تحميل رواية شمس الدوار بقلم مصطفى جابر pdf

رواية شمس الدوار الجزء الحادي عشر 11 بقلم مصطفى جابر

شمس الدواررواية شمس الدوار الحلقة الحادية عشر

كل ده يطلع منك انتي يا صابرين؟ لعبتي بيا وخلتيني أطفش من الدوار عشان تخطفي جوزي مني؟ بس وحق اللقمة اللي أكلناها سوا لأفضحك في النجع كله وهقول لسراج إنك إنتي اللي كنتي بتحطي حبوب الاجهاض لشمس في الوكل عشان تحرميها من الضنا وتخلي سراج يكرهها

صابرين برعب: حبوب إيه… إنتي بتقولي إيه يا مخبولة إنتي.. انا مليش صالح بالحديت الماسخ ده

حبيبة بغل : لاه ليكي صالح والسر اللي كان بينا هطلعه دلوقت وهعرف سراج إنك الحية اللي كانت بتبخ السم في ودنه أني غرت من الدوار خلاص بس مانيش هسيبك تتهني هنا ليلة واحدة مع عطوة

صابرين نزلت على ركبها بتترجاها: بلاش يا حبيبة أبوس يدك بلاش الفضيحة دي سراج هيدبحني لو عرف والله ما كنت أقصد أذيكي أني ماليش ذنب في جوازة عطوة دي دي خطة من شمس

حبيبه طلعت تليفونها بخبث: اني سجلت كل حاجة وهروح اسمعهم كمان

صابرين بصدمه: وه بتسجليلي يا حبيبه عاوزة تفضحيني؟هانت عليكي العشرة كيف تصدقي شمس

حبيبه بغل زقتها وقعتها عالارض: وسعي اكده… شمس عمرها ما كدبت عليا انا هروحلهم وافضحك واخليهم يرموكي للكلاب اللي شبهك وسعي اكده

صابرين بدموع: عشان خاطري لاه والنبي متفضحنيش هيخلصوا عليا طب نتحدت ونشوف اللي تؤمري بيه هنفذو

حبيبة بقرف : ما عادش ينفع الحديت بينا أني رايحة للدوار دلوقت وهخلي سراج يطين عيشتك وعيشة شمس معاكي ياكش اخلص منكم انتو الاتنين في ليلة واحدة

حبيبة لفت ضهرها ومشت خطوتين فجأة صابرين قربت من الطرابيزة وسحبت س’كينة صغيرة وهجمت على حبيبة وضربتها في ضهرها بكل قوتها

حبيبة صرخت بوجع: آآآآه غدرتي بيا يا صابرين

حبيبة وقعت على الأرض

صابرين وقفت مرعوبة وجسمها كله بيتنفض بصت ليدها اللي فيها د’م ورمت السكينة بعيد

صابرين برعب : أني قت’لتها لاه هي اللي أجبرتني مكنش ينفع تفضحني مكنش ينفع

صابرين طلعت تجري زي المجنونة

بعد شوي في البيت

شمس دخلت الدوار وشكلها كان مبهدل

رباب باستغراب: وه جرا إيه يا شمس كنتي فين يا بنتي وايه اللي عامل فيكي كدة كأنك كنتي بتصارعي حد في الجبل

شمس نفضت كمامها بضحك: لاه يا حماتي مفيش حاجة ده أنا كنت في الزريبة بطل على المهر الصغير وبحط له واكل قعدت وسطيهم شوية والوقت سرقني والتراب لزق في الجلبية

رباب بضحك: مهر وأنتي من مِتى غاوية زرايب يا ست الحسن ما علينا ادخلي غيري خلقك دي قبل ما سراج يشوفك بالمنظر ده

في اللحظة دي صابرين نزلت من فوق وهي بتتمايل وضحكتها مالية وشها

صابرين بدلع مستفز: يا نهار أبيض يا شمس إيه المنظر ده يا خيتي أنتي لسه بتعافري في التراب يالا يا خيتي اطلعي غيري وتعالي أوضتي عشان تجهزيني وتنقشي لي الحنة عاوزة أبقى أحلى عروسة شافها النجع

رباب بضحكة تريقة: عروسة عفارم يا صابرين اللحق يتقال وشك نور أول ما عرفتي إنك هتمسكي الدوار مع خيتك الشطارة برضه بتعمل عمايل

شمس ببرود: مبروك يا عروسة بس غريبة أني لسه طالعة أوضتك من شوية ملقيتكيش واصل قولي لي عاد أنتي نازلة من فوق دلوقت إزاي كنتي مخبية فين

صابرين بخبث: وه هو أنتي كنتي بتدوري عليا أصل أني كنت على السطح مع الخدامة بنلم الغسيل وننشره قولت أساعدها عشان الدوار يفضل نضيف قبل الفرح أكيد لما طلعتي كنت أني فوق السلم

شمس بهدوء: تمام يا صابرين السطح برضه مكان زين للتهوية اطلعي استنيني وأني جاية وراكي بس يا رب فرحتك دي تدوم للأخر

صابرين بدلع: هتدوم يا خيتي هتدوم ده عطوة سيد الرجالة وأني ههني قلبه وهملى عليه الدار عيال كفاية إنه واد أصول

في اللحظة دي دخل عطوة

صابرين بدلع: مبروك يا سيد الناس اني مبسوطه اني هكون مرتك

عطوة ببرود: موش وقته يا صابرين اني مش طايق حد وكلمة زيادة مانيش عاوز أسمعها واصل

عند سراج

سراج كان واقف بصدمة وهم بيغطوا وش حبيبه

سراج بصدمة: حبيبة ماتت حبيبة اللي كانت لسه اهنة من يومين غارقة في دمها وسط طين الأرض

العسكري بهدوء: قضاء وقدر يا سراج بيه البقا لله بشعة قوي الموتة دي

سراج بعصبية: قضاء وقدر إيه يا حضرة العسكري دي مقتولة مين اللي له يد يعمل اكدة مين اللي يتجرأ ينهي حياة واحدة كانت مرت الدمنهوري في يوم من الأيام

العسكري بصدمة: الموضوع مش بسيط واصل يا سراج بيه المعاينة بتقول إنهم مكنوش واحد دول كانوا اتنين مشتركين في اللي حصل

سراج بذهول: اتنين يعني كان متخطط له

العسكري: الحقيقة أوعر من كدة الأول ضربها بالسكينة ولقيناها ومحتفظين بيها عشان البصمات أما التاني فده كان داخل على طمع سرقها وسرق كل الدهب اللي كانت لابساه

