رواية شوگ و ورد الفصل التاسع عشر 19 - بقلم wad. al.Basha

للكاتبه: ود الباشا

‏"إياك أن تمازحني بجدية، أن تضع يدك على جرحي وتضحك، أن تتغابى مثلًا وأنت تفهمني"

غسق:  بلعت ريگي وباوعتله خزرني

الدكتور:  لا تخافين احجي

ارشد:  ليش هلملحه دكتور؟ 
اعتقد انه جاوبتك بررره مايحتاج ترجع تعيد السوأل على المريضه

الدكتور:  بس هاي قوانين المستشفى

ارشد: كمل شغلك وخلينا نتوكل

الدكتور:  المريضه بخير وتكدر اطلعها بعد ما تكمل الاجرائات جوه

غسق: طلع الدكتور تقرب مني باس راسي همست بعصبيه
لاااا تتتقرب منيي

ارشد: صاار كومي وياي علمود نطلع

غسق: كمت راد يلزمني ابتعدت
خله الحجاب على راسي وفتح الباب مشينا كعدني وراح وقع ورجع مشينا ركبت السياره خليت راسي على الجامه بتعب رگب وبايده الموبايل

ارشد:  لا يشوفني خلقته عود انه ارجع واحجي ويا سهله يمه سهله

غسق: كطعه وشمره بعصبيه ماهتميتله كارهته التفتتله اخذني لبيت خاله ام مسره

ارشد:  رجعنا لنفس الاسطوانه

غسق: نزلت دموعي

ارشد:  عليش تبجين لا تخبلييني غسق يرحم موووتاج

غسق: اكرررهك ماااريد ابقى وياك بنفس المكااان
محجه شي وصلنا للبيت التفتتله لا تنزززل

ارشد:  حالتج مو مال ابقيج وحدج كتلج صيري زينه وبعدين نتفاهم

غسق: ماااكو شي نتفاهم عليه

ارشد:  اكو هواي اشياء

غسق: نزلت دخلت للبيت الباب مفتوح والكاع مليانه دم عفت كلشي ودخلت للغرفه وطبگت الباب برجلي كعدت بلكوه سحبت رجلي لصدري وبقيت ابجي احس بذل بكسره فتح الباب رفعت راسي

ارشد:  كومي اكلي لگمه علمود تاخذين دووواج

غسق: مااريد منك شي عوووفني اطلع
تقرب لزمني من زندي زمخت بي كتتتتتلك لا تلزمنييييي عوووفني وخر ايده ابتعد خطوتين

ارشد:  كومي اكلي علمود علاااجج

غسق: مااريد علاج ولا اريد اكل اطلع منا
طلع  جاب صينيه وكعد گبالي سوه لفه صغيره وقربها من حلگي درت وجهي. ماحجه شي دار راسي حيل بايده وحيل خله اللگمه بحلكي نزلت دموعي بقله حيله

ارشد:  لاااا تخبلييين ليييش تبجين شبييييج راح اطلع اررررجع اشوفج ماااكله تره تشوفين مني شي عمرج مشااايفته كااافي تلعبين بعصاااابي

غسق: طلع وركع الباب وراء حاولت اكل مكدرت ايدي تاذيني بلكوه احركها نص ساعه تقريباً رجع خزرني وكعد كدامي بدون مايحجي يسوي لفات صغار ويقرب الحلگي دگ موبايله رفعت راسي شفت اسم ريتاج سوا صامت وقرب اللگمه من حلگي شبعت

ارشد:  بس هاي

غسق: اكلتها شال الصينيه وطلع تمددت احس راسي ثكيل غمضت عيوني وغفيت من التعب كعدت على صوته يصيح باسمي فزيت عدلت كعدتي باوعلي

ارشد:  اخذي العلاج ورجعي نامي

غسق: اخذت العلاج طلع ورجعت نمت ماحسيت على نفسي لليل كمت ردت اغسل وجهي ماكدر غبيه اني شسويت بنفسي سمعت صوته ورايه

ارشد:  محتاجه شي

غسق: مجاوبته ردت امشي للغرفه سحبني وقرب وجهي للمغسله دفعته وكف ورايه ثبتني بايد وغسل وجهي بايد
باوعتله بحقد كارهته والله كارهته حتى مطايقه اسمع صووته ينرفزني دخلت وطبكت الباب نزلت دموعي تايهه مادري شسوووي شتصرف وين اروح منو يرشدني نفتحت الباب دخل باوعتله مركز بوجهي

