شفاه مخملية الفصل السابع وثلاثون 37 - بقلم 𝐙 𝐇 𝐑 𝐀

♛ ♛ ♛ ♛ ♛ ♛ ♛ ♛ ♛ ♛

"شفاه مخملية" 💋

بقلم: زهراء السلامي.

#انت برّوحي و يشوفونكّ
دگه ابوجه عربيه
تنزعل ينخطف لوني
ويمدد جَرف بعيوني
بسرعه يبين شبيه .

♛ ♛ ♛ ♛ ♛ ♛ ♛ ♛ ♛ ♛

"هجران"
واگفين كلنه منتظرين تحليل اهل الاستخبارات بخصوص العبوة، شويه وطلعت جواهر من داخل البيت تفاجأت هاي شعدهه هناك؟؟ اجت ناحيتنه وجهها اصفررر كركم وترجف، باوعتلي ورجعت تباوع للبيت، مچان بيه حيل اسألهه عن شي..

ماطولو الاستخبارات دقايق معدوده وطلعو يضحكون، من اجوي الولد گوة خفوا ضحكتهم.. تقدم عميد وفرك وجهه وحچة وياهم ماعرف شنو وعثمان صفن وعمو خليل گام يضرب ايد بأيد معاجبه ونسمعه يگول "يله استلمو" ودعو الشرطة واندارو علينه واحنه مصفصفات من الخوف والبرد..

اجه مرتضى گوة لازم روحه حتى ميضحك، تقدم علينه وهمس...

-مرتضى: خايبين والغسمة (والقسمه) انفضحنه

-انتصار: شلوون ولك؟؟

-حجية عطيه: شني انفضحنه ولك شهالخريط

مرتضى لزمته الضحكة لدرجة اختنگ وظلت امه تدگ ؏ ظهره، اجوي فيصل وعثمان هم خافين ضحكتهم وعثمان يمسد بلحيته وساعه يضمضم بحلگه، سألته عمه دلال شصاير، حچة بضحكة...

-عثمان: وبسطال الحمزة تخزينه

غزاله صاحت..

-شماالكم ماتحچووون!!!

-فيصل يضحك: اااخخخ يا بويه، ولكم خايبين طلعت لعبه مال جهال خرب النه

اخذتنه الجمدة والولد يضحكون ويصنفون، خو مرتضى وفيصل غصوا شگد ماضحكو، اجه عميد يهز براسه ويضرب گصته خفيف، ضحك بخجل وگال...

-عميد: لعنة الله ؏ بليسكم

الكل انفجرو بالضحك اله اني وجواهر يمكن بعدنه مصدومات من الصار، يعني كل هالمعمه والفضيحة والشرطه والعالم انخبصت بنصاص الليالي طلعت لعبه جهال مشموره ؏ بيتنه وخلصان الباتري مالتهه والضوه يروح ويجي، واليموت عثمان گال...

-عثمان: يولن والحمزة ماعرفتو شَنو اسوي من گال الضابط "ممنونين منك شيخ لان خفتو ؏ جيرانكم واهلكم ودزيتولنه خبر" خايبين غير ردت افطس وأَنا ادحگ لوجهو گوة گاظب ضحكتو

-مرتضى: اشتعل مرواان ههههههههههه

عميد ساكت ووجهه صاير احمر من المستحه، عزا حقه شنو هالموقف اليفشل اني بداله اطم روحي، دخلنه للبيت والساعه صارت بالوحده.. كلما اتذكر الموقف والخوف العشناه اموووت من الضحك اووف حتى بطني رجعت توجعني..

تفرقنه كلمن بمكانهه واني وجوري رحنه لغرفه جواهر وشهد لان بكر مموجود وفيصل وعلاوي نامو وعافو جورية.. دخلنه لغرفتهن وجوري تضحك تضحك تضحك ماتت حتى وجهها انگلب ازرگ وشهد تضحك وتصنف وياهه بَـس جواهر ساكته ووجهها مبلوع وعيونهه مدمعه..

گطعنه ضحكنه وسألت جواهر...

-شبيچ جواهر شو ساكته معقوله الموقف مضحكچ؟؟

باوعتلنه وعيونهه تزرزر بيناتنه، رجفت شفتهه وگالت بصوت يرحف...

-جواهر: بنات اعترفت

-جوري: شنو؟

-شهد بأستغراب: شعترفتي؟

غطت وجهها بأيدهه محتارة ونزلته، رجعت رفعته وتباوعلنه، گالت بقهر...

-جواهر: خرب حظييي اعترفت لعميد اني احبه

-هجران: عااااااا صدُك تحچين؟!!!

