رواية ش .. س الفصل الثاني 2 - بقلم غير معروف

(( رسل ))

استيقظت صباحا على صوت مزعج .. احم اقصد صوت حنون كلها حنان ورقة صوت والدته وهي تنادي : رسل رسل قومي اكو وحدة تنام للساعة 9 .
ههه .. فتحت عيني وقلت : صباح الخير .
- صباح الظهر قومي يلا .
نهضت من على السرير قلت : ابدل واجي .
- اوكي انتظرج جوة بالمطبخ .
غيرت ثيابي ونزلت للطابق السفلي دخلت للمطبخ كانت زوجة اخ محمد تساعدها .. قلت : هلو .
نظرت لي وقالت : هاي شلابسة ؟.
نظرت لثيابي ( بيجاما ) وقلت : شنو ؟.
- بجامة ؟.
- اي !.
- ميصير بنتي هياتها سمر وحوراء ميلبسن هاللبس عيب قدام الولد .
- شلبس يعني ؟.
- دشداشة .
قلت بدهشة : بس اني ماعندي دشداشة .
نظرت لحوراء وقالت : اطيها من عندج .
ابتسمت حوراء بخبث وقالت : تعالي وياي حبيبتي .
سرت معها الى غرفتها فتحت خزانتها واخرجت لي ( دشداشة كدري !!) لونها اخضر بها دوائر صفراء .. نظرت لجسدي باستهزاء وقالت : لازمن تسمنين محلو هيج جسمج ضعيف بعدين محمد يعوفج .
- تسلمين .
خرجت من غرفتها ودخلت غرفتي التقطت هاتفي من الطاولة التي بجانب السرير واتصلت بمحمد ..
اجابني : حبيبتي .
قلت ببكاء : محمد اهئ اهئ .
- شبيج حياتي ؟.
- اهئ دشداشة .
- شنو ؟.
- اطوني دشداشة يردون البسها .
- هههههههههههههههههههههههههههههههههههههههه .
قلت بعصبية : لك شنو تضحك علية .
- ههههههههههههههههههههه اتخيلج انتي لابستها .
- ماداك مالبس قول لأمك مالبس ماااااااااااااااااااااااااااااااااااالبس .
سمعت صوت والدته وهي تقول بصوت عال : ها رسل خلصتي يلا تعاي .
- اهئ تعال .
- ههههه وين والشغل ؟.
- معلية مااا اريدك يمي .
- هههههههه قلبي وياج .
- ما .
طرقت والدته باب غرفتي قلت برجاء : امك اهئ اهئ .
- احبج خبلة .
- خبلة لأن تزوجتك .
- هههههههههههه فديت .
انهيت المكالمة وسارعت لأرتداء تلك الخيمة .. نظرت لنفسي في المراة !.. خرجت من الغرفة نزلت للطابق السفلي دخلت المطبخ قالت بفرح : اي هسة حلوة .. يلا تعاي نسوي غدة .
- بعدني متريقت .
- ياريوق ب8 احنا نتريق ... يلا خل نسوي غدة .
- شحتسوون ؟.
- فاصوليا خضرة .
( مااحبها ) .. ناولتني سمر البصل وقالت : قطعيه .
- زين ماكو جفوف .
والدته : جفوف !!.
- تبقى بأيدي ريحة بصل .
- عود فركي بيها معدنوس .
امسكت به وبدأت اقطع وانا اشعر بالقرف من نفسي .. اتت حوراء وقالت : وخري اني اسوي .. وجهت كلامها لوالدته : خالة تذكرين شقد جنت شاطرة من تزوجت اكرم .
والدته : وردة .
سمر : لعد واني .
والدته : وانتي همين نادرة .
( واني يمي صوت صرصور الليل يمي ... ) .. انتهوا هم من اعداد الطعام وانا طوال الوقت استمع لمحاضراتهم .. قالت والدته : خلصنا طبخ بقت المواعين عليج رسل .
خرجن من المطبخ وتركوه فوضى للغاية .. نظرت بحزن للمكان قلت : اريد امي اهئ .
سمعت صوت من خلفي : يعني متريديني ؟.
التفت وجدت محمد !.. احتضنته بقوة : ااااااااه اخيرا جيت .
- فديت لعد علمودمن اجي .
- شفت شون شكلي محلو .
قبل وجنتي : تخبلين .
- ماعرف اسوي شي والكل يقلدون علية .
- تعاي اني اعلمج .
- تغسل مواعين وياية ؟.
- اي يلا .. وين هاي الصدرية .
ارتداها وبدأ يساعدني .. حتى اوشكنا ع الانتهاء دخلت والدته وهي مصدومة .. قالت : محمد شدتسوي ؟!.
- هلو .
ضحكت رغما عني : ههههههههههههههههههههههههه .
قالت : شفت مرتك متعرف تسوي شي .
- تتعلم .
- يلا تعال ورسل يلا صبي الغدة .
- اوكي .
( وارجع واقول شجابني للضيم جنت مدللة ) ..

