رواية سهم الغرام الفصل السابع والثلاثون 37 - بقلم الكاتبةة نور حسن💕

~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

الشامه الـ بصدرك جن ضريح وانا
عندي اشفاف مطلوبه نذر 💜.

♡'''''''''''''''♡'''''''''''''♡''''''''''''''''♡

انس>>ميار عندي موضوع وياج كلش مهم

ميار>>كول شكوو؟؟؟

انس>>اريدج تعرفين منو حبيبتي ومنو اخذها مني

ميار>>ماافتهمت عليك انس وليش هسه تريدني اعرفها

انس>>ميار انتي تذكريني يعني من شفتيني اول يوم

ميار>>يي طبعا هو يوم ينسي لمن تكولي جون سينا

انس>>ههههه يي والله مينسي ميار اني ما ادري منين ابديلج هلشي خايف يجي يوم تكرهيني بس والله ماعرف شسوي

سهم بصووت>>شسوووووي انس

انس>>احجي وي ميار بشي مهم

ميار>>شبيك سهم

سهم>>اششش اريد احجي وي اخوي وسندي يله انس

انس>>سهم اني.....

سهم>>اسمعك احجي

ميار>>راسا انس ضرب الميز بيدة وطلع استغربت ليش وسهم من ركض وراه ويحجي بصوت ركضت وراهم للكراج ووگفت اباب المطبخ من سمعت انس يحجي

انس>>لك حرام اني حبيتها قبلك والله عفت البنات يلي يتمنن كلمه منك واخذت البنية يلي حبيتها

سهم>>انس........

انس>>خرب بانس ولك انت شايف شيصير بيه من تنسد باب غرفتكم اتمناها يمي وبعدين اتذكر انو ميار صارت مرت اخوية محرمه عليه ميصير حتى الفظ اسمها بلهفةة واني يلي حبيتها انت شنو يلي تعرفه حتى اخذتها ميار جانت الي وقسمتي بس انت ادخلت سهم انت ادخلت

سهم>>انت كاعد تحجي هيج بس لان ميار بعمر هاجر تذكر

انس>>لااااااا ميار تختلف جذريا صح حركاتها تشبهه وصح بعمرها بس ميار وحد عن هاجر

سهم>>غلطان بيوم الماتت بي هاجر هو نفس اليوم يلي يصادف بي عيد ميلاد مياااار تذكر يلي حجيته بوقتها انس شنووو حجيت اذكرك لو نسيت

انس>>لك ما نسيت شي اتذكر كلشي والله اني مو ناقص عرض حتى اخلي عيوني على مرت اخوي بس حبيتها لك اجيتك بوقت محتاج اخ يكلي اني وياك واخطبها الك مو تخطبها لنفسك

سهم>>ميار ما حبتك ولا رادتك اعتبرتك صديق الها انس لا تخليني اخسرك انت اخوي وسندي احنه ما النا ثالث وننسند عليه خلي نرجع مثل قبل وكمل حياتك ويانا ميار متعرف هلشي وانت هم انساه والله يعوضك بالاحسن

انس>>ماكدر انسى انت كاعد تطلب المستحيل مني

سهم>>ليش متكدر تنسى كولي

انس>>لان مقابيلي اربع وعشرين ساعه لن ضحكتها باذني سهم

سهم>>انســـ......

ميار>>انس عاف سهم وراح برا من اندار سهم باوعلي شافني ابجي اتقرب مني عفته ورحت للغرفةة واني العبالي مشكلة الاخوان بسبب شي تافه طلعت من وراي عزززا بعينج ميار شسويتي

،،،،گلبتي الاخوان گلاب من وراج منوو هاجر وليش ماتت فزيت على ايد سهم من خلاها عليه

سهم>>حبيبي

ميار>>انس يحبني ومشاكلكم من وراي صح اني ما فكرت بيوم انو انس يحبني صح جنت اشوف تصرفاته حلووة وياي بس والله اعتبرته اخ وصديق الي بس هو فكرني حب

سهم>>ميارتي انس ميحبج والله بس مصيبتنا بعيد ميلادج واليوم يلي شافج بي

ميار>>شلووون يعني؟؟

سهم>>كعدتها بحظني وولزمت ايدها.....اسمعيني بزونتي واريدج توكفين وياي وترجعين انس مثل قبل فدوه شوفي بذاك بيتنا القديم جانت اكو بنية اكبر منج بس حركاتها طفولية شلون انتي من تعاندين وتحجين

،،،،اني جنت بوقتها متزوج من سرى كامت البنية تجي علينا وتبقى وي سرى للعصر وتروح بس نضراتها جانت لانس وهو حيل تعلق بيها بحيث اليوم يلي ما تجي بي يضل برا بلشارع شوكت يشوفها ويرتاح مرت سنةة كاملة واجاني انس للمستشفى

،،،،كالي اعترفتلها وهي هم تحبني شكد فرحتلهم واخيرا انس راح ياخذ حبه جنت واكف وياه بكل خطوة لحدما البنية صارت تتخربط بين فترة والثانية ابيت اهلها ومن ودوها للدكتور كال الهم عدها مشكلة بگلبها وهيه جانت صغيرة واهلها اتفقوا انو يسفروها حتى تتعالج بس يلي صار من رجعت ورة يومين من المستشفى وصارت بيها ذبحة صدرية وحالتها كامت للاسوء

،،،،لحدما مرت اخوها عرفت بيها متاخذ علاجها ليش ليهسه محد يعرف هيه ليش ما جانت تاخذ العلاج انس ميكدر يروح الهم ولا يكدر يشوفها جانت سرى تجيبله اخبارها وتودي ورة شهر تقريبا قررو اهلها يسوون عملية الها اجتي بالليل بلبيت بقت يمنا تقريبا 3 ساعات تحجي وتضحك وكعدت وي انس بلحديقة وحدهم وراحت ثاني يوم الصبح راح انس حتى يوديهم للمستشفى

،،،،،سمع صوت اعيااط عرفنا بيها ماتت من يومها انس انطوى على نفسه كام ميطلع من البيت اسمه يصيح باسمها بلبيت لحدما اجه اليوم يلي شاهين دزاه عليج حتى يرجعج للبيت من شافج وحاجي وياج حبيبتي من رجع انس جنت بلمستشفى وخفارة اجاني لدوامي..........

