رواية سهم الغرام الفصل السادس والثلاثون 36 - بقلم الكاتبةة نور حسن💕

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

‏يـ بعد الما يشوفَن غيرج مرايَه
‏يـ سالفتي وربيع الله ، ‏و حلم عمري ♥️

♡'''''''''''''''♡'''''''''''''♡''''''''''''''''♡

سهم>>فزيت على صوت ميمي راسا كمت شفتها بحظني استغفر الله شلوون حلم كمت عدلتها وشغلت الضوة لميمي لان من تكعد والغرفة ضلمة تبجي لازم نشغل الضوة لحدما تنااام عفتها وتقربت من بزونتي

،،،،خليت ايدي على شعرها وامسد عليها نزلت راسي وطبعت بوسة خفيفة على شفايفهاا ورجعت نمت بحظنها والله حسيت بنفسي متت مو حلم كابوس بحاله اووف نمت ساعة تقريبا ودگ المنبه والله مو مال دوام حسيت بيها من تتحرگ وتريد تكووم من حظني شلون تثاووب فدوه للشفايف رحت ههههه

ميار>>اوووف امدد بجسمي عبالك جنت نايمة بلجنطة مال سيارة وهيج جسمي مكسر ههههه هيج امدد وصار جسم سهم فوگ جسمي فتحت عيوني على وسعهن وهو يضحك

سهم>>صباح الخير حبيبي

ميار>>صباح النور

سهم>>عيديها بربج

ميار>>صباح النور

سهم>>اووووف الله ولج انتي الله منين خالقج اشوو كلج تنگرطين غصبا عني اريدج بحظني

ميار>>احنه مزاعلين ميصير تحجي وياي

سهم>>والله احجي وي نفسج حبيبي انتي مزاعلتني اني ما مزاعلج

ميار>>منو يلي راح يجيب الخاتون ويرجعهاا

سهم>>منو هذا اصلا ميفتهم يحلووو منووو يبدل الگيمر عرب بطاسة روبة

ميار>>والله؟؟؟

سهم>>وعيونج عندي هسه شوكت تحنين عليه وتراضيني حبيبي

ميار>>اريد ابدل سهم

سهم>>ماكو دوام لحدما تنوميني بحظنج وتبوسيني

ميار>>اهاااا

سهم>>يي يبعد ال هاااا واهلهااا.....نمت على الجرباية وجريتها عليه صار جسمها فوكاي...يله حبيبي

ميار>>شنووو؟؟

سهم>>بوسيني عظيني ملخيني بكيفج كلشي الج

ميار>>ما اريد اسوي هيج اريد ابد....

سهم>>تقربت منها واخذت شفايفها على السريع وسكتتها واني محتضن شفايفها بقيت ارجع راسي ليورة وارجع بمكاني احلى شي اني ما اقاومها اريدها بس مو كجسم وبس لا اريدها بكلشي نسوي ميار صارت ادمااان بلنسبة الي

،،،،سويت نفسي ابتعدت منهااا دنگت على رگبتي وانفاسها حارة خليت ايدي ورا راسهاا شوية وحسيت شفايفها من تضغط على رگبتي وتبوس بيهاا بلحظة اعتليت جسمها وهيه جواي تتنفس سريع تقربت منها واتنفس انفاااسها

،،،،،خليت ادية على رگبتها ونزلتها لحد صدرها فتحت السحاب ودخلت راسي ابوس بصدرهاا وكعدت ميمي

ميار>>سهم ميمي كعدت وخر

سهم>>مو وگتها حبيبي

ميار>>باوعت تفرگ بعيونها راسا دفعته مني وكمت

سهم>>ولج بعدني

ميار>>ميمي كعدت وعندي مدرسة.....ركضت اخذت ملابسي وطبيت للحمام سبحت وبدلت وطلعت اضحك وهو مخلي ميمي على رجليه من شافني خزرني بعيونة سحبت جنطتي ومصروفي

،،،،،ردت اطلع من الغرفة رجعت عليه اضحك باوع عليه وصافن اشرت على رگبتي وما افتهم شي كوتله......اكو شي هنا شوو ارفع راسك داشوف.....رفع راسه وايدة على رگبته تقدمت منه بوسته على كيف وركضت

سهم>>بزوووونتي تگضي المدرسة لو لااا

ميار>>هههه امشي واضحك على صوته نزلت سلمت وطلعت وي البنات اليوم اخير امتحان شهري رياضيات يعني بس اسبوع ونعرف منو تدخل إعفاء عام ومنو كم مادة تنعفي بيها من خلصت المدرسة رجعت للبيت فرحانةة

ام سهم>>يمه هلا بطيري

ميار>>شلونج خاله

ام سهم>>الحمدلله يمه يله تعاي اتغدي

ميار>>صعدت ابدل بيه طبع البس البجامة قبل التشيرت هههه نزعت صدريتي وعفت قميصي مفتوح وداعدل بلجامة ودخل سهم راسا سديت القميص بيدي وسحبت التشيرت حتى ابدل بلحمام

