رواية سجينة،الظلم والانتقام الفصل الثاني 2 - بقلم Renad.m

#سجينة_الظلم_والانتقام
بقلم سارة الشمري
٤______٦
#بارت٤
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺷﻲﺀ ﻳﺸﺠﻊ ﺍﻹﺛﻢ ﻣﺜﻞ ﺍﻟﺮﺣﻤﺔ .
ﻭﻟﻴﻢ ﺷﻜﺴﺒﻴﺮ
ﺣﺴﺎﻥ ﻭﻧﻔﺴﺔ ﻳﺼﻌﺪ ﻭﻳﻨﺰﻝ ﻣﻦ ﺍﻟﻌﺼﺒﻴﺔ ﻭﻳﺤﺎﻭﻝ ﻳﻬﺪﻱ ﻧﻔﺴﺔ ﻻ ﻳﻬﺠﻢ ﻭﻳﺨﺮﺏ ﺍﻻﻭﻝ ﻭﺍﻟﺘﺎﻟﻲ : ﺷﺘﺮﻳﺪ ﻟﻌﺪ ﺑﺎﻟﻤﻘﺎﺑﻞ ﺑﻠﺔ
ﺍﻟﺘﻔﺖ ﻋﻠﻴﺔ ﻭﺍﺑﺘﺴﻢ ﺑﺨﺒﺚ : ﺍﺧــــــﺘـــــﻚ ...
ﺣﺴﺎﻥ ﻭﻋﺒﺎﻟﻚ ﺍﺣﺪ ﺫﺏ ﻋﻠﻴﺔ ﻣﻲ ﺣﺎﺭ ﻃﻔﺮﺕ : ﺷﻨﻮﻭﻭﻭ ...
ﺯﻳﺎﺩ ﺍﻟﻲ ﻛﺎﻥ ﻃﻮﻝ ﺍﻟﻜﻌﺪﺓ ﺳﺎﻛﺖ ﻫﻢ ﻃﻔﺮ : ﺍﺣﺘﺘﺘﺮﻡ ﻧﻔﺴﻚ ﻭﺍﻋﺮﻑ ﺍﻟﺤﺠﻲ ﺍﻟﻲ ﻳﻄﻠﻊ ﻣﻦ ﺣﻠﻜﻚ ﻗﺒﻞ ﻻ ﺗﻜﻮﻟﺔ
ﻫﻮ ﻃﻔﺮ ﻭﻳﺎﻫﻢ ﻭﺣﺠﺔ ﺑﻌﺼﺒﻴﺔ : ﺣﺠﻴﻲ ﺍﻋﺮﻓﺔ ﺯﻳﻦ ﻗﺒﻞ ﻻ ﺍﺣﺠﻲ ﻭﻫﻲ ﻛﻠﻤﺔ ﻭﺣﺪﺓ ﻋﺪﻛﻢ ﺧﻴﺎﺭﻳﻦ ... ﻟﻮ ﺍﻛﺘﻞ ﺍﺧﻮﻛﻢ ﻭﻋﻨﺪﻱ ﻫﺬﺍ ﺍﻧﺴﺐ ﺣﻞ ﻭﺍﻟﻲ ﻳﺮﻳﺢ ﻛﻠﺒﻲ .... ﻟﻮ ﺗﻄﻮﻧﻲ ﻓﺼﻠﻴﺔ ﺣﺘﻰ ﻳﺒﻘﻰ ﺑﺎﻟﺴﺠﻦ ﻭﻋﺪﻝ ﻭﺍﺭﻳﺪ ﺍﺧﺘﺘﺘﺘﺔ ﺑﺎﻟﺬﺍﺍﺍﺕ ... ﻭﻋﺪﻛﻢ ﻋﻄﻮﺓ ﻣﻨﺎ ﻟﺒﻌﺪ ﺗﻠﺚ ﺍﻳﺎﻡ ﺑﻴﻦ ﻣﺎ ﺍﺳﻮﻱ ﻓﺎﺗﺤﺔ ﺍﺧﻮﻱ ... ﺍﺫﺍ ﻣﺎ ﺭﺟﻌﺘﻮﻟﻲ ﺧﺒﺮ ﻭﺭﺑﻜﻢ ﻭﺟﻼﻟﺔ ﻣﺎ ﺍﺧﻠﻲ ﻳﻌﺘﺐ ﺑﺎﺏ ﺍﻟﺴﺠﻦ ﺍﻻ ﺟﻨﺎﺯﺓ
ﺳﺤﺐ ﺳﻼﺣﺔ ﻭﻃﻠﻊ ﻭﻛﻠﻬﻢ ﻃﻠﻌﻮ ﻭﺭﺍﻩ
ﺯﻳﺎﺩ ﺭﺍﺩ ﻳﻠﺤﻜﺔ ﻭﻟﺰﻣﺔ ﻋﻤﻲ : ﻭﻳﻴﻴﻦ ﺭﺍﻳﺢ ﺗﺨﺒﻠﺖ ﻣﺎ ﺗﺸﻮﻓﻬﻢ ﺷﻠﻮﻥ ﻣﺴﻠﺤﻴﻦ ﻏﻴﺮ ﻳﻨﺨﻠﻮﻧﻚ ﻧﺨﻞ
ﺯﻳﺎﺩ : ﻳﺎﺑﺔ ﻓﺪﻭﺓ ﺍﺭﻭﺣﻠﻚ ﻋﻮﻓﻨﻲ ﻣﺎ ﺗﺸﻮﻓﺔ ﺷﻴﺤﺠﻲ
ﻫﺎﻟﻜﻠﺐ ﻫﺬﺍ
ﺣﺴﺎﻥ ﻃﻠﻊ ﻭﺭﺍﺡ ﻟﺴﻴﺎﺭﺗﺔ ﻭﻟﺤﻜﺔ ﺯﻳﺎﺩ ﻭﻋﻤﺔ ﻭﺭﺍﺣﻮ ﻟﻠﺒﻴﺖ
ﻗﻄﻊ ﻋﻠﻲ ﺗﻔﻜﻴﺮﺓ ﺻﻮﺕ ﺍﻟﺒﺎﺏ ﻭﻫﻮ ﻳﻨﺪﻙ : ﺗﻔﻀﻞ
ﺩﺧﻠﺖ ﺷﻬﺪ ﻭﺑﻴﺪﻫﺎ ﻣﻼﺑﺲ ﻭﻫﻲ ﻫﻢ ﻛﺎﺷﺨﺔ
ﺣﺴﺎﻥ : ﻫﺎ ﺷﻬﻮﺩﺓ
ﺷﻬﺪ : ﻫﺎﻱ ﻣﻼﺑﺴﻚ ﺩﺯﺗﻬﻦ ﻣﺎﻣﺎ ﺍﺗﻜﻮﻝ ﻛﻮﻳﺘﻬﻦ ﺧﺎﻑ ﺗﺮﻳﺪ ﺗﺒﺪﻝ
ﺣﺴﺎﻥ : ﺷﻜﺮﺭﺭﺍ ﻳﺎ ﺍﺣﻼ ﺍﻣﻴﺮﺓ
ﺷﻬﺪ : ﺍﻧﻲ ﺍﺳﻤﻲ ﺷﻬﺪ ﻣﻮ ﺍﻣﻴﺮﺓ ﺑﺎﻭﻋﺘﻠﺔ ﺻﻔﺢ ﻭﻃﻠﻌﺖ ﻭﻃﺒﻜﺖ ﺍﻟﺒﺎﺏ
ﺣﺴﺎﻥ ﺿﺤﻚ ﻋﻠﻴﻬﺎ ﻭﻋﻠﻰ ﺧﺒﺎﻟﻬﺔ
ﺑﻤﻜﺎﻥ ﺛﺎﻧﻲ ﺑﻨﻔﺲ ﺍﻟﺴﻴﺎﺭﺓ
ﻣﻴﺎﻣﻴﻦ
ﺻﻌﺪ ﻳﻤﻬﺎ ﺑﺎﻟﺴﻴﺎﺭﺓ : ﻫﺎ ﺧﻮﻣﺎ ﺗﺄﺧﺮﺕ
ﺍﺑﺘﺴﻤﺖ : ﻻ
ﻛﻤﻞ ﻫﻮ : ﻳﻠﺔ ﺍﺭﺟﻌﻲ ﻧﺎﻣﻲ ﻻﻥ ﺑﻌﺪ ﻛﺪﺍﻣﻨﺔ ﺍﻟﻄﺮﻳﻖ ﻃﻮﻳﻞ
ﻫﺰﻳﺖ ﺭﺍﺳﻲ ﺑﺪﻭﻥ ﻣﺎ ﺍﺣﺠﻲ ﻭﺭﺟﻌﺖ ﻟﻮﺿﻌﻴﺘﻲ ﻏﻤﻀﺖ ﻋﻴﻨﻲ ﻭﺣﺴﻴﺖ ﺍﻟﻬﻮﺍﺀ ﺍﻟﺒﺎﺭﺩ ﺿﺮﺏ ﺑﻮﺟﻬﻲ
ﺭﺟﻌﺖ ﻟﺴﻠﺴﻠﺔ ﺍﻓﻜﺎﺭﻱ ﻭﻛﻤﻠﺖ
ﻗﺒﻞ ﺳﻨﺔ
ﻣﻴﺎﻣﻴﻦ ﺷﻔﺘﻬﻢ ﻣﻦ ﺷﺒﺎﻙ ﺍﻟﻐﺮﻓﺔ ﺍﺟﻮ ﻭﻭﺟﻮﻫﻢ ﻣﺎ ﺗﻄﻤﻦ ﺑﺨﻴﺮ ﺯﻳﺎﺩ ﻋﺼﺒﻲ ﻭﺣﺴﺎﻥ ﺑﻌﺪ ﺍﻛﺜﺮ ﻧﺰﻟﺖ ﺍﺭﻛﺾ ﻭﻣﺒﺎﺷﺮﺓ ﻓﺘﺤﺘﻠﻬﻢ ﺑﺎﺏ ﺍﻻﺳﺘﻘﺒﺎﻝ
ﺻﺎﺭ ﺣﺴﺎﻥ ﺑﻮﺟﻬﻲ ﺑﺎﻭﻋﻠﻲ ﺑﻨﻀﺮﺍﺕ ﻣﺎ ﻓﻬﻤﺘﻬﺎ ﺷﻨﻮ
ﺣﺠﻴﺖ ﻭﺍﺣﺲ ﻛﻠﺒﻲ ﺭﺍﺡ ﻳﻄﻠﻊ ﻣﻦ ﻣﻜﺎﻧﺔ : ﺣﺴﺎﺍﻥ ﺷﺼﺎﺭ .. ﺷﻨﻮ ﻛﺎﻟﻮ
ﻧﺰﻝ ﺭﺍﺳﺔ ﻭﺩﺧﻞ ﻟﻸﺳﺘﻘﺒﺎﻝ ﻭﺯﻳﺎﺩ ﻭﺭﺍﻩ ﻋﻤﻲ ﻟﺰﻣﻨﻲ ﻣﻦ ﻛﺘﻔﻲ ﻭﺩﺧﻠﻨﻲ ﻭﻳﺎﻩ : ﺗﻌﺎﻱ ﺑﺎﺑﺎ ﻫﺴﺔ ﺗﻔﺘﻬﻤﻴﻦ ﺍﻟﺴﺎﻟﻔﺔ
ﺩﺧﻠﺖ ﻭﺍﻧﻲ ﻛﻠﺒﻲ ﺻﺎﻳﺮ ﻃﺒﻮﻝ ﻛﻌﺪﻭ
ﻭﻛﻞ ﻭﺍﺣﺪ ﺑﻴﻬﻢ ﺣﺎﻟﺔ ﻣﻮ ﺍﺣﺴﻦ ﻣﻦ ﺍﻟﺜﺎﻧﻲ
ﺣﺴﺎﻥ ﻛﺎﻋﺪ ﻭﺭﺍﺳﺔ ﺑﻴﻦ ﺍﻳﺪﻱ ﻭﻣﺪﻧﻚ
ﺯﻳﺎﺩ ﻭﺟﻬﺔ ﺍﺣﻤﺮ ﻣﻦ ﺍﻟﻌﺼﺒﻴﺔ ﻭﻧﻔﺴﺔ ﻳﺼﻌﺪ ﻭﻳﻨﺰﻝ ﻭﻳﺒﺎﻭﻉ ﺑﺎﻟﻜﺎﻉ
ﻭﻋﻤﻲ ﻣﺒﻴﻦ ﺑﻲ ﺍﻟﺘﻌﺐ ﻭﻗﻠﺔ ﺍﻟﺤﻴﻠﺔ ﻭﻻﺯﻡ ﺳﺒﺤﺘﺔ ﻭﻳﺴﺒﺢ ﺑﻴﻬﺎ
ﺩﺧﻠﺖ ﺍﻣﻲ ﻟﻸﺳﺘﻘﺒﺎﻝ ﻭﺷﺎﻓﺘﻬﻢ : ﻫﺎ ﺑﺸﺮ ﻳﻤﺔ ﺷﺼﺎﺭ ﻭﻳﺎﻛﻢ ﻣﺎ ﻃﻠﻊ ﺍﺧﻮﻙ ﺷﻜﺎﻟﻮ ﺍﻫﻞ ﺍﻟﻮﻟﺪ
ﺷﻔﺘﻬﻢ ﻃﻮﻟﻮ ﻭﻫﻤﺔ ﺳﺎﻛﺘﻴﻦ : ﺍﺣﺠﻮﻭﻭﻭ ﺷﺼﺎﺭ ﺷﻨﻮ ﻃﻠﺒﻮ ﺷﻜﺪ ﻳﺮﺩﻭﻥ ﻓﻠﻮﺱ
ﺣﺴﺎﻥ ﻭﻫﻮ ﻋﻠﻰ ﻭﺿﻌﻴﺘﺔ ﻭﺭﺍﺳﺔ ﻟﻸﺭﺽ : ﻣﺎ ﻳﺮﺩﻭﻥ ﻓﻠﻮﺱ ﻳﺮﺩﻭﻥ ﻳﺨﺮﺑﻮﻥ ﺑﻴﻮﺗﻨﺎ
ﺣﺠﻴﺖ ﺑﺮﺟﻔﺔ ﻭﺍﻟﺤﺠﻲ ﻛﻮﺓ ﻳﻄﻠﻊ ﻣﻨﻲ : ﺵ .. ﺷﻨﻮ ﺷﻴﺮﺩﻭﻥ ...
ﻛﻌﺪﺕ ﻛﺪﺍﻣﺔ ﻭﻟﺰﻣﺖ ﺍﻳﺪﺓ : ﻓﺪﻭﺓ ﻻ ﺗﻜﻮﻝ ﻳﺮﺩﻭﻥ ﻳﻘﺘﻠﻮﻥ ﺭﺍﺋﺪ
ﺣﺴﺎﻥ ﺭﻓﻊ ﺭﺍﺳﺔ ﻭﺑﺎﻭﻋﻠﻲ ﻭﻋﻴﻮﻧﺔ ﻣﻐﻮﺭﻛﺔ : ﻫﺬﺍ ﻭﺍﺣﺪ ﻣﻦ ﺍﻟﺨﻴﺎﺭﻳﻦ ﺍﻟﻲ ﺍﻧﻄﻮﻫﻦ ﺍﻟﻨﺔ
ﻣﺎﻣﻴﻦ ﺍﺳﺘﻮﻋﺒﺖ ﺍﻟﻤﻮﺿﻮﻉ ﺧﻴﺎﺭﻳﻦ ﻳﻌﻨﻲ ﺍﻛﻮ ﺷﻲ ﻏﻴﺮ ﺍﻟﻘﺘﻞ ﻣﻤﻜﻦ ﻳﻨﻘﺬ ﺍﺧﻮﻱ ﻣﻦ ﺍﻟﻤﻮﺕ ﺣﺴﻴﺖ ﺍﻻﻣﻞ ﺭﺟﻌﻠﻲ : ﺷﻨﻮ ﺍﻟﺨﻴﺎﺭ ﺍﻟﺜﺎﻧﻲ ﺍﻛﻴﺪ ﺍﺣﺴﻦ ﻣﻦ ﺍﻻﻭﻝ ﺍﻫﻢ ﺷﻲ ﻣﺎ ﻳﺼﻴﺮ ﺷﻲ ﻟﺮﺍﺋﺪ
ﺣﺴﺎﻥ ﻃﺎﺣﺖ ﺩﻣﻌﺘﺔ ﻭﻣﺴﺤﻬﺎ ﺑﻴﺪﺓ : ﺣﺴﺎﻥ ﺍﺣﺠﻲ ﺷﻴﺮﺩﻭﻥ ﻭﻣﻴﻘﺘﻠﻮﻥ ﺭﺍﺋﺪ
ﺑﺎﻭﻉ ﺑﻌﻴﻮﻧﻲ ﻭﺣﺠﺔ ﻛﻠﻤﺔ ﻭﺣﺪﺓ ﺑﺲ : ﺍﻧـــــﺘـــﻲ !