(( ديانا ))

في المساء خرجت برفقة صديقاتي الى المركز التجاري .. دخلنا لأحد المطاعم التي فيه .. كنت انا واية وراما ورانية .. طلبنا الطعام وجلسنا نثرثر ريثما يجهز طلبنا .. فجأة دخل ( البومة امداه ) للمطعم مع اصدقائه .. لاحظ وجودي بل الاسوء هو لاحظ انني انظر اليه .. تجاهلته وعدت للثرثرة مع صديقاتي جلس صديقيه على احدى الطاولات القريبة منا اما هو فسار باتجاه الطاولة التي نجلس عليها .. قالت اية بهمس : الله هذا علي جاي علينا .
وقف بجانب طاولتنا ونظر لأية بقي ينظر لها باعجاب قلت انا : اكو غراب وقف ع طاولتنا حاسين بيه بنات ؟.
قال هو : لا مملاحظين وجوده لأن اكو بومة قاعدة وياهن ماخذة الجو كله .
ضحكن صديقاتي : هههههههههههههههههههههههههههههههههه.
نظرت لهن بغضب وقلت له : شكو شتريد ؟.
- محد حاجي وياج ... لوسمحتي ممكن نحجي شوية .
- لك استحي ع نفسك هي ملطلط .
نهضت اية وقالت : اوكي .
ابتسم واشار اليها كي تجلس معه على احدى الطاولات ... قبل ان يسير معها قال : سمعت من شوية ونة ذبانة .
امسكت علبة الملح التي امامنا الخشية ورميتها عليه .. ولكنها لم تصبه .. التفت وقال : لج ترا اخلي الفلفل بعيونج .
- كافي عاد زودتها بالجامعة وهنا هم !.
- وانتي شحارق بصلتج ؟.. جيف محد معبرج ؟.
اااه لو استطيع تحطيم رأسه .. ( نعال نعال نعال امداه وجه الجوووووووووووووووووب )...
قالت رانية : شبيج حبي اشو جنتي حتسويها عركة فضحتينا قدام الناس .
- مدتشوفينه شون ديحجي وياي ؟.
- طنشيه معليج بيه .
- خل يولي منو هو اصلا وهذيج العوبة شكو راحت تحجي وياه ؟.
- مو تعرفين معجبة بيه .
- ع شنو ياحظي .
نهضت اية من على الطاولة ونهض هو ايضا اتت وجلست معنا مر هو بجانب طاولتنا وغمز لها ونظر لي قائلة : مادري شون مقعدين وياكم جبار ابو الشربت .
صديقاتي : هههههههههههههههههههههههههههههههههههههههههه .
- اذا مرحت منا حسحلك .
- هههه .
وذهب ليجلس مع اصدقائه .

(( شهد ))

كنت في المنزل اشاهد مسلسل ( the originals ) على حاسوبي .. فتح اخي الصغير باب غرفتي ودخل قائلا : شوشة .
- ها .
- مهند بالهول يريدج .
نظرت لأخي بفرح ونهضت .. دخلت لغرفة المعيشة رأيته يجلس برفقة امي واختي الصغيرة اماني .. قلت : عاش من شافك من زمان مصاعدلنا .
امي : تعال قدميله شي حبيبي شتاكل شتشرب ؟.
مهند : تسلمين خالة هههههههه عبالك ضيف .
امي : لأن متجينا هواية واحنا فوقاكم .
- هههههه مو شهد رادت اسويلها برنامج باللاب توب وينه لاب توبج ؟.
لكنني لم اطلب منه ذلك !!.. ولكنني عرفت انه يريد ان يقول شيئا .. قلت : بالغرفة .
نهض وقال : يلا شوفينياه .
امي : حسوي جاي وعدنا معجنات بين ماتسويلها اللاب توب واماني نزلي صيحي خالة وفهودي .
اماني : اوكي .
دخلت انا وهو غرفتي وتركنا الباب مفتوح .. قلت : صاير تجذب .
جلس على الكرسي الهزاز الخاص بي وقال : اجذب بعينج .
- لعد شيسمونه هذا ؟.
- مشتاقلج اريد اسولف وياج .
- ههههههههه لابربج .
- اهوووو ومن ماعبرج تجي تقولين انت متعرف صلة الرحم وتقريلي اليتيمة .
- هاهية سكتت عيني تفضل نورت .
- شنو رأيج نطلع الخميس .
- صدق !!.. بربك .
- هههههههه اي شايفة شقد اني حباب .
- فديتك .. وين نروح ؟.
- ايس باك .
- اي اي خوش .
- بس ماريد ناخذ الجهال وهوستهم .
- يستحسن .
- لعد سمعي جيبي هاي مدري شسمهة صديقتج .
- زينة ؟.
- اي يمكن هيج جان اسمها بس اقولج هي مو شكلها اكبر منج ؟.
- اي هي راسبة سنتين يعني هسة عمرها 19 سنة .
- اها .. يلا خل نروح ع المعجنات .
- ههههههه يلا .
كنت سعيدة للغاية لأنه دعاني للخروج معه لأول مرة !!..

