رواية سجينة،الظلم والانتقام الفصل الرابع والعشرون 24 - بقلم Renad.m

#سجينة_الظلم_والانتقام 🍂🥀

#البارت الثالث والخمسون

#الكاتبة : سارة الشمري✍🏻

إذآ كنت رجلآ بمعنى الكلمة فلا تسمح لفتاة أن تبكي وإذا كنت تحب تلك الفتاة فلا تدعها تغيب عنك وإذا كنت تعشقها فلا تسمح لها بالرحيل .

غزوان وهو ينقل نضراتة بين عيونهة : شنو اني من هذني الي عددتيهن ..
ميامين غوركت عيونهة وبلعت ريكهة : انت ولا شي ...
غزوان بندم : شلون ولا شي .. مو انتي كلتيلي احبك وجانت بنفس هاي النضرات ..
ميامين دموعهة نزلت وكالت بحقد : وانت شسويت من شفت نضراتي .. شسويت من كلت احبك .. دمرتني وانت اتكول شلون كدرتي تكولينهة وعيونج بعيوني وانتي جذابة ..
غزوان مسح دمعتهة بيدة وحط كصتة على كصتهة وكال بهمس وندم : شششش اسف والله اسف .. والله اتمنى لو يرجع بية الزمن لهذاك اليوم .. اموت روحي الف مرة وما اسوي بيج الي سويتة ..
ميامين بصوت متهدج : بس ما راح يرجع .. لو مهما سويت ما راح يرجع .. غلطتك ماكدر اغفرهة ..
غزوان : ميـامــيـ ..
قاطعتة وهي راصة على سنونهة بحقد : وخخر عني .. عوفني وحدي ..
غزوان غمض عيونة وتنهد وكام عنهة .. طلع من الغرفة كلهة ..
ميامين رفعت اللحاف وعصرتة على وجهة وصارت تبجي بقهر وكل تفاصيل هذاك اليوم تنعاد عليهة ...
غزوان طلع من الغرفة وتوجه للبلكونة ...
الجو جان كولش بارد وهو لابس بدي نص ردن مال نوم .. بس مع هالشي يحس بنار مشتعلة بكلبة ...
حط ايدي عالسور وهو يتنفس بسرعة ويطلع البخار من حلكة ويختفي وية الهوى .. يلعن نفسة الف مرة لان جان سبب دموعهة ..
متندم بكد شعر راسة لان خسر حبهة بألي سواه .. مستحيل تنسى الي سواه .. هالوعكة الي هوة سواهة بكلبهة مستحيل تطيب ...
تنهد من كلبة وهو يكول : لا تستسلم غزوان .. ميامين تحبك .. بس هي بعدهة حاقدة عليك ومعتقدة ان هي تكرهك .. الي يحب ما يكره ...
دخل للصالة الفوقية وهو مالة عين يدخل ويشوفهة ...
مرت نص ساعة تقريباً ... دخل للغرفة شافهة منطيتة ضهرهة ..
تمدد عالجرباية وصار وراهة .. عصر ايدة وهو يشوفهة نايمة ودمعتهة ناشفة على خدهة ...
حط خشمة بشعرهة وهو يحاوط خصرهة ويحجي بهمس : اسف .. راح ابقى انتضر لحد ما تسامحيني ..
غمض عيونة وهو حاضنهة وغفى على عطرهة ...

££££££££££

ابطالنا نامو .. لكن مو كلهم ..
البعض منهم قلق .. والبعض منهم يفكر ومحتار ...
والبعض منهم يبجي ..

مؤيد جان قلق من ناحية شنو ردة فعل جوري لمى تعرف ان هو خطبهة ...
وبنفس الوقت قلق من المستقبل الي جاي .. وهو يدري بعمة راح يغصبهة ان توافق تتزوجة ..

