رواية سهم الغرام الفصل الخامس 5 - بقلم الكاتبةة نور حسن💕

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

خليني اشمك و ابتسم.. 🥺🤍

♡'''''''''''''''♡'''''''''''''♡''''''''''''''''♡

ميار بحزن >>اخذها مني بس مدري ليش ضجت من سحبها من حظني..

سهم >>شفتها عبست وبرطمت شفايفها من اخذت شاه زنان بس الغريب من ردت اصعد الدرج ضلت شاه زنان بس تبجي وتصرخ وابد ما سكتت شكد حاولت وياها بحيث الملهة ما قبلت تاخذهاا

ميار>>بقه يفتر ويريد يسكتها وماكو اتقربت منه بس من باوعلي انخطف گلبي عبالك اسد ويريد يفترسني حجيت بخووف اكدر اشيلها شوية بلكي تسكت...

سهم>>انطيتها الطفله راسا بحظنها سكتت شفت شاه زنان تتقرب لحظن ميار عبالك امهاا...

ميار>>اووو شبيها ميمي ضجتي موو لان اخذج مني ترى محد مثلي محبوبة ما شاءلله...

سهم>> شكد تحجين

ميار>>انته منوو حاجي وياااك اني احجي وي ميمي

انس>>هههه سهم شفت ميار شسوت غيرت اسم بتك لاسم ميمي

سهم>>هزيت راسي وهيه تناغي لشاه زنان جنت مركز بوجه بنتي وحركاتها بحظنها شوية وركزت بوجه مياار شكد حلوة شعرها عيونها مرسومة واحلى شي ابتسامتها وصوتها طفوولي

،،،طفله شايله طفله ههه

ميار>>ياااااي اخير نمتي ادية كامن يوجعني من وراج دنفوشة انطيتها لسهم ودخل شاهين ركضت ووكفت يمه

،،،،همست بصوت خفيف اممم شاهين ميته جوع

شاهين >>ههههه يله نروح اني اترخص منكم واعتذر خاف ميارتي ضوجتكم اليوم

ام سهم >>لا يمه على بختك والله حيل تونست وياها...

ميار بفرح >>يعني حبابه وماكو مثليي

ام سهم>>يي والله

ميار بثقةة>>ونادرة

ام سهم>>يي ههههه

انس >>هاااا حجيةة لا تكولين يي ترى هاي مغرورة بسرعه تتكبر

ميار >>هههه فديتني

سهم>>صعدت ليفوك خليت شاه زنان بجربايتهاا ونزلت شفتهم يحجون وانتبهت على انس شلون يباوعلها ومركز ومندمج بحركاتها عبالك حبيبته

ميار بحزن >>اخذني وياك

شاهين >>ميصير اخذج لعد ومدرستج..

ميار >>مااريد ابقه يم احد

شاهين >>ميار من نرجع للبيت نحجي...

ميار>> بقيت ابجي بصوت ناصي وامسح بدموعي وشاهين بقه يحجي وياهم على المعامله...

ام سهم>> شبيها ميار

شاهين >>ماكو شي خاله...

ام سهم>> شاهين ليش وياها ازعل منك...

شاهين >>لا خاله والله ما حاجيتها بس عندي قضية واريد اروح لكركووك وتريد تروح وياي...

ام سهم>> يااااا يمة لعد شلوون...

شاهين>> كل مرة تجي شهد وجهالهاا تبقى يمهااا...

ميار>> مااريد ابقه يمها اخذني وياك...

شاهين>> لاول مره اشوف ميار خايفة وتعاندني خزرتها بعيوني وسكتتها شوية واترخصت منهم وطلعت للبيت وهيه ساكته وتشهك وصلنا وطبينا للبيت شوو عافتني وراحت للغرفة تبجي عفتها براحتها كل ظني تريدني اخذها وياي...

ميار>> طبيت للغرفة ابجي واشهك واني اتذكر الحقيرة شهد وسوالفهاا طبعا شهد تصير گرايب بابا ومتزوجه بس فد وحده سزز تخابر بحبيبها وتتواعد وياه وتعوف جهالها يمي وتقفل علينا الباب

،،،،اتذكرت قبل شهرين جانت اخر سفرة لشاهين اجتي وهي وجهالها يمي اول يوم عااادي لحد ثاني يووم ضلت تخابر وتتاخر يله ترجع بحجه جانت تشتري اني ما حجيت كلت يمكن تروح يم اختهاا بس اتخبلت من صارت الدنيا العصر اندكت الباب رحت فتحته شفته شاب بقه يباوع ويعض بشفايفةة باوعتله وحجيت بنتر خير...

