبتعد .. ضربت راسي بالكاع بقهر وصرت ابجي ...

ليش يربي هيج يصير بية ... والله ما سويت شي ... يعني مو كافي علية غزوان ادور يجي زياد هم ...

حرام عليك زياد والله عمري ما اذيتك بشي ... ليش هيج سويت بية ...

اااااااااااااااااااه وينك رائد ... الحكلي فدوة والله احس راح اموت ...

بجيت بقهر ... بجيت ضلمي .. بجيت اخوي المضلوم ... بجيت حبي لغزوان ...

بجيت امي .. يمة وينج ... فدوة تعاليلي مشتاقتلج ... خلصيني من هالعذاب ... خلصوني والله مالي ذنب بشي .. والله مو اني الي قتلت فارس ...

صارت دموعي تنزل بالكاع ...
حاولت اكعد لان حسيت جسمي صار قالب من البرد ...
رجفتي ما وجفت ... جسمي كلة أذيني .. اي جهة اصير عليهة تأذيني ...

زحفت بالكوة على صفحتي ... وصلت لجهة المكتب ... سندت نفسي علي بالكوة وكعدت ...
احس ضهري موتني لان ايدية مربوطة لورة ...

رفعت راسي شفت صورة كلش جبيرة كدامي ... بالاول ما انتبهتلهة لان جانت وراي ....
شفت الصورة ماخذة نص الحايط تقريباً ...
انتبهت للي بالصورة ...
مؤيد وبالوسط فارس وبصفة غزوان ...
واكفين تلاثتهم ...

مؤيد جان لابس صدرية الدكتوراه ولابس نضارة طبية ومنزلهة على خشمة بأصبعة ومزل راسة ويباوع للكامرا ورافع حاجبة وحاط ايدة الثانية بجيبة ... اعرف ان مؤيد دكتور اطفال ... مرة كالتلي خاتون ...

بصفة واكف فارس الي جانت حركة عيونة مثل مؤيد هم رافع حاجبة بغرور ولابس قبعة صفرا على راسة الي يلبسونهة المهندسين ولازم بيدة الفيتة الي يقيسون بيهة البناء او غير شي ومطلع جزء منهة وواكف صفح ... فارس ادري بي مهندس لان جان يدرس وية رائد
واكف بصفة غزوان الي استغربت ان هو لابس زي الدكتوراه ... غزوان جان واكف ومكتف ايدي لصدرة وهو الوحيد الي ضحتة مرسومة على شفايفة وجان حاط سماعة طبية على كتفة ... عيونة تشع بفرح وضحك ...

اني ماعرف غزوان شنو يشتغل ...معقولة يكون دكتور ...
صغرت عيوني واني اركز بالصورة اكثر ... شفت مكتوب جوة كل واحد منهم كلمات ...

جوة صورة مؤيد مكتوب ..
طبيب الاطفال مؤيد عبدالله الجاسر ..
وجوة صورة فارس مكتوب ..
المهندس المعماري فارس عبدالله الجاسر ..

انصدمت من الي مكتوب جوة صورة غزوان ...
جراح القلب والدماغ والعضام غزوان عبدالله الجاسر ....
يعني غزوان جراح ...

تذكرت كل مرة جان يداويني بيهة ... تذكرت من جنت اكولة شمدريك بهذا العلاج هيج وهو يجاوبني ويكول مو انتي الي تعلميني ...

التفتت لجهة المكتب شفت رفوف وموجودة عليهة كتب ... ومن الجهة الثانية رفوف وعليهة ادوية ....

رفعت راسي لفوك المكتب شفت شهاداتة الي ماخذهة ...
انتبهت لاكثر من صورة الة وهو بزي الطب ...

قاطعني الباب الي انفتح بكل قوة .....

الكاتبة : سارة الشمري🖤

رأيكم بالبارت ... وتوقعاتكم للبارت الجي مهمةً....؟؟؟
#سجينة_الظلم_والانتقام 🍂🥀

#البارت الثلاثون

#الكاتبة : سارة الشمري🖤

أنا رجل لا يريح ولا يستريح فلا تصحبيني على الطرق المعتمة.. فشِعري مدان ونثري مدان ودربي الطبيعي بين القصيدة والمحكمة.