سهم>>مشيت يمها ونترت ايدها من قميصهاا ضحكت ودرتها على المراية وبيدي حظنت صدرها وبيدي الثانية حاظن خصرها ومقرب جسمها من جسمي

ميار>>سهمم

سهم>>فتحت القميص واشرت على بصماتي....المن الخجل شوفي بصماتي وين صايره هنا وهنا نزلت حماله صدرها واشرت عليه حتى هناا حبيبي

ميار>>انداريت وحظنته.....انت بدون مستحى

سهم>>ههههه ولج شنو قصدج

ميار>>بقيت حاظنته واضحك بصدرة

سهم>>بدلي بزونتي حتى نتغدا سوة

ميار>>رحت بدلت ونزلت وياه دانتغدا سوة واندگت الباب كام سهم يفتح الباب ودخلت بنية سبحان من خلقها وابدع بيهاا والنبي بقيت ميخله عليها صفنت بوجهه ودخلت وياها نفس المرية يلي اجتي ذاك اليوم وكالو ام سرى ويلي دخلت وياها ام رونق بقيت لا اكدر ابلع اللگمة ولا اذبها من حلگي

ام سرى>>اجينا بوقت غداهم شكد عيب شسويلج سراوي هاي من وراج خبلتيني بتي وبتي

سهم>>لا عادي اهلا وسهلا فوتوو

ميار>>فاتوو للبيت وخاله اشرتلي كمت وشلت الماعين وياي وعدلت الطبلة وغسلت ورجعت سلمت عليهن

ام سرى>>سراوي هاي ميار

ميار>>باوعتلي گأنو استغربت عمري واني اباوعلها لان مصدومة بجيتهاا باوعت لسهم وماكدرت ابقة اترخصت منهم صعدت فوگ احس بضيق بصدري هاي نهايتنا صح

سهم>>بزونتي

ميار>>سديت اذني ما اريد اسمع صوته ردت اطلع وكف مقابيلي اختنگت بلزايد اريد اركز بوجهه ماكدرت وبجيت

سهم>>بزووونتي شبيج؟؟؟

ميار>>اني شسويت وهيج يصير

ام سهم>>سهم وين ميمي ترى الجماعه طلع عدهم موعد

سهم>>بس دقيقه هسه اجيج

ميار>>باوعتله اخذ ميمي ونزل ابد ما نزلت وبقيت فوك للمغرب انفتحت باب الغرفة عبالي سهم من باوعت شفتها سوسن

سوسن>>ههههه صدك لو كالو الدنيا دوارة وبابو زايد اجيتج واعتبرتج صديقة وكتلج احب شاهين بس شسويتي رفعتي خشمج عبالج اتوسل بيج لا عيني ماكو داعي لان اجتي يلي راح تلعبج على حبلها كل ظنج انتي صاحبت كيد وكذا اجتي يلي عدها مگر وحقارة فوول بحيث انتي بلنسبة الها مجرد لا شي نقطة مي بوسط بحر

ميار>>تحجي واني راسي مورم من التفكير نوب صارت دنيا ليل وسهم ماكوو

انس>>سووووسن هيووو وووينج

سوسن>>اجة غضب الله لا هلا

ميار>>شلون الها گلب تحجي وتدعي على انس يا الله شكد حقيرة من نزلت سوسن ما بقيت بلغرفة كمت ونزلت جوة بلحديقة احب اكعد بيها لان محد بيها ويصير بيها ضوة قليل كعدت على المرجوحة وامرجح بنفسي

،،،،نوب تمددت عليها وخليت ادية على عيوني وابجي وبقيت مدري شكد لحدما وكفت من وحدها باوعت شفته سهم وبيدة ميمي ونايمه كعدت على حيلي

سهم>>شنو طفلة تتمرجحين هاج اخذي ميمي وديها للغرفةة

ميار>>جتفت ادية لصدري وهزيت راسي بمعنى لااا

سهم>>ميار سيارتي برا

ميار>>ردت احجي وطلع انس يصيح بلجهاز نوب انتبه على سيارة سهم

انس>>ليش سيارتك برا؟؟؟

سهم>>تعاال ودي ميمي يم امي بين ما ادخل السيارة

ميار>>اخذها انس وهو يدردم هههه وشوية وطلع وسهم دخل سيارته واجه يمي هو اني شاردة منه وهو يجي وراي اوووف

سهم>>شبيج بزونتي وليش عيونج مورمةة

ميار>>هيج من وحدي عندك مانع

سهم>>شكوو تحجين بصوت عالي

ميار>>روح جوة سهم اريد ابقة بوحدي

سهم>>لا ما اريد اروح اريد ابقة يمج

ميار>>عفته وكعدت مقهورة من كولشي وخاصة منه نوب ليش دموعي بسرعه ينزلن من وراه ااااااه ردت اكوم جراني وكعدني يمه نترت ايدي من وعطت بوجهه....شتريد

