رواية شوگ و ورد الفصل السادس والخمسون 56 - بقلم wad. al.Basha

للكاتبه: ود الباشا

عصرونييه ❤️

‏نحن نتكئ دوماً على من نثق بقلوبهم
لا بأيديهم !
‏فقوّة البدن قد تخون لكن قوّة المشاعر
لا تخون أبدًا .

غسق: احس روحي راحت اريد انطق الحروف ماكدر اريد احجي صوتي ماكو كام عمو من مكانه مفزوع

ابومهاب: شصاااير ولك احجي

غسق:  ماحجه زمخ بي

ابو مهاب: احجيييي ابن الگلب مو وكفت كلبنا

مراد:  مهاب بلمستشفى متصوب

غسق: امه كامت تصرخ وعمو كعد مخلي ايده على راسه واني عيوني تلالي بيها الدموع اريد احجي انطق ماكو احس صوتي انبلع

ابومهاب: احجزلناا باااقرب طيااااره باجررر الصبح كووون انه يييمه

مراد: صار هسه رايح اشوف الحجز

غسق: كعدت يمي غفران دموعها على خدها

غفران: لا تاذين نفسج موزين عليج

غسق: عمو اجي وياك باوعلي وهز راسه كوه لازم دمعته

ابو مهاب: لا وضعج مايسمح

غسق: شهگت اريد اشوفه

ابو مهاب: اخذج اله مو هسه انه تاليتي اموووت من وره هلولد شعنده رجع فوكاها مايحجيلي شي

غسق: بقيت كاعده اباوع على الوجوه امه ملخت نفسها بس باقي تبوس ايد عمو علمود ياخذها ويا ماقبل رجع مراد

ابو مهاب: بشرر شسويت

مراد: باجر الصبح

ابومهاب: خابرتهم شلون صار

مراد:  بعده مكاعد

ابومهاب: انتتت تعرف اخوك عليش رجع؟  ومنو ذووولي الضاااربي شعدهم ويااا فهمني

غسق: باوعلي ورجع باوع لابو

مراد: وانه شدراني يا يابه باجر نروح واسأله هلسوال

ابو مهاب: خابر شوفه كلبي نار عليه

غسق: كعد خابرهم مايجاوبون دمعتي مانشفت لثاني يوم راحو عمو ومراد حسيت وجع ابطني يفتر كلت عادي لأن مقهوره تمددت ولازمه جهازي بايدي منتضرتهم يخابروني لليل وهمزماكو خبر منهم عمه كاعده وتبجي حسيت برفسه قويه ابطني صرخت متوجعه ركضت عليه غفران

غفران:  شبييج شيوجعج

غسق: لا ماكو تقلصات راحت

غفران:  متاكده ناخذج للمستشفى اخاف تردين تجيبين

غسق: بلعت ريكي بخوف لا بعد وكت

غفران:  زين اكلي شوي ميصير هيج تسوين بنفسج

غسق: ليش مخابرونا

غفران:  تلكيهم نسوو يخابرون  لا تفكرين

غسق: هزيت راسي ورجعت تمددت ماحسيت شلون نمت فزيت من وجع بطني احسها تتكطع ردت اكوم مكدرت احس رجفه برجلي صحت غفرااان واني الوب بمكاني غفررران وينج اجتي شافتني

غفران:  هاااي شبيييج

غسق: مادري وجع مينحمل غفران مينحممل

غفران:  اخاف راح تجيبين اصيح ام مهاب واجيج

غسق: راحت شوي واجوي ثنينهم يركضون

ام مهاب: رااح تجيب هسه اني شسوي شصخم وجهي وماعرف احد اهنا ولا اندل

غفران:  شووفي الجيران فدوه تحرگي لا يصير بيها شي

غسق: لبست وطلعت واني الووب بمكاني ليييش عاافني ليييش محتاجته اني غفراان

غفران:  ادعيله يكوم بسلامه فدووه غسق ادعيله

غسق: اجتي عمه مخبوصه

ام مهاب:  كوومي هذه جيرانه راح يوصلنه للمستشفى

غسق: كمت وغفران ساندتني حسيت شي طك ونزل مااي عليه صرخت مفزووعه كل ضني نزل الطفل

ام مهاب: لج اتحررركي طگ ماي الراس

غسق: كمت ابجي اكثر لبستني الصايه وحجابي شمرته شمر على راسي. طلعنا الولد جان منتضرنه ركبما السياره وتحرگ بينا للمستشفى نزلنا تشكرت منه عمه ولزمت ايدي هي وغفران دخلوني فحصتني الدكتوره واخذتلي سونار كالت لازم فوراً عمليه فوراً يمكن لان شافت حالتي مو مال طبيعي تخضرت للعمليه دخلوني ودمعتي بخدي بالي يم مهاب تمنيته وياي سألوني كم سوأل وتمددت على السرير  غمضت عيني بخوف وتعب وقلق. انطوني بنج وبعد محسيت بشي فتحت عيني متوجعه اريد احجي ماكدر الساني ثكيل تقربت مني غفران

غفران:  الحمدالله على سلامتج

غسق: ا ا ابني

غفران:  هسه يجيبو شحلاته جنه گمر طالع عليج

غسق: اريد احجي اسأل على مهاب بس ماكدرت
رجعت نمت ةن اثار البنج كعدت على وجع ابطني احسها تتگطع فتحت عيني بتعب

