رواية سجينة،الظلم والانتقام الفصل السادس والعشرون 26 - بقلم Renad.m

#سجينة_الظلم_والانتقام 🍂🥀

#البارت الخامس والخمسون

الكاتبة : سارة الشمري🖤

ميامين بعصبية : ..... ما سألتك وما اهتميت لان ادري بكلامهة مو صحيح وكلة خطة منهة ..

غزوان تحولت ملامحة للصدمة وايدي ارتخت عن ايدهة : وشنو الي ثبتلج ان اني ما عندي علاقة بيهة ..

ميامين وهي تباوع بعيونة ببرود : لان انت من جنت تكرهني ما سويت علاقة وية وحدة .. مو هسة وانت تحبني تروح تسوي علاقة ووية منو وية نورة .. وبعدين اني واثقة انت مستحيل تخون عمتك واهلك وتنزل راسهم وتسوي علاقة وية وحدة من شرفك وعرضك وتقربلك .. وهسة عرفت ليش ما صدكتهة ...

غزوان قرب منهة وصار يفصل بينهم سنتيمات قليلة ..
يباوع بعيونهة ويحجي بلوم : كلتي جنت اكرهج وهسة حبيتج .. ليش اني شوكت كرهتج حتى احبج هسة .. اني من شافتج عيني واني حبيتج .. حبيتج قبل لا تصيرين مرتي اصلاً ..

ميامين تباوع بعيونة بصدمة ..: ش شلون قبل لا اصير مرتك ..
غزوان وهو يباوع بعيونهة ويتنهد بعشق : تتذكرين من كتلج جنت احب وحدة قبل لا اتزوجج ..
ميامين وهي تتذكر وهزت راسهة : اي ..

غزوان : انتي الي حبيتهة .. اني شفتج قبل لا اتزوجج بكم شهر .. اجيت للكوت وشفتج بمكتبة ومن يومهة اخذتي كلبي وعقلي وصرت ماشوف دربي من وراج ..
راح لمحفضتة وطلع صورتهة الي بالمكتبة ومدهة الهة : حتى شوفي .. اخذتلج صورة بدون ما تدرين .. ما تحملت اشوف ضحكتج وما اصورج ويبقى تذكار منج عندي .. وبالتالي صارت الصدفة والله خلاج تصيرين من نصيبي انتي بالذات ...

ميامين تباوع للصورة وايديهة ترجف ..
رفعت راسهة الة ودموعهة نزلت على خدهة ..: لعد شكد جانت القسوة البكلبك .. يعني تحبني ومع هالشي عذبتني وما رحمت بحالي وخليتني اكره زماني .. تدري هسة خاف اكو شوية حب بكلبي الك .. من بعد الي كلتة صرت اكرررهـ...
قاطعهة وهو يحط اصبعة على شفايفهة وبنضرة ترجي ..: اششش فدوة كافي .. والله تعبت واني اسمعهة منج .. حسي بية لخاطر الله ..
سحب ايدهة وحطهة على كلبة : شوفي كلبي والله ما يدك هيج بس من انتي كبالي .. من اشوفج افرح مع ان انتي حتى ما تباوعيلي ..

حط خشمة على خدهة وسحب نفس ويتنهد ويحجي بقهر : من اشم عطرج احس بروحي ترد العافية ..
غمضت عيونهة وهي تحس بأنفاسة على وجهة ويحجي بكلب محروك ...

غزوان مسح دموعهة بأصابعة وحاوط خصرهة بيدة وسحبهة الة وابتدة يبوس شفايفهة بكل حنية .. وايدة حول خصرهة وايدة الثانية ورة راسهة ...
ميامين ارتخت وية حنيتة وذابت وياه بدون ما تحس ..
سحبهة لفراشة بهدوء ..

ميامين حست على لمساتة وبوساتة برگبتهة فجأة مرت هذيج اللحضة كبالهة وصار تتخيل ان هسة هي اللحضة نفسهة ..

غزوان حس على رجفة جسمهة مو طبيعية .. رفع راسة لوجهة وشاف شفايفهة ترجف ودموعهة تنزل وتتنفس بسرعة ..

حط ايدة على خدودهة : ميامين ..
فزت بسرعة وصرخت : وخررر عني .. لا تلمسني الله يخليك ..
غزوان رجع لورى ورفع ايدي كدامهة : ماشي اهدي ماراح المسج .. والله ما المسج ..

ميامين صار تبجي وتشهك وتترجاه : .. لا تعيد هذاك اليوم فدوة .. والله بالكوة كدرت انساه ..

غزوان عصرة گلبة عليهة .. سحبهة لحضنة وهو يمسح على شعرهة : خلص والله ما راح يتكرر هالشي ..

ميامين تبجي وتمسكت بي اكثر من حضنهة : انت مو حلفتلي ما تقربلي الا بموافقتي ...

غزوان وهو يبوس شعرهة : اسف يروحي والله اسف ... والله ما تتكرر مرة ثانية بس لا تبجين ..

بقت على صدرة لحد ما غفت وهي تبجي ...

£££££££££££££

الفندق ... العرسان ..

جناح مؤيد وجوري ..

دخل للغرفة وشافهة واكفة وتفرك بأيديهة بخوف ..
وكف كدامهة ورفع الطرحة عن وجهة ..
رافعة راسهة بس منزلة عيونهة بخوف ..

مؤيد تنهد وهو يشوف جمالهة ..
جحة بصوت حنون ..: لا تخافين .. اني على كلمتي .. تكدرين تبدلين وتاخذين راحتج ..
جوري رجع الدم بوجهة وابتسمت لا ارادياً ووجهة صار احلا .. : تمام ..

رفعت طرف بدلتهة وفتحت جنطتهة وطلعت ملابس الة .. التفتت علي وهي تشوفة بعدة واكف ما تكدر تبدل كدامة واكيد ما راح تدخل بالبدلة للحمام ..

مؤيد فهم سبب وكفتهة وطلع من الغرفة وكعد بالصالة ..
ورة شوية دك الباب وسمع صوتهة : تفضل ..

مؤيد دخل وشافهة لابسة سيت نوم طويل لونة ابيض ولابسة فوكاه الروب مالتة ...

بلع ريكة بصعوبة ورمش اكثر من مرة بتوتر وهو يشوفهة عبالك ملاك بالابيض وشعرهة الاشقر نازل على طول ضهرهة ومموج لان جانت مسويتة تسريحة ..

جوري ما باوعتلة وكعدت عالمراية تمسح مكياجهة ..
مؤيد ذب السترة وطلع تراك نوم الة وتوجه للحمام بدل ملابسة وطلع ..

شافهة كامت من المراية وراحت للجرباية تريد تنام ..
مؤيد بأبتسامة : لحضة جوري .. خل احجي وياج ..
جوري بتوتر : اي تفضل ..

مؤيد تربع بالكاع ..: تعاي اكعدي كدامي خل نسوي اتفاق ..
جوري حصرتهة الضحكة وكالت : ترة عادي تكدر تكعد عالقنفة ..

مؤيد حك راسة بتفكير : ما انتبهت .. هسة يلة المهم تعاي اكعدي ..
كعدت كدامة بفضول : شنو الاتفاق ..

مؤيد : شوفي اني وانتي خارج الغرفة نكون طبيعيين كدام الناس وما تبينين لاحد سبب زواجنة طبعاً ما عدا بسمة وخاتون الي يدرن وهنة كل وحدة راح تنكلع لبيت رجلهة .. خوش حجي ..

جوري ابتسمت على كلامة : خوش حجي .. وبعد ..
مؤيد : اما داخل الغرفة نكون اصدقاء ..
جوري : اصدقاء ..؟؟

مؤيد بجدية مصطنعة وهو يريد يطلعهة من مودهة  : شوفي من الاخير اني اكلجياهة ما اريد اعيش وية وحدة تضل دومهة هادئة وكوة تحجي .. لا يعني تكونين صديقتي .. نسولف ونضحك ونشاقة حالج من حال حمزة ..
جوري بصدمة : اني مثل حمزة ..

مؤيد ببرائة هز كتفة : ايي وشنو الفرق لعد .. شبي حمزة ..
جوري ضحكت لا اراديا على شكلة .. : ماشي موافقة اكون صديقتك مثل حمزة ..

مؤيد تنهد بوية شني من ضحكة .: بس ترة من هسة اكلج انة شقاي ثكيل .. يعني حمزة من اضربة يضل اسبوع يدعي علية ..

جوري فتحت عيونهة ..: يعني تريد تضربني ..
مؤيد : لا يابوي شلون اضربج انتي .. بس مرات بدون ما ادري بالشقة واكفخ .. يعني تحمليني ..

جوري بضحكة ومدت ايدهة تريد تصافحة
: اتفقنا ...
مؤيد يباوع ليدهة وحجة بدون انتباه : تردين تحركين عشيرتي اليوم ..

جوري بعدم فهم ..: ها ؟؟
مؤيد انتبه وحجة بسرعة .: عشيرتي احتركت من النعاس .. هسة وكت مصافح بلة .. شو طلعيلي لحاف من الكنتور خل انام عالقنفة ..

جوري وهي تطلع اللحاف وتفرشة الة عالقنفة وتحط وحدة من المخدات الة ..
تمددت عالجرباية وهو عالقنفة .. كل واحد بيهم يفكر بالثاني ..

جوري فرحت لان مؤيد طلع تفكيرة هيج ومتفهم وروحة حلوة ...
مؤيد تفكيرة غير .. يفكر بألي جاي وأول مرة ينام هو وياهة تحت سقف واحد ووحدهم ..

§§§§§§§§§§§§§§§

جناح بسمة وحسنين ..

واكف اباب الحمام ويدك بالباب ..: بسومة اطلعي ما راح اسويلج شي ..

بسمة وهي كاعدة على طرف البانيو بعد ما بدلت ملابسهة وخلتة يلتهي وحبست نفسهة بالحمام ..
: ما اطلع روح ..
حسنين : شنو تنامين بالحمام ...

بسمة : اي انام بالحمام .. ما عندي مشكلة .. اصلا حلو ودافي هم لان الغرفة باردة ..
حسنين بصبر : التدفئة مشتغلة .. واطلعي لان مو زين تنامين بالحمام ولا تعاندين ..

بسمة وهي شوية وتبجي ..: ما اريد اطلع انت ما تفتهم ..
حسنين بهدوء : بسومتي حبيبتي .. اطلعي مو زين عليج لا تختنكين .. ما اسويلج شي بس اطلعي ..

بسمة خافت لان فعلا بدت تحر لان الحمام خنكة ...
فتحت الباب وطلعت راسهة : وخر خل اطلع ..
حسنين تنفس براحة ووخر ..

طلعت بسمة ووكفت بنص الغرفة وبعدين التفتت علي وكالت : جوعانة ..
حسنين وهو يجي بأتجاهة ..: اني هم جوعان ..
بسمة ببرائة : يلة لعد اطلب اكــ...

قاطعهة وهو يبوسهة على شفايفهة بكل حب ولهفة .. بسمة انصدمت وبعدين ذابت وياه ..
ووووو الباقي معليكم بي ..

¥¥¥¥¥¥¥¥¥¥¥¥

ثاني يوم الصبح ...

فتحت عيونهة وبعدين استوعبت ان وضعهة مو مثل كل يوم .. كل مرة يكون هو الي حاضنهة .. بس هالمرة هي حاضنتة لا وايدهة لافتهة على رگبتة ..
وخرت بسرعة ايدهة وهو فز ..

غزوان بأبتسامة وصوتة مبحوح من النوم : صباح الخير ..
ميامين دارت وجهة وكامت : صباح النور ..
دخلت للحمام وغسلت وجهة وطلعت وهو بعدة متمدد عالجرباية ويراقب حركاتهة ..

دخلت بدلت ملابسهة ولبست قفطان مغربي لان اليوم يجون العرسان واكيد تجي ناس تباركلهم ..

لفت شالهة ورشت من عطرهة وحضرت دشداشة لغزوان ووياهة اغراضة ... واجت تريد تنزل بس وقفهة ..
كام من الفراش وفتح كنتورة وطلع السوار مال امة الي الحجية لبستة الهة وهو اخذة منهة ..

سحب ايدهة يريد يلبسة الهة .. سحبت ايدهة بسرعة من ايدة : ماااريدة ..
غزوان : ميامين لا تعاندين .. انتي مرت الابن الجبير ولازم تلبسين هذا السوار ..

