رواية شوگ و ورد الفصل السادس عشر 16 - بقلم wad. al.Basha

للكاتبه:  ود الباشا

"أعان الله الصامتين ، على ضجيج قلوبهم ."

غسق: ماحس غير  باب العياده نفتحت بقووه  رفعت راسي اباوع وجسمي يرجف حواجبه مطبوگه والعيون حمر خفت لا يسوي هوسه كدام المراجعات
وكف كدامي خله ايده على الميز

ارشد:  موووبايلج ويين؟

غسق: باوعت على المراجعات صافنات علينه
منا الناس صوتك

ارشد:  جااااوبيني لا تغييرين السالفه موووبايلج ويين

غسق: بلبيت

ارشد: ليش ماترددين؟ 

غسق: سكتت مجاوبته رگع الميز بقوه

ارشد:  احااااجيج جاوبينييي

غسق: طلعت الدكتوره على صوته
باوعتلي بتسأول

زمن:  شديصير ارشد بيك شي؟

ارشد:  ماكو بس راح اخذ غسق

زمن:  بعدنا ممخلصين ودتشوف العياده ماكدر وحدي

ارشد:  دبري نفسج

غسق: مااجي وياااك لمكان خزرني سحب جنطتي واشرلي براسه بمعنى يلا باوعت على الدكتوره صافنه بتصرفاته  كزيت على اسناني كتلك مااجي اطلع منا اطلع فضحتنييي سحبني من ايدي طلعني بره حسيت بفشله مو طبيعيه اليتاهمسن والمخليات ايدهن علئ حلگهن ويضحكن صاااحي انتت عوووف ايددي

ارشد: صوووتج

غسق: عووووفني والله اصرررخ الم عليك العااالم
التفتلي

ارشد:  صرررخي يلاااااا

غسق: لازمني قوي من ايدي حسيت الدم وكف بيها دخلني للسياره وشمر الجنطه بحضني
ووووين ماخذذذني

ارشد: لييش ماتردين كم مره اتصلت بيج كم مسج دزيتتتلج؟

غسق: لأن ماريد احجي وياااااك غصببب خوما غصب
بقى صافن بوجهي

ارشد:  بس اني اريددد احجي وياج اريد اسمع صوتج

غسق: فتحت عيوني بلعت ريكي من طريقه كلامه
يعني كلام مرته. واخو صح فرك وجه بتوتر يضرب بصابيعه ضربات خفيفه على السگان وترني فوك توتري
همست انت شتريد بضبط ؟ باوعلي بنظرات ذايبه

ارشد: اريدج الج

غسق: بقيت صافنه بوجه مصدومه

ارشد:  عقل مبقى بررراسي من الباررررحه اتصل بيج ماكووو حجيت ويا ابو غايب يكول داوصلها لشغلها ومابيه شي عفت دوووامي والدنيا واجيتج

غسق: مامجبور عايف دووامك ليش مكبر الموضوووع

ارشد:  برئيج مكبر الموضوع انه ؟
خفت عليج خفت صايرلج شييي

غسق: اذا تعرف وجودك اذذيه الي ابتعد مني خليني عايشه حياتي الهادئه

ارشد:  وجودي اذيه؟
صاير شي بغيابي؟

غسق: اخاف احجيله وافتح باب على نفسي ماينسد
واخاف اسكت وتصير مصيبه ماكو شي
بس اسلوووبك من تجي للعياده تسحبني بهلطريقه كدام الناس محلو شراح يكولون عليه بصفتك شنوو هيج تسوي شغل جكاره والتفتلي

ارشد:  انه احبج ورايدج حلالي

غسق: الساني انبلع بلعت ريكي بصعوبه حسيت حنجرتي متفطره وتجرحني انت شددكووول؟

ارشد:  مثل ماسمعتي يا بنت الناس انه احبج ورايدج

غسق: صدددك ماتستحي علئ نفسسك انت وبكل عين صلفه تحجيييها خزرني

ارشد:  الساااانج ضبي لا تتجاوزين وبعدين شنووو الغلط الحجيته؟

غسق: اعتقد انت متزوووج ؟
واني حاسبتك حسبة اخوووو طلع اخوك مغلطااان ولا مرتك غلطانه اني المعمي على عيوووني