غفران:  غسق تسمعيني

غسق: موجوعه

غفران:  هسه اصيح الممرضه تضربج ابره مسكن
حتى حرارتج مرتفعه

غسق: ابني

غفران:  زيين جابو الج ترضعي بس جنتي نايمه

غسق: رجعت غمضت دخلت الممرضه ضربتني مسكن رادت تضغط علئ بطني ماخليتها كالت لازم دكومين تمشين

غفران:  اساعدج دكومين

غسق: ماكدر بطني احسها دتتگطع

غفران:  سمعتيها كالت لازم وحتى من تمشين يخف الألم

غسق: مو هسه مهاب شلون خابروكم

غفران:  اي خابرونا الحمدالله مابي شي متصوب بجتفه ورجله بس ممتاذي

غسق:  لا تجذبين عليه الله عليج شبي

غفران:  والله مابي شي حتى حجينه ويا وسألني عليج

شوكت يجون

غفران: هم هسه بشمال كالو نشتري بيت ونرتب امورنا ونرجع

غسق: ليش يشترون بيت

غفران:  علمود نرجع

غسق: صدك تحجين حجيتها وونيت من الوجع

غفران:  اي والله سألتهم ليش مانرجع لبيتنا ليش تاحذونا للشمال ماردو عليه واحدهم صاير نار ميتحاجه

غسق: معقوله عمو دره

غفران:  بشنوو دره

غسق: لا هيج غمضت ورجعت نمت
كعدت على صوت عمتي شايله الطفل

ام مهاب: كومي عيني رضعي جوعان

غسق: ماكدر بطني حيل توجعني فرت ايدها وكعدت

ام مهاب:  فوگ ماجايبه عمليه وتتنعوص هم على الاقل رضعي يحس بحنان الام

غسق: كمت كوه كعدت احس نار شبت بمكان العمليه كاتمه دمعتي ووجهي خلته بحضني نزلت دمعتي يروحي انت حبيبي بست راسه
جوعان امي كعدت ارضعه علما تعبت اخذته مني غفران

غفران:  لازم دكومين تمشين يلا

غسق: كمت اول خطوه وحسيت روحي راح تطله رجعت كعدت ماكدر يخف شوي الوجع
هزت راسها وكعدت كدامي الطفل بحظنها
بقيت 3 ايام بلمستشفى وطلعت رجعنا للبيت كعدت عمه سوت غده وغفران كعدت يمي

غفران:  شراح تسميي

غسق: مهاب مگال

غفران:  لا بس يمكن باجر يجون

غسق: عاجبني ايليا

غفران:  كلش حلووو بس من هسه اكلج اكو ناس مراح تقبل

غسق: منو؟ تقربت مني وهمست

غفران: عمتج الحيه

غسق: والله عليج سوالف لا تسمعج مالنا خلك والله

غفران:  ماتخوف جلبي وانه عمة مهاب

غسق: يعفطلج شلون يحبج هو

غفران: بلعباس يحبني بس عود هو ثكيل مايبين هلشي

غسق: سكتت صافنه عليها همستلها تتوقعين يحبني؟
طبگت حواجبها

غفران: مصخنه انتي؟ 

غسق: جاوبيني على سوألي

غفران: يتنفسج والله تتدرين شصار بي من طلگج شايفه الثور من يمشي وينطح صاررر نفسه بضبط ياهو اليشوفه ينطحه

غسق: ليش هيج مجافيني لعد ليش هيج ديحرگني ابروده

غفران: يأدبج غير

غسق: باوعتلها صفح شقصدج اني مو مؤدبه

غفران: لا مو قصدي هيج بس يعاقبج على غلطج علمود ماتكرري مره ثانيه

غسق: مشتاقتله

غفران:  اييع شعاجبج منه لخاطر الله واحد شايف روحه ونافخ ريشاته

غسق: هاي بس وياج

غفران:  هاااا بس ويايي لعد ابوي ضاربج بووري وميحاجيج صار كم يوم

غسق: ابتسمت مر اليوم عادي ايليا اغلب الوقت يم عمه بس تجيبه يمي ارضعه وتاخذه مكتلها اريد اسمي هيج ماتعرف هي دكول انتضرو ابو يسميي واني ساكته اخاف احجي وتصير عركه وكلش مالي خلگ
ثاني يوم كعدت الصبح غيرت ملابسي ورجعت كعدت غفران مشطلتلي للعصر سمعت صوت بجير

غفران: هاي ام مهاب يمكن اجوي

غسق: كوميني وياج

غفران:  ابقي عود هو يجيج

غسق: طلعت وطبگت الباب بقين كاعده افرك بايدي مادري شبيه متوتره كمت باوعت بلمرايه عدلت شعري ورجعت كعدت سمعت صوت ايليا يبجي كمت اطلع بس ترددت رجعت كعدت اني هم استغربت من نفسي مشتاقتله ملهوفه عليه ليش داكابر مادري بس يمكن خايفه يفشلني كدام اهله او يحجي حجايه يغثني بيها
مرت ربع ساعه نفتحت الباب باوعت دخل بايده عكازه رجله ملفوفه وجتفه هم وجه تعبان بس راجع سمنان عكس من ما طلع من المستشفى بقيت صافنه عليه وعيوني تلالي بدموعها دخل وسد الباب بقى يباوع عليه ويبلع ريگ تفاحه ادم تتحرك