سهم>>مياااار المن صوتج عالي

ميار>>اسفة مو بقصدي بس اريد اروح الم كتبي حتى اروح الصبح

سهم>>باجر ماكو مدرسةة وين ترحين

ميار>>لبيتي يعني من تطلگ البنية وين تروح لبيت اهلهاا صح....مدري ليش اتاذيت من حجيت هيج بس باوعت عليه وكملت كلامي....وبما انو انت عندك عقل والله يحبك شسويت حظرت جنابك دكتور سهم

،،،،،اتزوجت بنية ما عدها اهل وحتى تلعبها صح كمت واخذت اخت صديقك تدري ليش حتى ترجعلك سرى وهاي رجعتلك واني ارجع لبيت اخوي هيج بكل بساطةة

سهم>>بزونتي بس اسمعيني

ميار>>شسمع منك مو حبيبتك رجعتلك شسوي بية

سهم>>ولج اني يومي كله افكر بيج واريدج يمي وانت كلما تحجين اجيبين طاري سرى ولج منو كالج اريد اطلكج كلما اريد احجيلج متقبلين تضلين تحللين من كيفج وما شاءالله عندج عقل بگلشي مچيم بس شوكت يشتغل لمن التفكير يخص سهم تصيرين شارلوك هولمز

ميار>>لا افكر ولا شي اني وحدة غبية وما افيدك

سهم>>تفيديني او لا غبية او لا اهم شي عندي انو اني ما اكدر يوم بدونج

ميار>>تقربت منه وباوعت لعيونه....ليش سهم انطيني سبب واحد يخليك متكدر بدون ميار لا تسكت سهم سبب واحد

سهم>>بزونتي اسكتي

ميار>>لعد عوفني اروح وهاهيه انت متحبني ولا تكدر تحبني.....فتت من يمه وردت ادخل للبيت

سهم>>جريتها صار ضهرها على باب السيارة.....منو يلي ميحبج ولج

ميار>>انته متحبني

سهم>>ما احبج واغااار عليج من الدنيااا كلهه ما احبج وما اريد غيري يباوعلج ما احبج والليل يلي تنامين بي ابقة اصفن بملامح وجهج كل هذا ويلي بگلبي كلاااام يابو كلاااام ميااار وتكولين متحبني شوكت تكبرين بزونتي شمدريني انتي شلون تفكرين بالحب وشلون تردينه مني بس اني مو مراهق ميار اني اذا حبيت شخص اخاف عليه من كلشي واموت اذا صار بي شي شوكت تشغلين عقلج حبيبي

ميار>>سهم يحبني والله يحبني بس شنو الفايدة ما كالي احبج❤☹️

سهم>>بزونتي حبيبي ولج والله احبج وداعة ميمي احبج

ميار>>باوعت عليه وضحكت..... لعد وسرى

سهم>>خرب يومج ولج شعليج بيها اني هسه اكلج احبج افتهمي كولي اني هم احبك كولي اعشقك يله.....تقربت منهاا وحظنتها لصدري.....يلة بزونتي هيه كلمة بس والله ادخلين بيها الجنة لن راح تريحين گلبي بيهااا

ميار>>بادلتة بلحظن ودخلت بصدرة....سهم

سهم>>كولي يروح سهم

ميار>>لا تعوفني فدوة وتروح الها والله اني

سهم>>جريتها من صدري وباوعتلها....يلة حبيبي كمليها انتي شنوو؟؟؟

ميار>>احبك والله

سهم>>اوووف واخيراا نطقتها بزونتي

ميار>>ههههه....بقينا برا واكفين ونحجي سوة وسهم يضحك مكعدني بحظنةة وحاير يعض برگبتي....سهم

سهم>>منوو هذااا؟؟كولي حبيبي

ميار>>حبيبي كافي رگبتي

سهم>>كومي وياي اكلج شغلة حتى ترتاحين وشارلوك هولمز شوية يستجن مني

ميار>>ههههه

سهم>>كومي حبيبي

ميار>>كمت وياه للغرفة على السريع طبينا للغرفة وكعدت

سهم>>اخذت الطبلة وخليتها بحظنها....شوفي بزونتي هل الطبلة لسرى لان سرى مريضة وبيها مرض مو زين واخر فترة الها

ميار>>عززززا سهم شداتحجي؟؟

سهم>>اني هم ما صدكت ميار ودزيت التحاليل والتقرير لصديق وصديقة بلمستشفى وهم اتاكدو يمكن راح متصدكين بس سرى تريد تبقى وي ميمي يمها ومن اجتي نيتها تاخدها وياها لبيتهم بس ماكدر ابقيها يمهم

ميار>>ليش حبيبي هيه هم امها خلي تشوفها ونبقي ميمي يمها

سهم>>بزونتي انتي متعرفين شي وحقج لان ما عندج مگر بعض النسوان حبيبي اذا ميمي راحت وياها معناها اسلم بتي للموت بيدي لان مااثق بيهن

ميار>>لعد الحل شنوو سهم؟؟؟

سهم>>ام هشام كالت اذا متردون ميمي تجي ويانا هيج تحرمون الام من بتها واذا ماتت تبقة نفسها بميمي

