رواية شاي بحبيب الفصل الأول 1 - بقلم دعاء فرج

غروب//انت مين؟؟
نوح//…..انا؟…..الشاي بالنعناع!!
غروب//…..!!!!!!!!
كل يوم جديد….بشمس جديدة…ذاكرتي بتخوني… وعقلي بيسبني…بنسي كل حاجة…مكنتش مهتمة بالحياة ولا اني بنسي…لان معنديش حاجة مهمه احاول الاحتفاظ بيها!!
لحد ما ظهر هو….ومع محاولاتي الكتيرة…مش بقدر منساش!!….ولاول مرة في عمري افكر في العلاج…
غروب//الكوباية دي افضالها كتيرة عليا….مش عارفة كان ممكن افتكرك ازاي من غيرها
اول مرة اشوفو واقابلة….لما كوباية النعناع بتاعتي قررت تندمج مع الوان التيشرت بتاعه…..كان يوم غريب….لكن لطيف!
نوح//محتاج أسس ثروه…واحاسبك علي النعناع اللي بجيبه كل يوم وفي الاخر بتنسي افضالي
غروب//وانا هحاسبك علي الكيك اللي بتطلبها كل يوم
نوح//فكراها؟؟؟؟
غروب//لا بكتبهاا
برفع ايدي بالمذكرة بتاعتي…..اللي بكتب فيها يومي كله معااه…قبل ما انسى….والاهم اننا متجوزين اصلا!
نوح//هتأخر النهاردة في الشغل….اي رأيك تيجي تقعدي معايا لحد ما اخلص؟
غروب//بزهق اوي يا نوح
نوح//هبقي اخليكي تاخدي الموبايل بتاعي حملت العاب حلوة
غروب//نوح هو انا طفلة؟
نوح//….هي الالعاب للاطفال بس؟! يا شبابي اللي راح في كاندي كراش
ببتسم وانا سيبااه وخارجة من الأوضة….وبدخل المطبخ قبل ما انسي اني عوزة اعمل نعناع…..بقرأ الملاحظات اللي متعلقة علي مسافات مختلفة…..
يمكن لو مكنتش كتبت في النوت ان نوح بيعمل كل يوم سيرش عن فكرة جديدة….وبيضيف ليها هو افكار كريتيڤ من عنده…..مكنتش هفتكر لطف اللحظات…
بجيب النعناع اللي بعرف مكانه من النوتس اللي متعلقة….وببدا أجهزه وانا بضحك علي شكل الايموشن اللي مرسومة في النوت…..نوح….رسام فاشل
بتحرك في المكان…..رغم انه بيتي….لكن في حجات بالنسبالي اول مره اشوفها…..باخد بالي من الصور اللي علي التلاجة…..لاوقات مختلفة…صيف…شتاء…اماكن مختلفة….حوالينا ناس كتيره…..فوق كل شخص اسمه وصفته…صاحب….اخ…
لثواني بفضل مكاني….قدام الصور…وانا بعيط!!!… مشاعري بتتغير في لحظات….هنساهم تاني…مش عارفة اخر مره شوفتهم امتي!!!…..مش عارفة حجات كتيره….واضح ان عدت فترة لدرجة ان عقلي رافض يفتكر……
♡_♡_♡_♡_♡_♡_♡_♡_♡_♡_♡_♡_♡_♡_♡_♡
تيا//بابا….هو انت رايح فين النهاردة؟؟
ساجد//بتسألي ليه عوزة حاجة؟؟
تيا//انت هتقابل البنت اللي تيته قالتلك عليها؟؟؟
بتقف جمبي…..وانا بعمل سندوتشات المدرسة… عنيها عليا……بتلعب في اطراف التيشرت بتاعها…منتظرة مني رد…..مؤخرا بقيت فاهم سبب سؤالها…..وانها خايفة اتجوز…..بتنهد منها…..خوفها مش بيروح مهما كلمتها بترجع لنفس النقطة والقلق مع كل بنت بتظهر بسبب امي
ساجد//تيا ياحبيبتي مش انا قولتلك اني مش هتجوز
تيا//بس تيته بتقول انها حلوة
ساجد//وده سبب يعني عشان اتجوزها؟؟
تيا//….يعني مش هتقابلها؟؟
ساجد//لا….
