رواية سهم الغرام الفصل الخامس والثلاثون 35 - بقلم الكاتبةة نور حسن💕

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

يَـ أبو الضحكات والونسة
يَـ أبو عوينات المنعسة !🤍

♡'''''''''''''''♡'''''''''''''♡''''''''''''''''♡

سهم>>شسوين كاعدة هنا

ميار>>شنو قصدك كلمن يروح لحال سبيله...ما جاوبني كوتله.....شنو غلطي وياك سهم صير صريح وكول مليت ما اريدج يمي واريد اطلگج لا تلف وادور....عافني وراد يطب للبيت اندار عليه وكال

سهم>>سرى راح تجي

ميار>>بس حجاها دخل للبيت عيوني غوشت وبقيت ابجي هيه السبب معناها سهم حيطلگني لان يريد يرجعهااا هاي غايته يي سهم ما تزوجني لان يحبني لااا بس راد يثبت لسرى انو هو عاش حياته واخذله بنية صغيرة مثلي

،،،،ومن رادت ترجعله قرر يطلگني وين جان عقلي وليش ما فكرت هيج من قبل ليشش شسويتي ميااار معقولة ترجعين لشاهين مطلقة وانتي بعمرج ما فكرتي شيصير بشاهين من يشوفج صغيرة ومطلقة سهم من سوى هيج دمر روحي

،،،كلهه بصفحة وحبي اله بصفحةة شلون حبيتة وصار كولشي بحياتي يا الله شلوووون؟؟؟

انس>>ميار شبيج ترجفين وتبجين

ميار>>وعيت على صوت انس دنگت ومشيت جوة صعدت فوگ شفته يخابر فتحت الگنتور سحبت تراك وطبيت للحمام ابجي والمي فوك راسي ما طلعت لحدما ارتاحيت من الهم يلي بگلبي

،،،،نوب راسي كام يوجعني بقوة رحت تمددت وهمزين باجر عطلةة قررت اروح يم شاهين احسن نمت وكعدت تقريبا ب3 وربع مدري ونص على صوت جهاز سهم باوعت رقم ما مكتوب بي شي عفت ورجعت نمت ثاني

،،، يوم كعدت وبقيت بلغرفةة ابد ما نزلت وحتى ميمي سهم نزلها وياه بقيت كاعدة بلغرفةة للضهر صعد سهم وميمي نايمةة

سهم>>ليش كاعدة بوحدج متنزلين

ميار>>عندي قرايةة

سهم>>وليهسه بدون اكل لتروحين تتخربطين

ميار>>من اتخربط عندك رقم شاهين خابره هو يحتار بيه حتى لا يضل يحجي ويكولك من وراك

سوسن>>سهم وينك تعال منو اجه

ميار>>باوعتله واتذكرت كلامه البارحه من كال سرى راح تجي مدري شلون واني اباوعله بجيت دنگت وهوو نزل من طلع كمت وراه وباوعت اكو مرية لابسة ملابس قصيرة وتبجي وبيدها فايل ورونق تبجي على كلامهاا ما عرفت شنو تحجي رجعت للغرفة سحبت جنطتي مال المدرسة خليت بيها كتبي كولهن ورحت لبست فستان طويل وخليت مكياج ونزلت....السلام عليكم

ام هشام>>وعليكم السلام منو هاي ام سهم

ام سهم>>هاي مرت سهم ميار

ام هشام>>هاااي مرته؟؟

ميار>>حجيت بگلبي.....هه بقت عليج عيني ما قابلة بية كعدت يم خالتي وهيه ما بقت اترخصت و3 تيام راح ترجع بس بقت فايل يم سهم

رونق>>ميار عرفتيها هاي منووو؟؟

ميار>>لا والله ما عرفتها

سهم>>ام سرى هاي

ميار>>انداريت على سهم من حجه وضحكت بوجهه وصعدت للغرفة سحبت الجنطة وردت انزل وصار سهم بوجهي

سهم>>ووين ميار؟؟؟

ميار>>اروح لشاهين

سهم>>ليشش تروحين

ميار>>موو تريد كلمن يروح لحال سبيله وهاي اجتك عمتك حتى تعرف اذا رحت لو بعدني يمك

سهم>>وانتي ليش محترگ كلبج حبيبتي

ميار>>ههه حبيبتي لوو منك ما انطقها شلون صدكت بيك وطاوعتك مادري طلعت تحجي وجهين من تحجي قبل وياي وخليتني اتعلق بميمي وتزوجتني لان جانت ابالك تستغلني لان طفلةة صح حتى ترجعلك سرى وهيج تطلگني

