شفاه مخملية الفصل الرابع وخمسون 54 - بقلم 𝐙 𝐇 𝐑 𝐀

♛ ♛ ♛ ♛ ♛ ♛ ♛ ♛ ♛ ♛

بارت طويل يعادل بارتين قراءة مُمتعه ♥️.

"شفاه مخملية" 💋

بقلم: زهراء السلامي.

هجران تگول:
شمسك جاست عيوني
وحله بشوفي الوطن والناس .♥️

♛ ♛ ♛ ♛ ♛ ♛ ♛ ♛ ♛ ♛

ضربت صدري بقوه حسيته انخسف، شهگت بصوت احسه طلع من معدتي مو من اوتاري الصوتيه...

-اختيييي شبييههه عمووو شبيييههه جوررري

چانو واگفين محاوطيهه وجوري واگعة بالگاع غايبه عن الوعي وعلاوي يصرخ ووجهه دممم، البنات وگفن مدهوشات واني ركضت عليهه ردت اشيلهه وعمي دفعني وعاط...

-ماااعدنه چنااين تطول لساانهه ؏ زلااامهه

-هجران: عمووو وخررر عنههه

شطت من حط رجله ولابس النعال ؏ راسهه وراد يدوس عليه، تخبلتت وجواهر ركضت تجر بأيده وهوه ما تلحلح وفيصل موتني قهر من شفته يباوع لأبو وكلمه ماحچة...

-هجران: عمووووو وخررررر حسبي اللله ونعم الوكييييل وخررررر اختتيييي مردت رااااسهه

ابچي وروحي فرفحت، من القهر صرت اصيح مثل المخبله ؏ بيبي عطيه بَـس واضح لا هيه ولا عمه دلال وانتصار هنا، عمة سلمى عاطت بيه...

-سلمى: وخريييي معليچ انتييي لا هسة يجيچ الدوور

-غزاله بصياح: مااامااا شجااي تگوليين انتييي

-سلمى: اسسس كلمة ماسمع

اخيراً فيصل نطق بهدوء...

-فيصل: بويه صح جوري كسرت چلمتي بَـس بهداي وياهه

-خليل: انطمممم انته

نزلت ؏ جوري وجريت راسهه وحضنته بكل قوتي لصدري، البنات يبچن ومصدومات من الموقف، غزاله لازمة علاوي ورهف بيدهه مريم وجواهر بناتهه فحطن من البچي، حطتهن ع القنفة وسندتهن بكوشه وركضت اتصلت بـ عميد الدين، خليل رجع عاط...

-هالمرررة دست ؏ راسهه بالغندرة المرة الجاايه ادفنهه جوة غندرتيي

نظرتله بحقد وبداخلي اللعنه بَـس ماگدر احچي هذا مخبل وهسه يدوس عليه اني انوب..

ثواني ودخل عميد الدين مدهوش...

-عميد: شصااير شني شمالكم؟؟

-جواهر ببكاء: عميد الدين عمو خليل كُتل جوريه وداس ؏ راسهه بالحذاء

فتح عيونه مصدوم وتحولت انظاره ؏ خليل وهذاك ولا انهز ولا اهتم...

-عميد: عميي شنهييي شمااالك

-خليل: بسك عميد الدين الفرخة طولت لسانهه ؏ زلمتهه وصارت تحچي عليه چلام موش مال وحده مربايه

علت الاصوات وعميد يحچي وخليل يرده وفيصل واگف چنه صنم لا يهش ولا ينش، نوعاً ما برد گلبي من عميد عاط بي...

-عميد: خاااب انته زلللمة تشوف مرريتك طاايحة بالگاااع وواگف تصفننن چنك طررن رووح كظهه وصحيهه رووووح

اجه فيصل يريد يشيلهه ودفرت ايده بقوه ولسه لازمه جوري حيل اخاف عليهه، فيصل گال بنفاذ صبر..

-هديهه هجران خليني اخذهه ترتاح

-هجران: وخرررر عنههه

-عميد الدين: علويه خلي يشيلهه ويروح لا تخلون البت طايحة هين بهالطريچه

سمعت كلامه وفيصل شالهه ووداهه لغرفه بيبي عطيه، نيمهه ؏ الچربايه وظل يباوعلهه واني طرت اتصلت بأمي سوده عليه مصارلهم ساعتين من واصلين من المطار...

-صباح: شلووون شنوو هجراان ؏ كيفچ احچيي شصااار؟؟؟

-هجران: مامااا داااس ؏ راسسهه مرده جوة رجلليييه

-صباح: هسسسسه جايين احنه

سديت الخط ورجعت لـ جوري وفيصل من شافني خازرته راح، رهف ركضت تجيب مي حتى نصحيهه وترجع لوعيهه، متت من القهر عليهه هاي جوريتيي هيچ يدوسون عليهه حسبي الله ونعم الوكيل بيهم..

نص ساعه مرت ياله رجعت لوعيهه وعلاوي بين رجلينه يلوع ؏ امه وبتهه فرفحت تريد ترضع..

فتحت عيونهه تباوعلي ورأساً بچت...

-هجران: سووده بوجهي عليچ حبيبتي سوده عليه يا روحي

تبچي وتشهگ وحاضنتني من اديه حيل ودافنه وجهها بصدري، شويه وهدأت گامت تريد تطلع وصحت بيهه...

-هجران: جوريه اهلي هسة يجون

-جوري: ماگدر هجراان ماريد ابقى دقيقه وحده هنا

-هجران: حبابه ؏ كيفچ هسة كم ساعه ويجون عفيه لنسوي مشكله اكبر بابا مريض وميتحمل

هزت راسهه وظلت ساكته، رجعت گعدت بمكانهه وجبنالهه بتهه رضعتهه ودموعهه تصب وكلما احاچيهه تسكت شويه وانوب ترجع تبچي..

اجت غزاله شايله عصير برتقال وصوت سلمى يلعلع جاي من الصاله، تلاسن عميد الدين بكل عرامه ووكاحة..

-جوري ببكاء: كله منهه كله من وراهه حسبي الله عليهه سليمه البله

-هجران: حبيبتي ؏ كيفچ جوريه اهدأي منريد نحچي زايد اهلي رح يجون وهمه يتصرفون..

مشه الوقت بطيييء والساعه عبرت العشره بالليل وهمه لسه ماكو، جوري تلوب تروح وتجي واني كل شويه ادگ ؏ امي وتعيط احسهه شايطه، خصوصاً بعدما جوري حچتلهه المشكله وشلون بدت..

نص ساعه وسمعنه صوت ماما بالصاله، ركضت جوري ورحت وراهه، چانت الصاله فارغه بَـس خليل وسلمى وفيصل واگفين، عميد الدين ماهوه يبوو وين رااح خفت لا تصير سالفه هنا..

بالبدايه امي حچت بهدوء ممزوج بعتب..

