رواية شوگ و ورد الفصل الثالث والأربعون 43 - بقلم wad. al.Basha

للكاتبه: ود الباشا

بيه حسره شاعر اخرس
يكتب لغيره ويسمعه
وتعله بالجمهور صفكه
قيس انت شلون حركه
يهني واحد اخذ حكه !

غسق: بقيت اتحرمص بمكاني خايفه لا هم يجون يسحلوني شوي واجتي مسره مبتسمه وكفت مقابيلها
منو عمامي موو؟

مسره: لا غسان امشي ننزل يريد يحاجيج لج عيني يكول حتى ارشد بلمستشفى والضاربه مجهول هويه

غسق: خليت ايدي على حلگي صدك تحجين

مسره: والنبي دمشيي بالله شيريد منج كوزي العزيز

غسق: نزلت وياها طابگ الحواجب ويهز برجله كلت الله اليستر

غسان: عاش من شافج

غسق: بقيت ساكته اباوع عليه

غسان: شنو هلمهزله غسسق اطلعين لشمال ويا واحد متعرفي ولا تعرفين غايته شنو
وترجعين تشتكين عليه وتذبي بلسجن
وهسه عمامج ثنينهم وياهم ارشد متكسرين وكاعدين شديصيررر فهميني

غسق: هم الاذووني وضربوني

غسان: وهم منو الضربهم؟ ممكن تفهميني
تره ارشد متحلف وهذاك متحلف

غسق: مادري اني معلي بيهم كل الاريده ابتعد وارتاح ماااريد اشوف احد بيهم هز راسه

غسان: انه ماعتقد راح تعدي على خير احجيلي على هذه الاسمه مهاب شيريد منج؟ وليش هيج لازگ
وشعندج رحتي ويا كل هلمده وليش اخذج لبيت اهله

غسق: ليش اخذني مادري وليش لازك هم مادري اخذني لبيت اهله لأن راد نتزوج واني مجنت رايده هلشي لهل سبب اشتكيت عليه علمود اخلص نفسي
ومارتبط بي طبك حواجبه

غسان: اي وبعدين رجعتي اتصلتي بي ينقذج تلعبين انتي ؟

غسق: سكتت مجاوبته

غسان: احجيي ليش ساكته

غسق: مجان عندي غير حل بقى ساكت

مسره: مصار شي هسه واذا خابرته المهم هي سالمه لو باقيه عدهم يوم ثاني جان كتلوها الميخافون الله

غسان: خير ان شالله تحتاجين اخذج للمستشفى

غسق: لا ماكو داعي ترخص وطلع

مسره: مقهور عليج بس مشاعر رجلي معوقه ميعرف شلون يعبر

غسق: مسره صح كلامه اني غلطت بهواي امور

مسره: صارت وراحت لا تفكرين بعد

غسق: كمت صعدت للغرفه يومين اني مرتاحه وحتى غسان بعد ماسألني على شي اليوم اجه عصبي

غسان: غسق تعاي كعدي احاجيج

غسق: رحت كعدت كدامه اباوعله منتضره اعرف شبي وشيريد

غسان: اليوم اجووي عمامج وحجو ويايه بسلووب وصخ يردون ترجعين وياهم

غسق: بلعت ريگي خايفه حجت مسره نقذتني بوكتها لأن ردت احجي بس صوتي ماطلع

مسره: وانت شكتلهم

غسان: شكللهم يعني ماعندي حجايه عليها هم عمامها والهم الحق يحجون

غسق: بس اني ماريد ارجع يمهم غسان هم يردون يبيعوني لارشد وانت اكثر واحد تعرف شنو الصار بيني وبين ارشد

غسان: حجيت وياهم بهلموضوع وكالو مالك حق تتدخل احنا عمامها ونعرف مصلحتها

غسق: شوكت يجون

غسان: والله لو بايدي اخليج بعيني بس مابيدي شي

غسق: مسحت دموعي ماتقصر اعرف بيك

غسان: باجر الصبح يجون

غسق: كمت صعدت فوك مخنوگه اذا اطلع منا هسه يلزمون بركبه غسان وتصيرله مشكله بسببي
نفتحت الباب دخلت مسره

