رواية ش .. س الفصل الثالث 3 - بقلم غير معروف

(( احمد ))

في المساء كنت في المتجر اعمل كالعادة .. كنت اعبث في هاتفي سمعت صوت دعاء !!..
رفعت رأسي ورأيتها تبتسم لي .. قلت : هلا دعاء اهلا وسهلا .
- شلونك ؟.
- الحمد الله انتي شلونج ؟.
- بخير .
قلت : تفضلي؟.
- شاحنتي خربت اريد شاحنة جديدة .
- اي تدللين .
رن هاتفي كانت المتصلة امي .. اجبتها ردت اختي الصغيرة : حمودي .
- ها رشا ؟.
- تعال مااما .
قلت بقلق : شبيها ؟.
- سكرها ارتفع كلش .
- اطيتوها انسولين ؟.
- اي جيرانة اطتها بس بعده.. تعال نوديها للمستشفى .
- يلا جاي بسرعة .
بسرعة قلت للعامل الذي معي : اني حطلع امي مريضة .
دعاء : سلامات شبيها ؟.
- سكرها مرتفع كلش .
- تعال نروح سوية السايق مالتي برة .
- تسلمين هسة اخذ تكسي .
- ليش مو اني موجود .
- شكرا .
تركتها وخرجت من المتجر ولكنها تبعتني ... ركبت في المصعد وهي معي قالت وهي تحاول اقناعي : دتعال وياي .
- ماريد شكرا .
- اهووو هسة مو وقت عناد .
- اعتذر مستعجل .
خرجت من المركز التجاري وحاولت ايقاف سيارة اجرة ... توقفت سيارة اجرة امامي وركبت ولكنني صدمت بدعاء وهي تركب في الخلف .. التفت اليها وانا مصدوم .. قالت : اجي وياك .
انطلقنا الى منزلنا .. توقفت سيارة الاجرة امام المنزل قلت لدعاء : دقيقة بس اجيب امي واجي .
دعاء : اوكي .
دخلت للداخل كانت امي ترتدي عباءة الرأس واختي بجانبها وجارتنا .. اسندتها علي وخرجت برفقتها .. طلبت من اختي ان تبقى لدى الجيران ..
ركبت امي بجانب دعاء وانا بجانب السائق ... وصلنا للمشفى كانت مزدحمة وعلينا ان ننتظر طويلا قبل ان ندخل للطبيب .. قالت دعاء : دقيقة حطب اني احجي وياه .
- شتحجين وياه مو جربت ومدري شبيه شايل خشمه .
- هسة دخلي اجرب .
وفعلا دخلت لتتحدث معه بعدها فتحت باب الغرفة واشارت لي كي اتي قائلة : يلا تعالوا .
دخلنا وبدأ الطبيب يفحصها .. طلب منها الراحة والابتعاد عن الانفعال والالتزام بأنواع طعام معينة .. اوصلت امي للمنزل وقبل ان تترجل من السيارة قالت : تسلمين بنتي تعبناج .
دعاء : لا شدعوة خالة مسويت شي وعدج العافية .
امي : الله يعافيج تعالي زورينا مرة ثانية .
دعاء : ان شاء الله .
عدنا للمركز التجاري ترجلت من سيارة الاجرة وهي ايضا قلت لها : تعبتج كلش مجان لازم تجين .
- لتقول هيج شي وفرصة حلوة تعرفت بيها ع امك .
- اني اكثر .. تريدين تاخذين الشاحنة ؟.
- لا تسلم مرة ثانية .
- تسلمين .
- يلا مع السلامة .
- الله وياج .

(( رسل ))

