تحميل رواية سجينته للأبد بقلم ماهى احمد pdf

د

سجينته للابد 💞

(الجزء الاول)

خلاص خلاص يازين والله ما هعمل كده تاني سيبني حرام عليك مش قادره

زين : لاء المره دي انا جيبت أخرى منك خلاص مش هعديها يانادره زي كل مره

نادره : المره دي وبس.. أه.. أه.. شعري حرام عليك هيطلع في ايدك

(وقتها دخلني الاوضه اللي في الجراج وقفل عليا زي ما بيعمل مع الخدامين ودي كانت أول مره يبقى قاسي عليا اوي كده ممكن عشان غلطي كان كبير المره دي ومش قادر يسامحني زي كل مره)

زين : جدتي البت دي ما تطلعش من هنا خالص الا لما تتعلم الادب واللي هيطلعها من هنا هحطه مكانها انتي فاهمه

جدتي : حاضر يابني بس هدي نفسك انت بس دي مهما كانت ضيفه عندنا ومش واخده على عادتنا وتقاليدنا

انا قولت كلمه واحده ياجدتي وعهد الله لو ما اتنفذت مش هيحصلكم كويس وادي المفتاح هيبقى في جيبي عشان محدش لا يدخلها اكل ولا مايه

انا ماشي ياجدتي مش عايزه حاجه قالتله مش هتاكل يابني انت مكلتش حاجه من ساعه اللي حصل

لا ياجدتي ماليش نفس.. أنا ماشي

ودي آخر حاجه سمعت زين بيقولها لجدتي بره وانا هنا محبوسه في الاوضه

وبعدها جدتي مشيت بقيت انادي عليها وأقولها جدتي ماتسبنيش انا خايفه.. جدتي حرام عليكي الدنيا هنا ضلمه اوي وانا بعيط ومش قادره.. قالتلي (ما اقدرش اكسر كلامه يابنتي) انتي عرفاه ممكن يعمل فينا كلنا ايه انتي السبب انتي اللي خلتيه يوصل معاكي لكده وسابتني ومشيت

قعدت في ركن وانا مستنيه النهار يطلع عشان يبقى في اي نور داخل الاوضه

وبقيت اقول وانا بعيط ربنا يسامحك يا بابا مطرح ما انت موجود دلوقتي انت اللي جيبتني هنا انا مكاني عمره ما كان هنا ليه عملت فيا كده حرام عليك

وابتديت افتكر وانا قاعده في الاوضه الضلمه دي كل اللي حصل من وقت ما جيت

(Flash back)

انا نادره عندي ١٨ سنه كنت عايشه في كندا مع والدي مامتي ماتت وانا عندي ١٠ سنين في حادثه عربيه وبابا هو اللي رباني من وقتها بابا سافر وهو صغير كندا عشان يشتغل وقابل والدتي هناك كانت غنيه وجميله وبعد محاولات كتير من والدي وماما اخيرا اتجوزوا.. وجيت انا على الدنيا.. بعد ما ماما ماتت بابا استلم ميراثها وشغله صح وبقي من أصحاب المصانع والشركات وبقي من أهم رجال الأعمال في كندا مكنتش بعرف عنه حاجه ابدا كنت كل يوم الاقيه مع ست مختلفه بس اول ما يطلع النهار ماشوفش وش الست دي تاني..

كبرت على كده لا عمري عرفت يعني اي صوم ولا صلاه كنت مع صحابي دايما اربعه وعشرين ساعه بركب العربيه اللي نفسي فيها وعايشه في منطقه كويسه جدا بلبس اللي انا عايزاه وبعمل اي حاجه في اي وقت استايلي ممكن يكون مجنون شويه بس انا بحب جدا الألوان المطرقعه المجنونه في كل حاجه

بحط البرسينج في كل حته في جسمي في مناخيري وسرتي ولساني وعلى شفايفي بحبه جدا

بعشق حاجه اسمها تاتو بس دي الحاجه الوحيده اللي لما كنت اجي اعملها بابا ما يرضاش ابدا ويقولي بلاش تبوظي خلقه ربنا

..علاقتي ببابا صفر تقريبا مع اننا عايشين في بيت واحد بس ما بنشوفش بعض ابدا غير في المناسبات حياتي كانت ماشيه perfect تقريبا لحد اليوم المشؤوم ده اللي قررت فيه اني افقد عذريتي واكون زي صحابي انا خلاص هكمل ١٨ سنه كمان شهرين ولسه virgin صحابي بيتريقوا عليا حرفيا ان لسه مافيش حد في حياتي.. فقررت ان ماينفعش ابدا افضل virgin (عذراء) كل ده روحت حفله لواحد صحبي وكان فيه بنات وولاد كتير هناك اخترت واحد كان so hot وكمان popular عندنا في الhigh school ودخلنا الاوضه سوا مش هكذب اني كنت خايفه جدا وقتها بس كان لازم ابقى زي صحابي واعيش حياتي وجرب الحياه الجنسيه زيهم ولسه بيقرب مني

سمعنا صوت عربيه البوليس جرينا بسرعه انا وهو بره والحفل كلها باظت بس انا مستسلمتش وقالي هنعمل اي دلوقتي خليها وقت تاني كنت فرحانه جدا انه محصلش كده بس في لحظه جه في بالي ضحك اصحابي عليا لو عرفوا اني معملتهاش النهارده قولتله تعالي عندي البيت كده كده بابا دايما مش موجود.. وافق طبعا ودخلت اوضتي انا وهو وجيبنا الشمبانيا وشربنا اول كاسين وابتدي يقرب مني ومع اول first kiss ليا منه بابا دخل علينا يادي النيله هو انا مش هجرب ابدا ال first kissing دي هتبقى عامله ازاي بصيت لبابا بكل بجاحه وقولتله انت ازاي تدخل عليا من غير ما تخبط على الباب وقتها فصل يزعق ويشخط فيا جدا وازاي اني اجيب ولد اوضه نومي عرفته اني خلاص كبرت ودي حاجه من حقي الولد اللي كان معايا مسك التي شيرت بتاعه ومشي وبابا مكنش مصدق اني خلاص كبرت وواقفه قدامه لا وكمان بقوله انا بعمل زيك بالظبط زي ما انت بتعمل كل يوم مع ست جديده انا من حقي اتمتع بحياتي.. وقتها بابا ضربني بالقلم وفضل يضرب فيا ومش مصدق ان بنته كبرت بلغت عنه البوليس وكان هيتحبس بس جه اترجاني اني اتنازل عن البلاغ اللي قدمته قولتله بس بشرط مالكش دعوه بحياتي الشخصيه وافق فورا وابتدي من بعدها يقرب مني شويه وقبل ما اكمل ال ١٨ سنه بأسبوعين قالي ان والدته بتموت ولازم نرجع مصر عشان نشوفها طبعا مارضيتش وقولتله ارجع معاك مصر ازاي انا معرفش حد هناك وهنا حياتي وصحابي ودنيتي كلها قالي ده هو اسبوع واحد جدتك هتموت وتشوفك وفضل يتحايل عليا كتير اوي لحد ما وافقت وخصوصا اني لسه مكملتش ١٨ سنه انا لسه تحت وصايته ضمني على باسبوره وسافرنا السفر كان مرهق جدا جدا ولما وصلنا القاهره افتكرت ان احنا كده خلاص وصلنا طلع ان احنا لسه هنسافر بلد تانيه اسمها الصعيد وبابا اهله هناك

روحنا هناك البلد كانت بالنسبالي غريبه جدا وكل حاجه متغيره البيوت من دور واحد والناس ماشيه ولابسين لبس يضحك اوي بالنسبالي واول ما روحنا دخلنا بيت كبير وناس مستنيانا وبيدبحوا عجل صوت لاقيت في واحده خدتني بسرعه من الباب اللي ورا ودخلتني البيت قبل ما حد ياخد باله مني قولتلها انتي بتعملي ايه في الاول مفهمتنيش وبعدها ابتديت اتكلم عربي وفهمتني وقالتلي ماكانش ينفع ابدا تظهري قدام الرجاله باللبس ده ومنظرك ده.. قولتلها انتي ازاي تكلميني بالطريقه دي

لاقيت بابا جه بسرعه وقالي معلش ياحبيبتي هي مش قصدها ادخلي اوضتك دلوقتي وبعدين نتكلم دخلت الاوضه وانا مش طايقه نفسي طلعت اللاب بتاعي وحطيت الpets في وداني عشان افصل من الدنيا دي وبقيت اتشات مع صحابي واي حد يخبط على الباب مكنتش بفتح لحد ما بقينا نص الليل ومابقيتش اسمع اي صوت بره وبعدها حسيت بالجوع طلعت بره عشان اجيب اي حاجه أكلها بس الدنيا كلها كانت ضلمه النور كان خفيف اوي والكل كان نايم

دخلت المطبخ عشان اشوف التلاجه فين وانا داخله رجلي خبطت في سن حديد كده تقريبا بتاع جردل زباله بقيت توجعني اوي وتنزل دم بقيت اعرج عليها واقول اه رجلي مش قادره, لاقيت واحد طلعلي في الضلمه وبيقولي مال رجلك خفت منه رجعت ورا وبقي يقرب مني قولتله انت مين قالي بقولك مالك هبطت في الحيطه وفتحت النور وأول ما شفته اترعبت لاقيته 😳😳

_آآحمد

سجينته للابد 💞

(الجزء الثاني)

اول ما فتحت النور شوفته لاقيت نص وشه محروق اتخضيت واترعبت شكله كان مرعب فعلا بصيتله وقولت wtf

خبا نص وشه بايديه وطفي النور بسرعه وقالي مابحبش النور اترعبت اكتر وقولتله انت مين فين بابا قالي مش هقولها تاني رجلك فيها ايه قولتله مالكش دعوه انا عايزه بابا

U are afreak

اتعصب جدا وقالي انا مش هضايق من كلامك ده دلوقتي وجاب كرسي وقالي اقعدي قولتله مش هقعد شخط فيا جامد وقالي قولتلك اقعدي قعدت بسرعه وجاب قماشه وبقي يمسح الدم اللي علي رجلي

قولتله أي ده اي القرف ده انا عايزه قطن وشاش وديتول ايه القرف اللي ماسكه في ايدك ده قالي والله ده اللي عندنا يا انسه نادره يا اما تسيبي رجلك تنزل دم كده يا تربطيها بالقماشه دي اخدت منه القماشه وربطت رجلي اول ما ربطت رجلي قام وسابني ومشي وداني ضهره كان علي قد ما يقدر بيخبي وشه مني قولتله استني فين بابا ماردش عليا روحتله وانا بعرج وقولتله رد عليا لاقيت ست كبيره طلعت من اوضتها وقالتلي ابوكي سافر يانادره انصدمت سافر ازاي وليه جابني هنا طالما هيسافر قالتلي كل دي حاجات مانقدرش نقولك عليها بس كل اللي عايزاكي تعرفيه أن ابوكي عمل كده غصب عنه وعشان مصلحتك مابقيتش مصدقاها قولتلها انتي كذابه بابا لا يمكن يكون عمل كده انتي ست كذابه زين رد وهو مخنوق وقالي عيب كده احترمي جدتك شويه ما ينفعش تقولي لجدتك أنها كذابه قولتله جدتي مين انا معرفكمش ده انا هاروح فيكم في داهيه انتوا جايبني عشان تحبسوني هنا جدتي قالتلي يابنتي انتي هنا في بيتك ده مش سجن ولا حاجه بقيت من الصدمه اصرخ في البيت كله بس تقريبا مكانش في حد في البيت غيرنا احنا التلاته بس

دخلت بسرعه جبت الفون واتصلت ببابا ولاقيت الفون بتاعه مقفول كنت هتجن هموت انا ازاي هقعد هنا مع الوحش ده وكمان الست دي قولتلهم انا هوديكم في ستين داهيه انا هحبسكم قالي اعملي اللي انتي عايزاه انتي هنا في مصر مش في كندا ومافيش اي قانون يقف معاكي أن البنت تبقي مسجونه في بيت اهلها لأن من الطبيعي انك تبقي موجوده في بيت أهلك ويالا بقي ادخلي اوضتك كفايه عليكي كده النهارده احنا بقينا وش الفجر

