رواية شوگ و ورد الفصل الخمسون 50 - بقلم wad. al.Basha

للكاتبه: ود الباشا

‏”وأرجو أن لا تُجرب فداحة الشعور في أن يعتزل المرء مُجبرًا ما يحبه، كي لا يؤذيه“

غسق: بقيت بمكاني والخوف اكلني واني اسمع صوت صياح زلم اتبسمرت بمكاني من شفت عمامي وغسان يحجي وياهم بحركه گلب

رجعت ليوره بقيت واكفه بلرگن منتضرتهم يرحون ركبو سياراتهم وراحو ركي نشف واني ادعي ميشوفوني اختفت سيارتهم مشيت خجلت من نفسي سببتلهم مشكله وهم لا الها ولا عليها دكيت الباب فتحها غسان عصبي صاير نار
دخلت هو مشى كعد بلصاله بقيت واكفه اباوع على الوجوه شصاير

غسان: اجووي عمامج سامعين بيج اطلگتي

غسق: سوو مشكله

غسان: يردوج

غسق: بلعت ريكي وبقيت اباوع عليه منتضرته يكمل كلامه

غسان: كتلهم مو يمي يس هم اكيد راح يراقبون البيت

غسق: كعدت مهدود حيلي عيوني دمعت شسوي هسه وين اروح

مسره: لا تهتميلهم يوولون والله نشتكي عليهم
يردون ياذوج وانتي مو صغيره هيج يسون ويااج

غسان: هو نكدر نشتكي عليهم بلعنف بس راح ندخل سين وجيم وسالفه لا الها اول ولا اخر

غسق: يعني ارجع عدهم؟

غسان: لا مو هذه قصديي بس انتي اول وتالي لازم تتواجهين وياهمزاكيد ملازم تبقين ضاامه نفسج منهم

غسق: ياذوني ماعدهم مانع ماتعرفهم انت

غسان: بذااك الوكت اتشتكي عليهم

غسق: لزمت راسي حايره بزماني لليل واني عيوني ماوكفت من البجي ومسره كاعده يمي تصبر بيه
غفيت من التعب ثاني يوم الصبح كمت حضرت نفسي اروح للدوام
نزلت خاله كاعده تحضر الريوك بستها وصبحت عليها

ام مسره: وين رايحه

غسق: للدوام خاله

ام مسره: لا طلعين يا بنتي متشوفيهم يدددورون المشاكل دواره

غسق: خاله خوما ابقئ خاتله منهم مادام ممسويه شي غلط مايكدرن يسون شي طمنتها وطلعت اتمشئ حسيت سياره تمشي ورايه دكات كلبي صارت الف كمت اكشي سررريع اريد اوصل للشارع التفت بخوف شفت سياره مهاب بلعت ريكي وكفت بمكاني هو هم وكف ونزل الجامه لحييته عاليه شعره مخربط

مهاب: صعدي احجي وياج

غسق: شتريد مهاب جر حسره وحك حاجبه بصبعه

مهاب: احجي ويااج

غسق: بخصوص

مهاب: صعدي هسه منا العالم

غسق: صعدت ماريد اتاخر علئ الدوام احجي شعندك
حرك السياره وهو ساكت

مهاب: حليت سالفتج ويا عمامج

غسق: وانت شمدريك بعمامي منو كلك

مهاب: مو مهم منو كلي المهم بعد ميتعرضولج ويسببولج مشكله والصراحه انه مامرتاح بكعدتج بيت غسان يبقي رجال غريب وناس غربه

غسق: دقيقه وحده وحده خليني افتهم عمامي شلون قنعتهم؟ يعني بشنووو سكتتهم ممكن تفهمني

مهاب: كتلج مو مهم

غسق: لاا دكلي مو مهم مهم ونص بنسبه الي
باوعلي

مهاب: حجيت وياهم وهم اقتنعو

غسق: سكتت

مهاب: شونج مرتاحه؟

غسق: باوعتله بحزن مامقسووملي اشوف الراحه

مهاب: تشوفيها ان شالله تشوفيهااا صبررري وطولي خلك مابقئ شي

غسق: شنو مابقي شي شتريد تسوي لا تخوفني

مهاب: اسوي الصح الجان لازم من زمان اسوووي

غسق: شنوو هو؟

مهاب: يجي وكته وتعرفين

غسق: ابتعد مني رجاءً اني مداتحمل حجااايه صغيره مو ادور مشاكل اريد اعيش بسلام وبعدين احنه هسه حتى هاي كعدتنه حررام شوف حياتك وخليني بحياتي