ارتديت ثيابي ونظرت لنفسي برضا وانا متأنقة .. قلت لمحمد : شنو رأيك ؟.
- تخبلين .
- عيونك التخبل .. بس مقلت وين حنطلع ؟.
- مطعم اني وياج موقلتي من زمان ماكلنا بحدنا ؟.
- اي فديتك واريد موطة هم .
- ههههه تدللين .
خرجت انا وهو من الغرفة نزلنا للطابق السفلي دخلنا غرفة المعيشة كان جميع افراد عائلته مجتمعين ..
دخلنا وقلنا : سلام عليكم .
الجميع : عليكم السلام .
نظرت والدته لنا وقالت : هاي شنو حتطلعون ؟.
( خرب ترا سؤال سخيف ؟.. مبدلين ومتأنقين شحنسوي قابل ؟.. ويقولون ليش تحجي ) .. اجاب محمد : اي ماما .
والده : اي طلعها شوفها بغداد .
والدته : لا عيني وين حوراء راحت ببيت اهلها تزورهم شنو تعوفين البيت هيجي ؟.
محمد : منتأخر .
قالت سمر لزوجها : شوف شون اخوك يطلع مرته .
فراس اخ محمد : هذولة جيف بعدهم عرسان .
والدته : رسل روحي بدلي وسمر تعاي همين نروح للمطبخ باجر عدنا عزيمة مو وكت طلعات وونسة .
نظرت لمحمد بقهر .. قال محمد : بس ...
والدته : ابني هاي شبيك ؟.. مو ع اساس كل واحد بيكم يزوج ويريحني من الشغل .
محمد : اي .
تركتها واتجهت للطابق العلوي دخلت غرفتي وبدأت ابكي .. دخل محمد خلفي ليراضيني .. مسح على ظهري وقال : حبيبتي رسولة .
دفعته : وخر عني .
نضهت وامسكت ببجامتي والروب الذي ارتديه فوقها ودخلت للحمام لأغير ثيابي .. غسلت وجهي وخرجت لم اجده في الغرفة .. نزلت للطابق السفلي دخلت للمطبخ كانت والدته تعد المكونات للطهو بدأت اساعدها بقهر .. وكأنهم احضروا خادمة لا زوجة ... ببساطة تعبت ..

انهيت العمل معهما في تمام الساعة العاشرة اتجهت لغرفتي استحممت وارتديت كعادتي عندما انام ( شورت وكت ) ... اتجهت للسرير واستلقيت عليه بدأت اقلب في محطات التلفاز محمد لم يعد الى الان ؟!... فتحت باب الغرفة ودخل وهو يحمل اكياس كثيرة .. اعتدلت بجلستي وقلت : وين جنت ؟.
قالت بابتسامة عريضة : جنت دأجيب اكل .
قلت بغنج : ماريد .
اقترب مني وامسك فكي قائلا : اشش انتي قعدي بمكانج واني هسة اجهز كل شي .
امسك بالاكياس وخرج من الغرفة .. بقيت انتظره بحماس الى ان دخل مرة ثانية يحمل صينية كبيرة وضعها على السرير امامي كان الطعام في الاطباق شهي جدا ومرتب ومعه ايضا وردة حمراء .. نهضت واحتضنته : حبيبي .
- احبج واسف ع كل شي .
- اششش اهم شي انت وبس .
- فديتج .. خلي ناكل لان وراها ناكل موطة .
- عاااااااااا فدوة الك انت .
(( ديانا ))