-جواهر: صخام قابل اتشاقه

-جوري: هـلا هـلا هـلا هـلا ولچن شنو هاليوم المليان موفاجئآت واحداث

-شهد: اييييي ولچن احححح، زين تعاي جوجو وشگلچ؟؟

گامت تضرب ؏ وجهها خفيف وتهمس...

-جواهر: صخام الصخم وجهچ جوااهرر الله ياخذچ جواااهرر عساني انفجرت ومتت ولا هالفشلللله

-شهد: عززا ولچ حمستيني شصخمتييي؟؟؟

شجعناهه تحچي شصار ووجهها انگلب من الاصفر للاحمر من تذكرت، غطت وجهها وتحرك براسهه وتصيح..

-جواهر: لااا ولچن اريد انسسسسسى صخاااام بوجهييييي هسة شيگول عليييه

-جوري: هسة غير تنچب وتحچي ترا متت اني يلللله خلصينه

بلعت ريگهه وهفت وجهها وبدت تحچيلنه الصار، وصلت لمقطع من باسته وغطت وجهه ورجعت تگول...

-جواهر: لطااام بوجهي ياربي ليش ما اخذتني يااربي اخذنييي ؏ هالفشلله

-جوري: احااااا ولچ شنووو هالرومانسييييه

-شهد بضحك: نعله علااا ولچ جواااهر حسيته مسلسل تركي

-جواهر: انچبنننن هذا الصار

-هجران بغمزة: اويلييي بوسة وسوالف واعتراف ولچ شنو هاااي ماعرفتچ

-جواهر: الله يطيح حظي زيين؟؟؟ ولچن اگولهن ماگدر احط عيني بعين الرجال من الفشله شلون بيه متگولوليييي

-جوري: اويلي يمة.. عليچ الله ما ساح من بستي؟

-شهد: داده مو بَـس ساح تلگي صارت عنده سوالف اخرى

ضحكنه كلنه وشهد الادبسز انفتگت وگامت تنزل ؏ الترابي، وجواهر تملخ بوجهها وتصيح "يارب اخذني".. جوري زيدتهه عليهه من ذبت روحهه ؏ شهد وگالت بصوت راخي..

-جوري: اووويلي اني لو چنت رجال وجواهر باستني مو بَـس اموع لا اتسرسح همينه

-جواهر: رح اگوووملچ جوووري

-شهد: داده دنچبييي اصلاً عميد الدين تحسده الزلم لو يعرفون السويتي وياه

-جواهر: لااااا انتن كُلش مصختنهه!!! هسه باصرنييي شسوووي؟؟؟

-هجران: يعني شتسوين قابل ههههه زين تعاي شصار بعدين؟ يعني وره البوسه اقصد

بلعت ريگهه وجرت نفس عميق ورجعت تحچي...

-جواهر: بسته ؏ خده خفيف واستنشقت من عطره كل هذا يصير واحسني بغير عالم الله يطيح حظي طبعاً اي المهم نرجع.. ماطولت ثواني وماحسيت بي اله يسحبني من ايدي ويطلعني وياه من الغرفه...

-عميد الدين: امشيي ويااي

يجرني مثل اللعابة المكوكيهه وامشي وياه، چان متوتر لدرجة لسه وجهه عرگان ويمسح بي.. سمعنه اصوات زلم بره جاي من الحديقه عرفنه ذوله الاستخبارات، اندار عليه ونتر بيه...

-وين ربطتچ؟؟؟

جاوبته بفهاوة...

-جواهر: هاااا؟

-عميد: جواااهر رحمة لوالديچ مو وكت فهاوتچ ربطتچ وين؟؟؟

انتبهت شالي واگع ؏ چتافي لان مچنت مثبته عدل، جرني بالزاوية وحاصرني خاف رجال يدخل، نتر وهوه منطيني ظهره...

-لبسي بسااع

-جواهر: عميد شسمه شوف اني...

-عميد: جواااهر مو وكتهه اللبسي گلت

لبست شالي شلون مچان، اللتفت عليه يباوعني خلصت لو لا، اشرلي ؏ گذلتي بعيونه بمعنى ظميهه، ظميتهه زين ومشه ومشيت وراه واني منزله راسي..

طلعنه لباب المطبخ واذا انشوف الامة العربيه متجمهرة بالحديقه، ظل عميد حاير شلون يطلعني والزلم صارو يباوعون، تفاجأت من جر راسي لصدره يعني وجهي انظم بصدره ومشه بيه يطلعني بره..

تعديت وصلنه للباب وهمس...

-امشي يم البنيات

حچاهه بحدة هذا شبي متوتر واحسه ضايج، خرب يوميي شلون لوصه لصتهه ؏ روحي..

-هجران(چانت تحچي گوة خطية شگد انقهرت عليهه وجهها صاير طماطة وتتنفس سريع عبالك چانت تبارز، رفعت راسهه تباوعلنه وصاحت...