مهاب: سهله كلشي بوكته حلو

غسق: كلامه خوفني والمشكله مدافهم على شنو ناوي وصلنا للحضانه نزلت وهو همس ووجه على الشارع

مهاب: انتبهي على نفسج يا بعد ضلوعي وروحي

غسق: سديت الباب ودخلت بالي مو يمي افكر بكلامه اريد افهم شيقصد التهيت ويا الاطفال علما خلص الدوام ورجعت للبيت اجه غسان من الشغل صاحني
لبست حجابي ونزلت كعدت كدامه

غسان: خابرني عمج علاء اعتذر مني وكال هي براحتها وين ماتبقى خليها تبقى واحنا بعد مانضغط عليها

غسق: متاكد اخاف سببلك مشكله

غسان: لا حجيتلج بلحرف الواحد الصراحه انه هم اتعجبت

مسره: الحمدالله خلصتي من شرهم والله كله افكر بيج

غسق: ابتسمتلها وبالي يم كلام مهاب شمسويلهم وشكايللهم حتى هيج يحجون

غسان: المهم بعد لا تخافين من شي ولا تفكرين بشي بنص اهلج انتي

غسق: مادري شلون اشكركم واجازيكم داتعبكم وياي هواي

غسان: لا دكولين هيج

غسق: ترخص وراح لغرفته كعدت يمي مسره

مسره: شو صفناتج كثرانه

غسق: مادري عمامي ماعتقد يجوزون بسهوله

مسره: اذا جانو مصررين على كلامهم جان اجو واخذوج بس هم صدك ابتعدو منج الضاهر حسو على نفسهم هواي اذووج

غسق: الله يهديهم مسره هم راحت بقيت كاعده وحدي شوي ونفتحت الباب دخلت خاله كمت بست راسها وكعدت كعدت يمي

ام مسره: شبيج امي

غسق: ماكو بس عمامي مخابرين غسان كايلين بعد مالهم شغل بيه

ام مسره: الله ينطيج على كد نيتج ويبعدهم من دربج

غسق: اميين خاله الله يسمع منج ترخصت وراحت اني هم صعدت وباالي كله يم مهاب وكلامه
مرت الايام وهاي اسبوع على اخر مره شفت مهاب
اليوم دارجع من الدوام صارت كبالي سياره نزل منها ارشد لفيت مشيت بجهه الثانيه صاح بصوت حسيت العالم كلها تباوع عليه

ارشد: غسسق اوكفيي

غسق: كزيت على اسناني شترريد

ارشد: لازم نحجي

غسق: مااعندي حجي وياااك

ارشد: تجييين غصب عنج نحجيي

غسق: تجهلته و مشيت خطوه

ارشد: اذا ماتجين تره أخذج غصب نص ساعه بس

غسق: احجي التريده اهنا ما اصعد وياك

ارشد: مانطول صعدديد

غسق: كتلك ماصعد لا تلح اذا ماعندك شي اترخص عفته ومشيت

ارشد: انتضري

غسق: تقرب رجعت ليوره واباوع يمنى ويسره ارتبكت خفت يطلع عليه حجي

ارشد: عرفتي بي هو شنو نفصلتي

غسق: مااعتقد يخصك هلشي عفته ومشيت النذذل جاي يتشمتت

ارشد: انتتتضررري لا تخليني افتررر وراااج

غسق: لا تصيييح شتريد

ارشد: خليني اسفرج طلعيي منا حتئ لو للشمال هذه الكو... مناوي على خير تره وانتي اول وحده يهددو بيها