،،،،بس خلي يكون ابالك لا عبالك حمووت وابقة مثلها بدون زواج من اطلگني لان اني ما انكسر اكدر اتزوج اي واحد يكولي تقبلين بية

سهم>>هيج عندج غيري ومنتظرين بس اطلگج

ميار>>ما عندي بس ما اريد اشوف الكسرة يلي حتصير من وراك بعيون شاهين ولا اكدر اخلي الناس يضلون يلومون بي على انه غلطت من زوجت اختك لصديقك

سهم>>تقربت منها ولزمتها من خصرهاا....مستعدة تنامين بحظن غيري وتباوعين بوجهه من الصبح ويسمع ضحكتج ودلعج وهمسج

ميار>>مثل ما غيري مستعد يفرط بيه علمود ماضيه اتحمل كولشي اسوي

سهم>>بس اني ما فرطت بيج

ميار>>انت ذبحتني بيدك وليهسه كاعد تذبح بيه

سهم>>هيج عادي عندج يتقربلج ويشتم العطر يلي دولب سهم بطوله

ميار>>دخل راسه برگبتي ويحجي بهمس كوتله....مثل ما انت تريد ترجعلها ميحقلي ابقة يمك بعد

سهم>>وليش متبقين انتي هم مرتي

ميار>>شلون تقبلهااا على نفسك ترجعها واني على ذمتك

سهم>>عادي هلشي بزونتي

ميار>>لعد اني هم عندي عادي اشوف غيرك بعيوني وعادي اشوف وجهه من الصبح....سكتت من ضغط باصابيعه على خصري بكل قوة بحيث حسيت اضافرة جرحني بس ما سكتت حجيت

،،،واكدر اخلي يسمع ضحكتي وحتى يناام بحظن...اااااه

،،،،دفعته مني ورجعت ليورة ولزمت خصري بيدي من الوجع

سهم>>انتي اليةة امتكلتج بروحج وبعقلج وجريتها لحظني وشديت على خصرهااااا حيل وو...

ميار>>ااااااه سهم

سهم>>عرفت اذيتها من لزمتها بس لازم تعرف هيه الي....رجعت حجيت بحدة وياها.....وامتلكتج حتى بجسمج

ميار>>باوعتله وابتسمت

سهم>>ليش هل الضحكة يلي على وجهج

ميار>>نسيت شي انته سهم مستحيل يجي يوم تاخذه مني

سهم>>استغربت على شنووو تحجي....حجيت برجفه وبحدة...شنووو قصدج

ميار>>گلبي سهم گلبي ودكاته مو الگ ليهسه مو الگ

سهم>>هههههه دنكت على رگبتها وحجيت بهمس...انتي كل عقلج تحجين اخاف شاربة شي بزونتي عضيتها من رگبتها ك انتقام بدايةة للسانهاا

ميار>>كااافي سهم

سهم>>خليني اشوفج گلبج ودكاته شلون مو ملگي

ميار>>اريد اخلص من جسمه لازمني حيل ولزماته حيل داتاذيني..

سهم>>شبيها بزونتي تريد تشرد

ميار>>وخر مني تكدر

سهم>>لا حبيبي بعد وقت نسيتي اليوم شسويتي

ميار>>شسويت؟؟؟

سهم>>اااخ متعرفين شسويتي

ميار>>لا والله مااعرف

سهم>>شبيج حبيبتي نسيتي هستوني كتلج اريد اشوفج كلبج المن

ميار>>جراني ووكف كدام ميز التواليت وعيونه تجدح شرار...

،،،،،حجيت بخوف....خليني انزل

سهم>>لا حبيبي اخذ يلي اريدة ونوب انزلي

ميار>>فدوه سهم خليني اروح يردو....

