رواية شوگ و ورد الفصل الرابع والعشرون 24 - بقلم wad. al.Basha

للكاتبه: ود الباشا

سلام عليكم
شخباركم بنسبه للنشر ماكو موعد محدد كل ما اخلص البارت انزله حبايبي 🌹
قراءه ممتعه شاركوني رئيكم

‏⠀
ما چنت أفتهم معنى
الـ يطيح بضيج
ضگتها و ياحرورة
طيحة الـ عالي
طحت مثل
البيوت العالية من تطيح
و شفتهم من مشوا
غالي بضهر غالي

غسق: نفتحت الباب صار ارشد بوجهي
رجعت ليوره وبعدها الصدمه مرسومه على وجهي وعيوني مغوشه من الدموع مسحت عيني ورگضت دخلت الغرفه وقفلت الباب شعوور حقير بداخلي
اندگت الباب

ارشد: غسق فتحي الباب. خليني افهمج

غسق: مجاوبته بس كل شهگه تطلع من صدري احس روحي تطلع وياها

ارشد: غسسسق فتحي الباب خليني احاجيج

غسق: عفته يحجي كعدت وره الباب لازمه ايد بايد اسيطر على رجفه ايدي شلون هيج يسوي بيه عموو مو يعرف ماعندي غيره شلون يخليني انذل بهلطريقه اذا مو كدها ليش وعدني ليش دگلي صدر ياخذني يمه
غمضت عيني اريد بس استوعب احس عقلي راح بطير
معقوله جانو يحجون على عمو علاء اخاف اني سامعه غلط يمكن جانو يحجون على عمو محمد عمو علاء مستحيل ياذيني مستحيل يكسرني بهلطريقه صوت ارشد عالي يصرخ على ريتاج رجع دك الباب يخاف انتحر ميدري المووت احسلي من العذاب العايشتهه
بعمري متوقعت عمو علاء هيج يسوي بيه سمعت صوت خاله

ام ارشد: غسق يمه بنيتي فتحي الباب خليني احجي وياج بس طمنيني عنج سمعيني صوتج

غسق: مسحت دموعي زينه اني اريد بس انام

ام ارشد: لا تخلين بالي عليج بنيتي فتحي الباب

غسق: سكتت ماحجيت هيه بقت تحجي وتنصح علما عافتني وراحت كمت تمددت على الفراش بقت دموعي تنزل احساس بشع حيل احساس ياكل بيه اكل

ارشد: غسق بابا فتحي الباب احاجيج اسمعي مني خليني افهمج الصااار

غسق: مجاوبته كارهته حسيته استغفلني خلاني اياام ابجي واكل بروحي اياام واني دمعتي بعيني
واصيح باسم عمو وهو يشوفني ويسكت ليش مابرد كلبي ليش ماگلي عااايش بس مايريدج شنو السبب الخلاهم يكولون مااات خليت المخده على راسي ماريد اسمع صوته راسي احسه يريد ينفجر
معقوله عمو هيج يسوي بيه ليش شنو السبب اذا ميريدني ليش جان يمشي ويكول اسحبج يمي
ليش هيج سوه اريد احجي ويا اريد ينطيني سبب يقنعني سبب يدخل العقلي
كمت ورجعت تمددت بتعب ماريد اشوف احد منهم هسه لان متاكده مراح افهم شي من عصبيتي وحركان دمي اندگت مجاوبت سمعت صوت طگه قويه يريد يكسرها كمت بسرعه وكفت وره الباب ارشد

ارشد: عيونه ورگن گلبه

غسق: اريد ابقى وحدي خليني الله يخليك مراح ائذي نفسي لا تخاف

ارشد: زين فتحيلي الباب خليني افهمج اشرحلج الصار لا تسوين هيج بروح ابوج

غسق: بس خليني استووعب السمعته واني اجيك برجلي افهم منك الصار

ارشد: زين طلعي اكلي لگمه

غسق: بس احس روحي جوعانه او محتاجه شي اطلع هسه عوفني وحدي ماحجه شي بعد مسمعت صوته
بقيت لثاني يوم بلغرفه عيني ماخذت نوم ولا دقيقه ارشد كل شويه يروح ويرجع يحاجيني عباله انتحرت

