رواية شوگ و ورد الفصل السابع عشر 17 - بقلم wad. al.Basha

للكاتبه:  ود الباشا

"ثم تجلس بعد ركضٍ مضني على حافة الرصيف، مدركًا أن لا جدوى من قطع المسافات مادامت الذاكرة حيّة".

غسق: راحت وبقى بالي لليوم الباب ممدگوكه هيج وكت تعجبت اجتي مسره تضحك تخوصرتلي وكالت

مسره:  كومي عيني

غسق: منو

مسره:  العاشگ الولهان ساحل امه المسكينه وجايبها ويا علمود يشوفج لو راده على الموبايل وفاضتها مو احسن

غسق: ارشد اهنا؟

مسره:  ليش كم حبيب ولهان عندج

غسق: بقيت باهته بوجها صدك تحجين

مسره:  اي والله جايب امه وجاي يلا طلعي منتضريج

غسق: ماا اجي كليلهم نايمه

مسره: غسق عييب مره چبيره جايه برجلها تشوفج طلعي سلمي ورجعي على الاقل

غسق: كمت واني متكسره وبودي اروح اكسره غسلت وجهي وطلعت فدوه لوجه خاله يجيب الطمئنينه حضنتها بوستها وبلكوه كاتمه شهگتي

ام ارشد: بذاته يمه ماكلتي اسأل امر لخالتي اشوفها

غسق: حقج والله خاله حقج مشتاقتلج بكد الدنيا بس تعرفين الضروف

ام ارشد:  سمعت بيج مريضه ماكدرت مااجي كلت الارشد هسه تاخذني عليها

غسق: تحجي مبتسمه وعيونها على ارشد عرفت المره مسحوله وجاايه

ام ارشد:  البقيه بحياتج امي

غسق:مسحت دموعي هو هم عافني خاله جان عندي امل بي يطلع بصحته ونستقر سوه

ام ارشد:  خلصت خبزته بنيتي لا تفكرين وتاذين نفسج
موزين على صحتج

ارشد: شلون صرتي بعدج تعبانه؟

غسق: باوعتله نظراته بيها توعد كاعد لازم جكارته بايده ويباوعلي مغندب لا احسن الحمدالله

ارشد: انتبهي على نفسج وحاولي ترتاحين
يلا يمه الوگت متاخر

ام مسره:  بيت بيتكم وليدي ضلو عدنا

ارشد: بيت العامر حجيه هم يلا نرجع الحجي منتضرنا

ام مسره: بسلامه

غسق: ودعناهم رادو يطلعون التفتلي

ارشد:  غسق  دوه ابو غايب دزه الج بسياره تعاي افهمج عليه

غسق: باوعت عليه حضنتتي خاله وحجت شويه وياي بمعنى صيري سباعيه ولا تنقهرين راحت رگبت السياره اني هم تقدمت وكفت كبال ارشد

ارشد:  ليش اتصل عليج متجاوبين

غسق: كاز على اسنانه يحجي بعصبيه كاتمه
يعني لأن ماجاوبتك جايب خاله بهليل وجااي

ارشد:  مره ثانيه اجيي بوحدي ثقي بالله ومااحسب احسااب لشييي غسسسق لا تاااذينيي بهلطريقه

غسق: تالي ويااك ارشد؟

ارشد: مو بايدي يا رگن گلب ارشد

ام ارشد: ولك اميي يلا عيب من الناااس

غسق: توكل عوفني بعدد لا تتصل ولا تجي الله يخليك عفته ودرت وجهي سحبني حيل من ايدي تعجبت على جرئته كدام خاله وامه

ارشد: موو بكيفج وشوكت ما اتصلت ومجاوبتيني تكليني كباالج

غسق: سحبت ايدي منه ودخلت وكفت يم خاله وهيه نظراتها عليه كرصتني من زندي صحت بصوت التفت عليه سلمو وراحو دخلنا للبيت اندارت عليه خاله بعصبيه

