#سجينة_الظلم_والانتقام
بقلم ساره الشمري
٧_______٩
#بارت٧
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻟﻴﺲ ﻓﻲ ﺍﻟﻌﺎﻟﻢ ﻭﺳﺎﺩﺓ ﺍﺣﻦ ﻣﻦ ﺣﻀﻦ ﺍﻣﻲ ..
ﻛﻤﺰﺕ ﻋﻠﻰ ﺍﻟﺼﻮﺕ ﻭﺭﺍﻱ : ﺷﺘــﺴــﻮﻳﻦ ﻫــﻨــﺎ ؟
ﺍﻟﺘﻔﺘﺖ ﺷﻔﺘﺔ ﻭﺍﻛﻒ ﻭﻣﻜﺘﻒ ﺍﻳﺪﻳﻪ ﻭﻳﺒﺎﻭﻋﻠﻲ ﺑﻌﺼﺒﻴﺔ
ﺣﺠﻴﺖ ﺑﺘﻮﺗﺮ : ﻭ ﻭ ﻭﻻ ﺷﻲ ﺑﺲ ﺟﻨﺖ ﺍﺗﻔﺮﺝ ﻋﺎﻟﺒﻴﺖ
ﺣﺠﺔ ﺑﺘﺤﺬﻳﺮ ﻭﺭﻓﻊ ﺍﺻﺒﻌﺔ ﺑﻮﺟﻬﻲ : ﺍﻭﻝ ﻭﺍﺧﺮ ﻣﺮﺓ ﺍﻛﻠﺞ ﻫﺎﻱ ﺍﻟﻐﺮﻓﺔ ﻣﻤﻨﻮﻉ ﺗﻮﺻﻠﻴﻠﻬﺎ .. ﺍﻥ ﺟﺎﻥ ﺍﻧﻲ ﻣﻮﺟﻮﺩ ﺑﻴﻬﺎ ﺍﻭ ﻻ ... ﺳﻤﻌﺘﺘﺘﻲ ؟
ﻣﻴﺎﻣﻴﻦ ﻫﺰﻳﺖ ﺭﺍﺳﻲ : ﺗﻤﺎﻡ
ﻏﺰﻭﺍﻥ : ﻭﻫﺴﺔ ﻭﺧﺮﻱ ﻣﻦ ﻭﺟﻬﻲ
ﻣﻴﺎﻣﻴﻦ : ﺍﺳﻮﻳﻠﻚ ﻏﺪﺍ ﻟﻮ ﺗﺘﻐﺪﺍ ﺑﺮﺓ
ﻏﺰﻭﺍﻥ ﺻﻚ ﺳﻨﻮﻧﺔ : ﻣﺎﺍﺍﺍﺭﻳﺪ ... ﺍﻧﻜﻠﻌﻲ ﻣﻦ ﻭﺟﻬﻲ ﻛﺘﻠﺞ
ﺩﺭﺕ ﻭﺟﻬﻲ ﺍﺭﻳﺪ ﺍﻣﺸﻲ ﻭﺍﻧﻲ ﺍﺳﻤﻊ ﺻﻮﺕ ﺍﻟﻤﻔﺘﺎﺡ ﻭﺩﺧﻞ ﻟﻠﻐﺮﻓﺔ ﻭﺳﺪﻫﺔ ﻭﺭﺍﻩ
ﺭﺣﺖ ﻟﻠﻤﻄﺒﺦ ﺳﻮﻳﺖ ﺟﺎﻱ ﻭﻃﻠﻌﺖ ﺟﺒﻦ ﻭﻛﻌﺪﺕ ﺍﻛﻞ
ﺍﺗﺬﻛﺮﺕ ﺭﺍﺋﺪ ... ﻳﺎﺗﺮﻯ ﺷﻨﻮ ﻭﺿﻌﺔ ﻫﺴﺔ ... ﻋﺮﻓﺖ ﺑﻴﺔ ﺍﺟﻴﺖ ﻓﺼﻠﻴﺔ ﻟﻮ ﻻ ... ﺍﺗﻤﻨﻰ ﻣﺎ ﻳﻌﺮﻑ ﺣﺘﻰ ﻻ ﻳﺤﺲ ﺑﺎﻟﺬﻧﺐ
ﻭﺭﺓ ﺷﻮﻳﺔ ﺳﻤﻌﺖ ﺻﻮﺕ ﺧﻄﻮﺍﺗﺔ ﻃﻠﻊ ﻣﻦ ﺍﻟﺒﻴﺖ : ﺍﻛﻴﺪ ﺟﺎﻥ ﺟﺎﻱ ﺑﺸﻐﻞ
ﻛﻤﺖ ﺗﻤﺪﺩﺕ ﻋﺎﻟﻘﻨﻔﺔ ﻣﺎﻟﺖ ﺍﻟﻬﻮﻝ
ﻣﺤﺴﻴﺖ ﻋﻠﻰ ﻧﻔﺴﻲ ﻣﻦ ﻏﻔﻴﺖ
ﻛﻌﺪﺕ ﻋﻠﻰ ﺻﻮﺕ : ﻣﻴﺎﻣﻴﻦ ﻛﻮﻣﻲ ... ﻟﻴﺶ ﻧﺎﻳﻤﺔ ﻫﻨﺎ
ﺗﺨﻴﻠﺘﻬﺎ ﺍﻣﻲ : ﻣﺎﻣﺎ ﻋﻮﻓﻴﻨﻲ ﻧﻌﺴﺎﻧﺔ
: ﻣﻴﺎﻣﻴﻦ ... ﺍﻛﻌﺪﻱ ﺍﻟﺴﺎﻋﺔ ﺻﺎﺭﺕ ﺏ ١
ﻓﺘﺤﺖ ﻋﻴﻮﻧﻲ : ﺧﺎﺗﻮﻥ
ﺧﺎﺗﻮﻥ : ﺍﻱ ﻳﻠﺔ ﻛﻮﻣﻲ ﺍﻟﺴﺎﻋﺔ ﺑﺎﻟﻮﺣﺪﺓ
ﻃﻔﺮﺕ ﻣﻦ ﻣﻜﺎﻧﻲ : ﻋﺰﺍﺍﺍﺍﺍ ﻫﺎﻱ ﺷﻜﺪ ﻧﻤﺖ
ﺧﺎﺗﻮﻥ : ﻣﺎﺩﺭﻱ ... ﻟﻴﺶ ﻧﺎﻳﻤﺔ ﻫﻨﺎ
ﻣﻴﺎﻣﻴﻦ : ﻣﺎﺩﺭﻱ ﺷﻠﻮﻥ ﻏﻔﻴﺖ ﻗﺒﻞ ﺷﻮﻱ ... ﻳﻤﻜﻦ ﻻﻥ ﺍﻟﺒﺎﺭﺣﺔ ﻧﻤﺖ ﻣﺘﺄﺧﺮ
ﺧﺎﺗﻮﻥ : ﻭﻟﻴﺶ ﻧﻤﺘﻲ ﻣﺘﺄﺧﺮ
ﻣﻴﺎﻣﻴﻦ ﺍﺭﺗﺒﻜﺖ : ﻫﻴﺞ ﺑﺲ ﻻﻥ ﻣﻐﻴﺮﺓ ﻣﻜﺎﻧﻲ ﻣﻤﺘﻌﻮﺩﺓ ﺑﻌﺪﻧﻲ
ﺧﺎﺗﻮﻥ ﺑﻌﺪﻡ ﺗﺼﺪﻳﻖ : ﺍﻳﻪ ... ﻋﻼ ﻛﻮﻻً ﺟﺒﺘﻠﺞ ﻣﺎﻋﻮﻥ ﺗﻤﻦ ﺑﺎﻗﻼﺀ ﻣﺴﻮﻳﻨﺔ ﻻﻥ ﺑﺎﺑﺎ ﻳﺤﺒﺔ ... ﻛﻠﺖ ﻳﻤﻜﻦ ﺗﺤﺒﻴﻨﺔ
ﺍﺑﺘﺴﻤﺖ ﻋﻠﻰ ﻃﻴﺒﺘﻬﺎ ﻭﻻﻥ ﻓﻜﺮﺕ ﺑﻴﺔ : ﺷﻜﺮﺍً ﻳﻌﻤﺮﻱ ... ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺔ ﻭﺍﻟﺪﺝ .. ﺣﻀﻨﺘﻬﺎ ﻭﻫﻲ ﺍﺑﺘﺴﻤﺖ : ﺍﻟﻠﻪ ﻳﺴﻠﻤﺞ ﺣﺒﻲ ﻣﻴﺎﻣﻲ
ﺿﺤﻜﺖ : ﻭﻣﺪﻟﻌﺘﻨﻲ ﻫﻢ ﻣﻴﺎﻣﻲ ﺑﻌﺪ ﺷﺮﻳﺪ
ﺧﺎﺗﻮﻥ ﺍﺑﺘﺴﻤﺖ : ﻳﻠﺔ ﺗﻌﺎﻱ ﺍﻛﻠﻲ ﻻ ﻳﺒﺮﺩ ﺗﺮﺓ ﻳﺼﻴﺮ ﻣﻮ ﻃﻴﺐ .. ﺗﺬﻭﻗﻲ ﺷﻐﻞ ﺍﻡ ﻏﺰﻭﺍﻥ ﺷﻠﻮﻧﺔ
ﻣﻴﺎﻣﻴﻦ ﺗﺬﻛﺮﺕ : ﺑﺲ ﺧﺎﺗﻮﻥ ﺍﻧﺘﻲ ﺗﺪﺭﻳﻦ ﺑﻲ ﻣﺎ ﻳﻘﺒﻞ ﺗﺠﻴﺒﻴﻦ ﺍﻛﻞ ﻫﻨﺎ ... ﺍﻧﻲ ﻣﺎﺭﻳﺪ ﺗﺼﻴﺮﻟﺞ ﻣﺸﻜﻠﺔ ﺑﺴﺒﺒﻲ
ﺧﺎﺗﻮﻥ : ﻣﻌﻠﻴﺞ ﺑﻲ ﺍﻛﻠﻲ ... ﻣﻴﻜﺪﺭ ﻳﺴﻮﻳﻠﻲ ﺷﻲ
ﺣﺠﻴﺖ ﺑﻜﻠﺒﻲ ( ﺑﺲ ﺍﻧﻲ ﻳﻜﺪﺭ ﻳﺴﻮﻳﻠﻲ ﻭﺗﻄﻴﺢ ﺑﻴﺔ )
ﻛﻌﺪﻧﺔ ﻧﺎﻛﻞ ﺍﻟﺘﻤﻦ ﻭﻫﻲ ﺣﺎﻃﺔ ﻋﻠﻲ ﺳﻬﻢ ﻟﺤﻢ ﺟﺒﺖ ﺯﺑﺎﺩﻱ ﻭﺍﻛﻠﻨﺎ ﻭﻳﺎﻩ ﺍﻟﻄﻌﻢ ﻳﺠﻨﻦ ﺍﻭﻝ ﻣﺮﺓ ﺍﺗﺬﻭﻕ ﻫﻴﺞ ﺷﻲ ﺧﻠﺼﻨﺎ ﺍﻟﻤﺎﻋﻮﻥ ﻛﻠﺔ
ﺧﺎﺗﻮﻥ ﺿﺤﻜﺖ : ﻋﺎﻓﻴﺎﺕ ... ﻟﻮ ﺍﺩﺭﻱ ﺟﺎﻳﺒﺔ ﺑﻌﺪ
ﻣﻴﺎﻣﻴﻦ : ﻻ ﻭﺍﻟﻠﻪ ﺷﺒﻌﻨﺎ
ﺧﺎﺗﻮﻥ : ﺗﺤﺪﺛﻲ ﻋﻦ ﻧﻔﺴﺞ ﺍﻧﻲ ﺑﻌﺪﻧﻲ ﻣﺸﺒﻌﺎﻧﺔ
ﺿﺤﺖ ﻋﻠﻴﻬﺎ
ﺗﺮﺑﻌﺖ ﻛﺒﺎﻟﻲ
ﺳﺄﻟﺘﻬﺎ ﺑﻔﻀﻮﻝ : ﻣﻴﺎﻣﻴﻦ ﺍﺣﺠﻴﻠﻲ ﻋﻨﻜﻢ .. ﻳﻌﻨﻲ ﻋﻦ ﻋﺎﺋﻠﺘﻜﻢ .. ﻋﻨﺞ ﺍﻧﺘﻲ
ﺧﺎﺗﻮﻥ : ﺍﻣﻤﻢ ﺍﺣﻨﺎ ٣ ﺍﺧﻮﺍﻥ ( ﻏﺰﻭﺍﻥ ﻭ ﻣﺆﻳﺪ ﻭ ﻓﺎﺭﺱ ) ﻭ٢ ﺍﺧﻮﺍﺕ ( ﺧﺎﺗﻮﻥ ﻭﻣﻬﺎ )
ﻣﻴﺎﻣﻴﻦ : ﻣﺎﺷﺎﻟﻠﻪ ... ﻏﺰﻭﺍﻥ ﺍﻟﺠﺒﻴﺮ ﺍﻟﺼﺢ
ﺧﺎﺗﻮﻥ : ﺍﻱ ﺻﺢ ﻏﺰﻭﺍﻥ ﻋﻤﺮﺓ ٣٤ ﻭ ﻣﺆﻳﺪ ٣٢ ﻭ ﻓﺎﺭﺱ ﺍﻟﻠﻪ ﻳﺮﺣﻤﺔ ﻋﻤﺮﺓ ٣٠ ﻭﻭﺭﺍﻩ ﺍﻧﻲ ﻋﻤﺮﻱ ٢٣ ﻭﻭﺭﺍﻱ ﻣﻬﺎ ﺍﺻﻐﺮ ﻭﺣﺪﺓ ﻋﻤﺮﻫﺎ ١٩
ﺍﺑﺘﺴﻤﺘﻠﻬﺎ : ﻳﻌﻨﻲ ﺍﻧﺘﻲ ﺍﻛﺒﺮ ﻣﻨﻲ ﺑﺨﻤﺲ ﺳﻨﻮﺍﺕ .. ﻣﺒﻴﻨﺔ ﺍﺻﻐﺮ ﻣﻦ ﻫﻴﺞ
ﺧﺎﺗﻮﻥ : ﺍﻱ ﺻﺢ ﻛﻮﻟﻬﺎ ﺍﺗﻜﻮﻝ ﻫﻴﺞ
ﻣﻴﺎﻣﻴﻦ : ﺷﻨﻮ ﺩﺭﺳﺘﻲ ﺟﺎﻣﻌﺔ
ﺧﺎﺗﻮﻥ : ﺩﺭﺳﺖ ﺗﺮﺑﻴﺔ ﺍﺳﻼﻣﻴﺔ ... ﻭﻣﻬﺎ ﺣﺎﻟﻴﺎ ﺗﺪﺭﺱ ﻋﻠﻢ ﺍﻟﻨﻔﺲ ﺍﻭﻝ ﺳﻨﺔ ... ﻭﺍﻧﺘﻲ ﺷﻨﻮ ﺗﺪﺭﺳﻴﻦ
ﻣﻴﺎﻣﻴﻦ ﺩﻧﻜﺖ : ﺍﻧﻲ ﺳﺎﺩﺱ ﻋﻠﻤﻲ ﻳﻌﻨﻲ ﺑﻜﻠﻮﺭﻳﺎ ... ﺑﺲ ﻣﺜﻞ ﻣﺘﺸﻮﻓﻴﻦ ﻣﺎ ﻛﻤﻠﺘﺔ
ﺧﺎﺗﻮﻥ ﺣﺎﻭﻟﺖ ﺗﻐﻴﺮ ﺍﻟﻤﻮﺿﻮﻉ : ﺷﻨﻮ ﻫﻮﺍﻳﺎﺗﺞ
ﻣﻴﺎﻣﻴﻦ : ﺍﺣﺐ ﺍﻗﺮﺓ ﺭﻭﺍﻳﺎﺕ ﻭﺍﺳﺘﻤﺘﻊ ﺑﺎﻟﻘﺼﺺ ﺍﻟﻐﺎﻣﻀﺔ ﻣﺜﻞ ﻗﺼﺺ ﺍﺟﺎﺛﺎ ﻛﺮﻳﺴﺘﻲ
ﺧﺎﺗﻮﻥ : ﺍﻧﻲ ﺍﺧﻠﺺ ﻣﻦ ﻣﻬﺎ ﺗﻄﻠﻌﻴﻠﻲ ﺍﻧﺘﻲ
ﻣﻴﺎﻣﻴﻦ ﺿﺤﻜﺖ : ﻟﻴﺶ ﺍﻧﺘﻲ ﺷﻨﻮ ﺍﺧﺮ ﻛﺘﺎﺏ ﻗﺮﻳﺘﻲ
ﺧﺎﺗﻮﻥ ﺑﺘﻔﻜﻴﺮ : ﺍﻣﻤﻤﻢ ﺑﺤﺚ ﻋﻦ ﺗﻌﺎﻟﻴﻢ ﺍﻟﺪﻳﻦ ﺍﻻﺳﻼﻣﻲ ﺑﺎﻟﺠﺎﻣﻌﺔ
ﺿﺤﻜﺖ ﻋﻠﻴﻬﺎ : ﻳﻌﻨﻲ ﻣﺘﻘﺮﻳﻦ ﻛﺘﺐ ﺍﺑﺪ
ﺧﺎﺗﻮﻥ : ﻻ ﻣﺎﺣﺐ
ﻣﻴﺎﻣﻴﻦ : ﻟﻌﺪ ﺷﻨﻮ ﺗﺤﺒﻴﻦ ﺗﺴﻮﻳﻦ ﺑﻮﻗﺖ ﻓﺮﺍﻏﺞ
ﺧﺎﺗﻮﻥ : ﺍﻣﻤﻢ ﺍﻃﺒﺦ ﻣﺜﻼ
ﻣﻴﺎﻣﻴﻦ ﺍﺷﺮﺕ ﻋﻠﻰ ﺟﺴﻤﻬﺎ ﺑﺸﻘﺔ : ﻣﺒﻴﻦ ﻋﻠﻴﺞ ﺗﺤﺒﻴﻦ ﺍﻟﻄﺒﺦ
ﺿﺤﻜﺖ ﻭﺿﺮﺑﺘﻨﻲ ﻋﻠﻰ ﻛﺘﻔﻲ ﻉ ﻛﻴﻒ : ﻉ ﺍﺳﺎﺱ ﺍﻧﺘﻲ ﺭﺷﻴﻘﺔ ... ﺍﻧﻲ ﺍﺳﻤﻦ ﻣﻨﺞ ﺑﺸﺸﺸﺸﻮﻱ