ارشد:  مو كافي بجي؟

غسق:  عيوني تنطق كرهه ناحيته شعليييك
يصير الصبح دقيقه مابقى اهناااا مطااايقتك واحد خسيس حقير استغفر ربه بهمس وفرك وجه اجه كعد كدامي

ارشد:  غسق افهمي الراح احجي ولا تعبيني اكثر البيه كافيني انه مشتريج بروحي رايدح حلالي اريد احافظ عليج من كل الدنيا اضمج برووحي هذه الاسلوب بطلي وياي تره ينرفزني متحملج لان اكوول مريضه خطيه تره للصبر حدود باجر تكعدين نتريك ونروح نعقد

غسق: ليش هيج سويت اليحب مياااذي وانت اذيتني حرگتني وتريدني اتصرف طبيعي ؟ احجي ويا ودموعي ينزلن حاولت اسيطر على نفسي وماابجي كدامه ماريد شفقته بس ماكدرت غمض عيونه بتعب

ارشد:  وره العقد نكعد نسولف براحتنا

غسق: ومنوو كلك اني موافقه على العقد لوو اموووت مارتبط بواحد نذل مثلك

ارشد:  تاااالي؟

غسق: لوووو عندك ذره كررررامه تعوووفني مطايقتتتتك بهلحظه متمنيه اشووووف دم سنوني ولا اشوووفك

ارشد:  الساااانج لا اكووم اخلي بايدج حيوانه فكرري بعقلج اذا تخليت عنج وين ترحين؟ 

غسق: لو اكعد على الرصيف بلشوارع ارحملي من الكعده ويااااك مجتف ايده ويحجي ابرووود حرگ اعصابي اكثر

ارشد:    اسمعي مال ااتخلى عنج كطنه وتشيليها من اذنج باااجر تجيين وياي نعقددد بعدها مراح تشوفين وجهي وانت تبقين اهنا وترجعين لدوامج وتخلين بالج يم دراستج

غسق: بقئ يباوعلي كام لحيله اساعدج تغيرين ملابسج

غسق: نترت بي لااا رفعلي حاجبه وعافني وطلع
والله دقيقه ما ابقالك خلينا انشوف لو انت لو اني
كمت اخذت الموبايل بلكوه طلعت الرقم القديم من وجع ايدي  دگيت عليه شويه وجاوبتني مسره

مسره:  غسق شوونج

غسق: الحمدالله انتي شونج
خاله شلونها داحاجيها وصفنت ويا نفسي هيه ليش ماتصلت بيه؟  مو عدها رقمي ليش محاولت تتواصل وياي

مسره:  الحمدالله كلنا بخير طمنيني عنج

غسق: الحمدالله. مشتاقتلج

مسره:  انه اكثر والله وحشه عليج

غسق: مسحت دموعي اي احجيلي غسان مااجه عدكم

مسره:  احس نظراته مو مثل قبل يباوعلي ويبتسم لو يغمز

غسق: يعني تحرگ الحجر واخيراً

مسره:  ههههههه صدك حجر والله بس خايفه خالي وماما مايوافقون

غسق: اذا هو يريدج محد يكدر يوكف بوجه

مسره:  بلكت الله يسمع منج ويستقتل عليه
ماتمريلنه بذاته

غسق: مادري والله بس مشتاقتلكم كلش خاله يمج

مسره:  لا انه بلغرفه

غسق: بوسيها الي وسلميلي عليها بقينا نسولف ختمت وياها وكعدت صافنه على الحيطان طلعت ماكو احد كعدت بصاله اباوع علتلفزيون غمضت عيني تعبانه احس بدوخه ووجع بجسمي سمعت طگه باب شفته يطلع من الحمام وينشف بشعره درت وجهي بسرعه حسيته وكف قريب مني