ميامين : وانت سحبتة مني بالقوة من قبل ..
غزوان : جان مختلف هالشي قبل .. بس هالمرة البسي لخاط الحجية وامي لان هاي عاداتهن وما يصير تكسرينهة ..
ميامين مدت ايدهة وهي تتنهد بصبر ..
ابتسم ولبسة الهة وهي طلعت مباشرةً ...

بس طلعت تحولت ملامحة للعصبية .. سحب تليفونة واتصل على اركان .. لان محد يكدر يوقفهة عند حدهة غيرة ..

~~~~~~~~~~~~~~~~~

جوري ... كعدت من النوم شفتة بعدة نايم ..
كمت ومشيت على اطراف اصابعي وما طلعت صوت حتى لا يكعد ودخلت للحمام .. سبحت عالسريع ولكيت شسوار زغير على مراية الحمام نشفت شعري عالسريع وطلعت ما لكيتة .. همزين كعد حتى اكدر ابدل .. قفلت الباب للأحتياط ..

فتحت جنطتي وطلعت نفنوف ابيض ومنقش بذهبي وبي حزام ذهبي .. لبستة وكعدت عالمراية اريد اسوي مكياج..
اندك الباب .. اوو نسيتة مقفول ..
رحت فتحتة وشفتة يجر وياه عربة الريوك ..

دخل وعلى وجهة ابتسامة : صباح الخير يا طيرة ..
حجيت بأستغراب وابتسامة : صباح النور بس شنو طيرة ..
مؤيد وهو يحط الاكل بنص الغرفة : لان الطيور اول المخلوقات تصبح مثل الديج والعصافير ..

جوري بأبتسامة ..: حلو والله يطلع منك شي حضرة الدكتور مؤيد ..

مؤيد يرفع اكتافة : جا من عبث صرت دكتور ...
جوري ضحكت وهزت راسهة وراحت للمراية تكمل ..
مؤيد وهو ياخذ ملابسة : عوفي الصبغ هسة واكعدي تريكي بين ما اسبح حتى نروح للبيت ..
جوري هزت راسهة : ماشي ..

دخل للحمام وجوري كعدت تتريك وهي ميتة من الجوع لان البارحة من التوتر ما اكلت ولا شي ..

&&&&&&&&&&&&

الغرفة الثانية ..

بسمة ... جنت نايمة وحسيت بشي يمشي بهدوء على خدي وبعدين نزل على رگبتي ..

فزيت بسرعة واني اتخيلهة حشرة على رگبتي ..
صرت اتلمس خدي وركبتي بخوف ..
التفتت وشفتة خربان من الضحك علية ..

باوعت علي بغباء بس استوعبت من شفتة رافع الخيط بيدة ..
حجيت بعصبية : شنو هالسخافة .. خوفتني ..

حسنين وهو يبوسني على خدي : صباحية مباركة يعروسة ..
بسمة تذكرت الي صار واستحيت ووجهي صار احمر .. تحمحمت وحاولت اغير الموضوع : ابيش الساعة هسة ..

حسنين : الساعة ٩ ونص .. كومي يلة اني كعدت من الساعة ٨ ونص وحضرتج نايمة ..

بسمة فعلا انتبهت ان هوة سبحان ومبدل ملابسة .. : ليش ما كعدتني وياك ..

حسنين بأبتسامة : شكلج حلو وانتي نايمة وما هان علية ازعجج .. ويلة كومي بين ما اطلب الريوك ..
بسمة بأبتسامة : ماشي ..

دخلت للحمام وهو ابتسم وكام يطلب الهم ريوك ..

~~~~~~~~~~~~~~~~~~~

بيت ابو غزوان

ميامين .. واكفة بالمطبخ اني وخاتون ومها نحضر العصاير ومواعين الجكليت والكيك لان الناس جاية تبارك ومنتضرات العروس تجي ..
دخلنة الضيافة وقدمناهة ..

الحجية : ميامين يمة تلكين عصاير اباب المطبخ .. يبعد كلبي كون ما اتعبج بس حطيهن بالمجمدة هم يلة يبردن ..
ميامين : انشالله حبوبة ..

طلعت ولبست شالي وصرت ادخل بكراتين العصاير ..
سمعت صوت واحد من جهة الباب يصوفر ويكول : بوووية شلون صاروخ ارضي هذا ..
رفعت راسي للباب الخارجي لا اراديا ..

شهككت واني اشوفة واكف ويباوعلي بنضرات قذرة .. ما لحكت ادخل الا شفتة انسحب وصار بالكاع وما اسمع بس صوت الضرب ..

الكاتبة : سارة الشمري🖤

حبايبي ردت احجي بموضوع .. اريد اوقف القصة هالفترة لان اكو بعض التعليقات جاي تخرب واهسي كلش ويجني للخاص ويطلعن بالقصة مية الف عيب .. ترة اني كلت من قبل ان اني كاتبة مبتدئة وهاي اول قصة اكتبهة يعني شي اكيد راح يكون بيهة اغلاط هواي لان الواحد ما طلع من بطن امة كلشي يعرف يسوي ... وشغلة ثانية للبعض البنات الي ديغلطون عالخاص حبيباتي ما راح اغلط عليجن بس اطلب منجن تتصفن ببعض الاخلاق ولا اني ترة ممجبورة اسمع هالكلام واسكت .. وشغلة ثانية ان هواي صارن يجن ايكولن اختميهة اختميهة وكافي طولتيهة ... حبيبتي اذا مليتي من القصة احذفيهة من مكتبتج ترة ما جبرتج تجين تقرينهة ...
وراح اكولهة لاول مرة اذا القصة ما عاجبتج لا تقرينهة ولا تتابعين.  واني من نزلت القصة مجنت متوقعة حتوصل هالكد مشاهدة ومتابعة الهة واشكر تفاعلكم 😘 واشكر الي ديكتبون كلام يخبل مثلهم وينتقدون بطريقة محترمة او كوميدية وحلوة وما يسبون او يغلطون ..

ويمكن راح اوقف القصة هالفترة لان كولش تعصبت من هالموضوع وشكلي اعوفهة لمن تخللص يلة ..
ردودكم تهمني حبايبي

