رواية شائت الأقدار الفصل التاسع والثلاثون بقلم نور الشمس

طبيت للبيت ابالي محد موجود بس عمتي وحوراء
الي اسمع صياحها اول مافتحت الباب شفت حوراء تبچي وشعرها منفوش ويمها عمتي ومروه بت عمي اخت ناصر ودلال
وي ماطبيت شفت مروه بيدها عصة ماسحه
تريد تطگها بيها صحت بصوت
اوگفي شگاعد تسوين من شافني ارتبكن اثنينهن
حوراء بقت على گعدتها شفت حلگها وخشمها كله دم
صرت نار لا هنه زلم واكسر ادينهن تكسر ولااگدر ابلعها واسكت
دنگت عليها مديت الها ايدي گومتها بستها براسها وهيه تشهگ اريد اعرف شنهي الصار يمي دولكة ماي رشيت على وجها وكتلها غسلي وجهچ والبسي عباتچ
واطلعي وياي
عمتي حچايه وحده ماحچت
گتلها شمسويه حته هيچ تسون الها
اكو احد گايلكم حوراء يتيمه الكم ماوراها احد
الله يشهد عليه تمنيت الطاگها گبالي زلمه الا اسوي وصلتين
انه طالع من يجي زلمتها الحوك گليله تلكاها ابيت جعفر
اخذتها وطلعت وهيه تشهگ حاچيتها حوري
گولي شعدكم شصاير هيچ طگنچ ماعايله بيهن
اسألها وانه اعرفها مو من النوع التعيل لو السانها يطوول
ماحچت شي بس تشهگ
طببتها بأيدي للبيت اخذتها يمي للغرفه
اريد افهم شنهي الصار وهيه حچايه ماتگدر تحچي
گتلها گعدي ارتاحي وانه يمچ اتانيچ لو لليل تحچين هم اتانيچ .
حوراء..
من رجعت المغرب لگيت مروه حماتي جايتنه
تبات يمنه حته الصبح تشوف دلال اختها جي جايبه
ومن طبيت وهيه گالبه خلقتها وتسمع بعمتي
حچي على ابو شنهي جناين بكيفها وليش تطلع من الصبح لليل وشني هالأنفلات ابيتكم وين جانت وشعدها وناصر مبيين محبس بايدها بس علينه گبل يتهدد اسمع وانه ساكته ماحچيت شي وحضرت العشه وكملت شغلي اجه ناصر تلگيته بالباب حته اسأله على جعفر گال راح للبيت وصاير نار نسولف انه وياه وهيه طلعت تسلم علي باوسها
گالتله عود شوكت بسلامه نسميك ابو فلان شكم شهر ويصيرلك سنتين كلها بكيف الله حسيته ضاج من حچايتها وانه هم كلش ضجت
گالتله اذا تريد مرتك الجديده عليه حاضره
عيوني غورگن وكلش ضجت انتبه عليه گالها بالدنيا كلها ماابدلها والجهال ان شاءالله يصيرون واذا الله ماكاتبلنه بكيف الله بعدين بدل الموضوع وياها
وانه لهيت روحي بالشغل وحطينه العشه چنت محضرته بس ماكليت لگمه
عمتي هم گالتله شو سكته طبيت تدري بمرتك گبلك بنص ساعه طبت
گالها اي ادري گايلتلي
جاخوش كرة عيني
عاف العشه وگام للغرفه صاحت علي ماجاوب وانه هم گوه گعدت كملن لميت المطبخ ورحت الغرفتي
گالي لاتهتمين والله انه على ايدچ صرت بشر مالچ شغل بيهن انتي عندي بالدنيا كلها
ثاني يوم الصبح گعدت وتوني باديه بشغلي
خابرت دلال امها ومدري شحچتلها بس الفهمته
جعفر وريم انتهت شغلتهم ضليت بفرحتي بس ماحچيت شو بعدهي تحچي وياها وعمتي گبت عليه غلط وصياح
