رواية شوگ و ورد الفصل الأربعون 40 - بقلم wad. al.Basha

للكاتبه: ود الباشا

أعرف هذا الشعور جيدًا، عندما تبهت الأشياء في نظرك، عندما تصبح من فرط الحزنِ جليدًا، عندما تنكسر بلا صوت و تبكي بلا دمع، و تختار الصمت رغم حاجتك للصراخ.

ام مسره: دخلي سلمي وراح تعرفين

غسق: دخلت واني افكر منو ممكن يجينا نصدمت من شفت ام مهاب اني ماصدك اخلص منه تطلعلي امه
من شافتني كامت لزمت ايدي

ام مهاب: مهاب وين فدوه اذا تعرفين مكانه كوولي والله گلبي محروك عليه

غسق: بلعت ريگ اني مادري مشايفته من زمان

ام مهاب: لا تنكرين فدوه احجيي ابو متخبل عليه

غسق: خاله والله ماعرف شمدريني اني اخر مره من شهر شفته صدفه رفعت ايدها بوجهي

ام مهاب: اذا صاار عليه شيي ماتلومين غيرر نفسج

غسق: انيي شعلي طفل هو واني حابسته ومامخليته يطلعلكم لا كلشي ذابي براسي عفتها ومشيت ادردم ويا نفسي عود صدك تحجي زين اني شعلي سحبت الموبايل دكيت عليه دك مرتين مجاوب دكيت مره ثالثه رد بصوت تعبان

مهاب: ذاكرتني اليوم

غسق: مهاب وينك

مهاب: بلجحيم

غسق: مهاب لا تخبلني وين انت اهلك يكسرون باب الگلب يدورون عليك طفل انت هيج تسوي

مهاب: مو كلتي ابتعد مني وهاي انه ابتعدت شكو متصله

غسق: كلت ابتعد مني ماكتلك ابتعد من اهلك

مهاب: مللوني طيحووو حضييي خليني بعيد وراسي بارد مالي خلگهم يوميه تعال اتزوج وصخم وجهك
يابه ماريد صخام ماكو قافلين هسه انه مرتاح هيج انتو شكو

غسق: يردون يفرحون بيك

مهاب: اي هم يفرحون وانه اكل وحل بحلامهم
والوالده دكول رجااال مو مره مادري ابوي شلون مخلف منها المفروض هي تحبله مو هو يحبلها

غسق: خليت ايدي على حلگي انت منين يطفوك شبيك هديت

مهاب: هو انه ديني كامز وانتي جايه تتعقلين براسي والله اكبر بربوك شفتها بحياتي

غسق: لا تغلط

مهاب: اغلط واشكج شگ هم
ماحنيتي وررح ابوج محمود الجابج وبلاني بيج مشتاقلج

غسق: اني خابرتك علمود اكلك اهلك خطيه امك تكسر الگلب اليوم اجتي لبيتنا عبالها اني اعرف وينك بقت تتسول ادليها مكانك

مهاب: يعني ممخابره لسواد عيوني
مو انه تعجبت منج من الشيطان

غسق: اني هم ضل بالي من شفتهم خايفين عليك بس مطمئنه يعني ميصير بيك شي

مهاب: اي كوليها عار وفضيها

غسق: هسه اني كلت هيج

مهاب: اي كلتي بس امبطن اجي اخذج نطلع

غسق: ماكدر اريد انام سمعت طكطكه يمه واجه صوت بنيه دكله حبي متجي نسبح فتحت عيني وهو بسرعه انطه كتم للمكالمه اني هم كطعته حقير مخلي اهله يتراجفون عليه وهو متونس رجع اتصل بيه مجاوبت
غيرت ملابسي ونزلت امه رايحه ساعدت خاله نضفت البيت وكعدنا نتغده

ام مسره: ماتعرفين هذه الوليد وين

غسق: رفعت جتفي مادري بي خاله همه اهله مايعرفون اني شدراني بي هزت راسها وكأنو ممصدكتني غسلت الامواعين وصعدت فوك نمت ثاني يوم رحت للدوام التهيت حتى الموبايل مافتحته علما طلعنا رفعت راسي شفت سيارته غلست ومشيت من كدامه