#سجينة_الظلم_والانتقام
بارت٥٦
بقلم ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺇﺫﺍﻣـﺎﺭﺃﺕ ﻋـﻴـﻨﻲ ﺟـﻤﺎﻟـﻚ ﻣـﻘـﺒﻼً ......... ﻭﺣـﻘـﻚ ﻳـﺎ ﺭﻭﺣﻲ ﺳـﻜﺮﺕ ﺑـﻼ ﺷﺮﺏ .
ﺳﻤﻌﺖ ﺻﻮﺕ ﻭﺍﺣﺪ ﻣﻦ ﺟﻬﺔ ﺍﻟﺒﺎﺏ ﻳﺼﻮﻓﺮ ﻭﻳﻜﻮﻝ : ﺑﻮﻭﻭﻳﺔ ﺷﻠﻮﻥ ﺻﺎﺭﻭﺥ ﺍﺭﺿﻲ ﻫﺬﺍ ..
ﺭﻓﻌﺖ ﺭﺍﺳﻲ ﻟﻠﺒﺎﺏ ﺍﻟﺨﺎﺭﺟﻲ ﻻ ﺍﺭﺍﺩﻳﺎ ..
ﺷﻬﻜﻜﺖ ﻭﺍﻧﻲ ﺍﺷﻮﻓﺔ ﻭﺍﻛﻒ ﻭﻳﺒﺎﻭﻋﻠﻲ ﺑﻨﻀﺮﺍﺕ ﻗﺬﺭﺓ .. ﻣﺎ ﻟﺤﻜﺖ ﺍﺩﺧﻞ ﺍﻻ ﺷﻔﺘﺔ ﺍﻧﺴﺤﺐ ﻭﺻﺎﺭ ﺑﺎﻟﻜﺎﻉ ﻭﻣﺎ ﺍﺳﻤﻊ ﺑﺲ ﺻﻮﺕ ﺍﻟﻀﺮﺏ ..
ﻏﺰﻭﺍﻥ .. ﻃﻠﻌﺖ ﻣﻦ ﺑﻴﺘﻲ ﻭﺗﻮﺟﻬﺖ ﻟﺒﻴﺖ ﺍﻫﻠﻲ ﻻﻥ ﺧﺎﺑﺮﻧﻲ ﺭﺍﺋﺪ ﻛﺎﻝ ﺍﺟﻴﻨﺔ ﺑﺎﻟﻄﺮﻳﻖ ﺣﺘﻰ ﻧﺘﺒﺎﺭﻙ ﻟﻤﺆﻳﺪ ﻭﺑﻨﻔﺲ ﺍﻟﻮﻗﺖ ﺟﺎﻳﻴﻦ ﻣﺸﻴﺔ ﻋﺎﻟﺒﻨﺎﺕ ﻭﻛﺎﻝ ﻣﻴﺎﻣﻴﻦ ﻣﺎ ﺗﺪﺭﻱ ﻭﻃﻠﺐ ﻣﻨﻲ ﺍﻧﻲ ﺍﻛﻠﻠﻬﺔ ..
ﻓﺘﺤﺖ ﺍﻟﺒﺎﺏ ﻭﺍﻟﺪﻡ ﺻﻌﺪ ﺍﻟﺮﺍﺳﻲ ﻣﻦ ﺷﻔﺖ ﻫﺎﻟﺤﻴﻮﺍﻥ ﻳﺒﺎﻭﻉ ﻋﻠﻴﻬﺔ ﺑﻬﺎﻟﻄﺮﻳﻘﺔ ﻭﻫﻲ ﻣﺎ ﻣﻨﺘﺒﻬﺔ ...
ﺳﺤﻠﺘﺔ ﻣﻦ ﻳﺎﺧﺘﺔ ﻭﺷﻤﺮﺗﺔ ﺑﺎﻟﻜﺎﻉ ﻭﺍﻧﻲ ﻣﺎﺷﻮﻑ ﻣﻦ ﺍﻟﻌﺼﺒﻴﺔ .. ﺻﺮﺕ ﺍﺿﺮﺏ ﺑﻲ ﺑﻮﻛﺴﻴﺎﺕ ﻋﻠﻰ ﻭﺟﻬﺔ ..
ﺳﻤﻌﺖ ﺻﻴﺤﺔ ﻣﻴﺎﻣﻴﻦ ﺑﺨﻮﻑ : ﻏﺰﻭﻭﻭﺍﻥ ﻓﺪﻭﺓ ﻋﻮﻓﺔ ﻻ ﻳﻤﻮﺕ ﺑﻴﺪﻙ ..
ﺣﺠﻴﺖ ﺑﻐﻀﺐ ﻣﻦ ﻭﺍﻧﻲ ﺍﺣﺲ ﺍﻟﻨﺎﺭ ﺻﻌﺪ ﻟﺮﺍﺳﻲ : ﻃﺒﻲ ﺟﻮﺓ ﻻ ﺍﻛﻔﺮ ﺑﻴﺞ ﻫﺴﺔ ..
ﺧﺎﻓﺖ ﻫﻲ ﻭﺩﺧﻠﺖ ﻟﻠﻤﻄﺒﺦ ﺑﺴﺮﻋﺔ ..
ﻣﻴﺎﻣﻴﻦ .. ﻭﺍﻛﻔﺔ ﺍﺑﺎﺏ ﺍﻟﻤﻄﺒﺦ ﻭﺍﺑﺎﻭﻉ ﻋﻠﻴﻬﻢ ﻣﻦ ﺍﻟﺸﺒﺎﻙ ﻭﺍﺿﺮﺏ ﺑﺨﺪﻱ ﺑﺨﻮﻑ ﻭﺍﻧﻲ ﺍﺷﻮﻑ ﻭﺟﻪ ﻋﻤﺮﺍﻥ ﺻﺎﺭ ﻣﺎ ﻳﻨﺸﺎﻑ ﻣﻦ ﻛﺜﺮ ﺍﻟﻀﺮﺏ ﻭﻳﺤﺎﻭﻝ ﻳﺨﻠﺺ ﻧﻔﺴﺔ ﻣﻦ ﺍﻳﺪ ﻏﺰﻭﺍﻥ ﻭﻳﺮﺍﻓﺲ ﺟﻮﺍﻩ ..
ﺩﺧﻠﻦ ﻣﻬﺎ ﻭﺧﺎﺗﻮﻥ ﻭﺷﺎﻓﻦ ﺣﺎﻟﺘﻲ ﺍﺟﻦ ﻳﺮﻛﻀﻦ ..
ﺧﺎﺗﻮﻥ ﺷﻬﻜﺖ ﻣﻦ ﺷﺎﻓﺖ ﻏﺰﻭﺍﻥ ﺑﻬﺎﻟﺤﺎﻟﺔ : ﻳﻤﻤﺔ ﻟﻴﺶ ﻏﺰﻭﺍﻥ ﻳﻀﺮﺏ ﺑﻌﻤﺮﺍﻥ ﻫﻴﺞ ..
ﻣﺎ ﺗﺤﻤﻠﺖ ﻭﻛﻤﺖ ﺍﺑﺠﻲ ﻻﻥ ﻣﻦ ﻭﺭﺍﻱ ﺍﻟﻲ ﺻﺎﺭ : ﺟﻨﺖ ﺍﺩﺧﻞ ﺑﺎﻟﻌﺼﺎﻳﺮ ﻭﻋﻤﺮﺍﻥ ﻳﺒﺎﻭﻉ ﻋﻠﻴﺔ ﻣﻦ ﺍﻟﺒﺎﺏ ﺑﺪﻭﻥ ﻣﺎ ﺍﻧﺘﺒﻪ .. ﻭﻏﺰﻭﺍﻥ ﻣﻦ ﺷﺎﻓﺔ ﺗﺨﺒﻞ ﻭﺍﻧﻬﺪ ﻋﻠﻲ ﺑﺎﻟﻀﺮﺏ ..
ﻣﻬﺎ ﺳﺪﺕ ﺑﺎﺏ ﺍﻟﻤﻄﺒﺦ ﺍﻟﻲ ﻋﻠﻰ ﺍﻟﻬﻮﻝ ﺣﺘﻰ ﺍﻟﻨﺴﻮﺍﻥ ﻣﺤﺪ ﺗﺴﻤﻊ :.. ﺷﻠﻮﻥ ﻫﺴﺔ ﻣﻨﻮ ﻳﺨﻠﺼﺔ ﻣﻦ ﺍﻳﺪﺓ ..
ﺧﺎﺗﻮﻥ ﻭﻫﻲ ﺗﺄﺷﺮ ﻋﻠﻰ ﺗﻠﻴﻔﻮﻥ ﺍﻣﻬﺔ : ﻫﺬﺍ ﺗﻠﻴﻔﻮﻥ ﺍﻣﻲ ﻫﻨﺎ ﺑﻲ ﺭﻗﻢ ﺣﻤﺰﺓ ﺑﺴﺮﻋﺔ ﺧﺎﺑﺮﻱ ﺍﻛﻴﺪ ﻫﻮ ﺑﺮﺓ ..
ﻣﻬﺎ ﺍﺧﺬﺕ ﺍﻟﺘﻠﻴﻔﻮﻥ ﻭﺍﺗﺼﻠﺖ ﻋﻠﻰ ﺣﻤﺰﺓ ﻭﻫﻮ ﺭﺩ : ﺍﻣﺮﻱ ﻋﻤﺔ ..
ﻣﻬﺎ ﺑﺴﺮﻋﺔ : ﺣﻤﺰﺓ ﺍﻧﻲ ﻣﻬﺎ .. ﻓﺪﻭﺓ ﺗﻌﺎﻝ ﺑﺴﺮﻋﺔ ﻟﺒﻴﺘﻨﺔ ﻻﻥ ﻏﺰﻭﺍﻥ ﺷﺎﻑ ﻋﻤﺮﺍﻥ ﻭﻫﻮ ﻳﺒﺎﻭﻉ ﻋﻠﻰ ﻣﻴﺎﻣﻴﻦ ﻣﻦ ﺍﻟﺒﺎﺏ ﻭﺍﻧﻬﺪ ﻋﻠﻲ ﺑﺎﻟﻀﺮﺏ ﺗﻌﺎﻝ ﺑﺴﺮﻋﺔ ﻗﺒﻞ ﻻ ﻳﻤﻮﺕ ﺑﻴﺪﺓ ..
ﺣﻤﺰﺓ ﺑﻌﺼﺒﻴﺔ : ﻫﺎﻟﺤﻴﻮﺍﻥ ﺍﻟﻤﺎﻋﻨﺪﺓ ﺷﺮﻑ ﻭﻏﻴﺮﺓ ﻣﺎ ﻳﺘﻮﺏ ﻣﻦ ﺳﻮﺍﻟﻔﺔ .. ﺑﺲ ﻭﺍﻟﻠﻪ ﺍﻻ ﺍﻣﻮﺗﺔ ..
ﺳﺪ ﺍﻟﺘﻠﻴﻔﻮﻥ ﺑﻮﺟﻬﺔ ..
ﻣﻬﺎ ﻭﻫﻲ ﺗﺒﺎﻭﻉ ﻟﻠﺘﻠﻴﻔﻮﻥ : ﻳﺎﺍﺍﺍ ﺭﺩﻧﺎ ﻋﻮﻥ ﺻﺎﺭ ﻓﺮﻋﻮﻥ ..
ﺧﺎﺗﻮﻥ ﺑﺴﺮﻋﺔ ﻣﺎ ﻋﺪﻫﺔ ﻏﻴﺮ ﻫﺎﻟﺤﻞ .. ﻃﻠﻌﺖ ﺗﻠﻴﻔﻮﻧﻬﺔ ﻭﺍﺗﺼﻠﺖ ﻋﻠﻰ ﺍﺑﻮﻫﺔ ..
ﺛﻮﺍﻧﻲ ﻭﻣﺎ ﺷﻔﻨﺔ ﻏﻴﺮ ﺣﻤﺰﺓ ﺩﺧﻞ ﻭﺻﺎﺭ ﻳﺮﻓﺲ ﺑﻌﻤﺮﺍﻥ ﺑﺮﺟﻠﺔ ﻭﻳﺴﺐ ﺑﻲ ﻭﻏﺰﻭﺍﻥ ﻳﻀﺮﺑﺔ ﺑﻮﻛﺴﻴﺎﺕ ... ﻣﻬﺎ ﻛﺎﻣﺖ ﺗﺪﻙ ﻭﺗﻠﻄﻢ ﻭﺍﺗﻜﻮﻝ ﻟﻮ ﺍﺩﺭﻱ ﻣﺎ ﻣﺨﺎﺑﺮﺗﺔ ..
ﺑﺴﺮﻋﺔ ﺩﺧﻞ ﻋﻤﻮ ﺍﺑﻮ ﻏﺰﻭﺍﻥ ﺑﻌﺼﺒﻴﺔ .. ﺳﺤﻞ ﻏﺰﻭﺍﻥ ﻣﻦ ﻳﺎﺧﺘﺔ ﻭﻭﺧﺮﺓ ﻋﻦ ﻋﻤﺮﺍﻥ ﺍﻟﻲ ﻳﺘﻠﻮﺓ ﺑﺎﻟﻜﺎﻉ ..