ابو غزوان بس انطاه مؤيد الموافقة فوراً اتصل بأخوه حافظ وطلب منة يرفض الي متقدمين لجوري لان مؤيد رايدهة ...
جوري مجرد ما سمعت كلام ابوهة رفضت هالشي رفض قطعي .. مستحيل تتزوج شخص وهي تحب فارس شلون اذا كان هالشخص اخوه ...
ابوهة من سمع رفضهة غصبهة ان توافق بس هي وكفت بوجهة وبالمقابل هو حاول يضربهة بس اخوهة احمد حماهة منة وهدأ ابوه وكلة ميصير غير الي تريدة ..
وهسة جوري منهارة وتبجي .. ماتريد غير فارس ..
ابوهة يريد يجبرهة .. يريد يكسر كلبهة ...
نايمة بحضن بسمة ودموعهة تجري على خدهة وتشهك من البجي ...
بسمة ما تحملت وضع اختهة وطلعت تليفونهة وصارت تكتب لخاتون وتريدهة تحجي وية مؤيد حتى تقنعة يرفض هالزواج من عندة ..
خاتون وجانت متوقعة هالشي من جوري مية بالمية ...
توجهت لغرفة مؤيد .. دكت الباب .. ثواني واجاهة صوتة : تفضل ..
خاتون مدت راسهة من الباب : كاعد لو نايم ..
مؤيد بأبتسامة : كاعد .. تعاي يالعروسة ..
خاتون خجلت بس مو هذا موضوعهة ..: عوفك مني هسة اني جاية احجي بموضوعك ..
مؤيد كعد بأستغراب : شبي موضوعي ..
خاتون بحزن : مؤيد اعرف ان الكلام الي راح اكولة ممكن يجرحك بس مجبورة اكولة الك ..
مؤيد وكأنة عرف شنو تريد تكول : كولي لا تخافين ..
خاتون : مؤيد انت خطبت جوري بس ... سكتت ماكدرت تكمل ..
مؤيد كمل عنهة ببرود : بس جوري تحب فارس ..
خاتون بصدمة وبعدين تحولت لعصبية .. : انت تعرف بهالشي .. ومع ذلك خطبتهة .. انت تدري هسة حاجتني بسمة اتكول هي منهارة وشبعانة بجي لان عمي يريد يجبرهة على هالزواج .. ليش سويت هيج بيها مؤيد ..
مؤيد جان متوقع هاي ردة فعلهة .. سحب تليفون خاتون من ايدهة وفتحة ..
خاتون : مؤيد احجي وياك .. شجاي تسوي ..
مؤيد : وين اسم بسمة ..
خاتون بأستغراب : شتسوي بي .. هذا اول واحد ..
مؤيد برفعة حاجب : مسجلتهة الضغط والسكري ..
خاتون وهي تكتف ايدهة : بربك هذا موضوعنة هسة ..
مؤيد ما اهتملهة وضغط اتصال ..
خاتون تباوعلة وتريد تشوف اخرتهة وياه شنو ..
ردت بسمة بلهفة : الو خاتونة .. بشري حجيتي وية مؤيد ..
مؤيد : بسمة اني مؤيد .. اذا جوري يمج اطيهة التليفون ..
بسمة بتفاجئ : مؤيد .. ماشي دقيقة ..
جوري استغربت ان يريد يحجي وياهة بس بنفس الوقت محتاجة تحجي وياه بلكي يغير رأية ...
جوري بصوت مبحوح من البجي : الو .. مؤيد ..
مؤيد بلع ريكة من صوتهة : شلونج جوري ..
جوري وهي تبجي وعبالك تشكي : مو زينة .. مؤيد الله يخليك الغي هالخطوبة .. اني ماكدر اكون الك ..
مؤيد : وليش ما تكدرين ..
جوري : لان مستحيل اتخيل نفسي زوجة لاخو الشخص الي حبيتة طول عمري .. اي اني احب فارس من زمان وهو صح مات بس بعدة عايش بكلبي .. ماكدر انساه ولا اتخيل نفسي وية غيرة ..
مؤيد بهدوء : اعرف بهالشي من زمان ..
جوري بصدمة : تعرف ؟ .. لعد ليش سويت هيج .. ليش تريد تخطبني .. شسويتلك حتى تعاقبني هيج ..
مؤيد بتنهد : جوري بالعكس اني ما جاي اعاقبج .. اني جاي اسوي هالشي علمودج .. انتي تدرين ابوج راد يجبرج على غير واحد .. واني لان ادري بيج تحبين فارس ما هان علية ازوجج لشخص غريب ومجرد ما يعرف انج جنتي تحبين واحد ثاني راح يعاقبج ويستعمل وياج اسلوب الضرب والتعنيف واذا ما سوة هالشي راح يطلكج .. واني سويت هالشي حتى احميج من هيج علاقة ..
جوري بصدمة : يعني انت خطبتني بس لهالسبب ..
مؤيد : اييي .. وصدكي ما راح اجبرج على شي اني ما تردينة .. يعني زواجنة يكون على ورق ويكون لحمايتج بس .. وانتي اختاري هسة .. يا تتزوجين شخص غريب وتعرفين شنو يصير .. يا تتزوجيني ويكون هالشي لمصلحتج ..
جوري بجت وصارت تشهك .. : موافقة اتزوجك ..
مؤيد : جوري رجاءً لا تبجين بعد .. ترة هالزواج ما راح يغير شي بحياتج .. مجرد توقيع ورقة وبس ..
جوري هزت راسهة وعبالك هوة كبالهة : ماشي .. شكراً مؤيد .. معروفك ما راح انساه طول عمري ..
مؤيد تنهد شحلاة اسمي بلسانج ..: بالخدمة ..
جوري حجت بجدية : بس مؤيد عندي شرط ..
مؤيد بأستغراب : وهو ؟
جوري : بعد زواجنة انت تكمل حياتك طبيعي وعادي تتزوج الي تريدهة .. يعني لا تهتم لاحد .. اني راح اكون اول وحدة توكف وياك .. لان اني هم ما اسمح ان اكون حجرة بطريقك ..
مؤيد بأبتسامة جانبية : اكيد هالشي .. اني اصلا مقرر من البداية ..
جوري بأبتسامة : تمام .. شكرا مرة ثانية .. مع السلامة ..
مؤيد : العفو .. مع السلامة ..
سد التليفون والتفت على خاتون شافهة تبجي ..
مؤيد : خير انشالله .. شبيج تنحبين ..
جوري حضنت اخوهة وكالت : احبك مؤيد والله .. اسفة لان ضلمتك وصيحت عليك ..
مؤيد ابتسم ووخرهة عنة : وخري خنكتيني .. وبعدين وفري هاي الاحضان لرائد مو الي ..
خاتون ماتت من المستحى .. ضربتة على كتفة : مو صوجك ..
عافتة وطلعت وهو يضحك عليهة ...