ارشد:  مرتي واخوي؟
وين شايفتهم انتي 

غسق: مايهم وين شايفتهم المهم كلامهم طلع صح اسمعني استاذ ارشددد ابتعد من طريقي اني ويااك مانتوالم ومن سابع المستحيلات افكر بيوم اتزوج رجال متزوووج روح حافظ على بيتك وزوجتك وابتعد من طريقي بقى يباوع بوجهي مركز بملامحي

ارشد:  تقبلين بزووواج وهلاسبوعين يتم كلشي

غسق: ضحكت بستهزاء موو بكيفك لوو اموت مااقبل
شخط السياره نزلنييي اهنااااا وكف السيييااااره مشئ سريع وكانما يعاقبني على كلامي يعرف بيه اخاف من السرعه غمضت عيوني قوي ولزمت الحزام بثنين ايدي سرعته بخبااال شويه وحسيته خفف فتحت عيني ديمشي بفروع وين جايبني مجاوبني دك جهازه

ارشد:  ابن الگلب مو وكتك

غسق: جاوبه
اباوع علئ ملامحه التخوف وتعابير وجه التعبر على عصبيته الزايده

ارشد: نعم سيدي اي طلعت بشغله ضروريه واحد من الاهل بلمستشفئ وماكدرت انتضرك اشكرك سيدي ماتتكرر ان شالله

غسق: كطعه وشمر الموبايل على الگشن بعصبيه
ويين جايبنيييي

ارشد: صوووتج لا تعلي

غسق: ارشد الله يخليك بس فهممني شدتسوي وين ماخذني احنه منتوالم

ارشد: وشلون عرفتي مانتوالم بالله

غسق: اني نفسيتي ماتتقبل اتزوج واحد متزوج ماكدر اخرب بيت كامل

ارشد:  منو كلج راح تخربين بيت انتي ابيتج وهيه ابيتها

غسق: بس اني ماااريدك

ارشد:  فتره وتغيرين رئيج

غسق: رئيي مايتغيير فرگ وجه

ارشد: ماكدر اتاخر من ارجع عود نتفاهم

غسق: ماااكو شي نتفاهم عليه لا تجبرني اروح لابوك احجيله كلشييي ابتسم

ارشد:  روحي يااريت تسويلي فضل وتسهلين هواي امور

غسق: بقيت ساكته رجع كرر كلامه

ارشد:  جهازج يبقى عندج من اتصل بيج تجااوبين

غسق: مجاوبته دار السياره وصلني للبيت

ارشد:  بمرور الايام راح تحبيني مثل ما احبج واكثر

غسق: انت متزززووج لا احبك ولا تحبنييي والله اموت روحي ولا اقبل بيك نزلت وطبكت الباب بقوه دخلت للبيت افور تلكتني خاله كعدت حجيتلها كلشي اريد بس ارتاح اريد احد يرشدني لطريق الصح
باوعتلي بنظره طويله

ام مسره:  متاكده انتي ماتردي؟

غسق: متاكده خاله ماريده اني مناقصه مشاكل وحرب نفسيه ادور اروح بنص مرته واخو يومين اصير خبر كاان

ام مسره: بنتي انتي خوف من مرته واخو مدتوافقين لو اساساً ماتردي

غسق: ارشد رجال والنعم منه ماينرفض بس هو متزوج واني ماكدر اخرب بيته لو اموت ماسويها

ام مسره:  اصيله بنيتي وهسه شناويه تسوين

غسق: هوه مناوي يجووز مني كال ارجع من الدوام ونتفاهم اني ماعندي شي اتفاهم بي ويا اريد ابتعد

ام مسره:  ليش تبتعدين؟  واجهي احجي ويا عليش تشردين منه يرجع من دوامه بسلامه تكعدون تحجون واكيد توصلون لحل

غسق:  اخاف يجبرني خاله

ام مسره: زواج هذه ماابي جبر اكعدي وفهمي وجهه نظرج لشوكت قابل تردين تبتعدين اول وتالي تتلاگه الوجوه

غسق: هزيت راسي مقتنعه بكلام خاله اصلاً حتى لو فكرت ابتعد وين اروح ماعندي مكان أمن على نفسي بي غير هلمكان دخلت للغرفه غيرت ملابسي اخذت الموبايل خابرت دكتوره زمن اعتذرت منها على الصار حسيتها ضايجه مني انطيتها الحق ختمته منها نفتحت الباب دخلت مسره