ارشد:  عندج وجع؟

غسق: مجاوبته

ارشد:  مو داحجي وياااج موجوعه

غسق:  عفته يحجي ومشيت خطوه اروح للغرفه سحبني وعيونه تريد تنط

ارشد:  من احااااجيج توووكفين تردين عليه موووو تغلسين وتمشين

غسق: سحبت ايدي منه لاااا تلزززمنييي مره ثااانيه
ترره الحجي مووو غصب واني معاجبني احجي وياااك عفته ورجعت للغرفه سمعت صوت تكسير ماهتميت ربع ساعه ونفتحت الباب مبدل على اخر حبايه

ارشد:  كومي سدي الباب ورايه

غسق: كمت بدون ما احجي سديت البيبان سندانه صايره تراب وتحفيه مهتميت ولا نظفته رجعت للغرفه خليت راسي ونمت للصبح كعدت من وجع ايدي الدمعه واكفه بطرف عيني طلعت ماكو باوعت الساعه ب 8 ونص غمضت عيني بـألم رحت للكاونتر دورت مسكن اخذت حبايتين وبقيت الوب علما تسكن ارتاحيت
غبيه اني فوك اذيت روحي واكلان الوحل اجيت اذيت جسمي نااقصني وجع اندكت الباب كمت صحت منو اجاني صوت

ارشد:  انه فتحي

غسق: فتحت الباب ورجعت كعدت بمكاني بدون مااهتمله وكف يمي مو نفس الملابس الطلع بيهن البارحه مغيرهن

ارشد:  شعجب كاعده

غسق: مجاوبته

ارشد:  دااااكل خرره وياااج

غسق: باوعتله كاعده يعني الا اشرحلك ليش

ارشد:  غسسق جررري عدددل ترره صبرري خلص وياااج لا تعبيني

غسق: مامجبور تصبر ولا مجبووور تتعب
احجي ويا بهدوء يمكن المسكن سكن حتى اعصابي

ارشد:  كومي بدلي اخذج للمستشفى يشوفون جرح ايدج لا يلتهب

غسق:  ماكو داعي

ارشد: ااكووو داعي وبطلي اعنااد يلا

غسق:  الايد ايدي والجرح جرحي معااجبني اروح

ارشد:  بس الوجع يضرب بگلبي كومي ابوويه وبطلي عنااد

غسق: كمت دخلت للغرفه تمددت عباله ياخذني بلكلام الحلوو شويه وصاحني غلست منه فتح الباب خزرني تقرب مني لزم ايدي عوووف

ارشد: شكوووو هلعناد لخاطر محمد كااافي تلعبيييين بعصااابي ويين تردين توصلييين فهميني

غسق: ماااريد اوصل الشي عوووفني حس على نفسك مااااررريدك سحبنييي حيل على صدره

ارشد:  ترديني او لاااا ميهم المهم انه رايدج وبمرور الوكت انتي هم تتعودين واحتمال تعشقيني مو بس تحبيني

غسق: تتتحلم

ارشد:   نعوف هلشي للزمن والله كريم

غسق: شمر عليه الصايه والحجاب

ارشد:  البسييي خمس دقايق واشوفج مزروعه گبالي

غسق: عافني وطلع لبستهم بلكوه خفت اعاند ويا اكثر
كعدت علسرير علما فتح الباب ونتر بيه

ارشد:  يلااا شمنتضره

غسق: كمت ويا طلعنا ركبنا السيار طول الطريق ساكتين وصلنا للمستشفى غيرو الضماد وعقموو الجرح ورجعنا للسياره

ارشد:  رايحين نعقد

غسق: رجعنيي لبييييت ماااريدك افهممم
سكت ماحجه نترت رجعنننيييي

ارشد:  صووووتج وغصب عنج ترضيييين
لثامر العار جنتي شاكه الحلك هوه انتن اتحبن العاااريه

غسق: انت متزووج افهم الله يخليك ليش تخرب بيتك وتاذي زوجتك

ارشد:  شقصتج بين الحجايه والثانيه كلتي زوجتك اكو احد مشتكيلج

غسق: اني ماريدك

ارشد:  انه اريدج ومشتريج بروحي بعد اگطعي هلسيره

غسق: مجاوبته لان الكلام ويااا عقيييم وصلنا للكاظم عليه السلام طبك السياره بلكراج نزلنا ثنينه نتمشى مد ايده لزم ايدي ردت اسحبها لازمها قووي وماكدر اجرها تااذيني
همست ايدي دتاذيني محجه رخه ايده شويه بقينا نمشي بشارع الامام