ميار>>ما فهمت سهم هسه المهم بهلشي شنوو؟؟

سهم>>لازم سرى تبقة يمنا بس شهرين مو اكثر

ميار>>انصدمت من كلامه شلون تبقى هنا مو شغلة شي بس اني اصلا خفت من كلام سوسن وشمدريني ما تروح تاخذ سهم مني😢😢

سهم>>شبيج حبيبتي

ميار>>سهم اهلها شلون قبلوو

سهم>>عادي امها موجودة تقنع اكبر راس بيهم

ميار>>مادري هلشي راجعلكم اني شبيدي

سهم>>بيدج كلشي حبيبي اذا متقبلين اني هم ما اقبل

ميار>>بس هيه مريضة واذا صار بيها شي لا سامح الله وما شايفة ميمي مااريد اتحمل خطيتها سهم افهمني فدوه

سهم>>ماكو هيج شي هيه من البداية اتخلت عنها هسه اتذكرتها لان راح تموت

ميار>>حبيبي بس

سهم>>اششش هسه ما اريد افكر بيها خليني بحظنج حبيبي.....شمرت الطبلة وكعدت بصفها

ميار>>اريد اسالگ سؤال

سهم>>متاكدة سؤال واحد بزونتي

ميار>>هههه لا كومةة واريدك تجاوبني احسن ما عقلي ينفجر

سهم>>سلامة عقلج بزوونتي اساالي

ميار>>شلون عرفت رمز جهازي

سهم>>مواليد شاهين كم مرة فتحتي كدامي وعرفته

ميار>>ههههه زين بلحديقه من كتلي اعترفتي بحبه وهيج

سهم>>هاي سمعت صوتج بجهاز رونق بس من طلعت برا بقيت افتر وافكر مستحيل ميار تسوي هيج وتخلي شاهين بهيج موقف وانتي متكدرين على زعله منج

ميار>>صح كل خطوة شاهين اله دور بيها بس انت بوقتها عبالك احب ابراهيم.....راسا لزمت حلگي من الوجع وباوعتله.....ليش ضربتني

سهم>>اموتج اذا اسمعج تحجين بسم غيري

ميار>>هههه سهم تحبني

سهم>>لا بس اعشق حروف اسمج واتنفس انفاسج واموت على اسمي من شفايفج

ميار>>حظنتة حيل وكوتله.....احبك والله

سهم>>هيه بس كلمه اووي ماخذة من سهم عمره نوب احبك❤
شيصير بية

ميار>>نمت بحظنة حسيت اليوم تزوجت من سهم هههه بقيت بحظنة كعدت ثاني يوم على ايدة مخليها جوة التراك وتمشي على ضهري خرب بقيت اتحرك من لمساته لان اريد اناام درت جسمي عليه وباوعتله

سهم>>صباح الخير بزونتي

ميار>>صبااح النور حبيبي

سهم>>فدوه اروح لهل الشفايف الحلوة كومي امي من زمان منتظرتج تريدج

ميار>>خالة تريدني ليش؟؟

سهم>>تحجي وياج حبيبتي يله كوومي

ميار>>كمت عدلت نفسي وغسلت ونزلت اركض.....صباح الخير

الكل>>صباح النور حبيبتي

ابو سهم>>شلونج اليوم عمو

ميار>>الحمد لله بخير

ابو سهم>>اكعدي بوية احجي وياج بشي مهم شوفي بنيتي هيه سرى ليهسه ما داعت بميمي بس اليوم احنه ما نكدر نرفض هل الطلب الها مو حبا بيها لا وعيونج بس بوية گلوبنا مو خشنة وقاسية احنه نخاف من الله سبحانه وتعالى وخاف البت تموت وتبقى ميمي بنفسها

ميار>>عمو اني هم كولت سهم مثل كلامك والله بس سهم ميكدر يخلي ميمي تروح وي سرى يكولي اسلمها للموت

ابو سهم>>صح كلامج وكلام سهم هم صحيح تعرفين ليش بوية؟؟؟لان هاي البت وراها ام خبيثة نخاف تلعب بعقل سرى وتموت بت سهم هيج تنتقم لان اطلگت افتهمتي

ميار>>انصدمت من كلام عمو بس كلامه يمكن صح وتروح سرى تقتل ميمي

ابو سهم>>انتي بوية الحجي يمج شتردين

ميار>>كولشي لا يصير بميمي شي عمو خلوها هيه تجي هنا مو تبقة شهرين عادي اتحملها وهيج ميمي تبقة كدام عيونا

ابو سهم>>فكري زين بوية ترى شهرين بلنسبة الج مو شوية واذا متردينها بلبيت احنه وياج

ميار>>لا عمو عادي انتو واني عيونا تبقة على ميمي

ابو سهم>>فدوه اروحلج بوية والله والنعم منج ومن شاهين على هلتربية الحلوة

ميار>>باسني عمو براسي وخالتي حظنتني وسهم غمزلي كملت ريوگي ورحت فوك ادري يلي سويته صح بكولشي بس اكدر اتحمل سرى لو لا وهم تطلع خبيثة مثل ما كالت سوسن اووووف  ثاني يوم داومت واستلمت الشهادة والحمدلله من طلعت إعفاء كرموني بنفس اليوم