مسره: شبيج الوجه يتلاطم

غسق: غمضت عيوني بتعب اخ يا مسره كولي شنو المابيه تايهه بنفسي اني

مسره:  سلامتج رويحتي شبيج شصاير

غسق: تقربت حضنتني خلت راسي على رجلها وبقت تلعب بشعري حجيتلها كلشي سكتت شويه وبعدين كالت

مسره:  مبين يحبج ويدور سعادتج ليش متوافقين

غسق: مسره الرجال متزوج ومرته تموت علتراب اليمشي عليه شلون تردين اخرب حياتهم هيج سهله ؟

مسره:  واذا متزوج الشرع محلل وزوجته مامقصر وياها

غسق: كمت تربعت من كل عقلج

مسره:  ايي من كل عقلي فكري بعقلج غسق الرجال مبين ميت بيج ومشتريج ومن ناحيه انتي ماعندج احد لا عم لا خال لا اخ بي خير وافقي عليه صدگيني يصير سندج لأن مبين من عيونه كميه الحب

غسق: بقيت باهته بوجها

مسره: والله انه رايده مصلحتج والعرفته من كلامج عمامج وخوالج مابيهم سند فكري بروحج

غسق: هزيت راسي تعبت حتى مالي خلگ للحجي
عافتني وطلعت كمت غسلت غيرت ملابسي وتمددتت
دگ الموبايل رقمه مجاوبته وصل مسج

ارشد:  تجاوبين لو اجيي؟

غسق: جاوبته بقيت ساكته كاره نفسي

ارشد: غسق لا تصرفين هيج گلبي مو حمل جفاج
سمعيني صوتج احجي شي يبرد گلبي

غسق: ماعندي شي احجيي اريد انام

ارشد:  روحي نامي ارتاحي وخلي شلاع الگلب ماخذ رگن بگلبي

غسق: محد جابرك علئ شلاع الگلب
جر حسره بحرگه گلب

ارشد:  احتمال هليومين ارجع اجي بوجهي عليج نتفاهم على كلشي

غسق: ليش تخليني اهج وحتى الجني الاسود بعد مايندل مكانيي الزوواج مو غصب افهم هلشي لا تاذيني فوگ اذيتي وطيحان حظي والله اشرد بروحي

ارشد:   انتي ليش ماتنطين فرصه اسعدج ؟

غسق: اني ادري بروحي ماتحمل عليش بعد انطيك فرصه واذا علئ السعاده اني ماريد انسعد على حساب غيري مكانتك جانت مكانه اخ وزميل عزيز بس. بكلامك حتى هلمكانه هم مبقت صرت حالك حال الغريب لا تخليني اتصرف تصرفات غبيه نتيجه افعالك مرتاحه اهنا وعندي شغلي وداحاول اعتمد على نفسي ابتعد عني وخليني اشوف دربي

ارشد:  يعني مسببلج اذيج انه؟

غسق: ماعرف شجاوبه اخذت خصله من شعري العب بيها متوتره تصرفاتك اذيه طبعاً انت دتريد تغصبني على اشياء اني ماريدها

ارشد:  هاهيه اعتبري مصار شي وانسي كلشي صار نبقئ زملاء اذا يريحج هلشي

غسق: حسيته يسايسني لأن كلت اهج ياريت والله
جر حسره

ارشد:  بس ضروري من ارجع نلتقي مكان عندي كم حجايه وياج لازم تعرفيها

غسق: صاير شي

ارشد:  ارجع ونسولف هسه اخذي راحتج

غسق: الله وياك كطعته واكلني الفضول بشنو يريد يحاجيني معقوله هم اكرم النذل مسوي سالفه
ماعتقد ميتجراء يسوي شي
مر اليوم عادي ثاني يوم هم مثل الروتين العادي رحت للدوام الدكتوره گالبه وجها عليه ومطيتها الحق
رجعت اعتذرت منها ووعدتها ماتتكرر مر اليوم عادي وهاي اربع ايام حياتي طبيعيه وحلوه مابين شغلي وكعدتي ويا بيت خاله ام مسره
صح اكو غصه واكو وجع بگلبي بس عادي متحمله  اهم شي ماكو مشاكل اليوم خلصت شغليي وطلعت شفت سياره عمو ابو غايب ركبت سلمت عليه مارد تعجبت التفتلي شفت ارشد لا تتحرك وكف ارشد نززززلنيي

