رواية شوگ و ورد الفصل الثالث والعشرون 23 - بقلم wad. al.Basha

للكاتبه:  ود الباشا

وين اهذري الكلشي بيه
وين اگولن كلشي مر

لا درب ما عثراني
ولا گصد جدمي بطر

ولا محطة البيها اونس روحي لو گلبي عثر
انه ويه الكلشي ماكو أصحاب كضينه العمر

غسق: بلعت ريگي منو؟
همس

رائد: خليها مفاجئه

غسق: عافني وراح بقى گلبي يدگ سريع من الخوف ممرتاحتله كلش اخاف منه احسه ناويلي نيه كشره
دخلت جوه صعدت للغرفه ماريد اشوف احد
كعدت صافنه نفتحت الباب دخل ارشد باوعلي

ارشد:  ويساعدج اكو مره تستقبل زوجها هيج دكول عدها جنازه؟

غسق: مجاوبته اجه كعد كدامي
طابگ حواجبه بتسأل

ارشد: بيج شي؟

غسق: نزلت دمعتي حضني وهمس

ارشد:  شبيج باباتي

غسق: مخنوگه اريد ارجع للبيت
لزم وجهي بثنين ايده

ارشد:  صاير شي احد مسمعج حجايه

غسق: هزيت راسي لا نزلت دموعي مسحهن وحضني همست رجعني للبيت

ارشد:  مااكدر اخليج وحدج من اروح للدوام يبقى باالي يمج وايدي متاخذ شغل

غسق: ماعليه شي والله

ارشد:  اهدي هسه خليني افتهم منج شصاير
منو وياج

غسق: محد وياي اني تعبااانه حجيتها وشهگت

ارشد:  لا تاذين گلبي شو باعيلي

غسق: رفعت راسي رجع مسح دموعي
اخذني لبيت بابا خليني اعيش وانت رجع زوجتك
واني ردت اكمل خزرني

ارشد:  صووتج مااسمعت وهلحجي مره ثاانيه ماريد اسمعه وخليها ترجيه باااذنج يا غسق لو عندج املاااك الدنيا كلها مو بس بيت ابوج شببرررر واحددد ماتبتعدين مني

غسق: مااااريدك افهم هلشيي
باوعلي بعصبيه تقرب مني ضربني بگفه ايده على حلگي

ارشد:  صووووتج مااسمعه طايحه الحظ
لو تركعين راسج بهل اربع حيطان وياهن السگف والكاع خطووه وحده ماطلعين واستووعبييي بعد كافي تاااذيني انه زوجج افهميهااا لا تخليني اعيد واصقل

غسق:  موو راح ترجع ريتاااج شلوون اكعد اكاابلها لا هيه اطيقني ولا اني اطيقها شال جكارته وباوعلي

