رواية سهم الغرام الفصل الرابع 4 - بقلم الكاتبةة نور حسن💕

اعتذر منكم على الكلام يلي بدر مني بس والله من حركت گلبي خلوو نفسكم امكاني شفتوو الاغلب عبالهم ادور تصويت

والله هو هذا حقنا وحق كل كاتب بلوات غير تقدرون تعبنا

هلبارت الكم خاف زعلتوو مني بس والله العظيم يكولون يلي يحب يعتب واني لان احبكم

واسفةة حيل وانشالله متشوفون مني بس الخير 😔😔😔

♡'''''''''''''''♡'''''''''''''♡''''''''''''''''♡

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

-ستراني يوماً وتقول
كان لي وليتهُ يعود🖤🙊

♡'''''''''''''''♡'''''''''''''♡''''''''''''''''♡

ميار>>من اندكت الباب صراحه خفت منو يجي هيج وقت علينا....رحت كعدت شاهين بسرعه كعد هو وطلع وطب استاذ انس شكد صاير يلح يا الله

شاهين>>اتفضل يمعود

انس>> شاهين ابو السيارة قطع الواير مالتكم ومال الجوارين

شاهين>> فدوه الكم يمعود

انس>> بس اريدك تجي وياي نسويها لان عيب

شاهين>> تدلل ولا يهمك بس شعجب ما خابرتوني

انس>> شكد دگ عليك اخوية وما رديت عليه

شاهين>> والله يمكن صامت مخلي ما سمعته

انس بفرح>> لگ هلا بجوون سينا

ميار >>هلوو بيك .... باوعت على شاهين وسالته ... وين رايح

  شاهين>> اسوي الواير لان مقطوع

انس>> خليها تجي يم امي والبنات بلبيت ليش تعوفها خاف تخاف وكلشي يصير

شاهين>> تروحين

ميار>> لا خليني هناا

انس>> يمعودة لتخافين محد والله بس امي والبنات

شاهين >>يلا حبيبي امشي

ميار >>اووف رحت بدلت فستان زيتوني وعفت شعري هيج ولبست طاگ وطلعت وياهم شاهين قفل الباب وانطاني يااه وهمه مو بعيدين مقابيلناا كلشش

انس>>يلا فووتي

ميار>>ردت اطب بس خفت والله الكل انتبه عليه لهيج انس طب قبلي وصااح بسم سوووسن اجتي بس شلابسة يربي كله مبين استغفرالله ههههه اخذي ميار يم امي

سوسن>>امي راحت لذاك بيتناا

انس>>بقيها يمج بين ما انسوي الواير اني وشاهين

سوسن>>ماشي

ميار>>عافني وراح واني طبيت جوة وي البنيةة كعدت على التخم وهيه بقت تشيل اغراض وتعزل ودخل رجال جبير بلعمر شاايل طفل مدري طفلةة تبجي ووتصرخ حيل شافني ابتسم بوجهي

،،،،من باب الإحترام كمت من مكاني

ابو سهم>>اتفضلي عموو ليش وكفتي

ميار>>اسفة عمو اجيت هناا لان ابنكم انس اخذ اخوية شاهين وراحوو يسوون الواير

ابو سهم>> انتي اخت شاهين الدكتوره

ميار>> هههه يي

ابو سهم>> والله شاهين من يكول دكتورة عبالي جبيرة طلعتي زغيرة

ميار>> يحب يصيحلي دكتورة

ابو سهم>> انشاالله تكبرين وتصيرين اكعدي عموو اكعدي

ميار>> كعدت والطفل يبجي راسا حجيت ..... عمو ليش يبجي

ابو سهم>>قصدج تبجي هاي بنيةة

ميار>>فدوة بس ليش تبجي

ابو سهم>> تبجي على ابوها لان راح بشغلةة

ميار>> وين امهاا

ابو سهم>> هاا هم راحت

ميار>> اكدر اشيلها

ابو سهم>> تسوين فضل لان تعبت وما تسكت

ميار>> كمت من مكاني وشلتها بيدي واهز بيها على كيف واحجي وياهاا .... شبيها حبيبي تبجي ليش تبجين جوعانة سحبت الممة من ايدة وانطيتها الها وامشي واحجي وياها لحدما نامت بيدي

،،،بس شكد حلووووو اول مرة بحياتي اجرب اشيل طفلة زغيرة وهيج عمرهاا وهيه بعدهي لحمايةة گتلني الفضول اعرف شكد عمرها كعدت بمكاني وسالت الرجال اكولك عمو شكد عمرهاا..

