رواية سهم الغرام الفصل الثالث والثلاثون 33 - بقلم الكاتبةة نور حسن💕

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

وأشمــج .من مكـان البـي تــرد روحــي..

وأصيح أفيش يا يمة❤😍

♡'''''''''''''''♡'''''''''''''♡''''''''''''''''♡

سهم>>من دون ايام الدنيا كلهه اليوم ردت اطلع ميار من المدرسة شگيت من البارحة بيها شي وهيج وقت مخلصين الامتحان طلعت وي ميمي ارجعها للبيت بوقتها كان فرصة من دخلت للمدرسةة باوعت لمكانها ماكوو كلت يمكن بعدهي بلصف

،،،،دخلت للادارة مو بس استغربت اتخبلت من كالتلي المعاونه طلعت وي اخوها قبل ساعة ونص لان داخت طول الطريق اريد اعرف ليش ليهسه ميار متثق بية ومتريدني ليش ما خابرتني وكالتلي تعال اخذني ليش خابرت شاهين وهيه تدري بي عند شغل وما موجود بلبيت

،،،،رجعت للبيت عفت ميمي يم سوسن وصعدت للغرفة ماكو شي كدامي يطفي ناري عقلي ضل يجيب افگار من ذاته بقيت بلغرفة وحدي واحجي على ميار بعدين كلت ليش ما اجيبها هيه حتى ما كالتلي راح اطلع نزلت بس وكفت من امي عاطت عليهن

ام سهم>>غرفتها مو غرفتجن البنية حرة

رونق>>بس خالة اني شحجيت ترى هيه صغيرة

سهم>>عليمن يحجن هذني وخلني امي هيج تصيح
عفتهن وطلعت لبزونتي باوعت على سيارة شاهين ماكوو شنو طالعين لو عافها بوحدها مشيت ودگيت الباب شوية وفتحتلي الباب من اعصابي راسا ضربتها راشدي

ميار>>لزمت خدي من الوجع بجيت وباوعتله شبي هذاا....سهم

سهم>>شيسموهااا هاي مياااار لعب لو قلة احترام

ميار>>شسويت سهم راسا ضربتني

سهم>>ليش طالعة من المدرسة ومن دختي ليش خابرتي شاهين لهل الدرجة ما عندج احترام الية اطلعين من وراي

ميار>>سهم ما طالعه وي غريب طالعة وي اخوية وهذا يسموه تخلف براسك تعرف

سهم>>رجعت لزمتها من شعرها وطبينا جوة ودفعتها على التخم
....قصدج اني متخلف

ميار>>خليت ايدي على ايده الازم بيها شعري من الوجع وهو ويحجي باعصاب بوجهي من سمعت صوت الگراج ينفتح خفت شاهين يطب ويشوف سهم هيج لازمني....سهم ليطب شاهين وتصير مشكلة بينكم وخر

سهم>>خلي يطب ويشوف اخته شنو حجت وي زوجها

ميار>>لك سهم وخر....دفعته وطبيت ركض للحمام وسديته بقيت اغسل بوجهي واهفي عليه باوعت لمكان الضربة والنبي أصابعه مطبوعة بوجهي سمعت شاهين يضحك وي سهم

شاهين>>دكتورتي وينج تعاي هذا الغدا

ميار>>لزمت نفسي بلگوة علمود متطلع الشهگة مني وحجيت.....
دقيقة حبيبي بس اغسل

....لميت شعري وطلعت وجهي بي شوية احمرار مبين مال بجي رحت اخذت العلاگه يلي بلمطبخ وحظرت الصينية انتبهت على سهم ليهسه موجود مشيت وعفت الصينية يمهم

شاهين>>شبيج دكتورتي؟؟

ميار>>من طبيت للحمام اغسل اندكت الباب والصابون طب بعيوني وليهسه يوجعني

سهم>>غير تنتبهين ميار شنو طفلةة

شاهين>>اجيبلج قطرة تخفف الوجع

ميار>>لا حبيبي ميحتاج

شاهين>> تعاي تغدي يروحي

ميار>>كعدت يم شاهين وشكد حلوو ليهسه يعاملني مثل قبل ياخذ من السمجه يفلسها من العضام ويخليها بلماعون....شاهين ما اغص اكل

