الفصل الثالث

غروب//ساجد ياحبيبي مالك……بقولك يلا نمشي… انت تعبان كده ليه؟!
نوح//غروووووب…..انتي بتعملي ايه
غروب//غروب مين؟؟؟؟…..انت مين اصلا وبتكلمني كده ليه
بيخرج فجاة من العدم!!….كأنه كان بيراقبنا مثلا؟؟……
بستغرب وجوده بالسرعة دي….اكتر من تصرفاتها؟؟؟
ساجد//….نوح هي شكلها تعبانة…براحه
نوح//براحه ايه….غروووب تعالي هناااااا
غروب//انا مش تعبانة يا ساجد…..انت سايبه يكلمني كده ليه اصلا…..ومين غروب دي
سهر//في ايه….صوتكم عالي كده ليه الناس بتتفرج عليكم
ساجد//مفيش حاجة يا امي…..يلاا نمشي
غروب//همشي معاك……
بتمسك ايدي…..وهي نظراتها عليا….خايفة!!…قلبي متاكد انها حور…..ازاي مش هعرفها يعني!!….واتشتت بينها وبين اختها؟؟…..مستحيل……عيونها….تصرفاتها عفويتها…..كل حاجة فيها بتقولي انها هي!!!……
زمزم//غروب تعالي امشي معايا انا وماما لو خايفة من نوح
غروب//وامشي معاكي ليه…..همشي مع جوزي
سهر//جوزك!!!……غروب ياحبيبتي نوح جوزك
زمزم//براحه ممكن تكون افتكرت اختها…..
نوح//هو انا هقنع فيكي سنه…..تعالي هناااا
بيشدها من جمبي…….وولادي بيقربوا وهما ماسكين في رجلي…..بطبطب عليهم…وانا عنيا عليها….. احساسي كفايه عشان اخدها؟؟…….
غروب//انت بتمسك ايدي كده ليه ياا مجنون انت
نوح//غروب…..امشي كفايه كده الناس بتتفرج عليهم
نظراتها عليا….كأنها بتستنجد بيا….او يمكن مش مصدقه اني ساكت!؟……دقيقة وقبل ما نوح ياخدها…. بيغمي عليها!!!!!……..
نوح//….ساجد….خليك مع ولادك….متجيش
بياخدها……وقبل ما اتحرك بيأكد علي عدم وجودي… كلهم بيمشوا!!…….وانا مكاني بقلبي وروحي اللي بينهاروا كل يوم…….مستحيل نوح يعمل كده….. مستحيل تكون هي……يمكن عشان وحشتني مبقتش كويس من غيرها……
ساجد//يلاا يا شباب……
سهر//ساجد……
بسمع صوتها…..مش بتسأل عن حاجة….بتقرب وهي بتحضني…..بطبطب عليا وهي بتلمس شعري…..هو باين عليا اوي كده؟؟
سهر//…..مترجعش البيت النهاردة لوحدك تعاله معايا
ساجد//انا كويس متقلقيش
سهر//لا مش كويس……قلبي عارف مالك….يمكن تعرف تخبي عن الكل….لكن عني مستحيل دي إشعارات ربانية كده بتتولد معااك جوايا
بسكت……يمكن لاني فعلاا محتاج لوجودها…..مكنتش عارف هرجع ازاي البيت…..واشوف كل اثر ليها في المكان…بعد النهاردة!!……
سهر//قلقانة علي حازم…..وابوك
ساجد//لسه بتقلقي علي بابا…..بيسافر بقاله قد ايه
سهر//اي العلاقة…..هو حد ضامن طريقه…
بنتكلم مع بعض……يمكن طول الطريق…..والزن شغال في الكنبة اللي وراء…..فيهم شقاوة الدنيا…..وفيهم روحي!!!!……..
ساجد//هيصدعوكي النهارده
سهر//يآمن شبهك اوي وانت صغير
ساجد//محدش فيهم واخد شكلي خالص حتي الولاد انتي بتجبري بخاطري
سهر//بقول طبع مش شكل…..وبعدين الحمدلله انهم مش شبهك
ساجد//اوب اوب اوب ايه يااست الكل انا ابنك
سهر//امهم كانت احلا……والبنات طالعين في طبعها هي وشكلها…..بقي عندك نسختين منها اهوو
تيا//بابي….انا عوزة ورد
ساجد//ورد؟؟؟؟
تيا//ايوه استني عمو بتاع الورد اهووو
بركن العربية علي جمب……طبقاً للاوامر العسكرية…. وبتنزل من العربيه قبلي!!……بقدم خطوتي وانا بشيلها.. وبنبدا نختار الورد اللي عاجبها؟؟؟…….وبتختار نفس النوع!!……واضح انها مش شبه امها في الشكل بس!…
ساجد//عجبك
تيا//واو جدااااا……
بتضحك….وهي بتخبي ضحكتها بأيدها الصغيرة….. بشيل الورد بالايد التانيه……وهي بتحضني من فرحتها بالورد!!!…….
