رواية شوگ و ورد الفصل العشرون 20 - بقلم wad. al.Basha

للكاتبه: ود الباشا

سلام عليكم كلش اعتذر علئ التاخير الصار
كميه المسجات على الواتباد والانستا اشكركم من گل گلبي لان افتقدتوني بهلشكل بس خبصه نهايه رمضان وخبصه العيد وراها امتحانات تعبت بشكل وابتعدت من الواتباد وحتى الانستا وان شالله ناخذ فتره ونرجع نلتزم بلنشر ❤️❤️ قراءه ممتعه حبايبي

نبچي ما ندري عليمن
نـضحك وما ندري ليش
وما درينه أنبعنه يمته
ومادرينه أنبعنه بيش

غسق:  صحت منو اجاني صوت ارشد
فتحت الباب ودرت وجهي دخلت مباوعت بوجه كارهته وكارهه نفسي ويا كعدت بصاله شويه واجه كعد كدامي

ارشد:  السلام لله

غسق: دمك بااارد واعصابك ابرررد
رجع نفسه ليوره وصفن بوجهي

ارشد: منو كاال دمي بارد ؟ 

غسق: مبين كل هلمشاااكل وطيحان الحظ ودورلي سلام سلامي راح يغير شي مثلاً راح يرجع الزمن ليوره وماتصير هلمهزله جر حسره

ارشد: حبي الج تعتبريي مهزله؟

غسق: ايي بحالتك وحالتي اي مهزله واكبر مهزله
لا تقنع نفسك

ارشد:  بنظرج هلشي اما بنظري احلى شي صار بحياتي واخذ ركن من گلبي هوه انتي  لو تدرين بكميه الحب البداخلي ماتحجين هلحجيي

غسق: مجاوبته
اعصابي محترگه اكو نار بداخلي شعور مزعج لدرجه داتصارع ويا نفسي

ارشد:  احجيلي شنو الصار ؟
ثامر تجاوز

غسق: لا ابد اجه هلهل شويه وباركلي وراح
ومرتك باستني وطشت جگليت ورائد جان يصفك زفه مرتبه مو بربك
دنج راسه خله ايده على حلكه وماشوف غير اجتافه
يهتزن

ارشد: عاد مقصرين مجايبين فرقه موسيقيه يكملون جميلهم

غسق: علجايات عود اذكرهم بمقترحك

ارشد:  اغير البيت علمود يبقى راسج بارد وماتشوفين احد منهم

غسق: واحنه نبقى نغير بيوووت

ارشد:  لا تحيريني بربج غسق شنو اليرضيج كولي ومن باجر يتنفذ تره تعبان اريد ارتاح يمج مو اتعب اكثر

غسق: طلگنيييي وارتاح عووفني خليني اروح ماملزوم بيه انتتت كام وكف

ارشد:  شيلي هلسالفه من راااسج ولا تضلين تعيدين بيها وتعبين نفسج وتعبيني وياااج

غسق: عافني ودخل للغرفه رجعت راسي على تاج القنفه تذكرت ماما وبابا قبل
كاعده وماما دتمشطلي وبابا كاعد گبالنه يتفرج تلفزيون

ام خليل: فدوه لهل شعر الحلو بنيتي
يمه يوم الفرح بيج واشوفج بدله العرس لليستاهلج

غسق: بابا بقى يباوع عليه ورد على ماما مهضوم

ابو خليل:  منو كلج ازوجها محد يستاهلها تبقى عند ابوها معززه مكرمه

ام خليل:  اول وتالي يجي نصيبها وبيدك تسلمها لعريسها

غسق: سكت بابا مجاوبها بس شفت القهر بعيوونه وينك بابا انت العفتني ورحت عفتني تايهه ضايعه لا خليتني يمك بدلالك  ولا سلمتني وامنتي لعريسي
خليتني وحدي ضايعه بدنيتي ماعرف شسوي وشلون اتصرف فزيت على صوت ارشد
عدلت كعدتي ومسحت دموعي

