رواية شمووخي وأنكساري الفصل السابع 7 - بقلم Chra

#شمووخي_ وأنكساري7

ليث: ورطوني بيج متزوجتج حبا بيج  انتي شمسوية اهلج ذبوج براسي

حجيتله على حفلة منال والي صار بيها

جنان حلفيلي الولد لمسج لو لا  ولو انتي عادي عندج هالشي

بالقرأن ملمسني راد يلزم ايدي ضربته وطلعت شفت مؤيد وصارت السالفة

نفسي اصدكج حتى هم ارتاح زين باسج

لا والله انت الشخص الوحيد اللي امم

شنو

اتقرب

كولي

اول شخص هو انت

بكل شي

اي اشرتله براسي

صدك تحجين

وهو حاضني ردت احجي سكتني بوسة كالي

راح انطيج فرصة نبدي حياتنا وراح اجربج اشوف تمشين عدل لو لا اذا رجعتي لحركاتج العوجة اذبحج بيدي افتهمتي كعدني واني ايدي بايدة سمعيني كول صديقاتج تنسين تليفون ماكو طلعات ماكو

يعني تحبسني وتهيني

أعتبريها فترة اختبار  لنفسج

زين واهلي

اشبيهم ماروحلهم

ماعرف خليها للظروف زين كومي نتغدا حتى اجيب ملابسي ونطلع للمطار بس قبلها غراضج وذهبج ترجعيه لأهلج ماقبل تجيبين شي وياج اريدج انتي وملابسج الي لابستها من نرجع اني اشتريلج

بس هذا حقي اعتبره جهازي

ماكو مناقشة غراضج يذكرني بتصرفاتج

زين وذهبي ليش ارجعه هذا حقي احتفظ بي للزمن

قربت منها بستها تخافين من الزمن وانتي ويايه

ماعرف هسة مو ضربتني وحجيت عليه كومة وتريد تخليني خدامة

ماريد تستغفليني اموت من هيج حركات

لاتخوفني منك

لا انتي ينخاف منج مو بارحة سلمتيلي نفسج

اي شكو

يعني انتي هسة ماعندج عروض ترى اني بالخدمة

لا ماعندي

تعاي احاجيج

وهذا حجي بس بالفراش ينحجي

اريدج سكتي كافي

راح نتأخر على مطار

ماعليج ادبرها .

وصلنا للعراق دخلنا لمنطقة اول مرة بحياتي أشوفها كلش قديمة وبيوتها تعبانة سئلته شنو هالمنطقة كلي

ولدت وكبرت اهنا حتى ابوية الله يرحمه كل حياته عايش اهنا

عندك خوات

اي ٣ واخ واحد

اي اعرف حسن اي وامك عايشة

اي الحمدالله

بيوتها قديمة هالمنطقة بيتكم هم هيجي طبعا

شنو اشبيج متتنازلين تعيشين بهيجي مكان

ردت اضبط نفسي لا ليش تعرف اول مرة أشوف هيجي أماكن

أي متعودة على القصور والفجور اللي يصير بيها متعرفين شنو ناس بسيطة ونظيفة

زين كفرت سألت

حاولي تتأقلمين على حياتج الجديدة سمعيني قبل ماندخل اي شي يصير متجاوبين امي وخواتي خط احمر وسمر هم

منو هاي سمر

زوجة المستقبل

طلعت ايدي من ايد

بدينا بالحركات مال الغيرة

لا مو غيرة عادي

اي دااكول مبين عليج عادي

متحملت بجيت  كافي أهانات

سكتي لزمي نفسج بعدج اول الطريق

وصلنا لبيتهم .راح اموت اني شلون اعيش اهنا عبالك بيوت مال قصص تاريخية وهذا عديم احساس كاعد يحجيلي على حبيبته لعد اني شنو يمك حجر اني هاي اخرتي كل حياتي والعز اللي جنت عايشة بيها انتهى بح .طبينا لبيتهم استقبلتنا مرة جبيرة تحضن بليث وتبجي

يمة لاتبجين هاي اني وصلتكم بالسلامة فوتي جنان

دخلت باوعتلي

منو هاي ليث

بنت ابو مؤيد

كامت تبوس بيه هلا بيج بقت تمدح وتشكر بأبوية جتي بنية اكبرمني مبين عليها  كامت تبوس ليث وسلمت عليه رحنا كعدنا بغرفة اثاثها قديم وتلفزيون هم موديل قديم