ام مسره:  ذااابحه روحج عليه هيج وساعه تبسبسووون وافقي علييه وفضيها

غسق: خاله ديحجي وياي على العلاج

ام مسره:  ويين العلاج شو مداشوفه بيدج

غسق:  سكتت مجاوبتها عافتني ودخلت لغرفتها رحت اني هم تمددت احس راسي مصدع هيج المالها اهل تنذل وتتعب احس الدنيا كلش صغيره بعيني اتمنى المووت بكل دقيقه نمت ودمعتي على خدي اعاتب بابا العافني لو ماما لو عمو فتحت عيني بثگل شفت الشمس طالعه بس جسمي بارد احسه ثلج ونيت بوجع صوتي مطبگ اجتي مسره شافتني ركضت عليه خلت ايدها على گصتي

مسره: مصخنه ولج وانه اكول ليش ليهسه نايمه سوده عليه كومي داغسلج وبدلي ملابسج اسويلج كمادات واجيبلج علاج

غسق: باردتلي غطينيي ماريد اكوم

مسره: ميصير  تزيد حرارتج كومي علمود اسويلج اكل وتاخذين علاج

غسق: لا تنطيني شي ادعيلي اموت فدوه ماريد اعيش تعبت مسره روحي دتطلع مشتاقه لاهلي ليش عاافوني ليش محتاجتلهم اني منو عندي غيرهم منو يتحملني غيرهم

مسره: لا تحجين هيج وتگطعين گلبي فدوه احنا اهلج والله انه اختج افديج بروحي كومي وياي بس اغسلج

غسق: مسره اني ماحبه والله جنت حاسبته اخ تعلقت بي صح لأن ساعدني لأن مالكيت اهتمام غير منه ساعدني بوكت ماكو احد يباوع بوجهي

مسره: بعدين نحجي الصخونه ماثره بيج انتي دتهلوسين

غسق: مااهلوس اني داحجي ويااج راح اوافق علييه شسوي لمرته طز بيها اذتني هواي راح ائذيهاا برجلها

مسره: ولج كوومي اذا تبقين دقيقه ثانيه تگتلين العالم كلها

غسق: كومتني واني اون من وجع جسمي ومادري بروحي شكاعد اخربط غسلت ايدي ورجلي وجهي بماي بارد غيرت ملابسي ورجعتني لفراشي جابتلي كلاص حليب ولفه جبرتني اكلها انطتني علاج شربته وبعد محسيت بشي لليل كعدت شفتها كاعده يمي تتفرج تلفزيون تقربت مني خلت ايدها على كصتي

مسره: الحمدالله نزلت حرارتج

غسق: احس جسمي متكسر

مسره: طبيعي ولج عيني صخونه جانت ماخذتج خليني اروح اجيب شي ناكله علمود ترجعين تاخذين علاج

غسق: مجوعانه نفسي تلعب

مسره: لازم تجبرين نفسج

غسق: مجاوبتها راحت شويه ورجعت بيدها صينيه شوربه ومعلاگ
خاله وينها بعدها زعلانه مني

مسره: يا زعلانه ولج قبل شويه جانت تفرك راسج كل شويه وبايستج كالت تعبانه راحت نامت

غسق:  دائذيكم مسره البيكم كافيكم جيت اني تچماله عليكم

مسره:  يووو شكد تحبين المغثه والله نورتي بيتنا انتي كتلتي الوحده الجانت تارسه بيتنا لا تحجين هيج
مره ثانيه احنه اهلج

غسق:  ابتسمت مادري شلون اشكركم واجازيكم

مسره:  اي والله غسق جازيني صارلي يومين اداريج كومي بحيلج وسحليلي غسان وخلي يتزوجني احبه يا ناس احببه

غسق:  ابتسمت على طريقه كلامه اللگمه بحلگها وتحجي تدللين اسحله سحل الج بس اصبريلي
خلصنا عشه سوالف وضحك كاعدين نتفرج فلم سمعت صوت جهازي باوعت على مسره غمزتلي