ارشد: ومنو كلج قندره راح ترجع شو ماعندي علم

غسق:  احتاريت شحجي بقيت ابلعم خفت اكله رائد وينزله يتلاغون سكتتت تقرب اكثر مني

ارشد:  من تحجيييين حجاايتج كمليها من انعل اليوم الشفتج بي

غسق: محد كاال بس اكيد راح ترجع ضيك عيونه مامصدگني سكت ماحجه راح ينزع ملابسه

ارشد:  حضريلي الغده بين ما اغسل

غسق: محجيت شي نزلت خاله بلمطبخ محضرتله كلشي شافتني ابتسمت ليش تعبتي نفسج خاله

ام ارشد:  ماكو فرق امي الله ييسعدكم ويحفظكم

غسق: ابتسمت ورحت ساعدتها نزل وجه مايبشر بخير بس تسويله بز ينفجر

ارشد:  يمه وين رائد والوالد

ام ارش: طلعو بشغله كالو منتاخر

ارشد:  خير ان شالله صاير شي؟

ام ارشد:  لا يمه ماكو شي

غسق:  حجتها خاله مرتبكه بقى يباوعلها

ارشد : يمه اذا اكو شي احجيي

ام ارشد:  يمه فدوه لكلبك لا تعصب اخذ الامور بهداوه

ارشد:  غيير اعرف شصاير علمود افتهم حجيه شلعتي گلبي

ام ارشد:  ريتاج بلطريق ديرجعها ابوها

غسق: شمر الخاشوگه وبقى يباوع على خاله عيونه تريد تطلع

ارشد:  انه ماااااريدها عليييش ترجع

ام ارشد:   زحمه ابوها كال مرجعها بايدي واريد احجي ويا ارشد شنحجي بعد شنكول

ارشد:   بلقران اذا عرفت الكم ايد بلسالفه مراح يصير خيررر

غسق: عافنه وصعد بقت خاله تباوعلي واني اباوعلها

ام ارشد:  صعدي شوفي امي وخلي يهدى شويه

غسق: خاله عصبي ماتقرب منه اني ماحجت بقينه كاعدين شوويه ونزل مغير ملابسه صاحتله خاله وين ماجاوبها طلع وطبك الباب
كمت شلت الامواعين حتى اكل مااكل غسلتهم ورحت كعدت بصاله  خاله مبين محروگ كلبها اني ممفتهمه شي من الديصير بس الاعرفه ريتاج راح ترجع
خاله ليش هيج خايفين شصاير

ام ارشد:  ماكو بنيتي لا دوخين نفسج

غسق: نفتحت الباب دخل رائد محمل مسواك وراء دخل عمو سلمت وكعدت على صفحه

ابو ارشد:  وين ارشد؟

ام ارشد:  مصار ساعه من طلع

رائد:  اكيد سمع وطلع

ام ارشد:  تره ميصير الدتسووو ميريدها عليش ملبسيها براسه كوووه هيج صديقك اهم من ابنك

ابو ارشد:   يااهو هذه الميريدها منو كتل روحه عليها وراد يصخم وجهنا ويا اهلها هسه صار ميريدها

ام ارشد:  من سوالفها الطايح حضها لو غير واحد جان كتلها بمكانها بس هو لليوم صابر عليها ويكول بلكت تعدل وهيه يوم بعد يوم تتفرعن اكثر

رائد:  يمه البنيه راجعه لبيتها ليش هيج مكبرين السالفه

ام ارشد:  كوول هلحجي لاخوك وخلي يفهم طلع منا مشعوط

رائد:  تاليته يرضى لا تكبرون السالفه وهيه صغيره

ام ارشد:  شوكت يوصلوون

رائد:  مو علساس باجر يجون

ابو ارشد:  لا طالعين من ساعتين مباقيلهم شي

رائد:  هههههههه يخافون نردها استعجلوو وجابوها
رايح انام اشحن قوه لعركه الليل

ام ارشد:  فال الله ولا فالك يمه بيش طالبنه

غسق: مجاوبها راح لغرفتها وخاله كالت زحمه نكوم نسوي شي للعشا كمت وياها ساعدتها خلصنا اندارتلي روحي يمه غيري ملابسج وارتاحي شويه ماحجبت شي صعدت فتحت الغرفه سبحت وعيوني قفلت لفيت راسي بلمنشفه وتمددت ماحسيت شلون نمت كعدت على صوت صياح فتحت الباب بخرعه ذبيت المنشفه ونزلت ارشد عصبي وعيونه ناطه شافني رائد اشرلي اصعد بس مهتميت بقيت واكفه اريد افتهم شكو

ريتاج:  ارشد افهمني لا تسوووي خلينا نحل مشاكلنا بيناتنا لا دخل اهالينا مالهم ذنب

غسق: رفعلها حاجب

ارشد: حجي جديد هذه؟
لا عبااالج بااقي ذاك الاثول اليصدك بكلامج لج انتي حجااايه مااخسر ويااج مو  اكعد اسولف وييياااج واحل المشاااكل النتي ادوريها من جوه الكاع وبعدين تكعدين تتبجبجين

ابو ريتاج:  يابه وليدي لخاطر هاي شيباتنا تره لا عبالك سهله عليه من جايب بنتي وجاي وهيه صارلها شكد يمي وماسألت عليها ولا دريت عنها عايشه لو ميته

ارشد:  هيه الطلعت من بيتها وسووالفها مو قليله خلي يحجيلك الوالد تره طگت روحي منها بلقران
لا تفتهم بلعين والاغاتي لا بضرب شلون اتعامل وياها

ابو ارشد:  يا ابني البنيه تغار عليك من حبها الك

ابو ريتاج:  وانت حرگت دمها اكثر من رحت تزوجت عليها خليتها تبجي دم و كلش زين تعرف حبها الك
فوك كل هذه  رجعتها الك وكلت بيتها ورجلها ميخالف تتحمل وتسكت