وياريت تلبسي ملابس محتشمه شويه عن كده انا موجود معاكي في البيت انتي مش لوحدك ، وزقني ودخلني الاوضه بقيت اعيط مش عارفه اعمل اي بقيت اتصل ببابا 50 مره في الدقيقه بس فونه مقفول ، وبقيت افتح اللاب اربعه وعشرين ساعه واحرق في سجاير مابعملش اي حاجه غير اني اشرب سجاير وبس واي حد يخبط عليا مش برضي افتح خالص لحد ما بقاش في حد بيخبط عليا من اساسه ، فضلت كده يومين وانا ميته من الجوع والعطش طلعت اخيرا من اوضتي وانا جعانه لاقيتهم بياكلوا قولتلهم انا جعانه جداا لاقيت جدتي بتقوللي اخيرا يا نادره طلعتي من اوضتك تعالي يابنتي كللي ، ولسه جايه اقعد لاقيت زين بيقوللي لاء استني انا ماحبش اللي يقعد معايا ع الاكل يبقي بالمنظر ده قولتلوا ازاي مش فاهمه قاللي يعني تروحي تلبسي حاجه محترمه الاول وتشيللي القرف اللي في وشك ده واللي حطاه في مناخيرك وكميه الميكب دي بصراحه منظرك ده بيسد نفسي عن الاكل وانا جعان قولتله انت بتعمل كده ليه حرام عليك ، قاللي كلمه تانيه زياده هدخلك الاوضه والمره دي انا هقفل عليكي ومش هطلعك منها تاني ، سيبته ومشيت وانا داخله الاوضه لاقيته بيقوللي (ماتنسيش تلبسي حاجه محترمه شويه )، دخلت الاوضه ولاقيت نفسي خلاص مش قادره انا فعلا هموت من الجوع جيبت الغسول بتاعي والشاور ودخلت اخدت شاور شيلت كل حاجه البيرسنج والخصل وفكيت شعري من الضفاير والميكب ولبست حاجه محترمه ، واول ما طلعت كان هو لسه قاعد ع الاكل فضل يبصللي جامد جداا كده وابتسم مش كان قادر يشيل عينه من عليا اللي هو حسيت انه اول مره يشوفني مش فاهمه ، بس اللي متأكده منه انها كانت نظره اعجاب ، حط وشه في الارض بسرعه وقااللي تمام كده تقدري تاكلي معانا قعدت ولسه هاكل ضرب ع ايدي وقاالي احنا كمسلمين لازم نسمي الله قبل ما ناكل وقولت بسم الله الرحمن الرحيم ، ولاقيته بيقول انا كده شبعت انا همشي ياجدتي مش عايزه حاجه وسابنا ومشي وبعدها انا اكلت ودخلت اوضتي وبكلم البيست بتاعتي قالتلي انها هتحجزللي في اول طياره طالعه وهتدفع تكاليفها بس اهم حاجه اهرب من البيت ، الفكره عجبتني جداا واستنيت لما ناموا ولميت شنطتي وحاجتي وبدور

علي الباسبور في شنطتي مالقيتهوش قولت اكيد هو في اوضه جدتي دخلت بالراحه وانا بتسحب علي مهلي ولسه بدور في الدولاب لاقيت زين فتح النور وقالي مش هتلاقي حاجه هنا يانادره اتخضيت وصوت وجدتي صحيت من النوم علي صوتي وقالتلي يابنتي احنا مش حبسينك هنا انتي هنا ضيفه وأمانه عندنا لحد ما ابوكي يرجع وياخدك سيبتهم وانا متنرفزه وكانت في عيون زين ضحكه سخريه دخلت علي سجني تاني اقصد علي اوضتي تاني وكلمت صحبتي تاني وقولتلها علي اللي حصل قالتلي طيب اي رايك لو تخلي زين ده يقع في حبك قولتلها انتي مجنونه ده شكله مرعب اوي انا بخاف منه اوي وبعدين انا هعمل كده ليه اصلا قالتلي لو حبك مش هيهون عليه زعلك وهيعملك كل اللي انتي عايزاه ومش بعيد كمان انه هو اللي يرجعك كندا بنفسه الفكره عجبتني وقولتلها تمام تعالي نبدأ اللعبه

_آآحمد

سجينته للابد 💞

الجزء التالت

بس لو بدأت معاه اللعبه هبدأها معاه ازاي ده قليل اوي لو قرب مني ده غير ان شكله مرعب جدا ومابيتكلمش كتير والانوار دايما مطفيه في البيت الكبير ده انا حاسه اني مش هعرف

وقولت لصاحبتي الكلام ده علي الشات قالتلي حاولي تغريه اي راجل بيحب الست اللي تبقي عندها انوثه وتغريه فكرت شويه وقولتلها ماشي

وكانت الساعه ٣ بالليل وانا عارفه أن الوقت ده بيبقي صاحي مش فاهمه ليه بيفضل صاحي طول الليل وعملت نفسي اني داخله اخد شاور ومش واخده بالي منه وليست البشكير بتاعي ولفه الفوطه علي شعري وطلعت من الحمام واول ما شفته عملت نفسي اتخضيت وفتحت البشكير بسرعه وأكنه وقع مني اول ما شافني بالمنظر ده غمض عيونه بسرعه وحط أيده علي عنيه وجاب البشكير من الأرض وغطاني بيه وقرب مني وقالي في ودني انا كنت فكرك رخيصه زي عمي بس مكنتش اعرف انك ارخص منه ومسكني من ايدي ودخلني علي اوضتي وفضلت طول الليل دموعي تنزل مني وقد ايه انا رخصت نفسي فعلا وكلمت صحبتي وحكيتلها علي اللي حصل

وبعدها بشويه سمعت زين بيتكلم مع جدتي وبيقولها علي اللي حصل قالتله حملك عليها يازين لسه ما تعرفش عوايدنا قلها عشان كده هتفضحنا وهنتجرس في البلد كلها

قالتله محدش في البلد يعرف انها جت غير بنت عمك نجاه قلها طيب ولحد أمتي هنفضل مديين للشغالين اجازه ولحد أمتي هنبقي حاسين أن احنا عاملين عامله

وليه ده كله وعشان مين قالتلي عشان خاطري يابني مهما كان اللي جوه دي بنت ابني قلها ابنك نسيتي ابنك عمل اي في ابويا وامي وفيا وبدفع تمن اللي عمله لحد دلوقتي وهرب ولا ابويا ما يبقاش ابنك هو كمان قالتله الاتنين عيالي وبدأت تعيط

مابقيتش فاهمه هو قصده اي وليه بابا جابني هنا وسابني عند الناس دول كنت هتجن وتاني يوم سمعت الباب بيخبط وفي ناس جت تزور جدتي جريت علي باب اوضتي بسرعه عشان اخرج لاقيته مقفول من بره بقيت اصرخ واقول الحقوووووني الحقوووووووني

لاقيت زين سمع صوتي وحط أيده علي بوقي وقالي بس مسمعش صوتك خالص وحط أيده علي بوقي والناس اللي جت سألت جدتي أنهم سمعوا أن عندهم ضيوف ولا لاء جدتي أنكرت وقالت لاء معندناش ضيوف ولا حاجه قالولها ولا ابنك جه من السفر وجاب بته معاه قالتله محصلش يابني انا ابني هربان من 20 سنه ومعرفش عنه حاجه سمعت الكلام وانا مستغربه هو في اي وليه ده كله

وقتها سكت ومابقيتش أقاوم زين

وسابني اول ما الناس مشيت

وجدتي دخلت الاوضه بسرعه وهي مرعوبه وقالت اكيد حد قالهم أن جمال كان هنا بس هما مش متأكدين

قولتلها انتي لو جدتي بجد روحيني من هنا انا عايزه ارجع بيتنا زين رد وقالي احنا ماقولناش لابوكي يجيبك عشان تروحي وقوليلي هاتروحي ازاي ابوكي جابك وماسبش ليكي اي ورقه هنا يعني لا باسبور ولا اثبات شخصيه ولا حاجه

سبلنا همك مش اكتر

قولتله انا عملتلك ايه انت بتكرهني للدرجه دي ليه بصلي وعنيه كلها غيظ وسابني ومشي وعلي بالليل جدتي دخلت عليا وجابتلي كوبايه لبن مكنتش عايزه اشربها بس شربتها وحسين أن طعمها غريب اوي وبعدها روحت في النوم

وصحيت لاقيت نفسي في اوضه غير اوضتي وبيت غير اللي كنت فيه

طلعت بره بسرعه لاقيت في راجل واقف قدام المزرعه جريت عليه وقولتله انا فين مكانش بيرد عليا وسابني وابتدي يشيل طين من الزرع قولتله انت مابتردش ليه انت اخرس بقي باصص ومابيتكلمش اتغظت منه اوى بقيت ازعق في وشه عشان يرد عليا وانا بكلمه وبضربه علي كتفه بأيدي لاقيت زين مسك ايدي وقالي مش هيرد عليكي وقتها كنا بالنهار وفي عز الشمس شفت ملامح زين كويس نص وشه في حرق شديد والنص التاني عنيه عسلي وابيض وملامحه صغيره وجميله اوي اول ما لقاني بدقق في وشه جامد مسكني من ايدي بسرعه ودخلني الأوضه تاني وقالي من دلوقتي دي هتكون اوضتك قولتله انت حيوان ما بتحسش انا هفضل سجينه عندك كده لحد أمتي بصللي وقالي لحد ما ابوكي يرجع وياخدك ونخلص بس طول ما انتي معايا هتعملي كل اللي انا هطلبه منك انتي فهماني

واول حاجه هطلبها ومش هطلبها تاني انك تلبسي حاجه محترمه عشان مابحبش اشوف جسمك العريان ده ورمالي شنطه فيها هدوم وقفل الباب وطلع وبفتحها لاقيتها فيها عبايات وجلاليب وهدوم مش بتاعتي اساسا رميتها في الارض وبقيت اخبط نفسي علي السرير

من غيظي وفضلت اعيط طول اليوم لحد ما الراجل الأخرس اللي شوفته الصبح لاقيته بيفتح الباب ومدخلي صنيه الاكل وحطها مسكت الصنيه ورميتها في وشه وقولتله محدش يدخل هنا تاني وانا بزعق ومخنوقه زين دخل عليا ومسكني من ايدي وقالي صوتك يبقي واطي ياانسه معندناش بنات محترمه صوتها يبقي عالي قولتله اه ايدي سيب ايدي بتوجعني سابني وقالي مش عايزه تأكلي دي حاجه براحتك

بس من بكره الفجر هيبقي لينا كلام تاني وطلع وبعدها فضلت سهرانه طول الليل مكانش جايلي نوم ابدا

واخيرا نمت علي الفجر وروحت في النوم ولسه نايمه مكملتش ساعه ولاقيت جردل مايه علي وشي بيفوقني قومت مخضوضه جدا

وقولت ايه في ايه قالي اصحي النهار طلع يالا عشان تقومي تحلبي الجاموسه وتفطرينا قولتله ايه 😳😳

ياريت ياجماعه التفاعل لأن تفاعلكم بيعرفني أن القصه عجبتكم وبيخليني اكمل

_آآحمد

سجينته للابد 💞

(الجزء الرابع )

جاموسه اي وافطركم ايه انت اتجننت انت مش عارف انت بتكلم مين ولا ايه ده انت باين عليك بتحلم وفضلت ازعق واشخط وازاى تعمل كده وهدومي وسريري كله بقي مايه وبعد ما خلصت كلام

خالص قالي

زين : خلاص خلصتي

قولتله لا لسه اخر حاجه وقومت وقفت قدامه وضربته بالقلم علي وشه وقولتله مش انا خالص اللي يتعمل فيها كده لاقيته قالي طيب

وشالني علي كتفه بقيت اتحرك وتقوله سيبني نزلني يازين نزلني خلاص مش هعمل كده تاني والله نزلني انا اسفه يازين انا اسفه والله

لاقيته رماني في الترعه اللي جنب الزرع بقيت اصرخ وعملت كده ليه يا حيوان بقي يبصلي وبعدها سابني ومشي وببص قدامي لاقيت الجاموسه بتستحمي في الترعه اللي انا فيها طلعت بسرعه وانا قرفانه ومضايقه وبقت هدومي كلها طينه ورجعت الاوضه وانا متبهدله ومش عارفه اعمل ايه

دخلت الاوضه بتاعتي وانا قرفانه من نفسي جدا لاقيته قاعد بيفطر وهو الراجل الأخرس التاني ده معاه قولتله اعمل ايه انا دلوقتي في القرف اللي انا فيه ده

بصلي كده ومتكلمش ورجع تاني ياكل ولا أكني موجوده رجعت أكلمه تاني قولتله انا بكلمك علي فكره هفضل كده انا يعني ولا ايه بالظبط مش فاهمه قالي عندك بره كوز وبستله روحي املي مايه من الطرمبه اللي هناك دي واستحمي بيها وبسرعه لو سمحت عشان ريحتك مقرفه اوي قولتله ايه ..ايه .. ايه اللي انت بتقوله ده يعني ايه كوز و..بستله .. وطرمبه اي اللي بتقوله ده انا مش فاهمه حاجه

راح ساب الاكل من أيده وقال اللهم طولك ياروح ومسكني من ايدي جامد وقالي تعالي وبقي يزقني وراه

وقالي شايفه ده اسمه كوز ودي بستله حطى البستله كده تحت الطرمبه الحلوه دى اللي بتنزل مايه

وبعد كده خوديها وروحي استحمي قولتله أي ده انت بتهزر انا استحمي هنا ..انت مجنون ولا ايه

قالي كلمه زياده المره دي مش هرميكي في الترعه لا هرميكي قدام سكه العربيات عشان عربيه تاخدك ونخلص

قولتله انت بتعاملني كده ليه وبتكرهني الكره ده كله ليه حرام عليك

بصلي ومعبرنيش زي كل مره وسابني ومشي مابقيتش لا عارفه اقعد ولا أقف روحت عملت زي ما هو بيقول بس الطرمبه دي صعبه اوي ..لاقيته واقف من بعيد وبيبص عليا قولتله مش هتيجي تساعدني بدل ما انت واقف بعيد كده قالي ريحتك وحشه كل ما اقرب منك ببقي عايز ارجع سكت وبقيت احاول تاني لحد ما نزلت مايه وبقيت اخد الكوز