احس تخبلت اني مشكلتي مو ويا ارشد مشكلتي عموو ليش هيج سوه شنوو موقفي كدام هلنااس واني لا عمامي مابيهم خير ولا خالي شلون اكدر اباوع بوجهم
من البجي وحرگان الروح نمت بمكاني حسيت ايد على راسي فتحت عيني ارشد

ارشد: خوفتيني عليج لا تعيديها مره ثااانيه

غسق: شصاير

ارشد: ساعه واكف ادگ الباب اريدج بس تحاجيني ماكو خفت عليج گلبي حسيته وكف

غسق: كمت عدلت كعدتي

ارشد: كومي ناكل لگمه

غسق: مجوعانه

ارشد: تردين تموتين ؟ من البارحه مماكله شي

غسق: ليش هيج سوه عمو؟
فرك وجه وركز بعيوني

ارشد: زوجته ماقبلت وخيرته بينج وبينها

غسق: بس زوجته حبابه قبل لا يسافرون اني كله يمهم
مايوم سمعتني حجايه

ارشد: احتمال عمج جان واكف بوجها

غسق: زين ليش كلتو ميت ليش ماكلتو الحقيقه
جر حسره ورث جكارته

ارشد: راح احجيلج كلشي بس اول ننزل ناكل لكمه ونرجع نسولف

غسق: مجوعانه اريد الموبايل احجي ويا اريد افتهم منه اريده يقنعني

ارشد: ليش مصره تحاجي هو مراح يهمه اقتنعتي اول لا

غسق: نزلت دموعي ناار بگلبي احس النفس اليدخل ريتي يخنكني والله لو اموت احسن لي من هلعذاب خله ايده على حلكي

ارشد: هلحجي ماريد اسمعه مره ثانيه
وعمج انسيي خلااص وكتلج انه اسولفلج كلشي

غسق: اريد احجي ويا

ارشد: هاهيه يابه اخليج تحجين ويا بس تاكلين لكمه اول

غسق: هزيت راسي دخلت للحمام غسلت وجهي باوعت بلمرايه مورم من البجي طلعت منتضرني مدلي ايده لزمتها ونزلنه شفت خاله كاعده هيه وعمو يحجون من دخلنا سكتو

ام ارشد: فدوه لهلوجه بنيتي والله ضل بالنه عليج

غسق: سلمت عليهم سلام عمو جان من وره خشمه
صبيت اكل وكعدنا ناكل دخل رائد

رائد: ملتمين الحبايب خير ان شالله

ام ارشد: خير اليصيبك وليدي

ابو ارشد: ارشد وليدي مريتك تردها لهنا لا تخلي العالم تاكل وجهنا

ارشد: يابه تره مشامرها بلشارع بيت وحدها احسن

رائد: بدت التفرقه بعدنا باولها

ارشد: تفرقتيش لا تخليني اكوملك اكسر راسك لك كو...

ابو ارشد: اخر حجااايه عندي اذا مرجعتها لليل بايدي اروح ارجعها تره ماكفرت حجت حجاايه والصوج منك ليش ضام عليها هيج سالفه

ارشد: يابه مو وكت هلحجي وريتاج انه مخليها بيت وحدها ومحد كايللها على عينج حاجب بعد شنو هلحجي

ابو ارشد: البيت الكاعدين بي واسع وييكفينا وزياده
زحمه. يابويه شكوول لابوها

غسق: سكت ارشد ماحجه شي باوع على خاله وهز راسه خلصنا كمت غسلت المواعين
واشرلي اصعد صعدت شويه وكبت عيطتهم صعد وركع الباب راح للحمام خفت احجي ويا بعد طلع تمدد