غسق:  كمت وكفت قبل لا اتحرگ هو تقرب مني باس راسي وهمس

مهاب: الحمدالله على السلامه

غسق: حجاها وحضنته بقوتي وشهگت على صدره حضني بايد وحده

مهاب: تمنيت اكون يمج ووياج خطوه بخطوه بس بعد الضررف اقوه مني شلون صرتي متاذيه؟

غسق: مسحت دموعي لا احسن انت شلونك منو ضربك
كعد علسرير تمدد وخله العكازه بلكاع اشرلي بمعني تعاي كعدت سحبني لحضنه

مهاب: مشتاقلج بكد رحمة الله

غسق: كطعت بيه اذيتني بجفاگ

مهاب: لليوم انه مغثوث من عملتج

غسق:  ماخليتني ابررلك وافهمك اخذت الموضوع بعصبيه طبگ حواجبه

مهاب: شتفهميني؟  اكثر من السمعته انه محذرج تحجين ويا عليش

غسق: غلطت بس ماستاهل منك هيج معامله منك خليتني احترگ

مهاب: سدي السالفه لا تحجين بي مره ثاانيه

غسق: حجاها متألم بيك شي اصيح على مراد

مهاب: لا مابيه هذه ابنج الكو.... من اشيله يبجي يكول بعبع مو ابوو

غسق: ابتسمت على طريقه كلامه بعده ميعرفك زين اعذره ابتسم

مهاب: بعدج بربوك مامتغير شو حلياانه هيج فراگي محليج ومريحج

غسق: انت تريد تجرجر الساااني واكعد اكلك اشتاقيتلك ومدري شنو من هلحبنجيات لا عيني ماشتقيتلك ابدد ابددد ولا جبت طاررريك رفعلي حاجبه

مهاب: شو تقربي اكقر اشوفج شي

غسق: تقربت منه فتح موبايله طلع فيديو الي كاعده ابجي واشكي لغفران باوعتله ابتسم صفح بطريقه استفزازيه

مهاب: لا تتبربكين عليه وانتيييي ميته على ربي
من اكلج تموتين عليه كولي اي وانه الممنونه لا تجادلين خوووش

غسق: عضيت طرف شفتي بسيطه مكعد غفران تصورني وبعدين انتو من شوكت هيج صلح؟

مهاب: لج هاي عمتي الغاليه لا تحجين عليها

غسق: ردت احجي واندكت الباب عدلت كعدتي وصاح مهاب ادخل دخل عمو مبتسم كمت وكفت باس راسي

ابو مهاب: الف الحمدالله على سلامتج بنيتي

غسق: الله يسلمك عموو

ابو مهاب: هذه العار لا تنطي وجه يووولي واذا اذاااج بحجايه تعاي يمي انه اعرف دوااء ادكه الج دك

غسق: ابتسمت والتفت رافعه حاجبي لمهاب وهو يحگ طرف حاجبه شبهه ابتسامه على وجه

مهاب: رحمه الله والديك يابه

غسق: مجاوبه ترخص وطلع
رفعت اصبعي عليه ديرر بالك تضوجني تره اروح اكوول العمو لزم اصبي لواا اخخخ شبييك

مهاب: تشكيني لعمج بسيطه بسيطه طالعه عينج هووواي

غسق: كعدت واني لازمه بطني

مهاب: متوجعه

غسق: حبيت العب عليه شويه ايي كلش احس بطني بيها قطعه نار كام كعد بصفي

مهاب: اخذج للمستشفى كومي

غسق:  لا ميحتاج رفعلي حاجبه

مهاب: ناصبه عليه حضرتج؟

غسق: كمت من يمه والله اذا حجيت حجايه زايده وياي اروح اكول لعمو تقرب من يمي لزمني من اذني
اصرررخ والله اصرررخ

مهاب: اششش لج بررربوك دكولين المن لعمج عليه؟
يجي يطه......

غسق: لا لا ماكول شبيك اتشاقه شوف عمليتي توجعني لا تاذيني

مهاب: كلشي مابيج تصلين صل
انه المتصوب وحضي طايح

غسق: اني بطني مشكوكه ومخيطيها علمود حضرتك تصير اب

مهاب: چا انتي شصرتي جيس حب غير امه

غسق: ابتعدت منه رجع سحبني خله راسه بركبتي جر نفس قوي

مهاب:  مشتاقلج

غسق: ردت احجي واندكت الباب دار وجه بسرعه وراح كعد علسرير فتحت الباب صارت بوجهي غفران

غفران:  عبالي متووو

مهاب: يومج قبل يومنا

غفران:  محد حاجي وياك انت
امشي غسق ابنج يبجي تعاي رضعي

مهاب: وليي جيبي اهنا ترضعه وين تروووح مو مراد كاعد بره

غفران: محاجيه وياااك لا تدخل

مهاب: لا تخليني اكوملج اكسرج الساانج بلعي

غفران:  بالله كوم شوفني عرض جتافك هو انت مكسر شتكسر مني

غسق: روحي هسه اجي وراج غمزتلها

غفران:  امشي ويااي

مهاب: غفرررران طلعييي ماتجي وياااج يلااا بره

غفران:  هاي عليه الله يرررحم الايام التخابرني تتوسل بيه ادزلك صور الها

غسق: باوعت عليه عاض شفته

غفران: هسه صرت كخه بسيطه

غسق: كام من مكانه وهي شردت وسدت الباب التفت عليه هاااا وجنت من اخااابرك تبيييع ثكل عليه
ابتسم ورفع شعره