-جواهر: بنااات ساعدني هسه شسوووي؟!!!

-هجران: خلص جوهرتي تتحملين غلطچ وتحاولين متفتحين الموضوع وياه وتتجنبين وجوده

-جواهر: سودة بوجهي وچ اني اشوفه گلبي يفرفح ويگوم يدگ، درفعن ايدچن ويايه وادعن يااارب كون بالسنه الجديده حلقتي بيدي منه..

كلنه صحنه امين وضحكنه، ورجعن شهد وجوري يتغزلن ويسون حركات، وحده تگول عميد مراح ينام الليل ووحده تگول خاف يچفت عليچ هسة وياخذچ واشكال حچي طيحان حظ.. قاطع صوت ضحكنه وسوالفنه دخول خاله انتصار، اشرت بيدهه ؏ الباب وگالت...

-انتصار: يا بنيات شمالچن اصواتچن شعلوهه!! عميدي يگول يردن يسمعن الجيران

بهتت ملامح وجوهنه وهيه صفنت مستغربه، گالت تصبحون ؏ خير وطلعت، وجواهر گامت تضرب ؏ راسهه وتهمس..

-جواهر: لطاااام بوجهچ جوااهر فوگاهه تلگي سمعنه صخااام بعيني ولچن حفرنلي حفرة هنا ودفنوني

-جوري: ابووو فااااضلللل دخيلك انفضحنه

-هجران: والعباس انفضحنه بين العربان

جوري شردت وطلعت وجواهر لازمه البطانيه وتعظ عليهه وتگز ؏ اسنانهه ميته قهر وخجاله، طلعت من الغرفه واني فاطسة من الضحك اليوم شگد ماضحكت خفت يصير شي، رحت اشوف زنوبة لان عفتهه ويه عُثمان چانت مچلبه بموبايله وتبچي.. اول ماطلعت من الغرفه وانصدمت من شفت عثمان وعميد گاعدين بالصاله يسولفون بهدوء، من شافوني سكتو...

گلت بگلبي حتصير ساعه بالثنتين بالليل شعدهم لسه گاعدين، ويبووو هاي صدُك سمعونه لان غرفه البنات قريبه ؏ مكان گعدتهم يعني هسة صدُك صخام ولطام بوجوهنه..

اخذت زينب من عُثمان چانت نايمة ؏ چتفه وشردت فوگ بدون ماحچي شي من الفشله، گعدت الصبح چانت زينب بعدهه نايمة، رحت للحمام فرشت اسناني وغسلت وبدلت ملابسي، دگيت باب غرفه غزاله ووصيتهه ؏ زنوبة مثل كل يوم وهيه خطيه كُلش تحبهه ولا تمل وتكيف من اعوفهه يمهه...

نزلت جوة اسوي ريوگ حتى اروح للجامعه چان عثمان فاتح باب الثلاجة...

-صباح الخيير هاا دتسوي ريوگ؟

رفع راسه باوعلي وابتسم...

-عُثمان: صباح النور، اي جوعان

ضحكت وگلت بگلبي گظيت عمرك كله جوعان، هوه چنة افتهم سبب ضحكتي لان گال بضحكة حزع...

-عُثمان: اوووف منكم شعليكم بيه يُبا اجووع أنَا اجوووع

-هجران: ههههههه لا شعليه اني أكُل بالعافيه

چان شايل بيضتين بيده اخذتهن منه گوة لان لسه مبطل هالطبع يستحي اذا اسويله اكل ويظل يتشكر مني شگد ويگول زحمتچ وتعبتچ واني ابزع واگول...

-هجران: عُثمان كااافي كااافي ههههه حتى تخجلني والله هسة اني شمسويتلك

ابتسم بأمتنان وحچة بصوت ناصي...

-عُثمان: بَـس اهتمامِك وسؤالِك كافي

بادلته الابتسامه وسويتله ريوگ، لو شگد ما اخدمه ما امل ولا اتعاجز لان يغزر بعينه وشايل زنوبه بالصلوات حسره اذا بچت رأساً ياخذهه مني ويطلع يفرهه لو يمشيهه لو يشتريلهه يعني صايرلهه أب يجوز اكثر من بكر...

كمل ريوگ وگال منتظرني بالسيارة صارله فتره هوه يوصلني حتى من ماعنده محاضرات خطيه يگعد من النوم حتى يوديني لان مرتضى يطلع من الغبشه للمحل وبكر دائماً ببغداد وماكو غيره..

رحت لغرفة جواهر دگيت الباب طلعت وجهها مخطوف رغم حاطه مكياج خفيف بَـس مبين عليهه، ضحكت وگلت...