،،،،وشكد فرحت لانو بعد ما اروح للمدرسة ونبض هماتين طلعت اعفااء حتى ادير بالها على نفسها وعلى خطيبها شاهين وهيج تتقرب منه لان شاهين اهم شي عندو الدراسة اويلي عليه رجعنا للبيت وابراهيم فرحان اكثر من عدنا لان خلص من صوتنا وخبالنا بسيارته ههههه وصلت للبيت صحت بصوت.....هلووووووو

ام سهم>>هلو بيج يمه

ميار>>شكد عيب لان اكوو ناس بلبيت بس مو غربة عرفتها ام سرى ووياها شاب يجي بعمر شاهين سلمت عليهم وحجيت وي خاله

.....خالة باركيلي لان اعفاء

ام سهم>>يي يمه الف مبروك شكد ارتاحيت هيج تخلصين من الدراسة ولج صايره جلد وعضم

ميار>>ههههه خاله كلما تشوفيني تكوليلي جلد وعضم بلعكس سمنانةة

ام سهم>>يي والله 50 كيلو متعبرين روحي بدلي وتعاي اتغدي ويانا وصيحي البنات من فوك

ميار>>البنااات؟؟؟

ام سهم>>يي سرى كاعدة وي سوسن

ميار>>اهااا هيه اجتي

ام سرى>>يي عيني اجتي من اليوم

ميار>>يي اهلا وسهلا بيكم......صعدت فوك وخايفة بس ليش خايفة اني موو جبانة وسهم واكف وياي مثلا شيسون الي وصلت يم الغرفة ردت ادك الباب وسمعت سوسن تبجي وتحجي هزيت ايدي ودكيت الباب

سوسن>>منووو؟؟

ميار>>من ورا الباب حجيت....سوسن خاله تكول خلي ينزلن على الغدا

سوسن>>اجيناااا

ميار>>وسم انشالله على صوتج العالي عفتهن ورحت بدلت باوعت على جرباية ميمي ماكو اكيد بغرفة خالة لبست تراك وشال ونزلت يمهم شفت ميمي بيد سوسن وتشهگ من شافتني نزلت من حظن سوسن وركضت عليه شلتها وبجت بصوت عالي.....ياااا شبي حبيبي اليوم منوو وياه ليش البجي

ام سهم>>ههههه غير من اجتي سرى ليهسه تبجي ومن اخذتها سوسن ما قبلت

ميار>>شبيج حبيبتي؟؟ جوعانة تعاي نتغدا سوة....كعدتها بحظني شوية وسكتت كمت اوكل بيها ودخل سهم من شافته راسا صاحتله بابااا

،،،،،هااا هسه صحتي بابا وتضحكين منو قبل شوية يبجي ويشهگ

سهم>>ههههه السلام عليكم

الكل>>وعليكم السلام

ميار>>تتغدا ويانا

سهم>>ايي والله حبيبي جوعان

ميار>>كعد بصفي وميمي تضحك اوكل بيها واكل من نفس الخاشوكة

ام سرى>>يا دادة هاي الخواشيك شلون من حلگها

ميار>>باوعت لام سرى وهزيت راسي شبيها هاي يا الله معقولة اكو هيج نماذج عايشة وهيه جماعتها شابعين مي ورد

سهم>>وشبي حلگ ميمي ام هشام ههه حقج متعرفين ميار وگلبها بحيث ميمي تعلقت بيها من اول شافت ميار بي عمرها بس اربع شهور وبقت وي ميار 3 سنين وهسه تردين ميار متاكل من نفس الخاشوكةة اصلا باعتبار ام لبتي

ام سرى>>اني علمودها هيه خاف حلكها مو نظيف

ميار>>لا عادي اني ما اكش من ميمي ابد لان احبها

سهم>>ميارتي بشري على المدرسة

ام سهم>>بزونتك اعفااء

ميار>>ههههه خالة حتى انتي صدوك تحجين هو اني بلگوة اتوسل بسهم حتى ينسى هل اسم نوب تذكرينا بي

ام سهم>>ههههه يا ولج والله حلوو بزونة

سهم>>ههههه

ميار>>باوعت وخزرته كله من وراه اكو واحد يدلع مرته بزونتي اوووف

سرمد>>ليش بزونة الواحد يدلعها حبيبتي عمري مو بزون

سهم>>مرتي وحر بيها

ام سرى>>سرى احنه نروح بعد اذا تردين تروحين للدكتور سهم ياخذج وياه بس ديري بالج على نفسج حبيبتي وعمتج هنا مو غربة عليج ام سهم ما اوصيج بعد

ام سهم>>احنه ما نقصر وي خطارنا ام هشام نخليهم بعيونااا

ام سرى>>يااا لعد سرى مو خطار هاي جانت بتكم وليهسه بتكم

ميار>>سلمت علينا ام سرى وطلعت كملت غداي ورحت سويت جاي وغسلت الماعين وميمي واكفة يمي....ميمي روحي يم بابا...راحت ركض لسهم واني كملت الجاي ورحت اقدم الجاي من وزعت عليهم وصلت يم سرى