ارشد:  ليش هلبجي؟

غسق: كعد بصفي ابتعدت سحبني من ايدي حضني

ارشد:  دموعج ياذني بلقران يزرفن گلبي
كاافي تاذين نفسج وتاذيني

غسق: بقيت اشهگ مديفهم هوه اذيتي لزم وجهي بثنين ايده باس راسي ابتعدت منه بسرعه دخلت للغرفه وسديت الباب كعدت بلكاع مسحت دموعي ليش ماحاول اتقبل الوضع واتاقلم ويا
اذا عافني وين اروح ؟ اشتغل واعيش بس هم الدنيا مترحم واني ماعندي احد
احاول اتاقلم؟  واذا ماكدرت؟
حاولي انتي والله كريم بقيت احجي ويا نفسي مثل المخبله علما سمعت صوت الباب اندگت شويه ونفتحت باب الغرفه دخل

ارشد:  لبسي حجابج وتعالي بسرعه

غسق: شصاير؟

ارشد:  تعالي بعدين تعرفين

غسق: كمت لبست حجابي وصايه فوك ملابسي طلعت شفت رائد كاعد باوعلي بحقد ارشد اشرلي اكعد بصفه كعدت

ارشد:  علئ يا اساس البارحه ملتمين كباال البييت وحرمه وحدها بلبيت ماستحيتوو علئ شواربكم انت ويا وذيج القندره ساحلتكم سحل من شواربكم الزفره

رائد: انه اجيت وراهم من سمعتهم جايين وخفت تصير مشكله ماقصدي شي ثاني

غسق:  باوعلي

ارشد: شكالج؟ 

غسق: خليت عيني بعينه اذا مابتعدتي من حياة ارشد اسوي حياتج جحييم ماشفت الا ارشد طفر عليه لزمه من ياخته

ارشد:  بالله شلوووون تسوي حياتها جحيييبم فهمنيييي

غسق: ابتعدت منهم خايفه ثنينهم انگلب وجهم

رائد:  الف مررره كتلك لا تخرب بيتك علمووودها ريتاااج متحملتك وصابره عليك اجيت بعتها وبعت عشرتها علمووود وحددده ماتعرفها وحتى عمها مايريددددها

غسق: رائد حجه وارشد زمخ بي وضربه

ارشد: صووووتك مااااسمعه

رائد:  شوووف شلووون ترجف عليها هاي تاليتك تضرب اخوك علمووود مررره

ارشد:  اكسررر راسك طايح الحظ توكف اباب بيتي تهدد شتريد اسويلك اصفكلك

رائد:  لا يا خوي انه اصفكلك بس تاليتك تندم وتعض اصابعك ندم دتخرب حياتك بيدك بدون ماتحس

غسق: عافه وطلع طبك الباب حيل كعد يدخن ولازم راسه همست ليش ضربته؟ باوعلي وجر حسره

ارشد:  طايح حظ مايعرف يحجي حرك دمي

غسق: مو قصدي اسوي مشكله بينك وبين اخوك بس تهديده خوفني هز راسه

ارشد:  مالج علاقه انتي بس هو صارله فتره يمشي وره كلام ريتاج وثامر لهل سبب اخلاقه صايره زفت

غسق: بس هو كلامع صح ماكال شي غلط الديصير غلط وريتاج حقها بقى باهت بوجهي عفته و دخلت للغرفه ذبيت الحجاب شعور الخوف تملگني اكثر اني وحدي اغلب الوكت وهذه اكيد من اخو ضربه حقد عليه خايفه ياذيني
لليل واكفه اشرب ماي اندگت الباب طلع ارشد يشوف منو دخلو امه وابو من الارتباك الگلاص وكع من ايدي

ام ارشد:  فدوه فدوه لا تتعورين

ابو ارشد:  طار الشر

غسق: ابتسمت بوجهم مثل الثوله بوست خاله وسلمت عليهم بترحيب  كعدو بصاله حضرتلهم ضيافه بس شنو مرتبكه حيل والف سالفه براسي ليش جايين شنو سبب جيتهم اكيد اكو شي قدمتلهم الضيافه وكعدت يمهم

