رواية شكلين مابحكي الفصل العاشر 10 - بقلم ورود الخالدي

#شكلين_مابحكي

البارت9

#ورودالخالدي
احمد:::

بس وصلها الموبايل خابرتني طايرة من الفرح..تكولي علي هذا الموبايل..غالي..واني اكولها الغالي يرخصلج حياتي..ودزتلي رقمها ع الفايبر.وحساب ماسنجر يومين من الاتصالات اني وياها..كامت تأمن بيه وتثق..خليتها تتعلق بيه كولش لان..اعرف شلون اتعامل ويه هيج نماذج..كمت اطلب منها صور..دزتلي..كم صورة بدون حجاب بس متفيدني اريد مستمسك اكثر عليها اني ممخلي صورتي ع الماسنجر..والفايبر مخلي صورة ورد..ومن كالت اريد اشوف صورتك..كتلها اهوو ما احب اخذ صور..هسه شتسوين بصورتي بس يكمل المحل نتلاكة هناك..كالت ماشي..كتلها :

نهلة حياتي اريدصور حلوات اسهر عليهن بالليل ترة محروم..وكلبي نار؟؟

ههههه..يعني تريد صور..قويه؟؟

اي حياتي صور..تموت

جان..الحقيرة ادزلي كومة صور عريانه..لو بطرك الستيان واللباس..افكر هاي شكد ساقطة..والله حرامات عايشه ابيت هالناس..الشرفاء..بعدين كتلها..

كملي جميلج ودزيلي مقطع فيديو

جان ادزلي 3مقاطع فديو..مصلخة ياربي كما خلقتني ..نايمة ع الجرباية وتسوي حركات استغفر الله ماكملت الفديو..كلت مهما يكون هاي مرت اخوها الفرح ميصير اركز بالفيدوات..شفت شويه من اول فيدوا وطفيتهن بس حفظتهن عندي..اخيرا صارعندي مستمسك قوي عليها..ارتاحيت..بقت اخر خطوة لازم..اخليها..تدفع ثمن كل الي تسويه ..فتحت..الصندقجة مال الذهب مالت امي وطلعت منها زنجيل...واثنين ملاوي وصورت الهن مقطع فيديو..ودزيته الها:

كالت..هاي شنو::

اشتريتهن الج حياتي؟؟

ياااصدوك تحجي؟؟

اووف حيل تعلقت بيج نهلة لو تردين..عيوني هم اشلعهن الج

عيونك سالمة يروحي..

نهلة حياتي ترة سالفة المحل..طويلة وبعدهم العمال يشتغلون..نهلة راح اموت اريد اشوفج..

هاااا بس شلون تشوفني وين نتلاكة

سهلة نهلة انتظرج ........ انتظرج بسيارتي..نهاية السوك..اني لابس..غترة ودشداشه رصاصي..بس..انتي لبسي بوشيه حتى محد يعرفج واني هم راح اتلثم بس نطلع من المنطقة::

ياااا ليش البس بوشيه وانت..ليش تتلثم؟؟

هاي شبيج..غير احبج..واخاف على سمعتج..انتي متزوجة..واخاف عليج حياتي..واني هم اتلثم لان اهل السوك جماعتي..ويعرفوني:

اي قابل ميعرفون سيارتك؟؟

وج شبيج انتي راح اخذ سيارة من ولد صديقي واجي بيها شبيج كبرتي السالفة اريد انطيج الذهب..واريد اخذلي بوسه مصة..رصة..

ههههه ماشي..بس شوكت نتلاكة؟؟

اليوم المغرب..

ماشي..اني راح البس بوشي واجي..
انتظرج..

لبست دشداشة ورحت..تلثمت وكعدت بالسيارة..انتظرت خمس دقايق جتي صعدت حركت بسرعة..وطلعت من المنطقة اخذتها لمكان معزول..كتلها..يلله نزعي البوشية جان تنزعها..نزعت الغترة تفاجأت؟؟

اني...اني...اني وين..وين..شايفتك..

ههه شايفتني نهلة..شايفتني ياساقطة..

هاااا تذكرت مو انتةلخطبت فرح..شفتك من ورة البردة..

اي اني الخطبتها..

وشتريد مني..