-هجران: عميد مو هنااا لتخافيين

زفرت نفس ومسحت وجهها وطلعت ويايه، بعدنه بباب الحوش وعميد الدين صار بوجهنه...

-عميد الدين: سلام عليكم علويات

-هجران: عليكم السلام

بَـس اني جاوبته جواهر دارت وجهها بسرعه ولا كأن اله وجود، گوة لازمة روحي حتى ماضحك وهوه ماحچة شي ودخل للبيت، انداريت عليهه وحچيت...

-لچ شبييچ عززا ياا شوف وجهها صدُك چذب تحچين جوااهر

-جواهر: اسكتي رح اموووت البارحة الليل كله منمت

-يااا وشكو هسه حتى الرجال مبين طبيعي واجه سلم علينه وگال بالتحديد "سلام عليكم علويااات" يعني اني وانتي!!!

-جواهر: لچ ماگدر ماگدرر امشي هذا عُثمان ديدگلنه هورن

رحت وياهه وهيه گعدت بالصدر واني ليوره، بنص الطريق واجاهه اشعار اندارت عليه وانطتني موبايلهه، چانت الرساله من "عميدي" هيچ مسميته كاتبلهه....

-💬عميد الدين: رد السلام واجب علوية

جواهر ضربت خدهه خفيف وعضت ؏ شفتهه وهمست "عزا العزاني" يابه غير غصيت من الضحك وشگدما اضحك بصوت عالي عُثمان يباوعلي من المرايه الاماميه عاگد حاجبه متسائل..

گوة گووة كتمت الضحكة واگرص بروحي وهوه رجع وجهه ليگدام ويهز براسه ومبتسم، وصلنه للجامعه ورحت لقسمي ودخلت محاضرات وقبل لتبدي الثالثه اتصلت بجواهر...

-هجران: سلام عليكم

-جواهر: ها هجران

-هجران: رد السلام واجب علويه هههههههههههه

-جواهر: هفففف شگد مليييقه متضحك ترا

-هجران: اويليي جواهر اني بنص المحاضره وكل شويه اتذكر واضحك انوب اخاف الدكتور ينتبهلي واترزل

-ايي انتي تضحكين واني حموت من الفشاله تمنيت اني بدال الجثة بمحاضره التشريح مال اهل الطب العام

-هههههههههههاااااييي خرب ااخخ بطنيي شوداچ للطب ولچ هههههه

-جواهر: رحنه استضافه يمهم اوووف هجران روحي عنيي بااااي

سدت الخط واني لسه اضحك يماا هاي شبيه خرب انفضحت حتى الطلاب صارو يباوعولي، غطيت حلگي بأيدي ونزلت راسي حتى اسيطر وابطل ضحك، رفعته وماشوف غير عُثمان بوجهي ومبين عليه معصب، تقرب عليه وبعد السلام، گال...

-عُثمان: أنَا خلصت انتي ايمت تخلصين؟

-هجران: عندي بعد محاضره

-عُثمان: ضربيهه تأخرتي ؏ بنتِك

-ياا وشكو مو كل يوم هيچ وثانياً هستوني اتصلت بغزاله تگول زينب ساكته وگعد تلعب

زفر بقوه وگعد بصفي، هذا شبي ومو من عوايده يگعد بهالقرب مني، اللتفتت عليه وسألته مستغربه...

-هجران: عُثمان هاي شبيك ضايج؟

-عُثمان: يا سلااام وتسأليني؟!!

-اي شبيك؟

-عُثمان: كأنِك مانتبهتي ؏ روحِك شلون تضحكين خليتي الكل يدحگلِك

-هاا اسفه مو چنت احچي ويه جواهر وگالت نُكته

باوعلي بطرف عينه وظل ساكت، اهووو ذوله شلون بيهم شگد يغارون ويضوحون اذا وحده من بناتهم ضحكت لو حچت بصوت عالي..

يهز برجله وينافخ دوخني، اخير شي گال...

-عُثمان: أنَا رجال وماضحك وماحكي بصوت العالي لانو شي موحلو وعيب كثير تدرين لو لاء!!

-هجران: استغفرر الله عُثمان هاهيه ماعيدهه شبيك اسفه والله

-يله امشي نرجع للبيت

-والمحاضره؟!!

-عُثمان: نعلو لابوهه ضربيهه!!!

گمت وياه لان مبين ميتحچة اكييد ماجاوب بالامتحان وهيچ معصب وضايج، سألته اذا جواهر ترجع ويانه بَـس گال متقبل تريد تبقى بالاقسام، سكتت ومحچينه شي الطريق كله وقبل لننزل من السيارة گال بهدوء...

-عُثمان: هجران اوگفي

اللتفتت عليه ورجعت گعدت بمكاني، زفر بعمق وحط راسه ؏ الستيرن شويه ورجع رفعه يباوعلي، تنهد وحچة...

