رواية شوگ و ورد الفصل التاسع والثلاثون 39 - بقلم wad. al.Basha

للكاتبه:  ود الباشا

هَلي أنة اليغفىٰ بدَموعة
هَلي أنة التَنسمع طگاتهة ضَلوعة

غسق: تقرب منه ارشد همس بذانه وهذه انگلب غوول
طلعووو بره تعاااركوووو طلعوووو كام ارشد نكت ملابسه

ارشد: راح تندمين طووول عمرج حذرتج ابتعدي منه لا طمسين ويااا بنفس الخيسه

مهاب:  ايا خيسه ابن الخيسه كووم اطلع لا اطلع روحك ومره ثانيه لا تتقرب منها ترره اطلع روحك باااايدي

ارشد:  بسيطه انه الك اذا مانفذت بيك اعدام ماتسمى

مهاب:  رووح بويه روووح ماتخوف چلب چلبي العب بعيد لا تلعب وياي لعبي ثكيل

غسق: ارشد طلع التفت شفت خاله كاعده وصافنه كلش خجلت منها شدكول عليه هسه يوميه جايين متعاركين يم باب بيتها وأمه محمد كلها تتفرج تقربت ردت احجي وياها انسحبت من ايدي

مهاب: من رخصتج يمه عندي وياها حجايتين

غسق: سحبت ايدي منه كامت خاله دخلت جوه التفت عليه مخنزره انتت ماتستحي يوميه جاي مسويها سااالفه اهنا

مهاب: شعندج واكفه بلبااااب وياااا انه شمحذرج شكايلج

غسق: شعليييك انتتت لخااطر الله ابتعد منييي والله تره اهج تقرب مني بيناتنه خطوه وحده

مهاب: اطلعج من جوه سابع ارض لا تلعبين وياي هيج لعبه وسمعي الكلمه لا تاذيني كافي المصايب الفوك راسي

غسق: لا تراقبني علمود ترتاح لا عين التشوف ولا اذن التسمع

مهاب: حاولت بس ماكدرت

غسق: اني ممجبوره اتحمل خبالاتك

مهاب:  خبالاتي؟  مو طاالع من شماعيه الخلفوج امشييي فوتي لا اطلع حرگة گلبي بيج

غسق: مااافوت روح منااا. لووو نحترك بعد ماريد اشوف خلقتك بهلمنطقه نفخ الدخان بوجهي

مهاب: فوتي هسه بعدين نتفاهم

غسق: مستفزززز عفته ودخلت طبگت الباب حيل غمضت عيني والله مالي عين اباوع بوجه خاله شدكول عليه هسه مابقت مشكله ومصيبه ماجبتها على راسها جريت نفس دخلت جوه شفتها كاعده بلمطبخ اشرتلي اكعد كدامها كعدت دنجت راسي اني اعتذر والله بس مادري بيهم بيش تردين احلفلج

ام مسره: لا تحلفين غسق بس اصفي على بر داحسج ضايعه ومدتعرفين تتصرفين انتي شنو تردين بضبط؟

غسق: والله ماريد شي غير بس ارتاح

ام مسره:  هذه شنو قصته وياج؟

غسق: هزيت جتفي مادري هو بقى لازك ماانطي وجه يلزك اكثر خبلني

ام مسر: الله يسعدج ماكدر اكول غيرها

غسق: بلعت ريگ كلش خجلانه منها ترخصت وصعدت فوك ذبيت ملابسي تمددت دگ جهازي مجاوبت مالي خلگ اصلاً انگطع واجت مسجات سحبت الموبايل مهاب يطلب مني اجااوبه
اخذتني صفنه على تركيبته العجيبه ماكو هيج شي جريت نفس رجع دك عليه جاوبته

