رواية شكلين مابحكي الفصل السابع 7 - بقلم ورود الخالدي

#شكلين_مابحكي

البارت6

#ورودالخالدي

احمد::

ثاني يوم رحت اسأل عليه بسبع البور دلوني عليه..جماعة..كالو هذا واحد مهتلف عطال بطال كاضيها بالكهوة حتى فلوس استكان الجاي..لو يدفعهن لو ميدفعهن العصر رحت للكهوة اليكعد بيها واحد من الشباب اشرلي..عليه :
ذاك هو كاعد ع القنفة..وحده..

باوعت..شفته ههههه..هو هذا..ابن عمها الخايفة منه..يمكن بوكس..واحد مني اكومه بالكاع..لا وشكد وصخ..لابسلة سروال عليه طن كركاف..وقذارة..وشعره يمكن صار سنه ملايحة المي..والحيه تخزي..مخلي..جكارته بحلكة ويتصفن..ماجنه بشر..حشه خلقة رب العالمين جنه جلب اجرب...بس المثل يكول اذا حاجتك يم جلب..سمي..حجي جليب..رحت يمه مديت ايدي

شلونه ابو الشباب هو كام مد ايده ..

هلا..هلا..بالطيب؟؟

كعد بصفه ..طبعا اني مسدسي بحزامي..لان اتوقعته غير شكل بس من شفته..ضحكت بداخلي:

اكيد انت متعرفني؟؟

لازغرا..بيك..بعد اخوك..بس صدوك مااعرفك؟؟

مو..مهم..نتعارف..اني اخوك احمد ..جايك بشغلة تفيدك؟؟

هااا..يا..الله..كول ؟؟

لا مو الشغلة متنحجي بالكهوه؟؟

اهووووفهمت..انت من الامن دازيك عليه عمي ماصارلي شهر..من طلعت من السجن شتردون مني..بعد

ههههه..على كيفك..شبيك..تفكيرك...صفح..لا امن ولابطيخ..اني جايك بشغلة بيها فلوس؟؟

اكيد؟؟
اكيد..

واذا خايف مني..انت اختار اي مكان نسولف بيه؟؟

يالله تعال لبيتي قريب ع الكهوة؟؟

فكرت صح غلط اروح وياه للبيت..لان مبين جنه عربنجي..واخاف يتجاوز..بالحجي واني بسرعة دمي يفور..واسحب مسدس واكومه..بس..كلت خلي..اتوكل اروح وياه حتى يأمن..واذا توازيت..اصلخة بوكس..لو اخلي طلقة برجلة واكسحه..المهم رحت وياه للبيت..من شفت بيته الصراحة انكسر خاطري..خطية كاعدله بغرفه وهول زغير..الحيوان ميعيش بيهن وشفت..دفاتر..ولعابه مال طفلة..

واضح مرته واطفاله مموجودين من زمان لان البيت حيل وصخ..والملابس مشمرة والمواعين تارسه المطبخ الزغير..اووف حيل انقهرت..رغم هو..ضدي...بس فكرت الله ع الفقير..صدك العوز يفشل..خطية شلون عايشين جهالة بهالبيت..اليخنك..خنك..

كعدنا..اول مابدا يحجي:

كول..بعد اخوك..ولو اني شاك بامرك..مبين نظيف ومو حرامي..بس كلي يجوز..عندك شغلة مضبوطة؟؟

اي صح شغلة مضبوطة؟؟

اويلي..لوز..يعني بوكه جبيرة بيها خبزة..ترة اذا..بوكة زغيرة..ما اسويها.قبل..شهر جنت محبوس على بوكه بخمسين الف..دمرتني دمار..حته المرة زعلانه عد اهلها..وكلبي طك ع الجهال؟؟

شنو..بوكة اذكر..الله عباس..يمعود متبطل من البوك والحرام..دشوف الحرام وين وصلك...لامرتك..ولا جهالك..وكاعد تتصفصف..

اوووف وين اروح متكولي..عبالك مكيف ع الحرام...لا ..بس الله يدري..بس ماكو..كدامي غير الحرام؟؟

كول يالله عدك جهال شلون توكلهم حرام..