ارشد:  جوعانه؟

غسق:  ماحجيت عصر ايدي وحجه من بين اسنانه

ارشد:  جوعاااانه

غسق: هزيت راسي لا 
مجاوبني وصلنا لمكتب شيخ كعدو يحجون شويه واجوي ثنين زلم يمكن من طرف الشيخ شويه وبقى يحجي على الزواج ومن هلسوالف والتفتلي يسألني باوعت على ارشد كاعد وبايده سبحه يفر بيها ماانطى اي رده فعل بلعت ريكي خفت ارفض وياذيني وخفت اوافق واتاذه اكثر غمضت عيني بقوه رجع سألني همست موافقه رفعت راسي شفت ابتسامه على وجهه
طلعنا رجع لزم ايدي واني دموعي تنزل وارجع امسحها

ارشد:  غير يوم اجيبج انزور اخاف تضيعين

غسق: ماحجيت شي وهو مخايف اضيع خايف اشرد سلمت من بعيد على الامام
مشينا مسافه دخلنا لسوك همست اريد ارجع للبيت

ارشد:  ناخذ كم شغله ونرجع

غسق: دخل محل ملابس يمشي ويشتري بدون مايسألني يمكن يدري اذا يسألني مارد عليه كلبي محروك وعيوني تحرگني وكفت بنيه يمي باوعتله ابتسمت

تكدرين تتفضلين وياي علمود تختارين ملابس داخليه

غسق: مااريد

زوجج هو الكال

غسق: بس اني ماريد

اخليلج على ذوقي؟

غسق: كيفج تقرب مني

ارشد:  اذا محتاجه شي كولي مادامنا بلسوك

غسق:  مااريد شي جر حسره وورث جكارته

ارشد:  فهميني تااالي؟

غسق: تالي شنو

ارشد:  ناويه اجلطيني والكاظم

غسق: عافني وراح شويه واجه محمل علاليك فتحلي عكس ايده

ارشد:  الزميني ازدحام خاف ضيعين

غسق: قصدك اشررد لا تخاف ماشرد باوعلي صفح ونتر

ارشد:  لززمي ايدي

غسق: ماالزم. محجه شي كل شوي مندار يباوع عليه تالي خلاني امشي كدامه وكل شويه اتعثر احس عيونه ورايه  وصلنا للسياره ركبنا

ارشد:  ناكل لكمه ونرجع للبيت

غسق: مجاوبته ارييده يحس مطاايقه احجي ويا ماكو كل شويه سألني على شي  هو هم سكت نزلنا يم مطعم نزل اكل كعد ياكل بس اني مالي نفس احس روحي تلعب من ريحه الاكل واصلاً اللكمه ماتنبلع وياي سوه لفه صغير انطانيها مجوعانه

ارشد:  عندج علااج اكلي

غسق: طلبلي عصير برتقال شربته طول ما اني كاعده ماخليت عيني بعينه ولا باوعتله كلما اتذكر السواء بيه گلبي يكوم ياذيني خلصنا رجعنا للبيت بسرعه دخلت للغرفه شمرت الصايه وتمددت مخنوگه الباب انفتحت بسرعه غمضت عيني تمدد بصفي وسحبني لحظنه طفرت من مكاني شدددتسوي اطلع منا

ارشد:  شسوي يعني اعتقد زوجتي انتي؟

غسق: تحلم حلم اصيرلك مررره اطلللع وكف خازرني

ارشد:  صوووتج مايعلى عليه لا الساااانج اكصه وهاي غرفتي مثل ماهي غرفتج وانتتيي زووجتي سمعتي لووو اعييييد

غسق: لااا ماسمعت ولا راح اسمع كلشششي صار غصببب عنييي شعبااالك بعد السويته اخذك لحظني واسمعك كلااام غزل باااوع بعيووني زين باااوع تشوووف بيه ذرة حب اني اكلك لااا اكرهك كررره مصاااير غمض عينه بقله صبر وماحسيت غير على خدي اشتعل نار رجع لزمني من زندي قربني عليه