نرجع بس ثواني للحوار يلي دار بين سهم وانس على لسان سهم

انس>>سهمممم

سهم>>شبيك يمعود كول

انس>>شفت هاجر والله

سهم>>انس كافي عااد شوكت تنسى

انس>>لك والحسين شفتهاااا ولو تعرف منو هيه

سهم>>شنو شفت هاجر شنو لو تعرف منو هيه ولك بابا هاجر ماتت

انس>>سهم لك صديقك شاهين عند اخت واليوم عيد ميلادها يعني بنفس اليوم يلي ماتت بي هاجر شنو معنى هلشي

سهم>>بقيت ساكت واسمعه ادري باخوي خبل بس مو لهل الدرجةة

انس>>بما انو هاجر ماتت بهيج يوم واخت شاهين اليوم عيد ميلادها يعني رب العالمين انطاني اشارة يكولي هلبنية راح تنسيك هاجر لك سهمم حركاتها تجنن وابتسامتها اوووووف لوو شايفها

خلص الحوووار لهنا وياكم

نرجع لميار وسهم👇👇👇👇

سهم>>بيومها عرفت تعلق انس بيج مو حب بس كل ظنه انتي هاجر بس بوجه جديد هسه راح تكولين شنو عايشين بفلم هندي حتى انس هيج يكول وحقج ميار بس اذا رجعتي للواقع يلي صار بانس مستحيل تصدكين اللي صار وصدمه عمره انو هيه جانت وياه بالليل صبح الصبح وماتت هيج بوحدها يرادلها عمرين حتى نستوعبها

سهم>>وانس شنوو يلي يريدة

سهم>>انتي احجي وياه فهمي هلشي

ميار>>شلون افهمه بله راد شي

سهم >>مياااار انس زلمة شكد جنتي هنا اشوو ما سوة شي

ميار>>اعرف بس والله مااعرف شسوي او شنو احجي سهم

سهم>>بعدين نحجي هسه اروح اتصل بي واشوفة وين

ميار>>راح سهم راسا خابرت شاهين......هلو حبيبي شلونك

شاهين>>الحمدلله بخير انتي شلونج

ميار>>شاهينوو شنو ما حددت وقت العرس ترى مليت والله

شاهين>>ههههه شبيج مستعجلة حبيبتي

ميار>>اريد ازوجك صار شكد من خطبتوو

شاهين>>تجين باجر نروح الهم ونحجي وياهم

ميار>>وليش باجر تعال اخذني هسه

شاهين>>صدك والله لهل الدرجة

ميار>>يله شاهينووو بداعتي

شاهين>>جايج امري لله

ميار>>سديت الجهاز وبدلت قفلت الغرفة ونزلت ميمي جوة يم خاله من شافتني استغربت لان مبدلة

ام سهم>>وين يمه

ميار>>خاله عوفي يمج ميمي وهاي المفتاح مال الغرفة لان حروح وي شاهين لبيت نبض نحجي علمود العرس

ام سهم>>بيها الخير أنشالله

ميار>>ردت اطلع واجتي سرى مبدلة وراي.....هاا وين رايحه

سرى>>خاله حروح للمستشفى حاجيت الدكتورة كالت تعاي اذا هاي تبقين نايمه يومين

ام سهم>>اهاا تروحين وحدج

سرى>>لا سرمد راح ياخذني

ام سهم>>ماشي حبيبتي

ميار>>طلعت قبلي واني بقيت لحدما يجي شاهين من اتصل عرفت بي بلباب سلمت على خاله وطلعت للكراج دخل انس ضايج ما حجيت شي وياه

انس>>ميار وين رايحة سهم يدري بيج طالعه

ميار>>عود داكوله رايحه وي شاهين بس ضحكت والنبي من كالي

انس>>انسي كلشي ميار لتخربين بيتج من وراي

ميار>>ههههه عباله زعلانه بس خلي نكمل بلكي ينساني هيج....مالي كلام وياكم ثنينكم من يجي اخوك كوله ميار راحت لبيت اخوها لان تخاف يجي يوم يتعاركون الاخوان من ورا ميار وترى محد يدري باي شي ولا حجيت لخاله ماشي بيباي

انس>>مياار يمعوده تعاااي

ميار>>طلعت ركض لسيارة شاهين سلمت عليه ورحنا لبيت نبض من شافتنا نبض ركضت بدلت خربت ضحك ما فد يوم سويت نفسها من جنت مخطوبة بس يمكن لن هيه تريد تخلي شاهين يشوفها مرتبة اجتي سلمت علينا وكعدت يمي دك سهم طفيت الجهاز وبقيت اركز بكلامهم بس ليش يريد شاهين شهرين غير اتخبل......لالا موو شهرين هنه اسبوع شوف عموو احنه البنات كومه اولهن اني والعروس وعندي بعد ثنين اخوات وامي وخالتي ام زوجي

،،،،ذني كولهن موجودات بحيث اشغلهن شفتات للمول علمود نشتري الاغراض والنبي بيومين نكمل نيشان العروسة وخاصه اذا ازل ويانا بساعتين تكمل كولشي مو يومين والغرفة هسه نبض تختار صورة تعجبها وشاهين يحجزها ويجيبوها اله بيوم والذهب شاهين ونبض يختارو على ذوقهم وتبقة يومين الحنة والزفة واذا على كرايبكم من هسه اتصلوو بيهم لحد الاربعاء فدوه اروحلكم

ابو نبض>> ههههه على كيفج شنوو طايرين

ميار>>عمو شنو ما مليت من بتك يمك باقية خلصوني اريد افرح باخوية والله

ابو نبض>>ههههه يابة شيكول العريس هو يفصل واحنه نلبس

ميار>>باوعت لشاهين واحجي بصوت ناصي وياه حتى يوافق

شاهين>>بعد كلام دكتورتي ماكو كلام اسبوع ويصير العرس

ميار>>يااااااااااي الف مبروك يا رب.....بقو يضحكون ويحجون واني اخذت نبض ودخلنا لغرفة مالتها واتفقت وياهاا على الصالون والبدلات منين نشتريهن

نبض>>ميار عاجبتني غرفتج تدرين

ميار>>صدوك والله

نبض>>يي والله ولج موديلها يجنن بس غير لون

ميار>>ماشي من ارجع اليوم احجي وي شاهين ويروح هو وسهم يشوفون الالوان ويدزلج ياهن

نبض>>فدوه الكلبج

ميار>>يلا عيني كم نبض عندي

نبض>>ههههه

ميار>>رجعت وي شاهين للبيت بدلت وكعدت يم شاهين كوتله على الغرفة يلي رادتها نبض شاهين شوية ومدري وين راح واني اتصلت ب ازل وغاليه والكل علمود نعزمهم واجه شاهين