ابو ارشد:  شلونج بنتي

غسق: الحمدالله عمو انت شلونك

ابو ارشد:  بخير دامج بخير

غسق:  التفت على ارشد وبده يحجي ويا

ابو ارشد:  انه اليوم جاي اريد افتهم شسالفه وشديصير
مرتك بيت اهلها زعلانه وابوها يخابرني يعاتبني واخوك اليوم يكول ماد ايدك عليه. اكدر افهم شديصير علمود اعرف اتصرف؟

ارشد: من اجه كلك ضاربه ماكلك لييش هلعاار؟

ابو ارشد:  احترم ارشد مدتحاجي اخوووك انه ابوك هل الفاااظ ماريد اسمعها احتررم

غسق: فرك وجهه وكعد حجاله كلشي باوعلي عمو

ابو ارشد:  صح هلكلام؟

ارشد:  يااابه تره مدالفق قصه على رائد

ابو ارشد:  خليني اسمع منها

غسق:  التفتلي وبقى يباوع عليه

ابو ارشد:  رائد مهددج؟

غسق: هزيت راسي اي

ابو ارشد:  اعذرو ماتدرون احنه شدنعيش بلبيت وريتاج حقها يا بنتي بيوم وليله رجلها تزوج عليها
خطيبه اخوها

ارشد:  خطيبه اخوها شنووو ؟
شو انتو تجذبووون الجذبه وتصدكوها
مو انتووو الردتووو تزوجوها علمود تبعدوها مني
وترره ريتاااج طلاگها حلال وانه ردت اطلگها قبل سنتين انت الوكفت بوجهي

ابو ارشد:  ارررشد اخر مره اعييييد احجي بااادب مدتحجي ويا ابنك انه ابوووك احترررم
ولا تفتح دفاااتر قديمه

ارشد:  تحسبها دفاااتر قديمه انه بسببها وبسبب انانيتها ليهسه طفل ماعندي تحملتها هوواي ولليوم انه متحملها بس كلشي واله حددد تريد ترجع خلها ترجع اهلاً وسهلاً ماتريد تنطم بيت ابوها وتچفيني شرررها مووو يوميه مسويتلي عرررس

ام ارشد:  ابني ماتنحل بهلعصبيه  اكعدو احجوو بهدوء

ارشد:  يييمه يعني شلوون هدوء الله يخليج مو طگت روحي

ابو ارشد: انت شكو هيج حاررگ دمك؟ 

ارشد:  ياابه شلوون شكو لخاطر الله لووو مسويلها شي لو ماذيها وهيه وحدها بلبيت مايستحون على نفسهم ساحلتهم مره من شواربهم وجايين هادين على بيت بي حرررمه واحد يهدد وواحد يغلط

غسق:  بقيت ساكته واباوع عليهم نظرات ابو تصوبت عليه كل شويه يباوعلي احس عيونه بيهن حقد وكأنو يكلي انتي سبب المشاكل بين الاخوه
يمكن حقهم يحجون بس اني ماردت يصير كل هذه ولا ردت نوصل لهل نقطه ابنه السبب حسيت طبطبه على جتفي التفت خاله ابتسمت بوجهي

ام ارشد:  لا تفكرين كلشي ينحل وتصير سوالف لا تقهرين روحج

غسق: سكتت ماحجيت

ام ارشد:  دللي ارشد  وعيشي ويا بسعاده  شوفي دمه شلون فاير عليج وشوفي عيونه من يباوع عليج تره وليدي تعب هواي تعب يا يمه وهو مايستاهل التعب

غسق: سكتت ماحجيت امه اكيد تحجي هلحجي ماتعرف بلسواء بيه اجت عيني بعينه حمر وطابگهن حواجبه كثيفه بلعت ريگي ودرت وجهي عنه بقوو شويه وترخصوو بقيت بمكاني كاعده وهو وصلهم للباب بس تاخر اكيد ديحجي ويا ابو كمت وكفت يم باب المطبخ صار عندي فضوول اسمعهم
تقربت اكثر

ابوارشد:  لا تخرب بيتك علموودها يا بني رجع مرتك ولم بيتك والطفل رزق من الله

ارشد:  انه تزوجت خلاص راح وكت هلكلام

ابو ارشد:  دزها لعمامها انت مامجبوور بيها واصلاً ماجنت مجبور تجذب عليها هلجذبه كدرت تحجيلها كلشيي

