رواية شوگ و ورد الفصل التاسع والأربعون 49 - بقلم wad. al.Basha

للكاتبه: ود الباشا

الجروح غير المرئية هي ما يؤلم أكثر.

غسق: ابقى وياك بشرط
بقى يباوعلي عصر عيونه هز راسه بمعنى احجي
انام يم غفران مالك علاقه بيه وماتدخل بيه ابدددد وارجع لشغلي ويا رنا لأن فلوسك الحرام مااريدها
باوعلي مركزه عينه بعيني

مهاب: برربوووك بقت على الشيخ هذه طلاك وشلعان كلب ويا وبعدين سااالفه الشغل انسيهاااا وطلعيها من بااالج

غسق: اني ما اكل فلوس حرام

مهاب: تاالي هاييي حجتج؟

غسق: مجاوبته يهز برجله ويباوعلي

مهاب: اخلي الوالد يخصصلج راتب من فلوسه

غسق: مااريد كام طلع وقفل باب الشقه بدون مايحجي
عييوني قفلت نعسانه بس اشمئزيت انام احس المكان وصخ نص ساعه واجه بيده علاليك وريحه الاكل سطرتني كلش جوعانه بلعت ريكي

مهاب: كومي يلا حضري اروح اغسل

غسق: ماعليه اني وكتلك اكل حرام ماكل ماحجه بس مبين اشتعل ناررر هذه المطلوب املله علمود يعووفني
غسل وكعد فتح الجياسه جايب كباب ومندي اكل بدون مايحجي كام شال الاكل واني ابلع بريكي من الجوع

مهاب: كومي نرجع للبيت

غسق: موافق على شروطي؟

مهاب: شروط تعجيزيه ددكليلي طلگني بس بغير اسلوب

غسق: يكون احسن لو تسويها عض شفته

مهاب: كومي بعدين نحجي

غسق: هسه مهااب هسه لا دكلي بعدين وبعدين اني مو طفله وتكعد تقشمرني

مهاب: نوم متنامين بعيد عني وادخل بيج غصب عنج
وشغل ماكدر اخليج تشتغلين ماأمن عليج

غسق: طلگني لعد وفضها وكف مقابيلي ونفخ دخان بوجهي

مهاب: يعني عندج بهلسهوله؟ انه دقيقه ماكدر بدونج وانتي كايمه وكاعده طلگني وطلگني

غسق: جر حسر ورجع حجه

مهاب: بدلي نرجع

غسق: نتفق وبعدين نرجع كام يتنفس سريع خفت منه حييل بس بقيت واكفه وضاهري مبين قوويي التفت عليه

مهاب: على شنووووو نتفق مرتتتتتي مااتدخل بيها وتنام بغير غررررفه لو تطلع تشتغل هذذذذه اتفاقج

غسق: لعدد عووفني مامجبووره اتحمل اعيش وياااا انسااان مجرررم باوعلي وعيونه تحجي التعب البداخله

مهاب: موو كافي لحيتي مجرم مجرم كاتل ابوج ومادري بروحي

غسق: لا تجيبب طاااري بابا تقرب لزم ايدي سحبني طلعنا قفل الباب كزيت علئ اسناني ودموعي بعيني مااااروح وياااك سحبني من ايدي نزلنا ركبنا السياره

مهاب: نرجع للبيت ماتقربلج ونامي بغرفه غفران بس شغل ماكووو انسي

غسق: اني ارييد اشتغل مااريد اكعد بلبيت

مهاب: اللهم صبرررج ياااروح غسسسسق ولا وحده بيهن ترجعين للبيت وتنجبين وتسكتين انطييييتتتج عين زااايده وكمتي تتمااادين

غسق: درت وجهي منه واحس اشتعلت نااار بس اخاف احجي وصلنا للبيت نزلت وطبكت السياره بقوه ودكيت. الجرص نزل باوعلي

