رواية شكلين مابحكي الفصل الحادي عشر 11 - بقلم ورود الخالدي

#شكلين_مابحكي

البارت10والاخير

#ورودالخالدي

فرح::

ثاني يوم اسمع ابويه اتصل بأبو احمد...وبلغة..بالموافقة كلبي يرفرف من الفرح الى ان خلصت المكالمة وسمعت ابويه يكول لامي::

حضرن الابنية وجهزنها الاثنين تجي المشية؟؟

وليش نحضرها غيرهيه مشيه زلم؟؟

ام ثامر..ابو الولد يكول مستعجلين هيه مشيه وهي..عقد سيد؟؟

هااافهمت..ربي يتمم بخير..

دخلت الغرفة امي احس..كلبي مليان..مليان سعادة واحسب على اصابعي..فعلا يوم الاثنين هو اليوم..العاشر.فدوة حبيبي حاسبها مضبوط..ركضت لايناس كلتلها تدرين ما عندي اخوات وامي مريضة فانتي مثل اختي الاثنين العقد فدوة روحي ويايه للصالون..كالت ادللي..واجه يوم الاثنين..بعد مجنت احسبلة ساعة ساعة..
رحنا للصالون..ام الصالون اختارتلي بدله..ماروني تركيه بس روعة ولو هي ضهرها كوله مفتوح والصدرهم هوايه مكشوف منه لان بدون تعاليك..لبستها..مصدكت نفسي تخبل علية البدله .شعري.سوتلة تسريحة نازكة...وحفتلي..حواجبي تصميم ايراني ومكياج....حيل حلو..حتى ام الصالون كل شويه..تكول صلوات..صلوات ايه من..الجمال احلة عروس..دخلت لصالوني..عيني بخرنها..واقرن معوذات لتنحسد البنيه حلوة وعليها.العين..

طلعنا من الصالون بعد مالبست عبايه فوك البدله لان احمد كل شويه يخابر..ويكول طلعي من الصالون بالعبايه خبصني خبص..وصلت للبيت لكيت المشية جايه والسيد دينتظر ارجع من الصالون حتى يعقد..بسرعة تم العقد..اخ اخيرا..صار..احمد...الي..وره شويه راحو الزلم..ونسوان اخوته يركصن فرحانات ويصيحن اخونه خوش اخو يستاهل الهوسه..ودبج..واغاني اني مدنكة..بس كلبي..يرفرف..كالو راح يجي الولد يشوفها..كلبي يدوك...يدوك..يدوك..دخل احمد اويلي لابس..قاط....حني...بس طالع كشخة..وهو..طويل وشخصيه..قبل  ميكعد بصفي..بدن يصيحن البنات..حبها............. ولك حبها لتخاف..من امها..خطيه هو ما عندة اخوات..مثلي ..بس نسوان اخوته يهوسن..دنك باسني بخدي..وهمس باذني:

اليوم اهلج احركهم فرح؟؟

يا...هذا شبي؟؟

انطته خالته علبة ذهب..ويلبسني..وهم شاورني:

لج..شنو هذا صدرج نصه طالع..

حجيت على كيفي؟؟
اي غير..بدله عقد؟؟
خرررب..مو اني ابويه احترك؟؟
شبيك..حبي..

ولج..موتيني شطالعة..صعدتي حماوتي فول..راح اموت؟؟

يااااا..اسكت..ليسمعونه..؟؟

شأسكت..ولج..راح..اتزوج..على..روحي؟؟

يااااا....اسكت..اسكت لتضحكني..فضحتنا..هسه يكولون شبيها..العروس..تتمضحك؟؟

لج...بس تخلص الحفلة اجيج..للسطح تصعديلي بهاي البدله؟؟

يااااا..صدوك..تحجي؟؟

اي..تصعديلي لا اكلب الدنيا؟؟

ماشي..ماشي بس اسكت فضحتنا؟؟..مخبل؟؟

لبسني كل الذهب..

بقة كاعد يمي ربع..ساعة وطلع بس خطية كاعد ووجهه انكلب احمر..وكصته تصب عرك..وكل شويه ياخذ..كلينكس..يمسح كصته..