ﺣﻤﺰﺓ ﻭﻛﻒ ﺿﺮﺏ ﻣﻦ ﺷﺎﻑ ﻋﺼﺒﻴﺔ ﺍﺑﻮ ﻏﺰﻭﺍﻥ ..
ﺣﻄﻴﺖ ﺍﻳﺪﻱ ﻋﻠﻰ ﻛﻠﺒﻲ ﻭﺩﻣﻮﻋﻲ ﺗﻨﺰﻝ ﻻﻥ ﻣﻦ ﻭﺭﺍﻱ ﺻﺎﺭ ﻫﺎﻟﺸﻲ .. ﻳﺮﺑﻲ ﺍﻧﻲ ﻣﺎ ﺍﺧﻠﺺ ﻣﻦ ﺍﻟﻤﺸﺎﻛﻞ ﻳﻌﻨﻲ ..
ﻏﺰﻭﺍﻥ ... ﻟﻮ ﻣﺎ ﺍﺑﻮﻱ ﻣﻮﺧﺮﻧﻲ ﻣﻨﺔ ﻳﻤﻜﻦ ﻣﻮﺗﺔ ﺑﻴﺪﻳﺔ ..
ﻏﺰﻭﺍﻥ : ﺑﻮﻳﺔ ﻓﺪﻭﺓ ﻋﻮﻓﻨﻲ ﻭﺍﻟﻠﻪ ﻛﻠﺒﻲ ﺑﻌﺪﺓ ﻣﻮﺭﻡ ﻣﻨﺔ ..
ﺍﺑﻮ ﻏﺰﻭﺍﻥ ﺑﻌﺼﺒﻴﺔ : ﻏﺰﻭﻭﻭﺍﻥ .. ﺍﺭﺟﻊ ﻻ ﺍﺣﺮﻙ ﻋﺸﻴﺮﺗﻚ ﻫﺴﺔ .. ﻣﻮ ﻋﻴﺐ ﻋﻠﻴﻜﻢ ﻣﺴﺘﻘﻮﻳﻦ ﻋﻠﻲ ﺛﻨﻴﻨﻜﻢ ..
ﺣﻤﺰﺓ : ﻋﻤﻲ ﺍﻧﺔ ﺗﻮﻧﻲ ‏( ﻫﺴﺔ ‏) ﺍﺟﻴﺖ ﺣﺘﻰ ﻣﺎ ﻟﺤﻜﺖ ﺍﺿﺮﺑﺔ ﺑﺲ ﺟﻢ ﺟﻼﻕ ..
ﺍﺑﻮ ﻏﺰﻭﺍﻥ : ﻭﺍﻟﻚ ﻋﻴﻦ ﺗﺤﺠﻲ ﻫﺎﻱ ﺍﺑﺪﺍﻝ ﻣﺎ ﺗﻮﺧﺮﺓ ﻣﻨﺔ ..
ﺣﻤﺰﺓ : ﻭﺍﻟﻠﻪ ﻳﺴﺘﺎﻫﻞ ﺍﻟﻜﺘﻞ .. ﺟﺎ ﻣﻮ ﻋﻴﺐ ﻋﻠﻲ ﻳﺒﺎﻭﻉ ﻋﻠﻰ ﻣﺮﺕ ﺍﺑﻦ ﻋﻤﺔ ﻣﻦ ﺍﻟﺒﻴﺒﺎﻥ ..
ﺍﺑﻮ ﻏﺰﻭﺍﻥ ﻭﻫﻮ ﻳﻜﻮﻡ ﻋﻤﺮﺍﻥ ﻣﻦ ﺍﻟﻜﺎﻉ ﺑﺎﻟﻜﻮﺓ : ﺷﻨﻬﻲ ﻭﻟﻚ ﺟﺎ ﺍﻧﺖ ﻣﺎ ﺗﺘﻮﺏ ﻳﻮﻣﻴﺔ ﻣﻜﺘﻮﻝ .. ﺑﺲ ﻫﺎﻱ ﺗﺮﺑﻴﺔ ﺍﺑﻮﻙ ﺍﻻﻃﺎﻙ ﻣﺠﺎﻝ ﻋﻠﻰ ﺍﺳﺎﺱ ﺟﺒﻴﺮ ﺍﺧﻮﺗﻚ .. ﻛﻮﻡ ﻳﺎﻟﻌﺎﺭ ﻛﻮﻡ ..
ﻏﺰﻭﺍﻥ : ﻭﻳﻦ ﻣﻮﺩﻱ ﺑﻮﻳﺔ .. ﺫﺑﺔ ﺑﺎﻟﺸﺎﺭﻉ ﺧﻞ ﻳﺼﻴﺮ ﻋﺒﺮﺓ ﻟﻐﻴﺮﺓ ..
ﺍﺑﻮ ﻏﺰﻭﺍﻥ : ﺍﻧﺖ ﺍﺳﻜﺖ ﻭﻻ ﺗﺤﺠﻲ ﻛﻠﻤﺔ .. ﻣﺎ ﺗﺸﻮﻑ ﺭﻭﺣﻚ ﻣﺴﻮﻱ ﻭﺟﻬﺔ ﺷﻮﺍﺭﻉ ﻭﺍﺗﻜﻮﻝ ﻣﺎ ﺑﺮﺩ ﻛﻠﺒﻲ .. ﻭﺧﺮﺭ ﻫﻴﻴﻴﺞ ..
ﺷﻔﺖ ﺍﺑﻮﻱ ﻭﺣﻤﺰﺓ ﺳﻨﺪﻭﻩ ﻭﻃﺒﺒﻮ ﻟﻠﺪﻳﻮﺍﻧﻴﺔ ﺍﻟﺰﻏﻴﺮﺓ ﺍﻟﻨﻜﻌﺪ ﺑﻴﺔ ﺍﻧﻲ ﻭﺍﻟﻮﻟﺪ ﻻﻥ ﻓﺎﺭﻏﺔ ..
ﻃﺒﻴﺖ ﻭﺭﺍﻫﻢ ﻭﻫﻤﺔ ﻣﺪﺩﻭ ﻋﻤﺮﺍﻥ ﻋﺎﻟﻘﻨﻔﺔ ﻭﻫﻮﺓ ﻳﻮﻥ ﻭﻳﺤﺠﻲ : ﺍﺍﺍﻩ ﺍﻟﻠﻪ ﻳﻜﺴﺮ ﺍﻳﺪﻳﻚ ﻳﻐﺰﻭﺍﻥ ..
ﺿﺮﺑﺘﺔ ﻋﻠﻰ ﺭﺍﺳﺔ ﺑﻜﻞ ﻗﻮﺓ ﺑﻘﻬﺮ : ﻣﻦ ﺍﻛﺴﺮ ﺭﺍﺳﻚ ﻳﻠﺔ ﺗﺮﺗﺎﺡ ﻭﺗﺴﺪ ﺣﻠﻜﻚ ﻳﻠﺔ ..
ﺍﺑﻮ ﻏﺰﻭﺍﻥ ﺑﻌﺼﺒﻴﺔ : ﻏﺰﺯﻭﺍﻥ .. ﻭﻟﻚ ﺗﻀﺮﺑﺔ ﻭﺍﻧﻲ ﻣﻮﺟﻮﺩ ﺷﻨﻲ ﻣﺎ ﺗﺤﺘﺮ ﺍﺣﺪ ﺍﻧﺘﺔ ..
ﻛﻌﺪﺕ ﻋﺎﻟﻘﻨﻔﺔ ﻭﺍﻫﺰ ﺑﺮﺟﻠﻲ :.. ﺍﻋﺬﺭﻧﻲ ﺑﻮﻳﺔ ﻣﺎ ﺗﺤﻤﻠﺖ ..
ﻗﺎﻃﻌﻨﺔ ﺩﺧﻮﻝ ﻣﺆﻳﺪ : ﻫﺎ ﺑﻮﻳﺔ ﺷﻜﻮ .. ﺷﻮ ﺍﺟﻴﺖ ﻭﺍﻟﺒﻨﺎﺕ ﺗﻠﻜﻨﻲ ﺍﻳﻜﻮﻟﻦ ﺻﺎﺭﺕ ﻋﺮﻛﺔ ﺍﻟﺤﻚ .. ﺷﺒﻲ ﻋﻤﺮﺍﻥ ..
ﺍﺑﻮ ﻏﺰﻭﺍﻥ : ﺑﻌﺪﻳﻦ ﺗﻔﺘﻬﻢ ﻋﻮﺩ .. ﺭﻭﺡ ﺟﻴﺐ ﻋﻠﺒﺔ ﺍﻟﻤﻀﻤﺪ ﺍﻟﻬﻨﺎﻙ ﻭﺗﻌﺎﻝ ﻋﺎﻟﺠﺔ ..
ﺍﺟﺔ ﻣﺆﻳﺪ ﻭﺻﺎﺭ ﻳﻤﺴﻊ ﺍﻟﺪﻡ ﻋﻦ ﺣﻠﻜﺔ ﻭﺧﺸﻤﺔ ﻭﺣﻤﺮﺓ ﻳﺤﺠﻴﻠﺔ ﺍﻟﺼﺎﺭ ..
ﻣﺆﻳﺪ ﻫﺰ ﺭﺍﺳﺔ ﻭﺷﻤﺮ ﺍﻟﻘﻄﻦ : ﻭﺍﻟﻠﻪ ﺳﻴﺘﺎﻫﻞ ﺍﻛﺜﺮ ﻣﻦ ﻫﻴﺞ .. ﺍﻓﺎ ﻋﻠﻴﻚ ﻏﺰﻭﺍﻥ ﻣﺎ ﻣﻮﺗﺔ ﺑﻴﺪﻙ .. ﺷﻠﻮﻥ ﻳﺒﺎﻭﻉ ﻟﻤﺮﺗﻚ ﻭﺗﻌﻮﻓﺔ ﻭﻫﻮ ﺑﻮﻋﻴﺔ ..
ﺍﺑﻮ ﻏﺰﻭﺍﻥ ﺻﺎﺡ ﺑﻲ : ﺍﻟﻠﻪ ﻭﻛﻴﻠﻜﻢ ﻣﺎﻛﻮ ﺍﺣﺪ ﻋﺎﻗﻞ ﻣﻦ ﻋﺪﻛﻢ .. ﻛﻠﻜﻢ ﻣﺨﺎﺑﻴﻞ .. ﺧﻠﻠﻠﺺ ﺷﻐﻠﻚ ﻭﻟﻚ ﻣﺆﻳﺪ ﻻ ﺗﺨﻠﻴﻨﻲ ﺍﻃﻠﻊ ﻋﺼﺒﻴﺘﻲ ﺑﻴﻚ ..
ﻣﺆﻳﺪ ﺩﻧﻚ ﻣﻦ ﺷﺎﻑ ﻋﺼﺒﻴﺔ ﺍﺑﻮﻱ ﺍﺧﺬ ﺍﻟﻘﻄﻦ ﻭﺭﺟﻊ ﻳﻜﻤﻞ ﻟﻌﻤﺮﺍﻥ ..
ﻣﺆﻳﺪ ﺣﺮﻙ ﺧﺸﻢ ﻋﻤﺮﺍﻥ ﻭﻫﻮ ﺻﺮﺥ ...
ﺍﻟﺘﻔﺖ ﻋﻠﻰ ﺍﺑﻮﻱ ﻭﻛﺎﻝ ﻭﻫﻮ ﻳﺤﻚ ﺷﻌﺮﺓ ﺑﺨﻮﻑ ﻣﻦ ﺭﺩﺓ : ﺑﻮﻳﺔ ﻫﺬﺍ ﺧﺸﻤﺔ ﻣﻜﺴﻮﺭ ﻻﺯﻡ ﻳﺮﻭﺡ ﻟﻠﻤﺴﺘﺸﻔﻰ ..
ﺍﺑﻮ ﻏﺰﻭﺍﻥ ﺑﻌﺼﺒﻴﺔ ﻭﻳﺄﺷﺮ ﻋﻠﻴﺔ ﻭﻋﻠﻰ ﺣﻤﺰﺓ : ﺍﻟﻠﻪ ﻻ ﻳﺒﺎﺭﻙ ﺑﻴﻜﻢ ﺛﻨﻴﻨﻜﻢ .. ﻛﻮﻡ ﺍﻧﺘﺔ ﺟﻴﺒﺔ ﻭﺭﺍﻱ ﺧﻞ ﻧﺎﺧﺬﺓ ﻟﻠﻤﺴﺘﺸﻔﻰ ..
ﻃﻠﻊ ﺍﺑﻮﻱ ﻣﻦ ﺍﻟﺪﻳﻮﺍﻧﻴﺔ ..
ﻣﺆﻳﺪ ﺳﺤﻠﺔ ﻣﻦ ﻳﺎﺧﺘﺔ ﻭﻋﺒﺎﻟﻚ ﺟﺎﻥ ﻣﺘﺤﻤﻞ ﻻﻥ ﺍﺑﻮﻱ ﻭﺍﻛﻒ .. ﻛﺎﻝ ﺑﻘﻬﺮ ﻣﻨﺔ : ﻣﻦ ﻃﻤﺎﻡ ﻋﺎﺭ ﻳﻄﻢ ﻫﺎﻟﻮﺟﻪ ﺍﻟﻤﺨﻄﻂ .. ﺩﻛﻮﻭﻭﻭﻭﻡ ..