-صباح: هيچ سيد هيچ تأذي الامانه

-خليل: چا تصيح بينه شنهي وين الرباايه چنهه دلاله عرامتهه وهيه

-صباح: مهما سوت متوصل تدوس ؏ راسهه بهالطريقه وتأذيهه

-خليل: تستاااهل وعلي لو رد بيه الوكت اسوي اللعن من هيچ

انتفضت امي بعصبيه وعاطت...

-صباح: والله متستاهلوهه وانتتته (تأشر ؏ فيصل وخازرته حيل) انتتته تحلللم تشوف اظفرهه والله متشوووففههه لو تمووووت

-فيصل: عمه خليني افهمچ

-صباح: اششش ماسمع صوتكممم امشي جووري جيبي جهالچ وامشي نطلع

بهالاثناء دخل فاضل يمكن چان يبرك السيارة، هم صار حچي وملاسن بينه وبين فيصل واني رحت ويه جوري جبنه جهالهه ورادت تاخذهم وتطلع وخليل عاط...

-خليل: وين ماخذه الفروخ ولچ

-صباح: ناخذهم ويانه

-خليل: تاخذوهه هيه اي الفريخات مايطلعون من هين

-جوري: جهااااالي شلووون اعوفهممم

-خليل: حسسسسچ ويله يله رديهم للحجرة

يأشر بيده عبالك جاي يكش دجاج، فاضل فار صار كبرييت، صاح بي...

-فاضل: هوووه بكييييفك

-خليل: بكيييفي ونصصص وابو فاضل ؏ جثتيي يطلعوون

رجعت العيطه وفاضل يعيط وخليل وفيصل يردو، اخر شي انختمت العركة من امي جرت جوري من ايدهه وعاطت بعلو صوتهه وشرايين وجهها ناطه ووجهها مطرگع صاير احمر من العصبيه...

-صباح: امشييي جوووري عوفي جهالهمم ؏ گبلهممم امشيييي

-جوري ببكاء: مااارروح من دووونهم ماااروح

-صباح: امشييي ارجعهمم الچ

صارت جوري تبچي وتملخ بخدودهه، گوة سكتتهه ونقنع بـ خليل يقبل تاخذهم وهوه معاند، اخير شي استسلمت جوري وطلعت وعافتهم بأمانتي، امي وگفت بالباب وعاطت...

-صباح: ماگووول غير برره منكم رسووول الله گو***

الكل صفن وحتى عمو خليل وگف مدهوش واني تصنمت، هاي اول مرة امي تحچي بهالطريقه بَـس حسيتهه فاقده ومتعرف شنو دتگول..

بَـس الاعرفه عدل متريد جوري تنعاد قصتهه نفس قصتي ونفس معاناتي ؏ الاقل تسلم ؏ وحده وتخليهه تعيش حياة مال اوادم..

طلعو والكل تفرق لمكانه وخليل بعده يعيط ويتوعد، خلص گلبي من القهر واخذت زينب وعلاوي وصعدت بيهم فوگ وعفت مريومه يم جواهر گالت خاف تحتاج رضاعه..

طلعتلهم اللعاب بالغرفه وگعدو يلعبون واني رحت اتصلت بـ عُثمان، جاوبني بسرعه...

-عُثمان: ها هجراني كملتو البيت؟

-عثماان يا بييت لخاطر الله لو تعرف شصااار

-شصاار يوليي

حچيتله كلشي وكلمه يسمعهه وكلمه لا بسبب بكائي..

-عُثمان: هجرااان اذااكيي الِك؟؟؟

-لااا جوررري بَـس جورويه اكلتهه داااس ؏ راسهه لو تشوووف شلون ضغط عليهه سووده بوجهيي

-عُثمان: وفيصل الدثووو وينووو

-موجووود عُثمان اوووف لو تشووف شلون يباوعلهه حسبي الله عليه

-استغفرر الله ربييي

سديت الخط منه وگال هسة رح يطلع للناصريه، ايي خلي يجي تعبت اني وحدي شريد اتحمل..

عشيت الجهال والبيت مكهرب والنسوان الكبار لسه ماكو مختفيات، خو فتوح ونرجس من يوم رجعتي هنه ماكو گالو ببيت عيالهه رايحة..

رحت لـ غزاله اسألهه عن الكبار وينهن وفاجأتني من گالت رايحات للكاظم من الصبح واني مادري عبالي طالعات العصر، طلعن رايحات ويه حملة..

نيمت الجهال بغرفتي ورحت اسبح بلكي ارتاح، صدُك طلعت شويه احسن، تذكرت مريومه ونزلت اتطمن علبهه، دزيت رساله لـ جواهر حتى تطلع من غرفتهه لان استحي ادگ عليهم الباب، شويه وطلعت لابسه روب ماروني وفاتحة شعرهه، بَـس شفتهه ضحكت...

-جواهر: ها شو تضحكين؟

-هجران: شگد طالعه حلوة الله يساعد عميد الدين

ضحكت خجلانه وغطت حلگهه بأيدهه بحركة انثويه، اردفت..

-هجران: هسة اگولج مريومه وينهه؟

-جواهر: رضعتهه ونامت

-سوده عليه جواهر اكيد تعبتي هاي بحساب الثالثه اجتچ

-لا يمعوده هسة شكو المهم الطفلة تشبع

دمعت عيوني واني اباوع لـ عيونهه الزمرديه الجذابة، تقربت عليهه وحضنتهه وهيه صارت تضحك عليه...

-جواهر: يمعود عُثمان اللحگهه گبت عدهه الرومانسيه اخاف تغتصبني

-هجران: هههه انچبييي بَـس احبچ هواي اني واحسچ مثل جورية

-جواهر: يبختي وصلت معزتي لجوريه شنو هالحظ العندي

-هجران: والله يا جواهر انتي جوهرة ونياله عميد الدين بيچ

-اني هنيالي عليه عميدي ابويه وحبيبي وسندي وزوجي هوه العوضني عن كل مُر عشت بي

-هجران: هاا هاا واضح تصالحتو

-هههه اي ماتحمل اجه يراضيني لچ تخيلي يبوس بيه ويگول اني معليه ماخذني ؏ گد عقلي

-غيييير انتي يعني خلص صار حمل وخلص رزق من الله هذا

-ونعم بالله

-نرجع لمريومه جيبيهه يمي تنام

-وشلون اذا گعدت جوعانه بالليل؟

-عادي اسويلهه حليب قواطي

-لا هجرانه خطيه عوفيهه يمي

-لچ مو عيب من السيد خاف تضوجه بالليل وتظل تبچي

-يااا شوف هااي داده السيد متعود ؏ بناته واصلاً كله هوه يسكتهن بالليل

-شلون

-يعني بَـس يبچن هوه يگمز واني اغلس، خطيه احس بي يحطهه يم صدري ويگعدني هيچ..