سراج بجمود: لاه اكيد في حاجة تانية ورا اللي حصل دا

السكينة دي تتحرز وتتعاين بصماتها دلوقت خدوها على المشرحة والله العظيم ما هسيب حقها لو كان مين اللي عملها

العساكر شالوا الجثة وسراج فضل واقف بيفكر

سراج في سره بغل: السكينة دي هتجيب رقبة اللي عملها بس مين هم وليه

في الدوار

الغفير دخل ونفسه مقطوع

الغفير بصوت مرعوش: يا رباب هانم يا عطوة بيه الحقوا الست حبيبة لقوها مقتولة في أرض النخل

عطوة قام وقف والكرسي اتقلب وراه عينه برقت بصدمة وصرخ بجنون: أنت بتقول إيه يا واكل ناسك حبيبة مين اللي ماتت أنت اتجنيت في عقلك عاد

الغفير بدموع: والله يا بيه المركز كله هناك والخبر مسمع في البلد الست حبيبة راحت خلاص

عطوة بزعيق: كداب حبيبة لسه كانت واقفه على رجلها حبيبة متموتش واصل

شمس ورباب وصابرين وقفوا بصدمة وفي ثواني كان عطوة وشمس والكل راكبين العربيات وطايرين على القسم

بعد دقايق شمس شافت سراج واقف جِريت عليه بلهفة

شمس بشهقات: سراج قولي إن الخبر ده كدب قولي إن حبيبة بخير

سراج بهدؤء: حبيبة راحت يا شمس خلصوا عليها وسرقوها ورموها في الخلاء

شمس دموعها نزلت بغزارة: يا مري يا وجع قلبي عليكي يا حبيبة ليه كدة مين اللي قلبه حجر يعمل فيكي كدة

عطوة كان واقف بعيد جسمه كله بيترعش قرب من سراج بخطوات ضايعة: سراج أبوس يدك خليني أشوفها خليني أودعها الوداع الأخير

سراج بحدة ووجع: تشوف إيه يا عطوة المنظر يقطع القلب بلاش توجع قلبك أكتر ما هو موجوع ادعيلها بالرحمة

عطوة بانهيار: وحياة غلاوة شمس عندك ورحمه أبونا خليني أدخل لها اني مش هقدر أعيش والمنظر ده في خيالي من غير ما ألمس يدها للمرة الأخيرة سراج أنا بموت ارحمني

سراج قلبه رق لأخوه وشاور له يدخل عطوة دخل الأوضة الباردة لقى

جثة متغطية بملاية بيضاء قرب منها بإيد بتترعش وكشف الوش

عطوة انهار و مسك ايدها: قومي يا حبيبة قومي يا نور عيني وقولي إنك بتمثلي عليا عشان توجعي قلبي والله مسمحك على كل حاجة والله ماني طايق الدنيا من غير ريحتك في الدار كنت بداري عشقي ليكي ورا قسوتي كنت بوهِم نفسي إني كرهتك بس أنا كنت بتنفسك يا حبيبة

كمل بوجع وشهقاته: كنت مستنيكي ترجعي كنت هصالحك والله كنت هقولك إنك ست الحريم كلهم إزاي تمشي وتسيبي عطوة لوحده مين هيملى عليا الدنيا العشق اللي في قلبي ليكي كان جبال ميهدوش لا طلاق ولا زعل ليه تروحي وانتي زعلانه مني ليه تموتي والسكينة في رقبتك وأنا مش جنبك أحميكي

باس يدها بحرقة وهو بيعيط زي الطفل اللي فقد أمه: يا وجع عمري يا حبيبة قتلوكي وقتلوا قلبي معاكي عمري ما حبيت ولا هحب غيرك أنتي اللي سكنتي الروح وأنتي اللي خدتي الروح معاكي ودميتيها يا ريتني أنا اللي مت مكانك يا عشق عطوة الوحيد

سراج بصوت مخنوق: وحد الله يا عطوة ده نصيبها وقدرها ادعي لها بالرحمة يا خوي البكا مش هيرجع اللي فات

عطوة بص له وعيونه غرقانة دموع: مش قادر يا سراج النار اللي في صدري مش هتطفي واصل حبيبة ماتت وهي شايلة مني ماتت وحيدة وأني كنت قاعد بضحك في الدوار العشق اللي بينا كان أوعر من الموت بس الموت سبقنا وكسر ضهري

في اللحظة دي الباب خبط ودخل العسكري

بص لسراج بجمود: سراج بيه المأمور بعتني أبلغك إننا خلاص رفعنا البصمات من على جثة القتيلة ومن على السكينة ولازم دلوقتي ناخد بصمات أهل الدوار كلهم حريم ورجالة

….

رواية شمس الدوار الجزء الثاني عشر 12 بقلم مصطفى جابر

شمس الدواررواية شمس الدوار الحلقة الثانية عشر

سراج بيه المأمور بعتني أبلغك إننا خلاص رفعنا البصمات من على جثة القتيلة ومن على السكينة ولازم دلوقتي ناخد بصمات أهل الدوار كلهم حريم ورجاله

سراج بغضب: أنت بتقول إيه يا واكل ناسك بصمات مين أنت عارف بتخاطب مين إحنا عيلة الدمنهوري عاوز تاخد بصمات حريمي وكأنهم مجرمين

العسكري بثبات: دي أوامر المأمور يا بيه القضية كبيرة وفيه شبهة إن القاتل من قرايب القتيلة أو حد كان عارف سكتها زين ولازم الكل يبصم عشان نطلع البريء من الجاني والمأمور قال مفيش حد فوق القانون

سراج بزعيق هز جدران القسم: المأمور ده اتجن واصل بقى سراج الدمنهوري وأهله يتبصم لهم في قضية قتل روح قوله سراج بيقولك دا مش هيحصل إحنا اللي بنجيب الحقوق مش إحنا اللي بنتحط في خانة المتهمين

العسكري بخوف: يا سراج بيه البصمات دي هي اللي هتثبت براءة الكل والسكينة لسه عليها أثر واصح لو البصمات مطلعتش مطابقة لحد منكم يبقى الشك زاح عنكم غير كدة المأمور مضطر يمنع أي حد من السفر أو الخروج برا النجع لغاية ما تظهر النتيجة

سراج خبط مكتب المأمور وهو خارج بغيظ مكتوم: ماشي يا حضرة المأمور بس والله لو طلعت البصمات دي لواحد من الدوار لأكون غاسل عاري بيدي قبل ما رجلك تخطي باب القسم