ﻃﻠﻌﺔ ﻣﺆﻳﺪ ﻭﻳﺎﻩ ﻭﻟﺤﻚ ﺍﺑﻮﻱ ﺑﻲ .. ﺧﻄﻴﺔ ﻣﺆﻳﺪ ﻣﺎ ﺗﻬﻨﻰ ﺑﻤﺼﺒﺎﺡ ﻋﺮﺳﺔ ﺍﻧﺴﺤﻞ ﻟﻠﻤﺴﺘﺸﻔﻰ ..
ﺑﺎﻭﻋﺖ ﻟﺤﻤﺰﺓ ﻭﻫﻮ ﺑﺎﻭﻉ ﻋﻠﻴﺔ ﻭﻃﻜﻴﻨﺎﻫﺔ ﺿﺤﻜﺔ ﻣﺎ ﻧﺪﺭﻱ ﻟﻴﺶ ..
ﺍﺑﺎﻭﻉ ﻟﺪﺷﺪﺍﺷﺘﻲ ﻛﻠﻬﺔ ﺗﺮﺍﺏ ﻭﺍﻳﺪﻱ ﻫﺴﺔ ﻳﻠﺔ ﺣﺴﻴﺖ ﺑﺄﻟﻤﻬﺔ .. ﺟﺎﻧﺖ ﺍﺻﺎﺑﻌﻲ ﺣﻤﺮﺓ ﻭﻣﺰﻭﺭﻛﺔ ﻣﻦ ﻭﺭﺓ ﺍﻟﻀﺮﺏ ﻋﻠﻰ ﻭﺟﺔ ﻋﻤﺮﺍﻥ ..
ﺣﻤﺰﺓ ﻭﻫﻮ ﻳﻜﻮﻡ : ﺍﻧﺔ ﺭﺍﻳﺢ ﻟﺒﻴﺘﻨﺔ ﺍﺑﺪﻝ ﺩﺷﺪﺍﺷﺘﻲ ﺻﺎﺭ ﺑﻴﻬﺔ ﺩﻡ ﻣﻦ ﻋﻤﺮﺍﻥ ﻭﻫﻢ ﺷﺤﺎﻃﺘﻲ ﺍﻧﻜﻄﻌﺖ ﻣﻦ ﺍﻟﺠﻼﻟﻴﻖ ..
ﻏﺰﻭﺍﻥ : ﻳﻠﺔ ﺍﻧﺔ ﻫﻢ ﺍﺑﺪﻝ ﺩﺷﺪﺍﺷﺘﻲ ﺍﻧﺘﺮﺳﺖ ﺗﺮﺍﺏ
ﻃﻠﻌﺖ ﻭﺭﺣﺖ ﻟﺒﻴﺘﻲ ﻭﺻﻌﺪﺕ ﻟﻐﺮﻓﺘﻲ .. ﺫﺑﻴﺖ ﺍﻟﻤﺤﺒﺲ ﻭﺍﻟﺤﻠﻘﺔ ﻣﻦ ﺍﻳﺪﻱ ﻻﻥ ﺍﺻﺎﺑﻌﻲ ﺍﺣﺴﻬﻦ ﻭﺭﻣﻦ ..
ﺳﻤﻌﺖ ﺻﻮﺕ ﺑﺎﺏ ﺍﻟﻐﺮﻓﺔ ﺍﻧﻔﺘﺢ .. ﺗﺤﻮﻟﺖ ﻋﻴﻮﻧﻲ ﻟﻠﻌﺼﺒﻴﺔ ﻭﺍﻧﻲ ﻣﻨﻄﻴﻬﺔ ﺿﻬﺮﻱ : ﺷﻤﻄﻠﻌﺞ ﺑﺎﻟﺤﻮﺵ ﺑﻠﺔ .. ﺍﺭﺗﺎﺣﻴﺘﻲ ﻫﺴﺔ ﻣﻦ ﺷﺎﻓﺞ ﻫﺬﺍ ﺍﻟﻨﺬﻝ ..
ﺍﻟﺘﻔﺘﺖ ﺷﻔﺖ ﻋﻴﻮﻧﻬﺔ ﻣﻮﺭﻣﺔ ﻣﻦ ﺍﻟﺒﺠﻲ ..
ﺣﺴﻴﺖ ﻛﻠﺒﻲ ﻓﺰ ﻣﻦ ﺷﻔﺖ ﺷﻜﻠﻬﺔ ﻫﻴﺞ ..
ﺭﺣﺘﻠﻬﺔ ﺑﺴﺮﻋﺔ ﻭﻟﺰﻣﺖ ﺧﺪﻭﺩﻫﺔ ﺑﺄﻳﺪﻳﺔ :.. ﻣﻴﺎﻣﻴﻦ ﺣﺒﻴﺒﻲ ﻟﻴﺶ ﺗﺒﺠﻴﻦ .. ﻣﻦ ﻋﺼﺒﻴﺘﻲ ﺻﻴﺤﺖ ﻋﻠﻴﺞ ﻣﺴﺎﻉ ﻣﻮ ﻗﺼﺪﻱ ..
ﻧﺰﻟﺖ ﺩﻣﻌﺘﻬﺔ ﻭﺣﺠﺖ ﺑﺼﻮﺕ ﻣﺘﻬﺪﺝ : ﻟﻴﺶ ﺿﺮﺑﺘﺔ .. ﺟﺎﻥ ﺭﺍﺡ ﻳﻤﻮﺕ ﺑﻴﺪﻳﻚ ﻣﻦ ﻭﺭﺓ ﻋﺼﺒﻴﺘﻚ ..
ﻏﺰﻭﺍﻥ : ﺟﺎ ﺗﺮﺩﻳﻨﻲ ﺍﺷﻮﻓﺔ ﻫﻴﺞ ﻳﺒﺎﻭﻋﻠﺞ ﻭﺍﺳﻜﺖ ..
ﻣﻴﺎﻣﻴﻦ : ﺑﺲ ﺍﻧﻲ ﻭﺍﻟﻠﻪ ﻣﺎ ﺟﺎﻥ ﻗﺼﺪﻱ ﺍﻃﻠﻊ ﻛﺪﺍﻣﺔ ﻭﺍﺻﻼ ﻣﺎ ﺍﻧﺘﺒﻬﺖ ﻟﻮﺟﻮﺩﺓ ﺍﻻ ﻣﻦ ﺍﺟﻴﺖ ﺍﻧﺘﺔ ..
ﻏﺰﻭﺍﻥ : ﺍﺩﺭﻱ ﺑﻴﺞ ﻳﺮﻭﺣﻲ ﻣﻮ ﺑﻘﺼﺪﺝ ﺗﻄﻠﻌﻴﻦ ﻛﺪﺍﻣﺔ .. ﻫﻮ ﺍﻟﺪﺧﻞ ﻟﻠﺒﻴﺖ ﻭﺍﻧﺘﻲ ﻣﻮﺟﻮﺩﺓ ..
ﻗﻮﺳﺖ ﺣﻠﻜﻬﺔ ﺑﺤﺮﻛﺔ ﺯﻋﻞ ﺷﻌﻠﺖ ﻛﻠﺒﻲ : ﺑﺲ ﻫﺴﺔ ﺍﻛﻴﺪ ﺭﺍﺡ ﻳﻜﻮﻟﻮﻥ ﻣﻦ ﻭﺭﺍﻱ ﺍﻧﺖ ﺳﻮﻳﺖ ﻫﺎﻟﺸﻲ ...
ﺗﻨﻬﺪﺕ ﻭﺣﺠﻴﺖ : ﻻ ﺗﺴﻮﻳﻦ ﻫﻴﺞ ﻭﺧﻠﻴﻨﻲ ﺭﺍﻛﺪ .. ﻭﺑﻌﺪﻳﻦ ﺷﺤﺪﺓ ﻟﻴﺠﻴﺐ ﺍﺳﻤﺞ ﺑﺸﻲ .. ﻫﻲ ﻛﻠﻬﺔ ﺗﺪﺭﻱ ﺑﺴﻮﺍﻟﻒ ﻋﻤﺮﺍﻥ ﻣﻦ ﺯﻣﺎﻥ ﻭﻫﺎﻱ ﻣﻮ ﺍﻭﻝ ﻣﺮﺓ ﻋﻠﻲ ..
ﺣﻄﺖ ﺍﻳﺪﻫﺔ ﻋﻠﻰ ﺍﻳﺪﻱ ﺍﻟﻲ ﺧﺪﻫﺔ ﻭﺭﺍﺩﺕ ﺗﺤﺠﻲ ﺑﺲ ﺍﻧﻲ ﺳﺤﺒﺖ ﺍﻳﺪﻱ ﻻ ﺍﺭﺍﺩﻳﺎ ﺑﺴﺮﻋﺔ ﻭﻋﻘﺪﺕ ﺣﻮﺍﺟﺒﻲ ﻭﺳﺪﻳﺖ ﺍﻳﺪﻱ ﺑﺄﻟﻢ ..
ﻣﻴﺎﻣﻴﻦ ﺳﺤﺒﺖ ﺍﻳﺪﻱ ﺑﺨﻮﻑ ﻭﺍﺿﺢ : ﺷﺒﻴﻬﺔ ﺍﻳﺪﻙ .. ﻣﻦ ﺷﻨﻮ ﻫﻴﺞ ﺯﺭﻛﺔ ..
ﻓﺮﺣﺖ ﻣﻦ ﺷﻔﺖ ﺧﻮﻓﻬﺔ ﻭﺳﻮﻳﺖ ﻧﻔﺴﻲ ﺍﺗﺄﻟﻢ ﺍﻛﺜﺮ : ﻣﻦ ﻛﺜﺮ ﺿﺮﺏ ﺍﻟﺒﻮﻛﺴﻴﺎﺕ ﻫﻴﺞ ﺻﺎﺭ ﺑﻴﻬﺔ .. ﺍﻣﻮﺗﺘﻨﻲ ﻣﻦ ﺍﻻﻟﻢ ..
ﻣﻴﺎﻣﻴﻦ ﺑﺴﺮﻋﺔ ﻭﻛﻔﺖ : ﺛﻮﺍﻧﻲ ﺑﺲ ﺍﺟﻴﺐ ﺛﻠﺞ ..
ﻃﻠﻌﺖ ﻫﻲ ﻭﺍﻧﻲ ﺭﺟﻌﺖ ﺿﻬﺮﻱ ﻋﺎﻟﺠﺮﺑﺎﻳﺔ ﻭﺍﺑﺘﺴﻤﺖ ..
ﺩﺧﻠﺖ ﻭﺑﻴﺪﻫﺔ ﺟﻴﺲ ﻧﺎﻳﻠﻮﻥ ﺷﻔﺎﻑ ﻭﺣﺎﻃﺔ ﺑﻲ ﻗﻄﻊ ﺛﻠﺞ .. ﻛﻌﺪﺕ ﻳﻤﻲ ﻭﺳﺤﺒﺖ ﺍﻳﺪﻱ ﻭﺣﻄﺖ ﺍﻟﺜﻠﺞ ﻋﻠﻲ ..
ﺳﺤﺒﺖ ﺍﻳﺪﻱ ﻭﻣﺴﻮﻱ ﻧﻔﺴﻲ ﺍﺗﺄﻟﻢ : ﺍﺍﺍﺥ ﻋﻠﻰ ﻛﻴﻔﺞ ﺷﺒﻴﺞ ..
ﻣﻴﺎﻣﻴﻦ ﺭﻓﻌﺖ ﺍﻳﺪﻫﺔ : ﺍﺳﻔﺔ ..
ﺭﺟﻌﺖ ﺣﻄﺘﻬﺔ ﻋﻠﻰ ﺍﻳﺪﻱ ﺑﻬﺪﻭﺀ .. ﺍﻧﻲ ﻣﻦ ﺩﺍﺧﻠﻲ ﻛﻠﺒﻲ ﻳﺮﻛﺺ ﻻﻥ ﺍﻳﺪﻱ ﺑﺄﻳﺪﻫﺔ ﻭﺍﺷﻮﻑ ﺧﻮﻓﻬﺔ ﻋﻠﻴﺔ ..
ﺣﺠﻴﺖ ﺑﺘﻨﻬﺪ ﻭﺍﻧﻲ ﻣﺎ ﻣﻨﺘﺒﻪ : ﺍﻳﻴﻪ ﻟﻮ ﺍﺩﺭﻱ ﻣﻦ ﺯﻣﺎﻥ ﺿﺎﺭﺏ ﺭﻭﺣﻲ ﺟﺎ ﺷﻔﺘﺞ ﻫﻴﺞ ﺧﺎﻳﻔﺔ ﻋﻠﻲ ..
ﻟﻮ ﺍﺩﺭﻱ ﻣﺎ ﺣﺎﺟﻲ .. ﺑﺲ ﺣﺠﻴﺖ ﺍﻟﻜﻠﻤﺔ ﺣﺴﻴﺖ ﺑﺠﻴﺲ ﺍﻟﺜﻠﺞ ﺍﻧﻀﺮﺏ ﺑﻜﺼﺘﻲ ..
ﻓﺰﻳﺖ ﻭﺍﻧﻲ ﻣﺼﺪﻭﻡ .. ﺣﺎﻁ ﺍﻳﺪﻱ ﻋﻠﻰ ﻛﺼﺘﻲ ﻭﻋﻴﻨﻲ ﻋﻠﻴﻬﺔ ﻭﻋﺎﻟﺠﻴﺲ ..
ﺣﺠﺖ ﺑﻌﺼﺒﻴﺔ : ﻣﺴﻮﻱ ﻧﻔﺴﻚ ﺗﺘﺄﻟﻢ ﻭﺍﻧﺖ ﻣﺴﺘﻐﻠﻨﻲ .. ﺍﻧﻲ ﺻﻮﺟﻲ ﺍﺻﺪﻙ ﺑﻴﻚ ..