مسره: العاشق الولهان

غسق: عووفي مابيه حيل احجي

مسره:  دجاوبي لا يجينا بهليل وتاكليلج رزاله من امي

غسق: اخذته منها بقيت صافنه ارد لو لا تالي خفت لا صدك يجي وتصير سالفه رديت اجاني صوته الخشن

ارشد: تتلذذين بعذابي مو هيج؟

غسق: ماحجيت شي

ارشد:  ليش متجاوبين

غسق: الموبايل مو عندي هسه شفته

ارشد:  بيج شي؟

غسق:  لا

ارشد:  متاگده گلبي گارصني عليج

غسق: مابيه هسه كاعده من النوم

ارشد:  ليش مرايحه لشغلج

غسق: اخذتني نومه الضهر وتاخرت بعد ماكدرت اروح

ارشد:  طلعيلي غسق انه بلباب اريد اشوفج صوتج معاجبني

غسق:  انت نااوي تفضحني وين اطلعلك بهليل ارشد الله يخليك عووفني عوووفني روح لمرتك لعائلتك
يا ابن الناس اني مافيدك

ارشد:  طلعي غسق طلعي منتضرج مو وكت هلحجي بس اشوفج اطمئن عليج واروح

غسق: حجاها وگطع الخط شمرت الموبايل نااوي يفضحنيي

مسره: شكو شبي

غسق: واكف بلباب يكوول طلعيي ضحكت

مسره: لا بربج واصل مرحله الاخ

غسق:  باوعتلها صفح تضحگين حضرتج

مسره: كومي طلعيله لا يدك الباب وتگعد امي. تزفج بهليل

غسق: سحبت الشال شمرته على راسي طلعت على طرف اصابيعي اخاف خاله تكعد وتصير سالفه بهليل
فتحت الباب واكف مسافه من البيت فتحت باب السياره ورجعت سديتها بقوتي بقى صافن عليه

ارشد: شلونج

غسق: سئلتني من خابرتني وكتلك زينه شنو مناسبه جيتك لهنا ارشد تريد تفضحنيي اليشوفني وياك بهيج وگت شيكوول

ارشد: ليش وجهج تعبان شصاير وياج

غسق: ماابيه شيي هياتني كدامك اتنفس وعايشه

ارشد: غسق صوتج من تحجيين لا تنترين مو اخوج الصغير انه

غسق: لاا توصل لهنا بعد فدوه عووفني وعيش حياتك ماافيدك ايده علستيرن ويدگ خفيف بصابيعه عليه عيونه بعيوني دنجت راسي شويه ورجعت باوعتله وعيوني مدمعه  رائد كال خليل انتحر

ارشد:  اي الله يغفر له ويرحمه

غسق: شلون انتحر هو مو بمركز لعلاج الأدمان المفروض ياخذون احتياطاتهم لهيج حالات

ارشد:  احنه هم دايخين بهلموضوع ودنحقق بي
والمشكله محد جان يزوره ولا احد يوصله شلون انتحر ومنين جاب الحبل وشنق نفسه محد يدري
بس هو قبل بيوم ممخلي شي مكاسره وواكع يرجف جسمه متعود على السم الياخذه ماتحمل

غسق: يحجي واني دموعي تنزل على جف ايدي
منو دفنه

ارشد: خابرت عمج اجه

غسق: ليش ماكتلي

ارشد:  شراح تسووين اذا كتلج هياتج عرفتي تغير شي؟

غسق: مبقالي احد كلهم متفقين يعوفوني للابد كلهم ماتو وعافوني افر ببراسي ادور واحد منهم

ارشد:  اترحميلهم مابيدنا. شي انتبهي علنفسج شوفي حالج

غسق: مسحت دموعي اوعدني تبتعد عني

ارشد: مو بايدي افهمي هلشيي گلبي يريدج عقلي يفكر بيج شلوون اعووفج وكل شبر بجسمي يحبج