(( دعاء ))

مستلقية على سريري احاول ان افكر في حجة كي احادثه .. ضحكت على الخطة التي فكرت بها امسكت بهاتفي الاخر ( black berry ) .. رميته على الارض بقوة فانكسر امسكت بهاتفي الاخر واتصلت بعلاء ..
اجابني : الو .
- مساء الخير .
- مساء النور .
بقيت صامتة .. قال : د.. دعاء ؟.
- اي شلونك احمد .
- الحمد الله انتي شلونج ؟.
- بخير .. انت بالمحل ؟.
- اي .
- بصراحة فوني انكسر وردت اجيبلكياه تشوفه .
- تشرفين .
- يلا لعد اني شوية وجاية .
انهيت المكالمة ونهضت كي اغير ثيابي .. غيرت ثيابي ونزلت للطابق السفلي كانت والدتي تجلس في غرفة الضيوف مع صديقاتها .. دخلت والقيت التحية عليهن .. همست بأذنها : ماما موبايلي انكسر .
- طز حبيبتي روح اخذي شقد متريدين من الجنطة مالتي .
- شكرا .
خرجت من غرفة الضيوف ودخلت غرفتها اخذ المال وخرجت من المنزل وانا متحمسة لرؤيته .. وصلت للمركز التجاري واتجهت للطابق الثاني للمتجر الذي يعمل به ..
دخلت ورأيته يتحدث لأحدى الزبونات .. لاحظ وجودي استأذن منهم وطلب من الذي معه ان يلبي طلابتهن .. سرت باتجاهه وقلت : سلام .
- هلا بيج .
بقيت انظر له بابتسامة اكثر شئ يعجبني به هو خجله .. قال : خير شبيه موبايلج ؟.
- أأ.. اخوية الصغيرة كسره .. فأريد واحد جديد .
- حابة نوع معين ؟.
- ممم شي ع ذوقك .
- مو اخر مرة جان عدج ايفون يعني تريدين تغيرين لو شنو ؟.
- لا هذا الي انكسر غير الايفون .
- اها .
بدأ يعرض لي عدد من الاجهزة اما انا كنت فقط انظر اليه وكما يقال دائما نظرات العاشق اكبر فضيحة ...

(( محمد ))