شاهين>>وين جهازج ميار

ميار>>اشرتله بيدي لان كاعده اراسل وي البنات

شاهين>>ليش تنطين لسهم رفض لعد شنوو متحاجين بينكم

ميار>>لا بس اريد ارتاح شوية شاهين

شاهين>>راح يجي سهم يريد يحجي وياج حبيبتي

ميار>>بقيت منتظرته يجي وشاهين راح يجيب عشة كمت فتحت الباب من اندك عرفت بي سهمي....ميمي حبيبي

سهم بحدة>>لزمتها من ايدها وخرتها من ميمي.....مالج حق اطلعين من البيت بدون سبب ميار ولا تكولين لان عرفت بانس يريدني هاي مو حجة افتهمتي

ميار>>حظنته ودخلت راسي بحظني.....سهم والله هلشي علمودنا اني وياك بس بلبداية سرى وين بلبيت لو بلمستشفى

سهم>>بلمستشفى اليوم

ميار>>جريته من ايده وكعدته على التخم كعدت بحظنه ولازمه بوجهه بدية الإثنين....حبيبي مو كوتلي احجي وي انس تريد الصدوك ماكدرت احجي بس انس هسه عباله انو اني زعلانة منك صحيح

سهم>>صحيح خابرني كالي ميار طلعت من البيت

ميار>>ههههه هيج احسن بس يومين وراح ارجع بهاي اليومين سوي نفسك ضايج مني ومتريدني واذا صار وحجة وياك انس افتحله گلبك واحجوو ثنينكم وفهمه هلشي بطريقتك

سهم>>واني منوو ينام بحظني منو يكعدني على صوته

ميار>>يومين حبيبي اتحملهن علمود انس لان خطيه والله

سهم>>اوووف عساه ببنية ما تشوفة شنوو الشارع بحيث خانگته اربع وعشرين ساعة

ميار>>ههههه ليش هيج يستاهل بنوته ادلعه وتونسه انشألله

سهم>>انشألله حبيبي بس ميمي بقيها يمج لان خبلتني من رحتي ليهسه

ميار>>فدوه لليما يكدر بدون ماماته

سهم>>لعد اني هم ما اكدر بدون بزونتي شلون هيج

ميار>>هههه لا تكدر لعد مو تروح للمستشفى وتبات

سهم>>يروحي غير شغلي

ميار>>اممم هم صح......بحظنه وكل كلمه مني ياخذ بوسة لو يعض برگبتي واهم شي يخلي اثر مطبوع بجسمي اووف نص ساعه رجع شاهين واتعشينا سوة وسهم بقة يمنا وميمي نامت عفتها يم شاهين ورحت فتحت الغرفة الثانية وطلعت الاغراض كولهن يلي بيها خليتهن بلمخزن وغسلتها

،،،،،بس والله تعبت ساعتين اني اغسل بيها رجعت نوب طلعت لغرفة شاهين طلعت الميز الصغير والكتب والملابس كولشي بيها وخليت بس الاخشاااب وطلعت يمه

شاهين>>هاي شسويتي دكتورتي

ميار>>مو راح ننصب الغرفة مالت العرس هنا يعني اخشاب هاي الغرفة لازم تتحول لهنا

شاهين>>يي صحيح

ميار>>لعد المن كاعدين يله كومو اشتغلوو

سهم>>دنيا ليل بزونتي وين اكو شغل

ميار>>مشكلتكم لان اريد اكمل هاي الغرفة

سهم>>هههه صدك ميار

ميار>>يله شبيكم واكفين واذا تردون خابرو انس يجي يساعدكم
....بقه سهم يتافف وفصخ الاخشاب وشاهين ينقل بيهن ورجعو نصبوهن من جديد رجعت ملابس شاهين والمكتبة كولهن خليتهن بهاي الغرفة وغرفته الكبيره رجعت غسلتها ومن صدوك تعبت

سهم>>من شفتها هيج تعبت شكد ضجت عليها وبنفس الوقت غرت وحقدت على شاهين لان هلكد تحبه وتريد تسعده وتزوجه خلال اسبوع جريتها وكعدتها وحجيت بوجهه....شوفي ميارتي ترى الاسبوع من باجر يبدي ليش هل التعب وحدج بعدهن البنات ما جايات على كيفج وي نفسج

شاهين>>يي والله صحيح بس دكتورتي متكعد راحة

ميار>>ميخالف اهم شي هسه الغرفة كملت ونبض باجر تروح وياكم تختار الغرفة علمود العصر ينصوبها ونشوف باجر منو تجي من البنات علمود العصر نرجع نطلع نشتري نص الاغراض

سهم>>انتي تردينة كله بيوم واحد حبيبي وهلشي مو حلووو

ميار>>ليش مو حلو كم شاهين عندي

شاهين>>هههه فدوه اروحلج دكتورتي

ميار>>رجعت على الشغل مال البيت وسهم رجع للبيت خليت المطبخ يلمع والغرفتين كملن بقه بس الاستقبال واغير البردات وكم شغله وهيج يكمل البيت رحت حظنت بنوتي ونمت

سهم>>رجعت للبيت انس كاعد ويهز برجله من شافني كام وضل عيونه يباوعن وراي اوووف والله بزونتي عليها سوالف هههه

انس>>شنوو سهم وين ميار

سهم>>متقبل تجي وهلمرة حتى اني ماكدر ارجعها لان حجتها عرس شاهين

انس>>احجي وياها اني اذا تريد

سهم>>لا يمعود بس يخلص العرس لان حددوه بعد اسبوع والله كريم....عفته وصعدت فوك نمت ثاني يوم طلعت للمستشفى وعرفت من ميار انو شاهين ونبض راحو يشوفون الغرفة ومختارين مثل غرفتنا بقيت بدوامي لان خفارة بس كل هذا كل شوية اتصل عليها واعرف اخبارهااا هيه وميمي لحدما بدو المراجعين يجون تركت الجهاز

ميار>>ياااااي تجنن عاشت ايدج حبيبتي والنبي احلى من غرفتي

نبض>>كدامج ولج

ميار>>انجبي تتهنون بيها يا رب.....احلى شي غرفتهم تجنن والله والعصر ينصبوها واجني البنات لهيج ازل خابرت العروسة واتفقت وياهاا على الف شغله باجر راح يشترنها وغاليه تبقى يمي حتى نعزل نيشان العروسة يلي راح اجيبه باجر من البيت

،،،،،ويلي راح تشتري سويت العشة الهن وبقيت اركز على الاغراض يلي ادزهن نبض واسجلهن لحدما نمت وثاني يووم راح شاهين وازل لنبض حتى يشترون وبس اني وغاليه باقين واندكت الباب كمت اشوف منوو فتحت الباب لكيته انس.....هلوو انس