مدت ايدهه تدغ چتفي بكل هدوء وتهمس...

-جواهر: جوهرة جوهرة حبيبتي بويه گومي للبت تبچي جوهرة يله بنيتي گومي

-ههههههه وانتي مغلسه

-اييي والله اتعب يعني شريد اصير

-فدووه ربي يحفظكم لبعض والله والله انتو احلى كوبل شافته عيني

ضحكت خفيف وگالت تصبحين ؏ خير وشمرتلي بوسة بالهوى، رجعت لغرفتي واتصلت بـ جوريه بَـس ماكو يدگ ومتشيله عاد اتصلت بـ امي وگالت بعدهم بالطريق وجوري غفت من البچي..

نمت بفراشي وبسرعة غفيت من التعب التعبته اليوم، هلكت واني انظف بـ بيتي الجديد وانوب انهبطت ؏ اختي..

گعدت الصبح وريحة عطر رجال بخشمي، فركت عيوني حتى تتوضحلي الصوره وتفاجأت من شفت عُثمان واگف ؏ المرايه عاري وبس لاف منشفه ؏ خصره، چان شعره يقطر وريحة الغسول الرجالي مادري الشامبو واضحه تفوح منه..

(تذكرت شامبو الفصليات😔😂)

گعدت ؏ حيلي وحمحمت، دار عيونه يباوعلي ضحك خفيف وگال..

-صباح الخير

-صباح النور شوكت وصلت؟

-عُثمان: ماصار كثير

-مممم

راح ؏ الميز تواليت ومشط شعره وشواربه ولحيته هاي الحركة لاازم يسويهه كل ما يجي ؏ الميز، رجعت حطيت راسي ؏ المخده واتمايزه من وره..

وبين ما اني كاعده اگصكصله صور بعيوني الحظ الفگر انتبهلي، ظل ملتفت ومنطيني ظهره وگال بصوت ماكر...

-عُثمان: واضح عجبتِك

-هاااا

سُكت وبقى يضحك يبووو يهجران اني ليش اظل بهالثواله والغبااء

-عُثمان: ادري بروحي حلو يولي

-اهوووو بدينه

-عُثمان بضحك: شَنوو انتي گلتيهه وكل يوم تگوليهه وانتي نايمه

-چذااب

اندار بكل جسمه عليه وحط ايده اليمنه ؏ خصره وايده اليسره يعدد بيهه..

-تگولين عُثمان انته كثير صاك وتگولين ريحتك طيبه وتدوخِك وتزحفين عليه كثييير

-عزا العزااني چذاااب مستحيييل

-احييي يُبا انتي فضيحة بالليل حتى ؏ شواربي تزحفين

شهگت وبحلقت عيوني، اندار ؏ المرايه يباوع لروحه، لزم شواربه وبرمهن وگال وهوه رافع تك حاجب...

-عُثمان: يولي حقِك دايخه بيهم

-عووثمااااان

قهقه بخفه ومسح وجهه...

-عُثمان: فضيحة انتي فضيحة

-صخاام بوجهي هيه هاي العايزة بعد افضح روحي بالنوم

-واكو شغلات متنحكي هم

غمزلي وظل يضحك، صفنت بوجهه ماعرف شيقصد بَـس اكيد فضيحة جديده، نزع گدامي يبدل وكالعادة درت وجهي استحي منه، رجع گال..

-اتصلتي بأختِك؟

-ماكو ادگ ومتجاوب!!

-ان شالله خير

راح للميز ورش عطر ؏ لحيته وع معصم ايده وبعلباته واني گمت للحمام، بعدني بالباب دا افوت وحسيت بي يجرني من ايدي وحضني لصدره، باسني ؏ راسي ونزل باسني بخدي..

-عُثمان: لا تخافين ؏ اختِك ان شالله كلشي يتصلح

ابتسمت وهزيت براسي، دخلت للحمام وغسلت وطلعت لگيته مو بالغرفه بَـس عطره الثگيل بقه بجسمي وخدودي، باوعت للجهال چانو بعدهم نايمين..

بدلت ملابسي ونزلت جوة چان الكل طبيعي وكأن يوم عادي ولا عبالك البارحة اختي انكتلت من عمي..

گظيت النهار كله ادگ ؏ جوري ومتجاوب بَـس نداوي تشيل الموبايل وتگول لو تبچي لو نايمه، متت قهر اختنگت عليهه وصعدت للسطح اشم هوا لان صدري قبط وگوة اجر النفس..

دزيتلهه رساله بلكت تجاوب وهم ماكو اصلاً مطفيه النت وموصلت الرساله، گعدت ؏ طابوگة وحطيت ايدي ؏ خدي وظليت اتصفن، جريت نفس عميق واني افكر شنو اسوي وشلون اخفف عن جوريه هالقهر..

حطيت السماعات بأذني وفتحت قصيدة لـ باسم الكربلائي، صرت ابچي ويه كلمات القصيده الحزينة اسمهه "سامحيني" صرت ادندن ويه القصيده واقره ؏ كيفي واضرب ؏ فخذي خفيف..

"موقف يهد الرواسي مر عليه، حيرتي من فوك مُهري بلا ايديه... مدري اطيح اعله الوجه مدري اعله ظهري، وانه كل هذا وافكر شنهو عذري.. سامحيني.. سامحيني.."

استمعت لكل القصيده وتفاعلت، دموعي كـ سيل المطر ينزلن ويه كل كلمة يگولهه، جريت نفس عميق وهمست...

-دخيلك يابو فاضل

خلصت القصيده وصار هدوء، لكن نززني من مكاني صوت رجال ورايه يگول..

-العلويه گاعده وحيدهه

اللتفتت اباوع واذا اشوف غيث بوجهي، اهووو هسة شجابه هذا..

-غيث: شو تبچين شنهي ياهو وياچ؟

-محد

-كل هالدموع وماكو احد

-سيد محتاج شي؟

-غيث: هههه الله شكثر احب هالچلمة "سيد" ماكو احد بي خير يصيحلي هيچ

گلت بگلبي من وره سقوطك وطياح حظك..

-غيث: هاا شني شو صفنتي

-تذكرت الجهال

تمشيت لباب السطح وردت افتحهه وبحركة سريعه منه رجع طبگهه..

-هجران: غيث شبيك؟؟؟

-شو صارت غيث ههههه

-استغفرر الله

زفرت وهوه صافن عليه، هسة غير افتهم شيريد من يومه يباوعلي ويباوع لجوري نظرات وسخة..

-غيث: گالو انتي خوش بت ودعائچ مستجاب

-زيين؟؟

-هااا يعني صگد هالحچي هههه چا اگولن شلون مات بچر كتلچ وره يومين طُببب راح بيهه والله علويه وحوبتچ تكتل

-عيب هالكلام واني ابدد متمنيتله الموت

-اي اي صحيح ادري بيچ المهم اريدچ تدعيلي

-ان شالله

درت وجهي اريد افتح الباب ورجع گال...