شاهين>>ههههه تذكرين من غصيتي بوقتها حلفت اذا ناكل سمج اني اوكلج من الخوف

ميار>>هاي من جنت بلسادس حبيبي بس هسه كبرت

شاهين>>تبقين طفلتي حبيبتي

ميار>>سهم ابد ما حجه شي واصلا مداياكل شي بس هيج كاعد اني كمت قلبهم غسلت وسويت جاي ومن كامو رحت شلت الصينية وغسلت الماعين وصبيت الچاي

سهم>>يله ميار هم نرجع

ميار>>سهم اريد ابقة يم شاهين

شاهين>>عوفها يمي اليوم سهم

سهم>>اني اجيبها يوم السبت يمك هسه امي تريد تروح وياها العصر علمود ميمي

ميار>>شكد خبيث رحت بدلت ملابسي وطلعت واخذت جنطتي

شاهين>>دكتورتي شربي علاجج وديري بالج ادوخين وانتي على الدرج لتروحين توكعين

ميار>>حظنته ودخلت بصدرة حجيت بهدوء....من صدوك انت نعمتي الحلوة حبيبي الله لا يحرمني منك

شاهين>>ولا منج حبيبتي باوعت لسهم....ميار تعبانه شويه دير بالك عليها

سهم>>من عيوني

ميار>>طلعت وي سهم للبيت شفنا خالة والكل دايتغدون

ام سهم>>اتاخرتوو اليوم تعاي اتغدي يمه

ميار>>لا خالة بلعافيه اتغدينا وي شاهين

الكل>>بالعافية

ميار>>الله يعافيكم عفتهم ورحت بدلت ميمي ماكو اكيد بغرفة خالة من بدلت نزلت يمهم انتبهت لميمي بحظن سهم ويلعب وياهاا كعدت بعيدة عنه لان مالي خلگ احجي وياه بعد يلي سواه وياي شوية وكامت تبجي ميمي

،،،،باوعلي وخزرني اجي يمه كمت اخذت ميمي وصعدنا للغرفة بقت ميمي تبجي وتاشر على الحجلة جريت الحجلة وقفلت الباب وخليتها تلعب خابرت على نبض وبقيت اكتب الجدول والتحضيرات مال باجر واندكت الباب كمت فتحته ورجعت لمكاني حتى ما عرفت منو دك الباب وبقيت احجي وي نبض على الدراسة

،،،،،وطب سهم من شافني هز ايدة وراح للحمام سديت الجهاز وحظرت جدولي واخذت علاجي شوية ونعست وخفت على ميمي توكع وتتاذى شلتها من الحجلة وضميتها منها وانطيتها نستلة بقت شوية ونوب عاطت على الحجلة فتحتلها الجهاز على الكارتون وحظنتها لصدري ونمت وهيه بقت تباوع بلجهاز

سهم>>طلعت شفتها نايمة وميمي بحظنها وتثاوب بقيت لحدما نامت ميمي جريت الجهاز وطفيته غطيتهن ونزلت كعدت يمهم

رونق>>سهم سمعتك ادك بلباب شنو ميار هم قفلته

سهم>>شمدريج بميار تقفل الباب

سوسن>>صار مدة ميار من تبقة بوحدها تقفل على نفسها الباب عبالك ضامه شي

ام سهم بحدة>>سوسن عيب هاي مرت اخوج

سهم>>عوفيها يمه ترى شيطانها لسوسن خوش ملقنها كلام وترى الغرفة غرفة ميار بكيفها تريد تقفلها تريد تعوفها

رونق>>مو مرات نريد شي منها قابل نضل اندك بلباب

سهم>>يي هيج الواجب ادكن الباب يله اطبن بس اكو ناس شمعرفها بلواجب.....كمت وطلعت برا البيت بقت بعقلي كلام سوسن ضامه شي معقولة ميار عدها شي بس ما اتوقع هيج ميار تختلف بس يمكن تصاحب وحدة

،،،،،،بلمدرسة وتلعب بعقلهاا لا شهل الكلام سهم هاي ميار بزونتك مستحيل تغلط لليل يلة رجعت اشتميت ريحة تخبل بلمطبخ فتت شفتها بزونتي تضحك وي ميمي ويسوون كريم مال كيك وخشم ميمي بي كريم وتضحك بصووت ابتسمت على ضحكهن وطبيت