مهاب:  كرصة اذن غاليتي

غسق: فتحت الباب طبكها وسحبني بايد وايد لازم بيها عكازته اروح اشرف الطفل

مهاب: شنو سميتو

غسق: اريد ايليا طبگ حواجبه

مهاب: بربج يصيحولي ابو ايليا حتى مراهمه

غسق: عاجبني هز راسه بمعنى لا
لعد شنو؟ 

مهاب:  فهد او معتز

غسق:  اي كاعدين اباب الحاره اسمي معتز واصير ام معتز وعاشو عيشه سعيده تدلل ابن عمييي
ابتسم

مهاب: تره حلوو لا تتبربگين عليه

غسق: يعني شلون عقلتها من ايليا لمعتز والله ظلم

مهاب: فهد

غسق: كاعدين بغابه

مهاب: قفلتي انتي لعد هذه اخر اقتراح وانتي بعد بكيفج اختاري واحد منهم مهيمن فهد معتز

غسق: ايليا مهاب حلو والله
قرب وجه مني خله خشمه على خشمي وهمس

مهاب: غاليتي عيني ونظرها اول طفل راح يصيحوني بأسمه هو حلووو بس انه ماحبيته يصيحوني ابو ايليا مراهمه ثاني طفل والفريق الجاي بطريق 11 واحد انتي سميهم معتب الج اذا ادخلت

غسق: فتحت عيني على وسعهااا شنوووو 11 واحد صاحي انت هو هذه وكلش كاافي والله اطلك بثلاث ومايبرد گلبي اذا عدت كلامك مره ثانيه
طبك حواجبه

مهاب: مره ثانيه انه ماعيد كلامي اسوي فعل

غسق: خزرته وطلعت امشي على كيفي وادردم مو هو بكيفه والله يا الله

غفران:  شبيج مصارله كم ساعه من رجع خلاج تحجين ويا الحياطين

غسق: ناوي يخبلني لا اكلج ولا دكليلي

غفران:  دمسي ابنج فحط جوعان وعمتج كاعده وتحجي عليج

غسق: دخلت للمطبخ شفته يبجي اخذت من ايد عمتي وزمخت بيه

ام مهاب: موووو دزيت عليج غفران من ساااع ليش ماجيتيي فرفحتتييي من الجوع

غسق: ردت احجي واجه صوت مهاب

مهاب: انه ماخليتها

غسق: سكتت وعفتهم امشي للغرفه كعدت ارضعه والعب بخده حبيبي فدوه اروحلك امي اتذكرت سند انحرمت منه وانحرم مني نزلت دمعتي دخل مهاب
سد الباب واجه كعد يمي

مهاب: شو صايره حساسه زعلتي من الوالده؟ 

غسق: هزيت راسي لا تذكرت سند جر حسره وهمس

مهاب: الله يرحمه

غسق: سكت يباوع عليه ارتبكت خجلانه

مهاب: باااع هذه السرسري يشفط شفط ابن الكو.....

غسق: شكووو اجيت ورايه
حضني بتك ايد وباس راسي

مهاب: مشتاقلج بودي ادخلج بظلوعي ماابتعد منج ثانيه وحده

غسق: ابتسمت خله ايده على جتفه متألم
منو هيج سوه بيك وشسويت من رحت شلون طلعت غسان شصار احجيلي

مهاب: يحتاجلها كعده واحجيلج مو وكتها هسه وخررري هلدبسززز تره طفرررت روحي بلعبااااس شوفي شوفي شلون يمطك ناوووي يجلطني

غسق: يحجي بعصبيه صدك تحجي شبيك لا تصيح هسه يخترع

مهاب: انعل والديه وحق كفيل زينب هذه نااوي عليه من هسه احسه مو راحه

غسق: باوعتله صفح منو ابو شتتوقع منه قابل

مهاب: هااا هس صار ابو ميعجب

غسق: مهاب تره انت كاعد تحجي طفل عمره 4 ايام مخلي دوبك بدووبه ماحجه عافني وطلع متنرفز من كل عقله يغار من ابنه غيرت ملابسه ونومته اجتي غفران

غفران:  روحي تغدي انه اكعد يمه

غسق: لا مجوعانه روحي انتي

غفران:  دكومي ابو مهاب خبصني عليج انه اخته مايفتقدني هيج

غسق: فدوه لحنيته اروح بس ماكدر اكعد بلكاع ماريد انحرج جيبي اني وياج ناكل اهنا

غفران:  اي صايرين

غسق: راحت شويه واجت شايله صينيه ومهاب وراها جابت طبله خلتها عليه اجه كعد يمي وهي غمزتلي وطلعت يسويلي لفاات وينطيني انت مو زعلان شكو تسويلي لفات رفع راسه باوعلي واللگمه بحلگه

