رواية شكلين مابحكي الفصل الثامن 8 - بقلم ورود الخالدي

#شكلين_مابحكي

البارت7

#ورودالخالدي

فرح:::

مرت ال10ايام عبالك10سنين صح نتخابر بالليل..بس منتشاوف...لان اني مقبلت اخلي يشوفني اله ورة الخطبة..المهم..هو دز خالته..ونسوان اخوته..نزلن من سيارة تخبل..دخلن البيت..نسوان اخوتي ضلن صافنات يباوعن على خالته مرة معدله لابسه نظارات وجوة العبايه لابسه نفنوف كيبور..اسود..والمحابس الذهب تارسه اديها..وبكل ايدلابسه..ملاوي ذهب..ونسوان اخوته يخبلن هم سابحات بالذهب..حتى...الطفلة الي وياهن هم لابسه سوارات ومحمديه ضخمة..ذني نسوان اخوتي وين شايفات بعد لياخذن ولينطن بس بقن يتبسبسن..ويباوعن ع اللبس كولهن لابسات قمصان طوال مثل الكب...وجواه بنطرونات..وحجاباتهن راقيه ومكياجهن نازك..اني اباوع من ورة بردة غرفة امي..واشوف نهلة وجهها كام..ينطي الوان..
ورة شويه جتي ايناس..بالكوة تمشي لان حامل:

ولج فرح..بدلي بسرعة ذني خطابه عليج..
سويت نفسي..كولشي ما..ادري

يااااخطابه شنو..اني عندي مدرسه؟؟

امداج..ولج..يامدرسة..لج ذوله غير شكل انعل ابو..المدرسة؟؟

ياااشبيج..ملهوفة ايناس؟؟

تغمغم بيه

امداج..امداج..ولج بدلي لبسي احلى نفنوف عندج..وفتحي شعرج..شويه ويدزن عليج..يشوفنج؟؟

استحي..

دنجبي..عوبه بدلي بسرعة لو اني بمكانج..انام بالكنتور..ما اطلع اله توب؟؟

طلعت ايناس..متت..من الضحك..بدلت لبس نفنوف جويتي..عندي..كولش حلو..ضيك..وصدرة بيه تور..وفتحت شعري..بس مخليت مكياج ما اعرف اتمكيج..

ورة شويه امي صاحت عليه

فروحة..فروحة..تعالي ماما::

اجيت يمهن بس متت..من المستحة..خالته تباوع عليه من فوك..لجوه..وبعدين تبسمت..وكالت:

صلوات..صلوات على محمد وال..محمد..ربي يحفظها..جسم ورسم..

اني كلت لامي..لان حيل خجلت:
يوم راح ادخل جوه..عندي امتحان..

كالت روحي ماما؟؟

دخلت

جوة بس احس..دمي نشف؟؟

بعدين شفتهن من البردة طلعن..ارتاحيت

جتي..امي خطيه تحرك..بالكرسي..يمه صلوات..صلوات على محمد..ربي يتمم..لبنيتي بخير بجاه محمد وال محمد

نسوان اخويه التمن عليه؟؟

ولج..شلون نصيب معدل هذا..

نهله تفر.بحلكها شفتها حيل..ضايجة:

اي..نصيب معدل..هي هم حظوظ خو مو..مثل حظي..هم حافي..وهم متعافي..

امي..زمخت..بيها:

اكلي..خرة..ثامر..يسوة راسج..

دخلت امي..للغرفة..كالتلي..يوم معليج..بيهن ذني يغارن..الخميس الجاي ..حددنا موعد مشية الزلم..الله يتمم..الج..بخير..بعد امج..الف الحمد لله والشكر؟؟

مريت من يم المطبخ اسمع نسوان اخوي..يتبسبسن

نهلة تكول..لايناس:

شفتي..شفتي..دادة السيارة النزلن منها..لو..اللبس..لو العطر..لو المكياج..لج.عيني طاكين..طاكين للزركه..