نزار قباني🖤

قاطعني الباب الي انفتح بكل قوة .....
فزيت بسرعة وخفت واني اشوفة داخل للغرفة وعيونة حمر من العصبية ... مادري ليش اكثر مرة اخاف بيهة منة هي اليوم ... حسيت كلبي راح يوكف من الخوف ...
بقيت ادعي بكلبي ... يارب تعديهة على خير .. والله بعد ماكدر اتحمل اكثر ... طاقتي نفذت ... تعبت والله ...
يارب ساعني وانطيني القوة والتحمل والصبر يارب ... يارب اني مضلومة وانت تعلم بهالشي .... اوكف وياي وارحمني من هالعذاب دخيلك ...

تقدم علية بسرعة وحط ايدة بركبتي ... كال بعصبية وهو يتنفس بسرعة : تحبينة مو ... جذبتي علية ...
شهكت بسرعة واني احس بألم بركبتي من قوة سحبة للكلادة ... بثانية وحدة الكلادة صارت بيدة ...

كطعهة وحطهة كدامي وكال : هاي من زياد مو ...
خفت اكثر وهستوني استوعب هذا السلسال من زياد ... والله ما لابستة علمودة ... والله علمود المحبس لان من رائد
ضغط على ركبتي اكثر وكال بصوت اعلى : احجيييي ... كولي منة لو لا ... اطيني بس كلمة وحدة ... هذا السلسال من زياد لو لا .... جاوبيني وديري بالج تجذبين علية .. سمعتي
حسيت اختنكت وراح اموت ... ضاغط على ركبتي وساد حلكي بالوصلة ... ويطلب مني احجي ...
شلون احجي وهو مربط حلكي ... الهوى انكطع عني  من قوة ضغطة على ركبتي ... حسيت خلص هالمرة راح اموت بيدة .... غمضت عيوني بقوة واني ارافس برجلية اريدة يفكني ...
غزوان بسرعة وبعصبية وخر ايدة من ركبتي وفتح الربطة الي على حلكي ...
شهكت بكل ماعندي من قوة ... ياااارب ساعدني ...
كمت اتنفس بسرعة اريد هوى ... اختنكت مرة ثانية من رجع حط ايدة بركبتي ويخنكني .. ويحجي والعصبية عامية عيونة كلش : احجييي ... بس جاوبيني ميامين وريحي كلبي ... من زياد لو لا ... كولي جاي يجذب وهاي مو من زياد ... كولي من رائد لو حسان ...
حجيت وكوة طلعت مني الكلمة احس راح اموت جوة ايدة : غـ..غز..وان
وخر ايدة من ركبتي بعصبية ولزم فكي بأصابعة حيل حسيتة راح ينخلع من غرز اصابعة بخدي ...
صرخت : ااااه ... غزوان اسمعني فدوة خل افهمك ...
كال بكل عصبية وهو راص على سنونة : جاوبيني اي لو لا ... السلسال من زياد لو لا ....
ماكدر احجي ... ماكدر اجذب ... حاط عيونة بعيوني وراح يعرفني اذا جذبت ... اخاف اجذب ويكون موتي على ايدة اليوم .. واخاف اكول الحقيقة ويعذبني ويموتني ... ماكدر اجذب والله ...
هزني اكثر وكال : احجييييي
حجيت برجفة وخوف : اي ..
ارتخت ايدة الي على فكي .. وانفكت عقدة حواجبة ... تراجع لورى وايدي رجفت ... كعد بالكاع ...
كال بهدوء : شنو اي ...
حجيت واني ابجي بخوف وارجف : اي من زياد ... بس واللـــ.....
قاطعني صراخة بكل عصبية : اااااااااااااااااااه .....
خفت اكثر وصرت ابجي ... بالزايد ...
حجيت بأنهيار واحاول ان يسمعني بس ماكو فايدة : غزوان اسمعني الله يخليك ... والله ما لبستهة علمودة ...
غزوان مثل صار مثل المخبل يضرب بية بالعكال الي بالكاع من البارحة .... ما يسمع مني شي ....
صرت ابجي واصرخ بس ماكو فايدة ....
صار يضربني اقوى من البارحة وبكل حركة كلب ... هاي اول مرة يضربني بهالطريقة وبهالعصبية ويرجف ... ما تعب ابد ...
يربي ليش هيج يصير بية ... احس جسمي شاب نار ... الاآم البارحة بعدهة بية وهو هسة زادهن علية  .. هي روح لو صخرة وتتحمل كولشي ... اتحمل ضربك لو اتحمل الشتايم ... لو اتحمل حبك الي دمر كلبي ... والله احبك ... والله ما احبة ... ما عمري حبيت غيرك ... انت اول شخص دخل كلبي ... انت روحي .. ليش هيج يصير بية منك ... الي تحب تتمنى الراحة وية الي تحبة ... شلون حبيتك الك شلون كلبي كدر يدك الك .... شنو هالقوة الي بكلبي .. ماجاي يكدر يكرهك حتى بعد الي سويتة بية ....