ﺿﺤﻜﺖ ﻋﻠﻴﻬﺎ
ﻗﺎﻃﻊ ﺿﺤﻜﺎﺗﻨﺎ ﺻﻮﺗﺔ : ﻣﺎ ﺷﺎﺀ ﺍﻟﻠﻪ ﻛﺎﻟﺒﺎﺕ ﺍﻟﺒﻴﺖ ﻛﻬﻮﺓ
ﺍﺧﺘﻔﺖ ﺍﺑﺘﺴﺎﻣﺘﻲ ﻣﻦ ﺷﻔﺘﺔ
ﺧﺎﺗﻮﻥ : ﻋﺎﺩﻱ ﺟﻨﺔ ﻧﺪﺭﺩﺵ ﺷﻮﻱ ... ﺗﻔﻀﻞ ﺍﻛﻌﺪ ﻭﻳﺎﻧﺔ
ﻏﺰﻭﺍﻥ ﺑﺒﺮﻭﺩ : ﺣﺸﺎﺝ ﺧﺎﺗﻮﻧﺔ ﺑﺲ ﻣﻮ ﻣﻦ ﻣﺴﺘﻮﺍﻱ ﻫﻴﺞ ﻛﻌﺪﺍﺕ
ﺧﺎﺗﻮﻥ : ﻏﺰﻭﻭﻭﺍﻥ ..... ﺍﻧﻲ ﺭﺍﻳﺤﺔ ﻋﻦ ﺍﺫﻧﻜﻢ
ﻃﻠﻌﺖ ﺧﺎﺗﻮﻥ ﻭﺍﻧﻲ ﻣﺸﻴﺖ ﻣﻦ ﻳﻤﺔ ﺍﺭﻳﺪ ﺍﺭﻭﺡ ﺑﺲ ﺟﺮﻧﻲ ﻣﻦ ﺯﻧﺪﻱ ﺣﻴﻞ : ﻭﻫﺴﺔ ﺍﺟﺔ ﺩﻭﺭﺝ
ﻣﻴﺎﻣﻴﻦ ﺧﻔﺖ ﺑﺲ ﺣﺎﻭﻟﺖ ﻣﺎ ﺍﺑﻴﻦ : ﺑﺸﻨﻮ
ﻏﺰﻭﺍﻥ : ﺍﻓﺎ ... ﻣﺎ ﻋﺮﻓﺘﻲ ﺷﻨﻮ ... ﺍﻧﺘﻲ ﺗﺪﺭﻳﻦ ﺍﻧﻲ ﺟﻨﺖ ﻣﺸﻐﻮﻝ ﻋﻨﺞ ﻭﻣﻠﺘﻬﻲ ﺑﺎﻟﻤﺴﺘﺸﻔﻰ ﻳﻢ ﺍﺑﻮﻱ .. ﺑﺲ ﻫﺴﺔ ﻣﺤﺪ ﻳﺨﻠﺼﺞ ﻣﻨﻲ
ﻣﻴﺎﻣﻴﻦ ﺧﻔﺖ ﻣﻦ ﺑﻌﺪ ﻛﻼﻣﺔ : ﻟﻴﺶ ﺷﻨﻮ ﻧﺎﻭﻱ ﺗﺴﻮﻱ ﺑﻌﺪ ﺍﻛﺜﺮ ﻣﻦ ﺍﻟﻲ ﺳﻮﻳﺘﺔ
ﻏﺰﻭﺍﻥ : ﺍﻭﻭﻭﻭ .. ﺑﻌﺪﺝ ﻣﺎ ﺷﺎﻳﻔﺔ ﺷﻲ .. ﻫﺴﺔ ﺗﻌﺮﻓﻴﻦ ﺷﺴﻮﻱ
ﺟﺮﻧﻲ ﻣﻦ ﺷﻌﺮﻱ ﻭﻳﺴﺤﺐ ﺑﻴﺔ ﻭﺍﻧﻲ ﺍﺣﺲ ﺷﻌﺮﻱ ﺗﻜﻄﻊ ﺑﻴﺪﺓ : ﻏﺰﻭﺍﻥ ﺍﻟﻠﻪ ﻳﺨﻠﻴﻚ ﻓﻚ ﺷﻌﺮﻱ ﻭﺍﻟﻠﻪ ﺩﺗﻮﺟﻌﻨﻲ
ﻏﺰﻭﺍﻥ ﺑﺪﻭﻥ ﻣﺎ ﻳﺒﺎﻭﻋﻠﻲ ﻭﻣﺴﺘﻤﺮ ﺑﺎﻟﻤﺸﻲ : ﻫﺴﺔ ﺗﻌﺮﻓﻴﻦ ﺍﻟﻮﺟﻊ ﺍﻟﺼﺪﻙ
ﻣﻴﺎﻣﻴﻦ ﺍﻳﺪﻱ ﻻﺯﻣﺔ ﺍﻳﺪﺓ ﺍﻟﻲ ﻋﻠﻰ ﺷﻌﺮﻱ : ﻭﻳﻦ ﻣﺎﺧﺬﻧﻲ ... ﻋﻮﻓﻨﻲ ﻓﺪﻭﺓ
ﺷﻔﺘﺔ ﻣﺎﺧﺬﻧﻲ ﺑﺄﺗﺠﺎﻩ ﻭﺣﺪﺓ ﻣﻦ ﺍﻟﻐﺮﻑ ﺧﻔﺖ ﻫﺬﺍ ﺷﻴﺮﻳﺪ ﻳﺴﻮﻱ
ﻓﺘﺢ ﺍﻟﻐﺮﻓﺔ ﻭﺷﻤﺮﻧﻲ ﺑﺎﻟﻜﺎﻉ ﻭﺩﺧﻞ ﻭﺳﺪ ﺍﻟﺒﺎﺏ
ﻣﻴﺎﻣﻴﻦ ﻭﺍﺑﺠﻲ ﻛﻠﺖ ﺑﺘﻮﺳﻞ : ﻏﺰﻭﺍﻥ ﺍﻟﻠﻪ ﻳﺨﻠﻴﻚ ﻻ ﺗﻠﻤﺴﻨﻲ
ﻏﺰﻭﺍﻥ ﺑﺴﺨﺮﻳﺔ : ﻫﻪ ﻣﻮ ﻏﺰﻭﺍﻥ ﺍﻟﻲ ﻳﻠﻤﺲ ﻭﺣﺪﺓ ﻣﺜﻠﺞ .. ﺟﺎﻳﺔ ﻣﻦ ﻋﺎﺋﻠﺔ ﺧﻮﻧﺔ ﻭﻣﺠﺮﻣﻴﻦ ... ﺍﻧﺘﻲ ﺷﺘﻄﻠﻌﻴﻦ ﻟﻌﺪ
ﻣﻴﺎﻣﻴﻦ ﺑﻌﺼﺒﻴﺔ : ﺍﻫﻠﻲ ﻣﻮ ﺧﻮﻧﺔ ﻭﻻ ﻣﺠﺮﻣﻴﻦ ... ﺍﻧﺘﻮ ﺍﻟﻲ ﻋﻘﻠﻴﺘﻜﻢ ﻣﻨﺤﻄﺔ
ﻏﺰﻭﺍﻥ ﻗﺮﺏ ﻣﻨﻲ ﻭﺟﺮ ﺷﻌﺮﻱ ﻣﻦ ﻭﺭﺓ ﺻﺎﺭ ﻭﺟﻬﺔ ﻗﺮﻳﺐ ﻛﻮﻟﺶ ﻣﻦ ﻭﺟﻬﻲ ﻭﺍﻧﻔﺎﺳﺔ ﺍﻟﺤﺎﺭﺓ ﻣﻦ ﺍﻟﻌﺼﺒﻴﺔ ﺗﻀﺮﺏ ﺑﻮﺟﻬﻲ : ﺍﺣﻨﺔ ﻋﻘﻠﻴﺘﻨﺔ ﻣﻨﺤﻄﺔ ﻣﻮ ... ﺭﺍﺡ ﺍﺧﻠﻴﺞ ﺑﻨﻔﺴﺞ ﺍﺗﻜﻮﻟﻴﻦ ﺍﺧﻮﻱ ﺍﻟﻜﺘﻞ ﻓﺎﺭﺱ
ﻣﻴﺎﻣﻴﻦ ﺣﺠﻴﺖ ﺑﻌﺼﺒﻴﺔ ﻭﻭﺟﻬﻲ ﺑﻌﺪﺓ ﻗﺮﻳﺐ ﻣﻨﺔ : ﻣﺴﺘﺤﻴﻞ ﻫﺎﻟﺸﻲ ... ﺑﺄﺣﻼﻣﻚ ... ﺍﺧﻮﻱ ﻟﻮ ﺍﺷﻮﻓﺔ ﺑﻌﻴﻨﻲ ﻳﻘﺘﻞ ﻓﺎﺭﺱ ﻣﺎ ﺍﺻﺪﻙ
ﻏﺰﻭﺍﻥ ﻭﻫﻮ ﻳﻮﻛﻒ : ﺳﻬﻠﺔ ﻫﺴﺔ ﺍﻧﺸﻮﻑ
ﺭﺍﺡ ﻓﺘﺢ ﺍﻟﻜﻨﺘﻮﺭ ﻃﻠﻊ ﻣﻨﺔ ﺣﺰﺍﻡ ... ﺍﻧﻲ ﻛﻠﺒﻲ ﺭﺍﺩ ﻳﻄﻠﻊ ﻣﻦ ﻣﻜﺎﻧﺔ
ﺯﺣﻔﺖ ﻟﻮﺭﻯ ﻭﻫﻮ ﻳﺘﻘﺪﻡ ﻧﺎﺣﻴﺘﻲ ﻭﻳﻄﺒﻚ ﺑﺎﻟﺤﺰﺍﻡ ﻭﻋﻠﻰ ﻭﺟﻬﺔ ﺍﺑﺘﺴﺎﻣﺔ ﺧﺒﺚ ﻭﻫﻮ ﺍﻳﺸﻮﻓﻨﻲ ﺍﺷﻠﻮﻥ ﺧﺎﻳﻔﺔ
ﺯﺣﻔﺖ ﻟﻮﺭﻯ ﺍﻻ ﺍﻥ ﺣﺴﻴﺖ ﺿﻬﺮﻱ ﺍﻧﻀﺮﺏ ﺑﺎﻟﻜﻮﻣﺪﻱ ... ﺍﻋﺘﻠﺖ ﺍﺑﺘﺴﺎﻣﺘﺔ
ﺣﺴﻴﺖ ﻓﺨﺬﻱ ﺍﺷﺘﻌﻠﺖ ﺑﻲ ﻧﺎﺭ ﻣﻦ ﻗﻮﺓ ﺍﻟﻀﺮﺑﺔ ﺍﻟﻲ ﺍﺟﺖ ﻋﻠﻲ ﺻﺮﺧﺖ ﻣﻦ ﻛﻠﺒﻲ ﻣﻦ ﺍﻟﻮﺟﻊ
ﺗﻌﻤﺪ ﻳﺨﻠﻲ ﺟﻬﺔ ﺍﻟﺤﺪﻳﺪﺓ ﺑﺄﺗﺠﺎﻫﻲ ﺣﺘﻰ ﺍﺗﺄﻟﻢ ﺍﻛﺜﺮ
ﺣﺎﻭﻃﺖ ﻭﺟﻬﻲ ﺑﺄﺩﻳﺔ ﺣﺘﻰ ﺍﺣﻤﻲ ﻣﻦ ﺍﻟﻀﺮﺑﺎﺕ ﺍﻟﻲ ﺗﻮﺍﻟﺖ ﻋﻠﻰ ﺟﺴﻤﻲ ﻟﻤﻴﺖ ﺭﺟﻠﻴﺔ ﻟﺼﺪﺭﻱ ﻭﻏﻄﻴﺖ ﻭﺟﻬﻲ ﺑﺄﻳﺪﻳﺔ ﻭﺍﻧﻲ ﺍﺷﻬﻚ ﻭﺍﺳﺘﻨﺠﺪ ﺑﻲ ﺍﻥ ﻳﺘﻮﻗﻒ ﺑﺲ ﻻ ﺣﻴﺎﺓ ﻟﻤﻦ ﺗﻨﺎﺩﻱ
ﺿﺮﺑﺔ ﺍﻟﺤﺪﻳﺪ ﺻﺎﺭﺕ ﻣﺜﻞ ﻟﺴﻌﺎﺕ ﺍﻟﻨﺎﺭ ﻋﻠﻰ ﺿﻬﺮﻱ ﻭﻫﻮ ﺻﺎﺭ ﻳﻠﻬﺚ ﻣﻦ ﻛﺜﺮ ﺍﻟﻀﺮﺏ ﺑﺲ ﺍﺳﺘﻤﺮ ﺑﺎﻟﻀﺮﺏ
ﺭﻓﺴﻨﻲ ﺑﺨﺎﺻﺮﺗﻲ ﻭﻛﻌﻨﻲ ﺑﺎﻟﻜﺎﻉ ﺣﺘﻰ ﺍﻓﻚ ﻧﻔﺴﻲ ﻭﻳﻜﺪﺭ ﻳﻀﺮﺏ ﺑﺎﻗﻲ ﺟﺴﻤﻲ
ﺻﺮﺧﺖ ﺑﻘﻮﺗﻲ ﻟﻤﺎ ﺍﺟﺖ ﺍﻟﻀﺮﺑﺔ ﺑﺎﻟﺤﺪﻳﺪﺓ ﻋﻠﻰ ﺑﻄﻨﻲ : ﺍﺍﺍﺍﺍﺍﻩ ... ﻛﺎﻓﻲ ﺍﺭﺣﻤﻨﻲ ﻓﺪﻭﺓ
ﻏﺰﻭﺍﻥ ﻭﻛﻒ ﻭﻫﻮ ﻳﻠﻬﺚ ﻣﻦ ﻛﺜﺮ ﺍﻟﻀﺮﺏ : ﺍﻧﺴﻲ ﺷﻲ ﺍﺳﻤﺔ ﺭﺣﻤﺔ ﻭﺍﻧﺘﻲ ﻳﻤﻲ .. ﻭﻫﺴﺔ ﻛﻮﻣﻲ ﺍﻃﻠﻌﻲ ﻣﻦ ﻏﺮﻓﺘﻲ
ﻣﻴﺎﻣﻴﻦ ﺟﺴﻤﻲ ﻛﻠﺔ ﻳﺮﺟﻒ ﻣﺎ ﺍﻛﺪﺭ ﺍﺣﺮﻛﺔ ﻣﻦ ﺍﻟﻮﺟﻊ ﻭﺑﺲ ﺷﻬﻜﺎﺗﻲ ﺗﻄﻠﻊ ﻭﺧﺪﻱ ﻋﺎﻻﺭﺽ ﻭﺩﻣﻮﻋﻲ ﺗﺼﺐ
ﻓﺰﻳﺖ ﻋﻠﻰ ﺻﻮﺗﺔ ﻭﻫﻮ ﻳﺼﻴﺢ : ﻛﻮﻭﻭﻭﻭﻣﻲ ... ﻻ ﻭﺭﺑﺞ ﻫﺴﺔ ﺍﻛﻤﻞ ﻋﻠﻴﺞ ﺍﻛﺜﺮ ﻣﻦ ﻫﻴﺞ
ﺷﺪﻳﺖ ﻋﻠﻰ ﻧﻔﺴﻲ ﺑﺎﻟﻜﻮﺓ ﻭﻛﻤﺖ ﺟﺮﻳﺖ ﻧﻔﺴﻲ ﺟﺮ ﻭﺍﻧﻲ ﺍﺗﻤﺴﻚ ﺑﺎﻟﺤﺎﻳﻂ ﻭﺍﻳﺪﻱ ﻋﻠﻰ ﺑﻄﻨﻲ ﻣﻜﺎﻥ ﺍﻟﻀﺮﺑﺔ ﻣﺠﺮﺩ ﻣﺎ ﺍﻟﻤﺴﻬﺎ ﻳﺰﻳﺪ ﺍﻻﻟﻢ
ﻃﻠﻌﺖ ﻣﻦ ﻏﺮﻓﺘﺔ ﻃﺒﻚ ﺍﻟﺒﺎﺏ ﻭﺭﺍﻱ ... ﺑﺎﻟﻜﻮﺓ ﻭﺻﻠﺖ ﻟﻐﺮﻓﺘﻲ ﺳﺪﻳﺖ ﺍﻟﺒﺎﺏ
ﺷﻤﺮﺕ ﻧﻔﺴﻲ ﻋﺎﻟﺠﺮﺑﺎﻳﺔ ﻭﺟﺮﻳﺖ ﺍﻟﻤﺨﺪﺓ ﻭﺩﻓﻨﺖ ﻭﺟﻬﻲ ﺑﻴﻬﺎ ﻭﻃﻠﻌﺖ ﺻﺮﺧﺔ ﻣﻦ ﻛﻠﺒﻲ ﻣﻮ ﺑﺲ ﻣﻦ ﺻﻮﺗﻲ
ﺣﻄﻴﺖ ﺭﺍﺳﻲ ﻋﺎﻟﻤﺨﺪﺓ ﻭﻟﻤﻴﺖ ﺟﺴﻤﻲ ﻣﺜﻞ ﺍﻟﺠﻨﻴﻦ ﻭﺻﺮﺕ ﺍﺑﺠﻲ ﻭﺍﺷﻬﻚ ﻭﺍﻭﻥ ﻣﻦ ﺍﻻﻟﻢ : ﺍﺍﺍﺍﺥ ﻳﻤﻤﻤﻤﺔ ... ﻭﻳﻨﺞ ﻳﻤﺔ ﺗﻌﺎﻟﻴﻠﻲ ... ﻣﺤﺘﺎﺟﺘﻠﺞ ... ﺍﺧﺬﻳﻨﻲ ﻟﺤﻀﻨﺞ
ﺑﺠﻴﺖ ﻭﺑﺠﻴﺖ ﻟﺤﺪ ﻣﺎ ﺗﻌﺒﺖ ﻛﻤﺖ ﻣﻦ ﻣﻜﺎﻧﻲ .. ﺑﺎﻟﻜﻮﻭﻭﺓ ﺳﻴﻄﺮﺕ ﻋﻠﻰ ﺟﺴﻤﻲ ﻣﻦ ﺍﻻﻟﻢ
ﺩﺧﻠﺖ ﻟﻠﺤﻤﺎﻡ ... ﺷﻐﻠﺖ ﺍﻟﻤﻲ ﺍﻟﺒﺎﺭﺩ ﺣﺘﻰ ﻳﺒﺮﺩ ﺟﺴﻤﻲ ﺍﻟﻲ ﺍﺷﺘﻌﻞ ﻧﺎﺭ ﺑﺲ ﻣﻦ ﺍﻟﻀﺮﺏ .. ﻭﺑﻠﻜﻲ ﻳﺒﺮﺩ ﻛﻠﺒﻲ
ﺩﺧﻠﺖ ﺟﻮﺓ ﺍﻟﺪﻭﺵ ﻭﺍﺧﺘﻠﻄﺖ ﺩﻣﻮﻋﻲ ﺍﻟﺤﺎﺭﺓ ﻭﻳﺔ ﺍﻟﻤﻲ ﺍﻟﺒﺎﺭﺩ
ﺑﻘﻴﺖ ﺷﻮﻳﺔ ﺟﻮﺓ ﺍﻟﻤﻲ ﻭﺑﻌﺪﻳﻦ ﻧﺸﻔﺖ ﺷﻌﺮﻱ ﺑﺎﻟﻤﻨﺸﻔﺔ ﺑﺎﻭﻋﺖ ﻟﺠﺴﻤﻲ ﺑﻤﺮﺍﻳﺔ ﺍﻟﺤﻤﺎﻡ ... ﺻﺎﻳﺮ ﺷﻲ ﺍﺯﺭﻙ ﺷﻲ ﺑﻨﻔﺴﺠﻲ ﺷﻲ ﺍﺣﻤﺮ ..