مهاب: بربوك مو بايدج الا تغثيني وتنعلين والديه

غسق: ويا حجايته طلع عمو باوعله

ابو مهاب: يااااهو هذه الناعل والديك

غسق: باوعتله وورفعت حاجبي ابتسم صفح

مهاب: جنتك يااابه جنتك تمشي ودكوول امك هيج وابوك هيج شااافتني بااار بيكم تريددد تخربني وياكم

غسق: فتحت عيني عليه بصدمه غمزلي التفت على عمو يجذب والله محاجيه هيج

ابو مهاب: تعلميني بي بنتي دخليي وانت اثكل شوييه وسوالفك بطلهن

مهاب: شثگل بعد يابه رحمه لموتاك اكثر من هذه ثكل دشوفني تغار مني وعلي

غسق: عفتهم ودخلت سلمت وصعدت كبل لغرفه غفران وقفلت الباب هي طفرت من السرير

غفران: شكو شصاير

غسق: ماكو حبيت اكعد يمج رفعتلي حاجبها

غفران: متاكده

غسق: هزيت راسي اي

غفران: شوكت رجعتو

غسق: هسه هاي جيتي بعدني حتى ممبدله

غفران: شصار ليش هيج طلعتو

غسق: خفت احجيلها وتروح تحجي واني ابتلي هيج مشكله

غفران: نحلت ان شالله تصافيتو

غسق: لاا كعدت وهي كابلتني مارريده اريد انفصل شهكت

غفران: يااااا شنو تنفصليين مصارلكم شهرين

غسق: ماريده

غفران: والله لو تسمعج عمتج تهلهل على راسج يا ابني زينة البنات تتمنا يا اجيبله وحده ايه من الجمال تخلين تقبلين بي وانتي ساكته

غسق: من حوره خلي تروح عود تزوج زينه البنات التحجي عنهن اني مارييييده صفنت بوجهي

غفران: صاير شي؟

غسق: جريت نفس ماررريد ابجي هزيت راسي لا

غفران: يعني بدون سبب تردين تنفصلين وين اكو هيج شي انتو حتى عقد محكمه بعدكم معاقدين

غسق: سكتت ماحجيت بقيت اباوع عليها بقهر

غفران: هو شوفي حقج مهاب ميتعاشر ومينجرع ودمه ثكيل بس شو اشوف زين وياااج وانتي مقندرته ليش هيج هم خطيه والله

غسق: هو جبرني اني ماردته

غفران: هاي شنو اذا ماردتي ليش قبلتي تره دوختيني فوك دوختي

غسق: اكدر ابقى يمج. كامت تسوي بحلكها يمين ويسار

غفران: اي وهسه يجي يلعلع على راسي

غسق: حبابه شبيج

غفران: ابقي عيني ابقي امري لله

غسق: ذبيت صايتي اخذت ثوب منها عريض عليه بس يمشي الحال تمددت يمها علسرير وغمضت عيني غفران جوعانه

غفران: امشي ننزل ناكل

غسق: ماريد منهم

غفران: شنو ماتردين منهم

غسق: اكل ماريد منهم بس جوعانه شسوي

غفران: شبيج مضروبه براسج اخاف ضاربج ووحده من ضرباته جايه ترس بصماخج

غسق: وصي اكل من بره حبابه

غفران: ايي وبعدين

غسق: ناككل شبييج اكلج جوعانه دكليلي وبعدين

غفران: زين بس انتي ادفعين

غسق: اييي اروح اخذ من عمو اكلج هو عمو شنو عنده راتب؟

غفران: اي راتب تقاعد ومحلات ماجرهم

غسق: هزيت راسي طلبي من مطعم كون اكله طيب تره كلش جوعانه

غفران: شعجب ماوكلج الحجي

غسق: طبكت حواجبي مستغربه يا حجي؟

غفران: زوجج العزيز يلقبو حجي شعبالج لعد

غسق: غصيت بضحكتي حجي نعل

غفران: لا يسمعج يگطع شكو نعال على راسج

غسق: كلبت عيوني بملل وهي اتصلت طلبت اكل بقينا ننتضر علما خابرنا ابو دلفري خليت حجابي على راسي ونزلت شفتهم كلهم كاعدين استحيت اخذ منه خليت ايد بايد مهاب يباوعلي ماهتميت
عموو