مهاب:  باجر اخذي اجاززه لا ترحين للحضاانه

غسق: بابا لا تتأمر عليه

مهاب:  احجي عدل لا اجي افرگ حلكج

غسق: مهاب لا تتجاوز ولا تتدخل بيه عسا ما احترك بنار جهنم

مهاب: ادخل غصب عنج ومثل ماكتلج باااجر لا ترحين للصخام

غسق: اي مو هي بكيفك

مهاب: لا بكيف الخلفج

غسق: لا تتجاوووز كتلك وباجر رايحه لدوامي ودگ راسك باربع حيطان كطعته بوجه واعصابي تفووور ماكووو هيج مخلوووق صعد ضغطي الله لا ينطي مسحت وجهي استغفرت الله رجع يدك ويدز مسجات بس ماهتميت شيريد يسووي يعني حيخبلني طلعني من طوووري غلقت الموبايل وتمددت استغفر الله واسد وافتح بايدي من الاعصاب كعدت ثاني يوم متاخر جسمي متكسر كمت غسلت بسرعه غيرت ملابسي ونزلت شفت خاله تسوي ريوك صبحت عليها بستها وطلعت التلفت عبرت الشارع وصارت سياره كدامي رجعت ليوره متفاجئه نزل منها واحد لابس اسود باسود وجه مابي اي رحمه

من طرف مهاب صعدي

غسق: وشعندي اصعد روح كله ماتجيي

من تشوفي كليله صعدي هسه ولا تخليني اسحلج

غسق: ناااقصتك اني روح من وجهي حجيتها وتقدم عليه خطوه رجعت ليوره وطكيتها ركضه وهو يركض ورايه اجه واحد راد يساعدني بس صاح بيه اختي ماتدخل والبقيه يتفرجون عووووف شدتسووي يسحب بايد طلعت موبايلي بايد الثانيه فتحته ودست اتصال على رقم مهاب بسرعه رد

مهاب:  شعجب داگه عليه

غسق: مهااب وخر جلابك منييي

مهاب: ياا جلاب لـــج ويين انتي

غسق: ردت احجي وسحب الجهاز مني وشمرني بسياره
گلبي احسه يريد يطلع من مكانه
ركب بكل برود ولا عبالك خاطفله بشر منووو انت شترررريد مني

اريد اشوف غلاتج عنده

غسق: عند منو شدتحجييي انت
مجاوبني داحاجيييك شتردون مني

صوتج راسي صاير طبل بس والله قطعه يعرف يختار الگ.....

غسق: نظراته مقززه كلامه خوفني سكتت بعد ماحجيت بس دموعي هي التحجي بقيت ادعي يخلصني منهم بسلامه والله ماتحمل اذيه بعد
وصلنا لمكان نفس الخطفوني بي اول مره بس هذه اكبر بهوواي وبي اشجار وزرع هواي مشى شويه وطلعو جوگه زلم كل واحد بكد الغول  اهنا اني قريت الفاتحه على نفسي
نزل اجه فتح الباب راد يسحبني اني انزل لا تجيسني

شريفه دخيل جدج

غسق: مجاوبته بقيت امشي وراء مبين ميريد ياذيني غايته ويا مهاب فتح باب كرفان

دخلي وصوتج ماريد اسمعه

غسق: لييش جايبيني اهنا شتردون منو انتو

كتتلج نريد نعرف غلاتج

غسق: حجاها وسد الباب كعدت كرفصت على نفسي والخوف ماگلني كلي لا طلعييين اني غبييه ليش طلعتتت قابل شمدريني لو كايلي هيج وهيج لو مفهمني بقيت احجي ويا نفسي ودموعي تجري رفعت راسي ياررب ريحني تعبت اني تعبت اختبارك صعب
مدري شكد مر الووكت سمعت هوسه بره كمت خليت اذني على الباب سمعت صوت رجع الدم بوجهي دكيت الباب قووي مهااااب اني اهناااا طلعني حباااب طلعنييي
مادري يسمعوني لو لا بس صرخت وضربت الباب بكل حيلي سمعت صوت يصيح بيهم

مهاب:  كتلكممم طلعوووها ومحمد احركم

تكمل شغلك ونطلعها غير هلحجي ماعندي

مهاب:  انطيييتك حجاااايه وتعرف حجايتي ماتتثنه انطونياها وباااجر اكمل الطرگاعه والعبااااس اذا شعرايه واكعه من راسها ادميكم اخلللي طشااااركم ماله واليييي هاااي عاااارات تهددوني بمررره رجااال مابيكم واجه واجهني

انت الجبرتنا من تعوف شغلك علنص ودكول ماكمله شتريدنا نسوووي نخلي ايدنا على خدنا وننتضر شوكت ننكتل لو نخسر تعب عمرنا
المهم اخذت منك حجايه وانه لو ماعرف حجايتك وحده خطوه ماخليك تفوت اهنا