احجي هالشي بكلبي واني ابجي واصرخ وكلبي محروك ... احس نفسي انتهيت

مادري شكد مر وهو يضربني ... احس جسمي تكسر وايدية من البارحة مربوطة لورى ... وانضربت اكثر من مرة عليهن ... صرت ابجي اكثر ...
هو شمر العكال بالكاع وكعد عالكرسي وحط راسة بين ايدي ويتنفس بسرعة وايدي يرجفن ...
اني صرت ابجي بإنهيار من الالم وبصوت عالي اون ... محد راح يعرف آلمي غير الي جربة .... من الضربات لو من الرفسات لو من المسبات الي ما خلة كلمة ما كالهة الي ...
صرت اكح بالكاع ريكي ناشف ... الجو بارد والكاشي بارد بس جسمي مشتعل نار من الضرب ... وكلبي شاب نار وجمر من حبة الة ....
احس راسي صار يفتر ... صرت ابجي واهذي بأسمائهم ... رائد .. امي ..حسان ..غزوان .. حتى بابا .. صرت ابجي واكول اخذني يمك خل ارتاح ...
هو على وضعة ما تحرك بس يرجف ويتنفس بسرعة ...
حجيت بترجي : غزوان .. ارحمني والله ما سويت شي ... لو تموتني لو ترحمني ... ماكدر اتعذب هيج ... موتني وخلي ربي يعاقبني اذا جان عندي ذنب ... غزوان لا تسكت .. موتني وخلصني ...

طفر من مكانة وصاح بعلو صوتة وهو يقرب وجهة مني بدون ما يلمسني ووجهة صار كلش قريب مني ... : اسككتتتي .. ماريد اسمع كلمة منج ... ماكدر اخليج تموتين .. ماريدج تموتين ...
حجيت بإنهيار واني ابجي : ليش .. ليش ماتريدني اموت .. خليني اموت واحرك كلب اخوي علية مثل ما حرك كلبك على اخوك ... مو تريد تنتقم ..يلة انتقم مني وريح كلبك ليش تتعذب اكثر من هيج وتعذبني وياك اكثر .... ليش ما تريدني اموت ..

غزوان لانت ملامحة وتحولت للحزن ... انصدمت واني اشوف عيونة انملت دموع ... غزوان يبجي ...

كال بصوت مبحوح ويرجف : انتي تسأليني ليش .. اني اسألج ليش ماكدر اموتج ... ليش هيج سويتي ... ليش بقيتي محتفضة بالكلادة .. ليش ما نسيتي وانتي متزوجة ... ليش بعدة بكلبج من بعد هالمدة ... ليش ما خليتي يخطبج من الاول وخلصتوني من عالعذاب ... ليش عيشتوني هالالم كلة ... ليش ما كتلت اخوج وارتاحيت ...ليش جبتج الي عذاب ... ليش ورطت روحي ... ليش هيج سويتي بية ...
بقيت ارجف واني اسمع كلامة واشوف دموعة ... معقولة يبجي لان شاف الكلادة بس ليش ...
اباوع بعيونة وماعرف افسر نضراتة ... اول مرة اشوفة بهيج حالة ... اول مرة اشوف دموعة ... اول مرة اشوف الانكسار بعيونة...
احبة واعشقة وماكدر اشوف دموعة .. ماكدر اشوفة هيج متخيلني بدون اخلاق واحب شخص واني على ذمة شخص ثاني ...