غسق: واني شكو بمهاب انفصلنه وبعدين شناوي ييسوي هو

ارشد: مو وكتها بعدين احجيلج هسه فكريي بيها اطللعج منا

غسق: مااااطلع منا اني واليصير خلي يصير وانت بعد لا توكف بطريقي ولا اررريد اشوفك

ارشد: تندمين غسق كاعده وتلعبين بلنااار فكرري ورجعيلي خبرر

غسق: بلعت ريگ كلامه خوفني حيل
دار وجه وراح بقيت واكفه بمكاني صافنه بكلامه فزيت من صوت الهورن نزل الجامه

ارشد: اوصلج

غسق: هزيت راسي بمعنى لا هو ماحجه شي راح رحت علشارع ركبت تكسي ورجعت للبيت واني بعدني افكر بكلامهم واريد اربط شي بشي بس دخت ومافتهمت
زين هو ارشد منين نازله عليه الحنيه ويريد يساعدني متاكده اكو شي وراء ماحجيت ااحد ماريد اقلقهم كاافي اني غرگانه بلخوف والقلق وطيحان الحظ استغفرت ربي ونزلت كعدت يمهم

مسره: غسق اليوم حنه صديقتي العصر حضري نفسج نروح سوه

غسق: روحي انتي اني مابيه حيل والله

مسره: حبابه لا تسويها قصه غسان ميجي وماما متجي استحي اروح وحدي

غسق: ميخالف لعد اروح انام فد ساعه واكعد
ترخصت ورحت نمت ماكعدت الا على صوت مسره جايبتلي فستان وجايه كعدت صافنه بوجهه النومه بعيني

مسره: كومي هم يلا نلحك

غسق: اي هسه

مسره: صاير وياج شي احسج ضايجه

غسق: لا بس لأن كاعده من النوم

مسره: متاكده

غسق: اي كمت غسلت واجيت رفعت شعري وكعدت هي تمكيجني

مسره: لا تتحرگين

غسق: وانتي لا تكثرين حبابه ماحب

مسره: اي ميخالف

غسق: كعدت تجيب وتلطخ بوجهي حسيتها سوتني قرقوز

مسره: بالله باوعيلي

غسق: وخرتها وباوعت على المرايه صح مو خفيف مثل ماردته بس كلش حلووو مسويته بارزه ملامحي بطريقه تجنن عاشت ايدج تعبتج

مسره: ولوو واجبي اطلع هلجمال هذه اني اروح حير بروحي بدلي انتي

غسق: طلعت باوعت الفستان طويل بردت طويل بيجي واسود ولبست حجابي بطريقه حلوه ولبست كعب باوعت اخر نظره على نفسي اخذت الجنطه ونزلت

ام مسره: والله انتن ماتكعدن راحه هسه تنضربن عين وتعاي يبدريه حيري بيهن وحدتهن جنها جبار ابو الشربت بلببت بس ناقصها شوااارب ومن يطلعن يحير شيسووون

غسق: ضحكت على كلامها خاله يعني محلو

ام مسره: ولج يمه طالعه تخبلين صلوات الله يحرسج ويحميج

غسق: ويحفظج النه خاله نزلت مسره تنگط جمال
وكفت يمي ترمش بعينها

مسره: شلووني

غسق: تخبلين

ام مسره: يشوفج رجلج يعلكج من شعفاااتج بلبنگه

مسره: يمه البس عبايه ماطلع هيج

ام مسره: هي الناقصه ماتلبسين لا تتاخرن انتبهن لنفسجن

غسق: طلعنا اخذنا تكسي للبيتهم وصلنا شفت باب بيتهم خبصه اكول هواي ازدحام لو نرجع

مسره : دنزلي خلينا نتونس شوي

غسق: نزلنا دخلنا جوه هم خبصه وهوسه نباوع بلوجوه منعرف احد  اجت مره سلمت على مسره كمت سلمت عليها العرفته تصير ام العروسه شويه ودخلت العروسه كلش حلوه الله يسعده مسره حارت شتسووي مره تركص ومره تكعد يم العروس طكينا شكم صوره ورجعنا بطريق الرجعه وكفت سياره كدامنا نزل مهاب فتح الباب اليمي

مهاب: نززلي

غسق: شترريد ليش واكف بطريقنا

مهاب: كتتتلج نزلي يلااا

مسره: وين تنزل خويه خلينا نرجع للبيت

مهاب. رجعي خويه بس عندي سالفه وياها اخلصها وانه بايدي ارجعها

غسق: مااااجي ويااك لمكان تره حتى وكفتنا سوه حررام خلينا نرجع ولا توكف بدربي مره ثانيه

