رواية شوگ و ورد الفصل الثاني والأربعون 42 - بقلم wad. al.Basha

للكاتبه:  ود الباشا

هناكَ دائمًا حقيقة لا نراها عن الآخرين، هناك قصّة أُخرى غير تلك التي تُحكى، هناك خطوات تحدث دون أن يراها أحد دون أن يشعُر بها أحد، كلّنا مررنا من هناك، كلّنا دخلنا أكثر من مرة إلى ذلك النفق الخفي الذي لا يعلم سرّه أحد ثم فاجأنا العالم أننا أصبحنا أشخاصًا آخرين .

غسق: كمت للشباك شفت دوريه واكف  ومهاب صاير نار وارشد عيونه ناطه ومبين حاد اسنانه عليه

مهاب: شكووو هاد مثل الچلب خيرررك؟

ابو مهاب: مهاااب خلينا نفتهم السالفه السانك الزفر ابلعه هسه

ارشد:  عليكم دعوه من عم غسق بختطافها

غسق: مهاب ابتسم صفح بلعت ريك يا عم هذه المتذكرني

مهاب: شايفنه عصابه نخطف ابنات الناس؟

ارشد:  تفضلو ويانه لمركز نتفاهم

ابو مهاب: ماكو داعي للمراكز البنت جوه تكدرون تسألوها وتتوكلون

مهاب: شيسااالوها يااابه مايدخلوون لو تطلع نخلتين براسهم

ابو مهاب: مهااب مو وكتك عمامها مشتكييين عليك انت خاطفها

مهاب: يا عمام ذووول انطيني اسمهم

ارشد:  احترم ولا تصيح لا تخليني اكللهم يسحلوك

غسق: اقترب مهاب منه مادري شهمسله بقى يباوعله طابك حواجبه

مهاب: طلع اجلابك الجايبهم

غسق: اشرللهم طلعو اجه مهاب باوعلي

مهاب: امشي خليني اشوف تاليتها

غسق: الكراج بس عمي وارشد ومهاب ومراد كلهم طلعو

ارشد: عمج محمد رفع دعوه خطف والمتهم
مهاب مرتضى السالم

غسق: بقيت اباوعلي عاوج ركبته وعاض شفته يباوع لارشد بستهزاء بلعت ريك حرت شنو احجي من ناحيه ماريد ابقى اهنا واخضعله ومن ناحيه ماريد اشتكي عليه بقى يباوعلي

ابو مهاب: احجي بابا لا تخافين انه بضهرج مهما جانت شكوتج

غسق: بلعت ريگ هو خطفني صح حجيتها وغمضت عيني فتحت عيني صار بوجهي  يباوعلي مبحلق عينه عليه وارشد ابتسم صاحهم

ارشد:  اخذووو

غسق: طلع كلمه ماحجه بس نظراته كفيله تحجي كلشي ابو بقى صافن

ابو مهاب: بنتي احجي وياج شويه قبل لا ترحين

ارشد: منتضرج بلسياره

غسق: وكفت يمه

ابو مهاب: ماتوقعتها منج هيج تسوين

غسق: نزلت دموعي بحيره اني حايره بزماني محد ديفهمني ويحس بيه احس الكل دينهش بيه بدون رحمه عمو هو جبرني هو فعلاً خطفني اني مجنت راضيه اروح ويا

ابو مهاب:  سهله روحي الله وياج بس لا تطلعين كدامه مره ثانيه وانه احاول ابعده من دربج

غسق: حجاها وراح طلعت شفت ارشد ينتضرني مهتميتله عفته وكمت امشي وعيوني مترضه توكف دموع شسويت اني؟  هو ما اذاني
بقيت الوم بنفسي وكف كبالي

ارشد:  صعدي اوصلج

غسق: ميحتاج اني اروح مارحت ويا رغم الحاحه ركبت تكسي وصلت يم بيت خاله ام مسره دكيت الباب علمود اخذ كروه للسايق ماكو تذكرت مهاب كال شالوو وسكنو ويا غسان بقيت اباوع على السايق بحيره كلش خجلت منه وكفت سياره نزل ارشد تحاسب ويا وراح