خرج سراج وهو بيغلي

بليل في الدوار

صابرين بصريخ وشهقات: يا وجع قلبي عليكي يا حبيبة يا صغرك يا خيتي رحتي في غمضة عين وسبتينا للنار والوجع مين اللي قلبه حجر يعمل العملة الواعرة دي

شمس بصت لها بحزن وحيرة ودموعها نزلت بهدوء: اهدي يا صابرين البكا مش هيرجعها حبيبة راحت للي أحن مني ومنك والظالم ربنا هيحاسبه في الدنيا قبل الآخرة كانت سلفيتي وأختي ومهما حصل بينا مكنشت أتمنى لها الموت ده واصل

صابرين كملت بنواح: كانت طيبة وقلبها أبيض ليه يا ربي الغدر يطولها والله الدوار ضلم من غيرك يا حبيبة اني مش عارفة هنام إزاي الليلة وأني عارفة إنك تحت التراب

رباب بحزن: يا رحمن يا رحيم ارحمها برحمتك الواسعة كانت حتة من الدوار وغلطت صُوح بس موتها يقطع القلب يا رب صبر قلب عطوة واظهر الحق وانتقم من اللي غرس السكينة فيها وغدر بيها

صابرين زادت في العياط وهي بتداري وشها بطرف طرحتها: يا رب يا خالة يا رب اللي عمل كدة يتفضح ويشوف الويل أني خايفة يا شمس خايفة النار دي تطولنا كلنا

شمس اتنهدت بوجع وهي بتبص لصابرين بنظرة فاحصة: الحق مبيضعش يا صابرين والبصمات اللي خدوها النهاردة هي اللي هتقول مين اللي قلبه أسود وخاين ريحي قلبك اللي قتل حبيبة نهايته قربت قوي

صابرين اتنفضت من مكانها بخوف مدارى: بصمات أيوه صُوح يا رب تظهر ونخلص من الكابوس ده

في القسم

سراج بصدمة: بصمات مين دي يا حضرة المأمور أنت واعي للورقة اللي في يدك دي

المأمور ببرود وهو بيسند ضهره لورا: الورقة بتقول إن البصمات اللي على يد السكينة والآثار اللي لفيناها على جِتة القتيلة مطابقة تماماً لبصمات شمس المحمدي مرتك يا سراج بيه

سراج بزعيق هز أركان المكتب: لاه كدب شمس متقتلش واصل شمس قلبها أرق من إنها تدبح فرخة فما بالك بإنسانة كانت معاها في دار واحدة أنت أكيد الورق ده فيه غلط أو حد داس على البصمات دي

المأمور بجمود: العلم مبيكذبش يا سراج بيه البصمات واضحة وزي الشمس والتقرير طالع من المعمل الجنائي مش من عندي مرتك هي اللي غرزت السكينة في حبيبة بتدافع عنها ليه

سراج بانفعال وهو بيخبط على المكتب: بدافع عن مرتي لأنها أشرف من الشبهات دي شمس كانت نايمة في حضني ليلتها شمس مابتخرجش من الدوار أنت عاوز تلبسها قضية عشان تخلص من وجع الدماغ

المأمور ببرود: شمس هي الوحيدة اللي كان بينها وبين حبيبة خلافات تولع النجع كله هي اللي طردتها وهي اللي خدت الأرض اللي كانت حبيبة بتحلم بيها الدافع موجود والبصمات موجودة والعدل هياخد مجراه

سراج بغضب: دافع إيه وخراب إيه شمس سامحت الكل شمس هي اللي كانت بتواسي عطوة النهاردة بدموعها أنت فاهم يعني إيه تقبض على شمس النجع هيقوم ومش هيقعد والدم هيسيل للركب

المأمور بتحدي: والله لو النجع كله قام القانون ميعرفش سراج بيه ولا غيره أنا دلوقتي طلعت أمر بالقبض على شمس المحمدي بتهمة القتل العمد ولو حاولت تمنع العساكر أو تهربها هتبقى شريك في الجناية وأنت عارف سراج الدمنهوري مقامه إيه عندي فبلاش تخليني أكسر المقام ده بيدي

سراج وجعه زاد وعروقه برزت من الغيظ: بتقبض على روحي يا مأمور بتقبض على الإنسانة اللي ملهاش ذنب في اللعبة القذرة دي وحياة مقام أبوي لو شمس انلمست شعرة منها ليكون حسابي معاك واعر جوي

المأمور نده على العسكري بجمود: حضر القوة يا عسكري واطلعوا على دوار الدمنهوري هاتوا شمس المحمدي كلبش في يدها وممنوع أي حد يعطلكم ولو حد اعترض استعملوا القوة

سراج خرج من المكتب وهو بيغلي

في الدار

شمس وقفت قدام صابرين قدام المندرة

شمس بصوت واطي: قولي لي يا صابرين السواد اللي في قلبك ده آخره إيه أنتي اللي عملتيها صُوح أنتي اللي غدرتي بحبيبة

صابرين بدأت تمثل الصدمة ودموعها نزلت في ثانية: وه أنتي بتقولي إيه يا شمس أنتي بتتهمي أختك بالقتل يا مري على الحقد والظلم ده أني كنت بموت وراها النهاردة

شمس بصريخ: بس تمثيل بقى انتي قلعتي القناع خلاص أني عرفت كل حاجة عرفت بخك للسم في ود حماتي وعرفت إنك كنتي بتحطي لي حبوب التسقيط في الوكل وعرفت إنك كنتي عاوزة تخربي داري وتوقعي بيني وبين جوزي انطقي يا حية

صابرين سكتت فجأة مسحت دموعها ببرود غريب وضحكت ضحكة صفرا: عفارم عليكي يا ست شمس أخيراً عقلك فهم أيوة يا ستي أني اللي عملت كل ده وأيوه أني اللي خلصت على حبيبة وريحت النجع من صوتها العالي

شمس نزلت على وشها بكف: يا فاجرة يا واكلة ناسك دي بني ادمه واني لحمك ودمك إزاي يجيلك قلب تغدري بيا وتخلصي علي واحدة غلبانة عشان شوية طمع وسواد

صابرين مسكت وشها والغل طلع من عينيها: لحمي ودمي وأنتي سبتي لي إيه أنتي خدتي سراج والدوار والكل بيحلف بجمالك وطيبتك وأني مكسورة الجناح ومطلقة والكل بيبص لي بشفقة حبيبة كانت عارفة سري وكانت هتفضحني فكان لازم تروح للي خلقها بس الذكاء بقا في اللي جاي يا خيتي