مهاب:  انطيني المفتاااح

غسق: رجعت ليوره واني اسمع طكطك المفاتيح بلعت ريك انتهيت من الخوف انفتحت الباب وكف وبقى يباوع عليه مركز اجه لزم وجهي بثنين ايده

مهاب:  انتي بخير

غسق: مسح دموعي طلعني منا

مهاب: اششش اهدي لا يوكف گلبج ماكو شي امشيي

غسق: طلعنا ماكو احد مو مثل ما اجيت الصبح بس واحد واكف يم الباب نفسه الجابني بسياره دك على جتف مهاب

باجر منتضرك

غسق: مجاوبه ركبنا السياره عيونه ناطه وجه من العصبيه صاير اسود

مهاب:  البارحه انه شكتلج

غسق: لاا تحجي حررررف انت لا تحجييي كلشي يصيررر بيه بسببببك اننتت كتلي لا طلعين بس ماكتلي راح يخطفوني عبالي مثل خبالاتك كل مره لأن شفت ارشد يمنا ضربني على حلگي بجف ايده بقيت صافنه بوجه لزم  بريك قوي الشهگه بصدري

مهاب:  لا تعلييين صوووتج بوجهي لا الساااانج اگصه
انه حذرررتج الف مرره وكتلج لا طلعيين ومن الفجر انه واكف بااب بيتكم والصبح تاخرتي اطمئنيت كلت هاهي ماتروح سمعت الكلام وطريت ارجع عندي شغل

غسق: مااامجبور توكف كدام بابي ابتعد عني وبعد شرگ مني باوعلي بطرف عين ورجع حرگ السياره

مهاب:  ائذوج احجيييي

غسق: جماعتك؟  نفس الخلقه ماكو بوجهكم رحمه

مهاب:  كافي تره تعبان ومحمد

غسق: تعبتتتتني وياااك

مهاب:  ادددعي الله ياخذني وترتاحين مررراح تخلصييين مني الا بهلطريقه

غسق: درت وجهي علجامه وبقت دموعي تنزل لو ماذيني لو مسويلي شي لو اصلاً مهاب ماهتم الي ولا اجه شجان موقفي جريت نفس شكرت ربي

مهاب:  اخذج للبيت ترتاحين

غسق: اخذني يم مسره

مهاب:  بنفس بيتت الگو....

غسق: اي ولا تغلط على الناس باوعلي بخزره

مهاب: رجليييج اكسرها تعتبين باب بيته لاااا طلعيننييييي من طوووري

غسق: اريد اشوفها

مهاب: اخذج للبيت خابريها تجيج

غسق: ماروح خاله تشوفني بهيج حاله هسه تخترع
بقى يباوعلي مركز وكف السياره على صفحه

مهاب: ليش ترجفين شبيج

غسق: خايفه

مهاب: تخافين وانه بضهرج؟

غسق: ماششفتهم شلوونهم يخووفون مهاب يخوفون وجهم معدوم من الرحمه يعني لو جنت متاخر عليه الله العالم شجان صار بحالي

مهاب: اذووج؟

غسق: لا

مهاب:  حجو عليج غلطو؟  احجيي والعباس اگلب عاليهم على واطيهم

غسق: كالو نريد نشوف غلاتج عنده

مهاب:  يولون معليج بيهم وانه الهم يلعبون وياي مايدرون العب ويا عشره مثلهم الساقطيين

غسق: منو ذولي وشيردون منك بهت بوجهي

مهاب:  سالفه طويله تولي تجين لبيتنا لو نروح لمطعم علما تهدين

غسق: ماروح لبيتكم

مهاب: ناكل اوادم ومادري

غسق: ماكلت هيج اني بس استحي بصفتي شنو ادخل بيتكم

مهاب:  زوجتي المستقبليه والج الفخر

غسق: باوعتله بطرف عيني واثق حضرتك مجاوبني وصلنا لمطعم نزل يتلفت واشرلي انزل
مشينا للمطعم وهو طلع جهازه يخابر

مهاب: لك سافل توخر جلابك من ورااايه لا كل واحد اخسر بي طلقه

غسق: بهتت فوك خرعتي كعدنا باوعلي

مهاب:  شبيج

غسق: عصابه انتوو؟ 

مهاب: لا هاهي صباح الخير بويه مضروبه  براسج ومادري

غسق: احجييي الصدك

مهاب: ماكو صدك بلدنيا بس انتي عوفج مني
شتاكلين

غسق: عفته وكمت للحمامات غسلت وجهي وايدي ترجف عيوني مورمه والكحل نازل بقيت اغسل واخذت كلينكس مسحته شلون مجان طلعت واكفلي اباب الحمام