بتسكت…..وبتخرج بهدوء من المطبخ……وانا بكمل السندوتشات…..وبجهز الفطار….وانا عقلي مش معايا…..مش قادر اتعود علي غيابها….بتيجي في بالي كل لحظة…..كل حاجة بقت كئيبه وصعبة…..روحي محتاجه تحس بطيفها لثواني…
ساجد//تيا…ليا…يآمن…آمن
بجهز الفطار علي الطربيزة….وانا بنادي عليهم…. ونظراتي علي الريسبشن اللي نضفته امبارح بألم….. اللعب اللي في كل مكان…..الالوان….العرايس اللي شكلها بيوصف قد ايه بتتعذب….
ساجد//يابني انت جاي بالمخدة!!!!….وانتي كمان جايه بالبطانية…..اصوت والم عليا الناس
آمن//وليه تتعب نفسك هات انت كمان مخدة ونام
ساجد//!!!!!!!!!!
ليا//انا اصلا تعبانة
ساجد//!!!!!!!!!
باخد منهم المخدة والبطانية وانا من جوايا عاوز اروح مكان محدش يعرف يوصلي فيه…..
ساجد//كل واحد هيلاقي هدومه علي السرير مكويه….معاكم نص ساعة تكون الشنطة جاهزة ولابسين
ليا//نص ساعة بس؟؟؟
ساجد//كتير صح!!
تيا//طيب مش هتعملي ضفيرة؟؟؟
ساجد//هنعمل الفطيرة دي ان شاء الله البسي الاول بس
ببدا انضف الريسبشن وانا ماسك نفسي ان ادخل عليهم بالشبشب…..وبلبس الترنج الراعي الرسمي ليوم الاجازة…..وببدا اتاكد ان كل واحد جهز شنطته ومش ناسي حاجة……
تيا//بابا…اربطلي الكوتش….واعملي ضفيرة
ساجد//يارب علي الضفيرة اللي اصعب من معادلة الرياضة دي
ببدأ اعملها الضفيرة…….وبربط الكوتش….وبكسل اقوم بفضل مكاني….لحد ما بيخرج آمن وبربط الكوتش للمره التانية….وبعدها يآمن ونفس الربطه مش بغيرها
ليا//…..بابي رجلي وجعاني….مش عوزه اروح المدرسة النهاردة
بتقرب وهي حاطه ايدها علي رجلها….ليا المشاغبة.. بتمثل التعب للمرة العاشرة في الأسبوع….ويآمن بيقف وهو مربع ايده….واضح ان مش انا بس اللي واخد بالي انها فنانة قديرة
ساجد//ليا ياحبيبتي لما ننزل هتلاقيها مش بتوجعك
ليا//لا بتوجعني…..وبطني كمان بتوجعني اوي اوي انا مش بهزر
ساجد//يا ليا هو كل يوم وفي الاخر مش بتكوني تعبانه
ليا//يا بابي والله العظيم تعبانة اوي
بتعيط……وانا بحس انها ممكن تكون مش بتمثل المرادي….بشيلها وباخدها معايا……لكن بسيب شنطتها بتنام علي كتفي وهي بتعيط….ومش هنكر…بحس اني قلقان بجد…..بخليها تقعد علي الكرسي اللي جمبي…
ساجد//خلاص مش هتروحي المدرسة قوليلي اي وجعك بظبط
ليا//بطني….ومصدعة….ايدي ورجلي وجعني اوي
ساجد//اي كل ده!!!!!!!
بنوصل قدام المدرسة…..بنزل من العربية وبخرج الشنط بتاعتهم….
ساجد//يآمن خلي بالك من اختك…..والساعة خليك لابسها متحطهاش في الشنطة عشان لما اكلمك تسمعها
يآمن//حاضر
آمن//بابا….ممكن تخليني معاك عشان ليا
ساجد//متخافش ياحبيبي انا معاها وهتاخد دواء وتكون كويسة
آمن//بس انا خايف عليها…..