ارشد:  عمي
ريتااج ماتفهم الكلام حيل متعبتني وتلاسن
ايام انه اخلي البيت واطلع علمود ماتصير مشكله وافقد اعصابي عليها اذا تكعد وتفهمها التسوويي غلط وترجع لعقلها هذه بيتها وترجعله

ريتاج: عمه ليش ماتحجين ليش مادكليله من حبي وغيرتي عليه هيج اسوي

ارشد:  من غييرررتج وحبج سقطتي طفلل مصااار اسابييع ابطنج من غيرتج وحبج اروح زياره وارجع حااااركه بيتي لج انه ادرييي بيج كل ضنج رايح وحدي وهيه بعدها بلبيت جنتي ناويه تحرگيها ويا البيت هذه يسمووو خبالل مو غيررره ولا حب

غسق: شهگت من استوعبت جانت ناويه تحرگني التفتو عليه تقرب ارشد لزمني من ايدي وصعدني فوك
بقت دموعي تنزل فرگ وجهه بعصبيه

ارشد:  شنزلج انتي مو جنتي نااايمه

غسق: صوتكم عالي

ارشد:  انسيي السمعتي

غسق: باوعتله والخوف مبين عليه ارشد شنسى يعني جانت ناويه تحرگني ويا البيت
كلشييي بسببك انتتتت دمرتني تعرررف مرتك تغار تحبك ليش هيج سوويت لييش تقرب حضني

ارشد:  ماعاااش الياذيج وراسي يشم الهوه
الصار انسيي هيه اخذت جزااتها انه راح اطلعها مااخليها وياج بنفس البيت  وانتي تبقين عند الوالده انه مااريد تختلطين وياها لان اعرف طينتها

غسق: مااامجبورر لكل هذه طلگني وكل واحد يرووح لدررربه لطمني على حلگي

ارشد:  الف مره كتلج سيررره الطلاااگ لا تجيبي علئ السااانج لا تفوررين بددمي انه ناااازل مااطلعين من غرفتج فهمتيي

غسق: سكتت ماحجيت رجع زمخ بيه

ارشد:  فهمتتتتي

غسق: همست اي طلع وطبك الباب قوي غمضت عيني بتعب اني عرفت ذاك اليوم امورهم مو تمام مو مال بس مكسرين اغراض البيت  كلما اتذكر جسمي يكوم يرجف الله ياخذج شكد صلفه بقيت كاعده اكل بضافيري وهمه بعدهم جوه مره صوتهم يعلى ومره يتناقشون بهدوى سمعت صوت خاله تصيح بأسمي نزلت شفتها واكفه يم الدرج

ام ارشد:  تعاي يمه اكلي لكمه صبيت العشى

غسق: مشيت وياها للمطبخ الاكل كاعد وريتاج كاعده بصف ارشد نزلت راسي كعدت يم خاله حيل جوعانه بس استحي اكل كدامهم

ارشد:  عليش صافنه اكلي يابه وجهج اصفر لا توكعين

غسق: ماححيت دنكت راسي وبقيت انقش  ام ريتاج هم جايه همه يسولفون ريتاج منطلقه ولا عبالك اكلت طن رزايل شعور مزعج بداخلي احس روحي زايده بيناتهم حسيت ايد اطبطب على رجلي باوعت خاله اشرتلي اكلي عبالهم ضايجه لان رجعت ريتاج اني جنت متوقعتها ترجع واصلاً فرحت لان رجعت علمود ماحس بذنبها بعد خلصنا اكل سحبت ارشد وطلعت للحديقه كمت غسلت الامواعين حسيت احد ورايه التفت رائد ماحجيت شي

رائد:  ليش ماعترضتي علئ رجعتها؟

غسق: ليش اعتراض

رائد:  متغارين عليه ماتوقعتج راح تعديها وحتى من كتلج اصعدي جنت متوقعج جايه تتعاركين لان رجعت

غسق: ليش دتسأل اعتقد شي ميخصك
حط ايده بجيوبه ورفع حاجبه

رائد:  صح ميخصني بس ريتاج مراح تخليج تعيشين بهدوى خاصه اذا انتبهت على نظرات ارشد الج
فانتبهي منها

غسق: عافني وراح. رجعت كملت الغسل صبيت الجاي
اخذته الهم كعدت ام ريتاج تخوزر بيه ماتحملت ابقى كمت طلعت للحديقه شفتهم كبالي حاضنته وهو ولا يمها