انس>>اريد احجي وياج ميار

ميار>>يي تعال.....طب ليجوة وغاليه كاعدة يمنا وهو خطيه متوتر عبالك عروسة خجلانة هههه عرفت ليش اجه بس انتبهت على عيون اختي شلون تباوع عليه وهو هم يباوعلها قطعت التواصل مالتهم من حجيت وياها....غاليه كومي يم ميمي بس اكول لانس كم شغله فدوه

غاليه>>من عيوني

ميار>>من كامت حجيت وياه....كول انس

انس>>ميار ارجعي للبيت واذا تردين اني اطلع بس لا تسوين مشكله وتوصل لاهلي والله العظيم اني فكرت بيها وطلعت غلطان وسهم تفكيره صحيح اني ما حبيتج الج بس انتي ذكرتيني بيها بتصرفاتج ويوم عيد ميلادج هو نفس اليوم يلي ماتت بي وهلشي شدني الج اكثر

ميار>>انس هلفترة عندي عرس ومحد بلبيت

انس>>شلون محد هاي البنية وازل والكل موجود واحنه مو بعيدين بصف شاهين وقريبين عليه وتكدرين كل يوم تجين يمهم وتشوفين شنو ناقصهم

ميار>>ماشي تدلل

انس>>يله راح اخذ ميمي ومن يجي سهم يرجعج

ميار>>لا انس من يجي شاهين ارجع

انس>>ماشي بيباي

ميار>>بيباي.....سديت الباب وكعدت اضحك يووو احس ب انس غير شخص شكد حلوو من حس بغلطه ومبين سهم حاجي وياه ركضت سويت الغدا ول2 رجعوو شفت نيشان نبض يجنننن عدلته وياهن وصورته لنبض ودزيته بس كل هذا اكو شغلات ليهسه ما مشتريها

،،،،،من تغديت حجيت وياهم لانو اني صارلي يومين عايفه بيتي لازم ارجع وما دام ازل موجوده البيت بيد امينة شاهين قبل ارجع بس ازل مقبلت لان عرس اخوية ولازم ابقة وياهن بس من كوتلهه كل يوم يمج وافقت الخبلة سلمت عليهم ورجعت للبيت انس فتحلي الباب سلمت عليه وطبيت

،،،،،،شفت سوسن كاعدة يم سرى وخالتي تسبح سلمت عليها وكعدت بصفها داشوفها شلون چنتها نادرة هههه

ام سهم>>والله يمه عاشت ايدج هاي كلها انتي

ميار>>يي والله خاله بنص يوم كملته وهسه سلمت البيت للبنات يلمع ونص النيشان عدلته وياهن وهاي جيتي

ام سهم>>فدوه شلون الله رزق شاهين باخت تسوالها الف بنية كومي روحي يم سهم من اجه سال عليج كتله يمكن تبقة

ميار>>لا خاله غير ابنج يموتني

ام سهم>>ههههه كومي يمه

ميار>>صعدت فوك شفته نايم وميمي بحظنه اخذت ثوب قصير وطبيت سبحت طلعت نشفت شعري وخليت مكياج خفيف تمددت وراه وحظنته ونمت

سهم>>كعدت وانداريت بسرعه من حسيت باحد وراي كل ظني سرى بس ضحكت من شفتها بزونتي جريتها حتى لا توكع وضليت ابوس بيها عبالك صار سنة مو يمي حظنتها ونمت كعدت مرة ثانية على خبال بزونتي تدفع بيه لان نايم فوگاها ههههه

ميار>>كوم سهمم ايدي خدرت فدوه

سهم>>شكوو مخليتها جواي

ميار>>مادري والله بس كوووم ااااه ايدي

سهم>>هههه كمت وسحبت ايدهاا وضليت اضغط عليها

ميار>>لااااا سهم ايدي خدرانةة حباب لااا ههههه سهممم

سهم>>اشش ولج صوتج هسه عبالهم غير شي

ميار>>هههه وخرت منه واحرك بيدي من الخدر ميمي مكضيتها بس نوم هسه ومن يصير الفجر تكعد ومتناام

سهم>>شوكت رجعتي حبيبي

ميار>>نسيت ما كوتلك انو انس اجاني اليوم وضل يحجي......بقيت احجي وي سهم يلي كاله انس بعدين شفته يضحك

سهم>>بزووونتي ساكنة گلوب الكل

ميار>>واولهم گلبك حبيبي

سهم>>فدوه يروحلج حبيبج

ميار>>ههههه....كمنا سوة بعد ما بدلت ونزلت جوة بس البنات ماكوو سويت عشة واحجي وي خالتي ودخل انس يضحك مدري ليش بقيت اباوع عليه

انس>>يمه اني راح ابدل واطلع لبيت شاهين

ام سهم>>شسوي

انس>>حجية ابقة يمه

ام سهم>>اتعشة وروح

انس>>لا عشاي يمهم

سهم>>اشايفلك انس ورايح هناك

انس>>الله اكبر خلوني فرحان مدخلين بكلشي

سهم>>ههههه روح يابة محد يلزمك هلمرة

ميار>>هههه بقو يتلاسنون وخالتي ضحكت بصوت من وراهم كملت العشا وكعدنا نتعشة سوة وكمل يومي ثاني يوم خابرتني ازل رحت ركض اشوف شكوو طلعت المخبلة ناسية ما مشترية كم شغله لهيج خابرت نبض وخليت ابراهيم يجيبها وطلعت ازل وياها للسوك حتى يكملن

،،،،بقيت بوحدي لان شاهين ماكوو لحد ما اجوي وكمل نيشان نبض اخيرااااااا بعدين رجعت للبيت وهاي يومي يخلص لحدما اجه وقت العرس لبست فستان قصير يجنن ورحت وياهن للصالون بوقتها سهم وي العريس ميدري شنو لبست واحلى وحدة هيه غالية يا الله شنو من جمال بهل المكياج والفستان الاخضر وي العدسات صارت ملكة والنبي

،،،،،لبست فوك فستانها عباية من اجوي حتى ياخذون صور وسهم من شافني انخبص بحيث حتى سترته نزعها وغطاني بيها ههههه من كملنا الصور نبص صعدت وي شاهين واني والملابس وازل وي سهم ولهيج انس رجع غاليه وياه وخالتي صعدت وياهم من نزلنا غاليه اول وحده نزلت وجهها احمر ف الملابس اثكال صحتلها.....غالية تعاي شيلي هل الجنطه