غسق: اذا مابتعدت راح تجبرني اسوي شي مايعجبني
خزرني

ارشد:  يعني شسوين؟

غسق: كلشي بوكته حلوو

ارشد:  اسلوووب التهديد هذه بطلييي وترره انه اكدر بهلحظه اخذذذج وغصب عننج نعقد بس اريدج بموافقتج ورضاااتج ماااريد اجبرررج على شي

غسق: لا تجبررني ولا اجبررك افهم يا اخوووي مااريدك وكرهتني بيك وبتصرفاتك مداااطيقك غصب الزواج غصب خوما غصب روووح حب مرتك المنتضرتك بلببيت حب عائلتك عووفني اني ماافيدك مافيدك

ارشد: تكرهيني؟

غسق: دنجت راسي زمخ بيه

ارشد: احجيييييي لا تسكتيييين

غسق: ردته بس يبتعد عني اييي اييي اكرهك عيونه حمر غمض عينه بتعب

ارشد: هاهيه يا بنت الناس بعد ماتشوفيني بدربج انه حبيتج وحبيت تصيرين جوه جنحي واحميج من اذيه  وحبي الج نضيف بگلب نضيف بس الظاهر مامقسومين

غسق: باوعتله ودموعي بعيني طريقه كلامه اذتني حسستني اني حقيره اشكرك على كلشي سويته وياي
ماحجه شي هز راسه بعتب ترخصت منه ونزلت دخلت جوه سديت الباب وسمعت صوت شخطه السياااره خفت عليه لا يصير بي شي او يسوي حادث
دخلت جوه واني اكل بروحي تلگتني مسره الضحكه شاگه حلگها

مسره:  بشرري اهلهل؟

غسق: مو وكتها مسره احس بدوخه بس خليني اتمدد

مسره: شبيج شصاير

غسق: طريقه كلامي جرحته اني مجنت ناويه احجي ويا بهلطريقه بس هو جبررني

مسره: شصار غير افتهم

غسق: اريد انام عفتها ودخلت لفراشي فعلاً نمت مكسوره مداعرف مشاعري مخربطه يمكن احبه ويمكن احب اسلوبه وتصرفاته وطيبته وكرمه وياي ماعرف
السويته صح لو غلط؟  اذا اوافق عليه لا اول وحده ولا اخر وحده تتزوج واحد متزوج بس اني نفسيتي ماتتقبل اخرب بيت واكسر گلب مرته علمود اني ارتاح يمكن حوبتها تطلع بيه واتاذه مثل ما اذيتها واخذت زوجها منها
كعدت ساعه ب 11 الصبح تعبانه وحيلي مهدود غسلت وجهي ورحت للمطبخ شفت بس مسره صبحت عليها اجتي بسرعه وكفت يمي

مسره:  بشريني شلون صرتي

غسق: احسن الحمدالله وين خاله

مسره:  راحت ويا جارتنا تتسوك

غسق: هزيت راسي اساعدج بشي

مسره:  لا ماعندي شي بس تعاي احجيلي شصار البارحه وهيج نكلبت خلقتج

غسق: حجيت ويا كلام حيل قاسي علمود يبتعد مني

مسره:  ليش هيج غسق

غسق: احسن صدگيني اذا اوافق عليه اتعذب واتاذه اكثر من البدايه اكطع كلشي

مسره: انتي تحبي

غسق: مادري

مسره:  هذه تعبج بسببه؟

غسق: لا تعبي بسبب خليل والسواء بيه وختمه بنتحاره مدابين اذيتي لأن ماريد احد يتاذه بسببي بس اني محروگه من جوه گلبي ديتگطع مو سهل الصار والديصير بيه مرات اصفن شلون اتحملت كل هذه شلون بعدني عايشه موت بابا وعمو وخليل وصد عمي محمد و سوالف خالي والشفته عنده تعبي من اهلي تعب روحي اهلي سببه مو احد اني ارشد ردت ابعده ولو اريد جان وافقت عليه بس ابدد مو من حقي احرگ گلب مرته لان اني اريد ارتاح انانيه هاي