ريتاج:  حبيبي خليني اهنا انه متعوده علئ خاله ماكدر اعيش وحدي

ارشد:  لكيتلج شقه ماثثه

ريتاج:  انه ماريد اطلع طلعها الها

ارشد:  ريتااج لا تلحين اكثر

ريتاج: خليني اهنا حباب والله ماتسمع صوتي

ارشد:  كتلج ماتبقين اهنا وهاهيه واذا تردين جيبي امج او وحده من خواتج تجي عندج هذه العندي  اگطعي هلسالفه

غسق:  وخرت من عدهم كعدت كلش بعيد مايشوفوني
حضنت رجليه وبقيت صافنه بعمري مجنت متوقعه هيج يصير بيه ولا متوقعه اتزوج واعيش بهلطريقه
خفت ابقى وحدي كمت نكتت ملابسي ورجعت لكيتهم بعدهم واكفين شافني ارشد تقرب مني

ارشد:  وين جنتي

غسق: كاعده اهنا

ارشد:  بيج شي؟

غسق: هزيت راسي لا اترخص سحبني من ايدي

ارشد:  باجيه؟

غسق: باوعت على ريتاج عينها علينا بعصبيه
لا عفت ايده ودخلت جوه صعدت للغرفه واحس طابوگه على صدري
غيرت ملابسي ودخلت للفراش مر وكت واني على صفنتي نفتحت الباب بسرعه غمضت عيني تمـدد علسرير وبقى يلعب بشعري

ارشد:  اكدر احجي وياج

غسق: سكتت ماحجيت

ارشد:  غسق ادري بيج منايمه

غسق: فتحت عيوني ابتسم

ارشد:  كومي احاجيج

غسق: باجر نعسانه سحبني من ايدي كعدت تقرب حضني

ارشد:  ليش عيونج حمر  صاير شي؟

غسق: لا

ارشد:  احجيي لا تخليني اسحب الحجايه سحب من حلگج

غسق: اريد بس اسحب روحي منه وهو يقربني اكثر

ارشد:  مشتاقلج

غسق:  اريد انام

ارشد: لشوووكت هذه وجهج يبقى ثكيللل مو نعلتي والديه

غسق: صوته عالي خفت احد يسمعه كلت اخذه بلحجي
تعبانه. ونعسانهہ والله ماحجه شي تمدد وسحبني الحضنه وهمس

ارشد: لا تستعملين هلبرود وياي وتحرگيني تره صابر عليج اريدج تتعودين ماااريد اجبرج على شي

غسق: تره انت جابرني اعيش وياااك حياتي ويااك كلها جبر بعد على شنو متريد تجبرني سحب شعري حسيت آلفروه طارت ويا سحبته

ارشد:  شكلتي؟

غسق: هاااي الحقيقه ليش تنكرها انت جابرررني اعيش ويااك ماااريدك اني افهم هلشييي خله وجه بوجهي عيونه دم

ارشد: شتاقيتتيييي الاياااام اخوووج السگط وعمر؟
لووو لعمج المشغلج بلگهاووووي

غسق: نزلت دموعي ماحجيت بعد شي شمرررني علسرير كمت بسرعه وكفت بزويه خفت ياذيني

ارشد:  صاار فتره مبتعد منج اكووول خطيه اريدها تجيني وهيه مقتنعه ورااااضيه تاااااالي هذه كلاااامج

غسق: يحجي بصوت عالي اكيد سمعو اندكت الباب
صوت رائد

رائد:  ارشد اطلع احاجيك شصاير

ارشد:  ماكوووو شي ارجع لغرفتك

رائد: الوالده اتريدك ماتكدر تصعد

ارشد:  كللها ماكووووو شي رائد لا تخليني اطلع ادميييك روح مني

غسق:  راح صوته اجه يمي رجع لزمـني من شعري

ارشد:  شمسوووي والله بلااااني بييج

غسق: شعرري دتااذيني والله حجيتها وبجيت صار غير ارشد ولا كأنو هذه الهادى الجان يحجي وياي قبل شوي. ضربني راجدي