مهاب: شون صرتي لا تخوفيني عليج

غسق: مابيه شي

مهاب: غسق انسي الصار

غسق: هزيت راسي نزل الاكل طالب مشاوي بقيت انكش ويا وهو ياكل مثل الفجعان خلصنا يشرب جاي ويباوعلي

مهاب: زينه؟ 

غسق: انت مو تحبني

مهاب: عندج شگ؟

غسق: لا تخليني بهيج موقف مره ثانيه ابتعد مني الله يخليك اني مو حمل مشاكل وهيج سوالف والله البيه كافي عليه البارحه بسببك الليل كله منايمه اخاف خاله تضوج من المشاكل اليوميه تصير اباب بيتها وتطردني وين اروح بساعتها منو يتحملني خالي يجدي بيه ويبيعني وعمي اصلاً مايريدني

مهاب: انه اريدج اخليج بضلوعي

غسق: اني ماريدك مرتاحه بحياتي خليك بعيد مني اذا انت صدك تحب يلعب بستگان الجاي ويباوع عليه

مهاب: حاولت بس ماكدر انه حبيتج صدك مو حب نزوه ولا حب رغبه او  يوم وليله

غسق: دنجت راسي غمضت عيني بقوه ابتعد عني

مهاب: صار مثل ماتردين

غسق: باوعتله اوعدني

مهاب:  وعد عاشگ النار تاكل بكلبه
ماتشوفيني ولا تسمعين صوتي بعد

غسق: حجه وطگ الاستكان بايده
طفرت من بمكاني شفت ايده دم هاااي شسويييت
كام اهذ السويج وجهازه بايده الثانيه

مهاب: كومي اوصلج للبيت

غسق: ايدك دم اجه الويتر باوع عليه اشر مهاب بمعنى ماكو شي راح حاسب ورجع وبايده كلينكس واني بعدني صافنه عليه اشرلي يلا طلعنا ركبنا السياره
مهاب ايدك احتمال بيها كزاز مجاوبني سحبتها وخرت الكلينكس لازك ويا الدم بلعت ريگ انزل اغسلك الجرح ونروح للمستشفى بيها كزاز متاكده

مهاب: وليش مهتمه؟ 

غسق: شلووون ماهتم واني بشر كدامي متاذي وايده مجروحه

مهاب: مابيها شي. لو بيها احس

غسق:  اخذت موبايله بقى يباوع عليه فتحت الفلاش وخليته على ايده وبقيت اضغط عليه شفته يتألم بيها والله بيها روح للمستشفى

مهاب: كتلج ماكو داعي

غسق:  ماروووح لمكان اذا ماتروح تعالج ايدك جر حسره دك جهازه جاوب

مهاب: هلا يابه لا قريب خير ان شالله ساعه زمان وانه يمك رايح لبيتنا تجين لو تنزلين؟

غسق: روح لمستشفى اول

مهاب: لحيتي

غسق: شنوو لحيتت شووف ايدك ماحجه حرگ السياره خفت ياخذني لبيتهم اني ماروح لبيتكم مجاوبني وكف يم مضمد نزل نزلت وراء شافه كال بيها كزاز طلعه اله وعقمه ولفها بلفاف مبين توجعه طلعنا ركبنا السياره التفتلي

مهاب: ارتاحيتي

غسق: هزيت راسي اي ابتسم وشغل السياره

مهاب: تحبيني ومحمد بس تتبربكين عليه

غسق: درت وجهي للجامه مجاوبته وكف يم باب بيت خاله

مهاب: متاكده بعد ماتردين تشوفيني

غسق: هزيت راسي اي

مهاب: صايرين انتبهي لنفسج وشوكت مااحتاجيتيني انه موجود روحي الج

غسق: بلعت ريگي حسيت بروحي حقيره الله وياك هز راسه نزلت دكيت الباب فتحتلي خاله سلمت عليها ودخلت گبل لغرفتي فتحت موبايلي همزين جايبه منهم تذكرت وجه ونظراته فتحت الموبايل رنا متصله بيه اتصلت بيها ردت بسرعه