ﻋﺎﻓﺘﻨﻲ ﻭﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﻭﺍﺧﺬﺕ ﻛﻠﻴﻨﺲ ﻭﺻﺎﺭﺕ ﺗﻤﺴﺢ ﺟﻮﺓ ﻋﻴﻮﻧﻬﺔ ﻻﻥ ﺩﻣﻮﻋﻬﺔ ﺷﻮﻳﺔ ﻧﺰﻟﺖ ﻣﻦ ﺍﻟﻜﺤﻞ ..
ﺍﻧﻲ ﺑﻌﺪﻧﻲ ﻛﺎﻋﺪ ﻭﻣﺼﺪﻭﻡ .. ﻫﺎﻱ ﺻﺪﻙ ﺿﺮﺑﺘﻨﻲ ..
ﺑﺎﻭﻋﺖ ﻋﻠﻴﻬﺔ : ﻣﻴﺎﻣﻴﻦ ﻛﺪﻫﺔ ﻫﺎﻱ ﺍﻟﻀﺮﺑﺔ ..
ﺣﺠﺖ ﺑﻌﺼﺒﻴﺔ ﺑﺪﻭﻥ ﻣﺎ ﺗﻠﺘﻔﺖ ﺍﻟﻲ : ﺍﻱ ﻛﺪﻫﺔ .. ﺣﺘﻰ ﻣﺮﺓ ﺛﺎﻧﻴﺔ ﻣﺎ ﺗﺠﺬﺏ ﻭﺗﺴﺘﻐﻞ ﺧﻮﻓﻲ ..
ﺍﺧﺬﺕ ٣ ﻗﻄﻊ ﻣﻦ ﺍﻟﺜﻠﺞ ﻭﺻﺮﺕ ﻭﺭﺍﻫﺔ : ﺍﺧﺮ ﻣﺮﺓ ﺍﻛﻠﺞ ﺍﻋﺘﺬﺭﻱ ﻭﻻ ﺗﺮﺓ ﺍﻋﺎﻗﺒﺞ ﻭﺍﻟﻠﻪ ..
ﻣﻴﺎﻣﻴﻦ ﻭﻫﻲ ﺗﺘﺨﻮﺻﺮ : ﺷﺘﺴﻮﻱ ﻳﻌﻨﻲ .. ﺗﻀﺮﺑﻨﻲ ﻣﺜﻼ .. ﺍﺻﻼ ﺗﻌﻮﺩﺕ ﻫﺎﻻﺳﻠﻮﺏ ﻣﻨﻚ ..
ﺑﺎﻭﻋﺘﻠﻬﺔ ﺑﻤﻜﺮ : ﻻ ﻣﺎ ﺍﺿﺮﺑﺞ ﺑﺲ ﻫﻴﺞ ﺭﺍﺡ ﺍﺳﻮﻱ ..
ﺑﺴﺮﻋﺔ ﺣﻄﻴﺖ ﻗﻄﻊ ﺍﻟﺜﻠﺞ ﺑﻀﻬﺮﻫﺔ ..
ﻫﻲ ﺷﻬﻜﺖ ﺑﺒﺮﻭﺩﺓ ﻭﺻﺎﺭﺕ ﺗﻜﻤﺰ : ﺍﺷﺎﺍﺍ .. ﻏﺰﻭﻭﻭﺍﻥ ﻣﻮ ﻫﻴﻴﺞ ..
ﻛﻌﺪﺕ ﻋﻠﻰ ﻛﺮﺳﻲ ﺍﻟﻤﺮﺍﻳﺔ ﻣﻦ ﺍﻟﻀﺤﻚ ﻋﻠﻰ ﺷﻜﻠﻬﺔ ﻭﻫﻲ ﺗﻄﺎﻓﺮ ﺑﺎﻟﻐﺮﻓﺔ ..
ﻣﻴﺎﻣﻴﻦ : ﻻ ﺗﻀﺤﻚ ﻓﺪﻭﺓ ﻭﺧﺮﻫﻦ ﻭﺍﻟﻠﻪ ﺍﺣﺲ ﺿﻬﺮﻱ ﺟﻤﺪ ..
ﺍﻧﻘﻬﺮﺕ ﻋﻠﻴﻬﺔ ﻭﺭﺣﺘﻠﻬﺔ : ﺍﻭﻛﻔﻲ ﻻ ﺗﻄﺎﻓﺮﻳﻦ ﺧﻞ ﺍﻭﺧﺮﻫﻦ ..
ﻭﻛﻔﺖ ﻫﻲ ﺑﺲ ﺗﻤﻴﻞ ﺑﺄﻛﺘﺎﻓﻬﺔ ﻭﺗﺤﻮﺱ ..
ﻣﺪﻳﺖ ﺍﻳﺪﻱ ﺑﻀﻬﺮﻫﺔ ﺻﺎﻳﺮ ﻣﺜﻞ ﺍﻟﺜﻠﺞ ..
ﺍﻳﺪﻱ ﻻﻣﺴﺖ ﺑﺸﺮﺗﻬﺔ ﻫﻲ ﺻﻠﺒﺖ ﺿﻬﺮﻫﺔ ﻭﺩﺍﺭﺕ ﻭﺟﻬﺔ .. ﻭﺧﺮﺕ ﺍﻟﺜﻠﺞ ﻭﺛﻮﺑﻬﺔ ﺗﺒﻠﻞ ﻻﻥ ﺍﻟﺜﻠﺞ ﻧﺼﺔ ﺫﺍﺏ ﺑﻀﻬﺮﻫﺔ ..
ﺣﺎﻭﻃﺖ ﺧﺼﺮﻫﺔ ﻭﺳﺤﺒﺘﻬﺔ ﺍﻟﻲ .. ﺻﺎﺭﺕ ﻛﻠﺶ ﻗﺮﻳﺒﺔ ﻋﻠﻴﺔ .. ﺍﺑﺎﻭﻉ ﻟﺘﻘﺎﺳﻴﻢ ﻭﺟﻬﺔ ﺍﻟﻤﺼﺪﻭﻡ ..
ﺭﻓﻌﺖ ﺭﺍﺳﻬﺔ ﻭﻛﺎﻟﺖ : ﺷﺠﺎﻱ ﺗﺴﻮﻱ ﻋﻮﻓﻨﻲ ..
ﻗﺮﺑﺖ ﻣﻨﻬﺔ ﻭﺧﺸﻤﻲ ﻻﻣﺲ ﺧﺸﻤﻬﺔ ..
ﻣﺪﻳﺖ ﺍﻳﺪﻱ ﻭﺭﺓ ﺿﻬﺮﻫﺔ ﻭﻭﺻﻠﺖ ﻟﺠﻮﺓ ﺭﮔﺒﺘﻬﺔ ﻭﻟﺰﻣﺖ ﺍﻟﺴﺤﺎﺑﺔ ﻭﺍﻧﺰﻟﻬﺔ ﺑﻬﺪﻭﻭﺀ ..
ﻣﻴﺎﻣﻴﻦ ﺍﻧﺘﺒﻬﺖ ﻟﺤﺮﻛﺘﻲ ﺑﺴﺮﻋﺔ : ﻏﺰﻭﺍﻥ ﻋﻮﻓﻨﻲ ﺷﺠﺎﻱ ﺗﺴﻮﻱ ..
ﺣﺠﻴﺖ ﻭﺍﻧﻲ ﻋﻠﻰ ﻭﺿﻌﻲ : ﺷﺸﺸﺶ ... ﻻ ﺗﺴﺘﺒﺮﺩﻳﻦ ﺿﻬﺮﺝ ﺗﺒﻠﻞ .. ﺑﺪﻟﻲ ﻫﺬﺍ ﺍﻟﻲ ﻻﺑﺴﺘﺔ ..
ﺩﻓﻌﺘﻨﻲ ﻭﻭﺧﺮﺕ ﻭﻫﻲ ﻻﺯﻣﺔ ﺍﻟﺴﺤﺎﺑﺔ ﻣﺎﻟﺘﻬﺔ : ﺗﺮﺓ ﺍﻛﺪﺭ ﺍﺳﺤﺒﻬﺔ ﺑﻨﻔﺴﻲ ..
ﺣﺠﻴﺖ ﺑﺮﻓﻌﺔ ﺣﺎﺟﺐ ﻭﺍﺑﺘﺴﺎﻣﺔ : ﻣﻦ ﺷﻮﻛﺖ ..
ﺣﺠﺖ ﺑﻘﻬﺮ : ﻣﻮ ﺷﻐﻠﻚ ﺗﺮﺓ ﺑﺲ ﺍﻟﻔﺴﺎﺗﻴﻦ ﻣﺎ ﺍﻟﻮﺡ ﺍﻟﺴﺤﺎﺑﺔ ﻣﺎﻟﺘﻬﻦ ..
ﺩﺧﻠﺖ ﻟﻐﺮﻓﺔ ﺍﻟﻤﻼﺑﺲ ﻭﺍﻧﻲ ﺿﺤﻜﺖ ﻋﻠﻴﻬﺔ ..
ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻋﺎﻟﺴﺮﻳﻊ ﻻﻥ ﺍﻧﺘﺮﺳﺖ ﺗﺮﺍﺏ ﻣﻦ ﺑﻌﺪ ﻃﻮﺷﺔ ﺍﻟﻴﻮﻡ ..
ﻃﻠﻌﺖ ﻣﻦ ﺍﻟﺤﻤﺎﻡ .. ﺍﺑﺘﺴﻤﺖ ﻣﻦ ﺷﻔﺘﻬﺔ ﻣﺤﻀﺮﺗﻠﻲ ﻣﻼﺑﺴﻲ ﻭﺍﻏﺮﺍﺿﻲ ﻣﺮﺗﺒﺘﻬﻦ ﻋﺎﻟﻤﻴﺰ .. ﺗﻨﻬﺪﺕ ﻭﻛﻠﺖ : ﻭﺍﻟﻠﻪ ﺍﺣﺒﻬﺔ ﻳﺎﻧﺎﺱ
££££££££££
ﺟﻮﺭﻱ ... ﻣﻦ ﻃﻠﻌﻨﺔ ﻣﻦ ﺍﻟﻔﻨﺪﻕ ﺳﻠﻤﺖ ﻋﻠﻰ ﺑﺴﻤﺔ ﻻﻥ ﺭﺍﺣﺖ ﻭﻳﺔ ﺭﺟﻠﻬﺔ ﻟﺒﻴﺖ ﺍﻫﻠﺔ ﻭﺍﻧﻲ ﺭﺣﺖ ﻭﻳﺔ ﻣﺆﻳﺪ ﻟﺒﻴﺖ ﺍﻫﻠﺔ ..
ﺑﺲ ﺩﺧﻠﻨﺔ ﺍﻟﺒﻨﺎﺕ ﺟﺎﻧﻦ ﻣﺨﺒﻮﺻﺎﺕ ﻋﺮﻛﺔ ﻣﺪﺭﻱ ﺷﻨﻮ .. ﺳﺄﻟﺖ ﻋﻠﻰ ﺍﻣﻲ ﻛﺎﻟﻦ ﺭﺍﺣﺖ ﻟﺒﻴﺖ ﺍﻫﻞ ﺣﺴﻨﻴﻦ ﻋﻠﻤﻮﺩ ﺑﺴﻤﺔ ﻻﻥ ﺍﻫﻞ ﺍﺑﻮﻩ ﻧﺎﺱ ﻏﺮﻳﺒﺔ ﻭﺑﺴﻤﺔ ﻣﺎ ﻣﺘﻌﻮﺩﺓ ﻋﻠﻴﻬﻢ .. ﻫﻬﻪ ﻣﺎ ﺗﺪﺭﻱ ﺍﺑﺴﻤﺔ ﺍﺫﺍ ﺗﻌﻮﻓﻬﺔ ﺑﻴﻦ ﺳﺒﻊ ﺫﻳﺎﺑﺔ ﺗﺮﺟﻊ ﺗﻠﻜﺎﻫﺔ ﻣﺎﻛﻠﺘﻬﻦ ﻭﺗﻄﻜﻄﻚ ﺑﻌﻀﺎﻣﻬﻦ ..
ﺻﻌﺪﺗﻨﻲ ﻣﻬﺎ ﻟﻠﺠﻨﺎﺡ ﻣﺎﻟﺘﻨﺔ ﺟﺎﻥ ﻛﻮﻟﺶ ﺣﻠﻮ ﻭﺩﻳﻜﻮﺭﺓ ﻣﺮﺗﺐ ﻭﻧﺎﻋﻢ ..
ﺫﺑﻴﺖ ﻋﺒﺎﺗﻲ ﻭﺟﻨﻄﺘﻲ ﻋﺎﻟﺠﺮﺑﺎﻳﺔ ﻭﺻﺮﺕ ﺍﻓﺘﺮ ﺍﺧﺬﻟﻲ ﺟﻮﻟﺔ ﺑﺎﻟﺸﻘﺔ ..