ارشد:  مغصوبه عليه مووو؟

غسق: من الخوف هزيت راسي لا شك تشيرتي حاولت ادفعه بقيت ابجي بصوت سد حلگي بايده كام مني بعد ماحسسني برخص الحقييير اخذ منشفته وراح للحمام كرهته كره مصاير كمت لبست ملابسي قبل لا يطلع ورجعت لفراشي غطييت. حتى راسي كارهه شوفت وجهه رجع تمدد يمي يدخن ابجي بخنگه اخاف يسمعني ويرجع يضربني
سحب الغطه منيي

ارشد:  ليييش تبجين لج بنت الگلب لا تخبلينيييي

غسق: كمت بعصبيه صرخت لاااا تغلط على بابا

ارشد:  عليييش دتبجييين شبيييج لييييش لهل درجه كارهتنيييي

غسق:  رجعت ليوره مدابجي

ارشد:  فهميني لخاطر الله شبييج ليش هيج تسوووين احجيي لا تخبلييني فوك اخبالي

غسق: م ماكو شي
تقرب مني مسح وجهي رجع شعري ليوره باسني من خدودي وجبيني

ارشد:  ليش خايفه مني ابويه انتي ماتحمل اشوف الخوف بعيوونج غسق لا تاذيني بيج

غسق: گلبي احسه راح يطلع من مكانه خوف على شعور غريب. حضني وبقى يلعب بشعري بعد محسيت على نفسي نمت فتحت  عيني ساعه ب 12 الضهر باوعت وحدي بلغرفه كمت سبحت مشطت شعري ونزلت صبحت على خاله باوعتلي مبتسمه

ام ارشد:  تعالي يمه اسويلج لكمه

ريتاج: عمه انتي لييش تسوووين ماعدها ايد

ام ارشد:  انه عاجبني ادللها محد اله علاقه

ريتاج: والله عمه البارحه قهرتني صياحها واصل لسابع جار يمكن اكلت كتله من ارشد

غسق: حجتها بضحك متشمته خلتني افور بس مجاوبتها تقربت من خاله كعدي اني الصبح ماحب اكل

ام ارشد:  مو بكيفج يا يمه اكليلج لكمه گضي بيها روحج

غسق: ابتسمت لعد كعدي اني اسوي سويت لفه بيض وكوب جاي وكعدت يمها اكل شويه دك موبايلها وكامت
باوعتلي ريتاج بحقاره

ريتاج: عبالج راح اخليج تعيشين بسعاده بحضن رجلي الخطفتي من حضني خطافه الزلم والله اشوفج نجوم الضهر بس اصبريلي

غسق: ماعتقد اكو شي تسوي اكبر من السويتي

ريتاج السويته ليهسه نقطه ابحار ماتعرفين شلووون ادمرررر اليلعب بشي يخصني ادمرره ومايرفلي جفن

غسق: بلعت ريگي خفت من كلامها دخلت خاله باوعتلها

ام ارشد:  خير ريتاج صاير شي

ريتاج:  سلامتج عمه انه اترخص

غسق: عافتنه وكامت احس الدمعه بطرف عينها خفت من تهديدها

ام ارشد:  كلتلج شي

غسق: لا كملت كمت شفت عمو ابو غسان ديغسل الحديقه طلعت سلمت عليه محتاج اسوي شي  وياك عمو

ابو غسان:  لا يبويه خلصت اكعدي اهنا لا تعبين نفسج بشي

غسق: كعدت شويه واجه غسان

غسان: يا هلا والله شونج

غسق: الحمدالله انت شونك مسره

غسان:  بخير وين هلغيبه هاي

غسق: محضوره ماكدر اطلع القرار من الجهات العليا

غسان:  ههههههههههههه خربت غيرتج والجهات العليا ارشد ؟

غسق: اكو غيره حتى خطوبتكم ماحضرتها بسببه

غسان: يابه يغار عليج انه هم حصلت رزاله غسل ولبس بسببج

غسق: تستاهل قابل بس انه اترزل

غسان: هم صدك لازم نترزل سوه
اي احجيلي شوكت يبده الدوام

غسق: ليهسه مادري بلكت انت تسألي علمود احضر روحي

غسان: سهله شلون ريتاج وياج ديري بالج منها غسق ابد لا تثقين بيها تراها حيه من جوه التبن

