رواية سهم الغرام الفصل الثاني والثلاثون 32 - بقلم الكاتبةة نور حسن💕

~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

خدر بينه الهوا حچايات ذرعان
وطفح بينه العشگ حد ما تبدينه🥺💜

♡'''''''''''''''♡'''''''''''''♡''''''''''''''''♡

ميار>>ساعة كاعدة يم خالتي واضحك وكعدت ميمي تفرگ بعيونهاا تمشي وتوكع رحت شلتهاا وديتها للحمام غسلتلها وديتها يم خالة ورحت سويتلها ريوك ورجعتلها داكول بيها

ام سهم>>اكلج ميار باجر دوامج

ميار>>يي خالة

ام سهم>>انشالله هم اطلعين اعفااء مثل ذيج السنة وترتاحين

ميار>>انشالله خالة الله يسمع منج بس خاله ميمي ليهسه كلامها ما مفهوم شعجب يلي بگدها هسه ببغاء

ام سهم>>حجيت وي سهم كالي يومين ويوديها لدكتور اطفال ويشوف شبيهاا

ميار>>ميمي كولي ماما

رونق>>ههه‍ههه شتكووول ماما خايبة انتي موو امها انتي زوجة ابوهاا مو اكثر يعني تكبر تكلج خاله او تصيحلج ميار

ام سهم>>رونق شعجب طولت كعدتج هنا هم روحي شوفي امج خطيةة

ميار>>باوعتلها وهزيت ايدي رحت غسلت لميمي ورجعتها وخالة داتحجي وياي وتضحك يلي صار هلفترة سوسن كولش مبتعدة عن خالتي بحيث خالة مكاعد تحجي شي يضرها بلعكس تنصحها بس سوسن كولش تضوج متحب تسمع كلامها هلشي خبلني

،،،،بس سوسن تاخذ كلام الحية وتعتبره رقم واحد بحياتهااا هلشي جان مخوفني لا تروح سوسن تسوي شي غلط وخاله توكع بيها لان بتها الوحيدة وخالتي ابد متستاهل يصيرلها شي كملت الغدا وكعدت اسولف لخالتي على لعبات ميمي شلون تخبث وياي من اكول الها لاا تروح لنفس الشغله يلي دامنعها منها😡

ام سهم>>ههههه كل الجهال بهيج عمر يعاندون حبيبتي لا تخافين عليهاا خابري على سهم اريد اكوله شغلة

رونق>>خاله سهم فلش جهازة

ام سهم>>يااا ليشش؟؟؟

رونق>>اسالي مياار

ميار>>باوعتلي خالة وتريد جواب شكول الهاا وهاي واكفة راسا تذكرت كلامه ف كوتلهه.....خالة البارحة لان بدلت ابيت نبض مقبل وضااج

ام سهم>>ههههه حقة يمه

ميار>>كملت البيدي ورحت للغرفة عدلتها وشغلت المبخرة وعدلت الجراجف ورحت للحمام سبحت وبدلت تراك طويل ماروني وشسورت شعري لان باردة وطلعت ملابس المدرسة والكتب ورتبتهن بلمكتبة والاقلام خليتهن بعلبة واقلام التلوين رجعت المكتبه مالتي من جديد

،،،،ونزلت اغسل الملابس شغلت الغسالة وخليت بلبداية ملابس البيض وعفتها ورحت فوك بقيت واكفة من شفت سوسن دادور بالگنتور....ها سوسن تردين شي.....اندارت عليه وتباوع وراي التفت لگيت رونق وجهه اصفر....شبيجن

سوسن>>ميار شسمة هو ردت هذا البارحة المدري يا لون افتهمتي

ميار>>ههههه والله حروفج متقطعه وللاسف ما افتهمت كولي شتردين

رونق>>تريد منج مكياج للطلعة

ميار>>اهااا ذيج الخانة سوسن بيها مكياج واكسسوارات وعطورة هاي الخانات بس ملابس وملفات لسهم روحي اخذي......شفتها تاشر بحواجبها وايدها ورا ضهرهاا گلت يمكن خافت مني بقت ادور على الوان مكياج