ميلت راسي للكاع بإستسلام غمضت عيوني ماريد اشوفة بهالحالة ... ماريد اشوف دموعة ... ماريد اشوف ضعفة واني ماكدر اسوي شي لان مربطة ... وحتلو حجيت ماراح يصدكني ...
انتبه لنفسة وفز مسح دموعة بسرعة وفك الشماغ الي على رجلية ... صرخت بكل ما عندي من قوة من فك ايدية من ورة : ااااااااه ... ايييدي
.... احسهن متشنجات من الربط لفترة وفوك هالشي الم الضرب .... احسهن انشلن ....
رفعت ايدهة واني اكعد بالكوة على حيلي واشوف الاثار الحمرة على ايدية ويحركني ويوجعني ....

الدم متجمع بكل مكان بي ضربة صاير شي لونة ازرك شي لونة احمممر غامق ...
حاولت اكوم بس ارجع اطيح .. وهالشي تحت نضراتة الي واكف ويباوعلي ....
زحفت بالكوة وتمسكت برجلة وكتلة بترجي واني خدي على رجلة : ساعدني الله يخليك ...
سحبني من مرفق ايدي حيل وكومني بعصبية ووكفني ... احس كل مكان بجسمي يوجعني ...

بس كمت بدون تفكير حضنتة بكل ماعندي من قوة وصرت اشهك من البجي ... حتلو ضربني ... احبة وماكدر اضلمة لان هو سمع مني كلمة اي .. يعني اني السبب ... اني الي خليتة هيج ينجن ... اني الي خليت دموعة تنزل ....
ما رفع ايدة وولا حضني ابد ... بقيت متمسكة بي اكثر وابجي ...
حجيت بإنهيار واستسلام .... ماكدر اسكت اكثر ... خلص شنو يكدر يسوي بعد اكثر من هيج اذا عرف ...
استسلمت وحجيت واني عندي امل ان يفهمني : غزوان سامحني .. والله مو مثل ما انت مفكر ... ما احبة والله ... والله احبك انت ... انت اول شخص احبة ... احبك غزوان والله احبك ... ماكدر اشوفك كارهني ... سامحني الله يخليك ....

الكاتبة : سارة الشمري 🖤

بنات ادري بدون متكتبون ان البارت قصير بس جنت معزومة البارحة والله وكلشي ما لحكت اكتب ...

#البارت الحادي والثلاثون

#الكاتبة : سارة الشمري🖤

يحدث أحيانا أن أبكي مثل الأطفال بلا سبب.. يحدث أن أسأم من عيني بلا سبب.. يحدث أن أتعب من كلماتي.. يحدث أن أتعب من تعبي وبلا سبب.

نزار قباني🖤

استسلمت وحجيت واني عندي امل ان يفهمني : غزوان سامحني .. والله مو مثل ما انت مفكر ... ما احبة والله ... والله احبك انت ... انت اول شخص احبة ... احبك غزوان والله احبك ... ماكدر اشوفك كارهني ... سامحني الله يخليك ....

