الفصل الثاني

رؤيه//في ايه ياااكابتن….ما تحترم نفسك
سناجق//كابتن؟؟؟…انتي كمان مش بتشوفي!!!!….الله يعينك علي حالك
مكنتش قادره استوعب ان دي بنت؟؟؟….شكلها ابعد ما يكون للبنت…..طريقنا كان واحد لدرجة اني شكيت يكون ولد وماشي ورايا لحد ما وصلنا لنفس العمارة وده خلاني مقدرتش اسكت…!!!!
رؤية//معلش يا انسة
سناجق//محصلش حاجة
بترد عليا وهي طالعة علي السلم قدامي…..وانا مش بهتم لعدم اهتمامها…..وبركز علي غروب…..بقالي كتير مش بشوفها…..ورغم اني عارفة انها مش هتفتكرني إلا ان كفاية اكون انا عرفاها…..
سناجق//مفيش حد هنا متتعبيش نفسك
بتفتح باب شقتها…..بعد وقت من محاولاتي لرن الجرس ومكالمة نوح اللي موبايلة مقفول….بتسند بكتفها علي الباب….وهي بتكلمني….بحسها غريبه!!.. او يمكن ولد متنكر؟؟؟
رؤيه//تمام هستناهم عادي…..
سناجق//تعالي استنيهم جوه….وقبل ما ترفضي ده عرض مش هيتكرر ممكن ادخل واسيبك عادي
رؤيه//!!!!!!!!….شكراً يا انسة انا هستنى هنا
سناجق//براحتك خليكي…..
نور//ادخلي جوه……تعالي يابنتي معلش هي دبش كده
بتخرج ست شكلها مش كبير….لكن واضح انها امها…. بتصمم اني ادخل استناهم جوه……ومن جوايا مكنتش عوزة استني…..عوزة اشوف غروب…..
رؤيه//شكراً يا طنط ازعجتكم
سناجق//دي حقيقة انتي مزعجه….. وبقيتي عدوتي من اول لحظه شوفتك فيها بس زي بعضه
نور//روحي يا سناجق اعملي عصير….امشي
رؤيه//اسمك سناچق؟؟؟؟
سناجق//مش عاجبك ولا ايه!!!!!
غيث//يااااااااااااسناجق
سناجق//هيرمي نفسه من الشباك دلوقتي لما يخرج
بيخرج شاب….وهو متعصب وبيزعق بصوت عالي…. وانا للحظات كنت هتحرك من مكاني عشان اتخانق معاه انا واقوله يوطي صوته المزعج……..
غيث//ايه ده….مش تقولي ان عندنا حد
سناجق//بالشفاء
بتضحك علي شكلة وبتمشي…..وحقيقي انا اللي بكون مكسوفة……وبحس اني دخيله علي بيتهم وان في هالة من الازعاج حواليا غريبه!!!!!
غيث//بعتذر…..منورة يا….
رؤيه//محصلش حاجة……اختك فعلاً مستفزه…. استأذن انا
نور//استني يابنتي…..لو اتأخروا ابقي امشي
رؤيه//شكراً تسلمي….
بفتح الباب قبل ما حد يكلمني تاني…….البنت الولد دي مستفزه جدا…..
سناجق//نازله ليه
رؤيه//انتي مالك انتي أمرك غريب
سناجق//انا غلطانه اني بسألك تعالي بقي….
بتشدني من ايدي…..وبتخليني ادخل معاها اوضتها…… إنسانة عشوائيه؟!!!!…….مش بس غريبه….كمان اوضتها اغرب منها….
سناجق//اسمك اي بقي
رؤيه//!!!!!!!!!!!
سناجق//انتي اللي بدأتي لما قولتيلي يا كابتن
رؤيه//ده علي اساس ان انوثتك بتطلع من عينك ما انتي شكلك يقول كده بجد
سناجق//يسلام شوف مين بتتكلم نانسي عجرم
رؤيه//يامتنمرة…..وبعدين اي القرف اللي انتي قاعده فيه ده؟؟
سناجق//شكلك عوزة تقعدي علي السلم
رؤيه//مزعجة…..