رنا:  وينج غسق ضل بالي عليج

غسق: كلش اسفه رنا مكدرت اجي

رنا:  لا تتأسفين ادري بيج لو مامضطره ماتغيبين

غسق: اي والله بقينا نسولف ختمتها وياها بدلت وكلت انزل خاله وحدها خطيه سمعتها تحجي ويا مسره وحاطته على المايك

ام مسره:  ولج يمه خايفه عليها ارشد حاد اسنانه عليها ومتحلفلها ومنا هذه مدري منين طلع وهي بطرگ روحها

مسره:  لا اخافين عليه يمه هي تعرف تتصرف مشتاقتلكم والله بلكت باجر غسان يجيبني

ام مسره:  اي والله تعاي واحجي وياها هي احسها تستحي تحجيلي شي وبلكت تقنعيها ترجع لارشد على الاقل رجال فوك راسها والمثل يكول الجلب النعرفه احسن من الجلب المانعرفه

مسره:  والله يمه عليج سوالف ههههههه سويتيهم جلاب

غسق: دخلت ولني مبتسمه بست خاله ولج بذاته مشتاقتلج

مسره:  انه اكثر والله يمكن باجر امرلكم

غسق: هلا بيج بقينا نسولف ونضحك مرت الايام مرتاحه مهاب ابتعد مني. وحتى مخابره بعد ما خابر وهذه الصح والاريده بس طلعلي ارشد الحنين صفح بين يوم ويوم داز امه تحجي وياي بحيث حتى على خاله اثرت وكامت تحجي وياي ارجعله وبكل مره اتشرد منها اليوم طلعت من الحضانه شفته واكف وايده بجيوبه وبعده بملابس الدوام شافني ابتسم وتقرب مني

ارشد:  شلونج

غسق: شتريد جااي

ارشد:  طلعتي حاقده ماتوقعتج بهلحقد

غسق: توقع مني كلشي شرايد كتلك

ارشد:  موو كافي دزيت عليه أمه محمد كلها وانتي قافله رجعي لبيتج وانسي الصار

غسق: ضحكتني والله نجوم السما اقربلك وابتعد من دربي ولا تخليني اشوف خلقتك مره ثانيه
عفته ومشيت سريع عباله بهلسهوله ركبت تكسي رجعت للبيت شفت امه عدنا استغرت الله ودخلت سلمت عليها

ام ارشد:  مافكرتي يا امي

غسق: خاله مارجع اني وهذه كلامي مستحيل يتغير على الشفته من ارشد نقطه سوده ومسحتها من حياتي وكليله لا يلحگني عيب عليه تجيني حجايه بسببه

ام ارشد:  والله يريدج يا يمه ومتلووع

غسق: اني مااريده اترخص اغير ملابسي عفتهم وصعدت من كل عقلهم يحجون ذولي دگ جهازي مسره
جاوبتها بتعب

مسره: شبيج صوتج معاجبني

غسق: ماكو تعب الشغل

مسره:  شبي هذه اجه شايط ويردم بلحيطان

غسق: اجه لحضانه يحجي بكل برود نرجع عباله راح ارتمي بحضنه

مسره:  مايجوز منج

غسق:  تذكررني من ابني مااات وخله لچمه بگلبي والله لو يموت هم مايرفلي جفن الحقيررر عباله بهلسهووله

مسره: ماعرف شكلج بس زين تسوين لا تنطي مجال يولي

غسق: امه جوه

مسره:  كالت ماما

غسق: سوته ملاك نازل من السما

مسره: طنشي لا تقهرين نفسج
نطلع اليوم نفتر شوي

غسق: بس اني وياج

مسره:  اييي نروح لمنصور نشوف االصاگين

غسق: لا يسمعج غسان يصگلج ضلوعج

مسره:  هيج اني مره حوگ احجي كدامه يشلخني نصين

غسق: ولي يلا دانام شويه عود كعدين من تردين اطلعين علمود احضر نفسي

مسره : اي خوش يلا باي

غسق: الله وياج كطعته منها وشمرت نفسي علسرير بعد حتى مانزلت لأن مليت امه اكثر وحده تعرف اني شعانيت ويا ابنها وهسه جايه تبرررله افعاله الخره
غفيت بعد محسيت الا على دگته جهازي فتحته واني مغمضه

مسره: يلاا كومي جهزي نفسج بطريق انه

غسق: كطعته بوجه بدون ما اجاوبها كمت غسسلت وبدلت نزلت كعدت يم خاله والنومه بعدها بعيني