ﺑﺎﻭﻋﺖ ﻟﻨﻔﺴﻲ ﺑﺎﻟﻤﺮﺍﻳﺔ : ﻫﺎﻱ ﺍﻭﻝ ﻳﻮﻡ ﻭﻫﻴﺞ ﺻﺎﺭ ﺑﻴﺞ ﻣﻴﺎﻣﻴﻦ ... ﻭﺍﻧﺘﻲ ﺿﻌﻔﺘﻲ ﻣﻦ ﺍﻭﻝ ﻳﻮﻡ ... ﻻ ﻗﻮﻱ ﻧﻔﺴﺞ ﺗﺤﻤﻠﻲ ﺍﻟﻲ ﺟﺎﻳﺞ ... ﺍﻧﺘﻲ ﺍﺧﺘﺎﺭﻳﺘﻲ ﻫﺎﻟﺸﻲ ﻭﻻﺯﻡ ﺗﺘﺤﻤﻠﻴﻦ ... ﺍﻟﻲ ﺟﺎﻱ ﺍﻗﻮﻯ ﻣﻦ ﻫﺬﺍ ﻭﺍﻧﺘﻲ ﻣﻦ ﺍﻭﻝ ﻣﺮﺓ ﺍﻧﻬﺎﺭﻳﺘﻲ ... ﻻ ﺩﻳﺮﻱ ﺑﺎﻟﺞ ﺍﺗﺤﺤﺤﻤﻤﻤﻠﻲ
ﻓﺘﺤﺖ ﺍﻟﻤﻐﺴﻠﺔ ﻭﻏﺴﻠﺖ ﻭﺟﻬﻲ ﺑﻤﻲ ﺑﺎﺭﺩ ﺍﻛﺜﺮ ﻣﻦ ﻣﺮﺓ ﻧﺸﻔﺖ ﻭﻃﻠﻌﺖ
ﻃﻠﻌﺖ ﺩﺷﺪﺍﺷﺔ ﺳﻮﺩﺓ ﻭﺷﺎﻝ ﺍﺳﻮﺩ
ﻣﺸﻄﺖ ﺷﻌﺮﻱ ﻭﻟﻔﻴﺘﺔ ﺧﻠﻴﺖ ﻣﻌﻄﺮﺍﺕ ﺍﻟﺠﺴﻢ
ﺑﺪﻟﺖ ﻭﻛﻤﻠﺖ ﺑﺎﻭﻋﺖ ﻟﻠﺴﺎﻋﺔ ﺏ ٤
ﻧﺰﻟﺖ ﻣﻦ ﺍﻟﺪﺭﺝ ﺍﻟﺒﻴﺖ ﻫﺪﻭﺀ .. ﻳﻤﻜﻦ ﻃﺎﻟﻊ
ﻭﮔﻠﻌﺘﻬﻢ ﺧﻠﻲ ﻳﻄﻠﻊ ﺍﺭﺗﺎﺡ ﻣﻦ ﺷﻮﻓﺘﺔ ﺷﻮﻳﺔ
ﺩﺧﻠﺖ ﻟﻠﻤﻄﺒﺦ ﺷﻔﺘﺔ ﻛﺎﻋﺪ ﻉ ﻛﺮﺳﻲ ﺍﻟﻄﺎﻭﻟﺔ ﻭﻳﺨﺎﺑﺮ
ﺭﺩﺕ ﺍﻃﻠﻊ ﺑﺲ ﺍﺷﺮﻟﻲ ﺍﻧﺘﻀﺮ ﻭﺍﺷﺮ ﺑﻴﺪﺓ ﺑﺤﺮﻛﺔ ﺍﻟﻲ ﻳﺨﻮﻁ ﺑﻴﻬﺎ ﺍﻟﺠﺎﻱ .. ﺑﻤﻌﻨﻰ ﺳﻮﻳﻠﻲ ﺟﺎﻱ
ﺭﺣﺖ ﺣﻄﻴﺖ ﺑﺎﻟﻘﻮﺭﻱ ﻣﻲ ﺣﺎﺭ ﻣﻦ ﺍﻟﺒﺮﺍﺩ ﻭﺣﻄﻴﺘﺔ ﻋﺎﻟﻨﺎﺭ
ﻣﺎ ﺍﻧﺘﺒﻬﺘﻠﺔ ﻣﻦ ﺳﺪ ﺍﻟﺘﻠﻴﻔﻮﻥ : ﻫﻪ ﺍﺷﻮﻓﺞ ﺭﺟﻌﺘﻲ ﻣﺜﻞ ﻗﺒﻞ ... ﻻﺯﻡ ﻣﺎ ﺍﺛﺮﺕ ﺑﻴﺞ ﺍﻟﺪﻛﺔ ... ﺑﺲ ﻭﻟﻮ ﻫﻮ ﺍﻟﻤﻄــ ## ﺷﻤﺎ ﺗﻀﺮﺑﺔ ﻣﺎ ﻳﺄﺛﺮ ﺑﻲ
ﺭﺩﻳﺖ ﻋﻠﻲ ﺑﺄﺑﺘﺴﺎﻣﺔ : ﻛﻼﻣﻚ ﻫﺬﺍ ﻳﺪﻝ ﻋﻠﻰ ﺍﻋﺘﺮﺍﻓﻚ ﺑﻘﻮﺗﻲ ﻭﻗﺪﺭﺓ ﺗﺤﻤﻠﻲ ﺍﻟﻚ
ﻏﺰﻭﺍﻥ ﺯﺍﺩﺕ ﺍﺑﺘﺴﺎﻣﺘﺔ ﻭﺭﺩ ﺑﺒﺮﻭﺩ : ﺍﻱ ﺻﺢ ﻭﺍﻛﺒﺮ ﺩﻟﻴﻞ .. ﺍﻟﻌﻴﻮﻥ ﺍﻟﺤﻤﺮ ﻭﺍﻟﺪﻣﻮﻉ ﺍﻟﻲ ﻣﺎﻭﻛﻔﺖ ... ﻭﺍﻟﺘﺮﺟﻲ .. ﻭﺍﻟﺨﻮﻑ .. ﻭﺷﻨﻮ ﺑﻌﺪ ؟ .. ﻫﺎﺍ ﺍﻱ ﻭ ﺍﺭﺣـــﻤــﻨـــﻲ .. ﻣﻔﻬﻮﻣﺞ ﻏﻠﻂ ﻋﻦ ﺍﻟﻘﻮﺓ ﻭﺍﻟﺘﺤﻤﻞ
ﻣﻦ ﻋﺼﺒﻴﺘﻲ ﺍﻟﺘﻔﺘﺖ ﻋﻨﺔ ﻭﻧﺴﻴﺖ ﻭﺣﻄﻴﺖ ﺍﻳﺪﻱ ﻋﻠﻰ ﺍﻳﺪ ﺍﻟﻘﻮﺭﻱ ﺍﻟﺤﺪﻳﺪ .. ﻧﺸﻴﻴﺖ ﻣﻦ ﺍﻻﻟﻢ : ﺍﺍﺍﺍﺍﻩ
ﻏﺰﻭﺍﻥ ﻳﺒﺘﺴﻢ ﺑﺨﺒﺚ ﻭﻣﺎ ﺗﺤﺮﻙ ﻣﻦ ﻣﻜﺎﻧﺔ : ﻫﻪ ﺣﺘﻰ ﺍﻟﻘﻮﺭﻱ ﻛﺎﺭﻩ ﺗﻘﺮﺑﻴﻦ ﻣﻨﺔ
ﺍﺟﻴﺖ ﺍﻓﺘﺢ ﺍﻟﻤﻲ ﺍﻟﺒﺎﺭﺩ ﻭﺍﺣﻂ ﺍﻳﺪﻱ
ﻗﺎﻃﻌﻨﻲ ﺑﺒﺮﻭﺩ ﻭﻫﻮ ﻋﻠﻰ ﻧﻔﺲ ﻭﺿﻌﻴﺘﺔ ﻣﺎ ﺗﺤﺮﻙ : ﺍﻻﻓﻀﻞ ﻣﺘﺤﻄﻴﻨﻬﺔ ﺟﻮﺓ ﺍﻟﻤﻲ ﻻﻥ ﺗﻄﻜﻚ ..
ﺗﺮﺍﺟﻌﺖ ﻭﺍﻧﻲ ﺍﺑﺎﻭﻋﻠﺔ ﺑﻤﻌﻨﻰ ﺷﺴﻮﻱ ﻟﻌﺪ
ﺍﺷﺮ ﺑﻴﺪﺓ ﻋﻠﻰ ﻓﺮﻳﺰ ﺍﻟﺜﻼﺟﺔ
ﻓﺘﺤﺘﺔ ﻭﻣﺪﻳﺖ ﺍﻳﺪﻱ
ﻏﺰﻭﺍﻥ : ﻋﺎﻟﺒﺮﻭﺩﺓ ﺑﺲ .. ﻻ ﺗﻠﺰﻛﻴﻨﻬﺔ ﻋﺎﻟﺜﻠﺞ .. ﻫﻪ ﺗﺮﺓ ﻳﻨﺸﻠﻊ ﺍﻟﺠﻠﺪ ﻣﻦ ﻣﻜﺎﻧﺔ
ﻛﺎﻡ ﻣﻦ ﻣﻜﺎﻧﺔ ﻭﺭﺍﺩ ﻳﻄﻠﻊ
ﻣﻴﺎﻣﻴﻦ : ﻭﻳﻦ
ﺍﻟﺘﻔﺖ ﻋﻠﻴﺔ ﻭﺭﻓﻊ ﺣﺎﺟﺒﺔ
ﻣﻴﺎﻣﻴﻦ : ﻗﺼﺪﻱ ﻭﺍﻟﺠﺎﻱ
ﻏﺰﻭﺍﻥ ﺑﺴﺨﺮﻳﺔ : ﻫﻬﻪ ﺩﺍﻭﻱ ﺑﻲ ﺍﻳﺪﺝ
ﻃﻠﻊ ﻭﺭﺣﺖ ﻃﻔﻴﺖ ﻋﺎﻟﻘﻮﺭﻱ ﺍﻟﻲ ﺑﻲ ﺑﺲ ﻣﻲ
ﻛﻌﺪﺕ ﻋﺎﻟﻜﺮﺳﻲ ﻭﺍﻧﻔﺦ ﺑﻬﺪﻭﺀ ﻋﻠﻰ ﺍﻳﺪﻱ
ﺭﺩﺕ ﺍﺻﻌﺪ ﻟﻐﺮﻓﺘﻲ ﺑﺲ ﺑﻌﺪﻧﻲ ﻣﺎ ﻃﺎﻟﻌﺔ ﻣﻦ ﺍﻟﻤﻄﺒﺦ ﻭﺳﻤﻌﺖ ﺻﻮﺕ ﺍﻧﺜﻮﻱ ﺑﺎﻟﺼﺎﻟﺔ ﻳﺼﻴﺢ
: ﻏــــــﺰﻭﺍﻥ ... ﻏــــــﺰﻭﺍﻥ
#بارت٨
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻋﺠﺒﺎً ﺍﻳﻬﺎ ﺍﻟﻠﻴﻞ ﻳﻘﻮﻟﻮﻥ ﻋﻨﻚ ﻫﺎﺩﺉ ﻭﻓﻴﻚ ﺗﺼﺮﺥ ﻛﻞ ﺍﻟﻘﻠﻮﺏ
ﺭﺩﺕ ﺍﺻﻌﺪ ﻟﻐﺮﻓﺘﻲ ﺑﺲ ﺑﻌﺪﻧﻲ ﻣﺎ ﻃﺎﻟﻌﺔ ﻣﻦ ﺍﻟﻤﻄﺒﺦ ﻭﺳﻤﻌﺖ ﺻﻮﺕ ﺍﻧﺜﻮﻱ ﺑﺎﻟﺼﺎﻟﺔ ﻳﺼﻴﺢ
: ﻏــــــﺰﻭﺍﻥ ... ﻏــــــﺰﻭﺍﻥ
ﺍﺳﺘﻐﺮﺑﺖ ﻫﺬﺍ ﻣﻮ ﺻﻮﺕ ﺧﺎﺗﻮﻥ
ﻃﻠﻌﺖ ﻟﻠﺼﺎﻟﺔ ﺷﻔﺖ ﺑﻨﻴﺔ ﻛﻮﻟﺶ ﺣﻠﻮﺓ
ﻣﻼﻣﺤﻬﺎ ﻭﺟﺴﻤﻬﺎ ﻛﻮﻟﻬﺎ ﻧﺎﻋﻤﺔ
ﻣﺎ ﺍﻧﺘﺒﻬﺘﻠﻲ ﺍﻻ ﻟﻤﻦ ﺣﺠﻴﺖ ﻭﺍﻟﺘﻔﺘﺖ ﻋﻠﻴﺔ ﺑﺴﺮﻋﺔ : ﻏﺰﻭﺍﻥ ﻣﻤﻮﺟﻮﺩ .. ﻃﻠﻊ ﻗﺒﻞ ﺷﻮﻱ .. ﺗﻔﻀﻠﻲ ﻣﻨﻮ ﺣﻀﺮﺗﺞ
ﺑﺎﻭﻋﺘﻠﻲ ﻭﺑﻌﺪﻳﻦ ﺗﺤﻮﻟﺖ ﻧﻀﺮﺍﺗﻬﺎ ﻟﺤﻘﺪ ﻭﺳﺨﺮﻳﺔ : ﻫﻪ ﻳﻌﻨﻲ ﺍﻧﺘﻲ ﺍﻟﻔﺼﻠﻴﺔ
ﺷﻠﻮﻥ ﺑﻴﺔ ﺍﻧﻲ ﻳﻌﻨﻲ ﻣﺎ ﺧﻠﺼﺎﻧﺔ ﻣﻦ ﺳﺨﺮﻳﺔ ﻏﺰﻭﺍﻥ ﺗﺠﻴﻨﻲ ﻫﺎﻱ ﺍﻧﻮﺏ
ﺭﺩﻳﺖ ﻋﻠﻴﻬﺎ ﺑﻬﺪﻭﺀ ﺿﺎﻫﺮﻱ : ﺍﻱ ﺍﻧﻲ ﺍﻟﻔﺼﻠﻴﺔ ... ﺗﻔﻀﻠﻲ ﺭﺍﻳﺪﺓ ﺷﻲ
ﺗﺤﻮﻟﺖ ﻧﻀﺮﺍﺗﻬﺔ ﻟﻠﻌﺼﺒﻴﺔ ﻭﻗﺮﺑﺖ ﻣﻨﻲ : ﻭﺍﻧﺘﻲ ﺷﻜﻮ .. ﺑﺲ ﻻ ﻃﺎﺑﺔ ﻟﺒﻴﺘﺞ ﻭﺍﻧﻲ ﻣﺎﺩﺭﻱ ... ﻭﺑﻌﺪﻳﻦ ﺷﻜﻮ ﺗﻄﻠﻌﻴﻦ ﺑﺨﻠﻘﺘﻲ ... ﺳﻤﻌﺘﻴﻨﻲ ﺻﺤﺖ ﺑﺄﺳﻤﺞ ﻟﻮ ﺑﺄﺳﻢ ﻏﺰﻭﺍﻥ
ﻣﻴﺎﻣﻴﻦ ﺑﻬﺪﻭﺀ : ﺍﻧﻲ ﻣﻄﻠﻌﺖ ﺑﻮﺟﻬﺞ ... ﺟﻨﺖ ﺻﺎﻋﺪﺓ ﻟﻐﺮﻓﺘﻲ ﻭﺳﻤﻌﺘﺞ ﺗﺼﻴﺤﻴﻦ ... ﺑﺲ ﺍﺫﺍ ﻫﺎﻟﺸﻲ ﺯﻋﺠﺞ ﺧﻠﺺ ﻟﻌﺪ ﺍﻟﻤﺮﺓ ﺍﻟﺠﺎﻳﺔ ﺍﻋﻮﻓﺞ ﺗﺼﻴﺤﻴﻦ ﻭﺣﺪﺝ ﻭﻣﺎ ﺍﺭﺩ ﻋﻠﻴﺞ
ﻭﺟﻬﺔ ﺻﺎﺭ ﻳﻨﻄﻲ ﺍﻟﻮﺍﻥ ﻣﻦ ﺍﻟﻌﺼﺒﻴﺔ : ﺍﻧﺘﻲ ﺷﻨﻮ ﻫﺎﻟﺠﺮﺃﺓ ﺍﻟﻌﻨﺪﺝ ﺣﺘﻰ ﺗﺮﺩﻳﻦ ﻋﻠﻴﺔ ﺑﻬﺎﻟﺸﻜﻞ ... ﻛﻠﺞ ﻋﻠﻰ ﺑﻌﻀﺞ ﻓﺼﻠﻴﺔ ... ﻳﻌﻨﻲ ﺳﻠﻌﺔ ﺍﻧﻄﻮﺝ ﺍﻫﻠﺞ ﺣﺘﻰ ﻳﺤﻤﻮﻥ ﺍﺑﻨﻬﻢ ﺍﻟﻤﺠﺮﻡ ﺍﻟﻲ ﻳﺴﺘﺎﻫﻞ ﺍﻟﻤﻮﺕ
ﻣﻴﺎﻣﻴﻦ ﺑﻌﺼﺒﻴﺔ : ﺍﺧﻮﻱ ﻣﻮ ﻣﺠﺮﻡ ﻭﻣﺴﺘﺤﻴﻞ ﻳﻜﻮﻥ ﻣﺠﺮﻡ ﺑﻴﻮﻡ ﻣﻦ ﺍﻻﻳﺎﻡ .. ﺍﻧﺘﻮ ﺗﺒﻠﻴﺘﻮ ﻋﻠﻲ
ﺗﻘﺮﺑﺖ ﺭﺍﺩﺕ ﺗﻀﺮﺑﻨﻲ ﺑﺲ ﺻﻮﺕ ﺧﺎﺗﻮﻥ ﻣﻦ ﺍﻟﺒﺎﺏ ﻭﻫﻲ ﺩﺍﺧﻠﺔ ﻭﻛﻔﻬﺎ : ﻣـــــﻬــــﺎ .... ﺷﺪﺗﺴﻮﻳﻦ ﻫﻨﺎ
ﻣﻬﺎ ﺍﻟﺘﻔﺘﺖ ﻻﺧﺘﻬﺎ ﺑﻌﺼﺒﻴﺔ : ﺍﺟﻴﺖ ﻟﺒﻴﺖ ﺍﺧﻮﻱ ... ﺷﻨﻮ ﻋﻴﺐ ﻟﻮ ﺣﺮﺍﻡ .. ﻟﻮ ﻣﻦ ﺩﺧﻠﺘﺔ ﻫﺎﻟﺤﻴﺔ ﺍﺧﺖ ﺍﻟﻤﺠﺮﻡ ﺻﺎﺭ ﺍﻟﺒﻴﺖ ﻣﺎ ﻳﻨﻄﺐ
ﺧﺎﺗﻮﻥ ﺑﻌﺼﺒﻴﺔ : ﻣﻬﺎ ﻋﻴﺐ ﻫﺎﻟﻜﻼﻡ ﺍﺣﺘﺮﻣﻲ ﻧﻔﺴﺞ .. ﻣﻴﺎﻣﻴﻦ ﻣﺎﻟﻬﺎ ﺫﻧﺐ
ﺍﻟﺘﻔﺘﺖ ﻋﻠﻴﺔ : ﻣﻴﺎﻣﻴﻦ ﺣﺒﻲ ﻻ ﺗﻬﺘﻤﻴﻦ ﻟﻜﻼﻣﻬﺎ ﺑﻌﺪﻫﺔ ﺯﻏﻴﺮﺓ ﻭﻣﺘﻌﺮﻑ ﺷﺘﺤﺠﻲ ﻭﺍﻧﻄﺘﻬﺎ ﺧﺰﺭﺓ
ﺑﺲ ﻣﻬﺎ ﻣﺎ ﺍﻫﺘﻤﺖ : ﻭﺗﻌﺘﺬﺭﻳﻦ ﻣﻨﻬﺎ ﻫﻢ .. ﺑﻌﺪ ﺭﻭﺣﻲ ﺑﻮﺳﻲ ﺭﺟﻠﻬﺎ ... ﺍﻧﺘﻲ ﻣﺎ ﻋﻨﺪﺝ ﺍﺣﺘﺮﺍﻡ ﻭﻻ ﻣﻌﺰﺓ ﻻﺧﻮﺝ ... ﻣﺪﻟﻠﺔ ﻫﺎﻟﻤﺠﺮﻣﺔ ﺍﺧﺖ ﺍﻟﺤﻴﻮﺍﻥ ﺍﻟﻲ ﻗﺘﻞ ﺍﺧﻮﺝ
ﻣﻴﺎﻣﻴﻦ ﻣﻜﺪﺭﺕ ﺍﺳﻜﺖ ﺻﺤﺖ ﺑﻌﺼﺒﻴﺔ : ﺍﺣﺘﺮﺭﺭﻣﻲ ﻧﻔﺴﺞ ﻭﻻ ﺗﻐﻠﻄﻴﻦ ﻋﻠﻰ ﺍﺧﻮﻱ .... ﺗﺮﺓ ﻣﻦ ﺍﻻﻭﻝ ﺍﻧﻲ ﻣﺤﺘﺮﻣﺘﺞ ﻭﻣﺎ ﺭﻓﻌﺖ ﺻﻮﺗﻲ ﺑﻮﺟﻬﺞ ... ﺑﺲ ﺗﻮﺻﻞ ﺍﻥ ﺗﻐﻠﻄﻴﻦ ﻋﻠﻰ ﺍﺧﻮﻱ ﻛﺪﺍﻣﻲ ﻣﺎ ﺍﺳﻜﺖ
: ﺷﺘﺴﻮﻳﻦ ﻣﺜﻼ
ﺍﻟﺘﻔﺘﻨﺎ ﻟﻤﺼﺪﺭ ﺍﻟﺼﻮﺕ ﺷﻔﻨﺎﻩ ﻭﺍﻛﻒ ﻭﻳﻔﺮ ﺍﻟﺴﻮﻳﺞ ﺑﺄﺻﺒﻌﺔ
ﻣﻬﺎ ﺭﺍﺣﺘﻠﺔ ﺗﺘﺸﻜﻰ : ﻏﺰﻭﺍﻥ .. ﻫﺎﻟﻔﺼﻠﻴﺔ ﻳﺮﺍﺩﻟﻬﺎ ﺗﺄﺩﻳﺐ .. ﺗﺮﺩ ﺑﻮﺟﻬﻲ ﺑﻜﻞ ﻭﻗﺎﺣﺔ ﻭﺍﺧﻼﻗﻬﺔ ﺯﻓﺖ ... ﺍﻧﺖ ﻻﺯﻡ ﺗﺄﺩﺑﻬﺎ ﻻﻥ ﻳﺒﺪﻭ ﺍﻫﻠﻬﺎ ﻣﺎ ﻋﻠﻤﻮﻫﺎ ﺷﻲ ﻋﻦ ﺍﻻﺣﺘﺮﺍﻡ ...