-ماقصد اعيط عليكي بَـس منظرِك كان ابداً مو لائق وأَنا اعرفِك مؤدبة وحبابه ماتحبين تجذبين انظار بَـس الصار اليوم العكس وحتى شفتو ولد يدحگولِك ويتهامسو، فار دمي لان ماحب يجيكي حكي مو حلو

-هجران: والله اسفه اني مو هيچي بَـس ماعرف شبيه اول مگعدت الصبح كُلش نشيطه وبس اضحك ماعرف شجاني

ابتسم وهز راسه ورجعه ؏ الستيرن، همس،..

-عُثمان: تگدرين تطبين جوة

حسيته مو طبيعي وحواجبه لسه معگوده مال واحد ضايج، فرك گصته بأصابع ايده يمكن راسه يوجعه...

-هجران: شنو راسك يوجعك؟

-اي كثير

-خاف من التعب لو مانمت زين؟

-عُثمان: اي صح

-هاا لعد يله تغده ونام الظهر هسة تصير زين

ابتسم وظل ساكت، هاي شبيه اني عبالك دا احاچي طفل، رجع حچة...

-عُثمان: ما ناويه تنزلين؟

-هااا اي صح نسيت يله انته متنزل؟

-عُثمان: چؤؤ اروح اجيب مصاصه وبسكت لزنوبه

-هجران: يااا عُثمان صدُك چذذب تحچي!!!

اللتفت عليه متفاجئ...

-عُثمان: ليش؟

-هسة وكتهه وانته تعبان عوفهه ميحتاج

-لا أنَا البارحة وعدتهه اجيبلهه

-هسة هيه شمفهمهه

-ميخالف ماحب اكذب ؏ طفل وثانياً من ادخل من الباب رح تجيني مثل كل يوم منتظره اجيبلهه شي مستحيل اخيب ظنهه

ابتسمت وهزيت براسي عجييييب هالرجال عجييييب، قبل لا انزل گتله...

-هجران: ماشي براحتك بَـس جيبيلهه بسكت الـ...

قاطعني وابتسم...

-عثمان: الشوفان ادري

هزيت براسي ونزلت، طبيت للبيت واستقبلتني زنوبه من الباب يمه بنيتي غزاله غاسلتلهه وملبستهه فستان بُهاري احمر ومسويتلهه ستوتات صغار طالعه تخبل...

شلتهه ابوس بيهه وهيه تلطع بوجهي هاي عود تبوسني هههه، سلمت عليهم وسألت ؏ جوري لان ابنهه بالصاله وهيه ماكو، عمتي گالت...

-سلمى: نايمة المسعدة چنهه نفسه

استغفرت بصوت ناصي وصعدت، بدلت وزنوبة نفشت جنطتي وتلعب بيهه، سهيت شويه عنهه ورحت اغسل وجهي وطلعت لگيتهه فاتحة قلمي الحمرة وملوخه روحهه بي...

-هجران: اوووف زنوبه شنوو هااي شسوويتييي

تباوعلي بنظرات بريئة عود هيه ممسويه شي، رغم عمرهه سنه بَـس ماشالله كُلش ذكية وتفتهم كلشي وحتى من نحچي بيهه تفتهم حتى لو كانت بالاشارات..

غسلتلهه وگوة طلعت اللون من ايدهه ووجهها، حطيتهه ؏ الفراش وتمددت بصفهه وسمعنه صوت عثمان عالي جاي من جوة يصيحلهه، من گال...

-عُثمان: زنوبة وينِك باباتي جبتلِك مصاصه

گامت تگمز وتضرب بوجهي حتى انزلهه، اويلي منچ كلشي تفتهمين، نزلتهه وبعدنه ؏ الدرج من شافته گامت تهوس عليه وتضحك وهوه يضم وجهه بأيده ويرجع يوخرهن ويصيح "تي" وهيه تضحككك واني وعمه دلال وحتى عمه سلمى نضحك وياهه...

ذبيتهه بالگاع وهوه فتح ايده حتى تجيله راحتله گوة تركض وكل شويه تفقد توازنهه وتوگع، شالهه يبوس بيدهه وهيه استلمت شواربه تجرجر بيهن وساعه تلطع بوجهه، ضحكت وعفتهم فوگ تمددت وماعرف شلون غفيت..

حسيت ؏ حركة بالغرفه فتحت عيوني چان بكر دينزع قميصه، گمزت من مكاني ورحتله حظنته وبسته وهوه هم بادلني و......

گام حتى يسبح وقبلهه طبع قبله ؏ رگبتي وهمس...

-اشتاگيتيلي؟

حاوطت رگبته وگلت بهيام...