سناجق//متنمرة……
♡_♡_♡_♡_♡_♡_♡_♡_♡_♡_♡_♡_♡_♡_♡_♡
ساجد//ااااه يادماغي ياااا اناااا
تيا//يا بابي قوم بقي عوزة العب انت جاي عشان تقعد
ساجد//قومي ياا زمزم لاعبيهم انا مش قادر
زمزم//انت جايبني بقي عشان كده
ساجد//اقسم بالله هشد في شعري…..قومي يابت
زمزم//تعالي ياست تيا
ليا//وانا مش هاجي؟؟؟
زمزم//لا ازاي تعالي
يآمن//انا عاوز ادخل بيت الرعب وآمن هيدخل معايا
زمزم//!!!!!!!…..هو انتوا هتتفقوا عليا…….نبقي نشوف موضوع بيت الرعب ده بعدين
ساجد//خدي خدي الفلوس اهي مش عاوز اشوف وشهم بقي العبوا وخليهم ياكلوا والعبي معاهم علي حسابي بس متجيش بيهم
نوح//انااا جييت
ساجد//يلا يلا انت كمان زمزم لسه ماشيه بالعيال روح وراها
نوح//ايه ده!!!…..انت جايبني عشان كده؟؟؟
ساجد//هيكون عشان ايه سواد عيونك مثلا…..نوح حس بيا انا اخوك…..انا بنهار…شبابي بيضيع انا طلعلي شعر أبيض وانا لسه في التلاتين؟؟؟؟؟
نوح//ما هو برضو محدش قالك هات اربع عيال
ساجد//هو بمزاجي…
نوح//ايوه….لقيت نفسك جبت تؤام اول مره كنت خاف تاني مره…..طيب اقلق حتي اتوتر…..لا روحت جايب التؤام التاني بعدهم علي طول……
ساجد//هل كلامك ده ليه لازمه دلوقتي؟؟؟ نهائي….. هل انا استفدت حاجة؟؟؟ إطلاقا….نقطني بقي بسكاتك انا دماغي وجعاني لوحدها
نوح//اجبلك عروسة؟؟؟
ساجد//يختااااااااااااااااااي…..اسكت اسكت
نوح//خلاص ياعم ده انت بقيت شبه امك اوي……
ساجد//قوم يلا من هنا هفرج عليك الكافيه كله
نوح//خلاص خلاص هسكت….تشرب اي طيب
ساجد//قهوة ساده…..من غير تعليق
نوح//البقاء لله ياحجه…..
ساجد//كأني مسمعتش حاجة…..علي فكرة سألت دكتور عن حالة مراتك وجبتلك رقمه….هو شاطر انا عارفة
نوح//ربنا يسهل…..انت كلمت بسمة؟؟
للحظات نظراتي كانت عليه……وانا قلبي بيتمني لثواني لو كانت حور اللي عايشه….وانا معنديش مشكلة تنساني كل ثانية…..كفاية انها قدامي!….. يمكن عقلي مستغرب حالة البرود اللي نوح فيها اتجااه علاجها…..
ساجد//ايوه هغير مدرسة الولاد قولت اخليهم مع عيالها…….
نوح//هي قلقانه الفترة دي علي حازم…..وانا بصراحة بدأت اقلق عليه….
ساجد//تقلق علي حازم!!!!…..هتلاقيه في النهاية كويس او عامل مفاجأة وجاي….هو انت مش عارف تصرفاته
نوح//اتمني…..ماما قالتلي اجيبك معايا
بسكت…..القهوة بتيجي….ببدا اشربها وكأني مدمن!!.. الصداع كان هيموتني!!…….في نفس الوقت مش متخيل اروح واشوف غروب!!……قلبي بيوجعني…. برجع لنقطة الصفر….يمكن أكبر مشاكلي انها وحور تؤام…..لكن قلبي مش شايفها غروب!!!!!!…..حاجة جوايا بتشدني…..
عشان يقرب صوت عقلي وهو بيصرخ فياا….. وبيفكرني انها ماتت…..واللي قدامي مرات اخويا!!!!!!!!
ساجد//مش حاسس اني هقدر اجي معاك…..النهارده اليوم كان متعب اوي……وعندي شغل بكرة….ومش عارف هعمل ايه في الولاد
نوح//خليهم عند ماما
ساجد//بحس بعقوق والدين والله……دول اكبر عقاب لاي حد
مؤخرا بقيت حاسس ان ارهاقي جسديا…..بيبعد بعقلي وبسرح كتير….وكل مره بفكر فيها…..وبنسي ارجع للواقع….لدرجة ان ممكن اسمع صوتها؟؟….مؤخرا حاسس اني مجنون!!!