،،،،،من اجتي يمي مبينه متوترة اجه انس يمنا وطلع الها الجنطة عود دامتشي ام العباية النادرة وانس داس على عبايتهااا وانكشف كولشي لانس موقف لا تحسد عليه ههههه الحمدلله من شعرها مغطي ضهرها المكشوف انس بقة صافن واني راسا جريت عبايتها ووخليتها على اجتافها وطبينا جوة ههههه

،،،،،،بقت غاليه طول الحنه صافنة ومدري شبيها واني اخت العريس يعني اليوم فرحتي ازل استلمت التوزيع والنسوان واني اركص وي الكل رحنا حنينا نبض واخذنا صور لحدما خلصت لليل خابرني سهم ومبين فرحان مدري ليش طلعت بلكراج انتظرة شوية واجه وجايب ميمي وياه

سهم>>اول ما شفتها عفت ميمي ودفعتها على الحايط ودخلت راسي برگبتها وبقيت اعض بيها بقوة بس استغربت لمن ميار ما اعترضت حسيت بيها ذابت بين ايدي بقيت ابوس بيها لحد ما رفعت راسي وسحبت شفايفها بهدوء وبقيت اعض بيها على كيف.......هلشي.....

ميار>>ادري عقابي لان لبست هيج

سهم>>يعني تدرين وليش ما كتلي لا لتسويها

ميار>>لن مشتاقلك حبيبي

سهم>>اوووووف الله تدرين اليوم فرحت لان حسيت بانس رجع مثل قبل واحسن اريد اكلج شي هاي اختج غاليه تحب مرتبطة

ميار>>لا هاي ولا هاي بس ليش

سهم>>انس انعجب بيها ويريدهاا

ميار>>والله تحجي صدوك

سهم>>يي والله وكالي احجي وي ميار وشوف اختها

ميار>>يعني حنصير اخوات بيت واحد

سهم>>يي حبيبي اني اول مرة اشوف وحدة بكلشي راضية وما تضوج

ميار>>ما يستوجب اضوج بلعكس فرحت

سهم>>احجي وي غالية وشوكت ميحبون نحجي وي امج اني اروح

ميار>>يفدوووة لحبيبي

سهم>>ارجعي بزونتي مشتاقلج ولج

ميار>>بس باجر وارجع لحظنك حبيبي

سهم>>شيصبرني والله ماكدر

ميار>>تصبر حبيبي يمك هاي الحلوة

سهم>>ههههه

ميار>>شخبار سرى

سهم>>زينة على العلاج بس دادور الها دكتور بلخارج حتى تسافر احسن مما تبقة هنا

ميار>>امممم

سهم>>شنو معناها اممم

ميار>>هههه عفوية مو اكثر

سهم>>لا بزونتي قصدج طفولية

ميار>>ههههه.....ما بقة سهم هواي شوية ورجع للبيت وميمي بقت يمي دخلت واخذت غاليه وازل وحجيت الهم على انس وشكد حباب ويكدر يسعد غاليه الحلووو ازل افتهمت هلشي وغاليه متردده فكوتلهه شوكت ما تردين رديلي خبر

،،،،،ثااااني يوم الزفة مال العشق الفاخر واخيرا شاهينووو تزوج والحمدلله وبنفس اليوم غاليه وافقت على انس واني رجعت لبيتي ابد ما نمت من ورا سهم بقينا سهرانين للصبح اسبوعين حياتي تجنن وسرى اتغيرت جذريا ويانا بدات تطلب شغلات اصلا بالافلام ما صايرة انو تبقة وي سهم وميمي وتريد تطلع وياه بوحدهم اني جنت رافضة هلموضوع نهائياا

،،،،،بس من قبل سهم متت بطولي من طلع وياها هيه وميمي وما اتصل بيه ولا حاجاني ما حجيت وياه من رجع ويومين اني وياه مثل الحية والبطنج بحيث كمت اعوفه وانام واسوي مشاكل على اتفه الاسباب واليوم هو يرجع من دوامة بقيت كاعدة بغرفتي وضايجةة مادري ليش احس بنفسي تعبانة واني السبب كايمه اخلق مشاكل وي سهم كلما يريد يبررلي يلي سواه اتنرفز منه

،،،،،وصايرة ما اسكت من اشوف سرى وكلامها وحركاتها وي سهم اموووت يا الله واعرف يلي بلبيت هم مثلي بلكوة متحملين بس منو يكدر يحجي انطو كلمه لامها انو تكدر تبقة يم بتها ولان هيه مريضة ولازم تتعالج واذا لا سامح الله ماتت اكيد الكل يزعل

،،،،،لان تبقة طليقة ابنهم وام حفيدتهم بس يلي مخبلني امهااا وتصرفاتها مال مراهقةة احس امها مرات شيطانة والنبي هيه اساس البلة من عافت سرى بهل البيت عفت كولشي وبقيت اون من راسي الليل كوله كاعدة وما نايمة ونوب نعسانةة يا الله صارت الساعه ب10 الصبح وليهسه ما نزلت جوة االليل يلي مر بطولة بقيت العب وي ميمي لحد الفجر يله نامت كمت للحمام سبحت ولبست تراك اخضر مخطط بلون احمر

،،،،ونشفت شعري وخليت عطر ورتبت الغرفة وعطرتها وطلعت شال احمر خاف انزل وخليت مكياج خفيف وبقيت بلغرفة لازمه جهازي واگلب بلصور وعيوني يغفن شوية ونوب اكعد يلي استغربته سهم ليهسه ما رجع وخفارته تخلص من ال8 صبح وهسه ب11 الا ربع شوية ودخل سهم

سهم>>صباح الخير حبيبي انتي هنا

ميار>>صباح النور يي ليش؟؟

سهم>>عبالي الكاج بلمطبخ لو يم امي شبي وجهج تعبان

ميار>>منايمه الليل كله وي ميمي تعبت يله نامت

سهم>>تقربت منها وخليت راسي بصدرها وحظنت خصرها بيدي....ليش ما وديتي ميمي يم سرى حتى تنامين

ميار>>ماكو داعي اعرف انومها

سهم>>بزونتي على هاي الكعده مديلي ايدج الحلوه على ضهري يوجعني

ميار>>عفت الجهاز ومديت ايدي على ضهره وادلك بي....سهم شعجب اليوم تاخرت

سهم>>غيرت الجدول وي الدكاترة والله صاير لود على المستشفى وتعبان

ميار>>امممم....اشتميت عطره شكد يجذب الواحد مليت راسي على الصفحة الثانية اشتم بعطرة وهو راسة برگبتي وماخذ راحته على جسمي بايديه انصدمت من اكو عطر نسائي بي بس لمنووووو يا الله هزيته من ايدة ابتعد مني وباوعلي.....اكوو عطر نسائي بقميصك