-كُللللش

ابتسم وراح للحمام، حظرت ملابسه وبدل ونزلنه جوه چانو عمه دلال وبيبي عطية وجوري گاعدات، سألت ؏ شهد گالت رجعت لبغداد العصر ويه حلاوة..

لليل حظرنه العشه وصعد بكر واخذت زنوبه رضعتهه ونيمتهه، بدلت ملابسي بدشداشه قصيرة كيمونه لونهه وردي فاتح وحطيت مكياج خفيف وفتحت شعري..

بكر چان متمدد ؏ الچربايه لازم موبايله ويتصفح، تمددت بصفه ونمت ؏ صدره واللعب بلحيته الي هستوهه نابعه..

ظلينه ساكتين وهوه يلعب بشعري بأيد وبالأيد الثانيه الموبايل، تنهدت ونهضت روحي اخذت الموبايل من ايده وحسيته جفل لان فتح عيونه، خفت يعصب گلت بسرعه...

-حبيبي خلينه نسولف مشتاقتلك

-بكر: ميخالف جيبي النقال لا تعيدين هالحركة

-ماشي اسفه، اييي شكو ماكو شلونه الشغل؟

-كلش زين نعمه

-صدُك يعني تحس دتستفاد اكثر من شغلك هنا؟

-بكر: اي لان موقع المحلات استراتيجي ويشتغل اكثر منا

-هجران: واكيد هذا ديأثر ؏ دخلك صح؟

-اكييد چا شوون

-اي الحمد لله يعني مبقه شي واني وزنوبه نلحگك موو؟

-كملي جامعه لان تعرفين مايصير نقل بالمرحلة الثانيه وانتي ما بقالچ شي وآخذچ وياي

-هففف هواي بعد بَـس يله ميخالف المهم انته مرتاح وزنوبه تحب بيت اهلك

هز راسه وگمت عنه وجبت كرزات وعصير وعلگت فلم تابعناه سوه وبنص الفلم گعدت زنوبه تبچي، اخذهه بكر يهز بيهه حتى تسكت جزع وياهه وهيه ؏ صريخة الوحده اتوقع حلمانه..

انطانياهه ارضعهه حتى تسكت بَـس ماكو ميفيد، گتله ياخذهه يفرهه بالسيارة..

صدُك نزل بيهه نص ساعه ورجع چانت غافيه، ضحكت وگلت...

-هجران: هااا شو نامتت

-بكر: ملعووونه تموت ؏ التخايم ههههه

-هجران: هههه خطيه عُثمان كللل يوم ياخذهه يفرهه اوقات بنص الليل تگعد وانزللهيا يفتر بيهه

-وانه اگول هاي شمالهه هيچ تحبه

-ههههه تخيل تصيحله بابا

-بكر: حتى لعميد سمعتهه تصيحله بابا

-هجران: اي صح هوه 3 آباء عدهه

ابتسم ورجعهه بسريرهه، گعد ؏ الشازلون وگعدت بصفه، حچيت بهدوء...

-هجران: والله بكر أخوك عُثمان ماكو منه

باوعلي عاگد حواجبه ومغضب، كملت بسرعه....

-كُلش حباب ويه زنوبه يحبهه ويدللهه وحتى تخيل بدله لعرس شهد اشترالهه لحظه اراويك

گمت رحت لكنتورهه فتحته وطلعتهه بدله منفوشه شلون مال اميرات لونهه بنفسجي فاتح وفوگاهه تول بي لمع، باوعلي وباوع ؏ البدله وگال بجمود...

-بكر: وشكو هسه چا غير عمهه ويحبهه

-هجران: لا بكر هاي كله لخاطرك صدگني عُثمان يحبك والله

-بكر: هجران لا تحچين بشي انتي ماتفهمين بي وانه من اخلي ياخذچ للدوام وعايف زنوبه يمه وتنزله ويشتريلهه ويلعبهه و و و و كللله بمزاجي لا تخلوني اتسودن واروح اكظه وافني حظه واحرمه من زينب وانه ادري بي شلون يحبهه

-عززاا بكر هاي شبييك غرت من اخوك عليه ترا اني اشوفه نفس فاضل والله بالضبطط

-يخسييي اغار عليچ منه انه اغار من هالعااار

-هففف لو بَـس ادري شنو البيناتكم

-لا تفتحين الموضوع بعد فهمتي

-ماشي.. بَـس اني فتحت الموضوع علمود سالفه الفلوس والله دا اخجل ثلاث مرات طلعني وغزاله ورهف چانن ويانه، اشتريت ملابس لزنوبة وماقبل ادفع ربع دينار

-وشكوو هجرااان ليش گليل انتي تخدمي شو من يقره تاخذيله گلاص العصير والفواكه والكرزات ومن يصيح جوعان رحتي تصبيله هاي عدى الريوگات كل يوم تسويله شنيي واذاا اشترى لبت اخو هدووم!!

