رواية شمووخي وأنكساري الفصل الثامن 8 - بقلم Chra

#شمووخي_ وانكساري8

جيجي : كبربعيني اهواية ليث هذا الشخص الي جنت احجي عليه واستحقره صار سندي واحسن من اهلي اشكد جنت تافهه وعقلي صغير اني زمالة جان كدامي وجنت رافعة خشمي وشايفة نفسي عليه انتظر ابن وزير لو مسؤول عبالي الدنيا كلها فلوس اتعرفت على خواته طلعو حبابين اتغدينا وكعدنا نضحك ونسولف لحد ما كال يومه اروح ابدل وانتي حضري نفسج اني متت من قهر شلون يروحلها اخاف متقبل ابقى على ذمة ليث وهو يطلكني اشرلي اصعد وياه صعدنا

اشبيج مبوزة

لا ماكو عليه

ولج اني عاجنج وخابزج بيدي

ليش اني خبز

لا صمون فرنسي

ضحكت

لاتضحكين بعدين اتاخر على  امي

لزمت ايده شنو راح يصير ليث بينا

ماعرف

اني خايفة أهواية

ليش

مادري كلبي مو مطمن أوعدني مراح تعوفني

طلعيلي الكيس الأحمر من جنطي ماكدر أوعدج بشي حاليا خليها على الايام

اوك طلعت جانت هدية كلتله المن هذا

لسمر حبيبتي

شنو بصياح

شكو تصيحين نصي صوتج وانتي شعليج لاتنسين نفسج لاعبالج احجي وياج واخذ حقوقي تطولين لسانج عليه

عفته وطلعت من الغرفة نزلت لازمة نفسي بالكوة شفتهم يباوعولي بنظرات شفقة كالتلي ام عمر

عفية جنان شنو هالجمال اهلج جانو ينطوج عسل بدل الحليب

يريدون يضحكون ويايه شايفيني ارجف ومتوترة ليش ام عمر

ولج والله انتي عسل وأخويه محظوظ بيج

همه يضحكون

ها اذا جتكم بنية محجوزة لابني عمر من هسة

لاتستعجلين ام عموري بلكي يجيهم ولد اخذه لرؤى

ليش تقلديني عيني مننطي اولاد اخوية الكم

احنا عدنا عسل منريد دبس

شفته نزل باوعلي بنظرات يهددني ولا عبالي راحوا استاذنت منهم طلعت للغرفة بجيت ااخ يادنيا اني صرت ابجي على رجال ومنو ليث الله لايسامحك بابا شلون رميتني هالرمية  .

رحت لبيت خالتي سلمنا وكعدنا ماعرف منين ابدي وياهم كلت عمو اكدر اكعد ويا سمر وحدنا اي شكو بيها رحت لغرفتها لزمتها ابوس بيها مشتاقلج

لاتجذب صارلك ايام متسأل عليه

وانتي ليش متخابرين

اني زعلانة

تعاي أصالحج

ماريد

اندمج ها

ماريد

متريدن حضني

خليهم ألك

شنو تأمريني حضرة الاميرة

اي بس حجي فعل ماكو

اشبيج سمر

ليش رحت للعرس مو كتلك لاتروح

هذا شغلي شلون ماروح

لو جنا متزوجين جنت تاخذني وياك

لوبيدي هسة اخذج بس ابوج ميقبل يريد بيت جديد وسيارة وانتي تعرفين ظروفي

واني شكو شنو ذنبي ليث احبك

واني اموت عليج شوفي شنو جايبلج

شنو هذا طخم ذهب لعد عطور وكريمات شسوي بيها

ترى هاي ماركة وغالية

اسمها عطر لا ذهب ولاهم يحزنون

اني ممقصر وياج

بلي مقصر

جريتها من ايدها وكعت بحضني باجر اشتريلج محبس

ماريد

شتريدين

سيت كامل

لاتصيرين طماعة اتعلقت بركبتي

مو طماعة اريدك تثبتلي حبك

متحسين بحبي صدك سمر اني مقصر وياج

اي حيل بخيل يمكن هسة جايب لاهلك كومة غراض والي عطور

شنو هذا الحجي ترى امي خالتج لاتنسين

مناسية اني اريد اعيش بعدني شابة

تحبيني

طبعا لو ماحبك مجنت اتحمل ظروفك

اريد احجي وياج بموضوع مهم صيري عاقلة وافهميني حجيتلها سالفة جنان مثل ماكلت لأمي كامت تصيح