سهم>>اششش يمكن من حظنتج صار بيه....رجعت راسي برگبتها

ميار>>كافي سهم احجي صدوك والله شنوو ما اعرف عطري

سهم>>جنت بدوامي ميااار قابل وين جنت

ميار>>انت اعلم بنفسك وين جنت وحتى اليوم من دون الايام متاخر.....دفعته مني وكمت اريد اطلع

سهم>>لزمتها من ايدهااا ورجعتها لمكانها.....بس فهميني شبيج

ميار>>سلامتك عيني

سهم>>ميار تعبان وراحتي بين ايدج ليش اتعبيني بلزايد

ميار>>يووووو هسه انت تمثل دور البريئ العاشق واني دور الزوجه المخبله الشكاكة بزوجها صح

سهم>>اكوو احد لاعب بعقلج كولي

ميار>>نترت ايدي منه وهو لازمني حيل

سهم>>كافي راح اذيج والله

ميار>> شتريد مني

سهم>>ترى مرتي انتي ما جايبج يمي كم يوم واعوفج وصار يومين بلدوام لازم تشوفيني تحظنيني اتساليني متزقنب لو لا

ميار>>ههه والعطر يلي بقميصك شنو دورة سهم شوف اذا بيوم اجيت من دوامك وتقربت مني ولكيت عطر رجالي بيه لا تحجي كلمه

سهم>>راسا ضربتها راشدي وكمت من مكاني....ترى تعبت منج والله شنو اكعد ابررلج كلشي ولج ليش ما اثقين بيه

ميار>>لازمه وجهي بمكان الضربة ونزلت ليجوة لكيت خاله كاعدة وتصفط بلملابس وسرى تباوع على البلازما عيوني عليها وانتبهت عليه خالتي

ام سهم>>يمه هلا بعطر المسك

ميار>>صباح الخير خاله

ام سهم>>صباح النور حبيبي شوكت كعدتي الكل سال عنج حتى عمج وانس راح يجيب اخواتج من بيتهن لبيت شاهين

ميار>>كعدت يمها وبوستها بيدها....البارحه بليل ما نمت خاله لحد الفجر من ورا ميمي

ام سهم>>سودة علية يمه جان جبتيها يمي

ميار>>لا خاله عليمن قابل ما اعرف انوم طفلتي

ام سهم>>هههه فدوه لحلكج تعاي اخذي ملابس سهم رتبتهن جانن على الحبل

ميار>>يي خاله....اخذتهن من ايدها بس اشوو بيهن نفس العطر قربتهن واشتميتهن والله نفس العطر عفتهن وسحبت ملابس غيرهن هم بيهن....خاله شهل العطر يلي بملابس سهم وملابسكم

ام سهم>>هاي سرى جانت ترشش بعطرها يمي وصارت بكل الملابس حتى من رجع سهم وهيه جانت ترشش صارت بقميصه لان العطر اجه مباشرتا عليه

ميار>>اهااا بس مو ثكيل شوية

ام سهم>>يي والله لهيج فتحت الشبابيك لان اختنكت

ميار>>هههه شكد احب خالتي رغم العطر طيب والله بس من حبها بيه مطلعني جذابه هزيت راسي واخذت الملابس وصعدت شفته كاعد ويلعب بلسبحة وضايج انتبهت لميمي نايمه رحت خليت الملابس بلخانة مالته وكعدت يمه

سهم>>عندج شي ثاني احجي اسمعج

ميار>>ليشش ضربتني؟؟

سهم>>واحد متعافي وحقير وساقط كمت وضربتج

ميار>>ههههه

سهم>>رفعت حاجبي واباوعلها تضحك

ميار>>ليش ما حجيت وكلت جانت سرى ترشش بعطرها

سهم>>لا تدخلين وكومي منا يله

ميار>>والله عاد هاي غرفتي اني وميمي شوفلك غرفة ثانية

سهم>>من عيوني

ميار>>يااا صدوك يريد يعوف الغرفة جريته من ايدة بكل قوتي وكع على الجرباية كمت وكعدت بحظنةة......وين رايح دكتووري

سهم>>اطلع حتى اخلص من خبالج

ميار>>سهوم سهمي دكتوري تمام اني اسفة بعد ما تتكرر

سهم>>لزمت وجهها بيدي وسحبتها عليه صارت انفاسها بوجهي وتضحك.....تغارين بزونتي

ميار>>يي اغار عندك مانع دكتوري

سهم>>لا حبيبي بلعكس.....سحبت شفايفهااا وابوس بيها جريت سحاب التراك لحدما فتحتها كلها وصارت ادية تمشي على جسمها من خصرها لرگبتهاا وشفايفي محتظنه شفايفهاا عفت شفايفها وبقيت اركز على صدرها والخصر اووف حرت منين ابدي وياهاا كمت ابوس بجسمها وما اعوفه لحدما بصمتي تبين بهل المكاان صعدت لصدرها

ميار>>لااا سهم حبااب

سهم>>اشش بزونتي بس هلمرة فدوه

ميار>>يوووو احس اكو نتلة تصير بيه من سهم يتقربلي وخاصه بهذا المكان

سهم>>لحظات وعفتها وخليتها على الجرباية ونمت بحظنها كل لزمه كل ااااه وشهگةة وكل مرة تكول اسمي بهل الاثنااااء ازيد وياها واحنه بهل الوضع ميار تختلف جذرياا خوفي عليها يسيطر مو شهوتي اخاف ااذيها وتكرهني لهيج احب ادللها حتى لا تنفر مني ابد

ميار>>كعدت العصر جسمي يوجعني يا الله وما بيه حيل اشيل جسمي كله مكسر بقيت راسي على المخدة واضحك شكد احب لمساته لجسمي حركاته يخليني غصبا عني اتجاوب وياه اوووف انداريت عليه ماكو استغربت وين راح راسا كمت سبحت وبدلت ونزلت ليجوة شفت سوسن ضايجة وخالتي تسبح بلسبحة
.....مساء الخير