مهاب: غاليتي

غسق: مجاوبته سحب ايدي وشمر جكارته

مهاب: صعدي احاجيج

غسق: روح لاهلك ضال بالهم عليك عليش جاي عليه

مهاب: صعدي لا تلغين زايد

غسق: صعدت لأن استحيت من المعلمات ديباعون علينا. شتريد

مهاب: ليش كطعتي الخط البارحه؟

غسق: انت انطيته كتم حگ طرف حاجبه

مهاب: جماعتي يمي وماردتج تسمعين كلامهم

غسق: رفعت حاجبي جماعتك لو جانت يمك بنيه ابتسم صفح

مهاب: اذا تعرفين ليش تسألين

غسق: اني ماسألتك انت كلت كاطعه الخط بوجهك كتلك ماكاطعته انت انطيته كتم

مهاب: ماحن گلبج

غسق: وكف السياره اريد ارجع للبيت
هز راسه ماحجه جوه عيونه اسود لحيته طولانه بهمال
وصلني للبيت تشكرت منه ونزلت مرت الايام عاديه بين فتره والثانيه احسه يمشي ورايه بس ميتقرب ولا يحجي وياي اليوم خابرني غسان يرييد يروح للاتبرعات كتله اجي وياك كمت حضرت نفسي اخذت فلوس مخليتهم على صفحه وخاله هم انطت بستها وطلعت شفت غسان بلباب سلمت عليه شعجب مجايه مسره

غسان: كالت تعبانه

غسق: وصلنا لنفس منطقه حي التنگ مثل مايصيحلها هو من اشوفهم لا اردياً دموعي تنزل

غسان: يلا نزلي تجمعنا اهنا

غسق: نزلت واني امسح بدموعي رفعت راسي شفت مهاب ابتسملي فكيت عيوني همست لغسان هذه شجابه اهنا

غسان: متبرع ويانه

غسق: طلعت الفلوس انطيته اله اخذت علاگه حلويات ورحت كعدت يم الاطفال شفت الفرحه بعينهم من ياكلون يجون يبوسوني ويتشكروني حسيت ضل على راسي رفعت عيوني مهاب مخلي ايده بجيوبه ويباوع داير مدايره وكأنو راح يهاجمو

مهاب: مو كافي بجي

غسق: حالتهم تقهر

مهاب: مابيدنا شي غير نساعدهم بلنكدر عليه
ليش اجيتي ؟

غسق: متعوده كل مره يجيبني ويا

مهاب: حاولي تقللين طلعاتج

غسق: ليش

مهاب: احسن
تجين وياي اليوم حنه اخوي

غسق: سبع سعادات

مهاب: كومي وياي

غسق: ماكدر

مهاب: براحتج

غسق: كعد بصفي مهاب غسان منا مابيه حيل حجي

مهاب: استغفر الله شمسوي هسه انه تحسسيني نازع وكاعد بصفج

غسق: الساانك مابي بريك

مهاب: مشتاقلج

غسق: مجاوبته هو هم بقى ساكت سحب نستله وصاح طفله واكفه بعيد انطاها وباسها

مهاب: بعدج مصره ماتجين وياي

غسق: ماااجي ارجع للبيت انام تعبانه

مهاب: عازمج على عشا لا ترديني

غسق: مهاب انت وعدتني كام بعصبيه

مهاب: خرره بيج وبمهاب ويااااج

غسق: شكو تغلط كوم منا

مهاب: معاجبني اكوم مرتااح

غسق: ردت اكوم سحبني من ايدي وكعدني شدتسوووي منا الناس تريد تفضحني انت
ماحجه شي اجه غسان يباوع عليه

غسان: يلا كومي نرجع

غسق: خلصتو

غسان: لا الشباب اتكفلو بلباقي

غسق: كمت نكتت ملابسي
توادع ويا هو وغسان شكد حلو من يحجي ويا غريب كله حبيبي واغاتي وعيوني بس وياي السانه فالت ويغلط.ركبت السياره وهو هم راح لسيارته