ابو مهاب: هلا عمي

غسق: اريد حمره فدوه باوعلي مستغرب

ابو مهاب: حمره شنو هاي

مهاب: يااابه معجونيه يعني ورق بدت رحمة الله

غسق: طلبنا اكل وداريد انطي لابو الدلفري
ماحجه خله ايده بجيبه وانطاني ثنين لا عمو وحده كافي

ابو مهاب: اخذي عمي اخاف مييكفيج

غسق: يحجي ويباوع على مهاب اليباوعلي بقهر
التفت شفت مراد نزل من فوك مراد هاي فلوس حباب جيب الاكل من ابو دلفري

مراد: صار

غسق: راح اني هم رحت للمطبخ نزلت غفران كعدت كبالي وجاب مراد خله العلاليك علميز كعدت اكل مثل الفجعانه من الجوع رجعلي باقي الفلوس ضميتهم كلت اخاف احتاجهم كعد ياكل ويانه اجه مهاب باوعلنه وطلع

مراد: شبي مهاب شصاير

غفران: والله علمي من علمك بس مبين الجنونه دتركص على راسه الله اليستر اكو بعض الناس بعدهم مايعرفونه زين

غسق: باوعتلها واللكمه بحلكي ماهتميت خلصت وصعدت للغرفه اخذت ملابس ورجعت لغرفه غفران
والله لو اخليك اتبطل واكسب بيك اجر لو اطلكني
لليل توقعت يجي عليه بس ما اجه التفت على غفران اكول مهاب رجع

غفران: اي بغرفته اشتاقيتييي اذا مو كددها شكوو تلعبين ويا يطيح حظج والكعبه اذا خلاج براسه

غسق: عساس هسه مطايح حضي
سكتنا بقت هي تلعب بجهازها واني اباوعلها علما غفيت وبعد ماحسيت بشي لثاني يوم الصبح كعدت شفت الساعه ب 9 درت وجهي على غفران بعدها نايمه كمت طلعت من الغرفه غسلت وجهي دارجع وصار بوجهي مهاب عيونه دم بلعت ريگ

مهاب: صباح الخير يا بعد ضلوعي ضلع ضلع

غسق: صباح النور عفته ومشيت خطوه سحبني من ايدي وهمس باذني

مهاب: ليله وحده ومكدرت انام وانتي وياي بنفس البيت شلووون ترديني اطلگج لا تعذبيني اكثر

غسق: تتحمل مثل ماورطتني وياااك وخليتنييي اقبل احس بحساااس المغفله التنخدع بكلمتين

مهاب: مخادعج بشيي افهميي انه حاووولت بس ماكدرت اطلع نفسي هددوني باااقرب ناااسي

غسق: وانتتت شكم قررريب لهل لناس ماات بسبيك

مهاب: الكلام وياااج ضايع ابقي برراسج الياابس

غسق: مشيت خطوه ورجع سحبني للغرفه عباره عن دخان عوووف ايدي والله اصرخ

مهاب: صرررخي يلاااااا صرخييييي

غسق: بلعت ريكي وبقيت اباوع عليه دفر الميزز برجله ورجع عليه

مهاب: غسسسق كااافي لخاطططر الله كاافي ترررره دمرتينننييي فوووك طياااح حضيييي

غسق: محد جاااابرك عوووفني وارررتاح اعتقنيي اني ماكدر اتاقلم وياااك واعيش افهمنيي

مهاب: كتلج احاااول اطلع نفسيييي منهم انه هم مراااضي ولا عاجبنييي هلوضع

غسق: ماريدك بلع ريگ تحرگت تفاحه ادم بقى مركز بعيوني

مهاب: لهناااا وكافي ذليت نفسييي اهوايي الج وانتي مكاعد تقتنعين اسمعييي زييين طلاك ماطلك
لو توذنين. وتبقييين يمي وتتعايشين ويايي غير هلحجي ماعنديييي