ﻏﺮﻓﺔ ﺍﻟﻨﻮﻡ ﺟﺎﻥ ﻟﻮﻧﻬﺔ ﺫﻫﺒﻲ ﻭﺣﺎﻃﻴﻦ ﻣﻔﺮﺵ ﻟﻮﻧﺔ ﺍﺑﻴﺾ ﻭﻋﻠﻲ ﻭﺭﺩ ..
ﺍﻟﻤﺮﺍﻳﺔ ﺟﺎﻧﺖ ﻛﻮﻟﺶ ﺟﺒﻴﺮﺓ ﻭﺗﻘﺮﻳﺒﺎً ﻣﺎﺧﺬﺓ ﻧﺺ ﺍﻟﺤﺎﻳﻂ ﻭﻋﻠﻴﻬﺔ ﻛﻢ ﻗﻄﻌﺔ ﻣﻜﻴﺎﺝ ﻣﻦ ﺍﻟﻲ ﺍﺷﺘﺮﻳﺘﻬﻦ ﺍﻧﻲ ﻭﻛﻢ ﻋﻄﺮ ..
ﺩﺧﻠﺖ ﻟﻐﺮﻓﺔ ﺍﻟﻤﻼﺑﺲ ﻭﺷﻔﺖ ﺍﻟﺒﺎﻗﻲ ﻣﻮﺟﻮﺩ ﻭﻣﺮﺗﺐ ﺑﺸﻜﻞ ﺣﻠﻮ ﻭﻣﻼﺑﺴﻲ ﺍﻟﻲ ﺍﺷﺘﺮﻳﺘﻬﻦ ﻭﻏﻴﺮﻫﻦ ﻣﻦ ﺍﻟﻤﻼﺑﺲ ﺍﻟﻲ ﺟﺎﺑﻬﻦ ﻣﺆﻳﺪ ﻣﻦ ﺭﺍﺡ ﻟﺒﻐﺪﺍﺩ ﻳﺸﺘﺮﻱ ﺍﺧﺸﺎﺏ ﺍﻟﻐﺮﻓﺔ ..
ﺍﻟﺠﻬﺔ ﺍﻟﺜﺎﻧﻴﺔ ﺍﻟﻤﻘﺎﺑﻠﺔ ﻟﺠﻬﺔ ﻣﻼﺑﺴﻲ ﺟﺎﻧﺖ ﻣﻼﺑﺲ ﻣﺆﻳﺪ .. ﺗﺮﺗﻴﺒﻬﺔ ﺣﻠﻮ ﻭﺍﻟﻠﻮﻥ ﺍﻟﺮﺻﺎﺻﻲ ﺗﻘﺮﻳﺒﺎ ﺟﺎﻥ ﺍﻏﻠﺐ ﻣﻼﺑﺴﺔ ..
ﻃﻠﻌﺖ ﻣﻦ ﻏﺮﻓﺔ ﺍﻟﻨﻮﻡ ﻭﺟﺎﻥ ﺍﻛﻮ ﺑﺎﺏ ﻣﻘﺎﺑﻞ ﻏﺮﻓﺔ ﺍﻟﻨﻮﻡ .. ﻓﺘﺤﺘﺔ ﻭﺟﺎﻥ ﻋﻜﺲ ﺍﻟﺸﻘﺔ ﻛﻠﻬﺔ .. ﺟﺎﻥ ﻣﻜﺘﺐ ﻟﻮﻧﺔ ﺍﺳﻮﺩ ﻭﺑﺎﻗﻲ ﺍﻟﻤﻜﺘﺐ ﺑﺎﻟﻠﻮﻥ ﺍﻟﺠﻮﺯﻱ ..
ﺗﻘﺮﺑﺖ ﻣﻦ ﺍﻟﻤﻜﺘﺐ ﺍﻛﺜﺮ ﻭﺷﻔﺖ ﺻﻮﺭﺓ ﻋﺎﻟﻤﻜﺘﺐ ..
ﺳﺤﺒﺘﻬﺔ ﻭﻧﺰﻟﺖ ﺩﻣﻌﺘﻲ ﻭﺍﻧﻲ ﺍﺷﻮﻓﺔ .. ﺟﺎﻧﺖ ﺻﻮﺭﺓ ﻓﺎﺭﺱ ﻻﺑﺲ ﻗﺎﻁ ﺍﺳﻮﺩ ﻭﻛﺎﺷﺦ ﻣﺎﺩﺭﻱ ﺷﻨﻮ ﺍﻟﻤﻨﺎﺳﺒﺔ .. ﻻﻣﺴﺖ ﺍﻟﺼﻮﺭﺓ ﺑﺄﺻﺎﺑﻌﻲ ﻭﻫﻤﺴﺖ :.. ﺍﺷﺘﺎﻗﻴﺘﻠﻚ ﻭﺍﻟﻠﻪ ..
ﻭﺭﺓ ﺛﻮﺍﻧﻲ ﺳﻤﻌﺖ ﺻﻮﺗﺔ ﻭﺭﺍﻱ : .. ﻭﺍﻧﻲ ﺍﻛﻮﻝ ﺍﻟﻤﻜﺘﺐ ﻣﻨﻮﺭ ﻣﻮ ﺑﺎﻟﻌﺎﺩﺓ .. ﺍﺛﺎﺭﻱ ﺟﻮﺭﻱ ﻫﻨﺎ ..
ﻣﺴﺤﺖ ﺩﻣﻌﺘﻲ ﺑﺴﺮﻋﺔ ﻭﺭﺟﻌﺖ ﺍﻟﺼﻮﺭﺓ ﻭﺍﻟﺘﻔﺘﺖ ﻭﺍﺑﺘﺴﻤﺘﻠﺔ : ﺍﺳﻔﺔ ﻻﻥ ﺩﺧﻠﺖ ﻣﻜﺘﺒﻚ ﺑﺪﻭﻥ ﺍﺳﺘﺄﺫﺍﻥ ﺑﺲ ﺻﺎﺭ ﻋﻨﺪﻱ ﻓﻀﻮﻝ ﺍﺷﻮﻑ ﺍﻟﺸﻘﺔ ..
ﻣﺆﻳﺪ ﺑﺄﺑﺘﺴﺎﻣﺔ : ﻋﺎﺩﻱ ﺑﺄﻱ ﻭﻗﺖ ﺍﺩﺧﻠﻲ ..
ﺗﻮﺟﻪ ﻟﻠﺜﻼﺟﺔ ﺍﻟﺰﻏﻴﺮﺓ ﻋﻠﻰ ﺟﻬﺔ ﻭﻛﺎﻝ : ﺑﻤﺎ ﺍﻥ ﺍﻧﺘﻲ ﺍﻭﻝ ﻣﺮﺓ ﺗﺪﺧﻠﻴﻦ ﻣﻜﺘﺒﻲ ﻳﻌﻨﻲ ﻻﺯﻡ ﺍﺿﻴﻔﺞ ﺷﻲ ..
ﻃﻠﻊ ﻋﺼﻴﺮ ﻣﻦ ﺍﻟﺜﻼﺟﺔ ﻭﻗﺪﻣﺔ ﺍﻟﻲ ..
ﺣﺠﻴﺖ ﻭﺑﺪﻭﻥ ﻣﺎ ﺍﺧﺬﺓ : ﺍﻣﻤﻢ ﻣﺎﻛﻮ ﺑﻴﺒﺴﻲ ..
ﻃﺒﻚ ﺣﻮﺍﺟﺒﺔ ﻭﻛﺎﻝ ﺑﺄﻣﺮ : ﻻ ﻣﺎﻛﻮ ﺑﻴﺒﺴﻲ ﻭﻣﻦ ﺍﻟﻴﻮﻡ ﻭﺟﺎﻱ ﺍﻟﻤﺸﺮﻭﺑﺎﺕ ﺍﻟﻐﺎﺯﻳﺔ ﻣﻤﻨﻮﻋﺔ ..
ﻃﺒﻜﺖ ﺣﻮﺍﺟﺒﻲ : ﻧﻌﻌﻌﻌﻢ ؟ ﻭﻟﻴﺶ ﺑﻠﺔ ..
ﻣﺆﻳﺪ : ﺍﻧﻲ ﺍﻻﻃﻔﺎﻝ ﺍﻣﻨﻌﻬﻢ ﻣﻦ ﺷﺮﺏ ﺍﻟﺒﻴﺒﺴﻲ .. ﺷﻠﻮﻥ ﺗﺮﺩﻳﻦ ﺍﺧﻠﻴﺞ ﺗﺸﺮﺑﻴﻨﺔ ..
ﺗﺨﻮﺻﺮﺕ ﻭﺑﺮﻓﻌﺔ ﺣﺎﺟﺐ : ﺑﺲ ﺍﻧﻲ ﻣﻮ ﻃﻔﻠﺔ ﻭﺑﻌﺪﻳﻦ ﻣﺎﻛﺪﺭ ﺍﻋﻴﺶ ﺑﺪﻭﻥ ﺍﻟﺒﻴﺒﺴﻲ ..
ﻣﺆﻳﺪ ﺑﺪﻭﻥ ﺍﻫﺘﻤﺎﻡ : ﺗﺘﻌﻮﺩﻳﻦ .. ﻭﺑﻌﺪﻳﻦ ﺍﻧﺘﻲ ﺣﺎﻟﺞ ﻣﻦ ﺣﺎﻝ ﺍﻟﻄﻔﻠﺔ ..
ﻓﺘﺤﺖ ﻋﻴﻮﻧﻲ ﻭﻛﻠﺖ ﺑﺼﺪﻣﺔ : ﺍﻧﻲ ﻣﺜﻞ ﺍﻟﻄﻔﻠﺔ ؟ .. ﺗﺮﺓ ﻋﻤﺮﻱ ٢٥ ﺳﻨﺔ ﻣﻮ ﻃﻔﻠﺔ ..
ﻣﺆﻳﺪ : ﻳﺎ ﺣﺒﻴﺒﺘﻲ ﺍﻟﻌﻤﺮ ﻣﺎ ﻳﺤﺪﺩ ﻛﺒﺮ ﺍﻟﺸﺨﺺ .. ﻟﻮ ﺗﺮﺩﻳﻦ ﻧﺮﺟﻊ ﻟﻠﻮﺍﻗﻊ ﺍﻧﺘﻲ ﻣﺜﻠﺞ ﻣﺜﻞ ﺍﻟﻌﻤﺮﻫﺔ ١٢ ﺳﻨﺔ ..
ﺗﺨﻮﺻﺮﺕ ﻭﻛﻠﺖ : ﻭﺍﻧﺖ ﺷﻮﻛﺖ ﻋﺎﺷﺮﺗﻨﻲ ﻭﻛﻠﺖ ﻣﺜﻞ ﺍﻟﻄﻔﻠﺔ .. ﻳﻌﻨﻲ ﻋﻠﻰ ﺷﻨﻮ ﺗﻌﺘﻤﺪ ﺑﻬﺬﺍ ﻛﻼﻣﻚ ..
ﻣﺆﻳﺪ ﺑﺠﺪﻳﺔ ﻭﻫﻮ ﻳﻜﻌﺪ ﻋﺎﻟﻘﻨﻔﺔ ﺍﻟﻲ ﺑﺎﻟﻤﻜﺘﺐ : ﻋﻠﻰ ﺗﺼﺮﻓﺎﺗﺞ ﺍﻟﻄﺎﻳﺸﺔ ﻭﺍﻟﻲ ﺗﺘﺼﺮﻓﻴﻨﻬﺔ ﺑﺪﻭﻥ ﻣﺎ ﺗﻔﻜﺮﻳﻦ ...
ﻋﻘﺪﺕ ﺣﻮﺍﺟﺒﻲ ﻭﻛﻌﺪﺕ ﻛﺪﺍﻣﺔ : ﺷﻠﻮﻥ ﻳﻌﻨﻲ .. ﺷﻨﻮ ﺍﻟﻐﻠﻂ ﺑﺘﺼﺮﻓﺎﺗﻲ .. ﺍﻭ ﺷﻮﻛﺖ ﺗﺼﺮﻓﺖ ﺑﻐﻠﻂ ..
ﻣﺆﻳﺪ : ﺷﻮﻓﻲ ﺍﻧﻲ ﺭﺍﺡ ﺍﺣﺠﻲ ﺑﺲ ﺍﺣﻨﺔ ﻣﺜﻞ ﻣﺎ ﺍﺗﻔﻘﻨﺎ ﺍﺻﺪﻗﺎﺀ ﻭﻣﺎﻳﺼﻴﺮ ﺗﺰﻋﻠﻴﻦ ﻣﻦ ﻛﻼﻣﻲ ﻭﺍﻧﻲ ﻭﺍﺟﺒﻲ ﻙ ﺻﺪﻳﻖ ﺍﻛﻠﺞ ﺷﻨﻮ ﺍﺧﻄﺎﺋﺞ ..
ﻃﺒﻜﺖ ﺍﻳﺪﻳﺔ ﺑﺄﻫﺘﻤﺎﻡ : ﻣﺎﺷﻲ ﻭﺍﻟﻠﻪ ﻣﺎ ﺍﺯﻋﻞ ﻣﻨﻚ .. ﺑﺲ ﻛﻮﻝ ﺷﻨﻮ ﺍﻟﻐﻠﻂ ..
ﻣﺆﻳﺪ : ﺷﻮﻓﻲ ﺍﻭﻝ ﺷﻲ ﺗﺴﺮﻋﺞ ﺑﺎﻻﻋﺘﺮﺍﻑ ﻟﻔﺎﺭﺱ ﺑﺤﺒﺞ ﺍﻟﺔ ..