سوسن>>ذني ميار بالليل ارجعلج ياهن

ميار>>لا يمعودة لترجعينهن

رونق>>ليش عيني تگشين منها

ميار>>لع بس سهم ميحب الالوان الغامقةة وهماتين من اشتريت النشيان وي سهم جبت من كل لون قطعتين ف سوسن تستفاد منهن ليش عايفتهن ومدا استخدامهن.....كمت ورحت يم سوسن طلعت علبه ضلال وقلم حاجب وكحل يجنن وانطيته الها....هذن هم اخذيهن لان قطعتين باعي

سوسن>>تسلمين حبيبتي

ميار>>طلعن من الغرفة بعد ما خزرتني انسة رونق بعيونها بس يلي سويته خوفاا على سوسن منها وهماتين اريد اگسب سوسن لان عقلها صغير وبسرعه ينضحك عليهااا نزلت على صوت سهم وشكد فرحت من شفت ميمي كاعدة بلحجلةة واخيرا اقتنع سهم وهيه تمشي بيها وسهم كل شوية يركض عليها

سهم>>ميار فدوه هاي بس لمن تبقى ميمي يم امي لو بلغرفة تخلينها بيها حتى تبقة عيونج عليها ومتوكع

ميار>>تمام.....ميمي تعاي حبيبي تعاي.....هههه تضحك وتحرك بديها وتلعب بلموسيقى مال الحجلة شوية وشفنا رونق متعدلة ومكياجها اتوقع راح تروح

سوسن>>يمه كولي لرونق تبقة بعد يمنااا

سهم>>هيه قابل تلزم نفسها مناا راح تزور اهلها يومين ثالث يوم تلگينها يمج

رونق>>ههههه شوفي سهم حافظني يدري بگلبي ما يبتعد عنكم

سوسن>>اتغدي وروحي حياتي

ميار>>رحت حظرت الاكل ودانتغدا سوة وخالة حجت وي سهم

ام سهم>>اكولك يمة تدري جاسم رجع دز امه ليش ابوك ما يرجعلهم جواب

سهم>>مو حجيت وياه من رجع من سفرته هم ما ردلي خبر والولد خوش ولد ونعرفة

سوسن>>سدي سالفتج يمة اني ما اريدة

ام سهم>>ليش متردي رجال وعليه الاعتماد

رونق>>منو جاسم بس لا يلي سولفتيلة عنه

سوسن>>يي هو نفسة

ام سهم>>رجال وخوش ادمي وعند وضيفة وما كاعد ايجار ليش ترفضي

رونق>>يي خالة بس هو منفصل وعند ولد يم امه وكاعد وي اهله بحساب يريد خدامة خو يجيبلة بنگلاديشية احسن

سهم>>شو متعرفين تحجين انتي

رونق>>ليش سهم شبي كلامي اني علمودها ليش تاخذ هيج واحد وتخرب حياتهاا خلي تاخذلها واحد بعدة جديد يونسها ويطلعها ابيت وحدها بعيدا عن اهله ومشاكلهم

سهم>>اني منفصل سابقا وعندي طفلة وعندي وضيفة وكاعد يم اهلي واخذ ميار مرتين بعمري بس وافقت عليه شنو الفرق بيني وبين جاسم وللعلم اني اكبر منه بسنتين شوفي رونق ما اريدج تزعلين بس اتخبل من تخلين هيج كلام براس اختي

،،،،لان ادري بيها تمشي ورا كلام تافه بت الاصول والنادرة تحب بيت عيالها وتقدر ضروف زوجها ولو باجر رادت تطلع ابيت خلي يكون من تعب زوجها اكو نسوان يلمن من الدرهم ابدال ما يبذرن حفلات ملابس قنادر يرحن يلمن بيوتهن وهيج تطلع بزودهااا