-هجران: مو خطيه واني اسويله هيچ لان محد يهتم ولا احد عنده احساس ويسأله اذا محتاج شي بَـس غزاله وصراحة الرجال ممقصر ويايه شنو اگول يركض يجيب

-بكر: هذا طبعه مايحب يسخر احد مو سالفة هاملينه

-يا الله بكر والله انقهر انييي

-استغفر الله بابا انتي لو بَـس هذا گلبچ تقوي ترتاحين لا تفرطين بحنيتچ لليسوة والمايسوة

-زين اگولك عوف هالموضوع شوف رح اگولك ؏ شي بَـس لتعصب حباب

-گولي

-ليش منخطبله

-شنييي شكوو؟؟

-شبيك هوه مو اخوك وترا چبير غيره عدهم جهال خطيه وهوه يحب الجهال فاتحه بالموضوع وخليني اگول لخاله انتصار ندورله بنيه

-شني ماعنده لسان يحچي هو!!

-اتوقع يستحي

-لا مايستحي هو وعميد گريبين ؏ بعض واذا چان يريد يتزوج يحچي مو منتظر مني حچايه

گال هالجمله وگام نام ؏ الچربايه، سديت الموضوع وياه نهايئاً عرفت مستحيل رح يحن گلبه ؏ اخو عود هاي اني گلت بلكي احچي هيچ ويشوف عُثمان شلون مهتملنه تتغير نظرته...

گعدت الصبح ومشت يومين طبيعي، وبيوم الجمعه بكر گال رح يرجع لبغداد ودعني وودع زنوبه وطلع.. چنت ضايجة وماعرف شنو اسوي نظفت الفوگ ونزلت جوة هم نظفت ورتبت وطبخت بامية تذكرت جواهر كُلش تحبهه، اجه ببالي اعزمهه تجي تتغده هنا يمنه خطيه، اتصلت بيهه جاوبتني...

-هلوو جواهر

-هـلا هجرانه

-اكولج رجعتي لبغداد اليوم؟

-جواهر: لا مارجع هالسبوع فرد مرة ارجع يوم الثنين حتى اجرهه لعرس شهد

-هااا لعد شنو رأيچ تجين لبيتنه

-جواهر: لا بللله لاااا تشاقين انتييي

-هههههههه لچ لييش ترا الزلم كلهم طالعين، وبكر طلع لبغداد وعميد وعثمان من الصبح راحو للنجف معزومين وگاعده اني وجوريه نتصفن وحده بوجه الثانيه

-اممممم شمسوين غده

-هههه بامية

-جواهر: احيييي بصوت عُثمان اويليييي جايه ولچ جااايه

ضحكت وسديت الخط، سويت اجواء النه بالصاله الفوگ حتى نجتمع احنه البنات ونآكُل وحدنه بدون ازعاج..

رتبت كلشي ووصلت جواهر بوسناهه وغزاله راحت تصب الغده ورهف وياهه، تغدينه وكملنه ورهف وغزل گالن يرحن يتابعن مسلسلتهن فَـہ بقينه اني وجواهر وجوري گعدنه بغرفتي..

-جوري: جواهر نزعي السترة لچ ماختنگتي موت حر اليوم

-جواهر: اي والله محسبت حسابي وملابسه بَـس كيمونه جواهه

-هجران: عادي ميخالف ماكو احد غيرنه ومن تنزلين لبسيهه

نزعت الستره وبقت بالكيمونه سوده ولابسه بنطرون كابوي بوري، فتحت شعرهه وحطت من حمرتي المخمليه واجت ؏ الچربايه تربعت وگعدنه نسولف...

-جوري: والله العظيم انتي ثوله جواهر ثووووله

-جواهر: جوري لخاطر الله اسكتي كافي سحلت روحي واعترفت وهوه ولا انهزتله شعره واضحة السالفه الرجال ميريدني بعد ما اللح وياه ولا اراوي خلقتي

-هجران: هفففف قهررر يربييي

-جواهر: اويلي كلما اتذكر السويته اتمنى انتحر من فوگ الچربايه

-جوري: امده حظي انگلبتلي امروأ القيس والخشبه ما تلحلح

-هحران: يبووو كلشي يهون وكلشي طبيعي بَـس البوسه چانت قويه وغير متوقعه

-جواهر: بنااات حموووت مادري شصار بيه شو اني وگفت گباله وحسيت روحي اريده يمممه بسته وساح گلبي اويلي حتى صخنت....