واللخ ترد

اي دادة..شفت..صدوك.طاكين..لابسات كيلو..ذهب..

اوووف..اوف..دادة..شلون حظ على هاي الوكحة المرعوصة..ادري وين عرفنها:

دادة..ماسمعتي..المرة الجبيرة شتكول..تكول بتكم صديقة بت ابني بالمدرسه؟؟

اي سمعتها..عارفاتها..من المدرسه..اي..موجنا بالمدرسه شو ما اجانه نصيب بي حظ

يا...يمعودة جايبتنا..احنا الفرح..عمي..اني احجي حجاية الله..فرح..ايه من الجمال شفتيها من طلعت يمهن بالنفوف الجويتي..لج..غير تصفن..النسوان ضلن فاهيات من شافنها...عمي كمر..ومنور؟؟

اي..صح..حلوة مكلنا..شي..بس..احنا هم حلوات..شبينا ماعدنا..حظ

يا..منين حلوات قابل مثلها..دادة حلوة من كاعها..قطرة مكياج..ممخليه وهي تصفن..مو..مثلنا جايبات ارواحنا..بالتاتو..والمكياج..والفلر..ومسرحات الشعر..خو..جسمها...مصيبة كارثة..ربج..صابه ..صبابه

دسوكتي..دسوكتي..لتروح..تسمعج.وتنتفخ علينا..ام لسان

عفتهن يسولفن..ودخلت..شكد حقيرات حاسداتني على قسمتي..وخلقتي..خو.هاي....... نهلة..حيه ام راسين..تنكط..سم..ايناس شويه احسن منها..

احمد::

كاعد على نار..منتظر..خالتي ونسوان اخوتي يرجعهن ماصدكت لما شفت خالتي دخلت من الباب..دنكت باستني؟؟

يمه..احمد الله يتمم بخير..والله خوش اوادم والبنيه زينة البنات..الخميس الجاي مشية الزلم..

هاا..اي خاله وشصار..شحجيتن سولفيلي..

يمه مابيه اسولف هاي ام مهند مرت اخوك تحجيلك..اني رايحة لبيتي..نسوان اخوانك..منتظراتني بالسيارة

اي خاله براحتج..

ممصدك كلبي طاير..اول..مطلعت خالتي بقت يمي بس ام مهند مرت اخوي الساكنه وياي بنفس البيت هي بت عمي وانه وياها ميانة..خطيه متكفلة بيه وبابوي وبالبيت..

ام مهند فدوة لكلبج..احجيلي شصار بالتفصيل؟؟

اصبر..خلي اكعد شبيك..مصربع:

اكعدي..بس احجي بالتفصيل..كولشي سولفيلي من دخلتو الى ان طلعتو

يمه..يمه..راح يموت الولد..

شوف..اول مدخلنا..استقبلنا اثنين ..هنه جناينهم ..بنات متوسطات حلوات مرتبات بس..موكولش..بيتهم قديم..موذاك الكد؟؟

هسه شعليه..ابيتهم احجي شصار..

بعدين طلعت..امها خوش مرة حبابة وفقيرة خطيه كاعدة على كرسي..متحرك..الظاهر..مريضة من زمان.. سولفنه وحجينه وتعرفنه عليهم كلنالهم تعرفنا ع البنيه من المدرسه..

اي وبعدين..

شبعدين..لك..احمد..وين لكيتها هاي البنيه خرب..يومك..

ليش شبيها..

فكرت بيني وبين نفسي..كلت بس لافرح..مدت لسانها الطويل ولاصتها؟؟

احجي شبيها:

لك..عيني طلعت من الغرفة ..حمادة موبنيه سبحان الخالق..تكول حورية طالعة من البحر..

هههه.اي وبعدين

شسولفلك..لك عيني..الشعرطويل..حيل..ومي..مي اسود مثل الليل..والعيون..كل عين..هالكدها..هالكدها..تكول ساعة..ولون العين ازرك..مثل البحر..استحيت..اباوع بعيونها..