ﺧﺎﺗﻮﻥ ﺑﻌﺼﺒﻴﺔ : ﻣﻬﺎﺍﺍﺍﺍ ... ﺣﺮﺍﻡ ﻋﻠﻴﺞ ﻫﻲ ﻣﺎﻟﻬﺔ ﺫﻧﺐ ﺑﺸﻲ ﻭﻣﺎ ﺍﻟﻬﺎ ﺍﻳﺪ ﺑﻘﺘﻞ ﻓﺎﺭﺱ .. ﻟﻴﺶ ﺗﺸﺤﻨﻴﻦ ﻏﺰﻭﺍﻥ ﻋﻠﻴﻬﺎ
ﻏﺰﻭﺍﻥ ﺍﻟﺘﻔﺖ ﻟﺨﺎﺗﻮﻥ ﺑﺒﺮﻭﺩ : ﺍﺧﺬﻱ ﻣﻬﺎ ﻭﺭﻭﺣﻮ ﻟﻠﺒﻴﺖ
ﻣﻬﺎ : ﻣﻮ ﻗﺒﻞ ﻣﺎ ﺍﺷﻮﻑ ﺷﺮﺍﺡ ﺗﺴﻮﻳﻠﻬﺎ
ﺍﻟﺘﻔﺖ ﻋﻠﻴﻬﺎ ﻭﻣﺎ ﺣﺠﺔ ﺷﻲ ﻣﺠﺮﺩ ﻧﻀﺮﺓ ﻭﺍﺑﺘﺴﺎﻣﺔ
ﻣﻬﺎ : ﻣﺎﺷﻲ ﺭﺍﻳﺤﺔ
ﻃﻠﻌﺖ ﻣﻬﺎ
ﺧﺎﺗﻮﻥ ﺗﻘﺮﺑﺖ ﻟﻐﺰﻭﺍﻥ : ﻏﺰﻭﺍﻥ ﺍﻟﻠﻪ ﻳﺨﻠﻴﻚ ﻻ ﺗﺴﻤﻊ ﻛﻼﻣﻬﺎ ﻫﻲ ﻣﻬﺎ ﺍﻟﻲ ﺑﺪﺕ ﻭﺍﺳﺘﻔﺰﺕ ﻣﻴﺎﻣﻴﻦ ﻭﺟﺒﺮﺗﻬﺎ ﺗﺼﺮﺥ ﺑﻮﺟﻬﺎ
ﻏﺰﻭﺍﻥ ﻋﻠﻰ ﻧﻔﺲ ﺑﺮﻭﺩﺓ : ﺧﺎﺗﻮﻥ ... ﺗﺪﺭﻳﻦ ﺑﻴﺔ ﻣﺎ ﺍﺣﺐ ﺍﻋﻴﺪ ﺣﺠﺎﻳﺘﻲ ﻣﺮﺗﻴﻦ
ﻧﺰﻟﺖ ﺭﺍﺳﻠﻬﺎ ﻭﺍﻟﺘﻔﺘﺘﻠﻲ ﺑﻤﻌﻨﻲ ﻣﺎﺑﻴﺪﻱ ﺷﻲ : ﻣﺎﺷﻲ
ﻃﻠﻌﺖ ﺧﺎﺗﻮﻥ
ﻫﻮ ﺗﻘﺮﺏ ﺑﺴﺮﻋﺔ ﻭﻟﻮﻯ ﺍﻳﺪﻱ ﻭﺭﻯ ﺿﻬﺮﻱ ﻭﻗﺮﺏ ﺷﻔﺎﻳﻔﺔ ﻣﻦ ﺍﺫﻧﻲ ﻭﻛﺎﻝ ﺑﻌﺼﺒﻴﺔ : ﻭﺍﻟﻠﻪ ﻭﻃﺎﻟﺖ ﺑﻴﺞ ﺗﺮﻓﻌﻴﻦ ﺻﻮﺗﺞ ﺑﻮﺟﻪ ﺍﺧﺘﻲ
ﺣﺎﻭﻟﺖ ﺍﻛﺘﻢ ﺧﻮﻓﻲ : ﺍﺧﺘﻚ ﻫﻲ ﺍﻟﻲ ﺑﺪﺕ ... ﺣﺠﺖ ﻋﻠﻰ ﺍﺧﻮﻱ .. ﻣﺜﻞ ﻣﺎ ﺍﻧﺖ ﻣﺎ ﺗﻘﺒﻞ ﻋﻠﻰ ﺍﺧﺘﻚ ﺍﻧﻲ ﻫﻢ ﻣﺎ ﺍﻗﺒﻞ ﻋﻠﻰ ﺍﺧﻮﻱ
ﻏﺰﻭﺍﻥ ﺩﺍﺭﻧﻲ ﻟﺠﻬﺘﺔ ﻭﺍﻳﺪﺓ ﻻﻭﻳﺔ ﺍﻳﺪﻱ ﻟﻮﺭﺓ ﺿﻬﺮﻱ
ﺻﺮﺕ ﻻﺯﻛﺔ ﺑﻲ : ﻭﺍﻧﺘﻲ ﺗﻘﺎﺭﻧﻴﻦ ﺍﺧﻮﺝ ﺍﻟﻤﺠﺮﻡ ﺍﺑﻮ ﺍﻟﺴﺠﻮﻥ ... ﺑﺤﻔﻴﺪﺓ ﺍﻟﺸﻴﺦ ﺍﻟﺠﺎﺳﺮ
ﻣﻴﺎﻣﻴﻦ ﺑﺎﻧﻔﻌﺎﻝ ﻭﻋﺼﺒﻴﺔ : ﺍﺧﻮﻭﻭﻱ ﺍﺷﺮﻑ ﻣﻨﻚ ﻭﻣﻦ ﻋﺸﻴﺮﺗﻚ ﻛﻠﻬﺎ ...
ﺩﻓﻌﻨﻲ ﺑﺎﻟﻜﺎﻉ ﻭﺩﻧﻚ ﻋﻠﻴﺔ ﻭﻏﺮﺯ ﺍﺻﺎﺑﻌﺔ ﺑﻔﻜﻲ ﻭﻋﻴﻮﻧﺔ ﺻﺎﺭﻥ ﺣﻤﺮ ﻣﻦ ﺍﻟﻌﺼﺒﻴﺔ ﻭﻃﺒﻚ ﺣﻮﺍﺟﺒﺔ : ﺣﺠﺎﻳﺘﺞ ﻫﺎﻱ ﻛﺪﻫﺎ ﺍﻧﺘﻲ ...
ﻣﻴﺎﻣﻴﻦ : ﺍﻱ ﻛﺪﻫﺎ ﻭﻣﺎ ﺍﺗﺮﺍﺟﻊ ... ﻭﺍﺫﺍ ﺗﺮﻳﺪ ﺍﻋﻴﺪﻫﺎ ﻻﻥ ﻫﺎﻱ ﺍﻟﺤﻘﻴﻘﺔ
ﻏﺰﻭﺍﻥ ﺑﻌﺼﺒﻴﺔ : ﻟﻌﺪ ﺗﺤﻤﻠﻲ ﺍﻟﻲ ﺟﺎﻳﺞ
ﺑﻠﺤﻀﺔ ﺷﻔﺖ ﺍﻟﻤﺰﻫﺮﻳﺔ ﺍﻟﻜﺰﺍﺯ ﻣﻄﺸﺮﺓ ﺑﺎﻟﻜﺎﻉ
ﻛﺴﺮﻫﺎ ﻭﺷﺎﻝ ﻗﻄﻌﺔ ﻣﻨﻬﺎ ﻭﻗﺮﺏ ﻣﻨﻲ
ﺍﻧﻲ ﻫﻨﺎ ﻋﻘﻞ ﻣﺎ ﺿﻞ ﺑﺮﺍﺳﻲ ﻣﻦ ﺍﻟﺨﻮﻑ
ﺭﺟﻊ ﺗﻘﺮﺏ ﻣﻨﻲ
ﻣﻜﺪﺭﺕ ﺍﺗﺤﺮﻙ ﻣﻦ ﻣﻜﺎﻧﻲ ﻣﻦ ﺍﻟﺨﻮﻑ
ﺩﻧﻚ ﻋﻠﻴﺔ ﺍﻧﻲ ﻧﺰﻟﺖ ﺿﻬﺮﻱ ﻟﻠﻜﺎﻉ
ﺩﻓﻌﻨﻲ ﻭﺭﺍﺳﻲ ﺍﻧﻀﺮﺏ ﺑﺎﻟﻜﺎﻉ
ﻗﺮﺏ ﻭﺟﻬﺔ ﻣﻦ ﻭﺟﻬﻲ ﻭﻛﺎﻝ : ﻫﺴﺔ ﺍﻋﻠﻤﺞ ﺷﻠﻮﻥ ﺗﻘﻴﻤﻴﻦ ﺣﺠﺎﻳﺘﺞ ﻛﺒﻞ ﻻ ﺗﻄﻠﻊ ﻣﻦ ﺣﻠﻜﺞ
ﺑﺎﻭﻉ ﺑﻌﻴﻮﻧﻲ ﻭﺑﻌﺪﻳﻦ ﻧﻀﺮﺍﺗﺔ ﻧﺰﻟﺖ ﻟﺮﻛﺒﺘﻲ ﺍﻟﻲ ﺟﺎﻧﺖ ﻃﺎﻟﻌﺔ ﻻﻥ ﺍﻟﺸﺎﻝ ﻃﺎﺡ ﺑﺎﻟﻜﺎﻉ ﻭﺍﻟﺪﺷﺪﺍﺷﺔ ﺩﻟﻌﺔ ﺷﻮﻳﺔ
ﺑﺎﻭﻉ ﻋﻠﻰ ﺭﻛﺒﺘﻲ ﻭﺑﻌﺪﻳﻦ ﺭﺟﻊ ﻋﻴﻮﻧﺔ ﺑﻌﻴﻮﻧﻲ ﻭﻛﺎﻝ : ﻧﺴﺎﻭﺗﺞ ﻓﺎﻫﻴﺔ ... ﺷﺘﻜﻮﻟﻴﻦ ﻟﻮ ﺍﻃﻮﺧﻬﺎ
ﺣﻄﻴﺖ ﺍﻳﺪﻱ ﻣﻜﺎﻥ ﺍﻟﻨﺴﺎﻭﺓ ﺍﻟﺨﻔﻴﻔﺔ ﺍﻟﻲ ﻛﺎﻧﺖ ﻋﻠﻰ ﺍﻟﻌﻀﻤﺔ ﺍﻟﻤﻮﺟﻮﺩﺓ ﺑﻴﻦ ﺍﻟﺮﻛﺒﺔ ﻭﺍﻟﺼﺪﺭ
ﺳﺤﺐ ﺍﻳﺪﻱ ﻣﻦ ﺭﻛﺒﺘﻲ ﻭﻗﺮﺏ ﺍﻟﻜﺰﺍﺯﺓ ﻣﻦ ﺭﻛﺒﺘﻲ : ﻓﺪﻭﺓ ﻻ .. ﺍﻟﻠﻪ ﻳﺨﻠﻴﻚ ﻭﺧﺮﻫﺎ ﻋﻨﻲ
ﻣﺎ ﺍﻫﺘﻤﻠﻲ ﻣﻘﻴﺪ ﺍﻳﺪﻳﺔ ﻭﺣﺪﺓ ﺣﺎﻃﻬﺔ ﺟﻮﺓ ﺭﺟﻠﺔ ﻭﺍﻟﺜﺎﻧﻴﺔ ﻻﺯﻣﻬﺔ ﺣﻴﻞ
ﺻﺮﺧﺖ ﻣﻦ ﺣﺴﻴﺖ ﺍﻟﻜﺰﺍﺯﺓ ﺟﺮﺣﺖ ﺭﻛﺒﺘﻲ
ﺻﺮﺕ ﺍﺣﺮﻙ ﺑﺮﺍﺳﻲ ﻳﻤﻨﺔ ﻭﻳﺴﺮﺓ ﺑﺲ ﻣﺎ ﺍﺛﺮﺕ ﺑﺸﻲ ﻻﻥ ﺍﻟﻨﺴﺎﻭﺓ ﺟﻮﺓ ﺭﻛﺒﺘﻲ
ﺻﺎﺭ ﻳﻤﺸﻲ ﺍﻟﻜﺰﺍﺯﺓ ﻋﻠﻰ ﺍﻟﻨﺴﺎﻭﺓ ﻣﺜﻞ ﺍﻟﻲ ﻳﺮﺳﻢ ﻋﻠﻰ ﻭﺭﻗﺔ ﺑﻴﻀﺔ ﺑﻘﻠﻢ ﺍﺣﻤﺮ ... ﺣﺪﺩ ﺍﻟﻨﺴﺎﻭﺓ ﻭﺑﻌﺪﻳﻦ ﺻﺎﺭ ﻳﺸﺨﻂ ﺑﺎﻟﻜﺰﺍﺯﺓ ﺑﺎﻟﻮﺳﻂ
ﺍﻧﻲ ﺣﺴﻴﺖ ﺭﻭﺣﻲ ﻓﺮﻓﺤﺖ ﻓﻘﺪﺕ ﺍﻻﻣﻞ ﺻﺮﺕ ﺑﺲ ﺍﺑﺠﻲ ﻭﺍﺷﻬﻚ ﻭﺍﺗﺄﻟﻢ
ﺧﻠﺺ ﻭﺫﺏ ﺍﻟﻜﺰﺍﺯﺓ ﺍﻟﻲ ﺍﻧﻤﻠﺖ ﺩﻡ ﻭﻗﺮﺏ ﻭﺟﻬﺔ ﻣﻦ ﻭﺟﻬﻲ : ﺍﻟﻤﺮﺓ ﺍﻟﺜﺎﻧﻴﺔ ﺣﺠﺎﻳﺘﺞ ﻗﺒﻞ ﻻ ﺗﻄﻠﻊ ﻣﻦ ﺣﻠﻜﺞ ﻛﻮﻧﻲ ﻋﺎﺭﻓﺔ ﻣﺼﻴﺮﺝ ﺑﻌﺪﻫﺔ
ﻛﺎﻡ ﻣﻨﻲ ﻭﻃﻠﻊ ﻣﻦ ﺍﻟﺒﻴﺖ
ﻣﺠﺮﺩ ﻣﺎ ﻃﻠﻊ ﺩﺧﻠﻦ ﺧﺎﺗﻮﻥ ﻭﻣﻬﺎ
ﺧﺎﺗﻮﻥ ﺍﺟﺖ ﺗﺮﻛﺾ ﻋﻠﻴﺔ ﻭﺷﻬﻜﺖ ﻣﻦ ﺷﺎﻓﺘﻨﻲ
ﺑﻘﻴﺖ ﺍﺗﻠﻮﻯ ﺑﺎﻟﻜﺎﻉ ﻭﺍﻭﻥ ﻣﻦ ﺍﻻﻟﻢ ﻭﺍﺷﻬﻚ
ﻗﺮﺑﺖ ﺧﺎﺗﻮﻥ ﻭﺳﻨﺪﺗﻨﻲ ﻭﻛﻌﺪﺗﻲ
ﻛﺎﻣﺖ ﺗﺒﺠﻲ ﻭﻳﺎﻱ ﺍﻟﺘﻔﺘﺖ ﺧﺎﺗﻮﻥ ﻋﻠﻰ ﻣﻬﺎ ﻭﺻﺮﺧﺖ ﺑﻴﻬﺎ : ﺍﺭﺗﺎﺣﻴﺘﻲ ﻫﺴﺔ
ﻣﻬﺎ ﺟﺎﻧﺖ ﺣﺎﻃﺔ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﻣﺼﺪﻭﻣﺔ ﻣﻦ ﺍﻟﻤﻨﻀﺮ ... ﺑﺲ ﻋﺎﻓﺘﻨﺔ ﻭﻃﻠﻌﺖ