ارشد:  هذه راسسسج اليابس شوكت يلين

غسق: وين بيت خاله

ارشد: شالو

غسق: وصلني عدهم

ارشد:  عمج علاء رجع وهو بيت عمج محمد منتضرج

غسق: ابتسمت مستهزء وخر من دربي وبعدين ماعندي عمام

ارشد:  تبقين هيج من بيت لبيت واكثر من اسبوعين انتي ويا رجال غريب باقيه

غسق: ميخصك توكل لا تخليني الم عليك العالم

ارشد:  امشي اوصلج لعمامج

غسق: لحييت تره كتلك ماعندي عمام هسه تذكروني؟  وصرت عزيزه

ارشد:  ميحتاج بعد احجي عرفت ردة فعلج ذول هم اجوي

غسق: باوعت عمي محمد وعلاء نزلو من سياره تصافحو ويا ارشد باوعولي علاء فتحلي ايده عباله احضنه

علاء: ماتوقعتج بهلحقد

غسق: شكو جايين

محمد:  احجي عدل لا اعدل حلگج بلنعال

غسق: لا احجي ولا تحجون عفتهم ومشيت ماحس غير انسحبت وخدي اشتعل نار بقيت صافنه لااا تمد ايدك عليييه

علاء: ادبسززز اكسر راسج هم امشييي كدااامي

غسق: ابتسمت مستهزء وين امشي اخاف زوجتك ماتقبل مووو انت نفسك ضحكت عليه شهووور تقنعني بكلامك تااالي شسوووويت بيه انيي بسببكم وبسبب انانيتكم هذه حاااالي وحتى دراستي عفتها

محمد:  صوتج عاار منا الشارع

غسق: ماكو غيركم عاارات لا تتجاوز اهينك تره سحبني بكل قوته شمرني بسياره والحقير ارشد اخذ دور المتفرج اجه علاء رگب السياره محمد بقى يغلط ويرجع ليوره اكيد ضايج راح ياخذني البيته ومرته العار تزعل عليه كرهت نفسي كلش لأن كتلهم هو خطفني بس خفت منه خفت يجبرني على الزواج خفت ياذيني غببييه لو متحمله اذيته ولا اذيه الخنازير ذول بقيت احجي ويا نفسي مثل المخبله وصلنا للبيت
دخلت واني ساكته دينا ورافد وامهم كاعدين دينا بحضنها طفل بلعت ريگ من نظراتهم الحاقده

ام رافد:  سويتها وجبتها

ابو رافد:  كتلج هي فتره لا تاكلين راسي

غسق: شيقصد هذه شنو فتره؟
بقت تباوع وكانما كاتله كل اهلها بس اني مو غسق القديمه واكعد اهتملها ولا درتلها بال كعدت خليت ايدي جوه حنجي بقيت اباوعلهم وهم يحجون من كل عقلهم اخضع لكلامهم حسيت احد كعد يمي التفت علاء حتى مايشرفني اصيحله عمو

علاء: غسق بابا شبيج شو باعيلي ليش هلدموع

غسق: باوعتله بحقد لا دكوول بابا لا اني بنتك ولا انت بعمرك صرت مثل بابا

علاء: ولج شو انتي صايره فدور شنو هلطريقه التهجميه الصايره عندج

غسق: من الراحه الزايده عمي العزيز من الراحه اكتسبت هلطريقه ليش جبتوني اهنا شتردون؟

علاء: يعني شنو لييش بيت عممج وتكعدبن وتنجبين بي احسن ما دايحه بلشوارع

غسق: لااا تحاجيني بهل اسلوووب اني اذا دحت والتجات للشوارع بسببكم مو هسه جايين اتلعبون عليه دور الحريصين

علاء: شنو هو البسببنه انتي الرحتي يم اخوج سكنتي وضيعتي نفسج

غسق: ضحكت بغصه بوجع عدهم قدره يلفوون السالفه عليه ويطلعون نفسهم ملائكه فضلت السكوت شفت الكلام وياهم ضايع كلت باقرب فرصه اطلع منا اشوف وين غسان ياخذني مرت يومين انطوني نفس الغرفه الجنت عايشه بيها اندكت الباب وبنفس اللحظه نفتحت دخلت دينا بيدها جنطتي