حسيت بأيدة انمدت لشعري ... وبسرعة صكيت سنوني من قوة الالم ...
سحبني من حضنة بقوة وقرب وجهة مني وهو يغرز اصابعة بخدي ..
حجة وهو راص على سنونة : شايفتني غبي كدامج ... تردين اصدك هذا حجيج .. انتي ا*** وحدة شفتهة بحياتي .. اقذر مخلوقة انتي .. وصلت بيج تكولينهة عادي وانتي تدرين بروحج جذابة ... ولو يمكن متعودة على هالشي مو ... وصلت حقارتج لهالدرجة ... شلون رسمتج بعقلي ها ... طلعتي اكبر ***** .....
غمضت عيونة حيل واني اسمعة يتهمني هيج ... اتهامات وكلمات ما تنكال ...
رفعت عيوني بعيونة بصدمة واني اسمعة يكولي هيج ... اني صرت هيج ...
شنو ذنبي .. اعترفت بحبي الة وبس ... ليش هيج يصير ...
كتلة واني اباوع بعيونة : غزوان والله ما مجذبة عليك ... والله احبك .. مستحيل اجذب بهيج شي ...
تخبل هو بالزايد وضربني راشدي وهو مثبتني بيدة وكال بعصبية : كاااافي ... اسككتي .. تكولينهة وعينج بعيني .. وج يالقوة البكلبج .. لا تكولينها هالكلمة ... لا تكولينها ..
طبكت حواجبي واني اشوفة شلون تحول مثل المجنون ...
سحبني من شعري وهو يفتح باب المكتب ...
بقيت اصرخ واني اتوسل بي بس ما يسمعني ويصيح ويشتم بخبال ... : بنت الـ***
غمضت عيوني وصرخت واني اسمعة يشتم بأمي ...
صرخت بعصبية : غزوان فكني .. وين ماخذني .. لا تغلط على امي .. تسمع لو لا ...
حجة بعصبية وهو يضربني راشدي حسيت اذني صفرت منة : صوووتج ما اسمعة ...
جرني من شعري وهو يسحبني وياه ...
انتبهت واني اشوفة ماخذني لجهة غرفتة ...
صرخت حيل لان هو مو واعي وعصبيتة عمتة : غزوان شراح تسوي .. فكني الله يخليك اسفة ..

بدون ما يسمعني فتح باب الغرفة وبسرعة شمرني عالجرباية ....
صار فوكاي وغرز اصابعة بخدي وكال بعصبية : والله وجلالة اذا ما خليتج تبجين بدال الدموع دم ما اطلع غزوان ابن ابوي ... وربج الا اخذ حك حرگة كلبي منج وما ارحمج ...
ما لحكت استوعب الا على صرختي واني اشوف يشك دشداشتي من فوك ليجوة ....: اااااااااااااااه .....
صار يضربني على وجهي وعلى جسمي بكل ما عندة من قوة ...
حسيت عالدم صار ينزل من خشمي ومن حلكي ....

غزوان تحول لوحش .. اول مرة اشوف هالوحش ... بكل مرة اشوف غزوان الي يريد ينتقم لاخوه ... بس هالمرة لا هذا مو نفسة غزوان ..هذا وحش ويريد ينتقم لنفسة ...
صرت اترجاه بس ما يسمعني ... ترجيتة واني احاول ابعدة عني بس ما كدرت .. ماكدرت احمي نفسي منة ... قوتي كلهة راحت جواه ....
صرت اشهك بضعف واني اسمعة يشتم بية بألفاظ ما تنحجي ... ووية كل لمسة يضربني اقوى من الي قبلهة ...
اصرخ بس ما يسمع صوتي ... صوت ضربة الي جان اقوى من صرخاتي ...
فرفحت من البجي واترجاه بس ما رحمني ...
اغتصبني بكل قوة وبدون رحمة ... ما فكر ان اني بنت وراح اتدمر من هالعذاب النفسي والجسدي الي عشتة وراح اعيشة ...
طلعت مني صرخة هزت اركاني وهزت كلبي ... يمكن بهالصرخة طلعت حب غزوان من كلبي : ااااااااااااااااااااااااااااااااااه.........