شمس بدموع وقرف: أنتي شيطانة أنتي مش بني آدمة واصل

صابرين ببرود وهي بتقرب من ودنها: الشيطانة دي خدت السكينة من درج أوضتك يا شمس السكينة اللي أنتي

كنتي بتقطعي بيها الفاكهة لسراج وبصماتك مالياها هي دي اللي غرستها في رقبة حبيبة وهي دي اللي البوليس لقاها دلوقت

شمس اتصدمت ورجعت لورا: وه أنتي عملتي كدة لبستيني التهمة يا صابرين

صابرين بغل وفرحة: زمان البوليس على الباب وجوزك حبيبك سيد الرجالة هو اللي هيسلمك بيده للشنق بصماتك يا شمس هتوديكي المشنقة وهتخرجي من الدوار ده بالكلبشات وأني اللي هقعد اهنة مكانك وأربي ضناكي لو كان ليكي ضنا بعد كدة

شمس بصدمة وذهول: سراج سراج هيصدق إني قتلت أنتي دمرتي حياتي يا صابرين

صابرين بضحكة شريرة: الدوار ده ميسعش غير ملكة واحدة وأنتي خلاص زمانك انتهى يا قتالة القتلة

سراج دخل الدوار وخطواته تقيلة كأن الأرض بتسحب منه روحه وراه العساكر وصوت الكلبشات في إيديهم

شمس شافته جريت عليه بلهفة ودموع: سراج الحقني يا سراج صابرين اعترفت لي بكل حاجة صابرين هي اللي قتلت حبيبة ولبستني التهمة بسكينة من أوضتي انطق وقولهم إنك عارف معدن مرتك زين

صابرين بتمثيل ودموع: يا مري بتلبسيني التهمة يا شمس عشان تخلصي ده أني أختك يا ظالمة سراج بيه شوف مرتك بتقول إيه من الخوف دي جنيت واصل

سراج وقف قدام شمس وعيونه غرقانة كلها كسرة نزل راسه في الأرض: شمس أني جاي اهنة بصفتي ظابط في المركز موش جوزك وحبيبك البصمات اللي على السكينة بصماتك والمأمور طلع أمر قبض عليكي

شمس بشهقات وذهول: بتقبض عليا يا سراج بتقبض على روحك وعرضك أنت عارف إن صابرين هي الحية أنت عارف إنها بتكدب

سراج فجأة انهار وأخدها في حضنه بقوة وكأنه بيخبيها من الدنيا: غصب عني يا شمس السيف على رقبتي والورق بيدك أنتي يا نور عيني أني مكسور أني بموت وأني شايفك في الموقف ده بس لازم تروحي معايا عشان متبقيش هربانه ونعرف نجيب الحق

شمس انهارت في حضنه ودموعها نازلة: مش مصدقة إنك هتحط الكلبش في يدي يا سراج مش مصدقة إن دي نهايتنا

صابرين بشهقات كدابة: يا حزني عليكي يا خيتي ليه عملتي فينا كدة ليه سواد قلبك يودينا للمهالك دي

رباب خرجت المندرة على صوت الصراخ وقفت مصدومة وهي شايفة العساكر محوطين شمس: وه إيه اللي بيحصل اهنة عساكر في دوار الدمنهوري سراج أنت بتعمل إيه في مرتك يا ولدي

صابرين بخبث ودموع: شوفتي يا خالة شمس طلعت هي اللي خلصت علي حبيبة وبصماتها فضحها سراج جاي يقبض عليها

رباب بزعيق وصدمة: خلصت علي مين يا مخبولة أنتي شمس متقتلش نملة سراج أنت اتجننت يا واد بطني تقبض على مرتك وتفضحنا وسط النجع والله ما حد هيلمس شعرة منها وأني حية

سراج بانهيار وصراخ: ياما افهمي القانون أقوى مني ومنك أني لو مش خدتها المأمور هيسحلها في الشارع لازم تروح معايا المركز عشان أحميها هناك لغاية ما ألاقي مخرج

شمس مسحت دموعها بكرامة وبعدت عن حضن سراج بهدوء بصت له بوجع: اني مش هخليك تتكسر قدام عساكرك يا سراج أني هروح معاك وعارفة إن ربي كبير وعارفة إنك مستحيل تسبني في الظلم ده أنت اللي هتخرجني منها يا سيد الرجالة

رباب وقعت على الكرسي: يا مري الدوار خرب يا ناس شمس تروح القسم والكلبش في يدها

صابرين بتمثيل وحسرة: ادعي لها يا خالة ربنا يتوب عليها من اللي عملته والله قلبي بيتقطع عليكي يا شمس مهما كان أنتي أختي

شمس بصت لصابرين بقرف: الحساب يجمع يا صابرين واليوم اللي هخرج فيه هطلع روحك بيدي

….

رواية شمس الدوار الجزء الثالث عشر 13 بقلم مصطفى جابر

شمس الدواررواية شمس الدوار الحلقة الثالثة عشر

اني مش هخليك تتكسر قدام الناس يا سراج… أني هروح معاك وعارفة إن ربي كبير وعارفة إنك مستحيل تسبني في الظلم ده أنت اللي هتخرجني منها يا سيد الرجالة

رباب وقعت على الكرسي: يا مري الدوار خرب يا ناس شمس تروح القسم والكلبش في يدها

صابرين بتمثيل وحسرة: ادعي لها يا خالة ربنا يتوب عليها من اللي عملته والله قلبي بيتقطع عليكي يا شمس مهما كان أنتي أختي

شمس بصت لصابرين بقرف: الحساب يجمع يا صابرين واليوم اللي هخرج فيه هطلع روحك بيدي

في القسم

شمس بدموع: صابرين هي اللي عملت كل ده اعترفت لي في الدوار بكل حاجة قالت إنها غرزت السكينة في حبيبة عشان خافت من الفضيحة وخدت السكينة من أوضتنا عشان تلبسني التهمة سراج أنت لازم تصدقني صابرين حية ومخبية سمها ورا وشها البريء ده

سراج بص لها ببرود

شمس باستغراب: سراج أنت ساكت ليه البرود ده وراه إيه أني بكلمك في عرضي وحياتي

سراج بزعيق: بس كفاية كدب وتأليف أنتي فاكرة إني عيل صغير هتضحكي عليه بشويتين تمثيل البصمات بصماتك والسكينة سكينتك وحبيبة مقتولة بدافع الغل اللي مالي قلبك من ناحيتها