سرى>>لا حبيبتي ماشرب اني

ميار>>بكيفج عيني قدمت لسوسن ورحت كعدت يم سهم شغل جهازة ويشوفني باطباء بنات وشباب شكد حلووين يمكن دفعتهم هاي السنةة واني اباوعلهم اضحك شوكت يجي اليوم يلي يطلعلي معدل انشالله واتخرج بي

سهم>>حظنتها وقربتها مني....شبيج بزونتي

ميار>>خايفة من السادس والله

سهم>>ليش حبيبي بلعكس اني وياج واذا تردين ادخلج خصوصي

ميار>>اكره الخصوصي والله ساعتين ويصير ملل

سهم>>اني ادرسج بزونتي بس اني مو مثلهم حبيبي لكل درس ساعة بوس وحظن

ميار>>لا والله وين اكو هيج مدرس يسوي وي طالبته

سهم>>انتي مو بس طالبتي انتي حبيبتي وزوجتي وبزونتي الحلووة

ميار>>ههههه عفته وكمت لان نعست رحت للغرفة واجتي ميمي تركض.....مو عفتج يم بابا

ميمي>>بابا هناا اثعد

ميار>>لا والله ههههه

سهم>>يي والله حتى ابوها صعد يمج

ميار>>شيسوي صاعد

سهم>>شسوي حبيبي غير اشتاقيتلج ميمي شنو رايج انام سوة بحظن ماماااا

ميار>>هههه ضحكت وركضت تصعد على الجرباية شالها سهم ورفعها ليفوك يطير بيها.....سهم فدوه لاااا ترى ميمي تخاف

سهم>>ههههه بت الدكتور كلت انام سوة مو تاخذينها

ميار>>ههههه تعاي ميمي بحظني عوفي بابا....عافت حظن سهم وتمددت يمي انطتني ضهرهاا وخلت ايدي على ضهرها عود اني حاظنتها وتأشر لسهم بيدها

سهم>>هسه اني وين اناااااااام

ميمي>>بابا هناا

سهم>>خلف الله عليج من كتيلي....رحت تمددت وجريت ميار عليه وحظنتها من ضهرها وهيه حاظنه ميمي....هيج اشبع بكيفي حبيبي

ميار>>سهم فدوه والله نعسانة

سهم>>يي حبيبتي نامي منو لازمج

ميار>>راسا نمت وين يله كعدت على صوت جوة وحيل عالي كمت من الخوف شفت ميمي نايمةة انداريت اشوف سهم ماكوووو جريت ايدي من راس ميمي ونزلت على الصوت شفت سهم يكعد بسرى وسوسن تصيح عليها وخالتي اجت وكفت يمي

ام سهم>>شكووو يمه

ميار>>والله خاله مااعرف نزلت على الصوت العالي

سهم>>ما بيها شي يمه ضغطها هبط مو اكثر

ميار>>بدات رحمه الله الواسعةة شلون راح تتحملين ميار وانتي ليهسه متعرفين اذا مريضة صدوك لو مجرد عيارة اوف باوعت لسهم يعاين على جهاز الضغط ويرجع يباوع عليه من قهري عفته وصعدت فوك للغرفة

ام سهم>>ميار تعاي يمه لتصعدين فوك شنو كل شوية عايفتني

ميار>>راسا نزلت من شافتني خاله اشرتلي بيدها وسرى لازمه العلاج ودتاخذ منه رحت كعدت يمها

ام سهم>>هاي من اول هيج سوت بيج خلتج تعوفيني بوحدي

ميار>>خاله والله مو بيدي من شفت سهم تقرب الها متت بداخلي

ام سهم>>ميخالف حبيبتي اتحملي بس هل الايام صدك تروحين باجر وياي للمستشفى

ميار>>ليش خالة شبيج

ام سهم>>ما اريد اخذ سوسن اريد اطلع وياج باجر ولج يمه اسم الله عليج رجليه يرادلهن علاج طبيعي

ميار>>ماشي خالة

ام سهم>>وبلكي نروح للسوك نشتريلج كم شغلة للبيت

ميار>>بقيت احجي وي خاله للعصر سويت العشة وكعدت ميمي ركضت لحظن خالة كعدتها بحظنها وتقربت سرى داتاخذ ميمي راسا عاطت عيطة عبالك مدري شنوو شافت ركضت عليها

سرى>>شبيج ماما اني امج شاه زنان تعاي يمي

ميار>>بقت تبجي يا الله نوب اول مرة اخذتها خاله داسكت بيها ماكوو شلتها بحظني جلبت بيه من رگبتي وتبجي.....ميمي شبيج حبيبتي اني يمج

.....اششش ماماتي بس اسكتي فدوه....باوعت لخالتي وبعد شوية ابجي راسا اخذت جهاز خاله من التخم وخابرت على سهم

سهم>>ها حجية كولي

ميار>>بجيت وحجيت برجفةة....سهم فدوه

سهم>>شبيج حبيبتي كولي شكووو

ميار>>ميمي مدري شبيها داتبجي فدوه تسكت وتشهگ خايفه يصير بيها شي ارجع للبيت بسرعةة