ام مسره: يمه عيب السويتي مره كاعده وجايه عليج كدامها تصعدين وبعد ماتنزلين

غسق: باوعت عليها خاله اعرف اذا اكعد راح تعددلي زينيات ابنها واني راسي مسطور من الجهال

ام مسره: والله يا يمه رجعي وانطي فرصه اخيره

غسق: خاله اذا مضايقتج بكعدتي اهنا احجي فدوه

ام مسره: جبح لهلوجه اكللها رجعي لرجلج دكلي مضايقتني بكعدتها انه لمصلحتج احجي وهيج تفكير لا تفكرين انتي ماليه عليه البيت وحشته

غسق: بست راسها وحضنتها لعد فدووه طاري ارشد لا تجيبي يمي اتنرفر والله اندكت الباب هاي اكيد مسره رحت فتحتها سلمت عليها باوعت بلشارع شفت عمو ابو غسان سلمت عليه ودخلنا وين رجلج لعد

مسره: عنده شغل ماكدر يجي شو افتري

غسق: لابسه فستان يصير طوله تسعين كلوش وفوكا بليره

مسره: هذه عجبني تصدريليا

غسق: ويعا هاي اول لبسه خليني اتهنى بي وبعدين اخذي

مسره: اي من نرجع گبل تنزعي وتنطينيا

غسق: تعاي اخذي هسه وفضيني
ضحكت ودخلت سلمت على خاله طلعنا لراس الشارع
اخذنا تكسي اكلج وين نروح

مسره: شوفي عاجبني اول اروح افتر على محلات الملابس بعدين نكعد بفد مطعم هيج مچكنم على حسابج طبعاً

غسق: مو تدللين رحنا فترينا علما رجلنا انتهت دخلنا لمطعم راقي همستلها اكلج نطلع منا راح انقط مبين بطل الماي مالتهم بالفين نروح ناكل لفتين فلافل بدال مانشتري بطل ماي منهم

مسره: شوو كعدي وسكتي توكلني فلافل بربج غير اسويها مناحه على راسج

غسق: بسيطه مسره اني الج
اجهزالويتر طلبنا رحت غسلت عدلت حجابي علما يجي الاكل دامشي للمكاني لمحت مهاب بلعت ريگ هو والله بقيت اباوع عليه كاعد ويا بنيه وثنين شباب يدخن ويضرب بطرف اصابيعه على الطبله رفع راسه شافني طبگ حواجبه بتركيز رجعت بسرعه كعدت بمكاني

مسره: شبيج بعدج مدافعه ولونج انخطف

غسق: لا مابيه بس ردت اوكع

مسره: شجاج انتبهي

غسق: مانزل الاكل

مسره: لا بعد

غسق: التفت شفته بعده يباوع والبنيه البصفه باقيه بس تكعد بحضنه اختنكت اريد بس اطلع

مسره: غسق شبيج صار ساعه احجي وياج

غسق: ماكو شي شحجيتي مانتبهت

مسره: ارشد مناويه تكعدين ويا وتتفاهمون

غسق: لا على شنو تفاهم الف مره كتله ماريدك وهو لازك عباله اوكع بشباگه مره ثانيه يدك بيه دگته الناقصه

مسره: ممكن يكون تغير

غسق: لو يطوف الكعبه الف مره هم ماريده حبابه كطعي سيرته ماريد اسمع طاريه

مسره: صار

غسق: نزل الاكل الفت باوعت عليه ملتهي يحجي ويا الرجال المقابيله ومندمج التفت عليه بسرعه درت وجهي وكعدت اكل

مسره: هم اكل طيب وهم ابلاش اويلي يمووع بلحلگ

غسق: بلعافيه اعيش وتاكلين بخيري اكثر

مسره: بعدها اللگمه منازله لمعدتي وعيرتيني

غسق: اكلي وانجبي يلا خلصنا كمت غسلت وعدلت وجهي طلعت من الحماماات شفته متجي على الحايط وبايده جكاره قلص عيونه وتقرب مني