ﻓﺘﺤﺖ ﻋﻴﻮﻧﻲ ﺑﺼﺪﻣﺔ .. ﺷﻠﻮﻥ ﻋﺮﻑ ﺑﻬﺎﻟﺸﻲ .. ﻣﺤﺪ ﻳﺪﺭﻱ ﺑﻴﺔ ﺣﺠﻴﺖ ﻭﻳﺔ ﻓﺎﺭﺱ ﻏﻴﺮﻱ ﺍﻧﻲ ﻭﻓﺎﺭﺱ ﻧﻔﺴﺔ .. ﻣﻌﻘﻮﻟﺔ ﻳﻜﻮﻥ ﻓﺎﺭﺱ ﻫﻮﺓ ﺍﻟﻲ ﺣﺠﺎﻟﺔ ..
ﻣﺆﻳﺪ : ﻻ ﺗﻨﺼﺪﻣﻴﻦ .. ﺗﺮﺓ ﺳﻤﻌﺖ ﻛﻼﻣﻜﻢ ﻛﻠﺔ ﻣﻦ ﺣﺠﻴﺘﻲ ﻭﻳﺔ ﻓﺎﺭﺱ ..
ﺩﻧﻜﺖ ﺭﺍﺳﻲ ﻭﻛﻠﺖ : ﺗﺸﻮﻑ ﻫﺎﻟﺸﻲ ﺗﺴﺮﻉ ﻣﻨﻲ ..
ﻣﺆﻳﺪ : ﻃﺒﻌﺎً ﺗﺴﺮﻉ .. ﻭﺍﺑﺴﻂ ﺷﻲ ﺍﻧﺘﻲ ﺷﻔﺘﻲ ﺷﻨﻮ ﺟﺎﻧﺖ ﻧﺘﻴﺠﺘﺔ .. ﻛﻠﺒﺞ ﺍﻧﻜﺴﺮ ﻣﻦ ﻛﻼﻣﺔ .. ﻭﺗﺮﺓ ﺍﺧﺬﻳﻬﺔ ﻗﺎﻋﺪﺓ .. ﺍﻟﺸﺎﺏ ﻣﺴﺘﺤﻴﻞ ﻳﺤﺘﺮﻡ ﺑﻨﺖ ﺗﺠﻲ ﻫﻲ ﻭﺗﻌﺘﺮﻓﻠﺔ ﺑﺤﺒﻬﺔ ﺍﻭ ﻫﻲ ﺍﻟﻲ ﺗﺒﺎﺩﺭ ﺑﺸﻲ .. ﺭﺍﺡ ﻳﻌﺘﺒﺮﻫﺔ ﻣﺎ ﻣﺘﺮﺑﻴﺔ ﻭﻃﺒﻌﺎ ﺍﻧﻲ ﻣﺴﺘﺤﻴﻞ ﺍﻗﺼﺪﺝ ﺑﻬﺎﻟﻜﻼﻡ ﻻﻥ ﺍﻧﺘﻲ ﺑﺖ ﻋﻤﻲ ﻭﺍﻋﺮﻑ ﺍﺧﻼﻗﺞ ﺯﻳﻦ .. ﺑﺲ ﺍﻧﻲ ﺍﺣﺠﻲ ﺑﺼﻮﺭﺓ ﻋﺎﻣﺔ ..
ﻧﺰﻟﺖ ﺩﻣﻌﺘﻲ ﻭﺣﺠﻴﺖ ﺑﺨﺠﻞ : ﺑﺲ ﺍﻧﻲ ﺳﻮﻳﺖ ﻫﺎﻟﺸﻲ ﻻﻥ ﺷﻔﺘﺔ ﺣﺘﻰ ﻣﺎ ﻳﻨﺘﺒﻪ ﻟﻮﺟﻮﺩﻱ ﻭﻣﺎ ﻣﻌﺒﺮﻧﻲ ...
ﻣﺆﻳﺪ ﻭﻫﻮ ﻳﺒﺎﻭﻉ ﺑﻌﻴﻮﻧﻲ ﺑﻨﻀﺮﺓ ﻣﺎ ﻓﻬﻤﺘﻬﺔ :. ﺍﺩﺭﻱ ﻟﻴﺶ ﺳﻮﻳﺘﻲ ﻫﻴﺞ .. ﺍﻧﺘﻲ ﺣﺴﻴﺘﻲ ﻧﻔﺴﺞ ﺗﻌﺒﺘﻲ ﻣﻦ ﻛﻮﻧﺞ ﺗﺤﺒﻴﻦ ﺷﺨﺺ ﻭﺗﻬﺘﻤﻴﻦ ﻟﻮﺟﻮﺩﺓ ﻭﻣﺎ ﺗﺸﻮﻓﻴﻦ ﻏﻴﺮﺓ ﻭﺑﺎﻟﺘﺎﻟﻲ ﻫﻮﺓ ﺣﺘﻰ ﻣﺎ ﺷﺎﻳﻔﺞ ﻭﻣﺎ ﻣﻨﺘﺒﻬﻠﺞ ﻭﺑﻌﺪﻳﻦ ﺗﻜﺘﺸﻔﻴﻦ ﺍﻥ ﻫﺎﻟﺸﺨﺺ ﻛﻠﺒﺔ ﻳﻢ ﺍﺣﺪ ﺛﺎﻧﻲ .. ﺻﺢ ﻫﺎﻟﺸﻲ ﻟﻮ ﻻ ..
ﺍﻧﺼﺪﻣﺖ ﻣﻦ ﻛﻼﻣﺔ ﺗﺤﻠﻴﻠﺔ ﺍﻟﺼﺤﻴﺢ : ﺻﺢ ﻛﻼﻣﻚ ..
ﻣﺆﻳﺪ ﺑﺄﺑﺘﺴﺎﻣﺔ ﻏﺮﻳﺒﺔ : ﻭﺍﻧﺘﻲ ﻣﻦ ﺷﻔﺘﻲ ﻫﺎﻟﺸﻲ ﺟﺎﻥ ﻻﺯﻡ ﺗﺤﺎﻭﻟﻴﻦ ﺗﻨﺴﻴﻦ ﺍﺩﺭﻱ ﻫﺎﻟﺸﻲ ﺻﻌﺐ ﻭﺷﺒﻪ ﻣﺴﺘﺤﻴﻞ ﺑﺲ ﺣﺎﻭﻟﻲ ﺗﺴﻮﻳﻦ ﺍﻱ ﺷﻲ ﺍﻻ ﺍﻥ ﺗﻨﺰﻟﻴﻦ ﻧﻔﺴﺞ ﻟﺸﺨﺺ ﺍﻧﺘﻲ ﺗﺤﺒﻴﻨﺔ ﻭﺍﻧﺘﻲ ﻣﺎ ﺷﻔﺘﻲ ﻣﻨﺔ ﻏﻴﺮ ﺍﻟﺼﺪ .. ﺟﺎﻥ ﻻﺯﻡ ﺗﺒﻘﻴﻦ ﻣﺤﺎﻓﻀﺔ ﻋﻠﻰ ﻛﺮﺍﻣﺘﺞ .. ﻻﺯﻡ ﺗﻜﻮﻟﻴﻦ ﻣﺎﺩﺍﻡ ﻫﺬﺍ ﺍﻟﺤﺐ ﺭﺍﺡ ﻳﻜﺴﺮ ﻛﻠﺒﻲ ﻭﻳﺤﻄﻢ ﻛﺮﺍﻣﺘﻲ ﺍﻧﻲ ﻻﺯﻡ ﺍﺩﻓﻨﺔ ﺑﻜﻠﺒﻲ ﻭﻣﺎ ﺍﻃﻠﻌﺔ ﻻﺣﺪ ..
ﺟﻨﺖ ﺻﺎﻓﻨﺔ ﻋﻠﻲ ﻭﻣﺮﻛﺰﺓ ﺑﻜﻞ ﻛﻠﻤﺔ ﻳﻜﻮﻟﻬﺔ .. ﺟﺎﻱ ﺍﻛﺘﺸﻒ ﺟﺎﻧﺐ ﺟﺪﻳﺪ ﺑﻤﺆﻳﺪ ﺍﻭﻝ ﻣﺮﺓ ﺍﻋﺮﻓﻬﻦ .. ﺻﺤﻴﺢ ﻣﺜﻞ ﻣﺎ ﻛﺎﻟﺖ ﺍﻟﺤﺠﻴﺔ ﻣﺆﻳﺪ ﻫﺎﺩﺉ ﻭﺭﺍﻛﺰ ﻭﻗﺮﺍﺭﺗﺔ ﻣﺘﺤﻀﺮﺓ ﻭﻳﻔﻜﺮ ﻗﺒﻞ ﻻ ﻳﺘﺼﺮﻑ ﻭﻛﺎﻟﺖ ﺍﻥ ﻫﻮﺓ ﺍﻟﻮﺣﻴﺪ ﺍﻟﻲ ﻣﺎ ﻃﻠﻊ ﻳﺸﺒﻪ ﻏﺰﻭﺍﻥ ﻭﺍﺑﻮﻩ ﺑﺎﻟﻌﺼﺒﻴﺔ ﻭﻫﻮ ﻋﻜﺴﻬﻢ ﺣﺘﻰ ﺑﻮﻗﺖ ﻋﺼﺒﻴﺘﺔ ﻳﻜﺪﺭ ﻳﺘﺤﻜﻢ ﺑﻨﻔﺴﺔ ﻭﻟﻬﺎﻟﺴﺒﺐ ﺗﻤﻨﻴﺘﺞ ﺍﻧﺘﻲ ﺗﺘﺰﻭﺟﻴﻦ ﻣﺆﻳﺪ ..
ﺑﺎﻭﻋﺘﻠﺔ ﺑﺘﻌﺠﺐ : ﺍﻧﺖ ﺷﻠﻮﻥ ﺗﻜﺪﺭ ﺗﻔﻜﺮ ﻫﻴﺞ .. ﻳﻌﻨﻲ ﻣﻨﻴﻦ ﺟﺒﺖ ﻫﺎﻟﻜﻼﻡ ..
ﻣﺆﻳﺪ ﺑﺄﺑﺘﺴﺎﻣﺔ : ﻛﻼﻣﻲ ﻣﺎ ﻳﺨﺘﻠﻒ ﻋﻠﻲ ﺛﻨﻴﻦ ﻳﺤﻠﻮﺓ ﻭﺍﻧﻲ ﻛﺘﻠﺞ ﻫﺎﻟﺸﻲ ﻛﺮﺃﻳﻲ ﻭﺷﺎﺭﻛﺘﺞ ﺑﻲ .. ﻭﻫﺎﺍ ﺗﺮﺓ ﺍﻧﺘﻲ ﻛﻠﺘﻲ ﻣﺎ ﺍﺯﻋﻞ ..
ﺍﺑﺘﺴﻤﺘﻠﺔ : ﺍﻧﺖ ﻣﺎ ﻛﻠﺖ ﺷﻲ ﻳﺨﻠﻴﻨﻲ ﺍﺯﻋﻞ .. ﺍﻧﻲ ﻓﻌﻼ ﺟﺎﻥ ﻻﺯﻡ ﻣﺎ ﺍﺗﺴﺮﻉ ﻭﺍﺧﻠﻲ ﻧﻔﺴﻲ ﻋﺰﻳﺰﺓ ﻋﻠﻴﺔ ..
ﻣﺆﻳﺪ : ﺑﺎﻟﻀﺒﻂ .. ﻭﺗﺮﺓ ﻫﺎ ﻣﻮ ﺑﺲ ﺍﻟﺒﻴﺒﺴﻲ ﻣﻤﻨﻮﻉ ﻭﺣﺘﻰ ﺍﻻﻳﺲ ﻛﺮﻳﻢ ﻣﻤﻨﻮﻉ ﺗﺪﺧﻞ ﻟﻠﺒﻴﺖ ..
ﺿﺤﻜﺖ ﻭﺑﻌﺪﻳﻦ ﺍﺳﺘﻮﻋﺒﺖ : ﺷﻨﻮﻭ .. ﺍﻧﺖ ﺣﺎﻛﻢ ﺍﻟﺒﻴﺖ ﻟﻮ ﺷﻨﻮ .. ﺷﻬﺎﻟﻘﻮﺍﻧﻴﻦ ﻫﺎﻱ ..
££££££££££
ﻏﺰﻭﺍﻥ ... ﺩﺧﻠﺖ ﻟﻠﺪﻳﻮﺍﻥ ﻣﺎﻟﺘﻨﺔ ﻭﺷﻔﺖ ﺍﺑﻮﻱ ﻭﻋﻤﺎﻣﻲ ﻭﻭﻟﺪ ﻋﻤﺎﻣﻲ ﻛﺎﻋﺪﻳﻦ ﻭﻫﺬﺍ ﺍﻟﻌﺎﺭ ﻛﺎﻋﺪ ﺑﺼﻒ ﺍﺑﻮﻩ ..
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🏻✍
ﺣﺒﺎﻳﺒﻲ ﻭﺍﻟﻠﻪ ﻣﻦ ﺑﻌﺪ ﻛﻼﻣﻜﻢ ﺍﻟﻌﺴﻞ ﻫﺬﺍ ﻣﻜﺪﺭﺕ ﺍﻭﻗﻒ ﺍﻟﻘﺼﺔ 😘 ﻭﺍﺳﻔﺔ ﻋﻠﻰ التأخير