♡_♡_♡_♡_♡_♡_♡_♡_♡_♡_♡_♡_♡_♡_♡_♡
سهر//عملتلك بقي الكيك اللي بتحبيها
غروب//تسلم ايدك يا طنط تعبتي نفسك؟؟؟
سهر//ولا تعب ولا حاجة…..انتي اخبارك ايه ياحبيبتي كويسه؟؟
غروب//الحمدلله…..
سهر//ابقي تعالي اقعدي معايا لما نوح ينزل الشغل متقعديش لوحدك
غروب//اكيد…..البلاكونة عندكم تشجع بصراحة
سهر//يامؤمنه هتيجي عشان البلاكونة مش عشاني يعني
غروب//وانا اقدر انتي الاهم طبعا
سهر//طيب تعالي ياختي نقعد فيها…
باخد الكيك….وبتمشي هي قدامي…..بندخل الاوضة اللي فيها البلاكونة….وقبل ما اكمل باخد بالي من برواز صغير…..جمب السرير…..باخده وانا بتفرج علي الاشخاص اللي فيه…….
لكن لدقيقة…..بركز مع شخصية منهم…..بحس اني عرفااه…..او يمكن قلبي اللي عارفه….عقلي مش فاكر انه شافه قبل كده!!!!……مريح؟…..حسيت ان ملامحه مريحه…..هادية…..
بسيب البرواز مكانه تاني……وبدخل البلاكونة…..الورد اللي فيها عاجبني…..مش قادره احدد انا كنت بحب نوع ايه من الورد…..او كنت بحبه اصلا ولالا….لكن الشكل ده خطف قلبي……
سهر//ساجد مش هيبطل زن بعد ما يعرف اننا دخلنا عند الورد بتاعه
غروب//ساجد!!!!
سهر//اخو نوح….جوزك….وليهم اخ تاني اسمه حازم
غروب//وهو فين؟؟
سهر//مسافر….بسمة مراته وولاده جايين النهاردة
غروب//اتمني تيجي قبل ما امشي عشان اسلم عليهم
سهر//ان شاء الله اشوف ولادك انا قبل ما امشي
غروب//بعد الشر……ان شاء الله
سيرة ولادي…..اللي مش موجودين….لكن كان جوايا احساس قوي انهم موجودين فعليا!!!!….. قلبي اللي كان بيقولي اني ام……يمكن لاني لحد دلوقتي مخلفتش الاحساس ده بيجي؟؟؟؟
سهر//بقولك ايه هاتي الموبايل بتاعي اكلم نوح هو قال انه هيبقي مع ساجد لو لقيناهم في مكان لذيذ نروح نقعد معاهم…..ونكلم بسمة
بتكلمه فعلا……وانا بفضل قاعده بسمعهم….وبسمع نكشهم في بعض وانا بضحك…..وتنمر نوح علي ساجد اللي مش فاكره اني شوفته قبل كدا……لكن اسمه كان مألوف عليا……كأن بينا تعامل كتير…..
سهر//ساعة عشان تردي
بسمة//العيال طلعوا عيني ياسهر
سهر//بس بس انا كلمتكم عشان اشيل همك…..ساجد في الملاهي بولاده…..اي رأيك تيجي
بسمة//ملاهي!!!….انا مصدعة لوحدي
سهر//هنقعد احنا في كافيه وخلي نوح ياخدهم يلاعبهم عادي
بسمة//عرض مغري موافقه طبعا
بتقفل معاها…….وبتروح هي تغير هدومها……وانا بفضل مكاني

اتفرج علي الورد…..والنعناع!!!….بستغرب ان في حد يزرع ورد ونعناع جمب بعض؟؟
بدخل الاوضة تاني……وبتفرج علي الصور…..يمكن الاقي نفسي فاكره اي حد!!!!……..لكن غالبا مش بفتكر حاجة…..لاني مش بركز غير مع شخصية واحده…. الشبه بينا كان غريب……يمكن اخوات؟؟؟؟؟؟
لو اخوات صورته بتعمل ايه هنا!!!……..
سهر//ده ساجد
غروب//..كنت بتفرج علي الصور يمكن اعرف حد فيهم
سهر//ده ساجد….وده حازم….ودي زمزم….