ﺍﺳﺘﻐﺮﺑﺖ ﻣﻦ ﺟﻮﺍﺑﺔ : ﺍﻧﻲ ﺷﻨﻮ
ﺣﺠﺔ ﺣﺴﺎﻥ ﺍﻟﺨﻴﺎﺭ ﺍﻟﺜﺎﻧﻲ ﺍﻟﻲ ﻧﺰﻝ ﻋﻠﻰ ﻛﻠﺒﻲ ﻣﺜﻞ ﺍﻟﻨﺎﺭ : ﻳﺮﺩﻭﻧﺞ ﻓﺼﻠﻴﺔ ﺑﻤﻘﺎﺑﻞ ﻣﻴﻘﺘﻠﻮﻥ ﺭﺍﺋﺪ ﻭﻳﺒﻘﻰ ﺑﺎﻟﺴﺠﻦ ﻭﻋﺎﻳﺶ
ﺍﻧﺼﺪﻣﺖ ﻭﺣﺴﻴﺖ ﺍﻟﺴﺎﻧﻲ ﺍﻧﺸﻞ ﻋﻦ ﺍﻟﻜﻼﻡ ﻣﻜﺪﺭﺕ ﺍﺣﺠﻲ ﺷﻲ ﺑﺲ ﺍﺳﻤﻊ ﺍﻟﺼﻮﺕ ﻭﻋﺒﺎﻟﻚ ﺭﺣﺖ ﺑﻐﻴﺮ ﻋﺎﻟﻢ
ﺍﻣﻲ ﺗﺒﺠﻲ ﻭﺗﻠﻄﻢ : ﻳﻤﻤﺔ ﻭﻟﻴﺪﺍﺗﻲ ﻟﻴﺶ ﻫﻴﺞ ﻳﺮﺑﻲ
.... ﺍﻟﺨﻴﺎﺭ ﺍﻻﻭﻝ ﺍﺧﺴﺮ ﺍﺑﻨﻲ ﻭﺍﻟﺨﻴﺎﺭ ﺍﻟﺜﺎﻧﻲ ﺍﺧﺴﺮ ﺑﻨﺘﻲ ﺭﺑﻴﻴﻴﻴﻲ ﻟﻴﺶ ﻫﻴﺞ ﺗﻌﺎﻗﺒﻨﻲ ﻭﺍﻟﻠﻪ ﻣﺎ ﺍﺫﻳﺖ ﺍﺣﺪ ﺑﺤﻴﺎﺗﻲ ﻟﻴﺶ ﺗﺤﺮﻙ ﻛﻠﺒﻲ ﻋﻠﻰ ﺍﻭﻻﺩﻱ
ﻭﻛﻒ ﺯﻳﺎﺩ ﻭﻛﺎﻝ : ﻋﻤﺔ ﻻ ﺗﺨﺎﻓﻴﻦ ﻣﺎﺭﺍﺡ ﻳﺎﺧﺬﻭﻫﺔ ﻟﻤﻜﺎﻥ ﺍﻧﻲ ﺍﻋﻘﺪ ﻋﻠﻴﻬﺎ ﻭﻧﻜﻮﻟﻠﻬﻢ ﻣﺎ ﻋﻨﺪﺓ ﺧﻮﺍﺕ ﻣﻤﺘﺰﻭﺟﺎﺕ ﺑﺲ ﻭﺣﺪﺓ ﻭﺯﻏﻴﺮﺓ
ﻋﻤﻲ ﺍﺑﻮ ﺯﻳﺎﺩ : ﻭﻋﺒﺎﻟﻚ ﻫﻴﺞ ﺷﻐﻠﺔ ﺭﺍﺡ ﺗﻤﺮ ﻋﻠﻴﻬﻢ ﺍﻛﻴﺪ ﻫﺴﺔ ﺍﻳﻜﻮﻟﻮﻥ ﻟﻴﺶ ﻣﺎ ﺣﺠﻴﺘﻮ ﻫﺎﻟﺸﻲ ﺑﺎﻟﺪﻳﻮﺍﻥ ﻭﻳﺴﻮﻭﻧﻬﺎ ﺳﺎﻟﻔﺔ ﻋﻨﺎﺩ ﻭﻳﻘﺘﻠﻮﻥ ﺭﺍﺋﺪ
ﻃﻠﻌﺖ ﺍﺭﻛﺾ ﻣﻦ ﻳﻤﻬﻢ ﺭﺣﺖ ﻟﻐﺮﻓﺘﻲ ﻭﻛﻌﺪﺕ ﺍﺑﺠﻲ : ﻳﺎﺭﺑﻲ ﻟﻴﺶ ﻫﻴﺞ ﻳﺼﻴﺮ ﻭﻳﺎﻧﺔ ﺍﺫﺍ ﺭﻓﻀﺖ ﺭﺍﺡ ﻳﻨﻘﺘﻞ ﺍﺧﻮﻳﺔ ﻭﺗﺪﻣﺮ ﻋﺎﺋﻠﺘﻲ ﻭﺍﺫﺍ ﻭﺍﻓﻘﺖ ﺣﻴﺎﺗﻲ ﻛﻠﻬﺎ ﺭﺍﺡ ﺗﺪﻣﺮ
ﺑﺲ ﺭﺍﺋﺪ ﺿﺤﻰ ﺑﻬﻮﺍﻱ ﺷﻐﻼﺕ ﻋﻠﻤﻮﺩﻧﺔ ﺿﺤﻰ ﺑﺸﺒﺎﺑﺔ ﻭﺻﺎﺭ ﻳﺸﺘﻐﻞ ﻟﻴﻞ ﻭﻧﻬﺎﺭ ﺑﺲ ﺣﺘﻰ ﻳﻌﻴﺸﻨﺎ ﺻﺎﺭ ﺍﺑﻮﻧﺎ ﻭﺍﺧﻮﻧﺎ ﻭﻣﺎ ﺣﺴﺴﻨﺎ ﺍﺑﺪ ﺍﻥ ﺍﺣﻨﺔ ﻣﺎ ﻋﺪﻧﺔ ﺍﺏ ﻭﺍﺗﺬﻛﺮ ﻛﻠﻤﺘﺔ ﺍﻟﻲ ﻣﺮﺓ
ﺭﺍﺋﺪ : ﺍﻣﻮﻧﻲ ﺍﻧﻲ ﺍﺳﻮﻱ ﺍﻱ ﺷﻲ ﺑﺲ ﻋﻠﻤﻮﺩ ﺗﺒﻘﻴﻦ ﻓﺮﺣﺎﻧﺔ ﻣﺎ ﺭﺍﺡ ﻳﺄﺫﻳﺞ ﺷﻲ ﻣﺎﺩﺍﻡ ﺭﺍﺳﻲ ﻳﺸﻢ ﺍﻟﻬﻮﺓ
ﻳﺮﺑﻲ ﻭﺍﻟﻠﻪ ﺍﻣﻮﺕ ﺍﺫﺍ ﺻﺎﺭﻟﺔ ﺷﻲ ﻭﺍﻣﻲ ﺗﻤﻮﺕ ﻭﺭﺍﻩ ﻭﻣﺤﺪ ﻳﺒﻘﺎﻟﻨﺔ
ﻭﻛﻔﺖ ﻋﻠﻰ ﺣﻴﻠﻲ ﻭﻛﻠﺖ : ﺭﺍﺋﺪ ﺿﺤﻰ ﺑﻬﻮﺍﻱ ﺷﻐﻼﺕ ﻋﻠﻤﻮﺩﻧﺔ ﻭﻫﺴﺔ ﺻﺎﺭ ﻻﺯﻡ ﺍﺭﺩﻟﺔ ﺟﺰﺀ ﺑﺴﻴﻂ ﻣﻦ ﺣﻘﺔ ﻋﻠﻴﺔ ﺣﺘﻠﻮ ﺟﺎﻥ ﻋﻠﻰ ﺍﺣﺴﺎﺏ ﺣﻴﺎﺗﻲ ﻫﺎﻟﺸﻲ ﺣﺘﻠﻮ ﺭﺍﺡ ﺍﺗﻌﺬﺏ ﻭﺍﻋﻴﺶ ﺫﻟﻴﻠﺔ ﺑﺄﺳﻢ ‏( ﻓﺼﻠﻴﺔ ‏) ﺍﻟﻤﻬﻢ ﻣﻴﺼﻴﺮ ﺷﻲ ﺑﺄﺧﻮﻱ ﺍﻟﻤﻬﻢ ﻳﻌﻴﺶ ﻭﻫﺬﺍ ﺍﻫﻢ ﻣﻦ ﺣﻴﺎﺗﻲ ﻛﻮﻟﻬﺎ
ﻣﺴﺤﺖ ﺩﻣﻮﻋﻲ ﻭﻧﺰﻟﺖ ﻭﺍﻧﻲ ﻣﺼﺮﺓ ﻋﻠﻰ ﻗﺮﺍﺭﻱ ﺩﺧﻠﺖ ﻋﻠﻴﻬﻢ ﻭﺍﻣﻲ ﻋﻠﻰ ﺣﺎﻟﻬﺔ ﺑﺲ ﺗﺒﺠﻲ ﺣﺘﻰ ﻋﻴﻮﻧﻬﺎ ﺍﻧﻌﻤﺖ ﻣﻦ ﺍﻟﺒﺠﻲ
ﻭﻛﻔﺖ ﻭﺣﺠﻴﺖ ﻭﻛﻠﻬﻢ ﺍﻟﺘﻔﺘﻮ ﺍﻟﻲ : ﺍﻧﻲ ﻣﻮﺍﻓﻘﺔ ﻋﺎﻟﺰﻭﺍﺝ
ﻭﻛﻒ ﺯﻳﺎﺩ : ﻣﺎﺷﻲ ﻟﻌﺪ ﺍﻧﻲ ﺍﺭﻭﺡ ﺍﺟﻴﺐ ﺷﻴﺦ ﻭﻳﻌﻘﺪﻟﻨﺎ
ﺭﺩﻳﺖ ﻋﻠﻲ : ﺯﻳﺎﺩ ﺍﻧﻲ ﻣﺪﺍﺣﺠﻲ ﻋﻨﻚ
ﻃﺒﻚ ﺣﻮﺍﺟﺒﺔ : ﺷﻨﻮ ﻗﺼﺪﺝ ﻟﻌﺪ
ﻣﻴﺎﻣﻴﻦ : ﺍﻧﻲ ﻣﻮﺍﻓﻘﺔ ﺍﺭﻭﺡ ﻓﺼﻠﻴﺔ ﺑﻤﻘﺎﺑﻞ ﻣﻴﻨﻘﺘﻞ ﺭﺍﺋﺪ
ﻛﻠﻬﻢ ﻭﻛﻔﻮ : ﺷﻨﻮﻭﻭﻭ
ﺍﺑﻮ ﺯﻳﺎﺩ : ﻭﺝ ﺑﺎﺑﺎ ﺗﺨﺒﻠﺘﻲ ﺷﻨﻮ ﻫﺎﻟﺤﺠﻲ
ﺣﺴﺎﻥ : ﻣﻴﺎﻣﻴﻦ ﺍﻧﺘﻲ ﻣﺘﺨﻴﻠﺔ ﺷﺪﺗﺤﺠﻴﻦ ﺍﻧﺘﻲ ﺗﻌﺮﻓﻴﻦ ﺍﻟﻔﺼﻠﻴﺔ ﺷﻨﻮ ﻳﺼﻴﺮ ﺑﻴﻬﺎ
ﻛﺘﻠﺔ : ﺷﻨﻮ ﻳﺼﻴﺮ ﻳﻌﻨﻲ ﺍﺣﺠﻴﻠﻲ
ﺣﺴﺎﻥ ﺑﺄﻧﻔﻌﺎﻝ : ﻭﺝ ﺣﻀﺞ ﻳﻄﻴﺢ ﻛﺮﺍﻣﺘﺞ ﺗﻨﺪﺍﺱ ﺗﺼﻴﺮﻳﻦ ﺧﺪﺍﻣﺔ ﺍﻟﻬﻢ ﻭﺣﺎﻟﺞ ﺣﺎﻝ ﺍﻟﺠﻠﺐ ﺗﺒﻘﻴﻦ ﺍﺑﻴﺘﻬﻢ ﻻ ﻃﻠﻌﺔ ﻭﻻ ﻃﺒﺔ ﻭﻳﺤﺮﻣﻮﻧﺔ ﻣﻨﺞ
ﻣﻴﺎﻣﻴﻦ ﻗﺮﺑﺖ ﻣﻨﺔ : ﻫﺬﺍ ﻛﻠﺔ ﺍﻫﻮﻥ ﻣﻦ ﺍﻥ ﻳﻘﺘﻠﻮﻥ ﺭﺍﺋﺪ ﺧﻠﻴﻨﻲ ﺍﺻﻴﺮ ﺧﺪﺍﻣﺔ ﻭﻳﺬﻟﻮﻧﻲ ﺑﺲ ﺍﻟﻤﻬﻢ ﻣﻴﻘﺘﻠﻮﻥ ﺍﺧﻮﻱ
ﻣﺎﻣﺎ : ﻭﺝ ﻳﻤﺔ ﺍﺗﺨﺒﻠﺘﻲ ﺗﺮﺩﻳﻨﻬﻢ ﻳﺎﺧﺬﻭﻧﺞ ﻣﻨﻲ
ﺩﻧﻜﺖ ﻋﻠﻴﻬﺎ ﻭﺑﺴﺖ ﺍﻳﺪﻫﺎ : ﻣﺎﻣﺎ ﺍﻟﻠﻪ ﻳﺨﻠﻴﺞ ﻋﻠﻰ ﺍﻻﻗﻞ ﺍﺛﻨﻴﻨﺔ ﻧﻜﻮﻥ ﻋﺎﻳﺸﻴﻦ ﻭﺭﺍﺋﺪ ﺗﻜﺪﺭﻳﻦ ﺗﺸﻮﻓﻴﻨﺔ ﺑﻴﻦ ﻓﺘﺮﺓ ﻭﺍﻟﺜﺎﻧﻴﺔ ﻭﺍﻧﻲ ﺍﻛﻴﺪ ﺭﺍﺡ ﺍﻟﻜﺔ ﻃﺮﻳﻘﺔ ﺍﺣﺠﻲ ﻭﻳﺎﺝ ﺑﻴﻬﺎ
ﺯﻳﺎﺩ : ﺍﻧﻲ ﻃﻮﻝ ﻫﺎﻟﻔﺘﺮﺓ ﺳﺎﻛﺖ ﺑﺲ ﻫﺴﺔ ﻣﺎﻛﺪﺭ ﺍﺳﻜﺖ ﻟﻮ ﺗﻨﻜﻠﺐ ﺍﻟﺪﻧﻴﺎ ﻣﺘﺘﺰﻭﺟﻴﻨﺔ
ﻭﻛﻔﺖ ﺑﻮﺟﻬﺔ : ﺯﻳﺎﺩ ﺍﻟﻠﻪ ﻳﺨﻠﻴﻚ ﻻ ﺗﺘﺪﺧﻞ ﺍﻧﻲ ﺍﺭﻳﺪ ﺍﻧﻘﺬ ﺍﺧﻮﻳﺔ ﻭﻣﻴﻘﺘﻠﻮﻧﺔ
ﺯﻳﺎﺩ ﺍﻟﺘﻔﺖ ﻋﻠﻰ ﺣﺴﺎﻥ : ﺣﺴﺎﻥ ﺍﺣﺠﻲ ﻭﻳﺎﻫﺎ ﺍﻧﺖ ﻣﻮ ﺗﺪﺭﻱ ﺑﻴﺔ ﺍﺣـ .... ﺍﺣﺒﻬﺎ ﻭﺍﺭﻳﺪﻫﺎ ﺑﺲ ﺍﻧﺖ ﻛﻠﺖ ﻣﻮ ﻫﺴﺔ ﺧﻠﻲ ﺗﺨﻠﺺ ﺍﻟﺴﺎﺩﺱ ﻳﻠﺔ
ﺑﺎﻭﻋﺘﻠﺔ ﺑﺼﺪﻣﺔ : ﺷﻨﻮﻭﻭ ﺍﻧﺖ ﻛﻞ ﻋﻘﻠﻚ ﺗﺤﺠﻲ ﺯﻳﺎﺩ ﺍﻧﺖ ﻣﺜﻞ ﺍﺧﻮﻳﺔ ﻣﺴﺘﺤﻴﻞ ﺍﺗﻘﺒﻠﻚ ﻏﻴﺮ ﺷﻲ
ﺯﻣﺦ ﺑﻴﺔ ﺑﻌﺼﺒﻴﺔ : ﺍﻧﻲ ﻣﻮ ﺍﺧﻮﺝ ﻭﻻ ﺑﻌﻤﺮﻱ ﺻﺮﺕ ﺍﺧﻮﺝ ﺍﻧﻲ ﺍﺣﺒﺞ ﻣﻦ ﺟﻨﺘﻲ ﺯﻏﻴﺮﺓ ﻭﻣﻨﺘﻀﺮﺝ ﺗﻜﺒﺮﻳﻦ ﺣﺘﻰ ﺗﺼﻴﺮﻳﻦ ﺍﻟﻲ ﻭﺗﺎﻟﻲ ﺗﺮﺩﻳﻦ ﺍﺧﻠﻴﺞ ﺗﺘﺰﻭﺟﻴﻦ ﻫﺎﻟﺸﻜﻞ
ﻋﻤﻲ ﺍﺑﻮ ﺯﻳﺎﺩ : ﺯﻳﺎﺩ ﻟﻴﺶ ﻫﺴﺘﻮﻙ ﻳﻠﺔ ﺣﺠﻴﺖ ﻫﺴﺔ ﺍﺭﺗﺎﺣﻴﺖ ﻳﻌﻨﻲ ﻣﻦ ﻃﺎﺡ ﺍﻟﻔﺎﺱ ﺑﺎﻟﺮﺍﺱ
ﺍﻟﺘﻔﺘﺖ ﻋﻠﻰ ﺯﻳﺎﺩ : ﺯﻳﺎﺩ ﻻ ﺗﺤﺎﻭﻝ ﺗﺘﺪﺧﻞ ﺑﺤﻴﺎﺗﻲ ﺍﻧﺖ ﻣﺠﺮﺩ ﺍﺥ ﺑﺎﻟﻨﺴﺒﺔ ﺍﻟﻲ ﻭﺍﻧﻲ ﺍﺭﻳﺪ ﺍﺳﻮﻱ ﻫﻴﺞ ﺣﺘﻰ ﺍﻧﻘﺬ ﺍﺧﻮﻱ ... ﺍﺫﺍ ﻣﺎ ﺳﻮﻳﺖ ﻫﻴﺞ ﺭﺍﺡ ﻳﻤﻮﺕ ﻭﺍﺫﺍ ﻣﺎﺕ ﺭﺍﺡ ﺗﻜﻮﻥ ﺍﻧﺖ ﺍﻟﺴﺒﺐ ﻭﻋﻤﺮﻱ ﻛﻠﺔ ﻣﺎ ﺭﺍﺡ ﺍﺳﺎﻣﺤﻚ
ﺯﻳﺎﺩ ﺑﺄﻧﻔﻌﺎﻝ : ﻫﺴﺔ ﺻﺮﺕ ﺍﻧﻲ ﺍﻟﺴﺒﺐ ﻭﺝ ﺍﻧﻲ ﺍﺣﺒﺒﺒﺒﺞ ﻭﻣﺎﺭﻳﺪﺝ ﺗﺮﺣﻴﻦ ﻟﻐﻴﺮﻱ ﻭﺝ ﻛﻠﺒﻲ ﻣﺎ ﻳﻘﺒﻠﻬﺎ ﺍﺷﻮﻓﺞ ﻋﻨﺪ ﺍﺣﺪ ﺛﺎﻧﻲ
ﺟﺎﻭﺑﺘﺔ ﺑﻨﻔﺲ ﺍﻟﻨﺒﺮﺓ : ﺍﻧﻲ ﻫﻢ ﻛﻠﺒﻲ ﻣﺎ ﻳﻨﻄﻴﻨﻲ ﺍﺷﻮﻑ ﺍﺧﻮﻱ ﺟﻨﺎﺯﺓ ﻛﺪﺍﻣﻲ ﺑﺲ ﻋﻠﻤﻮﺩ ﺣﻀﺮﺓ ﺟﻨﺎﺑﻚ ﻻ ﻳﻨﻜﺴﺮ ﻛﻠﺒﻚ
ﺣﺴﺎﻥ : ﺑﺴﺴﺴﺲ ﻛﺎﻓﻴﻴﻲ ... ﻣﻴﺎﻣﻴﻦ ﺯﻳﺎﺩ ﻳﺤﺒﺞ ﻣﻦ ﺯﻣﺎﻥ ﻭﻫﻮ ﻳﺮﻳﺪﺝ ﺍﻧﺘﻲ ﻟﻴﺶ ﻣﺘﺮﺩﻱ
ﻣﻴﺎﻣﻴﻦ : ﺣﺴﺴﺴﺎﻥ ﺍﻓﻬﻤﻨﻲ ... ﺍﺫﺍ ﻭﺍﻓﻘﺖ ﻋﻠﻰ ﺯﻳﺎﺩ ﺭﺍﺡ ﻳﻘﺘﻠﻮﻥ ﺭﺍﺋﺪ ﺷﻲ ﺍﻛﻴﺪ ﻭﺍﻧﻲ ﻋﻨﺪﻱ ﺍﻓﻀﻞ ﺍﻣﻮﺕ ﻭﻻ ﻳﻘﺘﻠﻮﻥ ﺭﺍﺋﺪ ﺑﺴﺒﺒﻲ ﺑﺲ ﻻﻥ ﺭﻓﻀﺖ ﻭﺭﺣﺖ ﺗﺰﻭﺟﺖ ﺯﻳﺎﺩ ﻋﻠﻤﻮﺩ ﻻ ﻳﺰﻋﻞ
ﺣﺴﺎﻥ : ﺍﻭﻭﻭﻑ ﻭﺍﻟﻠﻪ ﺭﺍﺡ ﺍﻧﻔﺠﺮ ﻣﻦ ﺍﻟﺘﻔﻜﻴﺮ ﺷﺴﻮﻭﻭﻱ ﻫﺴﺴﺴﺔ ﻭﻳﻨﻚ ﺭﺍﺋﺪ ﺍﻧﺘﺔ ﺍﻟﻲ ﺩﻭﻡ ﺟﻨﺖ ﺗﺤﻞ ﺍﻟﻤﺸﺎﻛﻞ ﻣﺎﻟﺘﻨﺔ ﻫﺴﺔ ﻭﺣﺪﻱ ﻣﺎﻛﺪﺭ ﺍﺳﻮﻱ ﺷﻲ