سهم>>بس خليج هادية فدوه مو تبجين وياها صعديها للغرفة وهسه اجيج

ميار>>سديت الجهاز وصعدت فوك للغرفة واحجي وياها حتى تسكت ومتضل تبجي بقيت احجي واضحك بيها شغلت الجهاز وما سكتت....ولج امي شنوو شفتي وانصرعتي بس كوليلي....سكتت من فات سهم للغرفةة ركض عليها وشالهاا حظنته وسكتت

سهم>>شبيها حبيبي

ميار>>والله مادري اني جنت بلمطبخ وهيه بحظن خاله تقربت منها سرى تريد تاخذها وهيه عاطت وكامت تبجي وما عرفنا شبيها

سهم>>شووو باباتي شبيج خفتي

ميمي>>بابا

ميار>>فدوه اروحلج بس احجي

سهم>>وين جانت ميمي اليوم

ميار>>اني جنت بلمدرسة وانت جنت برا البيت يعني بقت لو يم خاله لو يم سوسن وسرى

سهم>>متاكدة؟؟؟

ميار>>اسال خالة سهم لا نفتهم غلط

سهم>>ماشي تعاي اخذيها وبقيها يمج

ميار>>اخذت ميمي وسهم نزل بقت بحظني وتباووع عليه

سهم>>نزلت رحت لامي بسرعة....حجية وينج

ام سهم>>بلغرفة يمة تعال

سهم>>طبيت للغرفة وكعدت يمها....حجية ميمي وين جانت اليوم من اجتي سرى

ام سهم>>اخذتها سوسن بلغرفة ويااهن وبقت تبجي يمهن بس ما نزلنها يمي

سهم>>هسه اجيج ركضت لغرفة لسوسن شفتها كاعدة.....سوسن

سوسن>>ها سهم

سهم>>ميمي ليش جانت تبجي بلغرفةة

سوسن>>هاي سرى عود انطت لميمي جهازها وجان اكو مقطع لسرى لابسة زي تنگر هاي شيسموها شبيك المهم لابسة قنااع ينزل من دم احمر وسرى من نزعته ضغطت على الوجه يلي جانت لابسته وميمي ضلت تبجي خافت من شافت الدم

سهم>>صدك تحجين بتي صغيره مال هيج مقطع شبيج سوسن

سوسن>>والله ما عبالنا تخاف

سهم>>شسوي بيج شسوووووي....عفتها ورحت لبزونتي شفتها تلاعب ميمي بحظنها وتوكل بيها نستلة وتضحك وياهااا

ميار>>ها حبيبي شنوو؟؟

سهم>>ميمي شايفة سرى بمقطع لابسة بي قناع ينزف دم ويخوف ولهيج خاافت

ميار>>ياااااا الله اكوول من تشوفها تصرخ

سهم>>ميخالف بزونتي

ميار>>مشى اليوم عادي لحدما ثاني يوم سهم وسرى طلعوو سوة ثنينهم للمستشفى علمود التحاليل كعدت بلاستقبال وافكر هسه شيسوون ثنينهم بس لااا كاعدين سوة لااااا يا الله فزيت على المخده يلي اجتي بوجهي باوعت شفتها خاله تضحك وتأشرلي...ها خالة

ام سهم>>كومي بدلي نشتري كم شغلة الج ونروح لسهم للمستشفى علمود العلاج

ميار>>صدوك والله خاله

ام سهم>>يي والله يله نطلع

ميار>>بس ميمي وين نعوفها

ام سهم>>سوسن بلبيت

ميار>>ركضت للغرفة لبست بنطلون وقميص وفوكاه سترة وشال ومكياج واخذت فلوس من الغرفه وطلعت ميمي وقفلت الغرفة لان اخاف سرى تطب بيها واني ماكوو نزلت يم خالتي من شافتني ضحكت عفنا ميمي بلبيت وطلعنا سوة رحنا بلبداية للسوگ اشتريت كم شغلة للغرفةة والي وكم حاجة الي صارن 3 علاليگ

،،،،،واكول ذني حاجاات بسيطةة ههههه طلعنا للمستشفى على السريع دخلنا وشافنا كم واحد كل شوية يسلمون على خالة لحدما وكفنا دكتور حلوو وبشوش بملامحه

حسام>>ها خالتي شلونج

ام سهم>>هلو بيك يمه

حسام>>خيرج حجية كولي

ام سهم>>علمود رجليه اجيت العلاج الطبيعي اذني من الوجع

حسام>>تعاي اكعدي حجية حتى اخليج ادخلين يم طه

ميار>>كعدنا سوة اني وخالتي ومن رجع الدكتور

ام سهم>>اكولك يمه سهم وين

حسام>>بغرفة العمليات حجية

ام سهم>>اهااا انتظريني بغرفة سهم فوك

ميار>>ماشي خاله....اخذت اغراضي وصعدت للقاط الثاني

مامون>>اتفضلي

حسام>>مأمون دخلها هاي كرايب الدكتور

مامون>>اهاا تفضلي

ميار>>طبيت بغرفتةة منتظرة احد يجي سهم او خالتي نص ساعة واجه نفس الدكتور وجايب وياه عصير