غسق: مو بكيفك تقرب صار يبعد عني اقل الاصبعين

مهاب: كيف منو؟

غسق: اذا ماطلگني اسوووي شي بنفسيي والله واخليك تندم

مهاب: لا تهددددين بهيج شي فااااهمه

غسق: باوعت على الباب لأن صوته عالي خفت يسمعووو يوميه صياح وعياط عافني وراح اتمدد

مهاب: تعاي لحضني منايم من البارحه وكلش تعبان

غسق: باوعت عليه اني اكلك ماااريد دكلي تعاي لحضني

مهاب: الساانج يكول ماااريد بس گلبج غيير بربوكتي اعرفج لا تعلميني بيج

غسق: غلطااان

مهاب: تعاي هسه خليني شوي انخمددد وبعدين نكعد نصحح الغلط

غسق: كتلك ابقى بشرط انام يم غفران ومالك علاقه بيه وارجع اشتغل ويا رنا

مهاب: كوووولي مووت بعد عليش عايييش ارگب كرون واكعد تجييين لو اكوم واذا كمت مايصير خير

غسق: تقربت خفت يكوم ياذيني او يضربني تمددت على ايده اخذني لحضنه خله راسه برگبتي شوي وثكلت انفاسه ردت اكوم سحبني اكثر نزلت دموعي وكمت اشهك ماحسيت غير كام من فراشه افتر واجه وكف كدامي لزمني من وجهيي بقوه

مهاب: شبيييييج ليييش تونين ليش تبجييين

غسق: ماحجيت ولا جاوبته بلعت طن هوى من حالته

مهاب: احجيييي بنت الاوادم شلعتيييي كلبي تاااالي ويييياااااج انعل لشتج واهلللج ورسووول وساعة الشفتج بيهاااااا

غسق: دفعت ايده لاااا تغلط على باااباااا لا تغلط لطمني على حلكي

مهاب: صوووتج لا تعلييي لا حلكج اشكه احترررمتج زايد وكبرت رااااسج جااايه تبيعيهن بررراسي اخوووج مو جان يتعاطططه وباااوع الاول وتااالي علموووود كحا.... وعربته شووو مابعتي ذني السوااالف براااااسه

غسق: مااات بسببكم بسببب طمعكم للفلووووس تخلووون الشباااااب توصللل لمرحله ماتفكر بلصح والغلط وانتو المستفااادين اخووووي بسبب كم صددددديق سيء مثلك مايخاف الله وصل لهلمرحله
رجع ضربنيي وسحبني من شعرررري

مهاب: لا تخليييني انعل والدددديج بهلساااعه هاااااي

غسق: عوووف شعرررري انفتحت الباب دخل عمو وغفران ومراد وعمتي مراد رفع مهاب بس جان فاقد ضرب مراد بوكس ورجع عليه راد يلزمني عمو خلاني وره ضهره

ابو مهاب: لكك شبييييك تخبلتتتت شصاااير

مهاب: لاااحد يدخل طلعوووو مناااااااا

ابو مهاب: اااانجب تمااااديت هووواي انتتتت هاي تاليتك توكف تعلي صوووتك على ابووك

مهاب: طلعوووو كللللتتتتت لااا تدخلووووون

غسق: سحبتني غفران جريت ايدي منها دقييقه مابقي عندك والله وانتتتت اذا صدك رجاااال اطلكنيييي ماااريدك افهممم هلشييييي اني حجيت هيج وهو تخبل اكثر ابو صار كدامه لزم ايده وهو يهد ويرد بس يريد يلزمني