ﻣﻴﺎﻣﻴﻦ ﺣﻄﻴﺖ ﺍﻳﺪﻱ ﻋﻠﻰ ﻛﺘﻔﺔ : ﺣﺴﺎﻥ ﺍﻟﻠﻪ ﻳﺨﻠﻴﻚ ﺍﺳﺘﺴﻠﻢ ﻟﻸﻣﺮ ﺍﻟﻮﺍﻗﻊ ﻭﻭﺍﻓﻖ ﻋﻠﻰ ﻫﺎﻟﺸﻲ ﺗﺮﺓ ﻣﺎﻋﺪﻧﺔ ﺣﻞ ﺛﺎﻧﻲ ... ﺍﻟﻠﻪ ﻳﺨﻠﻴﻚ ﻻ ﺍﻛﻮﻥ ﺳﺒﺐ ﻣﻮﺕ ﺍﺧﻮﻱ
ﺣﻂ ﺍﻳﺪﺓ ﻋﻠﻰ ﺧﺪﻱ : ﻭﺑﻬﻴﺞ ﺭﺍﺡ ﺍﻓﻘﺪﺝ ﺍﻧﺘﻲ ﻭﻧﺨﺴﺮ ﺷﻤﻌﺔ ﺍﻟﺒﻴﺖ
ﺣﻄﻴﺖ ﺍﻳﺪﻱ ﻋﻠﻰ ﺍﻳﺪﺓ ﺍﻟﻲ ﻋﻠﻰ ﺧﺪﻱ : ﺍﺣﺴﻦ ﻣﻦ ﺍﻥ ﻳﻄﻴﺢ ﻋﻤﻮﺩ ﺍﻟﺒﻴﺖ ﻭﻧﻔﻘﺪ ﻗﻮﺗﻨﺎ ﻭﺍﻟﺴﺒﺐ ﺍﻥ ﺧﻔﺖ ﻋﻠﻰ ﺭﻭﺣﻲ ﻣﻦ ﻛﻢ ﺣﺠﺎﻳﺔ ﺭﺍﺡ ﺗﻨﻜﺎﻝ ﺍﻟﻲ
ﺩﻧﻚ ﺭﺍﺳﻚ ﻭﺻﺎﺭ ﻳﺒﺠﻲ : ﺣﺴﺎﻥ ﻓﺪﻭﺓ ﻻ ﺗﺨﻠﻴﻨﻲ ﺍﻓﻘﺪ ﺍﺧﻮﻱ ﺳﻮﻱ ﺍﻟﻲ ﻛﺘﻠﻚ ﻋﻠﻲ
ﻫﺰ ﺭﺍﺳﺔ ﺑﺎﻟﻤﻮﺍﻓﻘﺔ ﻭﺭﻓﻊ ﺭﺍﺳﺔ ﻟﻔﻮﻙ : ﺍﺍﺍﺍﺥ ... ﺭﺑﻲ ﻋﻴﻴﻨّﻲ ﻋﻠﻰ ﻣﺎ ﺍﺑﺘﻠﻴﺖ
ﺯﻳﺎﺩ ﺳﻤﻊ ﻛﻼﻡ ﺣﺴﺎﻥ ﻃﻠﻊ ﻭﺭﻛﻊ ﺍﻟﺒﺎﺏ ﻭﺭﺍﻩ ﻭﻋﻤﻲ ﻧﺰﻝ ﺭﺍﺳﺔ ﻻﻥ ﻳﺪﺭﻭﻥ ﻣﺎﻛﻮ ﻏﻴﺮ ﻫﺎﻟﺤﻞ ﺍﻧﻲ ﺍﺧﺬﺕ ﺍﻣﻲ ﺍﻟﻲ ﺑﺪﻭﺭﻫﺎ ﺍﻧﻬﺎﺭﺕ ﻣﻦ ﺍﻟﺒﺠﻲ ﻃﻠﻌﺘﻬﺎ ﻭﻛﻌﺪﺗﻬﺎ ﺑﺎﻟﺼﺎﻟﺔ ﻭﺍﺧﻮﺍﺗﻲ ﻋﺮﻓﻦ ﺑﺎﻟﻤﻮﺿﻮﻉ ﻭﺻﺎﺭﻥ ﻳﺒﺠﻦ ﺷﻬﺪ ﺍﻟﻲ ﻣﺎ ﻓﻬﻤﺖ ﺷﻨﻮ ﻳﻌﻨﻲ ﻓﺼﻠﻴﺔ ﺑﺲ ﺷﺎﻓﺘﻬﻦ ﻳﺒﺠﻦ ﻭﻛﺎﻣﺖ ﺗﺒﺠﻲ ﻭﻳﺎﻫﻦ
ﺻﻌﺪﺕ ﻟﻐﺮﻓﺘﻲ ﻭﺳﺪﻳﺖ ﺍﻟﺒﺎﺏ ﺧﺎﺍﺍﺍﺭﺕ ﺷﻜﻮ ﻗﻮﺓ ﺑﻴﺔ ﻭﻃﺤﺖ ﺑﺎﻟﻜﺎﻉ ﻭﺻﺮﺕ ﺍﺑﺠﻲ ﺑﺤﺮﻛﺔ ﻛﻠﺐ : ﺭﺑﻲ ﺩﺧﻴﻠﻚ ﻛﻮﻥ ﻭﻳﺎﻱ ﻭﻻ ﺗﻌﻮﻓﻨﻲ
ﺗﻮﺿﻴﺖ ﻭﻓﺮﺷﺖ ﺳﺠﺎﺩﺗﻲ ﻭﺑﺪﻳﺖ ﺍﺻﻠﻲ ﻣﻠﺠﺄﻱ ﺍﻟﻮﺣﻴﺪ ﻫﻮ ﺍﻟﻠﻪ ﺳﺒﺤﺎﻧﺔ ﻭﺗﻌﺎﻟﻰ ﻫﻴﺞ ﺟﺎﻥ ﺭﺍﺋﺪ ﻳﻮﺻﻴﻨﻲ : ﺍﺫﺍ ﺿﺎﻗﺖ ﺑﻴﺞ ﺍﻟﺪﻧﻴﺎ ﺑﺲ ﺍﺩﻋﻲ ﺭﺑﺞ ﻭﺍﻟﻠﻪ ﻣﺎ ﻳﻌﻮﻑ ﻋﺒﺪﻩ .. ﻭﺍﺫﺍ ﺻﺎﺭﺕ ﻣﺸﻜﻠﺔ ﻭﻳﺎﺝ ﺍﺻﺒﺒﺒﺮﻱ ﻭﻛﻮﻟﻲ ﺍﻟﺤﻤﺪﺍﻟﻠﻪ ﻻﻥ ﺍﻟﻠﻪ ﺍﺫﺍ ﺣﺐ ﻣﺆﻣﻦ ﺍﺑﺘﻼﻩ ... ﻻ ﺗﻄﻠﺒﻴﻦ ﺣﺎﺟﺘﺞ ﻏﻴﺮ ﻣﻦ ﺍﻟﻠﻪ ﺑﺎﻟﺪﻋﺎﺀ ﻭﺑﺼﻼﺗﺞ ... ﻭﻛﻞ ﻛﺮﺑﺔ ﺻﺪﻛﻴﻨﻲ ﻧﻬﺎﻳﺘﻬﺔ ﻓﺮﺝ ﻣﻦ ﺍﻟﻠﻪ
ﻛﻌﺪﺕ ﺍﺩﻋﻲ ﺭﺑﻲ : ﺭﺑﻲ ﺩﺧﻴﻠﻚ ﺍﺣﻔﻀﻠﻲ ﺍﺧﻮﺍﻧﻲ ﻣﻦ ﻛﻞ ﺷﺮ .. ﻳﺎﺭﺑﻲ ﺳﺎﻋﺪﻧﻲ ﻭﺍﻭﻛﻒ ﻭﻳﺎﻱ ﺑﻜﻞ ﺧﻄﻮﺓ ﺍﺧﻄﻴﻬﺎ .. ﻳﺎﺭﺑﻲ ﺗﻮﻛﻠﺖ ﻋﻠﻴﻚ ﺍﻧﺖ ﺍﻟﻲ ﺗﻘﻀﻲ ﺣﺎﺟﺘﻲ ﻭﺗﻨﻄﻴﻨﻲ ﺍﻟﺼﺒﺮ ﻋﻠﻰ ﺍﻟﻲ ﺟﺎﻱ
ﺧﻠﺼﺖ ﺻﻼﺗﻲ ﻭﻧﺰﻟﺖ ﻭﻫﻤﺔ ﻋﻠﻰ ﻭﺿﻌﻬﻢ ﺑﺲ ﺣﺴﺎﻥ ﻛﺎﻋﺪ ﻳﻢ ﺍﻣﻲ ﻭﺑﻴﺖ ﻋﻤﻲ ﻣﺎﺷﻴﻦ
ﻛﻌﺪﺕ ﻳﻤﺔ : ﺣﺴﺎﻥ ﺷﻮﻛﺖ ﺗﺮﺟﻌﻠﻬﻢ ﺧﺒﺮ
ﺩﻧﻚ ﺭﺍﺳﺔ ﻭﺣﺠﺔ : ﻋﻤﻲ ﻛﺎﻝ ﺑﺎﺟﺮ ﺍﺧﺎﺑﺮﻫﻢ ﻭﺍﺭﺟﻌﻠﻬﻢ ﺧﺒﺮ ﻭﻫﻤﺔ ﻳﺮﺩﻭﻥ ﺗﺨﻠﺺ ﻓﺎﺗﺤﺔ ﺍﺑﻨﻬﻢ ﻭﻳﺠﻮﻥ ﻳﻌﻨﻲ ﺑﻌﺪ ﺗﻠﺚ ﺍﻳﺎﻡ
ﺟﺮﻳﺖ ﻧﻔﺲ ﻳﻌﻨﻲ ﺑﻌﺪ ﺗﻠﺚ ﺍﻳﺎﻡ ﻭﻣﺼﻴﺮﻱ ﻳﻨﻜﺘﺐ ﺑﻴﺪ ﻭﺍﺣﺪ ﻣﺎ ﺍﻋﺮﻓﺔ ﻭﻻ ﺍﻋﺮﻑ ﺷﻨﻮ ﺍﺳﻤﺔ ﻭﻣﺎﺩﺭﻱ ﺷﻨﻮ ﻧﻮﻉ ﺍﻟﻤﻌﺎﻣﻠﺔ ﺍﻟﻲ ﻣﻨﺘﻀﺮﺗﻨﻲ ﺑﺲ ﻣﺒﻴﻦ ﻣﻦ ﻃﻠﺒﻬﻢ ﺍﻥ ﻧﺎﻭﻳﻴﻦ ﻋﻠﻴﻨﺔ ﻧﻴﺔ ﺳﻮﺩﺓ ﺳﻠﻤﺖ ﺍﻣﺮﻱ ﻟﻠﻪ ﻭﺩﻋﻴﺖ ﺑﺪﺍﺧﻠﻲ ﺍﻟﻠﻪ ﻳﻮﻓﻘﻨﻲ
ﺍﺟﺖ ﺷﻬﺪ ﻭﻛﻔﺖ ﻛﺪﺍﻣﻲ : ﺍﻣﻮﻧﻲ ﺍﻧﺘﻲ ﻭﻳﻦ ﺭﺍﺡ ﺗﺮﺣﻴﻦ
ﻣﻴﺎﻣﻴﻦ ﺑﻬﺪﻭﺀ : ﻣﺮﺍﻳﺤﺔ ﻟﻤﻜﺎﻥ ﺷﻬﻮﺩﺓ
ﺷﻬﺪ ﺑﻌﻨﺎﺩ : ﻻ ﺭﺍﺡ ﺗﺮﺣﻴﻦ ﻭﻳﻴﻴﻴﻦ
ﻣﻴﺎﻣﻴﻦ ﻭﺣﺒﻴﺖ ﺍﻟﻄﻒ ﺍﻟﺠﻮ ﻻﻥ ﻫﻲ ﺗﻌﺎﻧﺪ : ﺍﻣﻤﻤﻢ ﺗﻜﺪﺭﻳﻦ ﺍﺗﻜﻮﻟﻴﻦ ﺭﺍﺡ ﺍﺳﺎﻓﺮ
ﺷﻬﻜﺖ ﻭﺍﺑﺘﺴﻤﺖ : ﻭﻳﻴﻴﻴﻦ ﺗﺴﺎﻓﺮﻳﻦ ﺍﺭﻭﺡ ﻭﻳﺎﺝ
ﻣﻴﺎﻣﻴﻦ : ﻻ ﺣﻴﺎﺗﻲ ﻣﺘﻜﺪﺭﻳﻦ ﺗﺴﺎﻓﺮﻳﻦ ﻭﻳﺎﻱ ﻻﻥ ﺑﻌﺪﺝ ﺯﻏﻴﺮﺓ ﺑﻠﻌﺖ ﺭﻳﻜﻲ ﻭﻛﻤﻠﺖ ﻭﺭﺍﺋﺪ ﺭﺍﺡ ﻳﺮﻭﺡ ﻭﻳﺎﻱ ﻳﻌﻨﻲ ﻣﻮ ﻭﺣﺪﻱ
ﺑﺮﻃﻤﺖ ﺣﻠﻜﻬﺔ ﺑﺰﻋﻞ : ﻣﺎﺷﻲ ﺑﺲ ﺟﻴﺒﻴﻠﻲ ﻛﻜﺎﻭ ﻭﻳﺎﺝ ﺗﻌﺮﻓﻴﻦ ﺑﻴﺔ ﺍﺣﺒﺔ
ﺍﺑﺘﺴﻤﺖ ﻋﻠﻰ ﺣﺮﻛﺎﺗﻬﺔ ﻧﺴﺨﺔ ﻣﻨﻲ ﻣﻦ ﺟﻨﺖ ﺑﻜﺪﻫﺎ ﻭﻫﺴﺔ ﻭﺑﻌﺪ ﻧﺴﺨﺔ ﻣﻨﻲ ﻛﻮﻟﺶ ﺗﺸﺒﻬﻨﻲ ﺑﺎﻟﺸﻜﻞ ﻭﺑﺎﻟﺘﺼﺮﻓﺎﺕ ﻭﺍﻟﺤﺮﻛﺎﺕ ﻣﺎﺩﺭﻱ ﺷﻠﻮﻥ ﺭﺍﺡ ﺍﻋﻴﺶ ﺑﺪﻭﻧﻬﻢ : ﻣﺎﺍﺷﻲ ﺍﺟﻴﺒﻠﺞ ﺳﻠﺔ ﻛﺎﻣﻠﺔ ﺣﻠﻮﻳﺎﺕ ﻭﻣﺼﺎﺹ ﻫﻢ
ﺑﻘﺖ ﻣﺒﺮﻃﻤﺔ : ﺍﻱ ﺍﺻﻼ ﺍﻧﺘﻲ ﺭﺍﻳﺤﺔ ﺗﺘﻮﻧﺴﻴﻦ ﻭﺍﻧﻲ ﺍﻛﻌﺪ ﺑﺎﻟﺒﻴﺖ
ﻫﻪ ﺭﺍﻳﺤﺔ ﺍﺗﻮﻧﺲ : ﻻ ﺣﺒﻴﺒﻲ ﺭﺍﻳﺤﺔ ﺑﺸﻐﻞ ﻣﻮ ﻭﻧﺴﺔ
ﺷﻬﺪ ﻭﻫﻲ ﺗﻤﺸﻲ : ﻣﺎﺷﻲ ﺭﻭﺣﻲ ﺍﺻﻼ ﻋﺎﺩﻱ
ﻣﺮﻥ ﺍﻟﺘﻠﺚ ﺍﻳﺎﺕ ﺑﺴﺮﻋﺔ ﻭﻋﺮﻓﺖ ﺍﻥ ﻋﻤﻲ ﻣﺮﺟﻊ ﺧﺒﺮ ﺍﻟﻬﻢ ﻭﺍﻟﻴﻮﻡ ﻳﺠﻲ ﺍﻟﺸﺨﺺ ﺍﻟﻲ ﺭﺍﺡ ﻳﻌﻘﺪ ﻋﻠﻴﺔ ﺣﺘﻰ ﻣﺎ ﺍﻋﺮﻑ ﻟﻤﻨﻮ ﺭﺍﺡ ﻳﻨﻄﻮﻧﻲ ﺍﺧﻮ ﻟﻮ ﺍﺑﻦ ﻋﻤﺔ ﻟﻮ ﺍﺑﻦ ﺧﺎﻟﺔ ﺣﺘﻰ ﻣﺎﺩﺭﻱ ﺍﺫﺍ ﺷﺎﻳﺐ ﻟﻮ ﺷﺎﺏ ﻫﻪ ﺍﻛﻴﺪ ﺷﺎﻳﺐ ﺷﻨﻮ ﺗﺮﺩﻳﻬﻢ ﻳﺎﺧﺬﻭﺝ ﻟﻮﺍﺣﺪ ﺷﺎﺏ ﻭﺣﻠﻮ ﺗﺮﺓ ﺍﻧﺘﻲ ﻓﺼﻠﻴﺔ ﻣﻮ ﺯﻭﺍﺝ ﻋﺎﺩﻱ ﻳﻌﻨﻲ ﺣﺎﻟﺞ ﺣﺎﻝ ﺍﻟﺨﺪﺍﻣﺔ ﻟﻮ ﻋﻼﻛﺔ ﻳﺠﻴﺒﻮﻫﺔ ﻟﻠﺒﻴﺖ ﻣﺮﺍﺡ ﻳﻌﺒﺮﻭﻧﺞ ﺑﻔﻠﺲ ﺑﺲ ﻳﻠﺔ ﻛﻠﺸﻲ ﻳﻬﻮﻥ ﻟﺨﺎﻃﺮ ﺭﺍﺋﺪ
ﺍﺟﺘﻨﻲ ﻭﺭﻭﺩ ﺳﺎﻋﺪﺗﻨﻲ ﺑﺘﺤﻀﻴﺮﺍﺕ ﺑﺴﻴﻄﺔ ﺑﻨﻔﺴﻲ ﻭﺍﻧﻲ ﺩﻣﻮﻋﻲ ﻣﺎ ﻭﻛﻔﺖ ﻭﻛﻠﺴﺎﻉ ﺣﺎﺿﻨﺔ ﺍﻣﻲ ﻭﺍﺑﺠﻲ ﺍﺧﺬﺕ ﻛﻢ ﻗﻄﻌﺔ ﻣﻼﺑﺲ ﺑﺠﻨﻄﺔ ﺯﻏﻴﺮﺓ ﻭﺷﺎﻻﺕ ﻫﺬﺍ ﺍﻟﻲ ﻛﺪﺭﺕ ﻭﺣﺎﻭﻟﺖ ﻣﺎ ﺍﻛﺜﺮ ﺣﺘﻰ ﻻ ﺍﻳﻜﻮﻟﻮﻥ ﻣﻌﺘﺒﺮﺓ ﻧﻔﺴﻬﺎ ﻋﺮﻭﺱ ﻭﻣﻜﻴﻔﺔ ﻭﻣﺎﻣﺎ ﻛﺎﻟﺖ ﺍﺧﺬﻱ ﻣﻼﺑﺲ ﺍﺳﻮﺩ ﻻﻥ ﻫﻤﺔ ﺍﻛﻴﺪ ﺣﺰﻳﻨﻴﻦ ﻋﻠﻰ ﺍﺑﻨﻬﻢ
ﻟﺒﺴﺖ ﺣﺠﺎﺑﻲ ﻭﻋﺒﺎﺗﻲ ﻭﻧﺰﻟﺖ ﺟﻮﺓ ﻛﻌﺪﺕ ﻳﻢ ﺍﻣﻲ ﻭﺣﻄﻴﺖ ﺭﺍﺳﻲ ﻋﻠﻰ ﺭﺟﻠﻬﺔ ﻭﺍﺑﺠﻲ ﻭﻣﻨﺘﻀﺮﺓ ﺍﺟﻠﻲ ﺷﻮﻛﺖ ﻭﻓﻌﻼ ﻣﺎ ﻃﻮﻝ ﺩﺧﻞ ﻭﻭﺟﻬﺔ ﻣﺒﻴﻦ ﺑﻲ ﺍﻟﻌﺼﺒﻴﺔ : ﻳﻠﺔ ﻛﻮﻣﻲ ﻣﻴﺎﻣﻴﻦ ﺍﺟﺔ ﺍﻟﺸﻴﺦ
ﺍﻃﺮﺍﻓﻲ ﻛﺎﻣﺖ ﺗﺮﺟﻒ ﺣﻀﻨﺖ ﺍﻣﻲ ﻭﺑﺠﻴﺖ ﺑﺼﻮﺕ ﻋﺎﻟﻲ ﻭﻣﺒﺤﻮﺡ ﻣﻦ ﻛﺜﺮ ﻣﺎ ﺑﺠﻴﺖ ﺻﻮﺗﻲ ﺭﺍﺡ
ﻛﻤﺖ ﻟﺤﺴﺎﻥ ﻭﺣﻀﻨﺘﺔ ﻭﻫﻮ ﺣﻀﻨﻲ ﻭﺻﺎﺭ ﻳﺒﺠﻲ : ﺳﺎﻣﺤﻴﻨﻲ ﻣﻴﺎﻣﻴﻦ ﻭﺍﻟﻠﻪ ﻣﻮ ﺑﻴﺪﻱ ... ﺍﺳﻒ
ﻣﻴﺎﻣﻴﻦ : ﻻ ﺗﺘﺄﺳﻒ ﻫﺬﺍ ﻣﻮ ﺫﻧﺒﻚ ... ﺍﻧﻲ ﻣﻜﺘﻮﺑﻠﻲ ﻫﺎﻟﺸﻲ ﻭﻣﺴﺘﻌﺪﺓ ﺍﺳﻮﻱ ﻛﻠﺸﻲ ﻋﻠﻤﻮﺩ ﺭﺍﺋﺪ ... ﻻ ﺗﺨﺎﻑ ﺍﻧﻲ ﻣﻮ ﻭﺣﺪﻱ ﺍﻟﻠﻪ ﻭﻳﺎﻱ
ﻃﻠﻌﺖ ﻭﻳﺎﻩ ﻭﻭﻛﻔﺖ ﻭﺭﺓ ﺍﻟﺒﺎﺏ ﺍﻟﻲ ﺷﻮﻱ ﻣﻔﺘﻮﺡ
ﺣﺠﺔ ﺍﻟﺸﻴﺦ ﻭﺍﻧﻲ ﺍﺳﻤﻊ : ﻫﻞ ﺗﻘﺒﻠﻴﻦ ﻳﺎ ﻣﻴﺎﻣﻴﻦ ﺍﻥ ﺍﻛﻮﻥ ﻭﻛﻴﻠﻚ ﻭ ﻏـــــﺰﻭﺍﻥ ﺯﻭﺟﻚ ......