الولد>> اريد شهد..

ميار >>يا شهد...

الولد >>صيحيلي شهد يحلوة

ميار >>سديت الباب بكل قوووتي بوجهه وطبيت صحت شهدددددد

شهد >>هاا ميار..

ميار>> ولج منو هذا يلي بلباب ويكولي صيحيلي شهد...

شهد >>هااا خاف ابو القسط.

ميار>> وشمعرفة انتي وين وشلون عرف بيتنااا والله لو يعرف شاهين يثرم على راسج بصل السزز عافتني وراحت برا شوية وطبت هيه ويااه بنص البيت

،،،عطت بوجهه ولج شسووووويتي انتي فتحت عيوني على وسعهن من شفته يتقرب مني ويريد يلزمني ركضت للغرفة وقفلت الباب وبقيت ابجي من خووفي نمت يمكن لليل يله كعدت وما طلعت

،،،،بقيت كاعده لحدما سمعت صوت سلام زوجها لشهد امنت وطلعت شفتها تبجي وهو يحظن بيها اتصمنت بمكاني من ركضت عليه وحظنتني...

شهد>> شايفة لو حجيتي حرف والقران اكوول الهم ميار وياي والولد حبيبها واني لگفتهم بلغرفةة لانو جانوو متواعدين...

ميار بخوف >>بسرعه دفعتها مني وزوجها يباوع عليه حجيت بحقد شسوووي انته هنااا...

شهد >>مروة انجرحت براسها...

ميار >>شلووون..

شهد>> متدري اتزحلكت من الدرج...

ميار>> وين هيه..

سلام< اخذوها عمامها للمستشفى...

ميار>> مادري ليش ما صدكت مروة كبيره مو صغيرة واكيد شافت امها الساقطة وشووف شهد شنوو سوت ثاني يوم الصبح رجع شاهين وماكدرت احجيله حرف

،،،،لانو خفت من تهديدهاا طلعت مروة من المستشفى وما قبلت تروح وي اهلها وكعدت تسولفلي من شافتهم سوة بلحمام يكرم طاري الله هيه تسولف واني معدتي تريد تستفرغ كلشي بيها بقت يمي اسبووع ورجعت اخذتها امها هم بلتهديد...

،،،فزيت من هلذكرى الخايسه يلي تذكرتها على صوت الباب يندك بقوة كمت غسلت وجهي وشفت شاهين واكف ويحجي وي واحد ماعرفت منوو لانو شاهين صاير مثل السد رجعت للغرفة واجتي ابالي فكرة وجرئةة بنفس الوقت

،،،،سحبت سلاح شاهين من المجر وخليته بيدي وطلعت من الغرفة يم شاهين شفته مركز ب لاب توب حجيت بخوف شا...هين...

شاهين>> من سمعت صوتها راسا كمت واستغربت شايله سلاح بيدها وترجف حجيت بتحذير ميارتي هذا مو لعبة عوفي من ايدج هذا كله لان مااريد اخذج وياي..

ميار>> لا بس اكو شي انت متعرفةة...

شاهين>>مااريد اعرف شي هسه عوفي البيدج حبيبي فدوه وشتردين اني حاظر...

ميار>> اذا سمعت يلي راح اكولة انت بيدك تگتلني...

شاهين>> لاماكو هيج شي وين اكو اب يگتل بنته وانتي بنتي ميار...

ميار>> ابقة بمكانك واني بمكاني والسلاح حيبقى بيني وبينك واذا عبالك اني غلطت من ضميت عليك وسويت شي غلط ولو حسيت بكلامي  بي جذب تكدر تموتني...

شاهين >>ميااار شكوووو شبيج ليش هيج تحجين...

ميار >>دنگت راسي وبقيت احجي لشاهين كلشي صار جان واكف من يسمعني وصاير نار سمعت صوته من عااط...

شاهين بصوت>> ميااااار شهل الكلام...

