رواية شوگ و ورد الفصل الخامس والخمسون 55 - بقلم wad. al.Basha

للكاتبه: ود الباشا

"وعرفت أن الأشياء دومًا مهددة بالغياب، وأنني ذات يوم كنت هنا في هذا المكان حيث لن أكون أبدا مرة أخرى"

مهاب: باجر راجع للعراق

غسق::بلعت ريكي شدتحجي مهاب شنوو ترجع للعراااق
انت انتتت تتذكر لووو نسيتتت احنه شلووون طلعنا بطلعااان الروح شنووو نرجعزلا حباب كول غيرها والله يموتونه والله

مهاب: اششش غسق اهديي اسمعيني انه ارجع وحدي انتي تبقين

غسق: شنو ترجع وحدك شنو ابقى وحددي

مهاب: اروح احلها وياهم اخلي النقاط علحروف وارجع

غسق: ماتروح مهاب ماتروح زمخ بيه

مهاب: شنووو ماااروح اخلي الرجال يفطس بيدهم هذه التردي مو انتي الخَااابرتينِيِّ تّرجِفِّيِّنِ وكلتي خاططفي ويردون يكتلوووو

غسق: حلها بغير طريقه بس لا تروح حباااب

مهاب: باجر رايح قبلها اجيج مشتاقلج روحي تلووب عليج

غسق: اجي ويااك رجلي على رجلك

مهاب: لااا مامستعد اتهدد بيج ويطيح حضي خليني بطرگ روحي

غسق: ماااخليك وياااك اجي والله مابقى اهنا

مهاب: لج ابوويه شسوين تجين ويااييي تبقين بمكانج اهنا وراح أمن عليج ابو سمر فدوه غسق بروح اهلج لا تحرگين روحي اكثر ماهي محروگه خليني اروح اشوفلي چاره وياهم واخلص انه تعبت حيل تعبت وداعت عيونج ارجعلج بس انتبهيلي على نفسج وكوميلي بسلامه

غسق: مهاب حجيتها وبجيت منا بالي يم غسان ومنا هر يريد يرجع ومتاكده مراح يسكتووون خايفه عليهم ياذوهم

مهاب: شريانه الابهر وروحه ونبض گلبه

غسق: لا تعوفني خليني اجي وياك

مهاب: غاليتي نظر عيني باباتي افهميني اغديلج فدوه
اذا اخذج راح يلوون ذراعي بيج ويبقون يهددون

غسق: لا تروح

مهاب: وغسان

غسق: خابرهم منا

مهاب: شيسون بمخابرتي هم يردوني الي روحي نامي ارتاحي هسه الصبح انه يمج 

غسق: خايفه عليك

مهاب: يهنيالي والله شرايد من الله بعد  الصبح انه يمج روحي نامي حبيبتي ومثل ماكتلج لا تفكرين بشي

غسق: شلون تعوف المستشفى وعلاجك شلوون

مهاب: انه تحسنت غسق اصلا هلسبوع الاخير الي اختنكت منها

غسق: مسحت دموعي منتضرتك الصبح

مهاب: احسب ثانيه ثانيه

غسق: ختمت وياا گلبي محروك هسه يلا جرينه نفسس صارلي 3 اشهر متحمله فراگه والوحده العايشتها علمود صحته ويرجعلي بدون هلسم تالي راح يرجع لنفس السطونه والدائره الطلعنا منها خايفه يااذو او يجبروو يرجع يتعاطه غمضت عينيي بتعب مجايني نوم
للفجر يلا غفيت ودمعتي جامده بعيني لهنا وحسيت على ايد حاضنتني بقوه ونفس حار برگبتي فتحت عيني بثكل شفت مهاب مبتسم طفرت حضنته بكل قوتي بقيت معلگه بركبته ودموعي تنزل

مهاب: افيشش هسه يلا ردت بيه الروح شو اشوفج

غسق: لازم وجهي بثنين ايده ويمسح دموعي بصبعه

مهاب: ليش هيج عيوونج ذبلانه

غسق: خايفه عليك حجيتها بشهكه حضني وهمس يم اذني

مهاب: اشش ماريد اشوف دموعج غاليتي انه يمج ولا تتخيلين اعوفج بيوم

غسق: راح تروحلهم برجلك

مهاب: مايكدرون ياذوني لا تخافين عليه بسبع ارواح انه

غسق: باوعت عليه ضعفان حيل ضعفان ملامح وجه التعباانه تحجي الايام الفاتت مجانت سهله عليه
متاذي فرگ عيونه