ابو سهم>>اربع تشهر

ميار>>يااااا حيل صغيرة همزين ما وگعت من ايدي بس فدوه والله حيل حلووة صلووات

ابو سهم>> هههه اول مره تنام بغير حظن ابووهاا

شاهين>> السلام عليكم

ميار>> يااااي شاهين شووف هل البنوتةة شلون نامت عموو يكول اول مرة تنام بحظن غير ابوهاا

انس بضحكةة>> غير خافت منك جون سيناا ههههه

شاهين>> ههههه ديري بالج ميارتي لا توكعينها ليروح يموتنااا تمووووت

ميار>> منوو

شاهين>> ابوهاا

ميار>> اهااا لا ما اوكعها لان حبيتها بس شنووو اسمهااا

انس>> شاه زنان

ميار>> شنو هل الاسم الطوويل حدلعها ميمي على اسم لاعبي المفضل ميمي شنوو رايج بي حبيتي الاسم

انس >>هههههه خلي يرجع اخوية واكله اخت شاهين غيرت اسم بتك الا يعلگج بلبنگةة

ميار >>هههه مو اسمها طويل واسماء مو دارجةة مثل شاه زنان

شاهين>> ايي صح يله انطيها لعموو وخلينا نروح

ميار>>يي بستهاا وانطيتها لجدهاا وردنا نطلع وانداريت على عموو حجيت برجاء عموو فدوه يكدر انس من يجينا يجيب ميمي وياه اشوفهاا

ابو سهم>> تدللين حبيبتي

ميار>> فدوه الكلبك عموو بيبااي طلعت اركض واحجي لشاهين انو حرجع اشووفها وانومهاا وشكد بقيت افكر بيهااا رجعنا للبيت سويت عشة وكملت ورجعت لروتيني الملل

،،،،وباجر دوام اووف شوكت تخلص السنة يربي كملت كلششي ونوب نمت كعدت ثاني يووم تقريبا ب6 وربع بعد وقت ليش هيج كعدت استغليت الوقت حظرت ريوك وملابسي

،،،وكلشي حتى ملابسي يلي البسهن من ارجع حظرتهن صارت بل 7 رحت بدلت ملابسي وكعدت شاهين اتريگنا سوة صارت وربع وشاهين طب يسبح عشر دقايق وطلع مبدل رحت جبت جنطتي

،،،،وحايرة اعووف شعري لو المه رغم مو طويل بس المدرسات ميقبلن الا لازم اشيل شعري اوووف اخذت قراصةة والمشط ورحت لشاهين شافني يضحك

،،،لا تضحك والله هنه خبيثات ميقبلن كاعده احجي واندكت الباب

شاهين>>خلشووف منووو

ميار>>بين ما راح شاهين يشوف منو بلباب رحت اتاكدت من الطباخ وكلشي حتى نطلع طلعت وامشط بشعري صحت بصوت

،،،،حباب شاهين لملي شعري والله ماعرف يصير اعوج ومن اسوي طوبةة مو حلووو حبااااااب

انس>>ههههه

ميار>>راسا رفعت راسي شفته انس ووياه مرية جبيرة بس تنطي روعة لانس دنگت من الموقف وبقيت ساكتةة

ام سهم>>تعاي اسويلج ياه ذيل حصان

ميار>> لا خالة عادي

انس>> يمة هاي جون سينا يلي شوهتلي ويهي وضليتي ادعين عليهاا

ام سهم>> هههه لا ولك لا اجذب وين دعيت عليهاا تعاي خالة الم شعرج

ميار>> باوعت على شاهين اشرلي براسةة رحت سلمت عليها ولمتلي شعري شكد حلوو

ام سهم>> انتي مو محجبةة

شاهين>> لا خالة بعدهي صغيرة

ام سهم>> اهااا بس حلوة اختك شاهين الله يحفظها الك

شاهين>> ويحفظج النا خالتي

ميار>> بقوو يحجون مدري عليمن لحدما صاحتلي هيه

ام سهم>> ميار البارحة صدك جنتي يمنا ونامت بحظنج شاه زنان

ميار>> ميمي

ام سهم>> منووو

انس>> ههههه يمة مو ميار غيرت اسم حفيدتج تكول طويل اسمها

ميار>> هههه يي صح نامت بحظني

ام سهم>> فدوه تدرين انس كال النا وما صدگنا بي

ميار>>ليشش

ام سهم>>مو شاه زنان متنام الا بحظن ابوهاا

ميار>>اهاا يي دريت عمو كالي البارحةة

ام سهم>>يمة شاهين اجيتك حتى اكلگ على المعاملة مال ذاك البيت تتكفل بيها وشتريد عيوني الگ