-غيث: چا غير تسأليني ؏ شني تدعيلي

-ادعي الله يريح گلبك هذا كافي

-غيث: ايباااخخ شني هااي

استغفرت وفتحت الباب، طبيت بسرعه ونزلت الدرج اسرع، شگد غثيث هذا غيث اصلاً حرمات هيچ شكله حلو وسوالفه العربديه مال زلم صايعه..

اجتني زنوبه تبچي وشعرهه مكفوش والقراصه مچلبه بي..

-هاا بنيتي منو ويااچ

-زينب ببكاء: ئلااوييي

-هااي شنو ليييش

رحت لعلاوي چان گاعد يلعب بالمكعبات من شافني اجالي وگال وعيونه كلهه دموع..

-علي: وين ماما

-هجران: بعد شويه نتصل بيهه وتسولف وياهه، حبيبي شبيك ويه زنايب؟

-علي: اني معليه هيه كالت شيل القراصه من شعري

ضحكت شلون يحچي فدوه شلون لسان مال واحد چبير لعد شبيهه بتي فاهيهه..

هزيت براسي وعدلت شعر زنوبه وراضيتهم وسرعان ما رجعو يلعبون ويضحكون، تمنيت روحي جاهله وانسى بهالسهوله والسرعه واكمل حياتي طبيعي..

رحت اسوي العشه ويه جواهر چانت تگلي كُبة وغزاله واگفه تسوي زلاطه ورهف شايله موبايلهه وحايره بالقبولات خايفه متطلعلهه جامعه بغداد..

صدُك نسيت اگوللكم من چنه بالانبار طلعت نتيجة رهوفه ومعدلهه 99.86 بيومهه ابوهه چان طاااير من الفرح وكل شويه يبوس بيهه ويگول كفو ببنيتي رفعت راسي..

-هجران: لچ كافيي عيونچ راحتت عوفيهه وره ربچ

-رهف: خيه هالسنه المعدلات مفوله والعباس اذا مارحت جامعه بغداد انتحر

-جواهر: اذا عدتي هالسالفه والله ثم والله اگول لأبوچ وهوه يتصرف

-رهف: جوهرة خاايفه

-جواهر: ؏ شنوو لچ معدلچ اذا مقبلوچ طبيه خلي الجامعه تعزل

-رهف: وابو فاضل اخلي ابوي ياخذ منهم فصل

-هجران: ههههههههه هاي هواي متأثره بالفصولات

-جواهر: لعد بت عميد الدين شتتوقعين منهه هههههه

نسولف ونضحك وغزاله ساكته تشتغل بالخنسه، كلنه ندري بيهه متأذيه ؏ روحت رهف وخايفه يطلع قبولهه بغداد وتبتعد عنهه..

-هجران: غزاله تعاي اريد احجي وياچ

-غزاله: خوش

غسلت ايديهه واني رحت بالصاله اگعُد، اجتني تنشف ايدهه بدشاشتهه وعيونهه متلهفه تريد تسمعني...

-هجران: شوفي حُبي اني ان شالله ما بقى شي واندار لبيتي الجديد

-غزاله: بالخير والبركة

-تسلمين حياتي، اي فَـہ دا افكر ليش متجين تعيشين ويانه؟

-شنيي انه اعيش وياكم؟؟

-ايي هم اني تجيني ونيس حتى ماظل وحدي واني انتظر عُثمان لنصاص الليالي وزنوبه هواي متعلقة بيچ وهم انتي تغيرين جو وتغيرين مكانچ وتنسين روحت رهف

-هااا مو مادري

-فكري بالموضوع حُبي واني متأكدة رح ترتاحين يمي وهم يكون هدوء الچ حتى تگدرين تقرين للسادس

-مو اخافن ابوي ما يرضى

-وليش ميقبل؟ ترا عُثمان اخوچ ويخاف عليچ يمكن اكثر من ابوچ

-ميخالف احاچي عميدي واخذ رأيه تالي اگولن لأبوي

-ماشي لعد انتي سأليهم ورديلي جواب حتى نلحگ نأثثلچ غرفتچ

-غزاله: لا شني السالفه ما يحتاج هنه نفسهن غريضاتي اخذهن

-براحتچ

ترخصت ورجعت تشتغل واني رحت فوگ اتصل بـ جوريه، دگيت دگتين وجاوبت...

-الووو جووري همزيين من جاوبتي

-جوري: هلوو هجران شلونج

-زينه اني حبيبتي انتي شلونج طمنيني؟؟

-بخير الحمد لله، جهالي شلونهم؟

گالتهه وبچت، انخسف گلبي عليهه..

-هجران: لتخافين همه بخير ويسألون عنچ وهسة علاوي راد يحاچيچ تردين تحجين وياه؟

-اي فدوه

صحت لعلاوي وحچة ويه امه، فتحت مكبره صوت واسمع نحيب جوريه ؏ جهالهه وشلون توصي بي ميسهر وميأذيني ويآكُل اكله ويداري اخته وهوه فدوه الله يحفظه يجاوبهه كله "حاضر ماما"...

-هجران: انطيني الموبايل حبيبي خليني احاچي امك

انطاني الموبايل وراح يلعب ويه زنوبه...

-جوري: مريم شلونهه سوده عليه هجران گلبي ناار عليهم

-زينه مريومه وكله جواهر ترضعهه وتنيمهه وتهتم بيهه

-شوف خطيه وهيه عدهه جهال وحامل

-گلتلهه اني اهتم بيهه بَـس متقبل تگول حالهه من حال بناتي

-جوري: اوووف هجراان اووووف

-حسبي الله ونعم الوكيل بيهم شنو من گلوب شايلين بعد گصاصيب ماعليهم عتب

-جوري: استغفر الله ربي الله كريم تفرج ان شالله

-يله حُبي محتاجة شي مني؟

-لا سلامتج بَـس عينچ ؏ الجهال فدوة عتبريهم جهالچ هجران اروحلچ فدوه

-بعيني لتخافين واصلاً علاوي هادئ وحباب كُلش ماعنده اذيه

-ادري بي بعد امه

-هجران: يله مع السلامه

-جوري: الله وياچ (سديت الخط ويه هجران واحس جمرة بگلبي، تدمرت ؏ جهالي اريدهم وهذا خليل راسه يابس ادري بي يحرمني منهم مثل ما حرم هجران من زنوبه..

خلصن دموعي من البچي واني اتذكر الصار وشلون فيصل وگف ويه ابوه ضدي، غمضت عيوني استذكر الموقف، وهذا الصار بالضبط...