مهاب: نززلي لا تخليني اطيح حظج بنص الشارع

غسق: لزمتني مسره من ايدي وهمستلي

مسره:  متخبل هذه شبي

غسق: هزيت جتفي بمعنى ماعرف

مسره:  لا ترحين ويا اخاف ياذيج

غسق: متشوفي واكف جنه عزرائيل على راسي اروح ويا بس لا دكولين الاحد اني ويا كليلهم راحت يم رنا
هزت راسها ونزلت ركبت سيارته هو هم اجه صعد  ساق سريع بدت رحمة الله على كيفك ويين طااااير
خفف السرعه بدون مايحجي الخوف اكل كلبي ليش انحط بهيج مواقف بايخه دائماً

مهاب:  احد تعرضلج؟

غسق: يحجي ومبين لعصابه تلفانه
مفتهمت؟

مهاب: احد من عمامج او غيرهم تعرضلج؟

غسق: بلعت ريگي لا ليش ماحجه شي هز راسه وبقى ساكت صايرر شي

مهاب: لا بس اشم ريحه كذب بكلامج

غسق:  شدتحجي انت

مهاب: اليوم ماشفتي احد يم الحضانه؟

غسق: قصدك ارشد

مهاب: حلووو بدينا نفتهم بعضنا

غسق:  انت شعليك اجه او لا شفته او لا شي ميخصك
التفتلي خزرني ورجع يسوق بروده يستفزززني يخليني احترك وهو ماكو ابرد منه

مهاب: شگلج؟ 

غسق: نزززلني ارجع للبيتت

مهاب: شششگلج؟

غسق: ميخصك نززززلني حجيت هيج ضربني على حلگي
لاااا تضرب لا تضرررررب

مهاب:  صووووتج لا تعلللي

غسق: انتتت شتررريد منيييي لخااااطر الله شترررريد احنا انفصلناااا تعرف شنوو نفصلناااا بعد ميحقلك تحاسبني على شي وتسألني على شي ميخصك ابتسم صفح

مهاب:  انه وياج بس المووت يفرقنا

غسق: الموووت يلفيني ان شالله واخلصص
باوعلي ذبلت عيونه

مهاب: بداعة اعزاز كلبج بروح اهلج بعد لا تعيديها بلعببااااس من تحجيها احس كلبي ياذيني

غسق: شررايد مهاب ؟

مهاب: ماااكدر على بعدج افهمييي يابنت النااس احسج مربوووطه بروحييي

غسق: اني شذنبييي كتلك عوووف شغلك الغركان بي عووف كلشي وخلينا نعيش مثل الاوادم انتت اختاريت شغلك وعفتني وهسه جاي دكلي مربوطه بروحك
اني مو مراهقه ولا طفله اكعد اصدك بهذه كلامك

مهاب: كاعد اصفي كلشي ماكدر اطبع بسهوله افهمي

غسق: صفي وعيش حياااتك اني بعد انساااني مافيدك

مهاب: كوولي موووت وفضيها بعد عليش ماااكل وحل واركض منا ومنا وتالي تكعدين بكل صلافه صفي وعيش حياتك هيييج سهله عندج

غسق:  يعني شسوووي اكعد الطم واملخ روحي

مهاب: لاا لأن البرابيك مثلج مايسون هيج

غسق: لا تتجاوز

مهاب: مامتجاوز بس انتي بربوك ماتكدرين تنكرين هلشي مرتاحه بفراگي مو

غسق:  احسن الي والك
انتبهت على الطريق نترت بي وييين ماخذنيييي

مهاب:  نروح فتره استجمام نريح راسنا

غسق: نزلننييي مهاب نزلللني ياااا استجمام احنا منفصلين مو بكيفك اجي ويااااك الدتسووي حرام

مهاب: بعدج بلعد ارجعج مو فد مشكله

غسق: والله تحجيها بسهوله ومنوووو كلك اني اريدك باوعلي صفح

مهاب: نوصل ونتحاسب

غسق: وين نوصل رجعني حباب لا تسوي هيج تاذيني والله

مهاب: كاعد اسوووي كلشي لخااااطرج ومااااريد شي منج غيرررر تبقين يمييي اصبح بوجهج لا تقسين كلبج لهلدرجه