مهاب: حالياً لا بس ذيج الايام تمنيت الموت
روحي فرفحت عوفج مني ومن طيحان حظي احجيلي انتي شلون

غسق: خله ايده على بطني

مهاب:  ابنه شلونه خوما ماذيج

غسق: الشي الوحيد الماذيني فراگك وخوفي عليك

مهاب: ماكو داعي للخوف غسق كتلج ارجعلج ومن اوعدج اووفي بوعدي فكري بغسان زوجته امه شنو ذنبهم بسببي يصير بيهم هيج؟

غسق:  اخذني لحظنه يلعب بشعري اخذني وياك لا تخليني اهنا التفكير يموتني

مهاب: اليوم نبقى نعيد نفس الحجي للصبح؟

غسق: ماانعيد بس شلوون تخليني وحدي اهنا بعد ماتحملل اني جنت انتضر يوم يوم ترجعلي هسه تريد ترجع للعراق وتعوفني اهنا رجع لزم وجهي والجكاره بحلگه

مهاب: لج ابويه انتي افهميني مااكدر اخذذذج انه مرايح اتونس

غسق: باالي يمك ممرتاحه اني بروحتك راح ياذوك

مهاب: عوفج من هلحجي وكومي نتريك جوعان
شنو رئيج اتريك بيج

غسق: تقربت بست خده سحبني لحظنه وطفه الجكاره
همست كوم غسل اروح احضرلك الريوك

مهاب: متمني اضمج بين ضلوعي كلما اشتاقلج اطلعج ابوسج وارجعج

غسق: ابتسمت تحبني حگ طرف حاجبه وباوعلي

مهاب: انتي شدكولين؟

غسق: اني سألتك

مهاب: انه ميت بيج وانتي تسأليني تحبني؟  احسج معشعشه بروحي يشهد الله عليه

غسق: رجعت بست خده وخليت راسي بركبته رفع راسي باسني بوسه طويله عبر بيها عن شوقه ابتعد عنه رجع سحبني لحظنه باس راسي. ابتعدت منه اروح احضر ريوك هز اس وكام راح للحمام دخلت للمطبخ حضرت الريوك وكعدت انتضره اجه كعد كدامي مبتسم
شبيك

مهاب: اكحل عيوني بشوفتج

غسق: اكتفيت ببتسامه كملنا اكل اخذ الجاي وراح للصاله يخابر مدري منو ويتفق ويا رحت كعدت يمه ختم مكالمته

مهاب: طلع غسان خابري زوجته شوفي بلبيت

غسق: صدك هز راسه بمعنى اي اخذت جهازي اتصلت على مسره ردت عليه بصوت يضحك بشريني مسره غسان طلع؟

مسره: اييي رجع غسق رجع الف الحمدالله

غسق: الحمدالله سلميلي عليه

مسره: يوصل عمررري

غسق: ختمت وياها لا تروح بعد مهاب مو طلع هاهي ماكو داعي لروحتك

مهاب: لازم اروح هم عاافو لأن اتاكدو انه راجعلهم

غسق: انتت متخاف على نفسك بس فهمني ليييش ماتشتكي عليهم لييش ساكتلهم انتت راضي بلديصير راضي بكل الدنعيشه فرك وجه بتعب زمخ بيه

مهاب: عليمن اشتكي؟  هم حكومه بحد ذاتها لأن روس كبار ساندتهم والهم ايد وياهم

غسق: سكتت ماحجيت شفته عصب عفته ورحت للمطبخ اسوي غده وابجي روحي رايحه ليييش هيج ليش وكف ورايه حضني خله راسه برگبتي

مهاب: ليش ضايجه؟
احسبيني بعدني بلمستشفى مطالع وعد ماتاخر عليج

غسق: التفت عليه جر حسره

مهاب: ليش هلدموع عيونج ماتعبت؟

غسق: خايفه عليك خايفه ياذوك لزمت وجه وبسته بين عيونه اول مره اسويها عيونه ذبلن انت تعرف ماعندي غيرك

مهاب: تحبيني؟  لو لأن ماعندج غيري

غسق: حجاها وخله كصته على كصتي وجر نفس
احبك انه وحق كفيل زينب حجيتها وهو طكها بضحكه