اللي بيقول عليه ده وأحط علي جسمي وهدومي مايه لحد ما الطينه كلها نزلت من عليا

ودخلت اوضتي وغيرت هدومي ومالقيتش غير الجلاليب اللي هو جايبهالي مكانش قدامي حل غير اني ألبسها ولبست جلابيه منهم كان شكلي زباله جدا يعني ونشرت هدومي وفضلت طول اليوم في الاوضه ما خرجتش ابدا مكنتش عايزاه يشوفني باللبس المقرف ده ويشمت فيا .. وجه الليل وانا كنت جعانه اوووووووي بقالي يومين ما اكلتش حاجه طلعت انسحب اشوف اي حاجه اكلها بس مالقيتش حاجه خالص طلعت بره وسندت علي شجره وفضلت قاعده لوحدي معرفش هو راح فين حتي ومكنتش عايزه اعرف ومره واحده لاقيت الراجل الأخرس اللي معاه ده بيقرب مني وشكله وحش اوي بصيتله وقولتله ايه انت هتعمل ايه بقي يقرب مني وكان بيشاور عليا اني ابص فوق بس مكنتش فاهمه قولتله أقف عندك انت عارف لو قربت مني انا هصوت بس مكانش بيسمع كلامي وكان بيشاور اني ابص علي الشجره اخيرا فهمت وبصيت علي الشجره لاقيت تعبان فوق راسي

خفت جدا وبقيت اصوت جامد مره واحده لاقيت زين قدامي معرفش ازاى حضنته واتحميت في حضنه وقتها بس هو في نفس اللحظه نزل ايدي من عليه ومسك التعبان من راسه وقالي ما تخافيش ده تعبان صغير وكمان مش سام .. راح الراجل الأخرس ده بقي يشاور ويضحك عليا وسابني ومشي

قولتله زين انا عايزه اعرف انت ليه جيبتنا هنا وفين جدتي قالي جدتك مكانش ينفع تيجي وانا جيبتك هنا عشان احميكي من أهلي قولتله أهلك انت ليه ؟

واهلك عايزين مني انا ايه ؟

قالي انا مش ملزم اقولك حاجه

انا بعمل كده عشان خاطر جدتي مش اكتر

قولتله لاء لازم تتكلم معايا قالي لما المحترم ابوكي يرجع اوبقي اسأليه بس ده إذا رجع بقي وسابني ومشي فضلت افكر أن ممكن بابا مايرجعش وافتكرت أن زين قالي أنه ممكن يرميني علي الطريق معني كده أن في طريق وممكن اهرب من هنا استنتهم لما ناموا هما الاتنين واتسحبت وطلعت بره وفضلت اجري ..اجري ..اجري لحد ما طلعت بره علي الطريق وفجأه ببص لاقيت 😳😳

وياريت التفاعل بعد اذنكم ولو القصه مش عجبتكم ياريت تقولوا

سجينته للابد 💞

(الجزء الخامس )

وفجأه لاقيت عربيه تريله كبيره جايه بقيت اشاور عشان تقف وتشوفني واخيرا شافني ووقف وقالي رايحه علي فين ياحلوه قولتله انا رايحه اي حته بعيده عن هنا قالي طيب تعالي معايا طلعت وكنت قاعده جنبه نظراته ليا كانت مريبه جدا وكنت لابسه هوت شورت بتاعي كان بيبص علي رجلي اوووووي ومره واحده حط أيده عليا وقالي منوره نزلت أيده بسرعه وقولتله انت بتعمل اي ابتدي وقتها يتحرش بيا وقفل الببان بالقفل وبقي يقرب مني بقيت اصوت اصوت حاولت أبعده عني معرفتش حاولت افتح الباب كان مقفول اوي نام عليا وابتدي يبوسني في كل مكان زي المجنون بقيت اصرخ واقاوم بس هو كان الله اقوي مني بكتير ومره واحده لاقيت زين كسر شباك العربيه الكبيره دي وحط أيده في وسط الازاز ده كله وفتح الباب ونزل الراجل وفضل يضرب فيه يضرب فيه لحد ما خلاه مش قادر ينطق نهائي واول ما شافني راح ماسكني من ايدي ونزلني وهو بينزلني قربت منه اوي وبقي يمسحلي دموعي ويشيل بأيديه شعري ويرجعهولي ورا كنت قريبه بحضنه اوي وانا كنت ماسكه بايديا الاتنين حوالين وسطه واول حاجه قالهالي انتي كويسه قرب منك الحيوان ده عمل فيكي حاجه قولتله اطمن يازين انا كويسه قالي متأكده يانادره قولتله والله كويسه ماتقلقش عليا.. قالي الحمدلله كان حنين اوي في اللحظه دي وبعدها بثواني قالي طيب طالما طلعتي كويسه بقي تعالي وهو بيزعق ويشخط فيا ومسكني من دراعي جامد اوي وقالي ادخلي العربيه اتفزعت ودخلت بسرعه

وقعدت جنبه ورجعنا البيت وهو سايق أيده كانت كلها دم من الازاز قولتله ايدك يازين مجروحه اوي بصلي بصه احتقار

وماردش وصلنا البيت روحت ادور علي شاش وقطن مالقيتش جيبت حته قماشه

وجيت عشان أمسك أيده زق ايدي وقالي مش عايز منك حاجه قولتله زين مش هينفع ايدك بتنزف مسك مني القماشه وقالي هاتي وبقي ينضف الجرح وينزل الدم

جريت بسرعه جيبت مايه ونزلنا الدم اللي علي ايديه مبقاش عارف يربط ايديه قولتله سيبني اربطهالك قالي مش عايز منك حاجه قولتله بلاش العند ده بقي

واخدت القماشه منه وقربت منه اوي وربطله ايديه وانا بربطهاله حسيت بقربي منه بحاجه غريبه بس كنت كل ما اقرب كان يخبي الجزء المحروق من وشه

نزلت أيده من علي وشه وقولتله ماتخبيش الحرق ده يازين انا خلاص حفظت ملامحك لدرجه اني مابقيتش شايفه اي حروق سكت واداني ضهره قولتله مش هتقول حاجه مش هتعاقبني عشان اللي عملته وسيبتك وهربت قالي هقول بس من بكره يانادره مش من النهارده دلوقتي ادخلي نامي دخلت اوضتي وسيبته وبعد ما كنت ميته من الجوع ما بقيتش نفسي في حاجه خالص وروحت في النوم وانا بفتكر زين وهو خايف عليا كان حنين وقتها

وانا نايمه سمعت صوت كده حيوانات في الاوضه وريحه تقرف صحيت لاقيت الجاموسه بتشم فيا والفراخ علي السرير وعامله بيبي عليا قومت بسرعه وقولت ايه ده في ايه ..ايه القرف ده قالي يالا عشان تحضرلنا الفطار والغداء قولتله زين انت مجنون صح طلع القرف ده من هنا قالي لو معملتيش اللي قولتلك عليه هتصرف معاكي تصرف تاني خالص قولتله اعمل اللي تعمله انا لا يمكن اقرب من الجاموسه دي ولا الفراخ دي طلعها بره بسرعه قالي كده حااضر ..وشاور للراجل الأخرس ييجي عشان يطلع كل حاجه بره

واول ما طلعوا شالني لتاني مره ووداني زي بحيره كده وفي وسط البحيره دي كوبري من خشب ربطني في عمود خشب نازل من الكوبري وقالي خليكي هنا بقي وعلي فكره المنسوب بتاع المايه ده بيعلي مش هيفضل واطي كده علي طول يعني لو ما سمعتيش كلامي في اللي انا عايزه هسيبك مربوطه هنا لحد يا تبوشي من المايه ياتموتي غرقانه اختاري ياتعمللنا فطار وغدا انا والراجل الغلبان ده كنت فكراه بيهزر وأنه لا يمكن هيسيبني هنا اتمسكت برأيي وقولتله والله لو هموت فيها ما هقرب من الجاموسه بتاعتك دي قالي بي كده انتي اللي اختارتي وادي قاعده وكل شويه فعلا منسوب المايه بقي يعلي شويه ووصلت عند بطني وبعدها بساعتين وصلت لحد رقبتي خلاص مكنتش قادره شمس ومايه مالحه بقالي فيها كتير قولتله زين فكني قالي هتعمللنا الغدا قولتله لاء انا مش خدامه عشان اخدمكم قالي طيب براحتك المايه خلاص وصلت لبوقي وبقيت كل شويه اتف المايه من بوقي مابقيتش قادره

قربت توصل لمناخيري بصيتله وبقيت اقول خلاص هعمل اللي انت عايزه خلاص والله اللي انت عايزه انا هعمله نزل بسرعه المايه بس بعبال ما عام ووصلي وفك الحبل كنت أنا خلاص روحت فيها وشربت مايه كتير

طلعني من المايه وبقي يضغط علي صدرى جامد عشان ارجع المايه اللي شربتها وافوق عشان كان مغم عليا ولسه كان هيعملي تنفس صناعي ببوقه فوقت فجأه وفتحت عنيا وبصيتله لاقيته رجع شعره لورا واول كلمه قلهالي ...هاااااا هتعمللنا الغدا

_آآحمد

التفاعل ياجماعه بيخليني اقدر اكمل 💞

سجينته للابد 💞

(الجزء السادس)

بصيتله وقولتله غدا !!

انا كنت هموت يازين قالي بس ما موتيش قولتله لحظه تاني وكنت هموت

قالي مكنتش متوقع انك عنيده للدرجه دي

قولتله وانا مكنتش متوقعه انك مجنون للدرجه دي رد وقالي ياعنيده

نادره : يامجنون

زين : ياعنيده

بصيتله بغيظ وقومت وانا متنرفوه جدا وسيبته وقومت ومشيت قدامه وهو ورايا وكل شويه ابص ورايا واشاورله علي أنه مجنون وهو يشوفني وبيقولي ياعنيده لحد ما وصلت الأوضه بتاعتي وهو دخل البيت

وقفلت علي نفسي وغير هدومه

وجه وقف قدام الباب وقالي ها غيرتي ولا لسه قولتله انا مستحيل البس اللبس ده حرام عليك قالي تاني انتي .. تحبي اعمل فيك...لسه هيكمل قولتله خلاص خلاص انا طالعه اهوه ولبست الجلابيه اللي جايبهالي واول ما شافني فضل يضحك ويخبي ضحكته وبقيت ابصله بقرف وقالي يلا مش هنقضيها نظرات ووداني عشه الفراخ وقالي ادخلي هاتلنا فرخه ام

وتكون شامورتي قولتله أي ده يعني ايه الكلام ده انا مش فاهمه هي الفراخ أنواع ولا ايه قالي اكيد طبعا وقدامك عشر دقايق مش اكتر علي ما تعرفي تمسكيها دخلت العشه بتاعت الفراخ وبقيت اجري وراهم لحد ما ضهري يتقطم علي ما اعرف أمسك واحده واول ما اطلع بفرخه يقولي دي صغيره ما تنفعش انا جعان عايزها كبيره اطلع بواحده تانيه يقولي ما تنفعش دي فرخه بيضا وهكذا لحد ما ضهري اتكسر

في الاخر طلعت بفرخه وقولتله بص والله دي اخر مره هجيب فيها فراخ انت فاهم بصلي كده وقالي وريني كده ومسكها ورماها علي الارض وقالي حلوه الفرخه دي بس اجري وراها بقي عشان تجيبيها كنت هموت وقتها من الغيظ فضلت اجري وراها ساعه كامله ومعرفتش امسكها واخيرا الفرخه بقيت بين رجلين زين جريت بسرعه عشان الحقها وبدل ما امسكها مسكت رجله ووقعته ووقع عليا بقي فوقي بالظبط بصلي وكان بيتأمل في ملامحي وبيبص في عيوني ..عنيه بتقول حاجه لسانه ما بيقولهاش ابدا سرحت في عنيه الرمادي بصيت علي ملامحه وحبيتها اوي رغم كل حاجه وحشه بيعملها معايا بس دايما حاسه ان قلبه ابيض وعكس ما بيبين ومره واحده وانا سرحانه في ملامحه قام بسرعه وقالي مش تخلي بالك قولتله علي فكره انت اللي رميت الفرخه قالي انا هجيبلك الفرخه المره دي عشان جعان بس وفي لحظه واحده مسك الفرخه اللي بقالي ساعه بحاول امسكها ومش عارفه وجاب سكينه ودبح الفرخه قدامي غمضت عيوني بسرعه وقولتله حرام عليك قالي ونبي ما تحرميش اللي حلله ربنا ويالا بقي هاتي مايه سخنه من جوه جيبت المايه السخنه وبقي يعلمني اعمل اي وانضف الفرخه ازاى واخيرا خلصنا طبعا هو كان بيعلمني اعمل اي في كل لحظه وحطينا الاكل واحنا بناكل قالي اي ده هتاكلي من الفرخه يانادره مش حرام قولتله بقولك ايه انا جعانه وبعدين ماتحرمش اللي حلله ربنا ابتسم وقالي ماشي اقعدي .. وقعدنا ناكل سوا وبعدها بشويه نادي للراجل الاخرس ده ياكل معانا هو بيسمعنا كويس اوي وفاهمنا بس ما بيتكلمش قعد ياكل معانا وطريقه اكله كانت قذره كنت قرفانه منه جدا شويه وكنت حاسه اني عايزه استفرغ كان بيتكلم بأيديه بجد ..يع .. قومت وقولت الزين انا عايزه اكل لوحدي يازين قالي مافيش الكلام ده يا ناكل كلنا علي طبليه واحده يا تقومي من غير ما تاكلي وبعدين انا جعانه ولسه مخلصتش اكل بقالي يومين مأكلتش بقيت اكل معاهم غصب عني بس في الاخر معدتي اتغلبت عليا وروحت قومت علي الحمام بسرعه استفرغت زين جه ورايا وقالي للدرجه دي انتي فاكره نفسك من طينه واحنا من طينه تانيه

قولتله انت بتعمل كده ليه لو عندك مشكله مع ابويا فهي معاه هو مش معايا أنا ارحمني بقي ارحمني .. وبعدها دخلت نمت

ومع اول خيط فجر

لاقيت صوابع أيديه علي وشي وبيقولي اصحي يانادره فوقي قولتله اي في ايه قالي يالا عشان نفطر قولتله دلوقتي يازين حرام عليك قالي والله الفجر إذن اصحي يالا لحد ما اتوضا واصلي عشان تخبزلنا فطير .. بقيت ابرطم بالكلام واقول بصوت واطي

(ايه كمان فطير ) قالي وهو مديني ضهره بتقولي حاجه يانادره قولتله ماقولتش انا قايمه اهوه وقومت وغسلت وشي وطلعت ولاقيته بيصلي هو والراجل اللي معاه وبقي يقول الله اكبر ..