تيا//عوزة اقعد قدام معاك……
ببتسم…..وبركب العربية وهي معايا……بتقعد في حضني……..وفي حضنها الورد…….خوفها عليه من الهواء…..وانا بقفل الازاز……خايف عليها من الهواء!!!
ساجد//يلا يا شباب وصلناا
بينزلوا من العربية…..وتيا اللي بكتشف انها نامت…. بشيلها…..هي والورد؟…….
ساجد//ليا تعالي هنا جمبي……يآمن يلا انت واخوك قدامي……
بقفل العربية وبيبدا السباق بينهم……مين هيطلع الاول..بتنهد منهم…..وبطلع وانا بدعي اليوم ده يخلص بقي عاوز اناااااام
سهر//هجهزلك حاجة تاكلها
بدخل الاوضة بتاعتي……بحطها علي السرير…..بتسأل عن الورد وهي نعسانه؟؟؟؟…….بترجع تاني تحضنه وتنام……
ليا//انا كمان عوزه انام…..هينفع انام هنا جمبك؟؟
ساجد//تعالي ياحبيبتي
بتقرب وايدها علي عنيها…..بتنام في الطريق غالبا!!….. باخدها في حضني…..بما اني حفظت خلاص اللي هتطلبه…..بطبطب عليها…..في محاولة مني ان اكون اب كويس!!…….
سهر//يلا عشان تاكل
ساجد//مش قادر يا امي تعبان اوي عاوز انام
بتقرب وهي بتقعد جمبي بتحط ايدها علي خدي….. قلقها عليا باين…..انا كمان بدأت اقلق علي سلامتي العقلية
سهر//مش عوزاك تحكي حاجة…..بس عوزاك تفهم اني جمبك…..انت مش لوحدك…..ولا ولادك لوحدهم…. زي ما انت كل حاجة ليهم…..سندهم وملجائهم في الحياة دي……انا امك…..يعني اياك تتردد لثواني تجيلي يا ساجد…..مش هعاتبك عشان انت اغلا عندي من اي حاجة هتقولها…..
ساجد//….انا روحي بتتحرق……كل حاجة جوايا بتعذبني…..انا بجد مش عارف انساها…ولا عارف اشوف في حياتي غيرها…..عدم وجودها صعب عليا
سهر//مش هقولك انسي….خليها في قلبك….لكن خليها نقطة قوة ليك…..شوف لو كانت موجودة كانت هتحب تشوفك ازاي…..عمرها ما كانت هتحب وجعك….يابني احنا بنموت لما بنتنسي……انما اللي بيفضلوا في قلوبنا ودايما في دعوتنا…….وبنتكلم عنهم عمرهم ما بيموتو
بتحضني……وانا بتنهد وانا بفكر في كلامها…..وبين ايديا……..ليا……اللي نايمه في حضني…..بتمشي ايديها علي شعري…..وبفهم انها بتقرأ قرآن…..دقيقة….ومش بحس بحاجه……بنام……دماغي بتهدى…..كأني كنت في ملاهي….ودوشة….ودخلت مسجد!….هادي!!
بحس بيها……دمعتها علي بتنزل علي خدي….وهو بتبوس عيوني……ايديها اللي بتلمس ملامحي بخوف
وبتقربني لحضنها اكتر……دعوتها…..يمكن مكنتش محتاج مسكن….انا كنت محتاج امي!؟؟…..
يآمن//بابا نام
سهر//هششش…..متعملش صوت….وادخل الاوضة بتاعتي نام فيها
بتغطيني…..وبتاخد ليا وتيا من جمبي……بتفتح البلاكونة زي ما بحب!!!……وبتقفل بس الستارة…. بتفتح نور خفيف وبتخرج!!!……اعتقد اجواء رائعه للحلم بيها!!!!!!!!