ﺣﻀﻨﺖ ﺧﺎﺗﻮﻥ ﻭﺻﺮﺕ ﺍﺑﺠﻲ ﻭﺍﺷﻬﻚ
ﺧﺎﺗﻮﻥ ﻭﺩﻣﻮﻋﻬﺎ ﺗﻨﺰﻝ : ﺍﻫﺪﻱ ﻣﻴﺎﻣﻲ ﻓﺪﻭﺓ ... ﻭﺍﻟﻠﻪ ﻣﺠﻨﺖ ﺍﻋﺮﻑ ﺭﺍﺡ ﻳﺴﻮﻱ ﻫﻴﺞ ﻭﻻ ﻣﺠﺎﻥ ﻋﻔﺘﺞ ﻭﺍﻟﻠﻪ
ﺣﻄﺖ ﺍﻳﺪﻫﺎ ﻋﻠﻰ ﻣﻜﺎﻥ ﺍﻟﺠﺮﺡ ﺍﻧﻲ ﺻﺮﺧﺖ : ﺍﺍﺍﺍﻩ
ﻫﻲ ﺷﺎﻟﺖ ﺍﻳﺪﻫﺎ ﺑﺴﺮﻋﺔ : ﻛﻮﻣﻲ ﻣﻴﺎﻣﻴﻦ ﻓﺪﻭﺓ ﺧﻠﻲ ﺍﻋﻘﻤﺔ ﻗﺒﻞ ﻻ ﻳﺘﺠﺮﺛﻢ
ﻛﻤﺖ ﻭﻳﺎﻫﺔ ﻭﺩﺧﻠﺘﻨﻲ ﻟﻠﻤﻄﺒﺦ : ﺭﺍﺡ ﺍﺭﻭﺡ ﺍﺟﻴﺐ ﻋﻠﺒﺔ ﺍﻻﺳﻌﺎﻓﺎﺕ ﻣﻦ ﺑﻴﺘﻨﺔ ﺍﻧﺘﻀﺮﻳﻨﻲ ﻻ ﺗﺘﺤﺮﻛﻴﻦ
ﻃﻠﻌﺖ ﻫﻲ ﻭﺍﻧﻲ ﺟﺒﺖ ﻛﻠﻴﻨﻜﺲ ﻭﺣﻄﻴﺘﺔ ﺑﻤﻜﺎﻥ ﺍﻟﺠﺮﺡ ﺑﺲ ﺍﻟﺪﻡ ﻣﺠﺎﻱ ﻳﻮﻛﻒ ﻛﻤﺖ ﺍﺭﻳﺪ ﺍﻏﺴﻠﻬﺎ ﺑﺎﻟﻤﻲ .. ﻓﺘﺤﺖ ﺍﻟﺴﻨﻚ ﺭﺩﺕ ﺍﻏﺴﻞ ﻣﻜﺎﻧﻬﺔ ﺑﺲ ﺣﺴﻴﺖ ﺍﻳﺪﻱ ﺍﻧﺠﺮﺕ ﺍﻟﺘﻔﺘﺖ ﺷﻔﺘﺔ ﻫﻮ
ﻣﺎ ﻟﺤﻜﺖ ﺍﺳﺘﻮﻋﺐ ﻭﺟﻮﺩﺓ ﻻﻥ ﻣﺒﺎﺷﺮﺓ ﺻﺮﺧﺖ ﻣﻦ ﺍﻻﻟﻢ ﺑﻜﻞ ﻗﻮﺗﻲ : ﺍﺍﺍﺍﺍﺍﺍﺍﺍﺍﺍﺍﻩ .... ﺷﻴﻴﻴﻠﻬﺎ ﺣﺮﺍﻡ ﻋﻠﻴﻚ
ﻏﺰﻭﺍﻥ ﻭﻫﻮ ﺣﺎﻁ ﺍﻳﺪﺓ ﻋﻠﻰ ﻣﻜﺎﻥ ﺍﻟﺠﺮﺡ ﻭﺑﻴﻬﺎ ﻗﻄﻦ ﻭﺍﻻﻳﺪ ﺍﻟﺜﺎﻧﻴﺔ ﻣﺜﺒﺖ ﺭﮔﺒﺘﻲ ﺑﻴﻬﺎ : ﺍﺷﺸﺶ .. ﺑﻴﻬﺎ ﻣﻌﻘﻢ ﺭﺍﺡ ﺗﺤﺮﮔﺞ ﺷﻮﻱ
ﺗﺨﺒﻠﺖ ﻣﻦ ﻋﺮﻓﺘﻬﺎ ﺗﻌﻘﻴﻢ ﻳﻌﻨﻲ ﻫﻮ ﻳﺠﺮﺣﻨﻲ ﻭﺑﻌﺪﻳﻦ ﻳﺮﺟﻊ ﻳﺪﺍﻭﻳﻨﻲ ﺻﺮﺧﺖ ﻭﺍﻧﻲ ﺍﺩﻓﻊ ﺑﻲ : ﻭﺧﺮﺭﺭﺭﺭﺭﺭ ﻋﻨﻲ .. ﻣﺎ ﺍﺭﻳﺪﻙ ﺗﻌﻘﻤﻬﺎ ... ﻛﻠﺔ ﻣﻦ ﻭﺭﺍﻙ ﺍﻧﺖ ﺍﻟﻲ ﺟﺮﺣﺘﻨﻲ ﻻ ﺗﺤﺎﻭﻝ ﺗﺪﺍﻭﻳﻨﻲ
ﺗﻬﺴﺘﺮﺕ ﻭﺍﻧﻲ ﺍﺩﻓﻊ ﺑﻲ ﺍﺧﺮ ﺷﻲ ﺻﺮﺥ ﺑﻴﺔ : ﺑﺴﺴﺲ ... ﻛﺎﻓﻲ ﻭﺍﻟﻠﻪ ﺍﺫﺍ ﻣﺎ ﺳﻜﺘﻲ ﻫﺴﺔ ﺍﺟﻲ ﻭﺍﻛﻤﻞ ﻋﻠﻴﻬﺎ ﺑﺎﻟﺰﺍﻳﺪ ﻭﺍﻧﻌﻞ ﺍﺑﻮ ﺍﻟﻲ ﻳﺪﺍﻭﻳﺞ ﺑﻌﺪﻫﺎ
ﺟﺮﻧﻲ ﻭﻛﻌﺪﻧﻲ ﻋﺎﻟﻜﺮﺳﻲ ﻭﺍﻧﻲ ﺍﻫﺰ ﺑﺮﺟﻠﻲ ﺑﻌﺼﺒﻴﺔ ﺳﻜﺘﺖ ﻻﻥ ﺧﻔﺖ ﻣﻦ ﺗﻬﺪﻳﺪﺓ
ﻋﻘﻤﻬﺎ ﻭﺍﻧﻲ ﺍﺩﻓﻊ ﺑﻴﻬﺎ
ﺻﺎﺡ ﺑﻌﺼﺒﻴﺔ : ﺷﻠﻮﻭﻭﻥ .. ﻭﺗﺎﻟﻲ
ﺭﻓﻌﺖ ﺭﺍﺳﻲ ﻭﻛﺘﻠﺔ ﺑﻌﺼﺒﻴﺔ : ﺗﺤﺮﺭﺭﮔﻨﻲ
ﻏﺰﻭﺍﻥ ﺭﺟﻊ ﺍﻟﻘﻄﻨﺔ ﻭﻋﻴﻨﺔ ﻋﻠﻰ ﺭﮔﺒﺘﻲ : ﺗﺤﻤﻠﻴﻬﺎ
ﺭﺩﻳﺖ ﻋﻠﻲ ﺑﻌﺼﺒﻴﺔ : ﺍﺳﺎﺳﺎ ﻟﻮ ﻣﺎ ﺍﻧﺖ ﺍﻟﻲ ﺟﺮﺣﺘﻨﻲ ﻣﺠﺎﻥ ﻫﺴﺔ ﺍﻧﻲ ﻫﻴﺞ
ﻏﺰﻭﺍﻥ ﺭﻓﻊ ﻋﻴﻮﻧﺔ ﺑﻌﻴﻮﻧﻲ ﻭﻛﺎﻝ ﺑﺒﺮﻭﺩ : ﻭﻟﻮ ﻳﺮﺟﻊ ﺍﻟﻮﻛﺖ ﺍﺭﺟﻊ ﻭﺍﺟﺮﺣﻬﺎ ... ﻻ ﻋﺒﺎﻟﺞ ﻣﻦ ﺩﺍﻭﻳﺘﺞ ﻳﻌﻨﻲ ﻣﺘﻨﺪﻡ
ﻣﻴﺎﻣﻴﻦ ﺑﻌﺼﺒﻴﺔ : ﻟﻌﺪ ﻟﻴﺶ ﺟﺎﻱ ﺗﺪﺍﻭﻳﻨﻲ
ﻏﺰﻭﺍﻥ ﻭﻫﻮ ﻳﺤﻂ ﺍﻟﺸﺎﺵ ﻭﻓﻮﻛﺎﻩ ﺍﻟﻼﺻﻖ : ﻫﺎﻟﺸﻲ ﺭﺍﺟﻌﻠﻲ ﻭﻻ ﺗﺘﺪﺧﻠﻴﻦ ﺑﻲ
ﺭﺩﺕ ﺍﺭﺩ ﺑﺲ ﻗﺎﻃﻌﺘﻨﺔ ﺧﺎﺗﻮﻥ ﻭﺑﻴﺪﻫﺎ ﻋﻠﺒﺔ ﺍﻻﺳﻌﺎﻓﺎﺕ ﺍﻻﻭﻟﻴﺔ : ﺑﻌﺪ ﺍﻟﻲ ﺳﻮﻳﺘﺔ ﺟﺎﻱ ﺗﺪﺍﻭﻳﻬﺎ
ﺍﻟﺘﻔﺖ ﻋﻠﻴﻬﺎ ﺍﺑﺘﺴﻢ ﺑﺒﺮﻭﺩ ﻭﺑﺪﻭﻥ ﺍﻫﺘﻤﺎﻡ ﺷﺎﻝ ﺍﻟﻤﻌﻘﻢ ﻭﺍﻟﺸﺎﺵ ﻭﺍﻟﻼﺻﻖ ﻭﻃﻠﻊ ﻣﻦ ﺍﻟﻤﻄﺒﺦ
ﺩﺧﻠﺖ ﺧﺎﺗﻮﻥ ﻭﺭﻛﻌﺖ ﺍﻟﻌﻠﺒﺔ ﻋﺎﻟﻄﺎﻭﻟﺔ : ﺑﺲ ﻟﻮ ﺍﻋﺮﻑ ﺷﻨﻮ ﺍﻟﻲ ﻳﺪﻭﺭ ﺑﺮﺍﺳﻚ ﺟﺎﻥ ﺍﺭﺗﺎﺣﻴﺖ
ﺍﻟﺘﻔﺘﺖ ﻋﻠﻴﺔ ﻭﻛﺎﻟﺖ : ﺧﻮ ﻣﺎ ﺍﺫﺍﺝ ﺍﻟﺠﺮﺡ
ﺭﺩﻳﺖ ﺑﺄﺑﺘﺴﺎﻣﺔ : ﺍﻱ ﻣﻦ ﺍﻟﺘﻌﻘﻴﻢ ﺍﺫﺗﻨﻲ ﻛﻮﻟﺶ
ﺧﺎﺗﻮﻥ : ﻟﻴﺶ ﻣﻜﻠﺘﻴﻠﺔ ﻻ ﻳﺨﻠﻲ ﺗﻌﻘﻴﻢ .. ﻟﻮ ﺣﻄﻴﺘﻲ ﻋﺼﺎﺭﺓ ﻣﺎ ﺗﺄﺫﻳﺞ
ﻣﻴﺎﻣﻴﻦ : ﻟﻴﺶ ﻫﻮ ﺍﺧﻮﺝ ﺍﻧﻄﺎﻧﻲ ﻣﺠﺎﻝ .. ﻛﺒﻞ ﻟﺰﻙ ﺍﻟﻘﻄﻨﺔ ﺑﺮﻛﺒﺘﻲ ﺣﺘﻰ ﻣﺎﺩﺭﻱ ﺑﻲ ﻭﺍﻛﻒ ﻭﺭﺍﻱ
ﺧﺎﺗﻮﻥ : ﺑﺲ ﻫﻤﺰﻳﻦ ﻣﺎ ﺍﺫﻯ ﻭﺟﻬﺞ ﺑﺎﻟﻜﺰﺍﺯ
ﺭﺩﻳﺖ ﻋﻠﻴﻬﺎ ﺑﺴﺨﺮﻳﺔ : ﻻ ﺗﺨﺎﻓﻴﻦ ﻟﻮ ﺟﺎﻧﺖ ﺍﻟﻨﺴﺎﻭﺓ ﺑﻮﺟﻬﻲ ﺟﺎﻥ ﻣﺎ ﺗﺮﺩﺩ
ﺧﺎﺗﻮﻥ ﻣﺎ ﺍﻓﺘﻬﻤﺖ : ﻧﺴﺎﻭﺓ ﺷﻨﻮ
ﻣﻴﺎﻣﻴﻦ : ﻏﻴﺮ ﺣﺪﺩ ﺍﻟﻨﺴﺎﻭﺓ ﺍﻟﻲ ﺑﺮﻛﺒﺘﻲ ﺑﺎﻟﻜﺰﺍﺯﺓ .. ﺍﻳﻜﻮﻝ ﻓﺎﻫﻴﺔ ﺧﻞ ﺍﻃﻮﺧﻬﺎ ﺍﻟﺞ
ﺧﺎﺗﻮﻥ ﺍﻧﺼﺪﻣﺖ ﻭﻣﺜﻞ ﺍﻟﻲ ﺧﺠﻠﺖ ﻣﻦ ﺗﻔﻜﻴﺮ ﺍﺧﻮﻫﺎ : ﻣﻴﺎﻣﻴﻦ ﺍﻧﻲ ﺍﺳﻔﺔ ... ﻣﻬﺎ ﺑﻌﺪﻫﺎ ﺯﻏﻴﺮﺓ ﻭﻣﺘﻌﺮﻑ ﺷﻠﻮﻥ ﺗﺘﺼﺮﻑ
ﻣﻴﺎﻣﻴﻦ ﺣﻄﻴﺖ ﺍﻳﺪﻱ ﻋﻠﻰ ﺍﻳﺪﻫﺎ ﻭﺍﺑﺘﺴﻤﺖ : ﺧﺎﺗﻮﻥ ﻻ ﺗﺘﺄﺳﻔﻴﻦ ﺍﻧﺘﻲ ﻣﺎﻟﺞ ﺫﻧﺐ ﺑﺸﻲ ... ﻭﺣﺘﻰ ﻣﻬﺎ ﺍﻧﻲ ﻋﺎﺫﺭﺗﻬﺔ ﻻﻥ ﻛﻠﺒﻬﺎ ﻣﺤﺘﺮﻙ ﻋﻠﻰ ﺍﺧﻮﻫﺎ ... ﻭﺍﺻﻼ ﺍﻟﻲ ﺳﻮﺍﻩ ﻏﺰﻭﺍﻥ ﻣﻮ ﺑﺴﺒﺒﻬﺎ
ﺧﺎﺗﻮﻥ ﺑﺄﺳﺘﻐﺮﺍﺏ : ﻣﻮ ﺑﺴﺒﺒﻬﺎ ... ﻟﻌﺪ ﻟﻴﺶ
ﻣﻴﺎﻣﻴﻦ : ﺍﻧﻲ ﺍﺳﺘﻔﺰﻳﺘﺔ ﺑﺎﻟﺤﺠﻲ ﻭﻫﻮ ﻣﺎ ﺗﺤﻤﻞ ﻭﺳﻮﺓ ﺍﻟﻲ ﺳﻮﺍﻩ