مسره: خليها على ربج بلكت يسطرهم وتخلصين منهم هلزبايل ذول

غسق: تعبت منهم مديرحمون بحالي

مسره: ليش متخابرين مهاب

غسق: تورط بيه الرجال اخابره اكله انقذني من عمامي يجون ياخذوني لازم اكعد اشكي العمامي منه

مسره: غسق صيري ذكيه اذا ترجعين لعمامج مثل الچلب يرجعوج الارشد

غسق: ارشد شيرريد مني مو هو طلكني مو هو الحرمني من ابني وشمرني مثل الجلبه ليش هيج يسوي وياي

مسره: خاابري خلي يشوف حل واذا اضطريتي اتزوجي تره مبين شاريج

غسق: باوعتلها صفح شلوون عرفتي بالله شاريني ارشد هم جان شاريني ووهمني بكلامه المعسول طيرني فوك السما تاالي شنوو الصاار هذه حاالي بسببه

مسره: فكري زين واخذي قرارج بعقل
لا تتسرعين وشوفي شنو اليريحج

غسق: بقيت صافنه مااخلص منهم اني وين ماروح لازم يطلعون بوجهي اخذت الموبايل بقيت افكر بكلام مسره طلعت رقمه بقيت اباوع اتصل لو لا متردده شي بداخلي يكول اخلصي منهم كلهم ووافقي عليه وشي ثاني يكلي انتي شتعرفين عنه اخاف يطلع مثل ارشد وحقارته بنص تفكيري فززني صوت الموبايل باوعت ابتسمت مهاب فتحت الخط

مهاب: هلا عيني مشتاقين مادكولين اكو كو.... يشتاق الصوتي اخابره انطي جرعه امل بهلصوت

غسق: اي مو اني ام كلثوم

مهاب: منو هاي ام ثوم ادور بابا انتي غسووق حرمه مهاب والج الفخر ورفعه راس

غسق: لا بالله

مهاب: لج بربوك احجي عدل

غسق: شتريد

مهاب: اموت على اليبيع ثكل عليه اذا ماخليتج اتزحفيلي واصدج ماتسمى

غسق: مهاب شتريد تره والله مالي خلك

مهاب: شبيج شكد وجه بومه شايفج وشايفتني تبجين وتنوحين بوجه الله شحبيت منج مادري گلبي هم عار مايعرف يختار

غسق: اكوول مخابرني تغلط عليه

مهاب: احجي عدل لج

غسق: مجاوبته جر نفس مبين ديدخن

مهاب: راح يجون عمامج رجعي وياهم

غسق: وويين ارجع وانت شعليك دكلي رجعي

مهاب: صوووتج لا تعليييي احترررمي

غسق: اني محترمه بس بأي حق دگلي رجعي

مهاب: ترجعين اليوم وباجر اجي انه والاهل اخطبج

غسق: شنو تخطبني. ومنوو كال اني اقبل شنوو انتو تحجون وتفصلون وتخيطون من كيفكم

مهاب: غسق تره روحي طافره ومنعول والديه نعل
ترجعين اليوم وباجر نجي نخطب غير هلكلام ماعنديي

غسق: زيين لييش هيج تسووون شتردون مني اليوم عمي جاي يكول ارجع الارشد وانت مخابر تجي تخطبني نايمه على گلبكم ومادري

مهاب: عوفج من هلكلام انه قنعتهم وباجر نجي نخطب
حضري روحج

غسق: شلوون قنعتهم؟

مهاب: لعبتيي بابا هيج نمااذج انه العب عليهم

غسق: اني ماريد اتزوج

مهاب: يااا طيحاان حضييي بهلساالفه
يااابه ويين لاكيتلج واحد مثلي حلم جنتي تحلمين بيه وهسه صرت حقيقه