ارشد:  لااااا تجبررريني غسسسق لا تجبريييني امددد ايدي عليييج لاا تحرگيني بكلاااااامج الصاااار صااار اتقبلي الواقع وخلااااص

غسق: سحبت ايدي منه مسحت دمووعي ممجبوووره اتقبل واااقع انت رسمته وانت خططتله اخذت رئي لااا سئلتني رافضه او موافقه لاااا سويت كلشي بمزززاجك باوعلي بخزره

ارشد:  لااا يكوون جنتي راضيه بثاااامر

غسق: راااضيه او لا مايخصك حياتي هاااي ماالك حق تدخل وتجبرررني على شي اني ماريده

ارشد:  للججج غبيه انتي والكائنااااات ورب العزه غبيه زوااااج ثااامر منج خطه من ريتاااج علمووود تبعدج عني واستعملت اخووووها مقااابل مبلغ جانت متحلفتلج تشوووفج نجوووم الضهر ترررره هو واحد سكير ميعرف ليله من نهاره بس من يجي البغداد يجر عدل لان يدري الوالد مايصرف عنده هيج شي ابقي بهذه غبائج ومثل ماتردين احسبي زواجي منج مصاااااير وراح اقلل جياتي لهنا
علمود ترتاحين وانه ساعدتج لخااااطر عمممج ولا انتي مو جهره واحد يسوي زين وياااج

غسق: يحجي بحرگه اعصابي دمارات كصته وركبته كلها برزت بقيت اباوعله مصدومه يعني لهل سبب ريتاج جانت طبيعيه وساكته وماتدخلت ابببد طلعت خطه بينهم عرفت وراها شي من سكوتها
طلع وركع الباب واني بعدني على صفنتي راسي افتر تمددت وبقيت افكر شكد حقيير احس الناس كلهم حقراء معقوله بابا وماما جانو الي مثل حجاااب للعين شوو بوجودهم مجنت اشووف كميه الحقراء الداشوفها هسه صرت اخاف من الناس اخاف اتعامل وياهم اخاف احجي وياهم سمعت صوت تكسيرر كمت كعدت غمضت عيني بقوه اريد استوعب الداعيشه طلعت من الغرفه سمعت صوت التكسير جاي من فوك ماهتميت كعدت بلصاله حيلي مهدود والدوخه لازمتني جهازه كدامي كل شويه يدگ كاتب ريتاج بلانكليزي عفته بس دك اكثر من 5 مرات خفت صاير شي سحبته وصعدت فوك امشي خطوه وارجع خطوتين خايفه صعدت اخر بايه صارت كبالي غرفه بابها مسدود والغرفه الثانيه مفتوحه ومابيها اغراض فارغه دكيت الباب مرتين ماكو رد فتحتها غرفه تركيه حلوه بس  كلشي بيها متكسر بلعت ريكي متمدد علسرير ومخلي ايده على راسه المموبايل بيدي دك التفت عليه خازرني

ارشد: ناااسيه حجايه محجيتيها

غسق: جهازك دگ هواي اكيد اكو شي ضروري خليته على الميز يمه ودرت وجهي داطلع زمخ بيه

ارشد:  تستلذين باااذيتي انتي ومحمد لج اعاملج مثل الطفله وانتي كل كلااامج سم بسم

غسق: درت وجهي بتعب فعلاً تعبانه ودايخه شتريد مني؟
شسوي يعني؟
السويته انت قليييل فهمني تقبل اختك او بنتك هيج يصير بيهم ؟
لوو مستغل الوضع لأن ماعندي احد؟
لوو جان عندي اهل عمام خوال جان تجرئت تتصرف وياي بهلطريقه كدرت تسوي كل السويته وياي وتاذيني اني بسببك انتحررت تدري يعني  جان خسرت حياتي واخرتي بسببك وهسه جاي تحجي بكل برودد وكانوو اني الماذيتك انت دمرتني جنت مرتاحه بيت خاله ام مسره وداشتغل وعايشه اجيييت شسويييت
كلما اطلع اشوفك كدامي كأنو مراقبني
اني ممتنه الك لان هواي ساعدتني بس بلمقابيل دمرتني عفته وردت اطلع حجه بصوت مبحوح خشن من كثر التدخين