دخلت غرفتهة وشمرت نفسهة عالجرباية ..
تفكر بكلام ميامين .. جان يحبهة من كم سنة وهي ما تعرف بهالشي .. ليش يحبني الي .. وبعدين اني حتى ما اتذكر شكلة .. شفت وجهة خطف من اجة سلم على ميامين من رحنالهم .. ما ركزت بوجهة وحتى ما اهتميت ..
شلون اشوفة هسة يربي .. خطرت ابالهة فكرة وكمزت ..
طلعت تليفونهة وكعدت تدور على رقم حسان لان ميامين خابرتة قبل من تليفونهة ..
دخلت على تاريخ المكالمات وفعلا لكتة مسجل برقم مجهول .. سجلت رقم حسان وراحت عالانستكرام .. تكلب بصور حسان وشافات صورة هوة رائد ومسوي عليهة تاك لحساب رائد ..
ضحكت وكالت : والله ذكية اني فديتني ..
دخلت على حساب رائد وتكلب بصورة بكل تركيز صورة صورة .. حاط صورتة الشخصية هو وفارس .. واغلب الصور قديمة واكثرهن هوة وفارس .. يعني هالفترة هو ما ناشر الا وحدة لو ثنين ..
تتأمل بصورة وتحجي بتفكير : اممممم .. هوة حلو بس مو يخبل ..
صار عدهة فضول تشوف خالد الي خطب مها .. دخلت على حسابة لان لكتة موجود وية رائد ..
ضحكت وهي تشوفة : والله عمي لايقين هوة ومها .. الاثنين شكران والعيون ملونة يعني النسل يطمن بخير ..