من ذاكرة غزوان // غزوان

كالتلي احبك .. وبكل جرأة .. تريد تخلص نفسهة مني وعبالهة اني غبي لدرجة راح اصدكهة ... استحقرت نفسي لان ابتليت بحب هيج وحدة ...
شلون كدرت تكولهة وهي تباوع بعيوني ...
شلون كدرت تمثل بهالشي .. شلون طلعت منهة هالكلمة الي اتمنى اكولهة الهة بس ماكدر ... شلون هي كالتهة بلحضة وبكل سهولة وهي تباوع بعيوني ....
ما تحملت الم كلبي ... اريدهة تتألم مثلي ... اريدهة تشوف ولو قليل من العذاب الي اشوفة ... شلون كدرت تسوي هيج بية .. شلون بقت تحبة وهي على ذمة رجال ثاني ... اريدهة تصرخ الرحمة بس ما تلكاهة ...
سويت ابشع شي ممكن اكدر اسويه ...
انعمت عيوني عن كلشي .. ما اشوف كدامي غير الحقد عليها وعلى زياد ورائد وفارس ولكل شخص وصلني لهاي الحالة ...
اريد انتقم لنفسي .. اريد اخذ حقي ...
اغتصبتهة بدون ارادتهة ... عذبتهة بكل ما تعني الكلمة ...
اسمع صراخهة بس ما اهتم ... اسمع بجيهة والمهة بس ازيد اكثر .. احسة قليل بحقهة ... الم كلبي اقوى من الم جسدهة بهواي ...
صرت مثل الاسد الي انقض على فريسة وهو صارلة سنين ما ماكل ...
ضربتهة ... عذبتهة .. شتمتها وسبيتهة وكلبي ما ارتاح ...
بعد مرور ساعتين من العذاب او اكثر ...
شمرتها بالكاع من الجرباية وشمرت عليهة الجرجف الخفيف ... وكعت على وجهة وايدية وجسمهة كلة يرتجف ... ودموعهة تنزل ما وقفت ولا لحضة ...
رجعت راسي لورى واني اتنفس بسرعة ...
نزلت دموعي حركت خدي وكلبي ... ليش وصلت لهالحالة ... كلة بسببهة .. كلة بسبب رائد وزياد ...

كمت بسرعة ... باوعت عليهة بحقد ... دست على ايدهة ووكفت ... هي ما تحركت ولا شوي ...
مشيت من يمة وطلعت واني احس نار ومشتعلة بكلبي ...
توجهت لمكان التدريب الي ورة الحديقة ... توجهت مباشرة لكيس الملاكمة وصرت اضرب بي بكل شراهة ... ما اشوف كدامي ...
اضرب بالكيس وصوت صرخاتهة تتردد بأذني ... بجيها وترجيهة الي ...سديت اذني وصرت احجي بصياح  : اسسسسكككتي ... ماريد اسمع صوتج ... كااافي ... كطعي صوتج ....

صرت اصيح واضرب اكثر وبخبال ... ما حسيت على ايدي الي حمرت من كثر الضرب ...
مادري شكد مر وقت واني عالهال والخبال هذا بس ما تعبت ...
لزمت الكيس بثنين ايدية وصرت اضرب راسي علي بكل قهر .... ليش ليش ليش ...
لهالدرجة وصلت بيك غزوان ... تغتصبهة ...
جانب مني ايكلي عوفهة تستاهل الاكثر من هيج ... بس جانب ثاني ايكول ما تستاهل تسوي بيهة هيج لان هي حبت حالهة من حالك وماكدرت تنساه ...
حجيت بعصبية ورجعت اضرب بالكيس : لا .. المفروض تنساه ... هي تزوجت ... لازم تنساه .. هي خاينة وو *****
اصلا لو احد غيري جان ذبحهة بمكانهة ... بس اني رحمتهة وما موتتهة .... هي جان لازم تموت بس اني ماكدرت اكتلهة ...
راااائد .. زيييياااد .. والله اذا اشوفكم اموتكم بيدية ... ما ارتاح الا اشوفكم تتعذبون مثل ما عذبتوني ....
رفعت راسي لفوك لجهة شباك غرفتي ...
كعدت بالكاع وحطيت ايدية بشعري واني اشدة اكثر ... طلعت شهكة مني بألم وتبعتها دموع وبجي ...
كعدت ابجي بالكاع مثل الجهال ... اشهك وابجي واحس كلبي محروك ...
رفعت راسي لفوك وكلت : شسويت اني حتى هيج تعاقبني بحبهة ... ليش ما حبيت غيرهة ... ليش الا هي ... مو هاي نورة و بسمة و جوري .. ليش ما حبيت الا ميامين ... ليش خليت بكلبي حبهة وانت تدري بي راح يعذبني ويكسر كلبي هيج ... شنو ذنبي السويتة حتى هيج يكون مصيري منك ياربي ... دخيلك ياربي شيل حبهة من كلبي والله بعد مالي حيل ... والله كلبي تعب منة ... خليني اكرهة حتلو اموتهة المهم تشيل حبهة من كلبي ...