غسق: مهاب اني والله ماتحمل مشاكل ومصايب بعد متدري شنو شفت بحياتي وشنو عشت من اياام صعبه كسرتني شوف حياتك بعيد عني مسحت وجهي وخليت ايد يبايد برتباك

مهاب:  يصير خير بس خليني اطلعج منا

غسق: شسالفه اليوم كلها تصيح اطلعج منا ليش شكو حتى اطلع باوعلي طابك حواجبه

مهاب: منوو كلج غيري

غسق:  مجاوبته

مهاب: احجيييييي منو كلج غيري

غسق: لييييش تصررررخ وبعديين انت شعليييك منووو كلي وليييش تريد اطلعنيييي على يا اساس

مهاب: السااااق..... مووووو اليوووم شفتيييي شكلج احجييييي

غسق: ماحجه شي

مهاب: جذذذب لا تجذبييين بسيطه لا تحجين

غسق: رجع رجوع ويين رايح

مهاب: ارجعج للبيت مو تردين ترجعين بس خليها ابالج طلعه ماكو واذا مره ثانيه شفت هلوحه بوجهج وهلبس حساااابج غيرررو باحر اجيج اخذ جنسيتج والجواز حضريهم الي وحضري نفسج

غسق: شكوووو جنسيه ماانطي

مهاب: غسق ساعدينيي لا تسوين هيج وياي فدوه اروحلج ساعديني لا تعانديني اذا صار عليج شي اموت بلعباااس

غسق:  بلعت ريك شي مثل شنو يعني شيصير

مهاب: ماييصير شي مادامني اشم الهوى بس ساعديني لا تعاندين

غسق: لا تخوفني

مهاب: ممخوفج انه كتلج نامي رغد ولا تفكرين بشي بس اعناد هلفتره لا تعاندين باجر تحضرين نفسج ومستمسكاتج وتنتضريني

غسق: ماروح وياك لمكان اذا مادكليي شكاعد يصير

مهاب: اشرحلج كلشي بس مو هسه. انطيني مجال

غسق: تفهمنيي لا تخليني مثل الاطرش بلزفه
وصلني يم بيت خاله بدون مايحجي نزلت

مهاب: مثل ماتفقنا

غسق: هزيت راسي بمعنى اي وين رايح انت

مهاب: عندي شغله اخلصها وارجع للبيت

غسق: بقيت واكفه اباوع عليه مثل الثوله ورث جكاره ورجع ضهره ليوره

مهاب: محتاجه شي

غسق: ها لا باي

مهاب: الله وياج محروسه يا بعد روحي

غسق: دكيت الباب فتحته مسره سحبتني وسدته

مسره:  وييين رحتي وين اخذج هلمكسور الركبه

غسق: نصعد فوك واحجيلج صعدنه ذبيت الحجاب كعدت امسح المكياج

مسره:  احجييي مو طيحتي حضي والله كلت اخذج وبعد ميرجعج

غسق: هو. جان ناوي هيج يسوي بس غير رئيه

مسره:  عزززه بعييينج وتحجيها

غسق: ايي احجيها لأن شكو مخبل طاح بررراسي الضهر اشوف ارشد وهسه مهاب واحد يكوول للثاني اني اخبل منك

مسره:  هلمصخم شوكت شفتي

غسق: من رجعت من الدوام كعدت حجيتلها كلشي بلاخير شهكت

مسره:  بلقران صاير شي ممعقوله ثنينهم بنفس اليوم يكللولج طلعي منا ابصملج بلعشره اكو شي

غسق: كلش خايفه وحايره مادري شسوب

مسره:  خوفتيني وياج والله مجبوره تمشين وره كلام مهاب متاكده هو يحبج ومستحيل يغدر بيج

غسق: لازم ارجع اقبل بي ويتزوجني

مسره: مادري شكلج غسق حيره هي سوي التشوفي صح

غسق: اني مسدوده بوجهي من كل الجهات لوو تمامي بيهم خيير اني ليش هيج يصير بحااالي يعني استقر اسبوع اسبوعين ويرجع ينطاح حضي وارجع لنقطه الصفر