عمي هو وين الحلال اشتغلت عمالة والخلفة يدك على اذاني من الصبح للعصر..وهم ماكو شغل والعمال مسطرين..اشتغلت حمال بالعلوة هم كل شويه طارديني..كل سايق وياه حماميلة..خليت بسطيه جكاير..كل شويه البلدية مهجولتني..وين اروح متكولي؟؟

واليساعدك بشغلة حلال..

الله وايدك بس وينها

اشتري ستوته واشتغل عليها لوغلفها وشيل بيها نفرات..ترة شغله مرتبه وحلال؟؟

هههه اقل ستوته نظيفة بمليون ونص..لو عندي مليون ونص..جان...ماكابلت الكهوة؟؟

سهلة اني انطيك..تشتري ستوته وارتبها الك..واشتغل حلال ورجع مرتك..واطفالك..

تنطيني فلوس..شنو..انت ملك الله دازك يمعود لتضحك عليه..شراح تستفيد من اني يتعدل حالي..

عباس اني ماراح اضم عليك راح اسولفلك السالفة كلها..اني صارلي سنتين اخطب وتخرب قسمتي..لو متعجبني البنيه امي ميته وخالتي يوميه ادورلي على مرة..اجتنني

قبل..فترة كالت لكيتلك زينه البنات ادب واخلاق..وشرف واهلها الناس تحلف بشرفهم كيفت كلت الحمد لله..

اي وشعلاقتي اني؟؟

تجيك..السالفه راحت خالتي..تسولف ويه النسوان..كالولها ابن عمها ناهي عليها؟؟

هااا...افتهمت..جاي على بت..عمي عبد الرحمن مو..وانت شكو مجلب بيها وتدفع فلوس وخابص روحك..شنو عندك علاقة بيها؟؟

شفته تعصب؟؟..كتله:

كتله عمي ياعلاقة اصلا مشايفها..بس خالتي اكلت راسي خوش بنيه وخوش ناس وحرام تضيع من ايدك..سألت عليك..واندليتك..عباس..ساعدني واساعدك..انت تتحسن امورك..واني تمشي شغلتي؟؟

متقنعني..ماكو..واحد يسوي هيج ع مود بنيه ميعرفها اكيد اكون انه

عمي لا انه..ولاكانه..عرفت البنيه شريفه ومتطلع من باب البيت واني ادور على هيج مره اصل وشرف...

بس بنات الناس هوايه وتكدر تلكه وحده غيرها؟؟

يمعود صح..هواي..بس وين الكة وحده مشايفه الشارع..شكد خطبت كل وحده اخطبها تلعب نفسي منها..بنات هالوكت لازمات للموبايلات..وكل وحده صافطتلها..اربع شباب خمسه..

اي..عادي شكو بيها..بس سويهن 3ملايين؟؟

ضحكت بكلبي صارلة ساعه يحقق وياي..حتى يزود الفلوس هذا غير..ناقص..كتله؟؟

على بختك..عباس اذا انطيتك..3ملايين بعد بيش اخطب..راح انطيك..مليون ونص ومثل مكتلك..اشتري ستوته اشتغل بيها ورزقك على الله؟؟

لا..سويهن مليونين؟؟

ماشي يجرالك..بس..شلون توصل اللهم انت راضي..
معليك..من عين باجر اروح لبيت عمي..واكلهم اني ما راح اوكف بقسمه البنيه..تريد تتزوج بكيفكم زوجوها؟؟

لا..مو هيج..الحجي..لان اني بعدني ممشي عليهم..خابرهم..كلهم..اني الله..رزقني..وهداني...وما اريد اوكف قسمتها..اذا تقدملها واحد انطوها..

ماشي..بس شوكت الفلوس..

باجر ادز خالتي الصبح..واشوف الاخبار..اذا نفذت اتفاقنا..اجيبلك الفلوس..العصر

ماشي..اليوم.......
بالليل..اخابرهم بالليل..بس..ماعندي رصيد..

طلعت 25من جيبي وانطيته :

اشتري رصيد وخابرهم الليلة
شوهذا ممصدك لكف..25من ايدي لكف..
طلعت من يمه مرتاح..اووف خلصت الشدة

مليونين يطبهن مرض..فرح لوتريد عيوني اشلعهن..بس تصير الي.