ساجد//متخافش ولما تنزل البريك هكلمك اطمن عليك وهبقي اخليك تكلمها
بتاكد انهم دخلوا المدرسة….وبرجع تاني اركب العربية وباخد بالي انها نامت!!!……وحرارتها عالية؟؟
ساجد//ليا…..تعالي ياحبيبتي
ليا//بطني وجعاني اوي…مش عوزه اخد حقنة
ساجد//متخافيش
بقفل ازاز العربية…..وك سنجل داد…..بيكون معايا ادوية للحالات اللي زي دي بما انها مش اول مره…..لكن مكنتش فاهم ليه كل شوية بطنها بتوجعها؟؟
بنروح نكشف…..وقلقي بيكون لتكرار نفس التعب رغم اننا مش في الشتاء؟؟……..وبتكون نايمة في حضني وباين التعب عليها!!……مع محاولات كتيرة انها تفوق وبلاش تنام……
ساجد//متخافيش مش هتاخدي حقنه…..هناخد دواء
اقناع طويل……وبعد معاناة…..بتسيب الدكتور يكشف عليها…..وللغريب مش بيكون في حاجة!!!…..او سبب لوجع بطنها أكتر من مره……ولكن بتخاف وبتتعرض لتوتر كتير!!!!……..وده بيظهر في وجع بطنها والسخونة
بتاخد علاج……والسخونة بتنزل
باخدها…..وانا مش فاهم ايه ممكن يكون مخوفها كده! ومش بتقولي حاجة؟؟…..مليون سيناريو في دماغي كلهم ابشع من بعض…….بركب العربية وهي بتنام تاني.. بخليها في حضني يمكن ده يخفف توترها اللي مش فاهم سببه ايه!!!!؟؟؟
ساجد//اجبلك غزل بنات؟
بحاول الفت انتباها وانا بفوقها…..بركن العربية علي جمب وبشتري غزل بنات…..ومش بتحرك بالعربية تاني بفضل مكاني…..وانا بفكر اخليها تقولي ازاي هي خايفة من ايه؟؟؟
ساجد//اجبلك تاني؟
ليا//تؤ…..
بتاكل وهي مش مركزة معايا…..وقبل ما افكر اكلمها باخد بالي من الموبايل….وبستغرب لانه آمن ووقت البريك بتاعه مش دلوقتي؟
آمن//بابا تعاله خدني
ساجد//حصل معاك حاجة؟
بكلمه وانا بتحرك بسرعة بالعربية…..صوته اللي باين عليه الرعب!…..قلقني…..
ساجد//طيب متخافش انا اصلا قريب منك….
آمن//انا مستخبي لما تيجي قولي عشان اخرج
ساجد//مستخبي؟؟؟؟؟؟؟؟؟؟؟
آمن//ايوه…….تعاله بسرعة
ليا//مش انا سخنت جامد والدكتور جابلي حقنة كبيره وكان عاوز يخليني اخدها
آمن//وخدتيها؟؟؟؟؟
ليا//قعدت اصرخ واقولهم لاااااا واجري منهم ونزلت من عند الدكتور خالص
كنت قاعد في قلقي وخوفي……بسمع قصص الف ليلة وليلة من تأليف ليا اللي محصلتش اصلا….وقبل ما استوعب انها بتحكي كده دلوقتي؟؟؟…..بيكون آمن فعلا اندمج معاها ونسي انه خايف!!!!!…….
ساجد//انا في المدرسة يا آمن اخرج….
كنت لسه داخل المدرسة……وباخد بالي منه وهو مستخبي بين الشجر؟؟؟؟؟……وبيجري عليا برعب وكأنه مكنش من خمس ثواني عايش دور شهريار وهو بيسمع شهرزاد
ساجد//مالك……انت مش في فصلك ليه؟؟
آمن//عاوز اروح…..
بحاول اهدى من غضبي……وبنزل لمستواه وانا مش فاهم بيحصل معااه ايه؟؟……
ساجد//آمن ياحبيبي متخافش انا خلاص موجود

قولي بقي حصل ايه معاك
آمن//عاوز امشي…..
مكنش بيغير كلامه مهما حاولت اطمنه……حسيت ان المكان بالنسبالة بيت رعب؟؟؟……سبحان من صبرني ومفقدتش اعصابي من قلقي واني مش فاهم حصل ايه…..وقررت فعلا نروح
وخدت اذن ليهم كلهم……عشان اخد تيا ويآمن لان بقي عندي مشكلتين!!……ليا…..آمن….
ساجد//اتفضلوا….
بفتح باب الشقة….وانا براقب تصرفات الاتنين…..وغالبا نفس الشيء….ونفس القرار….عوزين ننام!!!!!
ساجد//يآمن غير هدومك ونضف الاوضة بتاعتك والسفرة….. تيا نضفي الاوضة بتاعتك
يآمن//اشمعنا بقي هي الاوضة بس؟
ساجد//تجهز معايا انت الغداء؟؟
يآمن//قولتلي عاوز حاجة تانية غير السفرة؟؟؟
بيجري من قدامي وهو بيدخل الاوضة بتاعته…..وانا بدخل اوضة آمن……وبفتح النور
ساجد//انت نايم بهدومك؟؟؟؟
آمن//هغيرها دلوقتي
ساجد//مال وشك عامل كده ليه؟؟؟؟
آمن//ماله؟؟؟…….