مسره: بس هوه الرايدج مو انتي الكاتله نفسج عليه هوه ديحارب علمودج

غسق: صفنت بوجها سوأل تجاوبيني بكل صراحه
لو تزوجتي انتي وغسان تقبلين يتزوج عليج بحجه البنيه خطيه ماعدها احد؟ باوعتلي بتوتر وهزت راسها
بمعنى لا
خلص هيه هم تحب بيتها وتحب رجلها وماتحب احد يشاركها بي ندكت الباب راحت فتحتها دخلت خاله محمله مسواك كمت وياهم داريد اساعدهم خاله ماقبلت

ام مسره: شلون صرتي يمه

غسق: الحمدالله احسن بهواي

ام مسره: الحمدالله اشكر الله
بالي يمج والله بنيتي

غسق: فدوه لگلبج خاله ربي يحفظج ويخليج
رجعت كعدت بلغرفه للوحده كمت بدلت حضرت نفسي وطلعت اروح للعياده

ام مسره:  وين رايحه

غسق: لشغل

ام مسره:  يا شغل ولج يمه شوفي حالج

غسق: لا خاله كليلي روحي بلكت ارتاح من التهي بشغلي

ام مسره:  ديري بالج علنفسج ومن تحسين روحج تعبتي رجعي بسرعه

غسق: ان شالله طلعت ابو غايب ماكو طلعت جهازي اتصلت بي كال 5 د يمج تمشيت على الشارع اجه ركبت سلمت عليه

ابو غايب:  بيج شي بنتي وجهج اصفر

غسق: لا شويه تعب

ابو غايب:  الله يساعدج

غسق: وصلت للعياده شفتها مفتوحه وبنيه يطلع عمرها نهايات العشرينات كاعده بمكاني سلمت وتقربت منها الدكتوره موجوده

لا بعدها تردين حجز؟

غسق: لا اني السكرتيره القبلج بس مكلتلي جايبه غيري تفاجئت

مادري انتضريها علئ جيه هيه

غسق: كعدت واني مصدومه يعني حتى شغلي خسرته
تقريباً نص ساعه واجتي شافتني تقربت مني تسالمنا

زمن:  اعتذر غسق بس مايصرفلي يومين تجين واربعه لا اتمنالج التوفيق

غسق: للجميع عافتني وراحت طلعت مصدومه وممستوعبه خابرت عمو ابو غايب كال مسافه الطريق بقيت واكفه بمكاني علما اجه صعدت ويا

ابو غايب:  شعجب رجعتي

غسق: مشغله غيري

ابو غايب: انزل احاجيها

غسق: لا حقها خوما تكعد تنتضرني سكت ماحجه رجعني للبيت دافكر اخذ رقم مرت عمي علاء بلكت تحن عليه وتسحبني عدها
بس منين اجيب رقمها وهيه حتى مسئلت عليه ومتاكده عمو جان يحجيلها الصغيره قبل الجبيره
دخلت للبيت

ام مسره:  شعجب رجعتي

غسق: مشغله غيري

ام مسره:  شدعوه عليها هيه كم يوم كعدتي

غسق: حقها خاله هم المره تريد تشوف شغلها
عفتها ودخلت للغرفه ذبيت ملابسي ودمعتي على خدي منين هسه الگه شغل منو يشغلني هذه لو ما ارشد جنت ليهسه افر براسي كلها تريد واسطات وعرف

مسره:  يمعوود داحاجيجج

غسق: ها شبيج

مسره:  شبيج شو راجعه من وكت صاير شي

غسق: لا ماكو بس بطلعت

مسره:  ليش ولج

غسق: مشغله غيري

مسره:  شكد حقيره يلا ولا يهمج ان شالله تلكين احسن منه لا تفكرين

غسق: لا عادي

مسره:  امشي نطلع والله ضايجه

غسق: وين نروح

مسره:  مو طلعين وحدج خابري هذه ابو غايب يجي ياخذنه قنعي امي انتي هم تغيرين جو نفسيتج تتغير