غفران: امشييي تخبللتييي

غسق: جرتني لغرفتها وعياطه بعده بره هرج الدنيا هرج غفران لطمت على خدها

غفران: شخذذذج شوصلج يييمه مو جنتي نااايمه اهناااا

غسق: ماااريده ماااريده كلوله يطلكني والله اكتل نفسييي

غفران: شددتحجييين انتتتي لعبه هي لعبه

غسق: اندفرت الباب كمت من مكاني دخل ومراد وعمي وراء تقرب عليه خله عينه بعينييي

مهاب: تردددييين تطلگين موووووو؟

غسق: زمخ بيه رجعت ليوره

مهاب: احجييييي لا تسكتين

ابو مهاب: لك ابنيييي مو هيج خلينا نفتهم شصاااير
كلشي اله حل

مهاب: ماكووو شي اله حللل هي ماتريد عليش اجبرهااا عليه

ابومهاب: اطلع انه احاجيها

مهاب: محدددد يحاجيها خلونا وحدنا

ابومهاب: بس خلينا نفتهم لا تتهور

مهاب: يااابه والاسلام ماااسوي شي احاجيها

غسق: طلعووو كلهم مسحت دموعي كعد علسرير يباوع عليه عيونه تجدح

مهاب: لهل درررجه عندددج الموضووع سهل وعادي؟

غسق: مجاوبته حالته وعيونه رعبتني

مهاب: احجييييي لاااا تسكتين

غسق: ااا اني ماتحمل هيج والله

مهاب: شنو المتتحملي؟

غسق: الحرام العايش بي ماتحمله

مهاب: اخوج مو جان يشرب مو جان يتعاطه مو جان يسوي سهرات صباحيه ابيته وعايشه ويا وعندج الامور طبيعيه

غسق: بلعت ريگ ونهضمت حسيته عيرني بي
اخوي جان يتعاطه مو يتاجر بيهن اما السهرات والشرب جنت متأمله بيوم عمي يسحبني عنده واخلص من كلشي مو اتزوج تاجر ممنوعات والاهم فلوس بابا حلااال جنت اكل واشرب بيهم جر حسره وكام

مهاب: وصلنا لطريق مسدود يعني؟

غسق: هزيت راسي بمعنى اي

مهاب: وين ترحين ؟

غسق: خاله ام مسره

مهاب: عمامج مراح يخلووج

غسق: مو بكيفهم يحجي ويجر حسره

مهاب: حبي ماوكف بعينج؟

غسق: الحب مو كلشي

مهاب: انه مو بس احبج انه فارشلج روحي بس انتي شسويتيي دستيها برجلج ومشيتييي

غسق: تلكا الاحسن مني وهي تسعدك يفتح بايده ويسدها مثل المصبر روحه كوه باوعلي وطول بنظرته
كام طلع وطبگ الباب كعدت حيلي مهدود
غمضت ليش هيج اسووي فعلاً ويت اروح اذا عمامي ماقبلو ابقى عند خاله ام مسره وين انطي وجهي نفتحت الباب غفران وجه ثكيل

غفران: ابو مهاب جوه يريدج

غسق: مهاب جوه

غفران: لا طلع كال ماتاخر

غسق: كمت هي بقت واكفه بلباب

غفران: ليش هيج غسق خليتي يشعوط

غسق: جريت حسره مجاوبتها فتت من يمها رروحي مشتعله نار مو سهل الداسوووي انفصل للمره الثانيه بمجتمع مثل مجتمعنا وبزواج دام اقل الشهرين بس ماتحمل كعدت كدام عمو وهو وجه صاير احمر وجهاز الضغط بايده صاعد ضغطه