ارشد: هلموضوع ماينفتح وياي مره ثانيه وسالفه الجذبه تندفن ماااريد احد يعرف بيهااا
او يحجي بيهااا

ام ارشد:  محد يسمع ييمه انه هم ماريدها تعرف مسكينه هلبنيه كاسره خاطري

غسق: بلعت ريگي بقهر شنو السالفه علئ شنو كاسره خاطرهم ؟ وشنو السر الضااامي معقوله صاير شي خليل قبل لا يموت حاجيلهم شي بقيت افكر سمعت الباب انطبگت ركضت بسرعه للغرفه كعدت علسرير ماخذتني صفنه بكلامهم انفتحت الباب

ارشد:  شو رجعتي للغرفه

غسق: تعبانه شويه راد يطلع صحته اررشد التفت عليه

ارشد:  عيونه

غسق: مرتك رجعها حرام عليك

ارشد:  ترجع بس مو هسه يحتاجلها كرصه اذن علمود تگرص دودتها وتكعد تعبتني حيل

غسق: بس صارت بوجهي
وطلعت اني سبب خراب بيتكم

ارشد:  مالج علاقه انتي بيتي انه من زمان خربان واساساً ويا ريتاج مجان عندي بييت حلبه مصارعه مفتوحه لا دوخين نفسج بهسوالف ارتاحي شوويه انه طالع حسبة ساعه وراجع

غسق: عافني وطلع بس مكدرت مافكر راسي صدع من كثر التفكير محسيت بنفسي شلون نمت
حسيت ايد ثكيله علئ خصري طفرت من مكاني عدل كعدته زمخت بي شسووي اهنا

ارشد:  جيت انام يعني شسوي

غسق: اطلع برره لا تخليني اصرخ دنيا ليل
بقئ يباوع عليه لا تصفن اطلع بررره

ارشد:  رجعي لمكانج نامي وخليني انخمد تره تعبان

غسق: روووح نام بمكانك

ارشد:  هذه مكاني تعاي لحضني

غسق: فكرت اسحب السانه اريد اعرف شنو السر البينه وبين اهله زين اجي بشرط هز راسه موافق
تحجيلي شنو الضاامه عني وماتريدني اعرفه

ارشد:  منين جايبه هلحجي

غسق: سمعتكم صدفه تحجون انت وعمو

ارشد:  ماضام عليج شي الحجي جان يخص ريتاج

غسق: لا تجذب عليه غمض عينه بقله صبر وكام شمر المخده

ارشد:  سويتي للنومه زقوووم عليه طالع انخمد بره وهل اسئله عووفيهااا لا تفكرين بيها

غسق: طلع وطبك الباب حيل جريت حسره بخيبة امل
رجعت نمت بمكاني لثاني يوم الصبح كعدت على دكة الموبايل شفت رقمي الثاني جاوبت طلعتلي مسره

مسره: صباح الخير يبوو شكثر مشتاقتلج ماتمرين علينا تسالين هيج الحبايب تنسي الكرايب

غسق: يا فتاح يا رزاق يا الله دنطيني مجال احجي ابرر اصخم اكلتيني حاصل فاصل

مسره:  والنبي مشتاقتلج وعندي الج مفاجئه

غسق: ايي فاجئيني كون شي يفرح

مسره:  اذا تحبيني راح تفرحيلي
غسان هلسبوع يتقدملي ممصدكه غسق حب حياتي راح يصير الي

غسق: الف مبرروك يارب تشوفون كل الخير صدك فرحتيني نفتحت الباب دخل ارشد صافن بوجهي اشرلي منو مجاوبته بقى يروح ويجي واني عادي مهتميتله بقيت اسولف ويا مسره ختمت وياها باوعلي