ذهبنا في رحلة مع الجامعة الى مدينة الملاهي .. كانت اية متأنقة للغاية لانها تعلم ان علي هو منظم الرحلة .. لحسن الحظ لم نره كثيرا انشغل الجميع باللعب .. اتجهنا للعبة العجلة الدائرية او كما نسيمها ( ديلاب الهوا ) .. كان عددنا خمسة ركبن صديقاتي الاربعة من ضمنهم اية في احدى الحجزات هذه اللعبة ( واني بنت البطة السودة بقيت بحدي ) .. ركبت في الحجرة التي بعدها بمفردي كنت انظر عبر النافذة ريثما يأتي احد ويجلس برفقتي كي يغلق العامل الحجرة .. دخل احدهم واغلق العامل الباب تحركت اللعبة نظرت للذي معي !!!..
علي !!.. قلت بصدمة : هاي شنو شتسوي هنا ؟.
- عزااا هاي هم انتي ؟.
- لابربك ع اساس متدري .
- شدراني انتي دايرة وجهج ع الشباك عبالي وحدة حاتة اقعد وياها طلعت بومة .
- امشي انزل منا .
- شنو انزل متشوفين تحركنا اشمر نفسي ؟.
- يستحسن والله بلكي نخلص .
- لتخليني اشمرج منا .
- امشي انزل ماتحمل اقعد وياك .
- ع اساس اني المتحمل وبعدين مقاعد ببيت ابوج دافع فلوس وقاعد اسكتي ولتضوجيني بهاللعبة الغبرة .
تأففت : هففففففففف استغفر الله .
- اي اي استغفري بلكي الله يمسح ذنوبج .
- اسكت موقلت مانريد نحجي لتحجي لعد .
- ساكت اني انت دتتحارشين .
بدأت تدور اللعبة الى ان توقفت فجأة !!.. قلت برعب : شكو .
- الكهرباء يا انطفت يا عطلت اللعبة .
- صخااااااااااااااااااام .
- هو الحظ المصخم اجة من شفتج .
اشرت بتهديد قائلة : لك ترا وصلت لهنا اسكت خرب .
بقي صامتا .. وانا ايضا اخرجت هاتفي وبدأت اصور المنظر من الاعلى .. قال : احم .
نظرت اليه ببرود وقلت : ها ؟.
- شكل السالفة مطولة .
- وبعدين ؟.
- شنو يعني نبقى ساكتين ؟.. بلة طولت لساعات ؟.
- ماريد احجي وياك .
- دطيري جكمة مسوية نفسج فد شغلة .
- لا ممسوية نفسي شغلة ماكو داعي تحجي وياي .
- اني علمودج .
- شكرا .
بقينا صامتين لوهلة .. بعدها قال : زين عندي فكرة .
- شنو ؟.
- خل نتعرف من جديد لحد مانقضي وقت .
- ماريد ميشرفني .
- ههه ع اساس اني يشرفني .
- اقعد استغفر عن ذنوبك الي مسويها .
- الذنوب تروح من الله يبلي الانسان ببلوة والله بلاني بيج .
لم اعلق فقط اشحت بوجهي للجهة الثانية .. قال : بومة .
لم اجبه .. اردف : ام عيون الخضر .. بزونة .. ام كفشة .. ديانا .
بتلقائية قلت : نعم .
- ههههههههه ترا اسمج ملايقلج .. يعني ديانا من واحد يسمع بالاسم يقول الاميرة ديانا وحدة رقيقة انتي مالج علاقة بهالاسم تماما .. المفروض يسموج جاسمية .
- وانت غلطان مسميك علي ع اسم اعظم رجل وكل الكمال بيه وشخصية ورزانة وشجاعة وانت زعطوط .
- ههههه ع اساس تقصفيني .
- هيج شي .
- باعي حنصحج نصيحة احنا زملاء .. لسانج قصريه حتى تلقين واحد امه داعية عليه يحبج ونخلص منج .
- تسلم ماريد واعرف شون اتعامل ويا الناس .
- لعد شبيج وياي .
- انت مدري ششايف نفسك .
- واحد حات مثلي من حقه يغتر .
- خايب دطير ماكو غيرك حلوين وبعدين الجمال موكلشي .
- هااا انتي قلتيها يعني شكلج مو كل شي قصري لسانج حتى الاوادم يحبوج .
- ها يعني شايفني حلوة ؟..ههههههههههه .
- دامشي لتصدقين جكمة انتي جكمة .
- وانت اجكم .
اخيرا عاد التيار الكهربائي وتحركت اللعبة وحان الوقت لنترجل من هذه اللعبة ... قبل اخرج من الحجرة قال : تعاي سلمي .
- الله وياك حجي .
- الله وياك جبار ابو الشربت .
(( شهد ))

كنت في المنزل اجلس في غرفتي وانا مريضة .. كل شئ يمكن تحمله حتى هذا المرض المزعج الا الابرة .. دخلت اختي الصغيرة اماني لغرفتي وهي تقول : شوشة جتي صديقتج .
- منية ؟.
- زينة تقول اسمها .
- وينها ؟.
- جوة ببيت خالة .
غيرت ثيابي وسرحت شعري ( الكفشة ) ونزلت للطابق السفلي دخلت لغرفة ضيوفهم كانت خالتي تجلس برفقتها .. نهضت زينة عندما رأتني قبلتها : حبيبتي شهالمفاجأة .
- من غبتي جيت اشوفج .
- نورتي .
نهضت خالتي وقالت : يلا اني اعوفكم وفرصة سعيدة زينة .
زينة : اني اسعد خالة .
بقيت اثرثر انا وهي .. ولكن اغلب حديثها كانت تتحدث عن خالتي اعجبت بها كثيرا ...
بعد ان خرجت هي بقيت في الطابق السفلي مع خالتي اساعدها في المطبخ الى ان اتى مهند .. دخل قائلا : همزين ماما خليتي هاي تشتغل شوية تسوي شي مفيد .
- باع يطب يتعارك .
- هههههههههههه .
والدته : جوعان ؟.
- اي والله ياريت .
قلت انا : اني اسويلك اكل .
- اهووو شعندج مصلحة ؟.
- اريدك تفرني شوية بالسيارة ملانة كلش والمرض خانقني .
- سويلي اكل بعدين نتفاهم .
- لا قول بالاول .
- ماشي تدللين .
اعددت له طعام العشاء بعد ان انتهى قلت له بحماس : يلا يلا .
- ماشي اني حنتظرج بالسيارة لبسي وتعاي .
- اوكي .
اتجهت بسرعة لغرفتي في الاعلى ارتديت حجابي واخذت حقيبتي الصغيرة ونزلت للاسفل خرجت للمأرب وجدته رحل !!.. اتصلت به اجاب وهو يضحك : هههههههههههههههههههههههههههههههههه تعيشين وتاكلين غيرها وشكرا ع العشا .
- اااااااااااه اني اعلمك امداك امداااااااااااااااااااااااااك .