حسام>>اول مرة اضيف اعذريني بس شسوي

ميار>>هههه لا عادي شكرا صارت زحمه

حسام>>لا يابة رحمه اني الدكتور حسام

ميار>>اهلا وسهلا دكتور....سكتت من دخل سهم علسريع للغرفة وسرى وراه

حسام>>بشر دكتور شلون جانت العملية؟؟

سهم>>الحمدلله بخير

حسام>>البنية اجتي وي الوالدة عافتها هنا وراحت للعلاج الطبيعي واجيت اضيفها

سهم>>اهااا بس حسام البنية يلي كدامك تصير زوجتي

حسام>>ههههه لا والله هااااي

سهم>>يي هااي زوجتي

ميار>>شفته من ضحك وياشر عليه وما مصدك يا الله ههههه شوية وطلع وسرى راحت لان سهم كاللهه على التحاليل وبقينا بس اثنينا بلغرفة مشيت يمه

سهم>>شلتها من خصرها وخليتها على المكتب....اولا وين جنتي بدون متكوليلي ثانيا شلون اطلعين هيج وشلون تحجين وي حسام

ميار>>ههههه دكتوري تغاار

سهم>>حظنتها وحجيت.....يي اغار بزونتي ويله جاوبي

ميار>>اشتاقيت لحبيبي واجيت اشوفة حرام

سهم>>ههههه تلعبين علية ولج

ميار>>هههه لا بس اهديك شوية علمود متزعل مني

سهم>>ملعونةة ولج

ميار>>بقيت احجي وياه لساعه ورجعنا سهم للبيت ويحجي ويانا وسرى هم رجعت ويانا نزلت من السيارة واخذت اغراضي ومرت يومين كاعدين انضف بلبيت كملنا البيت كله واخير شي غرفتي نزلت ميمي يم خاله جانت نايمة صعدت فوك حتى ارتب بلغرفة كلما اشيل شي يرجع سهم يسوي الغرفة هوسةة ههههه خبيث....كافي حبيبي

سهم>>والله مشتاقلج وعيونج

ميار>>والغرفةة منو يكملها

سهم>>نكملها سوة بس هسه اريدج

ميار>>تؤتؤتؤ بلبداية الغرفة

سهم>>بزوووونتي

ميار>>يله عاد دكتوري بله كسل ساعدني ههههه....بقينا نرتب بلغرفةة من كملت ردت انزل وصاح

سهم>>ووووين ولج لعد مو اتفقنااا

ميار>>ماكو حبيبي

سهم>>تعاااي ولج....جريتها من ايدها وحظنتها...ميصير تخلفين الاتفاق حبيبي

ميار>>ههههه ما خلفت بس اريد انزل

سهم>>اشش بزونتي..... بوستها من اجتافها لرگبتها بقيت اعض برگبتها ودرتها عليه نزلت لبداية صدرهااا وابوس بيها لحدما سمعنا صوت انس جوة

ميمي>>سهم مدري شكووو

سهم>>طبهم مرض شسويلهم اني

ميار>>سهمم فدوه وخر

سهم>>اووووف عفتها ونزلت جوة شفت سرى تبجي يووووو على الشهرين شوكت يخلصن يامحمد اوووف

سوسن>>قيس ضغطها سهم شوف شلون داخت

سهم>>الكل يعرف يقيس ضغط ماكو داعي تصيحون قيسو ضغطها وهاهيه

ميار>>نزلت داشوف شكوو لان سهم ما صعد شفته واكف يمها وجه لوجه ويقيس بضغطها ومن يضغط على الجهاز يبدا التموع

سرى>>اووو سهم على كيفك ايدي تاذيني

ميار>>وجعتهم انشالله يلي يقهرني الدلع ميلوك لهل الوجه لا جذب شنوو ميلوك غير تخبل اذا اني من شفتها اول مرة انصدمت بيها شحال هسه سهم دايشوفها وجه لوجه وتتماوع كدامه وهو طليقهااا ااااااه عفتهم وصعدت ترى هل الحاله تبزع اني يومين ما اتحملت تصرفاتها

،،،،والمصيبة لا سهم يكدر ينطيها ميمي وتاخذهاا لان ميكدر يبتعد عنها ويخاف يصير بميمي شي ولا سرى تروح لاهلها بحجه ميمي وتحبها اوووف على وكفتي وانفتحت باب الغرفة باوعت شفته انس اجه يمي وكعد على الكرسي

انس>>ميار عندي موضوع وياج كلش مهم

ميار>>كول شكوو

انس>>اريدج تعرفين منو حبيبتي ومنو اخذها مني

♡'''''''''''''''♡'''''''''''''♡''''''''''''''''♡

مشاهدة ممتعه نبضاااتي

اعتذر عن التاخير فدوه اعذروني

البارت الاخير يمتى ما يكمل ينزل لان اريد اسوي طويل كولش واختم بي القصةة وعيونكم

nosha❤😻😻😻