مهاب: شدعوه حتى سلام ماكو؟

غسق: شفتك ويا جماعتك استحيت اسلم
باوعليرمن فوك ليجوه

مهاب: شونج

غسق: بخير الحمدالله

مهاب: لا مبين كلش مورده

غسق: انت شلونك فتح ثنين ايده

مهاب: شتشوفين

غسق: بخير ضحك ورجع باوعلي بخزره عيونه تخوف من يخزر

مهاب: من ترجعين للبيت هذه الابسته تذبي بزباله اذا لمحتج لابسه اشكه عليج

غسق: شنو حجيتها بصدمه

مهاب: مثل ما سمعتي

غسق: وخر دافوت ابتعد مشيت خطوه وهمس

مهاب:  مشتاقلج

غسق: مجاوبته عفته ورجعت مسره منرله حلو وجاي كعدت وبالي مو يمها وهي تاكل

مسره: اكول ماكو داعي لصفناتج انه ادفع الحساب بس عدلي جهرتج

غسق: انطمي لو ماريد ادفع من البدايه مادخل لهنا

مسره: لعد شبييج

غسق: ماكو شي كملي يلا نرجع

مسره: غسان كال اجي عليكم

غسق: احنه نرجع ماكو داعي ننتضره

مسره: ماقبل ميتاخر هسه تلكي فوك راسنا ويحرمنا من شوفه الصاكين

غسق: ابتسمت اكلج شو ما اجه الحساب اخاف لازم اني اكوم ادفع هزت جتفها بمعنى ماعرف اخذت جنطتي وكمت عفواً الحساب رقم 36

حسابكم مدفوع

غسق:  شلون مدفوعراني مادفعت

اندفعت من ذيج الطاوله

غسق: التفت ضايجه من تصرفه حسيته يتصدق عليه
وكفت يمهم سلمت اكدر احجي وياك حجت البنيه اليمه

حبيبي منو هاي

غسق: مجاوبها ترخص من الرجال واجه وياي طلعنا بره المطعم كل هذه واشوف مسره تاكل وفاتحه الحلگ متفاجئه منو سمحلك تدفع حسابنا

مهاب: رجعي للبيت لا رجليج المطلعتها للناس اكصهن الج

غسق: لا تغير موضوعي وياك الحساب منو سمحلك ادفعه

مهاب: انه سمحت لنفسي

غسق: الكلام وياك عقيم عفته ومشيت مسره واكفه اباب المطعم نروح

مسره:  ننتضر غسان

غسق: امشي نمشي ليغاد اختنكت

مسره: منو هذه

غسق: مهاب

مسره: متغير شيريد وليش رحتيله معصبه هيج

غسق: دافع حسابنا

مسره: وليش ضايجه بعد احسن

غسق: مسره امشي كدامي لا اطلع حرگتي بيج
سمعت صوته ورايه يصيح اوكفي وكفت بس مالتفت صار مقابيلي

مهاب: وييين موليه بهذه منضرج

غسق: لجهنم معليك انت

مهاب: لا تخليني افرگ حلگج بنص الشارع مشييي كدامي اوصلج للبيت

غسق: بدت رحمه الله

مسره: خويه ماكو داعي زوجي بطريق هسه يجي

مهاب: امشي كدامي امشييي كعدي علما يجي

غسق: حجاها ومشى كدامنا كرصتني مسره وجعع شبيج التفت علينا ورجع يمشي

مسره: غرگان على الاخير

غسق: والله محد غرگان بلوحل غيري
وصلنا للمطعم وشفنا سياره غسان ركبت بسرعه بدون مااحجي التفتلي

غسان: هذه شيسوي اهنا

غسق: شدراني صدفه شفته اهنا ماحجه هز راسه وصلوني للبيت وهم راحو مبين عصب من شافه
لكيت خاله كاعده اشتريتلها ثوب حلو انطيتهيا تشكرتني عفتها وصعدت دايخه باوعت علفستان حلو كلش بس شوي بي گصر نزعته وشمرته كرهني بي مرت الايام وهاي شهر على روحه المطعم اخر مره شفته خاله ام ارشد كامت تجي من اني مموجود وتروح قبل لا ارجع للبيت تقنع خاله تقنعني
اليوم رجعت من الدوام شفت سياره ابباب بيتنه كاعد بيها واحد محتاج شي

المدام بهذه البيت منتضرها

غسق: اشر على بيتنا عفته ودكيت الباب فتحتها خاله همست منو عدنا

ام مسره:  دخلي سلمي وراح تعرفين

يتبع<>
للكاتبه ود الباشا

عيش واحد يهوى روحه
وما يهمه انسان ثاني
عيش فوك الغيم كلش
الكا روحك
ولاتضل غيرك تتاني