سهم>>راسا اتقربت منها وسكتتها من سحبت شفايفها بين شفايفي واتعمقت بيهاااا نوب سحبت لسانها علگيف يمكن بس لمن حسيت بضرباتها الخفيفةة على صدري ابتعدت منها وراسا رادت تووكع لزمتها بين ادية

ميار>>..سه..م...اجي.ت...اموت* سهم اجيت اموت*

سهم>>اششش هاي بدايتي بزونتي بس بدايتي

ميار>>حظنته واني اتنفس سريع واحس اريد اكبر كمية هوووا ادخلها بريتي

سهم>>شبيها بزونتي الحلوة

ميار>>تدري كلما انت اعصاب وتسوي كلشي احتمي منك وبيك لاول مرة اشووف نفسي احتمي بلشخص يلي ياذيني

سهم>>ههههه عرفتي ليش

ميار>>هزيت راسي بحظنه بمعنى لاااا

سهم>>كلششي بيج الي ملگ لسهم حتى گلبج ودكاته الييييي افتهمتي

ميار>>ليش داتصيح باذني شنوو كاعد تكولي لوو تورطني

سهم>>لفيت شعرها بخفه بيدي وبعدتها من حظني

ميار>>اااااه شعري

سهم>>لا كاعد اكلج ولا اورطج كاعد اخليج تتقبلين الامر الوووواقع مفهووم

ميار>>بجيت مو لان اذاني بجيت لان سهم خبلني بين ثانية وثانية شخصيةة

سهم>>گلت مفهوووم

ميار>>ايي والله افتهمت

سهم>>فدوه للتسمع الكلام دخلت راسي بصدرهااا واشتم عطرهاااا

ميار>>حظنته عبالك اخر مرة ححظنةة

انس بصووت>>سهم يردوك جوة

ميار>>راد يكوم ما قبلت وحظنته من رگبتة....لا تروح يمهم

سهم>>شبيج بزونتي منو قبل شوية متريدني

ميار>>بداعتي عندك لا تنزل

سهم>>بقيت يمها ورجعتها لحظني بقيت كاعد يمها حسيت بيها من ميلت راسها عن صدري باوعتلها شفتها نايمة دنكت طبعت بوسة على شفايفهاا وشلتها خليتها على الجرباية وغطيتها طلعت خابرت....

.....>>ها سهم والله ما صدكت بيك اني ادري منوو مي....

سهم>>ادري والله لتخاف بس اريد اخلص من شغلة والحمدلله من اجتي على ميار حتى ابين هيه منوو هسه باجر من تجي افهمك كلشي سديته من يمه وانداريت اضحك على تصرفات بزونتي نزلت شفت انس گالب خلقته ورونق حلگها باذن سوسن طلعت من البيت لليل كلش يلة رجعت بدلت نمت وراها وحظنتها

ميار>>كعدت ثاني يوم كلي نشااط ما اليوم خطبت شاهينوو ركضت حظرت ملابسي وملابس سهم وميمي ونزلت سويت ريوك وي خالتي ونزل سهم يضحگ كعد يمي وكلما اسوي لفة الي ياخذها من ايدي ضحكت وخالتي بس تضحك بوجهنا من سمع صوت البنات راسا كام وطلع ما بقة بلبيت

،،،،استغربت ليشش كملنا الريوك وهو ما رجع كمت غسلت الماعين وخاله كعدت تسوي بلغدا وياهن ولان اتريگنا متاخرين ما تغدينا صارت الساعه ب3 واجة شاهين ركضت حظنته

شاهين>>دكتورتي اشو بعدج ما مبدلة

ميار>>كولشي محظرة بس اصعد

شاهين>>ههههه

ميار>>كعد شاهين يحجي ورادهم وياه عمو وخالة قبلو يجون بس رونق وسوسن ما قبلن يجني وانس ما موجود لان بالمحل ف شاهين خابره كدامنا ف انس كالة عشر دقايق وتلگاني يمك وسهم دخل للبيت

،،،،واحنة انشالله ب4 نطلع من البيت ونروح لبيت نبضي ههههه راح شاهين وانتظرنا انس حتى يجي ونتغدا سوة وصدوك عشر دقايق ودخل انس يضحك ويطگ اصبع ويهوس المخبل بس من شاف الاكل عاف الهوسة وجيت ياكل كمت من كملت الغدا

،،،،، كمت سبحت ولبست ملابسي وشسورت شعري من نشف بدلت لميمي بدلة وردية صلوخ تجنن ولبستها سوار سبع عيون لان طلعت كيكة كملت لبسي وكعدت اخلي مكياج وي الفستان مالتي ودخل سهم باوع علينا وطب للحمام يبدل من كمل طلع يعدل بشعرة باوعت لقميصة ما مدگم هاي اول هيج يعوفهن تقربت عليه وسحبت قميصه بيدي وعدلت ياختة ودگمت قميصه