طلع..وكملن البنات الحفلة..وراحو..كولهم بقيت كاعدة اني وامي..امي خطيه تبجي..ممصدكة..بعدين كلتلي كومي..بدلي ونامي يوم؟؟

كتلها..يوم اول مرة البس بدلة خليني شويه فرحانه بيها..اجه ابويه دخل..طلعت كعدت بالصالة همزين..نسوان اخوتي بغرفهن..وابويه وامي طفوالضوة..ساعه عشرة ونص خابرني؟؟

هاااا..اجي..

لا....لا موهسه؟؟

خو..منزعتي  البدلة..

لاوالله بعدني لابستها؟؟

شوكت اجي لعد

فد نص ساعة..

اووف شيصبرني..

ههههه..يالله..روح هسه نص ساعة وتعال بس فدوة مو..تخوفني

ههههه...اني اخوفج..لايابوي!!

احمد::

مصدكت خلصت..النص.ساعة طرت بالسيارة ..صعدت..للصطح..وشفتها واكفة تنتظرني تشع بالبدلة جوه..الضوه..ادنيت يمها..ممصدك..اول مشافتني..كالت:

احمد فدوة...فدوة حبيبي لتخوفني؟؟

ههههه كولشي محجيت جني مسمعتها..جيتت كبل علي شفايفها..اخ..كلبي مجمر..روحي..... مجمرة عليها..وهاي اللحظة المنتظرها..بقيت ابوس..بيها.وامصمص بشفايفها..حتى عضيتها..اكثر..من مرة..هي..ترجف..ترجف..ترجف..خطيه صارت هالكدتوتها..جوه..اديه وكل شويه..تكولي..فدوة..فدوة..على كيفك..فدوة..دتوجعني....بس...ولاجني اسمع..شبعتها بوسات وعضات...على..شفايفها وعلى ركبتها..ومقدمه صدرها...موبيدي احبها..وصارت الي صح..كسرت خاطري..من تكولي على كيفك ويايه..ربع ساعة واكثر..ابوس ومشبعت.بعدين..مديت ايدي جوه.صدر البدله كرصتهافزت..وطفرت خطيه راسها انصدم..بالباب..مال البيتونه.....بجت..شفت دموعها..ردت احضنها..اسكتها..كالت..

فدوة بروح امك..كافي؟؟

ولج..لتحلفيني بامي..بطلت..والله ما اسوي شي بعد..بس تعالي بحضني؟؟

لا...لا..ما اجي..روح..روح لاهلك؟؟

اروح..لاهلي..ههههه..شبيج.كتلج.هاي هيه والله ما اسوي شي..بس تعالي بحضني؟؟

لا..انت متستحي تمد ايدك على صدري..وتكرصني..روح..روح.لاهلك..بعد مااريدك؟؟

هههههه..شنو مترديني هو..لعب..لج..انتي زعطوطة؟؟

لا..بس انته تخوفني؟؟

لج..شنو اخوفج..انتي..مرتي..صرتي..الي كولج..الي..صارلي شكد اتحلم بصدرج..الحلو...من شفته اول يوم ناكع بالمي..ولاطش عليه البدي؟؟

لك احترم نفسك..شو انت مستهتر..

موعيب تكولين لرجلج.لك..اني زعلت؟؟

مو...مو..انته..خوفتني..فدوة بعد لتكرصني..ولتبوس بيه..كافي..

ادنيت خليتها..بحضني..بوست شعرها..والله متوقعت...جبانه هالكد وكولشي متعرفين..اليسمع لسانج...يكول هاي شجاعة ومتخاف..يالله..سكتي..حبيبتي..

فدوه احمد بعد لتسوي هيج؟؟

لج..انتي مرتي؟؟

اعرف ..بس فدوة خليها وره العرس البوسات..بروح..امك؟؟

اوووف دومج...شالعة كلبي..شيصبرني للخميس الجاي..

اصبر..فدوة..اصبر..مو..تكول احبج..اصبر على مودي؟؟

امري لله؟؟
باستني بخدي
اي..فدوة هيج.كولي..
يالله ..... نزلي..بدلي ونامي..
نزلت واني رجعت للبيت...شكد فرحان وشد طيبة بوساتها..اوف..شيجيب الخميس.افكر..من البوسات راحت روحها..هاي شلون ادبرها بليلة العرس..خاف..تموت بديه..