غسق: مهاب عوف الشقه على صفحه داحجي صدك مو وكت شقه

مهاب: عاجبج اليردون يسوو عمامج المطايه؟

غسق: لاا تغلط شبيك ماتعرف تحجي بدون غلط

مهاب: لج بربوك طيحتي حضي ركضتيني ركضه خيل الحمزه وراج وجايه تحجين بكل برود اعصاااب

غسق: ومنو كايلك تركض ورايه

مهاب: انعل عشيرتج المنعولين شترددديين انتي

غسق: لا تصيح

مهاب: فكرري ساعه واخااابرج

غسق: حجاها بعصبيه وكطعه بوجهي كعدت صافنه اجتي مسره حجيتلها كلشي

مسره: اقبلي بي غسق مبين يحبج بس تعاي كليلي شلون قنع عمامج وارشد راشيهم بفلوس

غسق: مادري سألته مجاوبني

مسره: مو سهل هذه المهم وافقي واخلصي منهم كلهم

غسق: مسره ماعرف عنه شي اخلص من ضيم عمامي ادخل لضيم مجهول ماعرف عنه شي

مسره: تفائلي شويه ليش هيج متشائمه

غسق: ابتسمت صرتي مثله يكلي وجه البومه من شايفج لليوم بس تنوحين

مسره: والله حقه اتوكلي وخليها على الله بلكت يعوضج على كل الاعب الشفتي

غسق: صفنت بوجه خايفه من هلقرار يمكن اي احد يسمعني ميحس بيه وبشعوري بس تجربتي الفاشله ويا ارشد سببتلي عقده نفسيه سببتلي خوف وقلق من هيج تجارب

مسره: اعوفج وفكري زين مخمخيها على كوله اهلنه

غسق: هزيت راسي طلعت بقيت افكر اجيب واودي اهله امه ابو شلون راح يتقبلون اني منفصله وهو بعده مامتزوج معقوله يتقبلوني بدون قال وقيل
دگ جهازي رقمه جاوبته

مهاب: ها عيني ست الحسن بشرري مو اكو واحد اشتعل والد والديه

غسق: اهلك شلون راح يوافقون

مهاب: انعل ابليسج ليش انتي متزوجتني لو مزوجه اهلي

غسق: اني منفصله بعدني ممكلمه زمخ بيه

مهاب: افتهمناااا كاافي تعيدين وتصقلين بيها اجيبيلج سماعات؟

غسق: انت ليش ماتفكر لبعيد يجي يوم انت بنفسك هم تعيرني

مهاب: الحجي ويااج ضايع كلش شقررتي فضيني

غسق: لا تحجي وياي بهلطريقه

مهاب: عيني ست غسق فدوه لكلبج اروح بلكت تغردين شقررتي لأن اشتعلوو كل اهلي من وراج

غسق: بدايه كلامه قلد صوتي بعدين نتر بيه
اهلك يعرفون كل ضروفي صح

مهاب: اللهم صبرج ياروح اي يعرفون
بعدد غيرره؟

غسق: اني ماعرف عنك شي شلون اعيش ويا واحد اعرف بس اسمه

مهاب: اذا انتي ثوله اني شعليه شبيدي عليج

غسق: ليييش تغلط اسلوووبك محلو تره

مهاب: اووي عيني تدلليين عودد افكر اغيرلج اسلوبي
صارلج شكد اطلعين واطبين وتصخمين وياي ليهسه ماعرفتيني

غسق: قصدي ماعرف شي عنك ممسولفين علئ شي يخصك

مهاب: سهله عود نسولف عمامج بطريق رجعي وياهم واذاا سمعوج كلمه وحده خابرينيي علموو اطلع حرگه گلبي من وراج بيهم

غسق: شلون قنعتهم اكدر اعرف

مهاب: قنعتهم وخلاص مو لازم تعرفين روحي حضري روحج

غسق: ختمته ويا نزلت جوه حجيت لخاله ومسره خاله بقت تباوع عليه بدون ماتحجي

مسره: عين العقل والله مادري ليش احس هو راح يسعدج

غسق: هزيت راسي التفت على خاله
ليش ساكته خاله انصحيني دليني فدوه تره اني تايهه والله مادري شسوي وشتصرف