شريد منج..اريد اخلص وياج القضة والمضة..ولج اني تكولين على عمتي ناهبة..انتي الساقطة ام الزلم..تشوهين سمعتي..عمت عيني اذا ما اخليج علج بحلك اليسوة والميسوة..رادت تفتح باب السياره مكدرت لان فقلتها؟؟

مروتك..خليني اروح؟؟

ههههه تروحين..اليوم اصلخج..تصلخ..وادزج لرجلج واكله جبت ..مرتك الشريفة من بيت موزين..شعبالج اسكتلج؟؟

كامت تبجي..شالت رجلي تبوس بحذائي؟؟

مروتك لتسوي هيج بيه هذا يذبحني..لو يطلكني وياخذ جهالي..

هااا.ومن تسوين سوالف مكسرة ما فكرتي بجهالج وابو بيتج؟؟

خويه..فدوة استر..عليه..ورجعت جوة الكشن تبوس بحذائي؟؟

استر عليج مو..وانتي تشهرين بيه وتردين تخربين خطبتي؟؟

خويه..شتريد اني اسوي..بس كول؟؟

شوفي اني ابن اصل..مو من ذوله الماعدهم ........
ضمير..

اي خويه والنعم منك؟؟

شوفي مثل ماكلبتي راس ثامر واثرتي عليه وخليتي يبطل اريدة يرجع يوافق..واريد يدزولنا خبر..موافقين..ع الخطبة خلال يومين..يومين بس..واذا ما اجنتا..الموافقة..والله العظيم كل الصور العندي والمحادثات ومقاطع الفديو..ادزهن لرجلج لو انشرهن ع النت..وتدرين بالنت شلون فضيحة..

اي خويه...يجرالك..والله..فرح الك..والله راح اغير كولشي..واندز موافقة مروتك بس لا ادز شي لعيالي لو لرجلي والله بيدي..ازفلك..فرح..بس استر عليه؟؟

ماشي..انتظر تليفون..بعد..يومين من الحجي..

ماشي يجرالك؟؟

يالله نزلي..ولي منا..

فرح::

كاعدة واتصفن جان..تجي نهلة من برة وجهها اصفر دخلت لغرفتها..ثاني يوم..الصبح..دنتريك..جان اسمع ثامر يكل لابوية:

بوية ترة احنا ضلمنا الناس!

ياناس..بويه؟؟

بويه ذولة الخطبو فرح؟؟
شبيهم؟؟

بويه هاي ام نهلة العوبه ناطيةالاسم بالغلط وسائلة على غير ناس وبغير منطقة..والبارحة رايحة مرة..لخ..طلعو مو همه..والناس الخطبوها خوش اوادم..وماعدهم مرة ناهبه واصلا هذا الخطب فرح حتى اخوات ماعندة وامه ميته..بويه ويكلك بيتهم قصر..ومحد عايش بيه بس مرت اخوهم وبس يتزوج الولد يطلعون بيت اخو.والبيت كولة يصير..لفرح ولرجلها اذا الله تمم..بس..يكلك طاكين حيل والولد خوش ولد حتى تدخين ميدخن صوم وصلاة واخلاق..

اي بويه الحمد لله بعدنا عليها..احنا بعدنا مادازيلهم خبر..من عين باجر..اخابرهم..واكلهم موافقين والبنيه الكم..والله يتمم بخير..

اي بويه تره ذوله الناس..ميتعوضون؟؟

الحمد لله الله رزق بنيتي بهيج نصيب..

اي بويه الحمد لله

اني سمعتهم..همزين ما وكعت من الفرحة..دخلت غرفة امي..اريد اوكف دموعي من الفرح ما..اكدر منتظرة يجي الليل..واخابر احمد وابشرة اريدة يفرح..وياية..وافكر..هذا احمد.شنو من......... من احمد اصلا ماكو منه بالدنيا اكيد هو ورة الموضوع اكيد سوة شي وخله نهلة تأثر على..ثامر ويغير رايه..يمه حبيبي ماكو منه ابد..اصلا كل كلمة يكولها ينفذها حجايته صدوك متصير..اثنين يووووومه فديت العكيد الشكلين ما بيحكي....الف الحمد لله الشكر..الله..جبر بخاطري ورزقني..بهيج انسان..لو ادور الدنياكلها ما الكه بشخصيته واخلاقة..وعقلة..اوووف حتى شكله يدوخ ستايل وجسم..وكولشي بحبيبي حلو..منتظرة بس يصير الليل حتى اخابرة صارت ساعة 10وربع شفتهاصارت صنطة وكولهم نامو اخذت موبايلي وصعدت للبيتونه اتصلت..انطاني رفض..واتصل:

الووو

الووو..حبي..روحي..كلبي
شلونك حبيبي حمادة

بنص الخير يبعد عمري مادام اسمع صوتج..