سهم>>شسوين بزونتي

ميار>>اسد القميص

سهم>>وليش اسدي عوفي يمعوده اختنگ

ميار>>وخنگتهم الدنيا باردة وين تختنگ

سهم>>ههههه

ميار>>ضحكت ونزلنا سوة وميمي بحظن سهم وطلعنا لشاهين شفنا بلبيت ابو اسماعيل وام ازل وازل وغالية موجودات سلمت عليهن وطلعنا سوة

،،،،كعدت يم سهم وخالتي وعمو ليورة وانس صعد وي شاهين وابو اسماعيل وام ازل وازل وغالية وي اسماعيل وصلنا لبيت نبض وبدات كلام الزلم وحد واحنه النسوان كاعدات بغرفة ومنتظرين شوكت السيد يعقد الهم

،،،،عبالك كاعدة على الناار صافنة بوجهه نبض ونضحك وسمعنا صوت الهلاهل واخيرااا يربي الحمدلله وكفت نبض ورا الباب والسيد عقدلهم ومن كملنا الخطبة ركضت كدامهم وحظنت شاهين....الف مبروك حبيبي انشألله ربي يسعدكم ويحفظكم واشوف جهالكم

شاهين>>فدوه اروحلج دكتورتي

ميار>>رجعنا للبيت ومن صدوك فرحانة شفنا سوسن تبجي ورونق تهدي بيهاا حتى شاهين اجه ويانا للبيت خاله رادته يبقى يمنا صعدت اخلي ميمي بلغرفه بعدني على الدرج وسمعت سوسن

سوسن بصوت>>لااا خلي يدري باخته شسووي من ورا ضهره

شاهين>>شنو قصدج ميار شمسوية وهيج تحجين سهم شكووو؟؟

ميار>>نزلت وخايفة بس والله ما مسوية شي ولو غلطانه احجي بقيت واكفة واجه شاهين عليه لزمني من اجتافي

شاهين>>ميار شصاير كولي حبيبتي

ميار بخوف>>اني.....

شاهين>>شنوو يلة احجي

ميار>>والله ما مسوية شي

شاهين>>شلوون ما مسوية شي شوفي سوسن وكلامها وعلساس حتى سامعتج تحجين

ميار>>باوعت لسهم وبجيت هيج صرت بنظر شاهين مو زينة كاعدين يحجون بية بدون سبب وشكد خفت لزمني شاهين من ايدي وحجة بصوت عالي

شاهين>>ثقتي بميار عالية هاي مو بس اختي هاي بتي وعرفت شلون ربيتها اضن رونق وسوسن كالن عدنا شي على ميار شنو هوه بس قبل لا تحجن كدام الكل احجيها اذا لگيت العيبة عد اختي متبقى بلبيت واذا ما مسوية شي هم متبقى لان اتهام باطل واني اتخبل اذا توجه كلام لميار جذب والباقي يصدكون بحساب محد يثق بيها

سهم بحدة>>ميار ما بيها قصور اذا فد يوم اجتني وكالت الدنيا صيف ومطر واحنه بعز تموز اصدگها واذا غيرها يجي يكول الدنيا مطر واحنه بعز الشتا ما اصدك والحليم يفتهمها من الاشارة شاهين

شاهين>>هسه كولي رونق شعندج

رونق>>كم مرة من اجيت جانت ميار تقفل الباب على روحها صح لو غلط واجيت حجيت لخالتي

شاهين>>ليش تقفلين الباب

ميار>>والله علمود ميمي لان تلعب بلحجلة وخاف تغافلني وتطلع ولا سامح الله توكع علمود هاي وداعتك انتة

شاهين>>هاي جواب اختي شعدج بعد

ميار>>بقت رونق ساكتة ونوب صاحت البصمة يي مسجلتها بلجهاز

شاهين>>بصمة شنوو؟؟

رونق>>دقيقة اسمعووو

ميار>>شغلت جهازها وصوتي من احجي وي البنات بلمحادثه

رونق>>سمعتوو من كالت ليش اضوج ابقة حبه الاولي وفدوة لله وغيرها سمعتو صوتها

ميار>>لزمت ايد شاهين اندار وباوع عليه رفعت راسي وكوتله....خلي احد يجيب الجهاز من الغرفة واسمعكم البصمات كاملة بلواتس والله ما حاذفة منها شي