ام مسره: والله يا امي مادري انه هم ضليت حايره وياج كلت على ارشد زين وراح يسعدج تالي حطمج وخله دمعتج بعينج ومنا عمامج المايرحمون لو ما همه جان بقيتي عندي وانعل ابو الرجال وضيمه

غسق: تقربت منها حضنتها وحضنتتي

مسره: يبووو نزلتوو دموعي من وره ادرمتكم يمه والله خوش واحد ومتمسك بيها ورايدها رغم يعرف بعمامها وحقارتهم

ام مسره: الله يسعدها ويطلع زلمه حوك ويقدرج ويصونج

غسق: بستها على دعائها بقينا نسولف علما اندكت الباب راحت خاله فتحتها اجتي

ام مسره: عمامج بلباب منتضريج

غسق: هزيت راسي وكمت حضرت نفسي ودعتهم حضنت خاله بستها وطلعت اول مشافوني خزروني ثنينهم تقرب محمد يضربني لزمه علاء
عفتهم وركبت السياره بكل ثقه

علاء: خووش لاكيتلج واحد كو.... يهدد

محمد: من جنا نحجي ماتصدكنا هسه شفت بعينك

علاء: اليشوف مو مثل اليسمع

غسق: عايفتهم ولا مهتمتلهم لأن اذووني كلش هواي واذا اكعد اسمع لكلامهم راح اتاذه اكثر
انتبهت مو نفس طريق بيتهم وين ماخذيني ضحك علاء بصوت

علاء: بس لا عبالج بتهديده الميوكل خبزز اسلمج اله لج باااابا هذه اليهوبز وماخذنا بصياحه وضربه تره ميهمنا

غسق: انتبهت على وجهم اكو اثار كدمات يعني شنو وين ماخذيني

علاء: ارشد منتضرج يعقد عليج وترحين ويا صوت مااسمعلج

غسق: بلعت ريگي بخوف اني عرفت مايعدوها على خير ولا هي بهلسهوله الحجه عنها مهاب اخذت جهازي كتبتله رساله بدون ماينتبهون
[غيرو الطريق ودياخذوني لارشد حلها ماريده اني ]
دزيتها وبسرعه حولت الجهاز صامت
شويه ودزلي

مهاب: [ ادري بيهم سايريهم انه وراج لا تخافين ]

غسق: خليت الموبايل بجيبي وبقيت شابكه ايد بايد اطكطك بصابيعي من الخوف ماكوو هيج اهل يا الله دخيلك شويه وكفو السياره يم بيت ارشد القديم الجنت كاعده بي نزلو باوعت يمنئ ويسرى مهاب ماكو ولا سيارته موجوده اكيد عافني وراح وينن جايبيني

علاء: كتلج صووت ماسمعلج

غسق: انت مررريض شنو هالتناقض البيك شغيررك عليه

علاء: صووتج منا الناس

غسق: خليهم يشووفون نذاله عمامي نفتحت الباب طلع ارشد مبتسم وايده بركبته بقيت صافنه معقوله مهاب هيج مسوي بي
اني مستحيل اقببل بهلمهزله خليها اباااالك

ارشد: فوتوو جوه نحجي

غسق: ماعدنا حجي نحجي انت ماعندك كرااامه ياا اخي ماريدك اني شكوو لزگت حس على روحك دفعني محمد جوه راد يضربني لزم ايده ارشد داريد احجي باوعت الباب بعدها مفتوحه دخل مهاب

ارشد: شكووو جاي انت

مهاب: جيت اسلم عليك واسأل على احوالك زحمه مااسأل عليك ولا ازورك وانت بهل حال
شلونكم عيني

علاء: انفگست عينك ان شالله شكو جاااي

مهاب: تنفگس عين عدواني ان شالله كولو امين كتلكم اشتاقيتلكم واجيت اطمئن عليكم اخاف محتاجين شي

ارشد: تره هواي تماديت انت مااشتكيت عليك لخاطر صاحبك اجه واعتذر بمكانك تره هلمره محد يوكف بوجهي اخيسك. بلسجون