مش بسمع الأشخاص بعد ساجد…..وبركز معااه بحاول افتكر اي موقف اتقابلنا فيه……اي حاجة!!!!
سهر//يلا ننزل
غروب//هجيب شنطتي
باخد الشنطة….وبنزل معاها…..بحس اني مشتته وضايعه…..مش حاسه بألامان مع حد…..كل الأشخاص غريبه…..كل الاماكن بعيده عن قلبي……مؤخرا بنسي اسرع…..عقلي بيسبني…..وروحي بتخاف في اليوم مليون مره…..مش حاسة اني مكاني…..
بمشي وانا خايفة اي لحظة انسي اي حاجة….فجاة مبقاش عارفة انا بعمل ايه هنا؟؟…..ومين الناس دي؟
♡_♡_♡_♡_♡_♡_♡_♡_♡_♡_♡_♡_♡_♡_♡_♡
ساجد//ليه قولتلها تيجي
نوح//هي اصلا كانت جايه وبتشوفنا فين وشيل بقي البتاع اللي علي راسك ده
ساجد//يابني ادم بقولك مصددددددع مصدع
بكون فعلا غريب…..مربع رجلي…..رابط راسي من كتر الصداع…..والتفكير…..ونوح في عالم موازي…..من جوايا بدعي متجيش….مش بحس اني انسان حقير غير في وجودها…..وهي بتتصرف زي حور….وانا مركز معاها…..وهي مرات اخويا!!!
ساجد//انا ماشي…..حاسس اني تعبان مش هقدر اقعد اكتر من كده
نوح//امك لو جت وعرفت انك مشيت
سهر//هموتك
بسمع صوتها ورايا…….بفضل مكاني وانا ساند راسي علي ايدي بقلة حيله…..جت!………
سهر//ولادك فين
ساجد//زمزم بتلاعبهم…..
سهر//انت مالك عامل كده ليه؟؟؟
ساجد//تاني؟….مصدع تعبااااااااااان
غروب//الف سلامة….طيب ما تاخد مسكن؟
ساجد//الله يسلمك….مش بحب اخد مسكن….طيب هروح اقول لزمزم انك جيتي…..واجيب الولاد
بمشي وبيسبهم…..مكنتش قادر اتحرك….مرهق… دماغي مصدعة…..لكن مكنتش قادر اقعد وهي موجوده علي الاقل مكنتش عاوز افكر كتير في حور مكنتش قادر!!………..
ساجد//راحت فين دي…..يا فلوسي يا انا
بدور عليهم…..لحد ماا أخيراً بشوفهم…..بقيت اقلق عليهم بسرعة…..فكرة ان مسؤليتهم كلها عليا…..لوحدي بتخليني قلقان يحصلهم حاجة….!!!!!
ساجد//بقالي ساعة بدور عليكم…..
زمزم//في اختراع اسمه موبايل
ساجد//تصدقي نسيت؟؟؟
زمزم//مش هتنمر عشان عيالك فعلا متعبين خدهم وخد فلوسك وخد فلوسي وسيبني في حالي
ساجد//لالا بس بس بطلي ندب……انا مصدع خديهم يلا وامشي قدامي
زمزم//يارب بقي……جوازتك هتبقي علي ايدي هتتجوز يعني هتتجوز
بتمشي قدامي…..والولاد معاها….وانا مش فاهم الطريق ماله طويل كده ليه؟؟؟………
سهر//حبيبي تعاله
آمن//شكلك حلو
سهر//يااولا
نوح//كده تكسفلي امي وانا قاعد
سهر//ملكش دعوة بيه….
يآمن//انتي شبه ماما اوي
زمزم//انت كل ما هتشوفها هتقول كده
غروب//اسمك يآمن!!
يآمن//شاطرة عرفتي تفرقي بيني وبين آمن
غروب//لمض اوي يا يآمن……
♡_♡_♡_♡_♡_♡_♡_♡_♡_♡_♡_♡_♡_♡_♡_♡
ليا//وانا تيا فكراني!!!
غروب//مستحيل انساكي يا شاقيه انتي….استاذه ليا
ليا//عرفت
بتبعد وهي نظراتها لاختها…..ومستغربه اني قدرت افرقهم من بعض……لكن انا كنت مستغربه اني عرفاهم اصلا؟؟؟…….مكنتش مستغربه لوحدي…..كمان نوح لكن يمكن هو كان مصدوم مش بس مستغرب……….