ﺧﺎﺗﻮﻥ ﺑﻌﺼﺒﻴﺔ : ﺑﺲ ﻣﻬﻤﺎ ﺍﻳﻜﻮﻥ ﺍﻟﺤﺠﻲ ﺍﻟﻲ ﻛﻠﺘﻲ ﻣﺎ ﻳﺴﺘﺎﻫﻞ ﻳﺴﻮﻱ ﻫﺎﻟﺸﻲ ﺑﻴﺞ
ﺍﺑﺘﺴﻤﺘﻠﻬﺎ ﻭﻛﻠﺖ ﻭﺍﻧﻲ ﺍﻗﻠﺪ ﺟﻤﻠﺘﻬﺎ : ﻋﺎﺩ ﻏﺰﻭﺍﻥ ﻣﻨﻮ ﻳﻜﺪﺭ ﻳﻮﻛﻔﺔ
ﺿﺤﻜﺖ ﻫﻲ ﻭﺿﺮﺑﺘﻨﻲ ﻋﺎﻟﺨﻔﻴﻒ : ﻣﻴﻠﻮﻙ ﺗﺮﺓ ﻻ ﺗﻘﻠﺪﻳﻦ
ﺿﺤﻜﺖ ﻋﻠﻴﻬﺎ : ﻋﺸﺸﺘﻮ
ﺍﺑﺘﺴﻤﺘﻠﻬﺎ ﻭﺣﻀﻨﺘﻬﺎ : ﻋﻔﻴﺔ ﺧﺎﺗﻮﻥ ﻻ ﺗﻌﻮﻓﻴﻨﻲ ... ﻣﺤﺪ ﻳﺮﻳﺪﻧﻲ ﻫﻨﺎ .. ﺍﻧﺘﻲ ﺍﻟﺸﻲ ﺍﻟﻮﺣﻴﺪ ﺍﻟﺤﻠﻮ ﻫﻨﺎ
ﺣﻀﻨﺘﻨﻲ ﻭﻛﺎﻟﺖ : ﻻ ﺗﺨﺎﻓﻴﻦ ﺍﻧﻲ ﻭﻳﺎﺝ .. ﺑﺲ ﺗﺮﺓ ﺍﻛﻮ ﺷﺨﺺ ﺛﺎﻧﻲ ﻏﻴﺮﻱ ﻫﻢ ﺣﻠﻮ
ﺭﻓﻌﺖ ﺭﺍﺳﻲ ﻭﻛﻠﺖ ﺑﺄﺳﺘﻐﺮﺍﺏ : ﻣﻨﻮ
ﺍﺑﺘﺴﻤﺖ ﺧﺎﺗﻮﻥ : ﺣﺘﻌﺮﻓﻴﻦ ﺑﻌﺪﻳﻦ
ﻗﺎﻃﻌﻨﺔ ﺻﻮﺕ ﻣﻬﺎ ﻳﻢ ﺍﻟﺒﺎﺏ : ﺍﺫﺍ ﺧﻠﺼﺘﻮ ﺭﻭﻣﻨﺴﻴﺔ ﺍﻧﺘﻲ ﻭﻳﺎﻫﺎ ﻣﻤﻜﻦ ﺳﺖ ﺧﺎﺗﻮﻥ ﺍﻣﻲ ﺗﺼﻴﺤﺞ
ﺍﻟﺘﻔﺘﺖ ﻋﻠﻴﺔ ﻣﻬﺎ ﻭﻛﻤﻠﺖ : ﻋﺒﺎﻟﻲ ﻣﺘﻲ ﻓﺮﺣﺖ .. ﺑﺲ ﻃﻠﻌﺘﻲ ﻣﺜﻞ ﺍﻟﺠﻠـ ## ﺑﺴﺒﻊ ﺍﺭﻭﺍﺡ
ﺩﺍﺭﺕ ﻭﺟﻬﻬﺎ ﻭﻃﻠﻌﺖ
ﻣﻴﺎﻣﻴﻦ ﺍﻟﺘﻔﺘﺖ ﻋﻠﻰ ﺧﺎﺗﻮﻥ ﻭﺍﻧﻲ ﺍﺷﺮ ﻋﻠﻰ ﻣﻜﺎﻥ ﻣﻬﺎ ﺍﻟﻲ ﺟﺎﻧﺖ ﻭﺍﻛﻔﺔ ﺑﻲ : ﺍﻛﻴﺪ ﻣﻮ ﻫﻲ ﺍﻟﺸﺨﺺ ﺍﻟﺤﻠﻮ
ﺧﺎﺗﻮﻥ : ﻣﻌﻠﻴﺞ ﺑﻴﻬﺎ ﺧﻠﻲ ﺗﻮﻟﻲ ﻻ ﺗﻬﺘﻤﻴﻦ ﻟﻜﻼﻣﻬﺔ
ﻣﻴﺎﻣﻴﻦ ﺑﺪﻭﻥ ﺍﻫﺘﻤﺎﻡ : ﻋﺎﺩﻱ ﺍﺻﻼ .. ﺍﺧﻮﻫﺎ ﺷﺒﻬﻨﻲ ﺑﺎﻟﻤﻄـ ## ﻭﻫﻲ ﺷﺒﻬﺘﻨﻲ ﺑﺎﻟﺠﻠـ ## ﻣﺎﻛﻮ ﻓﺮﻕ
ﺧﺎﺗﻮﻥ ﻭﻫﻲ ﺗﻜﻮﻡ : ﺑﻴﺒﺎﻱ ﻣﻴﺎﻣﻲ .. ﺣﺮﻭﺡ ﺍﺷﻮﻑ ﺍﻣﻲ ﺷﺘﺮﻳﺪ
ﻣﻴﺎﻣﻴﻦ ﺑﺄﺑﺘﺴﺎﻣﺔ : ﺑﻴﺒﺎﻱ
ﻃﻠﻌﺖ ﻫﻲ
ﺍﻧﻲ ﺍﻟﺘﻔﺘﺖ ﻟﻠﺴﺎﻋﺔ ﺑﺎﻝ 7 ﺍﻭﻭﻑ ﺷﺒﺴﺮﻋﺔ ﻣﺮ ﺍﻟﻮﻗﺖ
ﻣﺎﻟﻲ ﻧﻔﺲ ﺍﻛﻞ ﺷﻲ ﻧﻔﺴﻲ ﺍﻧﺴﺪﺕ
ﺭﺣﺖ ﻟﻠﻘﻨﻔﺔ ﻛﻠﺖ ﺧﺎﻑ ﺍﺻﻌﺪ ﻭﻳﺠﻲ ﻳﻠﻜﺎﻧﻲ ﻧﺎﻳﻤﺔ ﻭﺍﻧﻌﻠﺲ
ﺧﻞ ﺍﻧﺘﻀﺮﺓ ﻳﺠﻲ ﺧﺎﻑ ﻳﺮﻳﺪ ﻋﺸﻰ
ﺭﺟﻌﺖ ﺭﺍﺳﻲ ﻣﺎﺩﺭﻱ ﺷﻠﻮﻥ ﻏﻔﻴﺖ
ﻓﺰﻳﺖ ﻋﻠﻰ ﺻﻮﺗﺔ ﻭﻫﻮ ﻳﺼﻴﺢ : ﻛﻮﻭﻭﻣﻲ
ﻣﻴﺎﻣﻴﻦ ﺑﺨﻮﻑ : ﺑﺴﻢ ﺍﻟﻠﻪ ﺷﻜﻮ
ﻏﺰﻭﺍﻥ ﺑﻌﺼﺒﻴﺔ : ﻛﻮﻣﻲ ﻧﻀﻔﻲ ﺍﻟﻜﺰﺍﺯ ﻋﺎﻳﻔﺘﺔ ﺑﺎﻟﻜﺎﻉ
ﻣﻴﺎﻣﻴﻦ ﺍﻭﻑ ﻧﺴﻴﺘﺔ
ﻛﻤﺖ ﻧﻀﻔﺖ ﺍﻟﻜﺰﺍﺯ
ﺍﻟﺘﻔﺘﺖ ﻋﻠﻲ : ﻣﺘﻌﺸﻲ ﻟﻮ ﺗﺮﻳﺪ ﺍﺳﻮﻳﻠﻚ ﻋﺸﺎ
ﻏﺰﻭﺍﻥ ﺑﺴﺨﺮﻳﺔ : ﻫﻪ ﻻ ﻣﻨﺘﻀﺮﺝ ﻟﻬﺴﺔ ... ﺍﻧﺘﻲ ﺷﺎﻳﻔﺔ ﺍﻟﺴﺎﻋﺔ ﺍﺑﻴﺶ
ﺍﻟﺘﻔﺘﺖ ﻋﺎﻟﺴﺎﻋﺔ ﺷﻔﺘﻬﺎ ﺏ ١٢ ﻋﺰﺯﺯﺓ ﺷﺠﺎﻧﻲ ﻋﺎﻟﻨﻮﻡ ﺍﻧﻲ
ﺍﻟﺘﻔﺘﺖ ﺍﺭﻳﺪ ﺍﺭﻭﺡ ﻟﻐﺮﻓﺘﻲ
ﻏﺰﻭﺍﻥ : ﺍﻭﻛﻔﻲ .... ﺳﻤﻌﻴﻨﻲ ﺯﻳﻦ
ﺍﻟﺘﻔﺘﺖ ﻋﻠﻲ ﺑﺪﻭﻥ ﻣﺎ ﺍﺣﺠﻲ
ﻛﻤﻞ ﻛﻼﻣﺔ ﺑﺄﻣﺮ : ﻣﻦ ﺑﺎﺟﺮ ﻣﺎ ﺍﺭﻳﺪ ﺍﻟﺒﻴﺖ ﺍﻱ ﻭﺻﺦ ﺑﻲ ... ﻛﻞ ﻳﻮﻡ ﻳﺘﻨﻀﻒ ... ﻭﻏﺮﻓﺘﻲ ﻛﻞ ﻳﻮﻡ ﺗﺮﺗﻴﺐ ﻭﺗﻌﺰﻳﻞ ﻭﺗﻨﻀﻴﻒ ﻭﻛﻠﺸﻲ ﺑﻤﻜﺎﻧﺔ ... ﻣﻼﺑﺴﻲ ﺗﻨﻐﺴﻞ ﻭﺗﻨﻜﻮﻱ ﺍﻭﻝ ﺑﺄﻭﻝ ... ﻭﺍﺫﺍ ﺷﻔﺖ ﺍﻱ ﺷﻲ ﻣﻮ ﻣﺮﺗﺐ ﺍﻭ ﻣﻮ ﻧﻀﺎﻣﻲ ﻑ ﺍﻋﺘﺒﺮﺓ ﺍﻧﺞ ﺗﻜﻠﻴﻠﻲ ﺗﻌﺎﻝ ﻋﺎﻗﺒﻨﻲ
ﻭﺍﻧﺘﻲ ﺗﻌﺮﻓﻴﻦ ﻋﻘﻮﺑﺎﺗﻲ ﻫﻮﺍﻱ ... ﺻﺎﺭ ﻣﻌﻠﻮﻡ
ﻫﺰﻳﺖ ﺭﺍﺳﻲ ﺏ ﺍﻱ : ﺣﺎﺿﺮ
ﻏﺰﻭﺍﻥ ﺑﺒﺮﻭﺩ : ﺣﻠﻮ .. ﻫﺴﺔ ﻭﻟﻲ ﺍﻧﻄﻤﺮﻱ
ﺭﺣﺖ ﻟﻐﺮﻓﺘﻲ ﺗﻤﺪﺩﺕ ﻭﻣﺒﺎﺷﺮﺓ ﻧﻤﺖ .. ﻣﺎﺩﺭﻱ ﺷﺠﺎﻳﻨﻲ ﻋﺎﻟﻨﻮﻡ
ﻛﻌﺪﺕ ﺍﻟﺼﺒﺢ ﻣﻦ ﻭﻗﺖ ﺭﺣﺖ ﺩﻛﻴﺖ ﺑﺎﺏ ﻏﺮﻓﺘﺔ
ﻣﺎﻛﻮ ﺻﻮﺕ ... ﺍﻛﻴﺪ ﻃﺎﻟﻊ
ﻓﺘﺤﺖ ﺍﻟﺒﺎﺏ ﻭﺷﻔﺖ ﺍﻟﻐﺮﻓﺔ ﻫﻮﺳﺔ
ﻫﺎﻱ ﺷﻨﻮ .. ﻣﻮ ﺧﺎﺗﻮﻥ ﻛﺎﻟﺖ ﻣﻮ ﻓﻮﺿﻮﻱ ﻭﻳﻜﺮﻩ ﺍﻟﻬﻮﺳﺔ ﻟﻌﺪ ﻫﺎﻱ ﻏﺮﻓﺔ ﺟﺪﻱ
ﺑﺲ ﻭﺍﻟﻠﻪ ﻣﺒﻴﻦ ﻣﺘﻌﻤﺪ ﻳﻬﻮﺳﻬﺔ ﻋﻠﻤﻮﺩ ﺍﺗﻌﺐ ﺑﻴﻬﺎ
ﻋﺰﻟﺖ ﺍﻟﻤﻼﺑﺲ ﺍﻟﻲ ﻧﻀﻴﻔﺔ ﻭﻣﻜﻮﻳﺔ ﺑﺲ ﻣﻄﺸﺮﻫﻦ ﺑﺎﻟﻜﺎﻉ
ﻋﺰﻟﺖ ﺍﻟﻐﺮﺍﺽ ﺍﻟﻲ ﻋﺎﻟﻤﻴﺰ ... ﺷﻔﺖ ﺗﻠﻴﻔﻮﻥ ﻣﻮﺟﻮﺩ ﻋﺎﻟﻤﺠﺮﺍﺕ
ﺍﺟﺖ ﻓﻜﺮﺓ ﺍﺑﺎﻟﻲ ﺑﺲ ﺧﻔﺖ ... : ﺍﻓﻔﻒ ﻣﻴﺎﻣﻴﻦ ﻻ ﺗﺨﺎﻓﻴﻦ ﻫﻮ ﻣﻮ ﻫﻨﺎ
ﺷﻠﺖ ﺍﻟﺘﻠﻴﻔﻮﻥ ﻭﻣﺠﺎﻥ ﺑﻲ ﺭﻣﺰ ﻓﺮﺣﺖ
ﺩﺧﻠﺖ ﺭﻗﻢ ﺍﺧﻮﻳﺔ ﺣﺴﺎﻥ ﻻﻥ ﺑﺲ ﻫﻮ ﺣﺎﻓﻀﺘﺔ
ﺭﺩﺕ ﺍﺗﺼﻞ ﺑﺲ ﻓﺠﺄﺓ : ﺍﺍﺍﺍﺍﺍﺍﺍﺍﺍﻩ
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ
#بارت٩
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺍﻟﺮﺟﻞ ﺍﻟﺬﻱ ﻳﻌﺎﻣﻞ ﺍﻟﻤﺮﺃﺓ ﻛﻤﻠﻜﺔ ﺩﻟﻴﻞ ﻋﻠﻰ ﺃﻧﻪ ﺗﺮﺑﻰ ﻋﻠﻰ ﻳﺪ ﻣﻠﻜﺔ ﺃﺧﺮﻯ .