غسق: ارشد حجه هيج ومهاب عفطله بقيت صافنه عليهم هذذول اني شجابني يمهم شجابني لكاعهم

مهاب: شووفني عرض جتافك وخليني اشوف شلوون واحد مثلك يخيسني بلسجون لك ساق..... صاير سبع براسي بلقران اشكك واخليهن يمثلون بيك كتتتلك ابتعد عنها والشارع الهيه تمشي بي انت تغير دربك منه تجي تريد تعقد عليها وهاي الكلاوات ماتمشي عليه
وانتوو احسكم صايرين جلابه والله خوش عمام ينرفع بيهم الط.... لو انتو عمامي الله لا يكولها جان. سويتلكم شلون جدر دولمه وترسته الكم حلاوه فاار واخليتهم تتناطحون للصبح بس هاي فاهيه مابيها خير
هسه من رخصتكم عيني الشيخ منتضرني وهاا اذا حجيتو حجايه وحده وفتحتو حلگم تعرفون بشنو اسده الكم ميحتاج احجي

غسق: تقرب لزم ايدي وسحبني دفعه محمد من وره ورجعني لمكاني وهذه الخبل انگلب عليهم طبگ علاء هم ويا وارشد منتجي على الحايط يباوع صارت عيني بعينه هز راسه وكأنو واحد متأسف
التفت شفته نايم على محمد ويضرب بي سحبته عووووفه شدتسووي كام تفل عليه ولزم ايدي اشر لارشد

مهاب: وجهك بعد ماريد اشوفه ومحمد اسود عيشتك واخليك تكعد بتقاطع تجدي خليني محترمك لخاطر شيبات اهلك

غسق: ارشد ماحجه استغربت حتى محاول يدفعه من ضربهم وشلون يوكف هيج يهدده وارشد ساكت شلون هيج يحجي وياهم وهم ماشتكو عليه

مهاب: وين صافنه

غسق: شلوت ساكتيلك شلون مايشتكون عليك باوعلي صفح

مهاب: اي علمود اطلع خياسهم كله خليني ساكت راح اخذج لبيت اختي علما ادبر السالفه واشوف شلون احلها علمود باجر الخطبه اتم ولازم نروح نخطبج من عمامج وهذه الاسبوع العرس خليها ابالج لو بيدي اعقد عليج واخذج بس مايصير

غسق: اخذني لبيت خاله استحي اروح لبيت اختك

مهاب: اتعودي عليها ماكو داعي تستحين منهم

غسق: مو بحال اكعد اتجادل ويا بالي كله يمهم واريد اعرف ليش ساكتيله بقيت اتحرمص وهو ساكت مايحجي
وصلنا لبيت نزل نزلت وراء ووكف يمي

مهاب: ندخل

غسق: ماكو داعي جايبني اهنا

مهاب: دمشي يابويه سويتيها قصه

غسق: دك الباب فتحته طفله شالها باسها

مهاب: وين ماما

غسق: اشرت بمعنى جوه دخلنا تلكتنا وجهه بشوش. اجتي على مهاب حضنته بقت تبوس بي ويبوس بيها حسستني جاي من مكه

مهاب: شلونج

صرت زينه بشوفتك حبيبي

مهاب: غسق سولفتلج عليها
وهاي اخني ميسم

غسق: ابتسم وتقربت باستني واكلتني بسلام كعدنا جابت ضيافه

ميسم: هي نفسها الراحت خطبتها ماما

مهاب: اي

ميسم: والله يخوي وطلع عندك ذوق شهلجمال

مهاب: اي والله جمال وحلا يرفع السكر

غسق: ابتسمت متشكره منها بقيت كاعده على اعصابي مو من البنيه انمأ ممرتاحه بفكري اكو هواي اسأله شاغله بالي واريد احد يجاوبني عنها رفعت راسي باوعت ارشد اشرلي بمعنى شبيج
همستله مابيه