ام سهم>>ايي والله يمه كلامك عين العقل

ميار>>بقة سهم يحجي ويبرر او بلمنطق بوقتها يوعي سوسن انو المنفصل بشر ومن حقة يتزوج وحدة تكون تفهمه ومتعيد غلط زوجته الاولى وتراعي مشاعر اطفاله اذا عندو اطفال وتكون امهم بس عقل سوسن بوقتها كان وي رونق

،،،،وگلبها يم شاهين ف كلام سهم بوقتها دخل من الاذن اليمنى طلع من اليسرى لعشر دقايق وطلعت رونق من بعد ما سلمت على الكل للعصر رجع عمو وانس هم غديتهم ومن كملت صعدت فوك

،،،،مر تقريبا اسبوعين ورجعت لمدرستي دوامي صباحي ارجع الضهر اتغدا واغسل الماعين اصعد انام ساعتين واكمل دراستي ونوب اسوي عشة هاي روتيني كل يووووووم من عدا حركات دكتوري الليلية ميمي تعلمت على الحجلة وكل يوم تصعد بيها ونركض وراها بس الحديقة والغرفة اعوفها براحتها وعود اليوم سهم بلغرفة يمها صعدتها بلحجلة.....سهم دير بالك على ميمي مو توكع

سهم>>لا اني يمها روحي

ميار>>نزلت داسوي عشة على السريع ساعه كامله بلمطبخ وسمعت ميمي تبجي عفت الطباخ وركضتلها طبيت شفت سهم شايلها وسوسن ترجف ركضت عليها شلتها عززززا حلگها بيد دم.....سهم شوف حلگها فدوه

سهم بحدة>>سوسن يعني دگي الباب شبيج اتخبلتي

سوسن>>ما عبالي ميمي ورا الباب

ميار>>اخذها سهم يغسل الها واني شلت الحجلة مالتها....شلون وكعت؟؟؟

سوسن>>شفتج جوة كلت اصعد اخذ كم شغلة منج وهيه جانت ورا الباب

ميار>>غير ديرين بالج سوسن شفتي حلگها شلون بي دم هسه نزلي طفي الطباخ كملت العشة بس بقه الطباخ مشتغل

سوسن>>يي بس ميار الله عليج مو سهم يضل يحجي عليه

ميار>>لا شنو يحجي قابل بيدج عود كوتله انتبه عليها بس سهم جانت عيونو بلاب توب نزلي انتي....نزلت سوسن ورحت للحمام سهم مخليها على البانيو ويغسل بحلگها من شافتني برطمت شفايفها وبقت تشهگ عبالك كاعده تشگيلي راسا حظنتها وبجيت

سهم>>لا والله صدك تحجين ميار بدال ما تسكتينها تروحين تبجين وياها

ميار>>كله من وراك انت كوتلك انتبه الها وشوف شنوو صاااار

سهم>>شمدريني سوسن تطب للغرفة چفت

ميار>>عفته ورحت بدلت لميمي وكعدتها يمي انطيتها جهازي بقت تباوع عليه لحد ما شوية ونامت

سهم>>لتخافين ما بيها شي

ميار>>انشالله ما بيها شي تنزل تتعشة

سهم>>يلة تعاي ننزل سوة

ميار>>نزلنا سوة وبالي يم ميمي يا الله شفنا خالتي صايرة اعصاب وتحجي

سهم>>شكوو يمة؟؟؟

ام سهم>>شلون صارت ميمي

سهم>>ما بيها شي يمه وكعه خفيفة

ام سهم>>اني وين وديتها وهيه وين راحت دومها سوسن تمشي عكس كلامي

ميار>>كعدت يم سهم اتعشينا وسوسن كملت المطبخ وسوتلهم الجاي صعدت يم ميمي شفتها نايمة كعدت اقره أحياء لان باجر امتحان يومي لشوية وصعد سهم بيدة علاگة حلويات النا اني وميمي خلاهن بلبراد وتمدد بصفي