مها جانت بغرفتهة متمددة وتباوع لفوك ومبتسمة .. ما تدري ليش فرحت من عرفت ان خالد خطبهة .. يعني هوة مثلهة يفكر بيهة من شافهة ..

@@@@@@@@@@

يوم جديد وصباح جديد على ابطالنة الحلوين ...

صحت وهي تفرك بعيونهة يحرگنهة لان نامت وهي تبجي .. كعدت وهي تتلفت بالغرفة .. وين راح .. معقولة ما رجع اصلا .. باوعت للساعة ٩ الصبح ..
يالغباء اكيد راح للدوام .. كامت من جربايتهة .. وفتهة شي موجود عالجرار ..
.. ورقة والكلمات مخطوطة بشكل انيق وحلو ..
( القيت في مسمع الحبيب كليمة ..
جرحت عواطفة فما اقساني ..
قطع الحديث وراح يمسح جفنه ..
فوددت لو اجزى بقطع لساني ...

صباح الخير يا امنيتي .. اسف لان خليتج تنامين ودموعج بعيونج .. طلعت قبل لا تكعدين لان مااكدر اشوفج وانتي زعلانة .. وعد ما راح تتكرر مرة ثانية .. غزوان .)

تتأمل الكلمات وتقراهة اكثر من مرة ... رادت تشمرهة بالزبالة بس بأخر لحضة ضمتهة ...

صباح الخير يا امنيتي .. اسف لان خليتج تنامين ودموعج بعيونج .. طلعت قبل لا تكعدين لان مااكدر اشوفج وانتي زعلانة .. وعد ما راح تتكرر مرة ثانية .. غزوان .)

تتأمل الكلمات وتقراهة اكثر من مرة ... رادت تشمرهة بالزبالة بس بأخر لحضة ضمتهة ...

££££££££

بعد مرور اسبوعين ..

جوري رجعت جواب الموافقة لابوهة .. خاتون ومها نفس الشي وافقو وطبعاً رائد طار من الفرح وحس ان الدنيا ضحكتلة ..
تحدد موعد زواج بسمة وحسنين بعد ٣ اسابيع وابو غزوان اقترح ان يكون زواج مؤيد وجوري وياهم سوية .. مؤيد عارض بالبداية بس بالنهاية اقتنع بكلام ابوه وبدة يجهز الشقة مالتة ويعيد تأثيثهة بمساعدة خواتة وغزوان وحمزة ...
جوري ما جانت فرحانة ولا زعلانة وحاولت تبين طبيعينة وفرحانة كدام الكل بس لخاطر مؤيد لا يتفشل .. طلعت تجهزت هي وبسمة للعرس والنيشان وطبعاً البنات وياهن ..
حسنين واخيراً راح يتحقق حلم حياتة وهو ان ينجمع وية حبيبتة بسمة تحت سقف واحد ..
طبعاً بسمة وحسنين علاقتهم تعدلت بس ما تخلى من عركات بسمة وعنادهة وتقلد على ابسط شغلة .. وهذا الشي الي محبب حسنين بيهة ..

ميامين وغزوان على حالهم .. غزوان يحاول يتقرب منهة ويخليهة ترجع تحبة بس ما يلكة منهة غير البرود والصد .. ميامين كلبهة مجاي يكدر ينسى الي سواه بيهة .. شلون كسر كلبهة وتكدر تسامحة بهالسهولة .. غزوان جاي يتعذب اكثر يوم عن يوم وهو يشوف الحقد واللوم بعيونهة ..