هي تحجي واني كلبي يلوب

اي وبعد..
شبعد

ام مهند لتشلعين كلبي احجيلي ........... كولشي!!

اي..وبشرتها صافيه..الخدود وردي..والحلك..زغير..وعبالك طماطة..والخشم واكع بالحلك..اووف لك ادوخ والله..

اي وشلابسه؟؟

لابسه نفنوف..جويتي..بس ياكل ويشرب وياها..الطول..نبعة..

اي وبعد

شبعد

جسمها..شطالع مطالع؟؟

عابتلك..شكد سريري..لك..حرام..حتى هذا الحجيته الك..حرام بس شسوي انت تلح؟؟

الله عليج سولفي..

باختصار..هاي البنيه راح..اطلعنا كسر..واذا تزوجتها..يحمادة ترة سنه متطلع من الغرفة تضل مكابلها وكاعد

هههههه..اي وشحجت شكالت؟؟

محجت شي..مستحيه خطيه بسرعة دخلت جوة..
اي بعد

شبعد لك ادور على لوله بيها ماكو..الله يسعدك ويجعلها من نصيبك بجاه..كولمن عنده جاه

اشكرج..ام مهند الوردة..

دخلت عافتني وحدي رحت لغرفتي..بس..اتخيل حجيها..هههههه..مرت اخويه....تكول حورية..اوف....لعد اني شكول..كلبي مورم..راح..اموت شوكت اخذها..شوكت تصير بحضني هالحورية ام لسان..

صارت الساعة فوك العشرة خابرتها..وره ربع ساعة رمشتلي..اتصلت:

ها..حورية..

يااا..هاي ياحورية..

مرت..اخويه تكول عليج..مثل الحوريه يبعد روحي..

هااا..خوفتني عبالي تعرف وحدة اسمها حورية..

لج..اني ما اعرف احد بس عيونج..اعرفهن..

فديتك..حمادة..

يكولون طالعة تملخين بالجويتي..

صدوك..

اي والله مرت..اخويه..خيلت عليج..

كبر..شلون يحجي..

اي سولفيلي شصار..مصار..

شصار..متت..بدمي..

على شنو..حبي

ياااا..متت..من المستحة؟؟

مستحيه من النسوان؟؟

اي..والله..

اشو مني متستحين..لسانج..مثل..البي..كي ..سي..يرمي صلي..

ههههههه..شبيك..فشلتني..

اني..افشلج..لج..دصيري..الي..وبحضني..والله...الا..افلشج...مو..افشلج..

ياااعزة..شكد متستحي..

اليستحي ميعيش..

اكول..اجيج..باجر العصر..اصعديلي للسطح..

لو.اموت ما اصعدلك...انت..لوتي..تريد تحبسني بالزوية....... وتبوس..بيه..مو..

ههههه..خرب يومج..كاشفتني؟؟

اي كاشفتك..كاتل نفسك..ع البوسات؟؟

هههههه..يعني شنو اضل هيج..منا لما يحترك كلبي..واطك واموت؟؟

ياااا..اسم الله..عليك..بعد عمري..

لعد اصعديلي..وانطيني بوسه باجر العصر!!

كتلك..ابد ماكو..بوسات..منا..لما..يعقدنا..السيد..واصير مرتك..من صدوك..

خرررررب...خرررررب..لج..شكد قاسية؟؟

شنو..قاسية..غير حرام...ياحبيبي..

اوف...شكلتي..

حبيبي..

عيديها..

حبيبي..

عيديها.

حبيبي..

عيديها..

حبيبي...حبيبي..حبيبي..بعد شتريد ترة تعبت؟؟
زين..غمضي..

اووف هم اغمض؟؟

اي..

يلله غمضت؟

امممممممممممممممممممممممممممممواح

افيش..متت..وحق ربج..متت؟؟

اسم.الله عليك..يالله راح اروح..تصبح على خير..حبيبي..

وانتي..بخير..بيعد روحي..وعمري

انتظروا بارت8♥♥♥