ساجد//آمن ياحبيبي متخافش لو حصل معاك حاجة احكيلي عشان اساعدك
الخوف بيكون مسيطر علي ملامحه….ايده ورجله اللي فيهم رعشه غربية؟؟؟…..بحاول اظبط شعرة براحه وانا بخفف التوتر…..بطبطب عليه مع ابتسامة بتخرج من بين قلقي بمشقة……..
ساجد//في حد من صحابك ضايقك؟؟
آمن//…..كنت نازل اغسل ايدي عشان اتبهدلت من حبر القلم……بس مدخلتش عشان سمعت حد بيعيط
ساجد//هااا وبعدين…..كمل
كان رعبي بيزيد…….بحاول اكون الطف عشان ميترددش في الكلام…..او يقلق من رد فعلي……كنت حاسس اني سامع صوت قلبي من تخيلات عقلي؟؟؟
آمن//كنت همشي….بس كان صوت صاحبي ف وقفت بعيد عشان كنت خايف…….وعاوز اعرف في ايه عشان اقول للميس…..
ساجد//كمل سامعك
آمن//شوفت مستر جوه……انا مش باخد معاه بس عارفه…
ساجد//كان بيعمل ايه…..بيضربة
آمن//لا……………
بتاكد ان مكنش مجرد شك جوايا…….واللي بيزيد رعبي اكتر ان يآمن في نفس الفصل!!!……مع نفس المدرس……ببتسم وانا بكلم آمن بحاول افهمه انه دلوقتي في آمان واني هتصرف
ساجد//المستر شافك؟؟
آمن//لا انا طلعت بسرعة كلمتك عشان تيجي
ساجد//شاطر…..وانت دلوقتي عرفتني مفيش داعي تفضل خايف خلاص انا هتصرف
آمن//هروح المدرسة بكرة؟؟
ساجد//لا….مش هتروح تاني أبداً…..ومتخافش انا معاك وهو مش هيقدر يكلمك أبداً
آمن//بجد…..انا اصلا خايف اروح
ساجد//لا ياحبيبي متخافش
بحضنه…..وانا بحاول اتاكد انه اطمن فعلا…..وكل تفكيري في يآمن…..وسيناريو بشع بكل احتمال ممكن يحصل……
ساجد//…..اي رأيك نروح الملاهي؟
كنت بحاول استنتج هو فعلاً مطمن والموضوع انتهى بالنسباله ولالا…….بنتفق مع بعض اني هنزله الملاهي ومفيش مدرسة…..غير اللي هو يختارها….وبسيبه
وبجري علي اوضة يآمن……وانا حاسس اني علي ما افهم منه اي حاجة هكون انتهيت من خيالات عقلي وان ممكن يكون بيحصل معااه حاجة وانا مش واخد بالي؟؟؟…
ساجد//اي الشطارة دي نضفتها بسرعة
يامن//تخليني بقي العب بلاستيشن؟؟؟
ساجد//….يآمن ياحبيبي تعرف مستر#
ملامحه بتتغير……وانا صبري بينفذ…..
ساجد//هو بيضايقك؟؟
يآمن//انت عرفت منين!!!
ساجد//يعني ايه عرفت منين؟؟
يآمن//…………
ساجد//يآمن ياحبيبي متخافش…..انا عارف هو بيعمل ايه….هو بقي عملك انت حاجة؟
يآمن//لا
ساجد//متخافش انا عاوز اعرف عشان اساعدك
يآمن//والله لا ده صاحبي….هو حكالي عشان مش عارف يقول لمامته عشان هتضربه….
ساجد//يعني انت لا
يآمن//ايوة……هو اصلا مش بنزل من الفصل غير وقت البريك
ساجد//لو عاوز تقولي حاجه قولها متخافش مش احنا صحاب…..وانا جمبك بسألك عشان اساعدك متبقاش لوحدك
يآمن//يا بابا مفيش حاجة اقولها والله….انا بس عاوز العب بلاستيشن
ساجد//ازاي متقوليش يا يآمن مش احنا صحاب… روح دلوقتي وكلامنا بعدين
بسيبه يخرج وانا بسند راسي بين ايديا…..وبحمد ربنا وبحاول اتخطي كمية القلق اللي حسيت بيها عليهم…و انا مش متخيل لو حد فيهم كان حصل معااه حاجة… وبيجي في بالي صاحبهم….ومامته اللي خايف يكلمها ام حقيرة!!!!