سهم>>شنوو امتحان لو تحضير؟؟

ميار>>امتحان يومي سهم تتوقعلي إعفاء هاي السنه

سهم>>انشالله اعفاء لان درجاتج بنصف السنه تووب شوكت تبدون بلشهريات

ميار>>بداية الشهر الثالث لان ماخذين مادة قبل نصف السنة بس الامتحانات اليومية كل يوم

سهم>>حتى ترفع من الشهري هيج احسن

ميار>>بقيت اقرة واحجي وياه نوب اخذ الكتاب وضل يسالني لحدما تعبت ونمت كعدت بالليل على ايد ميمي تهز بية راسا طفرت شفتها كاعدة مقابيلي....شبيج حبيبتي جوعانةة....هزت رأسها بمعنى اي باوعت لشفتها شوية مورمه عبالك واحد بايسها ههههه كوتلهه....ننزل اسويلج اكل لو تاكلين حلويات بابا اشترى كوومه....

،،،،اشرت على البراد طلعتلهه حليب ونستلة بلككو وانطيتها ياه شوية واخذت جبس ونستلة وبقيت اكل وياهاا

سهم>>شهل الصوت عبالك فار ياكل فوك راسي

ميار>>ههههه هاي اني وميمي

سهم>>علساس ما ادري مثلاا.....انداريت على الساعه هسه 4 ونص....اكو واحد عاقل ياكل ب4 ونص بلة ميمي طفلة وانتي بزونتي هم وياها

ميار>>ههههه تريد

سهم>>لا حبيبي بلعافية من تكملن تغسلن سنونجن لا اموتجن

ميار>>خف علينا انت وتعليماتك دكتوري

سهم>>هههه انداريت ونمت.....كعدت ثاني يوم ب7 الصبح كعدت بزونتي حتى لا تتاخر على مدرستها كامت بدلت اباوعلها تجنن من تبدل كدامي حظرت جنطتها لبست جوة صدريتها ستريج اسود لفت الشال وطلعت ترواكة خلتها على الجرباية لان متلبس قمصلة بلمدرسة شوية وشدت حزام الصدرية بين خصرها وصدرها اني وراها وعطت....رخي النعل لتشدي حيل..

ميار>>شنووو؟؟

سهم>>رخي حزام الصدرية بين جسمج كله

ميار>>راح البس ترواكتي

سهم>>ميخالف رخي وبطلي نومتج بلساحة مالت المدرسة ولتضلين تركضين وي صديقاتج عبالك بلابتدائية مو وحدة اعدادية

ميار>>سهم تعاي وياي للمدرسة مو احسن

سهم>>ميقبلون حرامات كان طبيت وشفتج شسوين

ميار>>ههههه طلعت للخط وصعدت بي داحجي وي نبض وخمس دقايق وودك جهاز ابراهيم

ابراهيم>>وعليكم السلام اي عرفتك لا بعدني يم الفلگة ما واصل اهاا يي هاي هيه وياك.....نبض انطي الجهاز لصديقتج زوجها اتصل

ميار>>عرفت المقصودة اني لان بس اني ونبض وكم طالبه وبس اني بلخط متزوجة اخذت الجهاز من نبض وحجيت....الوو

سهم>>مرة ثانية من تروحين اتاكدي من يوميتج لا تخليني اتصل على الولد لان عيب

ميار>>ما انتبهت عليها ونبض موجوده اني اخذ من عدها عاادي

سهم>>لا مو عادي بس تتخربطين لو يصير بيج شي شاهين ياكل راسي من وراك ومن وراك

ميار>>شنوو دكتوري ما عرفتك تخاف من عتاب شاهين لو تخاف اتمرض

سهم>>بزونتي

ميار>>هممم

سهم>>اشتاقيت لحظنج تدرين ميسوون دوامكم ضهري مو احسن

ميار>>لا ميصير واني مااحب الدوام الضهري لان ادري بنفسي اضل اسخت ويمشي اليوم كله بدون دراسة