ورة يومين رحنا عقدنا محكمة..خلصنا من عقد المحكة دزينا فلوس تجهيزات..واني هم بدلت غرفتي بغرفه حديثة ورتبتها...وخليت صورة..امي فوك الباب..لان هيه بغرفتي من زمان..

وصار..العرس..اخ..شطالعة فرح..كيكه...ياكيكة اصلا..حتى احلى من اي..شي..اكدر اوصفه بيها..كاعدين بسيارة الزفة لزمت ايدها..لكيتها..مثلجة..وهي..ترجف.وتقره..آيات الطريق..كوله؟؟

حبيتي..شبيها ايدج...مثلجة..هالكد خايفة من العرس..وج..اني حبيبج..حمادة الحنين هالكد خايفة مني...افه..والله..

مديت ايدي لفيتها على خصرها..

يعني منين خايفه..من النومة..اليوم وباجر..وعكبه هي وراج...وراج..شغلة ولازم تخلص؟؟

حمادة..اسكت..اسكت..لخاطر الله؟؟

هههههههه...رفعت..البركع شويه...ردت ابوس خدها؟؟

حمادة....فدوة...موهسه؟؟

هههه شنو موهسه..لج هاي زفتنا..عقد علينا الشيخ...وعقد القاضي..وصرتي مرتي..رسمي وشرعي..بعد شلون تصدكين....قابل اجيب الخماهو..كاهن معبد آمون يعقدلنه حتى تصدكين؟؟

ضحكت..واختنكت وكحت..

اي ضحكي...يمعودة..موخلصتي كلبي؟؟

حمادة مو...تخوفني؟؟

والله ما اخوفج..بس..انتي هم..حني عليه..لتصيرين بخيلة فدوة لعيونج الحلوة

ردت ابوسها انطتني خدها..بستها..

اي هذا الحجي الزين؟؟

ضحكت..وصلنا...لغرفتنا..اول مدخلنا وسدينا..الباب..صارت صورة امي كدامي..باوعتلها..واني لازم فرح بيدي؟؟

يمه..مو..كلتي ازوجك..احلى بنيه بالدنيا..يمه..فرحي..يمه شوفيها..اخذت احلى..بنيه ..يمه موكلتي..كون...اشوفك.. اشوفك..عريس..يمه شوفيني صرت عريس..يمه فرحان حيل..افرحي..ويايه..

احجي..واتذكر..امي...اتذكر.. حجاياتها..جانت كل امنيتها...تشوفني عريس..وفرحان بس ملحكت؟؟ماادري دمعتي تجري..الى ان..سمعت فرح..تكولي؟؟

هاي شبيك..حبيبي كافي لتبجي...امك تنقهر من تشوفك تبجي..صدوك جذب..

فروحة.حيل فرحان اريدها تفرح ويايه..

صدكني هيه هسه فرحانه اكثر..منك؟؟

مسحت..دمعتي وخلت راسي على صدرها؟؟
ارتاحيت حضنتها..وضليت ابوس..بيها علي كيفي

فرح..احبج؟

واني اكثر..احبك..بعد عمري..

وصارت..الي..احلى ليلة بحياتي..شلون مواحله ليلة..واني ماخذ احلى بنيه بهالدنيا..وما اخذتها..بس لان حلوة...ولان مؤدبه وبنت اوادم واصيله..وخلتني افكر..بالمستحيل حتى تصير..الي..وفعلا..عشنا احلى ايام..صح وكحة..بس هي..الضحكة بحياتي..هي..الروح الي يمها انسى كل الدنيا..وبس عيونها..تضوي حياتي..

انتهت..

احبتي..تخبركم روايتي..ان الحب شيء رائع وجميل..اذا كان حبا حقيقيا نابعا..من اصرار..على مواصلة الحياة مع من نحب..وليست رغبه موقته تنتهي بانتهاء وقتها..ولاحظنا كم بذل بطلنا من الجهد ليصل الى محبوبته التي سحرته بجمالها..واخلاقها..والتزامها..بالصح وابتعادها..عن الابتذال...لهذا انصح كل فتاة ان تكون...عفيفة في  بيت اهلها...لتكون عزيزة في بيت زوجها

اتمنى ان تكون روايتي قد راقت..لكم واستفدتم...منها..شكرا..لكل من يكتب لي كلمة جميلة//احبكم...ورود الخالدي♥♥♥♥♥♥♥♥♥