♡_♡_♡_♡_♡_♡_♡_♡_♡_♡_♡_♡_♡_♡_♡_♡
رؤيه//مالها يانوح؟؟
نوح//تعبت شويه…..متقلقيش هتفوق دلوقتي
بيخرج!!…..وانا بفضل جمبها….دموعي بتجري عليها قبل ايديا……مستنيه تفوق….عقلي مشتت…..معرفش لو فاقت وهي ناسيه وخايف مني هعمل ايه؟؟……
سناجق//متقلقيش هتكون كويسة
اخر شخص كنت اعتقد انها بتقدر تقول كلمة كويسة؟؟ سناجق…..اللي صممت تدخل وتفضل معايا لما شافت غروب تعبانة!…….بتفضل جمبي…..ونظراتها لنوح… نظرات حماه….بتكره جوز بنتها……
رؤيه//دي بتعيط؟؟؟؟؟!!!!!
سناجق//حقها والله حد يصحي علي الوش ده ويضحك مثلا
بخبطها في كتفها…..ومكنتش فاهمه مشكلتها مع نوح ايه!!……اللي غالبا محصلش بيني وبينه موقف يخليني اقول ان عندها حق….بالعكس؟!!!!!!……بركز مع غروب وانا بمسح دموعها اللي بتنزل!!!…….وهي نايمه؟؟؟؟
سناجق//انا اهو…..وانتي اهو….لو مطلعش جوزها ده ورااه مصيبه….شكله سايكو….متخليش وسامته تضحك عليكي…..كل المصايب مش بتيجي غير من اللي شكلهم طيب
رؤيه//اسكتي يااااااامتنمررره
سناجق//مش تنمر لكن…..ده اسمه نوح!!!
رؤيه//!!!!!!!!!!! ايوه فين المشكلة؟؟
غروب//اااااااه…..اعتقد لو مصدعتش من اللي حصلي اكيد صدعت من الرغي بتاعكم…….
رؤيه//غروب……….
بحضنها…….وانا مبسوطه……بضحك….مهتمتش بعدم تبادل الحضن بينا!…..اكيد مش فكراني…
نوح//غروب انتي كويسة؟
غروب//….انت مين!!
رؤيه//ده نوح…..جوزك
غروب//وانتي مين؟؟
رؤيه//اختك
غروب//وانتي
سناجق//لا جارتكم عادي اسمي سناجق وممكن تقولي سنجوقة هعتبرك من الفانز
رؤيه//تعبانه في دماغها وبنعالجهاا……
نوح//خدي اديها العلاج بتاعها….
«فلاش»
غروب//ااااه ياارجلي تعبت من المشي
حور//المهم جبنا اللي عوزينه….هروح اجيب حاجة اشربها اجبلك معايا؟؟
غروب//انتي قادرة تمشي تاني؟؟؟؟؟؟؟؟
حور//قل اعوذ برب الفلق……اكيد تعبانه بس عوزه نعناع……اكيد هبقي كويسة لو جبته
غروب//هتجيبي منين ده دلوقتي؟؟؟؟
حور//عوزة حاجة تشربيها ولالا؟؟
غروب//هاتي اي حاجة
هل الإنسان اصلا بيتعب وهو بيشتري لبس؟؟؟….ده احلا وقت ازاي تتعب كده!!……بدأت رحلة بحثي عن نعناع….بما ان اغلب الأماكن فيها عصير….وكان طلبي غريب فعلا!!
حور//لو سمحت عوزه واحد نعناع……
بعد مشقة…..أخيراً بقدر اجيبه…..قبل فقداني للامل… سخونته بدفي ايدي….وقلبي…..حب ايه اللي ممكن يجي في حضرة النعناع؟؟!!
حور//اوووف…انا اسفة جداا….. حصلك حاجة
ساجد//حصل خير……
حور//اتحرقت؟؟؟؟
ساجد//لالا……خلاص الحمدلله
حور//انا اسفة جداا …… انت اللي طلعت مره واحده قدامي ما تاخد بالك اي العشوائية دي
من ثواني كنت بعتذر غالبا!!…..ومن ثم كلامي اتغير لاتيتيود المامي اللي تعبت من عشوائيه الابن!!!!!! لكن مكنتش حابه احس بالذنب
ساجد//انسة انتي زعلانة علي النعناع!!!!!!!…..انتي كنتي هتشوهيني!!!!
حور//ايه الاوڤر

ده……نعناع يشوهك….ده حتي اسمه نعناع….
بسيبه في صدمته…..وبرجع تاني عشان اشتري واحد غير اللي شربه التيشرت بتاعه……علي مضدد مني لان مكنتش قادره وعوزة اقعد……نتمشي بالمعقول برضو!
ساجد//انتي يابت…..يا انسة….يابتاعة النعناع
حور//في ايييييييه…..