مهاب: مو بكدي شرياني الابهر مو بكدي سامعه حاتم العراقي شيكول

غسق: هزيت راسي لا شيكول

مهاب: ربع حبي يعادل كل اليحبون نص حبي الك ماحبتك امك

غسق: يحجيها بهمس انفاسه تلفح باذني
اذا صدك تحبني لا تعوفني

مهاب: لج ابويه انتي وين عايفج انه؟ شلون تردين اخذج وياي بس فهميني قنعيني طلعت روحنا علما طلعنا مناك تتذكرين شعشنه وشلون طلعنا هسه تردين ارجعج بايدي لا فوكاها حااامل اذا ماتفكرين بنفسج فكري بلبطنج  ولا تاذيني بعد

غسق: داريد احجي ودگ جهازي

مهاب: اكيد مسره جاوبيها

غسق: طلعت للصاله بالي يم كلامه لزمت الجهاز ارشد بلعت ريگ وباوعت على مهاب اشرلي بمعنئ شبيج
ماكو بس بعدين اجاوبها رفضت الاتصال وشمرت الجهاز علطبله مشيت خطوتين مرتبگه ورجع اتصل بلعت ريك وباوعت عليه ابتسمت برتباك رجعت علموبايل انطيته رفض وصرت احجي وكانما داحجي ويا مسره الموبايل باذني ورجع اتصل ارتبكت وكع من ايدي تقرب اخذ الموبايل باوعله

مهاب: منو؟

غسق: م م ماعرف
فتح الخط خلاا باذنه وهو يباوعلي عيونه صارت دم بلعت ريگي بخوف

مهاب: شكوو متصل لك كوا.... والله لطلع حليب امك الساقط..... من خشمك عاااار اصبرلي مابقى شي واشوفك

غسق: كطعه منه وشمر الموبايل سواء الف وصله تقرب مني خله عينه بعيني حواجبه مطبوكات نظرته تخوف رجعت ليوره لزمني من ايدي بكل قوته

مهاب: مننننن شوووووكت تحاااااجي

غسق: بلعت ريگ شكله نبره صوته طبگه حاجبه عصبيته كله يخوف عت ايدي حيل

مهاب: احجييييي لا تسكتييين احجييييي من شوكت تحاااجي

غسق: م محاجيته حجيتها ونزلت دمعتي
دفعني حيل ضهري ضرب الحايط رفع ايده عليه راد يضربني بأخر لحظه سحب ايده استغفر الله راح للغرفه خمس دقايق وطلع ورگع الباب حيل وراء كعدت بمكاني ارمش عيوني بخوف اني ماااخلص من لعنه هلــ انسان شكووو يتصل عليه شكوووو حجيتها وشهگت مراح يصدكني متاكده مراح يصدگني مسحت دموعي كمت فتحت الباب توقعته راح لبيت عمو ابو سمر دكيت باب شقتهم طلعت سمر مستغربه حالتي

سمر:  غسق شبيج شصاير

غسق: مسحت دموعي بايدي مهاب عدكم؟
هزت راسها

سمر:  لا مجااي عدنا صاير شي

غسق: لا بس كل ضني عدكم عفتها قبل لا تحجي ورجعت للشقه قفلت الباب وكعدت وره الباب گلبي محروك لازم تخرب فرحتي لليل بقيت انتضره وهو ماكو گلبي صار ناار عليه وين راح شديصير ويا معقوله رجع للمستشفى تذكرت اتصل بي غمضت عيني بقوه تذكرت جهازي متفلش كمت فتحت الباب ورجعر سديته افرگ بايدي هسه يكولون تخبلت مو صاااحيه
رجعت فتحت الباب دكيت باب بيت عمو ابو سمر فتحتلي سمر

سمر:  غسق بيج شي لونج مخطوف تعاي دخلي

غسق: لا بس حبابه اريد موبايلج اتصل على مهاب مارجع والوكت تاخر موبايلي عطلان

سمر:  تعاي دخلي هسه جان يحجي ويا بابا

غسق: ابتسمت صدك وينه شكال

سمر:  ماعرف والله هسه اسألج دخلي شبيج

غسق: دخلت واني شابگه ايد بايد كعدت مقابيل عمو وهو بس يكو صار تدلل أمانتك بعيوني
گطعه منه جر حسره حجيت بصووت ملهوف عموو وين مهاب