شاهين>>لا عادي خالة انتي تامرين

ميار>>طلعنا كلنا سوة برا البيت

شاهين>>ميار مو تنسين اذا اتاخرت روحي يم بيت ابو علي

ام سهم>> ليشش

شاهين>>مو عندي شغل وهيه وحدها وابو علي ما عنده ولد بس بناات تكعد يمهن

ام سهم>> خليها يمي انة وحدي بلبيت وهم تبقى يم ميمي وتلعب شويةة

ميار>> يي شاهين خليني من ارجع اروح

شاهين>> صيري حبابة فدوه لا تسوين شي

ميار>> ماشي والله اكعد واسكت .... هلمرة كبل صعدنا بلسيارة للمدرسةة اخذت مصروفي ونزلت ومشة اليوم عادي لحدماا صار وقت الحلةة شفت انس ووياه نفس البنية يلي اسمها سوسن

،،،،بقيت بمكاني ما رحت يمهم رحت طبيت لغرفة المعاونةة شافتني

المعاونه>>هاا ماما ليش ما رحتي

ميار>> ست اكدر اخابر اخوية

المعاونة>> يي تعااي

ميار>> الرقم مال شاهين محفوظ عدهاا لان معروف بلمدرسة واغلب التبرعات من عنده شوية ورد

المعاونة>>الوو شلونك استاذ شاهين وياك معاونة ميار..الحمدلله اتفضل هيه وياك..

ميار>> اخذت الجهاز من يمها ..... شاهين ليش ماكوو

شاهين>>ها ميار ليشش انس ما اجاج

ميار>>يبوووو

شاهين>>الووو

ميار>>هاا لا ما شفته

شاهين>>دقيقه اتصل عليه وارجع اتصل عليج

ميار>> ييي شكد عيب نوب جذبت عليه بقيت واكفة ودك الجهاز فتحت خط ها شاهين

شاهين>> ميار انس واكفلج برا صار ربع ساعة

ميار>> اهاا تمام يله راح ارجع وياه

شاهين>> من توصلين خابريني

ميار>> ماشي باي

شاهين>> باي حبيبي

المعاونة>> هاا ميار

ميار>> واكف برا بس ما شفته لان بغير مكان مع السلامه ست

المعاونة>> الله وياج ماماا

ميار>> طلعت شفته واكف وسوسن كاعده بلكااع..

انس>> ميااااار يمعوده وينج..

ميار>> جنت منتظرة شاهين..

انس>> غير دزاني عليج

ميار>> ما جنت ادري

انس>> يلة خنرجع

ميار>>مشينا شوية واخذنا تاكسي ابد ما حجيت وهمه يسالوون وشكد يحجوون لحدما نزلت ردت ارجع لبيتنا وانس صاح..

شاهين>>مياار ترا شاهين يتاخر تعاي يم امي

ميار>>خرب بلحظ وقته هسه.... تمام بس ابدل واجي

انس>> خلي سووسن تجي وياج

ميار>> بكيفها تجين سوسن

سوسن>> يي حبي

ميار>>رحت وي سوسن فتحت الباب وطبيت لبيتناا راسا رحت للغرفة بدلت بنطلون وقميص وفوكاه بليرة وطلعت وي سوسن لبيتهم..