مسره: بيها صاالح لا تفكرين هيج

غسق: تعبت مسره حجيتها وبجيت بقت تهدي بيه مر اليوم عادي وحذرتها كدكول الاحد يبقى الكللم بيناتنه
ثاني يوم حضرت نفسي ومستمسكاتي نزلت يم خاله خجلانه متمنيه الكاع تنفطر وتبلعني يوميه رايحه جايه زعلانه مطلكه حتى الناس ملت مني كعدت كبالها وهي صافنه عليه وعلى الجنطه البضهري

ام مسره: وين رايحه

غسق: كعدت كبالها لزمت ايدها البارحه شفت مهاب وكعدنا حجينا وطلب مني ارجعله وهو حاجي ويا عمامي وقابلين اليرم يجي ياخذني

ام مسره: شتتحجين ولج غسق لا تضيعين نفسج هذه تاجر مخدرات تعرفيييين يعني شنو لو ينقتل لو يبقى طامس بهلشغل من جدمه لحد راسه

غسق: خاله هو وعدني انطاني حجايه يبطل من هلشغل

ام مسره: لا تصدكين ولج امي ذول ميكدرون بسهوله يطلعووون من قذارتهم ليش تردين ترجعيله سامعه منعدنا حجايه غاثتج صاير شي احجيلي

غسق: لا والله خاله انتو اهل الي وابد ماسمعت شي منكم بس اريد احاول اساعده متأمله يطلع نفسه من هلشغل ونعيش بسلام وهدوى

ام مسره: شرايده انه غير تعيشين براحه واشوفج سعيده بس هم انتبهي بنيتي والله اذيتيني بقرارج وماكدر اعارضج

غسق: بست راسها ادعيلي خاله فدوه لكلبج لا تنسيني من دعائج اندكت الباب كامت هي تمسح بدموعها وراحت فتحته سمعت صوت مهاب رحت لغرفه مسره بعدها نايمه كعدتها ودعتها

مسره:  اذا احتاجيتي شي موجودين احنا

غسق: الله لا يحرمني منكم سلميلي على غسان وتعذريلي منه لأن ماشفته هزت راسها عفتها وطلعت حضنت خاله وهي السانها يلهج بلدعاء الي طلعت ركبت السياره ركب مهاب باوعلي ابتسم

مهاب: صبلح الخير شمعتي

غسق: صباح النور حرك السياره وين رايحين

مهاب: نعقد بعدها اخذ المستمسكات للمحامي علمود عقد الزواج اريده بسرعه علمود نطلع منا فتره

غسق: وين

مهاب: مو مهم وين المهم نكذر نطلع ادعيي غسق ادعي تخلص وتفض على خير حالياً اهلي كلهم سفرتهم يم اخوي يعني مطمئن من  ناحيتهم بس بقيتي انتي لو نطلع سوه لو نموت سوه

غسق: شكاعد يصير ليش تخوفني بكلامك لزم ايدي

مهاب: من انه يمج مااريدج ابد تخافين من شي

غسق: خايفه يصيرلك شي ابتسم

مهاب: تخافين عليه؟

غسق: اهلك خطيه عمو خطيه متعلق بيك ميستاهل يتاذه

مهاب: ان شاالله خير

غسق: مشت السياره هواي تالي وكفها يم بيت صغير صاير بطراف بغداد

مهاب: نبقى اهنا فتره علما يطلع العقد

غسق: منو يكول مامراقبيك

مهاب: لا هسه انه براحتي بعدها مصاير شي مو غبي واجي اعرضج للخطر وهم يعرفون نقطه ضعفي
أمن عليج نطلع منا وبعدين تجيهم القاضيه

غسق: شدتسوي

مهاب: بعدين تفهمين كلشي بس اريدج تساعديني وتتحمليني هلفتره خلي ايدج بيدي

غسق: هزيت راسي بخوف وياك اني بس المهم اطلع نفسك من هلشغل الحرام والوصخ اكتفى بلسكوت نزلنه للبيت صغيره غرفه وصاله ومطبخ صغير ماثث
راح للسنك غسل وجهه وبلل راسه