ميار>>من شفته سكتت وبقيت اخلي الكريم على الكيكةة وميمي تضحك شال ميمي ويبوس بيها

سهم>>اليوم امج زعلانة مني

ميار>>ضحكت وبقيت عيوني على الكيك

سهم>>يسويها گلبها الطيب وتراضيني لو راح تعاند

ميار>>منو الغلطان ميمي

سهم>>ثنينا غلطانين

ميار>>لا وحدك لن عبالك انت الصح والباقي غلطانين....اخذت الصينية والكيكة ورحت يمهم

انس>>شهل الريحة اول مرة اشوف كيكة تسوي كيكة

ميار>>ههههه

سهم>>باوعتلها تضحك لانس خزرتها تباوع وتضحك بقت توزع بلگيك عليهم ومن وصلت يمي عافت الماعون على الطبلة بله هاي شوكت ترضى اوووف

ميار>>من كملنا رحت غسلت لميمي وصعدت فوك لشوية ونمت ثاني يوم كعدت شفت سهم حاظني من ضهري ونايم اليوم خفارته حظرت ملابسه بلحمام وكعدته....صباح الخير سهم كوم لتتاخر

سهم>>صباح النور بس خمس دقايق حبيبي

ميار>>ماشي بين ما اسويلگ الگهوة.....نزلت للمطبخ سويتله گهوة حظرتها وصعدت يمه شفته نايم يبووو حتصير ب7 وبعدني ما مبدلة....سهم فدوه كووم والله راح اتاخر

سهم>>اووووف شو بسرعه صارت دنيا الصبح نعسااان

ميار>>منو كالگ اتاخر بلنومه

سهم>>غير بقيت ابوس بزونتي بلگي تحس بية

ميار>>ههههه راح للحمام واني لبست وطلعت اعدل بقميصي شفت بصماتة على ركبتي ردت ادگم القميص طلعن اول دگمتين ما هنه لبست الستريج ولبست الحذاء نوب صدريتي بس من باوعت للصدرية صدري مبين لهيج من لبست شالي نزلتة

،،،،طلع سهم سابح ومبدل اخذت مصروفي ونزلت بدون كلام من وصلنا للمدرسة حددو وقت السفرة يلي هيه باجر وشكد فرحت من صدوك بوقتها اجتي الف يا الله لحدما كمل اليوم رجعت للبيت اليوم دكتوري ماكوو

،،،،،اتغديت وياهم ومشة يوومي كالعادة للعصر خليت ميمي بلحجلة وقفلت باب الغرفة ونبض داتحجي على موضوع ابراهيم طبعا ابراهيم بس وياي ميباوع يخجل مدري ليش رغم كبير بلعمر وحتى نبض انتبهت على هلشي ف احنه كروب صديقات على الواتس ودانحجي سوة وكله بصمات واندكت الباب رحت فتحته شفتها رونق

رونق>>عادي اكعد يمج سوسن بلحمام

ميار>>تعااي عيني

رونق>>شسوين انتي هسه؟؟

ميار>>احجي وي صديقاتي على الكروب طبت للغرفة وعفت الباب مفتوح وخليت الهتفون باذني وداسمع بصماتهن واني ارد عليهن بصمه

نبض>>ميار ابشرج راح نخطب لابراهيم

ميار>>يااااي واخيرا برهم حخيطب

نبض>>يي ولج ما صدكنا من امي قنعته

ميار>>فدوه الله يحفظة والله فرحتله

بتول>>ميار وانتي هم حجيتي لشاهين علمود الخطبة

ميار>>يي حجيت

بتول>>مراح تضوجين ولج لان خاف تطلع حبيبته خبيثة

ميار>>بلعكس ليش اضوج جنت اموت قهر من اشوفة بدون زواج

نبض>>واذا طلعت مو زينة وياج

ميار>>لا عيني الله يسعده وياها

نبض>>ميار بس تبقين عشگ شاهينو الاولي

ميار>>ههههه يي والله ابقة الحب الاولي بس شوكت خطبت برهم نبض

نبض>>مادري بعدهم ما محددين

ميار>>انشالله اجيكم

نبض>>يي طبعا كلجن تجن مو تضربني بوري

بتول>>اني اجي علمود الاكل هههه

ميار>> هههه لا يروحي انشالله اول وحدة يمج....بقيت احجي واضحك وياهن لليل تذكرت التعهد مال السفرة واذا رحت وسهم ميدري اكيد يرجع يسويلة سالفة اتمثلت للامر الواقع واتصلت عليه