ارشد:  مو صار ساعه اكل قنادر ليش متجاوبين

غسق: مانتبهت

ارشد:  منو على الخط

غسق: مسره

ارشد:  هاي نفسها غسان راح يخبطها

غسق:  اي نفسها غسان حجالك

ارشد:  لا اجه حجه ويا الاهل وتفق وياهم على هذه الاسبوع يرحون يخطبوله

غسق:  ابو  مايحجي ويا عمته وخطيه جان حاير شلون يقنعهم

ارشد:  الله يكتبلهم الخير ماتتريكين

غسق: مجوعانه كمت غسلت وجهي وطلعت شفته محضر الريوك وكاعد يتريك اشرلي اكعد ماگلت لا كعدت اكلت ويا لا هو حجه ولا اني
كمل كام غسل اخذ كوب الجاي وراح للصاله جريت نفس جنت متقيده اكل بوجوده اكلت براحتي وكمت رتبت المطبخ ورحت للصاله كاعد يخابر وعاگد النونه كعدت كباله واصلاً مباوعلي خلصت مكالمته اريد احجي وياك

ارشد:  اسمعج

غسق: اريد اروح بيت خاله ام مسره اشوفها

ارشد:  تردين اخذج لاي مكان انه حاضر وتدلليين بس لبيت ام مسره تعذريني ماكو روحه

غسق: لييش؟

ارشد:  صوتج من تحجين وياي غسق احتررمي لا بالله الكريم حتئ صوتج اگطعه الج

غسق: مووو كيفك اروح اشتريتني حضرررتك خوما اشتريتني عنددك كلشيييي جبرر وكلشيييي لا بقى النفس هم اخذه وخلصني منه

ارشد:  تره تعبااان وراسي ديدك بي طبل عوفي عرگتج لغير وووكت

غسق: دمعت عيني ماردت ابجي كدامه عفته ورحت للغرفه اختنكت يعنيي مديحس بييييه مسحت دموعي ورجعت طلعت بعده علئ نفس كعدته
اريد ارجع اشتغل شوفلي شغل خله ايده على عيونه ودنج راسه يضحك

ارشد:  ناويه عليه اليوم؟

غسق:  حجيت شي يضحك
طلبت ارجع اشتغل

ارشد:  اشغلج يمي وتدلليين بلسعر التردي

غسق: شنو الشغل؟

ارشد:  رگصيلي

غسق:  بهتت بوجهه ناصب عليه حضرتك

ارشد:  يابه انتي مادري شلونج محتاجه شي تعاي كليلي تردين فلوس اطلبي انه زوجج بس مال تجين اطلبين مني شغل واكفه كلش تره انه ماحب اطلعين منا لهنا ادور اخليج تشتغلين

غسق: لزمت رگبتي تخنك انت تخنك تخلي الواحد يموووت بطيى
عفته ودخلت للمطبخ اجه ورايه

ارشد:  طلعت خانگج انه

غسق: شتفسر تصرفاتك لعد طلعه ماكو شغل ماكو كعدي بلبيت وانجبي

ارشد:  مبقئ شي وتبدي المدارس وتلتهين خايف عليج

غسق: من شنو خايف عليه بعبع منتضرني بلشارع ومادري. تقرب مني وشبهه ابتسامه على وجه رجع شعري وره اذني

ارشد:  شجاني وحبيتج

غسق: الله غاضب عليك
طگها ضحكه

ارشد:  اي بلقران تالي عمري بلاني بيج بلوه
غيري ملابسج نطلع نفتر  شوي واشتريلج ملابس للدوام مبقاله شي ومنها نتغده بره

غسق: بقيت صافنه بوجهه بملامحه ابتعدت بسرعه مرتبگه لا ماريد نعسانه اريد انام عفته ومشيت بسرعه لزمني من ايدي

ارشد:  عاجبج ترحين لغير مكان

غسق: ازور گبر بابا

ارشد: طالع اكمل شغله بس ارجع نروح حضري روحج

غسق: والله نروح هز راسه اي وطلع رحت سديت الباب وراء وعزلت البيت ورحت للغرفه حضرت نفسي ولفيت حجابي وبقيت انتضره نص ساعه واجه مغير ملابسه مو بنفس الملابس الراح بيهن

ارشد:  تاخرت عليج

غسق: لا راح للثلاجه شرب ماي طفه الكهربائيات وطلعنا ركبت السياره القهر ماكلني جان لازم اروح لماما وبابا بلبيت اشوفهم واحضنهم واشكيلهم والله الموت استعجل عليهم ماحسيت الا ايد علئ خدي تمسح دموعي النزلت وماحسيت بيها