دينا:  هاي جنطتج جابها زوجج

غسق: اني ممتزوجه منفصله اخذتها منها بعصبيه وكعدت هزت ايدها وطلعت نسيتها ابيت مهاب فتحتها بيها اغراضي وحتى موبايلي ومخليلي فلوس بقيت صافنه فتحت الموبايل داگلب بي دگ
فتحت الخط خليته على اذني بدون مااحجي
سمعت كحته القويه

مهاب: ليش هيج سويتي؟

غسق: سكتت ماحجيت اصلاً ماعندي شي احجي ولا عندي تبريرر علمود ابررله

مهاب. لاا تسكتين احجييي مرتاحه بيت عمج؟

غسق: اني اسفه بس خفت خفت منك تجبرني او تاذيني

مهاب: انه ائذيج؟  عى العموم انتبهي من عمامج واذا احتاجيتي شي اتصلي بيه

غسق: حجاها وكطع الخط بوجهي
دك الموبايل مسره جاوبتها

مسره:  ويييينج غسق صدددك تحجييين

غسق: ااخذو غراضي مكدرت انطيكم خبر

مسره: وين جنتي ومنو هذه الجنتي وياا غسق الف مره ارشد اجه وسأل عليج ومالكاج

غسق: لا تجيبين سيرته مسره مصايبي وضيمي كله من وراااء لو بايدي اشرب من دمه الحقير

مسره: مهاب منو؟

غسق: بقيت صافنه هو الجنت عنده
سالفه طويله من اشوفج احجيلج

مسره: وين انتي

غسق: ضحكت ضحكة استهزاء بيت عمامي تذكروني بعد الطيحان الحظ الشفته

مسره:  خايفه عليج

غسق: خاله شلونها

مسره بخير تسأل عليج

غسق: بوسيها مشتاقتلها ختمت وياها نفتحت الباب مرت عمي

ام رافد:  كوومي نضفي البيت خوما تاكلين وتمسحين ايدج بلحايط.

غسق: انتي وبنتج مكفيات وموفيات اني خطار عدكم شكو حتى انضف

ام رافد:  ايا مستهتره ادبسززز ام الشوارع غصب عنج دكووومين اريد البيت يلمع اليوم

غسق: مابيه حيل تردين انتي نضفي

ام رافد:  بسطه اني الج

غسق: طلعت وركعت الباب وراها
شويه واجه العربانه مالها هداد فتح الباب ودخل وكف گبالي بعصبيه

ابو رافد:  انتييي تاالي وياااج لا انتي يمنا مرتاحين لا انتي بلشوارع مرتاحيين الموووت مايلفيج ونخلص منج

غسق: شصاير؟

ابورافد:  ليييش رافعه صوتج علىزخالتج مادامج كاعده بهلبيت غصب عنج تساعديهم

غسق: ماكو شي غصب معاجبكم كيفكم تقرب راد يضربني
والله اذا تمد ايدك عليه اشتكي علييك
دفعني وبقى يغلط عليه طبگ الباب وطلع كعدت ابجي غصه بصدري شويه ودخل علاء مسحت دموعي
كعد بصفي

علاء: شبيح غسق لييش هيج صايره هجومييه

غسق: تردون اخذكم بحضاني عمي الغالي

علاء: عدلي اسلووبج تره مايصير خير

غسق: هو هذه اسلوبي واصلاً مامنتضره خير منكم اني لأن اعرف بيكم انتو شنووو بقى خازرني

علاء: اجيت انطيج علم باجر ارشد يجي يعقد عليج
الرجال اجه واعتذرلي ويكول رايدها واني ماعتقد تلكين احسن منه

غسق: ضحكت بعلو صوتي اعتذرلك؟
ليش هو ضحك عليك؟  لو شمرك شمر بلمستشفى واخذ ابنك منك لو عمر ابنك ثاار بلاشهر وانت مشايفه
لو هانك؟  شنو السواء بيك علموود يجي يعتذر من حضرتك شوف اكلك انت ويا انجوووم السما شايفها اقربلك مستعده اموت نفسي وماارجعله