سوسن>>شنوو كلتي ليش تحجين بصوت ناصي

شاهين>>اصعدي جيبي جهاز ميار

ميار>>ركضت سوسن للغرفة ونزلت جهازي راد يفتحه لكاه ميفتح لان ملعوب بلرمز بقيت ابجي واشهگ

شاهين>>شكد الرمز غيرتي لو نفسه؟؟؟

ميار>>نفسه حبيبي

شاهين>>خليت الجهاز وفتحت الرمز دخلت على الواتس وانطيتها الجهاز

ميار>>دخلت على المحادثه مال البنات وبقت افتح البصماات من البداية لحد الكلام يلي مسجلته هيه بقيت افتح البصمات لحد اخير بصمةة

شاهين>>هاي كلشي عدجن لو بعد

سهم>>لا يابة هاي كلشي شبيك هنه وين يكدرن يلزمن نقطة ضعف على ميار بس تذكر من خابرتك وكتلك لتخاف لان ميار مو مثل العندي بس من سمعت رونق تكول لسوسن روحي لشاهين وسمعي خفت تصدك بيهن وتاخذ فكرة عن ميار لو كلت يروحن يهددن ميار بلصوت وما عدها دليل لنفسها بس البارحه من فتحت جهاز ميار وسمعت المحادثة كلها ضحكت عرفت بميار ما تحذف حرف وي صديقاتها

،،،،،جنت متعمد من سمعتك يلي عد رونق بلبدايه حتى اثبتلك الحية شمسوية بصوت ميار ومن خابرتك بس حتى اكشف رونق لاختي وشلون تريد تخرب سمعت مرت اخوها وهاي العندي مصدگة كلشي

انس>>بت النعال مو مقدرينج ومدخلينج لبيتنا ضليتي تلوبين من تزوج سهم وهسه تردين تخربين سمعت ميار ولج لاضافر رجليها متوصلين وهسه بيدي اوديج لاهلج خلي ابوج بدال ما عايفج تهوزبين منا ومنا يكعد يربي بيجن من جديد

ميار>>فزيت من حظني شاهين وادية ترجف بدون قصد شهگت بحظنه مال واحد جان منتظر قرار الافراج وهو على حبل الاعدام

شاهين>>اششش ميارتي شبيج ولج هيه هاي اتفاقيتي وي سهم متعرفين شصار بية من سمعت تسجيل رونق بلبداية خفت عليج حبيبتي كلت بس لا صادقت بنية ولعبت بعقلهاا بحيث بوقتها اجيت اروح لبيت إبراهيم واتعارك وياه

،،،،بس سهم كالي عليهن وعرف بيهن مسويات هيج حتى يشوهن سمعتج كدام بيت سهم

ميار>>سكت شاهين وثنينا باوعنا على صوت سوسن من صاحت شفنا سهم من ضربها كدامنا هيه من الضربة صاحت

شاهين>>مو هيج سهم سوسن فطيرة وعلى نياتها بس رونق نعرفها من زمان

ام سهم >>صعدي لغرفتج سوسن وحسابي بعدين ويااااج

سهم>>ضربتها لان غلطت بحق ميار ولان كلما ابعدها عن رونق تضل تبجي ومتقبل عبالك ما عدها غيرهاااا قسما بالله لو وحدة غير ميار وجايبتلي اختي عليها الصوت يلي مسجلاته كان ارتكبت جريمه بحقها ما جنت اعرف اختي هيج ينضحك عليها

شاهين>>ميخالف سهم هدي مو هيج تسوي الحمدلله من اجتي على هاي

ميار>>بقيت لازمه ايد شاهين وكعدت يمه

ام سهم>>ميار يمه اني.....