ﻭﻟﻴﻢ ﺷﻜﺴﺒﻴﺮ
ﺷﻔﺖ ﺗﻠﻴﻔﻮﻥ ﻣﻮﺟﻮﺩ ﻋﺎﻟﻤﺠﺮﺍﺕ
ﺍﺟﺖ ﻓﻜﺮﺓ ﺍﺑﺎﻟﻲ ﺑﺲ ﺧﻔﺖ ... : ﺍﻓﻔﻒ ﻣﻴﺎﻣﻴﻦ ﻻ ﺗﺨﺎﻓﻴﻦ ﻫﻮ ﻣﻮ ﻫﻨﺎ
ﺷﻠﺖ ﺍﻟﺘﻠﻴﻔﻮﻥ ﻭﻣﺠﺎﻥ ﺑﻲ ﺭﻣﺰ ﻓﺮﺣﺖ
ﺩﺧﻠﺖ ﺭﻗﻢ ﺍﺧﻮﻳﺔ ﺣﺴﺎﻥ ﻻﻥ ﺑﺲ ﻫﻮ ﺣﺎﻓﻀﺘﺔ
ﺭﺩﺕ ﺍﺗﺼﻞ ﺑﺲ ﻓﺠﺄﺓ : ﺍﺍﺍﺍﺍﺍﺍﺍﺍﺍﻩ
ﺣﺴﻴﺖ ﺷﻌﺮﻱ ﺍﺗﻜﻄﻊ ﻭﺍﻟﺘﻠﻴﻔﻮﻥ ﺍﻧﺴﺤﺐ ﻣﻨﻲ
ﻏﺰﻭﺍﻥ ﺑﻔﺤﻴﺢ ﻭﺭﺍﺳﺔ ﻳﻢ ﺍﺫﻧﻲ : ﻋﺮﻓﺘﺞ ﺭﺍﺡ ﺗﺤﺎﻭﻟﻴﻦ ﺗﺘﺼﻠﻴﻦ ﻟﻬﺎﻟﺴﺒﺐ ﺭﺟﻌﺖ
ﻣﻴﺎﻣﻴﻦ : ﻓﺪﻭﺓ ﺑﺲ ﺍﺣﺠﻲ ﻭﻳﺔ ﺍﻣﻲ ... ﺍﻛﻴﺪ ﻗﻠﻘﺎﻧﺔ ﻋﻠﻴﺔ
ﻏﺰﻭﺍﻥ ﺑﻌﺼﺒﻴﺔ : ﺍﻧﻲ ﻣﻮ ﻛﺘﻠﺞ ﺍﻧﺴﻲ ﺷﻲ ﺍﺳﻤﺔ ﺍﻫﻠﺞ
ﻣﻴﺎﻣﻴﻦ ﻭﻋﻴﻮﻧﻲ ﻣﻐﻮﺭﻛﺔ : ﻭﺍﻧﻲ ﻛﺘﻠﻚ ﻫﺬﻭﻟﺔ ﺍﻫﻠﻲ ﻭﻣﺴﺘﺤﻴﻞ ﺍﻓﻜﺮ ﺍﻧﺴﺎﻫﻢ
ﻏﺰﻭﺍﻥ : ﺧﻮﺵ ﻟﻌﺪ ﺍﻧﻲ ﺍﻧﺴﻴﺞ ... ﺑﺲ ﻣﻮ ﻫﺴﺔ ... ﻣﻦ ﺍﺭﺟﻊ ﻳﺼﻴﺮ ﺧﻴﺮ
ﻃﻠﻊ ﻭﺍﺧﺬ ﺍﻟﺘﻠﻴﻔﻮﻥ
ﺍﻧﻲ ﻛﻤﺖ ﺍﻛﻤﻞ ﺗﻌﺰﻳﻞ
ﻓﺘﺤﺖ ﺍﻟﻜﻨﺘﻮﺭ ﺍﺭﻳﺪ ﺍﺣﻂ ﺑﻲ ﺍﻟﻤﻼﺑﺲ ﺍﻟﻲ ﻋﺰﻟﺘﻬﻦ ﺑﺲ ﺟﺎﻥ ﻓﺎﺭﻍ ﺑﺲ ﺑﺲ ﻛﻢ ﻗﻄﻌﺔ ﻭﻛﻠﻬﻦ ﻗﻮﻁ ﻣﺒﻴﻨﺎﺕ ﺟﺪﻳﺪﺍﺕ ﻟﻮ ﻛﻢ ﻟﺒﺴﺔ ﻣﻠﺒﻮﺳﺎﺕ
ﻟﻌﺪ ﻭﻳﻦ ﺑﺎﻗﻲ ﻣﻼﺑﺴﺔ
ﺷﻔﺖ ﺑﺮﺩﺓ ﺑﻴﻀﺔ ﺑﺼﻒ ﺍﻟﺒﺎﺏ
ﺭﺣﺖ ﻓﺘﺤﺘﻬﺎ ﻃﻠﻌﺖ ﻏﺮﻓﺔ ﺑﺪﻭﻥ ﺑﺎﺏ ... ﺩﺧﻠﺖ ﺍﺳﺘﻘﺒﻠﺘﻨﻲ ﺭﻳﺤﺔ ﺍﻟﻌﻄﻮﺭ
ﺍﺑﺎﻭﻉ ﻋﺎﻟﻐﺮﻓﺔ ﻭﺑﻜﻞ ﻣﻜﺎﻥ ﻭﺍﻓﺘﺮ ﺑﻴﻬﺎ ﻭﺍﻧﻲ ﻓﺎﺗﺤﺔ ﺣﻠﻜﻲ
ﺟﻨﺖ ﺍﺷﻮﻑ ﺑﺲ ﻋﺎﻟﻨﺖ ﻭﺑﺎﻟﻤﺴﻠﺴﻼﺕ ﺷﻲ ﺍﺳﻤﺔ ﻏﺮﻓﺔ ﺗﺒﺪﻳﻞ ﻭﺑﻬﺎﻟﺸﻜﻞ
ﺟﺎﻧﺖ ﻏﺮﻓﺔ ﻣﻼﺑﺲ ﺭﺟﺎﻟﻴﺔ ... ﺍﻟﻤﻼﺑﺲ ﺑﺠﻬﺔ ﻣﻌﻠﻜﺎﺕ ﻭﺑﺘﺮﺗﻴﺐ ﺣﻠﻮ
ﺍﻻﺣﺬﻳﺔ ( ﺗﻜﺮﻣﻮﻥ ) ﻳﻠﻤﻌﻦ ﻭﺍﻛﺜﺮﻫﻦ ﺑﺎﻟﻠﻮﻥ ﺍﻻﺳﻮﺩ ﻭﻣﺴﻄﺮﺍﺕ ﻋﻠﻰ ﺭﻓﻮﻑ ﻭﺍﻟﺮﻓﻴﻦ ﺍﻻﺧﻴﺮﺍﺕ ﻣﻮﺟﻮﺩﺓ ﺑﻲ ﺷﺤﺎﻃﺎﺕ ﺭﺟﺎﻟﻴﺔ .. ﻳﻠﺒﺴﻮﻫﻦ ﻫﻨﺎ ﺑﺎﻟﺒﺼﺮﺓ ﻫﻮﺍﻱ ﻭﻳﺔ ﺍﻟﺪﺷﺎﺩﻳﺶ
ﻭﻣﺮﺍﻳﺔ ﻃﻮﻳﻠﺔ ﻣﻮﺟﻮﺩﺓ ﺑﺎﻟﻨﺺ
ﻭﺭﻑ ﺑﺼﻔﺔ ﻣﻤﻠﻲ ﻋﻄﻮﺭ ﻛﻠﺔ ﺭﺟﺎﻟﻲ ﺟﺬﺑﻨﻲ ﻛﻢ ﻋﻄﺮ ﺍﺷﻮﻓﻬﻦ ﺑﺎﻻﻋﻼﻧﺎﺕ ﻭﺍﻟﺒﺎﻗﻴﺎﺕ ﻣﺎﺭﻛﺎﺕ ﻣﺎ ﺍﻋﺮﻓﻬﻦ
ﺍﻟﺘﻔﺘﺖ ﺷﻔﺖ ﻣﺠﺮﺍﺕ ﻓﺘﺤﺖ ﺍﻭﻝ ﻭﺍﺣﺪ ﺑﻲ ﺳﺎﻋﺎﺕ ﻭﺑﺄﻟﻮﺍﻥ ﻣﺨﺘﻠﻔﺔ ... ﺍﺳﻮﺩ ﻭﻓﻀﻲ ﻭﺫﻫﺒﻲ ﻭﺍﺑﻴﺾ
ﻓﺘﺤﺖ ﺍﻟﻤﺠﺮ ﺍﻟﻮﺭﺍﻩ ﺑﻲ ﺑﺮﻭﺷﺎﺕ ﻭﻛﺒﻜﺎﺕ ﻣﺎﻟﺖ ﺍﻟﺪﺷﺎﺩﻳﺶ ... ﺟﻨﺖ ﺍﺷﻮﻑ ﻣﻨﻬﻦ ﻋﻨﺪ ﺭﺍﺋﺪ ﻭﻣﻦ ﺍﺳﺄﻟﺔ ﺍﻳﻜﻮﻝ ﻣﻦ ﻓﺎﺭﺱ ﻫﺪﻳﺔ
ﻛﻤﺖ ﺍﺣﺠﻲ ﻭﻳﺔ ﺭﻭﺣﻲ : ﺷﻨﻮ ﻣﻦ ﻧﺎﺱ ﺫﻭﻟﺔ .. ﺯﻧﺎﻛﻴﻞ ﻟﻮ ﺍﻛﻮ ﻛﻠﻤﺔ ﺑﻌﺪ ﺍﻛﺜﺮ ﻣﻨﻬﺎ ﺟﺎﻥ ﻛﻠﺘﻬﺎ ...
ﺭﺗﺒﺖ ﻣﻼﺑﺴﺔ ﻭﻃﻠﻌﺖ ﻣﻦ ﻏﺮﻓﺔ ﺍﻟﺘﺒﺪﻳﻞ
ﺭﺗﺒﺖ ﺟﺮﺑﺎﻳﺘﺔ
ﻏﺮﻓﺘﺔ ﺟﺎﻧﺖ ﺑﺎﻟﻠﻮﻥ ﺍﻻﺑﻴﺾ ﻛﻮﻟﺶ ﺣﻠﻮﺓ ﺍﻟﺤﺮﺑﺎﻳﺔ ﺣﻴﻞ ﻭﺍﺳﻌﺔ ﻭﻣﻦ ﻓﻮﻙ ﺍﻟﺘﺎﺝ ﻣﺎﻟﺘﻬﺎ ﺑﻲ ﻓﻴﻜﺎﺕ ﺣﻠﻮﺓ
ﺍﻟﻤﺮﺍﻳﺔ ﺗﻘﺮﻳﺒﺎ ﺟﺎﻧﺖ ﻣﺎﺧﺬﺓ ﻧﺺ ﺍﻟﺤﺎﻳﻂ
ﻭﻣﻴﺰ ﺗﻠﻔﺰﻳﻮﻥ ﻣﻦ ﺿﻤﻦ ﺍﻟﻐﺮﻓﺔ
ﺷﻔﺘﺔ ﺣﺎﻁ ﺻﻮﺭﺗﺔ ﺑﺄﻃﺎﺭ ﻭﻣﺤﻄﻮﻃﺔ ﻋﺎﻟﻤﻴﺰ ... ﺷﻠﺘﻬﺎ ﻭﺍﻧﻲ ﺍﺗﺄﻣﻞ ﺑﺸﻜﻠﺔ
ﻫﺴﺘﻮﻧﻲ ﺍﻧﺘﺒﻪ ﺍﻥ ﺣﻠﻮ ... ﻟﻠﺼﺮﺍﺣﺔ ﻣﻮ ﺑﺲ ﺣﻠﻮ ... ﻋﻴﻮﻧﺔ ﺍﺯﺭﻕ ﺩﺍﻛﻦ .. ﻭﺑﺸﺮﺗﺔ ﺳﻤﺮﺍ ﻋﻠﻰ ﺣﻨﻄﻲ ... ﻭﺧﺸﻤﺔ ﺯﻏﻴﺮ ... ﻭﻣﺤﺪﺩ ﻟﺤﻴﺘﺔ ﺑﺸﻜﻞ ﺩﻗﻴﻖ ﻭﻛﻮﻟﺶ ﻻﻳﻜﻠﺔ ... ﺟﺴﻤﺔ ﻋﺮﻳﺾ ﻭﻣﺒﻴﻦ ﺭﻳﺎﺿﻲ ﻻﻥ ﻋﻨﺪﺓ ﻋﻀﻼﺕ ﺑﺎﺭﺯﺓ ... ﻭﻃﺎﺑﻚ ﺣﻮﺍﺟﺒﺔ : ﺣﺘﻰ ﺑﺎﻟﺼﻮﺭﺓ ﻣﻌﺼﺐ ﻣﺎ ﻋﻨﺪﻙ ﺷﻲ ﺍﺳﻤﺔ ﺍﺑﺘﺴﺎﻣﺔ
ﻧﺰﻟﺖ ﺍﻟﺼﻮﺭﺓ ... ﺷﻔﺖ ﺻﻮﺭﺓ ﺛﺎﻧﻴﺔ ﺷﻠﺘﻬﺎ
ﺟﺎﻧﻮ ﻛﺎﻋﺪﻳﻦ ﻫﻮ ﻭﺍﺧﻮﺍﻧﺔ ﺑﺪﻳﻮﺍﻥ ﻭﻻﺑﺴﻴﻦ ﺩﺷﺎﺩﻳﺶ ﻭﻻﻓﻴﻦ ﺟﺮﺍﻭﻳﺎﺕ ﻭﻳﻀﺤﻜﻮﻥ ﺍﻭﻝ ﻣﺮﺓ ﺍﺷﻮﻑ ﺿﺤﻜﺔ ﻏﺰﻭﺍﻥ ... ﻋﺮﻓﺖ ﻓﺎﺭﺱ ﻻﻥ ﺷﺎﻳﻔﺘﺔ ﻗﺒﻞ ... ﻭﺑﺼﻔﻬﻢ ﻭﺍﺣﺪ ﻳﺸﺒﻪ ﻓﺎﺭﺱ ﻫﺬﺍ ﺍﻟﻲ ﺷﻔﺘﺔ ﻭﻳﺎﻫﻢ ﺍﻟﺒﺎﺭﺣﺔ ﺍﻟﺼﺒﺢ ﺍﻛﻴﺪ ﻫﺬﺍ ﻣﺆﻳﺪ
ﺣﻠﻮﺓ ﺻﻮﺭﺗﻬﻢ ﻛﺎﻋﺪ ﻏﺰﻭﺍﻥ ﺑﺎﻟﻨﺺ ﻭﻫﻤﺔ ﻛﻞ ﻭﺍﺣﺪ ﻣﻦ ﺟﻬﺔ ﻭﺗﻼﺛﺘﻬﻢ ﻳﻀﺤﻜﻮﻥ
ﻋﻔﺖ ﺍﻟﺼﻮﺭﺓ
ﺧﻠﺼﺖ ﺗﻨﻀﻴﻒ ﻏﺮﻓﺘﺔ ﻭﻃﻠﻌﺖ ...
ﻧﻀﻔﺖ ﺍﻟﺒﻴﺖ ﻭﻛﻤﻠﺘﺔ
ﻭﺳﻮﻳﺖ ﻏﺪﺍ
ﺻﺎﺭﺕ ﺍﻟﺴﺎﻋﺔ ﺏ ١٢ ﻭﻫﻮ ﻣﺎ ﺍﺟﺔ
ﺻﺒﻴﺖ ﺷﻮﻳﺔ ﻭﻛﻌﺪﺕ ﺍﻛﻠﺖ ﻭﺑﻌﺪﻳﺖ ﻟﻤﻴﺖ ﺍﻟﻤﻮﺍﻋﻴﻦ ﻭﻏﺴﻠﺘﻬﻦ
ﺍﻧﺘﻀﺮﺗﺔ ﻳﺠﻲ ﺑﺲ ﻣﺎ ﺍﺟﺔ
ﺭﺣﺖ ﻟﻠﻬﻮﻝ ﻛﻌﺪﺕ ... ﻭﺭﺓ ﺷﻮﻳﺔ ﻫﻮ ﺩﺧﻞ
ﺻﺒﻴﺘﻠﺔ ﻏﺪﺍ ﺑﺪﻭﻥ ﻣﺎ ﺍﺣﺠﻲ ﻭﻻ ﺷﻲ
ﺣﻄﻴﺘﺔ ﻛﺪﺍﻣﺔ ﻭﺍﻧﺘﻀﺮﺗﺔ ﻳﺨﻠﺺ ﺍﻛﻞ
ﺷﻠﺖ ﺍﻟﺼﻴﻨﻴﺔ ﺍﺧﺬﺗﻬﺔ ﻟﻠﻤﻄﺒﺦ ﻭﺟﺒﺘﻠﺔ ﺟﺎﻱ
ﻏﺰﻭﺍﻥ ﻭﻫﻮ ﻳﺸﺮﺏ ﻣﻦ ﺍﻟﺠﺎﻱ : ﻟﻴﺶ ﺍﻟﺠﺎﻱ ﺑﺎﺭﺩ
ﺍﺳﺘﻐﺮﺑﺖ ﻫﺴﺘﻮﻧﻲ ﻣﻄﻔﻴﺔ ﺍﻟﻘﻮﺭﻱ : ﺷﻮﻛﺖ ﻟﺤﻚ ﻳﺒﺮﺩ
ﻏﺰﻭﺍﻥ ﺑﻌﺼﺒﻴﺔ : ﺟﻨﺞ ﻣﻤﺼﺪﻛﺔ ﺳﺖ ﻣﻴﺎﻣﻴﻦ
ﻣﻴﺎﻣﻴﻦ : ﻻ ﻣﻮ ﻗﺼﺪﻱ ﺑﺲ ﺍﺳﺘﻐﺮﺑﺖ
ﺷﺎﻝ ﺍﻻﺳﺘﻜﺎﻥ ﻭﺫﺏ ﺷﻮﻳﺔ ﻣﻨﺔ ﻋﻠﻰ ﺍﻳﺪﺓ : ﺑﺎﺭﺩ ﻣﺜﻞ ﺍﻟﺜﻠﺞ .. ﺗﻌﺎﻱ ﺷﻮﻓﻲ
ﺗﻘﺮﺑﺖ ﺍﺭﻳﺪ ﺍﺧﺬﺓ ﻭﻫﻮ ﺷﻤﺮﺓ ﺑﺎﻟﻜﺎﻉ ﻭﻛﺴﺮ ﺍﻻﺳﺘﻜﺎﻥ
ﻭﻛﺎﻝ ﺑﻌﺼﺒﻴﺔ : ﺍﻟﻤﺮﺓ ﺍﻟﺠﺎﻳﺔ ﺍﻟﺠﺎﻱ ﻣﺎﺭﻳﺪﺓ ﺑﺎﺭﺩ ... ﻭﺍﻧﻲ ﻛﺘﻠﺞ ﺍﻱ ﺷﻲ ﺍﻟﻜﺎﻩ ﻣﻮ ﻧﻀﺎﻣﻲ ﺍﻋﺘﺒﺮﺓ ﺑﻤﻌﻨﻲ ﻋﻘﺎﺏ ...