علاء: موو بكيفج انطيته كلمه وباجر يجيب الشييخ ويجي

غسق: اي زبن عود خلي يعقد عليك مادام منطي كلمه بنسبه الي مموافقه ولا راح اوافق ولا اريد اشرف خلقته ماحسيت الا راجدي صفر بي اذني

علاء: هوواي مستهتر لدرجه صاير السااانج بطوووولج يجي باجر ويصير خير

غسق: طلع وطبگ الباب حيل كعدت صافنه والله نجوم السما اقربلهم مو اني اكول هم مميتين عليه يخلوني عدهم جنت متاكده اكو وراهم شي وهسه ثبتلي اكيد الحقير لاعب براسهم
طلعت بره على طرف اصابيعي كلهم كاعدين بصاله رحت للمطبخ شفت علاء يخابر وكفت اجاني صوته

علاء: كتلك باجر جيب الشيخ وتوكل غصب عنها تقتنع ولا تنسى الفلووس تره محتاج واريد ارجع ماكدر ابقى اكثر

غسق: خليت ايدي بصدمه على حلگي اكيد مفتهمه السالفه غلط ممعقوله هيج يسوووي بيه شنو يعني منتضر الفلوس معقووله الديسوووي زيين ليييش هيج عفته ورجعت للغرفه الدنيا تفتر بيه السمعته صدك لو اني داتخيل بس اكيد مدياخذ فلرس لأن راح يجبرني ارجعله يمكن هو محتاج ودياخذ منه دين ايي غسق مو لهل دررجه هاي هذه عمج كرفصت على نفسي مثل الجنين وبقيت ابجي اشهگ بعلو صوتي علما تعبت ونمت بمكاني كعدت الصبح على صوتهم طلعت غسلت صارت بوجهي دينا

دينا:  والله عمي حظ الگح.... كاعد يفتر وراها وهي متريده فوگ نا مباوع لخلقتج

غسق: عفتها ورحت للمطبخ كاعدين يتريكون كعدت وياهم اكلت وكمت صاحني علاء

علاء: ساعه 4 يجي الشيخ حضري نفسج يعقد عليج وياخذج

غسق: ماحجيت رجعت للغرفه اكل بنفسي اني اعلمك حتى وجهك كرهته جنت متمنيه اشوفه علمود يبررلي الصاار وغيابه وسالفه الموووت بس متوقعت اشوفه بهلقباحه والنذاله للعصر اجه الشيخ حتى وجهي ماغسلته نزلت وياهم طبيعي وبداخلي اتحلفلهم حاقده عليهم من كل گلبي لو يموتون مايهمني اجه ارشد بكامل انأقته وكأنما زفته   وامه باستني وشفت الفرحه بعينها سألني الشيخ اخذت صفنه ورفضته وكلت بصوت عاالي والشهگه بصدري اني مجبووره ومرايده هلزووواج باوعت على ارشد وتكدر فلوسك ترجعها ويااك اني مو سلعه تشترون وتبيعون بيها بكيفكم
وخلي عندك شووويه كرامه وابتعد مني داريد اكمل كلامي انسحبت من شعر راسي رغم لابسه حجاب التفت شفت محمد النذل دفعته حيل وركضت لغرفتي وقفلت الباب  عاارات جسمي كله يرجف متاكده مراح يسكتولي كعدت وره الباب مرقصت على رجليه ممعقوله كميه الحقاره البيهم مداصدك ذولي الچلاب اخوه بابا ومنرنفس دمه سمعت صياح جوه سديت اذاناتي شويه وندگت الباب بقووه حسيتها راح تنكسر
اخذت الموبايل وايدي ترجف دورت رقم غسان ماكووو وحتى نسيته طار من راسي بقيترصافنه اريد اتذكره ماكووو دكيت على راسي ودموعي تنزل 
طلعت  رقم مهاب  دكيت عليه مرتين مجاوبني بثلاثه هم مجاوبني برابعه جاوبني بصوت ثكيل مهااب حجيتها بشهگه