ارشد:  شلونج ركن گلبي

غسق:  وجه تعبان جنت بخيير هسه صرت موزينه هز راسه بدون مايحجي وكف السياره شتريد فهمني

ارشد:  رايدج الج

غسق: ماااريدك اني ماريييدك افهم هلشييي

ارشد: نكعد نحجي ووعدد هلموضوع ينسد وبعد ماينجاب طاريه

غسق: باجر نسولف ماكدر اتاخر على البيت خاله ام مسره ماتقبل

ارشد:  عود بعدين فهميها

غسق: سكتت ماحجيت خفت يعاند اكثر وكف يم مطعم

ارشد:  نزلي ناكل لگمه جوعان

غسق: اني مجوعان روح انت اكل فتح الباب لزم ايدي وسحبني

ارشد:  اعناااد مخلوقه من اعناااد وامووت على اليعاند انه

غسق: عدلت ملابسي برتبااك دخلنا وصه اكل شويه ونزل كميه الاكل الاكله اكدلي فعلاً جوعان باوعتله احجي يلا تاخر الوكت

ارشد:  اشرب چاي

غسق: لا تلعب بعصابي
احجي التريده وخليني اروح

ارشد:  وافقي غسق والتردي يجرالج
ثقي بالله ادللج انه حبيتج حب نضيف احسج هيج اخذتي رگن بگلبي

غسق: انت مو كلت هاي كعدتنا تنهي كلشي
جر نفس كن الجكاره وهز راسه
انت  والله افضالك مغركتني
وزلمه والنعم منك ربي يحفظك ويخليك لزوجتك واهلك بس اني ماكدر اعذرني

ارشد:  هاهيه انسي كلشي واعتبريني ماطلبت منج هيج طلب ولا حجينا بهيج موضوع

غسق: ابتسمت شكراً الك لأن تفهمتني

ارشد:  كومي اوصلج تاخر الوگت

غسق: حسيته يحجي بخنگه نقهرت بس هذه الصح مستحيل اتراجع
طول الطريق ساكتين وصلني للباب تعبتك شكراً

ارشد:  تعبج راحه يابه

غسق: دخلت جوه شفت خاله تباوع ومعاجبها الوضع
تقربت منها سلمت عليها ماردت خاله تاخرت شويه اعتذر بس العياده جانت ازدحام

ام مسره: منو وصلج؟

غسق: بلعت ريگ عمو ابو غايب مضطره اجذب لأن بس اكللها ارشد دكول اذا اطلعين وطبين ويا ليش متوافقين عليه ماحجت شي ترخصت منها دخلت جوه
دك موبايلي رقم غريب ماهتميت ولا جاوبت

مسره: منو ديتصل عليج

غسق:  سويت حرگه بحلگي وجتفي بمعنى مادري

مسره: دنطيني ارزله رزاله مرتبه

غسق: اترزلين منو ولج

مسره: الرقم الغريب شوفي ضايجه وروحي طافره خليني اطلع حرگه گلبي بي

غسق: لا حبابه عوفي ادور هسه بس يسمع صوت بنيه يلزك هوه يدك علما يمل ويبطل تعاي احجيلي ليش ضايجه انتي

مسره: اوووف اوووف يا غسق گلبي محروك

غسق: اسم الله شصاير بيج شي

مسره: گلبي ياذيني

غسق: غير افتهم شبي المصخم گلبج
تقربت مني تتلفت تخاف احد يسمعها

مسره: غسق اني احب غسان والله مو بايدي گلبي الچلب من يشوفه يركصله چوبي

غسق:  ابتسمت خيررررر ما  اختار گلبج ورده غسان ضربتني على جتفي

مسره: السااان يحجي كلشي بسهوله

غسق: وشنو الصعب بلموضوع

مسره: خالي وامي ميتحاجون

غسق: انتي معليج بخالج وامج احجيلي غسان عنده نفس المشاعر لو شنو

مسره: الله وكيلج مشبعني بكلمه خيتي وخيتي ابن اللذينه من يكولها اريد اخنگه اتمنى شوفته كل دقيقيه