ارشد:  بعدنا بسم الله خلينا نوصل

غسق: خليت راسي علئ الجامه وبقيت اباوع على الشوارع وهو كل شوي موبايله يدك تالي مليت باوعتله
والله دخت اني من يمي تعبت ابتسم

ارشد:  شسوي غير عايف شغلي ومتعني وجايج

غسق: ودتعيرني حضرتك

ارشد:  لا يابه انه شلون اعيرج بس داكلج

غسق: ارشد

ارشد:  رگن گلبه المورد

غسق: طبكت حواجبي متعجبه جديده هاي زوجة عمو ماسئلت عليه؟

ارشد:  لا انتي ليش ماتنسيهم ليش بكلشي تذكريهم مدافهم

غسق: تكدر تنسى اهلك

ارشد:  اهلج ماتووو غسق اقتنعي

غسق: بس همه البقولي عمي محمد وعائله عمي الله يرحمه

ارشد:  محد بحال احد كلمن يكول ياروحي

غسق: بقيت العب بايدي بتوتر وصلنا للمگبره واحس روحي انقبضت اني اعرف بيا فتحه بس ماعرف وين بضبط مكانهم اتصل على الدفان كتله خابر محمد كال لو ادري ابقى يومين ادور ماتصل بي خابر الدفان اجه وصلنا عليهن احس دگات گلبي قويه وكأنو راح اشوفهم واكفين على طولهم منتضريني راح يحضنوني
ويرجعون وياي افراگهم ماذيني حيل ماذيني
شفت اسمهم من بعيد رگضت عليهم مثل الطفله الملهوفه مدفونين بصف لخ كعدت بنصهم اشهگ بابا اجيتك اكعد فدوه اروحلك مشتاقتلك مشتاقه لضحكتك ولكلامك ولكعدتك
ماما اني ضعت بدونكم والله ضعت داحس روحي تايهه حتئ خليل عافني شلوون گلبكم انطاكم وعفتوني وحدي خليت راسي بنص كبرهم وبقيت اشهك

ارشد: كافي كوومي نروح نزور

غسق: رفعت راسي مسحت دموعي وين خليل

ارشد:   ليكدام

غسق:  بستهم ودعتهم وكأنو گبالي هم رحت علئ خليل بلعت حسرتي ليش يا خويه عفتني وهيج سويت بنفسك اني محتاجتلك جنت منتضرتك لحظه بلحظه تتشافه وتحميني وتسندني بهلدنيا ليش هيج كسرتني مافكرت بيه بقيت كاعده يمه وارشد واكف بعيد والجكاره بيده قريتله الفاتحه وكمت

ارشد:  نروح؟

غسق: هزيت راسي اي مشينا للسياره احس روحي مسحونه والدمعه بطرف عيني وصلنا للامام. غمضت عيوني بتعب يا ابو الحسنين بجاهك عند رب العالمين ريح گلبي وبالي
بقيت امشي ادعي وابجي زرنا لليل صلينا ورحنا للمطعم كعدنا نتعشى

ارشد: خلصي علمود نطلع لبغداد

غسق: بهليل باجر الصبح نطلع

ارشد:  ماعندي شي باجر الصبح عندي شغل

غسق:  ماطلع بليل اني

ارشد:  عندي شغل لازم ارجع

غسق: ارجع وحدك بقئ يباوعلي بنص عين معاجبه
خلصت ورحت غسلت ايدي شفته ديحاسب رحت وكفت قريب منه

ارشد:  نطلع ؟

غسق: اي
طلعنا همستله وين دنروح

ارشد:  نرجع كتلج عندي شغل مايتاجل

غسق: مااطلع بليل لو امووت انتضر للفجر

ارشد:  شلقصه تره مو اوول مره ارجع بيها بليل لا تسويها قضيه

غسق: اخااف اني اخاف مو بيدي

ارشد:  سيطري على خوفج مو وكته

غسق: ركبنا السياره ارشد حباب بداعتي لا ترجع هسه والله گلبي ناغزني

ارشد:  ليش تعرضين

غسق: والله مداعرض بس اخاف حس بيه اني فقدت بابا وماما بسبب حادث وهسه انت تريد تسوق طريق خارجي والدنيا ليل
محجه شي وكفنا يم فندق اشرلي انزلي نزلت نزل ورايه دخلنا جوه راد يحجز طلبو جناسي
واحنه معاقدين محگمه