-فيصل شعندككك ويه فردوووس؟؟؟

-فيصل: شني شعندي

-احجي فيصلل عرفت كلشي انييي

احچي ومفلحمه واحس عيوني حَ تنط من مكانهه من القهر وكبت مشاعري كل هالايام حتى بَـس انتظر جية اهلي من ايران حتى من تصير الهوسه ؏ الاقل اروحلهم..

-فيصل: جوري حبيبتي شمالچ انتي شنهي حلمانه؟

-والنرگييييله شوداهه يمههه فييييصل!!!!!

صفن بوجهي وحسيت انخطف لونه، حرك راسه نافي وگال...

-شنهي يا نرگيله هاي؟

-نرگيلتك الجابوهه الك من دُبي ومحفور حرف الفااء عليهه

-شوداهه الهه

-لتغشممم روحككك فيييصل اني صارلي فترة شاااكة بيك وكلت والله العظيييم اذا طلع هالشي صح اتركك وتحلممم تشوفني بعدد وهااا اهااا طلع كلشي صحيح ومو مجرد تخيلات مني

-جوريه تعاي نسولف ؏ كيف

-ماااريد اسولفف ؏ كيييف حبيبييي خاف عبالك اني من البنات التسكت ؏ حقهه والله اللعب بيهه طوبببه لحبيبتك فردووووس

صوتي انبح واحس بلاعيمي تجرحن من كثر العياط، وع اثر صوتنه اجو عمه سلمى وخليل..

-سلمى: بسم الله الرحمن الرحيم شنووو شلحگتوو تتعاركوون

-جوري: عمممه خلي يطلللكنييي

-سلمى: خيييير يمممه؟؟؟

گالتهه وتخصرت..

-خليل: شمااالكم ولكمم شنهي شكووو

-جوري: ابنننك يا عمييي يخووني ويه بت خاااله

-سلمى: ميخونچ وراح ازوجهمم عن قريبب

جحظت عيوني مصدومة من كلامهه، كملت...

-سلمى: ايي ايي لتباعيلي هيچ اني احب فردووس واريدهه لفيصل من قبلل وتزوجت طلال وهسة تطلگت وراح اخطبهه من ابوهه

-جوري: وانييييي

-سلمى: اششش ماعليچ شي انتي اسكتي بله صياح راسي صار يوجعني

تخبلت وهجمت ؏ فيصل واضرب ؏ صدره وابچي، احترگت واحس جسمي حصف لدرجة الملابس تچويني...

-خليل: ولللچ شنهييي هاااي تمدين ايددچ ؏ زلمتتتچ

-جوري: هوه ويننننه زلمتييي ويييينه شو لا حس ولا نفسسس عبالك احاچي الحااايط

ماحسيت اله بجرة عمو خليل الي حيل من ايدي، حسيتهه انشنطت من قوه الشد، عاط بوجهي...

-خليل: ايااا تربيه سززز انتييي شني هالسااان

-جوري: عمووو هدني هدنييي

فلتت من ايده واخذت شال ونزلت للصاله، وگفت اعدله ورحت اخذ الجهال واريد اطلع بيهم ارجع لأهلي، بعدني دا اللبس علاوي حذائه وسمعت صوت خليل يرعد...

-خليل: ولللللچ طااايحت الحظظظظظ وييين موليييييه

-جوري: ارجعععع لأهلييي

-خليل: تعاااي استچنييي هين لا وابو فاضللل ادوس راسچ بالغندددره

حچايه مني وحچايه منه صار يفشر عليه وع اهلي ويعّير بأبويه، تخبلت وصرت ادگ ؏ وجهي وابچي..

-جوري: لتحچيييي ؏ اهلييييي لتجيببب اسم ابويييه ؏ لساااانك

-خليل: انطممممممي وللللچ تعاااااي

رجع جرني من ايدي واشوف فيصل واگف ؏ الدرج يباوعلنه وعمه سلمى هم مچتفه وتباوعلي، حسيت بدوخه وغواش صار بعيوني وفجأة انطفت، ماشوف شي بعد وصرت ابچي مثل المخبله وعمي يصيح ويجرجر بيه واني ادفع بأيده وصرت ادفع بصدره واوخره عني..

عيوني ماشوف بيهه بَـس اسمع عياط عمي وصوت جهالي اليبچي، دگات گلبي صارت بطيئه وبعد ماحسيت بشي..

گعدت اني بحظن هجران واتصلت بأمي واجتلي وهسة اني گاعده ببيت اهلي وامي تتوعدلهم وابويه صاير كبريت وبس يتعارك..

تمددت ؏ الچربايه واحس گلبي ينزف هذا الرجال الي چنت اتختل حتى احچي وياه وانذر نذوره حتى يصير من نصيبي، هذا الرجال التحملت ضيم امه وسوالف فردوس الساقطه لخاطره!! تالي يخووني!!

حسيت بموبايلي ينرج، جايني اشعار رساله من رقم غريب مكتوب بيهه...

"عليچ ابو فاضل فكي الحظر خليني احاچيچ"

حظرت الرقم ادري بي هذا فيصل، هذا رابع رقم من البارحة لليوم يدگ ويدزدز رسائل بَـس حتى اجاوبه، والله لو امووت مانطي مجال ولا اتنازل..

طلعت للصاله چانت ندى گاعده تلعب بموبايلهه وامي تعجن..

-جوري: ماماتي اساعدچ

-صباح: لا بنيتي خلصت

هزيتلهه براسي ورجعت للغرفه، مرت تثلاث تيام واني بعيده عن جهالي وكل يوم يمر احس گلبي يتصدأ شوق عليهم وابچي كلما يدگ موبايلي منبه، عندي جدول خاص بعلاوي شوكت يآكُل وشوكت ينام وشوكت يلعب وشوكت اعلمه واحفظه الاحرف..

مسحت دموعي من اندگت باب غرفتي عليه، چانت نداوي مبدله ملابسهه ومبين تريد تروح لمكان..

-ندى: جوريه بدلي راح نروح نتسوگ

-مابيه حيل

-ندى: لعد تظلين وحدچ هناا

-اي ندى روحو ولتتأخرون عود

-ندى: گومي جوريه

-روووحي ندددى

نترت بيهه قوي وهيه سمعت الكلمة وطلعت، رجعت تمددت وافكر شنو اسوي وشلون اتصرف، الرجعني للواقع صوت دگ باب البيت..

گمت ؏ كيفي لبست شالي وظليت بدشداشتي، صحت...

-منووو

-اني

اجالي صوته، صوت الانسان الفنى عمره يتمناني ويريد لمحة مني، بَـس شجابه وليش مانطى خبر ان راح يجي؟؟

فتحت الباب وصرنه وجه بوجه، بَـس شافني توسعت عيونه، صارله فوگ الخمس سنوات مشايفني ولا لامحني...

-غزوان: جوري!