غسان: وين ماروح داشوفه عينه عليج شسالفته

غسق: لا وين غلطان اجه كعد اهنا علمود الطفله
محجه شي وصلني للبيت وراح كعدت اسولف لخاله شلون عايشين وشلون ابسط حقوقهم معدومه
صعدت تمددت بملابسي ونمت كعدت ثاني يوم نفس الروتين و نزلت شفت خاله نايمه طلعت على كيفي مشيت حسيت احد ورايه التفت مامو بلعت ريكي صعدت تكسي وگلبي طبل دكيت علئ مهاب رنتين وجاوب مبين نايم مهاااب ترره لعب المزعكه محلووو والله

مهاب: حلمانه بيه

غسق: لا نجذب عليه مو انت ورااايه تفترررر تره خوفتني اطلع اشوفك بس لا تتختل
حجه بخوف

مهاب: شدتحجين وين انتي

غسق: داروح للدوام

مهاب: كطعي جاي حاولي بسرعه تفوتين للاحضانه

غسق: شكو منو ذولي محجه كطعه بوجهي الفتت اشوف اكو سياره ورانه ماكو دك جهازي رقم غريب
رديت اجاني صوت يضحك

ذيبه بعرضي شلون انتبهتي اكو احد وراج وشبسرعه خابرتي

غسق: منو انت

الايام هواي عود نتعرف بيها

غسق: حجاها وكطعه يعني مجنت اتخيل اكو احدد فعلاً ديراقبني بلعت طن هوئ الموبايل بايدي اتصل مهاب بقيت صافنه من طلعت من بيت عمي محمد لليوم مشكله وره مشكله ومرتاحيت ابد ياريت رجلي مكسوره ومطالعه
رجع اتصل رديت وبالي مو يمه

مهاب: لييش متجااووووببن منو خابرج ليش مشغول

غسق: هو يحجي واني صافنه ودموعي تنزل

مهاب: احجييي وياااج

غسق: خابرني واحد هددني حجيتها وشهكت هو كعد يغلط غلط ماينلبس عليه ثول كطعته بوجه رجع اتصل بيه مجاوبته طريق الحضانه صار شطوله رغم يوميه ماحس بي وصلنا شفته منتضرني نزلت تقرب مني زمخ بيه

مهاب: موووو اتصل بيج ليييش متردين

غسق: شتريد

مهاب: ليييش تبجيين

غسق: مسحت دموعي

مهاب: فتحيلي جهازج انطينيا

غسق: فتحته سحبه مني اخذ الرقم اتصل بي مغلق
خايفه باوعلي

مهاب: لا تخافين انه احلها دخلي والضهر اجي اخذج لا طلعين وحدج

غسق: عافني ومشى اشرلي دخلي دخلت صارت بوجهي رنا طبكت حواجبها

رنا: شبييج غسق صاير شي

غسق: لا ماكو بس صار حادث علشارع واخترعت من الصبح ابتسمت

رنا: الله يشافيهم خوفتيني عليج

غسق: راحت لمكتبها اني هم رحت التهيت ويا الجهال وكل شوي مهاب مخابرني محذرني لا طلعين علما اجي
خلص الدوام اتصلت بي ميجاوب كلها طلعت اخذت جنطتي وطلعت شيصير يعني باوعت يمنى ويسره
اجتي رنا

رنا: اوصلج

غسق: اخاف تصير زحمه عليج

رنا: دصعدي لا دكولين هيج

غسق: صعدت ودگ جهازي مهاب اجاني صوته يلهث

مهاب: ويييين انتي

غسق: ويا رنا راجعه للبيت

مهاب: خليج وياي اني جاي

غسق: شصاير اتصلت بيك مارديت مجاوبني شفت رنا مركزه على المرايات شبيج

رنا: اكو سياره دتمشي ورانا

مهاب: خررروه بيكم انعل شريفكم كليلها لا توووكف ابددد

غسق: شديصير مهاب منو ذولي

مهاب: انطيني احاجييييها

غسق: انطيت الجهاز لرنا بقت تحجي ويا واني ايدي على حلگي اشهك مدتلي الموبايل اخذته منها بعده على الخط