مهاب: شايفتلج واحد يزعل من روحه

غسق: سكتت خجلني واني مثل النيدو سريعة الذوبان
سكتنا شويه وهمست انسمي مهيمن

مهاب: معتز احلى

غسق: لا محبيت

مهاب: هاهي مهيمن المهم راضيه انتي وهذه ابو التمطگ

غسق: ابتسمت مشتاقتله ومشتاقه لعصبيته لكلامه الفالت لكلشي بي مرت الايام شلت خيط العمليه ارتاحيت شويه ومهاب هم اتحسن هل ايام مخبوصين يدورون بيت بشمال علمود نرجع مابقو واحد ماخابروو واخيراً لكو بقى ياثثو علمو نرجع ماعدنا شي اليوم كاعد بلغرفه وحدي مهيمن يم عمه فتح الباب دخل عيونه براسه بلعت ريگي كعد بصفي يفرك بوجه
شبيك مهاب مجاوبني طلع جكاره كعد يدخن وعيونه ناطه رجعت صااير شي وياك ليش هيج حالتك

مهاب: كومي شوفي الوالد ضغطه صعد

غسق: يااا شبي ليش صعد

مهاب: غسسق لا تسألين شووفي ورجعي طمنيني

غسق: عفته وطلعت مو مال احجي ويا صاير اعصاب شفتهم بصاله مخبوصين بعمي وكفت يم غفران الي عيونها دم وخاله شاكه ثوبها شصاير شبيكم وعمو متمدد على القنفه ومراد يقيس ضغطه

غفران: رجلج يشتغل ويا عصابه تاجر ممنوعات

غسق: بقيت باهته بوجهه زمخ بيه عمي

ابو مهاب: مااااتوصلين يمه بلقررران ماتوصلين اررريد اشووف هلسگط هذذذذه شلون هيج يسوي شلون هيج يوكلنه حررررام بسيطه لو ماعدت تررربيتك ماتسمى
الناس حاسدتني عندي 3 ولد غمااااان عسااااني ميت ولا مخلفكم كواوي....

غسق: عمو موزين عليك اهدى

ابو مهاب: هسه بهلساعه تطلگين منه ماتبقين على ذمته هل عاااار هذذذذه

مراد: يابه كافي موزين عليك

ابو:  مهاب ولكم عسااااني ميت وماسامع السمعته عسااااني مجفي على وجهي ولا السمعته انه بشنووو قصرت وياااكم ليييش هيج تكسروون ضهررري ولكم ليييش

غسق: حجاها وبجى كطع كلبي دموعي كمت ماسيطر عليها

ابو مهاب: لك ابننييي الرررافع راااسي بي كداام الناس هيبتيييي هيج يكسرني يطلع مجرم ممنوعات ويتعاطى عسااااني ميتتتتت

غسق: حجاها وهو يضرب على رجله عمو ميتعاطى والله حجيتها واني امسح بدموعي بقى صافن بوجهي

ابومهاب: يعنييي تعررررفييين تعررررفين وساكته عنه وباقيه ويااا

غسق: عمو عافهم والله عافهم وفتح صفحه جديده

ابو مهاب: صفحتيش ووووولج صفحتيييش شكم مراهق راح بيها شكم ووولد ماات شكم عائله انفجعت بجهالها من ورهه هلناااقص هذذذذه العمته الفلوس
تدرررين وساكته تدرين وراضيه

غسق: هزيت راسي لاا مراضيه بس هو وعدني يعووف كلشي وعااافهم والله

ابو مهاب: يااا سواد وجهي كدام ربي

مواد: ياابه خلي هو يفهمك اسمع منه

ابو مهاب.  السااااني مايطخ الساااانه متبرررري منه ليووم الدين لا هو ابني ولا انه ابوووو وخلقته ماريد اشوفها

غسق: التفتلي واشر باصبعه

ابو مهاب: وانتييي اذا تردين تنفصلين منه انه بضهرررج لأن يشهد الله عليه حاسبج حسبه بنتي وماارضى بنتي تعيش ويا مجرم

غسق: بقيت صافنه لا عمو فدوه مو لهل درجه شنو تتبره منه اسمع منه يبررلك

ابو مهاب: اسووايته مالها تبرير

غسق: كام على حيله سنده مراد دخل لغرفته باوعتلي غفران

غفران:  جنتي تعرفين

غسق: ماحجيت شي عفتها ورجعت للغرفه شفته كاعد متجي بثنين ايده على رجله ويدخن ردت احجي اشرلي

مهاب: اششش ميحتاج تحجين شي وتلومممين

غسق: شلون عرف كام وكف تقرب مني وعيونه تجدح

مهاب:  انه راجع لبغداد كم يوم

غسق: لزمت ايده بخوف هزيت راسي لا مستحيل اخلييك مهاب انسى ترجع برجلك للمووت حضنته
لخااطري بس هلمره بس هلمره لخااااطر لا تروح
فكر بيه بابنك انت ذيج المره طلعت من المووت ترجع برجلك مره ثانيه وعموو اول وتالي ينسى