مهاب: تنامين شويه

غسق: منرجع

مهاب: شلووون تخليني اقسم وين نرجع ارتاحي شويه انه طالعه بشغله ماتاخر

غسق: لا حباب وين عايفنيي اجي وياك

مهاب: تره معايفج بلشااارع بيتت اخختي

غسق: ميخالف اجي وياك ابقى بسياره علما تخلص شغلك

مهاب: غسق ولي من وجهي ميسسسم

غسق: سكتت بعد ماحجيت صاح على اخته خطيه اجتي تركض

مهاب: بعد اخوج خليها تنام شويه ترتاح رايح بشغله ماطول علمود ارجعها لهلها

ميسم: من عيوني اخذ راحتك ولا يضل بالك

غسق: غمزلي وراح كلش خجلت منها بس هي بشوشه كعدت كبالي

ميسم: نعسانه لوديغصبج على النوم

غسق: حجتها وضحكت ابتسمت على ضحكتها لا منعسانه

ميسم: كومي نسوي عشا علما يرجع

غسق: كمت وياها للمطبخ عدها اثنين اطفال ولد وبنيه كلش هادئين الله يحفظهم الج هادئين

ميسم: اي صح كلها هيج دكول بس والله تعب ومسئوليه طايح حظ حضي

غسق: زوجج وين ميساعدج

ميسم: لا خيه وين يساعد حاير بنفسه وطلعاته وونساته يحير بيه لو ببجهاله

غسق: ليش ساكته

ميسم: شسوي؟ زعلت مفاد اشتكيت عند اهلي كعدو وحجو ويا هم مفاد تالي اهلي كالو اذا معاجبج اطلگي اني ماكدر ابهذل جهالي اهنا بيتهم وهم متعودين اذا اتطلك يعني اشتتهم بيناتنه واكيد بعد كم شهر يكلولي تعاي تزوجي واذا اتزوج ياخذهم ابوهم مني هيج يضيعون مني مااتحمل

غسق: الله يفرجعها عنج ويلين گلبه عليج

ميسم: الله يسمع منج صدك تعاي انتي شجابج على مهاب مبينه هادئه مو مثل مهاب هوسه وخبصه

غسق: ابتسمت على وصفها

ميسم: قابل ترديني اجذب اخوي من يحجي عبالك ديتعارك والله لا يراويلجيا من يتعارك يخبط الاخضر واليابس والعدلين والميتين سوه يغررد

غسق: والله مادري بس هي يمكن قسمه تريد تصير

ميسم: كلش فرحانه ربي يسعدكم ويتمملكم على خير

غسق: حبيبتي تسلمين بقينا ننتضر ماكو كعدنا تعشينا تالي اللليل اتصل عليه جاوبته

مهاب: غسق ماكدر اجي باجر الصبح اجي اخذج طلعتلي شغله صفح

غسق: عيب من رجلها شكو جبتني اهنا

مهاب: اصخامها مسافر مو بلبيت باجر الصبح اجي اخذج

غسق: حجاها وكطعه استغفرت ربي اجتي ميسم مسويه جاي وكعك كعدت كبالي

ميسم: بيج شي ليش ضايجه؟

غسق: لا بس متوتره شويه

ميسم: حقج شوفي احجيلج اهلي كلبهم طيب والله مو لأن بنتهم هيج اكول خاصه بابا ابد مييرضى بلباطل وعمتي هم نفس بابا بس عندج ماما شوي تحب اتسيطر وتحب كلمتها التمشي يعني لو تسايريها الامور تمام
ومهاب ماتعرفين مزاجه انه العايشه ويا سنين ليهسه ممفتهمته يوم تشوفي يضحك ويوم لا تتقربين منه اصلاً لأن تحسي لغم على ساعه ينفجر عليج

غسق: بقت تحجيلي علي اهلها ومهاب واني اسمعلها لأن كلش حابه اسمع واعرف عنهم اكثر
مهاب شعجب للييهسه مامرتبط ولا متزوج قصدي شنو السبب بقت تباوعلي عدلت كعدتها برتباك ويمكن هي طبيعيه بس اني دافسر حركاتها غلط مادري