ارشد: تحاجين عمج؟ لو افهمج الصار

غسق: احجي ويا اول
دگ الرقم وطلع علمود اخذ راحتي شويه ورد

علاء: خير ارشد ناسي حجايه مكلتها؟

غسق: اني غسق بقى ساكت ليش هيج سويت بيه عمو
هيج هنت عليك مو جنت دكلي انتي عزيزه على گلبي بنت الغالي طلع بابا مو عزيز عليك ولا غاالي اياام اني ابجي عليك ايام من القهر ماانام اكول ماات بسببي لو كايلي والله ماااضوج هذه مو عمو محمد يكوول ماريدج ليهسه احبه واعزه
بس انت شسووويتتت ايااام عمو ايااام تئملني تاخذني يمك واني انتضر واكل بروحي لان كاعده يم ناس غربه
زحمه ابقى اكثر عدهم وكل مره اخابرك ابجي واتوسل بيك تستعجل تقشمررني بكم كلمه وتسكتني

علاء: اني ردت احجي وياج والله يا بنتي انحطيت بموقف صعب معرفت شسوي منا عائلتي ومنا انتي
ساالفه الموت من راس ارشد مو مني

غسق: تدري ليش طلع هلسالفه؟
لان مرادك تموووت بعيني رادك تبقى ذاك الشخص الجبير بعيني مووتك من الدنيااا علموود تبقى عايش بعيني وابقى رافعه راسي بيك بس ياريتني متت ويا بابا وماما اثاري الدنيا بدون اهل متسوه

علاء: غسق بابا اسمعيني

غسق: شسمع بقى شي اسمعه لا دكلي بابا انتت بعمررك ماتوصل ضفر من اضفر بابا فعلياً متت وجودك وعدم وجودك مايهمني بس يوم بعد يوم دانصدم من الوجوه الدتطلع والاقنعه الدتوكع في امان الله سلملي على عائلتك
كطعته وملخت نفسي احس حركه بكلبي نارر مدتطفى
دخل ارشد لزمني حضني بقى يمسح على راسي

ارشد: شتفقنا تبقين هادئه ماريد اشوف انهيارج غسق رحمي بحالي وداعت امي ماتحمل اشوفج هيج گلبي يكوم ياذيني تعاي كعدي علمود اكدر افهمج

غسق: شتفهمني بقى شي تفهمنيا اهلي واحد واحد عافوني خلووني وحددي ليش هيج يصير وياي شمسويه اني والله مماذيه احد

ارشد: انه اهلج وكل ناسج شو اباوعلج

غسق: رفع راسي بايده وباس جبيني
بقى يمسد بايده على شعري

ارشد: لا تفكرين بشي مادامني بضهرج ماريد دموعج تنزل وعمج مو ذنبه زوجته هيه مرادتج وهو حار بيناتكم

غسق: باوعتله وعيوني مغوشه من الدمووع هو عاافني خلاااني وحدييي ايام اني منتضرته يجي وگلبي محروك اذا ميكدر ليش خلاني اتأمل

ارشد: انسي الصاار انتي مو بحاجه احد

غسق: سكتت ماحجيت شي كام عدل ملابسه

ارشد: عندي شغله اخلصها واجي

غسق: هزيت راسي طلع وطبك الباب شويه واسمع صوت صياحهم جوه نزل وكفت على الدرج واكفه ريتاج تفرگ بايدها وعمو وارشد ثنيهم عصبيين

ارشد: كتتتلكم لا ترجعووووها شكووووو جبتوووها ليش تخلوووني ابتلييي بيها انه شكلت

ابو ارشد: هذه بيتها تبقى بي غصب عنك معاجبك انت اطلع

ارشد: يااابه انه ماشامرها بشااارع

ابو ارشد: البنت متعوده علينه كل هلسنين هيه يمنا شو هسه فكرت اطلعها مبين هلزعطوطه لعبت براسك وفرته لهنا حدك ارشدد ارجع الوعيييك لا تخلي الناس تضحك علينا

ارشد: لا تخليني اكعد اقسم علناااس التحجي عنهاااا
لااا احد يدخل بقنادري اخليهم اهنا اطلعهم بككيييفييي