غسق:  اكول الخاله تاخذنه

مسره:  ماتعوف بابا وحده يعني ماتطلع بس نحجي وياها نروح انه وياج

غسق: وين حابه ترحين

مسره:  نزور الكاظم ومناك نفتر بلسوك

غسق: كمت رحت للصاله شفت خاله متمددت خاله عادي نروح اني ومسره للكاظم نزور

ام مسره:  منو ياخذكم؟

غسق: نخابر عمو ابو غايب

ام مسره:  لاا ماكو روحه غير يوم

غسق: حبابه خاله منتاخر
دتريد تحجي وندكت الباب كمت صحت منوو اجاني صوت غسان

غسان: انه انه

غسق: دخل سلمت عليه
وين هلغيبه

غسان: والله بهلدنيا شونج

غسق: الحمدالله

غسان:  ليش وجهج اصفر بيج شي

غسق: لا ماكو بس شويه تعب دخلنا لصاله راح باس ايد خاله وكعد يمها حضنها

غسان: لو تدرين شكثر مشتاگلج

ام مسره: شكثر بالله انت واحد سرسري وجذااب ماصدكنگ

غسان: متعني هلطريق هذه وجاي اشوفج ودكليلي جذاب مقبوله منج

غسق: خاله مادام اجه غسان فدوه هوه ياخذنه

غسان: وين اخذكم تدللون

غسق: اني ومسره نريد نروح نزور متقبل نروح وحدنا

غسان: جنگم على زياره يلا حضرو روحكم انتي هم عمه كومي ويانه

ام مسره: لا يا بعد عمتك انه ماكدر اعوف عمك روحو انتو غير يوم اروح

غسان: ناخذه يانه

ام مسره: لا يمه يتعب مايكدر روحو ودعولنه وياكم

غسان: يلا لعد حضرو روحكم انتو ومسره ربع ساعه واشوفكم گبالي تره اخليكم واروح

غسق: لا تخبث غسان حباب ابتسم عفته ورحت للغرفه

مسره: ها بشري

غسق: اجه غسان هو راح ياخذنا طفرت عليه

مسره: غسان ياخذنا؟

غسق: اي حجيتها وغمزتلها
بدلي بسرعه كال اذا تتاخرون اخليكم اروح
بدلنا واخذنا عبايات ويانا طلعت قبل مسره سمعت خاله وغسان يحجون

ام مسره: يمه تبقى مسئوليه عدي بنيه حديثه كلشي يصير عليها الناس شدكول جانت يم منو؟ 

غسان: عمه يعني انتي متعاجزه من كعدتها يمج لو شنو

ام مسره:  والله لو ابقى العمر كله اخليها بعيووني  داكلك مسئوليه كلشي يصير عليها ينذب براسي
انه حبيتها وبنيه فقيره يشهد الله مشايفه منها شي
موزين

غسان: يصير خير بلكت اشوفلها مكان

غسق: بلعت ريكي بغصه نزلت دمعتي مسحتها بسرعه من سمعت صوت مسره ورايه

مسره: خلصت يلا

غسق:  ماحجيت دخلت للصاله شافنه غسان كام ترخص من خاله
مكدرت انطق ولا حرف احس غصه ابلعومي ركبنا السياره

غسان: غسق بيج شي

غسق: هزيت راسي لا

غسان: عيونج حمر مدمعه

غسق:  تذكرت اخر مره اجيت ويا ماما وبابا

غسان: الله يرحمهم

غسق:  هزيت راسي بتعب وصلنا طبك السياره بلكراج نزلنه تمشينا للامام زرنا صلينا وطول ما اني ادعي دموعي ماوكفت صعبه من تحسين تفسج ثكيله اني جنت متاكده مضايقتهم بس ماجنت متوقعه اسمعها من عدهم خلصنا زياره طلعنا