ﻻ ﺗﺘﻔﺎﺟﺆﻥ ﺍﺫﺍ ﻛﺘﻠﻜﻢ ﻫﺴﺔ ﻳﻠﺔ ﻋﺮﻓﺖ ﺍﺳﻤﺔ ﻏﺰﻭﺍﻥ
ﺭﺩﻳﺖ ﻋﺎﻟﺸﻴﺦ ﺍﻟﻲ ﻋﺎﺩ ﺳﺆﺍﻟﺔ ٥ ﻣﺮﺍﺕ : ﻧﻌﻢ ﻭﺍﻧﺖ ﻭﻛﻴﻠﻲ
ﺭﺩﺕ ﺍﺭﺟﻊ ﻟﻠﺒﻴﺖ ﺑﺲ ﻭﻛﻔﺘﻨﻲ ﺣﺠﺎﻳﺔ ﻭﺍﺣﺪ ﺩﺧﻞ ﻣﻦ ﺍﻟﺒﺎﺏ ﺍﻟﺒﺮﺓ ﻟﻸﺳﺘﻘﺒﺎﻝ : ﻏﺰﻭﺍﻥ ﺍﻳﻜﻮﻝ ﺍﻧﺘﻀﺮ ﺑﺮﺓ ﻭﻫﻮ ﺍﻳﻜﻮﻝ ﻣﺎ ﺍﺩﺧﻞ ﻟﺒﻴﺖ ﺍﻟﻌﺎﻟﻢ ﺍﻟﻜﺘﻠﻮ ﺍﺧﻮﻱ
ﺯﻳﺎﺩ

#بارت٥
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺻﻔﻖ ﺑﺤﺮﺍﺭﺓ ﻟﻤﻦ ﻋﻠﻤﻚ ﺍﻟﻘﺴﻮﺓ ،ﺛﻢ ﺍﺻﻔﻌﻪ ﻟﻴﻌﻠﻢ ﺃﻧﻚ ﺗﻌﻠﻤﺖ ..
: ﻏﺰﻭﺍﻥ ﺍﻳﻜﻮﻝ ﺍﻧﺘﻀﺮ ﺑﺮﺓ ﻭﻫﻮ ﺍﻳﻜﻮﻝ ﻣﺎ ﺍﺩﺧﻞ ﻟﺒﻴﺖ ﺍﻟﻌﺎﻟﻢ ﺍﻟﻜﺘﻠﻮ ﺍﺧﻮﻱ
ﺍﻧﺼﺪﻣﺖ ‏( ﺍﺫﺍ ﻫﺎﻱ ﺍﻭﻟﻬﺎ ﻟﻌﺪ ﻣﻌﺮﻭﻑ ﺗﺎﻟﻴﻬﺎ ﺷﻠﻮﻥ ‏) ﻳﻌﻨﻲ ﻏﺰﻭﺍﻥ ﺍﻳﻜﻮﻥ ﺍﺧﻮ ﻓﺎﺭﺱ
ﻳﻌﻨﻲ ﺍﻧﻲ ﺗﺰﻭﺟﺖ ﺍﺧﻮ ﻓﺎﺭﺱ
ﻳﺮﺑﻲ ﺷﻬﺎﻟﻤﺼﻴﺒﺔ ﻣﺎ ﺗﻮﻗﻌﺖ ﺍﺧﻮﻩ ﺍﻟﻲ ﺭﺍﺡ ﻳﺎﺧﺬﻧﻲ ﻓﺼﻠﻴﺔ
ﻛﻠﺖ ﻳﻤﻜﻦ ﺍﺣﻘﺮ ﻭﺍﺣﺪ ﻋﺪﻫﻢ ﺭﺍﺡ ﻳﺰﻭﺟﻮﻧﻲ ﺍﻟﺔ ﺣﺘﻰ ﻳﻨﺘﻘﻤﻮﻥ ﻣﻦ ﺍﺧﻮﻱ ﺑﺲ ﻫﻤﺔ ﺍﺧﺬﻭﻧﻲ ﻻﺧﻮ ﻓﺎﺭﺱ ﻳﻌﻨﻲ ﻳﻨﺘﻘﻤﻮﻥ ﻣﻦ ﺍﺧﻮﻱ ﻭﻣﻨﻲ ﻫﻢ
ﻃﻠﻌﺖ ﻟﻠﺸﺎﺭﻉ ﻭﺣﺴﺎﻥ ﻭﻳﺎﻱ ﻃﻠﻊ ﺟﻨﻄﺘﻲ ﻭﺍﺧﺬﻫﺎ ﻭﺍﺣﺪ ﻣﻦ ﺍﻟﻲ ﺟﺎﻳﻴﻦ ﻭﻳﺎﻩ ﻭﺣﻄﻬﺎ ﺑﺴﻴﺎﺭﺓ
ﺗﺬﻛﺮﺕ : ﺣﺴﺎﻥ ﺍﻣﻲ ﻣﺎ ﻭﺩﻋﺘﻬﺔ ﻭﺍﺧﻮﺍﺗﻲ ﻣﺎ ﻭﺩﻋﺘﻬﻢ
ﺭﺩﺕ ﺍﺭﺟﻊ ﻭﻟﺰﻣﻨﻲ ﺣﺴﺎﻥ : ﻣﻴﺎﻣﻴﻦ ﺍﻟﻜﻞ ﺩﺍ ﻳﺒﺎﻭﻉ ﻋﻠﻴﺞ ... ﻓﺪﻭﺓ ﺭﻭﺣﻲ ﻭﻻ ﺗﻌﺬﺑﻴﻦ ﻛﻠﺒﻲ ﺍﻛﺜﺮ
ﺻﻌﺪﺕ ﺑﺎﻟﺴﻴﺎﺭﺓ ﻭﺑﺠﻴﺖ : ﻣﺨﻠﻮﻧﻲ ﺍﻭﺩﻉ ﺍﻣﻲ
ﺳﻤﻌﺖ ﺻﻮﺕ ﻫﻮﺳﺔ ﺑﺮﺓ ﺍﻟﺴﻴﺎﺭﺓ ﺍﻟﺘﻔﺘﺖ ﻭﺍﻧﻲ ﺑﺎﻟﻜﻮﺓ ﺍﻛﺪﺭ ﺍﻟﻤﺢ ﺍﺷﺨﺎﺹ ﻻﻥ ﺩﻣﻮﻋﻲ ﻣﻐﻮﺷﺔ ﻋﻴﻮﻧﻲ ﻭﺍﻟﺴﻴﺎﺭﺓ ﻣﻀﻠﻠﺔ ﺍﻟﻲ ﻋﺮﻓﺘﺔ ﺍﻥ ﻫﺬﺍ ﺻﻮﺕ ﺯﻳﺎﺩ ﻻﻥ ﻳﺤﺠﻲ ﺑﺼﻴﺎﺡ : ﻭﺍﻟﻠﻪ ﻣﺘﺎﺧﺬﻭﻧﻬﺔ ... ﻣﻴﺎﻣﻴﻦ ﺍﻟﻲ
ﺍﺟﺔ ﻭﺍﺣﺪ ﻭﻛﻒ ﻛﺒﺎﻝ ﺯﻳﺎﺩ : ﻭﺧﺮ ﻣﻦ ﻭﺟﻬﻲ ﻻ ﺍﻃﻠﻊ ﺣﺮﻛﺔ ﻛﻠﺒﻲ ﺑﻴﻚ
ﺩﺍﺭ ﻭﺟﻬﺔ ﻳﺮﻳﺪ ﻳﺮﻭﺡ ﻟﺰﻣﺔ ﺯﻳﺎﺩ ﻣﻦ ﻛﺘﻔﺔ ﺑﺸﺮ ﻭﻫﻮ ﺑﺮﺩ ﻓﻌﻞ ﺳﺮﻳﻌﺔ ﺿﺮﺑﺔ ﺑﻮﻛﺲ ﻋﻠﻰ ﺧﺸﻤﺔ ﻣﻦ ﻗﻮﺗﺔ ﻃﺎﺡ ﺑﺎﻟﻜﺎﻉ ﻭﺍﻟﺘﻔﺖ ﻋﻠﻰ ﺣﺴﺎﻥ ﺍﻟﻲ ﺍﺟﺔ ﻳﺮﻛﺾ ﻋﻠﻰ ﺯﻳﺎﺩ : ﺷﻴﻠﻮ ﻣﺰﻋﻄﺘﻜﻢ ﻣﻦ ﻭﺟﻬﻲ ﻭﺭﺑﻜﻢ ﻛﻮﺓ ﻣﺘﺤﻤﻞ ﺷﻮﻓﺘﻜﻢ
ﺍﻧﻲ ﻣﺎ ﺷﻔﺖ ﻭﺟﻬﺔ ﻻﻥ ﺟﺎﻥ ﻣﻨﻄﻴﻨﻲ ﺿﻬﺮﺓ
ﺯﻳﺎﺩ ﺿﻌﻴﻒ ﻣﻘﺎﺭﻧﺔ ﺑﻲ ﻫﻮ ﻋﻀﻼﺕ ﻭﻃﻮﻳﻞ ﻭﻻﺑﺲ ﻟﺒﺲ ﻋﺮﺑﻲ ﺩﺷﺪﺍﺷﺔ ﺳﻮﺩﺓ ﻭﻏﺘﺮﺓ ﺳﻮﺩﺓ ﻻﻓﻬﺔ ﻋﻠﻰ ﺭﺍﺳﺔ ﻭﻻﺑﺲ ﺍﻟﺤﺰﺍﻡ ﻣﺎﻟﺖ ﺍﻟﺴﻼﺡ ﺩﺧﻞ ﻟﻨﻔﺲ ﺍﻟﺴﻴﺎﺭﺓ ﺍﻟﻲ ﺍﻧﻲ ﺑﻴﻬﺎ ﻭﻛﻌﺪ ﺑﺎﻟﺼﺪﺭ ﺍﻧﻲ ﺟﻨﺖ ﺑﺎﻟﻜﺮﺳﻲ ﺍﻟﻮﺭﺍﻩ ﻳﻌﻨﻲ ﻣﺎﻛﺪﺭ ﺍﺷﻮﻑ ﺑﺲ ﻛﺘﻔﺔ ﺳﺪ ﺍﻟﺒﺎﺏ ﺣﻴﻞ
ﺣﺎﻭﻟﺖ ﺍﻛﺘﻢ ﻧﻔﺴﻲ ﺣﺘﻰ ﻻ ﺗﻄﻠﻊ ﺷﻬﻜﺎﺗﻲ ﻣﻦ ﺍﺑﺠﻲ
ﺍﻧﺪﻛﺖ ﺟﺎﻣﺔ ﺍﻟﺴﻴﺎﺭﺓ ﻣﻦ ﺟﻬﺘﺔ ﻫﻮ ﻧﺰﻝ ﺍﻟﺠﺎﻣﺔ ﻭﺣﺠﺔ ﻳﻤﻤﺔ ﺻﻮﺗﺔ ﻳﺨﻮﻑ ﺧﺸﻦ ﻧﺒﺮﺓ ﺻﻮﺗﺔ ﻣﺎﻝ ﻭﺍﺣﺪ ﻃﺎﻓﺮﺓ ﺭﻭﺣﺔ ﻣﻦ ﺍﻟﻌﺼﺒﻴﺔ : ﻫﺎﺍﺍ ﺷﻜﻮ ﺑﻌﺪ
ﺍﻟﻲ ﻭﺍﻛﻒ : ﻏﺰﻭﺍﻥ ...... ﺗﺮﺓ ﺍﻟﺸﻴﺦ ﺭﺍﺡ ﻳﺮﻭﺡ ﻭﺍﺣﻨﺔ ﻣﺎ ﺍﻧﻄﻴﻨﺎﻩ ﻓﻠﻮﺳﺔ
ﻳﻤﻤﻤﻤﻤﺔ ﻋﺰﺯﺯﺯﺓ ﻫﻮ ﻫﺬﺍ ﻏﺰﻭﺍﻥ ﻳﺮﺭﺭﺑﻲ ﺳﺎﻋﺪﻧﻲ ﺍﻧﻲ ﺑﻴﺪﻣﻦ ﻃﺤﺖ ﻫﺬﺍ ﻣﻦ ﻫﺴﺔ ﺿﺮﺏ ﻭﻋﺼﺒﻲ
ﻃﻠﻊ ﻓﻠﻮﺱ ﻭﺍﻧﻄﺎﻫﻴﺎ : ﺣﻤﺰﺓ ﻓﻀﻬﺎ ﺗﺮﺓ ﺍﺧﺮﺗﻮﻧﺔ ﺧﻞ ﻧﻤﺸﻲ ... ﻛﺪﺍﻣﻨﺔ ﻃﺮﻳﻖ ﻃﻮﻳﻞ ﻫﻢ ﻳﻠﺔ ﻧﻮﺻﻞ ﻟﻠﺒﺼﺮﺓ ﺍﻟﻤﻐﺮﺏ ... ﺍﺑﻮﻱ ﺑﺎﻟﻤﺴﺘﺸﻔﻰ ﺍﺭﻳﺪ ﺍﺭﻭﺣﻠﺔ
ﺣﻤﺰﺓ : ﺗﺄﻣﺮ ﻫﺴﺔ ﻧﻄﻠﻊ ... ﻭﺭﺍﺡ
ﺍﻧﻲ ﻣﺎ ﻛﺪﺭﺕ ﺍﺳﻴﻄﺮ ﻋﻠﻰ ﺩﻣﻮﻋﻲ ﻭﺷﻬﻜﺎﺗﻲ ﺻﺎﺭﺕ ﺗﻄﻠﻊ ﺑﺪﻭﻥ ﻣﺎ ﺍﺣﺲ
ﺿﺮﺏ ﺑﻴﺪﺓ ﻋﻠﻰ ﺍﻟﺴﻴﺎﺭﺓ ﺣﻴﻞ ﻭﺻﺮﺥ : ﻛﺎﺍﺍﺍﻓﻲ .. ﻣﺎﺭﻳﺪ ﺍﺳﻤﻊ ﺣﺴﺞ
ﺭﻭﺣﻲ ﻃﻔﺮﺕ ﻣﻦ ﻣﻜﺎﻧﻬﺎ ﻣﻦ ﺍﻟﺨﻮﻑ ﻣﺪﺭﻱ ﺍﺑﺠﻲ ﺑﺎﻟﺰﺍﻳﺪ ﻣﺪﺭﻱ ﺍﺳﻜﺖ ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺿﻐﻄﺖ
ﺣﻴﻞ ﺣﺘﻰ ﺍﻛﺘﻢ ﺻﻮﺗﻲ ﺑﺲ ﺩﻣﻮﻋﻲ ﺗﺼﺐ ﻏﻄﻴﺖ ﻧﺺ ﻭﺟﻬﻲ ﺑﺎﻟﻌﺒﺎﻳﺔ ﻭﺳﻤﻴﺖ ﺑﺎﻟﻠﻪ ﻣﻦ ﺍﻟﺴﻴﺎﺭﺓ ﺗﺤﺮﻛﺖ
ﺍﻟﺘﻔﺘﺖ ﻋﻠﻰ ﺑﻴﺘﻨﺎ ﺍﻭﺩﻋﺔ ﺑﻌﻴﻮﻧﻲ ﻭﻣﺎﺩﺭﻱ ﺍﺫﺍ ﺭﺍﺡ ﺍﺭﺟﻊ ﻟﻮ ﻻ
ﺍﺑﺘﻌﺪﻧﺎ ﻋﻦ ﺑﻴﺘﻨﺎ ﺣﻄﻴﺖ ﺭﺍﺳﻲ ﻋﺎﻟﺠﺎﻣﺔ ﻭﺍﻟﺴﻴﺎﺭﺓ ﻫﺪﻭﺀ
ﻭﺍﺣﺪ ﻳﺴﻮﻕ ﻧﻔﺴﺔ ﺣﻤﺰﺓ ﺍﻟﻲ ﺟﺎﻥ ﻳﺤﺠﻲ ﻭﻳﺎﻩ
ﻭﻏﺰﻭﺍﻥ ﻛﺎﻋﺪ ﺑﺎﻟﺼﺪﺭ
ﻛﻌﺪﺕ ﺍﺩﻋﻲ ﺑﻜﻠﺒﻲ : ﻳﺎﺭﺏ ﺍﻥ ﺷﺎﺀ ﺍﻟﻠﻪ ﻣﺎﻳﻜﻮﻥ ﻫﻴﺞ .. ﺑﺲ ﻫﺎﻟﻔﺘﺮﺓ ﻻﻥ ﻛﻠﺒﺔ ﺑﻌﺪﺓ ﻣﺤﺘﺮﻙ ﻋﻠﻰ ﺍﺧﻮﻩ ... ﻳﺎﺭﺏ ﺍﻭﻛﻒ ﻭﻳﺎﻱ ﻣﺎﻟﻲ ﻏﻴﺮﻙ
ﻏﻤﻀﺖ ﻋﻴﻮﻧﻲ ﻣﺎ ﺣﺴﻴﺖ ﻋﻠﻰ ﻧﻔﺴﻲ ﺷﻮﻛﺖ ﻧﻤﺖ
ﻓﺘﺤﺖ ﻋﻴﻮﻧﻲ ﻋﻠﻰ ﺻﻮﺕ ﺑﺎﺏ ﺍﻟﺴﻴﺎﺭﺓ ﻳﻨﻔﺘﺢ ﺑﺲ ﻣﻮ ﻣﻦ ﺟﻬﺘﻲ ﺍﻟﺘﻔﺘﺖ ﺷﻔﺖ ﺍﻟﻲ ﻳﺴﻮﻕ ﻧﺰﻝ ﻭﻏﺰﻭﺍﻥ ﻫﻢ ﻧﺰﻝ ﺻﻌﺪ ﺑﻤﻜﺎﻥ ﺍﻟﻲ ﻳﺴﻮﻕ ﺑﺲ ﺍﻟﻮﻟﺪ ﻣﺎ ﺭﺟﻊ ﺻﻌﺪ .. ﺭﺍﺡ
ﺍﻟﺘﻔﺘﺖ ﺍﺑﺎﻭﻉ ﻣﻦ ﺍﻟﺠﺎﻣﺔ ﺑﺴﻢ ﺍﻟﻠﻪ ﺷﻨﻮ ﻫﺎﻟﻤﻜﺎﻥ
ﺑﻴﺖ ﻟﻮ ﺍﻛﻮﻝ ﻋﻠﻲ ﻗﺼﺮ
ﻟﺤﻀﺔ ﺑﺲ ﻻ ﻫﺬﺍ ﺑﻴﺘﻬﻢ ﻟﻌﺪ ﺍﻧﻲ ﻣﻦ ﺍﻟﺘﻌﺐ ﺍﻟﻄﺮﻳﻖ ﻛﻮﻟﺔ ﻧﻤﺘﺔ
ﺍﻟﺴﻴﺎﺭﺓ ﻭﺍﻛﻔﺔ ﺍﺑﺎﺏ ﺍﻟﺒﻴﺖ ﺻﻌﺪ ﻏﺰﻭﺍﻥ ﻭﻓﺘﺤﻠﺔ ﺣﻤﺰﺓ ﺍﻟﺒﺎﺏ ﻭﺭﺍﺡ ﺩﺧﻞ ﺍﻟﺴﻴﺎﺭﺓ ﻟﺪﺍﺧﻞ ﺍﻟﺒﻴﺖ ﺣﻮﺵ ﻭﺑﺼﻔﺔ ﺣﺪﻳﻘﺔ ﺗﺨﺒﻞ ﻃﻔﺔ ﺍﻟﺴﻴﺎﺭﺓ ﻭﻧﺰﻝ