ابو سمر:  هسه جان يوصيني عليج كال بلمطار منتضر طيارته يرجع

غسق: بلعت ريگي شنو يعني رجع للعراق؟

ابو سمر:  اي كال راح ارجع

غسق: هزيت راسي بدون مااحجي

ابو سمر:  بيج شي بنتي صاير وياكم شي

غسق: لا ماكو شي اذيتكم وياي

ابو سمر: ابقي عدنا اذا تردين اشوفج تعبانه

غسق: لا مابيه شي نعسانه اروح انام تعبتكم وياي عفتهم ورجعت كعدت صافنه رجع عافني حتى مخلاني ابررله واشرحله خليت ايدي على حلكي بشهكه خايفه تصير مشكله بينهم. تمددت على القنفه دمعتي على خدي بقيت اتگلب من وجع راسي علما نمت فزيت الصبح دموعي يابسه بعيني غسلت رحت للغرفه شفت قميصه سحبته خليته بحضني ماستاهل تعاملني بهلطريقه والله اني حبيتك من كل گلبي ليش تاذيني ليش ماسمعت مني شلون تعوفني محتركه وحـتى ماكلفت نفسك تسمع مني مو كتلك محتاجتك لا تعوفني رجعت تمددت مرت يومين حنضل عليه سمر كل يوم تجي تتطمئن عليه وتروح اليوم اندكت الباب لفيت حجابي وفتحت صار بوجهي عمي ومراد وعمتي 
وغفران ابتسمت بفرح اهلاً وسهلاً بست راس عمي وعمتي شونكم حضنت غفران طايره بيهم

ابو مهاب: شلونج بنتي

غسق: الحمدالله انت شونك عمو شون صحتك

ابو مهاب:  بخير نحمد الله ونشكره

غسق: كعدت غفران بصفي ورجعت حضنتني همستلي

غفران: متصدكين شكد فرحانه جايه لدبي بلكت انسق ويا اولاد شيخ زايد واصير حرمه الهم والله لوزع جگليت بضريح كفيل زينب

غسق: عايشه احلام ورديه حضرتج وبعدين جنه شيخ زايد وهله هله وتوزعين بس جكليت؟ 

غفران عابتلج حتى عابتلج دخليني بحلامي شبييج
خربتي عليه ام اللحظه

غسق: ضربت راسي بجف ايدي كلش اعتذر من فرحتي بيكم حتى ماي ماجبتلكم عفتهم ودخلت للمطبخ لحكتني غفران انطيتها ماي تاخذه طلعت اللحم يموع ورجعت كعدت يمهم

ابو مهاب: مهاب شوكت رجع وشلون عايفج وحدج؟ هلولد نهايتي على ايدهز

غسق: بلعت ريگ حرت شحجي نقذني مراد

مراد: يابه وين ياخذها ويبهذلها وياا وهي حامل وهو لوما عنده شي ضروري ميروح

ام مهاب: شكو عليها واذا بقت وحدها متشوف موفرلها كلشي

ابو مهاب: المره حامل لا تصيرين مثل ابنج مادري شون يفكر لو تحتاج شي لو يصير بيها شي بنص الليل منو الهااا بهل غربه وهي ماتعرف احد اهنا

غسق: اشرلي مراد بمعنى احجي بي عمو ابو سمر موجودين هم عراقين عايشين اهنا وخطبه ابد مامقصرين وياي اكتفى بهز راسه كمت من يمهم عزلت الغرفه وعطرتها علمود ياخذون راحتهم بيها

غفران:  غسق صاير شي بينج وبين مهاب؟

غسق: باوعت عليها ليش؟

غفران: عصبي ميتحاجه واذا ضغطوو عليه بكلمه يكعد يسب ويلعن وبعدين تعاييي احجيليي انتي شلوت رجعتيله وبطلعان الروح انفصلتي عنه الصراحه كلنا استغربنه ابددد ماتوقعنا ترجعين اكو ناس حتى ضغطها صعد وحرنا بيها مستشفيات

غسق: طبكت حواجبي مستغربه منو؟
تقربت مني وهمست

غفران: عمتج عيني ام رجلج

غسق: عبالي اكو غيرها مهاب شوكت انطاكم خبر

غفران:  بيوم العقدتو فد فررحت والله بدون مجامله بس كلش لايكين لبعضكم ثنائي كيووت

غسق:  هم تخابري

غفران: حالياً لا لأن ميتحاجه وبس اخابره نتعارك

غسق: هو انتو من يوم يومكم متتوالمون

غفران:  هو غثيث ويريد الدنيا كلها على مرامه

غسق: مجاوبتها بس من تحجي بي گلبي يدگ طبل اريد اخابر بس متردده خايفه يقهرني فوك قهري منه