ابو ارشد: هيه هاي المرجيه منك تالي عمررييي توكف تعليييي صوتك بوجهي

ام ارشد: خلي براحته ليش تضغط عليه الشي اليريحه يسووي

ريتاج: خاله انه ماكدر اعيش وحدي متعلمه عليكم

ارشد: منوووو الجبرج ترجعين جان بقيتي يم اهلج

غسق: كعدت تبجي بصووت صدك نقهرت عليها كعد يمها عمو يهديها ويخزر بارشد وهذه ولا اهتم عاف البيت وطلع اني هم قبل لا تجيني شضيه طلعت للحديقه بلكت اشوف غسان
ينصحني شسوي منا مخنوگه من سالفه عمو ومنا هسه عبالهم اني مااقبل ارشد. يكعدها اهنا جريت حسره شفت رائد اجه وكف يمي

رائد: خوش دتلعبيها

غسق: مفتهمت

رائد: لا تفهمين احسن بس ثقي بالله راح اخليج تمشين وتتلفتين وراج

غسق: بلعت ريگي انت شتريد مني تره مماذيتك اني ليش حاقد لهل درجه مدافهم باوعلي من فوك ليجوه ودخل جوه عجيب امره يعني مووقف واحد صار بيناتنا ليش هيج يكرهه زارع الرعب بيه من وره كلامه
الحقير كعدت شويه وشفت غسان يدخل بسيارته كمت نكتت ملابسي رحت وكفت قريب الباب باوعلي ابتسم

غسان: الله اليستر شو اهنا اليوم وراج سالفه

غسق: لا والله بس مخنوگه طلعت اشتم هوه شي
اكيد جنت يم مسره

غسان: لا جان عندي خط وصلتهم المهم تعاي كعدي سولفيلي شوراج

غسق: خايفه من رائد وريتاج
طبك حواجبه

غسان: عليش خايفه سامعه منهم شي

غسق: رائد يمشي ويهدد وريتاج نظراتها كافيه

غسان: ليش ساكته ماتحجين الارشد

غسق: شحجيله؟ تره اخو وزوجته يصدگني اني

غسان: اكيد يصدكج يعرفهم مو قليلين مو بعد ريتاج منج يعرف دماراتها يدري بيها ماتكعد راحه وام مشاكل لا تسكتين

غسق: ريتاج رجعت عمو رجعها بقى باهت بوجهي

غسان: اكو براسها شي هلحيه

غسق: انصحني غسان مالي غيرك والله انت اخويه اني مداكد افكر احس عقلي واكف

غسان: انتي شجابج يم هيج ناس لخاطر الله
اسمعي ترحين تحجين كلشي لرجلج بتفاصيل
اذا ذيج لازگه متريد تطلع من اهله انتي طلعي
هسه صارت محبه لاهله وهيه بليوم تتعار 24 عرگه علمود تعزل الچلبه

غسق: يكول مأمن عليج لأن قبل فتره حاركه الببيت عبالها اني بلبيت

غسان: ادري بهلسالفه من هاي اكلج احذري منها كلشي تسووي

غسق: اني استاهل وهيه حقها زوجها وتغار عليه اني الدخلت بنصهم وخرب حياتهم

غسان: ايي عاد انه اشهد على حياتهم الطايح حظها شرط ويا كل وجبه عرگ لا تاخذين بحجيها خليها تولي
والله لو عندي سلطه عليها اكتلها خلااص واخلص الناس من شرها

غسق: ابتسمت بس لا هم عدك موقف وياها

غسان: هههههه مواقف

غسق: اجه صوت رائد ييصيح لغسان بقيت على كعدتي تقرب طابگ حواجبه

رائد: غساان مره ثانيه ماريد اشووفك كاعد هلكعده

غسان: ليش؟

رائد: اعتقد زوجته ارشد كم واحد يشوفك كاعد وياها شراح يكووولون

غسق: يحجي ويا ورافع حاجبه بخبث
وانت شكووو غسان حاله حال اخويه واليحجي خله يحجي مايهمني

رائد: قصدج نفس اخوج خليل؟
غاسلين ايدنا منج لعد

غسان: رائد احترم وثمن كلامك

غسق: لزم غسان من ياخته

رائد: لا هيه الناقصه انت تعلمني على الاحترام وليل ونهار مختلي بهلشريفه

غسق: غسان ضربه وكع رجع على غسان يضرب بي حاولت افاگگهم مكدرت بقيت واكفه شفت سياره ارشد دخلت للبيت شافهم اجه زمخ بيهم يلا واحد عاف الثاني