غسق: انتي ليش ضايجه اول وتالي اذا نصيبج حتاخذي وهوه ممنون

مسره: غسق احبه والله احبه گلبي ياذيني من اشوفه وماكدر اتقرب منه ماكدر احجي ويا

غسق: تقربت حضنتها خلي حبج بگلبج مسره وادعي الله يخلي من نصيبج

مسره:  الله كربم دوختج نامي شويه

غسق: هزيت راسي متأسفه علئ حالها من زمان منتبهه عليها بس جنت اكول غلطانه بس اليوم تاكدت ميه بلميه من نظراتها الغسان ويمكن هو منتبهه لهل سبب يمشي ويصيحلها خيتي
نمت واني افكر بيها قهرتني دمعتها بخدها كعدت الصبح جسمي متكسر غسلت ورحت للمطبخ ساعدتهم للغده ماشتهيت اتغده. رحت بدلت اترخصت من خاله وطلعت ركبت السياره سلمت على ابو غايب عاتبته على البارحه

ابو غايب: والله يابنيتي ماكدرت ارفض وانتي تعرفين لگمتي ولگمه جهالي عليه

غسق: الله يخليك عمو لا تنعاد واذا سواها مره ثانيه انطيني علم على الاقل اشوف دربي

ابو غايب:  خجلان منج السموحه بنتي

غسق: مجاوبته فعلاً ضايجه منه وكف السياره بريك قوي جان انكلبنه لو ما ستر ربي
شكوو عمو شصااار

ابو غايب:  هذه كسر علينا

غسق: باوعت من الجامه شفت رائد نزل من السياره عمو امشي لا توكف خلينا نروح

ابو غايب:  واكف بنص الشارع شلون امشي

غسق: اجه وكف يم باب الخلفي دگ الشباك دكاته خفيفه وياشر بايده فتحي الباب التفت على ابو غايب
لا تفتح الباب عمو ماريد انزل دك الجام حيل
عافني وراح يم الباب الامامي صاح بعلو صوت

رائد: ابو غايب افتح الباب لا افلش سيارتك على راسك

غسق: باوعلي عمو بلمرايه عيوني انملت دموع مو خوف بس هيج احساس حقير تملگني فتح الباب زمخ بيه

رائد:  نززززلي

غسق: ماااانزل شراايد يوميه موكفني بمكاااان

رائد: مشتاقلج شويه نسولف

غسق: حجاها وغمزلي ماا اجيي وياك لمكااان روح منااا
سحبني من ايدددي جريتها قووي لااا تلزمننيييي وخررر ايدك عافني وفتح الباب مااااركب وياااك عندك شي احجيي اهناا وخليني ارروح

رائد:   مو مال نوكف بنص بلشارع ونحجي

غسق: واني مو مال اركب ويا رجال غريب لأن عنده حجايتين وياي رفعلي حاجبه

رائد:  وارشد مو غريب عنج البارحه اجاج گبل  من دوام 

غسق: وين تريد توصل حضرتك تره اني وارشد ماكو شي بيناتنه هز راسه مستهزاء اترخص عفته ومشيت خطوتين ماحسيت غير سحبني قوي من ايدي وفتح باب السياره حاولت افلت نفسي من بين ايده ماكدرت
شمرني وسد الباب راح حجه ويا ابو غايب ورجع ركب باوعلي

رائد: شكتلج؟ مو كلت ابتعدي من ارشد؟

غسق: اني ماعندي شي ويا بس حتى لو عندي انت شعليك شلك علااقه ليش تحسسي احنه مراهقين وانت دتتصرف بمكانه كلمن عقله براسه ويعرف خلاصه واني كتلك وارجع اكلك ارشد ماعندي شي ويااا ومستحيل يصير اني اعزه واحترمه واقدره كاخ لا اكثرولا اقل

رائد: مامبين هلشي

غسق: بكيفك انت تصدك او هلشي مايعنيني وهسه نزلني اهنا تاخرت على شغلي

رائد: اليوم اذا مانحل هلموضوع ماترحين لمكان

غسق: لاا تخبلنييي يا مووضوع نحله

رائد: زين سوأل
ارشد كلج على طيحان حظ اخوج لو يخاف على مشاعرج لا تنجرح

غسق: خليل شبي

رائد:  توقعت مايگلج تاكدتي هسه يحبج

غسق: مو ذنبي ولا ذنبه اذا يحبني الگلب مايستاذن من احد اذا راد يحب هسه ممكن اعرف خليل شبي ؟