مهاب: شبييج منو وياج

غسق: راح يكتلوني والله تعال اخذني طلعني منا الله عليك

مهاب: لا تخبليني منو ييكتتتتلج وين انتي

غسق: بيت عمي اذا متكدر تجي خابر غساان رقمه ماكو بجهاازي

مهاب: اهدي جايج انه بس انطيني العنوووان

غسق: يحجي واسمع طكطه مفاتيح يمه
انطيته العنوان وبقيت وره الباب عمامي يغلطون ويدفرون بلباااب صووتهم عالي وكل غلطه يغلطوها يخلوني اشيل روحي واركعها

مهاب: لا تفتحين الباب ابقي وياااي على الخط

غسق: راح يكسرون الباب

مهاب:  ماتنكسرر اهدييي لا تبجيين خليج وياي تدرين البارحه ردت اخابرج اشتاقيتلج

غسق: خليت ايدي على حلگي اكتم شهكتي

علاء: لج گلبه ساقطه تفتحين الباااااب احسلج لا اكسرها على راسج

محمد: كتلك عووفها هاااي عار ميصير براسها خير بس انت عاااندت هاااك استلم الوكاحه سوووالف االشوارع كلها دتطبقهن

مهاب: غسقي عمرري بالج وياالي عوفيهم يووولون لا تسمعين كلامهم احجيلي شنو الصار هليني افتهم قبل لا اوصل

غسق: يردون يرجعونيي لارشد احجي واشهك وسمعت علاء يتفق ويا على مبلغ علمود يرجعني اله يعني يبيعون بيه

مهاب: علاء عمج؟

غسق: مايشرفني هيج عم زباله احجي واشهك متاذيه من كل گلبي اندفرت الباب انفتحت وكع الموبايل من ايدي من شفت علاء ومحمد كبالي
تقرب مني محمد لزمني من راسي ويدك بي بلحايط سحبني علاء ضربني راجدي فر راسي

محمد:  انتي الي مااااتسوووين نعاااال تكسرررين كلمتنا وتفشلينا كدام الننااااس

غسق: هذه الكلام احجووو لنفسكم انييي ااا اني بنت اخوكم شلووون هيج تبيعوني علمود فلوووس

علاء: خررره زايد لا تااااكلين ترجعين اله غصب عنج فاهمه

غسق: لوووو تمووت انييي مو سلعه تحصل من ورااايه فلوووس روح بيع بنتك اهنا فقد مادري الضربه منين كامت تجيني علما وكعت من طولي بعد لا بيه احرك ايد ولا رجل شويه وسمعت صوت جوه كمت بلكوه لان اسمعهم يكولون غلطانين بلعنوان لا تبلونه بهلسوالف نزلت شفت شرطه وياهم مهاب بلعت ريكي التفتو عليه هم عافو الباب مفتحو مأمنين وحتى موبايلي اخذو مايدرون اني خابرت مهاب تقرب مني لزمني وهو فاتح عينه عليه

مهاب: هاااي شمسوووين
والله الا اشگگم بلسجووون سااااقطين

غسق: سندني راد يطلعني ومف عمي محمد كباله

محمد: على يااااا اساااس تاخذهااا منو انتتت

مهاب: خطيبهاااااا انه ومحمد اذا ماتوخر من وجهي اجنزك اهنا طايحين الحظ كدرتكم على مره هي نسووووان اتگبعووو وكعدو بلبيت اشرفلكم

غسق: سحبني كعدني بلسياره راح مادري شحجه وياهم ورجع ركب وهو يغلط يغرد غرد بلغلط اخذني بيت خاله ام مسره

مهاب: انجبييي انتييي لج برربوووك هيج زييين؟  تذبيني بلسجن وتجين عدهممم شوووفي حااالج

غسق: خليت راسي علجامه مابيه احجي وصلنا لبيتهم باوعتله وعيوني تحركني ماانزل ابيتكم لا تعبني وتعب نفسك

مهاب: مو بكيفج لا تعاندين تره واصله لخشمي

غسق: كتتتلك مانزل اهنا شووف حااالي بقى صافن بوجهي

مهاب: اذا ماكسرت ايدهم ماتسمى ولا انه الطالع من ضهر ابوي منا......