شمس بصدمة: سراج أنت بتكدبني بتصدق الورق وتكدب مرتك صابرين هي اللي قتلت

سراج بتريقة: صابرين الغلبانة مكسورة الجناح أنتي اللي غيرانة منها يا شمس غيرانة إنها هتتجوز عطوة وهتشاركك في الدار وفي العز قولتِ تخلصي من حبيبة وتلبسيها لصابرين عشان تضربي عصفورين بحجر واحد بس حظك الفقر إن البصمات مابتجاملش

شمس قامت وقفت وزعقت بهستيريا: غيرانة من مين يا واد الدمنهوري أني شمس المحمدي أغير من الحية دي ده أني اللي لميتها من الشارع وقعدتها في دارك أنت إزاي اتقلب حالك كدة فين الحب فين نور عيني اللي كنت بتقولها

سراج بغضب: الحب ده مات مع أول قطرة دم نزفتها حبيبة بسببك أنتي طلعتي واحدة تانية خالص واحدة بتقتل بدم بارد وتلفق التهم لأختها الشقيقة أنتي مريضة يا شمس

شمس بغضب: أني مريضة طب وحق ربي اللي خلقني وخلقك صابرين هي اللي عملتها وساعتها هتعرف إنك ضيعت الست اللي كانت مستعدة تموت عشانك

سراج بجمود: اني مش هستنى لما أعرف أني خلاص غسلت يدي منك وما يشرفنيش إن واحدة زيك تشيل اسمي أو تعيش في داري ليلة واحدة كمان

شمس برعب: قصدك إيه يا سراج

سراج ببرود: أنتي طالق يا شمس وعلاقتك بدوار الدمنهوري انتهت اهنة وقضيتك مع المشنقة هي اللي باقية

شمس وقعت على الكرسي كأن روحها اتسحبت عينيها برقت بصدمة مفيش بعدها كلام سراج ساب الأوضة وخرج بجمود

بعد شوي في الدار

صابرين بخبث: شوفتي يا خالة أدي أخرة الدلع والطيبة اللي شمس كانت بتتمسح فيها طلعت شيطانه كيف ولبستنا الفضيحة وسط النجع كله والله يا مري أني خايفة على سراج من كلام الناس يقولوا إيه مرته خلصت سلفيتها عشان الغل

رباب بتريقة: وفري سمك ده يا صابرين شمس لسه مطلعش عليها حكم والنجع خابر زين مين شمس ومين غيرها وبعدين أنتي مالك محروقة قوي كدة ما تهدي بدل ما أنتي عاملة زي الحية اللي بتدور على جحر

صابرين بغل مكتوم: أني خايفة على سمعة الدوار يا خالة مش أكتر ولا أنتي لسه بتدافعي عنها بعد ما بصماتها فضحتها

رباب بجمود: البصمات دي ورقة والقلوب يعلم بيها ربنا والظالم هيبان واليوم ده مانيش هرحم فيه اللي كان السبب

فجأة دخل سراج

رباب قامت وقفت بلهفة: سراج يا ولدي طمني عملت إيه مع شمس خرجتها ولا لسه

سراج بجمود: شمس مبقاش ليها صالح بالدوار ده يا ياما شمس خلاص طلقتها ورجعت غريبة عني وعن الدار

رباب بصدمة: وه طلقتها طلقت عرضك وسندك وهي في المحنة دي يا سراج أنت بعت مرتك في أول خبطة يا مري على الرجولية اللي ضاعت

سراج ببرود وقسوة: الرجولية مابتقبلش الخيانة ولا القتل يا ياما وأني مش هعيش مع واحدة زيها انتهى الموضوع

صابرين بتمثيل الزعل: لاه يا سراج ليه كدة مهما كان دي أختي ولحمي كنت استنى لما الحقيقة تبان حرام تكسر بخاطرها وهي ورا القضبان يا حبيبتي يا شمس نصيبك واعر جوي

سراج بجمود: وفري كلامك يا صابرين اللي حصل حصل والشرع والقانون خدوا مجراهم أني طالع أوضتي ومش عاوز حد يزعجني واصل

سراج سابهم وطلع

صابرين بابتسامة نصر: شوفتي سراج نفسه مصدق يبقالي حق أنا بقى أزعل

رباب بغل: افرحي يا صابرين افرحي دلوقت بس افتكري كلامي زين الدوار ده له رب والشر اللي بتزرعيه هيطلع عليكي نخل مر وساعتها مانيش هسمي عليكي غوري من قدامي

صابرين ببرود: الدوار دلوقت فضي ليا يا حماتي والملكة الحقيقية هي اللي بتفضل للأخر تصبحي على خير

طلعت ببرود

بعد دقايق

سراج كان قاعد في أوضته والضلمة محوطاه من كل ناحية:

الباب اتفتح ودخلت صابرين وحطت إيدها على كتفه بحنان

صابرين بصوت واطي: سراج كفاية وجع يا سيد الرجال الدنيا متستاهلش إنك تحرق دمك عشان واحدة باعتك وباعت الدوار كله وراحت للسكة السودة:

سراج نفض إيدها بعنف وقام وقف بجمود: صابرين اطلعي برا: أني مش طايق أسمع صوت حد ولا أشوف خيال حد واصل

صابرين قربت منه تاني: لاه مش هخرج يا سراج أني الوحيدة اللي حاسة بالنار اللي في قلبك وأني الوحيدة اللي باقية لك ومخلصة ليك من زمان قوي سراج أني بحبك

سراج بص لها بصدمة: أنتي بتقولي إيه يا مخبولة أنتي إنتي واعية للحديت اللي بتنطقيه ده

صابرين بلهفة وحب: واعية ومخي في راسي أني عشقتك من يوم ما دخلت الدوار ده بس كنت بداري عشان شمس دلوقت الطريق فضي لينا يا سراج اتجوزني يا سيد الرجال وهخليك تنسى الدنيا باللي فيها

سراج بذهول وصدمة: أتجوزك أنتي خطيبة أخوي يا صابرين كتب كتابك على عطوة بعد بكرة أنتي اتجنيتي رسمي:

صابرين بتريقة: عطوة ده قلبه اندفن مع حبيبة في القبر وعمره ما هيتجوز ولا هيهني واحدة بعديها واصل هو مكسور وأني مش عاوزاه أني عاوزاك أنت يا سراج أني عشت العمر كله بحلم باللحظة اللي أكون فيها ملكك