ليش تتزوج عليه اني شمسويتلك  فوك حياتك التعبانة رضيت بيك هاي جزاتي

ردت اسد حلكها واسكتها كامت ركض على ابوها

بابا الحكني

رحت وراها

شكو شمسوي بيها

ماكو عمي

جذاب بابا متزوج عليه

ايا حقير ابن السكران شلون هيجي تغدر بينا

باوعت لأمي شفتها منزله راسها وتبجي خالتي أستلمتني وابوها chrakirkukiواتبادوهي مبقى شي محجو وبالاخير كالو نريدك اطلك سمر كتلهم مستحيل كعدت حجيتلهم السالفة. ابوها كلش طماع يموت على الفلوس لما سمع هي بنت ابو مؤيد شفته ساكت كأنما يفكر بشي كالي راح نفكر ونردلكم خبر عرفت علمود الفلوس راح يقبل طلعنا ويا امي بس سمر متوقعتها هيجي تحجي عليه اعرف مقهورة بس موتكول عليه هيجي طلعنا بالسيارة

يمة ليث لاتزعل ولاتضوج نفسك مصدومين حقهم بنتهم الوحيدة صعبة ترى وجنان هم مبين عليها حبابة وبنت ناس

اخ يمه بكلبي اكول لو تعرفين الحقيقة متكولين هيجي عليها امبين عليج حبيتيها

اي والله حبيتها دمها خفيف وتنحب خطية مبين عليها مقهورة على مرض ابوها مكسورة اهوايه الله يساعدهم ابني ماريد ادخل بحياتك لاتقترب منها هسة ادري هي زوجتك وهذا شي من حقك بس انتظر انشوف سالفة سمر وربك يحلها .

كلش مقهور من سمر عبالي راح توكف ويايه متصورت تصغرني كدام اهلها دا احسها متحبني بس تريد هدايا وفلوس واني ممقصر وياها بس هي ممبين بعينها فوك قهري امي تكولي لاتقرب من جنان كتلها اي زين واني اكثر من مرة متقربلها تعودت عليها رغم كل شي بينا أريدها ماعرف حب تملك لو رغبة جسد بس مو حب حقيقي اني كلبي بس لسمر.

دخلت للبيت ردت بس ألزم جنان واموتها اني هيجي يصير بيا من وراها فتحت باب غرفتي شفتها كاعدة تبجي ومنزلة راسها باوعتلها وسديت الباب لزمتها من شعرها وبديت اضرب بيها ياناقصة ياساقطة هاي اخرتها من ورا سوالفج هيجي يصير بيه راح اخسر حبيبتي من وراج ياعار طلعتها برا غرفة بعد ماكسرت غراضي كلها وكعدت اندب حظي

جنت كاعدة ياربي اشراح يصير اوف مدا اكدر اركز اتذكرت حياتي كلها ممسوية بيها شي زين كلها مكسرات اتذكر وابجي مرات الاهل نعمة ومرات لا همه يخلون جهالهم يضيعون ويحاسبوهم ليش هيجي تسوي بابا انت ابد مكلتلي بنتي هذا طريقج وهذا صح وغلط بس اخذي فلوس وروحي سافري ويا اخوانج لو ويا امج وماما نفس شي يامعزومة بحفلات لو يم اهلها لو مسافرة واحنا وين من كل هذا ماكو هاي خدامة موجودة شتريدون خلي تسويلكم حتى لما كبرت عرفت من صديقاتي شنو البلوغ  لحد الان مسألتني واني محجيت كل همها صديقاتها واهلها احنا اخر اهتمامها وفراس صدك ممشتاقلي احنا جنا مثل التؤام كلش مقربين لو مؤيد اللي نسى اخته مو اني جنت دلوعتك وحنان  اكثر شخص مصدومة منها متصورت تطلع أنانية وتنساني انفتح الباب شفت ليث دخل وعيونه شرار باوعلي تعاي ولج خفت بعدت منه جرني من شعري واني اتوسل بيه بدى يضربني ويغلط عليه واني ماعرف شنو السالفة  امشي من كدامي لا اموتج هسة ولي

اشصاير والله ممسوية شي

ماريد اشوف خلقتج الله ياخذج يا حقيرة الله ياخذج

ركضت نزلت جوا شفتهم واكفين يسمعون صياح ليث ويبجون وامهم تحجي تكول

اخوكم انجرح وانهان من سمر اليوم ترى حتى اختي مقصرت طردونا طرد

لزمت ايدها خالة اسفة الله يخليكم سامحوني والله مو قصدي اخرب حياة ليث

بنتي لاتبجين انتي ماعندج ذنب

حضنتني وكالت اني امج لاتكوليلي خالة بنات استلموني حبيبتي لاتبجين هو هسة مقهور راح يجي بعد شوية يصالحج ويرجع عادي انتي اكثر شخص لازم تتحمليه هالايام بديت أرجف رجف مو طبيعي وكعت وشالوني داحس بالاصوات بس مافتهم شنو يحجون just me