ميار >>باوعتله من عاط راسا لزم راسه ووكع بلكاااع وبقه يتنفس سريع ركضت عليه واضرب بي خفيف على خدة بجيت وخفت شسوووي هسه يا الله كله من وراي اني يلي حجيت كلشي

،،،،باوعت لصدرة ينزل ويصعد علسريع عفته وركضت لبيت انس دكيت الباب بقوووة وابجي واندار على بيتنااا ونسيت شنووو لابسةة شوية وطلعلي سهم..

سهم>> هااا ميار خير..

ميار >>شاهين وكع ومدري شبي فدوه مادري شسوي..

سهم>> اششش على كيفج...

ميار بحدة>> انت خبل اكولك شاهين متخربط وكاعد يتنفس سريع وانت تكولي اشش امشي وياي حباب...

سهم >>بسرعه ركضت لشاهين شفته مختنك حيل مثل الصدمه صايرتله سحبت جهازي واتصلت على الاسعاف وبقيت افرك بصدرة سمعت السيارة من وصلت صعدوه وهو مغمي عليه..

ميار >>اروح وياك...

سهم بغضب>> روحي لبيتنااا امي ليهسه كاعده..

ميار بتوسل >>لا اريد اروح وي شاهين..

سهم بصوت >> مياااااار روووووحي... عفتها وصعدت وياهم...

ميار >> تندمت من حجيت لشاهين ....من شفتهم راحوو من خوفي بقيت بمكاااني وارجف رجعت لبيتنا ابجي وارجف والووم بنفسي كعدت بلكراج والدنيا ثلج بس طبني مرض شعندي حجيت استاهل كلششي...

سهم >> وصلنا للمستشفى ودخلو شاهين للطوارئ نص ساعه واجه الدكتور....هااا دكتور...

الدكتور>>لا الحمدلله ما بي شي مجرد حاله ارهاق وتعب..

سهم >>شلون وضعه هسه..

الدكتور >>ماكو شي عدت سلامااات بس دكتور سهم شيعودلك المريض...

سهم>>صديقي واخويةة..

الدكتور>>ديرو بالكم عليه اقل صدمه يمكن يصير بي شي وبعده صغير مو مال هيج وگعه...

سهم>>والله دكتور المرض والازماات متعرف ولا تفرق الصغار من الكبار..

الدكتور>>ايي والله شتردون اني بلخدمةة...

سهم>>ما تقصر دكتور بقة شاهين ساعتين وشوية شوية لحدما كعد...

شاهين بنفس متقطع >>مي....ميااار...

سهم >>شاهين ميار ابيتنا هسه يم امي لا تخاف عليهاا...

شاهين>> سهم تكدر تجيب ميار فدوه گلبي ما مطمئن عليها والله...

سهم>> يمعود دنيا ليل عوفها خطيةة...

شاهين>> روح سهم بداعتي...

سهم>> تدلل خلي اروح اكول للدكتور يجي يشوفك طلعت ورحت للدكتور دكيت الباب...

الدكتور >>خير دكتورنا...

سهم>> اريد اروح للبيت شغله ساعه المريض كعد وراح ابقي امانه عندك بين ماارجع..

الدكتور>> تامر امر دكتورناا...

سهم >>طلعت من المستشفى اخذت تاكسي حتى اوصل للبيت وافكر بيني وبين نفسي شنووو الموضوع يلي يخلي شاهين يوكع هيج وكعه معقولة ميار لو شغل هيج يسووي بس الله كريم

،،،كلشي بوقته حلووو وصلت للبيت لكيت امي كاعدة وشاه زنان بحظنها وانس يدز بصمات مدري المن..

ام سهم >>ها يمة وين جنت

سهم بصدمه >> شنوو وين جنت قابل متعرفين...

انس >> شكوو سهم منو جان بلباب ورحت وراه...

سهم >> انتفضت من سؤالهم اليةة عطت ...وووووين مياااار...

انس >> ميار....

سهم بصوووت >>  اي ميااااااار  وووووين..

ام سهم >> غير ابيتهم يم اخوهاا...

سهم >> شلون يم اخوها راسا اتذكرت شاهين من كالي گلبي ما مطمئن عليها ركضت لبيتهم علسريع....

♡'''''''''''''''♡'''''''''''''♡''''''''''''''''♡

مشاهدة ممتعه نبضااااتي.....ممكن لحد يكووووول البارت قصير

الى اللقاء في موعد جديد الى ذلك الوقت دمتم بخير وحفظ الرحمن

nosha 🙈💓💓