سهم>>شكد احب من تحجين بعقلانية احس بيج واعيةة

ميار>>تمام هسه راح نوصل بيباي

سهم>>ديري بالج على نفسج حبيبتي باي

ميار>>سديت الجهاز ورجعت لنبض وهيه تضحك وصلنا للمدرسة وبدا الدوام قبل منطلع وزعوو على الطالبات تعهد مال سفرة بس شنوو ليهسه ما مكتوب تاريخ السفرة بس هسة يردون اسماء والعدد اخذتها وضميتها لربع ساعه خلص درس الانكلش وطلعنا من المدرسة وصلت للبيت تعبانة ونعسانة وجوعانةة

سهم>>يهلا بزونتي

ميار>>ضحكت بوجهه وانزع بلشال صعدت 4 بايات الدرج جراني عليه ويبوس برگبتي...سهم فدوه وخر

سهم>>اريد اشتم عطرج ليش من تلبسين شال يبقة كما هووو لا يخف ولا يتغير

ميار>>خلا اديه ونزعني الترواكة وشال جنطتي ولسانة يمشي على عضمتي حسيت بجسمي خدر من هدوء صوته وبوساته وعيت على نفسي من عضاني بنص رگبتي...اوووي هاي ليشش؟؟

سهم>>اشتاقيت لهل الگلمة

ميار>>هههه دفعته مني ومشيت

سهم>>بدلي خلي نطلع سوة نتغدا

ميار>>ليش وين الكل

سهم>>سوسن وامي وانس راحو للمستشفى اليوم موعد العلاج الطبيعي مالتها وابوية بلمحل بالليل يرجع وجنت منتظرج

ميار>>وميمي وين

سهم>>كاعدة تلعب بلغرفةة

ميار>>صعدت للغرفة شفتها على الجرباية وتضحك وي الالعاب
....ماماتي حبيبي وين حظني ميمي....حظنتهاا وابوس بخدودهاا شهل التفاااح يا الله ليش هيج حلوة انتي مال عض عض

سهم>>هههههه كافي ولج عوفيها راح تسگر من الضحك

ميار>>شلووون الضحك يسگر؟؟؟ لعد من اضحك ليش ما اسگر

سهم>>ولج مو قصدي ههههه السگر مال شرب لان صغيره معدتها تكوم توجعها من الضحك

ميار>>اهااا....رحت بدلت وبدلت ملابس ميمي ونزلنا يم سهم

سهم>>رايحين نتغدا ماكو داعي للمكياج

ميار>>والله ما مخليه

سهم>>والله؟؟؟

ميار>>ممخليه شبيك....جريت كلنكس من الطبلة ومسحت حلگي وخدودي وشوفتها اله

سهم>>هيج بزونتي حلوة بلشتااا وماادري

ميار>>ههههه طلعنا للمطعم وهو يحجي ويضحك تغدينا نوب ساعتين ورجعنااا

،،،،من اليوم مر شهر وبدات امتحاناتي كمت اخاف على ميمي بحيث من تلعب بلحجلة وبلغرفة يمي اقفل الباب عليناا ومن يصيحون عليه انزل بس ما جنت ادري بهلشي اكو ناس تراقبني وتريد عليه الزلة للعصر باقية وي ميمي ما حسيت على نفسي ونمت

،،،،كعدت على باب الغرفة يتفلش راسا فتحته من الخوف شفتها رونق من خوفي عطت بوجهه...شكووووو

رونق>>شسوين صار ساعه اهلي جوة يريدون يسلمون عليج تعبنا اني وسوسن اندك بلباب

ميار>>طبيت وسديت الباب بوجهه كعدت على الجرباية ولازمة گلبي يدوك بقوة عبالك يريد يطلع غسلت وجهي بدلت ونزلت يمهم سلمت عليهم وبقو ساعه وراحو وعافولي الحية المتينة سويت عشة وصعدت اشوف ميمي حسيت برونق وسوسن عدهن كلام لان من يشوفني يسكتن فتت من يمهن وصاحتني سوسن