ارشد: شديصير؟

رائد: اسااااله اله شديصير

غسان: تره انت التهجمت انه لا يمك ولا بگرباك

غسق: اشرلي ادخل جوه بس افهمك الصاار

ارشد: كتتتتلج جووه

غسق: عفتهم واحد يصيح علثاني ودخلت جوه گلبي يلعب من رائد اخاف يجذب عليه ويگلب الحجي عليه
صارت خاله بوجهي

ام ارشد: خير يمه بيج شي وجهج اصفر

غسق: لا ماكو

ام ارشد: شو تعاي كعدي احاجيج

غسق: كعدت يمها

ام ارشد: لا تضوجين من عمج هو طبعه هيج
مايقصد شي لا تاخذين بكلامه

غسق: لا خاله عادي والله اني مطيتهم الحق بس هم ماالي ذنب بديصير انتي تعرفين ارشد ميحتاج احجيلج

ام ارشد: اعرف بنيتي اعرف ميحتاج تحجين بس صدگيني يحبج لو مايحبج مايوكف هيح بوجه ابو
وميكدر يعزل بيج يخاف عليج هاي بنت اللذينه كلشي يطلع منها
لهل سبب يريد يطلعها علمود يأمن عليج

غسق: ردت احجي وگبت العيطه بره طلعنا اني وخاله نتراكض غسان وارشد متلازمين واحد يضرب الثاني ورائد الحقير واكف مجتف ايده

ام ارشد: ولك يييمه عووووفه شبيكم

رائد: عووفي يمه خل يادبه

ام راشد: ولك يييمه الولد راااح اررررشد عوووفه

غسق: حرت شسوي لزمت ايده دفعني وكعت ماهتم رجع يكمل عليه وغسان مديدافع على نفسه
اررشد عووفه حبااااب اجه ابو غسان خطيه يركض راد يفاگگهم ماكدر
رجعت عليه حضنته من ضهر لزكت بيه بقى يغلط عليه

ارشد: انعل شرفك لك ساااااقط بلقران امحييييك احسب الله ماخلقك قندره

غسان: راح ترجع برجلك تعتذر انه ماجوبك تبقى اخويا وعزيز عليه

ارشد: وخررررري بنت الچلب انعل عشيرتك بس تعال خليني الزمك لاطلع حليب امك من خشمك

غسق: ارشد حباب كافي عووووفه اندار عليه ضربني راجدي كدامهم وكعت بلكاع

غساان: لك ارشد بلقران وداعة امي راح تندم كتلللك ماكووو هيج شي ديجذذذب علييييك

غسق: رجع عليه ضربه ابطنه بقى ابو يتوسل بي شكد انقهرت عليه اجتي خاله تبجي كومتني من الكاع حضنتني همست

ام ارشد : شصاير يمه شبي هيييج شسامع

غسق: هزيت راسي ماعرف ودموعي على خدي
غسان عاف ارشد وهجم على رائد صارت هوسه شكبرها انريد نفاگگهم منكدر خطيه ابو غسان حتى باس ايد ارشد مفاد تالي خاله راحت وكفت بنصهم وصرخت عليهم

ام ارشد: يلاااا ضربوووو ولكم ماستحيتو كل واحد شكبرررره تتعاركون على شنو يمه وانتووو اخوان واحد لازم لازم ضهر الثاني

غسق: تقرب ارشد سحبني من ايدي ايدددي شبييك عوفني يمشي سريع ويسحل بيه صعدنا فوك دخل للغرفه وسد الباب عيونه يجدحن

ارشد: اسمعججج احجيييي

غسق: شحجيي

ارشد: شكوووو كاعده بهذه مضهرررج يم غسااان كم مره حذرتج متوصلين ييييمه شنوووو برااااسج