كنت في الغرفة اشاهد التلفاز .. دخلت رسل للغرفة وهي تتذمر : ايدي راحت من المواعين اهئ اهئ .
جلست على الاريكة بجانبي .. امسكت بيديها الصغيرتان وقلت : يمة فديت هالايدين صارن يغسلن مواعين .
- اضافري تكسرن اهئ .
رفعت يدها اليمنى بالقرب من شفتي وبدأت اقبل اصابعها .. اصبع تلو الاخر احتضنتني بقوة : فدوووووة كله يهون علمودك .
- اسف حبيبي متعبج .
- اشششششش فديتك انت كافي قلبك الطيب .
غمزت لها قائلا : ترا من اول ماوصلنا هنا مسهرنا سوية .
- ههههه اي لاحظت ... يلا حدخل الحمام اغير ملابسي واجيك .
- ماشي .
دخلت هي للحمام ... وانا نهضت بحماس خلعت ( تيشيرتي ) ووقفت امام المراة استعرض عضلاتي وضعت يدي امام فمي ونفخت هاااه .. فتحت فمي امام المراة لأنظر لأسناني .. طرقت باب الحمام وقلت : استعجلي .
- ههههه ما .
- مو اطبلج .
- هههههههههههه اصبر ياخي .
- ياخي بعينج .
- هههههههه ياخي ياخي ياخي .
- يخياخي يخيخج .
- ههههههههههههههههههه .
سمعت صوت طرق الباب .. سرت وفتحتها مددت راسي لأرى من وجدت امي !.. قلت : لحظة ماما .
بسرعة ارتديت ( تيشيرتي ) وفتحت الباب دخلت قائلة : شجنت تسوي ؟.
- داتفرج تلفزيون .
جلست على الاريكة وقالت مستفسرة : وين رسل لعد .
- بالحمام .
جلست بجانبها وقلت : خير ماما ؟.
- تعاركت ويا ابوك عفلته الغرفة .
- أأ.. ليش شصاير ؟.
- خبلني والله جم مرة حجيت وياه علمود السكر وهم يرجع ياكل بقلاوة ومدري شنو يعاندني .
- ماما بس شنو تعوفيله الغرفة .
- هو هيج احسن حتى يحرم .
- اها .
- يلا احسن حتى اجي اسولف وياك والله من يوم زواج واني مدالحق اشوفك .
بقيت صامتا لم اعلق .. فتحت رسل باب الحمام وخرجت وقفت امامي وهي ترتدي قميص نوم لونه اسود قصير للغاية يفضح اكثر ممايستر وقالت : اخيرا خلصــــ !!..
نظرت لأمي !!... بالقوة كتمت ضحكتي .. نظرت امي لها بغضب وقالت : طبي ستري نفسج متستحين .
بأقصى سرعة دخلت هي للحمام .. نهضت امي وقالت : ترا خلص شهر العسل كافي نام وراك دوام .
- ان شاء الله .
خرجت من الغرفة اغلقت الباب خلفها .. فتحت رسل باب الحمام ببطئ ومدت راسها كي ترى ان خرجت امي ام لا .. قلت : هاهية طلعت .
فتحت باب الحمام بسرعة وجرت باتجاه السرير وغطت نفسها في الفراش حتى رأسها .. انفجرت ضاحكا : هههههههههههههههههههههههههههههههههههههههههههههههههههههه.
جلست بجانبها على السرير وانااقول : رسولة حبيبتي .
قلت وهي تغطي وجهها ونفسها : ولي .
- حبيبي .
- انجب فشلة وخر .
- هههههه عيوني اني شعلية .
- ماحبكم كلكم .
- اني اموت عليج .
- انت هم ماحبك .
- اهون عليج .
بقيت صامتة .. انحنيت وامسكت بطرف الفراش قائلا : زين شوفيني وجهج شوية .
- ما .
- شويونة بس .
- ليش .
- داقولج شغلة .
- شنية .
- ميصير تنقال هيج .
ازاحت الغطاء قليلا واظهرت وجهها فقبلتها بسرعة ........

(( علي ))

في يوم جديد في الجامعة كنت جالسا برفقة احمد .. سرد لي ماحدث مع الفتاة التي معجب بها ..
قلت له : يمعود شبيك البنية مبينة معجبة بيك شنو مدتطيها مجال.
- لأنها غنية .
- واذا ؟.
- شبيك انت هاي باجر عقبة اتقدملها ابوها يضحك واحد مثلي جاي يخطبها .. مدري جم موبايل عدها واني هذا مالي بعدني ممخلص الاقساط مالته .
- اذا هي صدق تحبك رح تتخلى عن كل شي .
- ماكو هيج شي بالواقع هاي بالافلام وبس ... واذا صارباجر عقبة بأي كلمة تقعد تعيرني .
- ماعاش الي يعيرك .. انت عايش مرة وحدة سوي الي تريده وتفكر بباجر .
- ههه علي لخاطر الله لتحجي هالحجي لأن انت غير واني غير وانت مفاهم شي .
- ع كيفك عيني شفتني صايع بس ترا عدي قلب واعرف الحب شنو و ...
رأيت تلك المتعجرفة تجلس برفقة اية وصديقاتهم ... نهضت وقلت : ضلع شوية واجيك .
- هههههههههههههه ها شقلنا .
- هههههههههههههههههه المهم انت فهمتني .
- هههههههههه اي اي فاهمك .
سرت باتجاههم ورأيت ( البومة قلبت وجهة ) .. ابتسمت ابتسامة عريضة وقلت : صباح الخير .
اية : صباح النور .
قلت : بنات سمعتوا بالرحلة مال مدينة الالعاب ؟.
اية : اي .
- ها متروحون .
قالت احدى صديقاتها : بعدنا دنفكر .
- لا ماكو داعي تفكرون اصلا اني الي حنضم الرحلة .
اية : ماشي لعد هسة نروح نسجل .
- عفية .. نظرت لها كانت تشيح بوجهها للجهة الاخرى .. قلت : وممنوع اصطحاب الحيوانات بالرحلة .
قالت البومة : لعد شكو انت رايح .
- وانتي شبيج انغيثيتي شنو الحجي يمسج من نحجي ع الحيوانات .
- ههههه شون مانغثت اذا جابوا طاريك .
- هههههه هاي شنو عيني طلعتي تعرفين تقصفين .
- حتى لتندق بية .
- انتي الاغبر ميدق بابج .
- ديلا موقلت العدك يلا شوفني عرض جتافك .
- عدج اولجي دتقيسين عرضه .
- هاهاهاهااي .. اخ بطني حموت حموت حموت من الضحك ودوني للمستشفى .
- حيجي يوم واوديج بايدي لتخافين .
- خايب دطير وجه التنكة وجاي يحجي .
تركتها وعدت للجلوس مع احمد ... ضحك قائلا : بتحط نفسك فمواقف بايييييييييييييييخة هههههههههههههههههههه .
- انجب انت اللاخ وهالبنية اني الها لو اني لو هية ولك ولا مرة وحدة حاجية هيج وياي شكو بنية تنسى الحجي من تشوفني والكل يموتن حتى يحصلن مني كلمة وهاي البومة تطول لسانها وتغلط .
- هسة انت شعليك بيها خليك بصديقتها .
- ليش انت عبالك اريد صديقتها ؟.
- لعد ؟.
- لا اريد اطيح حظها لهاية .. خرب لو الزمها اشنقها بحجابها .
- هههههههههههههههه قول يا الله يمعود شبيك اول مرة تضوج من بنية هيج .
- لأن اول مرة وحدة تحجي وياي هيج .
- زين لعد كسرتخشمك .
- تخسى هاي تكسر خشمي اكسر راسها .