رائد: انتحر قبل يومين او 3 مامتاكد بس هو الاسبوع الفات

غسق: باوعتله بصدمه والدموع تجمعت بعيني حجبت النظر عني بلعت ريكي حسيت روحي مخنوگه النفس انگطع عني يعني خليل مات

رائد: لا بس راح يم عزرائيل يتونس ويا شويا ويرجع جان ضايج خطيه

غسق: وين اندفن منو دفنه احجي ويا والعبره خانكتني

رائد: ماعندي اي معلومه

غسق:  مسحت عيوني تجذب انت موو؟

رائد: ليش اجذب وبعدين هيج موضوع بي جذب؟

غسق: رائد الله يخليك بداعت امك احجي الصدك مبقالي احد من عائلتي غيره

رائد: احسن تدرين لأن الاخ العار مثله هم مينراد ولو هسه يرادله رحمه

غسق: كعدت اشهگ نززززلني اهنا نزززلني

رائد: وين ترحين تتاكدين من الحبيب

غسق: مااالك شغل نزلنييي
دك جهازي طلعته من الجنطه ايدي احسها ترجف مسحت دموعي شفت الاسم ارشد ردت اجاوبه سحب الموبايل مني فتح سبيكر ونطانيا

ارشد:  الوو غسق شونج

غسق: الحمدالله حجيتها بخنكه

ارشد:  ليش مرايحه لشغلج خابرتني الدكتوره تسأل عليج صاير شي وياج

غسق: لا بس صرت بنص ازدحامات شويه واوصللها

ارشد:  بيج شي شو صوتج معاجبني صاير وياج شي وينج انتي انه اجي عليج

غسق: مكدرت احجي شهگت رائد سحب الموبايل سده بوجه وشمره عليه

رائد: سمعتي صوته شلوون يرجف عليج

غسق: نزززلني اهنا

رائد: اخذج لمكان شغلج

غسق: رجع اتصل بس مجاوبته احس گلبي يريد يوكف كلما اتذكر خليل هيج مسوي بنفسه ليش ولك ليش هيج ضيعت نفسك وشبابك المن عفتني خليل تعرف ماعندي احد غيرك منووو بقالي خليت راسي علئ الجامه وابجي وصلني لمكان شغلي نزلو ورفعت اصبعي بوجه بعصبيه يباوع عليه ورافع تك حاجب
لاااا تطلع بطريقي بعد الله ياخذك شكد حقير
ماحجه شي عفته ورحت للعياده الدكتور جايه والمراجعات كاعدات دخلت سلمت ودمعتي تنزل وارجع امسحها ربع ساعه ووكف فوك راسي ارشد
طابك حواجبه

ارشد:  شو باعيلي شبييج لا تخبلييني وشعندج ويااا رائد

غسق: مانتضرني اجاوبه راح دك الباب على الدكتوره حجه وياها شويه واجه وكف يمي

ارشد:  كوومي داشوف كومي

غسق: حجيت بصوت مبحوح روح منا ماااجي وياك لمكان

ارشد:  لا تخلين صوتي يطلع كوومي يلااا

غسق: كمت لأن حسيت بنفسي بعد ماكدر اكمل طلعنا ركبت. السياره راح جاب ماي وتصير واجه فتحلي الباب

ارشد:  شربي شويه شبيج ترجفين شصاير رائد مسمعج شي صاير شي

غسق: خليل وين دفنتو منو اخذه بقى صافن بوجهي

ارشد: رحت على عمج دفنه مادري وين هوه اخذ الجثه

غسق: ليش ماكتلي ليش ماخليتني اشوفه اخر مررره هوه الوحيد البقالي وجااان عندي امل يتشافه ويرجعلي ونكعد سوه شلووون هيج يسوووي شلووون

ارشد:  صدگيني ارتاح لو شايفه حالته جان انتي بنفسج كلتي الموت اريحله واصل مرحله بلادمان