حسيت بقشعره في جسمي من الكلمه دي وكمان من صوته وهو بيقرا قرأن كنت مبسوطه وفي نفس الوقت اول مره اشوف حد بيصلي واسمع القران من يوم ما اتولدت ..انا عمري ما شفت بابا بيصلي في يوم وسيبتهم ودخلت الحمام وانا طالعه زين قالي تعالي معايا امبارح كان الفراخ النهارده بقي لازم تحلبي الجاموسه وتعمللنا قشطه وجبنه قريش قولت يادي المصيبه بقي انا هعرف اعمل اللي بيقول عليه ده بصيتله من غير ما أنطق حرف واحد وقولتله اللي هتقولي عليه هعمله ودخلنا الزريبه سوا واول والرريحه كانت مقرفه بشكل مش طبيعي بقيت حاطه ايدي علي مناخيري وانا مش طايقه نفسي والبيبي بتاع الجاموسه موجود جنبها ..يع ..يع حاجه مقرفه وبقي يعلمني ازاى أمسك حاجه الجاموسه عشان اجيب اللبن وكنت كل ما أمسك الجاموسه زي ما تكون الجاموسه عارفه ايدي وتتحرك وتبعد عني و هو يبصلي ويقولي شايفه اهي حتي الجاموسه مش عايزاكي تقربي منها احمدي ربنا بقي اني مستحملك بصيتله كده قولتله دمك شربات واخيرا وبعد معاناه دامت ساعه ونص اخيرا طلعت لبن بقيت فرحانه جدا اني قدرت اعمل حاجه زي كده ومليت الطبق كله لبن وقولتله وانا فرحانه شفت يازين شفتني وانا بحلب الجاموسه ابتسم وقالي شوفتك يانادره قالي طيب بعدها بقي نعمل الجبنه وابتديت اتعلم ازاى الجبنه الفلاحي بتتعمل كان معايا خطوه بخطوه في كل حاجه الفطير المشلتت والعسل من البلاص الاسود الجبنه القريش والجبنه المش واخيرا علي الضهر فطرنا والراجل الأخرس كمان فطر معانا بس الغريبه اني ماكنتش قرفانه منه اوي كده زي امبارح وفطرت وكنت اول مره أفطر فطار بالجمال ده .. واول ما خلصنا جيت اقوم وادخل اوضتي عشان ارتاح بقي قالي رايحه فين قولتله زين انا تعبانه اوي والله مش قادره قالي مافيش الكلام ده انتي هتشيلي الاكل وبعدها تنضفي البيت وتبدأي تحضري الغدا اتغظت منه جدا انا بجد تعبت يازين قالي مافيش تعب ومسكني من ايدي جامد اوي وقالي انتي نسيتي انك متعاقبه عشان اللي عملتيه واهربتي بقيت مستغربه اتحول في لحظه

ده كان معايا كويس جدا من دقايق قولتله زين سيب ايدي يازين بتوجعني اوي.. حاضر ..حاضر هعمل اللي انت عايزه وعنيا فيها الدموع سابني وقالي انا اسف بس ماتعصبنيش مره تانيه وابتديت اعمل كل حاجه بيقولي عليها من تنضيف لكنس ومسح حرفيا كنت بشتغل في البيت 24 ساعه كنت بجيب طشت كبير عشان اغسله هدومه فيه ولو الهدوم مش عجبته يرمهالي تاني في المايه ويقولي دي مش نضيفه وارجع اغسلها من جديد وعلي بالليل وقفت قدام الباب مكانش جايلي نوم خالص و صوابعي كانت بتجيب دم من كتر الغسيل بقيت ابص علي صوابعي وصعبان عليا نفسي واللي بقيت فيه لاقيت زين طلع ورايا ومسك ايدي وبص علي صوابعي وقالي معلش بكره تتعودي قولتله يعني اي يازين انا هفضل كده علي طول قالي محدش عارف بكره ممكن يحصل في ايه بس لحد ما ابوكي ييجي وياخدك انا هحافظ عليكي علي قد ما اقدر ده وعدي لجدتي يانادره قولتله وايه المحافظة عليا في انك مبهدلني وممرمطني المرمطه دي كلها انت مجنون يازين انت مبهدلني معاك قالي بكره تعرفي اني بعمل كل ده عشان مصلحتك قربت منه ولمست وشه بأيديه وحطيت ايدي علي جرحه وقولتله من اي الحرق ده يازين وحصلك ازاي نزل ايدي بسرعه من علي وشه واداني ضهره وقالي اسألي ابوكي المحترم هو اكتر واحد عارف من ايه قولتله وايه دخل بابا بالموضوع قالي اسكتي يانادره انا مش عايز اتكلم انتي اتفه من اني اتكلم معاكي في حاجه زي كده قولتله يا أخي ارحمني بقي انت فاكر نفسك اكتر واحد عاقل وبيفهم في الكون قالي علي الاقل انا مش تافه لدرجه اني أفقد عذريتي عشان صحابي عملوا كده فعمل زيهم بصيتله وقولتله زين انت بتقول ايه ومين قالك الكلام ده سكت واداني ضهره ومشي مسكته من أيده ولمست صوابعي صوابعه بص علي ايديا وانا مسكاه وشال أيده من ايدي بسرعه قولتله لا يازين مش هتمشي زي كل مره وقولي انت عرفت منين ووقفت قدامه كل ما كان يتحرك يمين او شمال عشان يسيبني ويمشي كنت اتحرك واقف قدامه قولتله مش هسيبك الا لما اعرف حالا انت عرفت منين الكلام ده قالي بنرفزه كده وعصبيه شفت الشات بتاعك بينك وبين صحبتك علي اللاب قبل ما اجيبك هنا كنت متنرفزه جدا و قولتله وازاى ما تحترمش خصوصياتي ازاي تدي لنفسك الحق انك تعرف حاجه مش من حقك تعرفها قالي انتي هنا في مصر وكمان في الصعيد ومن حقي اني اعرف عنك كل حاجه ولو بتعملي حاجه غلط اموتك فيها ومحدش يقدر يلومني قولتله انا مش منكم واني أفقد عذريتي دي حاجه انا حره فيها

قالي لا انتي مننا يانادره حتي لو سافرتي وعيشتي عمرك كله بره انتي مننا ودمك مصري زينا قولتله زين ابعد عني انا مش طيقاك وعلي فكره انا اول ما الاقي الفرصه عشان اتخلص من عذريتي اللي مضايقه الكل دي هخلص منها أن شالله حتي حد يغتصبني هكون مبسوطه عشان خلصت منها اخيرا وكمان عشان مكنش منكم

وقتها كلامي عصبه جدا وقالي بس كده طيب تعالي ومسكني من ايدي ودخلني الأوضه بتاعته ورماني علي السرير قولتله أي ده في ايه انت بتعمل اي يامجنون قالي مش انتي عايزه تتخلصي من عذريتك انا هخلصك منها خالص وابتدي يقرب مني قولتله ماتقربش مني ولاقيت سكينه جنبي قولتله لو قربت مني يازين هموتك وبقت ابعد عنه وانا علي السرير بس هو ما هموش السكينه وبقي يقرب اكتر قولتله هموتك ابعد عني يازين قولتلك ابعد بس برضوا مافيش فايده كان بيقرب اكتر ومره واحده من غير ما احس ضربته في بطنه بالسكينة وبقيت اصوت واقوله زين انت اللي خلتني اعمل فيك كده عملت كده ليه حرام عليك وقع في الارض وحطيته علي رجلي قولتله ليه يازين ليه وانا بعيط قالي عشان تعرفي انك مننا

وان اي حد لو قرب منك هدافعي عن نفسك انتي مننا بانادره قولتله انا ماشفتش واحد مجنون زيك كده رد وقالي وانا ماشوفتش واحده عنيده زيك كده

سجينه للأبد

الجزء السابع

قولتله وبعدين هنعمل ايه غمض عنيه من التعب سيبته بسرعه وروحت انادي علي الراجل اللي دايما بيكون معاه واول ماشافه كده شاله وحطه علي السرير وطلع السكينه بسرعه وابتدي يهديني ويشاورلي أن الجرح مش خطير وأنه جرح سطحي فهمته بالعافيه بس في الاخر فهمته

وبعدها بقيت ادور علي شاش أو القطن اي اسعافات اوليه مالقيتش نهائي الراجل اداني المفاتيح بتاعت العربيه وفضل يشاورلي اعمل ايه بس مفهمتوش المره دي نهائي جاب ورقه وقلم وكاتبلي اني اروح اشتري الحاجات دي من الصيدليه وهلاقي الصيدليه علي الطريق كتبتله أنه يروح هو قالي أنه نابيعرفش يسوق وكاتبلي كل حاجه هو عايزها طلعت زي المجنونه وسوقت العربيه ومشيت ولاقيت فلوس كتير في تابلوه العربيه ومشيت مش اقل من خمسه كيلو وانا ببص علي الصيدليه علي الطريق لحد ما لقيتها بس الغريبه اني ما وقفتش وكملت مشي بالعربيه وفكرت انا دلوقتي معايا عربيه وفلوس كمان اقدر اهرب من المكان القذر ده ومعامله الزين الزباله ليا وسرحت شويه وخلاص قررت امشي ..بس زي الهبله رجعت تاني ولفيت بالعربيه وروحت اشتريت كل حاجه كتبهالي الراجل ده ورجعت بسرعه واول ما روحت لاقيت زين كان فايق واول كلمه قلهالي ماهربتيش ليه زي ما فكرتي قولتله زين انت بتقول ايه وبعدين مش وقت كلام دلوقتي اديت الحاجه للراجل وابتدي يخيطله الجرح وانا طلعت بره مكنتش قادره اشوفه وهو بالمنظر ده واخيرا خلصوا وبقيت جنبه طول الليل واول ما صحي لقاني قاعده في الارض جنب السرير وسانده راسي علي السرير لاقيته بيقوم من علي السرير قولتله أي ده رايح فين انت مجنون قالي انا بقيت كويس الجرح سطحي ما تقلقيش عليا قولتله لا طبعا نام انت بس وانا هعملك اللي انت عايزه وقتها دخلت علي الجاموسه بكل ثقه وقولتلها انا هحلبك والمره دي هحلبك بسرعه عشان زين تعبان ولازم يفطر 🌝😥

الغريبه أن الجاموسه ماتحركتش من مكانها وحلبتها بكل سهوله وعملت الفطير زي ما زين علمني وحطيتله الاكل وبقيت أأكله في بوقه كمان قالي ياااااه ده احنا بقينا ستات بيوت شاطرين اهوه ابتسمت وقولتله اهم حاجه تكون كويس وسيبته يرتاح شويه وعملت كل طلبات البيت والليل ليل علينا وكنت قاعده بره لاقيت الراجل اللي معاه جاب شويه خشب وابتدي يشوي دره كان طعمه حلو بجد وبقينا ناكل سوا

وبقيت اتأسف لزين علي اللي حصل بس لاقيته بيقولي انه مبسوط اني عملت كده وأنه هجم عليا بالذات عشان يعرفني اني منهم مش اكتر ابتديت اقتنع بكلام زين جدا وسألته وقتها انت ازاي عرفت اني كنت ههرب واسيبك قالي طيب انتي ليه ما هربتيش يانادره وقتها فعلا معرفتش اجاوب عليه لاني مكنتش عارفه ليه فضلنا سهرانين اليوم ده طول الليل سوا نتكلم في كل حاجه واي حاجه وعرفني علي عاداتهم اكتر وبعدها قولتله يلا بقي يازين ادخل نام حاول يقوم بس كان بيتألم وحط أيده علي الجرح قومت بسرعه وشيلت التي شيرت من عليه ولاقيت أن الجرح نزل دم سندته وحطيت أيده علي كتفي ودخلته اوضتخ وبعدها نيمته علي سريره وقلعته التي شيرت بتاعه وبقي قدامي عضلاته حلوه اوي ومتقسمه جدا يعني وابتديت اشيله اللازقه واغيرله علي جرحه كنت بلمسه وانا متعمده كان في بينا احاسيس ومشاعر حلوه في الوقت ده اه مكناش بنتكلم بس عيونا كانت بتقول كل شئ وبعدها بقيت اخللي بالي منه في كل شيء بمسح واطبخ وانضف وانا مبسوطه ومش مضايقه واخيرا زين بقي كويس اوي وقالي نادره انتي كده تقدري تعيشي معانا قولتله مش فاهمه قالي هتفهمي كل شئ بعدين بس احنا لازم نرجع البلد عند جدتي قولتله ليه يازين انا مش فاهمه حاجه وليه جيبتني هنا طالما هنرجع البلد قالي لما نروح جدتي هتفهمك علي كل حاجه وفعلا روحنا بس مكنتش مبسوطه حسيت أن احنا لو روحنا زين هينشغل عني ويبعد