حطيت راسي عالكاع وصرت ابجي اكثر ...
سمعت صوت مؤيد وراي .. اجاني بسرعة وكعد يمي وحط ايدة على جتفي : غزوان .. شبيك .. شصاير ليش هيج تبجي ... غزوان احجي
رفعت راسي وكعدت ... يمكن جنت منتضر احد يسألني شبيك ...
حضنت مؤيد وصرت ابجي اكثر : ليش هيج مؤيد .. ليش ما اخذني الله بمكان فارس وهلصني من هالعذاب كلة ... ليش ما جاي ارتاح ... شذنبي وهيج ابتلي ...
مؤيد وهي يحاول يهديني : غزوان اهدئ .. بس فهمني شبيك .. ليش هيج تبجي .. احجيلي شصاير ... انت من فارس ما بجيت هيج ... ليش جاي تبجي هسة ...
غزوان : مؤيد تعبت ... مالي حيل بعد والله .. كلبي تعب ...
مؤيد: احجيلي شني التعبت ...
رفعت راسي بأتجاه الغرفة .. حجيتلة كلشي من البداية ...
مؤيد كام بعصبية : غزوان انت شلون تسوي هيج ... حتى المخابيل ما يسوون سوايتك ... هي شني ذنبهة ... ليش سمعتهة يمكن تكدر تفهمك الموضوع ... انت ما ضال عقل براسك ...

صحت بصوت : اي ما ضال عقل براسي ... ما خلت عقل براسي .. كل ما اريد اكرهة احبهة بالزايد ...
مؤيد بعصبية : والي يحب هيج يسوي .. غزوان الي يحب ما يتمنى الي يحبة تتأذة منة لو شعرة وحدة  ... شلون اذا انت متخبل هيج وما مخلي بيهة عضمة سالمة ... هذا مو حب غزوان .. هذا خبال هذا تخلف هذا مرض نفسي ... دير بالك تعتبر نفسك تحبهة .. اليحب عمرة ما يسوي هيج ...

غزوان : شسوي لعد مؤيد ... كلامهة ضل يضرب بعقلي وماخلا براسي تفكير ... ماكدرت اتخيل ذاك الحيوان يلبسهة كلادة لو يلمسهة ...
مؤيد : وليش ما فكرت من البداية وكلت هي مالهة ذنب بشي ... اذا اخوها عار .. هي شنو ذنبهة ... تريد تعاقبهة على شي الله اختارة وهو ان تكون اخت لذاك العار ... غزوان شما سويت ما راح تكدر تصلح شي من الي سويتة بيهة ...
غزوان : ما راح يتصلح شي ... هي خطأت ... واني كلبي محترك وما ينطفى الا اشوفهم ينذلون كدامي ... لو اموت اني وارتاح من هالعذاب والعيشة
مؤيد بسرعة وخوف يكعد يمي ويحط ايدة على جتفي ويحجي : غزوان فدوة اروحلك بعد اخوك لا تحجي هيج ... ياهو الي من بعدك .. اذا صار بيك شي ينكسر ضهري وروح فارس .. اني راح مني اخو واحد وانت بقيت الاسند ضهري علي ... تريد هم تحرك كلوبنة مثل ما احترك على فارس ...
باوعت بوجه اخوي وحضنتة وبجيت ....

التفتنة على صوت صرخة بالحديقة ورانة وبأتجاهنة .....

الكاتبة : سارة الشمري🖤

يا جماعة بارت اليوم كولش مهم ان تنطوني رأيكم بي ... كلولي تصرف غزوان صحيح لو لا