-جوري: هلوو غزوان

-هـلا بيج

-جوري: محتاج شي؟ ترا امي مو بالبيت طالعه

-غزوان: هاا طالعه

-اي

-غزوان: ماشي

هز راسه ودار وجهه يريد يروح ورجع اللتفتلي وگال...

-غزوان: من شوكت جايه انتي؟

-البارحة

-شلونچ

-بخير

-غزوان: شلونه فيصل وياچ؟

-زين

-غزوان: الله يجعلكم

-وانته مرتك شلونهه؟

-زينه

-ماصار عدكم طفل؟

-غزوان: لا والله ادعيلنه

-ان شالله، الله يفرح گلبك غزوان انته تستاهل كل خير

ابتسم وهز راسه، همس...

-حتى انتي

-الله وياك

-اودعناكم

طبگت الباب وراه وصرت ابچي، رجع بيه الزمن لليوم الي هجران گلتلي رح تندمين لان خسرتي غزوان واي هسة اگولهه بلساني اني ندمااانه ان فرطت بهيچ انسان بَـس مادعيله غير بالسعادة ويه عبير والله يرزقه بالطفل الصالح ويفرح گلبه...

للعصر واجاني اتصال من وحده صارلي سنيين ماحاچيه وياهه، صديقتي الاحبهه هوااي هوااي "سُرى السلامي"، جاوبتهه بلهفة...

-سراوي؟؟؟

-سُرى: هلووو جوريه شلونچ

-جوري: اني بخيبر انتي شلونچ لچ شذكرچ بيه؟؟

-سُرى: والله البارحة اني ومرام دنحچي وتذكرنه ايامنه قبل

-اوووف والله ايام شيصير لو ترجع

-سُرى: مترجع بعد كلمن حاير بحياته وصارت عدنه مسؤوليات وبيت وعيال

-جوري: اي والله ولتنسين جهاال

سكتت سُرى ثواني ورجعت گلت...

-جوري: الوو وين رحتي؟؟

-سُرى: وياج وياج

-هاا ايي شخبارج طمنيني

-سُرى: شنو رأيج نلتقي ونحجي فيس تو فيس

-اييي يارييت تعالي لبيتنه

-سُرى: لا يمعوده استحي من خاله صباح

-بالعكس امي كُلش تحبچ ولليوم تذكرچ

-لعد ماشي من اطلع من الدوام امرلچ

-منتظرتچ

گمت بسرعه سبحت ودگيت ؏ هجران سولفت وياهه وصورتلي جهالي وبچيييت لحدما طلعت عيوني، بدلت ملابسي وانتظرت سُرى، شويه واندگت الباب، طرت افتحهه وشفتهه بوجهي مبتسمه..

بوستهه وحضنتهه ودخلتهه للبيت، سلمت عليهه امي بحرارة ونداوي هم، سُرى كلنه نحبهه من قبل كُلش خوش بنيه واهلهه معروفين وخوش ناس..

-سُرى: جوريه شلونج لچ تعاي متغيييره

-جوري: ادري سمنانه ادري

-سُرى: اي والله ههههه

-جوري: دسكتي اليسمعچ يگول عنچ غصن بان

ضحكنه وسولفنه هوااي واتطرقنه لموضوع الزواج وگلتلي تزوجت صارلهه اربع سنوات ولسه ماعدهه جهال وتتمنى يجيهه طفل، الاطباء أيسوهه وگلولهه مستحيل يصير عندچ..

حچي مني ومنهه وكلمن صارت تشكي للثانيه تطرقت لموضوع فيصل وحچيتلهه كلشي وحچيتلهه عن هجران وشلون عاشت ويه بكر وهسه متزوجة عُثمان و و و و و...

-سُرى: يممما الله يساعدچن داده هاي حياتكم مال قصة

-جوري: اي والله

-سُرى: الله يساعدكم والله

دگ موبايلهه ضحكت وگالت...

-سُرى: هاي زازا اختي تتصل

(هلوو هاي شجابني هناا🙈♥️)

-جوري: اووووي زازا فدوووه شگد مشتاقتلهه اكيد هسة كبرانه

-سُرى: هههه اليسمعچ يگول زازا جاهله بَـس ايي اكيد كبرت وصارت مرة

-جوري: الله يحفظهه احبهه اختچ هوااي

-سُرى: هيه هم تحبكم

جاوبت ؏ موبايلهه واسمع صوت زازا تذمر ومعاجبهه وتگول لـ سُرى انتي مو وعدتينه تجين تطلعينه، ضحكت ؏ سوالفهه واسلوبهه، اگدر اسمع بوضوح لان سماعة سُرى عاليه، سدت الاتصال وياهه وگالت..

-سُرى: خبصتنيي تريدني اطلعهه

-جوري: جيبيهه فد يوم ننعرف عليهه اكثر

-سُرى: تفضلو لبيت اهلي وتعرفو عليهه وع امي وخواتي الباقيات

-جوري: ان شالله

ترخصت مني وگالت رجلهه واگفلهه بالباب، ثاني يوم اتصلت بـ هجران وسولفتلهه ؏ سُرى البارحة وكُلش فرحت من عرفت سألت عليهه، خطيه هاي اختي من يومهه تتمنى احد يسأل عليهه ويستفقدهه..

-جوري: انتي شخبارچ ويه الحُب؟

-هجران: منوو عثماان؟؟؟

-لا جدي

-هسة وكتهه جوري شوفي حالچ

-جوري: شوفي هجران اني ما متأيذه بَـس ؏ بُعد جهالي اما فيصل طُززز ميهمني

-تردين تقنعيني متحبي؟

-احبه ليش اچذب بَـس داسني هجران

-انتي مو تگولين ديريد يعتذر منچ!!

-شيفييد هاا شيفييد؟؟؟ والله مارجعله لو يموووت

-وتطلگين وياخذون منچ جهالچ؟؟!!

صفنت افكر بكلامهه، ورجعت گلت...

-جوري: ارجعله بشرط

-هجران: شنو هوه؟

-جوري: اني افتهمت هوه عاف فردوس وحلفلي بالرسائل ان ميتدنالهه ولا يباوعلهه بَـس حتى ارجعله بَـس هذا مو كافي اريد ارجع كرامتي

-وشلون؟

-يجي هوه وخليل وسلمى بنفسهممم ويعتذرون مني ومن اهلي

-هجران: لاااا بله وتتوقعييين تطلع منهم هالسالفه؟؟

-جوري: غصباً ما عليهم همه التجاوزوا واذا فيصل يريدني يسوي المستحيييل

-هجران: واذا ماقبل

-خلص الله ومحمد وعلي وياه واخذ جهالي بالقانون وخلي كلاوات العشاير مال ياخذون جهالي غصب عني تفيد عمو خليل

-جووري منيلچ هالثققه!!!