ﺟﺮﻧﻲ ﻣﻦ ﺷﻌﺮﻱ ﻭﺷﻤﺮﻧﻲ ﺑﺎﻟﻜﺎﻉ ﻃﺎﺣﺖ ﺍﻳﺪﻱ ﻋﻠﻰ ﺍﻟﺠﺎﻱ ﺑﺎﻟﻜﺎﻉ ... ﺷﻠﺖ ﺍﻳﺪﻱ ﺑﺴﺮﻋﺔ ﻻﻥ ﺍﻟﺠﺎﻱ ﺣﺎﺭ
ﻟﻌﺪ ﻟﻴﺶ ﻛﺎﻝ ﺑﺎﺭﺩ ﻭﺷﻠﻮﻥ ﺫﺑﺔ ﻋﻠﻰ ﺍﻳﺪﺓ
ﺷﺎﻝ ﺍﻟﺤﺰﺍﻡ ﻣﻦ ﺧﺼﺮﺓ ﻭﺻﺎﺭ ﻳﻀﺮﺑﻨﻲ ﻣﺜﻞ ﺍﻟﻤﺮﺓ ﺍﻟﻲ ﻗﺒﻠﻬﺎ
ﺍﺑﺠﻲ ﻣﻦ ﺍﻻﻟﻢ
ﻏﺰﻭﺍﻥ ﻭﻫﻮ ﻳﺸﻤﺮ ﺍﻟﺤﺰﺍﻡ ﺑﺎﻟﻜﺎﻉ : ﺑﻌﺪ ﻧﺺ ﺳﺎﻋﺔ ﺍﺭﺟﻊ ﺍﻟﻜﻰ ﺍﻟﻤﻜﺎﻥ ﻣﻨﻀﻒ ﻭﻣﺎﺭﻳﺪ ﺍﺷﻮﻑ ﺧﻠﻘﺘﺞ
ﻛﻤﺖ ﺑﺎﻟﻜﻮﺓ ﻧﻀﻔﺖ ﺍﻟﻤﻜﺎﻥ ﻭﻛﻌﺪﺕ ﺍﺑﺠﻲ ﺑﺎﻟﺼﺎﻟﺔ
ﻭﺭﺓ ﺷﻮﻳﺔ ﺩﺧﻠﺖ ﺧﺎﺗﻮﻥ ﺍﻧﻲ ﺑﺴﺮﻋﺔ ﻣﺴﺤﺖ ﺩﻣﻮﻋﻲ ﻭﺍﺑﺘﺴﻤﺖ
ﺧﺎﺗﻮﻥ ﻣﻦ ﺍﻟﺒﺎﺏ ﻭﻫﻲ ﺗﻤﺸﻲ ﺑﺄﺗﺠﺎﻫﻲ : ﺻﺒﺎﺍﺍﺣﻮ
ﺭﺩﻳﺖ ﻋﻠﻴﻬﺎ ﺑﺄﺑﺘﺴﺎﻣﺔ : ﻫﺬﺍ ﻳﺎ ﺻﺒﺎﺡ ... ﻛﻮﻟﻲ ﻣﺴﺎﺋﻮ ﺩﻧﻔﻮﺵ .. ﺷﻨﻮ ﻫﺴﺘﻮﺝ ﻛﺎﻋﺪﺓ
ﺧﺎﺗﻮﻥ ﺑﺮﻃﻤﺖ : ﻻ ﺗﻜﻮﻟﻴﻦ ﺩﻧﻔﻮﺵ ﻉ ﺍﺳﺎﺱ ﺍﻧﺘﻲ ﻋﺎﻳﺰﺓ .. ﻭﺑﻌﺪﻳﻦ ﻋﺒﺎﻟﺞ ﺍﻧﻲ ﻛﺴﻮﻟﺔ ﻭﻫﺴﺔ ﻳﻠﺔ ﺍﻛﻌﺪ
... ﻻ ﺣﺒﻴﺒﺘﻲ ﻛﻌﺪﺕ ﻣﻦ ﺍﻝ ٩ ﻭﻳﺔ ﺍﻟﺤﺠﻴﺔ ﺧﺎﺗﻮﻥ
ﺍﺳﺘﻐﺮﺑﺖ : ﻣﻨﻮ ﻫﺎﻱ ﺣﺠﻴﺔ ﺧﺎﺗﻮﻥ
ﺧﺎﺗﻮﻥ ﺑﺄﺑﺘﺴﺎﻣﺔ : ﺑﻴﺒﻴﺘﻲ ﺍﻡ ﺍﺑﻮﻳﺔ ... ﻛﻮﻟﺶ ﺍﺣﺒﻬﺎ ... ﻭﺧﺎﺻﺎً ﻏﺰﻭﺍﻥ ﺍﻳﻤﻮﺕ ﻋﻠﻴﻬﺎ ﻭﻛﻞ ﻳﻮﻣﻴﺔ ﻗﺒﻞ ﻻ ﻳﻄﻠﻊ ﻳﻤﺮ ﻋﻠﻴﻬﺎ
ﺍﺑﺘﺴﻤﺘﻠﻬﺎ : ﺍﻟﻠﻪ ﻳﺤﻔﻀﻬﺎ ﺍﻟﻜﻢ ﺍﻧﺸﺎﻟﻠﻪ
ﺧﺎﺗﻮﻥ : ﺗﺴﻠﻤﻴﻦ .... ﺍﻱ ﻣﻜﻠﺘﻴﻠﻲ ﺷﻠﻮﻥ ﺻﺮﺗﻲ
ﺍﺑﺘﺴﻤﺖ ﺑﺘﺼﻨﻊ : ﺍﻟﺤﻤﺪﺍﻟﻠﻪ ﺍﺣﺴﻦ
ﺧﺎﺗﻮﻥ : ﺑﻤﺎ ﺍﻥ ﺍﻟﻴﻮﻡ ﻏﺰﻭﺍﻥ ﻳﻄﻮﻝ ﻳﻠﺔ ﻳﺮﺟﻊ
ﺗﻌﺎﻟﻲ ﻧﻜﻌﺪ ﺑﺎﻟﺒﻠﻜﻮﻧﺔ ﺷﻮﻱ
ﻣﻴﺎﻣﻴﻦ ﻓﺮﺣﺖ ﻭﺍﺧﻴﺮﺍ ﺭﺍﺡ ﺍﺷﻢ ﻫﻮﺍ : ﻣﺎﺷﻲ ﻳﻠﺔ
ﺧﺎﺗﻮﻥ : ﺧﻠﻲ ﻧﺎﺧﺬ ﺟﺎﻱ ﻭﻧﻄﻠﻊ
ﺻﺒﻴﻨﺔ ﺟﺎﻱ ﻭﺍﺧﺬﻧﺎ ﻭﻃﻠﻌﻨﺎ ﻛﻌﺪﻧﺎ ﻋﻠﻰ ﻛﺮﺍﺳﻲ ﺑﺎﻟﺒﻠﻜﻮﻧﺔ
ﺣﻠﻮ ﺍﻟﻤﻨﻀﺮ ﺟﺎﻥ ﺧﻀﺎﺭ ﺍﻟﻤﻨﻄﻘﺔ ﺍﻟﻲ ﻛﺪﺍﻣﻬﻢ ﻳﻨﻄﻲ ﻣﻨﻈﺮ ﺭﺑﻴﻌﻲ ﻳﺠﻨﻦ ﺍﻟﺘﻔﺘﺖ ﻋﻠﻲ ﺑﻴﺖ ﺍﻫﻞ ﻏﺰﻭﺍﻥ ﺍﻟﻲ ﺟﺎﻥ ﻣﺒﻴﻦ ﻋﻠﻲ ﻣﻮ ﺍﻗﻞ ﻣﻦ ﺑﻴﺖ ﻏﺰﻭﺍﻥ
ﺑﺲ ﺟﺎﻥ ﻣﺒﻴﻦ ﺍﻟﺒﻴﺖ ﻫﻮﺳﺔ ﻳﻌﻨﻲ ﺑﻲ ﻧﺎﺱ ﻫﻮﺍﻱ
ﺍﻟﺘﻔﺘﺖ ﻋﻠﻰ ﺧﺎﺗﻮﻥ : ﺍﻣﻤﻢ ﺧﺎﺗﻮﻥ ... ﺍﻧﺘﻲ ﻟﻴﺶ ﺗﺠﻴﻦ ﻫﻨﺎ ... ﻳﻌﻨﻲ ﻗﺼﺪﻱ ﺑﻴﺘﻜﻢ ﺑﻲ ﻧﺎﺱ ﻫﻮﺍﻱ ﻭﻓﺎﺗﺤﺔ ﺍﺧﻮﺝ ﺑﻌﺪﻫﺎ ﻣﺎ ﻓﺎﺿﺔ ﻣﻦ ﺍﻟﻨﺎﺱ ... ﺷﻌﺠﺐ ﺗﻌﻮﻓﻴﻬﻢ
ﺧﺎﺗﻮﻥ ﺑﻬﻢ : ﺍﺣﺎﻭﻝ ﺍﺗﻬﺮﺏ ﻣﻦ ﻛﻠﺸﻲ ﻳﺬﻛﺮﻧﻲ ﺑﻔﻘﺪ ﻓﺎﺭﺱ ... ﻣﺎﺩﺭﻱ ﺍﺫﺍ ﺭﺍﺡ ﺍﺗﻌﻮﺩ ﻋﻠﻰ ﻫﺎﻟﺸﻲ ﺑﺲ ﻣﺎﺭﻳﺪ ﺍﺗﻬﻮﺩ ﻫﺴﺔ ... ﺍﻧﻲ ﻟﺤﺪ ﺍﻻﻥ ﻣﻤﺼﺪﻛﺔ ﺍﻥ ﻫﻮ ﺧﻠﺺ ﻣﻤﻮﺟﻮﺩ ﺑﻬﺎﻟﺪﻧﻴﺎ ... ﻭﺑﺎﻻﺿﺎﻓﺔ ﺍﻧﻲ ﺍﻛﺮﻩ ﺟﻮ ﺍﻟﺤﺰﻥ ... ﻭﺍﺟﻲ ﻳﻤﺞ ﻻﻥ ﻫﺪﻭﺀ ﻭﺣﻠﻮﺓ ﺍﻟﻜﻌﺪﺓ ﻭﻳﺎﺝ
ﺍﺑﺘﺴﻤﺘﻠﻬﺎ : ﻭﺍﻟﻠﻪ ﺍﻧﻲ ﻫﻢ ﺍﺣﺐ ﺍﻟﻜﻌﺪﺓ ﻭﻳﺎﺝ ... ﺍﺗﻤﻨﻰ ﻟﻮ ﺗﺒﻘﻴﻦ ﻳﻤﻲ
ﺧﺎﺗﻮﻥ : ﺍﻳﻲ ﺣﺘﻰ ﻧﻨﻜﺘﻞ ... ﻧﺤﺘﻞ ﺍﻟﺒﻴﺖ ﻭﺗﺎﻟﻲ ﺍﺛﻨﻴﻨﺔ ﻧﻨﻄﺮﺩ
ﺿﺤﻜﺖ ﻭﺑﻌﺪﻳﻦ ﺳﻜﺘﺖ : ﺍﻣﻤﻤﻢ ﺧﺎﺗﻮﻥ ﺍﺣﺠﻴﻠﻲ ﻋﻦ ﻏﺰﻭﺍﻥ
ﺧﺎﺗﻮﻥ ﺑﻬﺪﻭﺀ : ﺷﻨﻮ ﺗﺮﻳﺪﻳﻦ ﺗﻌﺮﻓﻴﻦ ﻋﻨﺔ
ﻣﻴﺎﻣﻴﻦ : ﺍﻣﻤﻢ ﻣﺜﻼ ﻃﺒﻌﺔ
ﺧﺎﺗﻮﻥ : ﻣﺎﺷﻲ ... ﺷﻮﻓﻲ ﻏﺰﻭﺍﻥ ﺻﺢ ﻋﺼﺒﻲ ﺑﺲ ﺣﻨﻮﻭﻭﻥ ﺑﺸﻜﻞ ... ﻭﻳﺤﺐ ﻳﺴﺎﻋﺪ ﺍﻟﻨﺎﺱ ... ﻳﺤﺐ ﻳﻀﺤﻚ ﻭﻳﺴﻮﻟﻒ
ﻣﻴﺎﻣﻴﻦ ﻃﻠﻌﺘﺖ ﻋﻴﻮﻧﻲ : ﻳﻀﺤﻚ ﻭﻳﺴﻮﻟﻒ ﻭﺣﻨﻮﻭﻭﻥ ... ﺧﺎﺗﻮﻥ ﺗﺮﺓ ﺟﺎﻱ ﺍﺳﺄﻟﺞ ﻋﻦ ﻏﺰﻭﺍﻥ ﻣﻮ ﺍﺣﺪ ﺛﺎﻧﻲ
ﺧﺎﺗﻮﻥ : ﻣﻴﺎﻣﻴﻦ ﻻ ﺗﺤﻜﻤﻴﻦ ﻋﻠﻰ ﻏﺰﻭﺍﻥ ﻣﻦ ﻳﻮﻣﻴﻦ ... ﺗﺮﺓ ﻭﻓﺎﺓ ﻓﺎﺭﺱ ﺍﺛﺮﺕ ﻋﻠﻲ ﻭﺧﺎﺻﺎً ﻓﺎﺭﺱ ﺍﺻﻐﺮ ﻭﺍﺣﺪ ﺑﺎﻟﻮﻟﺪ ﻭﺟﺎﻥ ﻳﺤﺐ ﻏﺰﻭﺍﻥ ﻛﻮﻟﺶ ... ﻏﺰﻭﺍﻥ ﻫﺴﺔ ﻛﻠﺒﺔ ﺑﻌﺪﺓ ﻣﺤﺮﻭﻙ ﻋﻠﻰ ﺍﺧﻮﻩ ﻭﻟﻬﺴﺔ ﻋﺼﺒﻴﺘﺔ ﻭﺣﻘﺪﺓ ﻣﺴﻴﻄﺮﺍﺕ ﻋﻠﻲ ... ﻭﻻ ﺍﺻﻼ ﻏﺰﻭﺍﻥ ﺣﻨﻮﻥ ﻭﺍﻟﻜﻞ ﻳﺤﺒﺔ ﻭﻣﻌﺮﻭﻑ ﺑﻄﻴﺒﺔ ﻛﻠﺒﺔ ﻋﻨﺪ ﻛﻞ ﺍﻟﻨﺎﺱ ... ﺑﺲ ﺍﻧﺘﻲ ﻫﺴﺔ ﻟﻸﺳﻒ ﺩﺍ ﺗﻮﺍﺟﻬﻴﻦ ﺫﻧﺐ ﻣﻮ ﺫﻧﺒﺞ ... ﺍﻧﺘﻲ ﺍﻋﺬﺭﻱ ﺍﺫﺍ ﺳﻮﺓ ﺷﻲ ... ﺻﺢ ﻣﻮ ﻣﻦ ﺍﻟﻤﻨﻄﻖ ﺍﻥ ﺍﻃﻠﺐ ﻣﻨﺞ ﻫﺎﻟﺸﻲ ... ﺑﺲ ﺣﻄﻲ ﻧﻔﺴﺞ ﺑﻤﻜﺎﻧﺔ ﻫﻮ ﻣﻦ ﻋﺮﻑ ﺍﻥ ﻓﺎﺭﺱ ﻣﺎﺕ ﻣﻘﺘﻮﻝ ﻭﻫﻮ ﻣﺎﻛﻮ ﺑﻜﻠﺒﺔ ﻏﻴﺮ ﺍﻟﺤﻘﺪ ﻭﻣﺎ ﻋﻠﻰ ﻟﺴﺎﻧﺔ ﻏﻴﺮ ﻛﻠﻤﺔ ﺍﺧﻮﻱ ﺷﺬﺑﺔ ﻳﻨﻘﺘﻞ ﻭﻫﻮ ﺑﻌﺪﺓ ﺯﻏﻴﺮ
ﺷﺎﻟﺖ ﻛﻮﺏ ﺍﻟﺠﺎﻱ ﻭﺩﺧﻠﺖ ﺣﺘﻰ ﺗﻨﻄﻴﻨﻲ ﺍﻟﻤﺠﺎﻝ ﺍﻓﻜﺮ ﺑﻜﻼﻣﻬﺔ
ﺻﻔﻨﺖ ﺑﻜﻼﻡ ﺧﺎﺗﻮﻥ ﻭﻓﻜﺮﺕ ﺑﻲ
ﺍﻧﻲ ﺟﻨﺖ ﺍﺷﻮﻑ ﺗﻌﺎﻣﻠﺔ ﻭﻳﺎﻱ ﻣﻦ ﻧﺎﺣﻴﺔ ﺛﺎﻧﻴﺔ
... ﻫﻮ ﻫﻢ ﺣﻘﺔ ﺍﺧﻮﻩ ﺍﻟﻲ ﺍﻧﻘﺘﻞ ... ﺍﻧﻲ ﻣﻦ ﺍﺣﺎﻭﻝ ﺍﻗﻨﻌﺔ ﺏ ﺍﻥ ﺭﺍﺋﺪ ﻣﺎ ﻓﺎﺭﺱ ... ﺯﻳﻦ ﻫﻮ ﺷﻤﺪﺭﻱ ﻫﻮ ﺑﺲ ﺷﺎﻑ ﺍﺩﻟﺔ ﻭﺛﺒﻮﺗﺎﺕ ﺗﺜﺒﺖ ﺟﺮﻳﻤﺔ ﺭﺍﺋﺪ ... ﺍﻧﻲ ﻋﻨﺪﻱ ﺛﻘﺘﻲ ﺑﺮﺍﺋﺪ ﻣﺎ ﺗﻜﺴﺮﻫﺔ ﺍﻱ ﺍﺩﻟﺔ ﻭﺛﺒﻮﺗﺎﺕ ... ﺑﺲ ﻫﻮ ﻣﺎ ﻋﻨﺪﺓ ﻫﺎﻟﺸﻲ ﻭﻣﺎ ﺟﺎﻥ ﻳﻌﺮﻑ ﺭﺍﺋﺪ ﺍﺻﻼ ... ﻛﻞ ﺍﻟﻲ ﻋﺮﻓﺔ ﻫﻮ ﺍﻥ ﺍﻛﻮ ﻭﺍﺣﺪ ﻗﺘﻞ ﺍﺧﻮﻙ ﻭﺍﻛﻮ ﺍﺩﻟﺔ ﻋﻠﻰ ﻫﺎﻟﺸﻲ ... ﻭﻫﻮ ﺟﺎﻱ ﻳﺎﺧﺬ ﺣﻖ ﺍﺧﻮﻩ ... ﺍﺻﻼ ﻫﻮ ﺯﻳﻦ ﻣﻨﺔ ﻭﻣﺎ ﻗﺘﻞ ﺍﻟﻲ ﻗﺘﻞ ﺍﺧﻮﻩ ... ﺑﺲ ﻫﻮ ﻳﺮﻳﺪ ﻳﻌﺬﺑﺔ ﻭﻫﻮ ﻋﺎﻳﺶ ... ﻭﻳﻌﺮﻑ ﻫﻮ ﺍﻥ ﺍﻟﻌﺬﺍﺏ ﺍﻟﻨﻔﺴﻲ ﺍﻗﻮﻯ ﻣﻦ ﺍﻟﻌﺬﺍﺏ ﺍﻟﺠﺴﺪﻱ
... ﻛﻞ ﺍﻟﻲ ﺟﺎﻱ ﻳﺴﻮﻳﻪ ﻻﻥ ﻓﻘﺪ ﺍﺧﻮﻩ .... ﻭﻓﻘﺪ ﺍﻻﺧﻮ ﻣﻮ ﺷﻲ ﺳﻬﻞ ... ﺍﻧﻲ ﻣﺠﺮﺩ ﻣﺎ ﺳﻤﻌﺖ ﺍﻥ ﺭﺍﺋﺪ ﺗﺼﻮﺏ ﺳﻮﺩﺕ ﺍﻟﺪﻧﻴﺎ ﺑﻌﻴﻨﻲ ﻭﺣﺴﻴﺖ ﻓﻘﺪﺕ ﺍﻻﻣﻞ
ﺷﻠﻮﻥ ﺍﺫﺍ ﻫﻮ ﺩﻓﻦ ﺍﺧﻮﻩ ﺑﻴﺪﺓ
ﻛﻤﺖ ﻣﻦ ﻣﻜﺎﻧﻲ ﻭﻧﺰﻟﺖ ﻣﻠﻜﻴﺖ ﺧﺎﺗﻮﻥ : ﺍﻛﻴﺪ ﺭﺍﺣﺖ
ﻛﻌﺪﺕ ﻭﻛﻼﻣﻬﺔ ﻣﺎ ﻓﺎﺭﻕ ﻋﻘﻠﻲ
ﺭﺟﻌﺖ ﻃﻠﻌﺖ ﻟﻠﺒﻠﻜﻮﻧﺔ ﺣﻄﻴﺖ ﺍﻳﺪﻳﺔ ﻋﺎﻟﺴﻴﺎﺝ ﻭﺻﻔﻨﺖ ﻋﺎﻟﻤﻜﺎﻥ
ﻛﻤﺰﺕ ﻋﻠﻰ ﺻﻮﺗﺔ ﻭﺭﺍﻱ : ﻣـــﻴــﺎﻣـــﻴــﻦ
ﺑﺎﻟﻮﻗﺖ ﺍﻟﺤﺎﻟﻲ ﻗﺎﻃﻊ ﺳﻠﺴﻠﺔ ﺫﻛﺮﻳﺎﺗﻲ ﻫﻢ ﺍﺳﻤﻲ ﺑﺲ ﻫﺎﻟﻤﺮﺓ ﺑﻬﺪﻭﺀ : ﻣﻴﺎﻣﻴﻦ ﻭﻳﻦ ﺻﺎﻓﻨﺔ
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!