غسان: عازمكم على عشه يلا

غسق: ماكو داعي تكلف نفسك نرجع للبيت

غسان: ماكو تكلفه يلا علمود ناخذلنا فره بلسوگ

غسق: كعدنا بمطعم مسره ضربت جتفي

مسره: شبيج صاير شي؟

غسق: لا بس احس روحي تعبانه

مسره: غسق عدلي الوجه فدوه انه ممصدكه طالعه ويا غسان

غسق: ابتسمت بوجهه انداريت على غسان
مناوي تتزوج ابتسم

غسان:  اذا تقبلين بيه ليش لا

غسق: ماسمعت غير گحه مسره اختنگت بلماي صاح من يمه

غسان:  الله الله شبيج يمعوده

غسق: غلسنا على الموضوع وحرنا بمسره علما نزل الاكل والوجوه ماتبشر بخير بس ردت انخلص علمود نرجع راح غسان يدفع الحساب انداريت عليها معبسه الوجه شبييج صدك تحجين

مسره:  حاط عينه عليييج ومامعبرني

غسق: تره حجاها من باب شقه لا تسويها صدك مسره

مسره:  موو شقه ماشفتي عيونه شلوون تلمع

غسق: دكوومي نرجع للبيت عود نحجي ولا تفكرين هلتفكير غسان اخويا سكتت ماحجت شي اني هم عفتها براحتها طلعنا من المطعم راد ياخذنا للسوك رفضنا بحجه خاله وحدها دنتمشى نروح للكراج شخطت سياره من يمنا رجعنا ليوره نزل ارشد الحواجب مطبوگه زمخ بيه

ارشد:  امشييي كدددامي

غسان:  شبيك ارشد شصاااير

ارشد:  لا تدخل غسان اخذ بنت عمتك وتوكل
مو يمك السالفه

غسان: البنيه اماانه ويااي شلون اعوفها واروح

ارشد:  ماااالك شغل بيها داااكلك عوووفها وتوكل

غسق: مااا اجي وياك اجيت ويا غسان ارجع ويا
رفعلي حاجبه

ارشد:  غسق لا تعاندين امشي كدامي

مسره:  دكلك مااا اجي لزكه انت

غسق: كانو ماسمع احد من عدنا لزم ايدي جرني لسياره غسان راد يسحبني دفره وكعه ليوره عتيت ايدي منه وزمخت بي بنص الشارع انفضحنه والناس تتفرج علينا
تخبلتتتتت انت رجع لزم ايدي بقوه وشمرني بسياره
رگب وشخطها من كل عقلك نزززلني ارشد نزلني لا تخليني اشتكييي عليييك بقيت احجي عليه علما تعبت وهو ولا يمه شترريد مني انت مووو كلت راح ابتعد وبعد ماتشوفيني

ارشد:  يصير تسكتين شويه راسي صدع

غسق: ماااسكت نززلني

ارشد:  شوفي هذه البيت راح يعجبج

غسق: وكف يم مشتمل نزل نزلت ويا وين جايبني

ارشد:  نفووت بعدين احجيلج

غسق: شتحجيليي رجعني

ارشد:  فوووتي وبلعي صوتج منا الجوارين

غسق: لزم ايدي ويسحل بيه وراء دخلنا قفل الباب وكعد بيت صغير ماثث باوعتله شترريد

ارشد:  كعدي خلينه نتفاهم

غسق: مااكعد وماعندي حجي خليني اروح جر نفس ورث جكارته اشرلي بمعنى كعدي كعدت واحس راسي طبل