-لان اني ادري فيصل مراح يگدر يعوفني وراح يجيب اهله ويجي

-اوووف واذا ماااقبللل

-خلص هجران گتلج اذا ماقبل هذا هوه انتهى بالنسبه اليه، هسة عوفچ منه انتي احچيلي شلونهه علاقتچ ويه عُثمان انتقلتو لبيتكم الجديد؟

-اي البارحة وحايرين بالهوسة والتنظيف

-ومريييم؟؟؟؟

-هجران: جبتهه ويايه طبعاااً وغزاله هم اجت ويايه وقررت تظل يمنه فترة

-جوري: زين تسوون وبشريني طلع قبول رهف؟

-هههه اييي مكيفه طلعلهه طب عام جامعه بغداد وخابصتنه اني الدكتوره واني الدكتوره ههههه

-جوري: خطييه همزين والله دعيتلهه ودعيت لأبوهه يستاهلون كل خير

-هجران: اي والله

-جوري: شخبار عُثمان؟

-زين

-جوري: زيين زييين؟؟ لو زوين؟

-ياا شنو زوين وزين عادي يعني طبيعي مابي شي

-وانتي؟

-شبيه؟

-جوري: مصار بيناتكم شسمه؟

-لااا

-اهمداچ

-استحييي جوري استحيييي

-طاح حظچ ماما المستحه متفيييدچ نزعيهه بباب الغرفه وطبيي

-ياااا

-لا يااا ولا مااا سمعي حچايتي وسوي الاگلچ عليه

-هجران: ديلا اسمع (حچتلي سوالف خلتني اصفن، خرب عرضج جوري تريد تحرفني البنيه، سديت الخط وياهه وگمت اشوف هاي شبيهه زينب تبچي...

-هاا ماما شبيچ؟!!

-زينب: ماااا مااااااا

-لچ شكووو غزل هاي شبيهه؟؟

-غزاله: ختولي هجران طالعه عينهه هاي ثالث مصاصه تاكل اليوم

-هجران: عزا بعيني زينب تصيرين حبابه لو اخابر عُثمان عليچ

-زينب بطفوليه: اصلاً اصلاً بابا يهبني

-غزاله: بَـس شگال من توكحين بعد ما يحبچ

-زينب: مااهبكمم كلكم مااهبكممم

هاي حچايتهه المعتاده كلما تضوج تصيح ماهبكم وتگوم تروح بغير مكان، هزيت راسي يأسانه منهه ورحت للمطبخ اسوي عشه..

-غزاله: هجران انه راح انامن نعسانه وعلاوي هم اخذه انيمه

-ليش حُبي والعشه؟

-غزاله: ماريد اكلو انتو بالعافيه

-ماشي تصبحين ؏ خير

-وانتي من اهله

راحت وبقيت اني، گليت نواشف وسمبوسه وهالسوالف ورحت اسوي زلاطه واكيييد عصير الليمون لعثمان ما انسى كل يوم بالليل لاازم يشرب..

كملت كلشي وحضرت الطاوله ورتبت الماعين عليهه وعفت الاكل بالفرن، رحت اشوف زينب چانت غافيه ؏ الچربايه ودموعهه ناشفه ؏ خدودهه يمه بنيتي..

بستهه وشلتهه لغرفتهه، طلعت وبوجهي للحمام سبحت ولبست دشادشه قصيره توصل لنص الفخذ لونهه ماروني، هاي جوري لعبت بعقلي وصرت مستهترة وماعرف وين اريد اوصل..

حطيت مكياج كُلش خفيف وتعطرت ورحت للصاله انتظر جيته، دقائق وسمعت صوت خرخشة مفاتيحه، طبگ الباب وويه كل خطوة يتقدمهه گلبي يدگ قوي ماعرف شبيه..

اجه للصاله وسلم واني رديت السلام كالعادة، ظليت گاعده موگفت استحي يشوفني هيچ شدعي عليج جورري..

-عُثمان: شَنو وين البنوات وعلاوي؟

-نامو

-حتى الصرگعانه؟

-اي بنيتي نامت تبچي

فتح عيونه وتقرب گعد بصفي...

-عُثمان: ليش تبكي يولي؟

-تريد مصاصه واليوم ماكله 3، عُثمان فدوه متسمعلي انته حاچيهه ترا تعبت عنوديه ومتسمع الكلمه

هز راسه بـ "ميخالف" وگام للغرفه، رحت للمطبخ وطلعت الاكل وبين ما اني ماده جسمي ؏ الميز دا احط المواعين وهوه دخل..

-عُثمان: ما جوعان أنَا هجراني

نهضت روحي واللتفتت اباوعله...

-ياا لييش

-مادري معدتي توجعني

-سلامتك زين أُكل بَـس زلاطه شي خفيف

هز راسه وگعد ؏ الكرسي، رحت للثلاجة جبت الصلصه مال الزلاطة هوه يحبهه وحطيتهه فوگ طاسته، طبعاً اني افتر واروح واجي وناسيه لبسي بَـس احسه يباوعلي ومن انتبهله يدير عيونه..

گعدنه نآكُل بهدوء تام، لو تذبون ابره هنا تنسمع، كسرت الهدوء اني من كلت...

-هجران: عُثمان شنو منعزم عيالي ببيتنه؟

-عجل شلون

-زين شوكت؟

-براحتِك

-يعني ماعندك وقت ببالك؟ زين انته شوكت فارغ؟

-الجمعه

-ماشي لعد اتصل ببيبي عطيه وانطيهه خبر خلي العزيمه تطلع منك احلى

رفع عيونه بعدما چان منزلهن ؏ الطاسه وگال وهوه عاگد حاجبه مستغرب...

-خو انتي گوليلهم

-لا لا انته ابنهم وحلو انته تعزم يعني يگولون ابنه يحبنه ومسويلنه قدر وقيمه وبنفسه عزمنه

-ممم ماشي

-تمام هاك هذا عصير سويتلك

انطيته گلاص شربه واخذ سمبوسه وحده اكلهه وگام گال "الحمد لله" يعني شبع..

راح يغسل واني ظليت گاعده الى ان كملت، احس روحي متغيره هوااي يعني قبل مستحيل اسويهه چان بكر من يشبع ويگوم اني اگوم وياه حتى لو ممكمله..

سمعت صوت التلفزيون مبين فتحه، لملمت المطبخ وغسلت المواعين ورحت اگعُد بالصاله بصفه ؏ القنفه..

-هجران: اگولك فدوه متبزع من الاخبار

-عُثمان: ابد

-اووف والله يضوجن

-ههههه هجران لازم نعرف شَنو يصير مايصير بالبلد

-ايي ادري

سكتت وهوه ظل يباوع، ضجت وگمت للغرفه عدلت مكياجي وطوخت حمرتي، گعدت ؏ الچربايه واتصلت بأمي سولفت وياهه شويه وويه ندى مكيفه خطوبتهه ماظل شي عليهه ودتجهز..