سراج بجمود: وأختك اللي في السجن دي والحزن اللي مالي الدار ملهوش مقام عندك

صابرين ببرود ودموع تماسيح: شمس اختارت طريقها بيديها وهي اللي جابت لنفسها الخراب أني أحسن منها يا سراج أني هصونك وهشيلك في عيوني اتجوزني يا سراج وناخد بعض ونسافر بعيد عن النجع وهمه وقرفه نسافر البندر ونعيش حياتنا هناك بعيد عن كلام الناس وفضايح شمس

سراج سكت

صابرين بدلع: وافق يا سراج وافق وخلينا نبدأ صفحة جديدة

سراج بجمود: موافق يا صابرين

هتجوزك ونسافر في أسرع وقت

صابرين بفرحه: بجد يا سراج يا مري مش مصدقة أخيراً هكون ليك يا حبيبي هروح أحضر كل حاجة واللم هدومي ونغور من اهنة في أقرب وقت

خرجت صابرين وهي طايرة من الفرحة

في القسم

شمس كانت قاعدة الباب اتفتح ودخل العسكري ومعاه عطوة وشه كان دبلان وعيونه غارقة في الحزن

شمس باستغراب: عطوة جاي ليه جاي تتشفى فيا ولا جاي تخلص على اللي حبيبة قلبك

عطوة بحزن: شمس بصي في عيني وقوليلي الحقيقة أنتي فعلاً غرزتي السكينة في رقبة حبيبة أنتي اللي قتلتِ عشقي الوحيد

شمس بهستيريا: والله ما حصل والله ما لمستها ولا شوفتها الليلة دي واصل صابرين هي اللي عملت كل حاجة لبستني التهمة وخدت السكينة من أوضتي صدقني يا عطوة أني مظلومة

عطوة اتنهد بوجع: أني مصدقك يا شمس عارف إن قلبك أبيض وميعرفش الغدر ده

شمس بذهول: مصدقني كنت فاكرة إنك أول واحد هيخلص عليا بيده عشان تبرد نار قلبك على حبيبة إزاي صدقتني

عطوة بحزن: القاتل مبيعيطش بدموع زي دموعك دي والغل اللي شوفته في عين صابرين مش عادي حبيبة راحت بس حقها مش هيضيع في ظلمك يا شمس

شمس بدموع: بس مفيش دليل يا عطوة صابرين حية ومكارة مسحت كل خيط يوصل لها ولبستني التهمة بالمللي والكل صدقها حتى سراج سراج رماني وطلقني يا عطوة

عطوة بغل: سراج عقله طار منه بس أني لاه أني هساعدك يا شمس وهكشف صابرين وهخليها تنطق بالحقيقة قدام النجع كله وحياة دم حبيبة اللي راح هدر لأخلي صابرين تتمنى الموت ومتحصلهوش

شمس بوجع: سراج كسرني يا عطوة بعني في ثانية وصدق الغريب وكدب مرته مكنتش أتخيل إن حبه لي يطلع بالرخص ده

عطوة بصوت واطي: اهدي يا شمس سراج دلوقت عامي الشك قلبه بس لما الحقيقة تظهر هيندم ندم عمره أني هتحرك من دلوقت وصابرين نهايتها هتكون على يدي

بليل

عطوة دخل بغضب لقى سراج قاعد وصابرين جنبه بتتمايل بضحكة صفرا

عطوة بزعيق: بعت عرضك يا سراج بعت شمس اللي كانت ست الحريم كلهم وصدقت الحية اللي جنبك دي بعت روحي وروحك عشان تهمه ملفقة

سراج بجمود: شمس مبقتش عرضي يا عطوة شمس قتالة قتلة وأني مش هقبل بواحدة زي دي في داري انتهى الحديت

صابرين بغيظ: جرا إيه يا عطوة جاي تهزق سيدك وسيد الدوار كله عشان واحدة مجرمة شمس خلاص غارت في ستين داهية والكلبش في يدها احترم نفسك وأنت واقف قدام سراج بيه

عطوة بقرف: اخرسي يا واكلة ناسك إياكي تنطقي اسم شمس على لسانك ده أني خابر زين إنك أنتي اللي اللي عملتيها ولبستي شمس التهمة أنتي حية وماشية بتبخي سمك فينا كلنا

سراج قام وقف فجأة ونزل بكف على وش عطوة: لاه يا عطوة لحد اهنة واقطع لسانك بتغلط في صابرين في داري قدام عيني بتغلط في اللي هتكون مرتي وأم عيالي

عطوة بصدمة:

….

رواية شمس الدوار الجزء الرابع عشر 14 بقلم مصطفى جابر

شمس الدواررواية شمس الدوار الحلقة الرابعة عشر

بعت عرضك يا سراج؟ بعت شمس اللي كانت ست الحريم كلهم وصدقت الحية اللي جنبك دي بعت روحك عشان تهمه انا وانت عارفين انها ملفقة؟

سراج بجمود: شمس مبقتش مرتي يا عطوة شمس قتالة قتلة وأني مش هقبل بواحدة زي دي في داري انتهى الحديت

صابرين بغيظ: جرا إيه يا عطوة جاي تهزق سيدك وسيد الدوار كله عشان واحدة مجرمة شمس خلاص غارت في ستين داهية والكلبش في يدها احترم نفسك وأنت واقف قدام سراج بيه

عطوة بقرف: اخرسي يا واكلة ناسك إياكي تنطقي اسم شمس على لسانك ده أني خابر زين إنك أنتي اللي اللي عملتيها ولبستي شمس التهمة أنتي حية وماشية بتبخي سمك فينا كلنا

سراج قام وقف فجأة ونزل بكف على وش عطوة: لاه يا عطوة لحد اهنة واقطع لسانك بتغلط في صابرين في داري قدام عيني بتغلط في اللي هتكون مرتي وأم عيالي

عطوة اتصدم للحظة بس في ثانية رد الكف لسراج بقوة خلت سراج يرجع لورا بصدمة الدوار كله سكت وصوت الضربة رن في الحيطان

سراج بذهول وحط ايد على خده: بتمد يدك على أخوك الكبير يا عطوة بتضربني عشان خاطر واحدة قتالة

صابرين بزعيق وغل: يا مري ضربت أخوك شوفت يا سراج شوفت الغل اللي مالي قلبه ده أكيد كان شريك شمس في القتل وعاوز يداري على عملتهم السودة

عطوة بغضب: أنتي اللي عملتيها يا فاجرة وحق دم حبيبة اللي راح غدر لأشرب من دمك

صابرين اتهورت ورفعت ايدها عشان تضرب عطوة بالكف بس عطوة مسك يدها في الهوا وعصرها بقوة كأن العضم هيتكسر تحت إيده: إياكي وحياة ربي لو يدك دي لمستني لكون كاسرها وقاطعها من كتفك أنتي ولا حاجة يا صابرين أنتي حتة حشرة وهدوس عليكي قريب قوي