(( دعاء ))

اشتريت علبة للحلوى كبيرة وقررت ان ازور والدته ممم في الواقع اشتقت لرؤيته ... اتجهت لمنزله كانت الساعة تشير للسابعة والنصف .. طرقت الباب ففتح لي اخاه الصغير ابتسمت له وقلت : هلو .
- هلا .
- احمد موجود ؟.
- انتي منو ؟.
- قوله دعاء تريدك .
- ماشي .
بعد قليل اتى احمد وهو مصدوم .. قال بقلق : دعاء !!.
- ههههههه شبيك ؟.
- أأ.. متفاجئ .
- جيت اتطمن عليك .. اقصد امك .
- تسلمين بس كلفتي نفسج .
- لا عادي .
بقي ينظر الي .. قلت : اقدر اشوفها ؟.
- ها !.. اي اي تفضلي .
دخلت خلفه كان منزلهم بسيط للغاية ولكنه دافئ تلفاز واحد يجلس اخوته الصغار بجانب بعضهم يشاهدونه ووالدته جالسة على الة الخياطة .. قال لوالدته : ماما زميلتي دعاء جتي تطمن عليج .
نهضت والدته العجوز ذات الابتسامة الحنون قالت بترحيب : هلا بنتي هلا .
قبلتني .. ناولتها علبة الحلوى وقلت : متشوفين شر .
- تسلمين .. تفضلي تفضلي .
جلست على الاريكة وبدأ اخوته الصغار ينظرون الي عن كثب .. قالت والدته : انتوا وين بيتكم بنتي ؟.
- أأ.. بالخضراء .
- ليش ابوج شيشتغل ؟.
قال احمد : يمة ماروح تضيفين البنية ؟.
نهضت والدته : اسفة نسيت والله من فرحتي بجيتها .
- هههههههه فديتج خالة .
نهضت والدته واتجهت للمطبخ .. اما هو فبقي صامتا .. سألته : صارلك جم يوم مدتجي الجامعة ؟.
- مو ابو المحل احيانا يطلب مني اداوم الصبح .
- بس دراستك اهم .
- الله كريم .
نهضت وقلت : يلا اني حروح قلت لأمي جاية بيت صديقتي .
- مجان اكو داعي تجين .
- لا بالعكس .
- نورتي .
- بنورك مع السلامة .
- الله وياج .
اوصلني للباب وخرجت والفرحة تلأوني لانني رأيته ..

(( محمد ))

كانت عائلتي مجتمعة في منزلنا واقربائنا دخلت للمطبخ كانت رسل تساعدهم اووه حبيبتي تبدو كطفلة لاتعرف كيف تتصرف او ماذا تفعل .. ناديتها : رسل .
التفت الي : نعم ؟.
- تعالي .
خرجت انا وهي من المطبخ اخفضت نفسي لمستواها وهمست لها : شنو رأيج نهرب منا ؟.
ابتسمت ابتسامة عريضة : وين ؟.
- تعالي .
امسكت بيدها وخرجنا الى الشارع ركبت في السيارة وهي بجانبي وانطلقنا ... وضعت يدها على قلبها وقالت : ااااااااااااااه اخيرا .
- وين نروح ؟.
- لمطعم حلو ع الشط جو رومانسي اني وياج .
- فديــــــــــــــــــــــتك اني .
اتجهنا لأحد المطاعم التي تقع في مرسى الجادرية ... امسكت بيدها عندما دخلنا قالت : فشلة هيج طالعة بلا جنطة وبلا شي .
- احسن حتى تبقين هيج كامشة ايدي .
- ماعوف ايدك ابدا .
- احسن .
جلسنا على احدى الطاولات قالت : ااااااااه الجو يخبل .
- يراد كل مرةهيج نفلت .
- هههههههههه ياريت .
تناولنا العشاء وخرجنا من المطعم .. في الطريق خطرت في بالي فكرة .. قلت لها : شكلنا حنتأخر زيادة .
- ياريت ههههههه بس ليش ؟.
- هسة تشوفين .
قمت بشراء PS ومجموعة من الالعاب وجهاز DVD وايضا مجموعة من الفلام .. عدنا للمنزل الساعة الساعة التاسعة مساءا .. عندما دخلنا سمعنا صرخة امي : وين جنتوا ؟.
قلت : جنا طالعين .
امي :مقلتولنا ؟.. الكل سألوا عنكم فشلتوني .
بقيت صامتا .. قلت : ماما تعبنا تصبحين ع خير .
امي : رسل ابقي البيت يرادله تنظيف سمر عزلت المطبخ .
نظرت لرسل التي تغيرت ملامح وجهها قالت : اوكي خالة .
سارت امي للطابق العلوي لغرفتها ودخلت انا ورسل غرفتنا غيرت ثيابها وخرجت من الغرفة خرجت خلفها كنت هي تجهز ادوات التنظيف بدأت ترفع سروالها وقفت امامها وانحنيت لأرفع سروالي قالت : شدتسوي .
قلت : ننظف سوية .
- هههههههه مخبل اطفر هسة امك تقول ساحرتلك .
- هههههههههه اي اي ساحرتلي حبج سحر .
- فدييييييييييييييييييتك .
- فداج كلي .. ترا حتهور واعوف التنظيف .
- ههههههههههههه لا لا يلا خل ننظف .