سوسن>>ميار تعاي اكلج

ميار>>رحت كعدت يمها ورونق كعدت مقابيلي عبالك يردن شي.....كولي سوسن

رونق>>ميار تردين الصدك اني يلي اريدج مو سوسن عندي موضوع وياج

ميار>>كولي شتردين؟؟؟

رونق>>انتي تدرين بسوسن تريد شاهين وهو هم يعرف هيه تحبه وعيب ترى ميجي يخطبها لو اخوج يخاف ينرفض واصلا هم خلف الله على سوسن حبته لن تعرفين وضع شاهين هسه محد ينطي مرة لن اهله مو وياه وعايفينه بحساب مكطوع من شجرة وانتي هم لو ما سهم جان محد يتزوجج

ميار>>ساكتة ومتحمله اريد اعرف وين تريد توصل بس انصدمت من كالت

رونق>>ولج بس لا اخوج مو زلمةة ومتدرين؟؟

ميار>>عطت بوجهه من صدمتي...تسدين حلگج احسن ما اسدة الج طول عمرج صار ساعه تلغين واتحملتج بس مال تحجين برجولة شاهين يجي دوري اردج رد محترم لان مالي طاقة انزل لمستواج لهيج اسمعي وباوعي رونق انتي وسوسن هل الكلام الجن حتى مرة ثانية من تحجين على شاهين تذكريني وتلصمين بابا

سوسن>>شبيج ميار رونق حجت هيج لمصلحتي

ميار>>عفت سوسن وخزرت رونق وحجيت بوجهه....شاهين ما مخلي الزواج على بالة حاليااا واخوية ما راح اعترف لوحدة هيه راحتلة برجليها ومن كدما شاهين شهم وزلمة ستر عليها وما كال لاهلهاااا لان مخلي قيمة للزاد والملح حبيبي وشاهين اخر من ينرفض افتهمتي حقج متعرفين منووو جانت تحجي وياه وتريده بس هو ميحجي ووهسه تردين تقنعيني اذا شاهين يتقدم لسوسن منو يرفض بلة بلعكس ينطوها وهمه مغمضين واذا تحجين على اهلناااا ف اكولج على الاقل احسن بهووواي من اهلج ذابين لحمهم يفتر ببيوت الغربة ومو سألين عليهااا شاهين وواحد بس منو يكدر يلمس شعرة من راسة غير ينطر نصين

،،،،واسالي سهم وانس عليه اخوووي سيف المجرب بيبي ف كلامج مرة ثانية اذا كان على شاهين حظريلج كلام قووي حتى من ارد عليج امسح بكرامتج الگاع ماشي...عفتهن ورحت داكمل بشغلي وسمعت صوت سهم

سهم>>بزونتي وينج

ميار>>اني بلمطبخ سهم

سهم>>شفت سوسن وجهه اصفر ورونق تهدي بيهااا ومشيت للمطبخ شفت بزونتي تغسل بلسنگ اباوعلها مبينة ضايجةة وتمسح باعصاب....بزونتي صاير شي

ميار>>لا ماكو شي بس اكمل شغلي واصعد اقرة

سهم>>مو متفق وياج بايام الدراسة تعوفين كلشي واديرين بالج على دراستج

ميار>>ماعندي شي كملت

سهم>>جريت الوصله وشمرتها من ايدهاا....باجر امتحان كيمياء اصعدي اقري البنات يكملن ما بقة بس هل الشهر وعود عوضي شغل البيت من تطلعين اعفااء

ميار>>غسلت ايدي وصعدت للغرفة بس اكو غصة بگلبي منهن ذني

سهم>>سوسن كومي عيني كملي المطبخ ميار هسه بفترة امتحانات ومن تنجح اخليها تشيل كلشي منج بس اتحمليها هلفترة خطية