مهاب: غسق لا تخافين ابويه انتي خليج هاديه انه قريب منكم

غسق: مجاوبته رنا زادت بسرعتها واني الخوف اكلني غمضت عيوني وكفت السياره بارعت سياره واكفه كدامنا

رنا: منو ذولي تعرفيهم

غسق: هزيت راسي لا

رنا: ساده البيبان ابن عمج كال قريب ويين صار

غسق: تقرب واحد دگ الجامه علينا
مهاب وينك

مهاب: جااي غيير يخلص هلشااارع الخررره لا تخافون مايسوون شي بووخه البيبان لا تفتحوها

غسق: ضرب الجامه بطرف السلاح كسره واحنه عياطنه اخذ الدنيا

افتحوو الباب

رنا: شترردون

مالنا شغل وياج ويا صاحبتج

غسق: اني بقيت ابلعم سمعت شحطه سياره التفت مهاب عاف الباب مفتوحه وبايده سلاح شعره مخربط يم حلگه دم

مهاب: لك كو..... صااااير تهدد بلنسووان لووو بيك خيررر تعال واجهني

ههههههههه ماتجي لو مانهددك بهلحلوه

مهاب: ومحمد موتك على ايدي

غسق: باوعلي ورجع التفت عليه

مهاب: بعدين عود نتفاهم

مهاااب لا تلعب وياااي تره شغلي يصير ويا اهلك

مهاب: جررررب واتقرب لهلي وتعرفني من اتخبل اشككك بلعباااس اشككك وهلمره اجت بحلكك وهددت هيج تهديد وصخ مره ثانيه ماخليك عاااايش

غسق: يحجي بعصبيه وكل شويه يردون جماعه ذاك يهدون عليه وياشرلهم بمعنى عوفو
دك الجامه فتحنا الباب نزلت تشكر من رنا باستني كالت انتبهي لنفسج وراحت
اني مصدومه الخوف اكلني اكل صعدت بسيارته
باقيه صافنه حتى احس عيوني مترمش مشى وهو يغلط عليهم وكفنا بمكان

مهاب: شو باعيلي

غسق: لزم حنجي دار وجهي عليه

مهاب: بيج شي

غسق: خايفه
نزل فتح بابي خله ماي بايده وغسل وجهي

مهاب: ماكو شي وعد ميتقربولج مره ثانيه

غسق: رجع ركب دخل الف فرع باوعت الساعه هواي تاخرت على البيت شفت موبايلي غسان ومسره وارشد داكين عليه الجهاز بعده بايدي ودك ارشد باوع بطرف عينه مارديت رجع دك خفت صاير شي كلت الو ونهد بيه

ارشد: ويييين انتي وييين شعندددج ويييااااا

غسق: شبيك شصاير

ارشد: لج قندرررا راح تضيعين نفسج ابتعدددي منه
لا تخلي يغرج ويا

غسق: وكف السياره سحب الموبايل مني شغل المايك وانطانيا اشرلي بصبعه اشش

ارشد: احجييي شعندج ويااا عاجبج يوميه واحد يريد يخطفج غسسق لا تغرگين نفسج اكثر رجعيي للبيت انه عدكم خليني احجي وياج واذا قبلتي هسه فوراً اجيب السيد نعقد ونروح لبيتنا

غسق:ردت اجاوبه وسحب الموبايل مني

مهاب: لك كو..... مو اجي انت وهذه السيد مالك اشككم انه مو كتلك ابتعد عنها

ارشد: اخليها بايدك اتاجر بيها

مهاب: عسما احرگها مالك علاقه لك مخنث همزين كلت انت ابيتهم علمود مارجعها لهناك وبعد تحلم تشوفها سلملي سياده الخره

غسق: گطعه بوجهه وانطاني الجهاز بعد ما غلقه دخت رجعني للبيت

مهاب: نامي علما اضيعهم من ورايه وارجعج

غسق: خليت راسي على الجامه بس خفت انام شفت شويه وصار بلاطراف رين ماخذني مجاوبني رجعت سألته باوعلي