مهاب: ليييش هسسسه بذاااات من طلعت منهم ونضفت نفسي وصفيت كلشيييي يكلوله لييييش

غسق: يردوك ترجع وياااهم يردون يسحبوك بهلطريقه لا تنطيهم مجال فرگ وجه

مهاب: ضغطه نزل

غسق: اي راح لغرفته ينام
لا تقهر نفسك مهاب انتت قووي طلعت نفسم من بينهم وعالجت نفسك بدون ماتحتاج احد واذا علئ كلام عمووو حقه هلي نفسك بمكانه

مهاب: انه منطي الحق لكل كلمه يحجيهااا بس ماردت يوصله الحجييي ماردت هيج يصير

غسق: منو كله؟ نمرود باوعلي

مهاب: نمرود ماات

غسق: بقيت ارمش بعيوني انت كتلته رفعلي حاجبه

مهاب: لا هاهي كملت صديقي شلون انه اكتله نفسهم الضربوني كتلو

غسقط: منو كال لعمو لعد

مهاب: واحد كوا...... انه صوجي ماخلصت عليه وخلصت الناس من شره

غسق: نام شوي ارتاح

مهاب: اريد اروح تحجي ويا

غسق: ويا عمو هز راسه بمعنى اي
عوفه هسه يبرد شوي وحااجي لا يرجع ضغطه يصعد
ماحجه كعدت يمه تمدد وخله راسه بحضني بقيت العب بشعره

مهاب: هلشهر الاخيره دمرتني مصيبه فوك مصيبه

غسق: لا تفكر كلشي واله حل
لا يكلف الله نفساً الا وسعها

مهاب: تعبت حيل تعبت حيلي خلص سمعتي كلاامه زرف گلبي انه واحد ناااقص هو مايتاهل هيج خلفه رجال گظه عمره كله صايم مصلي يخاف ربه يحسب الف حساب لخطوته ولكلمته انه اجي تاالي عمرري انزل راسه بكل صلافه مااالي عين اباوع بوجه واحجي وبا

غسق: لا تحجي هيج مهاب نت تعرف معزتك عند عموو بس هسه مصدم هيج يحجي خلي يهدء شويه والله كريم ماحجه شي بقيت العب بشعره علما نام خليت راسه علمخده وطلعت شفت مهيمن بيد غفران كعدت يمها شلون صار عمو

غفران:  بعده تعبااان شلن هيج يسوي شلون مااافكر بينا بسمعتنا

غسق: شي صار ورااح لا يسمعج تره حيل نتاذي لا تاذي اكثر حبابه خزرتني

غفران:  يعنيي تعرفييين وساكته عادي عندج
لجج يتاجر صخام بعينه

غسق: صوووتج كتاج صوووتج لا يسمممعج حبابه والله متتتاذي عووفي بعدين احجيلج

غفران: ديرررري بااالج تبرريله كداااامي

غسق: عاااف كلشي ونسحب منهم بلموووت لييش هسه صرتووو تحاسبوو من جان بنصكم يتعاطى ويتاجر ماحجيتوو ولا فتحتو حلكم هسه من عااف كلشي وعالج نفسه كمتو تحجووون فتحت حلكها وعيونها

غفران:  جان يتعاطى؟

غسق: مسحت وجهي بثنين ايدي غفررران كلمه متحجين ويا مهااب عووفي هسه
دفعتني ودخلت لغرفتها اجه مراد باوعلي

مراد: وين مهاب

غسق: نايم

مراد: من يكعد كليله يتصل بيه

غسق: صاار دار وجه مشى خطوه مرراد لحظه التفت عليه انت مو تعرف كلشي هز راسه ليش ماتحجي وياهم تفهمهم

مراد: حالياً محد يفهم حتى لو حجيت كل واحد يفسر بكيفه وعلى مزاجه يهدى الوضع ويصير خير

غسق: دار وجه وراح كعدت خليت ايدي على راسي ممكتوبلنا نرتااح اجتي عمه شاده راسها كعدت كدامي

ام مهاب: وينه مهاب

غسق: نام

ام مهاب: عينج عليه

غسق: هزيت راسي وكمت رجعت يمه مرت الايام وهاي اسبوع الاوضاع بلبيت متكهربه وعمو كل شوي ضغطه صاعد اليوم اجه مراد

مراد: حضرر ررحكم يرمين ونرجع البيت كمل وكلشي جاهز

مهاب: روحو انتو انه مااجي

مراد: مو بكيفك تجي وياانه وكاافي هلسوالف تره حضي طااح ابوك منا وانت منا قدرووو شوووي تعبيي وركضتي من الصبح لليل

مهاب: لااا تشمر قنادر محدد كايلك تركض

مراد: هوووو شنو محد كايليييي اخليييكم هيج اشوفكم واحد شايل علثاااني واسكتتتت

غسق: تقرب مهاب من مراد لزمه من تشيرته لزمت ايده دفعني

مهاب: لاااا تصيح بوجههههي مررره ثانيه حضك اطيييحه

غسق: سمعنا صوت صفحكه التفتنا عمو صفكلهم وحجه بتعب

ابو مهاب: عفييه بلولدي عفيييه تكاتلووو ليش وكفتوووو ملخووو لاخ يلااا

غسق: كف مهاب باوع على ابو وبحزن ممزوج بخجل كلش نقهرت عليه وادري بي شكد يحب ابو تقوب منه راد يبوس راسه ابتعد منه