ولچ حويره انتي تاخذين ريم تحفحفيها وتجهزينها الجعفر ماگلتي عيب من عمتي من حماتي ياالعاگر
شحال لو مخلفه مثل خلفتها
انه انقهرت كتلها عمه شعدجن وياي من امس واليوم بس تذبن حچي وگوه ساكته الخاطر ناصر
ريم هم مرت اخوي حالها حال دلال ولاعيب ولاحرام جا كون ابالها دلال دوم تضل مگابله جعفر ريم ومايگربلها
بعدني احچي وعمتي جرتني من راسي ومروه انهدت عليه اطگ بيه انه ناعمه ومروه ضخمه ماگدرتلها واثنينهن علي ضليت اصيح وادري محد يمنه ويحاميلي من سمعت صوت جعفر التفتت شفته هوه
صاح عليهن وغسلي واخذني وطلع للبيت
سألني ماگدرت احچي ضل گاعد يمي
لمن حچيتله كلشي
گال يعني دلال الخابرت امها
گتله اي گالي اگعدي هنا هسه وانه اخابر ناصر
..الوو
..هلا جعفر
..ناصر وين انت عوف البيدك ومرلي لو انه اجيك بس احسن تمرلي
..انه ملتهي هسه ميخالف العصر
..لا ناصر هسه اريدك
..شكوو صاير شي
..تجي وتعرف

طلعت من يم حوراء
رحت الدلال گتلها گليلي شلون اتعامل وياچ
بس گليلي انطيني طريقه حته امشي بيها
عددتلها باصابعي لا حب نفع وياچ ومشيتي وياي عدل ولا احترام نفع وياچ ولا طگ ولا تجاهل
ولا عصبيتي لا هدوئي گليلي شلون اتعامل وياچ
دلال احچي وحطي عينچ بعيني
ولچ شحچيت الصبح وياچ شگتلچ
انه شوصيت
رايحه تشكين الأمچ من حوراء جي طلعت وي ريم بس لاصار بعينچ مداراه ولاصار بعينچ كلشي
..والله چنت ضايجه وحچيت الأمي مو قصدي اسوي طلايب
..تخابرين امچ على ياساس گلتها وانه اصييح شگلتي الأمچ گتيلها جعفر اخذ مرته لو شگتيلها امچ شنهي علاقتها
ماخذچ انه لو ماخذ امچ
أنتي تدرين لو مالازم اعصابي انه ومن شفتهن يكتلن بحوراء جا طگيت وحده منهن وتصير طلايب شكبرها بيني وبين اخوانچ
أنتي تدرين كل مااگول دلال خطيه ياجعفر لاتضلمها
تصرفاتچ تخليني ابعد عنچ اكثر
دلال شوكت تملين بس گليلي
ضليت اصييح واحچي وهيه تبجي
اجوو امي وابوي سولفتلهم السالفه
ابوي گالها بويه ليش حلوه هسه من وراچ راح تصير هواي مشاكل ليش ماتعرفين تتصرفين
امي راحت الحوراء هيه وريم
وابوي طلع بس وصاني گال بيت عمك مهما يكون حلها انت وزلمتها لاتخلي السالفه تطول وتعرض
گتلها دلال شكم شغله ضميتلج ولچ لو غير واحد جافضحچ ولچ والله وكل هاي سوالفچ وانه ماكارهچ واتعذر الروحي بدالچ
كافي اعقلي تره بزعتيني وكلشي اله حد حته الصبر اله حد انتي رايدتني من صدگ لو تجذبين عليه انتي رايدتني لو كارهتني تصرفاتچ عكس الي تگولينه ولچ ياحب وانتي تمرمريني
احچي وهيه بس تبچي عفتها وگمت
اجه ناصر گعدته بالديوان
..جعفر گول شعندك
..ناصر الله بالخير
..الله ابو الخير والعافيه