غفران:  وين صفنتي نازل

غسق: لا مصافنه يمج طلعنا من الغرفه وكفت كدام عمو وامه حضرت الغرفه اذا تردون ترتاحون كام عمي

ابو مهاب: اي والله حيل تعبان وتعبناج ويانه

غسق: تعبكم راحه عمو راحو للغرفه دخلت للمطبخ سويت تشريب لحم وتمن ووصيت عمو ابو سمر على سمجه
كعدت وغفران دتغسل الامواعين همستها
هو كللكم تجون يمي

غفران:  اي خابر ابو وكال وحدج بس اساساً احنا ناوين نرجع لأن تكأبنه ممتعودين هيج احنا
بلد اشباااح عبالك ماكو ناس عااايشه هدوء قاااتل صوت ماكو اختنكنا

غسق: ماتعرفين شوكت يرجع؟
غمزتلي

غفران:  لازم اشتاقيتي

غسق: لا تتسوفلين احجي الصراحه

غفران:  احد كايلج اكذب عليج انه ماكذب عيني واذا ماتصدكين خاابري وتاكدي عليش تسأليني

غسق: مجاوبتها جريت حسره بقهرر

غفران:  شو جنكم متتحاجون

غسق: نزلت دمعتي

غفران:  شبيج شصاير

غسق: سالفه طويله خلينا نخلص ونسولف

غفران:  انه اكول صوته جان رايح من الجكاير  ومخنوك كوه يحجي

غسق:  سأل عليه

غفران:  لاا بس كال لابو روحلها. لا تخلوها وحدها
واحنا لبينا النداء وجيناج

غسق: محتاجته غفران عافني بوكت اني بحاجته كلش
سمعت صوت حمحمه ورايه مسحت دموعي بسرعه والتفت للمغسله اغسل امواعين

مراد: محتاجين شي اجيب من بره انه طالع شوي

غسق: لا سلامتك اذا احتاجيت شي اكول لعمو ابو سمر

مراد: عليش انه طالع احجي اجيب وياي

غسق: ابتسمت بس خبز ولبن

مراد: صار تدللين

غسق: طلع ورجعت عليه غفران دغتني

غفران:  احجيلي يلا

غسق: بعدين لا يدخل علينه عموو هلمره خلينا نخلص وبليل نكعد نسولف سوه

غفران:  تخليني اتحرمص يلا تحجين

غسق: مجاوبتها بالي يم مهاب صبيت الغدهزكعذنا تغدينا وعمو كل شوي مخلي شي كدامي

ابو مهاب:  اتغذي بنتي

ام مهاب: ميحتاج توصيها ماتشوفها شلون تاكل

غسق: باوعتلها واني ابلع لكمتي تحسسني مخليه راسي بلصينيه واكل غلست منها وحتى عمو مجاوبها خلصنا شلت السفره اني وغفران سويت جاي شربو وراحو نامو بلغرفه مراد تمدد علقنفه بلصاله كعدت وغفران اجتي كعدت يمي لزك همستلي

غفران:  يلا احجي غردي اسمعج شصاير بينج وبين روميوو زمانه

غسق: خابري اسمع صوته حبابه

غفران: انتيي تردين تجيبين نهايتي مو تعرفين انه وويا مانتوالم واذا سولفنه دقيقه وحده نتعارك وراها شهرر

غسق: اي هسه خابري لخااطري ونطينيا اني احجي ويا
سحبت جهازها وهي تزفر نفسها عود معصبه اتصلت بي مرتين يلا جاوب مبين من صوته تعبان سلمت عليه جاوبها بجمود

مهاب: خير شو داكه عليه محتاجه شي

غفران: والله كلت اسأل عليك اطمئن غير ابن اخوي

مهاب: غفرانووو مالي خلكج شرايده من الاخيرر روحي بخشمي تره

غفران:  اوووي وانه كاتله نفسي علساس اتصل بيك غير هلعوووبه خبصتني اتصلي بي واتصلي كتلها دمه جاممد وشايف نفسه وميتحاااجه بس ماكوو قافله اتصلي وصخمييي حاجيها وفضنا كاتله نفسها وماتعرف تكرص دودتها