الايام الحلوه بتخلص بسرعه

واول ما جدتي شافتني خدتني في حضنها واول ما شافتني لابسه جلابيه انبسطت مني اوي وابتديت تفهمني علي كل حاجه وأنهم عملوا كده وودوني المزرعه دي عشان كانوا خايفين عليا لأن طريقه لبسي وكلامي وطريقتي كانت هتعرف اي حد اني بنت حسين البشاري ووقتها محدش كان هيسيبني في حالي مش بعيد يموتوني بقيت اقولها ليه ياجدتي ده كله بابا عمل ايه لكل ده قالتلي يابنتي ماتفتحيش في اللي فات ابوكي قبل ما يمشي وعدته اني مش هقولك علي حاجه وأن هو لما يرجع هيحكيلك بنفسه وعرفتني علي نجاه بنت عم زين والمفروض أنها كمان بنت عمي بنت زي السكر واول ما شافتني رحبت بيا اوي اوي وقالتلي أن لو حد شافني متقولش ابدا اني بنت عمهم انا ابقي بنت بنت خاله جدتي من بعيد حاجات كده متلخبطه وافقت علي طول

وبعدها دخلت بنت بتسلم علي نجاه وعليا وترحب بيا وبقول لنجاه مش هتعرفيني قالتلي اه نسيت اعرفك هيام مرات زين انا بصيتلها كده قولتلها ايه مراته 😳😳

سجينته للابد 💞

(الجزء التامن)

لاقيت هيام بتقولي ايوه مراته يانادره مالك اتخضيتي كده ليه

فكرت كده في نفسي وقولت طيب انا فعلا اتخضيت ليه وانا مالي اصلا ما يتجوز ده الله يكون في عونها اللي هتتجوزه بس برضوا مكنتش مرتاحه ابدا

نجاه قالتلي هما متجوزين من وقت ما هيام كان عندها سنتين كل الناس عارفه أن هيام مرات زين وزين جوز هيام مفهمتش قولتلها يعني ايه يانجاه قالتلي يعني مش متجوزين جواز رسمي بس هيام مكتوبه لزين من زمان وهما عيال صغيرين يانادره جدتي خطباله نجاه من بدرى بس زين بيقول لسه شويه وقبل ما تيجي بشهر وافق أنهم يكتبوا كتب كتابهم واهو خلاص كمان اسبوعين أن شاء الله قولتلها يعني هما لسه ماتجوزوش قالتلي ماتجوزوش اه علي الورق بس هما لبعض وهما صغيرين اوووي والبلد كلها عارفه كده معرفش ليه ارتحت لما قالتلي أنهم لسه ماتجوزوش

هيام ردت وقالتلي مش هتقوليلي مبروك يانادره قولتلها اه طبعا الف مبروك قالتلي لازم تحضري كتب كتابي كمان اسبوعين هزعل اوي لو ماحضرتهوش قولتلها أن شاء الله وقتها دخلت اوضتي ولاقيت اللاب والفون وعلبه السجاير كل حاجه مكانها بس الغريبه اني لا كنت عايزه افتح اللاب ولا اكلم حد من صحابي ولا حتي عايزه اشرب سجايري مسكت العلبه وطلعت بره رميتها في السله وانا برميها لاقيت زين في وشي وابتسم اول ما شافني برميها روحت مكشره في وشه وقفلت الباب عليا وبقيت متغاظه منه ازاي مش قالي أنه هيتجوز انا هتجن..وارجع اكلم نفسي تاني واقول طيب وانا اي اللي يشغلني ما يتجوز

اول مره في حياتي احس الاحساس ده انا اكيد مجنونه اوعي اكون بحبه يالهوي لو كنت بحبه معقول انا احب زين فضلت اكلم نفسي بالساعات لحد ما اقنعت نفسي اني لا يمكن اكون بحبه .. وطلعت بره وحاولت اتعامل عادي جدا وحسسته أنه ولا فارق معايا واول ما شفت نجاه قالتلي تعالي نتمشي شويه بره يانادره عشان المشي بيسهل الولاده سألتها انتي في الشهر الكام قالتلي انا في التاسع وممكن أولد في اي وقت وقع منك دلوقتي قولتلها ربنا يقومك بالسلامه يارب بقينا نتمشي في الغيطان وعرفتني أن عيلتنا عيله كبيره اوي وكل الاراضي دي بتاعتنا

وحاولت اسالها علي زين وعرفت انها اقرب حد لزين بقيت كل شويه اسألها هو زين وهيام بيحبوا بعض قالتلي هيام من وقت ما فتحت عينيها علي الدنيا وهي ما بتشوفش غير زين في حياتها قولتلها طيب وزين قالتلي زين ماحدش يعرف اللي في قلبه ابدا بس اللي متأكده منه أنه لا يمكن يكسر كلمه لجدتي ابدا ..

قولتلها يعني جدتي هيا اللي عايزه هيام قالتلي طبعا ومن زمان .. ارتحت شويه ممكن عشان كده مش حكآآلي عنها ابدا طول ما احنا في المزرعه قالتلي زين ما بيحكيش غير اللي عايز يحكيه وبس واحنا ماشيين لاقينا واحد كان زي القمر وباين أنه مش من هنا خالص مش لابس زيهم وجاي علينا ووقفنا وسلم علي نجاه وقالها ازيك يانجاه وهتولدي أمتي فضلوا يتكلموا سوا بس الغريبه أنه مش بيتكلم بنفس لهجتهم خالص وبعد كده عرفتنا علي بعض وقالتله اني ابقي بنت بنت خاله جدتي وكلام كده مفهمتوش وبعدها قالي اتشرفت بيكي جدا

ومبقاش شايل عينه من عليا ولسه هيمد أيده عشان يسلم عليا لاقيت زين جه وسلم عليه هو بدالي وقاله عاوز حاجه يانهاد قاله ايه يازين انا بسلم علي الضيفه مش اكتر قاله بس هي مابتسلمش علي حد ومسكني من دراعي وقالي امشي قدامي قولتله ايه اللي انت عملته ده انت مجنون يازين ولا ايه

قالي وهتجن ليه انا عايزك تبقي محترمه قولتله وايه اللي عملته عشان مبقاش محترمه قالي واقفه تضحكي وتهزري معاه وكمان كنتي عايزاه يلمس ايدك قولتله كل ده حصل هزرت وضحكت في الدقيقه دي يازين

قالي نادره امشي قدامي حالا ورجعت البيت تاني بس كان عاجبني غيرته عليا وكنت ببتسم من جوايا ونادره رجعت ورانا علي طول وقالت لزين اي اللي عملته ده يازين نادره مغلطتش في حاجه قلها مش شايفه كانت بتضحك وتهزر معاه ازاى قالتله حرام عليك لا ضحكت ولا هزرت دي مالحقتش حتي تقف معاه زين قالها يووووووه يانجاه انتي كمان وسابنا ومشي لاقيتها بتبص وراها علي زين وبتقول غريبه قولتلها هو اي اللي غريبه قالتلي زين متغير في حاجه غريبه زي ما يكون بيغير قولتلها بجد يا نجاه قالتلي مش عارفه بس بكره كله هيبان

وكلهم بعد كده مشيوا والليل ليل والكل نام الا انا مكنش جايلي نوم اصلا

وبعدين انا زهقت ومخنوقه ما بين اربع حيطان انا مش متعوده ع كده ، لاقيت جدتي طلعت من أوضتها وبتقولي ايه اللي مسهرك لحد دلوقتي يانادره قولتلها انتوا بتناموا بدري اوي انا مش متعوده علي كده قالتلي عموما كل اهلك وقرايبك هيتجمعوا الجمعه اللي جايه في مكان هنخرج فيه كلنا عشان يتعرفوا عليكي احنا بس كنا محتاجين انك تاخدي ع المكان الاول بس طبعا انتي عارفه هتقوليلهم انتي مين ،قولتلها ماتقلقيش ياجدتي عارفه دخلت وسيببتها وانا مخنوقه خالص ، ولاقيت جدتي قاعده هي وزين بعد ما دخلت بيرتبوا للعزومه وهيعملوا اكل اي وكده فاقترحت عليهم انهم يعملوا بيتزا زين قاللي هتبقي عيبه في حقنا اوي قولتلوا لاء مش هتبقي عيبه في حقنا ولا حاجه وهتبقي حاجه جديده بدل الاكل الكتير واكيد هيتبسطوا صدقني عشان انا اللي هعملها قاللي بتعرفي قولتلوا اه كنت شغاله في بيتزا هت قبل كده مع صحابي وكنت بسلي وقتي في الاجازه لما كان عندي 15 سنه واعرف سرها كويس اوي اتفاقنا ع كده وتاني يوم زيت دخل اوضتي الصبح بدري وبقي يقلب في دولابي قولتلوا اي ده انت بتعمل اي قاللي بدورلك ع حاجه محترمه عشان تنزللي معايا بيها نجيب حاجه البيتزا انتي ناسيه ان النهارده الجمعه وكلهم معزومين عندنا قولتلوا تمام ، يالا بينا نزلنا واشترينا الحاجه كلها ، وانا جايه افتح باب العربيه ايده لمست ايدي ، لمسه ايده بجد تحفه بس هو دايما كان بيحاول يبعد ما بيقربش ابدا مني

ورجعنا البيت بس طول الطريق واحنا كنا بنبص لبعض وبس ، ورجعنا البيت دخل وسابني قولتلوا اي ده انت هتنام قوم يا اذستاذ انت هتعمل معايا البيتزا النهارده ، ابتسم وقاللي حاضر يافندم ، فضلنا طول اليوم في المطبخ نعمل البيتزا واول مره كنت بشوفوا يضحك هو اليوم ده ، جمال ضحكته تجنن هو راجل اوي اصلا ، وعسل كده خالص بقي ، فضلت احكيله عن حياتي شويه بس هو ما بيحكيش اي حاجه عنه خالص ودي حاجه كانت بضايقني انه بيسمعني وبس ، قولتلوا بص انا عارفه اني رغايه وعارفه انك اتحملت كلام كتييير مني النهارده بس انا اعمل اي بحب الرغي اوي قاللي بصراحه انتي فعلا رغايه جداا وانا مابحبش البنت الرغايه كده اضايقت قولتلوا ده رايك قااللي اه بصراحه ، قولتلوا تمام انا خلصت دي كانت اخر واحده ، لاقيت الباب بيخبط جيت افتح قاالي انتي هتفتحي كده انا جيبتلك فستان حلو في اوضتك ياريت تلبسيه بصيتله وانا مخنوقه منه ، وسيبته ومشييت دخلت اوضتي وكلهم بقوا في البيت ، وبقوا يسألوا علي الضيفه وهو كل شويه يخبط عليا ياريت تخلصي بسرعه بس انا كنت مضايقه منه جداا مش فاهمه مره يبقي كويس معايا جدا واحس انه معجب بيا ع الاقل ومره احس اني ولا فارقه معاه ، لحد ما دخللي الاوضه كنت لبست الفستان وشيلت اي حاجه هو مش بيحبني اعملها بقي وشي صافي خالص زي الاطفال ولما بصيت لنفسي في المرايه بقيت احب شكللي كده فعلا ، وقللي لسه ماخلصتيش قولتله خلصت بس مش لاقيه حد يقفلي السوسته ، وقتها جاب شعري ع جنب وقرب مني جامد اوي بقيت سامعه صوت نفسه في وداني واول ما لفيت فضل يبصللي كتيييير وقال بصوت واطي بسم الله ما شاء الله ، قولتلوا مش فاهمه قاللي نادره انا لازم اطلع انا مستنيكي بره قولتلوا طيب والسلسله قاالي خللي جدتي تركيبهالك ، طلعت بره وسلمت عليهم كلهم وكان يوم حلو جدا خصوصا مع نهاد طلع ابن عمتي نجاه قالتلي كده بيحب يتكلم وفرفوش كده وبيضحك كتيييير كنا طول القاعده سوا ، وهو يبصللي نظره غيظ كده ، ولا مش عارفه دي نظره اي ، وبعد كده قومت عشان اجيب السلسله ونهاد يلبسهالي عشان اغيظه اكتر ، لاقيته دخل الاوضه ورايا وقفل الباب وقاللي انتي بتعمللي اي قولتلوا في اي قللي انتي طول اليوم قاعده مع نهاد قولتلوا وده يضايقك في اي قاللي طبعا يضايقني ، قولتلوا ممكن اعرف ليه لاقيته اتلغبط في الكلام وقاللي عشانهم هما انا مش عايز حد يتكلم معاكي بكلمه وحشه قولتلوا ااااه عشان كده تمام حاضر في حاجة تاني قاللي كنتي داخله بتعمللي اي هنا قولتلوا كنت هجيب السلسله لنهاد يلبسهاني قاالي وليه يلبسهالك اشمعنا هو ؟ قولتلوا ما انت مش رضيت الصبح تلبسهالي قاللي هاتيها وانا هلبسهالك ، قولتلوا حاضر الغيره وقتها كانت باينه عليه جدا يعني ولبسني السلسله وكانت ايده بتترعش