طالعات البنات يفترن بالسوك ويشترن شنو النواقص للعرس ..
ميامين كعدت على الكرسي وهي تعبانة : بس تعبت من المشي ..
مها تكعد بصفهة : يمة انهد حيلي ..
بسمة وهي تشرب مي : بس خلصنة كلشي تقريباً ..
خاتون وهي تتخوصر : لا بلة مو انتن تجهزتن .. لعد واحنة شنو .. خوات العريس ولهسة ما اشترينة فساتين للعرس ..
مها : اي والله .. اني راح ادخل لهذا المجمع اشوفلي فستان حلو .. وانت اذا تردن ابقن هنا ..
خاتون : لححضة اروح وياج ..
ميامين : اني هم اروح .. بلكي يعجبني شي ..
مشن وبقن جوري وبسمة كل وحدة صافنة بوجه الثانية .. طفرن بسرعة ومشن وراهن من انتبهن ان ذبن عليهن الغراض ومشن ..

خلصن تسوق وطبعاً مها وخاتون اشترن فساتين ما عدا ميامين لان عدهة هواي فساتين جديدة من الي تسوكنهن البنات الهة من اجت من اهلهة ..

££££££££££

غزوان كاعد بالمكتب بالمستشفى بعد ما خلص من المراجعين .. اندك الباب ودخل الولد الي بالباب ..: دكتور اجت وحدة واتكول هي من اهلك ..
غزوان بأستغراب : من اهلي .. خل تتفضل ..
دخلت وهي تمشي وصوت الكعب ينسمع قبل لا تدخل  .. تتمايل بمشيتهة بدلع : هلو غزوان ..
غزوان عقد حواجبة بأستنكار .. والله اكرهة : نورة ؟.. تفضلي ..
نورة وهي تكعد عالكرسي بدون استأذان : شلونك .. اني جنت جاية بمراجعة للدكتورة مالتي وحبيت امر عليك ..
غزوان برفعة حاجب : اهاا .. اهلا وسهلا .. بس يعني مريتي عبث .. لان مشغول كلش ..
نورة : عادي مراح اعطلك .. بس اذا ممكن يعني تطلب من هالولد الي برة يجيبلي شي ينشرب لان تعبت من الوكفة برة ..
غزوان وهو طاك روحة منهة ومالة خلكهة بس يتصنع الابتسامة : ماشي .. تدللي ..
كام من مكانة مع ان يكدر يتصل علي بس يريد يخلص منهة شوية ..
نورة استغلت عدم وجودة وكامت لسترتة المعلكة وحطت بيهة شي ورجعت كعدت ..
شغلت كاميرة تليفونهة واخذت سيلفي الهة وية اسمة الي موجود عالمكتب
( الكتور غزوان عبدالله الجاسر ) وهي تبتسم لان خطتهة راح تمشي ..
رجع غزوان كعد بمكانة وهو يشغل نفسة بالاوراق وما يريد يشوف وجهة ..
رفعت تليفونهة والتقطتلة صورة بدون ما ينتبه الهة ...
شربت العصير واستأذنت ومشت ..
غزوان من طلعت تنهد .. شنو هاي من بنية .. والله لو الي سلطة عليهة جا ربيتهة .. بس هي لا اختي ولا بت عمي ..

طلعت نورة من المكتب ووكفت كدام الولد الي يشتغل اباب مكتب غزوان الي عمرة يطلع تقريباً ١٩ سنة مو اكثر يعني بعدة صبي ..
نورة : مرحبا ..
الولد رفع راسة : اهلا اختي .. تفضلي محتاجة شي ..
نورة بأبتسامة خبث .. : اي ..
................

الكاتبة : سارة الشمري✍🏻

هلو حبايب 😘 يلة انطلقو بتوقعاتكم عالبارت الجاي ؟؟؟