شاهين>>لا تكملين خالة انتي مو بس ام صديقي اني من زمان اعتبرج امي وقريبة عليه وهسه ميار چنتچ ومرت ابنج

ام سهم>>حقك عليه يمه ما عرفت الزم بتي

شاهين>>لا تكولين هيج خاله ترى سوسن هم صغيره مو جبيرة بس الصراحة واحجيها كدام سهم من زمان اني ما قابل على جيه رونق لبيتكم

ام سهم>>شنسوي يمه نطردها هم عيب علينا

شاهين>>صار خير خالةة

ميار>>بقوو يحجون ونوب انس رجع كعد يمي ولزم ايدي

انس>>المن تبجين ولج غير انعل والديها علمودج

ميار>>من صدوك هسه اذا انس يطلب روحي انطيها اله لان هو جان ما قابل على يلي سوونه بيه

شاهين>>بس الحلو ب انس رغم ميعرف شي ولا دخلنا بلموضوع وما انطه بميار صدك لو كالو مرات حما البنية بمثابة اخوها وانس اثبت هلشي

انس>>لا مو اخوها بس خلي نكول اصدقاء لان اني اعرف ميار مستحيل تخطي خطوة اذا ما تحسب حساب الگ بحياتهاا

ميار>>ساعة كاملة بقة شاهين يحجي وي سهم علمود سوسن ويتصرف باسلوب وياها وهيج يكدر يبعدها عن رونق احسن ما تروح لطريق اتعس من هاذا راد شاهين يروح وكفت يمه

شاهين>>تجين وياي ترتاحين

ميار>>صدوك محتاجة بهل الوقت حظن شاهين واغفه عليه بدون تفكير بس اريد اعرف هواي شغلات هسه اولهن ليش سهم ضربني وصدوك سرى حترجع وليش اجتي امها وسهم شلون عرف رمز جهازي وسمع المحادثه مالتي وي البنات وهووواي اسئلة كلهن اتكومن عليه وردت حلهن بهذا اليوووووم

شاهين>>دكتورتي احجي وياج

ميار>>لا حبيبي لان ميمي نايمة وماكدر ابقيها بوحدهاا وهسه اذا انزلها واجي وياك بعد متنام خليها غير يوم

شاهين>>بستها براسها وسلمت عليهم وطلعت

ميار>>انداريت شفت خالتي شلون فتحتلي حظنها مشيت وحظنتهاا معقوله سوسن ما كاعد تشوف حنية امها وحبها وخوفها صدوك لو كال ابو المثل ينطي الجوز للماعندو اسنوووون ابتعدت منها وصعدت للغرفة انداريت من سمعت صوت سهم يخابر وطب للغرفة

سهم>>لا حفظته يمي ادري كل يوم رقم خرب يومك لك حرت شكتب على اسمك ابن الحيوان هذا اخر رقم اسجله يمي بس وداعه ابوية اذا حرگته اني اغير رقمي هلمرة وما انطيك ياه

ميار>>ههههه صدوك ضحكت عليه شلون يحجي ويريد يغير رقمه

سهم>>جنت مطمور بوية داك عليه شنوو اجي احلب الهايشة ونسوي گيمر عرب دروح مني يمعود تعبان خوش الله وياك

ميار>>عفته وردت انام جراني من ايدي انضربت بصدرة حيل ابتعدت عنه وباوعتله

سهم>>ايباااه عود بزونتي تخازرني لازم شسوي هسه مثلا

ميار>>اقل شي تكدر تسوي انو تخابر شاهين حتى يبلش بلمعاملة الطلاگ

سهم>>اهااا وتريدين اطلگيني ليش بشنوو مقصر وياج اني حبيبي عايفج بوحدج مضوجج مني ماذيج هسه شمحلاتني وياااج

ميار>>دفعته مني وحجيت بتعب.....ضربتني بدون سبب ويلي سويته ابيت شاهين هم بدون سبب وحترجع زوجتك وتكولي بشنووو مضوجج

سهم>>من ضربتج لان تصرفج غلط حبيبي اني زوجج والمرة المتزوجةة لازم تستند على زوجها وكون انتي ادوريلج الف حجة حتى تخليني يمج يعني يصير يجي يوم اروح لدوامي ومناك اروح لغير مكان وما اكلج شيصير بيج متضوجين وتصيرين اعصاب

،،،،،كافي عليه صدريتج واني زوجج من اشوفج اضل اباوعلج بدون مستحى مو نوب شباب يشوفوج واتخبل اني من هلشي من وراج حسيت نفسي اول مرة اتزوج ردت بكل طريقة اسد عيونج وما اخليها تشوف غيري واسد عيون الناس حتى محد يباوعلج غيري

،،،،،هل الشفايف المرسومة اتخبل من اشوفهن يحجن وي غيري شسووي البسج نقاب واخلص فهميني