كاعد بغرفتي بالليل ساعة 11بالليل شفت رقمها دك..مصدكت..شلته

الووو..هاااكلبي

الووشلونك..احمد..
بخير..انتي شلونج..يبعد روحي..

احمد ما اعرف شكولك؟؟

هاا..ولج.شصار..

ما اعرف شكولك..حمادة..والله كلبي حيوكف من الفرح..

كولي فرحيني وياج؟؟

دنتعشه دك موبايل ابويه اتصل عليه ابن عمي..يكوله..الله هداني..وبعد معليه بفرح..اذا تقدملها واحد زوجوها..بعد ما اوكف بقسمتها..

ههههه ادري؟؟

تدري..شلون؟؟

لان اني اتفقت وي عباس يتصل بابوج؟؟

هاااا..اي مو اكول لازم السالفة موخالية..بس شلون شلون سويت هيج؟؟

مسامعة المثل يكول الفلوس..تجيب العروس؟؟

هااايعني شنو نطيته فلوس؟؟

اي..باجر..العصر..انطي مليونين؟؟

يااااعزة..هذا شكد حقير؟؟

لا خطيه كسر خاطري..والله عايش عيشه الحيوان..صارلة شهر..مشايف جهاله..

كسر خاطرك..فديتك.شكد كلبك..نظيف؟؟

بس..والله ميستاهل ياخذ منك مليونين؟؟

يا..مليونين ياعشره..هسه لو كايلي خمسين مليون هم انطيه..فرح..عيوني اشلعهن بس تصيرين الي..

اروح فدوة لعيونك بعد عيوني انت؟؟

اخ..ام لسان...هم عدها حجايات حلوة

لو تدري شكت جنت خايفة من ابن عمي والله؟؟

هههه..شلون ابن عم..لج..راشدي واحد اكومه بالكاع بس ماردت مشاكل..وكسر..خاطري..وضعه صعب..بعدين اني كتلج..وواعدتج..انتي..الي..الي..فرح وكلمتي..متصير..اثنين؟؟

هلا..والله..حي..الله..لعيونك..ياعكيد هالرقبه سداده؟؟

ههههههه خرب يومج..شدتحجين..

اي مو انت ..تكول كلمتي وحدة ومتصير اثنين يعني مثل العكيد ابو شهاب :

من يكول..ولاك..انا حكيت كلمه ومابتصير..تنتين..وشكلين مابحكي!!!

هههههه..اي خوش تحجين..سوري..

هههه..هو..شبي التلفزيون غير باب الحارة..والمسلسلات التركيه..

هسه معلينه..انطيني بوسه؟؟

ياااا..شنو بوسه..

اي شبيج..هنا من الموبايل؟؟

شلون..يعني..

انتي..غمضي واني ابوس!!!

ياااامخبل..والله..

هسه مخبل ..مو.مخبل..دغمضي خل ابوس؟؟

يا...استحي..

هسه اني يمج..وتستحين لو هيج جذب من الموبايل؟؟

اخاف..عيب..

اهووو سوتها..قصه بطلت مااريد..

يالله لتزعل راح اغمض..بس بسرعة..

هااااه..غمضتي..

اي..

اممممممممممممممممممواح..

افيييييش..شلون بوسه تخبل؟؟

هههههه موكتلك مخبل؟؟

اي غير انتي خبلتيني..

هههههه

هسه شوكت اجيب اهلي؟؟

احمد خلي شويه السالفة تبرد اخذلك..فد اسبوع 10ايام حتى اهلي ميشكون ماشي؟؟

حيل 10ايام؟؟

اي..حمادة...حتى ميكولون ابن عمها خابر..منا..واجوي الخطابه منا؟؟

اي..صح....احبج..فروحة؟؟

ههههه..واني هم؟؟

انتي هم شنو؟؟

انت مو..كتلي احبج..كتلك اني هم؟؟

اي انتي هم شنو..كوليها؟؟

اني ..هم احبك؟؟

اشتعلووووو...اشتعلوووو..اهلج..ولج شيصبرني 10ايام

انتظروا بارت7♥♥♥♥♥♥♥..