ساجد//تصدقي انا غلطان…..محفظتك ياذكية
حور//اوب اوب…….شكرا….مش عارفة اش…..تعاله هنا فين الفلوس اللي كانت فيها؟؟؟؟؟؟؟؟
ساجد//خدتهم اجيب تيشرت غير اللي باظ
حور//…..هات الفلوس واخلص
ساجد//اي البجاحه دي
حور//انا برضو اللي بجحه….ازاي تفتح محفظتي اصلا
ساجد//صورة البطاقة بشعه
حور//ياااا…..ثواني البطاقة اصلا مش فيها؟؟؟
ساجد//يسلام دي افتكرتيها والفلوس مش فكراها
حور//اييييووووه الفلوس معايا
بحط ايدي في جيبي….وبتكون الفلوس فعلا فيها… وبكون سبتها في جيبي….ظنا مني اني حطتها في المحفظة……
ساجد//لا حول ولا قوة إلا بالله……حلوة بس غبيه
حور//وقح
«باااااااااااااااااااك»
♡_♡_♡_♡_♡_♡_♡_♡_♡_♡_♡_♡_♡_♡_♡_♡
غافر//زمزم احنا اتكلمنا عن مشاكل كل اللي حوالينا اي رأيك نتكلم عن مشكلتي معاكي
زمزم//احنا عندنا مشاكل؟؟؟؟
غافر//انا تقوليلي مش بثق فيك؟؟؟؟؟
زمزم//اممممممم…….ايوه يا غافر بجد انت مثير لقلق
غافر//انا!!!!!!!!!
زمزم//عد معايا…..عصبي
غافر//مش بتعصب عليكي
زمزم//عنييييد
غافر//كنت عنيد معاكي امتي اصلا؟؟
زمزم//مش حنين
غافر//بحب القطط!!!!!!!!!!!
زمزم//واخيرا…..مش بتهتم بيا
غافر//نننننننننننننننعمممممممم
زمزم//شوف شوف بدأت تبقي بيئه اهو
غافر//معلش بس ازاي مش بهتم بيكي اي نوع الاهتمام بالنسبالك!!!!!!!؟؟؟؟؟
زمزم//يا غافر في حجات كتيره غير الهدية…..هو انا المفروض اقولك ازاي تحبني؟؟؟؟؟؟؟؟؟
غافر//ما انا ب……
زمزم//عييييييييييييب…..نكمل كلام بكرة بقي عشان عوزه انام…..تصبح على خير
بقفل معااه….بسرعة قبل ما يتكلم…..او يمكن بتهرب منه!!…..مشكلتي معااه صغيرة خالص!….اني بحبه هو لكن…..مش بيرضيني الحب العادي!!!….بحب الحب في التفاصيل الصغيرة…..بأهتمامه بيا في الايام العاديه… مش في عيد ميلادي!!!
في الاوقات المرهقه فيها…..مش في الوقت اللي بكون في احسن حالاتي…..حجات كتيره قلبي بيحفظها…. تزود المحبة….عقلي يقدر يعمله استثناء عن كل البشر لكن…..اقوله يحبني ازاي!!!……ومبقاش انا الطرف اللي بيتقل عشان يدلع؟؟؟؟؟…….مستحيل.
«فلاش»
ساجد//كل ده ياحور عشان تردي قلقتيني
حور//معلش ياعمري مكنتش واخده بالي من الفون
ساجد//قدامك كتير
حور//لا…..قاعدين في كافيه مستنين نوح….قال لغروب انه هيجي ياخدنا
ساجد//انتي تعبانه؟؟
حور//لا…..متقلقش
ساجد//طيب كلميني لما نوح يوصل عندكم
حور//تيا نامت؟؟
ساجد//صاحيين ومطلعين عيني
حور//طيب هات اكلمهم عشان يناموا
اعتقد اني لاول اكذب عليه……لاني فعلاً كنت تعبانة…. جداً……قلبي مكنش مطمن…..لكن اعتقد وجع قلبي عشان تعبانه مش اكتر!!!!