....هلووو سهم

سهم>>هلوو بزونتي شلونج

ميار>>الحمدلله اكولك شوكت تجي باجر

سهم>>ليش حبيبي اشتاقيتلي

ميار>>سهم كول بيش الساعه ترجع حتى اذا تتاخر اخلي عمو يوقع التعهد

سهم>>يا تعهد شنو رجعتي اتلاسنتي وي البناات

ميار>>لا عدناا سفرة باجر واريد اروح

سهم>>واذا كلت متروحين

ميار>>هاهيه بكيفك

سهم>>اشاقه وياج حبيبتي باجر ارجع من وكت علمودج

ميار>>تمام انتظرك تصبح على خير

سهم>>وانتي من اهل الخير حبيبي

ميار>>سديته من يم سهم ورحت حظرت ملابسي اختاريت فستان شوية قصير وشال وكعب وحجل يجنن وحظرت وياه كم شغلة رجعت نوب اختاريت تنورة قصيرة وقميص ووياه شال وكم شغلة لحد اخير شي اختاريت بنطلون وتشيرت يم الخصر وفوكاه سترة علگتهن كلهن ورحت نمت

،،،،كعدت ثاني يووم تقريبا ب6 الا ربع عزلت الغرفة من الملابس وكعدت اخلي اقنعه على وجهي حظرت المكياج والعطورات كملت تقريبا 6 ونص دخلت سبحت ولبست ثوب قصير وكعدت اشسور بشعري من كملت انداريت وحرت شلبس منهن جريت الفستان ولبسته ولبست الحجل والكعب من صار صوت فزت ميمي ورجعت نامت

،،،،نزلت اجيب مي من جوة وشفت خاله وعمو كاعدين......
صباح الخير

ام سهم>>صباح النور يمه

ابو سهم>>صباح النور بوية شنو ما عندج مدرسة

ميار>>لا عمو عندي سفرة وحايرة شنو البس

ابو سهم>>ههههه بس هذني حلوات

ميار>>دقيقة اجيب الملابس يلي اريد البسهن وانتو حكموو....ركضت للغرفة جبت ملابسي ونزلت شوفتهن ياه.....شنووو تختارون

ابو سهم>>يلي لابستهن احلى

ام سهم>>يي يمه هذن حلوات كلش

سهم>>صباح الخير شلونكم

الكل>>صباح النور هلا بيك

ميار>>صباح النور شلونك

سهم>>الحمدلله شعندج كاعده من الصبح

ام سهم>>عدها سفرة يمه خلي تكمل نفسها

سهم>>مشيت يم الدرج وصحت...ميار بدلي لبسج مو مال سفرة

ميار>>لااااا باوعت لخالتي واشرتلهه بعيوني ضحكت وندست عمو بيدة وعمو عرف شتريد منه

ابو سهم>>سهم شبيهن ملابس مرتك حلوات غير تطلع مرتبة

سهم>>يي يابة ما حجيت شي الگنتور يشهد على ملابسها بس تختار لبس طويل

ابو سهم>>لا تخليها بروحها بوية لبسها حلوو خلي تطلع وي صديقاتها

سهم>>نزلت يمهم وحجيت....صدك تحجي يابة هسه تريدني امشي بكلامها

ميار>>اشرلي عمو بيدة رحت كعدت يمه

ابو سهم>>مرتك صغيرة مو تخنگها بكلشي بعد ابوك

ميار>>ضحكت على كلام عمو لان يحجي بهدوء عكس الغضب يلي راح يموتني

سهم>>تدلل يابة هاي لخاطركم

ميار>>يااااي واخيرا قبل صعدت وراه حتى انطيه التعهد وارتب نفسي لان ما مخلصةة طبيت للغرفة خليت التعهد كدامه ورحت خليت كحل وحمرة وردية خفيفة من وقع انطاني التعهد اخذته ونزلت من سمعت صوت الخط سلمت على عمو وخالة