(( علي ))

كنت في الجامعة شئ غريب جعلني الف اجراء الجامعة كلها بحثا عنها ... رأيت صديقاتها ولكنني لم اجدها تعبت وجلست جانبا رأيتها للتو قد دخلت الجامعة انفها احمر وتمسك بمنديل يبدو انها مريضة ابتسمت ونهضت كي احادثها ... وقفت امامها وقلت : بومة بومة .
نظرت الي بتعب وقالت : اهووو شتريد ؟.
- شفتي اية وين ؟.. دورت عليها الجامعة كلها مالقيت .
- بادري .
- هههههههههههههههههههههههه ام خشم ليش بتدرين ؟.
- ولي مالي خلقك راسي يوجعني .
- اهووووو انتي بلشي ومكروها انوبة منشولة همين .
- روح دور عليها .
- هي وين تقعد كل يومية ؟.
- بادري بارقبها .
- هههههههههههههههههههههههه اخذي دوة لخاطر الله .
- اوكي تدلل .
- اطيني كلينس .
- شتسوي بيه ؟.
- مادري خشمي قام يحكني .
فتحت حقيبتها وبدأت تبحث فيها ولكنها سقطت على الارض وانتثرت اغراضها .. انحنيت لأجمعها لها .. قلت : شنو هاي كنتور مو جنطة .
- بعليك بية .
- فوق مداساعدج .
ناولتني المنديل الورقي وقال : هاك .
- هاك !!.. بنتي بدال متشربين دوة نشلة اخذي دوة يقصر اللسان .
- يلا وخر .
- امشي بومة امشي .
تركتني ورحلت .. سمعت صوت احمد يناديني : علاوي .
- ها .
- شبيك قالب خلقتك ؟.
- هاي البومة ضوجتني .
- بابا دعوفها شبيك بس تتكافش وياها .
- ماريد .. ماريد .
- ليش .
- لأنها مختلفة .. صح لسانها اطول منها بس تنحب .
- ههههههه هاي منو الديحجي عن الحب .
- مو هيج بس هففففف اقول اني حروح محاضرتي .
- ههههههههه ماشي .

(( مهند ))

كنا نشاهد التلفاز كالعادة في غرفة المعيشة انا وامي واخي الصغير .. قالت امي : حبيبي شفتلك عروسة تخبل وبنت حلال .
- ها ماما رجعنا ؟.
- لا هالبنية كلش حلوة ونعرفها .
- منية .. ههههههه خاف الخبلة شهد ؟.
- ههههه لا صديقتها .
- انوبة صديقاتها مخبلات مثلها .
- لا البنية عقل وجمال .
- منية ؟.
- وحدة جتي زارتها اسمها زينة .
اتسعت ابتسامتي هي ذاتها !!.. قلت لأمي : اي موافق .
- هههههههه صدق شنو تعرفها البنية ؟.
- لا بس شفتها مرة .
- يعني عاجبتك .
- اي ياريت تخطبيلياه .
نهضت وسارت باتجاهي حيث اجلس على الاريكة نهضت وقبلتها قالت : الله يفرحك مثل مافرحتني .
- دوم يالغالية .
- باجر اخذ رقمها من شهد .
- ياريت .

(( احمد ))

كنت في المتجر التجاري اتجول قليلا في فترة راحتي رأيت دعاء كانت تجلس في احد المقاهي بمفردها ابتسمت لمجرد رؤيتها .. حاولت ان اتشجع وقررت ان ابدأ هذه المرة الحوار معها سرت باتجاه المقهى ولكنني رأيت شاب مظهره يدل على مركزه وثروته ... جلس امامها وبدأ يتحدث معها وتبادله هي الحديث .. مرتبطة !!!! .. هه كم انا مغفل ..