انفتحت باب الغرفه ودخل واني سديت الموبايل وظميته بالمجر، اظمه هنا حتى زينب متلعب بي..

راح للحمام وعاف شويه الباب مفتوحة يعني ديفرش اسنانه، صرت احفظ كل حركة يسويهه واعرف كل تفصيله بي بَـس لسه اخجل من عنده واستحي اعامله كـ زوج..

طلع ونشف حلگه وايديه وراح للچربايه، نزع وتمدد وحط ذراعه ؏ عيونه..

رحت بصفه ونمت بطرف السرير ووجهي عليه، همست...

-عُثمان نمت؟

-مممم

-اگولك

رفع ايده عن عيونه وباوعلي بمعنى "شنو؟"..

-هجران: اگولك شصار ويه فيصل؟

-ماصار

-يعني ميرجع جوريه؟

-هوه يريد بَـس اختِك الي ماترضى

-حقهه

-مممم

-هجران: انته ضايج؟

-لا

-لعد ليش احسك گوة تحاچيني

دار وجهه يباوعلي وغمض وحده من عيونه وگال...

-انتي شَنو رأيِك؟

-مادري

-ماتدرين

-اي

-يُبا فكري شوي

نهضت روحي وركزت بوجهه...

-والله مجاي يخطر ؏ بالي يعني اني كلشي ممسويتلك

گعد ؏ حيله ومضيگ عيونه، حرك راسه بطريقه مافهمتهه، اخير شي گال...

-اتمنى اكتلِك

-شهگت: عزاا بعيني لييش

-لان هذا عقلِك ماتفتحينو

-استغفر الله عثمااان احچيي

-روحي ماحكي

جر اللحاف ورجع نام ؏ جهته اليمنه يعني انطاني ظهره، ضجت هذا شبي وياي!! بحركة جريئة مني سندت جسمي ؏ چتفه وهمست...

-احچيلي من شنو ضايج عليك الله

زفر بقوة ولسه منطيني ظهره، رجعت همست...

-اني مو مرتك ولازم تحچيلي المزعلك

-عُثمان: عود خوش

-يااااء

-عُثمان: وجعااا

-عزاااا

-كافي

-ماااا اله تحچي اله تحچي ونبي ازاعلك

-حتى تكمل

-شتكمل؟؟ شو ددور وجهك باوعلي

وخرت عن چتفه وهوه انگلب ؏ صفحته اليسره وصرنه وجه بوجه، تقربت عليه كُلش لدرجة انفاسه السريعه تضرب وجهي...

-شبيك ضايج؟

-تعبت

-من شنو

-كلشي

صفنت بوجهه ولاحظت ملامحه عابسه وواضح عليه زعلان من شي..

-عُثمان: ابوي تعبني

-سوده عليه

-ماعرف شَنو اسوي ويرضى عليه

-عمو شبي ترا الديسوي حرام

جر نفس عميق وعيونه بعيوني، حط ايده ؏ خدي وگرصه خفيف وهمس...

-عذبتيني

-شمسويه اني

-اخخخ غبااء غباااء شايل هم جهالي

-لييش يمممه

-هم صح يله انسي

-شنسى هوه شكو

گز ؏ اسنانه قوي وقبض چف ايده اقوى وظل ساكت، سويت روحي غبيه ادري شنو قصده بَـس الخجل هذا العندي دمرني وحيطيح حظي اذا ابقى هيچ، رجع گال...

-طالعه حلوة

-ادري

-اويلاااه شَنو هالتطورات

-هههههه شسوي بعد داشوف روحي حلوة اليوم

ضحك ضحكة جزع ونام ؏ ظهره ورجع ذراعه ؏ عيونه، ضجت شويه يمكن لان احسه صاير بارد ويايه ومدا يحاول يطور علاقتنه مثل قبل، تقربت عليه ونمت ؏ صدره هاي اول مرة ابادر بهيچي شي..

بقت ايده ؏ عيونه وماهتم، خربب هسة غير يباوعلي يهتملي شبيي هيچ!! بلعت ريگي وجريت نفس ببطأ وحطيت ايدي ؏ وجهه ومشطت لحيته بأصابيعي..

رفعت عيوني اباوعله اگدر اشوفه لان مفتوح تيبل لاب ابد ماطفي لان ماحب الظلمة، حسيت بي يبتسم خفيف ورجع وجهه طبيعي..

فرحت معناتهه عاجبه الموضوع، نهضت روحي وصدري دگ بصدره ووجهي مقابيل وجهه، وهوه بدوره وخر ذراعه عن عيونه وباوعلي..

استمرينه واحد يباوع للثاني وعيونه تدرس تفاصيل وجهي واني احفظ ملامح وجهه الجذابه المعبسه، نهض روحه شويه وتچه چتافه ؏ تاج الچربايه ورفعني عليه صرت بحظنه بالضبط..

گلبي صار يدگ من رفعني اكثر وحاوطت رجليه خصره، حط وحده من ايديه خلف راسي والثانيه اسفل ذقني وقدم وجهه وطبع قُبلة عميييقه رطبه مليانه حُب ولهفة واشتياق، حسيته غاص بداخلي ورفعني لحضنه اكثر..

شال ايديه وخلاني احاوط رگبته، انفاسي انقطعت ابتعد ثواني ورجع، گلبني ؏ صفحتي من السرير وبدأ شغل العشاق، كانت حركته هادئه ممزوجة بمشاكسه لطيفه تثير الطرف الآخر..

نزل يرسم قُبلات ؏ صدري ورگبتي ويحتفظ بآثاره ؏ ممتلكاته الخاصه، يهمس بكلمات غزليه خدرت كل جزء بجسمي، يفرك انفه بأنفي لثواني ويلقط قُبله شرسة لدقائق..

گام عني وظليت اتابعه بعيوني وجسمي راخي، لزم دشاشتي وشددت الضغط عليهه وهمست...

-طفي الضوة اول حبيبي

ماحسيت بروحي من گتله حبيبي ولا اتوقعه انتبه من گلتهه لان مچانت عنده ردت فعل، رجع يقبلني وهمس بأذني...

-خلي

-فدوه طفي

-چؤؤ خليي

گالهه بحدة ممزوجة برغبة شديده، رجعني بحضنه ودفن وجهه برگبتي و......

يتبع🍀...

عُثمان يگول لـ محبوبته صاحبة الشفاه المخملية 💋👇🏻

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

♛ ♛ ♛ ♛ ♛ ♛ ♛ ♛ ♛ ♛
شلونكم شباب 😄
القفله كُلش داريتكم بيهه 🙈

ردت انبه ؏ شي الي يراسلني بـ خاص الواتباد حبايب ماشوف الرساله لان انسى😂 فَـہ اذا تحبون تطلبون مني شي راسلوني ؏ الانستا 🤍.