ابومهاب: بنتي فهميني شنو الصار وصلكم لهيج مرحله

غسق: داريد احجي حجت امه بنبره مليانه سم

ام مهاب: يعني شنووو تعودتت يوميه بحضن شكل انه من الدايه حجيتلكم وكتلكم شنوو طينتها بس ماصدكتوني

ابو مهاب: مررراد طلعها منا لا ابتلي بيها

ام مهاب: هو انتو اليحجي وياكم حجايه حق ماتردو

غسق: اخذها مراد وطلعو

ابو مهاب: لا يضل كلامها ابالج مسحيها بوجهي

غسق: عادي عمو

ابومهاب: هسه اكدر افتهم شصاير بلكت اكدر اهدي النفووس وتنحل بدون مشاكل

غسق: عمو ‏ هو مابي اي قصور بس اني ماريده
طبگ حواجبه

ابو مهاب: يعني بدون سبب

غسق: اي

ابو مهاب: ليش يعمي تره مهاب زلمه معدل صح عصبي بس صدگيني يا بنتي مو لأن ابني واكعد امدح بي ماتلكين مثله وببااين من نظراته وعيونه شكثر يحبج ليش تكسرين كلبه هالكسره

غسق: دنجت راسي المشكله مايدرون البيه وماكدر احجيلهم

ابو مهاب: اذا انتي گلبج مو يمه اني ماكدر اضغط عليج بس فكري زين قبل اي خطوه تخطيها

غسق: اكتفيت بهز راسي وترخصت منها صعدت فوك لغرفه غفران كعدت وجه ثكيل عليه غفران شبيج

غفران: ليش هيج وياا فرفحتي روحه غسق خليتي يحترررك شستفاديتي تعلمتي يوميه تطلگين لو شنوو

غسق: كلامها بطريقه تهجميه واخر كلمتين حركتني بيهن تعلمتي يوميه تطلگين مجاوبتها شجاوبها مثلاً

غفران: احجيي ليش سكتييي لو لأن شفتي يحبج بدلتي عليه هو احنه النسوان نحب اليدك على راسه مسامعه المثل اليكلج البزونه تحب خناگها

غسق: لا تتهجمين بدون ماتعرفين شي

غفران: احجي شنو الشي الماعررفه شنووو الشي يخليج هيج تسوووين

غسق: داريد احجي ومهاب صاح غفران راحت وسدت الباب والله مفرحانه بلديصير بس داحاااول اضغط عليه علمود يعوووف هلشغل الوصخ
شويه وصاحني جريت نفس وطلعت شفته واكف يم باب الغرفه اشرلي تعاي دخلت كعدت

مهاب: شقررتي؟

غسق: طلاگ

مهاب: انتي شقصتج فهميني لخاطر ربج تعرفين عمامج شنووو من يااا خررره

غسق: معلي بيهم

مهاب: اكللج ميخلووووج تكليلي معلي بيهم
على العموم راح ابقيج براحتج الشيخ شوي ويجيي ويصير التردي

غسق: دنجت راسي ونزلت دمعتي بايدي

مهاب: انه مستعدد احاارب الدنيااا لخاااطرج لو اسمع منج حجااايه وحده بس انتي تخليييتي بكل سهوله وماهامج شييي

غسق: شنو الحجي التريد تسمعه بعد كلشي صار وشفته وسمعته عنك انت خليتنا نوصل لهل مرحله

مهاب: انه ولا انتي ثنينه غلط وكتلج انطيني فرصه احاول اجرب ماكددر بهيج بسهوله اطلع نفسي من بير صارلي سنين ابني بيييي

غسق: انت كلت يهددوني باهلي ومادام هم يهددوك باهلك بعد الف سنه ماتكدر تسوي شي
فرك وجه وكام كعد بصفي

مهاب: بعدج بنسبه الي موووت على البطيئ
انه لو بايدي اضمج بنص ضلوعي يا بعد كل ضلوعي بس الحاركنييي ومخلينييي اصفه رماد نظرات الكرهه والشمئزاز الاشوفها بعيونها