ام سهم>>هلا يمه شوو تاخرتن

ميار>>من وراي خاله لان رحت بدلت

ام سهم>>تعاي تغدي وياناا

ميار>>لا خالة الف عافية اني اكلت بلمدرسةة وي صديقاتي تعرفين عزايم واكلات هههه

انس>> تدرسن لو تعلفن بلمدرسةة

ام سهم>> هههه بكيفج يمة بس هذا بيتج اذا جعتي كولي

ميار>> تسلمين خالة بس وين ميمي

ام سهم>> سوسن اخذيهاا لغرفة اخوج

ميار>> شسووي لغرفتةة

ام سهم>>ميمي بغرفة ابوهاا

ميار>> اهاا بس منوو يمهاا

سوسن>> وحدها

ميار>> ياااا خطية رحت وي سوسن طبيت للغرفةة اووووف تخبل طاغي عليها ااكثر شي اللون الرمادي والابيض وتصميمها يخبل مكتبه صغيرة وجربايةة مال عشيرة كاملةة ومكتب صغير وشكد مرتبةة هاي لو غرفتي جان ضاعن اغراضي هههه

،،،،وبصف الجرباية الضخمةة كركوت زغير مال ميمي وهيه وتبجي ركضت شلتها وسحبت الحليب والممه ونزلت ليجوة عبالك امها واخاف عليهاا من البجي لكيتهم يتغدون حجيت بصوت خالةة وين المطبخ اريد اغسل الممه واسويلها

ام سهم>> اجيج خاله

ميار>> لا خاله كملي اكلج حرام لا تكومين

ام سهم>> من الممر ثاني باب

ميار>>تمام اخذت ميمي وياي ورحت للمطبخ لزمتها حيل بيد وحدة والثانية غسلت بيها الممه وسويت مي دافي وسويتلها حليب وطلعت يمهم بقيت اخض بلممة ونوب انطيتها الهاا احجي وياهاا

،،،،وافتر ونوب رفعت راسي لكيتهم يباوعولي باستغراب...شكووو خالةة...

ام سهم>>هاي سكتت بيدج

ميار>>يي مثل البارحةة ههههه ..... كعدت وخليتها بحظني شووية ونامت خليتها على التخم وخليت مخدات واني يمها حتى لا توكع وهمه كملوو اكلهم صارت الساعه ب2 وعشرة ومتت جووع يا الله

،،،،،،صبو جاي شربت وياهم ونوب بقينا نسولف ونضحك وسمعنا صوووت خطف گلبي ودكاته شهل الصوت عبالك كومه زلم داتحجي مو زلمه واحد...

،،،،انداريت كل ظني اشوف هلصوت لمنوو شفتوو واكف بطوله ملابسه ادل على الهيبةة وعيونو تجدح مثل نبلة السهم واكفة مقابيله واحفظ كلشي حتى حركاته عيونوو تذبح ومدري عليمن دايدور بيهن...فززني صوته من صاااااح ورعد البيت رعد بصياحه

سهم بصووت >>سووووسسن ووووووووينج

ميار>>خفت وگلبي وكفن كل دكاته شهل البركان الكدامي باوع عليه وصفن وطلعت بگصته تقوس حواجبه هههه شكد حلوو لا وياشرلي براسه شجاوب

،،،،بلعت ريگي من تقرب عليه ويمشي وعيونو تجدح راسا بقيت واكفة بس ما بية قطرة دم اوووووووف شوية ويوصل يمي وبجت ميمي راسا انداريت عليها شلتها لصدري

،،،،شبيها ميمي تبجي شبيج حبيبي جوعانةة مو زين الحليب هوواي وامج ماكوو شسووي كعدت امسد على ضهرهاا لحد ما سكتت

سهم>>منووو انتي

ميار>> باوعتله للغضب ومنتظرني ارد ما حجيت شي ابد والله لان خايفةة

انس>> هاي ميار اخت شاهين

سهم>> هاا وشسووي هنااا

ميار>> شنووو جااااية ابيتگ

سهم>> شلووون

ميار بانفعال>> مو داتكوول وشسوي هناا جاوبتك وعلى كلن خالتي كالت لاخوية خلي تبقى يمنا يعني ما اجيت من وحدي

سهم>> اهاااا

ميار>> ييي عفته ورحت كعدت يم خالتي وانس بس والله انفاسه حااااارة برگااان

سهم>> اتقربت منهااا وردت اخذت شاه زنان من حظنهااا

ميار>> لاااا عوفها وين ماخذهاا

سهم>> اخذها للغرفةة

ميار بصوت>> شكد حشري ياالله شعليك بيها هسه يجي ابوها ياخذها

سهم>> اني ابووهااا

ميار بصدمةة>> هاااا

شنوووو رايكم بلباااااارت ومنووو انصدم ههههه

الى موعد جديد دمتم بخير وحفظ الرحمن احبكم نوشةة 🙈