..تذكر من خطبت حوراء چانو كل اخواني راضين الا انه چنت مامقتنع وگلبي يلعب وخايف عليها
بس انطيتها الك حسيتها رايدتك
ناصر..جعفر يحچي وانه مستغرب ليش هذا الحچي هسه كتله اي
..أي ياناصر اي انطيناها وصارت الك والحمدلله خيبت ضني وطلعت زلمه والنعم منك ومرتاحه وياك
تذكر ذاك اليوم من هدوو عليك بيت زامل تذكر شلون تلكيت الخنجر بصدري تلگيته حته دموع حوري ماينزلن عليك وحته لاتضل بدون سند وانت سندها المره لو عدها عشرين اخوو بدون زلمتها مكسوره لو شيسولها اخوانها تضل بحاجة رجلها
والخاطر حوري انه ذبيت روحي للموت ومامتندم
عليها الهسه تدري ليش لأن السويته لعيونها والشي الثاني من هاي وصرنه اخوه انه وياك وعرفت معدنك شنهي
..جعفر احچي تره مافاهم شي من التگوله
..جاييك بالحچي اصبر بگلبي هواي سوالف من طلعت من العمليه وگتلي روحي ترخصلك بعد
..هسه وبعد روحي ترخصلك ودمي فدوه الك
..عساك سالم شگتلك انه بوكتها
..گتلي اريدك تحافض على حوراء وگتلك بعيني
..الف رحمه لهلك وين وعدك ناصر
..جعفر حوراء بعيني وبنص گلبي الله يشهد عليه شاكيتلك من شي هيه كلي
..ناصر اليوم تمشيت رايح عليك وصلت البيتكم وسمعت صياحها طبيت لگيت امك واختك يطگن بيها بدون رحمه لكيت خشمها وحلگها يصبن دم
ليش شنهي السوته ويعيرن بيها يصيحلها العاگر
مرتك ماخذها للطبيب انت شايفها شبيها مابيها
كونك تريد تعرس هذا حگك ماامنعك ولااحجي بشي بس الصار لازم تخليله حد امك على عين وع الراس مااگلك تحاسبها ولاتحاچيها والصار صار بس حوراء البيتكم مالها رده تطلع بيها بيت وحدك تاخذها وتمشي غير هذا الحل ماعندي والطبيب انه العصر بيدي اخذها انت تدري بيه شگد عندي خوات
عندي سته الروحي معلگه بيها واعز خواتي الله خلاها عندك يجوز تشوفني مو صح بس ماعندي غير هذا الحچي
..جعفر انه الصار كله هذا ماداخل مخي ولاادري شنهي الصار ولا حالة حوراء ترضيني مثل ماانت خايف عليها انه اخاف اكثر والله يشهد عليه حبيتها وعندي هيه احلى شي بالدنيا امي اذا طگتها هم امها لااگدر احاسبها ولاازعل عليها مهما يكون امي
..ناصر انه مااريد منك لاتزعل على امك ولاتحاسب
ذني اثنينهن مايرضني ولايرضن الله
..جعفر التريده يصير خلال اسبوع عشر ايام البيت جاهز
..جاخوش ناصر الحد ذاك الوكت حوراء ابيتي
..ولو تصعبها علي بس ارد اشوفها هسه
..تعال فوت وياي تره الصار كله من مرتي الي هيه اختك والله يشهد عليه ياناصر دلال احتاريت شلون اتصرف وياها انطيني طريقه کلي هذا الشي يرضيها وتمشي عدل
..ها جا دلال شلها غرض
..شاكيه الأمك جي طالعه البارحه وي ريم وصار الي صار
..خويه جعفر مرتك عندك وانت علمها ومشيها على طريقتك سويلي درب اشوف مرتي بالي يمها

حوراء ..