مابقاش عارف يلبسهاني من كتر رعشه ايديه أتلفت وبصيتله ومسكت ايديه و قولتله في اي ايدك بتترعش كده ليه قاللي لا ابدا مافيش ، قولتلوا لو مش عارف تلبسهالي مش مشكله خالص هاتها هخللي نهاد يلبسهالي وجيت اسيبه وامشي مسكني من ايدي وقربني منه جامد لدرجه اني بقيت في حضنه وقاللي لا نهاد ولا غيره هيلبسهالك هاتي السلسله ولبسهالي وانا عيني في عينه كنت في حضنه وقتها ، احساس بالامان رهيب اول مره احس بيه كان معاه هو ، مع( زين ) 😊😊

طلعنا بره انا وهو وابتديت ابعد شويه عن نهاد ، وبقيت مع نجاه، وقتها هو مش كان بيتكلم معايا بس كنت كل ما ابصله الاقيه باصصللي واول ما بصله يحط وشه في الارض بسرعه ، بس ع مين كنت بشوفوا برضوا 😂😂

واحنا قاعدين لاقينا نجاه بتصوت جامد اي في اي مالك ؟

لاقيتها بتقول انا هولد مش قادره الطلق جاللي ، طلق اي الطلق ده ؟ بقيت خايفه عليها هموت ، لاقيتهم كلهم بيباركوا ويهنوا ان في مولود جديد هييجي العيله .. طيب باجماعه بالنسبه للبنت اللي بتصوت دي جدتي قالتلي ما تخافيش هي البكريه كده هتاخد وقتها دي قدامها ع الفجر ع ما تولد الغريبه انهم لا راحوا المستشفي ولا اي حاجه دخلوها اوضتي ومامتها دخلت معاها وبقي الكل يقوللي عقبالك واول ما حد يقوللي الكلمه دي كنت ابص لزين علي طول الاقيه باصصللي ويبتسم ويحط ايده ع شعره كانت حركه تحفه اصلا والله ، احنامن الاخر مش كنا بنتكلم بس عيونا كانت بتقول كل حاجه، لحد ما اخيرا قرروا ان ولادتها خلاص كلها ساعه وتولد روحنا كلنا معاها المستشفي مش في حد سابها خالص ، احساس انك تبقي في وسط عيله ده مافيش احسن منه في الدنيا ، بقينا كلنا مستنيين البيبي وكلنا قلقانيين وخايفين عليها جدا لحد ما الدكتور طلع وقلنا مبروك جابت ولد بقي الكل فرحان وكله بيسلم ع التاني ويحضنه من الفرحه ولاقيت نفسي من فرحتي حضنت زين وهو كمان حضني جامد واول ما اخد باله لاقيته بعد بسرعه وقالي اسف ، اضايقت مش فاهمه بيعمل كده ليه ؟ لاقيت جدتي بتقول لزين خد نادره ، وروحوا يازين انا هبات مع نادره النهارده انت عارف طبعا هتعمل اي قالها اكيد عارف ماتقلقيش ، وقاللي يالا يا نادره واحنا ماشيين قولتلوا مش هناخد العربيه قاللي ما ينفعش هما اكيد هيحتاجوها عشان جدتي احنا هنروح مشي قولتلوا تمام ، فضلنا ماشيين بس كعادته ما بيتكلمش خالص قولت والله ما هتكلم الا لو هو اتكلم الاول وبعد شويه قاللي غريبه مش بترغي يعني سكت وقولتلوا هقول اي قاللي اي حاجه المهم ماتسكتيش قولتلوا مش انت مش بتحب البنات الرغايه انا بقي مش هتكلم قاللي يعني انتي ساكته عشان مش عايزاني احبك اتلغبطت كده وقولتلوا اي ده انت بتقول اي لاء طبعا وانا هبقي عايزاك تحبني ليه اصلا ؟

قاللي مش عارف انتي االلي ساكته قولتلوا طيب مش ممكن اكون عايزه اسمعك بقي قاللي طيب عايزه تعرفي اي ؟ قولتلوا

قولي اي حاجه بس تكون عن حياتك الشخصيه بلاش عن العيله والبلد والعادات والتقاليد اي حاجه بس تكون عنك انت لاقيته بطل مشي ووقف وقالي بلاش نتكلم عن حياتي الشخصيه خالص يانادره قولتله ليه يازين قالي عشان مش هتعجبك ولو افتكرت اللي حصل فيها وحكيته هكرهك وهكره نفسي فبلاش عشان خاطري قولتله خلاص خلاص بلاش تقلب وشك كده قالي ماتستعجليش بس بكره هتعرفي كل حاجه صدقيني

قولتله بلاش يازين مش عايزه اعرف خالص طالما دي حاجه يضايقك اوي كده بس علي الاقل قولي انك هتتجوز قريب بصلي وقالي عرفتي منين قولتله من خطيبتك هيام سكت وماتكلمش وقالي دي حاجه تخصني وماتخصكيش يانادره قولتله زين انت بتحبها قالي احنا اتكلمنا كتير النهارده وخلاص وصلنا البيت وقاللي انا همشي بقي قولتلوا رايح فين انا بخاف انام لوحدي في البيت قاللي من أمتي يانادره قولتله من زمان يازين بقي انا هنام في البيت ده كله لوحدي ازاي يعني انا مابعرفش انام لوحدي قالي مش هينفع انا وانتي ننام في بيت واحد من غير جدتي قولتلوا والله العظيم بخاف مش ينفع تسيبني وتمشي قاللي اسف مش هقدر ادخل زعلت وقتها وقفلت الباب في وشه ودخلت اوضته ونمت وقتها ع سريره وحضنت مخدته ..اليوم ده السما كانت بتشتي جامد جداا لحد ما النهار طلع وهي بتشتي فتحت الشباك وببص تحت لاقيته لسه واقف وهدومه كلها غرقانه مايه وبيترعش من كتر البرد نزلت بسرعه دخلته وقولتله انت واقف هنا من امتي قاللي من امبارح قولتله ليه ده كله وانا زعلانه عليه وهموت وبقي يعطس خالص ويترعش فرد وقاللي خوفت عليكي عشان ماتناميش لوحدك اهوه ع الاقل اكون جنبك حتي لو مش معاكي ، وقتها سيبته وروحت بسرعه اجيب بطانيه وقلعته القميص اللي كان لبسه ولفيت البطانيه عليا وعليه واخدته في حضني جامد اوي وبقيت املس ع شعره هييييح كان احساس حلو بجد 💞

التفاعل ياجماعه انا بتعب اوي في القصص دي والله ياريت لو القصه عجبتك لاف كومنت قمر زيكم كده 💞

_آآحمد

سجينته للابد 💞

(الجزء التاسع)

وبعدها حسيت انه راح في النوم خالص قومت عاملتله شربه خضار بسرعه واول ما صحي بقيت ااكلهالوا بايدي وقلتلوا قوللي بقي بجد عاملت كده ليه ؟ اي اللي خلاك واقف كل ده في المطر ؟ قاللي ما انا قولتلك ، قولتلوا وكل بنات عمك بتقفلهم كده تحت البيت عشان مش يخافوا..

قاللي لاء انا بنات عمي مابيخافوش اصلا ، انتي بس اللي بتخافي قولتلوا تمام انا كده فهمت اني مجرد بنت عمك مش اكتر ، سكت وماتكلمش ، قاللي يالا بقي عشان نروحلهم البيت الكبير زمانهم كلهم راحوا قولتلوا تمام انا هاروح اجيبلك قميص عشان تلبسه ، بفتح الدولاب بتاعه لاقيت صندوق مش عارفه اي اللي خلاني افتحه لاقيته في صوري كلها اللي حطاهه ع الفيس والانستجرام كل صوري طابعهه وشايلها في الصندوق oops ده بجد ، 😍😍 رجعت الصندوق مكانه بسرعه عشان مايحسش بحاجه خالص ، وبعدها لبس ومشينا فضلت اليوم ده مبسوطه خالص اصلا وبقيت مع البنات طول اليوم في المطبخ واعمل زي ما هما بيعملوا بالظبط وطلبت من نجاه عبايه وطرحه ولبستهم فعلا ودي كانت اول مره البس طرحه ، وبالليل كنت بقدم االشاي للكل ورايحه علي زين اول ما شافني بالطرحه حسيت انه فرح خالص اصلا ، وابتسمللي اوي ولسه بقدمله الشاي لاقيت نهاد اخد اخر كوبايه وقاالي الكوبايه دي اكيد عشاني صح معرفتش اقولوا اي قولتلوا ايوه اتفضل حسيت أن زين زعل بس مجرد ما بصيتله بس عرف انا عايزه أقوله ايه .. فسكت ودخلت بسرعه المطبخ عملته شاي تاني لي هو وبس وقدمتهوله وانا بقدمله الشاي غمزلي بعنيه وقالي عارف ان انتي اللي عملته بأيديكي المره دي وروحت انا وهو وجدتي اليوم ده البيت ودخلت علي اوضتي وانا مبسووووووطه اوي لاء وكمان اللي كمل انبساطي أنه لاقيته بيخبط عليا الساعه ٢ بالليل وبيقولي عايز اديكي حاجه يانادره قولتله حاجه ايه يازين مسك ايدي وداني زي انسيال تحفه اوي وقالي الانسيال ده بتاع امي الله يرحمها اخر حاجه اخدته منها الانسيال ده غالي عندي اوي يانادره عايز دايما اشوفك بيه وحافظي عليه واليوم اللي ما تكونيش عايزاه فيه رجعهولي تاني

لبست الانسيال وانا فرحانه اوي واتأكدت وقتها أنه بيحبني زي ما بحب...اوبس ده أنا كمان طلعت بحبه 😍😍

وقولتله حاضر وعمري في يوم ما هخلعه مهما يحصل قالي مهما يحصل يانادره قولتله مهما يحصل يازين قالي حتي لو كرهتيني قولتله انا عمري ما اكرهك يازين قالي نادره جاوبي علي سؤالي حتي لو كرهتيني مش هتقلعيه قولتله حتي لو كرهتك يازين مع انها عمرها ما هتحصل ابتسم وقالي هعتبر كلامك وعد ليا وسابني ومشي ونمت اليوم ده وانا مبسووووووطه اوي كنت في قمه سعادتي وصحيت الصبح علي زغاريط ماليا البيت قومت وانا مبسوطه ولاقيت ناس كتير بقي موجوده في البيت وكلهم ببباركوا لجدتي قولتلها في ايه ياجدتي ايه الزغاريط دي كلها علي الصبح قالتلي يابنتي الناس بتستعد النهارده كتب كتاب زين علي هيام عقبالك يانادره يارب لما افرح بيكي انتي كمان بصيتلها واتصدمت وقتها زي ما يكون حد جاب سكينه وحطها في قلبي زين هيتجوز .. بقيت ادور عليه في البيت كله مالقيتهوش واخيرا جه واخدته في الأوضه عندي وقفلت الباب وقولتله زين انت هتتجوز قالي ايوه يانادره كتب كتابي بكره قولتله زين انت ما بتحبهاش انت لا يمكن تكون بتحبها قالي ومين قالك اني مابحبهاش يانادره صوري اللي عندك بتقول انك ما بتحبهاش قالي صورك قولتله ايوه صوري اللي في ال box اللي في دولابك اداني ضهره وقالي دي مش ليا دي جدتي هي اللي طلبت مني أنها تشوفك طبعتلها صورك كلها وحطيتها في الbox اللي شوفتيه ده قولتله انت كذاب يازين كذاب انت بتعمل كده ليه ؟

فهمني بس دايما كان بيسكت زي عادته وسابني ومشي بقيت اعيط زي الغبيه مكنتش طايقه اسمع صوت الزغاريط اللي في البيت وأحط ايدي علي ودني عشان مسمعهاش ومشيت اليوم ده روحت علي الغيطان فضلت قاعده فيها طول النهار دموعي بتنزل مني لوحدها معقول كل اللي حصل بينا ده كذب معقول زين ما ببحبنيش والليل ليل عليا كنت خايفه جدا بس مكنتش قادره ارجع البيت وقتها وببص لاقيت نهاد قدامي فضل يقولي مالك فيكي ايه ليه العياط ده كله مسحت دموعي بسرعه وقولتله مافيش حاجه يانهاد قالي لاء في يانادره انا عارف انك فاكره اني صدقت انك قريبه جدتي من بعيد انا عارف كل حاجه بس صدقيني انا مش هقول لحد انا عايزك تثقي فيا يانادره ممكن قوليلي جدتي عملتلك حاجه ضايقتك شاورتله براسي كده وانا بعيط وقولتله لاء قالي بس يبقي زين المفتري ده هو السبب قوليلي عملك ايه معرفش اول ما قالي الكلمه دي ازاي اترميت في حضنه وبقيت اعيط وصوتي من العياط بقي عالي اوي مكنتش عايزه اتكلم قد ما كنت عايزه اترمي في حضن حد واعيط وبس ومره واحده لاقيت زين قدامي وبصلي نظره عمري ما هنساها ابدا ومسك نهاد ضربه وشدني من شعري لحد البيت بقيت أقوله زين سيبني يازين شعري اه مش قادره ورماني قدام جدتي قولتله طيب وانت مالك ابقي في حضن نهاد ولا غيره أن شالله حتي انام مع أي راجل انت مالك اصلا مش انت هتتجوز بكره لاقيت جدتي بتقولي اي يابنتي الكلام اللي انتي بتقوليه ده قولتلها انا بقول أن زين بعد كده مالهوش دعوه بيا ومعملش عليا راجل تاني عشان هو اصلا مش راجل وقتها لاقيت حته قلم علي وشي من زين لسه واجعني لحد دلوقتي وشدني من شعري للمره التانيه وكان قاسي عليا اوي وفضلت أقوله خلاص خلاص يازين والله ما هعمل كده تاني انا اسفه علي الكلام اللي قولتهولك سيبني حرام عليك مش قادره