ارشد:  زوجتي بس بعدنا معاقدين عقد محگمه

انطيني عقد السيد

ارشد:  مجايبه وياي سهل امرنا جايين من بغداد وتعبانين

اعتذر ماكدر تعليمات مجبور اطبقها عبد مامور اهنا

غسق: طعنا لاكثر من فندق ماقبلو ينطونا حجز عاد دخلنا للحوش مال الامام كعدت كعد بصفي

ارشد:  هاي سوايه تسويها بينا

غسق: وين لاكيها تناملك ليلة بحضره ابو الحسنين تلحك على نوم البيت

ارشد:  تعبان مدي رجلج اكسرلي نومه

غسق: ترددت بس خفت احصل رزاله مديت رجلي نام عليها اني هم رجعت راسي ليوره وبقيت اباوع كلش مرتاحه احس براحه مو طبيعيه غمضت عيني براحه ردت اغفئ وحسيته اتحرك عدلت كعدتي شفت متربع وكاعد يفرگ بعيونه بيك شي

ارشد:  اريد احجيلج شي
انه ضميري كل يوم يانبني لأن خليتج تحسين بحساس صعب انه احبج ثقي بالله لو تطلبين هلروح مني ماتغلى عليج بس هذيج الليله جنت مجبور اجذب عليج
علمودج علمود احمييج اني يا بنت الناس مالمستج ولا تقربت منج مكدرت ائاذيج
ويشهد الله ورسوله عليه انه مشتريج بروحي ماعرف شلون اوصلج مشاعري واحساسي انتي افهميها من نظرات عيوني

غسق: بلعت ريگي جنت شاكه بس مامتاكده كبر بعيني كلش كبر بس حبيت اساله من شنوو تحمينيي؟

ارشد:  من ثامر ومن كل الناس انتي قطعه من كلبي واذا تتاذين گلبي يتاذه وياج وثامر جان ناوي يتزووجج بطلب من ريتاج كتلج بيها
ماحبيت تتعذبين وتتعيرين

غسق: بشنو اتعير؟

ارشد:  مو وكت هلكلام المهم ريحت ضميري وحجيتلج
البكلبي

غسق:   انت ريحت ضميرك بعد ما خليتني ايام اعااني وابجي واكررهه روحيي وانتحر جاي هسه دكلي ريحت ضميررري

ارشد:  انه ردت احميج وانتي بوكتها راسج والف سيف ماكوو غير هلطرريقه اقنعج بيهاااا

غسق: باااجر اطلگني وكلمن يروح بدربه  باوعلي صفح مجاوبني بقئ ساكت اني هم سكتت بده يطلع الصبح

ارشد:  كومي نصلي و نرجع هم يلا

غسق: كمنا توضينا وصلينا بطريق دنروح للسياره

ارشد:  جوعان ناكل لگمه قبل لا نروح

غسق: مشيت ويا بدون ما انطق حرف

ارشد : مشتهيه شي

غسق: مجوعانه اني صاح الولد وصا كباب وتگه
كمل سوه لفتين سفري وطلعنا وصلنا للسياره ركبنا خله اللفات بحضني

ارشد:  ماكلتي اكلي لگمه لا تتخربطين عليه

غسق: مجوعانه وصلنا لنص الطريق خليت راسي علئ الجامه  غفيت كعدت على صوته يخابر

ارشد:  اذا ماشكيتها شگ ماتسمى خليني اوصل

غسق: كطعه وشمر الجهاز
كام يسوق سريع بلعت ريگي شصاير خفف السرعه
خففها بدون مايحجي كل شويه ويستغفر
  ماسالته بعد وصلنه لبغداد راح لبيت اهله كبل شفت ابو ورائد واكفين بلباب

يتبع <>
للكاتبه:ود الباشا

ضل بالقفص مسجون صدگني ترتاح
تنوكل فوگ الگاع يالمالك اجناح