ام سهم>>مساء النور يمه

ميار>>خاله وين سهم

ام سهم>>ليش ما تدرين غير راح وي سرى

ميار>>للمستشفى

سوسن>>لا عيني سافرو سوة

ميار>>شلووون؟؟؟بس خالة ليش مادري

ام سهم>>والله يمه عبالي تدرين هو نزل من يمج وراح وبقة ميمي يمي

ميار>>كعدت بصفها وحظنتها وبجيت......خاله ابنج خبيث والنبي ويدور كسري

ام سهم>>لا يمه هسه اني اخابره اوكفي

ميار>>عوفي خاله انتي يمي خيولي

ام سهم>>هههههه لو يسمعج سهم

ميار>>مااريد يسمعني ولا اسمعه خلي تفيدة هيه

ام سهم>>ههههه

ميار>>بقيت احجي وياها واضحك وبالي كوله يم استاذ سهم لليل واتصل عليه انطيته رفض وقفلت الجهاز ونمت كعدت ثاني يوم كعدت ميمي وياي ونزلنا نتريك وي خالتي ودخل سهم من شفته ما حاجيته ابد

سهم>>صباح الخير شلونكم

ام سهم>>هلا يمه شلونك

سهم>>الحمدلله حجية شلونج ميار

ميار>>ولا جاوبته شوية ونزل انس يخابر

انس>>يي هاي يمي اوكفي

ميار>>انطاني الجهاز وسمعت صوت غاليه.....هلو حبيبي

غاليه>>هلو بمرت حماي

ميار>>مصدكة روحج يابة

غالية>>ههههه طبعا

ميار>>شلونج

غالية>>الحمدلله ليش جهازج مغلق

ميار>>احسن لان البارحه ناس انطيهم رفض يرجعون يتصلون

سهم>>ههههه بسمارك قوي حبيبي

ميار>>ههههه ضحكت وبقيت احجي وي غاليه لحدما انطيت الجهاز لانس وهو طلع يوم كامل سهم يحجي وياي واني عايفته لان يلي سواه مو شوية لليل وصارت عرگتنا

سهم>>بزونتي مو احجي وياج

ميار>>كااااااافي شبيك ليش داتلح تعوفني شكووو لزكت

سهم>>ولج مياااار مو صوجج صوج يلي يريد يراضيج

ميار>>مااا اريد عوفني بوحدي ممكن

سهم>>طبج طووووب

ميار>>طلع وسد الباب بكل قوته اوووووف هو الغلطان ويريدني ارضه بتصرفاته الاستاااذ صارت الساعه عشره وهو ماكوو وين مادري صعدت فوك ونمت كعدت ثاني الساعه ب9 ونص يوووو صار 3 ساعات من سهم طلع لدوامه افكر بسهم

،،،،ثووواني وركضت للحمام اريد استفرغ ماكوو شنو هاي من صباحيات الله طبيت سبحت وطلعت ردت البس حسيت الدنيا تفتر بيه كعدت على الجرباية وكمت البس ملابسي نزلت شفت خاله تلاعب بميمي صباح الخير خالة

ام سهم>>صباح النور حبيبي شلونج

ميار>>لا تسالين خالةة

ام سهم>>شبيج حبيبتي

ميار>>كعدت ما بيه حيل واريد استفرغ حتى دخت

ام سهم>>عيدي كلامج ميار ضحكت وفرحت كومي بدلي حتى نروح للمستشفى

ميار>>ما بيه حيل خاله والله

ام سهم>>يله يمة كومي لا تشلعين كلبي وناخذ ميمي ويانا

ميار>>وسهم خاف ميقبل شفتي اشسوة ذيج المرة

ام سهم>>لعد نروح لمستشفى سهم

ميار>>صدوك والله

ام سهم>>يي والله كومي بدلي واني راح البس والبس ميمي

ميار>>تمام خالة صعدت لبست بنطلون وقميص لان لبست شال وخليت عطر خفيف ومكياج بناتي ونزلت

ام سهم>>يشوفج يسويلج تشريح بدون تخدير

ميار>>اااهااااا وانتي شنو دورج خاله

ام سهم>>اضل ابجي عليج واكول ماكو مثل جنتي صغيره وحلوة

ميار>>ههههه كطعتي گلبي

ام سهم>>هههه امشي ولج

ميار>>اخذنا تاكسي ورحنا للمستشفى واول مرة ادوخ من السياره خليت راسي بحظن ميمي واخيراا وصلنا نزلنا وخالتي راحت واجتي بيدها كارت مكتوب بي اسمها

ام سهم>>تعاي نروح لسهم بين ما يصير دوري

ميار>>صعدنا فوك اول ما شافها الولد سلم على خالتي ودخلنا يم سهم

ام سهم>>شلونك سهم

سهم>>استغربت امي وميار وميمي هنااا شيسوون...هلا يمه تعاي

ميار>>بس لامه هلا اني ما شافني مكروه لا جذب احبه

أم سهم>>لا ولك ما بيه شي بس اليوم موعد العلاج واجيت وهم اسوي تحليل لميار

سهم>>شبيها

ام سهم>>هيه تفهمك اني اروح يم الدكتورة

ميار>>طلعت خالتي وميمي كمزت لحظن سهم

سهم>>حظنتها لصدري وانتبهت على ميار..... يوجعج شي

ميار>>لاع

سهم>>شدعوة هل العطر والمكياج واللبس رايحه عرس

ميار>>لاع

سهم>>احجي عدل ميار تحليل شنو امي تحجي عليه شبيج

ميار>>كعدت تعبانة ودايخه وخالتي جابتني وياها يمكن تحليل دم علمود فقر الدم

سهم>>تمام تجي خديجة واصعدج الها

ميار>>تتاخر

سهم>>ليشش

ميار>>علمود ارجع وي خالةة

سهم>>والله مادري بس يمكن يي تتاخر

ميار>>مااكو غيرها حتلو دكتور هو تحليل

سهم>>فزاعه خضره كدامج مدام ميار لوشنووو

ميار>>بقة يحجي ويطلعني غلطانه لانو ما انطي مجال يبرر تصرفاته لحدما وداني للدكتوره وسويت التحليل سهم بقة واكف يمي ونوب راح لان عندو عمليه وانتظرنا التحليل بس خالتي تضحك وكل شوية تسالني يوجعج شي لساعتين وطلعت النتيجة مالت التحليل سلبية

،،،،،راسا خالتي ضاجت وطلع عندي فقر دم مو اكثر رجعنا للبيت وتصالحت وي دكتوري ومرن شهري وعرفنا ب نبض حااامل وشكد فرحنا بس شنو ماكدرت تسيطر على نفسها لان جنا ندرس للسادس اغلب المحاظرات تتغيب منهن مدة وعرفنا انو سرى تعالجت ورجعت يم اختها واكو شخص هناك خاطبها من امها وهمه موافقين