ﺍﻟﺘﻔﺘﺖ ﻣﺎﻛﻮ ﻭﻻ ﻭﺍﺣﺪ : ﺯﻳﻦ ﻭﺍﻧﻲ ﻭﻳﻦ ﺍﺭﻭﺡ ﺍﺑﻘﻰ ﺑﺎﻟﺴﻴﺎﺭﺓ
ﺑﺎﻭﻋﺖ ﻋﻠﻲ ﻭﺍﻛﻒ ﺑﻌﻴﺪ ﻭﻳﺨﺎﺑﺮ ﻃﻠﻌﺖ ﺑﻨﻴﺔ ﺷﺎﺑﺔ ﻣﻦ ﺍﻟﺒﺎﺏ ﺍﻟﺪﺍﺧﻠﻲ ﻟﻠﺒﻴﺖ ﻻﺑﺴﺔ ﺍﺳﻮﺩ ﻭﻛﻔﺖ ﺣﺠﺖ ﻭﻳﺎﻩ ﻭﻣﺒﻴﻨﺔ ﻣﻌﺼﺒﺔ ﻭﻫﻮ ﻧﺰﻝ ﺗﻠﻴﻔﻮﻧﺔ ﻭﺣﺠﺔ ﻛﻠﻤﺘﻴﻦ ﻭﻋﺒﺎﻟﻚ ﻣﺎ ﻣﻬﺘﻢ ﺍﻟﻬﺎ .... ﺍﺟﺖ ﺍﻟﺒﻨﻴﺔ ﻟﺠﻬﺔ ﺍﻟﺴﻴﺎﺭﺓ ﻭﻓﺘﺤﺖ ﺍﻟﺒﺎﺏ ﻣﻦ ﺟﻬﺘﻲ
ﺧﻔﺖ ﻭﺍﻳﺪﻳﺔ ﻛﺎﻣﺖ ﺗﺮﺟﻒ
ﺣﺠﺖ ﺑﻬﺪﻭﺀ : ﺍﻧﺰﻟﻲ ﻭﻳﺎﻱ ﻻ ﺗﺒﻘﻴﻦ ﺑﺎﻟﺴﻴﺎﺭﺓ ﺍﻛﻴﺪ ﺻﺎﺭﻟﺞ ﻫﻮﺍﻱ ﻋﻠﻰ ﻛﻌﺪﺗﺞ
ﺍﻧﺘﺒﻬﺖ ﻋﻠﻴﻬﺎ ﻻﺑﺴﺔ ﺍﺳﻮﺩ ﺑﺄﺳﻮﺩ ﻭﻋﻴﻮﻧﻬﺎ ﺣﻤﺮ ﻣﺒﻴﻨﺔ ﻣﻦ ﺍﻟﺒﺠﻲ ﻟﻴﺶ .... ﻏﺒﻴﺔ ﻣﻴﺎﻣﻴﻦ ﺍﻛﻴﺪ ﺗﺒﺠﻲ ﺷﻨﻮ ﻧﺴﻴﺘﻲ ﺍﻥ ﻋﻨﺪﻫﻢ ﻓﺎﺗﺤﺔ ﻭﺍﺑﻨﻬﻢ ﻣﻴﺖ
ﻗﺎﻃﻌﺖ ﺗﻔﻜﻴﺮﻱ ﻭﻫﻲ ﺗﺤﺠﻲ ﺑﻬﺪﻭﺀ ﻭﺑﻲ ﻣﻦ ﺍﻟﺤﻨﻴﺔ ﺷﻮﻱ ﻣﺪﺕ ﺍﻳﺪﻫﺎ ﺍﻟﻲ : ﻻ ﺗﺨﺎﻓﻴﻦ ﻣﺎ ﺭﺍﺡ ﺍﺋﺬﻳﺞ .. ﺗﻔﻀﻠﻲ ﻭﻳﺎﻱ ﻗﺎﺑﻞ ﺗﺒﻘﻴﻦ ﺑﺎﻟﺴﻴﺎﺭﺓ
ﺣﺠﻴﺖ ﺑﺨﻮﻑ ﻭﺍﻧﻲ ﺍﺑﺎﻭﻉ ﻟﻐﺰﻭﺍﻥ ﺍﻟﻲ ﻣﺴﺘﻤﺮ ﻳﺨﺎﺑﺮ ﻭﻣﻨﻄﻴﻨﺔ ﺿﻬﺮﺓ : ﺑﺴﺲ ﻫﻮﻭ
ﻗﺎﻃﻌﺘﻨﻲ : ﻻ ﺗﺨﺎﻓﻴﻦ ﻫﻮ ﻃﻠﺐ ﻣﻨﻲ ﺍﻧﺰﻟﺞ ﻻﻥ ﻳﺮﻳﺪ ﻳﺮﻭﺡ ﻟﺒﺎﺑﺎ ﺑﺎﻟﻤﺴﺘﺸﻔﻰ .... ﻳﻠﺔ ﺍﻧﺰﻟﻲ ﻗﺒﻞ ﻻ ﻳﻌﺼﺐ
ﻧﺰﻟﺖ ﻣﻦ ﺍﻟﺴﻴﺎﺭﺓ ﺑﺎﻭﻋﺖ ﻋﻠﻴﻬﺎ ﻣﺒﻴﻨﺔ ﺣﺒﺎﺑﺔ ﺭﻏﻢ ﺗﻌﺐ ﻭﺟﻬﺎ ﺍﻟﻲ ﻣﺒﻴﻨﺔ ﺑﺲ ﺣﻠﻮﺓ ﻭﻫﺎﺩﺋﺔ
ﺍﻓﻔﻔﻔﻒ ﻣﻴﺎﻣﻴﻦ ﺍﻧﺘﻲ ﺑﻴﺎ ﺣﺎﻝ ﻭﺗﺘﺼﻔﻨﻴﻦ ﺑﻮﺟﻬﺎ ﻭﻳﻦ ﻋﺮﻓﺘﻴﻬﺎ ﺣﺒﺎﺑﺔ
ﺳﺪﻳﺖ ﺍﻟﺒﺎﺏ ﻭﺭﺍﻱ ﻫﻲ ﺭﺍﺣﺖ ﻓﺘﺤﺖ ﺑﺎﺏ ﺍﻟﺨﺎﻧﺔ ﺍﻟﻮﺭﺍ ﻭﻧﺰﻟﺖ ﺟﻨﻄﺘﻲ ﺍﻧﻲ ﺭﺣﺖ ﺑﺴﺮﻋﺔ ﺍﺧﺬﺗﻬﺎ ﻣﻨﻬﺎ
: ﺍﻧﻲ ﺍﺷﻴﻠﻬﺎ
ﺍﺑﺘﺴﻤﺖ ﺑﺨﻔﺔ : ﻋﺎﺩﻱ ﻧﻔﺲ ﺍﻟﺸﻲ
ﻳﻠﺔ ﺍﻣﺸﻲ ﻭﻳﺎﻱ
ﻣﺸﺖ ﻫﻲ ﻭﺍﻧﻲ ﻣﺸﻴﺖ ﻭﺭﺍﻫﺎ ﻣﺮﺕ ﻣﻦ ﻳﻤﺔ ﻭﻫﻮ ﻣﻨﻄﻴﻨﺔ ﺿﻬﺮﺓ ﻭﻳﺤﺠﻲ ﺑﺎﻟﺘﻠﻴﻔﻮﻥ ﻟﻬﺴﺔ ﻣﺎ ﺷﻔﺖ ﻭﺟﻬﺔ ... ﻣﻴﺎﻣﻴﻦ ﺷﺘﺴﻮﻳﻦ ﺑﻮﺟﻬﺔ ﺍﻛﻌﺪﻱ ﺭﺍﺣﺔ
ﻣﺸﻴﺖ ﻭﺭﺍﻫﺎ ﺍﺧﺬﺗﻨﻲ ﻭﺩﺧﻠﺘﻨﻲ ﺑﺲ ﻣﻮ ﻟﻨﻔﺲ ﻫﺬﺍ ﺍﻟﺒﻴﺖ ﺍﻟﻲ ﻫﻤﺔ ﺑﻲ ﻭﺍﻟﻲ ﻃﻠﻌﺖ ﻣﻨﺔ ﺍﻟﺒﻨﻴﺔ
ﺍﻛﻮ ﺑﺎﺏ ﻣﻔﺘﻮﺡ ﻋﻠﻰ ﻃﺎﺭﻣﺔ ﺑﻴﺘﻬﻢ ﻋﻠﻰ ﺑﻴﺖ ﺛﺎﻧﻲ ﺩﺧﻠﺘﻨﻲ ﻣﻨﺔ ﻭﺷﻔﺖ ﺍﻟﺤﺪﻳﻘﺔ ﺗﺠﻨﻦ ﻣﺸﻴﺖ ﻭﺭﺍﻫﺎ ﻓﺘﺤﺖ ﺍﻟﺒﺎﺏ ﺍﻭﻝ ﻣﺎ ﺩﺧﻠﻨﺎ ﺻﺎﻟﺔ ﺷﻨﻮ ﻣﻦ ﻧﺎﺱ ﺫﻭﻟﺔ ﻣﺒﻴﻨﻴﻦ ﺯﻧﺎﻛﻴﻞ ... ﺟﺎﻥ ﺭﺍﺋﺪ ﻳﺤﺠﻴﻠﻲ ﺍﻥ ﻓﺎﺭﺱ ﻏﻨﻲ ﻭﻋﻨﺪﺓ ﻓﻠﻮﺱ ﺑﺲ ﻣﺎ ﺗﻮﻗﻌﺖ ﻟﻬﺎﻟﺪﺭﺟﺔ ﻛﻠﺔ ﻣﻦ ﺍﻻﺛﺎﺙ ﺍﻟﺮﺍﻗﻲ
ﺍﻟﺘﻔﺘﺖ ﻋﻠﻴﺔ : ﺭﺍﺡ ﺗﺒﻘﻴﻦ ﻫﻨﺎ ... ﺍﻋﺘﺒﺮﻱ ﺍﻟﺒﻴﺖ ﺑﻴﺘﺞ
ﺑﺎﻭﻋﺖ ﻋﻠﻴﻬﺎ ﺑﺄﺳﺘﻐﺮﺍﺏ : ﺑﻴﺘﻲ ؟؟
ﺍﺑﺘﺴﻤﺖ : ﺍﻱ ﻫﺬﺍ ﺑﻴﺖ ﻏﺰﻭﺍﻥ ﻭﺑﻤﺎ ﺍﻧﺞ ﺻﺮﺗﻲ ﺯﻭﺟﺘﺔ ﻳﻌﻨﻲ ﻫﻢ ﺑﻴﺘﺞ .... ﺗﻌﺎﻟﻲ ﺧﻠﻲ ﺍﺧﺬﺝ ﻟﻐﺮﻓﺘﺞ
ﺯﻭﺟﺘﺔ ؟؟ ﻟﻴﺶ ﻣﻜﺎﻟﺖ ﻓﺼﻠﻴﺔ ﻭﺍﺻﻼ ﻟﻴﺶ ﺗﻌﺎﻣﻠﻨﻲ ﻫﻴﺞ
ﺑﻘﻴﺖ ﻭﺍﻛﻔﺔ ﺑﻤﻜﺎﻧﻲ ﻫﻲ ﺍﻟﺘﻔﺘﺖ ﻋﻠﻴﺔ
ﻛﺎﻟﺖ : ﺍﻛﻴﺪ ﺍﺗﻜﻮﻟﻴﻦ ﺍﻧﻲ ﻣﻨﻮ ﻭﻟﻴﺶ ﺍﻋﺎﻣﻠﺞ ﻫﻴﺞ
ﺍﺗﻔﺎﺟﺄﺕ : ﻫﺎﺍﺍﺍ
ﺍﺟﺖ ﻳﻤﻲ : ﺍﻧﻲ ﺍﺧﺖ ﻏﺰﻭﺍﻥ ﻳﻌﻨﻲ ﺍﺧﺖ ﻓﺎﺭﺱ
ﺍﻧﺼﺪﻣﺖ ﺍﺧﺘﺔ ﻭﻫﻴﺞ ﺗﻌﺎﻣﻠﻨﻲ : ﺍﺧﺖ ﻓﺎﺭﺱ ﻭﻫﻴﺞ ﺗﻌﺎﻣﻠﻴﻨﻲ ... ﻟﻴﺶ
ﺣﻄﺖ ﺍﻳﺪﻫﺎ ﻋﻠﻰ ﻛﺘﻔﻲ : ﻭﻟﻴﺶ ﻣﺎ ﺍﻋﺎﻣﻠﺞ ﻫﻴﺞ ... ﺍﻧﺘﻲ ﻣﺎﻟﺞ ﺫﻧﺐ ﺑﺸﻲ ... ﺍﺟﻴﺘﻲ ﺑﺴﺒﺐ ﺫﻧﺐ ﻣﻮ ﺫﻧﺒﺞ ... ﺻﺪﻛﻴﻨﻲ ﺍﻧﻲ ﺿﺪ ﺷﻲ ﺍﺳﻤﺔ ﺍﻥ ﻳﺎﺧﺬﻭﺝ ﻓﺼﻠﻴﺔ ﻭﻳﺤﺮﻣﻮﻧﺞ ﻣﻦ ﺍﻣﺞ ﻭﺍﻫﻠﺞ ﺑﺴﺲ ﺫﻧﺐ ﺍﻧﺘﻲ ﻣﺎ ﺍﻗﺘﺮﻓﺘﻴﻪ ... ﺑﺶ ﺷﻨﺴﻮﻱ ﻏﺰﻭﺍﻥ ﻣﺎﻛﺪﺭﺕ ﺍﻭﻛﻔﺔ
ﻃﺎﺣﺖ ﺩﻣﻮﻋﻲ ﺗﻔﺎﺟﺄﺓ ﻣﻦ ﺣﻀﻨﺘﻨﻲ ﻭﺗﻤﺴﺢ ﻋﻠﻰ ﺿﻬﺮﻱ : ﺍﻫﺪﺩﻱ ﻻ ﺗﺒﺠﻴﻦ .. ﺍﻋﺘﺒﺮﻳﻨﻲ ﺍﺧﺘﺞ ﻣﺎﺷﻲ
ﻫﺰﻳﺖ ﺭﺍﺳﻲ ﺏ ﺍﻱ
ﻛﺎﻟﺖ : ﻣﻜﻠﺘﻴﻠﻲ ﺷﻨﻮ ﺍﺳﻤﺞ
ﺟﺎﻭﺑﺘﻬﺎ : ﺍﺳﻤﻲ ﻣﻴﺎﻣﻴﻦ
ﺍﺑﺘﺴﻤﺖ : ﺍﺳﻤﺞ ﺣﻠﻮ ﻣﺜﻠﺞ ﻃﺒﻌﺎ .. ﺍﻧﻲ ﺍﺳﻤﻲ ﺧﺎﺗﻮﻥ
ﺟﺎﻭﺑﺘﻬﺔ ﺑﺄﺳﺘﻐﺮﺍﺏ : ﺧﺎﺗﻮﻥ
ﺧﺎﺗﻮﻥ ﺿﺤﻜﺖ : ﺍﻱ ﺧﺎﺗﻮﻥ ﺍﻛﻴﺪ ﺍﺗﻜﻮﻟﻴﻦ ﺍﺳﻢ ﻋﺠﺎﻳﺰ ﺑﺲ ﺷﺴﻮﻱ ﺳﻤﻮﻧﻲ ﻋﻠﻰ ﺍﺳﻢ ﺑﻴﺒﻲ ﻭﺍﻧﻲ ﻫﻢ ﺍﺣﺒﺔ ﻫﺎﻻﺳﻢ ﻻﻥ ﻏﺮﻳﺐ ﻭﻣﺤﺪ ﻳﺴﻤﻲ ﻫﺴﺔ
ﺍﺑﺘﺴﻤﺖ ﻋﻠﻰ ﺭﻭﺣﻬﺎ ﺍﻟﺤﻠﻮﺓ
ﺳﺤﺒﺖ ﺟﻨﻄﺘﻲ ﻭﻫﻲ ﺗﻤﺸﻲ : ﻳﻠﺔ ﺗﻌﺎﻟﻲ ﺍﺧﺬﺝ ﻟﻐﺮﻓﺘﺞ
ﻣﺸﻴﺖ ﻭﺭﺍﻫﺎ ﻭﺍﻧﻲ ﺍﺗﻠﻔﺖ ﺑﻜﻞ ﺍﻧﺤﺎﺀ ﺍﻟﺒﻴﺖ
ﻓﺎﺭﻍ ﻣﺤﺪ ﺑﻲ ﺑﺲ ﺟﺒﻴﺮ
ﺣﺠﻴﺖ ﺑﺪﻭﻥ ﻭﻋﻲ ﻭﺍﻧﻲ ﺍﺗﻠﻔﺖ : ﺍﻧﺘﻲ ﻣﺘﺄﻛﺪﺓ ﻫﺬﺍ ﻟﺒﻴﺖ ﻋﺎﻳﺶ ﺑﻲ ﺷﺨﺺ ﻭﺍﺣﺪ
ﺧﺎﺗﻮﻥ ﺍﺑﺘﺴﻤﺖ : ﺍﻱ ﻭﺍﻟﻠﻪ ... ﻫﻮ ﻏﺰﻭﺍﻥ ﺳﻮﺍﻩ ﻣﻦ ﺗﻌﺒﺔ ﻭﻓﻠﻮﺳﺔ ﻭﻣﺎ ﻗﺒﻞ ﺍﺑﻮﻳﺔ ﻳﺒﻨﻲ ﺍﻟﺔ .. ﺗﺮﺓ ﻏﺰﻭﺍﻥ ﻣﺮﺗﺐ ﻛﻮﻟﺶ ﻭﻣﻮ ﻓﻮﺿﻮﻱ ﻟﻬﺎﻟﺴﺒﺐ ﻻ ﺗﺨﺎﻓﻴﻦ ﻣﺮﺍﺡ ﺗﺘﻌﺒﻴﻦ ﺑﺸﻐﻠﺔ .. ﻭﺍﺫﺍ ﺍﺣﺘﺎﺟﻴﺘﻲ ﺷﻲ ﺍﻃﻠﺒﻲ ﻣﻨﻲ
ﺍﺑﺘﺴﻤﺖ ﺍﻟﻬﺎ : ﺧﺎﺗﻮﻥ ﺍﻧﻲ ﻣﺎ ﺍﻋﺮﻑ ﺷﻠﻮﻥ ﺍﺷﻜﺮﺝ ... ﻭﺍﻟﻠﻪ ﻣﺠﻨﺖ ﻣﺘﻮﻗﻌﺔ ﺍﻥ ﺣﺘﺴﺘﻘﺒﻠﻴﻨﻲ ﻫﻴﺞ
ﺧﺎﺗﻮﻥ : ﻻ ﺗﺤﺠﻴﻦ ﻫﻴﺞ .. ﺍﻋﺘﺒﺮﻳﻨﻲ ﺻﺪﻳﻘﺘﺞ ﺍﻭﻙ
ﻣﻴﺎﻣﻴﻦ : ﺍﻭﻙ
ﺩﺧﻠﺘﻨﻲ ﻟﻐﺮﻓﺔ ﺣﺠﻤﻬﺎ ﻭﺳﻂ ﻭﻣﺒﻴﻨﺔ ﻣﺎ ﻣﺴﺘﻌﻤﻠﺔ
ﺧﺎﺗﻮﻥ : ﺗﻔﻀﻠﻲ ﻫﺎﻱ ﻏﺮﻓﺘﺞ
ﺍﺑﺘﺴﻤﺖ : ﺷﻜﺮﺍ