،،،،وصلت يم الخط ردت اصعد وصاح سهم

سهم>>اوووكفي يمعودة وووين

>>بعده سهم ما طلع يمنا بس سمعنا صوته

ابراهيم>>صباح الخير

ميار>>صباح النور شلونك

سهم>>مشيت شفت ابراهيم يباوع عليها ويضحك وياها ونبض تباوع من الجامه مال السيارة حجيت بحدة....صباح الخير

ابراهيم>>صباح النور دكتور

سهم>>حبيبي هاي الفلوس نسيتهن فوگ

ميار>>يبووو شكد استحيت كدامهم يا الله اخذت الفلوس وصعدت وي برهم وصلانا للمدرسة ومبين فرحان على الخطوبة

نبض>>برهم شغلنا اغنية

ابراهيم>>يي اشتغل ابو ملهى مثلا

البنات>>ههههه

نبض>>غير سفرة وفرحانين لخطوبتك

ابراهيم>>بعدني ما خاطب بيوم خطبتي اشغلج اغاني

ميار>>بس هيه متريدني اجي للخطبة

ابراهيم>>شلون ما تجين انتي اول المعزومين

ميار>>ههههه وصلنا للمدرسة ونزلنا طول الطريق فاتحين الكام ونصور كولشي صورنا حتى من صعدنا باللعاب لحظة العياط صورناهااا احلى يوم هو هذاا يمكن ورا 3 ساعات خابرني شاهين

شاهين>>الوو دكتورتي

ميار>>هلووو شاهينوووو

شاهين>>صوتج دكتورتي وين انتي

ميار>>عندي سفرة وي المدرسة

شاهين>>ادري مو خابرت سهم كالي جهازها عدهااا ردت افرحج اكثر

ميار>>كول حبيبي

شاهين>>اليوم من ترجعين نروح لبيت حبيبتي اتفقت وي اهلها اليوم

ميار>>صدوك والله واخيرااا حشوفها لحبيبة اخوي عيني

شاهين>>ههههه خليج وي صديقاتج من ترجعين خابريني حتى اكلج بيش الساعه نطلع

ميار>>ماشي حبيبي باي.....فرحت بلزايد اليوم حشوف الحلوة مالت اخوي ههههه خلصت السفرة وخابرت نبض على ابراهيم حتى يرجعنا طول الطريق نحجي بلسفرة وهو كل شوية عاط بينا على الصووت العالي ههههه نزلت اضحك وهو يفر بيدة ردت ادخل وطلع سهم اشرت لنبض بيدي وهيه تضحك...هلوووو

سهم>>هلو بيج عيني

ميار>>طبيت للبيت وبقيت بملابسي واسولف لخالتي وسهم مقابيلي ومبين ضايج وسوسن ابد ما حجت شي داشوف الصور لخالة وعاط سهم

سهم>>كااافي عاااد شنو اول مرة اطلعين لوو شنووو

ام سهم>>شبيك يمه كاعده يمي وتحجيلي شكو تصيح عليها

سهم>>تعبان حجية وصوتها عالي

ميار>>شكد ضجت منه يا الله اترخصت منهم وصعدت بدلت وميمي نايمة غطيتها ونزلت يم خالة اتغديت وسهم ابد ما تقرب للاكل ولا حتى سوسن باوعت لخالتي هم تباوع عليهم اشرتلهه بعيوني بمعنى شكووو بس استغربت من كالتلي بهمس

ام سهم>>السالفة بيها آنةة من رحتي سوسن طبت لغرفتكم وجانت رونق تحجي وياهم على الجهاز

ميار>>صاير شي

ام سهم>>علمي علمج يمه والله

ميار>>اتغديت وكملت الماعين والطبلة وانطيت لخاله الچاي ورحت فوك وميمي كعدت رادت تنزل من الجرباية ركضت عليها ومدري شنو تحجي هههه خليتها بلحجلة وقفلت الباب وخابرني شاهين

شاهين>>هلو حبي رجعتي

ميار>>يي حبيبي واتغديت

شاهين>>بلعافيه دكتورتي يله مو تنسين 3 ونص نطلع

ميار>>تمام حبيبي بس شاهين يمكن اجيب ميمي وياي

شاهين>>ماشي اهم شي انتي

ميار>>سديته من يم شاهين وفتحت الباب شفته سهم واكف باوعلي وطب للغرفة نزلت الكل كاعد ما عدا انس