غسق: هي تحجي واني اكفخ بيها اريد بس اسكتها ماكو انفتكت

مهاب: غسق؟

غفران:  لا امي چا اكو غيرها فوكاها تضرب بنت الاوادم مجلوووبه الله يساعدك عليها هسه عرفت بيك مظلوووم

مهاب: انچبي عاااد لا تاكلين تبن زايد انطينياها

غسق: سحبت الجهاز من ايدها وكفختها بسيطه اني الج اخذته ورحت للمطبخ لحكتني مخليه اذنها علجهاز دفعتها هم رجعت

مهاب: شلونج غسق

غسق: الحمدالله انت شلونج جر حسره

مهاب: موزين انه احس نار مشتعله بصدري متاذي حيل متاذي

غسق: ليش رحت؟ ليش ماخليتني افهمك حكمت علي بدون ماتسمع مني

مهاب: شسمع؟  مكاافي السمعته باااذني

غسق: ماعندي وياا شي وداعت ابني. مره وحده اتصل ومعبالي هو رديت عليه

مهاب: لا تجيبين طاري تولي السالفه انسيها كتلج والله لطلع حليب امه من خشمه هلعاار

غسق: غمضت عيني ماكدرت احجي خفت اجفص بحجايه ويلزمها عليه شوكت ترجع

مهاب: مطول

غسق: خلينا نرجع كافي تعبت اني

مهاب: اهلي يمج ورجعو لخاطرج انه اكمل شغلي واجي

غسق: مشتاقتلك مهاب والله روحي مفرفحه عليك جر حسره

مهاب: لازم اروح انتبهي لنفسج

غسق: حجاها وكطع الخط نزلت دموعي شفت غفران كبالي هم مدمعه خليت ايدي على وجهي وكمت اشهك مبين من طريقه كلامه وياي كارهني مطايقني

غفران:  لج شبيج شصاير لا تبجين موزين عليج هو يبقى هيج مايحسب احساب لتصرفاته موووتني هلرجاال هذه

غسق: صوجي مو صوجه كعدت حجيتلها كلشي وهي صافنه بوجهي لا تباعين هيج اعرف غلطت بس والله مابالي شي اصلاُ اني اكرهه والله اكرهه رادت تحجي وفزينا ثنينه على الصوت الاجه من ورانا

ام مهاب: انتي لاعبه شااطي باااطي وبعدج تلعبين دور الشريفه براسنا مااعرف عليش صاابر عليج وانتي شكو شغله سلبيييه بهلدنيا بيج

غفران:  ام مهاب شفتهمتي حتى تحجين هلحجي وبعدين سالفه بينها وبين رجلها شكو مدخله نفسج

ام مهاب: اعتقد مهاب ابني وانه كأم طبيعي انغث من اسمع بنجازات جنتي الطايح حظها

غفران:  لا تتجاوزين عليها وانتي كلش زين تعرفين لو مهاب اهنا مايخليج تحجين عليها حرف واحددد وتعرفين شكد يعزها وشكد غاليه عليه

ام مهاب: وحده بهلرخص ماعتقد غاليه على احد وحتى مهاب ابني وانه اعرفه صابر لخاطر الطفل الابطنها ولا على سوالفها الكشره من زمان دافرها ومرجعها منين ماجابها

غسق: ماكو داعي لهذه كلامج ومهاب مستحيل يتخلاء عني لأن يحبني مو لخاطر طفل واني واثقه من حبه مليون بلميه ابتسمت بستهزاء وطلعت من المطبخ غمضت عيني محتاجه ابقى وحدي استفرد بنفسي كلامها سممم شلون الواحد يكدر ياذي بهلطريقه هااي بدون مايحسب حساب لمشاعر المقابيل

غفران:  لا تهتمين لكلامها تحجي من حركه كلبها لأن ماكدرت تسوي. شي وتفرقكم وكاعد تسمع وتشوف لهفه وخوف مهاب عليج

غسق: اكتفيت بلسكوت عفتها ودخلت للحمام غسلت وجهي مرتين واحس نار تطلع من راسي
طلعت ترخصت منهم ورحت يم سمر ماريد اضعف كدامهم وابجي وتصير مشكله
دكيت الباب طلعتلي مبتسمه ارتميت بحضنها