ﺧﺎﺗﻮﻥ : ﺍﻧﻲ ﺣﺮﻭﺡ ﺍﺗﻄﻤﻦ ﻋﻠﻰ ﺍﻣﻲ ... ﺍﺫﺍ ﻛﺪﺭﺕ ﺍﻣﺮﻟﺞ ﺑﻌﺪ ﺷﻮﻱ
ﺍﺑﺘﺴﻤﺖ : ﺍﻭﻙ ... ﺍﺧﺬﻱ ﺭﺍﺣﺘﺞ
ﻃﻠﻌﺖ ﻫﻲ ﻭﺍﻧﻲ ﺷﻠﺖ ﻋﺒﺎﺗﻲ ﻭﻓﻜﻴﺖ ﺣﺠﺎﺑﻲ : ﺍﻭﻭﻭﻑ ﺍﺧﺘﻨﻜﺖ ﺣﻄﻴﺖ ﺷﺎﻟﻲ ﻋﻠﻰ ﺭﻛﺒﺘﻲ
ﻓﺘﺤﺖ ﺟﻨﻄﺘﻲ ﺷﻔﺖ ﻛﻨﺘﻮﺭ ﻭﺳﻂ ﻣﻮﺟﻮﺩ ﺭﺣﺖ ﻓﺘﺤﺘﺔ ﻣﺎﺑﻲ ﻣﻼﺑﺲ ﺑﺲ ﺑﻲ ﻛﻢ ﺗﻌﻼﻛﺔ
ﻃﻠﻌﺖ ﺍﻟﻜﻢ ﻓﺴﺘﺎﻥ ﺑﺴﻴﻄﺎﺕ ﻳﻨﻠﺒﺴﻦ ﺑﺎﻟﺒﻴﺖ ﻭﻋﻠﻜﺘﻬﻦ ﻭﺭﺗﺒﺖ ﺍﻟﺪﺷﺎﺩﻳﺶ ﻭﺍﻟﺸﺎﻻﺕ ﻋﻠﻰ ﺟﻬﺔ
ﻭﻛﻢ ﺗﺮﺍﻙ ﻭﻛﻢ ﺩﺷﺪﺍﺷﺔ ﻗﺼﻴﺮﺓ ﻫﻢ ﻋﻠﺔ ﺟﻬﺔ
ﻣﺎ ﺍﺧﺬﻥ ﻫﻮﺍﻱ ﻣﻦ ﺍﻟﻜﻨﺘﻮﺭ ﻻﻥ ﻗﻠﻴﻼﺕ ﻭﻣﺒﻴﻨﺔ ﻫﺎﻱ ﻣﻮ ﻏﺮﻓﺘﺔ ﻻﻥ ﻣﺎﺑﻴﻬﺎ ﺍﻱ ﻏﺮﺍﺽ ﺭﺟﺎﻟﻴﺔ
ﺍﻟﺤﻤﺪﺍﻟﻠﻪ ﻫﻴﺞ ﺍﺣﺴﻦ ﻛﻞ ﻭﺍﺣﺪ ﺑﻐﺮﻓﺔ
ﺧﻠﺼﺖ ﺗﻌﺰﻳﻞ ﻏﺮﺍﺿﻲ ﻭﻛﻢ ﺷﻐﻠﺔ ﺟﺒﺘﻬﻦ ﻟﻠﺤﻤﺎﻡ ﺍﻟﻲ ﻣﺎ ﺍﻛﺪﺭ ﻣﺎ ﺍﺳﺘﺨﺪﻣﻬﻦ ... ﺍﺧﺬ ﻣﻨﻲ ﺍﻟﺘﻌﺰﻳﻞ ﺳﺎﻋﺔ ﺗﻘﺮﻳﺒﺎ ﻭﻛﻌﺪﺕ ﺷﻮﻳﺔ ﻭﺣﺪﻱ ﻭﺻﺎﻓﻨﺔ ﻣﺎﺩﺭﻱ ﺷﻜﺪ ﻣﺮ ﻣﻦ ﺍﻟﻮﻗﺖ
ﻣﻠﻴﺖ ﻣﻦ ﺍﻟﻐﺮﻓﺔ ﻓﺘﺤﺖ ﺍﻟﺒﺎﺏ ﻛﻠﺖ ﺧﻠﻲ ﺍﻧﺰﻝ ﺑﻤﺎ ﺍﻥ ﺍﻟﺒﻴﺖ ﻓﺎﺭﻍ
ﻧﺰﻟﺖ ﻣﻦ ﺍﻟﺪﺭﺝ ﻭﺍﻧﻲ ﺍﺑﺎﻭﻉ ﻋﺎﻟﺒﻴﺖ
ﺷﻔﺖ ﺑﺎﺏ ﻣﻔﺘﻮﺡ ﺩﺧﻠﺖ ﻫﺬﺍ ﺍﻟﻤﻄﺒﺦ ﻣﺎ ﺷﺎﺀ ﺍﻟﻠﻪ ﻭﺍﻟﻠﻪ ﺫﻭﻳﻖ ﺑﺼﺮﺍﺣﺔ ﺍﻟﻤﻄﺒﺦ ﻳﺠﻨﻦ ﻛﻮﻟﺸﻲ ﻣﻦ ﺍﻟﺤﺪﻳﺚ
ﻓﺘﺤﺖ ﺍﻟﺜﻼﺟﺔ ﻭﺍﻧﻲ ﻣﻨﻄﻴﺔ ﺍﻟﺒﺎﺏ ﺿﻬﺮﻱ ﻭﻣﺎﺍﻧﺘﺒﻬﺖ ﻟﻠﻌﻴﻮﻥ ﺍﻟﻲ ﺗﺮﺍﻗﺒﻨﻲ
ﺷﻔﺖ ﺍﻟﺜﻼﺟﺔ ﻣﺘﺮﻭﺳﺔ ﺍﻛﻞ ﻭﺧﻀﺮﻭﺍﺕ ﻭﺍﻧﻲ ﻣﻴﺘﺔ ﻣﻦ ﺍﻟﺠﻮﻉ ﻭﺍﻟﻴﻮﻡ ﻛﻠﺔ ﻣﻤﺎﻛﻠﺔ ﺷﻲ ﻭﻫﺴﺔ ﺍﻟﺪﻧﻴﺎ ﻟﻴﻞ ﻫﺴﺘﻮﻫﺎ ﻏﺮﺑﺖ ﺍﻟﺸﻤﺲ
ﺷﻔﺖ ﻣﺎﻋﻮﻥ ﺑﻲ ﺯﻳﺘﻮﻥ ﺍﺧﺬﺕ ﻭﺣﺪﺓ ﺣﻄﻴﺘﻬﺔ ﺑﺤﻠﻜﻲ ﻭﺍﻟﺜﺎﻧﻴﺔ ﺍﺧﺬﺗﻬﺎ ﺑﻴﺪﻱ ﺳﺪﻳﺖ ﺍﻟﺜﻼﺟﺔ
ﺍﻛﻠﺘﻬﺎ ﻭﻃﻠﻌﺖ ﺍﻟﻨﻮﺓ ﻣﻦ ﺣﻠﻜﻲ ﺑﻌﺪﻧﻲ ﻣﺎ ﺣﺎﻃﺔ ﺍﻟﺜﺎﻧﻴﺔ ﺑﺤﻠﻜﻲ ﺣﺴﻴﺖ ﺑﺤﺮﻛﺔ ﻭﺭﺍﻱ ﻣﻦ ﺍﻟﺨﻮﻑ ﻣﺎ ﺍﻟﺘﻔﺘﺖ ﺑﺲ ﺍﻟﺰﻳﺘﻮﻧﺔ ﻃﺎﺣﺖ ﻣﻦ ﺍﻳﺪﻱ
ﺧﺎﺗﻮﻥ 🏻👇
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ

#بارت٦
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺍﻟﺮﺟﻞ ﺍﻟﺬﻱ ﻳﻌﺎﻣﻞ ﺍﻟﻤﺮﺃﺓ ﻛﻤﻠﻜﺔ ﺩﻟﻴﻞ ﻋﻠﻰ ﺃﻧﻪ ﺗﺮﺑﻰ ﻋﻠﻰ ﻳﺪ ﻣﻠﻜﺔ ﺃﺧﺮﻯ .
ﻭﻟﻴﻢ ﺷﻜﺴﺒﻴﺮ
ﻫﺬﺍ ﺍﻟﺨﻮﻑ ﺗﺤﻮﻝ ﺍﻟﻰ ﺍﻟﻢ ﻛﻄﻊ ﺷﻌﺮﻱ
ﺍﻧﺴﺤﺒﺖ ﻣﻦ ﺷﻌﺮﻱ ﻋﻠﻰ ﻭﺭﺓ ﻭﺿﻬﺮﻱ ﺍﻧﻀﺮﺏ ﺑﺸﻲ ﺻﻠﺐ ﻣﻦ ﺍﻟﺨﻮﻑ ﻣﺎ ﻛﺪﺭﺕ ﺍﺣﺠﻲ ﺷﻲ ﺑﺲ ﺍﻳﺪﻳﺔ ﺗﺮﺟﻒ ﻭﺭﻛﺒﻲ ﺷﻲ ﺗﻄﻚ ﺑﺸﻲ ﺣﺴﻴﺖ ﺍﻧﻔﺎﺱ ﻳﻢ ﺍﺫﻧﻲ ... ﻏﻤﻀﺖ ﻋﻴﻮﻧﻲ ﺑﺨﻮﻑ ﻭﺍﻧﻲ ﺍﺳﻤﻊ ﺻﻮﺗﺔ ﺑﻔﺤﻴﺢ : ﺍﺷﻮﻓﺞ ﺻﺮﺗﻲ ﺑﺴﺎﻋﺔ ﻭﺣﺪﺓ ﺍﻡ ﺍﻟﺒﻴﺖ ... ﺗﻔﺘﺮﻳﻦ ﻭﺗﺎﻛﻠﻴﻦ ﺑﻜﻴﻔﺞ ... ﺣﻼﻟﺞ ﺍﻟﺠﻮ
ﺣﺠﻴﺖ ﺑﺮﺟﻔﺔ ﻣﺎﺩﺭﻱ ﺷﻠﻮﻥ ﻃﻠﻌﺖ ﺍﻟﻜﻠﻤﺎﺕ ﻣﻨﻲ : ﻟـ ... ﻻ ﻭﻭ ﻭﺍﻟـ ـﻠـﻠﻪ ﺑﺲ ﻣــ ﻣﺎﻋﺮﻓﺖ ﺵ ﺷﻨﻮ ﺍﺳــ .. ـﻮﻱ ﻭﻧﺰﻟﺖ ﺍﻛﻞ ﺷﻲ ... ﻣﻮ ﻗﺼﺪﻱ ﺷﻲ ﻭﺍﻟﻠﻪ
ﺣﺠﺔ ﻭﺍﻧﻲ ﺿﻬﺮﻱ ﺑﻌﺪﺓ ﻟﻬﺴﺔ ﻋﻠﻰ ﺻﺪﺭﺓ ﻭﺍﻳﺪﺓ ﻣﻘﻴﺪﺓ ﺍﻳﺪﻳﺔ ﻭﺍﻳﺪﺓ ﺍﻟﺜﺎﻧﻴﺔ ﻻﺯﻡ ﺷﻌﺮﻱ ﺣﻴﻞ : ﻫﻪ ﻣﺴﻮﻳﺔ ﻧﻔﺴﺞ ﺧﺎﻳﻔﺔ ﻭﻋﺒﺎﻟﺞ ﺍﺻﺪﻛﺞ ... ﺍﻧﺘﻲ ﻣﺜﻞ ﺍﺧﻮﺝ ﻫﺬﺍ ﺍﻟﻤﺠﺮﻡ ﻭﺍﻟﻜﻠﺐ ﺑﺲ ﺍﻧﻲ ﺍﻋﺮﻑ ﺷﻠﻮﻥ ﺍﺃﺩﺑﺔ
ﻧﺴﻴﺖ ﺧﻮﻓﻲ ﻭﺣﺠﻴﺖ ﺑﺄﻧﻔﻌﺎﻝ ﻭﺍﻧﻲ ﻋﻠﻰ ﻭﺿﻌﻲ ﻣﺎ ﺗﺤﺮﻛﺖ : ﺭﺍﺋﺪ ﻣﻮ ﻣﺠﺮﻡ ﻻ ﺗﺤﺠﻲ ﻋﻠﻲ
ﺩﺍﺭﻧﻲ ﻟﺠﻬﺘﺔ ﻭﻻﻭﻝ ﻣﺮﺓ ﺍﺷﻮﻑ ﻭﺟﻬﺔ ﻭﻋﻦ ﻗﺮﺏ ﻫﻢ ﻣﺎ ﺗﻔﺼﻞ ﺑﻴﻨﺎﺗﻨﺔ ﻏﻴﺮ ﺳﺎﻧﺘﻴﻤﺎﺕ ﻗﻠﻴﻠﺔ
ﻋﻴﻮﻧﻲ ﺍﻟﺨﺎﻳﻔﺔ ﺍﺟﺖ ﺑﻌﻴﻮﻧﺔ ﺍﻟﻲ ﺻﺎﻳﺮﺍﺕ ﺣﻤﺮ ﻣﻦ ﺍﻟﻌﺼﺒﻴﺔ ﻟﻮﻥ ﻋﻴﻮﻧﺔ ﺍﺯﺭﻙ ﻃﻮﺥ ﻭﺣﻮﺍﺟﺒﺔ ﺍﻟﻤﻄﺒﻮﻛﺔ ﺑﻄﺮﻳﻘﺔ ﺗﺨﻮﻑ
ﺣﺠﺔ ﺑﻌﺼﺒﻴﺔ : ﻫﺎﻟﻜﻠﺐ ﻻ ﺗﺠﻴﺒﻴﻦ ﺍﺳﻤﺔ ﻛﺪﺍﻣﻲ ﻣﺮﺓ ﺛﺎﻧﻴﺔ ... ﻭﺭﺏ ﺍﻟﻜﻌﺒﺔ ﺍﺣﺴﺐ ﺍﻟﻠﻪ ﻣﺎ ﺧﻠﻘﺞ
ﺭﺩﻳﺖ ﻋﻠﻲ ﻭﺍﺣﺎﻭﻝ ﺍﺧﻔﻲ ﺍﻟﺨﻮﻑ : ﺍﻟﻲ ﺩﺍ ﺗﺤﺠﻲ ﻋﻨﺔ ﻫﺬﺍ ﺍﺧﻮﻳﺔ ﺷﻠﻮﻥ ﺍﺗﻜﻮﻟﻲ ﻣﺎ ﺍﺫﻛﺮﺓ
ﻗﺮﺏ ﻭﺟﻬﺔ ﻣﻨﻲ ﻭﺣﺠﺔ ﺑﻔﺤﻴﺢ : ﺍﺧﻮﺝ ﻣﻮ ... ﻣﻦ ﺍﻟﻴﻮﻡ ﻭﺟﺎﻱ ﺗﻨﺴﻴﻦ ﺷﻲ ﺍﺳﻤﺔ ﺍﺧﻮﺝ ﻭﺍﻣﺞ ﻭﺍﺧﺘﺞ ﺷﻴﻠﻴﻬﻢ ﻣﻦ ﺭﺍﺳﺞ
ﺍﻧﺼﺪﻣﺖ ﻣﻦ ﻛﻼﻣﺔ : ﺷﻨﻮﻭﻭ ... ﻫﺬﻭﻟﺔ ﺍﻫﻠﻲ ﺷﻠﻮﻥ ﺗﺮﻳﺪﻧﻲ ﺍﻧﺴﺎﻫﻢ ... ﺗﺮﻳﺪ ﺗﺤﺮﻣﻨﻲ ﻣﻦ ﺍﻫﻠﻲ
ﺣﺴﻴﺖ ﺍﺻﺎﺑﻌﺔ ﺍﻧﻐﺮﺯﺕ ﺑﺨﺼﺮﻱ ﺑﻜﻞ ﻗﻮﺗﺔ ﺻﻠﺒﺖ ﺿﻬﺮﻱ ﻣﻦ ﺍﻷﻟﻢ
ﺳﺤﺒﻨﻲ ﻣﻦ ﺷﻌﺮﻱ ﻭﻗﺮﺏ ﻭﺟﻬﻲ ﻣﻨﺔ : ﺍﻫﻠﻠﻠﺞ ... ﻭﺭﺑﻲ ﻭﺟﻼﻟﺔ ﺍﺫﺍ ﻣﺎ ﺣﺮﻛﺖ ﮔﻠﺐ ﺍﺧﻮﺝ ﻋﻠﻴﺞ ﻭﺣﺮﻛﺖ ﻛﻠﺒﺞ ﻋﻠﻰ ﺍﺧﻮﺝ ﻭﺍﻫﻠﺞ ﻣﺜﻞ ﻣﺎ ﺣﺮﻛﺘﻮ ﻛﻠﺒﻲ ﻋﻠﻰ ﺍﺧﻮﻱ ﻣﺎ ﻳﻄﻠﻊ ﺍﺳﻤﻲ ﻏﺰﻭﺍﻥ ﺍﻟﺠﺎﺳﺮ
ﺣﺴﻴﺖ ﻛﻠﺒﻲ ﺭﺍﺡ ﻳﻮﻛﻒ ﻣﻦ ﺑﻌﺪ ﻛﻠﻤﺘﺔ ﻫﺬﺍ ﻋﻠﻰ ﺷﻨﻮ ﻧﺎﻭﻱ : ﺍﻟﻠﻪ ﻳﺨﻠﻴﻚ ﻻ ﺗﺄﺫﻱ ﺍﻫﻠﻲ ﻭﺍﺧﻮﻱ ﻭﺍﻟﻠﻪ ﻣﺎﻟﻬﻢ ﺫﻧﺐ
ﺻﺮﺥ ﺑﻴﺔ ﻃﻔﺮﺕ ﺭﻭﺣﻲ ﻣﻦ ﺍﻟﺨﻮﻑ : ﻭﺍﺧﻮﻱ ﺷﺠﺎﻥ ﺫﻧﺒﺔ ﺣﺘﻰ ﻳﻨﻜﺘﻞ ... ﻭﺍﻧﻲ ﺷﺬﻧﺒﻲ ﺍﻧﺤﺮﻡ ﻣﻦ ﺍﺧﻮﻱ
ﻣﺎﻛﺪﺭﺕ ﺍﺣﺠﻲ ﻣﻦ ﺍﻟﺨﻮﻑ ﺣﺴﻴﺖ ﺷﻌﺮﻱ ﺗﻜﻄﻊ ﺑﻴﺪﺓ ... ﺟﺮﻧﻲ ﻭﺷﻤﺮﻧﻲ ﺑﺎﻟﻜﺎﻉ ﺣﺴﻴﺖ ﻋﻀﺎﻣﻲ ﺗﻜﺴﺮﺕ ... ﻛﻌﺪ ﻋﻠﻰ ﺭﻛﺒﺘﺔ ﻛﺪﺍﻣﻲ ﻭﺟﺮ ﺷﻌﺮﻱ ﻭﺭﻓﻊ ﺭﺍﺳﻲ ﺣﺠﺔ ﻗﺮﻳﺐ ﻣﻦ ﻭﺟﻬﻲ ﻭﺑﺄﺑﺘﺴﺎﻣﺔ ﻛﻠﻬﺎ ﺧﺒﺚ ﻭﺣﻘﺪ : ﺳﻤﻌﺖ ﺍﻧﺘﻲ ﺣﺒﻴﺒﺔ ﻛﻠﺐ ﺍﺧﻮﺝ ﻳـــﺎ .... ﺫﻛﺮﻳﻨﻲ ﺷﻨﻮ ﺟﺎﻥ ﺍﺳﻤﺞ