♡_♡_♡_♡_♡_♡_♡_♡_♡_♡_♡_♡_♡_♡_♡_♡
غافر//…زمزم ياروحي كتبنا الكتاب وربنا مفيش مشكلة نتمشي شوية لوحدنا
زمزم//غافر من الاخر انا مش بثق فيك
غافر//ياريتك فضلتي ساكته
زمزم//احنا اتفقنا كل واحد تكون مشاعرة واضحه وانا بقولك اني مش بثق فيك عشان تشتغل علي نفسك شويه لاني بصراحة مش قادره اثق فيك بنص جنية
غافر//واعمل ايه بقي عشان تثقي!!!!
زمزم//معرفش دي مسؤليتك
غافر//يا زمزم ده احنا هنتمشي هو بقولك نسافر
زمزم//يابني الفكرة مش اننا نتمشي…..الفكرة اني اكون معاك دماغي مش مضطرة تحلل وتصنف كل حاجة المفروض يكون ده وقت البريك بتاعي منطقة آمان متحركه كده وانت بصراحة اخر شخص ممكن احس معااه بكده
غافر//حبيبتي الله يكرمك
زمزم//ف اعتقد محتاج تستغل فترة قبل الفرح عشان اثق فيك شوية وبعدين مش فاضية النهاردة
غافر//ليه يا يروحي
زمزم//ساجد كلمني ونازله اقابله
غافر//احسن انا اصلا مش فاضي وعندي حجز كورة
زمزم//ماشي هصدقك ياعيوني سلام
في الواقع…..ثقتي فيه كبيرة…..قدر يخليني احبه بهدوء من غير توتر…..وقلق للمستقبل….وانه فجاة يكون مش موجود!!…..بالعكس قلبي هادي…مشاعر مش متلخبطه……
زمزم//ماما……نوح وغروب جايين النهاردة
سهر//وحشتني بنت اللذينه……كويس انك قولتيلي اعملها كيك…..
زمزم//يابخت اللي حماته بتحبه
سهر//حازم مكلمكيش؟؟
زمزم//لا…….متقلقيش انتي عارفة ان دماغه عاليه
سهر//مش وهو مسافر ازاي يقعد كل ده معرفش عنه حاجة…..استغفرالله العظيم.
زكريا//متقلقيش ان شاء الله كويس
بيقرب منها وهو بيبوس راسها…..وللحظات بحس اني مضاف اليه……ياويلك مني يا غافر لو مبقتش رومانسي برو ماكس وغلبت زكريا
♡_♡_♡_♡_♡_♡_♡_♡_♡_♡_♡_♡_♡_♡_♡_♡
ساجد//تعبت اوي……كنت فاكر الموضوع هيكون اخف لما يكبروا…….مسؤليتهم بتزيد…..كل مره بحس اني محتاج اركز معاهم اكتر واكتر……مبقتش قادر.
بقعد علي طرف سريري…..صورتها قدامي…..يمكن مش معايا لكن دايما بحس بطيفها حواليا…..البرفان بتاعها اللي دايما بيحسسني انها لسه موجوده….. مقدرتش اغير العاده اللي اتعودت عليها….وكل يوم برجع لنفس الصورة احكيلها يومي…..وتعبي..
وعقلي مش قادر ينسي تعبيراتها….ضحكتها واستغرابها من يومياتي الغريبه…..لما كانت عايشه!!!
ساجد//كنت مرعوب يكون حصل حاجة ومقدرتش اعرفها…..وبرضو مش فاهم ازاي يآمن معرفنيش وقتها وليا…..اللي مش فاهم خايفة ليه….حاسس اني بفشل معاهم…..تربيتهم صعبة اوي…..حاسس اني مش عارف اشتغل واخد بالي منهم لوحدي……انا محتجالك.
مكنتش فاهم فعلا هعمل ايه…..لما البنات دي تكبر!!…. هقدر افهمهم ازاي؟…..في حجات كتيره مش قادر ولا عارف اكلمهم عنها…..محاولاتي لسد مكان امهم معاهم غير موفقه!……..
♡_♡_♡_♡_♡_♡_♡_♡_♡_♡_♡_♡_♡_♡_♡_♡
نوح//غروب….انتي فين
غروب//………..انت مين؟؟