(( مهند ))

ارتديت ثيابي وهممت بالخروج للجامعة ولكن استوقفني صوت خالتي التي تجلس في غرفة الجلوس وتناديني .. قلت لها : صباح الخير ياوردة .
- هههه صباحك عسل .. فدوة ابو الغيرة .
- خالة هالحجاية من اسمعها منج ومن بنتج اعرف اكو سالفة .
- شعدنا غيرك غير انت ابو البيت .
- ع راسي انتي .. امري .
- هاي شوشة مصخنة كلش وطول الليل تون اطيتها براسيتول عبالي تنزل الحرارة بس هم مفاد .. فدوة متوديها للدكتور .
- ممممم يلا ماشي تجين انتي ؟.
- لا اني الي حسويلكم الغدة امك راحت للسوق .
- ماشي قوليلها خل تجي انتظرها بالسيارة .
خرجت للمرأب وجلست في سيارتي الى ان خرجت وهي تسير بالحركة البطيئة وانفها احمر وعينها قد ذبلت .. فتحت باب السيارة التي بجانبي ركبت وقالت بصوت مبحوح : صباه الخير .
- هههههههه خرب انتي جكمة انوبة مريضة .
- انجب .
- لج اذا انجب من هسة دوريلج ع احد يوديج للدكتور .
- انت ابن خالتي .
- يمة شبيج متقوليلي اشو كلساع تذكريني بيها ممصدقة اني ابن خالتج ؟.
- دروح عاد .
- اعوذ بالله لاصاحية خلصانين ولا مريضة خرب .
قدت السيارة واتجهت لعيادة الدكتور القريب في منطقتنا او كما نلقبه بطبيب العائلة .. كان للتو قد فتح عيادته دخلنا اولا بدأ يفحصها بعدها خلع سماعته وقال : رح اضربها ابرة .
صرخت هي : لا ماريد .
قلت : اضرب دكتور .
قالت هي : اضرب راسك بالحايط بكيفك ماريد .
- بنتي بسرعة تطيبين .
- ماريد .. وجهت كلامها للطبيب وقالت : اطيني ادوية بس حتى حبوب ماريد ماعرف ابلعها .
الدكتور : بكيفج بس حياخذ وقت .
شهد : مو مشكلة .
خرجنا من العيادة بعد ان اخذنا الدواء من الصيدلية التي في نفس المبنى .. ركبنا في السيارة وبدأت اوبخها : لج انتي لشوكت تضلين طفلة شنو حباية متعرفين تبلعين .
- اخاف اختنق واموت من وراها .
- اختنقي خل نخلص .
- ان شاء الله اليكرهني .
- خرب بيج ورا هالروحة كلها وضربت المحاضرة تاليها متريد ابرة الخاتون .
- ع اساس تدرس باوكسفورد وضاعت عليك المحاضرة .
- امشي قشمر انتي ومدرستج التعبانة .