ميار>>ههههه

سهم>>اووف ضحكة لو نوتة كمان حبيبي.....ردت احظنها ومشت ليورة

ميار>>ميصير تحظني خلي حظنك لزوجتك مو راح ترجع

سهم>>يي والله ذكرتيني همزين

ميار>>استغربت من عافني وراح يدور بلگنتور صحت.....على شنو ادور

سهم>>على شي مهم باجر اخذه وياي

ميار>>اذا نيتك ترجعها من زمان ليش ورطتني بيك

سهم>>مو متحبيني ليش ضايجةة

ميار>>اكو غيري يحبك صح

سهم>>ردت اطلع من الغرفة ورجعت وين ما هيه واكفة باوعت بعيونها وطلعت من الغرفة وخابرت على حسام وخديجة ردت اتاكد هلشي يلي قريته صح لو لا بس هم ما استفاااد لازم كدام عيني حتى اعرف

،،،،،لان اكو ناس متخاف الله وتزور هواي شغلات لان الفلوس اليوم تلعب دور وكلشي يكدرون يشترون ساعتين احجي وياهم وعرفت هواي شغلات عن الشي يلي ردته طبعا حسام دكتور اختصاص جراحة عامه وخديجه دكتورة نسائية بس تعتبر اليد اليمنى لكل دكتور بلمستشفى يلي نشتغل بي حبيناها باسلوبها

،،،،،وكلامها وهيه صديقة طفولتنا اني وشاهين جنا بمدرسة ابتدائية سوة وخلصنا سوة وبعد فترة يلا التقينا لان بنفس المستشفى يلي اداوم بيها بحيث البطل مالتنا دكتور حسام يلي وكف المستشفى الخاص على تگ رجل خديجه وكفتة على تگ اصبع ههههه كلما يتقدملها متقبل والكل يعرف بي يحبها ويريدهااا

،،،،،المهم رجعت للبيت شفتها نايمة هلمرة ماكدرت انام وراها نمت بحظنها دخلت راسي برگبتها ونمت شوية وخلت ايدها على شعري وتقربت مني اووووف شكد احبها ياااا الله❤ ثاني يووم كعدت على صوت ميار تحجي وتهم بلغرفة كعدت افرگ بعيوني وركزت عليها....شكووو بزونتي

ميار>>راح اطلگ

سهم>>شنووو؟؟

ميار>>مو هيج انت تريد وما رجعتلي خبر اذا ذيج راح ترجت او لا ف اني من كعدت خابرت شاهين

سهم>>مياااار شتحجين؟؟؟

ميار>>قبل لا انت تعوفني اني اعوفك سهم ما دام تريد تگسرني بيها اگسرك بيدي والله

سهم>>جريتها لصدري بس راسا استغربت من دفعتني وكالت

ميار>>عبالك ما ادري بيك تحبني سهم اصلااا تتخبل من تشوفني يم انس وغيره وهيج راح اخليك تعرف شنو قيمة ميار بحياتگ

سهم>>تدرين احبج وتردين تروحين

ميار>>لان اني ما احبك سهم ومستحيل يجي يوم احبك على اسلوبك وياي لو خيروني بين اشوف مستقبلي واحقق حلمي لو ارجع ساعه زمن ليورا اختار هل الساعه تدري يا ساعة اختار منهن؟؟؟يوم يلي وافقت على زواجناااا وثنينا نخلص

سهم>>اموتج اذا تعوفيني مياااار انتي الي والله لا تخليني امنعج حتى من شاهين

ميار>>لگ مااااا احبگ افتهمهاااا

سهم>>مياااار تقربت منهااا وهيه تضحك بصوت عالي حسيت بيها تضحك على جروحي لزمتها من رگبتها ودفعتها على الحاااايط وجهه صااار احمر بقيت اخنگ بيها لحدما وكعت بين اديةة..

♡'''''''''''''''♡'''''''''''''♡''''''''''''''''♡

مشاهدة ممتعةة نبضااااتي ♡♡

من هسه داكتب للبارت اريد بارت يجنن وبي قفلة تجلط ههههه
داشاقه وياكم بس انشالله بعد بارتين ونودع قصة سهم الغرام
يلة همتكم حبايبي بلتصويت والتعليقااات اريد هلبارت يصير الف نجمة ⭐بداعتي

لازم باجر انشرة بس لان احبكم واشتاقيت الكم والبارت كمل عندي المن عايفته كلت انشرة لان نبضاتي يستاهلوووووون ❤

  nosha 😽❤❤