مهاب: ملازم تبقين اهنا اخذج فتره لمكان علما اخلص شغلي وياهم خايف عليج ياذوج

غسق: رجعنيي للبيت وشغلك خلصه بعيد منييي رجعنيي

مهاب: فتره بس غسق ومحمد خايف عليج خليج ورايه لا تفجعيني بيج

غسق: رجعني لا افجعك ولا تفجعني اني راح ارجع
لـ ارشد واخلص حجيتها ولطمني على حلگي

مهاب: طارررري لا تجيبي على لسااانج انه هايف عليج وروحي اعصااابي محترگه وانتي دكولين ارجعله والعبااااس احرگج اذا مره ثانيه حجيتيها مو عاد تنفذيها

غسق: مرريض انت مريييض
مجاوبني بقى يسوق وووويين ماخذني
فتحت جهازي ردت احجي ويا غسان افهمه هلمريض شديسوي سحبه مني وشمره علگشن

مهاب: نامي علما نوصل

غسق: ويين ماخذني

مهاب: لجهنم لااا تحجين بعد

غسق: عيونه دم خفت منه مو طبيعي هلانسان
سكت شويه وكال

مهاب: اذا هيج ديستقتل علييييج ليش عافج؟
وبهذلج واخذ ابنج منج

غسق: مجاوبته لأن اصلاً اني ماعرف الجاوب لهلسوال هذه

مهاب: احجييي لا تسكتين

غسق: تره خبلتني مره سكتي ومره لا تسكتين واني شمدريني ليش هيج سوه ذاك هو وروح اسأله واذا عرفت تعال احجيلي سكت نترت وييين ماخذني تاالي وياااك والله من يوم الشفتك لليوم ماكو مصيبه مانزلت على راسي باوعلي صفح ورجع ساق
وكف يم مطعم حاولت افتح الباب انزل قافلها
شويه واجه خله الاكل بحضني وكعد سحب لفه وقوطيه ببسي سواها لكمتين اخذ الثانيه

مهاب: اكلي طريقنا طويل

غسق: وين ماخذني

مهاب: مكان حلو راح يعجبج

غسق: مشاكيتلك من مكاني

مهاب: تالي وياج اكلي وانتي ساكته

غسق: خليت الاكل على صفحه جوعانه بس اعناد بي مااكل

مهاب: اخذي لفه اكلي احسن ما اكوم اوكلج بايدي

غسق: سحبت لفه وقوطيه سفن هو كمل وشغل السياره باوعتله منو ذولي شيردون منك وشنو الشغل اليردوك تخلصه الهم

مهاب: بعد مناسيه سوأل

غسق: بقيت اباوعله منتضرته يجاوب

مهاب: لا دوخين نفسج بهلسوالف تنحل ان شالله

غسق: اني عندي دوام ماكدر اغيب يفصلوني

مهاب: غسق رجعه ماكو مامستعد اكعد اتهدد بيج

غسق: اطلع من حيااتي المصخمه علمود ماتهدد
مجاوبني بس ريحني كلي وين ماخذني

مهاب: سليمانيه

غسق: شسوي اهناااك رجعني مهاب ماااروح اني رجعني والله اشتكي عليك

مهاب: خلينا نوصل بعدين اشتكي مو هسه

غسق: انطيني الجهاز اخابر خاله اطمنها

مهاب: مو هسه

غسق: خليت راسي علجامه ورفعت عيني للسما اني بحمايتك ياربي خايفه ومبين متورط بشي جبير كل شوي جهاز يدك وميجاوب ماحسيت نفسي شلون نمت كعدت على طريق وعر طسات باوعتجبال ومنضر حلوو وصلنا

مهاب: لا بعد

غسق: ليش جايبني اهنا فرك وجهه بتوتر وباوعلي بنظره بمعنى مو حجيتلج قصدي كدرنا نختفي واحنا ابغداد ماكو داعي نغير المحافظه

مهاب: نغوله حتى المكابر يفتشوها خليني أمن عليج وانه ارجع اتفاهم وياهم

غسق: سكتت صار دنيا ليل واحنه بعدنا تالي وكف ابمكان كل بييت بعيد عن الثااني بهووواي حسيت محد موجود بس احنا اشرلي نزلي
نزلت وعيني على المكان بكد ماحلو بكد مايخوف لزم ايدي سحبتها لا تلزمني

