رواية سجينها الفصل الثاني 2 - بقلم سوليه نصار

رواية سجينها الفصل الثاني2 سوليه نصار

اتجوز مين ؟!انتي مجنو.نة صح...قولي انك مجنو.نة ...ياربي أنا غلـ.طت ...والله غلـ.طت بس خلاص حرمت وهصلي وهعمل كل أعمال الخير اللي في الدنيا لكن البلا.ء ده صعب ....

ضحكت وانا ببصله وقولت :

-فيه ايه يا حلو ...حد يلاقي واحدة قمر زيي بتطلب منه الجواز ويتضا.يق وبعدين يعني ده جزاتي اني مش هبلغ عنك البو.ليس واقول انك حاولت تقتلني ...

-يا ستي ابوس ايديكي ابعدي عني ...منك لله يا علاء ...ومني لله اني فكرت بالطريقة دي ...أنا يا هانم امي تعبانة وعايزة عملية والعملية غالية عشان كده اضطريت اعمل كده لكن والله أنا اهبل واهطل وامي عارفة ...

-وهتبقى رد سجون لو منفذتش اللي قولتلك عليه ...انت مش هتتجوزني يعني هتتجوزني ..انت بس هتعمل نفسك جوزي ...احنا نروح لعمي ومرات ابويا ونقولهم انك جوزي ....وعشان المصداقية نضرب عقد عرفي مز.ور

-يا خراب بيتي ...يا ستي ابوس ايديكي هتدخليني مع رجالة عيلتكم ليه ...بعدين حرام عليكي بقولك امي تعبانة انتي معندكيش د.م ...

-لا معنديش ...بقولك ايه لو منفذتش اللي بقوله أنا هحبـظسك ...عمي عايز يجوزني لواحد اكبر مني بخمستاشر سنة ...يرضيك القمر ده يتد.فن بالحيا....

فضل يبص حواليه فقولت بعصبية :

-بتبص على ايه ؟!

-ببص على القمر اللي بتقولي عليه عشان مش شايفه في اي حد ...اوعى يكون قصدك علاء ...

-خلصت تُقل دم صح ...

صمت وهو بيبصلي فقعدت على الكرسي وقولت ؛

-هديك عشر دقايق تفكر في اللي قولتلك عليه وبعدين قرر ...السجـ ن أو تتجوزني كده وكده يعني ...متقلقش مش من جمالك يعني هطمع فيك ..

بس هو كان حلو ..قولتها لنفسي ...بس مكانش وقته دلوقتي أنا في مصيبة وهو اللي هيحلها

بصيت لعلاء وكملت :

-أنت يالا ...تعالى هنا ...

-يالا ...هو انتي تقريبا ناسية أننا خا.طفينك ولا ايه ...

قالها آدم فبصتله بتر.يقة وقولت :

-هو تقريبا من خوفكم مني أنا اللي خا.طفاكم قرب علاء مني وقال بتوتر :

-نعم يا آنسة ..

-بلاش الألقاب يا علاء احنا هنبقى عيلة واحدة ...قولي يا منى هانم ...أنا متواضعة اووي على فكرة ....المهم اربطني كويس بدل الربطة المضحكة اللي ربطتها ليا ....

بص علاء لآدم اللي قاله :

-سيبك منها ابعد أنت ...

وبعدين قرب مني وقال :

-أمري لله أنا موافق...

ابتسمت بسعادة وقولت :

-روح ألبس بقا الحتة اللي على الحبل .

.....

بعد ساعتين ...

كنت ببص على بيت عمي الواسع ...اللي هو بيت ابويا وهو قاعد فيه وعشان كده عايز يجوزني لابنه الفاشل اللي اكبر مني بخمستاشر سنة ويجبر.ني اتخلى عن الورث بتاعي لان ابويا كتبلي البيت بإسمي في حياته وده عمل مشا.كل كتير ....مرات ابويا اللي اتجوزته بعد ما ابويا ما.ت ...الاتنين أذ.وني كتير ...

كانوا بيدوروا عليا بعد ما اختفيت. والمأذون مستني ...اول ما شافتني مرات ابويا جريت ناحيتي وصر.خت :

-كنتي فين يا مقصو.فة الرقبة...

ابتسمت ليها بشـ.ر وانا بمسك ايد آدم وقولت :

-كنت بتجوز يا مرات عمي !

يتبع