مهاب: صار يومين منايم اريد انام بحضنج

غسق: حررام

مهاب: بعدج بلعده يعني اكدر ارجعج

غسق: لا الا عقد

مهاب: من اكعد نروح نعقد

غسق: لا روح نام بلغرفه تقرب مني بخطوات رزنه ثكيله بقيت اباوع على تفاصيل وجه عيونه الحاده خشمه شواربه المحدده قربني اله

مهاب: ولج بربوك مو كتلج تحبيني بس ماتعترفين صفه من صفات البربوكات هاي

غسق: وشلون عرفت اني احبك؟

مهاب: عيونج هي التحجيي واعترفتلي

غسق: ايباخ وهيج انت تقره العيون

مهاب: لاا انه بس اقره عيون محبوبتي شو حليانه بفراگي

غسق: مرتاحه

مهاب: مبينه الراحه من جنتي تمشين بشارع وتلتفتين

غسق: بلعت ريگ مراقبني حضني وجر نفس قوي

مهاب: اسواء ايام مرت عليه وحق العباس كافل زينب
صرت جني مخبل اكعد احجي ويا نفسي انه ليش طلكتها ليش سمعت حجايتها

غسق: ليش حبيتني ؟ ليش اني يعني اكو هواي بنات واحتمال حتى شغلك يقبلنه عادي

مهاب: انتي گلبي رگصلج ربطتي روحي بروحج
انه عاشگج عشگ ماينوصف كل خميس اوزع ثواب على روح رسول الخلاني اتعرف عليج

غسق: ابتسمت انت من ضايج تسب ررحه ومن فرحان توزعله ثواب حگ طرف حاجبه ببتسامه سحب ايدي دخلنا للغرفه سحبت ايدي منه

مهاب: بس انام والله تعبان حيل مباقي بيه رحمي بحالي

غسق: حررام

مهاب: اعقد عليج بس اكعد مراح اغتصبج واعوفج

غسق: سحب ايدي قبل لا احجي تمددت وحضني همست احس الفراش وصخ

مهاب: كلشي بلبيت نضيف جبت مره نضفته البارحه

غسق: خله راسه برگبتي شوي وثكل نفسه اني هم عسوني قفلت البارحه الليل كله افكر بلراح يصير وبعده التفكير كاتلني كعدت هلي ايد ثكبله على خصري ورجله على رجلي بحيث جسمي متشنج سحبت نفسي هو فز

مهاب: وين

غسق: راح تصيررعصر مدكوم

مهاب: اي شوي واكوم

غسق: كمت عسلت وجهي ورحت للمطبخ الثلاجه متروسه اخذت بيض وطماطه وفلفل اخضر ولحم مثروم  سويت مخلمه وجاي ورجعت عليه كعدته
كام غسل واجه كعد شرب شوي من الجاي
ودك جهازه بس هو مااهتم موبايلك يدك

مهاب: معاجبني ارد على احد يولون خليني شوي مبرد راسي

غسق: كمل واخذ كوب الجاي و راح للصاله
غسلتهم ورحت يمه شفته حاط راسه بلجهاز ومندمج يحجي كام باوعلي

مهاب: امشي نروح نعقد

غسق: هسه

مهاب: اي

غسق:  رحت للغرفه لفيت حجابي وطلعت شفت واكف يباوع من الشباگ بحذر وكفت يمه ردت احجي سد حلكي

مهاب: اششش ولا حرف راح اوهر ايدي بس لا تحجين شييي

غسق:  وخر ايده طابق حواجبه اريز افتهم السالفه ماكو كلما انطق حرف يسكتني سحب ايدي دخلنا للغرفه ووخر الزوليه المفروشه نتبهت اكول مثل  الباب فتحه

مهاب: دخلي بس نفس ماريد فدووه غسق لا طلعين اي صوووت لا تاذيني بيج فدوه رحت لطولج

غسق: شديصير بعدني ممكمله كلامي وسمعت طبه قويه

يتبع<>

‏الأيام التي تكسرك هي ذاتها التي تصنعك، أنت حصاد اللحظات التي اعتقدت أنها لن تمر ومرّت..