اشرتله اريد اغسل وجهي ندى اخذي جنان لغرفتي خليها ترتاح الام والبنية ضلو صافنين شلون اروح لغرفته واكو غرف ثانية وبعدها نزلي اريد احجي وياكم اشرلي اروح رحت صعدت درج عبالك جبل فتحت باب الغرفة جانت صغيرة واثاثها هم قديم أستاذنت مني وراحت ياربي شلون انام واعيش اهنا ماكدر والله ماتحمل راح اكولة نعيش بفندق لحد مايرتبلنا غير بيت ماريد ابقى اهنا اشلون عقاب عاقبتوني اخ منكم ضليت ابجي طلعت موبايلي خابرت ماما

الو هلو جيجي شلونج

اني مو زينة ماما ليش متسألين عليه اني مو بنتج صارلي يومين بيد رجال غريب لاانتي ولا ابوية سألتو عليه انتو متبرين مني لو شنو سالفة

لا عيوني جنت مشغولة

الله واكبر عليج ماما تنشغلين على بنتج متعرفين اشصار ماصار بيه سلمتوني بيد ليث وانتهت مهمتكم

صوجج غير متعرفين تدبرين امورج

ماما كافي اني طلعت بنية ورفعت راسكم ودزيت تقرير برائتي بيد بابا

مشفته مشغول ابن الجلب بأهله تتصورين وين ماخذهم للمزرعة اني بيتي يدخل بي هالاشكال وحنان وفراس وياه رايحين بعد اسبوعين حفلة زواج اختج

وانتي ماما اهلج وين

احنا باقين بالفلا

كلتيلي مناويين ترجعون

لا اريد امي وخواتي يتونسون شوية ونسوي حفلة اختج يالله نرجع وانتو ليش مطلعتو لباريس مثل مؤيد وعبير

ماما نسيتي اني شلون اتزوجت

اي طالعة على امج ماعندج حظ خو مو مثل اهل ابوج حظهم من السما

اني وين وهي وين ماما ردت اكولج انتو ظلمتوني واني الحمدالله طلعت شريفة وهاي هم عرفتو بيها منا وعاد ماريد لااسمع بيكم ولا شي اني هسة متبرية منكم بقت تسب ابوية واهله سديته وبجيت جنت اتمنى تسألني شلون عايشة اشصار عليج ماعرف شلون ام هاي صعد ليث وجهه ميبشر بالخير نزع هدومه كدامي كتله راح اطلع بدل براحتك

علأساس تستحين

شكو شصاير

انتي وجهج مومال واحد يستحي شنو هذا بيدج اني شنو حجيت وياج موبايل ممنوع كسرت الموبايل ولج ويا منو جنتي تحجين

والله العظيم ويا امي بدا الضرب طردني من الغرفة والدنيا صارت ليل ياربي شسوي نزلت ابجي على حظي وين وصلني شافتني ندى

هاي شكو شصاير

بجيت حضنتني بجيت اكثر اول مرة شخص يسألني اشبيج

ليش وجهج هيجي متعاركين

سمعت صوت ليث مكدرت اجاوبها ابجي وانتحب جرتني لغرفتها جانت امها نايمة لزمت حلكي خفت تكوم من النوم

اخذي راحتج ماخذه حبوب مراح تكوم لاتخافين

انطتني مي ضليت ابجي فرشتلي بالكاع يمها خليت راسي على وسادة ونمت عبالك مخدرة كعدت شفت امه تقرا قرأن صوتها كلش جان حلو اندارت عليه صلوات يمه صلوات شنو هالجمال تعاي يومه قربي قربت من عدها باستني

مبروك حبيبتي ولو بارحة زعلت من موضوع زواجكم بس انتي ماعندج ذنب راح تعيشين ويانه معززة مكرمة حالج حال ندى بس لاتضوجين من ليث ترا ظروفه صعبة هسة وراح يدخل بمشاكل ويا بيت اختي

ليش

لان اني خالة سمر

نزلت راسي استحيت منها اني أسفة اوعدج مراح اسويلكم مشكلة

كومي نروح نتريك وغسلي هالوجه الحلو اسم الله عليج

وين الحمام اهنا دخلت صيحت اجه ليث

شكو

شفت شي يتحرك دخل

حيوانة وكعتي كلبي هذا صرصور

اخاف انتي تخوفيه مو هو 

شنو اخاف

روحي غسلي ماريد

خو ماتبقين هيجي بدون غسل

كعدنا ناكل اول مرة اكعد اكل على الارض شفتهم شلون يضحكون ويسولفون عبالك كاعدين بفندق ٥ نجوم حسيتهم اهواية يحبون بعض

يمة

عيوني

خابرت خواتي هسة يجون اريد احجي وياهم بالموضوع ماريدهم يعرفون السالفة مني

عين العقل يمة وبيت اختي يمتى تروحلهم

عصر اروح واخذج ويايه

اللي تشوفه كومي ندى نروح للمطبخ انشوف نواقص حتى ليث يجيبلنا مسواك.