صاحني جعفر وانه عيوني مورمات من البچي
وجعفر صاير نار مااعرف شراح يسوي من صاحني خفت وايدي على گلبي گلي تعالي ناصر متانيچ
رحت اول ماشفته بچيت وجعفر عافنه وطلع
حضني وباس راسي
..اشش لاتبچين ليش شصار خليتجن ماكو شي
.ضليت انه بس اشهگ كال
..لاتبچين حوري والله التردينه يجرالج وشيريد جعفر انفذله اسبوع اكثر شي واطلعچ ابيت الچ بس لاتزعلين وتأذين روحچ انتي روحي واعتبري امي امچ وچنها غلطت وياچ سامحيها
..انه صفنت گتله يابيت يااسبوع
..جعفر شرط عليه ماترجعين الا اطلع ابيت وانه بيني وبينچ هم مليت من المشاكل وبعد ماترهم
..ناصر صدك انه عاگر وتريد تاخذ عليه كلتها وانه اشهگ
..حوري عوفي هاي السالفه ولچ ماصارلنه سنتين ياعاگر وحته لو ماخلفتي والله مابدلچ بوحده
ضل حاضني ولمن هدأت يلله طلع بس گال صيحي جعفر خل يجي
گلت الجعفر گبل لا اطلع اريد اشوف دلال
رحت شفتها لگيتها تبچي ومبينه مستحيه مني گتلها خويه صح صعبه عليچ بس اتصرفي بعقل زينه هسه من وراچ كل هذا الصار تدرين كلش زين امي عصبيه وانتي زدتيها بحچيج هسه جعفر شرط حوراء ماترجع الا اطلع ابيت وحدي
رجلچ زين وانه زلمه واگلج هنيالچ علي كل مره تتمناه احفضي واعرفي طبايعه وامشي عليهن
لاتكرهينه بيچ
هزتلي راسها وهيه تبچي حبيتها براسها وطلعت
هم حگها هيه وصعبه عليها بس شسوي بين نارين انه لاأگدر انطي بامي وخواتي وادري الغلط منهن
ولاهانت عليه مرتي
رحت وبلغت امي وعتبت على مروه گتلها هسه انتي تجينه بالشهر مره هاي جيتج علينه
بلغتهم كلهم وحته ابوي واخواني مارضوو وگالوو جعفر حچيه صحيح اطلع ابيت احسن الك

جعفر .
بيومها العصر اخذت حوري وياها ريم وديتهن للطبيبه وچنت خايف لاتطلع عدها مشكله صدگ
من اجن يضحكن وفرحانات
حوري سكتت وريم گالت حوراء حامل والها شهر ونص
صدگ فرحتلها وبالي ارتاح عليها
خابرت ناصر بشرته
شويه واجه علينه فرحان
صار العرس وگلت الجعفر وره العرس اخذ مرتك
صار العرس وهم. ضليت رايح راجع
اشوف ريم شلابسه ومية وصيه وصيت
حته تلبس لبس معقول ودلال هم ماعفتها
مااگدر يجوز قدري هذا وياها ادري بيها ماتنعدل وابو طبع مايجوز من طبعه بس احاول امشيها عدل
ريم مثل البلسم لجروحي تعرفني شريد گبل لااحچي من عيوني تعرفني وابد ماتجادلني على شي وهذا الزييد حبي الها
مرت الأشهر حوراء صار عدها ولد سموو رضا
وكاظم هم ابنه جاي بالطريق وضلينه انه وياه اقرب اثنين ثالثنه ناصر الچنه انه وياه واحد مايريد الثاني
اخواني كلهم احترمهم ويحترموني
ابوي بده يعتمد عليه حته بالگعدات والطلاييب تعب وگام يوديني بمكانه
ضي كبرت وهيه وجعفر روحي من الدنيا وهسه احنه بانتضار الولد الثالث النه اخوو جعفر وضي
ريم حامل وبيها ولد قررت اسمي هاني
هذا انه وهذا قدري
حب ريم قدر
تباعدنه وتفرقنه وايسنه من حبنه وكلنه مستحيل ننجمع
لكن شائت الأقدار وانجمعنه
هاني الهذي اللحضه مانسيته ولا انساه طول حياتي
اخوي مييت بس روحه عايشه وياي