بهاي الجمله وانفتحت باب غرفتي وتفاجأنه من شفنه بكر واگف بالباب ولازم اليده عاگد حواجبه وشرايين رگبته ناطه من العصبيه هذا شبي ومو چان ببغداد شرجعه؟؟، گامت جواهر تركض لبست سترتهه بعدهه مساده السحابه واجه بكر طاير عليهه جرهه من ايدهه حيل وانطاهه راشدي سطرهه سطر...

شهگت وحطيت ايدي ؏ حلگي وجوري واگفه متصنمه.. والشعل النار بصدري من جرهه من شعرهه وعاط بوجهها....

-بكر: هذا يا گو*** تردينه وساح گلبچ عليه

-هجران: بكرررر هدهه شبيييك تخبللللت

-جواهر: اااه بكر وخررر شعرري ولك وخرررر انكسرت ايدك آآييي

شمرهه ؏ الگاع ورحت عليهه اريد اگومهه وجرني من ايدي حيل حسيتهه انخلعت، رجع جرهه من ايدهه وصار يضرب بيهه وهيه تصرخ واني احاول اجره عنهه وجوري تصيح وتضرب ؏ وجهها..

صعدن غزاله ورهف والحظ المصخم النسوان الكبار كلهن طالعات عدى فتوح ونرجس وگفن بالباب وحده تصد والثانيه ترد...

-فتوح: اييي يبعد ايدي ايي حييييل اكتلهه ايييي

-جوري بصياح: حسبي الله ونعم الوكيل بيكمممم

-هجران: بكررر ابوس ايدددك وخر عن البنيه موتتهه

ولا يسمعلي ولا اهتم، دفعني ورجع يضرب بيهه رفس ببطنهه گلت خلص انتهت البنيه ماتت جوة ايده حتى صوتهه مدا يطلع..

وگف يلقط انفاسه وجواهر منتهية لا ايد ولا رجل، نزع الحزام اللابسه بخصره وجلدهه جلدة بي چلبت بأيده وحلفته ببته يوخر عنهه وهوه فاقد وكأنما فعلاً طبق جملته "اطلع لوعه سنين انتظاري كله بيچ"، ضربهه مرة ثانيه ونرجس تحمس بي...

-نرجس: اييي ايي هالساقطه انه اعرفهه كومة عدهه علاقات ويه الزلم ايي ابو زنوبة لا تهيد

جوري تجره من ايد واني من ايد ثانيه، حاوطناه وغزاله وگفت گدامه ومنسمع غير بچي زينب وصراخ بكر الي رجنه...

-بكر: نذذذذذله سااااقطة ترفضينييي لخاطر يااهووو والعباااااس اله افنيچ عن الوجود واذبحه ياااهوو هذااا الخنتيني وياه وفضلتي عللليّ گحـ**** يا *****......

ونزل انواع الفشاير وهيه بَـس تبچي ولازمة متونهه، دفعنه حيل عنه وراح عليهه جرهه من شعرهه للمرة المادري شگد ورگع راسهه بالحايط وغابت عن الوعي لثواني واني ادگ ؏ وجهي وفتوح لسه تعد وتصف....

-فتوح: اييي بعددد تستاااهل چا تبيع واحد مثلك لخاطر زلمة ثاني واگصن ايدي لو ما نايمه وياه وشابع بيهه

تخبل وعاد الفشاير وحچي ماعرف منين يجيبه ويضرب ويدفر بيهه، اخير شي عاط بينه...

-طلعووو برررره

-هجران: بكرر فدووه بداعه زينب عوفهه حتموووت البنيه بكرررر

-بكر: ولللللچ طلعيييييي

جرني من زندي ودفعني بره وفتوح ونرجس جرن رهف وغزاله وياهن وجوري لازمة زينب خبصت الدنيا تبچي حتى فحطت ووجها صار ازرگ وهم طلعهن، رجعت اريد ادخل للغرفه واتصارع وياه بأيدي ورد دفعني حيل وگعت بالباب وسد الباب وقفلهه...

تسودنت وظليت ادگ بالباب وادگ ؏ وجهي واصيح....

-هجران: لاااااااء بكررررر افتح الباااااب بكرررر عليييك الله لتاخذهه بكررررررر

صوتي انبح ودموعي مجاي يوگفن، خنس صوتهم بَـس نسمع شهگات جواهر العاليه وفجأة وردت تصرخ وبكر يصيح وياهه سمعت صوتهه تصيح..

-لااااء اتركننييي بكرررر آآه كااافي وخرررر علليك الله....

يتبع☘️...

♛ ♛ ♛ ♛ ♛ ♛ ♛ ♛ ♛ ♛
رغم مريضه بَـس ما هان عليه أأجل البارت واشوف لهفتكم وتعليقاتكم فَـہ لتنسون التصويت والتعليق حبايبي💞.