غسق: فر السياره وكف يم بيت ثاني باوعتله

مهاب: لااا تباااعين هييج فاارغ مابي احد
فتره علما تتحسنين

غسق: نزل وطبگ الباب اجه فتح بابي ساعدني انزل فتح باب البيت دخلنا مااريد اهنا اخذني بيت خاله

مهاب: خلخاله تخلخل اعظامج فوك ماهي متخلخله
بووزج سدي

غسق: كمت ابجي من كل گلبي احس صدري يتجرح ويا شهكتي كتلك مااريد ابقى اهنا اخذني يم خاله
ورث جكاره وكعد كبالي

مهاب: ارتاحي شوي واخذج شوفي حالج ليش هيج سووو شصاار

غسق: ارشد وعمي متفقين على مبلغ بينهم مقابل ارجعله واليوم اجه يعقد عليه لأن رفضته كدام الشيخ والشهود وفشلت عمي ضربوني

مهاب: بسيطه انه الهم واحد واحد اذا ماخليتهم يبوسون قنادر ماتسمى

غسق: ماريد منك شي
عوفهم لا ياذوك ولا تاذيهم

مهاب: انتي احساابج بعدين مناسي سوايتج
نتحاسب بس مو هسه ارتاحي شويه علما اجي

غسق:  انطاني كلاص ماي وحبايه مسكن وراح خفت انام اني صح خابرته بس بعدني ماثق بي خابرته لان هو الوحيد المتاكده يساعدني مسحت دوعي بقيت اباوع على البيت فارغ وكأنو مهجور بس بي كاونتر وتخم قنفات تمددت على القنفه وكرفصت على نفسي بقيت اباوع على الحيطان ماما محتاجتج فدوه لا تعوفيني مو اخذتو خليل يمكم اخذوني اني هم ليش عايفيني ليييش بقيت اهذري ويا نفسي مادري شكد مر وكت نفتحت الباب كمت بسرعه عدلت كعدتي شفت قميصه مشكوك وحاجبه بي دم يابس ابتسم
على نضرتي اله

مهاب:  دميتهم عينيي ست غسق انتي تشتكين عليه خاطفج وانه اروح اكتل الاذوج وداعتج اليوم بلمستشفى بردهه الكسور ثلاثتهم اخذت ثارج مربع

غسق: حجاها وغمزلي منو بردهه الكسور وليش هيج حالتك شصاير شسويت

مهاب:  ماسويت شي انطيتهم درس بس بل اخلاق وعلمتهم شلون يتعاملون ويا النساء الرقيقات الاحساسات البرابيك الطايح حظ حظنه من وراهن.

غسق: من يحجي ابن ابو اليسكته يبقى يغرد حتى لو احجي ميسمعني

مهاب: متاذيه اخذج للمستشفى

غسق: لا اخذني لبيت خاله ضرب الطبله بايده

مهاب: يا طلابه المتخلص كتلج ارتاحي شوي وبعدين اخذج لا تلحين اكثر

غسق: يدخن ويباوع عليه خليت عيني بعينه
ليش ساعدتني رغم السويته بيك

مهاب: لأن ادري بيج ثوله لوما ثوله مادكولين خاطفني والشرطه وعمامج اثول منج بس شنسوي بعد احنه ابلاد العجايب وين اكو واحد يخطف وحده ويجيبها بنص اهله عقل ماكو

غسق: وجهك دم

مهاب:  وجهي جايته الشهريه

غسق: فتحت عيني على وسعهم ودنجت راسي مخبل هذه سكتت بعد ماحجيت شي

مهاب:  جوعانه

غسق: هزيت راسي لا شسويت شنو الصاار وياك وليش كلت هم بلمستشفى رفع عيونه عليه

مهاب: دغدغتهم شويه بس هم مايتحملون خطيه لا دوخين نفسج بهلسوالف

غسق: كام راح للحمام شويه طلع نازع القميص وبايده حاولي وراسه ووجه مبلل
درت وجهي عنه دخل للغرفه طلع لابس تشيرت
تاخر الوكت اخذني

مهاب: كومي باجر اجيج نتفاهم

غسق: مجاوبته بس اريد اطلع لفيت حجابي عدل وكمت ويا

مهاب: كسر بايدهم فوك كسرها شمسووين بوجهج

غسق:  سكتت منه شويه واجه ابالي اسأله على ابو
ابوك ذاك اليوم ضاج مني والله اني مو قصدي هيج اسوي بس خفت تاذيني باوعلي صفح ورجع يسوق