غسق: الضهر هددتني بس حقها محروك گلبها اني هم ضايجه عليها بس شسوي مطالع شي بايدي

غسان: لا تنقهرين عليها كتلج حيه تلدغ بدون ماتحسين وكل ساعه تبدل بجلدها

غسق: دتخوفني

غسان: لا تخافين يابه بس احذري منها

غسق: سمعنا صوت حمحمه ورانه التفتنه رائد

رائد: غسان شعندك اهنا اكو شي

غسان: سلامتك اجيت اشوف الوالد وشفت غسق كاعده يمه دردشنه شويه

غسق: هز راسه بدون مايحجي غسان ترخص وراح اجه كعد ردت اكوم

رائد:  اكعدي احاجيج

غسق: مرتاحه بمكاني عندي شي احجي مو الا اكعد

رائد:  شعندج ويا غسان تره اذا يشوفكم ارشد يطلع حليب امهاتكم من خشمكم

غسق: شدتحجيي انت تره كاعدين بلحديقه ممنفردين بغرفه

رائد:  احجي هلحجي لارشد وبعدين شكو ديحذرج من ريتاج

غسق: عيب عليك واكف تتسنط علينا

رائد:  عيب عليه اتسنط عليكم ومو عيب واكفه ادگين حنج ويا رجال غريب

غسق: متحملت كلامه نرفرني عفته ودخلت جوه شفت ريتاج تبتسم رحت يم خاله اشوفها محتاجه شي اسوي وياها ماقبلت خليت وصعدت اخاف يذبون حجي واني ماتحمل للعصر دخل ارشد بقيت مصفصفه بمكاني

ارشد:  ويساعدج يابه شكو صافنه بوجهي

غسق: خجلني لان مكتله الله يساعدك لا مصافنه

ارشد:  اسبح واريد انام

غسق: متتغده

ارشد:  اكلت

غسق: سكتت عرفت ريتاج صابتله دخل للحمام شويه وطلع نشف راسه وراح تمدد اشرلي تعالي بقيت اباوعله

ارشد:  شبيج يابه تقربي صاير شيي بغيابي احد مسمعج حجايه

غسق: لا مامو شي بس ردت اسأل شوكت يبدي الدوام

ارشد:  على الاسبوع الجاي ذكريني اخذج تجهزين نفسج هسه تعاي انام ساعه

غسق: تقربت خطوه كعدت علسرير سحبني حضني
باس راسي همس

ارشد:  رگن گلبي وروحي مو بقصد البارحه الحجي الطلع مني لا تاخذين بخاطرج

غسق: ماحجيت

ارشد:  مو بقصد لحضه عصبيه متصافين

غسق:  هم ترجع تتعصب وتجيب طاريهم

ارشد:  اي عاقبيني مثل ما اعاقبج

غسق: ميفيد وياك عقاب من تتعصب تفقد
بقينا نسولف على يومه علما غفه وغفيت ويا كعدت صاير المغرب صايره بس اكل ونوم وجسمي متكسر شغلت الاضويه سمعت صوتهم عاالي فتحت الباب على كيفي نزلت الدرج وسمعت ريتاج تصرخ بس عليمن مادري بعدين من حجه عرفته ارشد

ريتاج:  خليها ترجع لعمها ارشد لا تخرب حياتنا علمود وحده متعرفها لا تاذيني

ارشد:  ريتتاج بلقررران اخذج بايدي لهلج وانعل شررفه اليرجعج البنيه عووفيها مالج شغل بيها لا بلعباس اعلكج بلبنگه

ريتاج:  يعني عمها عايش وديتونس وذب بنت اخووو عيلنا شنو ذنبي اني يخرب بيتي وهو ديتونس

ارشد:  لاااا تجيبيييين طاري هلسيره

ريتاج:  ليش خااايف علئ مشاعر البرنسيسه خليها تعرف عمها عايش ومرادها توصل يمه فضل يكول ميت ولا يسحبها يعرف بنت اخووو شنو هلخطافه الزلم هاي

غسق: احس اذاني صار بي صدا صوت بقيت ارمش بعيوني اريد استوعب السمعته لزمت حلگي بثنين ايديه ماريد تطلع صوت شهكتي نفتحت الباب صار ارشد بوجهي

يتبع<>

روحي يا روحي إشبعد بيها ولمها ؟
إشبعد بيها اسرار تسوّة الظم وأظمها ؟
روحي داسوا فوگها وكسروا عظمها
چانت ألهم آه روحي
حتّى من تنجرح تضحك
تبتسم بشفاف دمها