ارشد: تتوقعين انه اكدر ائذيج؟  ضاامه كل هذه عليه بگلبج

غسق: كل السويته ودگلي مماذيج شتسووي بعد شتسووي فهمني

ارشد: يجي يوم تفتهمين كلشي شما احجي هسه مراح تستوعبين الكرره داخل گلبج وعقلج متغلغل بيهن

غسق: مجاوبته عفته ونزلت كل السواء بيه ويكلي تتوقعين ائذيج مخبل مو صوج مسره تصيحله الخبل
مرت يومين عااديه كلش يطلع من الصبح يرجع بليل بعد مصار بيناتنه اي كلام غير انطاني موعد الادويه وصعد فوك باجر عنده دوام اني هم اخذت علاجي ورحت للغرفه تمددت ماحسيت شوكت نمت كعدت على ايد تتحرك على راسي بقيت مسويه نفسي نايمه باس كصتي وخله راسه برگبتي جر نفس وذب حسره طويله وهمس بصوت مبحوح

ارشد:  راح اشتاقلج

غسق: باس خدي وجبيني وحسيته ابتعد حمحم وصاح بصوت

ارشد:  غسسق

غسق: فتحت عيوني كعدت باوعتله

ارشد:  رايح لدوام كومي سدي الباب

غسق: كمت مشيت وراء التفتلي

ارشد:  طلعه ماكو الموبايل يبقى عندج الباب ماتنفتح اذا انه ماخابرتج وكتلج ابو غايب بلباب علمود يجيبلج مسواك و التحتاجي ماتنفتح لعبد بشر

غسق: هزيت راسي

ارشد:  اتاخر يمكن عشر ايام اخذي علاجج لا تنسي واكلي زين

غسق: هزيت راسي طلع بلباب التفتلي

ارشد:  ديري بالج على نفسج رگن گلبي المتعوب

غسق: بلعت ريك وصفنت بوجه بسلامه الله وياك سديت الباب رجعت لمكاني نمت كعدت الضهر تريكت اخذت علاجي صار عندي فضول اصعد اشوف الفوك
صعدت فتحت الباب بعدها نفس الهوسه غراض مطشر تحفيات متكسره حتى مااكدر انضفها فتحت المجرات لكيت بواحد بيهن مسدسين والثاني كتب لابراهيم الفقي
اخذت واحد منهم جذبني عنوانه قوة التحفيز  فتحته قريت اول سطرين
(عامل الأخرين كما تحب ان يعاملوك)
نحن جميعاً على دراية بلقاعدة الذهبيه التي تقول؟ )
قم بمعامله الاخرين بالطريقة التي تحب ان يعاملوك بها
فلقد نشأت هذه المقولة معنا منذ حداثتنا سواء في عالمنا الدنيوي او من خلال افكارنا الدينيه وتلك العبارة تحمل احدى الحقائق. التي اذا تم تطبيقها فانها من الممكن ان تجعل الحياة افضل بلنسبه لنا جميعاً

صفنت بكلامه واقعي لو كل الناس اطبق هلكلام جان احنا بخير عجبني الكتاب كلش بس خفت اخذه ويكول لاعبه بغراضي نزلت موبايلي يدك شفت اسمه فتحته

ارشد:  شلونج

غسق: الحمدالله

ارشد:  خايفه وحدج ؟

غسق:  لا عادي متعوده جر حسره

ارشد:  لا تفتحين الباب لاحد والموبايل خلي عندج لا تخلين بالي عندج غسق

غسق: خوش سديته منه رحت تمددت على القنفه وره ساعه رجع دك مدري شلقصه سلم وسأل على حالي

ارشد:  هم اجه احد دك الباب؟

غسق: لا ليش صاير شي

ارشد:  لا ماكو خايف عليج لأن وحدج

غسق: ماحجيت شي همس

ارشد:  غسق احبج ومحمد

غسق: بقيت على سكوتي واسمعه يجر نفس مبين ديدخن

ارشد:  اخذي راحتج وايشي يصير اتصلي بيه

غسق: ليش ماروح لبيت خاله ام مسره

ارشد: لا احاول باجر اجي انتبهي على نفسج

غسق: كطعته منه جريت نفس ضايجه طكت روحي بين اربع حيطاان مسره هم مدتتصل بيه مادري شنو السبب كظيت اليوم الهي بنفسي لليل تمددت اكلب بتلفزيون سمعت الباب تندك بقوه زوعت العافيه
كمت بسرعه وكفت يم باب المطبخ اباوع ماكو احد الباب الخارجيه تندك فتحت الشباك وصحت منووو
اجاني صوت ريتاج