غسق: ماكرهتك اني والله وبيديت احب حياتي وياااك لو ما الصااار

مهاب: عذرر هذه

غسق: مو عذر سببب
اخذني لحظنه وخله راسه برگبتي

مهاب: شلون تحرميني منج

غسق: صاح عمو من جوه ابتعد مني وهو يكح

مهاب: اجه الشيخ كومي

غسق: كمت وهو مستمر يباوعلي يمكن يدور بملامحي الرفض بقراري بلحظه ردت اتراجع بس شي ابداخلي اصر شي انطاني القوه علمود ماتراجع نزلنا سوه كعدنا بقى ينطي محاضره الشيخ ماحجينا ولا حرف علما تطلگنه طلع الشيخ هو اجه اخذ سويجه وباكيته وصه مراد يرصلني وين ماريد وطلع صعدت ودمعتي بخدي صارت بوجهي غفران

غفران: مووو هذه الردتييي ليششش تبجيين

غسق: مجاوبتها دخلت للغرفه اخذت كم قطعه ملابس وفلوس جانت عندي خليتهم بلجنطه لبست صايتي اجتي غفران بيدها فلوس فتحت ايدي خلتهن بي

غفران: هذه الغااايب مالج بس خليها ابااالج مراح تتوفقين على السويتي

غسق: عافتني وطلعت خليت الفلوس على الميز اخذت جنطتي وطلعت عيوني تحركني حيل ممتحمله النار التسعر بيهن سلمت على عمو وطلعت شفت مرتد بلكراج يدخن شافني طلع ركب السياره اذا تعبان اني اروح

مراد: ماعندي شي صعدي

غسق: خليت الجنطه وره وركبت طول الطريق ساكتين

مراد: ليش هيج سويتي؟

غسق: ماحجيت لأن مايفيد الكلام

مراد: عرفتي بشغله صح؟

غسق: انتتت تعرررف هز واسه بمعنى اي

مراد: بس والله مو لأن اخوي حاووول الف مره يطلع منهم بس يسحبو بالف طريقه وطريقه جان صبرتي عليه انتيي حركتي بهذه التصرف

غسق: انتت مقتنع اخوك يشتغل بهيج شغله وساكت ودافع عنه اخاف انت هم ويا

مراد: لا مو ويا اصلاً انه هم عرفت بطريق الصدفه

غسق: التزمنا السكوت ثنينه بس شيسكت عقلي وتفكيري وصلنا لبيت خاله ام مسره نزلت تشكرت منه ودكيت الباب طلعتلي مسره

مسره: غسسسق واخيراً

غسق: سدت الباب حضنتني

مسره: مشتاقتلج ونبي قبل شوي ذكرناج انه وماما

غسق: دخلنا سلمت على خاله وكعدت يمها

ام مسره: بيج شي عيونج مورمه غسق

مسره: صدك انه مانتبهت شبيج ليش هيج وجهج وعيونج

غسق: تطلگت شهكت خالتي

ام مسره: عززه بعينه عرفته ملعببب طركاااعه على راسج يبدريه لييش ولج امييي على شنو

غسق: هيج احسن خاله ماحسيت براحه ويا

ام مسره: يا يمه سوده عليه شفتي وشكد عمرج علمود تتطلگين للمره الثانيه عساها بحضهم وبختهم اي والله
الميخافون الله عدهم لعبه

غسق: احسن خاله اني هم بعد توببه ابقي اشتغل واكمل دراستي واعيش لنفسي لا رجال ولا صخمان

مسره: اوووف غسق قهرتيني والله خليتيني صافنه مثل المطي زين ليش شنو السبب هيج بسرعه بسرعه