تيا//يا مامي هتيجي امتي انا عوزه انام
حور//نامي يا تيا ياحبيبتي بابا عندك متخافيش…
ليا//بس احنا هنستناكي
حور//لا ناموا….عشان عندنا مدرسة ولما تصحوا هتلاقوني موجودة
غروب//حور…يلاا نوح وصل بره
باخد الشنط…….وانا لسه بكلمهم……بوصل للعربية بأعجوبة!!!…..كل واحد بيقول كلمه…..وانا مستنيه المعركة تنتهي…
غروب//جبنا حجات كتيره اوي….وكيوت بجد صغيرة خالص
نوح//المهم انها عجباكي
غروب//جدا…..قسم الاطفال ده طلع في حجات كتيره والشوذ البناتي كيوت اوي……لما نروح البيت هفرجك عليهم
كنت بتفرج علي حلاوة البدايات…..اول طفل ليهم… ونظراتي للموبايل…..لصدمة النهايات….والملحمه العسكرية اللي بتحصل في الموبايل……بين حزب البنات وحزب الولاد…….
«غروب»
كنت مبسوطه بشكل غريب……ايد بتلمس بطني….وانا متحمسة اني اشيلها علي ايدي…..اشوف تفاصيلهاا…. هبقي مامي!!!!…..كانت غريبة عليا….شعور اول مره في حياتي اجربه…..اني اكون شايلة جزء مني جوايا…. حاسة بحركتها!!……دقه قلبها!!….بتكبر جوايا؟….
والايد التانية…..مع الشخص اللي اختاره قلبي…. هيكون بابي هايل……جبتلها اب وسيم وحنين…..
غروب//ياويلك لو حبتها اكتر مني
نوح//ياحبيبتي مفيش مقارنه بينكم
غروب//برضو بفكرك احتياطي
بيبتسم وهو ساكت…..مكاني في قلبه انا عرفااه…يمكن مشوفتش في حياتي حد قادر يكون حنين علي اخطائي الكتيره زيه……بحسده علي صبره!!!!…..قدر ياخد مكان في قلبي….يخليني عيوني فدا عشان خاطره
دقيقة…..دقيقتين…..كانت كل حاجة سودة!!!!!…صوت اسعاف!!……عيوني اللي بتجاهد عشان تشوف اي حاجة……ازاز مكسور…..ايد نوح اللي عليا…..د م!!!!….
بيحاول يخرجني؟؟؟….وهو اصلا جمبي!!……
نوح//طلعها الاول…..بسرعة نفسها ضعيف…..
نبرة صوته اللي مفارقتش روحي……قلقان….مكنتش قادره اتكلم…..مكنتش قادره اخد قلقه وخوفه…..لكن للحظة ايدي اللي مكنتش باينه من الجروح اللي فيها
للمرة الاخيرة……لمستها….يمكن مشوفتهاش….لسه جوايا…..قدرنا كان واحد….يمكن لصعوبة النهاية… صعبت علي قدري….وخلاني احس بأيده لاخر مره… صوته….دقيقة….دقيقتين…..دمعة من عيونه….وامنية كان نفسي اعيشها….انا وهو…وهي.
#1//…..ماتت
#2//دي لسه عايشة خدوها بسرعة…….
نوح//مين اللي ماتت….انت بتقول ايه
بتحرك بصعوبة…..كل حاجة بتوجعني…..دايخ….بقرب منها وانا بتنفس بصعوبة…..وللحظة اتمنيت تكون دي النهاية….ليا انا كمان…..
بلمس وشها…..كانت مبسوطه وبتضحك…..الهدوء ده حصل امتي!!!…….كان هيبقي بينا بنت جميلة….كان…. كان في حجات كتيره……مكنش منهم انها تسيبني أبداً!!!!
ملامح باهته…..باردة…..ايدين باردين….كانوا بين ايديا من لحظات….كل حاجة في ثانية انتهت!!!……
بسند راسي عليها…….عيوني بتغمض…..روحي بتتمني ان كل حاجة تنتهي…..انا مش عاوز من غيرها!!!!!
«باااااااااااااااااااك»
♡_♡_♡_♡_♡_♡_♡_♡_♡_♡_♡_♡_♡_♡_♡_♡
غروب//نوح…..انت متاكد اننا متجوزين؟؟؟
نوح//مالك ياحبيبتي….هو انتي افتكرتي حاجة!!
غروب//انا…..حاسة اني فاكرة…..بس مش انت
نوح//حاسة انك فاكرة ايه؟؟
غروب//هو……انا دلقت عليك نعناع قبل كدا؟؟؟
نوح//لما قابلتك اول مره
غروب//……..انت كداب
نوح//غروب ياحبيبتي…..خدي العلاج انتي شكلك مش كويسة
غروب//ابعد ايدك……مش هاخد حاجة….انت بتكدب عليا…..وبعدين….انا مش غروب
نوح//مش بقولك انتي مش كويسة…….خدي العلاج