ريتاج:  انييي لج كح.... فتحي الباب طايحه الحظ خطافه الزلم

غسق: عززه بعينج سمعت صوت ثامر يكللها لا صيحين شويه وشخطت سياره صوتها وصل يمي عبالي راحو اجه صوت رائد يكول الثامر اخذها وررحو لبيت يجي ارشد وتحاسبو ويا زحمه منا الناس بعد ماسمعت صوتهم اندگت الباب والله خرطت العافيه

رائد: فتحيي الباب

غسق: ماا افتح روح منا

رائد:  داكلج فتحيهاااا

غسق: شتردووون مني

رائد:  بس احاجيج

غسق:  احجي داسمعك

رائد: افتحي الباااب من كامرات زحمه واكف بلبااب شيكولون

غسق: ماكدر افتحلك

رائد: اسمعينننييي زيييين والله ثم والله اذا متبتتعدين من حياة ارشد اسوووي حياتج جحيييم

غسق: انت كدرتك عليه روووح احجيله هلحجي اني تره كاعده اهنا غصب عنيي

رائد: سهله

غسق: سمعت صوت باب السياره وشخطتها
سديت الشباك وكعدت خايفه موبايلي يدك بس رجليه يرجفن من الخوف بالله شنو ذنبي بلديصيير
كمت بلكوه لزمت الموبايل فتحته وشهكه بصوتي اجاني صوته

ارشد:   وييينج صار ساعه ادك عليج

غسق: مكدرت اسيطر على شهكتي بلهلحظه فعلاً احتاجيت ماما وبابا احتاجيتهم احتمي جوه جنحهم يحموني من هلناااس همه اماني

ارشد:  غسق شصااير ابويه احجيلييي لا تخلين بالي يمج

غسق: ماكوو شي

ارشد:  اجه احد اندكت الباب

غسق: االاا

ارشد:  احجيي لا تچذبي شبيييج لعد منو ويااااج

غسق: مادري مخنوكه

ارشد:  اجه احد احجيلي؟

غسق: اي سمعت صوت شي انكسر يمه

ارشد:  منو اجه

غسق: ريتاج وثامر وراهم اجه رائد

ارشد:  فتحتي البااااب؟

غسق:  وانتتت هذه الهاااامك فتحت الباب او لاااا ماااهااامك الخوف العشته ولااا الكلاام السمعته ولا حركه گلبي زوووجتك حقهاااا تفهم شنوو حقها لو تهدم البيت على راسييي هم حقهاااااا

ارشد:  لصبح اني راجع حاولي تهدين شوويه

غسق: شهددده داحترررك اني مااالوم احددد الومك انت الدمرتني ووصلتنا لهنااااا تررررجع تصلح كلشييي
طلگني وترجع لزوجتك اني مااااكدر اتحمل ذنبهاااا طول العمر

ارشد:  يصير خير يجرالج التردي مسحي دموعج واهدي شويه واخاابرج

غسق: مسحت دموعي وشمرت الموبايل وكعدت ابجي مهضومه مكسوره يا ناس يا عالم البنيه بدون اهلها ماااتسوه شي والله ماتسوووه اتضيع بين الرجلييين
بقيت اناشغ دك  التليفون شفت رقمي القديم مسره فتحت الخط تسالمنا

مسره:  وينج بذاته شو ماكو هل ايام  نايمه بلعسل 

غسق: يا عسل

مسره:  سمعت تزوجتي من الخبل

غسق: فتحت عيني مصدومه يعني خبر الزواج طاش
بسرعه ختمته وياها بسرعه مكدرت احجي وياها  اكثر للصبح اني كاعده عيني ماخذت نوم اندكت الباب رحت صحت منو اجاني صوت ارشد

يتبع<>
للكاتبه:  ود الباشا

"كثيرة أنتِ بوسعك أن تتركي جزءًا منكِ في كل مكانٍ أعرفه وتستمرين بفكرة بقاءك كاملة"