بقينا وحدنا باوعلي نزلت راسي

ليش تعصبيني منج اني ماريد امد ايدي عليج بس انتي مو بيدج جسمج يحكج ليش نمتي يم ندى مو عيب عايفتني وحدي

رفعت راسي صارلنا ٣ ايام سوية كم مرة ضربتني بيها اذكرك وكلها بدون سبب اني ماعاتبك استاهل اكثر اذا اهلي ذبوني وميريدوني بقت على الغريب

منو غريب اني زوجج مو غريب شنو حجيت لاهلك تعالي فوك اكولج

زين خلي نروح

على شنو مستعجلة لمي السفرة وغسلي المواعين عيب عليج تكومين هيجي

ماعرف

تعلمي

مو تريدنا نحجي

سمعي اريدج تتعلمين شغل البيت من ندى

لا عفية ماريد ماكدر

ماكو هيجي حجي امي واختي مو خدامة عندج افتهمتي

عصب وكام ياربي شسوي هسة جتي ندى حاولت اساعدها مكدرت كالتلي

كعدي اني اسويها

فرحت فتحت التلفزيون قنوات مالتنا ماعدهم شنو هذا شلون يخلص اليوم جتي امه

جنان عيوني روحي لرجلج بلكي يريد  شي

زين ام ليث

لا كوليلي يمه

فرحت كتلها زين يمه صعدت شفته نايم شبساع نام

كملتي شغلج

مو جنت نايم لا انتظرج

تعاي يمي اشرتلها تجي بحضني

رحت يمه

شسويتي نظفتي

بسته نسى السالفة بقيت بحضنه احجيلي اشسويت ويا امك واختك.

تذكرت لما دخلت بيتنا ماعرف شلون اكول لامي اني اتزوجت جنان ب ٣ ايام ماكو هيجي زواج مستعجل وهي بنت رجال مسؤول مستحيل ينطوها للحماية مالتهم شفت نظراتهم الها متوترين بس ميحجون رحبو بيها كلت لاختي صعديها لغرفتي بقو مصدومين بس ميحجون شي صعدت امي كالت

ليث شنو سالفة كلبي مو مرتاح ناحية هالبنية

شنو السالفة جتي ندى

ليث هاي لعابة لو شنو تخبل شنو هالجمال متشبه ابوها ولا امها

اي هي متشبهم سديت الباب يمه سمعيني اني متزوج جنان شنو

كامت تلطم شلون تاخذها وتهرب ولك متستحي نسيت ابوها اشسوا علمودنا ولك احنا عايشين بخيرهم الف وسفة عليك اني هيجي مربيتك تغدر بالناس

اوكفي يمه ابوها تعرض لازمة قلبية جان بين الحياة والموت طلب مني  اتزوجها حتى يطمن عليها شفتيها حلوة خاف عليها من اهله وتعرفين شون علاقتهم ويابعض فهو اترجاني اتزوجها واخذها

اويلي اشكد خطية وهسة ابو مؤيد اشصار عليه

والله عايش عالاجهزة بين الحياة والموت

وليش رجعتها جنت تبقون يمهم

يمه نسيتي شغلنا اهنا

وعرسهم أبنهم اشصار عليه

بعد عرس الرجال مجان بي شي ودعنا مؤيد وهو وكع

وانت دخلت عليها لو لا

لا يمه شلون ادخل عليها

زين بقيها هيجي لحد ما انشوف وضعك ويا سمر

يمه لازم نقنعهم اني اريدها لسمر

والله مادري شكولك ابني ترى صعب وتعرف زوج خالتك اشكد يكبر السوالف الله كريم .

منين طلعت هالحجي

مردت احجيلهم حقيقة

اشكرك ليث لعد ليش ضربتني

صوجج كتلج لاتلعبين باعصابي

اوك احاول

ماكو احاول سمعيني اني دمي حار ماتحمل

زين زين عرفنا

عفية وهسة اشكريني بطريقتج

ماكو

ليش بكيفج

مو خواتك هسة يجون

اخذ حقي ماعليه

يالله اوف منك اشكد عنودي

اوف منج اشكد دلوعة .just me