غروب//مالها رجلك؟؟
تيا//وقعت وانا بلعب
كنت بقولها بقلق……مش لانها طفلة واتعورت….لان قلبي اللي وجعني…..حسيت انها فيا انا!!!…..دقيقة وبفضل حاسة بالقلق…..قلبي لسه بيدق بسرعة… عقلي مش فاكر كان ليه ده!!!…..مين الناس دي؟؟؟
نظراتي عليهم بقلق……بحاول افهم اي حاجة مش قادره افهم مين دول……خوفي فجاة بقي منهم….. لكن بين النظرات دي كلها…..باخد بالي منه….ساند راسه بين ايديه…..واضح انه تعبان؟؟
سهر//اهي بسمة جت….
بتقرب مننا بنت…..ومعاها ولدين…..بتقعد وبتسلم عليهم كلهم…..وانا بحاول احتفظ بأسم كل واحد فيهم بحس بألارهاق لمجرد محاولة حفظي للاسماء
بسمة//وحشتيني ياغروب محدش بيشوفك
غروب//انتي أكتر حبيبتي….اي الحلاوة دي
بحاول اغير الكلام لموضوع اقدر ارد عليه….انا اصلا مش عارفه مين دي؟؟؟؟؟…..لكن كتر خيرها عرفت اسمي منها!!!!….
بسمة//عيونك الحلوة…..
بنتكلم كتير في حجات مختلفه…..بتسلا معاهم جدا رغم اني مش بقدر احتفظ بحاجه في عقلي…..لكن كنت متونسة بيهم!…….تنمرهم علي ساجد….ومحاولة ايجاد عروسة عشان حالته المدمرة…..
تيا//تيته بجد هكرهك….هو مش هيتجوز
ليا//ولو اتجوز هنضربها…..عادي
سهر//تشكيل عصابي انتوا…..ده انتوا ياعيني تعبتوا الواد
يآمن//علي فكرة هو بريئ قدامك بس انما بليل بيجري ورانا بالحزام اصلا
سهر//تستاهلوا…..ده وشه دبل خااالص
بتمد ايدها وهي بتحضنه……مع اعتراض تيا وليا…ومع الهزار…..والضحك….واللعب….هو كان باين انه تعبان!… فضل في حضنها بجد؟؟……ونام!!
زمزم//تعالوا نلعب
نوح//نلعب ايه ياختي
زمزم//هنجيب حبل….ولازم تنط قبل ما الحبل ده يلمس رجلك…..
بسمة//مش قادره والله للفرهده دي الغوا رحلتي
زمزم//خلاص نلعب استغمايه
نوح//علي فكرة احنا في ملاهي الموضوع ابسط من كده
زمزم//طيب يلااا اتحركوا…..
بيبعدوا عشان يلعبوا……وسهر بتقرر تفضل عشان ساجد اللي نام…..والولاد…..
غروب//روحي وانا هاخد بالي من الولاد…..هلعب معاهم هنا
سهر//لالا انا اصلا ماليش في اللعب دي
زمزم//يا ماما يلاا بس وانا شويه وهاجي اقعد مكان غروب……
بتمشي بعد معاناة…..وانا بقعد العب مع الولاد….. بالنسبالي ده احسن من الالعاب اللي كانت قدامي… مستحيل اجربها!!!!!……احساسي جوايا بيكون قوي بيأكد عليا……انا عندي ولاد…..كان احساس مش عارفة ليه موجود…..لكن قلبي مع يآمن…آمن…مكنش زي ولاد بسمه…..
حسيت ان دول فيهم شبه مني انا…….جزء من روحي.. في حاجة بتربطني بيهم قوية……تيا وليا….قلبي بيهدى لما بلمسهم…..والمس شعرهم…..بحس اني كويسه؟؟؟…….بحس اني عوزه احضنهم!!!!
لكن احساسي ده مش بيستمر……لثواني بحس اني خايفة……بشكل غريب……قلبي بيدق….روحي باردة!؟
ببعد عنهم لدقيقة…….وبقعد جمب ساجد….اللي بيفوق اول ما بلمس ايده!!…….
غروب//ساجد….يلا نمشي