،،،،،وانس بعد ماكدر يصبر وحددنا موعد خطوبته وي غاالية بس اتفقو انو تكمل معهد وما بقالها شي بس سنةة وحدة مرت حياتي الحمدلله بخير بين عركه وضحكةة بيني وبين دكتوري لحدما بدات السنة ودرجاتي يجنن لحد وره شهرين من نصف السنة واول من عطلت هيه نبض وشاهين اتكفل بدراستها لن بطنها كبرت فد نووب بقيت ادرس واروح يمها اساعدها بكولشي

،،،،،مااخليها تحتاج شي لحد ما غاليه اجتي بقت يمها خطية يمكن بداية شهر الرابع وجابت نبض ولد والحمدلله بخير سموه ادم ههههه اكثر شي يشبة شاهين روحي صارت بي والنبي رجعت نبض لدراستها واني هم بدات الامتحانات وبديت امتحن وما اجلت مادة وحدة وحيل خايفة بوقتها من الكيمياء لان صعبة عندي وخفت تنزل من معدلي كملت الامتحانات واخيراا وقبل النتائج باسبوع كمت اتخربط وما اوازن نفسي ابد

،،،،،خالتي خافت عليه بس لا فقر الدم صاعد عندي سهم جان بلبيت هو اخذني للمستشفى وبقيت كاعدة ومن صدوك بوقتها طلع التحليل صاعد فقر الدم بقيت اخذ علاج وصرت احسن طلعت النتائچ ومعدلي 97 عدل وانقبلت صيدلانية الكل فرح بوقتها وحبيت الفرحه تصير اثنين

،،،،،من اتفقنا انو شهرين ويصير زواج انس ومن صدوك بلشنا بيومها نشتري ونضحك واخيرا تزوج انس وصلوات على سيدنا محمد من اول شهر حبلت غاليةة صح فرحتلها بس اني صار كم سنة وما عندي حمل سهم فرح بوقتها لاخوو واني هم الله شاهد بس النقص بداخلي مرت الشهور وغاليه عرفنا بيها بنية

،،،،،واني كاعدة اشتغل بلمطبخ لن اخاف عليها من التعب شلت الصينية وجان اوكع من طولي ولا عرفت منو يلي صاح بوقتها عليه بس وين يله كعدت خالتي والكل يمي

نبض>>ولج مبروك حبيبتي

ميار>>شكوووو نبض

نبض>>ولج اخيرا راح اصير خاله وشاهين خال

ميار>>صدوك واللة.....الكل اتحمدلي بلسلامه ورجعو واني بقيت بلمستشفى بقة سهم يمي وعيونه يحجن فرحته......الف مبروك حبيبي

سهم>>اوووف واخيرا اكو شي راح يجمع بين اسمنا بهل الطفل بزونتي والله ما اعرف شكولج لو شلون اشكرج على هل الشي

ميار>>حظنته وبجيت ثاني يوم رجعت للبيت ومن مرت 4 شهور جانت المفاچئة انو حامل بتوووم هل الفرحة من صدوك بوقتها شكد بجيت بوقتها وسهم عافني ودخل للدكتورة عباله اكو شي بلجنين واحلى شي يكول الها اذا الطفل ميت ذبوو كولشي ولا مرتي يصير بيها شي ههههه نوب خطيه هيه ضحكت وفهمته السالفة هههههه رجعنا للبيت ما اعرف شكوول بس اذا الله راد ينطي شي لبشر ينطي نعمه يحير شلون تركع لرب العباد وتشكرة عليه حالياااا عندي توم اطفال ولد وبنيةة ونبض عدها ادم وبنوته وهيه طلعت معدل انصى من معدلي بس انقبلت طبيه بس بغير قسم وسوسن اتزوجت واحد غريب وسافر بيها لتركيا لان شغله هناك وما صار عدها اطفال ليهسةة

رسالة من البطلة مهمه

اني الصيدلانية ميار اخت المدعي العام شاهين زوجة الدكتور الجراح سهم ام ل3 اطفال يجننون الهدف من قصتي هيه نعمه الاهل وحنان الام وعطف الاب وسند الاخ وحب الاخت اكيد عشتو بقصتي وعجبت البعض والبعض لا اني انحرمت من حب العائلة بسبب الراحه يلي عمر البشر يدورها وما يلگاها الا يم اهله صح انحرمت بس الله عوضني بشاهين اخ وسند وليهسه وياي نصيحه لكل اخ انت بحياه اختك دعم والدعم شي قوي خاويها وعلمها وقربها منك وكلمه شلونج خوية ترى تمحي تعب اليوووم لا تمد ايدك عليها لن باجر عگبة تروح تكسر عينك لن هيه ضعيفة متكدر ترد الضربة بضربة شسوي والشيطان شاطر تروح ادور حنية من غيرك وهيج تبعدها عنك ومن تريد حنان منها تلگاها تصدك لن ما عدها موقف حلو وياك نصيحه للاخت ديري بالج على نفسج واختج وامج والكل صيري مثل الوردة تفوح بعطرها لا تسوين مشاكل على شي تافه وتخلين اهلج يكرهون اختج تعاونيّ وياها بجهازج اذا ما عدها بلشغل مال البيت والدراسة اذا صعبةة هيج صيري وياها وهسه نجي للاب صح يمكن محد مثل اهلي ويمكن اكووو بس خلي راحتك واهتمامك لبيتك انت عمود البيت وسندهم غيري شي ماكدر اكول هسه نجي لحنان البيت ونورة يلي هيه الام انتي ❤نبض البيت وريحته الحلوة وحنانه لتخلين راحتج على باب سعادة اطفالج واذا ما تحملتي زوجج وانتي متمكنةة وعندج وظيفة وشي قوي اسحبيهم لحظنج لن البنية كولشي ولا امها تروح من عدهاااا

لهنا اختم وياكم قصة سهم 🏹 الغرام يا رب تكون النهاية حلوة وعجبتكم وما اريدكم تزعلون مني نبضاتي انتووو اهلي واخواتي
القصة حلوة بلنسبة الي جسدت الاخ والزوج بنفس العبرة وهمات الصبر والطموح للشخص

الشي يلي ردت اكوله حاليا راح اتوقف عن الكتابة وبعد ما انزل شي وقصة معشوكةة غزوان الصگر من يكملن بارتاتها ينزلن لن ما اريد انتظر والبطلة تغيب واذا حور غابت يمكن هلمرة الغيهااا

بس مراح ابتعد عنكم كلكم تعرفون بت خالو حسابها koka_10

انا وانتم ملتقانا هنااا في موعد جديد وقصص تجمعنا وحب متبادل ودعاء مستمر ❤🙈🙈nosha_hassan

دمتم لي بخير وحفظ الرحمن والف سعادة وفرح دائم كاتبتكم
نوشةة ❤❤❤❤❤