زين قالي بعصبيه لاء المره دي انا جيبت أخرى منك خلاص مش هعديها يانادره زي كل مره

بقيت أقوله المره دي وبس.. أه.. أه.. شعري حرام عليك هيطلع في ايدك

و دخلني الاوضه اللي في الجراج اللي انا قاعده فيها دلوقتي وقفل عليا زي ما بيعمل مع الخدامين ودي كانت أول مره يبقى قاسي عليا اوي كده ممكن عشان غلطي كان كبير المره دي ومش قادر يسامحني زي كل مره) وسمعت

زين بيقول لجدتي البت دي ما تطلعش من هنا خالص الا لما تتعلم الادب واللي هيطلعها من هنا هحطه مكانها انتي فاهمه

جدتي قالتلي حاضر يابني بس هدي نفسك انت بس دي مهما كانت ضيفه عندنا ومش واخده على عادتنا وتقاليدنا

قالها انا قولت كلمه واحده ياجدتي وعهد الله لو ما اتنفذت مش هيحصلكم كويس وادي المفتاح هيبقى في جيبي عشان محدش لا يدخلها اكل ولا مايه

انا ماشي ياجدتي مش عايزه حاجه قالتله مش هتاكل يابني انت مكلتش حاجه من الصبح وانت بدور عليها قالها

لا ياجدتي ماليش نفس.. أنا ماشي

ودي آخر حاجه سمعت زين بيقولها لجدتي بره وانا هنا محبوسه في الاوضه

وبعدها جدتي مشيت بقيت انادي عليها وأقولها جدتي ماتسبنيش انا خايفه.. جدتي حرام عليكي الدنيا هنا ضلمه اوي وانا بعيط ومش قادره.. قالتلي (ما اقدرش اكسر كلامه يابنتي) انتي عرفاه ممكن يعمل فينا كلنا ايه انتي السبب انتي اللي خلتيه يوصل معاكي لكده مكانش ينفع ابدا تقوليله الكلام ده ولا انك تبقي مع نهاد الوقت ده كله يانادره وسابتني ومشيت

وبعدين انا خايفه اوي انا بخاف اقعد لوحدي في حته وكمان في الضلمه وافتكرت كل اللي حكايته بيني وبين زين وبصوت عالي وبعيط قولت ربنا يسامحك يا بابا انت اللي جيبتني هنا وسيبتني مكنتش وقتها اتعرفت علي زين ولا كنت حسيت بالوجع اللي جوايا ده كله 😢😢

وسمعت صوت جنبي بيتحرك انا مش شايفه حاجه بقيت اصرخ واضرب علي الباب واقول افتحولي الباب انا مش قادره اقعد هنا اكتر من كده افتح الباب يازين وانا بحسس علي الحيطه لاقيت باب تاني فضلت جنبه ما تحركتش وبقيت مستنيه النهار يطلع بفارغ الصبر عشان نور ربنا يدخل من الشباك واول ما الشمس طلعت ونور ربنا شقشق ببص لاقيت زين كان قاعد طول الليل معايا ومكانش بيتكلم ولا كلمه طول الليل

نادره : زين انت بتعمل اي هنا ودخلت هنا ازاي

زين : دخلت من الباب التاني يانادره

نادره : يعني انت كنت معايا طول الليل ومتكلمتش ولا كلمه

زين : ايوه يانادره مكانش ينفع اسيبك تقضي الليل لوحدك وانا عارف انك بتخافي من الضلمه

نادره : انت ازاي كده انا مش عارفه اذا كنت بتحبني ولا بتكرهني قاسي ولا طيب زين انا مش فهماك

زين : مش لازم تفهميني يانادره كفايه انا فاهمك كويس

نادره : قولتله زين ما تتجوزش يازين بلاش تكتب كتابك النهارده انت ما بتحبهاش

زين : ماقدرش يانادره صدقيني ماقدرش

نادره : ليه ما تقدرش يازين ليه

كل حاجه مش قادر تقولها كل حاجه مخبيها عليا

اختارني يازين اختارني

زين: انتي اخر حد في الدنيا انا ممكن اختاره يانادره قولتله ليه كل ده عشان ايه انت بتحبني انت عارف انك بتحبني

زين : عايزه تعرفي ليه تعالي انا هعرفك ليه

وقتها شدني من دراعي واخدني علي بيت محروق كله رماد ودخلني جوه البيت وقالي من ٢١ سنه ابوكي كان بيحب امي بس هي ما حبتهوش وحبت ابويا واتجوزته وابوكي لما عرف سافر مصر ومبقاش ييجي الصعيد ابدا

بقي علي خلاف مع ابويا دايما في الحسابات بتاعت الأراضي

وبقي بينهم كره كبير وكلنا كنا عارفين السبب عشان امي اتجوزت ابويا وابوكي كان ببحبها

ولما بقي عندي خمس سنين امي جابتلي اخ تاني البيت كله كان فرحان الا ابوكي كان لسه الغل والحقد جواه جدتي قالتله اتجوز كتير وانسا مرات اخوك بس هو عمره ما نسيها ابدا وكان كل ما بيشوفنا مبسوطين وفرحانين ييجي ينكد علي ابويا اكتر في الحسابات بتاعت الأراضي وأنه عاوز يبيع نصيبه في الارض والبيت وكل شئ بس عشان يشوف ابويا مزلول قدام الكل ابويا خلص عمتي بالعافيه عشان الأرض ما تتقسمش بس مكانش قادر يخلص اخوه وفي الليله المشؤمه دي وفي البيت ده اللي اتحول لرماد قدامك ابوكي جاب البنزين بالليل وولع في البيت من بره وقفل علينا الباب مابقيناش عارفين نفتحه امي واخويا اتحرقوا وابويا كان مغطيني بجسمه كله ووشي اتحرق زي ما انتي شايفه كده انا ماقدرش اتجوز بنت الراجل اللي قتل امي وابويا واخويا اللي لسه مولود انا لسه لحد دلوقتي سامع صرخهم وعياطهم وخنقتهم مكانش حد قادر يدخل من أهل البلد يفتح الباب النار كانت في كل حته في البيت انا فضلت سنين في المستشفيات لحد ما بقيت بالمنظر ده مشوه عارفه يعني ايه مشوه عارفه يعني اي طفل عمره خمس سنين يعيش بالمنظر ده طول عمره ويبعد عن العيال الصغيره علي قد ما يقدر جدتي عملت اللي عليها معايا عشان تربيني واقف علي رجلي من تاني عشان كده ما قدرش اكسرلها كلمه قالتهالي انا لو عليا كنت قتلتك من وقت ما جيتي واحرق قلبه عليكي زي ما حرق ابويا وامي واخويا قدام عيني

وقتها قعدت في الارض مابقيتش قادره أنطق معقول ابويا بالبشاعه دي معقول ابويا جواه كل الحقد ده .. وقبل ما يمشي بصلي وقالي

انتي عارفه اسمك ده علي اسم مين قولتله مين يازين

زين : علي اسم امي يانادره وقتها انصدمت صدمه عمري ولسه هتكلم زين سابني ومشي ما اتكلمش ولا كلمه معايا تاني ..

وفضلت طول اليوم في البيت ده وانا بتخيل اللي حصل جواه وعرفت أن أهل ماما زين ليهم الحق أنهم لو عرفوا اني بنت حسين البشاري يموتوني عشان يحرقوا قلب بابا عليا زي ما حرق قلوبهم علي بنتهم وابنها وبقيت اعيط اكتر واكتر لدرجه اني دموعي خلصت ونشفت من كتر العياط وروحت البيت علي المغرب ولاقيت المأذون موجود وهيام قاعده هي وباباها في ناحيه وزين وجدته من الناحيه التانيه والمأذون في النص وبقيت واقفه قصاد زين وعيني في عنيه والمأذون بيقول قول ورايا ياحج زوجتك ابنتي علي سنه الله ورسوله وعلي الصداق المسمي بيننا بقيت ابص لزين واشاورله براسي واقوله لاء ماتكملش والدموع بتنزل مني وهو كان باصصلي كانت عنيه بتقول كلام لسانه مش قادر ينطقه وفي الاخر المأذون قال لزين قول يازين قبلت زواجك مبقاش يرد وكان باصصلي وبس وأيده في ايد خاله والمنديل علي أيديهم المأذون كررها تاني وقاله قول يازين قبلت زواجك بس ماتكلمش وكان بيبصلي الناس كلها استغربت وبصولي عشان هو بيبصلي لاخر لحظه كنت حاسه أنه ممكن يرفض لآخر كلمه كنت مستنيه يقول لاء يعمل اي حاجه ومايتجوزش بس في لحظه خيب كل ظني وقال قبلت زواجك وقتها سمعت صوت زغاريط وملبس بيترمي في

الارض وكله بيحدد معاد الفرح والأشهار وقتها ماقدرتش اتحمل في ساعتها وقعت من طولي قدامه واغم عليا علي طول 😞😞

ياريت ياجماعه التفاعل ماتنسوش لايك و كومنت لو القصه عجبتكم بيفرق معايا جدا والله

وقعت من طولي ما حسيتش واغم عليا زين قام بسرعه وشالني من وسطهم كلهم وقتها فتحت عنيا بالعافيه لاقيت زين شايلني وبيدخلني الأوضه معرفش ازاي وقتها لمست وشه بأيديه وقدام الكل قولتله زين بحبك وماحسيتش بنفسي بعدها الا وانا في المستشفي ومتركبلي محاليل وهيام قاعده قدامي ومستنيه اني افوق اول ما صحيت قولتلها انا بقالي هنا قد ايه قالتلي انتي هنا من امبارح قولتلها وفين زين قالتلي نعم قولتلها ااقصد يعني فين زين وجدتي ونجاه فين الناس دي كلها قالتلي زين كان هنا طول الليل بس راح يجيبلنا فطار وجدتي ست كبيره روحت سكت ما بقيتش عارفه اقول ايه بقينا نبص لبعض احنا الاتنين وعايزين نقول حاجه بس مش عارفين نبدأ منين لحد ما احنا الاتنين اتكلمنا في نفس اللحظه ولاقيتها بتقولي اسمعيني يانادره كويس انا مش عبيطه انا عارفه كويس أن زين ما ببحبنيش هو اتجوزني بس عشان طول عمرنا مكتوبين لبعض وكمان عشان طول عمري مريضه انا مش حلوه زيك ولا متعلمه وعمري ما اتمنيت من الدنيا حاجه قد ما اتمنيت زين طول عمري وانا بحلم باليوم اللي هبقي فيه مرات زين البشاري واخيرا امنيتي اتحققت وبقيت مراته قولتلها انتي مريضه ياهيام قالتلي انا لسه مخلصتش كلامي سيبيني اخلص كلامي للاخر قولتلها اتفضلي قالتلي انا عارفه أن زين ما بيحبنيش زي ما بيحبك وامبارح اتأكدت اني عمري ما كنت في قلبه انا بقع الوقعه اللي انتي وقعتيها دي كتييييير وزين برضوا بيجيبني المستشفي كتير ووقف جنبي طول حياتي ماسابنيش لحظه واحده كان معايا وقت مرضي وتعبي دايما بس عمري ما شفت الحزن ولا اللهفه دي في عنيه إلا عليكي يانادره انا مريضه سرطان من وانا عندي سنتين طول عمري في المستشفيات هزمت السرطان مرتين ورجعلي تاني واخر مره دي من سنه بس الظاهر أنه رجع تاني بس المره دي ما قولتش لحد عارفه ليه قولتلها ليه ياهيام قالتلي عشان نفسي اموت في حضن زين مش عايزه اموت علي سرير يانادره عايزه اموت وانا مراته وام ابنه

نادره انا من وقت ما اتولدت والدنيا بتوجع فيا وزين الحاجه الوحيده اللي بتفرحني في الدنيا دي ما تحرمنيش منه سيبيلي زين يانادره كانت بتعيط وقتها قومت بسرعه وقولتلها تعالي وفتحتلها ايديا وحضنتها قولتلها اسفه ما تزعليش مني مكنتش اعرف انك تعبانه وبقيت احضنها اوي وصعبت عليا ااوي اوي وقولتلها انتي لازم تتعاالجي وانا وزين هنفضل جنبك ولو ياستي مش عايزاني جنبك انا هبعد خالص والله بس ارجوكي لازم تعرفي أهلك ان المرض رجعلك ارجوكي ياهيام وبقينا نعيط احنا الاتنين سوا علي حالنا وبعدها زين دخل علينا وابتسم وقال ايه كميه العياط دي ياجماعه مسحت دموعي بسرعه ومسحتلها دموعها وشاورتلها انها لازم تقول لزين ان المرض رجعلها تاني وقالتلي حاضر هقوله ..