ارشد: تعيشين اهنا يجيج راتب كل راس شهر
وتكملين دراستج

غسق: وبصفتك شنو تقدملي هلعرض؟

ارشد: اقل شي اكدر اقدمه الج

غسق: عرضك مررفوض رفض تااام وهسه تكدر ترجعني؟

ارشد:  اكو شي بينج وبين غسان ؟

غسق: غمضت عيني بقله صبر وهمست مايخصك حتى لو اكو هجم عليه لزمني من فچي

ارشد:  مووو كااافي تحرگين بعصااابي وتنعلين والديه

غسق:  مخلي عيونه الحمر بنص عيني بتحذير بلعت ريگي بخوف دتاذيني ماحسيت غير هجم عليه باسني فتحت عيني بصدمه لازم راسي من وره ضاغط عليه 
دفععتته بكل قوتي ابتعد مني داير وجه نزلت دمووعي
رجعنييييي رجعنيييي ماحجه شي عافني وطلع سمعت طگه الباب يعني قفلها الحقييير كعدت بمكاني مصدومه رحت للمطبخ فتحت المجرات شفت سجاجين وطبر اخذت سجينه صغيره خليتها بايدي ونزلت ردن التشيرت ورجعت كعدت بمكاني حلفت بس يتقرب امووته مادري شكد مر وكت دخل بقيت على كعدتي هو هم ماحجه صعد فوك شويه ونزل مغير ملابسه رجع كعد گبالي

ارشد:  نكدر نحجي مثل الاوادم

غسق: ماعندي حجي وياك

ارشد:  اسمعيني لعد اني عندي حجي انسي هذه الصار واعتذر انه

غسق: بقى يباوع بعيوني ماحجيت شي

ارشد:  تبقين اهنا تكملين دراستج وبعد متشوفيني واذا رفضتي اعقد عليج غصب عنج وتجين تعيشين وياي بلبيت بعد انتي بكيفج

غسق: صاااحي انت
شلووون تعقد عليه غصب بالله ابتسم وغمز

ارشد:  افتهم من كلامج تردينه نعقد؟

غسق:  ابتعد مني ارشد تره بتصرفاتك دتاذيني ومدتحس بنفسك

ارشد:  تبقين اهنا وتكملين دراستج ومصروفج يجيج اول باول غير هلحجي ماعندييي ذاك البيت بعد ماتوصليله واذا وصلتيله رجليج اكسرهن

غسق: بصفتكك شنو تعاملني هيج وتحاسبني على شي مالك حق تحاسبني عليييه دك جهازه انطا صامت وشمر ردد ليش تخلي صامت كللها انت ويييين لو خااايف طبك حواجبه

ارشد:  ساكتلج اكول طفله لا تخليني انعنع ضلوعج

غسق: مجذبه؟  جاوبها وحجه وياها بهدوء بس هيه صوتها واصل يمي

ارشد:  اي يم غسق شويه وجاي
اكلي تبن عود بعدين نتفاهم

غسق: كاعد بكل برود واريحيه وحارك دمي ودم مرته المسكينه مادري شعاجبها بي وجارعته ومتحملته
شمر الموبايل وباوعلي اقبل بشرط

ارشد:  اوامر

غسق: اكعد اهنا واكمل دراستي بس مااشوفك خيالك مالمحه

ارشد: نفس حجايتي شنو الجديد

غسق: تلتزم مو فتره وتجذب عليه

ارشد:  هواي تجاوزتي اليوم وانه مالي خلگ باجر اجي
باقي اهنا اليوم عود من باجر نطبق

غسق:  مرتك منتضرتك

ارشد:  تعبان ماكدر اسوق

غسق: عفته ودخلت جوه اكو غرفه ومطبخ صغير وصاله غسلت وجهي باوعت على نفسي بلمرايه التعب واضح من عيوني دخلت للغرفه ردت اقفلها مالكيت مفتاح تمددت والدمعه بخدي افتر افتر تاليتي ارجع على ارشد اني كدرت ارفض واگلب الدنيا عليه بس عظم البني ادم ثكيل وكلام خاله ام مسره ويا غسان جان سبب مايخليني احجي وارضى بلديصير لو بس خليل عايفلي بيت واااحد من بيوت بابا جان رحت كعدت بي ونطميت وماشوف احد منهم انگطعت سلسله افكاري نفتحت الباب دخل للغرفه وسد الباب رجعت ليوره

يتبع<>
للكاتبه:  ود الباشا

‏" طالما كانت أقصى مخاوفي خوفي على روحي اللّينة من غلاظة الأيام "

الانستا تنوروني