ابو مهاب: ديرر بالك تتقرب مره ثاانيه انت بلنسبه الييي متتت وعساااك ميت ولا هيج مسوي

مهاب: ياابه انه غلطت واعترررف بغلطيي وانه انساااان مامعصوووم من الغلط

ابو مهاب: هذه تعتبره مجرد غلللطططط لك ناااقص ليييش هيج ليييش فهمنيييي شنو الناااقصك وتمشي بهيج درررب اعوووج

مراد: ياااابه اهدى لا يرتفع ضغطك

ابومهاب: خليتني اتممناااك ميييت ولا ساامعك عنك هيج شي على الاقل تبقى نفسك ابني مهاب الربيته وتعبت عليه ورافع ررراسي بي

غسق: بقى عمو يحجي ومهاب يباوع عليه عيونه تحجي ووعمه وغفران واكفين يبجووون فجئه طلع مسدس من خصره وخلاا براسه شهگت وصرخت شدتتتتسوي مهاب نزل المسدس
عمو طبگ حواجبه ومراد راد يلزمه ماكدر

مهاب: اخلصك من عااري انت فعلاً جنت نعم الاب وانه العاق العار ماتستاهل ابن مثلي

غسق: عمو بلع ريگه وعمه بقت تصرخ وتبجي

ابو مهاب: نزل سلاااحك

مهاب: انه ماردت اوصل لهيج مرحله بس جنت مراهق وانجرفت وراء اصدقاء السوء وصار الصا اكثر وحده تعرف شكد عانيت وشكد تاذيت علمووود اطلع نفسييي من هلمستنقع

ابو مهاب: نزززل سلاحك كتلك

مهاب: انت من خابر النذل وحجاااالك جان اجيت سمعت مني جان اجيت سألتني

ابو مهاب: كل ضني بعدك وياهم ماتوقعت عايفهم

غسق: يحجي ويا ويتقرب مراد اجه من وره سحب السلام وعمو ضربه راجدي وحضنه يشهك وكعت بلكاع حسيت رجليه انشلت من الخوف فقدت بلبجي
بقو ثنينهم يبجون مثل الجهال وحاضنين الاخ

ابو مهاب: ابني انت عزوتي رفعه راسي اليحجي عليك بكلمه حضه اطيحه

غسق: يحجي ويا ويبوس بوجه مثل الطفل
سحبه من ايده ودخلو للغرفه ثنينهم ساعتين يلا طلعو
يضحكون ضحكت على ضحكتهم وارتاحيت على راحتهم راح باس راس امه وكعد يمها بقو يسولفون ومن يومها علموضوع بعد مانفتح ابدد واذا ردت اسئله شي يغير الموضوع اليوم كعدنا من وكت نوعد طيارتنا نرجع شايله مهيمن وافتر بي مخبوصه ماريد انسى شي اجه مهاب غمزلي

مهاب:  شدورين مضيعتني

غسق: موو وكتك مهاب الزم ابنك تره مليت اني تعبت

مهاب: خرررب ببليسج تعاااي اخذي لا يووكع ماعرف الزمه

غسق: اوكف بمكانك هسه اجي لا تتحرك عفته ودخلت للغرفه فتشتها تاكدت ممبقيه شي رجعت شفت واكف على وكفته ولازمه بقوه عبالي يريد يطير منه اخذته جان كرصني من زندي حيل شاغت روحي كزيت على اسناني مخبببل

مهاب: لا تعيديها

غسق: صعدنا السياره كبل للمطار كعدت يمي غفران

غفران.  واخيراً راح نرجع

غسق: حجتها بصوت عالي

مهاب: شوكت تتزوجين ونخلص منج

غفران: كاعده على گلبك همزين مو ابيتك جان طردتني من اول يوم

مهاب: شدعوه يوم  قصدج من اول دقيقه

غسق: عيبت عليه وكعدت ضايجه منه باوعتله غمزلي وعض شفته

ابو مهاب: بلمطارر احنااا لا تروووح زااايد

غسق: بسرعه درت وجهي خجلانه اجتي موعد طيارتنا رجعنا للعراق اربيل جانو محضرين كلشي
اخذنا سياره وصلنا للعنوان الدزه صديق مراد
بيت حلو مرتب ماثثه كامل دخلنا 3 غرف فوك وغرفه وصاله ومطبخ جوه وكراج وحديقه صغيره
صعدت فوك اجه مهاب جايب الجنط خلاهن بلكاع

مهاب: اروح اجيب غده مشتهيه شي

غسق:  لا

مهاب: منا منا غاليتي ادللي عليه اليوم

غسق: رمشت بعيوني يعني ادلل اليوم هسه راسه اي وعيونه ذبلانه
عزلي الجنط ورتبهم بلكنتور

مهاب:  متخافين الله ابووي يصيحني يريد يطه..... لازم اروح بسرعه

غسق: ضحكت من كل گلبي رجع وره ساعتين يحجي بلموبايل تقرب مني انطانيا

مهاب: مسره تحاجيج

غسق: ابتسمت اخذت الموبايل منه سلمت عليها جان تصرخ عليه

مسره: بذااااته ناكره العشررره والصداقه ليييش هيج ولج

غسق: والله مو بيدي ضروفي اقوه مني عذريني

مسره: شونج ابنج شلونه

غسق: الحمدالله كلنا بخير انتي شونج خاله غسان

مسره: بخير كلنا بخير نسال عليج
كطعيه

غسق: مشتاقتلج والله بكد رحمه الله

مسره: بلكت نجي الاربيل ونتشاوف

غسق: شمدريج احنا باربيل

مسره: غير رجلج خابرنا وكال

غسق: بقيت احجي وياها علما تعبت واشرلي مهاب ننزل نتغده ختمت وطفرت عليه بسته
شكرراً