ابو سهم>>شلونج عمي

ميار>>بخير عموو تدرون اليوم راح اشوف حبيبة شاهين

سوسن>>صدك ميار

ميار>>يي والله شبيج خابرني شكد فرحت سوسن باوعت وضحكت ودخلت رونق للبيت وبيدها جهازهاا ركضت سوسن عليها وكاعده تحجي وياهاا وصعدن فوگ....مشت بسرعه الساعه ركضت بدلت وبدلت لميمي ونزلت اضحك شفت سوسن مخليه مكياج ولابسه فستان ورونق تاخذلها صور والباقي كاعدين واندكت الباب هاذا شاهين ردت افتح الباب وعاط سهم

سهم>>اوكفي اني افتح الباب

ميار>>رجعت وكفت واباوع على الباب من دخل شاهين ضحكت بوجهه وهو غمزلي وسلم عليهم وبقة يحجيلهم شكو ماكو وهيج رحت للمطبخ اجيبله مي واجتي رونق وسوسن يمي

رونق>>ميار المن بدلتي هاي شاهين اجه

ميار>>ادري بي اجه غير راح نشوف حبيبته

رونق>>شنو قصدج راح نشوف هيه غير سوسن

ميار>>لا مو سوسن يلي نحجي عليها حبيبة شاهين راح نخطبها اله

سوسن>>واني مياار

ميار>>شاهين ميحبج والزواج مو غصب سوسن

سوسن>>شكد نذلة وحية انتي ولج والله ما انساها الج وشيصير بيج بابو زايد

ميار>>دفعتني على السنگ وراحت والحية ركضت وراها طلعت يمهم وسمعت شاهين يحجي وي خالة

شاهين>>البنية حبابة واعرفها وحجيت وي اهلها ويعرفون عندي اخت ف حبيت اتعرف عليهم واخلي ميار تشووفهااا اليوم

ام سهم>>اذا تريد نجي وياك يمة

شاهين>>لا خالة مو هسه اتعبج وياي من تصير الخطبة اجيج من الصبح ومو تكولين تعبتني

ام سهم>>ههههه شايف كل الخير يمه

ميار>>سلمنا عليهم وطلعنا طول الطريق اريد اعرف اسمها بس استغربت من وكفنا يم بيت نبض

شاهين>>نزلي خلي اشوف ابراهيم شراد مني

ميار>>نزلت واهل نبض نعرفهم من يرحبون بيناا ويضحكون بوجهنا خليت ميمي وي الجهال ورحت يم نبض شفتها مبدلة وكاشخة صحت..الوووو هاااي وين رايحة

نبض>>مياااار

ميار>>يي ولج ميار وين رايحة

نزلت>>ما رايحة انتوو جايين عليناا

ميار>>يي حتى نروح سوة نشوف خطيبة شاهين

نبض>>هو شاهين ما كالج خابر ابراهيم علمودي

ميار>>شلوووون؟؟ صدوك تحجين انتي يلي يريد يخطبها شاهينوو

نبض>>يي والله حتى اني ما صدكت

ميار>>عفتها ورحت يم شاهين من شافني ضحك ودنگ كعدت يمه وضربته بيدي.....جاي تخطب صديقتي وتضحك عليه

شاهين>>ههههه شنو رايج بخطيبتي

ميار>>عاشت ايدك حبيبي ورد جوري هااي رحت يم نبض شفتها تبجي....هااي شبيج

نبض>>غير انتي طلعتي كلت يمكن متريدني لشاهين

ميار>>انجبي ولج لعد رحت اتاكد منه ولج نبضي راح تصيرين زوجة شاهين يعني حنبقى ابيت واحد لا والحلووو احنه جوارين ياااااااااااي ههههه بس ليش ما خابرتيني؟؟؟

نبض>>هو كال بس اني راح اجي وحدي

ميار>> خوش لعبها علينا شاهين هههه بقينا نكمز ونضحك واجتي ام نبض ضحكت وياناا وباوستني حددنا موعد الخطبة ورجعنا طول الطريق مشغلة ردح واركص وشاهين يضحك ويكرص بخدودي وميمي تصفگ تعبت ونامت بحظني وصلني للبيت وبقة واكف بين ما احد يفتحلي الباب شوية وسهم فتحلي الباب