ﻏﻤﻀﺖ ﻋﻴﻮﻧﻲ ﻭﺩﻣﻮﻋﻲ ﺗﺼﺐ ﻭﺷﻌﺮﻱ ﺍﺣﺴﺔ ﺗﻜﻄﻊ ﺣﺠﻴﺖ ﺑﺎﻟﻜﻮﺓ : ﻡ ﻣـــﻴــﺎ ﻣــﻴﻦ
ﺍﺑﺘﺴﻢ ﺑﺨﺒﺚ : ﺗﺪﺭﻳﻦ ﻳﺎ ﻣﻴﺎﻣﻴﻦ ﺍﺧﻮﺝ ﻣﺎ ﻳﺪﺭﻱ ﺑﻴﺞ ﺍﺟﻴﺘﻲ ﻓﺼﻠﻴﺔ ﺑﺴﺒﺒﺔ ... ﻭﻃﺒﻌﺎ ﺍﻧﻲ ﺍﻟﻲ ﺭﺍﺡ ﺍﻛﻮﻟﺔ .. ﻣﻌﻘﻮﻟﺔ ﺍﻓﻮﺕ ﻓﺮﺻﺔ ﺷﻮﻓﺘﺔ ﻭﻫﻮ ﻳﺴﻤﻊ ﺧﺒﺮ ﺣﺒﻴﺒﺔ ﮔﻠﺒﺔ ﺍﺧﺬﻭﻫﺎ ﻓﺼﻠﻴﺔ
ﻏﻤﻀﺖ ﻋﻴﻮﻧﻲ ﻭﺟﺮﻳﺖ ﺣﺴﺮﺓ
ﺩﻓﻌﻨﻲ ﻣﻦ ﺷﻌﺮﻱ ﻭﺣﺠﺔ : ﺧﻠﻲ ﻫﺴﺔ ﻋﻠﻰ ﻣﺎ ﻳﻄﻠﻊ ﺍﺑﻮﻱ ﻣﻦ ﺍﻟﻤﺴﺘﺸﻔﻰ ﻭﺍﻧﻲ ﺍﻋﺮﻑ ﺷﻠﻮﻥ ﺍﺗﻔﺮﻏﻠﺞ
ﺭﻓﺴﻨﻲ ﺑﺮﺟﻠﺔ ﻋﻠﻰ ﺿﻬﺮﻱ ﻓﺰﻳﺖ ﻣﻦ ﺍﻟﻮﺟﻊ : ﺍﺍﺍﺍﺥ
ﻃﻠﻊ ﻫﻮ ﻭﺍﻧﻲ ﻛﻤﺖ ﺍﺟﺮ ﺑﻨﻔﺴﻲ ﺟﺮ ﻭﺍﻛﻮﻝ ﺍﻟﺤﻤﺪﺍﻟﻠﻪ ﻋﻠﻰ ﻛﻞ ﺣﺎﻝ ﺍﺗﺤﻤﻠﻲ ﻣﻴﺎﻣﻴﻦ ﻫﺎﻱ ﺑﺲ ﺍﻟﺒﺪﺍﻳﺔ ... ﻻﺯﻡ ﻣﺘﻀﻌﻔﻴﻦ ﺍﺑﻘﻲ ﻗﻮﻳﺔ .. ﺗﺤﻤﻠﻲ ﺍﻟﻠﻪ ﻭﻳﺎﺝ ﺍﻧﺘﻲ ﻣﻮ ﻭﺣﺪﺝ
ﻛﻌﺪﺕ ﺍﺻﺒﺮ ﺑﻨﻔﺴﻲ ﺑﻬﺎﻟﺤﺠﻲ
ﺻﻌﺪﺕ ﻟﻐﺮﻓﺘﻲ ﺩﺧﻠﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻭﻧﺸﻔﺘﺔ ﻃﻠﻌﺖ ﻭﻟﻤﻴﺖ ﺷﻌﺮﻱ ﺯﻳﻦ ﻻﻥ ﻣﻦ ﻛﺜﺮ ﻣﺎ ﺟﺮﻧﻲ ﻣﻦ ﺷﻌﺮﻱ ﺍﻧﻔﺘﺢ ﻭﺍﻧﻲ ﺷﻌﺮﻱ ﻃﻮﻳﻞ ﻭﻳﺘﻌﺐ
ﻛﻌﺪﺕ ﺑﺎﻟﻜﺎﻉ ﻭﻟﻤﻴﺖ ﺭﺟﻠﻴﺔ ﻟﺼﺪﺭﻱ ﻛﻌﺪﺕ ﺍﻓﻜﺮ ﺷﻨﻮ ﺣﻴﺎﺗﻲ ﺍﻟﺠﺎﻳﺔ ﺍﺫﺍ ﻫﺎﻱ ﺑﺪﺍﻳﺘﻬﺎ ﺍﻟﻠﻪ ﻳﻌﻴﻨﺞ ﻣﻴﺎﻣﻴﻦ ﻋﻠﻰ ﺍﻟﻲ ﺟﺎﻱ
ﻭﺭﺓ ﺷﻮﻳﺔ ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﺪﻙ ﻛﻤﺰﺕ ﺑﺲ ﻛﻠﺖ ﺍﻛﻴﺪ ﻣﻮ ﻫﻮ ﻻﻥ ﻫﺎﻱ ﺩﻛﺔ ﺧﻔﻴﻔﺔ ﻭﻫﻮ ﻣﺎ ﺍﻋﺘﻘﺪ ﻳﺪﻙ ﺍﻟﺒﺎﺏ ﺍﺻﻼ
ﻛﻤﺖ ﻭﻓﺘﺤﺖ ﺍﻟﺒﺎﺏ ﺍﺑﺘﺴﻤﺖ : ﺧﺎﺗﻮﻥ
ﺧﺎﺗﻮﻥ ﻭﺑﻴﺪﻫﺎ ﺻﻴﻨﻴﺔ ﺍﻛﻞ ﺯﻏﻴﺮﺓ : ﺍﻱ ﺧﺎﺗﻮﻥ ... ﻛﻠﺖ ﺑﻤﺎ ﺍﻧﺞ ﺍﺟﻴﺘﻲ ﻣﺘﺄﺧﺮﺓ ﺍﻛﻴﺪ ﻣﺎﻛﻮ ﺷﻲ ﻣﻮﺟﻮﺩ ﺣﺘﻰ ﺗﺎﻛﻠﻲ ... ﺟﺒﺘﻠﺞ ﺍﻛﻞ ﺗﻌﺎﻟﻲ ﻧﺘﻌﺸﻰ ﺳﻮﺓ
ﺍﺑﺘﺴﻤﺖ ﺍﻟﻬﺎ ﻭﻫﻲ ﺩﺧﻠﺖ ﺣﻄﺖ ﺍﻟﺼﻴﻨﻴﺔ ﺑﺎﻟﻜﺎﻉ ﻭﺗﺮﺑﻌﺖ : ﻳﻠﺔ ﺗﻌﺎﻟﻲ ﻟﻴﺶ ﺑﻌﺪﺝ ﻭﺍﻛﻔﺔ
ﻛﻌﺪﺕ ﻛﺪﺍﻣﻬﺔ ﻭﺑﺪﻳﺖ ﺍﻛﻞ ﺷﻲ ﺑﺴﻴﻂ ﻣﻊ ﺍﻥ ﺍﻧﻲ ﺍﺣﺐ ﺍﻻﻛﻞ ﺑﺲ ﺍﻧﺴﺪﺕ ﻧﻔﺴﻲ ﻣﻦ ﺑﻌﺪ ﺍﻟﻲ ﺻﺎﺭ
ﺧﺎﺗﻮﻥ : ﻣﻴﺎﻣﻴﻦ ؟
ﻣﻴﺎﻣﻴﻦ ﺑﺎﻟﻲ ﻣﺠﺎﻥ ﻳﻤﻬﺎ ﺭﺩﻳﺖ ﺑﺴﺮﻋﺔ : ﻫﺎ
ﺧﺎﺗﻮﻥ ﺑﻨﻀﺮﺓ ﺗﻔﺤﺺ : ﻟﻴﺶ ﻋﻴﻮﻧﺞ ﺣﻤﺮ ... ﺷﻨﻮ ﺟﻨﺘﻲ ﺗﺒﺠﻴﻦ .... ﻏﺰﻭﺍﻥ ﺳﻮﺍﻟﺞ ﺷﻲ
ﻣﻴﺎﻣﻴﻦ ﺍﺭﺗﺒﻜﺖ : ﻻ ﺍﺻﻼ ﻣﻦ ﺷﻔﺘﺔ ﻃﻠﻌﺖ ﻟﻐﺮﻓﺘﻲ
ﺧﺎﺗﻮﻥ : ﻣﻴﺎﻣﻴﻦ ... ﻻ ﺗﺨﻔﻴﻦ ﺷﻲ .. ﺍﻧﻲ ﺍﻋﺮﻑ ﻏﺰﻭﺍﻥ ﻭﻋﻠﻰ ﺷﻨﻮ ﻧﺎﻭﻱ ... ﺣﺎﻭﻟﺖ ﺍﻣﻨﻌﺔ ﺑﺲ ﻫﻮ ﻣﺤﺪ ﻳﻜﺪﺭ ﻳﻮﻛﻒ ﺑﻮﺟﻬﺔ .. ﺍﻻﻧﺘﻘﺎﻡ ﻋﺎﻣﻲ ﻋﻠﻰ ﻋﻴﻮﻧﺔ ﻭﻣﻴﺸﻮﻑ ﻛﺪﺍﻣﺔ ﻏﻴﺮ ﻓﺎﺭﺱ ... ﺑﺲ ﻻ ﺗﺨﺎﻓﻴﻦ ﺍﻧﻲ ﺭﺍﺡ ﺍﻛﻮﻥ ﻭﻳﺎﺝ .. ﺻﺢ ﻣﺎ ﺍﻛﺪﺭ ﺍﻣﻨﻌﺔ ﻻﻥ ﻣﺴﺘﺤﻴﻞ ﻳﺴﻤﻊ ﻣﻨﻲ
...
ﻣﻴﺎﻣﻴﻦ ﺍﺳﻤﻌﻬﺎ ﺗﺤﺠﻲ ﻭﻃﺎﺣﺖ ﺩﻣﻮﻋﻲ : ﻟﻴﺶ ﻣﺘﻔﻜﺮﻳﻦ ﻣﺜﻞ ﺍﺧﻮﺝ ... ﻟﻴﺶ ﻣﺘﻌﺎﻗﺒﻴﻨﻲ ﻋﻠﻰ ﻣﻮﺕ ﺍﺧﻮﺝ
ﺧﺎﺗﻮﻥ : ﺑﺒﺴﺎﻃﺔ ﻻﻥ ﻣﻮ ﺍﻧﺘﻲ ﺍﻟﻲ ﻗﺘﻠﺘﻲ ﻓﺎﺭﺱ ... ﺍﺧﻮﺝ ﺍﻟﻲ ﺳﻮﺓ ﻫﺎﻟﺸﻲ ﻭﺍﻧﺘﻲ ﻣﺎﻟﺞ ﺫﻧﺐ
ﻣﻴﺎﻣﻴﻦ : ﺭﺍﺋﺪ ﻣﺴﺘﺤﻴﻞ ﻳﻘﺘﻞ ﻓﺎﺭﺱ ... ﺧﺎﺗﻮﻥ ﺍﻧﺘﻲ ﻳﻤﻜﻦ ﻣﺘﻌﺮﻓﻴﻦ ﺭﺍﺋﺪ ﺷﻜﺪ ﻳﺤﺐ ﻓﺎﺭﺱ ﻳﻌﻨﻲ ﻭﻳﻦ ﻣﺎ ﻳﻜﻌﺪ ﻫﻮ ﺑﺴﻴﺮﺗﺔ ... ﻳﻨﺎﻡ ﻭﻳﻜﻌﺪ ﻭﻫﻮ ﻭﻓﺎﺭﺱ ﻟﻴﻞ ﻭﻧﻬﺎﺭ ﻳﺘﺨﺎﺑﺮﻭﻥ ... ﺗﺪﺭﻳﻦ ﻫﻮ ﺟﺎﻥ ﺍﻳﻜﻮﻝ ﻫﺬﺍ ﺍﺧﻮﻳﺔ ﺍﻟﻲ ﻣﺠﺎﺑﺘﺔ ﺍﻣﻲ ... ﺑﻌﺪ ﺷﻠﻮﻥ ﺗﺘﻮﻗﻌﻴﻨﺔ ﻳﻘﺘﻞ ﺍﺧﻮﻩ
ﺧﺎﺗﻮﻥ ﻭﻛﻔﺖ : ﻣﻴﺎﻣﻴﻦ ﺍﻟﺸﻴﻄﺎﻥ ﻋﺪﻝ ﻣﺎ ﻣﺎﺕ ...
ﻣﻴﺎﻣﻴﻦ : ﺑﺲ ﺍﻧﻲ ﺍﻋﺮﻑ ﺍﺧﻮﻱ ﻋﺪﻝ ... ﻭﻫﻮ ﻣﺴﺘﺤﻴﻞ ﻳﻘﺘﻠﺔ
ﺧﺎﺗﻮﻥ ﺑﺄﻧﻔﻌﺎﻝ : ﻣﻴﺎﻣﻴﻦ ﺍﻧﻲ ﻣﺎ ﻋﻨﺪﻱ ﺷﻲ ﻭﻳﺎﺝ ﻳﺨﻠﻴﻨﻲ ﺍﻛﺮﻫﺞ .. ﺑﺲ ﺍﺧﻮﺝ ﻣﺴﺘﺤﻴﻞ ﻧﺴﺎﻣﺤﺔ ﻻﻥ ﺑﺴﺒﺒﺔ ﺍﻧﺤﺮﻣﺖ ﻣﻦ ﺍﺧﻮﻱ ... ﻭﺍﻧﺘﻲ ﻫﺴﺔ ﺗﺤﺠﻴﻦ ﻫﻴﺞ ﺑﺪﺍﻓﻊ ﻋﺎﻃﻔﺘﺞ ﻋﻠﻰ ﺍﺧﻮﺝ ﻭﺣﺒﺞ ﺍﻟﺔ ... ﺑﺲ ﺍﺣﻨﺔ ﻻ
ﺷﺎﻟﺖ ﺍﻟﺼﻴﻨﻴﺔ ﻭﻃﻠﻌﺖ ﺍﻧﻲ ﻃﻠﻌﺖ ﻭﺭﺍﻫﺎ ﺍﺭﻳﺪ ﺍﻋﺘﺬﺭ ﻣﻨﻬﺎ ﻻﻥ ﻫﻲ ﻣﺎﻟﻬﺎ ﺫﻧﺐ ﻭﺣﺎﻟﻬﺎ ﺣﺎﻝ ﺍﻱ ﺷﺨﺺ ﺻﺪﻛﻮ ﺑﺄﻟﻲ ﺷﺎﻓﻮﻩ ﻣﻦ ﺍﺩﻟﺔ ... ﻭﻛﻠﺒﻬﺎ ﻣﺤﺮﻭﻙ ﻋﻠﻰ ﺍﺧﻮﻫﺎ
ﻃﻠﻌﺖ ﻭﺍﻧﻲ ﻃﻠﻌﺖ ﻭﺭﺍﻫﺎ ﺭﺩﺕ ﺍﺣﺠﻲ ﺑﺲ ﺻﺎﺭ ﺑﻮﺟﻬﻨﺎ ﻏﺰﻭﺍﻥ ﺍﻟﻲ ﻛﺎﻋﺪ ﺑﺎﻟﺼﺎﻟﺔ ﻭﻣﺪﺩ ﺭﺟﻠﻲ ﻋﺎﻟﻄﺎﻭﻟﺔ
ﺭﺩﺕ ﺍﺭﺟﻊ ﻟﻮ ﻣﺎ ﻫﻮ ﺷﺎﻓﻨﻲ ...
ﺍﺑﺘﺴﻢ ﺑﺴﺨﺮﻳﺔ : ﺍﻭﻭﻭﻩ ﺧﺎﺗﻮﻥ ﻫﻨﺎ ... ﺻﺎﻳﺮﺍﺕ ﺻﺪﻳﻘﺎﺕ .... ﺑﻬﺎﻟﺴﺮﻋﺔ ﻛﺪﺭﺕ ﺗﻔﺮ ﺭﺍﺳﺞ
ﺃﺷﺮ ﻋﺎﻟﺼﻴﻨﻴﺔ : ﻻ ﻭﺟﺎﻳﺒﺘﻠﻬﺎ ﺍﻻﻛﻞ ﻟﻌﻨﺪﻫﺎ ... ﻋﻔﻴﺔ ﺑﺨﺎﺗﻮﻥ
ﺧﺎﺗﻮﻥ ﺑﺤﺪﺓ : ﻏﺰﻭﺍﻥ ﻣﺎﻟﺔ ﺩﺍﻋﻲ ﻫﺎﻟﺤﺠﻲ ... ﺍﻧﺖ ﻣﻦ ﺍﻟﺒﺪﺍﻳﺔ ﺗﻌﺮﻑ ﺷﻨﻮ ﺭﺃﻳﻲ ﺑﺎﻟﻤﻮﺿﻮﻉ ... ﻭﺍﺫﺍ ﻋﺎﻟﻌﺸﺎ ﺍﻧﺘﻮ ﺍﺟﻴﺘﻮ ﻣﺘﺄﺧﺮﻳﻦ ﻭﺍﻛﻴﺪ ﻫﻲ ﻣﺘﻠﺤﻚ ﺗﺴﻮﻱ ﺍﻛﻞ ﺑﻬﺎﻟﻮﻗﺖ ﻭﺧﺼﻮﺻﺎً ﻫﻲ ﻣﺘﻨﺪﻝ ﺷﻲ ﻫﻨﺎ
ﺍﻟﺘﻔﺖ ﻋﻠﻴﺔ ﻭﻫﻮ ﻋﻠﻰ ﻧﻔﺲ ﺳﺨﺮﻳﺘﺔ : ﻫﻪ ﻻ ﻣﺒﻴﻦ ﻣﺘﻨﺪﻝ ﺷﻲ ﻫﻨﺎ ...