مهاب: ممتفقين هيج تره انه سريع الاشتعال

غسق: مو وكتك يلا ننزل نتغده
اخذت مهيمن عفته ونزلت وهو صافن عليه رتبت الاكل وصحت عليهم وهو بعده منازل
نزل امبدل ويوزع ابتسامات

مراد: ضحكني وياك

مهاب: وانتت شكو اضحكك

مراد:  عاجبني اضحك

مهاب: باوع على نفسك بلمرايه تشبع ضحك

غسق: ضحكنه على ضحكهم وتحشيشهم علما زمخ بيهم عمو سكتو مرت الايام طلتت اربعين مهيمن
لعنا اني وغفرانرللسوك اخذنا مهاب اشتريت شوي اغراض ورجعت اتصلت بيه مسره رديت عليها واني اصعد فوك بقيت اسولفلها على يومي

مسره: غسق تدرين ام ارشد توفت

غسق: دمعت عيني عليها الله يرحمها شوكت

مسره: قبل اسبوعين وابوو انجلط وصار عنده شلل لا رجل ولا ايد بس العيون تفتر ومرته اطلگت منه ورجعت لهلها باربيل يمكن

غسق: بلعت ريگ من دخل مهاب

مسره: لو تشوفين حالتهم تقهر وارشد حاير بشغله ومخلي ممرض يم ابوو ام غسان دكول يبقى يصيح صوته يروح علما يجي ينضفه

غسق: الله يشافي ماالكم نيه تجون اهنا نتونس شوي

مسه:  حالياً لا والله مانكدر

غسق: ختمت وياها واني مقهوره الانسان مهما يظلم وشما يسوي تاليته ينكسرر ويتبخر كل جبروته وصوته العالي الجان ماخذ بي الناااس ابو ارشد اكبر مثال جان هو وبس وكلمته وبس لا مره مرتاحه يمه ولا ابن ولا جنه وهسه وحده يعاااني بمرضه ومحد يمه يداري
الف الحمدالله الخلانا انام مظلومين ولا ظالمين

مهاب: وين صافنه صاير شي

غسق: لا ماكو شي

مهاب: متاكده

غسق: هزيت راسي اي

مهاب: انه طالع. محتاجه شي اجيب وياي

غسق: لا سلامتك باسني وطلع كمت عزلت الغرفه وعطرتها سبحت شسورت شعري اخذت مهيمن يم غفران

غفران: مبتليه بابنج انه

غسق: بستها بس اليوم حبابه شبييج لا تصيرين نحسه

غفران: اييي بعد بعد يوم وره يوم تاخذين السااان رجلج الزفر

غسق: من عاشر قوماً اربعين ليله اصبح منهم
عفتها وطلعت بدلت شغلت شمووع وبقيت كاعده منتضرته شوي ودخل بقى واكف يم الباب يباوعلي

كمت وكفت دخل تقرب مني خطوتين رفع راسي بايده وباسني

مهاب: شمعة سنيني غاليتي روحي ونظر عيني

غسق: خليت ايدي على ركبته احبك اني

مهاب: احلى شي بحياتي انتي بجفه والدنيا كلهااا بجفه

غسق: الله لا يحرمني مناك

مهاب: ولا يحرمني منج
أنتــيِ دنيّاي الصغيَره المليِانه أمان

غسق: متتخيلون حجم ساعدتي وفرحتي وضحكتي الراسمه وجهي ويا مهاب احسه هديه من رب العالمين عوضني بي بعد سنين العذاب والضيم الشفته
شايلني شيل مثل الماي البصينيه عمتي من يوم العرگه الصارت بين عمو ومهاب هي صارت زينه وياي مرات تسمعني حجي بس عادي عمووو نسمه هوى بارررده بعز الصيف كد حنيته وكلام الحلو الميوكع من الساانه غفران حلاوة البيت
مرات افكر اذا تتزوج شسوي بنفسي
بيت عمي بعد ماعرفت عنهم شي وكلما اسأل مهاب ميجاوبني يردني بكلمه انه كل عمامج واهلج انسييهم
لهنا وتنتهي قصتي وشكراً للكاتبه وتعبها وياي وصبرها
ادعولي ابقى بهلسعاده هاي وربي مايحرمني منها
والكم اضعاااف الدعووه التدعونها

النهايه <>

‏"لقد كنتَ أملًا. كان العالم مظلمًا، وكنتَ أنتَ هناك، مضيئًا في ذلك الظلام، كيف يستطيع أحد ألا يحب الأمل؟"

كلش اعتذر على التاخير الصاار حبايبي لهنا وتنتهي
قصتنا اتمنى تكون نألت اعجابكم من ناحيه السرد

وكلش ممنونه منكم على صبركم ويايه ورداتي الاحبهم راح اشتاقلكم كلش دمتم في حفظ الرحمن