صابرين بوجع: سراج الحقني يا سراج هيموت يدي أنقذني من المخبول ده

سراج زق عطوة بعيد عنها: برا اخرج برا الدار دي يا عطوة اني مش عاوز أشوف وشك اهنة واصل أنت مطرود من لغاية ما تعقل وتعرف مقام أخوك ومقام الست اللي هتكون مرته

رباب دخلت على الصوت: وه بتطرد أخوك يا سراج بتطرد حتة من قلبك عشان خاطر البومة دي أنت جنيت يا ولد بطني

سراج بزعيق: ياما قولتلك اطلعي منها عطوة غلط ولازم يتحاسب اخرج يا عطوة بدل ما أخلي العساكر تجرك جرة الكلاب برا الدوار

عطوة بص لسراج بقرف: هخرج يا سراج هخرج بكرامتي بس وحق ربي لأرجع تاني واليوم اللي هرجع فيه هيكون يوم جنازتك يا صابرين واليوم اللي الحقيقة هتظهر فيه هتشوف يا سراج إنك طردت الراجل اللي كان هيصون عرضك وخدت الحية في حضنك

سابهم عطوة وخرج وهي ضحكت ببرود

تاني يوم

صابرين راحت القسم وهي لابسة أحسن ما عندها وقفت قدام شمس

صابرين بتريقة: يا مري على البهدلة يا ست شمس فين العز وفين الجمال الدوار وحش من غيرك قوي بس اطمني أني هملاه وهنوره

شمس بجمود: نورتي يا صابرين جاية تشوفي آخرة عمايل يدك ولا جاية تتأكدي إن الكلبش لسه معلم في يدي

صابرين بخبث: جاية أبشرك يا خيتي سراج خلاص نسيكي سراج رماكي من عقله وقلبه و طلب يدي رسمي وهنتجوز في أسرع وقت ونسافر البندر يعني اللي كنتي بتتحامي فيه بقا ملكي وسيد الرجالة بقا في حضني أني

شمس ضحكت بمرارة: مبروك يا صابرين مبروك عليكي بواقي شمس سراج اللي أنتي فرحانة بيه ده قلبه وعقله وعمره محبوسين معايا في الزنزانة أنتي واخدة جثة يا خيتي واخدة راجل مكسور بيحاول يداري وجعه فيكي إيه فاكرة إنك لما تلبسي خلاجاتي وتاكلي في صحني هتبقي شمس لاه يا حبيبتي الشمس واحدة وأنتي ضل ملوش عازة

صابرين بغيظ: ضل أني اللي هبقى الهانم وأنتي اللي هتتعدمي يا مجرمة سراج بيحبني أني لولا حبه ليا مكنش طرد عطوة ولا وقف في وش أمه عشان خاطري

شمس اتريقت: بيحبك سراج بيحب شرفه اللي فاكر إنه بيغسله بجوازه منك بيحب الست الغلبانة اللي بتمثلي دورها لكن لو شم بس ريحة الغدر اللي في دمك هيدبحك بيده قبل ما ليلتك تخلص أنتي خايفة يا صابرين خايفة مني وأني ورا القضبان وعارفة إن حبه ليكي كدبة أنتي اللي مألفاها ومصدقاها

صابرين بغل: أني مش خايفة أني انتصرت عليكي خلاص حبيبة غارت وأنتي غرتي والدار بقا ليا والفلوس بقت ليا وسراج اللي كنتي بتموتي فيه بقا بيلمس يدي أني موتي بغيظك يا شمس

شمس ببرود: هخرج يا صابرين وساعتها مش هحتاج سكينة ولا بصمات هطلع روحك بيدي عشان أطفي نار حبيبة ونار قلبي اللي حرقتيه غوري يا واكلة ناسك ريحتك زفرة والمكان اهنة أنضف منك

صابرين بصت بغل وخرجت

قدام القسم لقت سراج جاي اتوترت

صابرين بتوتر: سراج جيت مِتى يا سيد الرجالة أني أني كنت لسه جوه عند شمس قلبي مكنش مطوعني أسيبها لوحدها في المحنة دي رغم كل اللي عملته فينا

سراج ببرود: ملوش لزمة الحديت ده يا صابرين اللي انكسر مبيتصلحش يالا بينا عشان نمشي من اهنة

فجأة صوت فرملة عربية هز المكان ونزل منها عطوة وعيونه كلها غل وفي إيده سلاحه مشدود على آخره

صابرين برعب وهي بتستخبى ورا ضهر سراج: يا مري عطوة إيه اللي جابه ده سراج ألحقني المخبول ده ناوي على شر

عطوة بضحكة هستيرية وغل: خايفة يا حية خايفة من الموت وأنتي دابحة القتيل وماشية في جنازته أنتي حرقتي قلبي على حبيبة والنهاردة الدور عليكي عشان تدوقي من نفس الكاس

سراج بجمود: نزل سلاحك يا عطوة أنت اتجنيت عاوز تقتل في وسط القسم ارمي السلاح ده وبطل خبل

عطوة صرخ بصوت زلزل المكان: مش منزله يا سراج زي ما حرقت قلبي وعشقي هحرق قلبك أنتي كمان على اللي بتحبها هخليكي يا صابرين تعيشي عمرك كله وانتي شايفة دم حبيبك غارق في الأرض بسببك

عطوة وجه السلاح ناحية سراج وبسرعة البرق ضغط على الزناد الطلقة سكنت في صدر سراج سراج بص لأخوه بذهول ووقع في الأرض جثة هامدة والدم غرق هدفه

صابرين صرخت: سرااااااج لاه يا سراج قوم يا سيد الرجالة يا حزني يا مراري قتلت أخوك يا عطوة

عطوة ببرود: مكنش ينفع يموت غير كدة عشان تعيشي مكسورة الجناح وعشان تعرفي إن اللي بيغدر بغيره الدنيا بتلف وتغدر بيه في أعز ما يملك سراج راح يا صابرين وعمرك ما هتهني بلحظة فرح في الدوار بعد النهاردة

صابرين بهستيريا: لاه يا سراج متمشيش وتسبني للديابة دي يا وجع قلبي عليك يا ولدي قتله يا ناس عطوة قتل أخوه عشان الحية تبرد نارها لااااااه