غسق: حاولت اتأقلم ويا بس مكدرت

ام مسره: ولج يمه اخاف كليبج بعده يم ارشد

غسق: لا خاله والله اصلاً اني كرهته بس مكدرت مادري شنو السبب حرت شطلع حجه علمود تقتنع بس هي اعرف بيها تسأيرني ابد ماقتنعت

ام مسره: كومي ارتاحي السوالف هواي

غسق: كمت اني ومسره صعدنا فرشتلي تمدتت

مسره: صاير شي تردين تحجيليا اسمعج

غسق: مسحت عيوني هزيت راسي لا

مسره: الله يعوضج بلاحسن صدكيني
نامي شويه اخليج وحدج

غسق: عافتني وطلعت بقيت اباوع على السكف واجت عيونه الذبلانه المتشوفني تلمع كبالي من يوكف كدامي ويميل ركبته كلامه من يكلي يا بعد كل ضلوعي
هزيت راسي ماااريد افكر بشي ماااريد اني قويه ومتاكده راح اوكف على رجلي وماحتاج احددد هذه هو الصح واليرضي الله
مااجاني نوم من التفكير راسي صدع
للمغرب كاعده اتگلب وهم عبالهم نايمه مرتين فتحت الباب مسره وراحت ثالث مره شغلت الضوه

مسره: كومي غسق وكت غروب ميصلح تنامين

غسق: كاعده

مسره : كومي اجه غسان يريد يحاجيج

غسق: عدلت كعدتي وهمست خجلانه حجيتيله

مسره: اي لازم يعرف

غسق: كمت نزلت وياها
سلمت عليه وكعدت

غسان: صدك الخبر السمعته

غسق: اي

غسان: ليش شنو السببب تره مو كلشي ينحل بلنفصال

غسق: متوالمنا وشفنا هلطريق احسن شي

غسان: متاكد؟ ماكو غير سبب

غسق: ماكو

غسان: عمامج اذا عرفو مراح يخلوج غسق وانه ماعندي سلطه عليج واحجي يعني راح ترجعين لنفس الدوامه

غسق: بوكتها اني اعرف اتصرف لا تشيل هم بس امي خجلانه منكم لأن دائما ازاحمكم وادوخكم بمشاكل

غسان: البيت بيتج واحنا خطارج لا تحجين هيج اختنا انتي

غسق: ابتسمت وتشكرت منه مر اسبوع واني نفسيتي يوم بعد يوم تصير اسوء من القبلها حيل تعبت التفكير دمرني وبالي يم مهاب شي بداخلي يكول السويتي صح وشي ثاني يكول غلط واني بقيت بين حانه ومانه
اليوم اخذت جهاز مسره اتصلت برقم الحضانه طلبت احجي ويا رنا حجيت وياها عاتبتني على هلغيبه وبقيت اتعذر منها وطلبت ارجع للشغل ومثل ماتوقعت قبل طيبه هلبنيه ربي يجازيها على كد طيبتها ونيتها الحلوه ثاني يوم كعدت غيرت ملابسي وطلعت للدوام بعد ما ترخصت من خاله بس صايره اخاف من الشارع وحذره وصلت للحضانه تسالمت ويا البنات اجتي رنا حضنتها مشتاقتلها مرت الايام وهاي شهر اني يم خاله مهاب بعد ماسمعت صوته ولا شفته ولا عرفت عنه شي احس روحي تفرفح عليه كلش متاذيه ممكن يكون تانيب ضمير لان احسن هو جان بحاجتي وعفته
اليوم رجعت للبيت وبالي مو صافي ومن الصبح ليهسه افكر بي ماعرف ليش وشنو السبب شفت هوسه يم باب البيت بقيت بمكاني والخوف اكلني واني اسمع صوت صياح زلم

يتبع<>
للكاتبه: ود الباشا

مو هسّه حَتحس بنقص
باچر يُفر بيك الزمن
واخذ الثار براحتيّ
يل علمتني على السهر
باچر ترد متعوب الي
(ماتِلگه مِثل ولايتي).