غسق: مبقالي احد حتى اخويا مات وعافني انييي ليش باقيه ليش ماموت لييييش ربي دخيلك لا تخليني اتعذب اكثرر تعبت اني تعببببت احجي واشهك بعد ماحسيت بنفسي فتحت عيني بلمستشفى حاطيلي مغذي ارشد واكف فوك راسي تقرب

ارشد: الحمدالله عسلامتج

غسق: هزيت راسي بتعب اريد اطلع ساعه بيش
باوع على ساعته

ارشد: بلسبعه

غسق:  ماريد اتاخر خاله ينشغل بالها عليه

ارشد:  شتحسين زينه اكو شي يوجعج

غسق:  مكدرت اجاوبه خانكتني العبره

ارشد:  تكدرين دكومين داشوف

غسق: كمت كعدت راح صاح الدكتور شاف وضعي زينه شالولي المغذي راد يسندني ماقبلت احس بدوخه فضيعه طلعنا وكفت يم سيارته اني ارجع بتكسي

ارشد:  من كل عقلج رگبي داشوف شوفي حااالتج يااا تكسي

غسق: مكدرت اكعد اجادله فعلاً مابيه حيل حتئ احجي كسرتني خليل صح موزين وياي بس على الاقل اسمه اخ عندي اخ شعور اكو اخ بضهرج غيير
وصلني يم البيت انطاني علاگه

ارشد:  هذه دواج الوكت مكتوب علئ العلبه ديري بالج علنفسج اتصل بيج جاوبيني لا تخلين بالي عليج

غسق: هزيت راسي ونزلت دخلت للبيت تلگتني مسره اجتي مصدومه من حالتي

مسره:  غسسق شبيج ليش هيج حالتج باجيه انتي شصاير وياج

غسق: طلعت علئ صوتها خاله شافتني دگت صدرها

ام مسره:  اسم الله الرحمن ولج شبيج شصاير وياج

غسق: ماتحملت كعدت بلكاع ابجي اجتي حضنتني وصاحت بمسره تجيب مااي حضنتها قوي محتاجه احد يطبطب عليه خاله مااات عافني هو هم عااافني ماات وماشفته خلاني اتحسر عليه ليش اني باقيه ليش ما امووت ماريد اعيش خاله

ام مسره: اسم الله يمه شبيج ياهو المات شصاير لا تحرگين گلبي عليج شو خليني اشوفج

غسق: اخويه مات ابن امي وابوي مات هو هم عااافني هيج ثكيله عليهم اني كلهم عافوني وراحوووو گلبي ياذيني

ام مسره: لا حول ولا قوه الا بالله العلي العظيم
راح الدار حقه بنيتي لا اعتراض على حگمه ربنا

غسق: والنعم بالله مسحت دموعي وباست راسي احنه اهلج ولج غسق يمه لا تحرگين گلبي كومي غسلي وجهج لا توكعين شوفي حالج
كومتني اخذتني للغرفه خلت راسي على رجلها بقت تسولف وياي علما نمت ماحسيت علئ شي بعد
كعدت الدنيا ليل مادري ساعه بيش شفت مسره يمي كاعده تقربت مني

مسره: شلون صرتي طمنيني

غسق:  زينه ليش كاعده

مسره: خفت عليج وجهازج كل شويه يدك ارشد يسأل عليج

غسق: ماريد احجي ويا احد اروح للحمام وارجع انام

مسره: خوش براحتج

غسق: رحت غسلت وجهي وذبيت ملابسي ورجعت لفراشي اتذكر ايامنه وعرگاتنه سوه خليل ماعندي ويا يوم حلو من صغرنا جنا بس نتعارك وهو جان يكرهني لأن بابا مدللني ومايرفضلي شي ودائما جان يكوول انتي اخذتي مكاني فزيت من صوت فكاري على صوت الباب شفت الساعه ب 11 باوعت علئ مسره وهمست منو

مسره: مادري خليني اشوف امي

غسق: راحت وبقى بالي لليوم الباب ممدگوكه هيج وكت تعجبت اجتي مسره تضحك تخوصرتلي وكالت

يتبع<>
للكاتبه:  ود الباشا

و قبوراً ضمّت في جوفها من نُحب
آجعلها برداً وسلاماً يالله
ڪـلولي يا صوره الارشها بمــاي وتعيشون 💔❗️.