غسق: ماكو شي والله جنه كاعدين نسولف على عرسه

ارشد: حلووو بعد جذبوووو هو يكول علمود دراستها وانتي دكولين علموووود عرررسه

غسق: بلعت ريگي ردت اكحلها عميتها
انت ليش معصب يعني شكو بيها اذا كعدت حجيت ويااا دار وجهه

ارشد: اي شكو بيها من حقج اطلعين تصادقين تحجين ويا قابل يا كرن المانعج

غسق: تقرب بخطوه سريعه لزمني من فچي

ارشد: غسسسق راسج اكسره بلقرررران ادووووس عليييييج امشييي عددل احسن لج
لا طلعينييي من طوووردي بتصرفااااتج الغبيه

غسق: لا تصيييح ياااا تصرفاات غبييييه اني مجرد كعدت يمه سولفنه شويه تره مابدر شي موزين كتلك مثل اخوووويا

ارشد: اخووووج خليل تقصدين؟
الرااااد يبيعج علمووود السم الياخذه

غسق: مكتلك نفس تصرفاته كتله اني حاسبته مثل الاخ ماكوو داعي تحجي بهلطريقه واذا خليل موزين وتصرفاته ماتعجب حضرتك شكووو اكثر من مره شفتتتتك يمه لا يكووون انت سيد وجاي تهدي
لصراط المستقيم عض شفته

ارشد: الساانج طولان

غسق: ترره ماسويتت شي يستاهل كل هذه اخوووك واحد حقيير يريد مشاكل من جوه الكاع وانت تصدكه
لزمني من شعري

ارشد: غسسسق احتررررمي السسااااانج تبلعييي لااااا طلعيليا عشر امتاااار

غسق: عووووف شعرييي عوووف معاااجبك عوووفني اني موزينه موو هيج قصدددك جااااي حااامي وشااااك بيه عووووفني خلينييي اروح عليش حارك دمك
لطمني علي حلگي

ارشد: ناااااويه على موتتتج انتي ؟؟
اطلگج واعووووفج مووو اذا اخوووج ماااات بسمعته الخااايسه انتي تموتين بنص الملاهي

غسق: دفعته مادري منين اجتني القوه بس كلامه حرك كلبي ومبين مصدك كلام اخو الحقير
ميخصصك وييين اشتغل وييين اروح بس عووووفني طلگني يا اخي مشايفه مثلك فوك مامتزوجني غصب معاجبك؟ تررره اذا اني مووورزينه محد جابرك عليه ريح راسك وطلگنيييي وارجع لحياتك الشريفه بعيد من سمعه اخويه وسمعتي التحجي بيها
رفعلي حاجبه

ارشد: بلقرااان اذا مامشيتج عدددل ماتسمى
وهذه السااانج ينكص على ايدي
واسوووي كلاده واخلي بركبتج علموووود اذا فكرتي تسووووين شي عيووونج تروح عليه وتووووبين
لللج قندددرررره منو حاجييي على سمعتج

غسق: من تحجي على خليل شتقصد لعد ومن سمعت كاعده حاجيه ويا غسان وهيج صار بيك شنو معنااااها
والله احرك روحي وابلييك كاااافي تره كااافي طلعتت روحي خليت ايدي على رگبتي فقدت خانكني انت خانگني فوك كل هذه معاااجبك بددال متوكف بوجه اخوك جايييي تحاااسبنييي على شنو مااادري؟
لان كاعده حاجيه ويا غساااان ايااام اني ويا نطلع وندخل وناكل سوووه مارفع طرف عينه عليه هسه جاااي واحد مثل اخوك الخسيس يحجي بسمعتنا
بقى يباوع عليه ايدي ورجليه يرجفن فقدت بعد ماسيطرت على نفسي فتحت عيني ودمعتي نزلت على خدي شفت روحي علسرير والغرفه ضلمه بلعت ريگي بتعب عدلت كعدتي ونفتح الضوه
باوعتله ارشد

ارشد: شتحسين يوجعج شي؟

غسق: اطلع بره

ارشد: غسسق بعدين نتفاهم عوووفج مني هسه لا تخوفيني عليج احجي يوجعج شي

غسق: لييش دائماً تعيروني بخليل خليل ضيعو اصحاب السوء هو مجان هيج والله بعد وفاه بابا وماما التجى لهل طريق كعد كدامي راد يحظني ابتعدت