ﻭﺟﻪ ﻛﻠﻤﺘﺔ ﺍﻟﻲ : ﺧﺎﻑ ﻣﺘﻨﺪﻟﻴﻦ ﺍﻟﻤﻄﺒﺦ ﺗﺮﺩﻳﻦ ﺍﺩﻟﻴﺞ ﺑﻲ ... ﺧﻄﻴﺔ ﻻﻥ ﺑﻌﺪﺝ ﻣﺴﺘﻐﺮﺑﺔ ﺍﻟﻤﻜﺎﻥ ﻭﺗﺴﺘﺤﻴﻦ ﺗﺮﺣﻴﻦ ﻭﺣﺪﺝ
ﻧﺰﻟﺖ ﺭﺍﺳﻲ ﻭﺧﺎﺗﻮﻥ ﺍﻟﻲ ﻣﺎ ﻓﻬﻤﺖ ﺷﻲ : ﻳﻠﺔ ﺍﻧﻲ ﺭﺍﻳﺤﺔ ... ﺗﺮﻳﺪ ﺷﻲ
ﺍﺟﻴﺖ ﺍﻛﻮﻟﻠﻬﺎ ﻓﺪﻭﺓ ﻻ ﺗﺮﺣﻴﻦ ﺍﺧﺎﻑ ﺍﺑﻘﻰ ﻭﺣﺪﻱ ﻭﻳﺎﻩ
ﻏﺰﻭﺍﻥ ﺑﺒﺮﻭﺩ : ﺳﻼﻣﺘﺞ ... ﺍﺷﺮ ﻋﺎﻟﺼﻴﻨﻴﺔ ﻣﺎﺭﻳﺪ ﻫﺎﻟﺸﻲ ﻳﺘﻜﺮﺭ
ﺧﺎﺗﻮﻥ ﺗﻨﻬﺪﺕ : ﻣﺎﺷﻲ .... ﺗﺼﺒﺢ ﻋﻠﻰ ﺧﻴﺮ
ﻣﺎ ﺭﺩ ﻋﻠﻴﻬﺎ ﻭﻫﻲ ﻃﻠﻌﺖ
ﺍﻧﻲ ﺩﺭﺕ ﺿﻬﺮﻱ ﺭﺩﺕ ﺍﺻﻌﺪ ﻟﻐﺮﻓﺘﻲ
: ﻭﻳﻴﻴﻴﻴﻴﻴﻴﻦ
ﺍﻟﺘﻔﺘﺖ ﻋﻠﻲ ﺑﺨﻮﻑ : ﺗﻌﺒﺎﻧﺔ ﻣﻦ ﺍﻟﻄﺮﻳﻖ ... ﺍﺭﻳﺪ ﺍﻧﺎﻡ
ﻏﺰﻭﺍﻥ ﺑﺴﺨﺮﻳﺔ : ﺗﻌﺒﺎﻧﺔ ﻣﻦ ﺍﻟﻄﺮﻳﻖ ﻭﺍﻧﺘﻲ ﺟﺎﻳﺒﺘﺔ ﻛﻠﺔ ﻧﺎﻳﻤﺔ
ﺭﺟﻊ ﻛﻌﺪ ﺑﻤﻜﺎﻧﺔ ﻭﻣﺪ ﺭﺟﻠﻲ ﻋﺎﻟﻄﺎﻭﻟﺔ ﻛﺪﺍﻣﺔ : ﺭﻭﺣﻲ ﺳﻮﻳﻠﻲ ﻋﺸﺎ ... ﻭﺍﺫﺍ ﺷﻔﺖ ﺷﻲ ﻣﺎ ﻋﺠﺒﻨﻲ
ﺳﺎﻋﺘﻬﺎ ﻧﺘﻔﺎﻫﻢ
ﺑﻠﻌﺖ ﺭﻳﻜﻲ ﻭﺭﺣﺖ ﻟﻠﻤﻄﺒﺦ : ﺍﻓﻔﻒ ﻫﺴﺔ ﺍﻧﻲ ﺷﻤﺪﺭﻳﻨﻲ ﺷﻴﻌﺠﺒﺔ ﻫﺬﺍ
ﻓﺘﺤﺖ ﺍﻟﺜﻼﺟﺔ ﺷﻔﺖ ﺧﻴﺎﺭ ﻭﻃﻤﺎﻃﺔ
ﻗﻄﻌﺖ ﺍﻟﻄﻤﺎﻃﺔ ﻭﺣﻄﻴﺘﻬﺎ ﺑﺎﻟﻄﺎﻭﺓ ﺍﺗﺬﻛﺮ ﻣﻦ ﺟﺎﻥ ﻳﺠﻴﻨﺔ ﺑﻠﻴﻞ ﻓﺎﺭﺱ ﻭﻳﺒﺎﺕ ﻳﻢ ﺭﺍﺋﺪ ﻳﻜﻌﺪﻧﻲ ﺑﻠﻴﻞ ﺍﺳﻮﻳﻠﻬﻢ ﻃﻤﺎﻃﺔ ﻣﻘﻠﻴﺔ
ﻛﺴﺮﺕ ﺑﻴﻀﺘﻴﻦ ﻓﻮﻙ ﺍﻟﻄﻤﺎﻃﺔ
ﻗﻄﻌﺖ ﺍﻟﺨﻴﺎﺭ ﺑﻤﺎﻋﻮﻥ ﻭﺣﻄﻴﺖ ﻣﻦ ﺍﻟﺰﻳﺘﻮﻥ ﺍﻟﻲ ﻣﺴﺎﻉ ﻣﺎ ﺗﻬﻨﻴﺖ ﺑﻲ
ﻟﻜﻴﺖ ﺭﻭﺑﺔ ﺯﺑﺎﺩﻱ ﺣﻄﻴﺖ ﺑﻜﺎﺳﺔ ﺯﻏﻴﺮﺓ
ﻃﻠﻌﺖ ﺧﺒﺰ ﻣﻦ ﺍﻟﻤﺠﻤﺪﺓ ﻭﺣﻄﻴﺘﺔ ﺑﺎﻟﻔﺮﻥ ﺷﻮﻳﺔ ﺣﺘﻰ ﻳﻄﻠﻊ ﻋﺒﺎﻟﻚ ﻫﺴﺘﻮﺓ ﻣﺨﺒﻮﺯ
ﺍﺧﺬﺕ ﺍﻟﺼﻴﻨﻴﺔ ﻭﺭﺣﺖ ﻟﻠﺼﺎﻟﺔ ﺣﻄﻴﺘﻬﺎ ﻛﺪﺍﻣﺔ
ﻫﻮ ﻳﺒﺎﻭﻉ ﻋﺎﻟﺼﻴﻨﻴﺔ ﺣﺴﻴﺘﺔ ﺿﺎﺝ ﻻﻥ ﺍﻟﺼﻴﻨﻴﺔ ﻣﺮﺗﺒﺔ ﻭﻣﺎ ﻋﻠﻴﻬﺎ ﺣﺠﻲ
ﺭﺩﺕ ﺍﺭﻭﺡ ﻣﺮﺓ ﺛﺎﻧﻴﺔ : ﺍﻭﻭﻛﻔﻲ
ﺣﺴﻴﺘﺔ ﺍﺟﺘﺔ ﻣﻦ ﺍﻟﻠﻪ ﺣﺮﻛﺘﻲ ﻫﻮ ﻣﻦ ﺍﻟﺒﺪﺍﻳﺔ ﺭﺍﻳﺪ ﻳﻀﺮﺑﻨﻲ
ﺑﺪﻭﻥ ﻣﺎ ﺍﺑﺎﻭﻋﻠﺔ : ﻫﺎ
ﺍﺷﺮ ﻋﻠﻰ ﺍﻟﻜﺎﻉ ﻳﻢ ﺭﺟﻠﻲ : ﺗﻌﺎﻱ ﻫﻨﺎ
ﺭﺣﺖ ﻛﻌﺪﺕ ﻭﻳﻦ ﻣﺎ ﺍﺷﺮﻟﻲ
ﻟﺰﻡ ﺷﻌﺮﻱ ﺑﻜﻞ ﻗﻮﺓ ﻭﺭﻓﻊ ﺭﺍﺳﻲ ﻭﻗﺮﺏ ﻭﺟﻬﺔ ﻣﻦ ﻭﺟﻬﻲ : ﺍﻭﻝ ﻗﺎﻋﺪﺓ .. ﻣﺮﺓ ﺛﺎﻧﻴﺔ ﺍﺫﺍ ﺷﻔﺘﻴﻨﻲ ﺍﻛﻞ ﺗﺒﻘﻴﻦ ﻭﺍﻛﻔﺔ ﻟﺤﺪ ﻣﺎ ﺍﺧﻠﺺ .. ﻭﺗﺎﺧﺬﻳﻦ ﺍﻻﻛﻞ ﻣﻦ ﻛﺪﺍﻣﻲ ﻭﺗﺴﺄﻟﻴﻨﻲ ﺗﺮﻳﺪ ﺷﻲ ﻟﻮ ﻻ .. ﺻﺎﺭ ﻣﻌﻠﻮﻡ
ﻏﻤﻀﺖ ﻋﻴﻮﻧﻲ ﻣﻦ ﺍﻻﻟﻢ ﺷﻌﺮﻱ ﺗﻜﻄﻊ
ﺟﺮﻧﻲ ﺍﻗﻮﻯ ﺑﻌﺪ ﻭﻛﺮﺭ ﺑﺼﻮﺕ ﺍﻋﻼ : ﺻﺎﺍﺍﺭ ﻣﻌﻠﻮﻡ
ﺭﺩﻳﺖ ﺑﺎﻧﻔﻌﺎﻝ : ﻟﻴﺶ ﺍﻧﺘﻀﺮﻙ ... ﺍﺫﺍ ﺭﺩﺕ ﺷﻲ ﺻﻴﺤﻨﻲ
ﻏﺰﻭﺍﻥ ﻭﻋﻠﻰ ﻧﻔﺲ ﻭﺿﻌﺔ : ﻫﺬﺍ ﺍﻟﺘﺼﺮﻑ ﻳﺴﻮﻭﻧﺔ ﺍﻟﺰﻭﺟﺎﺕ ﺍﻟﻄﺒﻴﻌﻴﺔ ... ﺍﻣﺎ ﺍﻧﺘﻲ ﺧﺪﺍﻣﺔ ﻫﻨﺎ ﺍﻭ ﺟﺎﺭﻳﺔ ﻓــــﺼـــﻠﻴﺔ
ﺻﻜﻴﺖ ﺳﻨﻮﻧﻲ ﻣﻦ ﺍﻻﻟﻢ ﻭﺣﺠﻴﺖ : ﻭﺍﻟﻔﺼﻠﻴﺔ ﻣﺎﻟﻬﺎ ﺭﺏ ﺍﻟﺨﺪﺍﻣﺔ ﻣﺎﻟﻬﺎ ﺭﺏ
ﻏﺰﻭﺍﻥ ﺻﻚ ﺳﻨﻮﻧﺔ ﻭﻏﺮﺯ ﺍﺻﺎﺑﻌﺔ ﺑﻔﻜﻲ ﺣﺴﻴﺘﺔ ﺭﺍﺡ ﻳﻨﺨﻠﻊ : ﻟﺴﺎﺍﺍﻧﺞ ... ﺻﻮﺗﺞ ﻣﺎ ﻳﻌﻠﻰ ﻛﺪﺍﻣﻲ ﻣﺮﺓ ﺛﺎﻧﻴﺔ
ﺣﺴﻴﺖ ﺧﺪﻱ ﺍﻧﺸﻞ ﻣﻦ ﻗﻮﺓ ﺍﻟﺮﺍﺷﺪﻱ ﺍﻟﻲ ﺿﺮﺑﻨﻴﺎﻩ
ﻃﺤﺖ ﺑﺎﻟﻜﺎﻉ ﺳﻨﺪﺕ ﻧﻔﺴﻲ ﻋﻠﻰ ﺍﻳﺪﻳﺔ
ﺩﺍﺱ ﻋﻠﻰ ﺍﺻﺎﺑﻌﻲ ﻭﻭﻛﻒ : ﺍﺍﺍﺍﺍﺍﺍﺍﻩ ﺍﻳﺪﻱ ﺍﻳﺪﻱ ... ﻓﺪﻭﺓ ﺍﺻﺎﺑﻌﻲ ﺣﺘﺘﻜﺴﺮ
ﻏﺰﻭﺍﻥ ﺑﺒﺮﻭﺩ : ﻭﻫﺬﺍ ﺍﻟﻮﻃﻠﻮﺏ
ﺭﻓﺴﻨﻲ ﺑﺨﺎﺻﺮﺗﻲ ﺑﺮﺟﻠﺔ ﺍﻟﺜﺎﻧﻴﺔ ﺷﻬﻜﺖ ﻣﻦ ﺍﻻﻟﻢ
ﻋﺒﺮ ﻓﻮﻛﺎﻱ ﻭﻣﺸﻰ ﻭﻭﻻ ﻋﺒﺎﻟﻚ ﺳﻮﺓ ﺷﻲ
ﺑﻘﻴﺖ ﺍﺗﻠﻮﻯ ﺑﺎﻟﻜﺎﻉ ﻣﺪﺭﻱ ﻣﻦ ﺍﻳﺪﻱ ﻣﺪﺭﻱ ﻣﻦ ﺧﺎﺻﺮﺗﻲ ﻣﺪﺭﻱ ﺧﺪﻱ ﺍﻟﻲ ﺍﺣﺴﺔ ﻣﺸﺘﻌﻞ ﻧﺎﺭ ﻣﻦ ﻗﻮﺓ ﺍﻟﺮﺍﺷﺪﻱ
ﻛﻤﺖ ﺑﺎﻟﻜﻮﺓ ﻣﻦ ﻣﻜﺎﻧﻲ ﺷﻠﺖ ﺍﻟﺼﻴﻨﻴﺔ ﻻﻥ ﻣﺎﺭﻳﺪﺓ ﻳﻠﻜﺎﻫﺎ ﺣﺠﺔ ﻭﻳﺮﺟﻊ ﻳﻀﺮﺑﻨﻲ
ﻏﺴﻠﺖ ﺍﻟﻤﻮﺍﻋﻴﻦ ﻭﻧﻀﻔﺖ ﻭﺭﺍﻱ ﺍﻟﻤﻄﺒﺦ ﻭﺭﺣﺖ ﻟﻐﺮﻓﺘﻲ ﺗﻤﺪﺩﺕ ﺑﺲ ﻣﺎ ﻛﺪﺭﺕ ﺍﻧﺎﻡ ﺍﺗﻜﻠﺐ ﻭﺍﺑﺠﻲ
ﻣﻦ ﺍﻭﻝ ﻳﻮﻡ ﺍﺷﺘﺎﻗﻴﺖ ﻻﻣﻲ
ﻣﺴﺤﺖ ﺩﻣﻮﻋﻲ : ﻗﻮﻱ ﻧﻔﺴﺞ ﻣﻴﺎﻣﻴﻦ ﻣﻮ ﻭﻗﺖ ﺿﻌﻒ ﺍﻧﺘﻲ ﺑﻌﺪﺝ ﺍﺑﺪﺍﻳﺔ ﺍﻟﻄﺮﻳﻖ ... ﻻ ﺗﺨﻠﻴﻨﺔ ﻳﺎﺧﺬﻫﺎ ﺣﺠﺔ ﻋﻠﻴﺞ ﻭﻳﺴﺘﻤﺮ ﺑﺘﻌﺬﻳﺒﺞ ... ﻻ ﺗﺼﻴﺮﻳﻦ ﺧﻮﺍﻓﺔ ﻭﺍﻭﻛﻔﻲ ﺑﻮﺟﻬﺔ
ﺑﻘﻴﺖ ﺍﺗﻜﻠﺐ ﻣﺎﺩﺭﻱ ﺷﻠﻮﻥ ﻏﻔﻴﺖ
ﻛﻌﺪﺕ ﺍﻟﺼﺒﺢ ﺑﺎﺭﻋﺖ ﻋﺎﻟﺴﺎﻋﺔ ٩ : ﻋﺰﺯﺯﺍﺍﺍﺍ ﺍﻧﻲ ﺑﻌﺪﻧﻲ ﻟﻬﺴﺔ ﻧﺎﻳﻤﺔ .. ﻫﺴﺔ ﺍﻧﻜﺘﻞ ﻻﻥ ﻣﺎ ﺳﻮﻳﺘﻠﺔ ﺭﻳﻮﻙ
ﻛﻤﺖ ﻓﺘﺤﺖ ﺍﻟﺒﺮﺩﺓ ﻭﻓﺘﺤﺖ ﺍﻟﺸﺒﺎﻙ ﺣﺘﻰ ﺗﺘﻬﻮﺓ ﺍﻟﻐﺮﻓﺔ ... ﺳﻤﻌﺖ ﺻﻮﺕ ﺟﻮﺓ ﺑﺎﻭﻋﺖ ﻣﻦ ﺍﻟﺸﺒﺎﻙ
ﺷﻔﺖ ٣ ﺳﻴﺎﺭﺍﺕ ﻫﺴﺘﻮﻫﻦ ﺩﺧﻠﻦ ﻟﺒﻴﺖ ﺍﻫﻞ ﻏﺰﻭﺍﻥ
ﺍﻭﻝ ﺳﻴﺎﺭﺓ ﻧﺰﻝ ﻣﻨﻬﺎ ﻏﺰﻭﺍﻥ ﺑﺴﺮﻋﺔ ﻭﻓﺘﺢ ﺍﻟﺒﺎﺏ ﺍﻟﻮﺭﻯ ﻭﻧﺰﻝ ﻣﻨﻬﺎ ﺭﺟﺎﻝ ﺟﺒﻴﺮ ﺑﺎﻟﻌﻤﺮ ﺷﻌﺮﺓ ﺍﺑﻴﺾ ﻭﻻﺑﺲ ﺩﺷﺪﺍﺷﺔ ﺳﻮﺩﺓ ﺧﻤﻨﺖ ﺍﻥ ﻫﺬﺍ ﺍﺑﻮ ﻏﺰﻭﺍﻥ ﻻﻥ ﻏﺰﻭﺍﻥ ﻳﺸﺒﻬﺔ ﻛﻮﻟﺶ
ﻧﺰﻟﻮ ﻣﻦ ﺍﻟﺴﻴﺎﺭﺍﺕ ﺍﻟﺒﺎﻗﻴﺔ ﻛﻢ ﻭﺍﺣﺪ ﻣﻦ ﺿﻤﻨﻬﻢ ﺣﻤﺰﺓ ﺍﻟﻲ ﺟﺎﺑﻨﺎ ﻣﻦ ﺍﻫﻠﻲ ... ﻭﻭﺍﺣﺪ ﺛﺎﻧﻲ ﻓﺘﺤﺖ ﻋﻴﻮﻧﻲ ﻣﻦ ﺷﻔﺘﺔ ﻟﻮ ﻣﺎ ﻓﺎﺭﺱ ﻣﻴﺖ ﺟﺎﻥ ﻛﻠﺖ ﻫﺬﺍ ﻓﺎﺭﺱ
ﺭﻛﺰﺕ ﺑﺸﻜﻠﺔ ... ﺑﺲ ﻫﺬﺍ ﻣﺒﻴﻦ ﻫﺎﺩﺉ ﻭﺭﺯﻥ ﻭﻭﺟﻬﺔ ﻳﻄﻤﻦ ﻣﺜﻞ ﻣﻴﻜﻮﻟﻮﻥ ﻭﻫﻢ ﺍﺿﺨﻢ ﺷﻮﻱ ﻣﻦ ﻓﺎﺭﺱ
... ﻳﻤﻜﻦ ﺍﺧﻮ ﻟﻮ ﻛﺮﺍﻳﺒﺔ
ﺍﻧﻲ ﻓﺎﺭﺱ ﺷﺎﻳﻔﺘﺔ ﻫﻮﺍﻱ ﻣﺮﺍﺕ ﻭﻳﺔ ﺍﺧﻮﻳﺔ ﺍﺷﻮﻓﺔ ﻣﻦ ﺑﻌﻴﺪ ﻭﻫﻢ ﺻﻮﺭﺓ ﻫﻮ ﻭﺭﺍﺋﺪ ﺗﺎﺭﺳﺔ ﻏﺮﻓﺔ ﺭﺍﺋﺪ
ﺷﻔﺘﻬﻢ ﺍﻟﺘﻔﻮ ﻋﻠﻲ ﻭﺳﻨﺪﻭﻩ ﺣﺘﻰ ﻳﻨﺰﻝ ﺑﺲ ﻫﻮ ﻭﻛﻔﻬﻢ ﻭﺍﺧﺬ ﻋﻮﺟﻴﺘﺔ ‏( ﻋﺼﺎ ‏) ﻣﻦ ﺣﻤﺰﺓ ﻭﺳﻨﺪ ﻧﻔﺴﺔ
ﻣﺎ ﺍﺳﻤﻊ ﺍﺻﻮﺍﺗﻬﻢ ﺑﺲ ﺍﺷﻮﻓﻬﻢ ﻏﺰﻭﺍﻥ ﻭﺍﻟﻮﻟﺪ ﺍﻟﺜﺎﻧﻲ ﻳﺄﺷﺮﻭﻟﺔ ﺍﻥ ﻳﺴﻨﺪﻭﻩ ﺑﺲ ﻫﻮ ﺭﺍﻓﺾ
ﺑﻌﺪﻳﻦ ﺍﻧﺘﺒﻬﺖ ﻟﻨﻔﺴﻲ ﺷﺪﺍ ﺍﺳﻮﻱ : ﻋﺰﺍ ﺍﻟﻌﺰﺍﺝ ﻣﻴﺎﻣﻴﻦ ﺳﺪﻱ ﺍﻟﺸﺒﺎﻙ ﺗﺮﺓ ﺍﺫﺍ ﺷﺎﻓﺞ ﻏﺰﻭﺍﻥ ﺗﺮﺣﻴﻦ ﻭﻃﻲ
ﺭﺣﺖ ﺭﺗﺒﺖ ﻓﺮﺍﺷﻲ ﻭﺑﺪﻟﺖ ﻣﻼﺑﺴﻲ ﻻﻥ ﺟﻨﺖ ﻻﺑﺴﺔ ﺗﺮﺍﻙ ﻣﺎﻋﺮﻑ ﺍﻧﺎﻡ ﺑﺪﺷﺪﺍﺷﺔ
ﻟﺒﺴﺖ ﺩﺷﺪﺍﺷﺔ ﺳﻮﺩﺓ ﻭﺷﺎﻝ ﺍﺳﻮﺩ ﻭﻧﺰﻟﺖ ﺟﻮﺓ
ﻳﻌﻨﻲ ﺷﺴﻮﻱ ﺑﻠﺔ ... ﻫﺴﺔ ﺣﺘﻰ ﻣﺎﻋﻨﺪﻱ ﺗﻠﻴﻔﻮﻥ ﺍﺳﻠﻲ ﻧﻔﺴﻲ ﺑﻲ ﻭﻫﻤﺔ ﻋﺪﻫﻢ ﻓﺎﺗﺤﺔ ﻳﻌﻨﻲ ﻣﻴﺼﻴﺮ ﺍﻓﺘﺢ ﺗﻠﻔﺰﻳﻮﻥ
ﺭﺣﺖ ﻟﻠﻤﻄﺒﺦ ﻛﻠﺖ ﺧﻠﻲ ﺍﺳﻮﻱ ﻏﺪﺍ ﻣﻊ ﺍﻥ ﺑﻌﺪ ﻭﻛﺖ .. ﺑﺲ ﺭﺟﻌﺖ ﻓﻜﺮﺕ ﺍﻛﻴﺪ ﺍﻟﻴﻮﻡ ﻳﺘﻐﺪﻯ ﻳﻢ ﺍﺑﻮﻩ ﻣﺎﺩﺍﻡ ﻃﻠﻌﻮﻩ ﻣﻦ ﺍﻟﻤﺴﺘﺸﻔﻰ
ﻃﻠﻌﺖ ﻭﺑﻘﻴﺖ ﺍﻓﺘﺮ ﺑﺎﻟﺒﻴﺖ
ﺑﻲ ﺍﻛﺜﺮ ﻣﻦ ﻏﺮﻓﺔ ... ﺷﻔﺖ ﻏﺮﻓﺔ ﻣﻘﻔﻮﻟﺔ ﺣﺎﻭﻟﺖ ﺍﻓﺘﺤﻬﺎ ﺑﺲ ﻣﺎ ﺗﻨﻔﺘﺢ .. ﺷﺪﺗﻨﻲ ﻻﻥ ﺑﺎﺑﻬﺎ ﻣﻮ ﺑﺲ ﻭﺍﺣﺪ ﻻ ﺑﺎﺑﻴﻦ ﻭﺟﺒﻴﺮ ﺍﻟﺒﺎﺏ ﺑﻌﺪﻧﻲ ﺭﺩﺕ ﺍﻓﺘﺤﻬﺎ
ﻭﻛﻤﺰﺕ ﻋﻠﻰ ﺍﻟﺼﻮﺕ ﻭﺭﺍﻱ : ﺷﺘــﺴــﻮﻳﻦ ﻫــﻨــﺎ ؟
ﻏﺰﻭﺍﻥ 🏻👇
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ
يتبع