حمادة راح اطير من..الفرح

هاااوصلتج الاخبار...ابوج وافق؟؟؟

يااااا....هاي شمدريك؟؟

ههههه..لج غير كله من تخطيطي..مو..كتلج انتي الي..ولتخافين وحجايتي متصير.اثنين...

يووووووومة..فديت العكيد ابوشهاب..

لج..شخبصتينا بالعكيد خاف مخيلة عليه

ههههه واذا مخيلة عليه شتسوي؟؟
ولج ليش تخليني اروحله لسوريا..من الصبح...

هههههه..مخبل..والله..شبيك..غيار..هو اني يحلا..بعيوني غيرك....عمت عيني..اذا افكر..مجرد...تفكير..باي بشر غيرك..بس كولما..تكولي..حجايتي متصير..اثنين اتذكر..ابو..اشهاب من يخنزر..ويكول..شكلين..مابحكي..ههههه...تصور حتى اسمك غيرته بالموبايل قبل شويه سميتك ..العكيد..ابوشهاب؟؟؟

هههههه..لعد شنو جنتي مسميتني قبل..

هههه...مسميتك..حنان ام السطوح

خررررب عقلج..مسميتني باسم بنية

اي مو اخاف احد يلكف الموبايل..ويشوف رقمك..

ههههه....ذكية ام لسان..بس شمعنه حنان ام السطوح؟؟

هاااا...اني اكولك...سميتك..حنان ..لان انت حيل حنين..من تمسح دموعي..

هااازين....وام السطوح؟؟

لان كاتل نفسك ع السطح ........ بس تريد..تصعد واول متعرفت عليك هي ع السطح..

اوووف احلى يوم بحياتي من شفت عيونج..

ههههه.وشمرت عليك الخشب..اكول انت شمسميني ع الموبايل

مسميج..(عيونها..كل..دنيتي)

فديتك..ينور عيوني انتة...اكولك شسويت شلون خليت..نهله تسوي هيج احجيلي؟؟

لا ما احجيلج..

ليش؟؟

الابشرط

اي وشنو الشرط؟؟

اجيج..هسه للسطح..وتنطيني بوسه؟؟

ياااا....مستحيل طبعا؟؟

ليش..مستحيل حبيبتي..ليش تعزين عليه بوسه يعني اني كاتل روحي اخطط..والضيم حالي وانتي بوسه متقبلين تنطيني!!

حبيبي والله ماعازة عليك ...بس..حرام..حرام..حرام..شكم مرة كتلك حرام يااحمد يعني انت ليش متفهمني؟؟

اوووف ادري والله ادري..بس الله يعذرني..يعرف شكو..بكلبي..ويعرف احبج..ورايدج بالحلال..

لعد اذا تعرف هالشكل ليش..تلح..انتظر..اصير حلالك...وبوس للصبح♥♥♥

اخ..ما اكدرلج..ام لسان..بس احبج..موبيدي..

ههههه واني هم اموت عليك...حبيب..كلبي

لعد غمضي عيونج..

هااا..هم اغمض؟؟

اي..شاسوي..بوسه من جذب..هم تفيدني شويه..

ههههههه غمضت؟؟

اممممممممممممواح...امممممممواح..اممممممممواح

هاااشو..صارن 3؟؟

مو ذني 3انواع!

يااااشنو 3انواع؟؟

يعني..بوسه..ومصه وعضة!!

اووي..شكد متستحي..لك..شنو هالحجي..شكد مستهتر..

ههههههه هااا..استحيتي؟؟

دروح يالله خلي انزل؟؟

ها..شو..طردتيني..

مطردتك..بعد عمري..بس..لازم انزل تأخرت فوك..

تصبحين على حب..

وانت من اهل الحب..حبيبي

انتظروا بارت10♡♡♡♡