مهاب: امشي ورايه

غسق: مشيت طلع مفاتيح فتح الباب بيت صغير داير مدايره زرع دخلنا شغل الاضويه صاله صغيره ومطبخ وغرفه صغيره انت وين جايبني

مهاب: أمن مكان حالياً

غسق: ماكدر ابقى اهنا اخاف

مهاب: ليش تخافين ماكو شي تره تعبان غسق فدوه بدون كلام اريد انام السياقه شكتني شگ

غسق: مهااب رجعني اني مابقى اهنا والله

مهاب: اشتعلت روح مهاااب بتيزززاب كتلج فتره لا تبقين تلحين واذا تخافين تعاي نامي بحضني

غسق: باوعتله صفح غمزلي وراح تمدد على القنفه وخله ايده على عينه كعدت مقابيه صافنه على وضعنا
فوكاها هو مترهي وينام عادي ولاكأنو صاير شي اني هم تمددت حاضنه الكوشه من الخوف بقيت اباوع بعيوني ردت اكوم انام بلغرفه بس الخوف متملگني خاصه من شفت البيت بجول ماكو احد لهنا وغفيت كعدت على الضوه بعيني فتحت عيني بتعب متكسره من نومه القنفه كمزت. ماشفته دورت بلبيت كله ماكو خفت افتح الباب بقيت كاعده وحاكه ايدي جوه خدي اكيد عافني وراح اني ثوله شلون صدكته واجيت ويا علساس اخذ رئي جابني مثل الحيوان حتى ماسمع مني نص ساعه ودخل بايده علاليك مسواك كمزت من مكاني انتتت وين جنت شلون تعوفني وحدي بقى صافن عليه

مهاب: رحت اتسوك بيت فارغ

غسق: جان انطيتني خبر دم مبقى بيه احجي ودموعي تنزل

مهاب: اشش اهدييي شسالفه وين عايفج قابل منطاني كلبي اكعدج

غسق: راد يلزم وجهي رجعت ليوره

مهاب: حضري الريوك جوعان

غسق: معليه اني رجعنيي مجايبني اهنا علمود اسويلك ريوك ابتسم وشال العلاليك للمطبخ واسمع يطگطگ

مهاب: يلا عيني كومي تريگي

غسق: مجوعانه

مهاب: دكومين لو اجي

غسق: كمت للمطبخ مسوي جاي وبيض عيون واجبان كعدت اخذت الجاب شربت شوي

مهاب: اليوم تجي عندج تكعد عندج اخت صديقي علما ارجع

غسق: وين رايح

مهاب: راجع اكمل كم شغله

غسق: رجعني ويااك ماريد ابقى

مهاب: تبقين اهنا فتره علما اصفي امووري

غسق: بصفتك شنو وتأمرني

مهاب: غصبب عنننج غسق تسمعين الگلمه وانتي ممنونه لا طلعيني من طووووري لو عاجبج ترجعين لبغداد ويوميه تصبحين بوجه القنفذ مالج

غسق: انت الكلام ويااااك ضايع كلش اني لو اريد جان رجعتله وهسه كاعده ومنجبه ابيتي مو يوميه مشكله وسالفه اكبر من راسي صايره وياي وتتالي واختاميه اجي لهلجوول واني ممنونه وها هاي اذا مااجتي ختاميه اكبر ابتسم بعصبيه

مهاب: لا تچفصين اكثر تره ماضمنلج نفسي خليني محترمج ومحترم نفسي وكاعد

غسق: كملت اخذت الجاي وكمت للصاله دمعتي بعيني هو طلع وطبگ الباب حيل ياربي شسوي اني اهنا حتى تلفزيون ماكووو هيج يومين واتخبل
كمت للمطبخ عدلت المسواك ورجعت كعدت نفتحت الباب دخل وبايده ايباد ويحجي بلموبايل
مدلي الايباد وهو بعده يحجي عفيه جعاز ميوكع من ايده اخذته منه فتحته بي نت ومنزل سينمانا