مهاب: انتي غبيه اذا تتوقعين بيوم ائذيج كدرت ائذيج وانتي بمنطقه مهجوره مو اجيبج يم اهلي وائذيج

غسق: سكتنا ثنينه قريب مدنوصل

مهاب: ممنوع اطلعين الاحد بيهم اذا اجه تخاابريني وانه اتصرف

غسق: هزيت راسي اي

مهاب: امشي فوتي ولو ماعتقد يستقبلوج

غسق: انداريت عليه طابكه حواجبي ليش

مهاب: صار خلاف بيني وبينهم من جنتي بسليمانيه وتجاوزت بعد انتي وحظج

غسق: عفته ونزلت هو رجع ليوره بس بقى واكف طلعت مسره شافتني شهگت دخلنا جوه حضنتني وباستني

مسره: هااي شصاير بيح منو هيج مسوي بيج شصاير

غسق: على صوتها اجتي خاله هم شهكت

ام مسره: يا يمه ولج شنو هاي شصاير بيج بس لا هذه الخطفج طايح الحظ عرفت بي مستهتر شسوووالج احجي نشتكي عليه

غسق: حضنتها وهي تمسح على راسي لا خاله مو هو

ام مسره: منو ولج شوفي حالج

غسق: عمامي

ام مسره: عمه العماهم وكسر بايدهم الطايحين الحظ

غسق: دخلنا جوه اني اعتذر اجيت اهنا بس فتره ماعندي غيركم

ام مسره:  لا تحجين هيج ازعل منج والله

غسق: ابتسمت خجلانه منها

ام مسره: كومي غسلي وارتاحي بعدين نحجي

غسق: صعدت فوك غرفه صغيره بيها كنتور اشرتلي مسره

مسره: بيها ملابسج سبحي علما اسويلج لكمه

غسق: هزيت راسي راحت هي اخذت ملابس وطلعت شفت حمام گبالي دخلت اسبح واتذكر كلامهم ودموعي تنخبط ويا الماي خلصت طلعت شفت وجهي بلمرايه جوه عيني صاير ازرك وشفتي مشكوكه غمضت عيني وكعدت لو اهلي عايشين جان هذه حالي نفتحت الباب دخلت مسره بايدها صينيه اكل كعدت كبالي اكلنه سوه خلصنه دفعت الصينيه وتربعت كدامي

مسره: يلااا احجيلي شصاير وياج ووين اختفيتي كلشي من البدايه خرف ماتطفريين

غسق: ابتسمت على طريقه كلامها كعدت حجيتلها كلشي اني احجي وهيه تلطم على خدها

مسره: صخاام بعييينج اي والله هاااي شنننوو ومنو هذه وشيريد منج وعمج الجحش ليش هيج سوه بيج ميدري بسوايات هذه الناقص علمود يساومه بفلوس علمود ترجعيله

غسق: هو هذه المصفني عمو علاء مجان هيج حنين ويحبني ويعزني وميقبل احد يتجاوز عليه بگلمه بس هسه مادري ليش هيج سوه بيه وشنو غايته بس اني كرهتهم مسره مكاعد اطيقهم بودي اشرب من دمهم واحد واحد تقربت حضنتني

مسره: الله ياخذ حوبتج منهم لا رقهرين نفسج بس اني ثاولني هذه المهاب المهبهب منين طلعلنا والحلو حامي وكأنو تعرفي من اسنين

غسق: اني هم خايفه منه بس أمانه الله هو هواي ساعدني باوعتلي صفح

مسره: ارشد هم ساعدج تالي طيح حضج مگلوبي

غسق: سمعنا دگه الباب قويه طفرت مسره

مسره: ابدد لا طلعين

عسق: عافتني ونزلت قفلت الباب وبقيت اتحرمص بمكاني خايفه لا هم يجون يسحلوني

يتبع<>
للكاتبه ود الباشا

"تقريباً لأنك لم تتخابث يومًا لم تنجح علاقاتك كثيرًا، ولأنك أنقى مما ينبغي تُقتل في أضعف ركن بقلبك، ولأنك تمنح جدًا وتغفر دومًا يُستهان بطهرك."