يا سراج لاه يا وجع قلبي عليك يا سيد الرجالة قتله يا عطوة قتلت الضهر والسند عشان تكسر قلبي

عطوة بقرف: مكسورة قوي يا حية ما أنتي اللي عملتي كل ده أني اللي دبحتي حبيبة ولبستيها لختك أنتي اللي فرقتي بينا وبين بعضينا بالسواد اللي في قلبك

صابرين بصراخ وغل وهي فاقدة أعصابها: أيوة عملت أيوة خلصت علي حبيبة بيدي دي عشان كانت عارفة إني بحط السم لشمس في الوكل و عشان كانت هتقول لسراج إني كنت عاوزة أوقع بينهم وأيوة لبست شمس التهمة عشان تخرج من الدوار وما يبقاش فيه غيري كنت عاوزة الدوار والمال وسراج كنت عاوزة كل حاجة وماحدش يشاركني فيهم

عطوة باحتقار: اعترفي كمان قولي السواد اللي جواكي وصل لفين

صابرين بصرخة هستيريا: وصلت للموت يا عطوة كنت مستعدة أموت الكل عشان أكون الهانم كنت بضحك على سراج وأقوله إني بحبه وأني كنت عاوزة سلطته وبس كنت بحط لشمس حبوب التسقيط عشان تحرم من الضنا وما تملى عين سراج أيوة أنا الشيطانة اللي خربت حياتكم كلكم وأهو سراج مات وراح مني ومنها ارتحت دلوقت ارتحت يا قاتل أخوك

فجأة سراج فتح عينه وقام وقف ببرود تام وهو بينفض التراب من على هدومه وبص لصابرين بنظرة موت جمدت الدم في عروقها

سراج بجمود: لاه يا صابرين ما ارتحناش لسه بس اللعبة خلاص خلصت ونهايتك بدأت دلوقت

صابرين اتسمرت مكانها وصوتها راح من الصدمة: سراج أنت أنت عايش إزاي والدم والطلقة

سراج بتريقة وغل: طلقة فشنك يا صابرين والدم ده صبغة كنت عارف إنك حية وما لكيش أمان وعرفت إن عطوة موش هيسيب حق حبيبة فاتفقنا سوا عشان نوقعك بلسانك والنجع كله دلوقت والمأمور سمعوا اعترافك بكل جرايمك

صابرين بصت حواليها برعب لقت المأمور والعساكر خارجين من القسم ومعاهم جهاز تسجيل وشمس واقفة بعيد والدموع في عينيها وهي بتبص لأختها بقرف

سراج كمل بجمود: أنتي اللي دمرتي نفسك يا صابرين واليوم اللي كنتي بتحلمي فيه تكوني ملكة هيكون أول يوم ليكي في زنزانة الإعدام اه نسيت اقولك شمس لسه مرتي و الطلاق اللي حصل كان تمثيلية عشان تأمني وتطلعي اللي في جوفك كنت خابر إنك حية وعمرك ما هتتكلمي غير لو حسيتي إن السكة فضيت ليكي شمس رجعت لذمتي من أول ساعة

شمس قربت ببطء بسخرية: نورتي المشنقة يا خيتي شوفتي بقى إن الشمس مابتتغطاش بغربال كنتي فاكرة إنك بجمالك المسموم ده هتاخدي مكاني سراج سندي وحبيبي اللي عمره ما شك فيا لحظة واصل إحنا اللي رسمنا ليكي الفخ ده وانتي زي الغبية وقعتي فيه بلسانك

صابرين بجنان وهستيريا: لاه كدب سراج بيحبني أني أنتي اللي ساحرة له يا شمس أني الهانم أني ملكة الدوار ده مستحيل أنتهي كدة والله لأقتلكم كلكم والله لأحرق قلبكم زي ما حرقتوا فرحتي

العساكر هجموا عليها ومسكوها بقوة وهي بتعافر وتصرخ زي المخبولة: سراج لاه يا سراج متعملش فيا كدة أني عملت كل ده عشانك أني عشقتك يا واد الدمنهوري

شمس بقهر: عشقتي سراج ولا عشقتي المال والسلطة وكنتي عاوزة تموتي أخو جوزك عشان تملكي كل حاجة أنتي مش أختي أنتي شيطانة ربنا نصرني عليكي يا صابرين

صابرين بانهيار: لاه يا شمس أبوس يدك سامحيني يا خيتي متمشيش وتسبيني لاه يا سراااااج

سراج سحب شمس في حضنه

عطوة بحزن: حقك رجع يا حبيبة نامي وارتاحي يا نور عيني

بعد مرور شهرين

سراج بحب: يادي النور الدوار نور يا ست الحريم كلهم اني مش مصدق إن الليلة دي جت وشمس الدمنهوري راجعة تنور حياتي من جديد

شمس بكسوف: منور بصحابه يا سيد الرجالة والله يا سراج كنت خايفة الكابوس ده م يخلصش كنت خايفة أصحى ألاقي نفسي لسه في الزنزانة

سراج قرب منها وباس ايدها: انسي خلاص يا شمس اللي فات مات واندفن مع اللي عملوه صابرين خدت جزاءها وأنتي دلوقت الملكة الوحيدة في قلبي وفي داري

شمس بدموع: وسراج الصغير اللي جاي في السكة ده اللي هيهني قلبي بجد

سراج بصدمة وفرحة: أنتي بتقولي إيه يا شمس يعني اللي في بطنك ده يعني أني هبقى أب

شمس بضحك: أيوة يا سراج ربنا عوضنا خير عن كل الوجع اللي شوفناه ابننا هييجي الدنيا والدوار ده عامر بالحب والعدل

في المندرة تحت

رباب: لولولولي النهاردة عيد يا ولدي شمس رجعت وعوض ربنا كبير وعطوة يا ولدي ربنا يرزقك ببنت الحلال اللي تداوي جرحك وتملى حياتك فرح

عطوة بابتسامة: الحمد لله ياما الحق رجع لأصحابه وأني خلاص قلبي ارتاح لما شوفت شمس وسراج متهنيين والدنيا لسه بخير يا ست الكل

سراج نزل وهو ماسك ايد شمس والكل بدأ يزغرط ويضرب نار فرحة

سراج بص لشمس وقال بصوت واطي:: وعد عليا يا شمس عمري ما هسمح للظلم يقرب من عتبة دارنا تاني أنتي الأمان وأنتي السند وبحبك يا نور عيني

شمس بسعادة: وأني بعشقك يا واد الدمنهوري وربنا يديم عزك ووجودك في حياتي

والفرحة ملت الدوار والنجع كله

تمت