،،،،اشرت لشاهين وطبيت شفت الكل موجود وعموو مبين مو بلبيت بس ليش الكل مبين عليهم ضاايجين وانس صاير اعصاب لان من دخلت عاط على رونق سلمت عليهم وصعدت للغرفة خليتها ونزلت يلي حيرني انس وعياطه عليهم وسهم واكف بعيد وبس يسمع

ميار>>صاير شي شكوو

انس>>ماكو شي ميار

سوسن>>يي ابقة دافعلها لوو ما اعرفك جنت تجي بلغرفة تحجيلي

ميار>>فزيت وانداريت على صوت الباب من انسد حيل شفتة سهم طلع برا البيت ركضت عليه وصحت.....

سهم وين رايح وشكووو هيج ضايج مني عبالك مسوية غلط ترى اني لازم اضوج وازعل منك لان ضربتني بدون سبب

،،،ما حسيت عليه من جراني بقوة صار ضهري بلجنطة مال السيارة

سهم>>شسويتي ميااااار شنووو يلي سويتي

ميار>>والله ما سويت شي مو الكل يعرف طلعت وي شاهين سهم ضهري كاعد تدفعني حيل

سهم>>اتاذيتي لعد يلي بگلبي شنووو ميار ما توقعت منج هيج اطلعين بدون مستحة وتعترفين بلسانج انتي حبيبتة

ميار>>المنووو اعترفت

سهم>>يصير خير يومين وكلمن يروح لحال سبيله

ميار>>عافني وطلع وكأنوو اني مسوية ذنب دخلت للبيت محد حجة عفتهم وصعدت شفت شاهين متصل رجعت اتصلت عليه

شاهين>>هلو حبيبتي

ميار>>شاهينوو شنو كلمه كلمن يروح لحال سبيله

شاهين>>منو كالهه الج

ميار>>لا سمعتها من البنات

شاهين>>اذا صديقاتج معناها زعلانات منج وميردنج صديقة وياهن

ميار>>لا مو صديقاتي هاي يمنا البنية

شاهين>>شنوو ميار

ميار>>اخت رونق زوجها كايل الها ياه وما افتهمت واستحيت اسالها

شاهين>>ههههه خاف يريد يطلگها

ميار>>بقيت خايفة معقولة سهم يطلگني بس ليشش؟؟

شاهين>>ميار وياي

ميار>>يي وياك شنو كلت

شاهين>>كتلج مو تنسين يومين واجيكم حتى نخطب حاجيت الاهل كالو نحظر

ميار>>يي حبيبي من عيوني

شاهين>>واني هم اجي اعزم بيت سهم

ميار>>ماشي يروحي

شاهين>>محتاجة شي حبيبي

ميار>>لا حبي سلامتك

شاهين>>سلميلي دكتورتي

ميار>>الله يسلمك حبيبي....سديته من يم شاهين وبقيت افكر سهم يريد يطلگني بس شنو سويت نزلت على صوت سوسن وانس على السريع

انس>>والعباس اموتج ما تستحين هيج اسوين

سوسن>>ما سويت شي غلط اذا اخوي نايم وميدري شكاعد يصير

ميار>>بقيت اسمع كلامهم وخفت حسيت شلون صارت الاستقبال يذب هوى حااار كولشش طلعت بلحديقة وارجف جسمي يرجف عبالك حموت بقيت كاعدة بوحدي لحدما هدا جسمي وبقت بي رجفة خفيفة رفعت راسي شفته سهم مقابيلي

سهم>>شسوين كاعدة هنا

ميار>>شنو قصدك كلمن يروح لحال سبيله......ما جاوبني كوتله

شنو غلطي وياك سهم صير صريح وكول مليت ما اريدج يمي واريد اطلگج لا تلف وادور....عافني وراد يطب للبيت اندار عليه وكال

سهم>>سرى راح تجي

ميار>>بس حجاها دخل للبيت عيوني غوشت

♡'''''''''''''''♡'''''''''''''♡''''''''''''''''♡

مشاهدة ممتعة نبضااااتي + علقوو وكولولي شنو رايكم
وليش التصويت قليل مو حلووة القصة حبايبي ☹️☹️☹️

nosha💋💖