ميسم: ماعرف هو محاجيلج بخصوص هلموضوع

غسق: لا مصار فرصه

ميسم: الايام هواي ان شالله تتعرفون اكثر

غسق:ان شالله انطتني غرفتها انام بيها ماقبلت افرشيلي يم الجهال اريحلي

ميسم: ازعل عليج والله

غسق: والله اريحلي هزت راسها وراحت جابت افراش فرشته وحاولت انام مكدرت باوعت جهالها نايمين مثل الملائكه لهنا وغفيت كعدت على صوت التلفزيون كمت رتبت الفراش طلعت غسلت وجهي صبحت عليها ردت عليه مهاب ما اجه

ميسم: كال ساعه واجي اليوم خطوبتج محضره لو نحضر انه وياج

غسق: مامحضره شي

ميسم شلون غير سوالف الخطوبه

غسق: ماكو داعي

ميسم: شلون يا عيني عدنا ناس تحجي والله وتاكل براسنه

غسق: اخذت موبايلها خابرت مهاب حجت ويا بخصوص الخطوبه
ختمت ويا

ميسم: كومي عيني اخذج للسوك ومناك لصالون

غسق: ميسم لا تعبين نفسج والله ماكو داعي

ميسم: يبووو اكللها عدنا عالم تاكل وجهنا دكلي ماكو داعي

غسق: كمت وياها خلت جهالها يم جارتها وطلعنا للسوك اخذتلي قفطان مغربي ويا الاكسسورات ومناك طلعنا للصالون حفافه على تنضيف ومكياج للعصر يلا خلصنا باوعتلي وابتسمت

ميسم: صاروخ

غسق: تعبتج وياي

ميسم: تعبج راحه والله حبيتج فدوه لله

غسق: اجه مهاب طلعنا ركبت السياره هو كل شويه يباوعلي ويرجع يسوق

مهاب: لج خيتي وين جبار العفته ييمج البارحه

ميسم: بقى بصالون ههههههههه عود من تغسل وجها يطلعلك لا تخاف ولو هي امانه الله بدون مكياج هم حلوه

غسق: هم يحجون واني ساكته وصلنا لبيت عمي
نزلت ميسم ساعدتني دخلت للصاله شفت هواي نسوان وميسم تفتر وتبوس بيهم واني وراها بست امه وهي تحاجيني من وره خشمها عذزتها ورحت كعدت اجتي مرت عمي تشمر حجي ومن صفحه بنتها تمنيت تخلص هلحفله واخلص وياها اجه الشيخ كامت ام مهاب وكفت يمي

ام مهاب: لا عبالج لفيتي عليه اخليج هيج ازوجه ازوجه الثانيه اي لعد شلون يبقى عليج قابل

ميسم: يييمه مو وكتها

ام مهاب: لا وكتها وحده مطلكه شكو لفت عليه هيج فوكاها بييت عمها نفسهم يحجون عليها شلون قسمه سوووده مصخمه

غسق: اني مجبرته على شي هو راد وهو جبرني

ام مهاب: من سحورتج

غسق: ليش محجيتي ويا وكتيله على هلحجي ليش دكليليا الي اني شكو؟

ام مهاب: لا عبالج ماحجيت حجيت علما طلع لساني شعر بس مايفيد البراسه يسوي

غسق: صاحو اجه الشيخ لبست وكمت ميسم حاولت تسكت امها بس ماكو هي انطلقت

ميسم: غسق فدوه لا تهتمين هي ماما هيج انه حجيتلج عنها

غسق: هي تحجي واني صافنه كعدت وره الباب وبده الشيخ يسأل اقبل امه متاكده تسود عيشتي ارفض عمامي يسووني لحم مثروم بقيت حايره وافكر بحل اجاني صوت ميسم وهي دكول الشيخ يسألج جاوبي

يتبع<>
ود الباشا

لگينه الدنيا ما تنحب
‏حزن ودروب ما تنطب
‏درب مكتوب بي نبچي
‏ودرب مكتوب بي نتعب