سمر: يا ستار شبيج شصاير يوجعج شي

غسق: هزيت راسي لا بس تعبانه

سمر: تعاي كعدي تعاي شصاير وياج حتى وجهج ذبلان

غسق: عمو وينه

سمر: وصو على غراض راح يجيبها محد بلبيت احجي شبيج

غسق: مشتاقتله ابتسمت

سمر: اهنا الحجي مصارله خمس ايام من رايح شوكت لحكتي تشتاقين واكعه چفي انتي

غسق: باوعتلها غلطت بحقه زعلان مني رجع وهو زعلان گلبي محترك

سمر:  خابري احجي ويا

غسق: ميقبل يسمعني حاولت

سمر: شنو الشي الصار

غسق: فرگت وجهي سالفه طويله باوعتلها سمر اريد انام حبابه اريد ابقى وحدي بس ساعه

سمر:  غسق اذا محتاجه تحجين اني موجرده

غسق: حضنتها وبقيت ابجي من كل گلبي وخرت حجابي من راسي بقت تلعب بشعري علما نمت ماكعدت
للمغرب راسي مصدع واحس عيوني مورمه اجاي سمر مبتسمه

سمر: صح النوم عيني واخيراً

غسق: لبست حجابي كلش اعتذر سلبت راحتكم

سمر : لا دكولين هسج اختي انتي بس اجه حماج سأل عليج كتله نايمه كال من تكعد انطيني خبر

غسق: شكد عيب بستها تشكرت منها ورجعت للشقه شفتهم كاعدين بلصاله مسيت عليهم اشرلي عمو اكعد بصفه كعدت

ابو مهاب: بيج شي بنتي؟ 

غسق: لا عمو كلش اعتذر عفتكم وطلعت

ابو مهاب:  عادي بنتي مو غربه احنا وكلام عمتج وياج مسحي بوجهي ولا تاخذين بخاطرج منها

غسق: لا عمو عادي ماحجت شي باوعت على غفران خازرتها انقهرت من موصله الكلام لعمو راح تكرهني اكثر صحت غفران للمطبخ اجتي تضحك ليش كتيله جان بلعتيها

غفران:  مااي بارد نزل على صدري افييش ارتاحيت راحه لم يرتاحها المرتاحون من رزلها شايفه نفسها وشايله خشمها جنه كراج العلاوي عليمن

غسق: ضحكت علتشبيهه لا تسمعج مابينه حيل مشاكل تعاي نسوي عشه. تخوصرت

غفران:  لاا بالله وانه جايه اسوي غده وعشه شوكت اطلع شوكت افتر شوكت اشوف ولد واحفاد ال زايد ويخطبوني

غسق: احلامج مارونيه
عافتني وطلعت تصيح اريد اطلع اتعشى بزه خوما نگضيها كله بلبيت ماجذبو خبر هم بدلو اني وياها هم بدلنا وطلعنا افترينه كعدنه بمطعم اكلنا وغفران ومراد بس يحشسون خلوني اندمج وياهم ام مهاب كضتها تخوزر بيه وعمو يجيب اكل ويخلي كدامي تغذي تتحتاجين تغذيه خلصنا رجعنا للبيت مرت الايام انتقلنا لبيت اكبر مهاب موصيهم نطلع من الشقه بقيت ساعه حاضنه سمر وابجي صح راح نتشاوف بس مو مثل كل مره بابهم مقابيل بابنه رتبنا اغراضنه اني وغفران مكضيها ضحك وسوالف ونشوف افلام مهاب احاجي ويحاجيني على كد السلام عايفته براحته
دخلت بشهري وعمو شسولف على حنيته حتى الفواكه هو يگطعهم ويخليهم كدامي عصاير يجيب ويخليني اشرب غصب كلش خايفه وكل ما يتحرك اخلي ايدي على بطني اكول راح اجيب قررت اجيب طبيعي ماريد عمليه اليوم كاعدين نشرب جلي وره الغده دك جهاز مراد جاوب وبقى ساكت شويه صاح بصوت عاالي

مراد:  شكااااعد دكووول شنوووو تصوووب شلووونه هسه شلون حالته

غسق: احس روحي راحت اريد انطق الحروف ماكدر اريد احجي صوتي ماكو

يتبع<>
للكاتبه: ود الباشا

‏"لقد كنتَ أملًا. كان العالم مظلمًا، وكنتَ أنتَ هناك، مضيئًا في ذلك الظلام، كيف يستطيع أحد ألا يحب الأمل؟"