مهاب: تحجي ويا يبتعد من اهلي لا ولخلقه طلقه وادزه لسابع سما ليهسه محترمه وساكت عنه اريد اشوفه وين يوصل بس طلعها من ماعوووونها انه كتلكم من البدايه هلشغلتين مادخل بيها وياااكم خلوني بشغلي مرتاح وانتو مرتاحين قذاراتكم الباااقيه لا دخلوني بيها

غسق: بقيت صافنه عليه شيقصد شنو شغلتين شنو قذارات شافني صافنه بوجه كام طلع دخل هو ويا بنيه شابه ابتسمتلي

مهاب: ناز وهاي غسق

ناز: اهلاً وسهلاً بيج

غسق: بيج اكثر ملامحها حلو كلش بياضها ومبين نظراتها حب لمهاب بس هو غبي اكيد ماحاس عليها

مهاب: ناز غسق بأمانتج علما ارجع وصيت باسل هم عليكم

ناز: لا تخاف بأمانتنا

غسق: بقيت منتبهه لنظراتها عليه

مهاب: وين صافنه

غسق: اريد الموبايل اخابرهم اطمنهم عليه

مهاب: طمنتهم وحجيت ويا غسان يطمن البقيه

غسق: خليني ارجع وياك ماريد ابقى اهنا والله تره اشتكي عليك رفع راسه ضحك بعلو صوته

مهاب: اي شدكولين بالله من ترحين تشتكين

غسق: تره مداشاقه

مهاب: بس تخلص هلسالفه الكشره نتزوج

غسق: ضحكتني والله اتزوج واحد مجرم عصابجي واني تزوجت نقيب وهالله هالله شوفني نجوم الضهر ادور عصابجي لا هاهي فلحت والله امي داعيه عليه بليلة القدر يمكن باوعلي بدوم مايحجي مبين ضاج من كلامي دار وجه يدخل جوه
ناز تحبك اندارلي مبتسم

مهاب: اعرف بس انه احبج الج

غسق: خوش بنيه مبينه لا تكسر گلبها

مهاب: ياا يابه شكد تلغين لو رايدها اخذها مامنتضرج تجين دكولين اخذها

غسق: اخذها وفك من ياخه

مهاب: امشي فووتي

غسق: عاجبني اكعد اهنا بقى يباوعلي ورجع كعد يمي

مهاب: ليش هيج تعاندين

غسق: لو صدك اعاند مجان شفتني كعدت اهنا

مهاب: والله احبج واحب بربكتج وكلشي بيج بس انتي ثوله ماتحسين شاسويلج ولا انه اخذ مره شارد بيه من بغداد لهنا هاي تنكتب بلتاريخ

غسق: باوعتله رافعه حاجبي على جم وحده مقشمر بهذه كلامكم؟

مهاب: انتي اول وحده بعد بكيفج اذا تردين تحسبين نفسج قشمر او لا

غسق: اي صح قشمر اذا صدگتك عفته ودخلت جوه هو على كعدته يدخن مر اليوم عادي وهاي ناز لازكه بي لو ينطيها مجال تكعد بحضنه بليل اني وياها فرشنا ونمنا بلغرفه وهو وبصاله صارت هدوء كمت على كيفي طلعت شفته يشخر رجليه نصها طالعه من القنفه شفت موبايه على راسه اخذته ورحت للمطبخ فتحته سجلت رقم غسان دك دكتين وسمعت باب المطبخ انقفل من الهبطه الموبايل وكع من ايدي

يتبع<>
للكاتبه ود الباشا

هناكَ دائمًا حقيقة لا نراها عن الآخرين، هناك قصّة أُخرى غير تلك التي تُحكى، هناك خطوات تحدث دون أن يراها أحد دون أن يشعُر بها أحد، كلّنا مررنا من هناك، كلّنا دخلنا أكثر من مرة إلى ذلك النفق الخفي الذي لا يعلم سرّه أحد ثم فاجأنا العالم أننا أصبحنا أشخاصًا آخرين .

كولو مقصره وياكم 😐