رونق>>تدلل اني موجودة واشتغل كلشي

سهم>>عفتهن وصعدت ما ادري ليش حسيت اكوو شي بين ذني الثلاثي بس مصيري اعرف ميار من تضوج تضل تحجي بگلبها وتصفن بكلشي كدامهاا

ميار>>بقيت اقرة واركز على المعادلات والشي مهم ولليل بقيت حتى ما نزلت بقيت اراجع صارت ب11 تمددت ونمت لان مالي خلگ انزل واشوفهن ثاني يوم كعدت على صوت ميمي تبجي شفت سهم نايم على ايدها وخرته من عدها ونومتها بجربايتها وبدلت ملابسي واخذت يوميتي ونزلت للخط

،،،،لان محد كاعد هيج وقت بقيت بلمدرسة افكر شلون اكول لشاهين على موضوع نبض معقولة نساه ومكاعد يفكر بيها اوووف شوية ودخت كعدت على الكرسي وادلگ براسي شوية وصار وقت الامتحاان من امتحنا عفت البنات ورحت للادارة

المعاونة>>هلو ميار

ميار>>ست اكدر اتصل على اخوية لان تعبانة وخاف اتخربط

المعاونة>>تعاي ماما اكعدي

ميار>>كعدت وهيه اتصلت عليه وراحت العاملة تجيب جنطتي نص ساعة واجة شاهين من شافني مشه يمي ولزمني

شاهين>>شبيج حبيبتي كولي يوجعج شي

ميار>>لا بس شوية تعبانة واريد ابقة وياك

شاهين>>اوكفي اوقع وارجعلج

ميار>>طب شاهين يوقع على الدفتر مال المعاونة واني بقيت منتظرتةة شوية وطلعنا سوة

شاهين>>نروح للمستشفى نشوف شبيج

ميار>>لا شاهين

شاهين>>اشش ولا حرف نروح للمستشفى واشوف شبيج

ميار>>هذا شاهين من يحط شي براسة يسووي سكتت وطلعنا للمستشفى شيگت ضغطي طلع شوية هابط رحنه اتريگنا سوة ورحنا للبيت دخلنا سوة للبيت شفته هوسة وهو اتفق وي صديقة يشوي سمجة ومن تكمل يخابرة....نزعت ملابسي ولبست تراك وبقيت انضف بلبيت

شاهين>>مياار انتي مريضة عوفي البيت

ميار>>ماعندي شي حبيبي هسه اكمل...نضفت المطبخ والماعين وبعدين الاستقبال والحولي والحمام ورحت للغرفة طلعت ملابسة غسلتهن والباقي داكوي بيهن وحسيت بدوخةة مو طبيعيةة كعدت شربت علاج ورحت سويت جاي صار عطر البيت يجنن

شاهين>>صدك لو كالو البيت الما بيه بنية لا خير البي

ميار>>هههه شاهين شوكت تزوج والله هيج ارتاح

شاهين>>دكتورتي عوفي السالفة

ميار>>لشوكت يروحي بداعتي اذا عندك وحدة احجيلي مو شرط تخطب نبض اذا تحب كول ونروح نخطبها شنوو ناقصك بس فهمني

شاهين>>اسبووع ونروح لبيت حبيبتي اني وياج

ميار>>صدوك تحجي يعني تحب ومتحجيلي

شاهين>>ههههه والله ما عرف شكلج بس هيه حبابة

ميار>>الله يكتبها من نصيبك

شاهين>>فدوه اروحلج حبيبي

ميار>>بقيت احجي وياه واضحك وكلما اساله عن اسمها ميجااوب ساعتين وراح يجيب الاكل لان خابروه وبقيت بوحدي طبيت سبحت ولبست ثوب قصير بيجي واندكت الباب وهاي اجه شاهين رحت فتحت الباب وشفتة سهم بعدني ما مسلمه عليه وضربني راشدي......

♡'''''''''''''''♡'''''''''''''♡''''''''''''''''♡

مشاهدة ممتعة نبضاااتي +مشتاقتلكم موووت
nosha💋🌺