وزين جابلنا فطار وفطرنا احنا التلاته سوا فضلنا نضحك شويه ونهزر مع بعض وجدتي جت ونجاه كمان وفي الاخر الدكتور كاتبلي علي خروج وقتها لما روحت البيت بقيت افكر في كلام نجاه وقد ايه حياتها صعبه جدا عشان من يوم ما اتولدت علي الدنيا وهي ماشفتش يوم حلو في حياتها ..وقررت اني لازم اقتل أي شعور يخليني احب زين وكمان أكرهه فيا عشان مايبقاش

شايف غير نجاه وبس .. وبعدها اتصلت بنهاد كنت بقضي طول اليوم معاه يا شات يا فون عشان اسلي وقتي وكمان هو حد كويس جدا وكمان مافكرش في زين ابدا و عشان احبس نفسي في اوضتي وماشفش زين كان نفسي أنسا زين واطلعه من دماغي وأبطل تفكير فيه بس للاسف حتي وانا مع نهاد كنت بتكلم عن زين وعن قد اي هو يستاهل كل خير … الايام عدت وكنت مستنيه جدا أن هيام تقول عن مرضها لزين أو اي حد من أهلها عشان ترجع المستشفي بس مافيش اي خبر وخلاص ناقص اربع ايام علي جواز زين من بنت خاله هيام كنت بتقطع من جوايا جدا بس مبقاش في حاجه في ايديا عشان اعملها وهيام قالتلي تعالي افرشي معايا شقتي انا وزين وهزعل اوي لو ما روحتش روحت عشان خاطر ما تزعلش وهناك لاقيتها بتقولي عليكي انتي بقي انك تحطي هدوم زين في الدولاب بقيت اطلع هدومه من الشنط ودموعي بتنزل لوحدها يااااه علي كميه الوجع اللي جوايا وبقيت اقول في سري يارب انزع حب زين من قلبي بس لاقيت مره واحده اني بحضن هدومه اوي واعيط وبعدها نجاه دخلت عليا وشافتني وانا حاضنه هدوم زين وبعيط قفلت الباب بسرعه واخدتني في حضنها وقالتلي حاسه بيكي والله يانادره وعارفه قد اي انتي بتحبي زين وبعدها مسحتلي دموعي وقالتلي ما ينفعش حد يشوفك بتعيطي كده هتبقي مصيبه اغسلي وشك يالا يانادره في الحمام وانا هطبق هدوم زين في الدولاب دخلت الحمام عشان اغسل وشي لاقيت هيام مرميه في الحمام وواقعه في الارض ناديت علي نجاه بسرعه وقولتلها نجاه الحقيني وجرينا بيها علي المستشفي بسرعه وزين جه ورانا علي المستشفي والدكتور هناك عملها اشاعات وفحوصات والكل عرف ان المرض المره دي رجعلها وبشكل خطير واللي زود من خطورته أنها ما تعلجتش في وقتها وكانت بتاخد مسكنات قويه جدا ومنشطات زي ترامادول بقينا كلنا مصدومين زين دخلها وقالها ليه عملتي كده ياهيام بصيتله ومسكت أيديه وقالتله عشان كان نفسي في يوم ابقي مرات زين البشاري ولو ليوم واحد بس اتكتب فيه علي اسمك وقتها زين حضنها وبقي يعيط في حضنها وبعدها بحاجات بسيطه ماتت في حضنه الفرح اتقلب لنكد وعزا الدنيا كلها كانت زعلانه عليها هيام كانت كويسه مع الكل مافيش حد قال عليها كلمه وحشه عشان كده عرفت ليه زين عمره ما كان هيسيبها حتي لو مكانش بيحبها وبيحبني أنا .. وعملنا العزا زين كان في حاله مش طبيعيه اول مره اشوفه بالمنظر ده كان مكسور وضعيف

وتالت يوم واحنا في العزا في بيت خال زين لاقينا واحد من اللي بيسلمه طلبيه من شركه fedex للشحن الدولي وفيه ظرف وبيسأل عن نادره حسين احمد البشاري روحتله وقولتله ايوه انا .. وقتها خال زين سمع الاسم وكان ورايا بس انا مأخدتش بالي ابدا وبعدين المندوب قالي انا روحتلك علي العنوان اللي مكتوب علي العلبه بس في ناس قالولي انكم هنا مضيت وصل الاستلام وانا بستلم الطرد لاقيته من بابا روحت لجدتي بسرعه وقولتلها أن بابا بعتلي طرد جاي من كندا

بس لسه مش فتحته قالتلي افتحيه يابنتي شوفي فيه ايه فتحته ولاقيت فيه الباسبور بتاعي وكان فيه جواب ولسه هقرا الجواب ده في ايه لاقيت خال زين دخل علينا راجل قوي وضخم وشنبه مترين وباين عليه عنيه الشر جدتي خبت الباسبور والجواب بسرعه وانا اول ما شوفته اترعبت قالي وتربه بنتي كنت حاسس انك نادره بنت حسين مش زي ما فاطمه ضحكت علينا وفهمتنا انك قريبتها من بعيد قولتله أنااا..انااااا.. ومابقيتش عارفه اتكلم جدتي قالتله مين اللي قالك الكلام الفارغ ده قلها اسكتي انتي ياوليه ياكذابه انا عرفت كل حاجه ومسكني من شعري وبقي يحط راسي في الارض واخدني حطني في اوضه بيحطوا فيها خزين ورماني فيها وقالي انا لما افضالك واخد عزا بنتي وقتها بس هاخد عزاكي بعديها ..قولتله انا ماليش ذنب في ده كله قالي واختي وابنها اللي مات واللي عايش مالهمش اي ذنب هما كمان وقفل عليا الباب ومشي بقيت افكر كل لحظه ياترى هيعمل فيا ايه طيب هيموتني طيب انا عايزه امشي من هنا ..التفكير والخوف كانوا هياكلوا دماغي لحد ما بقيتش اسمع اصوات خالص في المكان زي الاول والليل ليل ماعرفش جدتي عملت ايه ولا زين ونهاد فين معرفش اي حاجه لحد ما الباب اتفتح ولاقيت خال زين وولاده الاتنين معاه وقالهم هاتوها انا قولت خلاص هتموتوني صح ..زي ما يكونوا عشماوي جايين يقبضوا روحي واخدوني في العربيه وانا مغميه عنيه وحاطوا شريطه سودا علي بوقي ومشينا طريق طويل بالعربيه وبقينا في منطقه بعيده جدا ونزلوني من العربيه كنت بترعش من الخوف .. ونزلت معاهم وانا مش قادره امشي ومشينا شويه وبعدها وقفوني وحد شال القماشه السودا اللي كانت علي عيني ببص لاقيتهم حفرولي قبر في الارض وزين واقف جنب القبر ده وماسك المحرات اللي بيحفر بيه اول ما شوفته بقيت ازوم جاامد ومابقيتش مصدقه وبقيت اقول من جوايا معقول انت يازين بتحفرلي قبري الشريطه كانت علي بوقي مكنتش عارفه اتكلم وأيدي متربطه خال زين : خلصت حفر يازين ولا لسه

زين : خلصت ياخالي من بدري

خال زين : عفارم عليك يازين

ولاقيته طلع المسدس واداه لابنه وقاله خلص عليها بقيت ازوم وأشاور بأيدي وبراسي لاء

واصرخ زين قاله ومحمد يقتلها ليه وانا موجود يا خال قاله ما كانت قدامك مفكرتش تقتلها ليه من وقت ما جت قاله تاني ياخال تاني ما قولتلك مكنتش اعرف ان هي ياخال جدتي ضحكت عليا زي ما ضحكت عليكم بالظبط بقيت مستغربه هو بيقول كده ليه ؟

وبعدها زين قاله ابوها قتل ابوي وأخوي وامي يبقي انا اولي حد بقتلها

خاله قاله كلام معقول يازين

واداله المسدس ورفع المسدس في وشي وبقيت بصاله واشاورله براسي واقوله لاء يازين لاء

لاقيته ضرب طلقه في الهوا ومسك محمد ابن خاله وحط المسدس علي راسه وقال لخاله نادره مالهاش ذنب في اللي حصل ياخال سيبها تمشي

خال زين : بقي تخسر أهلك وناسك وخالك اللي رباك عشان بت عدوك

محمد : اي اللي بتعمله ده يازين ابوي مش هيسيبك

زين : محدش يتكلم ولا كلمه فك نادره ياجمال

بس جمال مارضاش في الاول

زين : فك نادره بقولك يا اما هموتهولكم

جمال : ماعتكدرش تعمل حاجه يازين خصوصي لمحمد صاحب عمرك

زين : اي صح ماقدرش اعمل حاجه لمحمد بس اقدر اعملك انت وضربه رصاصه في رجليه وقع في الارض

وراح قال لخاله

خال فك نادره ياخال بدل الرصاصه اللي جايه تبقي في راس جمال مش في رجليه

خال زين وقتها فكني بسرعه ..

خال زين : لا خلاص فكيتها اهوه

وفي لحظه زين قالي اقفي ورايا يانادره وبقي ماشي بمحمد ومسكه من رقبته وحاطط عليه المسدس لحد ما وصلنا لعربيه زين وزين قال لمحمد في وحدته سامحني ياخوي وسابه وركبنا العربيه بتاعته في لحظه واحده فضلنا ماشيين بالعربيه بسرعه اوي عشان محدش يلحقنا مكنش بيتكلم ولا يفتح بوقه بكلمه ومره واحده زين وقف العربيه ونزل منها وفتح الباب اللي من ناحيتي ومسكني من ايدي وشدني لحضنه وقالي انتي كويسه يانادره قولتله ايوه يازين انا كويسه مكنتش وفضل حاضني واخيرا بقيت في حضنه مكنتش مصدقه عن جمال اللحظه دي رغم كل حاجه وحشه مريت بيها بس اللحظه دي تستاهل اوي وقتها انا كمان ابتديت احط ايدي عليه واحضنه وغمضت عنيا وححسيت جوه حضنه بأمان الدنيا كله وقالي وهو صوته بيترعش مكنتش متخيل أن ممكن اخسرك يانادره

كنت خايف اخسرك .

ياااااااه احساس أن حد يخاف عليك اكتر من روحه احساس مايتوصفش ..بس زي ما بيقولوا الأوقات الحلوه دايما وقتها قصير

في لحظتها لاقيت عربيتين نقل صغيرين ماليانين رجاله صعايده وبيضربوا علينا نار زين قالي اركبي بسرعه اركبي يانادره ركبت في لحظه وبقوا يجروا ورانا وخال زين كان راكب قدام والعربيتين بقوا يزنقوا علينا واحنا في النص مابينهم وبيضربوا نار علي الكوتشات بتاعت العربيه لحد ما زين دخل في حته كلها زراعه وبقيت اصوت مش عارفه اعمل اي كنت خايفه علي زين اوي وقتها

وبعد اكتر من نص ساعه مطارده بالعربيه روحنا للبحيره اللي عند المزرعه بتاعت زين ووقتها جت رصاصه في الكوتشات بتاعت العربيه بتاعتنا العربيه بقت بتتحرك يمين وشمال وزين مبقاش عارف يسوق والدريكسيون فلت منه والعربيه اللي احنا فيها انقلبت ووقعت في المايه واحنا جواها زين وقتها بسرعه فك حزام الأمان بتاعه وطلع من العربيه بس ضغط المايه كان شديد في لحظه بقينا في القاع وحاولت افك الحزام بتاع الامان بتاعي معرفتش شاورت لزين علي حزام الامان اني مش عارفه افكه راح سبح ناحيتي بسرعه وحاول يفكه مافيش فايده مش راضي يتفك بقيت انا احاول وهو يحاول بقي مش راضي معلق بقيت اشاور لزين علي أنه يطلع ينقذ نفسه بس مكانش راضي خلاص ده اخر نفس فيا وفيه وبقينا نبص في عيون بعض وخلاص استسلمنا زين وقتها جاتله فكره وراح فك الصاموله بتاعت الكاوتش واخد منها هوا في بوقعه و قرب مني وشفايفه لمست شفايفي غمضت عنيا كنت فكرته هيبوسني لاقيته بيديني الهوا اللي في بوقه اخدته وطلع بسرعه اتنفس واخد هوا تاني ونزلي ولتاني مره يلمس شفايفي وبعدها بقي يحاول تاني يفك الحزام واخيرا اتفك وطلعنا اول ما اتنفست حسيت أن روحي رجعتلي من جديد واخدني ومسكني من كتفي وبقي يعوم ويسحبني معاه لحد ما وصلنا للشط من البر التاني

ووقتها كنت سقعانه جدا ميته من البرد كل حته فيا بتترعش وينتمي بتخبط في بعض زين قالي استنيني هنا ومشي وبعدها بشويه جاب زي ملايه وغطاني بيها بسرعه وجاب شويه خشب ولا عود دره مش عارفه وفضل يحاول يعمل شرار بطوبتين لحد ما النار ولعت معاه وولع في الخشب ده وقربنا منه اوي وجه جنبي وقعد يفرك أيديه جنب النار روحت فتحت ايدي بالملايه و قولتله تعالي اتغطي معايا وبقت الملايا عليا وعليه وبقي يحرك أيده علي كتفي عشان احس بالدفا قولتله جيبت منين الملايه دي قالي قدام شويه في بيوت ولاقيت الملايه دي علي الحبال بره وبقيت اترعش اكتر اخدني في حضنه وقالي هووووش هتبقي كويسه دلوقتي وبعدها نمت وانا اخر حاجه شافتها عنيه كانت هو ( زين ..البشاري )

والنهار طلع علينا ولسه بفتح عيني لاقيت حد ضربني وضرب زين بالشومه علي دماغه