ارشد: لحظه عصبيه انسي كلشي حجيته

غسق: اطلع بره اريد انام طبگ حواجبه

ارشد: اعتقد غرفتي مثل ماهيه غرفتج ؟
كومي ناكل لكمه ونرجع انام تره معدتي دتتگطع

غسق: روح انت اكل مجوعان حجيتها تمددت ودرت وجهي عنه خلاني افوور بكلامه وهسه بكل برود يكول لحظه عصبيه
ماحجه شي طلع وطبك الباب شويه وحسيت الباب انفتحت مالتفت خفت هو سمعت صوت خاله

ام ارشد: بنيتي كاعده

غسق: كمت اجتي حضنتني

ام ارشد: شصابكم يا يمه والله گلبي وكف من شفتج رايحه لا ايد ولا رجل علما جبنا هلي المضمده اهنا شافتج

غسق: خاله رائد جذاب والله اني ماعندي شي ويا غسان حاسبته اخ وكفاااته تشهد هو اعز من الاخ
يوكف عيني عينك يتهمني

ام ارشد: عوفج من هل اغبر هذه اني اعرف شغلي ويا
كومي اكلي لكمه يمه لا تطيحين علينا والله مابيه حيل هبطات بعد

غسق: مسحت دموعي مجوعانه والله

ام ارشد: بنيتي لخاطري كم لكمه توكفج بحيلج

غسق: هزيت راسي وشلت شعري لفيته ونزلت وياها شفت ارشد كاعد بصاله ولازم راسه بثنين ايده رفع راسه باوعلي بتعب ماهتميتله عفته ودخلت للمطبخ حضرت الاكل

ام ارشد: حسبي حساب رجلج يمه تره بدون اكل انتضرج تنزلين انه اروح انام

غسق: طلعت شويه ودخل ارشد كعد خليت الاكل على الطبله وكعدت كملنا بدون مانحجي حررف واحد كمت غسلت الامواعين وهو بعده كاعد يدخن تجاهلته ردت اصعد صاحني

ارشد: غسق تعاي احاجيج

غسق: التفت عليه تعبانه اريد انام

ارشد: تلحگين تنامين تعاي

غسق: كام فتح باب المطبخ وطلع للحديقه

كعدت مقابيله منتضرته يحجي

ارشد: مو بقصد الكلام الطلع مني انه ائذي روحي ولا اشوفج متأذيه بلقرران الكريم انتي النفس اليصعد وينزل بريتي ماتعرفين معزتك بگلبي ماخذه رگن واخاف عليج حتى من نفسي لأن اعرف بنفسي من اتعصب افقد اصير چلب وانتي تكعدين گبالي تعاندين وهذه السااانج بطوول القندره

غسق: اني ماغلطت ردت احجيلك الصار بس انت ماتسمع وفوك كل هذه ضربت الولد وخليت ابو ينذل ويتوسل بيك يبوس بايدك لأن اخوك مادري شحجالك

ارشد: رائد ماحجه شي انه تعصبت من كلام غسان نفسه انه اريد افهم منه شصاير وهو يوكف بوجهي يكلي ماتستاهلوها حرامات وكعت بايدكم هيج بنيه الف واحد يتمناها تردين اسكت ؟
لا بلقران ازوعه العافييه وهذه السويته قليل وبعدين انتيي شكو كاعده يمه بلحديقه ادگين حنج بهذه لبسج وشعرج المفتوح انتي حجابج نص استاااو لا يستر ولا يغطي احمدي ربج ماطبگتج ويا

غسق: خلصت اكدر اصعد ؟

ارشد: لشووكت تبقين هيج كارهتنيي؟

غسق: اني حالياً كارهه حتئ روحي تقرب مني خطوتين وسمعنا عيطه ريتاج

يتبع<>
للكاتبه ود الباشا

شكثر كسرات
واصعب كسره چانت كسرة الخاطر
شكثر لچمات ونگول الفرح باچر